നിങ്ങളു​ടെ ശ്രമങ്ങൾ വായു​വിൽ കുത്തു​ന്ന​തു​പോ​ലെ ആകാതി​രി​ക്കട്ടെ!

 1. ശുശ്രൂ​ഷ​യിൽ 1 കൊരി​ന്ത്യർ 9:26 ബാധക​മാ​കു​ന്നത്‌ എങ്ങനെ?

¹ പൗലോസ്‌ അപ്പൊ​സ്‌തലൻ എഴുതി: “ലക്ഷ്യമി​ല്ലാ​തെയല്ല ഞാൻ ഓടു​ന്നത്‌. വായു​വിൽ കുത്തു​ന്ന​തു​പോ​ലെയല്ല ഞാൻ മുഷ്ടി​യു​ദ്ധം ചെയ്യു​ന്നത്‌.” (1 കൊരി. 9:26) ക്രിസ്‌തീയ ലക്ഷ്യങ്ങൾ നേടി​യെ​ടു​ക്കുക എന്ന ഏക കാര്യ​ത്തിൽ താൻ ദത്തശ്ര​ദ്ധ​നാ​ണെന്നു പറയു​ക​യാ​യി​രു​ന്നു പൗലോസ്‌. എന്നുവ​രി​കി​ലും ഇതിലെ തത്ത്വം ശുശ്രൂ​ഷ​യ്‌ക്കും ബാധക​മാണ്‌. അങ്ങനെ​യെ​ങ്കിൽ, നമ്മുടെ ശ്രമങ്ങൾ “വായു​വിൽ കുത്തു​ന്ന​തു​പോ​ലെ”യാകാതെ ഫലവത്താ​കാൻ നമുക്ക്‌ എന്തു ചെയ്യാ​നാ​കും?

 2. എവിടെ, എപ്പോൾ പ്രസം​ഗി​ക്കണം എന്നു തീരു​മാ​നി​ക്കുന്ന കാര്യ​ത്തിൽ പൗലോ​സി​നെ​യും ഒന്നാം നൂറ്റാ​ണ്ടി​ലെ മറ്റ്‌ സുവി​ശേ​ഷ​ക​രെ​യും നമുക്ക്‌ എങ്ങനെ അനുക​രി​ക്കാം?

² ആളുകൾ ഉള്ളിടത്തു ചെല്ലുക: പൗലോ​സും ഒന്നാം നൂറ്റാ​ണ്ടി​ലെ മറ്റ്‌ സുവി​ശേ​ഷ​ക​രും ആളുകളെ കണ്ടെത്താൻ കഴിയുന്ന സ്ഥലങ്ങളിൽ പോയി പ്രസം​ഗി​ച്ചു. (പ്രവൃ. 5:42; 16:13; 17:17) നമ്മുടെ പ്രദേ​ശത്തെ ആളുക​ളിൽ അധിക​വും വൈകു​ന്നേ​ര​ങ്ങ​ളി​ലാണ്‌ വീട്ടി​ലു​ണ്ടാ​കു​ന്ന​തെ​ങ്കിൽ വീടു​തോ​റും സാക്ഷീ​ക​രി​ക്കാൻ അതായി​രി​ക്കും പറ്റിയ സമയം. അതികാ​ല​ത്തും വൈകു​ന്നേ​ര​ങ്ങ​ളി​ലും ജോലി​ക്കു പോകു​ക​യും വരുക​യും ചെയ്യു​ന്ന​വരെ പ്രദേ​ശത്തെ ബസ്‌ സ്റ്റാൻഡി​ലും റെയിൽവേ സ്റ്റേഷനി​ലും കണ്ടെത്താൻ കഴിയു​മോ? പ്രദേ​ശ​ത്തുള്ള കച്ചവട തെരു​വു​ക​ളിൽ ആളുകൾ നിറയു​ന്നത്‌ എപ്പോ​ഴാണ്‌? ആ സമയത്ത്‌ തെരു​വു​സാ​ക്ഷീ​ക​രണം നടത്തു​ന്ന​താ​യി​രി​ക്കാം കൂടുതൽ ഫലപ്രദം.

 3. നമ്മുടെ ശ്രമങ്ങൾ വായു​വിൽ കുത്തു​ന്ന​തു​പോ​ലെ ആകാതി​രി​ക്കാൻ നമുക്ക്‌ എങ്ങനെ ജ്ഞാനപൂർവം പ്രവർത്തി​ക്കാം?

³ ജ്ഞാന​ത്തോ​ടെ പ്രദേശം പ്രവർത്തി​ക്കുക: നമ്മുടെ ശ്രമങ്ങൾ വായു​വിൽ കുത്തു​ന്ന​തു​പോ​ലെ ആകാതി​രി​ക്ക​ണ​മെ​ങ്കിൽ, നാം പ്രദേശം പ്രവർത്തി​ക്കുന്ന വിധത്തി​നും ശ്രദ്ധനൽകണം. ഉദാഹ​ര​ണ​ത്തിന്‌, ഒരു വലിയ കൂട്ടം ആളുകൾ ഒരു പ്രദേ​ശ​ത്തേക്കു പോയി പ്രവർത്തി​ക്കു​ന്ന​തി​ലും നല്ലത്‌ ചെറി​യ​ചെ​റിയ കൂട്ടങ്ങ​ളാ​യി പോകു​ന്ന​താ​യി​രി​ക്കും; കാരണം, വലിയ കൂട്ടത്തെ നയിക്കാ​നും അവർക്കു പ്രദേശം നൽകാ​നും ധാരാളം സമയവും ശ്രമവും വേണ്ടി​വ​രും. ഉൾപ്ര​ദേ​ശ​ങ്ങ​ളിൽ സാക്ഷീ​ക​രി​ക്കാൻ പോകു​മ്പോ​ഴും ചെറിയ കൂട്ടങ്ങ​ളാ​യി പോകു​ന്നെ​ങ്കിൽ സമയം പാഴാ​ക്കാ​തെ പ്രദേശം പ്രവർത്തി​ച്ചു​തീർക്കാ​നാ​കും; മാത്രമല്ല, എല്ലാവർക്കും പ്രസം​ഗി​ക്കാ​നുള്ള അവസര​വും ലഭിക്കും. യാത്രാ​സ​മയം കുറയ്‌ക്കു​ന്ന​തിന്‌ നിങ്ങൾക്ക്‌ വീടിന്‌ അടുത്തുള്ള ഒരു പ്രദേശം പ്രവർത്തി​ക്കാ​നാ​യി ചോദി​ച്ചു​വാ​ങ്ങാൻ കഴിയു​മോ?

 4. “മനുഷ്യ​രെ പിടി​ക്കുന്ന”തിൽ വിജയി​ക്കാൻ നമ്മെ എന്തു സഹായി​ക്കും?

⁴ സുവി​ശേഷം പ്രസം​ഗി​ക്കു​ന്ന​വരെ യേശു “മനുഷ്യ​രെ പിടി​ക്കുന്ന”വർ എന്നാണ്‌ വിശേ​ഷി​പ്പി​ച്ചത്‌. (മർക്കോ. 1:17) മീൻപി​ടി​ത്ത​ക്കാ​രു​ടെ ലക്ഷ്യം വെറുതെ വലയെ​റി​യു​കയല്ല, മറിച്ച്‌ മീൻ പിടി​ക്കു​ക​യാണ്‌. അതു​കൊണ്ട്‌ ഉത്സാഹ​മുള്ള മീൻപി​ടി​ത്ത​ക്കാർ മീൻ കിട്ടുന്ന സമയം നോക്കി അതുള്ള ഇടത്തു ചെന്ന്‌ സമയം പാഴാ​ക്കാ​തെ തങ്ങളുടെ ജോലി ചെയ്യും. അതെ, അവർ തങ്ങളുടെ ശ്രമവും സമയവും പാഴാ​ക്കാ​തെ ജ്ഞാനപൂർവം പ്രവർത്തി​ക്കും. നമുക്കും ശുശ്രൂ​ഷ​യിൽ സമാന​മായ ഉത്സാഹം കാണി​ക്കാം.—എബ്രാ. 6:11.