കർ​ത്താ​വി​ന്റെ അത്താഴം നാം ആചരി​ക്കു​ന്ന​തി​ന്റെ കാരണം

1, 2. എ.ഡി. 33, നീസാൻ മാസം 14-ാം തീയതി വൈകിട്ട്‌ യേശു എന്താണ്‌ ചെയ്‌തത്‌? (ലേഖനാ​രം​ഭ​ത്തി​ലെ ചിത്രം കാണുക.)

സന്ധ്യ കഴിഞ്ഞ നേരം. പൂർണ​ച​ന്ദ്ര​ന്റെ നിറനി​ലാ​വിൽ കുളിച്ചു നിൽക്കുന്ന യെരു​ശ​ലേം. എ.ഡി. 33, നീസാൻ മാസം 14-ാം തീയതി. യേശു​വും അപ്പൊസ്‌ത​ല​ന്മാ​രും പെസഹാ ആചരിച്ച്‌ കഴിഞ്ഞ​തേ​യു​ള്ളൂ. 1,500 വർഷം മുമ്പ്‌ ഈജിപ്‌തി​ന്റെ അടിമ​ത്ത​ത്തിൽനിന്ന്‌ ഇസ്രാ​യേ​ല്യർ വിമോ​ച​നം നേടി​യ​തി​ന്റെ ഓർമ​നാ​ളാ​യി​രു​ന്നു അത്‌. വിശ്വസ്‌ത​രാ​യ 11 അപ്പൊസ്‌ത​ല​ന്മാ​രോ​ടൊ​പ്പം ഇരുന്ന്‌ സവി​ശേ​ഷ​മാ​യ ഒരു ആചരണം—ഈ ദിനം തീരും​മുമ്പ്‌ തന്നെ കാത്തി​രി​ക്കു​ന്ന മരണത്തി​ന്റെ സ്‌മാ​ര​കാ​ച​ര​ണം—യേശു ഇപ്പോൾ ഏർപ്പെ​ടു​ത്തു​ന്നു.a—മത്താ. 26:1, 2.

² യേശു പുളി​പ്പി​ല്ലാ​ത്ത അപ്പമെ​ടുത്ത്‌ അനു​ഗ്ര​ഹ​ത്തി​നാ​യി പ്രാർഥി​ച്ച​ശേ​ഷം അത്‌ അപ്പൊസ്‌ത​ല​ന്മാർക്ക്‌ കൈമാ​റു​ന്നു. അവൻ പറയുന്നു: “വാങ്ങി ഭക്ഷിക്കു​വിൻ.” പിന്നെ അവൻ ഒരു പാനപാ​ത്രം വീഞ്ഞ്‌ എടുത്ത്‌ വീണ്ടും നന്ദിയർപ്പി​ച്ച​ശേ​ഷം അവരോട്‌ ഇങ്ങനെ പറയുന്നു: “നിങ്ങ​ളെ​ല്ലാ​വ​രും ഇതിൽനി​ന്നു കുടി​ക്കു​വിൻ.” (മത്താ. 26:26, 27) തുടർന്ന്‌ അവൻ അവർക്ക്‌ കൂടുതൽ എന്തെങ്കി​ലും ഭക്ഷണം നൽകാൻ ഉദ്ദേശി​ച്ചി​ല്ല. പകരം ആ നിർണാ​യക രാത്രി​യിൽ തന്റെ വിശ്വസ്‌ത അനുഗാ​മി​ക​ളോട്‌ അവന്‌ കുറെ​യ​ധി​കം കാര്യങ്ങൾ പറയാ​നു​ണ്ടാ​യി​രു​ന്നു.

 3. ഈ ലേഖനം ഏതെല്ലാം ചോദ്യ​ങ്ങൾക്കു​ള്ള ഉത്തരം നൽകും?

³ അങ്ങനെ​യാണ്‌ യേശു തന്റെ മരണത്തി​ന്റെ സ്‌മാ​ര​കം ഏർപ്പെ​ടു​ത്തി​യത്‌. “കർത്താ​വി​ന്റെ അത്താഴം” എന്നും അത്‌ അറിയ​പ്പെ​ടു​ന്നു. (1 കൊരി. 11:20) അതി​നെ​ക്കു​റിച്ച്‌ ചിലർ ഇങ്ങനെ ചോദി​ച്ചേ​ക്കാം: എന്തിനാണ്‌ യേശു​വി​ന്റെ മരണത്തെ സ്‌മരി​ക്കു​ന്നത്‌? അപ്പവീ​ഞ്ഞു​ക​ളു​ടെ അർഥ​മെ​ന്താണ്‌? സ്‌മാ​ര​ക​ത്തി​നാ​യി നമുക്ക്‌ ഓരോ​രു​ത്തർക്കും എങ്ങനെ തയ്യാറാ​കാ​നാ​കും? ആരാണ്‌ ചിഹ്നങ്ങ​ളിൽ പങ്കുപ​റ്റേ​ണ്ടത്‌? തങ്ങളുടെ പ്രത്യാശ സംബന്ധിച്ച്‌ തിരു​വെ​ഴു​ത്തു​കൾ പറയുന്ന കാര്യ​ങ്ങ​ളോട്‌ ക്രിസ്‌ത്യാ​നി​കൾ പ്രതി​ക​രി​ക്കു​ന്നത്‌ എങ്ങനെ​യാണ്‌?

 4. യേശു​വി​ന്റെ മരണം നമുക്ക്‌ എന്തു സാധ്യ​മാ​ക്കി?

⁴ ആദാമി​ന്റെ മക്കളെ​ന്ന​നി​ല​യിൽ തലമു​റ​ക​ളി​ലൂ​ടെ പാപവും മരണവും നമുക്ക്‌ കൈമാ​റി​ക്കി​ട്ടി​യി​രി​ക്കു​ന്നു. (റോമ. 5:12) തനിക്കോ മറ്റുള്ള​വർക്കോ വേണ്ടി ദൈവ​മു​മ്പാ​കെ ഒരു മറുവില അഥവാ വീണ്ടെ​ടു​പ്പു​വി​ല വെക്കാൻ അപൂർണ​മ​നു​ഷ്യ​രിൽ ആർക്കും കഴിയില്ല. (സങ്കീ. 49:6-9) എന്നാൽ സ്വീകാ​ര്യ​മാ​യ ഒരേ​യൊ​രു മറുവില യേശു തന്റെ മരണത്തി​ലൂ​ടെ നൽകി. അവന്റെ പൂർണ​ത​യു​ള്ള ശരീര​വും അവൻ ചൊരിഞ്ഞ രക്തവും ആയിരു​ന്നു അത്‌. തന്റെ മറുവി​ല​യു​ടെ മൂല്യം ദൈവ​മു​മ്പാ​കെ അർപ്പി​ക്കു​ക​വ​ഴി, നമുക്ക്‌ പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തിൽനി​ന്നു​ള്ള വിടുതൽ യേശു സാധ്യ​മാ​ക്കി. അങ്ങനെ നിത്യ​ജീ​വ​നാ​കു​ന്ന ദാനം അവൻ നമുക്ക്‌ ലഭ്യമാ​ക്കി.—റോമ. 6:23; 1 കൊരി. 15:21, 22.

 5. (എ) ദൈവ​വും യേശു​വും മനുഷ്യ​വർഗ​ത്തെ സ്‌നേ​ഹി​ക്കു​ന്നെന്ന്‌ നമുക്ക്‌ എങ്ങനെ അറിയാം? (ബി) യേശു​വി​ന്റെ മരണത്തി​ന്റെ സ്‌മാ​ര​കാ​ച​ര​ണ​ത്തിൽ നാം സന്നിഹി​ത​രാ​കേ​ണ്ടത്‌ എന്തു​കൊണ്ട്‌?

⁵ ദൈവം മനുഷ്യ​വർഗ​മാ​കു​ന്ന ലോകത്തെ സ്‌നേ​ഹി​ക്കു​ന്നെന്ന്‌ മറുവി​ല​യു​ടെ ക്രമീ​ക​ര​ണം വ്യക്തമാ​ക്കു​ന്നു. (യോഹ. 3:16) യേശു​വും നമ്മെ സ്‌നേ​ഹി​ക്കു​ന്നെന്ന്‌ അവന്റെ ബലിമ​ര​ണം തെളി​യി​ക്കു​ന്നു. മാത്ര​വു​മല്ല, ഭൂമി​യിൽ വരുന്ന​തി​നു​മുമ്പ്‌, ദൈവ​ത്തി​ന്റെ കൂടെ “ശില്‌പി”യായി പ്രവർത്തി​ച്ചി​രു​ന്ന യേശു​വി​ന്റെ “പ്രമോ​ദം മനുഷ്യ​പു​ത്ര​ന്മാ​രോ​ടു​കൂ​ടെ ആയിരു​ന്നു!” (സദൃ. 8:30, 31) ദൈവ​ത്തോ​ടും അവന്റെ പുത്ര​നോ​ടും ഉള്ള നന്ദി, യേശു​വി​ന്റെ മരണത്തി​ന്റെ സ്‌മാ​ര​കാ​ച​ര​ണ​ത്തിൽ സന്നിഹി​ത​രാ​കാൻ നമ്മെ പ്രചോ​ദി​പ്പി​ക്കേ​ണ്ട​താണ്‌. അപ്പോൾ, “എന്റെ ഓർമയ്‌ക്കാ​യി ഇതു ചെയ്യു​വിൻ” എന്ന കല്‌പന നാം അനുസ​രി​ക്കു​ക​യാ​യി​രി​ക്കും.—1 കൊരി. 11:23-25.

 6. സ്‌മാ​ര​കാ​ച​ര​ണ​ത്തിൽ ഉപയോ​ഗി​ക്കു​ന്ന അപ്പവീ​ഞ്ഞു​ക​ളെ നാം വീക്ഷി​ക്കേ​ണ്ടത്‌ എങ്ങനെ?

⁶ സ്‌മാ​ര​കാ​ച​ര​ണം ഏർപ്പെ​ടു​ത്ത​വെ, യേശു അപ്പത്തെ​യും വീഞ്ഞി​നെ​യും അത്ഭുത​ക​ര​മാ​യ വിധത്തിൽ തന്റെ അക്ഷരീയ ശരീര​മോ രക്തമോ ആക്കി മാറ്റി​യി​ല്ല. പകരം അപ്പത്തെ​ക്കു​റിച്ച്‌, “ഇത്‌ എന്റെ ശരീരത്തെ അർഥമാ​ക്കു​ന്നു” എന്നും വീഞ്ഞി​നെ​ക്കു​റിച്ച്‌, “ഇത്‌ അനേകർക്കു​വേ​ണ്ടി ചൊരി​യ​പ്പെ​ടാ​നി​രി​ക്കുന്ന എന്റെ ‘ഉടമ്പടി​യു​ടെ രക്ത’ത്തെ അർഥമാ​ക്കു​ന്നു” എന്നുമാണ്‌ അവൻ പറഞ്ഞത്‌. (മർക്കോ. 14:22-24) അതു​കൊണ്ട്‌, അപ്പത്തെ​യും വീഞ്ഞി​നെ​യും ചിഹ്നങ്ങൾ അഥവാ പ്രതീ​ക​ങ്ങൾ ആയാണ്‌ വീക്ഷി​ക്കേ​ണ്ടത്‌ എന്നു വ്യക്തം.

 7. സ്‌മാ​ര​കാ​ച​ര​ണ​ത്തിന്‌ ഉപയോ​ഗി​ക്കു​ന്ന അപ്പം എന്തിന്റെ പ്രതീ​ക​മാണ്‌?

⁷ എ.ഡി. 33-ലെ ആ അതി​പ്ര​ധാ​ന വേളയിൽ, പെസഹാ​ഭ​ക്ഷ​ണ​ത്തിൽ ശേഷിച്ച പുളി​പ്പി​ല്ലാ​ത്ത അപ്പമാണ്‌ യേശു ഉപയോ​ഗി​ച്ചത്‌. (പുറ. 12:8) തിരു​വെ​ഴു​ത്തു​ക​ളിൽ പുളിപ്പ്‌ പലപ്പോ​ഴും കളങ്ക​ത്തെ​യും പാപ​ത്തെ​യും കുറി​ക്കു​ന്നു. (മത്താ. 16:6, 11, 12; ലൂക്കോ. 12:1) തന്നിമി​ത്തം, യേശു പുളി​പ്പി​ല്ലാ​ത്ത അപ്പം ഉപയോ​ഗി​ച്ച​തിന്‌ പ്രത്യേക അർഥമുണ്ട്‌. അവന്റെ പാപര​ഹി​ത​മാ​യ ശരീര​ത്തി​ന്റെ തികച്ചും യോജി​ക്കു​ന്ന ഒരു പ്രതീ​ക​മാ​യി​രു​ന്നു അത്‌. (എബ്രാ. 7:26) അതു​കൊണ്ട്‌, അത്തരം പുളി​പ്പി​ല്ലാ​ത്ത അപ്പംത​ന്നെ​യാണ്‌ സ്‌മാ​ര​കാ​ച​ര​ണ​ത്തിന്‌ ഉപയോ​ഗി​ക്കു​ന്നത്‌.

 8. സ്‌മാ​ര​കാ​ച​ര​ണ​ത്തിന്‌ ഉപയോ​ഗി​ക്കു​ന്ന വീഞ്ഞ്‌ എന്തിന്റെ പ്രതീ​ക​മാണ്‌?

⁸ എ.ഡി. 33, നീസാൻ 14-ന്‌ യേശു ഉപയോ​ഗി​ച്ച വീഞ്ഞ്‌ അവന്റെ രക്തത്തെ പ്രതി​നി​ധാ​നം ചെയ്‌തു. ഇന്ന്‌ സ്‌മാ​ര​കാ​ച​ര​ണ​ത്തിൽ ഉപയോ​ഗി​ക്കു​ന്ന വീഞ്ഞിന്റെ അർഥവും അതുത​ന്നെ​യാണ്‌. യെരു​ശ​ലേ​മിന്‌ പുറത്തുള്ള ഗൊൽഗോ​ഥ എന്ന സ്ഥലത്ത്‌ “പാപ​മോ​ച​ന​ത്തി​നാ​യി” അവന്റെ രക്തം ചൊരി​യ​പ്പെ​ട്ടു. (മത്താ. 26:28; 27:33) സ്‌മാ​ര​ക​ചി​ഹ്ന​ങ്ങ​ളാ​യ അപ്പവും വീഞ്ഞും അനുസ​ര​ണ​മു​ള്ള മനുഷ്യ​വർഗ​ത്തി​നു​വേണ്ടി അർപ്പി​ക്ക​പ്പെട്ട യേശു​വി​ന്റെ വിലതീ​രാ​ത്ത യാഗത്തെ പ്രതി​നി​ധാ​നം ചെയ്യു​ന്ന​തി​നാ​ലും സ്‌നേ​ഹ​പൂർവ​മാ​യ ആ കരുത​ലി​നെ നാം ആഴമായി വിലമ​തി​ക്കു​ന്ന​തി​നാ​ലും കർത്താ​വി​ന്റെ അത്താഴ​ത്തി​ന്റെ വാർഷി​കാ​ച​ര​ണ​ത്തി​നാ​യി നാം ഓരോ​രു​ത്ത​രും വ്യക്തി​പ​ര​മാ​യി ചില ഒരുക്കങ്ങൾ നടത്തു​ന്നത്‌ സമുചി​ത​മാണ്‌.

 9. (എ) സ്‌മാ​ര​ക​കാ​ല ബൈബിൾവാ​യ​നാ​പ​ട്ടിക പിൻപ​റ്റു​ന്നത്‌ വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ബി) മറുവി​ല​യെ വ്യക്തി​പ​ര​മാ​യി നിങ്ങൾ എങ്ങനെ നോക്കി​ക്കാ​ണു​ന്നു?

⁹ തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ എന്ന ചെറു​പുസ്‌ത​ക​ത്തിൽ നൽകി​യി​ട്ടു​ള്ള സ്‌മാ​ര​ക​കാ​ല ബൈബിൾവാ​യ​നാ​പ​ട്ടിക പിൻപ​റ്റി​ക്കൊണ്ട്‌, യേശു തന്റെ മരണത്തി​നു മുമ്പു ചെയ്‌ത കാര്യ​ങ്ങ​ളി​ലൂ​ടെ നമുക്ക്‌ മനസ്സോ​ടി​ക്കാ​നാ​കും. അങ്ങനെ ചെയ്യു​ന്നത്‌ കർത്താ​വി​ന്റെ അത്താഴ​ത്തി​നാ​യി നമ്മുടെ ഹൃദയ​ങ്ങ​ളെ ഒരുക്കാൻ നമ്മെ സഹായി​ക്കും.b ഒരു സഹോ​ദ​രി ഇങ്ങനെ എഴുതി: “സ്‌മാ​ര​ക​ത്തി​നാ​യി ഞങ്ങൾ താത്‌പ​ര്യ​പൂർവം നോക്കി​പ്പാർത്തി​രി​ക്കു​ന്നു. ഓരോ വർഷവും ഞങ്ങളുടെ മനസ്സിൽ അതിന്‌ പുതിയ മാനങ്ങൾ കൈവ​രു​ന്നു. ഡാഡി​യു​ടെ ശവസംസ്‌കാ​ര​ശു​ശ്രൂ​ഷ​യു​ടെ സമയം ഞാൻ ഇന്നും ഓർക്കു​ന്നു. . . . അരി​കെ​നിന്ന്‌ ഡാഡി​യു​ടെ മുഖ​ത്തേ​ക്കു ഞാൻ നോക്കി. മറുവി​ല​യു​ടെ മൂല്യം ശരിക്കും അന്നാണ്‌ എന്റെ ഉള്ളിൽത്ത​ട്ടി​യത്‌. . . . എനിക്ക്‌ തിരു​വെ​ഴു​ത്തു​കൾ അറിയാ​ഞ്ഞി​ട്ടൊ​ന്നും ആയിരു​ന്നി​ല്ല. അവയൊ​ക്കെ അന്നോളം പറയു​ക​യും പഠിപ്പി​ക്കു​ക​യും ഒക്കെ ചെയ്‌തി​രു​ന്നു ഞാൻ! പക്ഷേ മരണത്തി​ന്റെ തണുത്ത കരസ്‌പർശം സ്വന്തം ഹൃദയ​ത്തിൽ അനുഭി​ച്ച​റി​ഞ്ഞ​പ്പോ​ഴാണ്‌ മറുവി​ല​യെന്ന അമൂല്യ ദാനം നമു​ക്കൊ​ക്കെ സാധ്യ​മാ​ക്കു​ന്നത്‌ എന്താ​ണെന്ന്‌ ശരിക്കും ഞാൻ വിലമ​തി​ക്കാ​നി​ട​യാ​യത്‌. എന്റെ ഹൃദയം കൃതജ്ഞ​ത​യോ​ടെ തുടിച്ചു.” അതെ, സ്‌മാ​ര​ക​ത്തി​നാ​യി മനസ്സിനെ ഒരുക്കവെ, പാപത്തി​ന്റെ​യും മരണത്തി​ന്റെ​യും ശാപത്തിൽനിന്ന്‌ യേശു​വി​ന്റെ മറുവി​ല​യാ​ഗം നമ്മെ വിമോ​ചി​പ്പി​ക്കു​ന്നത്‌ എങ്ങനെ​യെന്ന്‌ ധ്യാനി​ക്കു​ന്നത്‌ വളരെ നന്നായി​രി​ക്കും.

10. സ്‌മാ​ര​ക​ത്തി​നാ​യി ഒരുങ്ങു​ന്ന​തി​ന്റെ ഭാഗമാ​യി ശുശ്രൂ​ഷ​യിൽ നമുക്ക്‌ എന്തു ചെയ്യാ​നാ​യേ​ക്കും?

¹⁰ ഏതെങ്കി​ലു​മൊ​ക്കെ വിധത്തിൽ ശുശ്രൂ​ഷ​യി​ലെ പങ്ക്‌ വർധി​പ്പി​ച്ചു​കൊ​ണ്ടും സ്‌മാ​ര​ക​ത്തി​നാ​യി നമുക്ക്‌ ഒരുങ്ങാ​നാ​യേ​ക്കും. സ്‌മാ​ര​ക​കാ​ലത്ത്‌ സഹായ​പ​യ​നി​യ​റിങ്‌ ചെയ്യാൻ നമുക്കാ​കു​മോ? ബൈബിൾവി​ദ്യാർഥി​ക​ളെ​യും മറ്റുള്ള​വ​രെ​യും കർത്താ​വി​ന്റെ അത്താഴ​ത്തിന്‌ ക്ഷണിക്കു​മ്പോൾ നമ്മുടെ ദൈവ​ത്തെ​ക്കു​റി​ച്ചും അവന്റെ പുത്ര​നെ​ക്കു​റി​ച്ചും, യഹോ​വ​യെ പ്രസാ​ദി​പ്പി​ക്കു​ക​യും അവനെ സ്‌തു​തി​ക്കു​ക​യും ചെയ്യു​ന്ന​വർക്കാ​യി കരുതി​വെ​ച്ചി​രി​ക്കു​ന്ന അനു​ഗ്ര​ഹ​ങ്ങ​ളെ​ക്കു​റി​ച്ചും പറയു​ന്ന​തിൽ നാം സന്തോഷം കണ്ടെത്തും.—സങ്കീ. 148:12, 13.

11. കൊരി​ന്തി​ലു​ണ്ടാ​യി​രുന്ന ചിലർ സ്‌മാ​ര​ക​ചി​ഹ്ന​ങ്ങ​ളിൽ അയോ​ഗ്യ​മാ​യി പങ്കുപ​റ്റി​യത്‌ എങ്ങനെ?

¹¹ കർത്താ​വി​ന്റെ അത്താഴ​ത്തി​നാ​യി ഒരുങ്ങവെ, പൗലോസ്‌ കൊരി​ന്തി​ലെ ക്രിസ്‌ത്യാ​നി​കൾക്ക്‌ എഴുതിയ വാക്കു​കൾക്ക്‌ ശ്രദ്ധ​കൊ​ടു​ക്കു​ക. (1 കൊരി​ന്ത്യർ 11:27-34 വായി​ക്കു​ക.) അയോ​ഗ്യ​മാ​യി ആരെങ്കി​ലും അപ്പം ഭക്ഷിക്കു​ക​യോ പാനപാ​ത്ര​ത്തിൽനിന്ന്‌ കുടി​ക്കു​ക​യോ ചെയ്‌താൽ “(യേശു​വി​ന്റെ) ശരീര​വും രക്തവും സംബന്ധിച്ച്‌ അവൻ കുറ്റക്കാ​ര​നാ​കും” എന്ന്‌ പൗലോസ്‌ ശ്രദ്ധയിൽപ്പെ​ടു​ത്തി. അതു​കൊണ്ട്‌ ഓരോ അഭിഷി​ക്ത​നും ‘തന്നെത്തന്നെ ശോധ​ന​ചെയ്‌തി​ട്ടാ​കണം’ ചിഹ്നങ്ങ​ളിൽ പങ്കുപ​റ്റാൻ. അല്ലാത്ത​പ​ക്ഷം, അയാൾ തനിക്കു​ത​ന്നെ “ശിക്ഷാ​വി​ധി തിന്നു​ക​യും കുടി​ക്ക​യും ചെയ്യു”കയാണ്‌. (സത്യ​വേ​ദ​പുസ്‌ത​കം) അനുചി​ത​മാ​യ നടത്ത നിമിത്തം കൊരി​ന്ത്യ​രിൽ “പലരും ബലഹീ​ന​രും രോഗി​ക​ളും ആയി”രുന്നു. “ചിലർ (ആത്മീയ​മാ​യി) മരണനി​ദ്ര പ്രാപി​ക്കു​ക​യും ചെയ്‌തി”രുന്നു. സാധ്യ​ത​യ​നു​സ​രിച്ച്‌, സ്‌മാ​ര​കാ​ച​രണ സമയത്തോ അതിനു മുമ്പോ ചിലർ അമിത​മാ​യി തിന്നു​ക​യും കുടി​ക്കു​ക​യും ചെയ്‌തി​രു​ന്നു. തന്നിമി​ത്തം മാനസി​ക​മാ​യും ആത്മീയ​മാ​യും അവർ ജാഗരൂ​ക​ര​ല്ലാ​യി​രു​ന്നു. അത്തരത്തിൽ അയോ​ഗ്യ​മാ​യ വിധത്തിൽ ചിഹ്നങ്ങ​ളിൽ പങ്കുപ​റ്റി​യത്‌ അവരു​ടെ​മേ​ലു​ള്ള ദൈവാം​ഗീ​കാ​രം നഷ്ടപ്പെ​ടു​ന്ന​തിൽ കലാശി​ച്ചു.

12. (എ) പൗലോസ്‌ സ്‌മാ​ര​ക​ത്തെ എന്തി​നോട്‌ താരത​മ്യ​പ്പെ​ടു​ത്തി, പങ്കുപ​റ്റു​ന്ന​വർക്ക്‌ അവൻ എന്തു മുന്നറി​യി​പ്പു നൽകി? (ബി) സ്‌മാ​ര​ക​ത്തിന്‌ ചിഹ്നങ്ങ​ളിൽ പങ്കുപ​റ്റു​ന്ന ഒരാൾ ഗുരു​ത​ര​മാ​യ ഒരു പാപം ചെയ്‌തി​രി​ക്കു​ന്നെ​ങ്കിൽ എന്തു ചെയ്യണം?

¹² പൗലോസ്‌ സ്‌മാ​ര​ക​ത്തെ മറ്റുള്ള​വ​രു​മാ​യി ഒരുമിച്ച്‌ ആസ്വദി​ക്കു​ന്ന ഒരു ഭക്ഷണ​ത്തോട്‌ താരത​മ്യ​പ്പെ​ടു​ത്തി. പങ്കുപ​റ്റു​ന്ന​വർക്ക്‌ അവൻ ഇങ്ങനെ മുന്നറി​യി​പ്പു നൽകി: ‘നിങ്ങൾക്ക്‌ ഒരേസ​മ​യം യഹോ​വ​യു​ടെ പാനപാ​ത്ര​ത്തിൽനി​ന്നും ഭൂതങ്ങ​ളു​ടെ പാനപാ​ത്ര​ത്തിൽനി​ന്നും കുടി​ക്കാൻ കഴിയില്ല. നിങ്ങൾക്ക്‌ ഒരേസ​മ​യം “യഹോ​വ​യു​ടെ മേശ”യിലും ഭൂതങ്ങ​ളു​ടെ മേശയി​ലും പങ്കുണ്ടാ​യി​രി​ക്കാ​നും സാധി​ക്കി​ല്ല.’ (1 കൊരി. 10:16-21) കർത്താ​വി​ന്റെ അത്താഴ​ത്തിന്‌ ചിഹ്നങ്ങ​ളിൽ പങ്കുപ​റ്റു​ന്ന ഒരു വ്യക്തി ഗുരു​ത​ര​മാ​യ ഒരു പാപം ചെയ്‌തി​രി​ക്കു​ന്നെ​ങ്കിൽ അദ്ദേഹം ആത്മീയ സഹായം തേടണം. (യാക്കോബ്‌ 5:14-16 വായി​ക്കു​ക.) എന്നാൽ ആ അഭിഷി​ക്തൻ “മാനസാ​ന്ത​ര​ത്തി​നു യോജിച്ച ഫലം പുറ​പ്പെ​ടു​വി”ച്ചിട്ടു​ണ്ടെ​ങ്കിൽ, കർത്താ​വി​ന്റെ അത്താഴ​ത്തിൽ പങ്കുപ​റ്റു​മ്പോൾ അദ്ദേഹം യേശു​വി​ന്റെ മറുവി​ല​യോട്‌ അനാദ​രവ്‌ കാണി​ക്കു​ക​യാ​യി​രി​ക്കില്ല.—ലൂക്കോ. 3:8.

13. നമ്മുടെ ദൈവദത്ത പ്രത്യാ​ശ​യെ​ക്കു​റിച്ച്‌ പ്രാർഥ​നാ​പൂർവം വിചി​ന്ത​നം ചെയ്യു​ന്നത്‌ പ്രയോ​ജ​ന​ക​ര​മാ​യി​രി​ക്കു​ന്നത്‌ എന്തു​കൊണ്ട്‌?

¹³ സ്‌മാ​ര​ക​ത്തി​നു​വേ​ണ്ടി വ്യക്തി​പ​ര​മാ​യി ഒരുങ്ങു​മ്പോൾ ഒരു വ്യക്തി തന്റെ ദൈവദത്ത പ്രത്യാ​ശ​യെ​ക്കു​റിച്ച്‌ പ്രാർഥ​നാ​പൂർവം വിചി​ന്ത​നം ചെയ്യു​ന്നത്‌ തീർച്ച​യാ​യും പ്രയോ​ജ​ന​ക​ര​മാ​യി​രി​ക്കും. ഒരു അഭിഷിക്ത ക്രിസ്‌ത്യാ​നി​യാണ്‌ താൻ എന്നുള്ള​തി​ന്റെ വ്യക്തമായ തെളി​വി​ല്ലാ​തെ സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ്റി​ക്കൊണ്ട്‌ യേശു​വി​ന്റെ മറുവി​ല​യോട്‌ അനാദ​രവ്‌ കാണി​ക്കാൻ, യഹോ​വ​യു​ടെ സമർപ്പി​ത​ദാ​സ​നും യേശു​വി​ന്റെ വിശ്വസ്‌താ​നു​ഗാ​മി​യും ആയ ആരും​ത​ന്നെ ആഗ്രഹി​ക്കി​ല്ല. അങ്ങനെ​യെ​ങ്കിൽ ചിഹ്നങ്ങ​ളിൽ പങ്കുപ​റ്റ​ണ​മോ വേണ്ടയോ എന്ന്‌ ഒരു സഹോ​ദ​ര​നോ സഹോ​ദ​രി​ക്കോ എങ്ങനെ നിശ്ചയി​ക്കാൻ കഴിയും?

14. സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ്റു​ന്ന​തു​മാ​യി പുതിയ ഉടമ്പടി ബന്ധപ്പെ​ട്ടി​രി​ക്കു​ന്നത്‌ എങ്ങനെ?

¹⁴ യോഗ്യ​മാ​യ വിധത്തിൽ സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ്റു​ന്ന​വർക്ക്‌ തങ്ങൾ പുതിയ ഉടമ്പടി​യു​ടെ കക്ഷിക​ളാ​ണെന്ന്‌ പൂർണ​ബോ​ധ്യ​മുണ്ട്‌. വീഞ്ഞ്‌ എടുത്തു​കൊണ്ട്‌, “ഈ പാനപാ​ത്രം എന്റെ രക്തത്താ​ലു​ള്ള പുതിയ ഉടമ്പടി​യെ അർഥമാ​ക്കു​ന്നു” എന്ന്‌ യേശു പറഞ്ഞു. (1 കൊരി. 11:25) ന്യായ​പ്ര​മാ​ണ ഉടമ്പടി​യിൽനിന്ന്‌ തികച്ചും വേറിട്ട ഒരു പുതിയ ഉടമ്പടി താൻ ഇസ്രാ​യേ​ല്യ​രു​മാ​യി ചെയ്യു​മെന്ന്‌ പ്രവാ​ച​ക​നാ​യ യിരെ​മ്യാ​വി​ലൂ​ടെ ദൈവം മുൻകൂ​ട്ടി​പ്പ​റ​ഞ്ഞി​രു​ന്നു. (യിരെ​മ്യാ​വു 31:31-34 വായി​ക്കു​ക.) ആ പുതിയ ഉടമ്പടി ദൈവം ആത്മീയ ഇസ്രാ​യേ​ല്യ​രു​മാ​യാണ്‌ ചെയ്‌തി​രി​ക്കു​ന്നത്‌. (ഗലാ. 6:15, 16) ഈ ഉടമ്പടി ക്രിസ്‌തു​വി​ന്റെ യാഗത്താൽ ഉറപ്പി​ക്ക​പ്പെ​ട്ടും അവന്റെ ചൊരി​യ​പ്പെട്ട രക്തത്താൽ പ്രാബ​ല്യ​ത്തിൽവ​ന്നും ഇരിക്കു​ന്നു. (ലൂക്കോ. 22:20) പുതിയ ഉടമ്പടി​യു​ടെ മധ്യസ്ഥൻ യേശു​വാണ്‌. അതി​ലേക്ക്‌ എടുക്ക​പ്പെ​ടു​ന്ന വിശ്വസ്‌ത​രാ​യ അഭിഷി​ക്തർക്ക്‌ സ്വർഗീയ അവകാശം ലഭിക്കു​ന്നു.—എബ്രാ. 8:6; 9:15.

15. രാജ്യ ഉടമ്പടി​യി​ലേക്ക്‌ എടുക്ക​പ്പെ​ട്ടി​രി​ക്കു​ന്നവർ ആര്‌, വിശ്വസ്‌ത​രാ​യി തുടരു​ന്നെ​ങ്കിൽ എന്തു പദവി അവരെ കാത്തി​രി​ക്കു​ന്നു?

¹⁵ സ്‌മാ​ര​ക​ചി​ഹ്ന​ങ്ങ​ളിൽ യോഗ്യ​മാ​യ വിധത്തിൽ പങ്കുപ​റ്റു​ന്ന വ്യക്തികൾ രാജ്യ ഉടമ്പടി​യി​ലേക്ക്‌ തങ്ങൾ എടുക്ക​പ്പെ​ട്ടി​രി​ക്കു​ന്നു​വെന്ന്‌ മനസ്സി​ലാ​ക്കു​ന്നു. (ലൂക്കോസ്‌ 12:32 വായി​ക്കു​ക.) യേശു​വി​ന്റെ അഭിഷി​ക്താ​നു​ഗാ​മി​ക​ളാ​യി​ത്തീ​രു​ക​യും അവന്റെ കഷ്ടാനു​ഭ​വ​ത്തിൽ പങ്കു​ചേർന്ന്‌ വിശ്വസ്‌ത​രാ​യി അവനോട്‌ പറ്റിനിൽക്കു​ക​യും ചെയ്‌ത​വർ അവന്റെ സ്വർഗീയ ഭരണത്തിൽ പങ്കാളി​ക​ളാ​കേ​ണ്ടി​യി​രു​ന്നു. (ഫിലി. 3:10) രാജ്യ ഉടമ്പടി​യിൽ ഉൾപ്പെ​ട്ടി​രി​ക്കു​ന്ന​തു​കൊണ്ട്‌ വിശ്വസ്‌ത​രാ​യ അഭിഷി​ക്തർ സ്വർഗ​ത്തിൽ ക്രിസ്‌തു​വി​നോ​ടൊ​പ്പം രാജാ​ക്ക​ന്മാ​രാ​യി എന്നേക്കും വാഴും. (വെളി. 22:5) അങ്ങനെ​യു​ള്ള വ്യക്തികൾ കർത്താ​വി​ന്റെ അത്താഴ​ത്തിന്‌ സ്‌മാ​ര​ക​ചി​ഹ്ന​ങ്ങ​ളിൽ യഥോ​ചി​തം പങ്കുപ​റ്റു​ന്നു.

16. റോമർ 8:15-17-ന്റെ അർഥം വിശദീ​ക​രി​ക്കു​ക.

¹⁶ തങ്ങൾ ദൈവ​മ​ക്ക​ളാ​ണെന്ന്‌ ആത്മാവി​ന്റെ സാക്ഷ്യ​മു​ള്ള​വർ മാത്രമേ സ്‌മാ​ര​ക​ചി​ഹ്ന​ങ്ങ​ളിൽ പങ്കുപ​റ്റാൻ പാടുള്ളൂ. (റോമർ 8:15-17 വായി​ക്കു​ക.) “അപ്പാ!” എന്ന്‌ അർഥമുള്ള “അബ്ബാ” എന്ന അരാമ്യ​പ​ദ​മാണ്‌ പൗലോസ്‌ ഉപയോ​ഗി​ച്ച​തെന്ന്‌ ശ്രദ്ധി​ക്കു​ക. ഒരു കുഞ്ഞ്‌ തന്റെ അപ്പനെ അങ്ങനെ വിളി​ച്ചേ​ക്കാം. കാരണം അടുപ്പ​വും ആർദ്ര​പ്രി​യ​വും സ്‌ഫു​രി​ക്കു​ന്ന ഒരു പദമാ​യി​രു​ന്നു അത്‌. “പപ്പാ” എന്നോ “അപ്പച്ചാ” എന്നോ ഒരു കുട്ടി വിളി​ക്കു​മ്പോൾ അനുഭ​വ​പ്പെ​ടു​ന്ന ആ ഒരു അടുപ്പം “പിതാവ്‌” എന്ന ആദരവു നിറഞ്ഞ വാക്കി​നോട്‌ ചേർക്കു​ക​യാണ്‌ “അബ്ബാ” എന്ന പദം ചെയ്യു​ന്നത്‌. ‘പുത്ര​ത്വ​ത്തി​ന്റെ ആത്മാവ്‌’ ലഭിച്ചി​രി​ക്കു​ന്ന​വർ ദൈവ​ത്തി​ന്റെ ആത്മജനനം പ്രാപിച്ച മക്കളാണ്‌. തങ്ങൾ യഹോ​വ​യു​ടെ അഭിഷിക്ത പുത്ര​ന്മാ​രാ​ണെന്ന തിരി​ച്ച​റിവ്‌ നൽകി​ക്കൊണ്ട്‌ അവന്റെ ആത്മാവ്‌ അവരുടെ ആത്മാവു​മാ​യി സാക്ഷ്യം വഹിക്കു​ന്നു. അത്‌ കേവലം, ഭൂമി​യിൽ ജീവി​ക്കു​ന്ന​തി​നോട്‌ താത്‌പ​ര്യം നഷ്ടപ്പെ​ടു​ന്ന ഒരു അവസ്ഥാ​വി​ശേ​ഷ​മല്ല. മരണ​ത്തോ​ളം വിശ്വസ്‌ത​രാ​ണെ​ങ്കിൽ സ്വർഗീയ രാജ്യ​ത്തിൽ തങ്ങൾ യേശു​വി​ന്റെ കൂട്ടവ​കാ​ശി​ക​ളാ​യി​രി​ക്കും എന്ന്‌ അവർക്ക്‌ തികഞ്ഞ ബോധ്യ​മുണ്ട്‌. ക്രിസ്‌തു​വി​ന്റെ കാൽച്ചു​വ​ടു പിന്തു​ട​രു​ന്ന​വ​രാ​യ ഈ 1,44,000 പേരിൽ ഒരു ചെറിയ ശേഷി​പ്പു​മാ​ത്ര​മാണ്‌ ഇന്ന്‌ ഭൂമി​യി​ലു​ള്ളത്‌. അവർ “പരിശു​ദ്ധ​നാൽ” അഥവാ യഹോ​വ​യാൽ “അഭി​ഷേ​കം പ്രാപി​ച്ചി”ട്ടുള്ളവ​രാണ്‌. (1 യോഹ. 2:20; വെളി. 14:1) അവന്റെ ആത്മാവി​നാ​ലാണ്‌ അവർ “അബ്ബാ, പിതാവേ” എന്ന്‌ വിളി​ച്ച​പേ​ക്ഷി​ക്കു​ന്നത്‌. ദൈവ​വു​മാ​യി എത്ര അനുഗൃ​ഹീ​ത​മാ​യ ഒരു ബന്ധമാണ്‌ അവർ ആസ്വദി​ക്കു​ന്നത്‌!

17. അഭിഷി​ക്ത​രു​ടെ പ്രത്യാശ എന്താണ്‌, അവർ അതിനെ എങ്ങനെ വീക്ഷി​ക്കു​ന്നു?

¹⁷ നിങ്ങൾ ഒരു അഭിഷിക്ത ക്രിസ്‌ത്യാ​നി​യാ​ണെ​ങ്കിൽ, നിങ്ങളു​ടെ വ്യക്തി​പ​ര​മാ​യ പ്രാർഥ​ന​ക​ളി​ലെ ഒരു മുഖ്യ​വി​ഷ​യം സ്വർഗീയ പ്രത്യാ​ശ​യാ​യി​രി​ക്കും. സ്വർഗീയ മണവാ​ള​നാ​യ യേശു​ക്രിസ്‌തു​വു​മാ​യി “വിവാ​ഹ​നി​ശ്ച​യം” നടത്തി​യി​രി​ക്കു​ന്ന​തി​നെ​ക്കു​റിച്ച്‌ ബൈബിൾ പറയു​മ്പോൾ നിങ്ങൾ അത്‌ നിങ്ങൾക്ക്‌ ബാധക​മാ​ക്കു​ന്നു. അതു​പോ​ലെ, ക്രിസ്‌തു​വി​ന്റെ “മണവാട്ടി”യുടെ ഭാഗമാ​യി​ത്തീ​രു​ന്ന​തി​നാ​യി നിങ്ങൾ നോക്കി​പ്പാർത്തി​രി​ക്കു​ന്നു. (2 കൊരി. 11:2; യോഹ. 3:27-29; വെളി. 21:2, 9-14) ദൈവം തന്റെ ആത്മമക്ക​ളോ​ടു​ള്ള സ്‌നേഹം തന്റെ വചനത്തിൽ പ്രകടി​പ്പി​ച്ചി​രി​ക്കു​ന്നത്‌ കാണു​മ്പോ​ഴും കേൾക്കു​മ്പോ​ഴും, ‘അതെ, അത്‌ എന്നെക്കു​റി​ച്ചാണ്‌’ എന്ന്‌ നിങ്ങളു​ടെ ഹൃദയം പ്രതി​ക​രി​ക്കു​ന്നു. അതു​പോ​ലെ, യഹോ​വ​യു​ടെ വചനം അവന്റെ അഭിഷിക്ത പുത്ര​ന്മാർക്ക്‌ നിർദേ​ശ​ങ്ങൾ നൽകു​മ്പോൾ, ‘അത്‌ എന്നോ​ടാ​ണ​ല്ലോ പറയു​ന്നത്‌’ എന്ന്‌ ഉള്ളിൽ പറയാ​നും അത്‌ അനുസ​രി​ക്കാ​നും പരിശു​ദ്ധാ​ത്മാവ്‌ നിങ്ങളെ പ്രചോ​ദി​പ്പി​ക്കു​ന്നു. അങ്ങനെ, നിങ്ങൾക്ക്‌ സ്വർഗീയ പ്രത്യാ​ശ​യാ​ണു​ള്ള​തെന്ന്‌ സാക്ഷ്യം വഹിക്കു​ന്ന​തിൽ ദൈവ​ത്തി​ന്റെ ആത്മാവും നിങ്ങളു​ടെ ആത്മാവും ഒത്തു​ചേ​രു​ന്നു.

18. ‘വേറെ ആടുകൾക്കു​ള്ള’ പ്രത്യാശ എന്താണ്‌, അതെക്കു​റിച്ച്‌ നിങ്ങൾക്കു​ള്ള വികാരം എന്താണ്‌?

¹⁸ അതേസ​മ​യം, ‘വേറെ ആടുക​ളിൽപ്പെട്ട’ ‘മഹാപു​രു​ഷാ​ര​ത്തി​ന്റെ’ ഭാഗമാണ്‌ നിങ്ങ​ളെ​ങ്കിൽ, ഭൗമിക പ്രത്യാ​ശ​യാണ്‌ ദൈവം നിങ്ങൾക്കു നൽകി​യി​രി​ക്കു​ന്നത്‌. (വെളി. 7:9; യോഹ. 10:16) എക്കാല​വും പറുദീ​സ​യിൽ ജീവി​ക്കാൻ നിങ്ങൾ ആഗ്രഹി​ക്കു​ന്നു. ഭൂമി​യി​ലെ ഭാവി​ജീ​വി​ത​ത്തെ​ക്കു​റിച്ച്‌ ബൈബിൾ പറയുന്ന കാര്യങ്ങൾ നിങ്ങൾ മനസ്സിൽ താലോ​ലി​ക്കു​ക​യും സന്തോ​ഷി​ക്കു​ക​യും ചെയ്യുന്നു. കുടും​ബ​ത്തോ​ടും മറ്റു നീതി​മാ​ന്മാ​രോ​ടും ഒപ്പം സമാധാന സമൃദ്ധി​യിൽ ആനന്ദി​ക്കാ​നാ​യി നിങ്ങൾ നോക്കി​പ്പാർക്കു​ന്നു. ഭക്ഷ്യക്ഷാ​മം, ദാരി​ദ്ര്യം, കഷ്ടപ്പാട്‌, രോഗം, മരണം എന്നിങ്ങ​നെ​യു​ള്ള പ്രശ്‌ന​ങ്ങൾ മനുഷ്യ​വർഗ​ത്തെ മേലാൽ വേട്ടയാ​ടാ​ത്ത കാലത്തി​നാ​യി നിങ്ങൾ ആകാം​ക്ഷ​യോ​ടെ കാത്തി​രി​ക്കു​ന്നു. (സങ്കീ. 37:10, 11, 29; 67:6; 72:7, 16; യെശ. 33:24) മരിച്ച​വ​രു​ടെ ഇടയിൽനിന്ന്‌ ഭൂമി​യിൽ നിത്യം ജീവി​ക്കാ​നു​ള്ള പ്രത്യാ​ശ​യോ​ടെ ഉയിർപ്പി​ക്ക​പ്പെ​ടു​ന്ന​വരെ സ്വാഗതം ചെയ്യാ​നാ​യി നിങ്ങൾ അതിയാ​യി വാഞ്‌ഛി​ക്കു​ന്നു. (യോഹ. 5:28, 29) ഭൗമിക പ്രത്യാശ നൽകി യഹോവ നിങ്ങളെ അനു​ഗ്ര​ഹി​ച്ചി​രി​ക്കു​ന്ന​തിൽ നിങ്ങൾ എത്ര നന്ദിയു​ള്ള​വ​രാണ്‌! ചിഹ്നങ്ങ​ളിൽ പങ്കുപ​റ്റു​ന്നി​ല്ലെ​ങ്കി​ലും യേശു​വി​ന്റെ മറുവി​ല​യാ​ഗ​ത്തോ​ടുള്ള വിലമ​തിപ്പ്‌ തെളി​യി​ച്ചു​കൊണ്ട്‌ നിങ്ങൾ സ്‌മാ​ര​കാ​ച​ര​ണ​ത്തിന്‌ ഹാജരാ​കു​ന്നു.

19, 20. (എ) നിങ്ങളു​ടെ ദൈവദത്ത പ്രത്യാശ യാഥാർഥ്യ​മാ​ക​ണ​മെ​ങ്കിൽ എന്ത്‌ ആവശ്യ​മാണ്‌? (ബി) കർത്താ​വി​ന്റെ അത്താഴ​ത്തിന്‌ ഹാജരാ​കാൻ നിങ്ങൾ ആഗ്രഹി​ക്കു​ന്നത്‌ എന്തു​കൊണ്ട്‌?

¹⁹ നിങ്ങളു​ടെ പ്രത്യാശ ഭൗമി​ക​മാ​യാ​ലും സ്വർഗീ​യ​മാ​യാ​ലും, യഹോ​വ​യാം ദൈവ​ത്തി​ലും യേശു​ക്രിസ്‌തു​വി​ലും മറുവി​ല​യി​ലും വിശ്വാ​സം പ്രകട​മാ​ക്കു​ന്നെ​ങ്കിൽ മാത്രമേ അത്‌ സാക്ഷാത്‌ക​രി​ക്ക​പ്പെ​ടു​ക​യു​ള്ളൂ. സ്‌മാ​ര​ക​ത്തിന്‌ ഹാജരാ​കു​ന്ന​തി​ലൂ​ടെ നിങ്ങളു​ടെ പ്രത്യാ​ശ​യെ​യും യേശു​വി​ന്റെ മരണത്തി​ന്റെ വലിയ പ്രാധാ​ന്യ​ത്തെ​യും കുറിച്ച്‌ ധ്യാനി​ക്കാൻ നിങ്ങൾക്ക്‌ ഒരു അവസരം ലഭിക്കും. അതു​കൊണ്ട്‌, 2015 ഏപ്രിൽ 3 വെള്ളി​യാഴ്‌ച സൂര്യാസ്‌ത​മയ ശേഷം കർത്താ​വി​ന്റെ അത്താഴ​ത്തിന്‌ ലോക​വ്യാ​പ​ക​മാ​യു​ള്ള രാജ്യ​ഹാ​ളു​ക​ളി​ലും മറ്റ്‌ ഇടങ്ങളി​ലും കൂടി​വ​രാൻപോ​കു​ന്ന ദശലക്ഷ​ങ്ങ​ളോ​ടൊ​പ്പം ഹാജരാ​കാൻ നിങ്ങൾക്കും ലക്ഷ്യം​വെ​ക്കാ​നാ​കും.

²⁰ സ്‌മാ​ര​ക​ത്തിന്‌ ഹാജരാ​കു​ന്നത്‌ യേശു​വി​ന്റെ മറുവി​ല​യാ​ഗ​ത്തോ​ടുള്ള നിങ്ങളു​ടെ വിലമ​തിപ്പ്‌ ആഴമു​ള്ള​താ​ക്കും. അവിടെ നടക്കുന്ന പ്രസംഗം ശ്രദ്ധ​വെച്ച്‌ കേൾക്കു​ന്നത്‌ യഹോ​വ​യു​ടെ സ്‌നേ​ഹ​ത്തെ​യും മനുഷ്യ​വർഗ​ത്തെ സംബന്ധിച്ച അവന്റെ മഹത്തായ ഉദ്ദേശ്യ​ത്തെ​യും കുറിച്ച്‌ നിങ്ങൾ പഠിച്ച കാര്യങ്ങൾ അയൽക്കാ​രോട്‌ പറഞ്ഞു​കൊണ്ട്‌ അവരെ സ്‌നേ​ഹി​ക്കാൻ നിങ്ങളെ പ്രചോ​ദി​പ്പി​ക്കും. (മത്താ. 22:34-40) അതു​കൊണ്ട്‌ കർത്താ​വി​ന്റെ അത്താഴ​ത്തിന്‌ ഹാജരാ​കാൻ സകല ശ്രമവും ചെയ്യുക.