ബൈബി​ളിൽനിന്ന്‌ എനിക്ക്‌ ആശ്വാസം കിട്ടു​മോ?

സങ്കീർത്തനം 23:4: “കൂരി​രുൾത്താ​ഴ്‌വ​ര​യി​ലൂ​ടെ നടക്കു​മ്പോ​ഴും എനി​ക്കൊ​രു പേടി​യു​മില്ല; അങ്ങ്‌ എന്റെകൂ​ടെ​യു​ണ്ട​ല്ലോ.”

അർഥം: മാർഗ​നിർദേ​ശ​ത്തി​നാ​യി ദൈവ​ത്തോ​ടു പ്രാർഥി​ക്കു​ക​യും ദൈവ​ത്തി​ന്റെ വചനമായ ബൈബി​ളിൽ ആശ്രയി​ക്കു​ക​യും ചെയ്യു​ന്നെ​ങ്കിൽ പ്രതി​സ​ന്ധി​കളെ നിങ്ങൾക്കു ധൈര്യ​ത്തോ​ടെ നേരി​ടാൻ കഴിയും.

സഭാ​പ്ര​സം​ഗകൻ 9:10: “നീ പോകുന്ന ശവക്കു​ഴി​യിൽ പ്രവൃ​ത്തി​യും ആസൂ​ത്ര​ണ​വും അറിവും ജ്ഞാനവും ഒന്നുമില്ല.”

അർഥം: മരിച്ചവർ കഷ്ടപ്പാ​ടു​കൾ അനുഭ​വി​ക്കു​ന്നില്ല. അവർക്കു നമ്മളെ ഉപദ്ര​വി​ക്കാ​നും കഴിയില്ല. അവർ യാതൊ​ന്നും അറിയു​ന്നില്ല.

സങ്കീർത്തനം 86:5: “യഹോവേ,a അങ്ങ്‌ നല്ലവനും ക്ഷമിക്കാൻ സന്നദ്ധനും അല്ലോ; അങ്ങയെ വിളി​ച്ച​പേ​ക്ഷി​ക്കു​ന്ന​വ​രോ​ടെ​ല്ലാം സമൃദ്ധ​മാ​യി അചഞ്ചല​സ്‌നേഹം കാണി​ക്കു​ന്നവൻ.”

അർഥം: ചെയ്‌തു​പോയ തെറ്റു​ക​ളെ​ക്കു​റിച്ച്‌ ആത്മാർഥ​മാ​യി പശ്ചാത്ത​പി​ക്കു​ക​യും ഇനി ആ തെറ്റ്‌ ആവർത്തി​ക്കി​ല്ലെന്ന്‌ ഉറച്ച തീരു​മാ​നം എടുക്കു​ക​യും ചെയ്യു​ന്ന​വ​രോ​ടു ദൈവം ക്ഷമിക്കും.

സങ്കീർത്തനം 31:7: “എന്റെ ദുരിതം അങ്ങ്‌ കണ്ടിരി​ക്കു​ന്ന​ല്ലോ, എന്റെ പ്രാണ​സ​ങ്കടം അങ്ങ്‌ അറിയു​ന്ന​ല്ലോ.”

അർഥം: നിങ്ങൾ അനുഭ​വി​ക്കു​ന്ന​തെ​ല്ലാം ദൈവ​ത്തിന്‌ അറിയാം. മറ്റുള്ള​വർക്കു മനസ്സി​ലാ​ക്കാൻ പറ്റാത്ത, നമ്മുടെ ഉള്ളിന്റെ ഉള്ളിലെ ചിന്തക​ളും വികാ​ര​ങ്ങ​ളും പോലും ദൈവ​ത്തി​നു മനസ്സി​ലാ​കും.

സങ്കീർത്തനം 41:3: “രോഗ​ശ​യ്യ​യിൽ യഹോവ അവനെ താങ്ങും.”

അർഥം: ഗുരു​ത​ര​മായ ഒരു രോഗത്തെ നേരി​ടാൻ ദൈവം നിങ്ങളെ സഹായി​ക്കും. നിങ്ങൾക്കു മനസ്സമാ​ധാ​നം തരും. നിങ്ങൾക്കു​വേണ്ട ശക്തിയും സഹിക്കാ​നുള്ള പ്രാപ്‌തി​യും നല്ല തീരു​മാ​ന​ങ്ങ​ളെ​ടു​ക്കാ​നുള്ള ജ്ഞാനവും ദൈവം നൽകും.

സങ്കീർത്തനം 94:19: “ആകുല​ചി​ന്തകൾ എന്നെ വരിഞ്ഞു​മു​റു​ക്കി​യ​പ്പോൾ അങ്ങ്‌ എന്നെ ആശ്വസി​പ്പി​ച്ചു, എന്നെ സാന്ത്വ​ന​പ്പെ​ടു​ത്തി.”

അർഥം: ടെൻഷൻ തോന്നു​മ്പോൾ ദൈവ​ത്തിൽ ആശ്രയി​ക്കു​ന്നെ​ങ്കിൽ ശാന്തരാ​യി​രി​ക്കാൻ ദൈവം നിങ്ങളെ സഹായി​ക്കും.

സങ്കീർത്തനം 46:9: “ദൈവം ഭൂമി​യി​ലെ​ങ്ങും യുദ്ധങ്ങൾ നിറു​ത്ത​ലാ​ക്കു​ന്നു.”

അർഥം: ദൈവ​രാ​ജ്യം ഉടൻതന്നെ യുദ്ധങ്ങ​ളെ​ല്ലാം ഇല്ലാതാ​ക്കും.

യിരെമ്യ 29:11: “‘ഞാൻ നിങ്ങൾക്കു​വേണ്ടി ചെയ്യാൻപോ​കു​ന്നത്‌ എന്താ​ണെന്ന്‌ എനിക്കു നന്നായി അറിയാം. ഞാൻ ചിന്തി​ക്കു​ന്നതു ദുരന്ത​ത്തെ​ക്കു​റി​ച്ചല്ല, സമാധാ​ന​ത്തെ​ക്കു​റി​ച്ചാണ്‌; നിങ്ങൾക്ക്‌ ഒരു നല്ല ഭാവി​യും പ്രത്യാ​ശ​യും തരുന്ന​തി​നെ​ക്കു​റി​ച്ചാണ്‌’ എന്ന്‌ യഹോവ പ്രഖ്യാ​പി​ക്കു​ന്നു.”

അർഥം: ഭാവി​യി​ലേക്ക്‌ പ്രതീ​ക്ഷ​യോ​ടെ നോക്കി​യി​രി​ക്കാൻ കഴിയു​മെന്നു ദൈവം തന്റെ ജനത്തിന്‌ ഉറപ്പ്‌ കൊടു​ക്കു​ന്നു.