“ദൈവ​വ​ചനം ജീവനു​ള്ള​തും ശക്തി​ചെ​ലു​ത്തു​ന്ന​തു​മാ​കു​ന്നു”

1, 2. (എ) ക്രിസ്‌ത്യാ​നി​ക​ളാ​യി​ത്തീ​രു​ന്നവ​രു​ടെ ജീവി​ത​ത്തിൽ മാററ​ങ്ങൾക്കി​ട​യാ​ക്കു​ന്ന​തെന്ത്‌? (ബി) ബൈബി​ളി​ന്‌എത്ര ആഴമായി ഒരാളെ സ്വാധീ​നി​ക്കാൻ കഴിയും?

ക്രി. വ. ഒന്നാം നൂററാ​ണ്ടി​ന്റെ മദ്ധ്യത്തിൽ അപ്പോ​സ്‌ത​ല​നായ പൗലോസ്‌ റോമി​ലെ ക്രിസ്‌തീ​യ​സ​ഭക്ക്‌ ഒരു ലേഖന​മെ​ഴു​തി. അതിൽ ക്രിസ്‌ത്യാ​നി​കൾ മാററം​വ​രു​ത്തേ​ണ്ട​തി​ന്റെ ആവശ്യത്തെ ഊന്നി​പ്പ​റഞ്ഞു. അവൻ പറഞ്ഞു: “ഈ വ്യവസ്ഥി​തി​ക്ക​നു​രൂ​പ​മാ​കു​ന്നതു നിർത്തുക, എന്നാൽ നല്ലതും സ്വീകാ​ര്യ​വും പൂർണ്ണ​വു​മായ ദൈവ​ത്തി​ന്റെ ഇഷ്‌ടം നിങ്ങൾക്കു​തന്നെ ഉറപ്പു​വ​രു​ത്തേ​ണ്ട​തിന്‌ നിങ്ങളു​ടെ മനസ്സു പുതുക്കി രൂപാ​ന്ത​ര​പ്പെ​ടുക.” (റോമർ 12:2) യേശു​വി​ന്റെ അനുഗാ​മി​ക​ളു​ടെ ചിന്താ​രീ​തി​ക്കു​തന്നെ മാററം​വ​രു​ത്തി​ക്കൊണ്ട്‌ അവർക്കു രൂപാ​ന്ത​രം​വ​രു​ത്തു​ന്ന​തെ​ന്താണ്‌? അടിസ്ഥാ​ന​പ​ര​മാ​യി, അത്‌ ദൈവ​വ​ച​ന​മായ ബൈബി​ളി​ന്റെ ശക്തിയാണ്‌.

² ബൈബി​ളിന്‌ എത്ര അഗാധ​മാ​യി നമ്മെ സ്വാധീ​നി​ക്കാൻ കഴിയു​മെന്നു കാണി​ച്ചു​കൊണ്ട്‌ പൗലോസ്‌ എഴുതി: “ദൈവ​ത്തി​ന്റെ വചനം ജീവനു​ള്ള​തും ശക്തി​ചെ​ലു​ത്തു​ന്ന​തും ഇരുവാ​യ്‌ത്ത​ല​യുള്ള ഏതു വാളി​നെ​ക്കാ​ളും മൂർച്ച​യു​ള്ള​തും ദേഹി​യെ​യും ആത്മാവി​നെ​യും, സന്ധിക​ളെ​യും അവയുടെ മജ്ജയെ​യും വെർപെ​ടു​ത്തും​വരെ തുളച്ചു​ചെ​ല്ലു​ന്ന​തും ഹൃദയ​ത്തി​ന്റെ ചിന്തക​ളെ​യും ഉദ്ദേശ്യ​ങ്ങ​ളെ​യും വിവേ​ചി​ക്കാൻ പ്രാപ്‌തി​യു​ള്ള​തു​മാ​കു​ന്നു.” (എബ്രായർ 4:12) തീർച്ച​യാ​യും, ആളുക​ളിൽ അത്തരം മാററങ്ങൾ വരുത്താ​നുള്ള ബൈബി​ളി​ന്റെ അസാധാ​രണ ശക്തി അതു കേവലം മമനു​ഷ്യ​ന്റെ വചന​ത്തേ​ക്കാൾ കവിഞ്ഞ​താ​ണെ​ന്നു​ള്ള​തി​ന്റെ പ്രേര​ണാ​ത്മ​ക​മായ ഒരു തെളി​വാണ്‌.

3, 4. ക്രിസ്‌ത്യാ​നി​ക​ളു​ടെ വ്യക്തി​ത്വ​ങ്ങൾക്ക്‌ എത്ര​ത്തോ​ളം മാററ​മു​ണ്ടാ​കു​ന്നു?

³ റോമർ 12:2ലെ “രൂപാ​ന്ത​ര​പ്പെ​ടുക” എന്നതിന്റെ ഗ്രീക്ക്‌ പദം മെററാ​മോർഫോ​യിൽ നിന്ന്‌ വന്നിട്ടു​ള്ള​താണ്‌. അത്‌ ഒരു പുഴു ഒരു ചിത്ര​ശ​ല​ഭ​മാ​യി രൂപാ​ന്ത​ര​പ്പെ​ടു​ന്ന​തു​പോ​ലെ​യുള്ള പൂർണ്ണ​മായ മാററത്തെ സൂചി​പ്പി​ക്കു​ന്നു. അത്‌ വളരെ പൂർണ്ണ​മാ​യ​തു​കൊണ്ട്‌ ബൈബിൾ അതിനെ ഒരു വ്യക്തി​ത്വ​മാ​ററം എന്നു പറയുന്നു. മറെറാ​രു ബൈബിൾവാ​ക്യ​ത്തിൽ നാം വായി​ക്കു​ന്നു: “പഴയവ്യ​ക്തി​ത്വ​ത്തെ അതിന്റെ നടപടി​ക​ളോ​ടെ ഉരിഞ്ഞു​ക​ള​യു​ക​യും പുതിയ വ്യക്തി​ത്വം ധരിക്കു​ക​യും​ചെ​യ്യുക, അത്‌ അതിനെ സൃഷ്‌ടി​ച്ച​വന്റെ പ്രതി​ച്‌ഛാ​യ​പ്ര​കാ​രം സൂക്ഷ്‌മ​പ​രി​ജ്ഞാ​ന​ത്താൽ പുതു​ക്ക​പ്പെ​ട്ടു​കൊ​ണ്ടി​രി​ക്കു​ന്നു.”—കൊ​ലോ​സ്യർ 3:9, 10.

⁴ കൊരി​ന്തി​ലെ സഭക്ക്‌ എഴുതി​യ​പ്പോൾ, പൗലോസ്‌ ഒന്നാം നൂററാ​ണ്ടിൽ നടന്ന വ്യക്തി​ത്വ​മാ​റ​റ​ങ്ങ​ളു​ടെ വ്യാപ്‌തി പ്രകട​മാ​ക്കി. അവൻ പറഞ്ഞു: “ദുർവൃ​ത്ത​രോ വിഗ്ര​ഹാ​രാ​ധി​ക​ളോ വ്യഭി​ചാ​രി​ക​ളോ പ്രകൃ​തി​വി​രുദ്ധ ഉദ്ദേശ്യ​ങ്ങൾക്കാ​യി സൂക്ഷി​ക്ക​പ്പെ​ടുന്ന പുരു​ഷൻമാ​രോ പുരു​ഷൻമാ​രോ​ടു​കൂ​ടെ ശയിക്കുന്ന പുരു​ഷൻമാ​രോ കള്ളൻമാ​രോ അത്യാ​ഗ്ര​ഹി​ക​ളോ മദ്യപൻമാ​രോ ചീത്ത പറയു​ന്ന​വ​രോ പിടി​ച്ചു​പ​റി​ക്കാ​രോ ദൈവ​രാ​ജ്യം അവകാ​ശ​പ്പെ​ടു​ത്തു​ക​യില്ല. എന്നിരു​ന്നാ​ലും നിങ്ങളിൽ ചിലർ അങ്ങനെ​യു​ള്ളവർ ആയിരു​ന്നു. എന്നാൽ നിങ്ങൾ കഴുകി ശുദ്ധരാ​ക്ക​പ്പെ​ട്ടി​രി​ക്കു​ന്നു.” (1 കൊരി​ന്ത്യർ 6:9-11) അതെ, ദുർമ്മാർഗ്ഗി​ക​ളും വഴക്കടി​ക്കു​ന്ന​വ​രു​മായ ആളുക​ളും കള്ളൻമാ​രും മദ്യപൻമാ​രും മാതൃ​കാ​യോ​ഗ്യ​രായ ക്രിസ്‌ത്യാ​നി​ക​ളാ​യി രൂപാ​ന്ത​ര​പ്പെ​ട്ടി​രു​ന്നു.

ഇന്നത്തെ വ്യക്തി​ത്വ​മാ​റ​റങ്ങൾ

5, 6. ബൈബി​ളി​ന്റെ ശക്തിയാൽ ഒരു ചെറു​പ്പ​ക്കാ​രന്റെ വ്യക്തി​ത്വ​ത്തിന്‌ എങ്ങനെ പൂർണ്ണ​മാ​യി മാററം വന്നു?

⁵ ഇന്ന്‌ സമാന​മായ വ്യക്തി​ത്വ​മാ​റ​റങ്ങൾ കാണ​പ്പെ​ടു​ന്നുണ്ട്‌. ദൃഷ്ടാ​ന്ത​ത്തിന്‌, സൗത്ത​മേ​രി​ക്ക​യി​ലെ ഒരു ബാലൻ ഒൻപതാം വയസ്സിൽ അനാഥ​നാ​യി. അവൻ മാതാ​പി​താ​ക്ക​ളു​ടെ വഴികാ​ട്ട​ലി​ല്ലാ​തെ വളർന്നു. ഗുരു​ത​ര​മായ വ്യക്തി​ത്വ​പ്ര​ശ്‌നങ്ങൾ വളർത്തി​യെ​ടു​ക്കു​ക​യും​ചെ​യ്‌തു. അവൻ പറയുന്നു: “എനിക്ക്‌ 18 വയസ്സാ​യ​പ്പോ​ഴേക്ക്‌ ഞാൻ മയക്കു​മ​രു​ന്നിൽ തികച്ചും ആസക്തനാ​യി​ക്ക​ഴി​ഞ്ഞി​രു​ന്നു. ഈ ശീലം നിലനിർത്താൻ മോഷ​ണ​ത്തി​ലേർപ്പെ​ട്ട​തു​കൊണ്ട്‌ അപ്പോ​ഴേ​ക്കും ജയിലി​ലും കിടന്നി​രു​ന്നു.” എന്നാൽ അവന്റെ അമ്മായി ഒരു യഹോ​വ​യു​ടെ സാക്ഷി​യാ​യി​രു​ന്നു. ഒടുവിൽ അവർക്ക്‌ അവനെ സഹായി​ക്കാൻ കഴിഞ്ഞു.

⁶ ചെറു​പ്പ​ക്കാ​രൻ ഇങ്ങനെ വിശദീ​ക​രി​ക്കു​ന്നു: “എന്റെ അമ്മായി എന്നെ ബൈബിൾ പഠിപ്പി​ച്ചു​തു​ടങ്ങി, ഏഴു മാസം കഴിഞ്ഞ​പ്പോൾ എനിക്ക്‌ മയക്കു​മ​രു​ന്നു​ശീ​ലം ഉപേക്ഷി​ക്കാൻ കഴിഞ്ഞു.” അവൻ തന്റെ മുൻകൂ​ട്ടു​കാ​രിൽനിന്ന്‌ പിരി​യു​ക​യും യഹോ​വ​യു​ടെ സാക്ഷി​ക​ളു​ടെ ഇടയിൽ പുതിയ സുഹൃ​ത്തു​ക്കളെ കണ്ടെത്തു​ക​യും​ചെ​യ്‌തു. അവൻ തുടർന്നു പറയുന്നു: “ഈ പുതിയ കൂട്ടു​കാ​രും എന്റെ നിരന്തര ബൈബിൾപ​ഠ​ന​വും പുരോ​ഗ​മി​ക്കാ​നും ഒടുവിൽ എന്റെ ജീവനെ ദൈവ​സേ​വ​ന​ത്തി​നു സമർപ്പി​ക്കാ​നും എന്നെ പ്രാപ്‌ത​നാ​ക്കി.” ഉവ്വ്‌, ഈ മുൻ മയക്കു​മ​രു​ന്നാ​സ​ക്ത​നും കള്ളനു​മാ​യി​രു​ന്നവൻ ഇപ്പോൾ നിർമ്മ​ല​ജീ​വി​തം നയിക്കുന്ന ഒരു സജീവ​ക്രി​സ്‌ത്യാ​നി​യാണ്‌. എങ്ങനെ​യാണ്‌ അത്തരം സമൂല വ്യക്തി​ത്വ​മാ​ററം സാധി​ച്ചത്‌? ബൈബി​ളി​ന്റെ ശക്തിയാൽ.

7, 8. ബൈബി​ളി​ന്റെ സഹായ​ത്താൽ അനിയ​ന്ത്രി​ത​മായ ഒരു വ്യക്തി​ത്വ​പ്ര​ശ്‌നം എങ്ങനെ പരിഹ​രി​ക്ക​പ്പെ​ട്ടു​വെന്ന്‌ വർണ്ണി​ക്കുക.

⁷ മറെറാ​രു ദൃഷ്ടാന്തം തെക്കൻയൂ​റോ​പ്പിൽനി​ന്നു​ള്ള​താണ്‌. അവിടെ ഒരു യുവാവ്‌ നിയ​ന്ത്രി​ക്കാൻ പ്രയാ​സ​മായ ഒരു വ്യക്തി​ത്വ​പ്ര​ശ്‌ന​ത്തോ​ടെ​യാണ്‌ വളർന്നു​വ​ന്നത്‌: അക്രമാ​സക്ത സ്വഭാവം. അവൻ നിരന്തരം വഴക്കു​ക​ളി​ലേർപ്പെ​ട്ടി​രു​ന്നു. ഒരു കുടും​ബ​സം​വാദ സമയത്ത്‌ അവൻ തന്റെ പിതാ​വി​നെ അടിച്ചു​വീ​ഴി​ച്ചു! ഒടുവിൽ അവൻ യഹോ​വ​യു​ടെ സാക്ഷി​ക​ളോ​ടു​കൂ​ടെ ബൈബിൾ പഠിക്കു​ക​യും റോമ​റു​ടെ പുസ്‌ത​ക​ത്തി​ലെ ഈ ദൈവ​ക​ല്‌പന ശ്രദ്ധി​ക്കു​ക​യും ചെയ്‌തു: “ആരോ​ടും തിൻമ​ക്കു​പ​കരം തിൻമ​ചെ​യ്യ​രുത്‌. . . . സാദ്ധ്യ​മെ​ങ്കിൽ, നിങ്ങളെ ആശ്രയി​ച്ചി​രി​ക്കു​ന്നി​ട​ത്തോ​ളം സകല മനുഷ്യ​രോ​ടും സമാധാ​ന​മാ​യി​രി​ക്കുക. പ്രിയരെ, നിങ്ങൾ തന്നെ പ്രതി​കാ​രം​ചെ​യ്യ​രുത്‌, എന്നാൽ ക്രോ​ധ​ത്തിന്‌ ഇടം​കൊ​ടു​ക്കുക.”—റോമർ 12:17-19.

⁸ ആ വാക്കുകൾ തന്റെ ദൗർബ​ല്യം എത്ര ഹീനമാ​ണെന്ന്‌ തിരി​ച്ച​റി​യാൻ അവനെ സഹായി​ച്ചു. വളർന്നു​കൊ​ണ്ടി​രുന്ന ബൈബിൾപ​രി​ജ്ഞാ​നം അവന്റെ മനസ്സാ​ക്ഷി​യെ സ്‌ഫു​ടം​ചെ​യ്‌തു, അത്‌ അവന്റെ കോപ​പ്ര​കൃ​തത്തെ കീഴട​ക്കാൻ അവനെ സഹായി​ച്ചു. ഒരിക്കൽ അവന്റെ പഠനത്തിൽ കുറെ​യൊ​ക്കെ അഭിവൃ​ദ്ധി പ്രാപി​ച്ച​ശേഷം ഒരു അപരി​ചി​തൻ അവന്റെ നേരെ അധി​ക്ഷേപം ചൊരി​ഞ്ഞു. തന്നിൽ പരിചി​ത​മായ ക്രോധം ശക്തി​പ്രാ​പി​ക്കു​ന്ന​താ​യി യുവാവു കണ്ടു. അനന്തരം അവന്‌ മറെറാ​രു തോന്നൽ ഉണ്ടായി: ഒരു ലജ്ജാ​ബോ​ധം; ഇത്‌ അവന്റെ ക്രോ​ധ​ത്തി​നു വഴങ്ങു​ന്ന​തിൽനിന്ന്‌ അവനെ തടഞ്ഞു. അവൻ ആത്മനി​യ​ന്ത്രണം വളർത്തി​യി​രു​ന്നു, അത്‌ ആത്മാവി​ന്റെ ഒരു പ്രധാ​ന​പ്പെട്ട ഫലമാണ്‌. (ഗലാത്യർ 5:22, 23) ദൈവ​വ​ച​ന​ത്തി​ന്റെ സഹായ​ത്താൽ അവന്റെ വ്യക്തി​ത്വം ഇപ്പോൾ വ്യത്യ​സ്‌ത​മാ​യി​രു​ന്നു.

9. പൗലോസ്‌ പറയു​ന്ന​ത​നു​സ​രിച്ച്‌, ഏതു മുഖാ​ന്ത​ര​ത്താ​ലാണ്‌ നമ്മുടെ വ്യക്തി​ത്വ​ത്തി​നു മാററം വരുന്നത്‌?

⁹ എന്നിരു​ന്നാ​ലും, ബൈബിൾ ഇത്ര ശക്തമായ ഫലം ഉളവാ​ക്കു​ന്ന​തെ​ങ്ങ​നെ​യാണ്‌? നമ്മുടെ വ്യക്തി​ത്വ​ങ്ങൾക്കു മാററം​വ​രു​ന്നത്‌ ബൈബി​ളിൽ കണ്ടെത്ത​പ്പെ​ടുന്ന സൂക്ഷ്‌മ​പ​രി​ജ്ഞാ​നം മുഖാ​ന്ത​ര​മാ​ണെന്ന്‌ കൊ​ലോ​സ്യർ 3:10-ൽ പൗലോസ്‌ പറയു​ക​യു​ണ്ടാ​യി. എന്നാൽ പരിജ്ഞാ​നം ആളുകൾക്ക്‌ മാററം വരുത്തു​ന്ന​തെ​ങ്ങ​നെ​യാണ്‌?

സൂക്ഷ്‌മ​പ​രി​ജ്ഞാ​ന​ത്തി​ന്റെ പങ്ക്‌

10, 11. (എ) നാം ബൈബിൾ പഠിക്കു​മ്പോൾ, നാം അഭില​ഷ​ണീ​യ​വും അനഭി​ല​ഷ​ണീ​യ​വു​മായ വ്യക്തി​ത്വ​സ്വ​ഭാ​വ​ങ്ങ​ളെ​ക്കു​റിച്ച്‌ എന്തു പഠിക്കു​ന്നു? (ബി) നമ്മുടെ ജീവി​ത​ത്തിൽ ഒരു മാററം സാധ്യ​മാ​ക്കു​ന്ന​തിന്‌ പരിജ്ഞാ​ന​ത്തി​നു പുറമേ എന്താവ​ശ്യ​മാണ്‌?

¹⁰ ഒന്നാമ​താ​യി, ഉപേക്ഷി​ക്കേ​ണ്ട​തായ അനഭി​ല​ഷ​ണീയ വ്യക്തിത്വ സ്വഭാ​വ​ങ്ങളെ ബൈബിൾ തിരി​ച്ച​റി​യി​ക്കു​ന്നു. അവയിൽ “ഉദ്ധതമായ കണ്ണുകൾ, വ്യാജം പറയുന്ന നാവ്‌, നിർദ്ദോ​ഷ​രക്തം ചൊരി​യുന്ന കൈകൾ, ദ്രോ​ഹ​ക​ര​മായ പദ്ധതികൾ കെട്ടി​ച്ച​മ​ക്കുന്ന ഒരു ഹൃദയം, വഷളത്വ​ത്തി​ലേക്ക്‌ ഓടാൻ ധൃതി​കൂ​ട്ടുന്ന പാദങ്ങൾ, നുണകൾ തൊടു​ത്തു​വി​ടുന്ന ഒരു കള്ളസാക്ഷി, സഹോ​ദ​രൻമാ​രു​ടെ ഇടയിൽ ഭിന്നതകൾ ഇളക്കി​വി​ടുന്ന ഏവനും” ഉൾപ്പെ​ടു​ന്നു. (സദൃശ​വാ​ക്യ​ങ്ങൾ 6:16-19) രണ്ടാമ​താ​യി, നാം നട്ടുവ​ളർത്തേണ്ട അഭില​ഷ​ണീയ സ്വഭാ​വങ്ങൾ ബൈബിൾ വർണ്ണി​ക്കു​ന്നുണ്ട്‌, അവയിൽ “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം” എന്നിവ ഉൾപ്പെ​ടു​ന്നു.—ഗലാത്യർ 5:22, 23.

¹¹ അങ്ങനെ​യുള്ള സൂക്ഷ്‌മ​പ​രി​ജ്ഞാ​നം തന്നേത്തന്നെ പരി​ശോ​ധി​ക്കു​ന്ന​തി​നും താൻ ഏതു വ്യക്തി​ത്വ​സ്വ​ഭാ​വങ്ങൾ നട്ടുവ​ളർത്തേ​ണ്ട​തു​ണ്ടെ​ന്നും ഏതു നീക്കം ചെയ്യാൻ ശ്രമി​ക്കേ​ണ്ട​തു​ണ്ടെ​ന്നും കാണു​ന്ന​തി​നും ആത്‌മാർത്ഥ​ത​യുള്ള ഒരാളെ സഹായി​ക്കു​ന്നു. (യാക്കോബ്‌ 1:25) എന്നിരു​ന്നാ​ലും, അത്‌ ഒരു തുടക്കം മാത്ര​മാണ്‌. പരിജ്ഞാ​ന​ത്തി​നു പുറമേ പ്രേര​ക​ഘ​ട​ക​മു​ണ്ടാ​യി​രി​ക്കണം, അതായത്‌ മാററം​വ​രു​ത്താ​നാ​ഗ്ര​ഹി​ക്ക​ത്ത​ക്ക​വണ്ണം അയാളെ പ്രേരി​പ്പി​ക്കാൻ എന്തെങ്കി​ലും ഉണ്ടായി​രി​ക്കണം. ഇവിടെ വീണ്ടും അയാൾക്ക്‌ ബൈബി​ളിൽനി​ന്നുള്ള സൂക്ഷ്‌മ​പ​രി​ജ്ഞാ​നം ആവശ്യ​മാണ്‌.

നല്ലവരാ​കാൻ പ്രേരണ

12. ദൈവ​ത്തി​ന്റെ വ്യക്തി​ത്വ​ത്തെ​ക്കു​റി​ച്ചുള്ള പരിജ്ഞാ​നം മാററം​വ​രു​ത്താൻ നമ്മെ സഹായി​ക്കു​ന്ന​തെ​ങ്ങനെ?

¹² അഭില​ഷ​ണീ​യ​മായ പുതിയ വ്യക്തി​ത്വം “അതിനെ സൃഷ്ടി​ച്ച​വന്റെ പ്രതി​ച്ഛാ​യ​പ്ര​കാ​രം” കരുപ്പി​ടി​പ്പി​ക്ക​പ്പെ​ടു​ന്നു​വെന്ന്‌ പൗലോസ്‌ പറഞ്ഞു. (കൊ​ലോ​സ്യർ 3:10) അതു​കൊണ്ട്‌ ക്രിസ്‌തീ​യ​വ്യ​ക്തി​ത്വം ദൈവ​ത്തി​ന്റെ സ്വന്തം വ്യക്തി​ത്വ​ത്തോ​ടു സദൃശ​മാ​യി​രി​ക്കണം. (എഫേസ്യർ 5:1) ബൈബി​ളി​ലൂ​ടെ ദൈവ​ത്തി​ന്റെ വ്യക്തി​ത്വം നമുക്ക്‌ വെളി​പ്പെ​ടു​ത്ത​പ്പെ​ട്ടി​രി​ക്കു​ന്നു. മനുഷ്യ​വർഗ്ഗ​ത്തോ​ടുള്ള അവന്റെ ഇടപെ​ട​ലു​കൾ നാം കാണുന്നു. അവന്റെ സ്‌നേഹം, ദയ, നൻമ, കരുണ, നീതി എന്നിവ​പോ​ലെ​യുള്ള അവന്റെ സൽഗു​ണ​ങ്ങളെ നിരീ​ക്ഷി​ക്കു​ക​യും​ചെ​യ്യു​ന്നു. അങ്ങനെ​യുള്ള പരിജ്ഞാ​നം ദൈവത്തെ സ്‌നേ​ഹി​ക്കാ​നും ദൈവം അംഗീ​ക​രി​ക്കുന്ന തരം ആളായി​രി​ക്കാ​നാ​ഗ്ര​ഹി​ക്കു​ന്ന​തി​നും നീതി​ഹൃ​ദ​യ​മുള്ള ഒരാളെ പ്രേരി​പ്പി​ക്കു​ന്നു. (മത്തായി 22:37) സ്‌നേ​ഹ​മുള്ള മക്കൾ എന്ന നിലയിൽ നാം നമ്മുടെ സ്വർഗ്ഗീ​യ​പി​താ​വി​നെ പ്രീതി​പ്പെ​ടു​ത്താൻ ആഗ്രഹി​ക്കു​ന്നു. തന്നിമി​ത്തം നാം നമ്മുടെ ദുർബ​ല​മായ അപൂർണ്ണാ​വ​സ്ഥ​യിൽ നമ്മാൽ കഴിയു​ന്നി​ട​ത്തോ​ളം അവന്റെ വ്യക്തി​ത്വ​ത്തെ അനുക​രി​ക്കാൻ ശ്രമി​ക്കു​ന്നു.—എഫേസ്യർ 5:1.

13. ‘നീതിയെ സ്‌നേ​ഹി​ക്കാ​നും അധർമ്മത്തെ വെറു​ക്കാ​നും’ ഏതു പരിജ്ഞാ​നം നമ്മെ പഠിപ്പി​ക്കു​ന്നു?

¹³ നല്ലതും ചീത്തയു​മായ വ്യക്തിത്വ സ്വഭാ​വങ്ങൾ എങ്ങോട്ടു നയിക്കു​ന്നു​വെ​ന്ന​തു​സം​ബ​ന്ധിച്ച്‌ ബൈബിൾ നൽകുന്ന അറിവി​നാൽ നമ്മുടെ പ്രേരണ ശക്തീക​രി​ക്ക​പ്പെ​ടു​ന്നു. (സങ്കീർത്തനം 14:1-5; 15:1-5; 18:20, 24) ദാവീദ്‌ തന്റെ ദൈവി​ക​ഭ​ക്തി​യും നീതി​സ്‌നേ​ഹ​വും നിമിത്തം അനു​ഗ്ര​ഹി​ക്ക​പ്പെ​ട്ടു​വെ​ങ്കി​ലും അവന്‌ ആത്മനി​യ​ന്ത്രണം നഷ്ടപ്പെ​ട്ട​പ്പോൾ അവൻ കഷ്ടപ്പെ​ട്ടു​വെ​ന്നും നാം മനസ്സി​ലാ​ക്കു​ന്നു. ശലോ​മോ​ന്റെ വാർദ്ധ​ക്യ​ത്തിൽ അവന്റെ സദ്‌ഗു​ണങ്ങൾ ദുഷി​പ്പി​ക്ക​പ്പെ​ട്ട​പ്പോ​ഴത്തെ സങ്കടക​ര​മായ ഫലങ്ങൾ നാം കാണുന്നു. യോശി​യാ​വി​ന്റെ​യും ഹിസ്‌ക്കീ​യാ​വി​ന്റെ​യും സത്യസ​ന്ധ​ത​യിൽനി​ന്നു കൈവന്ന അനു​ഗ്ര​ഹ​ങ്ങ​ളും ആഹാബി​ന്റെ ദൗർബ​ല്യ​ത്തി​ന്റെ​യും മനശ്ശെ​യു​ടെ ശാഠ്യ​പൂർവ​ക​മായ വിശ്വാ​സ​ത്യാ​ഗ​ത്തി​ന്റെ​യും അനർത്ഥ​ഫ​ല​ങ്ങ​ളും തമ്മിൽ വിപരീ​ത​താ​ര​ത​മ്യം​ചെ​യ്യ​പ്പെ​ട്ടി​രി​ക്കു​ന്നു. (ഗലാത്യർ 6:7) അങ്ങനെ നാം ‘നീതിയെ സ്‌നേ​ഹി​ക്കാ​നും അധർമ്മത്തെ വെറു​ക്കാ​നും’ പഠിക്കു​ന്നു.—എബ്രായർ 1:9; സങ്കീർത്തനം 45:7; 97:10.

14. ലോകത്തെ സംബന്ധി​ച്ചും അതിലെ വ്യക്തി​കളെ സംബന്ധി​ച്ചു​മുള്ള യഹോ​വ​യു​ടെ ഉദ്ദേശ്യ​ങ്ങൾ എന്താണ്‌?

¹⁴ ഈ പ്രേരണ ദൈ​വോ​ദ്ദേ​ശ്യ​ങ്ങൾ സംബന്ധിച്ച സൂക്ഷ്‌മ​പ​രി​ജ്ഞാ​ന​ത്താൽ പിന്നെ​യും ബലിഷ്‌ഠ​മാ​ക്ക​പ്പെ​ടു​ന്നു. അങ്ങനെ​യുള്ള പരിജ്ഞാ​നം ‘നമ്മുടെ മനസ്സു​കളെ പ്രവർത്തി​പ്പി​ക്കുന്ന’ ശക്തിക്കു​തന്നെ മാററം​വ​രു​ത്താൻ സഹായി​ക്കു​ന്നു, അത്‌ നമ്മുടെ ചിന്തക​ളെ​യും പ്രവൃ​ത്തി​ക​ളെ​യും പ്രചോ​ദി​പ്പി​ക്കുന്ന ആത്മാവാണ്‌. (എഫേസ്യർ 4:23, 24) നാം ബൈബിൾ പഠിക്കു​മ്പോൾ, യഹോവ എന്നേക്കും ദുഷ്ടതയെ പൊറു​ക്കു​ക​യി​ല്ലെന്നു നാം മനസ്സി​ലാ​ക്കു​ന്നു. പെട്ടെ​ന്നു​തന്നെ അവൻ നീതി​കെട്ട ഈ ലോകത്തെ നശിപ്പി​ക്കു​ക​യും ‘നീതി വസിക്കുന്ന പുതിയ ആകാശ​ങ്ങ​ളും പുതിയ ഭൂമി​യും’ ആനയി​ക്കു​ക​യും​ചെ​യ്യും. (2 പത്രോസ്‌ 3:8-10, 13) ഈ പുതിയ ലോക​ത്തിൽ ആരായി​രി​ക്കും ജീവി​ക്കുക? “നേരു​ള്ള​വ​രാ​യി​രി​ക്കും ഭൂമി​യിൽ വസിക്കു​ന്നത്‌, നിഷ്‌ക്ക​ള​ങ്കൻമാ​രാ​യി​രി​ക്കും അതിൽ ശേഷി​ച്ചി​രി​ക്കു​ന്നത്‌; ദുഷ്ടൻമാ​രെ സംബന്ധി​ച്ചാ​ണെ​ങ്കിൽ അവർ ഭൂമി​യിൽനി​ന്നു​തന്നെ ഛേദി​ക്ക​പ്പെ​ടും, വഞ്ചകൻമാ​രെ സംബന്ധി​ച്ചാ​ണെ​ങ്കിൽ അവർ അതിൽനിന്ന്‌ പറിച്ചു​മാ​റ​റ​പ്പെ​ടും.”—സദൃശ​വാ​ക്യ​ങ്ങൾ 2:21, 22.

15. യഹോ​വ​യു​ടെ ഉദ്ദേശ്യ​ങ്ങ​ളെ​സം​ബ​ന്ധിച്ച്‌ ബൈബിൾ പറയു​ന്നതു നാം യഥാർത്ഥ​മാ​യി വിശ്വ​സി​ക്കു​ന്നു​വെ​ങ്കിൽ, അത്‌ വ്യക്തി​ക​ളെന്ന നിലയിൽ നമ്മെ എങ്ങനെ ബാധി​ക്കും?

¹⁵ നാം ഈ വാഗ്‌ദത്തം യഥാർത്ഥ​മാ​യി വിശ്വ​സി​ക്കു​ന്നു​വെ​ങ്കിൽ, നമ്മുടെ മുഴു​ചി​ന്താ​രീ​തി​യും ബാധി​ക്ക​പ്പെ​ടും. അപ്പോ​സ്‌ത​ല​നായ പത്രോസ്‌ ദുഷ്ടത​യു​ടെ നാശ​ത്തെ​ക്കു​റി​ച്ചു പ്രവചി​ച്ച​ശേഷം ഇങ്ങനെ പറയുന്നു: “ഇവയെ​ല്ലാം ഇങ്ങനെ വിലയി​ക്ക​പ്പെ​ടാ​നി​രി​ക്കു​ന്ന​തി​നാൽ, യഹോ​വ​യു​ടെ ദിവസ​ത്തി​നു​വേണ്ടി കാത്തി​രു​ന്നും അതിനെ മനസ്സിൽ അടുപ്പി​ച്ചു​നിർത്തി​യും​കൊണ്ട്‌ നിങ്ങൾ നടത്തയു​ടെ വിശു​ദ്ധ​പ്ര​വർത്ത​ന​ങ്ങ​ളി​ലും ദൈവി​ക​ഭ​ക്തി​പ്ര​വൃ​ത്തി​ക​ളി​ലും എങ്ങനെ​യുള്ള ആളുക​ളാ​യി​രി​ക്കേ​ണ്ട​താണ്‌.” (2 പത്രോസ്‌ 3:11, 12) നമ്മുടെ വ്യക്തി​ത്വ​ങ്ങൾ ദുഷ്ടൻമാർ നശിപ്പി​ക്ക​പ്പെ​ടു​മ്പോൾ ശേഷി​ക്കുന്ന നേരു​ള്ള​വ​രു​ടെ കൂട്ടത്തിൽ ഉണ്ടായി​രി​ക്കാ​നുള്ള നമ്മുടെ ശക്തമായ ആഗ്രഹ​ത്താൽ കരുപ്പി​ടി​പ്പി​ക്ക​പ്പെ​ടേ​ണ്ട​താണ്‌.

16. പുതിയ ലോക​ത്തിൽ ഏതുതരം വ്യക്തി​ത്വ​ങ്ങൾക്ക്‌ സ്ഥാനമു​ണ്ടാ​യി​രി​ക്ക​യില്ല, ഈ അറിവു നമ്മെ എങ്ങനെ ബാധി​ക്കണം?

¹⁶ ഈ ലോക​ത്തി​ന്റെ അവസാ​ന​ത്തി​നു​ശേഷം “[ദൈവം]അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും” എന്ന്‌ വെളി​പ്പാ​ടു​പു​സ്‌തകം നേരു​ള്ള​വ​രോട്‌ വാഗ്‌ദാ​നം ചെയ്യുന്നു. “മേലാൽ മരണം ഉണ്ടായി​രി​ക്കു​ക​യില്ല, വിലാ​പ​മോ നിലവി​ളി​യോ വേദന​യോ ഇനി ഉണ്ടായി​രി​ക്ക​യില്ല. മുൻകാ​ര്യ​ങ്ങൾ നീങ്ങി​പ്പോ​യി​രി​ക്കു​ന്നു.” പിന്നീട്‌ “ഭീരുക്കൾ, വിശ്വാ​സ​മി​ല്ലാ​ത്തവർ, തങ്ങളുടെ മാലി​ന്യ​ത്തിൽ അറെക്ക​ത്ത​ക്കവർ, കൊല​പാ​ത​കി​കൾ, ദുർവൃ​ത്തർ, ആത്മവിദ്യ ആചരി​ക്കു​ന്നവർ, വിഗ്ര​ഹാ​രാ​ധകർ, എന്നിവ​രും സകല ഭോഷ്‌ക്കാ​ളി​ക​ളും” തള്ളപ്പെ​ടു​മെന്ന്‌ അത്‌ മുന്നറി​യി​പ്പു​നൽകു​ന്നു. (വെളി​പ്പാട്‌ 21:4, 8) ദൈവം പുതിയ ലോക​ത്തിൽ അനുവ​ദി​ക്കാൻ വിസമ്മ​തി​ക്കുന്ന അനഭി​ല​ഷ​ണീയ ഗുണങ്ങൾ ഒഴിവാ​ക്കു​ന്നത്‌ എത്ര ജ്ഞാനപൂർവ​ക​മാണ്‌!

പുറത്തു​നി​ന്നുള്ള സഹായം

17. ഏതു തരം സഹായം തേടാൻ ബൈബിൾ നമ്മെ ബുദ്ധി​യു​പ​ദേ​ശി​ക്കു​ന്നു?

¹⁷ എന്നിരു​ന്നാ​ലും മനുഷ്യർ ദുർബ​ല​രാണ്‌, അവർ മാററം​വ​രു​ത്ത​ണ​മെ​ങ്കിൽ പരിജ്ഞാ​ന​ത്തി​നും പ്രേര​ണ​ക്കും പുറമേ ചിലതു​കൂ​ടെ അവർക്കാ​വ​ശ്യ​മാണ്‌. അവർക്ക്‌ വ്യക്തി​പ​ര​മായ സഹായം ആവശ്യ​മാണ്‌, ഈ സഹായം എവിടെ കണ്ടെത്താ​മെന്ന്‌ ബൈബിൾ നമുക്കു കാണി​ച്ചു​ത​രു​ന്നു. ദൃഷ്ടാ​ന്ത​ത്തിന്‌, അതു പറയുന്നു: “ജ്ഞാനി​ക​ളോ​ടു​കൂ​ടെ നടക്കു​ന്നവൻ ജ്ഞാനി​യാ​യി​ത്തീ​രും, എന്നാൽ മൂഢൻമാ​രോട്‌ ഇടപാ​ടു​ക​ളു​ള്ളവൻ ചീത്തയാ​കും.” (സദൃശ​വാ​ക്യ​ങ്ങൾ 13:20) അതു​പോ​ലെ​തന്നെ, നാം നട്ടുവ​ളർത്താൻ ആഗ്രഹി​ക്കുന്ന ഗുണങ്ങൾ പ്രകട​മാ​ക്കു​ന്ന​വ​രോട്‌ നാം സഹവസി​ക്കു​ന്നു​വെ​ങ്കിൽ അവരെ​പ്പോ​ലെ​യാ​കാൻ നാം അതിയാ​യി സഹായി​ക്ക​പ്പെ​ടും.—ഉല്‌പത്തി 6:9; സദൃശ​വാ​ക്യ​ങ്ങൾ 2:20; 1 കൊരി​ന്ത്യർ 15:33.

18, 19. നമ്മുടെ മനസ്സു​ക​ളെ​യും ഹൃദയ​ങ്ങ​ളെ​യും ദൈവാ​ത്മാ​വി​നു വിധേ​യ​മാ​ക്കാൻ നാം എന്തു ചെയ്യേ​ണ്ട​തുണ്ട്‌?

¹⁸ കൂടാതെ, യഹോ​വ​തന്നെ പരിശു​ദ്ധാ​ത്മാ​വി​ന്റെ രൂപത്തിൽ സഹായം പ്രദാ​നം​ചെ​യ്യു​ന്നു—മുൻകാ​ല​ങ്ങ​ളിൽ അത്ഭുത​ങ്ങൾചെ​യ്യാൻ അവൻ ഉപയോ​ഗിച്ച അതേ ആത്മാവി​നെ തന്നെ. തീർച്ച​യാ​യും, അത്യന്തം അഭില​ഷ​ണീ​യ​മായ ഗുണങ്ങ​ളായ “സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം” എന്നിവ “ആത്മാവി​ന്റെ ഫലങ്ങൾ” എന്നു വിളി​ക്ക​പ്പെ​ട്ടി​രി​ക്കു​ന്നു. (ഗലാത്യർ 5:22, 23) നാം പരിശു​ദ്ധാ​ത്മാ​വി​ന്റെ സഹായം നേടു​ന്ന​തെ​ങ്ങ​നെ​യാണ്‌? ബൈബിൾ പരിശു​ദ്ധാ​ത്മാ​വി​നാൽ നിശ്വ​സ്‌ത​മാ​ക്ക​പ്പെ​ട്ട​താ​യ​തു​കൊണ്ട്‌ നാം അതു വായി​ക്കു​ക​യോ അതി​നെ​ക്കു​റി​ച്ചു മററു​ള്ള​വ​രോ​ടു സംസാ​രി​ക്കു​ക​യോ ചെയ്യു​മ്പോൾ, നാം ആ ആത്മാവി​ന്റെ പ്രേര​ണാ​ത്മ​ക​ശ​ക്തിക്ക്‌ നമ്മുടെ ഹൃദയ​ത്തെ​യും മനസ്സി​നെ​യും വിധേ​യ​മാ​ക്കു​ക​യാണ്‌. (2 തിമൊ​ഥെ​യോസ്‌ 3:16) തീർച്ച​യാ​യും, നാം നമ്മുടെ പ്രത്യാ​ശ​യെ​ക്കു​റിച്ച്‌ മററു​ള്ള​വ​രോ​ടു സംസാ​രി​ക്കു​മ്പോൾ നമുക്ക്‌ ആ ആത്മാവി​ന്റെ നേരി​ട്ടുള്ള പ്രവർത്തനം അനുഭ​വ​പ്പെ​ടു​മെന്ന്‌ യേശു വാഗ്‌ദാ​നം​ചെ​യ്‌തു.—മത്തായി 10:18-20.

¹⁹ അതിനും പുറമേ, “പ്രാർത്ഥ​ന​യിൽ ഉററി​രി​ക്കുക” എന്ന്‌ ബൈബിൾ കല്‌പ്പി​ക്കു​ന്നു. (റോമർ 12:12) പ്രാർത്ഥ​ന​യിൽ നാം യഹോ​വ​യാം ദൈവത്തെ സംബോ​ധ​ന​ചെ​യ്യു​ക​യും അവനെ സ്‌തു​തി​ക്കു​ക​യും അവനു നന്ദി​കൊ​ടു​ക്കു​ക​യും അവന്റെ സഹായ​ത്തി​നാ​യി അപേക്ഷി​ക്കു​ക​യും ചെയ്യുന്നു. കോപ​പ്ര​കൃ​തി​യോ ശാഠ്യ​മോ അക്ഷമയോ അഹങ്കാ​ര​മോ പോ​ലെ​യുള്ള അനഭി​ല​ഷ​ണീ​യ​സ്വ​ഭാ​വ​ങ്ങളെ തരണം​ചെ​യ്യാ​നുള്ള സഹായ​ത്തി​നു​വേണ്ടി നാം അപേക്ഷി​ക്കു​ന്നു​വെ​ങ്കിൽ ആ പ്രാർത്ഥ​ന​ക്ക​നു​യോ​ജ്യ​മാ​യി നാം ചെയ്യുന്ന ഏതു ശ്രമങ്ങ​ളെ​യും ദൈവം പിന്താ​ങ്ങും.—യോഹ​ന്നാൻ 14:13, 14; യാക്കോബ്‌ 1:5; 1 യോഹ​ന്നാൻ 5:14.

20. പുതിയ വ്യക്തി​ത്വം ധരിക്കു​ന്ന​തിന്‌ ക്രിസ്‌ത്യാ​നി​കൾ ശ്രമി​ച്ചു​കൊ​ണ്ടി​രി​ക്കേ​ണ്ട​തെ​ന്തു​കൊണ്ട്‌?

²⁰ “നിങ്ങളു​ടെ മനസ്സു പുതുക്കി രൂപാ​ന്ത​ര​പ്പെ​ടുക” എന്ന്‌ പൗലോസ്‌ എഴുതി​യ​പ്പോൾ അവൻ സ്‌നാ​പ​ന​മേററ അഭിഷി​ക്ത​ക്രി​സ്‌ത്യാ​നി​ക​ളു​ടെ ഒരു സഭക്കാണ്‌ എഴുതി​യത്‌. (റോമർ 1:7; 12:2) മൂല​ഗ്രീ​ക്കിൽ അവൻ തുടർച്ച​യായ പ്രവർത്ത​നത്തെ സൂചി​പ്പി​ക്കുന്ന ഒരു ക്രിയാ​രൂ​പ​മാണ്‌ ഉപയോ​ഗി​ച്ചത്‌. ബൈബി​ളിൽനി​ന്നുള്ള സൂക്ഷ്‌മ​പ​രി​ജ്ഞാ​ന​ത്താൽ നമ്മിൽ വരുന്ന രൂപാ​ന്തരം തുടർച്ച​യാ​യു​ള്ള​താ​ണെന്ന്‌ ഇതു സൂചി​പ്പി​ക്കു​ന്നു. പൗലോ​സി​ന്റെ നാളിലെ ക്രിസ്‌ത്യാ​നി​ക​ളെ​പ്പേലെ, ഇന്നു നാമും ദുഷി​പ്പി​ക്കുന്ന സ്വാധീ​നങ്ങൾ നിറഞ്ഞ ഒരു ലോക​ത്താൽ ചുററ​പ്പെ​ട്ടി​രി​ക്കു​ന്നു. നാം അവരെ​പ്പോ​ലെ അപൂർണ്ണ​രും തെററി​ലേ​ക്കുള്ള ചായ്‌വു​ള്ള​വ​രു​മാണ്‌. (ഉല്‌പത്തി 8:21) അതു​കൊണ്ട്‌, അവരെ​പ്പോ​ലെ പഴയ സ്വാർത്ഥ​വ്യ​ക്തി​ത്വ​ത്തെ തരണം​ചെ​യ്യാ​നും പുതിയ വ്യക്തി​ത്വം ധരിക്കാ​നും നാം ശ്രമി​ച്ചു​കൊ​ണ്ടി​രി​ക്കണം. ആദിമ​ക്രി​സ്‌ത്യാ​നി​കൾ തങ്ങൾക്കു ചുററു​മുള്ള ലോക​ത്തിൽനിന്ന്‌ തികച്ചും വ്യത്യ​സ്‌ത​രാ​യി മുന്തി​നിൽക്കത്തക്ക അളവോ​ളം വിജയി​ക്കു​ക​യു​ണ്ടാ​യി. ഇന്നത്തെ ക്രിസ്‌ത്യാ​നി​ക​ളും അതുതന്നെ ചെയ്യുന്നു.

“യഹോ​വ​യാൽ പഠിപ്പി​ക്ക​പ്പെ​ടുന്ന” ഒരു ജനം

21. ഈ അന്ത്യനാ​ളു​ക​ളിൽ ദൈവ​ജ​ന​ത്തിൻമേൽ നിവൃ​ത്തി​യാ​യി​ക്കൊ​ണ്ടി​രി​ക്കുന്ന പ്രവച​ന​ങ്ങ​ളിൽ ചിലതേവ?

²¹ തീർച്ച​യാ​യും ദൈവ​ത്തി​ന്റെ ആത്മാവ്‌ ഇന്ന്‌ വ്യക്തി​ക​ളു​ടെ​മേൽമാ​ത്രമല്ല, ക്രിസ്‌ത്യാ​നി​ക​ളു​ടെ ഒരു മുഴു സ്ഥാപന​ത്തിൻമേ​ലും പ്രവർത്തി​ക്കു​ന്നു, അവരുടെ എണ്ണം ദശലക്ഷ​ക്ക​ണ​ക്കി​നാണ്‌. യെശയ്യാ​വി​ന്റെ ഈ പ്രാവ​ച​നി​ക​വ​ച​നങ്ങൾ ഈ സ്ഥാപന​ത്തിൻമേൽ നിവൃ​ത്തി​യേ​റു​ന്നു: “അനേകം ജനങ്ങൾ തീർച്ച​യാ​യും പോയി ‘ജനങ്ങളേ വരുവിൻ, നമുക്ക്‌ യഹോ​വ​യു​ടെ പർവത​ത്തി​ലേക്ക്‌, യാക്കോ​ബിൻ ദൈവ​ത്തി​ന്റെ ആലയത്തി​ലേക്ക്‌ കയറി​പ്പോ​കാം; അവൻ തന്റെ വഴിക​ളെ​ക്കു​റി​ച്ചു നമ്മെ പഠിപ്പി​ക്കും, നാം അവന്റെ പാതക​ളിൽ നടക്കു​ക​യും​ചെ​യ്യും’ എന്നു പറയും.” (യെശയ്യാവ്‌ 2:3) കൂടു​ത​ലാ​യുള്ള യെശയ്യാ​വി​ന്റെ പ്രവച​ന​വും അവരുടെ കാര്യ​ത്തിൽ നിവൃ​ത്തി​യാ​യി​രി​ക്കു​ന്നു: “നിന്റെ പുത്രൻമാ​രെ​ല്ലാം യഹോ​വ​യാൽ പഠിപ്പി​ക്ക​പ്പെട്ട ആളുക​ളാ​യി​രി​ക്കും, നിന്റെ പുത്രൻമാ​രു​ടെ സമാധാ​നം സമൃദ്ധ​മാ​യി​രി​ക്കും.” (യെശയ്യാവ്‌ 54:13) യഹോ​വ​യാൽ പഠിപ്പി​ക്ക​പ്പെ​ടു​ന്ന​തു​നി​മി​ത്തം സമാധാ​നം ആസ്വദി​ക്കുന്ന ഇവർ ആരാണ്‌?

22. (എ) ഇന്ന്‌ ആരാണ്‌ യഹോ​വ​യാൽ പഠിപ്പി​ക്ക​പ്പെ​ടു​ന്നത്‌? (ബി) യഹോ​വ​യു​ടെ സാക്ഷികൾ വ്യത്യ​സ്‌ത​രാ​ണെന്ന്‌ പുറത്തു​ള്ളവർ തിരി​ച്ച​റി​യു​ന്നു​ണ്ടെന്ന്‌ പ്രകട​മാ​ക്കുന്ന ദൃഷ്ടാ​ന്തങ്ങൾ നൽകുക.

²² ശരി, ഒരു വടക്കേ അമേരി​ക്കൻ പത്രമായ ന്യൂ ഹേവൻ രജിസറ​റ​റിന്‌ എഴുത​പ്പെട്ട ഒരു എഴുത്തി​ന്റെ ഈ ഭാഗം ശ്രദ്ധി​ക്കുക: “അവരുടെ മതപരി​വർത്തി​പ്പി​ക്ക​ലി​നാൽ എന്നെ​പ്പോ​ലെ നിങ്ങൾ പ്രകോ​പി​ത​രാ​കു​ക​യോ കുപി​ത​രാ​കു​ക​യോ ചെയ്‌താ​ലും അവരുടെ അർപ്പണ​ബോ​ധ​ത്തെ​യും അവരുടെ ഔചി​ത്യ​ത്തെ​യും മാനു​ഷ​പെ​രു​മാ​റ​റ​വും ആരോ​ഗ്യാ​വ​ഹ​മായ ജീവി​ത​വും സംബന്ധിച്ച അവരുടെ മുന്തിയ ദൃഷ്ടാ​ന്ത​ത്തെ​യും നിങ്ങൾ ആദരി​ക്കേ​ണ്ടി​യി​രി​ക്കു​ന്നു.” എഴുത്തു​കാ​രൻ ആരെക്കു​റി​ച്ചാണ്‌ പ്രസ്‌താ​വി​ച്ചത്‌? ആർജൻറീ​നാ, ബ്യൂ​നോസ്‌ അയേഴ്‌സി​ലെ ഹെറൾഡ ചർച്ച​ചെയ്‌ത അതേ കൂട്ട​ത്തെ​ക്കു​റിച്ച്‌. അതിങ്ങനെ പറഞ്ഞു: “യഹോ​വ​യു​ടെ സാക്ഷികൾ കഠിനാ​ദ്ധ്വാ​നി​ക​ളും ഗൗരവ​മു​ള്ള​വ​രും മിതവ്യ​യം​ചെ​യ്യു​ന്ന​വ​രും ദൈവ​ഭ​യ​മു​ള്ള​വ​രു​മായ പൗരൻമാ​രാ​ണെന്ന്‌ വർഷങ്ങ​ളി​ലു​ട​നീ​ളം തെളി​യി​ച്ചി​രി​ക്കു​ന്നു.” അതു​പോ​ലെ​തന്നെ, ഇററാ​ലി​യൻ പത്രം ലാ സററാ​മ്പാ ഇങ്ങനെ പറയു​ക​യു​ണ്ടാ​യി: “അവർ നികു​തി​വെ​ട്ടി​പ്പു നടത്തു​ക​യോ സ്വന്ത ലാഭത്തി​നു​വേണ്ടി അസൗക​ര്യ​പ്ര​ദ​മായ നിയമ​ങ്ങളെ ഒഴിഞ്ഞു​മാ​റു​ക​യോ ചെയ്യു​ന്നില്ല. അയൽസ്‌നേ​ഹ​ത്തി​ന്റെ ധാർമ്മി​കാ​ദർശ​ങ്ങ​ളും അധികാ​ര​ത്തി​ന്റെ നിരസ​ന​വും അക്രമ​രാ​ഹി​ത്യ​വും വ്യക്തി​പ​ര​മായ സത്യസ​ന്ധ​ത​യും . . . അവരുടെ ‘ദൈനം​ദിന’ ജീവി​ത​രീ​തി​യിൽ ഉൾപ്പെ​ട്ടി​രി​ക്കു​ന്നു.”

23. ഒരു സ്ഥാപന​മെന്ന നിലയിൽ യഹോ​വ​യു​ടെ സാക്ഷികൾ വ്യത്യ​സ്‌ത​രാ​യി മുന്തി​നിൽക്കു​ന്ന​തെ​ന്തു​കൊണ്ട്‌?

²³ യഹോ​വ​യു​ടെ സാക്ഷികൾ ഒരു കൂട്ടമെന്ന നിലയിൽ ആദിമ​ക്രി​സ്‌ത്യാ​നി​ക​ളെ​പ്പോ​ലെ വ്യത്യ​സ്‌ത​രാ​യി മുന്തി​നിൽക്കു​ന്ന​തെ​ന്തു​കൊണ്ട്‌? പല കാര്യ​ങ്ങ​ളി​ലും അവർ മറെറ​ല്ലാ​വ​രെ​യും പോ​ലെ​യാണ്‌. അവർ സമാന​മായ മാനുഷ ദൗർബ​ല്യ​ങ്ങ​ളോ​ടെ​യാണ്‌ ജനിച്ചി​രി​ക്കു​ന്നത്‌. അവർക്ക്‌ ഒരേ സാമ്പത്തി​ക​പ്ര​ശ്‌ന​ങ്ങ​ളും അടിസ്ഥാ​നാ​വ​ശ്യ​ങ്ങ​ളു​മുണ്ട്‌. എന്നിരു​ന്നാ​ലും, ഒരു ലോക​വ്യാ​പക സഭയെന്ന നിലയിൽ അവർ തങ്ങളുടെ ജീവി​ത​ത്തിൽ ശക്തി​പ്ര​യോ​ഗി​ക്കാൻ ദൈവ​വ​ച​നത്തെ അനുവ​ദി​ക്കു​ന്നു. തൽഫല​മാ​യുള്ള യഥാർത്ഥ​ക്രി​സ്‌ത്യാ​നി​ക​ളു​ടെ സാർവ​ദേ​ശീയ സാഹോ​ദ​ര്യം ബൈബിൾ നിശ്വസ്‌ത ദൈവ​വ​ച​ന​മാ​ണെ​ന്നു​ള്ള​തി​ന്റെ ശക്തമായ തെളി​വാണ്‌.—സങ്കീർത്തനം 133:1.

ബൈബിൾ നിശ്വ​സ്‌ത​മാണ്‌

24. ഇനിയും അനേകർക്കു​വേണ്ടി നമ്മുടെ പ്രാർത്ഥന എന്താണ്‌?

²⁴ ഈ രണ്ടു ലേഖന​ങ്ങ​ളിൽ ബൈബിൾ മനുഷ്യ​ന്റേതല്ല, ദൈവ​ത്തി​ന്റെ വചനമാണ്‌ എന്നു പ്രകട​മാ​ക്കുന്ന തെളി​വി​ന്റെ രണ്ടു വാദഗ​തി​കൾമാ​ത്ര​മാണ്‌ ചർച്ച​ചെ​യ്‌തത്‌. ബൈബി​ളി​ലെ സമാന്ത​ര​ത്വ​മി​ല്ലാത്ത ജ്ഞാന​ത്തെ​യോ ആളുകൾക്ക്‌ മാററം​വ​രു​ത്താ​നുള്ള അതിന്റെ ശക്തി​യെ​യോ കുറിച്ചു പരിചി​ന്തി​ച്ചാ​ലും—അല്ലെങ്കിൽ അതിനെ അദ്വി​തീ​യ​മാ​ക്കുന്ന മററ​നേകം കാര്യ​ങ്ങ​ളെ​ക്കു​റി​ച്ചു പരിചി​ന്തി​ച്ചാ​ലും—ആത്മാർത്ഥ​ത​യു​ള്ള​വർക്ക്‌ അത്‌ ദൈവ​നി​ശ്വ​സ്‌ത​മാ​ണെന്ന്‌ തിരി​ച്ച​റി​യാ​തി​രി​ക്കാൻ അശേഷം സാദ്ധ്യമല്ല. ക്രിസ്‌ത്യാ​നി​ക​ളെന്ന നിലയിൽ അനേകർകൂ​ടെ ഈ സത്യം തിരി​ച്ച​റി​യാ​നി​ട​യാ​ക​ട്ടെ​യെന്ന്‌ ഞങ്ങൾ പ്രാർത്ഥി​ക്കു​ന്നു. അപ്പോൾ അവരും സങ്കീർത്ത​ന​ക്കാ​രന്റെ സന്തോ​ഷ​ക​ര​മായ വാക്കുകൾ പ്രതി​ദ്ധ്വ​നി​പ്പി​ക്കും: “ഞാൻ നിന്റെ സ്വന്തം ആജ്ഞകളെ സ്‌നേ​ഹി​ച്ചി​രി​ക്കു​ന്നു​വെന്ന്‌ കാണേ​ണമേ. യഹോവേ, നിന്റെ സ്‌നേ​ഹ​ദ​യ​ക്കൊ​ത്ത​വണ്ണം എന്നെ ജീവ​നോ​ടെ കാത്തു​സൂ​ക്ഷി​ക്കേ​ണമേ. നിന്റെ വചനത്തി​ന്റെ സാരം സത്യമാ​കു​ന്നു. നിന്റെ നീതി​യുള്ള ഓരോ ന്യായ​ത്തീർപ്പും അനിശ്ചി​ത​കാ​ല​ത്തേ​ക്കാണ്‌.”—സങ്കീർത്തനം 119:159, 160. (w90 4⁄1)

നിങ്ങൾ ഓർക്കു​ന്നു​ണ്ടോ?

◻ സത്യ​ക്രി​സ്‌ത്യാ​നി​ക​ളു​ടെ​മേൽ ബൈബി​ളിന്‌ എന്തു ഫലമുണ്ട്‌?

◻ സൂക്ഷ്‌മ​പ​രി​ജ്ഞാ​നം നമ്മെ രൂപാ​ന്ത​ര​പ്പെ​ടു​ത്തു​ന്ന​തിന്‌ എങ്ങനെ സഹായി​ക്കു​ന്നു?

◻ സദ്‌ഗു​ണങ്ങൾ നട്ടുവ​ളർത്താ​നും ദുർഗ്ഗു​ണങ്ങൾ തരണം​ചെ​യ്യാ​നും നമ്മെ പ്രേരി​പ്പി​ക്കു​ന്ന​തിന്‌ ബൈബിൾ എങ്ങനെ സഹായി​ക്കു​ന്നു?

◻ ദൈവി​ക​ഗു​ണങ്ങൾ വളർത്തു​ന്ന​തിന്‌ ഏതു സഹായം ലഭ്യമാണ്‌?

◻ ബൈബിൾ നിശ്വ​സ്‌ത​മാ​ണെ​ന്നു​ള്ള​തിന്‌ യഹോ​വ​യു​ടെ ജനത്തിന്റെ ഇടയിൽ എന്തു തെളിവു കാണ​പ്പെ​ടു​ന്നു?

[25-ാം പേജിലെ ചിത്രം]

ശലോമോന്റെ വാർദ്ധ​ക്യ​ത്തി​ലെ അവിശ്വ​സ്‌ത​ത​യു​ടെ ദുഷ്‌ഫ​ലങ്ങൾ നീതിയെ സ്‌നേ​ഹി​ക്കു​ന്ന​തി​നും അധർമ്മത്തെ വെറു​ക്കു​ന്ന​തി​നും നമ്മെ പ്രേരി​പ്പി​ക്കേ​ണ്ട​താണ്‌

[27-ാം പേജിലെ ചിത്രം]

നാം യഹോ​വ​യോട്‌ സഹായം ചോദി​ക്കു​ന്നു​വെ​ങ്കിൽ ദുഃസ്വ​ഭാ​വ​ങ്ങളെ തരണം​ചെ​യ്യാൻ ചെയ്യുന്ന ഏതു ശ്രമങ്ങ​ളെ​യും അവൻ പ്രബലി​ത​മാ​ക്കും