പുനരു​ത്ഥാ​ന​ത്തി​ലുള്ള നിങ്ങളു​ടെ വിശ്വാ​സം എത്ര ശക്തമാണ്‌?

“ഞാൻ തന്നേ പുനരു​ത്ഥാ​ന​വും ജീവനും ആകുന്നു; എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും.”—യോഹ​ന്നാൻ 11:25.

1, 2. യഹോ​വ​യു​ടെ ഒരു ആരാധ​കന്‌ പുനരു​ത്ഥാന പ്രത്യാ​ശ​യിൽ ഉറച്ച ബോധ്യ​മു​ണ്ടാ​യി​രി​ക്കേ​ണ്ടത്‌ എന്തു​കൊണ്ട്‌?

പുനരു​ത്ഥാ​ന​ത്തി​ലുള്ള നിങ്ങളു​ടെ വിശ്വാ​സം എത്ര ശക്തമാണ്‌? അതു നിങ്ങളെ മരണഭ​യ​ത്തി​നെ​തി​രെ ബലിഷ്‌ഠ​നാ​ക്കു​ക​യും പ്രിയ​പ്പെ​ട്ടവർ മരിക്കു​മ്പോൾ ആശ്വസി​പ്പി​ക്കു​ക​യും ചെയ്യു​ന്നു​ണ്ടോ? (മത്തായി 10:28; 1 തെസ്സ​ലൊ​നീ​ക്യർ 4:13) പുനരു​ത്ഥാ​ന​ത്തി​ലുള്ള വിശ്വാ​സ​ത്താൽ ബലിഷ്‌ഠ​രാ​യി ചമ്മട്ടി​യടി, പരിഹാ​സം, പീഡനം, കാരാ​ഗൃ​ഹ​വാ​സം എന്നിവ സഹിച്ചു​നിന്ന പുരാതന നാളിലെ അനേകം ദൈവ​ദാ​സ​രെ​പ്പോ​ലെ​യാ​ണോ നിങ്ങൾ?—എബ്രായർ 11:35-38.

² അതേ, യഹോ​വ​യു​ടെ ഒരു യഥാർഥ ആരാധ​കന്‌ പുനരു​ത്ഥാ​നം ഉണ്ടാകു​മെ​ന്ന​തിൽ ഒട്ടും സംശയം ഉണ്ടായി​രി​ക്ക​രുത്‌, ഉറച്ച ബോധ്യം അയാൾ ജീവി​ക്കുന്ന വിധത്തെ ബാധി​ക്കണം. ദൈവ​ത്തി​ന്റെ തക്ക സമയത്ത്‌, സമു​ദ്ര​വും മരണവും പാതാ​ള​വും [ഹേഡീ​സും] തങ്ങളി​ലുള്ള മരിച്ച​വരെ വിട്ടു​കൊ​ടു​ക്കു​ക​യും അങ്ങനെ പുനരു​ത്ഥാ​നം പ്രാപി​ച്ചു​വ​രു​ന്ന​വർക്ക്‌ ഒരു പറുദീ​സാ ഭൂമി​യിൽ നിത്യ​മാ​യി ജീവി​ക്കു​ന്ന​തി​നുള്ള അവസരം ഉണ്ടായി​രി​ക്കു​ക​യും ചെയ്യു​മെന്ന വസ്‌തു​ത​യെ​ക്കു​റി​ച്ചു ധ്യാനി​ക്കു​ന്നത്‌ വിസ്‌മ​യാ​വ​ഹ​മാണ്‌.—വെളി​പ്പാ​ടു 20:13; 21:4, 5.

ഭാവി ജീവി​ത​ത്തെ​ക്കു​റി​ച്ചുള്ള സംശയങ്ങൾ

3, 4. മരണാ​നന്തര ജീവി​തത്തെ കുറിച്ച്‌ അനേക​രും ഇപ്പോ​ഴും എന്തു വിശ്വ​സി​ക്കു​ന്നു?

³ മരണാ​നന്തര ജീവിതം ഉണ്ടെന്ന്‌ ക്രൈ​സ്‌ത​വ​ലോ​കം ദീർഘ​കാ​ല​മാ​യി പഠിപ്പി​ച്ചി​രി​ക്കു​ന്നു. യു.എസ്‌. കാത്തലിക്‌ എന്ന മാസി​ക​യി​ലെ ഒരു ലേഖനം ഇങ്ങനെ പ്രസ്‌താ​വി​ച്ചു: “സമാധാ​ന​വും സംതൃ​പ്‌തി​യു​മുള്ള, സാക്ഷാ​ത്‌കാ​ര​വും സന്തുഷ്ടി​യു​മുള്ള മറ്റൊരു ജീവി​ത​ത്തിൽ കണ്ണുന​ട്ടു​കൊണ്ട്‌ ഈ ജീവി​ത​ത്തി​ലെ നിരാ​ശ​ക​ളോ​ടും കഷ്ടപ്പാ​ടു​ക​ളോ​ടും ആവും​വി​ധം പൊരു​ത്ത​പ്പെ​ടാൻ ക്രിസ്‌ത്യാ​നി​കൾ യുഗങ്ങ​ളാ​യി ശ്രമി​ച്ചി​രി​ക്കു​ന്നു.” പല ക്രൈ​സ്‌തവ രാജ്യ​ങ്ങ​ളി​ലെ​യും ആളുകൾ ലൗകി​ക​രും കുറ​ച്ചൊ​ക്കെ മതപരി​ഹാ​സി​ക​ളും ആയിത്തീർന്നി​ട്ടു​ണ്ടെ​ങ്കി​ലും, ഇപ്പോ​ഴും അനേക​രു​ടെ​യും വിശ്വാ​സം മരണാ​ന​ന്തരം എന്തോ ഉണ്ടായി​രി​ക്ക​ണ​മെ​ന്നാണ്‌. എന്നാൽ അതുമാ​യി ബന്ധപ്പെട്ട്‌ അവർക്ക്‌ തിട്ടമി​ല്ലാത്ത പല കാര്യ​ങ്ങ​ളും ഉണ്ട്‌.

⁴ ടൈം മാഗസി​നി​ലെ ഒരു ലേഖനം ഇങ്ങനെ അഭി​പ്രാ​യ​പ്പെട്ടു: “ആളുകൾ ഇപ്പോ​ഴും [മരണാ​നന്തര ജീവി​ത​ത്തിൽ] വിശ്വ​സി​ക്കു​ന്നു: അത്‌ കൃത്യ​മാ​യും എന്താ​ണെ​ന്നതു സംബന്ധിച്ച അവരുടെ ധാരണ കൂടുതൽ അവ്യക്തം ആയിത്തീർന്നി​രി​ക്കു​ന്നു എന്നേയു​ള്ളൂ. അവരുടെ പാസ്റ്റർമാർ അതേക്കു​റിച്ച്‌ അപൂർവ​മാ​യേ പറയാ​റു​ള്ളു​താ​നും.” മതശു​ശ്രൂ​ഷകർ മുമ്പ​ത്തെ​പ്പോ​ലെ കൂടെ​ക്കൂ​ടെ മരണാ​നന്തര ജീവി​ത​ത്തെ​ക്കു​റി​ച്ചു പറയാ​ത്തത്‌ എന്തു​കൊണ്ട്‌? മതപണ്ഡി​ത​നായ ജെഫ്രി ബർട്ടൻ റസ്സൽ പറയുന്നു: “[പുരോ​ഹി​ത​ന്മാർ] മനഃപൂർവം ആ വിഷയം ഒഴിവാ​ക്കു​ന്നത്‌ ആളുക​ളു​ടെ സന്ദേഹ​വാ​ദത്തെ തങ്ങൾക്കു മറിക​ട​ക്കേ​ണ്ടി​വ​രു​മെന്ന്‌ അവർ കരുതു​ന്ന​തു​കൊ​ണ്ടാണ്‌.”

5. ഇന്ന്‌ അനേക​രും നരകാ​ഗ്നി​യെ കുറി​ച്ചുള്ള പഠിപ്പി​ക്ക​ലി​നെ എങ്ങനെ വീക്ഷി​ക്കു​ന്നു?

⁵ അനേകം സഭകളി​ലും, മരണാ​നന്തര ജീവി​ത​ത്തിൽ ഒരു സ്വർഗ​വും അഗ്നി നരകവും ഉൾപ്പെ​ടു​ന്നു. പുരോ​ഹി​ത​ന്മാർക്ക്‌ സ്വർഗ​ത്തെ​ക്കു​റി​ച്ചു സംസാ​രി​ക്കാൻ വൈമ​ന​സ്യം ആണെങ്കിൽ, അതി​ലേറെ വൈമ​ന​സ്യ​മാണ്‌ നരക​ത്തെ​ക്കു​റിച്ച്‌ സംസാ​രി​ക്കാൻ. ഒരു പത്രത്തി​ലെ ലേഖനം പ്രസ്‌താ​വി​ച്ചു: “ഇക്കാലത്ത്‌, ഒരു അഗ്നിന​ര​ക​ത്തി​ലെ നിത്യ​ശി​ക്ഷാ​വി​ധി​യിൽ വിശ്വ​സി​ക്കുന്ന സഭകൾപോ​ലും . . . പ്രസ്‌തുത പഠിപ്പി​ക്ക​ലിന്‌ അത്ര പ്രാധാ​ന്യം നൽകു​ന്നില്ല.” ഒരു അക്ഷരീയ ദണ്ഡന സ്ഥലമാണ്‌ നരകം എന്നു മധ്യയു​ഗ​ങ്ങ​ളിൽ പഠിപ്പി​ച്ചി​രു​ന്നെ​ങ്കി​ലും, മിക്ക ആധുനിക ദൈവ​ശാ​സ്‌ത്ര​ജ്ഞ​ന്മാ​രും നരകത്തെ കുറിച്ച്‌ അങ്ങനെ വിശ്വ​സി​ക്കു​ന്നില്ല. മറിച്ച്‌, നരകത്തെ കുറി​ച്ചുള്ള പഠിപ്പി​ക്കൽ ‘മയപ്പെ​ടു​ത്താ’നാണ്‌ അവർ ഇഷ്ടപ്പെ​ടു​ന്നത്‌. അനേകം ആധുനിക ചിന്താ​ഗ​തി​ക്കാ​രും പറയു​ന്ന​ത​നു​സ​രിച്ച്‌, നരകത്തിൽ പാപികൾ അക്ഷരീ​യ​മാ​യി ദണ്ഡിപ്പി​ക്ക​പ്പെ​ടു​ന്നില്ല, എന്നാൽ അവർ കഷ്ടമനു​ഭ​വി​ക്കു​ന്നത്‌ “ദൈവ​ത്തിൽനി​ന്നുള്ള ആത്മീയ​മായ വേർപാട്‌” നിമി​ത്ത​മാണ്‌.

6. ദുരന്തത്തെ നേരി​ടു​മ്പോൾ ചിലർക്ക്‌ തങ്ങളുടെ വിശ്വാ​സം അപര്യാ​പ്‌ത​മാ​ണെന്നു തോന്നു​ന്ന​തെ​ങ്ങനെ?

⁶ ആളുക​ളു​ടെ ആധുനിക ചിന്താ​ഗ​തി​യെ വ്രണ​പ്പെ​ടു​ത്താ​തി​രി​ക്കാൻ സഭാ പഠിപ്പി​ക്ക​ലു​കൾ മയപ്പെ​ടു​ത്തു​ന്നത്‌ ജനങ്ങളു​ടെ അപ്രീതി ഒഴിവാ​ക്കാൻ ചിലരെ സഹായി​ച്ചേ​ക്കാം. പക്ഷേ തങ്ങൾ എന്തു വിശ്വ​സി​ക്ക​ണ​മെ​ന്നതു സംബന്ധിച്ച്‌ ആത്മാർഥ​രായ ദശലക്ഷ​ക്ക​ണ​ക്കി​നു പള്ളിക്കാ​രെ അത്‌ ആശയക്കു​ഴ​പ്പ​ത്തി​ലാ​ക്കു​ന്നു. അതു​കൊണ്ട്‌, മരണത്തെ മുഖാ​മു​ഖം നേരി​ടു​മ്പോൾ, ഇക്കൂട്ട​രിൽ മിക്കവ​രു​ടെ​യും വിശ്വാ​സം നഷ്ടപ്പെ​ട്ടു​പോ​കു​ന്നു. അവരുടെ മനോ​ഭാ​വം, ദാരു​ണ​മായ ഒരു അപകട​ത്തിൽ കുടും​ബാം​ഗ​ങ്ങ​ളിൽ പലരെ​യും നഷ്ടപ്പെട്ട ഒരു സ്‌ത്രീ​യു​ടേ​തി​നു സമാന​മാണ്‌. അവരോട്‌ തന്റെ മതവി​ശ്വാ​സം ആശ്വാസം പകർന്നോ എന്നു ചോദി​ച്ച​പ്പോൾ മടിച്ചു​മ​ടിച്ച്‌ അവർ പറഞ്ഞു: “എന്നാണു ഞാൻ കരുതു​ന്നത്‌.” എന്നാൽ തന്റെ മതവി​ശ്വാ​സം തന്നെ സഹായി​ച്ചു​വെന്ന്‌ അവൾ ഉറപ്പിച്ചു പറഞ്ഞു എന്നുത​ന്നെ​യി​രി​ക്കട്ടെ. അപ്പോ​ഴും അവരുടെ വിശ്വാ​സങ്ങൾ അടിസ്ഥാ​ന​ര​ഹി​ത​മാ​ണെ​ങ്കിൽ, ആത്യന്തി​ക​മാ​യി അത്‌ എന്തു പ്രയോ​ജനം ചെയ്യാ​നാണ്‌? ഇത്‌ ഗൗരവ​മാ​യി കാണേണ്ട ഒരു സംഗതി​യാണ്‌. എന്തെന്നാൽ ഭാവി ജീവി​ത​ത്തെ​ക്കു​റി​ച്ചു മിക്ക സഭകളും പഠിപ്പി​ക്കു​ന്നതു വാസ്‌ത​വ​ത്തിൽ ബൈബിൾ പഠിപ്പി​ക്കു​ന്ന​തിൽനി​ന്നു വളരെ വ്യത്യ​സ്‌ത​മാണ്‌.

മരണാ​നന്തര ജീവി​ത​ത്തെ​ക്കു​റി​ച്ചുള്ള ക്രൈ​സ്‌ത​വ​ലോ​ക​ത്തി​ന്റെ വീക്ഷണം

7. (എ) മിക്ക സഭകൾക്കും പൊതു​വാ​യുള്ള വിശ്വാ​സം എന്താണ്‌? (ബി) അമർത്യ ആത്മാവി​നെ കുറി​ച്ചുള്ള പഠിപ്പി​ക്ക​ലി​നെ ഒരു ദൈവ​ശാ​സ്‌ത്രജ്ഞൻ വർണി​ച്ച​തെ​ങ്ങനെ?

⁷ ഭിന്നതകൾ ഉണ്ടെങ്കി​ലും, മിക്കവാ​റും എല്ലാ ക്രൈ​സ്‌തവ വിഭാ​ഗ​ങ്ങ​ളും മനുഷ്യന്‌ അമർത്യ​മായ ഒരു ആത്മാവ്‌ ഉണ്ടെന്നും അതു ശരീര​ത്തി​ന്റെ മരണത്തെ അതിജീ​വി​ക്കു​ന്നു​വെ​ന്നു​മുള്ള ആശയ​ത്തോ​ടു യോജി​ക്കു​ന്നു. ഒരു വ്യക്തി മരിക്കു​മ്പോൾ, അയാളു​ടെ ആത്മാവ്‌ സ്വർഗ​ത്തി​ലേക്കു പോ​യേ​ക്കു​മെന്നു മിക്കവ​രും വിശ്വ​സി​ക്കു​ന്നു. തങ്ങളുടെ ആത്മാവ്‌ ഒരു അഗ്നിന​ര​ക​ത്തി​ലേ​ക്കോ ശുദ്ധീ​ക​ര​ണ​സ്ഥ​ല​ത്തേ​ക്കോ പോകു​മെന്നു ചിലർ ഭയപ്പെ​ടു​ന്നു. ഒരു ഭാവി​ജീ​വി​തത്തെ കുറി​ച്ചുള്ള അവരുടെ വീക്ഷണ​ത്തി​ന്റെ കാതലായ സംഗതി അമർത്യ ആത്മാവി​നെ കുറി​ച്ചുള്ള ആശയമാണ്‌. അമർത്യ​ത​യും പുനരു​ത്ഥാ​ന​വും (ഇംഗ്ലീഷ്‌) എന്ന പുസ്‌ത​ക​ത്തിൽ പ്രസി​ദ്ധീ​ക​രിച്ച ഒരു ഉപന്യാ​സ​ത്തിൽ ദൈവ​ശാ​സ്‌ത്ര​ജ്ഞ​നായ ഒസ്‌കാർ കുൾമാൻ ഇതേക്കു​റിച്ച്‌ അഭി​പ്രാ​യം പറഞ്ഞി​ട്ടുണ്ട്‌. അദ്ദേഹം എഴുതി: “പുതിയ നിയമ പഠിപ്പി​ക്കൽ അനുസ​രിച്ച്‌, മരണാ​ന​ന്ത​ര​മുള്ള മനുഷ്യ​ന്റെ ഭാവി​യെ​ക്കു​റിച്ച്‌ എന്താണു ധരിച്ചി​രി​ക്കു​ന്നത്‌ . . . എന്ന്‌ ഒരു സാധാരണ ക്രിസ്‌ത്യാ​നി​യോ​ടു ചോദി​ച്ചാൽ, ഏതാനും ചിലർ ഒഴികെ, എല്ലാവ​രു​ടെ​യും ഉത്തരം ‘ആത്മാവി​ന്റെ അമർത്യത’ എന്നായി​രി​ക്കും.” എന്നിരു​ന്നാ​ലും, “വ്യാപ​ക​മാ​യി അംഗീ​ക​രി​ക്ക​പ്പെ​ട്ടി​രി​ക്കുന്ന ഈ ആശയം ക്രിസ്‌ത്യാ​നി​ത്വ​ത്തി​ലെ ഏറ്റവും വലിയ തെറ്റി​ദ്ധാ​ര​ണ​ക​ളിൽ ഒന്നാണ്‌,” കുൾമാൻ കൂട്ടി​ച്ചേർത്തു. താൻ ഇത്‌ ആദ്യമാ​യി പറഞ്ഞ​പ്പോൾ, അത്‌ വലി​യൊ​രു കോലാ​ഹലം സൃഷ്ടി​ച്ചു​വെന്ന്‌ കുൾമാൻ പറയു​ക​യു​ണ്ടാ​യി. എങ്കിലും അദ്ദേഹം പറഞ്ഞത്‌ ശരിയാ​യി​രു​ന്നു.

8. യഹോവ ആദ്യ മനുഷ്യ​നും സ്‌ത്രീ​ക്കും നൽകിയ പ്രത്യാശ എന്താണ്‌?

⁸ മരിക്കു​മ്പോൾ സ്വർഗ​ത്തി​ലേക്കു പോകാ​നുള്ള ഉദ്ദേശ്യ​ത്തി​ലല്ല യഹോ​വ​യാം ദൈവം മനുഷ്യ​രെ സൃഷ്ടി​ച്ചത്‌. മനുഷ്യർ മരിക്കണം എന്നത്‌ അവന്റെ ആദിമ ഉദ്ദേശ്യം അല്ലായി​രു​ന്നു. പൂർണ​രാ​യി സൃഷ്ടി​ക്ക​പ്പെട്ട ആദാമി​നും ഹവ്വായ്‌ക്കും നീതി​നി​ഷ്‌ഠ​രായ സന്താന​ങ്ങ​ളെ​ക്കൊ​ണ്ടു ഭൂമിയെ നിറയ്‌ക്കു​ന്ന​തി​നുള്ള അവസരം ലഭിച്ചു. (ഉല്‌പത്തി 1:28; ആവർത്ത​ന​പു​സ്‌തകം 32:4) ദൈവ​ത്തോട്‌ അനുസ​ര​ണ​ക്കേടു കാണി​ച്ചാൽ മാത്രമേ മരിക്കു​ക​യു​ള്ളു​വെന്ന്‌ നമ്മുടെ ആദിമ മാതാ​പി​താ​ക്ക​ളോ​ടു പറഞ്ഞി​രു​ന്നു. (ഉല്‌പത്തി 2:17) തങ്ങളുടെ സ്വർഗീയ പിതാ​വി​നോട്‌ അനുസ​ര​ണ​മു​ള്ള​വ​രാ​യി കഴിഞ്ഞി​രു​ന്നെ​ങ്കിൽ, അവർ ഭൂമി​യിൽ എന്നേക്കും ജീവ​നോ​ടി​രി​ക്കു​മാ​യി​രു​ന്നു.

9. (എ) മനുഷ്യന്‌ ഒരു അമർത്യ ആത്മാവ്‌ ഉണ്ടോ? (ബി) മരിക്കു​മ്പോൾ മനുഷ്യന്‌ എന്തു സംഭവി​ക്കു​ന്നു?

⁹ എന്നാൽ സങ്കടക​ര​മെന്നു പറയട്ടെ, ആദാമും ഹവ്വായും ദൈവ​ത്തോട്‌ അനുസ​രണം കാട്ടു​ന്ന​തിൽ പരാജ​യ​പ്പെട്ടു. (ഉല്‌പത്തി 3:6, 7) അതിന്റെ ദാരുണ ഫലങ്ങൾ പൗലൊസ്‌ അപ്പോ​സ്‌തലൻ ഇങ്ങനെ വർണി​ക്കു​ന്നു: “ഏകമനു​ഷ്യ​നാൽ പാപവും പാപത്താൽ മരണവും ലോക​ത്തിൽ കടന്നു. ഇങ്ങനെ എല്ലാവ​രും പാപം ചെയ്‌ക​യാൽ മരണം സകലമ​നു​ഷ്യ​രി​ലും പരന്നി​രി​ക്കു​ന്നു.” (റോമർ 5:12) ഭൂമി​യിൽ എന്നേക്കും ജീവി​ക്കു​ന്ന​തി​നു​പ​കരം ആദാമും ഹവ്വായും മരിച്ചു. അപ്പോൾ എന്താണു സംഭവി​ച്ചത്‌? അവരുടെ പാപം നിമിത്തം ഒരു അഗ്നിന​ര​ക​ത്തി​ലേക്കു പോകു​മാ​യി​രുന്ന അമർത്യ ആത്മാവ്‌ അവർക്ക്‌ ഉണ്ടായി​രു​ന്നോ? ആദാമും ഹവ്വായും മരിച്ച​പ്പോൾ, അവർ പൂർണ​മാ​യും മരിച്ചു. യഹോവ ആദാമി​നോ​ടു പറഞ്ഞി​രു​ന്ന​തു​പോ​ലെ​തന്നെ അവസാനം അവർക്കു സംഭവി​ച്ചു: “നിലത്തു​നി​ന്നു നിന്നെ എടുത്തി​രി​ക്കു​ന്നു; അതിൽ തിരികെ ചേരു​വോ​ളം മുഖത്തെ വിയർപ്പോ​ടെ നീ ഉപജീ​വനം കഴിക്കും; നീ പൊടി​യാ​കു​ന്നു, പൊടി​യിൽ തിരികെ ചേരും.”—ഉല്‌പത്തി 3:19.

10, 11. ആത്മാവി​നെ കുറി​ച്ചുള്ള ബൈബിൾ പഠിപ്പി​ക്കൽ സംബന്ധിച്ച്‌ ഡോൺ ഫ്‌ളെ​മി​ങ്ങി​ന്റെ ബൈബിൾ നിഘണ്ടു (ഹിന്ദി) എന്തു സമ്മതി​ച്ചു​പ​റ​യു​ന്നു, ബൈബിൾ പഠിപ്പി​ക്കു​ന്ന​തു​മാ​യി ഇതെങ്ങനെ പൊരു​ത്ത​പ്പെ​ടു​ന്നു?

¹⁰ അടിസ്ഥാ​ന​പ​ര​മാ​യി, ഡോൺ ഫ്‌ളെ​മി​ങ്ങി​ന്റെ ഹിന്ദി ബൈബിൾ നിഘണ്ടു ഇതി​നോ​ടു യോജി​ക്കു​ന്നു. ആത്മാവി​നെ കുറിച്ചു ചർച്ച ചെയ്യുന്ന ഒരു ലേഖന​ത്തിൽ അത്‌ ഇങ്ങനെ പറയുന്നു: “ശരീര​ത്തിൽനി​ന്നു വിട്ട്‌ സ്ഥിതി ചെയ്യുന്ന എന്തോ ആണ്‌ ആത്മാവ്‌ എന്ന്‌ പഴയനി​യമ എഴുത്തു​കാർ ഒരിക്ക​ലും അർഥമാ​ക്കി​യില്ല. ആത്മാവ്‌ (നെഫെഷ്‌) എന്നതി​നാൽ ജീവൻ എന്നാണ്‌ അവർ അർഥമാ​ക്കി​യത്‌. മൃഗങ്ങ​ളും മനുഷ്യ​രും നെഫെഷ്‌, അതായത്‌ ‘ജീവവാ​ഹകർ,’ ആണ്‌. “മനുഷ്യൻ ജീവനുള്ള ആത്മാവ്‌ [ദേഹി] ആയിത്തീർന്നു” എന്നു പരിഭാ​ഷ​പ്പെ​ടു​ത്തി​ക്കൊണ്ട്‌ പഴയ ഇംഗ്ലീഷ്‌ ബൈബിൾ പരിഭാ​ഷകൾ ഏറെ ആശയക്കു​ഴപ്പം സൃഷ്ടി​ച്ചി​ട്ടുണ്ട്‌. (ഉല്‌പത്തി 2:7) മറ്റു പരിഭാ​ഷകൾ ഇതിനെ മുൻ വാക്യ​ങ്ങ​ളിൽ ജീവനുള്ള ദേഹി എന്നു പരിഭാ​ഷ​പ്പെ​ടു​ത്തു​ന്നു. (ഉല്‌പത്തി 1:21, 24)” ബൈബിൾ അനുസ​രിച്ച്‌, “ഒരു നിർജീവ ശരീര​ത്തി​ന്റെ​യും ഒരു ദേഹര​ഹിത പ്രാണ​ന്റെ​യും സങ്കരമാ​യി മനുഷ്യ​നെ സൃഷ്ടി​ച്ചി​രി​ക്കു​ന്നു എന്നു നാം ധരിക്ക​രുത്‌. മറിച്ച്‌ അവൻ ഒരൊറ്റ ഘടകമാണ്‌. നെഫെ​ഷി​നെ ‘വ്യക്തി’ എന്നും പരിഭാ​ഷ​പ്പെ​ടു​ത്താ​വു​ന്ന​താണ്‌” എന്ന്‌ അതു കൂട്ടി​ച്ചേർക്കു​ന്നു. അത്തരം നിഷ്‌ക​പടത ആശ്വാ​സ​ജ​ന​കം​തന്നെ, എന്നാൽ മിക്ക പള്ളിക്കാ​രെ​യും ഈ വസ്‌തു​തകൾ അറിയി​ക്കാ​ത്തത്‌ എന്തു​കൊ​ണ്ടെന്ന്‌ നാം അമ്പരക്കു​ന്നു.

¹¹ മരണത്തെ അതിജീ​വി​ക്കു​ക​യും കഷ്ടത അനുഭ​വി​ക്കു​ക​യും ചെയ്യുന്ന അമർത്യ​മായ യാതൊ​ന്നും മനുഷ്യ​ന്റെ ഉള്ളിൽ ഇല്ല എന്ന ലളിത​മായ ബൈബിൾ സത്യം പള്ളിയിൽ പോക്കു​കാ​രെ പഠിപ്പി​ച്ചി​രു​ന്നെ​ങ്കിൽ എത്രമാ​ത്രം ഉത്‌ക​ണ്‌ഠ​യും ഭയവും അവർക്ക്‌ ഒഴിവാ​ക്കാ​മാ​യി​രു​ന്നു. ക്രൈ​സ്‌ത​വ​ലോ​കം പഠിപ്പി​ക്കു​ന്ന​തിൽനി​ന്നു വളരെ വ്യത്യ​സ്‌ത​മാ​ണെ​ങ്കി​ലും, ഇത്‌ ജ്ഞാനി​യായ ശലോ​മോൻ നിശ്വ​സ്‌ത​ത​യിൽ പറഞ്ഞതു​മാ​യി തികച്ചും യോജി​പ്പി​ലാണ്‌: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല; മേലാൽ അവർക്കു [ഈ ജീവി​ത​ത്തിൽ] ഒരു പ്രതി​ഫ​ല​വും ഇല്ല; അവരെ ഓർമ്മ വിട്ടു​പോ​കു​ന്നു​വ​ല്ലോ. ചെയ്‌വാൻ നിനക്കു സംഗതി​വ​രു​ന്ന​തൊ​ക്കെ​യും ശക്തി​യോ​ടെ ചെയ്‌ക; നീ ചെല്ലുന്ന പാതാ​ള​ത്തിൽ [മനുഷ്യ​വർഗ​ത്തി​ന്റെ പൊതു​ശ​വ​ക്കു​ഴി​യായ ഷീയോ​ളിൽ] പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.”—സഭാ​പ്ര​സം​ഗി 9:5, 10.

12. അമർത്യ ആത്മാവി​നെ കുറി​ച്ചുള്ള പഠിപ്പി​ക്കൽ ക്രൈ​സ്‌ത​വ​ലോ​ക​ത്തിന്‌ എവി​ടെ​നി​ന്നു ലഭിച്ചു?

¹² ബൈബിൾ പറയു​ന്ന​തിൽനി​ന്നും വളരെ വ്യത്യ​സ്‌ത​മായ ഒരു സംഗതി ക്രൈ​സ്‌ത​വ​ലോ​കം പഠിപ്പി​ക്കു​ന്നത്‌ എന്തു​കൊണ്ട്‌? ആദിമ സഭാ പിതാ​ക്ക​ന്മാർ അമർത്യ ആത്മാവി​ലുള്ള വിശ്വാ​സ​ത്തി​നു പിന്തുണ കണ്ടെത്തി​യത്‌ ബൈബി​ളി​ലല്ല, മറിച്ച്‌ “കവിക​ളി​ലും തത്ത്വചി​ന്ത​ക​രി​ലും ഗ്രീക്ക്‌ ചിന്തയു​ടെ പൊതു പാരമ്പ​ര്യ​ത്തി”ലുമാ​യി​രു​ന്നു എന്നും “പിന്നീട്‌, പണ്ഡിത​ന്മാർ പ്ലേറ്റോ​യെ​യോ അരി​സ്റ്റോ​ട്ടി​ലി​ന്റെ തത്ത്വങ്ങ​ളെ​യോ പ്രയോ​ജ​ന​പ്പെ​ടു​ത്താൻ കൂടുതൽ ഇഷ്ടപ്പെ​ട്ടി​രു​ന്നു” എന്നും ന്യൂ കാത്തലിക്‌ എൻ​സൈ​ക്ലോ​പീ​ഡിയ പറയുന്നു. അമർത്യ ആത്മാവി​ലുള്ള വിശ്വാ​സം ഉൾപ്പെ​ടെ​യുള്ള “പ്ലേറ്റോ​ണിക, നവ പ്ലേറ്റോ​ണിക ചിന്തയു​ടെ സ്വാധീ​നം” അവസാനം ‘ക്രിസ്‌തീയ ദൈവ​ശാ​സ്‌ത്ര​ത്തി​ന്റെ അടിസ്ഥാ​നം​വരെ എത്തി’ എന്ന്‌ അതു പ്രസ്‌താ​വി​ക്കു​ന്നു.

13, 14. പുറജാ​തീയ ഗ്രീക്കു തത്ത്വചി​ന്ത​ക​രാൽ പ്രബു​ദ്ധ​രാ​കാൻ കഴിയു​മെന്ന്‌ കരുതു​ന്നതു ന്യായ​യു​ക്ത​മ​ല്ലാ​ത്തത്‌ എന്തു​കൊണ്ട്‌?

¹³ മരണാ​നന്തര ജീവി​ത​പ്ര​ത്യാ​ശ പോലെ അടിസ്ഥാ​ന​പ​ര​മായ ഒരു സംഗതി​യെ കുറിച്ചു മനസ്സി​ലാ​ക്കു​ന്ന​തിന്‌, ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ട്ടി​രു​ന്നവർ പുറജാ​തീയ ഗ്രീക്ക്‌ തത്ത്വചി​ന്ത​ക​രി​ലേക്കു തിരി​യേണ്ട ആവശ്യ​മു​ണ്ടാ​യി​രു​ന്നോ? തീർച്ച​യാ​യും ഇല്ല. ഗ്രീസി​ലെ കൊരി​ന്തിൽ പാർത്തി​രുന്ന ക്രിസ്‌ത്യാ​നി​കൾക്ക്‌ എഴുതി​യ​പ്പോൾ പൗലൊസ്‌ പറഞ്ഞു: ‘ഈ ലോക​ത്തി​ന്റെ ജ്ഞാനം ദൈവ​സ​ന്നി​ധി​യിൽ ഭോഷ​ത്വ​മ​ത്രേ. “അവൻ ജ്ഞാനി​കളെ അവരുടെ കൌശ​ല​ത്തിൽ പിടി​ക്കു​ന്നു” എന്നും “കർത്താവു ജ്ഞാനി​ക​ളു​ടെ വിചാരം വ്യർത്ഥം എന്നറി​യു​ന്നു” എന്നും എഴുതി​യി​രി​ക്കു​ന്നു​വ​ല്ലോ.’ (1 കൊരി​ന്ത്യർ 3:19, 20) പുരാതന ഗ്രീക്കു​കാർ വിഗ്ര​ഹാ​രാ​ധ​ക​രാ​യി​രു​ന്നു. അപ്പോൾ, അവർക്ക്‌ എങ്ങനെ​യാണ്‌ സത്യത്തി​ന്റെ ഉറവ്‌ ആയിരി​ക്കാൻ കഴിയുക? പൗലൊസ്‌ കൊരി​ന്ത്യ​രോ​ടു ചോദി​ച്ചു: ‘ദൈവാ​ല​യ​ത്തി​ന്നു വിഗ്ര​ഹ​ങ്ങ​ളോ​ടു എന്തു യോജ്യത? നാം ജീവനുള്ള ദൈവ​ത്തി​ന്റെ ആലയമ​ല്ലോ. “ഞാൻ അവരിൽ വസിക്ക​യും അവരുടെ ഇടയിൽ നടക്കയും ചെയ്യും; ഞാൻ അവർക്കു ദൈവ​വും അവർ എനിക്കു ജനവും ആകും” എന്നു ദൈവം അരുളി​ച്ചെ​യ്‌തി​രി​ക്കു​ന്നു​വ​ല്ലോ.’—2 കൊരി​ന്ത്യർ 6:16.

¹⁴ പാവന സത്യങ്ങ​ളു​ടെ വെളി​പ്പെ​ടു​ത്തൽ ആദ്യം ഇസ്രാ​യേൽ ജനതയി​ലൂ​ടെ ആയിരു​ന്നു. (റോമർ 3:1, 2) പൊ.യു. 33-നുശേഷം, അത്‌ ഒന്നാം നൂറ്റാ​ണ്ടി​ലെ അഭിഷിക്ത ക്രിസ്‌തീയ സഭയി​ലൂ​ടെ നൽക​പ്പെട്ടു. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ കുറിച്ചു സംസാ​രി​ക്കവേ, പൗലൊസ്‌ പറഞ്ഞു: “നമുക്കോ ദൈവം [തന്നെ സ്‌നേ​ഹി​ക്കു​ന്ന​വർക്കാ​യി ഒരുക്കി​യി​രി​ക്കുന്ന സംഗതി​കൾ] തന്റെ ആത്മാവി​നാൽ വെളി​പ്പെ​ടു​ത്തി​യി​രി​ക്കു​ന്നു.” (1 കൊരി​ന്ത്യർ 2:10; വെളി​പ്പാ​ടു 1:1, 2-ഉം കൂടെ കാണുക.) ആത്മാവ്‌ അമർത്യ​മാ​ണെന്ന ക്രൈ​സ്‌ത​വ​ലോ​ക​ത്തി​ന്റെ പഠിപ്പി​ക്കൽ ഗ്രീക്ക്‌ തത്ത്വചി​ന്ത​യിൽനിന്ന്‌ ഉരുത്തി​രി​ഞ്ഞ​താണ്‌. അത്‌ ദൈവം ഇസ്രാ​യേ​ലി​ലൂ​ടെ​യോ ഒന്നാം നൂറ്റാ​ണ്ടി​ലെ അഭിഷിക്ത ക്രിസ്‌ത്യാ​നി​ക​ളു​ടെ സഭയി​ലൂ​ടെ​യോ വെളി​പ്പെ​ടു​ത്തി​യതല്ല.

മരിച്ച​വർക്കുള്ള യഥാർഥ പ്രത്യാശ

15. യേശു പറയു​ന്ന​ത​നു​സ​രിച്ച്‌, മരിച്ച​വർക്കുള്ള യഥാർഥ പ്രത്യാ​ശ​യെന്ത്‌?

¹⁵ അമർത്യ ആത്മാവ്‌ ഇല്ലെങ്കിൽ, മരിച്ച​വർക്കുള്ള യഥാർഥ പ്രത്യാശ എന്താണ്‌? പുനരു​ത്ഥാ​നം. അത്‌ ഒരു അടിസ്ഥാന ബൈബിൾ പഠിപ്പി​ക്ക​ലും യഥാർഥ​ത്തിൽ അത്ഭുത​ക​ര​മായ ഒരു ദിവ്യ വാഗ്‌ദാ​ന​വും ആണ്‌. തന്റെ സുഹൃ​ത്തായ മാർത്ത​യോട്‌ സംസാ​രി​ക്കവേ, യേശു പുനരു​ത്ഥാന പ്രത്യാ​ശ​യെ​ക്കു​റി​ച്ചു പറഞ്ഞു: “ഞാൻ തന്നേ പുനരു​ത്ഥാ​ന​വും ജീവനും ആകുന്നു; എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും.” (യോഹ​ന്നാൻ 11:25) യേശു​വിൽ വിശ്വ​സി​ക്കു​ന്ന​തി​ന്റെ അർഥം പുനരു​ത്ഥാ​ന​ത്തിൽ വിശ്വ​സി​ക്കുക എന്നാണ്‌, അല്ലാതെ അമർത്യ ആത്മാവിൽ വിശ്വ​സി​ക്കുക എന്നല്ല.

16. പുനരു​ത്ഥാ​ന​ത്തിൽ വിശ്വ​സി​ക്കു​ന്നതു ന്യായ​യു​ക്ത​മാ​യി​രി​ക്കു​ന്നത്‌ എന്തു​കൊണ്ട്‌?

¹⁶ അതിനു മുമ്പും യേശു പുനരു​ത്ഥാ​ന​ത്തെ​ക്കു​റി​ച്ചു സംസാ​രി​ച്ചി​രു​ന്നു. ചില യഹൂദ​ന്മാ​രോ​ടു സംഭാ​ഷി​ക്കവേ, അവൻ പറഞ്ഞു: “ഇതിൽ നിങ്ങൾ വിസ്‌മ​യി​ക്കേണ്ടാ. എന്തെന്നാൽ കല്ലറക​ളി​ലു​ള്ള​വ​രെ​ല്ലാം അവന്റെ സ്വരം ശ്രവി​ക്കുന്ന സമയം വരുന്നു. അപ്പോൾ നന്‌മ​ചെ​യ്‌തവർ ജീവന്റെ ഉയിർപ്പി​നാ​യും തിന്‌മ​ചെ​യ്‌തവർ ശിക്ഷാ​വി​ധി​യു​ടെ ഉയിർപ്പി​നാ​യും പുറത്തു​വ​രും.” (യോഹ​ന്നാൻ 5:28, 29, പി.ഒ.സി. ബൈബിൾ) ഒരു അമർത്യ ആത്മാവ്‌ ശരീര​ത്തി​ന്റെ മരണത്തെ അതിജീ​വിച്ച്‌ നേരേ സ്വർഗ​ത്തി​ലേക്കു പോകുന്ന ആശയത്തിൽനി​ന്നു വളരെ വ്യത്യ​സ്‌ത​മായ ഒരു സംഗതി​യാണ്‌ യേശു ഇവിടെ വർണി​ക്കു​ന്നത്‌. ശവക്കല്ല​റ​ക​ളി​ലാ​യി​രുന്ന ആളുക​ളു​ടെ ‘പുറ​ത്തേ​ക്കുള്ള’ ഭാവി ‘വരവ്‌’ ആണ്‌ അത്‌. അവരിൽ അനേക​രും നൂറ്റാ​ണ്ടു​ക​ളോ, എന്തിന്‌ ആയിര​ക്ക​ണ​ക്കി​നു വർഷങ്ങ​ളോ പോലും കല്ലറക​ളിൽ ആയിരി​ക്കു​ന്ന​വ​രാണ്‌. അതു മരിച്ച ആളുകൾ ജീവനി​ലേക്കു വരുന്ന​താണ്‌. അസാധ്യ​മോ? “മരിച്ച​വരെ ജീവി​പ്പി​ക്ക​യും ഇല്ലാത്ത​തി​നെ ഉള്ളതി​നെ​പ്പോ​ലെ വിളി​ക്ക​യും ചെയ്യു​ന്ന​വ​നായ” ദൈവ​ത്തിന്‌ അത്‌ അസാധ്യ​മല്ല. (റോമർ 4:17) മരിച്ചവർ ജീവനി​ലേക്കു വരുന്ന ആശയത്തെ സംശയാ​ലു​ക്കൾ പരിഹ​സി​ച്ചേ​ക്കാം, എന്നാൽ “ദൈവം സ്‌നേഹം ആകുന്നു” എന്നും “തന്നെ ആത്മാർഥ​മാ​യി അന്വേ​ഷി​ക്കു​ന്ന​വർക്ക്‌ പ്രതി​ഫലം കൊടു​ക്കു​ന്ന​വ​നാണ്‌” എന്നുമുള്ള വസ്‌തു​ത​യു​മാ​യി അതു പൂർണ​മാ​യി യോജി​ക്കു​ന്നുണ്ട്‌.—1 യോഹ​ന്നാൻ 4:16; എബ്രായർ 11:6, NW.

17. പുനരു​ത്ഥാ​ന​ത്തി​ലൂ​ടെ ദൈവം എന്തു നിവർത്തി​ക്കും?

¹⁷ എന്തായാ​ലും, ജീവനി​ലേക്കു തിരികെ കൊണ്ടു​വ​രു​ന്നി​ല്ലെ​ങ്കിൽ, “മരണപ​ര്യ​ന്തം വിശ്വസ്‌ത”രാണെന്നു തെളി​യി​ച്ച​വർക്ക്‌ ദൈവം എങ്ങനെ പ്രതി​ഫലം കൊടു​ക്കും? (വെളി​പ്പാ​ടു 2:10) “പിശാ​ചി​ന്റെ പ്രവൃ​ത്തി​കളെ അഴിപ്പാൻ തന്നേ ദൈവ​പു​ത്രൻ പ്രത്യ​ക്ഷ​നാ​യി” എന്നു യോഹ​ന്നാൻ അപ്പോ​സ്‌തലൻ എഴുതി​യി​രി​ക്കു​ന്ന​തും ദൈവം നിവർത്തി​ക്ക​ണ​മ​ല്ലോ, ഇതും പുനരു​ത്ഥാ​നം സാധ്യ​മാ​ക്കു​ന്നു. (1 യോഹ​ന്നാൻ 3:8) പണ്ട്‌ ഏദൻ തോട്ട​ത്തിൽ, സാത്താൻ നമ്മുടെ ആദിമ മാതാ​പി​താ​ക്കളെ പാപത്തി​ലേ​ക്കും മരണത്തി​ലേ​ക്കും നയിച്ച​പ്പോൾ അവൻ മുഴു മനുഷ്യ​വർഗ​ത്തി​ന്റെ​യും ഘാതക​നാ​യി​ത്തീർന്നു. (ഉല്‌പത്തി 3:1-6; യോഹ​ന്നാൻ 8:44) ഒരു തത്തുല്യ മറുവി​ല​യാ​യി യേശു തന്റെ പൂർണ​ത​യുള്ള ജീവൻ കൊടുത്ത്‌, ആദാമി​ന്റെ മനഃപൂർവ​മാ​യുള്ള അനുസ​ര​ണ​ക്കേ​ടി​ന്റെ ഫലമായ പാപത്തി​ന്റെ പാരമ്പ​ര്യ​സിദ്ധ അടിമ​ത്ത​ത്തിൽനിന്ന്‌ മനുഷ്യ​വർഗത്തെ വിടു​വി​ക്കു​ന്ന​തി​നുള്ള വഴി തുറന്ന​പ്പോൾ അവൻ സാത്താന്റെ പ്രവൃ​ത്തി​കളെ അഴിക്കാൻ തുടങ്ങി. (റോമർ 5:18) പിശാ​ചി​ന്റെ പ്രവൃ​ത്തി​കളെ അഴിക്കു​ന്ന​തി​ലെ മറ്റൊരു പടി ആദാമ്യ പാപത്താൽ മരിക്കു​ന്ന​വ​രു​ടെ പുനരു​ത്ഥാ​നം ആയിരി​ക്കും.

ദേഹവും അമർത്യ ആത്മാവും

18. യേശു പുനരു​ത്ഥാ​നം പ്രാപി​ച്ചു എന്ന പൗലൊ​സി​ന്റെ പ്രസ്‌താ​വ​ന​യോട്‌ ചില ഗ്രീക്ക്‌ തത്ത്വചി​ന്തകർ പ്രതി​ക​രി​ച്ച​തെ​ങ്ങനെ, എന്തു​കൊണ്ട്‌?

¹⁸ ഏഥൻസി​ലാ​യി​രു​ന്ന​പ്പോൾ, ചില ഗ്രീക്ക്‌ തത്ത്വചി​ന്തകർ ഉൾപ്പെട്ട ഒരു ജനക്കൂ​ട്ട​ത്തോട്‌ പൗലൊസ്‌ അപ്പോ​സ്‌തലൻ സുവാർത്ത പ്രസം​ഗി​ച്ചു. ഏക സത്യ​ദൈ​വ​ത്തെ​യും അനുത​പി​ക്കാ​നുള്ള അവന്റെ ആഹ്വാ​ന​ത്തെ​യും കുറി​ച്ചുള്ള പൗലൊ​സി​ന്റെ ചർച്ച അവർ ശ്രദ്ധിച്ചു. പിന്നെ എന്തു സംഭവി​ച്ചു? പൗലൊസ്‌ ഇങ്ങനെ പറഞ്ഞു​കൊണ്ട്‌, തന്റെ പ്രസംഗം ഉപസം​ഹ​രി​ച്ചു: “[ദൈവം] നിയമിച്ച പുരു​ഷൻമു​ഖാ​ന്തരം ലോകത്തെ നീതി​യിൽ ന്യായം വിധി​പ്പാൻ അവൻ ഒരു ദിവസത്തെ നിശ്ചയി​ച്ചു; അവനെ മരിച്ച​വ​രിൽനി​ന്നു ഉയിർത്തെ​ഴു​ന്നേ​ല്‌പി​ച്ച​തി​നാൽ എല്ലാവർക്കും അതിന്റെ ഉറപ്പു നല്‌കി​യു​മി​രി​ക്കു​ന്നു.” ഈ വാക്കുകൾ അവരെ ഇളക്കി​മ​റി​ച്ചു. “മരിച്ച​വ​രു​ടെ പുനരു​ത്ഥാ​ന​ത്തെ​ക്കു​റി​ച്ചു കേട്ടിട്ടു ചിലർ പരിഹ​സി​ച്ചു.” (പ്രവൃ​ത്തി​കൾ 17:22-32) ദൈവ​ശാ​സ്‌ത്ര​ജ്ഞ​നായ ഒസ്‌കാർ കുൾമാൻ അഭി​പ്രാ​യ​പ്പെ​ടു​ന്നു: “പുനരു​ത്ഥാ​നത്തെ കുറി​ച്ചുള്ള ക്രിസ്‌തീയ പ്രസംഗം സ്വീക​രി​ക്കു​ന്നത്‌ ആത്മാവി​ന്റെ അമർത്യ​ത​യിൽ വിശ്വ​സി​ച്ചി​രുന്ന ഗ്രീക്കു​കാർക്ക്‌ മറ്റുള്ള​വ​രെ​ക്കാൾ പ്രയാ​സ​ക​ര​മാ​യി​രു​ന്നി​രി​ക്കാം. . . . വലിയ തത്ത്വചി​ന്ത​ക​രായ സോ​ക്ര​ട്ടീ​സി​ന്റെ​യും പ്ലേറ്റോ​യു​ടെ​യും പഠിപ്പി​ക്കൽ യാതൊ​രു തരത്തി​ലും പുതിയ നിയമ പഠിപ്പി​ക്ക​ലു​മാ​യി പൊരു​ത്ത​പ്പെ​ടു​ത്താൻ [യോജി​പ്പി​ക്കാൻ] കഴിയില്ല.”

19. ക്രൈ​സ്‌ത​വ​ലോ​ക​ത്തി​ലെ ദൈവ​ശാ​സ്‌ത്ര​ജ്ഞ​ന്മാർ പുനരു​ത്ഥാന പഠിപ്പി​ക്ക​ലി​നെ അമർത്യ ആത്മാവി​ന്റെ പഠിപ്പി​ക്ക​ലു​മാ​യി യോജി​പ്പി​ക്കാൻ ശ്രമി​ച്ചത്‌ എങ്ങനെ?

¹⁹ എന്നിട്ടും, അപ്പോ​സ്‌ത​ല​ന്മാ​രു​ടെ മരണ​ശേ​ഷ​മുള്ള വലിയ വിശ്വാ​സ​ത്യാ​ഗ​ത്തെ​ത്തു​ടർന്ന്‌, ദൈവ​ശാ​സ്‌ത്ര​ജ്ഞ​ന്മാർ പുനരു​ത്ഥാ​നത്തെ കുറി​ച്ചുള്ള ക്രിസ്‌തീയ പഠിപ്പി​ക്ക​ലി​നെ അമർത്യ ആത്മാവി​നെ സംബന്ധിച്ച പ്ലേറ്റോ​യു​ടെ വിശ്വാ​സ​വു​മാ​യി കൂട്ടി​ക്ക​ലർത്താൻ പണി​പ്പെട്ടു. അവസാനം, ചിലർ ശ്രദ്ധേ​യ​മായ ഒരു പരിഹാ​ര​മാർഗ​ത്തിൽ എത്തി: മരണത്തി​ങ്കൽ ആത്മാവ്‌ ദേഹത്തിൽനിന്ന്‌ വേർപെ​ടു​ന്നു (ചിലർ പറയു​ന്ന​പ്ര​കാ​രം “മോചി​ത​മാ​കു​ന്നു”). അപ്പോൾ, ആർ. ജെ. കൂക്കിന്റെ പുനരു​ത്ഥാന പഠിപ്പി​ക്ക​ലി​ന്റെ വിശദാം​ശങ്ങൾ (ഇംഗ്ലീഷ്‌) പറയു​ന്ന​ത​നു​സ​രിച്ച്‌, ന്യായ​വി​ധി ദിവസ​ത്തിൽ “ഓരോ ശരീര​വും അതിന്റെ ആത്മാവു​മാ​യും ഓരോ ആത്മാവും അതിന്റെ ശരീര​വു​മാ​യും വീണ്ടും സംഗമി​ക്കും.” അവർ പറയു​ന്ന​ത​നു​സ​രിച്ച്‌, ശരീര​വും അതിന്റെ അമർത്യ ആത്മാവു​മൊ​ത്തുള്ള ഭാവി പുനഃ​സം​ഗ​മ​മാണ്‌ പുനരു​ത്ഥാ​നം.

20, 21. പുനരു​ത്ഥാ​നത്തെ കുറി​ച്ചുള്ള സത്യം മാറ്റമി​ല്ലാ​തെ പഠിപ്പി​ച്ചി​രി​ക്കു​ന്നത്‌ ആർ, ഇത്‌ അവർക്ക്‌ പ്രയോ​ജനം ചെയ്‌തി​രി​ക്കു​ന്ന​തെ​ങ്ങനെ?

²⁰ ഇപ്പോ​ഴും മുഖ്യ​ധാ​രാ സഭകളു​ടെ ഔദ്യോ​ഗിക പഠിപ്പി​ക്ക​ലാണ്‌ ഈ സിദ്ധാന്തം. ദൈവ​ശാ​സ്‌ത്ര​ജ്ഞന്‌ അത്തരം ഒരു ആശയം യുക്തി​സ​ഹ​മാ​യി തോന്നി​യേ​ക്കാ​മെ​ങ്കി​ലും, പള്ളിയിൽ പോക്കു​കാ​രായ മിക്കവർക്കും അത്‌ പരിച​യ​മില്ല. മരിക്കു​മ്പോൾ തങ്ങൾ നേരേ സ്വർഗ​ത്തി​ലേക്കു പോകു​മെ​ന്നാണ്‌ അവർ വിശ്വ​സി​ക്കു​ന്നത്‌. ഇക്കാര​ണ​ത്താൽ, കോമൺവീൽ എന്ന പ്രസി​ദ്ധീ​ക​ര​ണ​ത്തി​ന്റെ 1995 മേയ്‌ 5 ലക്കത്തിൽ, എഴുത്തു​കാ​ര​നായ ജോൺ ഗാർവി ആരോ​പ​ണ​രൂ​പേണ പ്രസ്‌താ​വി​ച്ചു: “[മരണാ​നന്തര ജീവിതം സംബന്ധിച്ച്‌] മിക്ക ക്രിസ്‌ത്യാ​നി​കൾക്കു​മുള്ള വിശ്വാ​സ​ത്തിന്‌ യഥാർഥ​ത്തിൽ ക്രിസ്‌തീ​യ​മായ ഒന്നി​നോ​ടു​മല്ല, മറിച്ച്‌ നവ പ്ലേറ്റോ​ണിക വാദ​ത്തോട്‌ ആണ്‌ കൂടുതൽ അടുപ്പ​മു​ള്ള​തെന്നു തോന്നു​ന്നു. അതിനു ബൈബി​ളിൽ യാതൊ​രു അടിസ്ഥാ​ന​വു​മില്ല.” തീർച്ച​യാ​യും, ബൈബി​ളി​നെ​ക്കാൾ പ്ലേറ്റോ​യ്‌ക്ക്‌ വിശ്വാ​സ്യത കൽപ്പി​ച്ചു​കൊണ്ട്‌, ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗം തങ്ങളുടെ ആടുകൾക്ക്‌ ബൈബിൾപ​ര​മായ പുനരു​ത്ഥാന പ്രത്യാശ കെടു​ത്തി​ക്ക​ളഞ്ഞു.

²¹ അതേസ​മയം, യഹോ​വ​യു​ടെ സാക്ഷികൾ പുറജാ​തീയ തത്ത്വചിന്ത നിരസി​ച്ചു​കൊണ്ട്‌ ബൈബി​ളി​ന്റെ പുനരു​ത്ഥാന പഠിപ്പി​ക്ക​ലി​നോ​ടു പറ്റിനിൽക്കു​ന്നു. അവർ അതിനെ പ്രബു​ദ്ധ​വും സംതൃ​പ്‌തി​ദാ​യ​ക​വും ആശ്വാ​സ​ക​ര​വു​മായ പഠിപ്പി​ക്ക​ലാ​യി കാണുന്നു. പിൻവ​രുന്ന ലേഖന​ങ്ങ​ളിൽ, ഭൗമിക പ്രത്യാ​ശ​യു​ള്ള​വർക്കും സ്വർഗീയ ജീവനി​ലേ​ക്കുള്ള പുനരു​ത്ഥാന പ്രത്യാ​ശ​യു​ള്ള​വർക്കും ബൈബി​ളി​ന്റെ പുനരു​ത്ഥാന പഠിപ്പി​ക്കൽ എത്ര അടിയു​റ​ച്ച​തും യുക്തി​സ​ഹ​വു​മാ​ണെന്നു നാം കാണു​ന്ന​താ​യി​രി​ക്കും. ഈ ലേഖനങ്ങൾ പരിചി​ന്തി​ക്കു​ന്ന​തി​നുള്ള തയ്യാ​റെ​ടു​പ്പാ​യി, കൊരി​ന്ത്യർക്കുള്ള ഒന്നാമത്തെ ലേഖന​ത്തി​ന്റെ 15-ാം അധ്യായം ശ്രദ്ധാ​പൂർവം വായി​ക്കാൻ ഞങ്ങൾ ശുപാർശ ചെയ്യു​ക​യാണ്‌.

നിങ്ങൾ ഓർമി​ക്കു​ന്നു​വോ?

□ നാം പുനരു​ത്ഥാ​ന​ത്തിൽ ഉറച്ച വിശ്വാ​സം നട്ടുവ​ളർത്തേ​ണ്ടത്‌ എന്തു​കൊണ്ട്‌?

□ ആദാമി​ന്റെ​യും ഹവ്വായു​ടെ​യും മുമ്പാകെ യഹോവ എന്തു പ്രതീക്ഷ വെക്കു​ക​യു​ണ്ടാ​യി?

□ ഗ്രീക്കു തത്ത്വചി​ന്ത​യിൽ സത്യം അന്വേ​ഷി​ക്കു​ന്നത്‌ യുക്തി​സ​ഹ​മ​ല്ലാ​ത്തത്‌ എന്തു​കൊണ്ട്‌?

□ പുനരു​ത്ഥാ​നം ന്യായ​യു​ക്ത​മായ ഒരു പ്രത്യാശ ആയിരി​ക്കു​ന്നത്‌ എന്തു​കൊണ്ട്‌?

[10-ാം പേജിലെ ചിത്രം]

പാപം ചെയ്‌ത​പ്പോൾ ഭൂമി​യിൽ നിത്യ​മാ​യി ജീവി​ക്കു​ന്ന​തി​നുള്ള പ്രത്യാശ ആദ്യ മാതാ​പി​താ​ക്കൾക്കു നഷ്ടമായി

[12-ാം പേജിലെ ചിത്രം]

ആത്മാവിന്റെ അമർത്യ​തയെ കുറി​ച്ചുള്ള പ്ലേറ്റോ​യു​ടെ വിശ്വാ​സം സഭാ പണ്ഡിത​ന്മാ​രെ സ്വാധീ​നി​ക്കു​ക​യു​ണ്ടാ​യി

[കടപ്പാട]

Musei Capitolini, Roma