‘കർത്താ​വി​നെ കണ്ടുമു​ട്ടു​ന്ന​തിന്‌ എടുക്ക​പ്പെ​ടു​ന്നു’—എങ്ങനെ?

ഇപ്പോ​ഴത്തെ ദുഷ്ടവ്യ​വ​സ്ഥി​തി​യു​ടെ അവസാ​ന​ത്തി​ലേ​ക്കുള്ള കൗണ്ട്‌ഡൗൺ സ്ഥിരമാ​യി തുടരു​ക​യാണ്‌. ഓരോ മണിക്കൂ​റും ഓരോ മിനി​റ​റും ഓരോ സെക്കൻഡും കടന്നു​പോ​കു​മ്പോൾ ദീർഘ​കാ​ലം മുമ്പു പ്രവചി​ച്ചി​രുന്ന ശ്രദ്ധേ​യ​മായ സംഭവ​ങ്ങ​ളോ​ടു നാം സമീപി​ക്കു​ക​യാണ്‌. ഉത്‌പ്രാ​പണം ഇവയി​ലൊ​ന്നാ​ണോ? ആണെങ്കിൽ, അത്‌ എപ്പോൾ, എങ്ങനെ സംഭവി​ക്കും?

“ഉത്‌പ്രാ​പണം” എന്ന പദം ബൈബി​ളി​ലില്ല. എന്നാൽ അതിൽ വിശ്വ​സി​ക്കു​ന്നവർ തങ്ങളുടെ വിശ്വാ​സ​ത്തി​ന്റെ അടിസ്ഥാ​ന​മാ​യി 1 തെസ്സ​ലൊ​നീ​ക്യർ 4:17-ലെ അപ്പോ​സ്‌ത​ല​നായ പൗലോ​സി​ന്റെ വാക്കുകൾ ഉദ്ധരി​ക്കു​ന്നു. നമുക്ക്‌ ഈ തിരു​വെ​ഴു​ത്തി​നെ അതിന്റെ സന്ദർഭ​ത്തിൽ പരി​ശോ​ധി​ക്കാം. പൗലോസ്‌ ഇങ്ങനെ എഴുതി:

“സഹോ​ദ​രൻമാ​രേ, നിങ്ങൾ പ്രത്യാ​ശ​യി​ല്ലാത്ത മററു​ള്ള​വ​രെ​പ്പോ​ലെ ദുഃഖി​ക്കാ​തി​രി​ക്കേ​ണ്ട​തി​ന്നു നിദ്ര​കൊ​ള്ളു​ന്ന​വ​രെ​ക്കു​റി​ച്ചു അറിവി​ല്ലാ​തി​രി​ക്ക​രു​തു എന്നു ഞങ്ങൾ ആഗ്രഹി​ക്കു​ന്നു. യേശു മരിക്ക​യും ജീവി​ച്ചെ​ഴു​ന്നേ​ല്‌ക്ക​യും ചെയ്‌തു എന്നു നാം വിശ്വ​സി​ക്കു​ന്നു എങ്കിൽ അങ്ങനെ തന്നേ ദൈവം നിദ്ര​കൊ​ണ്ട​വ​രെ​യും യേശു​മു​ഖാ​ന്തരം അവനോ​ടു​കൂ​ടെ വരുത്തും. കർത്താ​വി​ന്റെ പ്രത്യ​ക്ഷ​ത​വരെ ജീവ​നോ​ടെ ശേഷി​ക്കു​ന്ന​വ​രായ നാം നിദ്ര​കൊ​ണ്ട​വർക്കു മുമ്പാ​ക​യില്ല എന്നു ഞങ്ങൾ കർത്താ​വി​ന്റെ വചനത്താൽ നിങ്ങ​ളോ​ടു പറയുന്നു. കർത്താവു താൻ ഗംഭീ​ര​നാ​ദ​ത്തോ​ടും പ്രധാ​ന​ദൂ​തന്റെ ശബ്ദത്തോ​ടും ദൈവ​ത്തി​ന്റെ കാഹള​ത്തോ​ടും​കൂ​ടെ സ്വർഗ്ഗ​ത്തിൽനി​ന്നു ഇറങ്ങി​വ​രു​ക​യും ക്രിസ്‌തു​വിൽ മരിച്ചവർ മുമ്പെ ഉയിർത്തെ​ഴു​ന്നേ​ല്‌ക്ക​യും ചെയ്യും. പിന്നെ ജീവ​നോ​ടെ ശേഷി​ക്കുന്ന നാം അവരോ​ടു ഒരുമി​ച്ചു ആകാശ​ത്തിൽ കർത്താ​വി​നെ എതി​രേ​ല്‌പാൻ മേഘങ്ങ​ളിൽ എടുക്ക​പ്പെ​ടും; ഇങ്ങനെ നാം എപ്പോ​ഴും കർത്താ​വി​നോ​ടു​കൂ​ടെ ഇരിക്കും. ഈ വചനങ്ങ​ളെ​ക്കൊ​ണ്ടു അന്യോ​ന്യം ആശ്വസി​പ്പി​ച്ചു​കൊൾവിൻ.”—1 തെസ്സ​ലൊ​നീ​ക്യർ 4:13-18.

പൊ.യു. (പൊതു​യു​ഗം) ഏതാണ്ട്‌ 50-ൽ തെസ്സ​ലോ​നീ​ക്യ സഭയിലെ ക്രിസ്‌ത്യാ​നി​കളെ സംബോ​ധ​ന​ചെ​യ്‌തു പൗലോസ്‌ തന്റെ ആദ്യ​ലേ​ഖനം എഴുതി​യ​പ്പോൾ ആ സഭ താരത​മ്യേന പുതു​താ​യി​രു​ന്നു. തങ്ങളിൽപ്പെട്ട ചിലർ “മരണത്തിൽ നിദ്ര​കൊ​ള്ളു”ന്നതുസം​ബ​ന്ധിച്ച്‌ ആ സഭാം​ഗങ്ങൾ ദുഃഖി​ത​രാ​യി​രു​ന്നു. എന്നിരു​ന്നാ​ലും, പൗലോ​സി​ന്റെ എഴുത്ത്‌ പുനരു​ത്ഥാ​ന​പ്ര​ത്യാ​ശ​കൊ​ണ്ടു തെസ്സ​ലോ​നീ​ക്യ​രെ ആശ്വസി​പ്പി​ച്ചു.

ക്രിസ്‌തു​വി​ന്റെ “സാന്നി​ദ്ധ്യം”

അന്നു മരിച്ചി​രുന്ന വിശ്വ​സ്‌ത​ക്രി​സ്‌ത്യാ​നി​കൾ പുനരു​ത്ഥാ​നം​പ്രാ​പി​ക്കു​മെന്നു സ്ഥിരീ​ക​രി​ക്കവെ പൗലോസ്‌ ഇങ്ങനെ​യും പറഞ്ഞു: “കർത്താ​വി​ന്റെ പ്രത്യ​ക്ഷ​ത​വരെ [സാന്നിദ്ധ്യം, NW] ജീവ​നോ​ടെ ശേഷി​ക്കു​ന്ന​വ​രായ നാം നിദ്ര​കൊ​ണ്ട​വർക്കു മുമ്പാ​ക​യില്ല.” (വാക്യം 15) തീർച്ച​യാ​യും, അപ്പോ​സ്‌തലൻ കർത്താ​വി​ന്റെ “സാന്നിദ്ധ്യ”ത്തെ പരാമർശി​ച്ചതു ശ്രദ്ധാർഹ​മാണ്‌. ഇവിടെ മൂലഭാ​ഷാ​പാ​ഠം പറൂസി​യൻ എന്ന ഗ്രീക്ക്‌ പദം ഉപയോ​ഗി​ക്കു​ന്നു, അതിന്റെ അക്ഷരീ​യ​മായ അർത്ഥം “അരിക​ത്താ​യി​രി​ക്കുക” എന്നാണ്‌.

ഒരു വിദേശ രാഷ്‌ട്ര​ത്ത​ലവൻ ഒരു രാജ്യം സന്ദർശി​ക്കു​മ്പോൾ, അദ്ദേഹ​ത്തി​ന്റെ അവിടത്തെ സാന്നി​ദ്ധ്യ​ത്തി​ന്റെ തീയതി സാധാ​ര​ണ​യാ​യി നേരത്തെ അറിയി​ക്കു​ന്നു. കർത്താ​വായ യേശു​ക്രി​സ്‌തു​വി​ന്റെ സാന്നി​ദ്ധ്യ​ത്തെ​ക്കു​റിച്ച്‌ ഇതു സത്യമാ​യി​രു​ന്നി​ട്ടുണ്ട്‌. സ്വർഗ്ഗീ​യ​രാ​ജ്യാ​ധി​കാ​ര​ത്തി​ലുള്ള യേശു​വി​ന്റെ സാന്നി​ദ്ധ്യം 1914-ൽ തുടങ്ങി​യെ​ന്ന​തി​നു വീക്ഷാ​ഗോ​പു​രം പരമാർത്ഥ​ഹൃ​ദ​യി​ക​ളായ ബൈബിൾപ്ര​വ​ച​ന​പ​ഠി​താ​ക്കൾക്കു പരസ്‌പ​ര​യോ​ജി​പ്പോ​ടെ തെളിവു സമർപ്പി​ച്ചി​ട്ടുണ്ട്‌. ആ വർഷം​മു​ത​ലുള്ള സംഭവങ്ങൾ യേശു​വി​ന്റെ അദൃശ്യ​സാ​ന്നി​ദ്ധ്യ​ത്തെ സാക്ഷ്യ​പ്പെ​ടു​ത്തു​ന്നു. (മത്തായി 24:3-14) അതു​കൊ​ണ്ടു കർത്താ​വി​ന്റെ സാന്നി​ദ്ധ്യ​കാ​ലത്തു ജീവി​ക്കുന്ന ചില ക്രിസ്‌ത്യാ​നി​കൾ “ആകാശ​ത്തിൽ കർത്താ​വി​നെ എതി​രേ​ല്‌പാൻ മേഘങ്ങ​ളിൽ എടുക്ക​പ്പെ​ടും” എന്നു പറഞ്ഞതി​നാൽ ആ അതിജീ​വകർ ഭൂമി​യു​ടെ അന്തരീ​ക്ഷ​ത്തി​ലല്ല, പിന്നെ​യോ യേശു ദൈവ​ത്തി​ന്റെ വലത്തു​ഭാ​ഗ​ത്തി​രി​ക്കുന്ന അദൃശ്യ​സ്വർഗ്ഗീയ മണ്ഡലത്തിൽ ക്രിസ്‌തു​വി​നെ കണ്ടുമു​ട്ടു​മെ​ന്നാ​ണു പൗലോസ്‌ അർത്ഥമാ​ക്കി​യത്‌. (എബ്രായർ 1:1-3) എന്നാൽ അവർ ആരാണ്‌?

“ദൈവ​ത്തി​ന്റെ ഇസ്രയേൽ”

തിരു​വെ​ഴു​ത്തു​കൾ ജഡിക ഇസ്ര​യേ​ലി​നെ​ക്കു​റി​ച്ചു വളരെ​യ​ധി​കം പ്രസ്‌താ​വി​ക്കു​ന്നുണ്ട്‌, ‘ദൈവ​ത്തി​ന്റെ ആത്മീയ ഇസ്ര​യേ​ലി​നെ’ക്കുറി​ച്ചും പറയു​ന്നുണ്ട്‌. യഹൂദ​വി​ശ്വാ​സി​ക​ളും വിജാ​തീയ വിശ്വാ​സി​ക​ളും ദൈവ​ത്തി​ന്റെ പരിശു​ദ്ധാ​ത്മാവ്‌ അഥവാ പ്രവർത്ത​ന​നി​ര​ത​മായ ശക്തി​കൊണ്ട്‌ അഭിഷി​ക്ത​രാ​കുന്ന ഈ കൂട്ടത്തി​ന്റെ പൂർണ്ണ​സം​ഖ്യ തികയ്‌ക്ക​ണ​മാ​യി​രു​ന്നു. (ഗലാത്യർ 6:16; റോമർ 11:25, 26; 1 യോഹ​ന്നാൻ 2:20, 27) ആത്മീയ ഇസ്ര​യേ​ലി​ന്റെ മൊത്തം സംഖ്യ 1,44,000 ആണെന്നു വെളി​പ്പാ​ടു​പു​സ്‌തകം പ്രകട​മാ​ക്കു​ന്നു, അവരെ​ല്ലാം കുഞ്ഞാ​ടായ യേശു​ക്രി​സ്‌തു​വി​നോ​ടു​കൂ​ടെ സ്വർഗ്ഗീയ സീയോൻമ​ല​യിൽ നിൽക്കു​ന്ന​താ​യി ചിത്രീ​ക​രി​ച്ചി​രി​ക്കു​ന്നു. ക്രിസ്‌തു​വി​നോ​ടൊ​പ്പം അവർ സ്വർഗ്ഗ​ത്തിൽ രാജാ​ക്കൻമാ​രും പുരോ​ഹി​തൻമാ​രു​മാ​യി​രി​ക്കും. (വെളി​പ്പാ​ടു 7:1-8; 14:1-4; 20:6) തെസ്സ​ലൊ​നീ​ക്യ​യി​ലും മററു​ള്ളേ​ട​ങ്ങ​ളി​ലു​മു​ണ്ടാ​യി​രുന്ന സഭക​ളോ​ടു സഹവസി​ച്ചി​രുന്ന വ്യക്തികൾ അവരിൽ ഉൾപ്പെ​ടും, അവരുടെ വർഗ്ഗീ​യ​വും ദേശീ​യ​വു​മായ പശ്ചാത്തലം എന്തായി​രു​ന്നാ​ലും.—പ്രവൃ​ത്തി​കൾ 10:34, 35.

ആത്മീയ ഇസ്ര​യേ​ലി​ലെ വിശ്വ​സ്‌ത​രായ ഏതംഗ​ങ്ങൾക്കും ഒരു സ്വർഗ്ഗീയ പ്രതി​ഫലം സ്വീക​രി​ക്കാൻ കഴിയു​ന്ന​തി​നു​മുമ്പ്‌, അവർ ഒരു പ്രത്യേക അനുഭ​വ​ത്തിൽ പങ്കുപ​റേ​റ​ണ്ട​താണ്‌. സ്വർഗ്ഗ​ങ്ങ​ളി​ലെ ജീവി​ത​ത്തി​ലേ​ക്കുള്ള തന്റെ പുനരു​ത്ഥാ​ന​ത്തി​നു​മു​മ്പു യേശു​വി​ന്റെ ദണ്ഡനസ്‌തം​ഭ​ത്തി​ലെ മരണം നടന്നതു​പോ​ലെ, സ്വർഗ്ഗീയ പ്രത്യാ​ശ​യുള്ള ക്രിസ്‌ത്യാ​നി​കൾ തങ്ങളുടെ പ്രതി​ഫലം പ്രാപി​ക്കു​ന്ന​തി​നു​മു​മ്പു മരി​ക്കേ​ണ്ട​താണ്‌. (1 കൊരി​ന്ത്യർ 15:35, 36) അതു പൊ.യു. ഒന്നാം നൂററാ​ണ്ടിൽ ജീവി​ച്ചി​രുന്ന ആത്മീയ ഇസ്ര​യേ​ലി​ലെ അംഗങ്ങ​ളെ​ക്കു​റി​ച്ചും ഇന്നു ജീവി​ച്ചി​രി​ക്കുന്ന അങ്ങനെ​യുള്ള വ്യക്തി​ക​ളെ​ക്കു​റി​ച്ചും സത്യമാ​യി​രി​ക്കും.

“കർത്താ​വി​ന്റെ സാന്നിദ്ധ്യ”ത്തെക്കു​റി​ച്ചു പറഞ്ഞ​ശേഷം, മരിച്ചു​പോയ വിശ്വസ്‌ത ആത്മീയ ഇസ്ര​യേ​ല്യർ തങ്ങളുടെ സ്വർഗ്ഗീയ പ്രതി​ഫലം പ്രാപി​ക്കുന്ന സമയത്തി​ലേക്കു പൗലോസ്‌ വിരൽചൂ​ണ്ടി. അവൻ ഇങ്ങനെ എഴുതി: “കർത്താവു താൻ ഗംഭീ​ര​നാ​ദ​ത്തോ​ടും പ്രധാ​ന​ദൂ​തന്റെ ശബ്ദത്തോ​ടും ദൈവ​ത്തി​ന്റെ കാഹള​ത്തോ​ടും​കൂ​ടെ സ്വർഗ്ഗ​ത്തിൽനി​ന്നു ഇറങ്ങി​വ​രി​ക​യും ക്രിസ്‌തു​വിൽ മരിച്ചവർ മുമ്പെ ഉയിർത്തെ​ഴു​ന്നേ​ല്‌ക്ക​യും ചെയ്യും.” (വാക്യം 16) തന്നിമി​ത്തം, രാജാ​വാ​യുള്ള യേശു​വി​ന്റെ സാന്നി​ദ്ധ്യം തുടങ്ങി​ക്ക​ഴി​ഞ്ഞാൽ, അപ്പോ​ഴേ​ക്കും നിർമ്മ​ല​താ​പാ​ല​ക​രെന്ന നിലയിൽ മരിച്ചു​പോ​യി​രുന്ന ആത്മീയ ഇസ്ര​യേ​ലിൽ പെട്ടവർ തുടങ്ങി സ്വർഗ്ഗീയ പുനരു​ത്ഥാ​നം ആരംഭി​ക്കു​മെന്നു നാം പ്രതീ​ക്ഷി​ക്കണം. (1 കൊരി​ന്ത്യർ 15:23) അവർ ഇപ്പോൾ യേശു​വി​നോ​ടു​കൂ​ടെ സ്വർഗ്ഗ​ത്തിൽ സേവി​ക്കു​ക​യാണ്‌. എന്നാൽ ഇപ്പോ​ഴും ഭൂമി​യിൽ ജീവി​ക്കുന്ന താരത​മ്യേന ചുരു​ക്ക​മായ അഭിഷി​ക്ത​ക്രി​സ്‌ത്യാ​നി​കളെ സംബന്ധി​ച്ചെന്ത്‌? അവർ ഉത്‌പ്രാ​പ​ണ​ത്തി​നാ​യി കാത്തി​രി​ക്കു​ന്നു​വോ?

“എടുക്ക​പ്പെ​ടും”—എങ്ങനെ?

മരിച്ചു​പോ​യി​രുന്ന അഭിഷി​ക്ത​ക്രി​സ്‌ത്യാ​നി​കളെ പരാമർശിച്ച ശേഷം പൗലോസ്‌ ഇങ്ങനെ കൂട്ടി​ച്ചേർത്തു: “പിന്നെ ജീവ​നോ​ടെ ശേഷി​ക്കുന്ന നാം അവരോ​ടു ഒരുമി​ച്ചു ആകാശ​ത്തിൽ കർത്താ​വി​നെ എതി​രേ​ല്‌പാൻ മേഘങ്ങ​ളിൽ എടുക്ക​പ്പെ​ടും; ഇങ്ങനെ നാം എപ്പോ​ഴും കർത്താ​വി​നോ​ടു​കൂ​ടെ ഇരിക്കും.” (വാക്യം 17) “ജീവ​നോ​ടെ ശേഷി​ക്കു​ന്നവർ” ക്രിസ്‌തു​വി​ന്റെ സാന്നി​ദ്ധ്യ​കാ​ലത്തു ജീവി​ക്കു​ന്ന​വ​രാണ്‌. അവർ കർത്താ​വായ യേശു​വി​നെ കണ്ടുമു​ട്ടാൻ “എടുക്ക​പ്പെ​ടും.” വിശ്വ​സ്‌ത​രായ ആദിമ​ക്രി​സ്‌ത്യാ​നി​ക​ളു​ടെ കാര്യ​ത്തി​ലെ​ന്ന​പോ​ലെ, അവർ സ്വർഗ്ഗ​ത്തിൽ ക്രിസ്‌ത​വി​നോ​ടു ചേരു​ന്ന​തിന്‌ ഒരു മനുഷ്യ​നാ​യി​ട്ടുള്ള മരണം ആവശ്യ​മാണ്‌.—റോമർ 8:17, 35-39.

കൊരി​ന്തി​ലെ ക്രിസ്‌ത്യാ​നി​കൾക്കെ​ഴു​തി​യ​പ്പോൾ പൗലോസ്‌ ഇങ്ങനെ പ്രസ്‌താ​വി​ച്ചു: “സഹോ​ദ​രൻമാ​രേ, മാംസ​ര​ക്ത​ങ്ങൾക്കു ദൈവ​രാ​ജ്യ​ത്തെ അവകാ​ശ​മാ​ക്കു​വാൻ കഴിക​യില്ല, ദ്രവത്വം അദ്രവ​ത്വ​ത്തെ അവകാ​ശ​മാ​ക്കു​ക​യു​മില്ല എന്നു ഞാൻ പറയുന്നു. ഞാൻ ഒരു മർമ്മം നിങ്ങ​ളോ​ടു പറയാം: നാം എല്ലാവ​രും നിദ്ര​കൊ​ള്ളു​ക​യില്ല; എന്നാൽ അന്ത്യ കാഹള​നാ​ദ​ത്തി​ങ്കൽ പെട്ടെന്നു കണ്ണി​മെ​ക്കു​ന്നി​ട​യിൽ നാം എല്ലാവ​രും രൂപാ​ന്ത​ര​പ്പെ​ടും. കാഹളം ധ്വനി​ക്കും, മരിച്ചവർ അക്ഷയരാ​യി ഉയിർക്കു​ക​യും നാം രൂപാ​ന്ത​ര​പ്പെ​ടു​ക​യും ചെയ്യും.” (1 കൊരി​ന്ത്യർ 15:50-52) ക്രിസ്‌തു​വി​ന്റെ സാന്നി​ദ്ധ്യ​കാ​ലത്തു വിശ്വ​സ്‌ത​രാ​യി മരിക്കു​മ്പോൾ ആത്മീയ ഇസ്ര​യേ​ലി​ന്റെ ശേഷി​പ്പിൽപെട്ട ഓരോ​രു​ത്ത​രും തൽക്ഷണം തന്റെ സ്വർഗ്ഗീയ പ്രതി​ഫലം പ്രാപി​ക്കു​ന്നു. “കണ്ണി​മെ​ക്കു​ന്നി​ട​യിൽ” അയാൾ ഒരു ആത്മീയ​ജീ​വി​യാ​യി ഉയിർപ്പി​ക്ക​പ്പെ​ടു​ക​യും യേശു​വി​നെ കണ്ടെത്താ​നും സ്വർഗ്ഗ​രാ​ജ്യ​ത്തിൽ ഒരു സഹഭര​ണാ​ധി​കാ​രി​യാ​യി സേവി​ക്കാ​നു​മാ​യി “എടുക്ക​പ്പെടു”കയും ചെയ്യുന്നു. എന്നാൽ യഹോ​വയെ ആരാധി​ക്കുന്ന മറെറ​ല്ലാ​വ​രെ​യും സംബന്ധി​ച്ചെന്ത്‌? ഈ ദുഷ്ടവ്യ​വ​സ്ഥി​തി​യു​ടെ അന്തം സമീപി​ക്കു​മ്പോൾ അവരും സ്വർഗ്ഗ​ത്തി​ലേക്കു എടുക്ക​പ്പെ​ടു​മോ?

അതിജീ​വനം—എന്നാൽ ഉത്‌പ്രാ​പ​ണ​ത്താ​ലല്ല

യേശു​വി​ന്റെ രാജകീയ സാന്നി​ദ്ധ്യം 1914-ൽ തുടങ്ങി​യ​തു​കൊ​ണ്ടു നാം ഈ ലോക​ത്തി​ന്റെ “അന്ത്യകാല”ത്തേക്കു ബഹുദൂ​രം വന്നിരി​ക്കു​ക​യാണ്‌. (ദാനി​യേൽ 12:4) പൗലോസ്‌ ഇങ്ങനെ മുന്നറി​യി​പ്പു​നൽകി: “സഹോ​ദ​രൻമാ​രേ, കാലങ്ങ​ളെ​യും സമയങ്ങ​ളെ​യും കുറിച്ചു നിങ്ങളെ എഴുതി​യ​റി​യി​പ്പാൻ ആവശ്യ​മില്ല. കള്ളൻ രാത്രി​യിൽ വരു​മ്പോ​ലെ കർത്താ​വി​ന്റെ നാൾ വരുന്നു എന്നു നിങ്ങൾ തന്നേ നന്നായി അറിയു​ന്നു​വ​ല്ലോ. അവർ സമാധാ​ന​മെ​ന്നും നിർഭ​യ​മെ​ന്നും പറയു​മ്പോൾ ഗർഭി​ണി​ക്കു പ്രസവ​വേദന വരും​പോ​ലെ അവർക്കു പെട്ടെന്നു നാശം വന്നു ഭവിക്കും; അവർക്കു തെററി​യൊ​ഴി​യാ​വ​തു​മല്ല.” (1 തെസ്സ​ലൊ​നീ​ക്യർ 5:1-3) എന്നാൽ ജാഗ്ര​ത​യുള്ള ക്രിസ്‌ത്യാ​നി​കൾ രക്ഷപെ​ടും. എങ്ങനെ?

“സമാധാ​ന​മെ​ന്നും നിർഭ​യ​മെന്നു”മുള്ള മുറവി​ളി യേശു “മഹോ​പ​ദ്രവം” എന്നു വിളിച്ച കാലഘ​ട്ട​ത്തി​ന്റെ മുന്നോ​ടി​യാണ്‌. ഒരു ഭൗമിക പറുദീ​സ​യിൽ എന്നേക്കും ജീവി​ക്കാ​മെന്നു പ്രത്യാ​ശി​ക്കുന്ന വിശ്വ​സ്‌ത​രു​ടെ ഒരു മഹാപു​രു​ഷാ​രത്തെ വർണ്ണി​ച്ചു​കൊ​ണ്ടു വെളി​പ്പാ​ടു​പു​സ്‌തകം പറയുന്നു: “ഇവർ മഹാക​ഷ്ട​ത്തിൽനി​ന്നു വന്നവർ; കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി വെളു​പ്പി​ച്ചി​രി​ക്കു​ന്നു.” (വെളി​പ്പാ​ടു 9:7, 14; ലൂക്കൊസ്‌ 23:43) അല്ല, അവരു​ടേത്‌ ഉത്‌പ്രാ​പ​ണ​പ്ര​ത്യാ​ശയല്ല. മറിച്ച്‌, അവർക്ക്‌ ഇവിടെ ഭൂമി​യിൽത്തന്നെ അതിജീ​വി​ക്കു​ന്ന​തി​നുള്ള പ്രത്യാ​ശ​യാ​ണു​ള്ളത്‌. അതിനു​വേണ്ടി ഒരുങ്ങു​ന്ന​തിന്‌ അവർ ആത്മീയ​മാ​യി ഉണർന്നി​രി​ക്കണം. നിങ്ങൾക്ക്‌ ഇത്‌ എങ്ങനെ ചെയ്യാ​നും ഈ വ്യവസ്ഥി​തി​യു​ടെ അവസാ​നത്തെ അതിജീ​വി​ക്കാ​നും കഴിയും?

നിങ്ങൾ ‘സുബോ​ധ​ത്തോ​ടെ വിശ്വാ​സ​വും സ്‌നേഹം എന്ന കവചവും ശിരസ്‌ത്ര​മാ​യി രക്ഷയുടെ പ്രത്യാ​ശ​യും ധരിക്കേണ്ട’ ആവശ്യ​മുണ്ട്‌. (1 തെസ്സ​ലൊ​നീ​ക്യർ 5:6-8) ഇപ്പോൾ ദൈവ​ത്തി​ന്റെ പ്രാവ​ച​നി​ക​വ​ച​ന​മായ ബൈബി​ളി​നു ശ്രദ്ധ​കൊ​ടു​ക്കേണ്ട സമയമാണ്‌. ഈ വ്യവസ്ഥി​തി​യു​ടെ അവസാ​നം​വരെ കാലം കടന്നു​പോ​കു​മ്പോൾ പൗലോ​സി​ന്റെ ഈ ബുദ്ധി​യു​പ​ദേ​ശ​ത്തി​നു ശ്രദ്ധ​കൊ​ടു​ക്കുക: “പ്രവചനം തുച്ഛീ​ക​രി​ക്ക​രുത്‌. സകലവും ശോധ​ന​ചെ​യ്‌തു നല്ലതു മുറുകെ പിടി​പ്പിൻ.” (1 തെസ്സ​ലൊ​നീ​ക്യർ 5:20, 21) അങ്ങനെ യഹോ​വ​യു​ടെ സാക്ഷികൾ തങ്ങളുടെ രാജ്യ​ഹാ​ളി​ലേക്കു നിങ്ങളെ സ്വാഗ​തം​ചെ​യ്യു​ന്നു, അവിടെ ബൈബിൾപ്ര​വ​ച​ന​ങ്ങ​ളു​ടെ​യും ദൈവ​ത്തി​ന്റെ നിശ്വ​സ്‌ത​വ​ച​ന​ത്തി​ലെ മററു സവി​ശേ​ഷ​ത​ക​ളു​ടെ​യും പഠനത്തിൽ നിങ്ങൾക്ക്‌ അവരോ​ടു ചേരാ​വു​ന്ന​താണ്‌.

നിങ്ങൾ സൂക്ഷ്‌മ​പ​രി​ജ്ഞാ​ന​ത്തി​ലും വിശ്വാ​സ​ത്തി​ലും വളർച്ച പ്രാപി​ക്കു​മ്പോൾ, അഖിലാ​ണ്ഡ​ത്തിൽനി​ന്നു തന്റെ ശത്രു​ക്കളെ നീക്കം​ചെ​യ്‌തു ഭൂമിയെ ഒരു പറുദീ​സ​യാ​ക്കി പുനഃ​സ്ഥാ​പി​ക്കാ​നുള്ള യഹോ​വ​യാം ദൈവ​ത്തി​ന്റെ ഉദ്ദേശ്യ​നി​വൃ​ത്തി നിങ്ങൾ തിരി​ച്ച​റി​യും. വിശ്വാ​സം പ്രകട​മാ​ക്കു​ന്ന​തി​നാൽ, നിങ്ങൾക്കും മഹോ​പ​ദ്ര​വത്തെ അതിജീ​വി​ക്കു​ന്ന​വ​രിൽ ഉൾപ്പെ​ടാ​നും ഭൂമി​യി​ലെ ജീവനി​ലേക്ക്‌ ഉയിർപ്പി​ക്ക​പ്പെ​ടുന്ന ജനലക്ഷ​ങ്ങളെ തിരികെ സ്വാഗ​തം​ചെ​യ്യാ​നുള്ള പദവി ആസ്വാ​ദി​ക്കാ​നും കഴിയും. യേശു​ക്രി​സ്‌തു​വി​ന്റെ​യും സ്വർഗ്ഗീ​യ​മ​ണ്ഡ​ല​ത്തി​ലെ ജീവനി​ലേക്കു പുനരു​ത്ഥാ​നം പ്രാപി​ച്ചു​കൊ​ണ്ടു ‘കർത്താ​വി​നെ കണ്ടുമു​ട്ടു​ന്ന​തി​നു എടുക്ക​പ്പെ​ട്ടി​രി​ക്കുന്ന’, അവന്റെ സഹഭര​ണാ​ധി​കാ​രി​ക​ളു​ടെ​യും കൈക​ളി​ലെ ദൈവ​രാ​ജ്യ​ത്തിൻകീ​ഴിൽ ജീവി​ക്കു​ന്നത്‌ എന്തൊരു സന്തോ​ഷ​മാ​യി​രി​ക്കും!

അപ്പോൾ, പൊതു മനുഷ്യ​വർഗ്ഗ​ത്തി​നുള്ള യഥാർത്ഥ തിരു​വെ​ഴു​ത്തു​പ്ര​ത്യാ​ശ എന്താണ്‌? അത്‌ ഒരു ഉത്‌പ്രാ​പ​ണമല്ല. മറിച്ച്‌, അതു ദൈവ​രാ​ജ്യ​ഭ​ര​ണ​ത്തിൻകീ​ഴിൽ ഭൂമി​യി​ലെ നിത്യ​ജീ​വി​ത​മാണ്‌.

[7-ാം പേജിലെ ചിത്രം]

മഹോപദ്രവത്തെ അതിജീ​വി​ക്കു​ന്നവർ യേശു​വി​ന്റെ​യും സ്വർഗ്ഗ​ത്തി​ലേക്ക്‌ “എടുക്ക​പ്പെടു”ന്നവരു​ടെ​യും ഭരണത്തിൻകീ​ഴിൽ ഒരു പറുദീ​സാ​ഭൂ​മി​യി​ലേക്ക്‌ ഉയിർപ്പി​ക്ക​പ്പെ​ടു​ന്ന​വരെ സ്വാഗ​തം​ചെ​യ്യും