ജീവൻ—വില​യേ​റിയ ഒരു സമ്മാനം!

ജീവൻ! എത്ര വില​യേ​റിയ ഒരു സമ്മാനം! ജീവിതം ആസ്വദി​ക്കാ​നും എത്രയോ രസകര​മായ കാര്യങ്ങൾ ചെയ്യാ​നും നമുക്കു കഴിയു​ന്നു. പ്രശ്‌ന​ങ്ങ​ളു​ണ്ടെ​ങ്കി​ലും ജീവി​ത​ത്തിൽ കുറ​ച്ചൊ​ക്കെ സന്തോഷം നമ്മൾ ആസ്വദി​ക്കാ​റുണ്ട്‌. ജീവൻ എന്ന സമ്മാന​ത്തി​നു നമുക്ക്‌ എങ്ങനെ നന്ദി കാണി​ക്കാം? നമ്മൾ നന്ദി കാണി​ക്കേ​ണ്ട​തി​ന്റെ ഏറ്റവും പ്രധാ​ന​പ്പെട്ട കാരണം എന്താണ്‌?

1. ജീവൻ എന്ന സമ്മാന​ത്തി​നു നമ്മൾ നന്ദി കാണി​ക്കേ​ണ്ടത്‌ എന്തു​കൊണ്ട്‌?

നമ്മളെ സ്‌നേ​ഹി​ക്കുന്ന നമ്മുടെ പിതാ​വായ യഹോവ തന്നിരി​ക്കുന്ന ഒരു സമ്മാന​മാണ്‌ ജീവൻ. “ജീവന്റെ ഉറവ്‌ അങ്ങാണ​ല്ലോ” എന്നാണ്‌ യഹോ​വ​യെ​ക്കു​റിച്ച്‌ ബൈബിൾ പറയു​ന്നത്‌. (സങ്കീർത്തനം 36:9) “ദൈവ​മാണ്‌ എല്ലാവർക്കും ജീവനും ശ്വാസ​വും മറ്റു സകലവും നൽകു​ന്നത്‌.” (പ്രവൃ​ത്തി​കൾ 17:25, 28) ജീവ​നോ​ടി​രി​ക്കാൻ ആവശ്യ​മാ​യ​തെ​ല്ലാം യഹോവ നമുക്കു തരുന്നു. വെറുതെ എങ്ങനെ​യെ​ങ്കി​ലും ജീവി​ക്കുക എന്ന ഉദ്ദേശ്യ​ത്തി​ലല്ല ദൈവം നമ്മളെ സൃഷ്ടി​ച്ചി​രി​ക്കു​ന്നത്‌. മറിച്ച്‌, ജീവി​ത​ത്തി​ന്റെ ഓരോ നിമി​ഷ​വും ആസ്വദി​ക്കുക എന്ന ഉദ്ദേശ്യ​ത്തി​ലാണ്‌.—പ്രവൃ​ത്തി​കൾ 14:17 വായി​ക്കുക.

2. ജീവൻ തന്നതിനു നമുക്ക്‌ യഹോ​വ​യോട്‌ എങ്ങനെ നന്ദി കാണി​ക്കാൻ കഴിയും?

നമ്മൾ അമ്മയുടെ ഗർഭപാ​ത്ര​ത്തിൽ ഉണ്ടായ നിമി​ഷം​മു​തൽ യഹോ​വ​യ്‌ക്കു നമ്മുടെ കാര്യ​ത്തിൽ താത്‌പ​ര്യ​മുണ്ട്‌. ദൈവ​ദാ​സ​നായ ദാവീദ്‌ ദൈവ​ത്തോട്‌ ഇങ്ങനെ പറഞ്ഞു: “ഞാൻ വെറു​മൊ​രു ഭ്രൂണ​മാ​യി​രു​ന്ന​പ്പോൾ അങ്ങയുടെ കണ്ണുകൾ എന്നെ കണ്ടു.” (സങ്കീർത്തനം 139:16) യഹോവ നിങ്ങളു​ടെ ജീവനെ വളരെ വില​യേ​റി​യ​താ​യി കാണുന്നു. (മത്തായി 10:29-31 വായി​ക്കുക.) ഒരാൾ മറ്റൊ​രാ​ളു​ടെ ജീവൻ ഇല്ലാതാ​ക്കാ​നോ അല്ലെങ്കിൽ സ്വന്തം ജീവിതം അവസാ​നി​പ്പി​ക്കാ​നോ തീരു​മാ​നി​ക്കു​ന്നെ​ങ്കിൽ ദൈവ​ത്തി​നു വല്ലാത്ത വിഷമം തോന്നും.a (പുറപ്പാട്‌ 20:13) നമ്മുടെ ജീവനോ മറ്റുള്ള​വ​രു​ടെ ജീവനോ യാതൊ​രു വിലയും കല്‌പി​ക്കാത്ത വിധത്തിൽ നമ്മൾ അശ്രദ്ധ​മാ​യി പ്രവർത്തി​ക്കു​ന്നതു കാണു​മ്പോൾ അതും യഹോ​വയെ വിഷമി​പ്പി​ക്കു​ന്നു. എന്നാൽ നമ്മു​ടെ​യും മറ്റുള്ള​വ​രു​ടെ​യും ജീവനെ വളരെ വിലയു​ള്ള​താ​യി കണ്ട്‌ പ്രവർത്തി​ക്കു​മ്പോൾ യഹോവ തന്ന ജീവ​നോട്‌ നമ്മൾ ശരിക്കും നന്ദി കാണി​ക്കു​ക​യാണ്‌.

ആഴത്തിൽ പഠിക്കാൻ

3. നിങ്ങളു​ടെ ആരോ​ഗ്യം സംരക്ഷി​ക്കു​ക

ക്രിസ്‌ത്യാ​നി​കൾ ജീവിതം മുഴു​വ​നും യഹോ​വ​യ്‌ക്കു സമർപ്പി​ച്ചി​രി​ക്കു​ന്ന​തു​കൊണ്ട്‌ ജീവി​ത​ത്തി​ന്റെ എല്ലാ വശങ്ങളി​ലും യഹോ​വ​യ്‌ക്ക്‌ ഇഷ്ടമു​ള്ളത്‌ ചെയ്യും. എന്നു​വെ​ച്ചാൽ അവർ അവരുടെ ‘ശരീരം ഒരു ബലിയാ​യി ദൈവ​ത്തി​നു’ നൽകി​യി​രി​ക്കു​ക​യാണ്‌. റോമർ 12:1, 2 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• നമ്മുടെ ആരോ​ഗ്യം സംരക്ഷി​ക്കേ​ണ്ട​തി​ന്റെ പ്രധാന കാരണം എന്താണ്‌?

• ആരോ​ഗ്യം സംരക്ഷി​ക്കാൻ നിങ്ങൾക്ക്‌ എന്തൊക്കെ ചെയ്യാം?

4. അപകട​മോ മരണമോ സംഭവി​ക്കാ​തി​രി​ക്കാൻ വേണ്ട മുൻക​രു​ത​ലു​കൾ എടുക്കുക

അപകടം വരുത്തി​വെ​ച്ചേ​ക്കാ​വുന്ന കാര്യങ്ങൾ ചെയ്യു​ന്നത്‌ ഒഴിവാ​ക്കാൻ ബൈബിൾ പറയുന്നു. കാര്യങ്ങൾ സുരക്ഷി​ത​മാ​യി എങ്ങനെ ചെയ്യാൻ കഴിയു​മെന്നു മനസ്സി​ലാ​ക്കാൻ വീഡി​യോ കാണുക.

വീഡി​യോ: സുരക്ഷ മറക്കരുത്‌ (8:34)

സുഭാ​ഷി​തങ്ങൾ 22:3 വായി​ക്കുക. താഴെ കൊടു​ത്തി​രി​ക്കുന്ന സാഹച​ര്യ​ങ്ങ​ളിൽ നിങ്ങളു​ടെ​യും മറ്റുള്ള​വ​രു​ടെ​യും സുരക്ഷ​യ്‌ക്കാ​യി എന്തൊക്കെ കാര്യങ്ങൾ ചെയ്യാം:

• വീട്ടി​ലാ​യി​രി​ക്കു​മ്പോൾ.

• ജോലി​സ്ഥ​ലത്ത്‌.

• കളിക്കു​മ്പോൾ.

• വണ്ടി ഓടി​ക്കു​മ്പോ​ഴും വണ്ടിയിൽ യാത്ര ചെയ്യു​മ്പോ​ഴും.

5. ഗർഭസ്ഥ ശിശു​വി​ന്റെ ജീവനും വില​യേ​റി​യ​താണ്‌

ഒരു അമ്മയുടെ ഗർഭപാ​ത്ര​ത്തിൽ വളരുന്ന കുഞ്ഞിന്റെ എല്ലാ കാര്യ​ങ്ങ​ളി​ലും യഹോ​വ​യ്‌ക്ക്‌ അതീവ താത്‌പ​ര്യ​മു​ണ്ടെന്ന്‌ ബൈബി​ളെ​ഴു​ത്തു​കാ​ര​നായ ദാവീദ്‌ പറഞ്ഞു. സങ്കീർത്തനം 139:13-17 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• യഹോ​വ​യു​ടെ വീക്ഷണ​ത്തിൽ ഒരു വ്യക്തി​യു​ടെ ജീവിതം ആരംഭി​ക്കു​ന്നത്‌ അയാളെ അമ്മ ഗർഭം ധരിക്കു​മ്പോ​ഴാ​ണോ അതോ അയാൾ പിറന്നു​വീ​ഴു​മ്പോ​ഴാ​ണോ?

അമ്മമാ​രു​ടെ​യും ഗർഭാ​വ​സ്ഥ​യി​ലുള്ള കുഞ്ഞു​ങ്ങ​ളു​ടെ​യും ജീവൻ സംരക്ഷി​ക്കു​ന്ന​തി​നുള്ള നിയമങ്ങൾ യഹോവ പുരാതന ഇസ്രാ​യേ​ല്യർക്ക്‌ കൊടു​ത്തി​രു​ന്നു. പുറപ്പാട്‌ 21:22, 23 വായി​ക്കുക. എന്നിട്ട്‌ ഈ ചോദ്യ​ങ്ങൾ ചർച്ച ചെയ്യുക:

• ഒരാൾ അറിയാ​തെ​യാ​ണെ​ങ്കിൽപ്പോ​ലും എന്തെങ്കി​ലും ചെയ്‌ത്‌ ഗർഭാ​വ​സ്ഥ​യി​ലുള്ള കുഞ്ഞിന്റെ ജീവൻ നഷ്ടപ്പെ​ടു​ത്തി​യാൽ ആ വ്യക്തിയെ യഹോവ എങ്ങനെ​യാ​ണു കണ്ടിരു​ന്നത്‌?

• ഇനി, മനഃപൂർവ​മാണ്‌ ആരെങ്കി​ലും അങ്ങനെ ചെയ്യു​ന്ന​തെ​ങ്കിൽ യഹോ​വ​യ്‌ക്ക്‌ എന്തായി​രി​ക്കും തോന്നുക?b

• ജീവ​നെ​ക്കു​റി​ച്ചുള്ള ദൈവ​ത്തി​ന്റെ കാഴ്‌ച​പ്പാ​ടി​നെ​പ്പറ്റി നിങ്ങൾക്ക്‌ എന്തു തോന്നു​ന്നു?

വീഡി​യോ കാണുക.

വീഡി​യോ: ദൈവം കാണു​ന്ന​തു​പോ​ലെ ജീവനെ കാണുക (5:00)

ജീവന്റെ വില നന്നായി അറിയാ​വുന്ന സ്‌ത്രീ​കൾക്കു​പോ​ലും ചില​പ്പോൾ തങ്ങളുടെ സാഹച​ര്യം കാരണം ഗർഭച്ഛി​ദ്രം നടത്താതെ വേറെ വഴിയി​ല്ലെന്നു തോന്നി​യേ​ക്കാം. യശയ്യ 41:10 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• ഒരു സ്‌ത്രീ​ക്കു ഗർഭച്ഛി​ദ്രം നടത്താ​നുള്ള സമ്മർദം നേരി​ടേ​ണ്ടി​വ​ന്നാൽ സഹായ​ത്തി​നാ​യി ആരെ സമീപി​ക്കാൻ കഴിയും, എന്തു​കൊണ്ട്‌?

ചുരു​ക്ക​ത്തിൽ

ജീവൻ യഹോവ നമുക്കു തന്ന സമ്മാന​മാണ്‌. അതു​കൊണ്ട്‌ നമ്മു​ടെ​യും മറ്റുള്ള​വ​രു​ടെ​യും ജീവനെ സ്‌നേ​ഹി​ക്കു​ക​യും സംരക്ഷി​ക്കു​ക​യും ആദരി​ക്കു​ക​യും ചെയ്യാൻ ബൈബിൾ പഠിപ്പി​ക്കു​ന്നു.

ഓർക്കുന്നുണ്ടോ?

• മനുഷ്യ​ജീ​വനെ യഹോവ വളരെ വില​യേ​റി​യ​താ​യി കാണു​ന്നത്‌ എന്തു​കൊണ്ട്‌?

• ഒരാൾ സ്വന്തം ജീവനോ മറ്റുള്ള​വ​രു​ടെ ജീവനോ മനഃപൂർവം ഇല്ലാതാ​ക്കാൻ നോക്കി​യാൽ യഹോ​വ​യ്‌ക്ക്‌ എന്തായി​രി​ക്കും തോന്നുക?

• ജീവൻ എന്ന സമ്മാന​ത്തോട്‌ നിങ്ങൾക്ക്‌ നന്ദിയു​ള്ളത്‌ എന്തു​കൊണ്ട്‌?

കൂടുതൽ മനസ്സി​ലാ​ക്കാൻ

ജീവൻ എന്ന സമ്മാനം തന്നതിനു നമുക്ക്‌ യഹോ​വ​യോട്‌ എങ്ങനെ നന്ദി കാണി​ക്കാം?

ഗീതം 141—ജീവൻ എന്ന അത്ഭുതം (2:41)

ഗർഭച്ഛിദ്രം നടത്തി​യ​വ​രോ​ടു ദൈവം ക്ഷമിക്കു​മോ? ഈ ചോദ്യ​ത്തി​ന്റെ ഉത്തരം നോക്കാം.

“ഗർഭച്ഛി​ദ്ര​ത്തെ​ക്കു​റിച്ച്‌ ബൈബിൾ എന്താണു പറയു​ന്നത്‌?” (വെബ്‌​സൈ​റ്റി​ലെ ലേഖനം)

ദൈവം ജീവനെ വളരെ വില​യേ​റി​യ​താ​യി കാണു​ന്ന​തു​കൊണ്ട്‌ വിനോ​ദം തിര​ഞ്ഞെ​ടു​ക്കു​മ്പോൾ നമ്മൾ എന്തൊക്കെ കാര്യങ്ങൾ ശ്രദ്ധി​ക്കണം?

“‘സാഹസം നിറഞ്ഞ സ്‌പോർട്‌സ്‌’ അതു നിങ്ങൾക്കു​ള്ള​തോ?” (ഉണരുക! 2000 നവംബർ 8)

ഒരു വ്യക്തിക്ക്‌ ആത്മഹത്യ ചെയ്യാ​നുള്ള തോന്ന​ലു​ണ്ടാ​കു​ന്നെ​ങ്കി​ലോ? അതു മറിക​ട​ക്കാൻ ബൈബിൾ എന്തു സഹായ​മാ​ണു തരുന്നത്‌?

“എനിക്കു മരിക്കണം—ആത്മഹത്യാ​പ്ര​വ​ണ​ത​യ്‌ക്കെ​തി​രെ പോരാ​ടാൻ ബൈബി​ളിന്‌ എന്നെ സഹായി​ക്കാ​നാ​കു​മോ?” (വെബ്‌​സൈ​റ്റി​ലെ ലേഖനം)