‘മരിച്ചവർ ഉയിർപ്പി​ക്ക​പ്പെ​ടും’

“കാഹളം ധ്വനി​ക്കും, മരിച്ചവർ അക്ഷയരാ​യി ഉയിർക്കു​ക​യും നാം രൂപാ​ന്ത​ര​പ്പെ​ടു​ക​യും ചെയ്യും.”—1 കൊരി​ന്ത്യർ 15:52.

1, 2. (എ) ആശ്വാ​സ​പ്ര​ദ​മായ എന്തു വാഗ്‌ദാ​ന​മാണ്‌ ഹോശേയ പ്രവാ​ചകൻ മുഖാ​ന്തരം നൽക​പ്പെ​ട്ടത്‌? (ബി) മരിച്ച​വരെ ജീവനി​ലേക്കു കൊണ്ടു​വ​രാൻ ദൈവ​ത്തി​നു മനസ്സൊ​രു​ക്ക​മു​ണ്ടെന്നു നമുക്ക്‌ എങ്ങനെ അറിയാം?

നിങ്ങളു​ടെ പ്രിയ​പ്പെട്ട ആരെങ്കി​ലും മരിച്ചി​ട്ടു​ണ്ടോ? ഉണ്ടെങ്കിൽ, മരണം കൈവ​രു​ത്തുന്ന വേദന നിങ്ങൾക്ക്‌ അറിയാ​മാ​യി​രി​ക്കും. എന്നിരു​ന്നാ​ലും, ഹോശേയ പ്രവാ​ചകൻ മുഖാ​ന്തരം ദൈവം നൽകിയ വാഗ്‌ദാ​ന​ത്തിൽ ക്രിസ്‌ത്യാ​നി​കൾ ആശ്വാസം കൊള്ളു​ക​യാണ്‌: “ഞാൻ അവരെ പാതാ​ള​ത്തി​ന്റെ [ഷീയോ​ളി​ന്റെ] അധീന​ത്തിൽനി​ന്നു വീണ്ടെ​ടു​ക്കും; മരണത്തിൽനി​ന്നു ഞാൻ അവരെ വിടു​വി​ക്കും; മരണമേ, നിന്റെ ബാധകൾ എവിടെ? പാതാ​ളമേ, നിന്റെ സംഹാരം എവിടെ?”—ഹോശേയ 13:14.

² മരിച്ചവർ ജീവനി​ലേക്കു തിരി​ച്ചു​വ​രുന്ന ആശയം സംശയാ​ലു​ക്കൾക്ക്‌ വിഡ്‌ഢി​ത്ത​മാ​യി തോന്നി​യേ​ക്കാം. എന്നാൽ സർവശ​ക്ത​നായ ദൈവ​ത്തിന്‌ അത്തര​മൊ​രു അത്ഭുതം പ്രവർത്തി​ക്കു​ന്ന​തി​നുള്ള ശക്തി തീർച്ച​യാ​യും ഉണ്ട്‌! യഥാർഥ പ്രശ്‌നം മരിച്ച​വരെ ജീവനി​ലേക്കു തിരി​ച്ചു​കൊ​ണ്ടു​വ​രാൻ യഹോ​വ​യ്‌ക്കു മനസ്സൊ​രു​ക്കം ഉണ്ടോ എന്നതാണ്‌. നീതി​മാ​നായ ഇയ്യോബ്‌ ചോദി​ച്ചു: “മനുഷ്യൻ മരിച്ചാൽ വീണ്ടും ജീവി​ക്കു​മോ?” എന്നിട്ട്‌ അവൻ ആശ്വാ​സ​പ്ര​ദ​മായ ഈ ഉത്തരം നൽകി: “നീ വിളി​ക്കും; ഞാൻ നിന്നോ​ടു ഉത്തരം പറയും; നിന്റെ കൈ​വേ​ല​യോ​ടു നിനക്കു താല്‌പ​ര്യ​മു​ണ്ടാ​കും [“വാഞ്‌ഛ​യു​ണ്ടാ​കും,” NW].” (ഇയ്യോബ്‌ 14:14, 15) “വാഞ്‌ഛ” എന്ന പദം ഉത്‌ക​ട​മായ അഭിലാ​ഷ​ത്തെ​യോ ആഗ്രഹ​ത്തെ​യോ സൂചി​പ്പി​ക്കു​ന്നു. (സങ്കീർത്തനം 84:2 താരത​മ്യം ചെയ്യുക.) അതേ, യഹോവ പുനരു​ത്ഥാ​ന​ത്തി​ന്റെ കാര്യ​ത്തിൽ അതീവ തത്‌പ​ര​നാണ്‌—മരിച്ചു​പോയ വിശ്വ​സ്‌തരെ, തന്റെ ഓർമ​യിൽ ജീവി​ക്കു​ന്ന​വരെ, വീണ്ടും കാണാൻ അവൻ വാഞ്‌ഛി​ക്കു​ന്നു.—മത്തായി 22:31, 32.

യേശു പുനരു​ത്ഥാ​നത്തെ കുറിച്ചു വെളി​പ്പെ​ടു​ത്തു​ന്നു

3, 4. (എ) പുനരു​ത്ഥാന പ്രത്യാ​ശയെ കുറിച്ച്‌ യേശു എന്തു വെളി​പ്പെ​ടു​ത്തി? (ബി) യേശു ഒരു മനുഷ്യ​നാ​യല്ല, മറിച്ച്‌ സ്വർഗീയ വ്യക്തി​യാ​യി ഉയിർപ്പി​ക്ക​പ്പെ​ട്ടത്‌ എന്തു​കൊണ്ട്‌?

³ ഇയ്യോ​ബി​നെ​പ്പോ​ലെ​യുള്ള പുരാതന വിശ്വസ്‌ത പുരു​ഷ​ന്മാർക്ക്‌ പുനരു​ത്ഥാ​നത്തെ കുറിച്ച്‌ ഭാഗി​ക​മായ ഗ്രാഹ്യ​മേ ഉണ്ടായി​രു​ന്നു​ള്ളൂ. ഈ അത്ഭുത​ക​ര​മായ പ്രത്യാ​ശയെ കുറിച്ച്‌ പൂർണ​മായ ഗ്രാഹ്യം നൽകി​യത്‌ യേശു​ക്രി​സ്‌തു​വാ​യി​രു​ന്നു. “പുത്ര​നിൽ വിശ്വ​സി​ക്കു​ന്ന​വന്നു നിത്യ​ജീ​വൻ ഉണ്ടു” എന്ന്‌ പറഞ്ഞ​പ്പോൾ പുനരു​ത്ഥാ​ന​ത്തിൽ താൻ വഹിക്കുന്ന മുഖ്യ​പങ്ക്‌ എന്താ​ണെന്ന്‌ യേശു പ്രകട​മാ​ക്കി. (യോഹ​ന്നാൻ 3:36) ആ ജീവിതം എവി​ടെ​യാ​യി​രി​ക്കും ആസ്വദി​ക്കാൻ കഴിയുക? വിശ്വാ​സം പ്രകട​മാ​ക്കു​ന്ന​വ​രിൽ ബഹുഭൂ​രി​പ​ക്ഷ​ത്തി​നും അത്‌ ഭൂമി​യി​ലാ​യി​രി​ക്കും. (സങ്കീർത്തനം 37:11) എന്നിരു​ന്നാ​ലും, യേശു തന്റെ ശിഷ്യ​രോ​ടു പറഞ്ഞു: “ചെറിയ ആട്ടിൻകൂ​ട്ടമേ, ഭയപ്പെ​ട​രു​തു; നിങ്ങളു​ടെ പിതാവു രാജ്യം നിങ്ങൾക്കു നല്‌കു​വാൻ പ്രസാ​ദി​ച്ചി​രി​ക്കു​ന്നു.” (ലൂക്കൊസ്‌ 12:32) ദൈവ​രാ​ജ്യം സ്വർഗീ​യ​മാണ്‌. അതു​കൊണ്ട്‌, ഒരു “ചെറിയ ആട്ടിൻകൂ​ട്ടം” മഹത്ത്വ​മുള്ള സൃഷ്ടി​ക​ളാ​യി സ്വർഗ​ത്തിൽ യേശു​വി​നോ​ടൊ​പ്പം ആയിരി​ക്കേ​ണ്ടി​വ​രു​മെന്ന്‌ ഈ വാഗ്‌ദാ​നം അർഥമാ​ക്കു​ന്നു. (യോഹ​ന്നാൻ 14:2, 3; 1 പത്രൊസ്‌ 1:3, 4) എന്തൊരു മഹനീയ പ്രത്യാശ! ഈ “ചെറിയ ആട്ടിൻകൂട്ട”ത്തിന്റെ സംഖ്യ 1,44,000 മാത്രമേ ആയിരി​ക്കു​ക​യു​ള്ളു​വെന്ന്‌ യേശു പിന്നീട്‌ യോഹ​ന്നാൻ അപ്പോ​സ്‌ത​ലനു വെളി​പ്പെ​ടു​ത്തി.—വെളി​പ്പാ​ടു 14:1.

⁴ എന്നാൽ, ഈ 1,44,000 പേർ സ്വർഗീയ മഹത്ത്വ​ത്തിൽ പ്രവേ​ശി​ക്കു​ന്ന​തെ​ങ്ങനെ? യേശു “സുവാർത്ത​യി​ലൂ​ടെ ജീവ​ന്റെ​യും അക്ഷയത​യു​ടെ​യും​മേൽ പ്രകാശം ചൊരി​ഞ്ഞു.” തന്റെ രക്തത്തി​ലൂ​ടെ, അവൻ സ്വർഗ​ത്തി​ലേക്ക്‌ “ജീവനുള്ള പുതു​വഴി” തുറന്നു. (2 തിമൊ​ഥെ​യൊസ്‌ 1:10, NW; എബ്രായർ 10:19, 20) ബൈബി​ളിൽ മുൻകൂ​ട്ടി​പ​റ​ഞ്ഞി​രു​ന്ന​തു​പോ​ലെ, ആദ്യം അവൻ മരിച്ചു. (യെശയ്യാ​വു 53:12) തുടർന്ന്‌, പത്രൊസ്‌ അപ്പോ​സ്‌തലൻ പിന്നീട്‌ ഉദ്‌ഘോ​ഷി​ച്ച​തു​പോ​ലെ, “ഈ യേശു​വി​നെ ദൈവം ഉയിർത്തെ​ഴു​ന്നേ​ല്‌പി​ച്ചു.” (പ്രവൃ​ത്തി​കൾ 2:32) യേശു ഒരു മനുഷ്യ​നാ​യല്ല ഉയിർപ്പി​ക്ക​പ്പെ​ട്ടത്‌. അവൻ ഇങ്ങനെ പറഞ്ഞി​രു​ന്നു: “ഞാൻ കൊടു​പ്പാ​നി​രി​ക്കുന്ന അപ്പമോ ലോക​ത്തി​ന്റെ ജീവന്നു വേണ്ടി ഞാൻ കൊടു​ക്കുന്ന എന്റെ മാംസം ആകുന്നു.” (യോഹ​ന്നാൻ 6:51) തന്റെ ശരീരം തിരി​ച്ചെ​ടു​ക്കു​ന്നത്‌ ആ ബലിയെ നിരർഥ​ക​മാ​ക്കു​മാ​യി​രു​ന്നു. അതു​കൊണ്ട്‌ യേശു “ജഡത്തിൽ മരണശിക്ഷ ഏല്‌ക്ക​യും ആത്മാവിൽ ജീവി​പ്പി​ക്ക​പ്പെ​ടു​ക​യും ചെയ്‌തു.” (1 പത്രൊസ്‌ 3:18) അങ്ങനെ യേശു “നമുക്കു​വേണ്ടി,” എന്നു​വെ​ച്ചാൽ “ചെറിയ ആട്ടിൻകൂട്ട”ത്തിനു​വേണ്ടി “നിത്യ​വി​മോ​ചനം നേടി.” (എബ്രായർ 9:12, NW) പാപി​ക​ളായ മനുഷ്യ​വർഗ​ത്തി​നുള്ള മറുവി​ല​യാ​യി തന്റെ പൂർണ​ത​യുള്ള മനുഷ്യ​ജീ​വന്റെ മൂല്യം അവൻ ദൈവ​ത്തി​നു സമർപ്പി​ച്ചു. അതിൽനിന്ന്‌ ആദ്യം പ്രയോ​ജനം നേടു​മാ​യി​രു​ന്നത്‌ 1,44,000 പേരാ​യി​രു​ന്നു.

5. യേശു​വി​ന്റെ ഒന്നാം നൂറ്റാ​ണ്ടി​ലെ അനുഗാ​മി​കൾക്ക്‌ എന്തു പ്രത്യാശ വെച്ചു​നീ​ട്ട​പ്പെട്ടു?

⁵ സ്വർഗീയ ജീവനി​ലേക്കു പുനരു​ത്ഥാ​നം ചെയ്യ​പ്പെ​ടു​മാ​യി​രു​ന്നത്‌ യേശു മാത്രമല്ല. റോമി​ലെ തന്റെ സഹക്രി​സ്‌ത്യാ​നി​കൾ ദൈവ​ത്തി​ന്റെ മക്കളും ക്രിസ്‌തു​വി​ന്റെ കൂട്ടവ​കാ​ശി​ക​ളും ആയിരി​ക്കാൻ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ടി​രി​ക്കു​ന്നു​വെ​ന്നും അവസാ​ന​ത്തോ​ളം സഹിച്ചു​നി​ന്നു​കൊണ്ട്‌ അവർക്ക്‌ അത്‌ സ്ഥിരീ​ക​രി​ക്കാ​മെ​ന്നും പൗലൊസ്‌ അവരോ​ടു പറഞ്ഞു. (റോമർ 8:16, 17) കൂടാതെ പൗലൊസ്‌ ഇങ്ങനെ വിശദ​മാ​ക്കു​ക​യും ചെയ്‌തു: “അവന്റെ മരണത്തി​ന്റെ സാദൃ​ശ്യ​ത്തോ​ടു നാം ഏകീഭ​വി​ച്ച​വ​രാ​യെ​ങ്കിൽ പുനരു​ത്ഥാ​ന​ത്തി​ന്റെ സാദൃ​ശ്യ​ത്തോ​ടും ഏകീഭ​വി​ക്കും.”—റോമർ 6:5.

പുനരു​ത്ഥാന പ്രത്യാ​ശയെ പിന്തു​ണ​യ്‌ക്കൽ

6. പുനരു​ത്ഥാ​ന​ത്തി​ലുള്ള വിശ്വാ​സ​ത്തി​നു കൊരി​ന്തിൽ എതിർപ്പ്‌ നേരി​ട്ടത്‌ എന്തു​കൊണ്ട്‌, പൗലൊസ്‌ അപ്പോ​സ്‌തലൻ പ്രതി​ക​രി​ച്ച​തെ​ങ്ങനെ?

⁶ പുനരു​ത്ഥാ​നം ക്രിസ്‌ത്യാ​നി​ത്വ​ത്തി​ന്റെ “പ്രഥമ​പാ​ഠങ്ങ”ളുടെ ഭാഗമാണ്‌. (എബ്രായർ 6:1, 2, പി.ഒ.സി. ബൈബിൾ) എന്നിരു​ന്നാ​ലും, കൊരി​ന്തിൽ ആ പഠിപ്പി​ക്ക​ലി​നെ ആളുകൾ എതിർത്തു. തെളി​വ​നു​സ​രിച്ച്‌ ഗ്രീക്കു തത്ത്വചി​ന്ത​യു​ടെ സ്വാധീ​ന​ത്താൽ, സഭയിലെ ചിലർ “മരിച്ച​വ​രു​ടെ പുനരു​ത്ഥാ​നം ഇല്ല” എന്ന്‌ പറഞ്ഞു​കൊ​ണ്ടി​രു​ന്നു. (1 കൊരി​ന്ത്യർ 15:12) പൗലൊസ്‌ ഇതേക്കു​റിച്ച്‌ കേട്ട​പ്പോൾ, അവൻ പുനരു​ത്ഥാന പ്രത്യാ​ശയെ, വിശേ​ഷി​ച്ചും അഭിഷിക്ത ക്രിസ്‌ത്യാ​നി​ക​ളു​ടെ പ്രത്യാ​ശയെ, പിന്താ​ങ്ങി​ക്കൊണ്ട്‌ സംസാ​രി​ച്ചു. 1 കൊരി​ന്ത്യർ 15-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന പൗലൊ​സി​ന്റെ വാക്കുകൾ നമുക്കു പരി​ശോ​ധി​ക്കാം. മുൻ ലേഖന​ത്തിൽ പറഞ്ഞി​രു​ന്ന​തു​പോ​ലെ, നിങ്ങൾ പ്രസ്‌തുത അധ്യായം മുഴു​വ​നും വായി​ച്ചി​ട്ടു​ണ്ടെ​ങ്കിൽ അതു സഹായ​ക​മാ​യി​രി​ക്കും.

7. (എ) പൗലൊസ്‌ ഏതു മുഖ്യ പ്രശ്‌ന​ത്തിൽ ശ്രദ്ധ കേന്ദ്രീ​ക​രി​ച്ചു? (ബി) പുനരു​ത്ഥാ​നം പ്രാപിച്ച യേശു​വി​നെ ആരെല്ലാം കണ്ടു?

⁷ ഒന്നു കൊരി​ന്ത്യർ 15-ാം അധ്യാ​യ​ത്തി​ന്റെ ആദ്യത്തെ രണ്ടു വാക്യ​ങ്ങ​ളിൽ (പി.ഒ.സി. ബൈബിൾ), പൗലൊസ്‌ തന്റെ ചർച്ചാ​വി​ഷയം അവതരി​പ്പി​ക്കു​ന്നു: ‘സഹോ​ദ​രരേ, നിങ്ങൾ സ്വീക​രി​ച്ച​തും നിങ്ങളു​ടെ അടിസ്ഥാ​ന​മാ​യി നില​കൊ​ള്ളു​ന്ന​തും നിങ്ങൾക്കു രക്ഷ പ്രദാനം ചെയ്‌ത​തു​മായ സുവി​ശേഷം ഞാൻ നിങ്ങ​ളോ​ടു പ്രസം​ഗി​ച്ചു. അതനു​സ​രി​ച്ചു നിങ്ങൾ അചഞ്ചല​രാ​യി അതിൽ നിലനി​ന്നാൽ നിങ്ങളു​ടെ വിശ്വാ​സം വ്യർത്ഥ​മാ​വു​ക​യില്ല.’ കൊരി​ന്ത്യർ സുവാർത്ത​യിൽ ഉറച്ചു​നിൽക്കാൻ പരാജ​യ​പ്പെ​ടു​ന്നെ​ങ്കിൽ, അവർ സത്യം സ്വീക​രി​ച്ചത്‌ വ്യർഥ​മാ​കു​മാ​യി​രു​ന്നു. പൗലൊസ്‌ തുടർന്നു: “ക്രിസ്‌തു നമ്മുടെ പാപങ്ങൾക്കു വേണ്ടി തിരു​വെ​ഴു​ത്തു​ക​ളിൻപ്ര​കാ​രം മരിച്ചു അടക്ക​പ്പെട്ടു തിരു​വെ​ഴു​ത്തു​ക​ളിൻപ്ര​കാ​രം മൂന്നാം​നാൾ ഉയിർത്തെ​ഴു​ന്നേ​ററു കേഫാ​വി​ന്നും പിന്നെ പന്തിരു​വർക്കും പ്രത്യ​ക്ഷ​നാ​യി എന്നിങ്ങനെ ഞാൻ ഗ്രഹി​ച്ചതു തന്നേ നിങ്ങൾക്കു ആദ്യമാ​യി ഏല്‌പി​ച്ചു​ത​ന്നു​വ​ല്ലോ. അനന്തരം അവൻ അഞ്ഞൂറ​റിൽ അധികം സഹോ​ദ​രൻമാർക്കു ഒരുമി​ച്ചു പ്രത്യ​ക്ഷ​നാ​യി; അവർ മിക്ക​പേ​രും ഇന്നുവരെ ജീവ​നോ​ടി​രി​ക്കു​ന്നു; ചിലരോ നിദ്ര​പ്രാ​പി​ച്ചി​രി​ക്കു​ന്നു. അനന്തരം അവൻ യാക്കോ​ബി​ന്നും പിന്നെ അപ്പൊ​സ്‌ത​ലൻമാർക്കും എല്ലാവർക്കും പ്രത്യ​ക്ഷ​നാ​യി. എല്ലാവർക്കും ഒടുവിൽ അകാല​പ്ര​ജ​പോ​ലെ​യുള്ള [“അകാല​ജാ​തന്‌ എന്നപോ​ലെ,” NW] എനിക്കും പ്രത്യ​ക്ഷ​നാ​യി.”—1 കൊരി​ന്ത്യർ 15:3-8.

8, 9. (എ) പുനരു​ത്ഥാ​ന​ത്തി​ലുള്ള വിശ്വാ​സം എത്ര പ്രധാ​ന​മാണ്‌? (ബി) യേശു “അഞ്ഞൂറ​റിൽ അധികം സഹോ​ദ​രൻമാർ”ക്ക്‌ പ്രത്യ​ക്ഷ​പ്പെ​ട്ടത്‌ ഏതു സന്ദർഭ​ത്തി​ലാ​യി​രി​ക്കാ​നാ​ണു സാധ്യത?

⁸ സുവാർത്ത സ്വീക​രി​ച്ച​വർക്ക്‌, യേശു​വി​ന്റെ പുനരു​ത്ഥാ​ന​ത്തി​ലുള്ള വിശ്വാ​സം ഐച്ഛി​ക​മാ​യി​രു​ന്നില്ല. ‘ക്രിസ്‌തു നമ്മുടെ പാപങ്ങൾക്കു​വേണ്ടി മരിച്ചു’ എന്നും ഉയിർപ്പി​ക്ക​പ്പെട്ടു എന്നും സ്ഥിരീ​ക​രി​ക്കു​ന്ന​തിന്‌ അനേകം ദൃക്‌സാ​ക്ഷി​കൾ ഉണ്ടായി​രു​ന്നു. ഒരാൾ പത്രൊസ്‌ എന്ന പേരിൽ പരക്കെ അറിയ​പ്പെ​ട്ടി​രുന്ന കേഫാവ്‌ ആയിരു​ന്നു. യേശു ഒറ്റി​ക്കൊ​ടു​ക്ക​പ്പെട്ട്‌ അറസ്റ്റു ചെയ്യപ്പെട്ട രാത്രി​യിൽ പത്രൊസ്‌ യേശു​വി​നെ തള്ളിപ്പ​റ​ഞ്ഞി​രു​ന്ന​തി​നാൽ, യേശു പ്രത്യ​ക്ഷ​പ്പെ​ട്ടത്‌ അവന്‌ ഏറെ ആശ്വാ​സ​പ്ര​ദ​മാ​യി തോന്നി​യി​രി​ക്കണം. പുനരു​ത്ഥാ​നം പ്രാപിച്ച യേശു ഒരു കൂട്ടം എന്ന നിലയിൽ അപ്പോ​സ്‌ത​ല​ന്മാർക്കും, അതായത്‌ “പന്തിരു​വർക്കും,” പ്രത്യ​ക്ഷ​പ്പെ​ട്ടി​രു​ന്നു. നിസ്സം​ശ​യ​മാ​യും, തങ്ങളുടെ ഭയം തരണം ചെയ്‌ത്‌ യേശു​വി​ന്റെ പുനരു​ത്ഥാ​ന​ത്തിന്‌ ധീര സാക്ഷികൾ ആയിത്തീ​രാൻ അവരെ സഹായിച്ച ഒരു അനുഭ​വ​മാ​യി​രു​ന്നു അത്‌.—യോഹ​ന്നാൻ 20:19-23; പ്രവൃ​ത്തി​കൾ 2:32.

⁹ ക്രിസ്‌തു വലിയ ഒരു കൂട്ടത്തി​നും, അതായത്‌ “അഞ്ഞൂറ​റിൽ അധികം സഹോ​ദ​രൻമാർ”ക്കും, പ്രത്യ​ക്ഷ​പ്പെട്ടു. യേശു​വിന്‌ അത്ര വലിയ ഒരു കൂട്ടം അനുഗാ​മി​കൾ ഉണ്ടായി​രു​ന്നത്‌ ഗലീല​യിൽ മാത്ര​മാ​യി​രു​ന്ന​തു​കൊണ്ട്‌, മത്തായി 28:16-20-ൽ വർണി​ച്ചി​രി​ക്കുന്ന, ശിഷ്യരെ ഉളവാ​ക്കാൻ യേശു കൽപ്പന നൽകിയ, സന്ദർഭ​ത്തി​ലാ​യി​രു​ന്നി​രി​ക്കാം ആ പ്രത്യ​ക്ഷ​പ്പെടൽ നടന്നത്‌. എത്ര ശക്തമായ സാക്ഷ്യ​മാ​യി​രി​ക്കാം ഈ വ്യക്തി​കൾക്കു നൽകാൻ കഴിയു​മാ​യി​രു​ന്നത്‌! അവരിൽ ചിലർ, പൗലൊസ്‌ കൊരി​ന്ത്യർക്ക്‌ ഒന്നാമത്തെ ലേഖനം എഴുതിയ സമയമായ പൊ.യു. 55-ൽ ജീവി​ച്ചി​രി​പ്പു​ണ്ടാ​യി​രു​ന്നു. എന്നാൽ മരിച്ചു​പോ​യ​വരെ “നിദ്ര​പ്രാ​പിച്ച”വരായി പറഞ്ഞി​രി​ക്കു​ന്നത്‌ ശ്രദ്ധി​ക്കുക. തങ്ങളുടെ സ്വർഗീയ പ്രതി​ഫലം സ്വീക​രി​ക്കാൻ അവർ അപ്പോ​ഴും പുനരു​ത്ഥാ​നം പ്രാപി​ച്ചി​രു​ന്നില്ല.

10. (എ) ശിഷ്യ​ന്മാ​രു​മൊ​ത്തുള്ള യേശു​വി​ന്റെ അവസാന കൂടി​വ​ര​വി​ന്റെ ഫലമെ​ന്താ​യി​രു​ന്നു? (ബി) യേശു “അകാല​ജാ​തന്‌ എന്നപോ​ലെ” പൗലൊ​സി​നു പ്രത്യ​ക്ഷ​പ്പെ​ട്ട​തെ​ങ്ങനെ?

¹⁰ യേശു​വി​ന്റെ പുനരു​ത്ഥാ​ന​ത്തി​നുള്ള മറ്റൊരു പ്രമുഖ സാക്ഷി യോ​സേ​ഫി​ന്റെ​യും യേശു​വി​ന്റെ അമ്മയായ മറിയ​യു​ടെ​യും പുത്ര​നായ യാക്കോബ്‌ ആയിരു​ന്നു. പുനരു​ത്ഥാ​ന​ത്തി​നു മുമ്പ്‌, വ്യക്തമാ​യും യാക്കോബ്‌ ഒരു വിശ്വാ​സി​യാ​യി​രു​ന്നില്ല. (യോഹ​ന്നാൻ 7:5) എന്നാൽ യേശു യാക്കോ​ബിന്‌ പ്രത്യ​ക്ഷ​പ്പെ​ട്ട​ശേഷം, അവൻ ഒരു വിശ്വാ​സി ആയിത്തീർന്നു. ഒരുപക്ഷേ തന്റെ മറ്റു സഹോ​ദ​ര​ന്മാ​രെ പരിവർത്തനം ചെയ്യി​ക്കു​ന്ന​തിൽ അവൻ ഒരു പങ്കു വഹിച്ചി​രി​ക്കാം. (പ്രവൃ​ത്തി​കൾ 1:13, 14) ശിഷ്യ​ന്മാ​രു​മൊ​ത്തുള്ള തന്റെ അവസാന കൂടി​വ​ര​വി​ന്റെ സമയത്ത്‌, അതായത്‌ അവൻ സ്വർഗ​ത്തി​ലേക്ക്‌ ആരോ​ഹണം ചെയ്‌ത സന്ദർഭ​ത്തിൽ, യേശു അവർക്ക്‌ ‘ഭൂമി​യു​ടെ അററ​ത്തോ​ളം സാക്ഷികൾ’ ആകുന്ന​തി​നുള്ള നിയമനം നൽകി. (പ്രവൃ​ത്തി​കൾ 1:6-11) പിന്നീട്‌, അവൻ ക്രിസ്‌ത്യാ​നി​കളെ പീഡി​പ്പി​ച്ചി​രുന്ന തർസൂ​സി​ലെ ശൗലിനു പ്രത്യ​ക്ഷ​പ്പെട്ടു. (പ്രവൃ​ത്തി​കൾ 22:6-8) “അകാല​ജാ​തന്‌ എന്നപോ​ലെ” യേശു ശൗലിനു പ്രത്യ​ക്ഷ​നാ​യി. അത്‌ പിന്നീട്‌ നടക്കാ​നി​രുന്ന ആ പുനരു​ത്ഥാ​ന​ത്തിന്‌ നൂറ്റാ​ണ്ടു​കൾക്കു മുൻപു​തന്നെ ശൗൽ ആത്മ ജീവനി​ലേക്ക്‌ ഉയിർപ്പി​ക്ക​പ്പെ​ടു​ക​യും മഹത്ത്വീ​ക​രി​ക്ക​പ്പെട്ട കർത്താ​വി​നെ കാണു​ക​യും ചെയ്‌ത​തു​പോ​ലെ ആയിരു​ന്നു. ഈ അനുഭവം ക്രിസ്‌തീയ സഭയ്‌ക്കെ​തി​രെ​യുള്ള ശൗലിന്റെ ഹിംസാ​ത്മക എതിർപ്പി​ന്റെ ഗതിയെ പെട്ടെന്നു നിർത്തു​ക​യും അവനിൽ ശ്രദ്ധേ​യ​മായ ഒരു മാറ്റം വരുത്തു​ക​യും ചെയ്‌തു. (പ്രവൃ​ത്തി​കൾ 9:3-9, 17-19) ശൗൽ ക്രിസ്‌തീയ വിശ്വാ​സ​ത്തി​ന്റെ ഏറ്റവും പ്രമുഖ വക്താക്ക​ളിൽ ഒരുവ​നായ പൗലൊസ്‌ അപ്പോ​സ്‌തലൻ ആയിത്തീർന്നു.—1 കൊരി​ന്ത്യർ 15:9, 10.

പുനരു​ത്ഥാ​ന​ത്തി​ലുള്ള വിശ്വാ​സം അത്യന്താ​പേ​ക്ഷി​തം

11. “പുനരു​ത്ഥാ​നം ഇല്ല” എന്നു പറയു​ന്ന​തി​ന്റെ പൊള്ള​ത്തരം പൗലൊസ്‌ തുറന്നു കാട്ടി​യ​തെ​ങ്ങനെ?

¹¹ അതു​കൊണ്ട്‌ യേശു​വി​ന്റെ പുനരു​ത്ഥാ​നം നന്നായി സാക്ഷ്യ​പ്പെ​ടു​ത്ത​പ്പെട്ട ഒരു വസ്‌തു​ത​യാ​യി​രു​ന്നു. “ക്രിസ്‌തു മരിച്ചി​ട്ടു ഉയിർത്തെ​ഴു​ന്നേ​ററു എന്നു പ്രസം​ഗി​ച്ചു​വ​രുന്ന അവസ്ഥെക്കു മരിച്ച​വ​രു​ടെ പുനരു​ത്ഥാ​നം ഇല്ല എന്നു നിങ്ങളിൽ ചിലർ പറയു​ന്നതു എങ്ങനെ?” എന്നു പൗലൊസ്‌ വാദി​ക്കു​ന്നു. (1 കൊരി​ന്ത്യർ 15:12) അത്തരക്കാർക്കു പുനരു​ത്ഥാ​നത്തെ കുറിച്ച്‌ കേവലം വ്യക്തി​പ​ര​മായ സംശയ​ങ്ങ​ളോ ചോദ്യ​ങ്ങ​ളോ ഉണ്ടായി​രു​ന്നു​വെന്നു മാത്രമല്ല, തങ്ങൾ അതു വിശ്വ​സി​ക്കു​ന്നി​ല്ലെന്ന്‌ അവർ പരസ്യ​മാ​യി പറയു​ന്നു​മു​ണ്ടാ​യി​രു​ന്നു. അതു​കൊണ്ട്‌ പൗലൊസ്‌ അവരുടെ വാദത്തി​ന്റെ പൊള്ള​ത്തരം തുറന്നു​കാ​ട്ടു​ന്നു. ക്രിസ്‌തു ഉയിർപ്പി​ക്ക​പ്പെ​ട്ടി​ട്ടി​ല്ലെ​ങ്കിൽ, ക്രിസ്‌തീയ സന്ദേശം നുണയും ക്രിസ്‌തു​വി​ന്റെ ഉയിർപ്പി​നെ സാക്ഷ്യ​പ്പെ​ടു​ത്തി​യവർ ‘ദൈവ​ത്തി​ന്നു കള്ളസ്സാ​ക്ഷി​ക​ളും’ ആണെന്നു​വ​രും എന്ന്‌ അവൻ പറയുന്നു. ക്രിസ്‌തു ഉയിർപ്പി​ക്ക​പ്പെ​ട്ടി​ട്ടി​ല്ലെ​ങ്കിൽ, ദൈവ​ത്തി​നു മറുവി​ല​യും നൽക​പ്പെ​ട്ടി​ട്ടില്ല; ക്രിസ്‌ത്യാ​നി​കൾ ‘ഇന്നും തങ്ങളുടെ പാപങ്ങ​ളിൽ ഇരിക്കു​ന്നു.’ (1 കൊരി​ന്ത്യർ 15:13-19; റോമർ 3:23, 24; എബ്രായർ 9:11-14) രക്തസാ​ക്ഷി​കൾ ആയിത്തീർന്നവർ ഉൾപ്പെടെ “നിദ്ര​പ്രാ​പി​ച്ചി​രി​ക്കുന്ന” ക്രിസ്‌ത്യാ​നി​കൾ യഥാർഥ പ്രത്യാ​ശ​യി​ല്ലാ​തെ നശിച്ച​വ​രാ​ണെ​ന്നും വരും. ഈ ജീവിതം മാത്ര​മാണ്‌ അവർക്കു പ്രതീ​ക്ഷി​ക്കാ​നാ​കു​ന്ന​തെ​ങ്കിൽ, ക്രിസ്‌ത്യാ​നി​ക​ളു​ടെ അവസ്ഥ എത്ര ശോച​നീ​യം! അപ്പോൾ അവരുടെ കഷ്ടപ്പാ​ടു​ക​ളെ​ല്ലാം വ്യർഥ​മാ​കും.

12. (എ) ക്രിസ്‌തു​വി​നെ “നിദ്ര​കൊ​ണ്ട​വ​രിൽ ആദ്യഫല”മെന്നു വിളി​ച്ചി​രി​ക്കു​ന്ന​തി​ന്റെ അർഥ​മെന്ത്‌? (ബി) ക്രിസ്‌തു പുനരു​ത്ഥാ​നം സാധ്യ​മാ​ക്കി​യ​തെ​ങ്ങനെ?

¹² എന്നാൽ വാസ്‌തവം അതല്ല. പൗലൊസ്‌ തുടരു​ന്നു: “ക്രിസ്‌തു . . . മരിച്ച​വ​രു​ടെ ഇടയിൽനി​ന്നു ഉയിർത്തി​രി​ക്കു​ന്നു.” മാത്ര​വു​മല്ല, അവൻ “നിദ്ര​കൊ​ണ്ട​വ​രിൽ ആദ്യഫല”മാണു​താ​നും. (1 കൊരി​ന്ത്യർ 15:20) തങ്ങളുടെ വിളവി​ന്റെ ആദ്യഫ​ലങ്ങൾ ഇസ്രാ​യേ​ല്യർ അനുസ​ര​ണാ​പൂർവം യഹോ​വ​യ്‌ക്കു നൽകി​യ​പ്പോൾ, അവൻ ഒരു വലിയ കൊയ്‌ത്തു നൽകി അവരെ അനു​ഗ്ര​ഹി​ച്ചു. (പുറപ്പാ​ടു 22:29, 30; 23:19; സദൃശ​വാ​ക്യ​ങ്ങൾ 3:9, 10) ക്രിസ്‌തു​വി​നെ “ആദ്യ ഫല”മെന്നു വിളി​ക്കു​ക​വഴി, കൂടു​ത​ലായ ഒരു വിള​വെ​ടു​പ്പെന്ന നിലയിൽ മരിച്ച​വ​രിൽനിന്ന്‌ വ്യക്തികൾ സ്വർഗീയ ജീവനി​ലേക്ക്‌ ഉയിർപ്പി​ക്ക​പ്പെ​ടു​മെന്ന്‌ പൗലൊസ്‌ അർഥമാ​ക്കു​ന്നു. ഒരു “മനുഷ്യൻമൂ​ലം മരണം ഉണ്ടാക​യാൽ മരിച്ച​വ​രു​ടെ പുനരു​ത്ഥാ​ന​വും” ഒരു “മനുഷ്യൻമൂ​ലം ഉണ്ടായി” എന്ന്‌ പൗലൊസ്‌ പറയുന്നു. “ആദാമിൽ എല്ലാവ​രും മരിക്കു​ന്ന​തു​പോ​ലെ ക്രിസ്‌തു​വിൽ എല്ലാവ​രും ജീവി​പ്പി​ക്ക​പ്പെ​ടും.” (1 കൊരി​ന്ത്യർ 15:21, 22) യേശു തന്റെ പൂർണ മാനു​ഷ​ജീ​വൻ മറുവി​ല​യാ​യി നൽകി​ക്കൊണ്ട്‌ പുനരു​ത്ഥാ​നം സാധ്യ​മാ​ക്കു​ക​യും അങ്ങനെ പാപത്തി​നും മരണത്തി​നു​മുള്ള അടിമ​ത്ത​ത്തിൽനിന്ന്‌ മനുഷ്യ​വർഗം മോചി​പ്പി​ക്ക​പ്പെ​ടു​ന്ന​തി​നു വഴി തുറക്കു​ക​യും ചെയ്‌തു.—ഗലാത്യർ 1:4; 1 പത്രൊസ്‌ 1:18, 19.a

13. (എ) സ്വർഗീയ പുനരു​ത്ഥാ​നം നടക്കു​ന്ന​തെ​പ്പോൾ? (ബി) ചില അഭിഷി​ക്തർ “മരണത്തിൽ നിദ്ര​കൊ​ള്ളു”കയില്ലാ​ത്ത​തെ​ങ്ങനെ?

¹³ പൗലൊസ്‌ തുടരു​ന്നു: “ഓരോ​രു​ത്ത​നും താന്താന്റെ നിരയി​ല​ത്രേ; ആദ്യഫലം ക്രിസ്‌തു; പിന്നെ ക്രിസ്‌തു​വി​ന്നു​ള്ളവർ അവന്റെ വരവിങ്കൽ [“സാന്നി​ധ്യ​ത്തിൽ,” NW].” (1 കൊരി​ന്ത്യർ 15:23) പൊ.യു. 33-ൽ ക്രിസ്‌തു ഉയിർപ്പി​ക്ക​പ്പെട്ടു. എന്നാൽ “ക്രിസ്‌തു​വി​ന്നു​ള്ളവർ,” അതായത്‌ അവന്റെ അഭിഷിക്ത അനുഗാ​മി​കൾ, യേശു തന്റെ രാജകീയ സാന്നി​ധ്യം തുടങ്ങി അല്‌പ​കാ​ലം കഴിയു​ന്ന​തു​വരെ കാത്തി​രി​ക്കേ​ണ്ടി​യി​രു​ന്നു. ബൈബിൾ പ്രവചനം പ്രകട​മാ​ക്കു​ന്ന​ത​നു​സ​രിച്ച്‌ അവന്റെ സാന്നി​ധ്യം 1914-ൽ തുടങ്ങി. (1 തെസ്സ​ലൊ​നീ​ക്യർ 4:14-16; വെളി​പ്പാ​ടു 11:18) ആ സാന്നിധ്യ കാലത്ത്‌ ജീവ​നോ​ടി​രി​ക്കു​ന്ന​വ​രു​ടെ കാര്യ​മോ? പൗലൊസ്‌ പറയുന്നു: “ഞാൻ ഒരു മർമ്മം നിങ്ങ​ളോ​ടു പറയാം: നാം എല്ലാവ​രും നിദ്ര​കൊ​ള്ളു​ക​യില്ല [“മരണത്തിൽ നിദ്ര​കൊ​ള്ളു​ക​യില്ല,” NW]; എന്നാൽ അന്ത്യകാ​ഹ​ള​നാ​ദ​ത്തി​ങ്കൽ പെട്ടെന്നു കണ്ണി​മെ​ക്കു​ന്നി​ട​യിൽ നാം എല്ലാവ​രും രൂപാ​ന്ത​ര​പ്പെ​ടും. കാഹളം ധ്വനി​ക്കും, മരിച്ചവർ അക്ഷയരാ​യി ഉയിർക്കു​ക​യും നാം രൂപാ​ന്ത​ര​പ്പെ​ടു​ക​യും ചെയ്യും.” (1 കൊരി​ന്ത്യർ 15:51, 52) വ്യക്തമാ​യും, എല്ലാ അഭിഷി​ക്തർക്കും പുനരു​ത്ഥാ​നം പ്രതീ​ക്ഷിച്ച്‌ ശവക്കല്ല​റ​യിൽ നിദ്ര​കൊ​ള്ളേ​ണ്ടി​വ​രു​ന്നില്ല. ക്രിസ്‌തു​വി​ന്റെ സാന്നി​ധ്യ​കാ​ലത്തു മരിക്കു​ന്നവർ തത്‌ക്ഷണം രൂപാ​ന്ത​ര​പ്പെ​ടു​ന്നു.—വെളി​പ്പാ​ടു 14:13.

14. ചില അഭിഷി​ക്തർ ‘മരിച്ച​വ​രാ​യി​രി​ക്കാൻ വേണ്ടി സ്‌നാനം ഏൽക്കു​ന്നത്‌’ എങ്ങനെ?

¹⁴ പൗലൊസ്‌ ചോദി​ക്കു​ന്നു: “അല്ല, മരിച്ച​വർക്കു വേണ്ടി [“മരിച്ച​വ​രാ​യി​രി​ക്കാൻ വേണ്ടി,” NW] സ്‌നാനം ഏല്‌ക്കു​ന്നവർ എന്തു ചെയ്യും? മരിച്ചവർ കേവലം ഉയിർക്കു​ന്നി​ല്ലെ​ങ്കിൽ അവർക്കു​വേണ്ടി [“അത്തരക്കാ​രാ​യി​രി​ക്കാൻ വേണ്ടി,” NW] സ്‌നാനം ഏല്‌ക്കു​ന്നതു എന്തിന്നു? ഞങ്ങളും നാഴി​ക​തോ​റും പ്രാണ​ഭ​യ​ത്തിൽ ആകുന്നതു എന്തിന്നു?” (1 കൊരി​ന്ത്യർ 15:29, 30) ചില ബൈബിൾ പരിഭാ​ഷകൾ ധ്വനി​പ്പി​ക്കു​ന്ന​തു​പോ​ലെ, മരിച്ച​വർക്കു​വേണ്ടി ജീവി​ച്ചി​രി​ക്കുന്ന ചിലർ സ്‌നാ​പ​ന​മേൽക്കു​ന്നു​വെന്ന്‌ പൗലൊസ്‌ അർഥമാ​ക്കി​യില്ല. സ്‌നാ​പനം ബന്ധപ്പെ​ട്ടി​രി​ക്കു​ന്നത്‌ ക്രിസ്‌തീയ ശിഷ്യ​ത്വ​വു​മാ​യാ​ണ​ല്ലോ, മരിച്ച​വർക്ക്‌ ശിഷ്യ​രാ​കാൻ കഴിയു​ക​യില്ല. (യോഹ​ന്നാൻ 4:1) മറിച്ച്‌, പൗലൊസ്‌ ജീവി​ച്ചി​രി​ക്കുന്ന ക്രിസ്‌ത്യാ​നി​കളെ കുറിച്ചു ചർച്ച ചെയ്യു​ക​യാ​യി​രു​ന്നു. അവരിൽ അനേക​രും, പൗലൊ​സി​നെ​പ്പോ​ലെ, “നാഴി​ക​തോ​റും പ്രാണ​ഭ​യത്തി”ലായി​രു​ന്നു. അഭിഷിക്ത ക്രിസ്‌ത്യാ​നി​കൾ ‘ക്രിസ്‌തു​വി​ന്റെ മരണത്തി​ലേക്കു സ്‌നാ​പ​ന​മേറ്റി’രിക്കു​ന്ന​വ​രാണ്‌. (റോമർ 6:3, NW) ആലങ്കാ​രി​ക​മാ​യി പറഞ്ഞാൽ, അഭിഷി​ക്ത​രാ​യി​ത്തീർന്നതു മുതൽ ക്രിസ്‌തു​വി​ന്റേ​തി​നോ​ടു സമാന​മായ ഒരു മരണത്തി​ലേക്കു നയിക്കുന്ന ഒരു ഗതിയി​ലേക്ക്‌ അവർ “സ്‌നാ​പനം” ഏൽക്കു​ക​യാ​യി​രു​ന്നു. (മർക്കൊസ്‌ 10:35-40) അവർ മഹനീ​യ​മായ സ്വർഗീയ പുനരു​ത്ഥാന പ്രത്യാ​ശ​യോ​ടെ മരിക്കു​മാ​യി​രു​ന്നു.—1 കൊരി​ന്ത്യർ 6:14; ഫിലി​പ്പി​യർ 3:10, 11.

15. പൗലൊസ്‌ ഏതെല്ലാം അപകടങ്ങൾ അനുഭ​വി​ച്ചി​രി​ക്കാം, അവ സഹിക്കു​ന്ന​തിൽ പുനരു​ത്ഥാ​ന​ത്തി​ലുള്ള വിശ്വാ​സം ഒരു പങ്കു വഹിച്ച​തെ​ങ്ങനെ?

¹⁵ “ഞാൻ ദിവസേന മരണത്തെ അഭിമു​ഖീ​ക​രി​ക്കു​ന്നു” (NW) എന്നു പറയാൻ കഴിഞ്ഞ അളവോ​ളം അപകടങ്ങൾ താൻ അഭിമു​ഖീ​ക​രി​ച്ചി​ട്ടു​ണ്ടെന്ന്‌ ഇപ്പോൾ പൗലൊസ്‌ വിശദ​മാ​ക്കു​ന്നു. താൻ അതിശ​യോ​ക്തി കലർത്തി സംസാ​രി​ക്ക​യാ​ണെന്ന്‌ ആരും ആരോ​പി​ക്കാ​തി​രി​ക്കാൻ, പൗലൊസ്‌ ഇങ്ങനെ കൂട്ടി​ച്ചേർക്കു​ന്നു: “സഹോ​ദ​ര​ങ്ങളേ, നമ്മുടെ കർത്താ​വായ ക്രിസ്‌തു​യേ​ശു​വിൽ നിങ്ങളെ കുറിച്ച്‌ എനിക്കുള്ള ആഹ്ലാദ​ത്താൽ ഞാൻ തറപ്പി​ച്ചു​പ​റ​യു​ന്നു.” ദ ജറുസ​ലേം ബൈബിൾ ഈ വാക്യം പരിഭാ​ഷ​പ്പെ​ടു​ത്തു​ന്നത്‌ ഇങ്ങനെ​യാണ്‌: “സഹോ​ദ​ര​ന്മാ​രേ, ദിവസേന ഞാൻ മരണത്തെ അഭിമു​ഖീ​ക​രി​ക്കു​ക​യാണ്‌, നമ്മുടെ കർത്താ​വായ യേശു​ക്രി​സ്‌തു​വിൽ നിങ്ങളെ കുറിച്ച്‌ എനിക്കുള്ള അഭിമാ​ന​ത്തോ​ടെ എനിക്ക്‌ അത്‌ ആണയി​ട്ടു​പ​റ​യാ​നാ​കും.” താൻ അഭിമു​ഖീ​ക​രിച്ച അപകട​ങ്ങ​ളു​ടെ ഒരു ദൃഷ്ടാ​ന്ത​മാ​യി “എഫെ​സൊ​സിൽവെച്ചു മൃഗയു​ദ്ധം” ചെയ്‌ത​തി​നെ കുറിച്ചു പൗലൊസ്‌ 32-ാം വാക്യ​ത്തിൽ പറയുന്നു. റോമാ​ക്കാർ കുറ്റവാ​ളി​കളെ ഗോദ​യിൽ കാട്ടു​മൃ​ഗ​ങ്ങൾക്ക്‌ എറിഞ്ഞു​കൊ​ടുത്ത്‌ വധശിക്ഷ നടപ്പാ​ക്കി​യി​രു​ന്നു. അക്ഷരാർഥ​ത്തിൽത്തന്നെ പൗലൊ​സിന്‌ കാട്ടു​മൃ​ഗ​ങ്ങ​ളോട്‌ ഏറ്റുമു​ട്ടേ​ണ്ടി​വ​ന്നെ​ങ്കിൽ, യഹോ​വ​യു​ടെ സഹായ​ത്താൽ മാത്ര​മാണ്‌ അവൻ അതിജീ​വി​ച്ചത്‌. പുനരു​ത്ഥാന പ്രത്യാ​ശ​യി​ല്ലാ​തെ, അത്തരം അപകട സാധ്യ​ത​ക​ളുള്ള ജീവി​ത​ഗതി തിര​ഞ്ഞെ​ടു​ക്കു​ന്നത്‌ തീർച്ച​യാ​യും ഭോഷ​ത്ത​മാ​കു​മാ​യി​രു​ന്നു. ഭാവി ജീവി​തത്തെ കുറി​ച്ചുള്ള പ്രത്യാ​ശ​യി​ല്ലാ​തെ, ദൈവത്തെ സേവി​ക്കു​ന്നതു മൂലമുള്ള പ്രയാ​സ​ങ്ങ​ളും ത്യാഗ​ങ്ങ​ളും സഹിക്കു​ന്നത്‌ നിരർഥ​ക​മാ​കു​മാ​യി​രു​ന്നു. പൗലൊസ്‌ പറയുന്നു: “മരിച്ചവർ ഉയിർക്കു​ന്നി​ല്ലെ​ങ്കിൽ നാം തിന്നുക, കുടിക്ക നാളെ ചാകു​മ​ല്ലോ.”—1 കൊരി​ന്ത്യർ 15:31, 32, പി.ഒ.സി. ബൈ.; 2 കൊരി​ന്ത്യർ 1:8, 9-ഉം 11:23-27-ഉം കാണുക.

16. (എ) “തിന്നുക, കുടിക്ക നാളെ ചാകു​മ​ല്ലോ” എന്ന പ്രയോ​ഗം ഉത്ഭവി​ച്ചത്‌ എവി​ടെ​നി​ന്നാ​യി​രി​ക്കാം? (ബി) ആ ചിന്താ​ഗതി സ്വീക​രി​ച്ച​തു​കൊ​ണ്ടുള്ള അപകടങ്ങൾ എന്തെല്ലാ​മാ​യി​രു​ന്നു?

¹⁶ യെരൂ​ശ​ലേ​മി​ലെ അനുസ​ര​ണം​കെട്ട നിവാ​സി​ക​ളു​ടെ വിധി​വി​ശ്വാ​സ​പ​ര​മായ മനോ​ഭാ​വം വർണി​ക്കുന്ന യെശയ്യാ​വു 22:13 പൗലൊസ്‌ ഉദ്ധരി​ച്ചി​രി​ക്കാം. അല്ലെങ്കിൽ എപ്പിക്കൂ​ര്യ​രു​ടെ വിശ്വാ​സ​ങ്ങ​ളാ​യി​രി​ക്കാം അവന്റെ മനസ്സി​ലു​ണ്ടാ​യി​രു​ന്നത്‌. മരണാ​നന്തര ജീവി​തത്തെ കുറി​ച്ചുള്ള ഏതൊരു പ്രത്യാ​ശ​യെ​യും പരിഹ​സി​ക്കു​ക​യും ജീവി​ത​ത്തിൽ പരമ​പ്ര​ധാ​നം ജഡിക സുഖമാ​ണെന്നു വിശ്വ​സി​ക്കു​ക​യും ചെയ്‌തി​രു​ന്ന​വ​രാ​യി​രു​ന്നു അവർ. സംഗതി എന്തായി​രു​ന്നാ​ലും, ‘തിന്നു കുടി​ക്കാം’ എന്ന തത്ത്വചിന്ത ദൈവ​ഭ​ക്തി​ക്കു നിരക്കു​ന്ന​താ​യി​രു​ന്നില്ല. അതു​കൊണ്ട്‌, പൗലൊസ്‌ മുന്നറി​യി​പ്പു നൽകുന്നു: “വഴി​തെ​റ​റി​ക്ക​പ്പെ​ട​രുത്‌. മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.” (1 കൊരി​ന്ത്യർ 15:33, NW) പുനരു​ത്ഥാ​ന​ത്തിൽ വിശ്വ​സി​ക്കാ​ത്ത​വ​രു​മൊത്ത്‌ ഇടപഴ​കു​ന്നത്‌ ഹാനി​കരം ആയിരി​ക്കു​മാ​യി​രു​ന്നു. ലൈം​ഗിക അധാർമി​കത, ഭിന്നതകൾ, കോട​തി​ക്കേ​സു​കൾ, കർത്താ​വി​ന്റെ സന്ധ്യാ​ഭ​ക്ഷ​ണ​ത്തോ​ടുള്ള അനാദ​രവ്‌ എന്നിങ്ങനെ കൊരി​ന്ത്യ സഭയിൽ പൗലൊ​സി​നു കൈകാ​ര്യം ചെയ്യേ​ണ്ടി​വന്ന പ്രശ്‌ന​ങ്ങൾക്ക്‌ ഒരു കാരണം അത്തരം സഹവാ​സ​മാ​യി​രു​ന്നി​രി​ക്കാം.—1 കൊരി​ന്ത്യർ 1:11; 5:1; 6:1; 11:20-22.

17. (എ) പൗലൊസ്‌ കൊരി​ന്ത്യർക്ക്‌ എന്ത്‌ ഉദ്‌ബോ​ധനം നൽകി? (ബി) ഏതു ചോദ്യ​ങ്ങൾക്ക്‌ ഉത്തരം ലഭി​ക്കേ​ണ്ട​തുണ്ട്‌?

¹⁷ അതു​കൊണ്ട്‌ പൗലൊസ്‌ ക്രിസ്‌ത്യാ​നി​കൾക്ക്‌ ഈ ക്രിയാ​ത്മക ഉദ്‌ബോ​ധനം നൽകുന്നു: “നീതിക്കു നിർമ്മ​ദ​രാ​യി ഉണരു​വിൻ; പാപം ചെയ്യാ​തി​രി​പ്പിൻ; ചിലർക്കു ദൈവത്തെ കുറിച്ചു പരിജ്ഞാ​ന​മില്ല; ഞാൻ നിങ്ങൾക്കു ലജ്ജെക്കാ​യി പറയുന്നു.” (1 കൊരി​ന്ത്യർ 15:34) പുനരു​ത്ഥാ​നത്തെ കുറി​ച്ചുള്ള നിഷേ​ധാ​ത്മ​ക​മായ ഒരു കാഴ്‌ച​പ്പാട്‌, മദ്യപി​ച്ചാ​ലെ​ന്ന​പോ​ലെ, ചിലരെ ആത്മീയ മന്ദതയി​ലാ​ഴ്‌ത്തി. അവർ ഉണർന്ന്‌ ഗൗരവ മാനസ​രാ​യി​രി​ക്കേണ്ട ആവശ്യ​മു​ണ്ടാ​യി​രു​ന്നു. അതു​പോ​ലെ, ലോക​ത്തി​ലെ സംശയാ​ലു​ക്ക​ളു​ടെ വീക്ഷണ​ങ്ങ​ളാൽ സ്വാധീ​നി​ക്ക​പ്പെ​ടാ​തെ, ഇന്ന്‌ അഭിഷിക്ത ക്രിസ്‌ത്യാ​നി​കൾ ആത്മീയ​മാ​യി ഉണർന്നി​രി​ക്കേണ്ട ആവശ്യ​മുണ്ട്‌. അവർ തങ്ങളുടെ സ്വർഗീയ പുനരു​ത്ഥാന പ്രത്യാ​ശ​യോട്‌ അടുത്തു പറ്റിനിൽക്കണം. എന്നാൽ അപ്പോ​ഴും ചോദ്യ​ങ്ങൾ അവശേ​ഷി​ക്കു​ന്നു—അന്നത്തെ കൊരി​ന്ത്യർക്കും ഇന്നത്തെ നമുക്കും. ഉദാഹ​ര​ണ​ത്തിന്‌, 1,44,000 പേർ സ്വർഗ​ത്തി​ലേക്ക്‌ ഉയിർപ്പി​ക്ക​പ്പെ​ടു​ന്നത്‌ ഏതു രൂപത്തി​ലാണ്‌? കല്ലറക​ളി​ലു​ള്ള​വ​രും സ്വർഗീയ പ്രത്യാ​ശ​യി​ല്ലാ​ത്ത​വ​രു​മായ ദശലക്ഷ​ക്ക​ണ​ക്കി​നു വരുന്ന മറ്റുള്ള​വ​രു​ടെ കാര്യ​മോ? അത്തരക്കാർക്ക്‌ പുനരു​ത്ഥാ​നം എന്തർഥ​മാ​ക്കും? ഞങ്ങളുടെ അടുത്ത ലേഖന​ത്തിൽ, പുനരു​ത്ഥാ​നത്തെ കുറി​ച്ചുള്ള പൗലൊ​സി​ന്റെ ചർച്ചയു​ടെ ശിഷ്ട ഭാഗം നാം പരിചി​ന്തി​ക്കു​ന്ന​താ​യി​രി​ക്കും.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ യേശു പുനരു​ത്ഥാ​നത്തെ കുറിച്ച്‌ എന്തു വെളി​പ്പെ​ടു​ത്തി?

□ ക്രിസ്‌തു​വി​ന്റെ പുനരു​ത്ഥാ​ന​ത്തി​ന്റെ ചില സാക്ഷികൾ ആരെല്ലാ​മാ​യി​രു​ന്നു?

□ പുനരു​ത്ഥാന ഉപദേശം വെല്ലു​വി​ളി​ക്ക​പ്പെ​ട്ടത്‌ എന്തു​കൊണ്ട്‌, പൗലൊ​സി​ന്റെ പ്രതി​ക​രണം എന്തായി​രു​ന്നു?

□ പുനരു​ത്ഥാ​ന​ത്തി​ലുള്ള വിശ്വാ​സം അഭിഷിക്ത ക്രിസ്‌ത്യാ​നി​കൾക്ക്‌ അത്യന്താ​പേ​ക്ഷി​ത​മാ​യി​രു​ന്നത്‌ എന്തു​കൊണ്ട്‌?

[15-ാം പേജിലെ ചിത്രം]

യായിറോസിന്റെ പുത്രി പുനരു​ത്ഥാ​നം സാധ്യ​മാണ്‌ എന്നതി​നുള്ള തെളി​വാ​യി​ത്തീർന്നു

[16, 17 പേജു​ക​ളി​ലെ ചിത്രം]

പുനരുത്ഥാന പ്രത്യാ​ശ​യി​ല്ലാ​ത്ത​പക്ഷം, വിശ്വസ്‌ത ക്രിസ്‌ത്യാ​നി​ക​ളു​ടെ രക്തസാ​ക്ഷി​ത്വം നിരർഥ​ക​മാ​കും