ശ്രേഷ്‌ഠാധികാരങ്ങളെക്കുറിച്ചുള്ള ക്രിസ്‌ത്യാനിയുടെ വീക്ഷണം

“ഏതു ദേഹി​യും ശ്രേഷ്‌ഠാ​ധി​കാ​ര​ങ്ങൾക്കു കീഴ്‌പ്പെ​ട്ടി​രി​ക്കട്ടെ, എന്തെന്നാൽ ദൈവ​ത്താ​ല​ല്ലാ​തെ അധികാ​ര​മില്ല; സ്ഥിതി​ചെ​യ്യുന്ന അധികാ​രങ്ങൾ ദൈവ​ത്താൽ അവയുടെ ആപേക്ഷി​ക​സ്ഥാ​ന​ങ്ങ​ളിൽ ആക്കി​വെ​ക്ക​പ്പെ​ട്ടി​രി​ക്കു​ന്നു.”—റോമർ 13:1

1, 2. (എ) പൗലോസ്‌ റോമിൽ ഒരു തടവു​കാ​ര​നാ​യി​രു​ന്ന​തെ​ന്തു​കൊണ്ട്‌? (ബി) കൈസ​റോ​ടുള്ള പൗലോ​സി​ന്റെ അപ്പീൽ ഏതു ചോദ്യ​ങ്ങൾ ഉയർത്തു​ന്നു?

മേൽപ്പറഞ്ഞ വാക്കുകൾ ക്രി.വ. 56നോടടുത്ത്‌ അപ്പോ​സ്‌ത​ല​നായ പൗലോസ്‌ റോമർക്കെ​ഴു​തി​യ​താണ്‌. ഏതാനും വർഷങ്ങൾ കഴിഞ്ഞ​പ്പോൾ അവൻ ഒരു തടവു​കാ​ര​നാ​യി റോമിൽ എത്തി. എന്തു​കൊണ്ട്‌? അവൻ യെരൂ​ശ​ലേ​മിൽ ഒരു ജനക്കൂ​ട്ട​ത്താൽ ആക്രമി​ക്ക​പ്പെ​ടു​ക​യും റോമാ​പ​ട​യാ​ളി​കൾ അവനെ രക്ഷിക്കു​ക​യും ചെയ്‌തി​രു​ന്നു. കൈസ​രി​യാ​യി​ലേക്കു കൊണ്ടു​പോ​ക​പ്പെ​ട്ട​പ്പോൾ അവൻ വ്യാജ കുററാ​രോ​പ​ണ​ങ്ങളെ അഭിമു​ഖീ​ക​രി​ച്ചു. എന്നാൽ റോമൻ ഗവർണ​റാ​യി​രുന്ന ഫേലി​ക്‌സി​ന്റെ മുമ്പാകെ അവൻ തനിക്കു​വേണ്ടി സമർത്ഥ​മാ​യി പ്രതി​വാ​ദം നടത്തി. ഫേലി​ക്‌സ്‌ കൈക്കൂ​ലി കിട്ടു​മെ​ന്നാ​ശി​ച്ചു​കൊണ്ട്‌ അവനെ രണ്ടു വർഷം തടവിൽ സൂക്ഷിച്ചു. ഒടുവിൽ, അടുത്ത ഗവർണ​റാ​യി​രുന്ന ഫെസ്‌തോ​സി​നോട്‌ തന്റെ കേസ്‌ കൈസർ വിചാ​ര​ണ​ചെ​യ്യേ​ണ്ട​താ​ണെന്ന്‌ അവൻ ആവശ്യ​പ്പെട്ടു.—പ്രവൃ​ത്തി​കൾ 21:27-32; 24:1–25:12.

² ഒരു റോമാ​പൗ​ര​നെന്ന നിലയിൽ ഇത്‌ അവന്റെ അവകാ​ശ​മാ​യി​രു​ന്നു. എന്നാൽ യേശു സാത്താനെ യഥാർത്ഥ​ത്തിൽ “ലോക​ത്തി​ന്റെ ഭരണാ​ധി​പൻ” എന്നു പരാമർശി​ക്കു​ക​യും പൗലോ​സ്‌തന്നെ അവനെ “ഈ വ്യവസ്ഥി​തി​യു​ടെ ദൈവ”മെന്ന്‌ വിളി​ക്കു​ക​യും ചെയ്‌ത സ്ഥിതിക്ക്‌ ആ സാമ്രാ​ജ്യ​ത്വ അധികാ​ര​ത്തോട്‌ അവൻ അപ്പീൽ അപേക്ഷി​ക്കു​ന്നത്‌ പൊരു​ത്ത​പ്പെ​ടു​മാ​യി​രു​ന്നോ? (യോഹ​ന്നാൻ 14:30; 2 കൊരി​ന്ത്യർ 4:4) അതോ, റോമൻ അധികാ​രി ഏതെങ്കി​ലും ‘ആപേക്ഷി​ക​സ്ഥാ​നം’ വഹിച്ച​തു​കൊണ്ട്‌ തന്റെ അവകാ​ശ​ങ്ങ​ളു​ടെ സംരക്ഷ​ണ​ത്തി​നു​വേണ്ടി ആ അധികാ​ര​ത്തി​ലേക്കു പൗലോസ്‌ നോക്കു​ന്നത്‌ ഉചിത​മാ​യി​രു​ന്നോ? തീർച്ച​യാ​യും, “നാം മനുഷ്യ​രെ​ക്കാ​ളു​പരി ദൈവത്തെ ഭരണാ​ധി​കാ​രി​യെന്ന നിലയിൽ അനുസ​രി​ക്കേ​ണ്ട​താ​കു​ന്നു”വെന്ന അപ്പോ​സ്‌ത​ലൻമാ​രു​ടെ നേര​ത്തെ​യുള്ള വാക്കുകൾ ദൈവ​ത്തോ​ടുള്ള അനുസ​ര​ണ​ക്കേ​ടുൾപ്പെ​ടാ​ത്ത​പ്പോ​ഴെ​ല്ലാം മനുഷ്യ​ഭ​ര​ണാ​ധി​കാ​രി​ക​ളോ​ടുള്ള ക്രിസ്‌തീയ അനുസ​രണം അനുവ​ദി​ക്കു​ന്നു​ണ്ടോ?—പ്രവൃ​ത്തി​കൾ 5:29.

3. പൗലോസ്‌ ഏതു പക്വമായ വീക്ഷണം വെളി​പ്പെ​ടു​ത്തു​ന്നു, മനഃസാ​ക്ഷി ഉൾപ്പെ​ട്ടി​രി​ക്കു​ന്ന​തെ​ങ്ങനെ?

³ റോമർക്കുള്ള പൗലോ​സി​ന്റെ ലേഖന​ത്തിൽ ഈ ചോദ്യ​ങ്ങൾക്കു​ത്ത​രം​പ​റ​യാൻ അവൻ നമ്മെ സഹായി​ക്കു​ന്നു. അവിടെ അവൻ മാനു​ഷ​ഭ​ര​ണാ​ധി​പ​ത്യ​ത്തെ സംബന്ധിച്ച ഒരു പക്വമായ വീക്ഷണം വെളി​പ്പെ​ടു​ത്തു​ന്നു. റോമർ 13:1-7ൽ പരമാ​ധി​കാ​രി​യായ യഹോ​വ​യാം ദൈവ​ത്തോ​ടുള്ള സമ്പൂർണ്ണ​മായ അനുസ​ര​ണ​വും “ശ്രേഷ്‌ഠാ​ധി​കാ​രങ്ങ”ളോടുള്ള ആപേക്ഷിക അനുസ​ര​ണ​വും സമനി​ല​യിൽ നിർത്തു​ന്ന​തിൽ ക്രിസ്‌തീയ മനഃസാ​ക്ഷി വഹിക്കേണ്ട പങ്കിനെ പൗലോസ്‌ വ്യക്തമാ​ക്കു​ന്നു.

ശ്രേഷ്‌ഠാ​ധി​കാ​ര​ങ്ങളെ തിരി​ച്ച​റി​യൽ

4. വീക്ഷണ​ത്തി​ലുള്ള ഏതു ക്രമീ​ക​രണം 1962-ൽ വരുത്ത​പ്പെട്ടു, ഏതു ചോദ്യ​ങ്ങൾ ഉദിപ്പി​ച്ചു​കൊണ്ട്‌?

⁴ യഹോ​വ​യു​ടെ സാക്ഷികൾ 1962 വരെ കുറെ വർഷങ്ങ​ളിൽ ശ്രേഷ്‌ഠാ​ധി​കാ​രങ്ങൾ യഹോ​വ​യാം ദൈവ​വും യേശു​ക്രി​സ്‌തു​വു​മാ​ണെന്ന്‌ വിശ്വ​സി​ച്ചി​രു​ന്നു. എന്നിരു​ന്നാ​ലും, സദൃശ​വാ​ക്യ​ങ്ങൾ 4:18നു ചേർച്ച​യാ​യി വെളിച്ചം വർദ്ധിച്ചു. ഈ വീക്ഷണം യഥാസ്ഥാ​ന​ത്താ​ക്ക​പ്പെട്ടു. അത്‌ ചിലരു​ടെ മനസ്സു​ക​ളിൽ ചോദ്യം ഉദിപ്പി​ച്ചേ​ക്കാം. ഈ അധികാ​രങ്ങൾ ലോക​ത്തിൽ ലൗകിക രാഷ്‌ട്രീ​യാ​ധി​കാ​രം പ്രയോ​ഗി​ക്കുന്ന രാജാ​ക്കൻമാ​രും പ്രസി​ഡ​ണ്ടു​മാ​രും പ്രധാ​ന​മ​ന്ത്രി​മാ​രും മേയർമാ​രും മജിസ്‌​ത്രേ​ട്ടു​മാ​രും മററു​ള്ള​വ​രു​മാ​ണെ​ന്നും നാം അവരോട്‌ ആപേക്ഷി​ക​മായ ഒരു വിധത്തിൽ കീഴ്‌പ്പെ​ടാൻ കടപ്പെ​ട്ടി​രി​ക്കു​ന്നു​വെ​ന്നും നാം ഇപ്പോൾ പറയു​ന്നത്‌ ശരിയാ​ണോ?

5. റോമർ 13:1-ന്റെ സന്ദർഭം ഏതു വിധത്തിൽ ശ്രേഷ്‌ഠാ​ധി​കാ​ര​ങ്ങളെ തിരി​ച്ച​റി​യാൻ നമ്മെ സഹായി​ക്കു​ന്നു, ഈ തിരി​ച്ച​റി​യ​ലി​നെ വിവിധ ഭാഷാ​ന്ത​രങ്ങൾ പിന്താ​ങ്ങു​ന്ന​തെ​ങ്ങനെ?

⁵ രണ്ടാം നൂററാ​ണ്ടി​ലെ ഒരു എഴുത്തു​കാ​ര​നാ​യി​രുന്ന ഐറേ​നി​യസ്‌, തന്റെ നാളിലെ ചിലർ പറയു​ന്ന​ത​നു​സ​രിച്ച്‌ റോമർ 13:1-ൽ പൗലോസ്‌ “ദൂത അധികാ​ര​ങ്ങ​ളെ​യോ അല്ലെങ്കിൽ അദൃശ്യ​ഭ​ര​ണാ​ധി​കാ​രി​ക​ളെ​യോ കുറിച്ചു” പറയു​ക​യാ​യി​രു​ന്നു​വെന്ന്‌ പറയു​ക​യു​ണ്ടാ​യി. എന്നിരു​ന്നാ​ലും, ഐറേ​നി​യ​സ്‌തന്നെ ശ്രേഷ്‌ഠാ​ധി​കാ​ര​ങ്ങളെ “യഥാർത്ഥ മാനു​ഷാ​ധി​കാ​രി​കളാ”യിട്ടാണ്‌ വീക്ഷി​ച്ചത്‌. ഐറേ​നി​യ​സി​ന്റെ വീക്ഷണം ശരിയാ​ണെന്ന്‌ പൗലോ​സി​ന്റെ വാക്കു​ക​ളു​ടെ സന്ദർഭം പ്രകട​മാ​ക്കു​ന്നു. റോമർ 12-ാം അദ്ധ്യാ​യ​ത്തി​ന്റെ അവസാ​ന​വാ​ക്യ​ങ്ങ​ളിൽ ക്രിസ്‌ത്യാ​നി​കൾ “സകല മനുഷ്യ​രു​ടെ​യും” മുമ്പാകെ എങ്ങനെ നടക്കണ​മെന്ന്‌ പൗലോസ്‌ വിശദീ​ക​രി​ക്കു​ന്നു, ‘ശത്രു​ക്കളെ’പ്പോലും സ്‌നേ​ഹ​ത്തോ​ടും പരിഗ​ണ​ന​യോ​ടും​കൂ​ടെ കരുത​ണ​മെ​ന്നു​തന്നെ. (റോമർ 12:17-21) വ്യക്തമാ​യും, “സകല മനുഷ്യ​രും” എന്ന പദപ്ര​യോ​ഗ​ത്തിന്‌ ക്രിസ്‌തീ​യ​സ​ഭക്കു പുറത്തെ മനുഷ്യർക്കു പ്രയു​ക്ത​ത​യുണ്ട്‌. അതു​കൊണ്ട്‌ പൗലോസ്‌ തുടർന്നു ചർച്ച​ചെ​യ്യുന്ന “ശ്രേഷ്‌ഠാ​ധി​കാ​രങ്ങ”ളും ക്രിസ്‌തീ​യ​സ​ഭക്കു പുറത്തു​ള്ള​വ​രാ​യി​രി​ക്കണം. ഇതിനു ചേർച്ച​യാ​യി, വിവിധ ഭാഷാ​ന്ത​രങ്ങൾ റോമർ 13:1-ന്റെ ആദ്യഭാ​ഗം എങ്ങനെ വിവർത്തനം ചെയ്യു​ന്നു​വെന്ന്‌ കുറി​ക്കൊ​ള്ളുക: “സകലരും സംസ്ഥാ​നാ​ധി​കാ​ര​ങ്ങളെ അനുസ​രി​ക്കണം” (ററു​ഡേ​യ്‌സ്‌ ഇംഗ്ലീഷ്‌ വേർഷൻ); “സകലരും ഭരണാ​ധി​കാ​ര​ങ്ങൾക്ക്‌ കീഴ്‌പ്പെ​ട്ടി​രി​ക്കണം” (ന്യൂ ഇൻറർനാ​ഷനൽ വേർഷൻ) “സകലരും ഭരണപ​ര​മായ അധികാ​ര​ങ്ങളെ അനുസ​രി​ച്ചേ തീരു.”—ഫിലി​പ്‌സ്‌ ന്യൂ​റെ​റ​സ്‌റ​റ​മെൻറ്‌ ഇൻ മോഡേൺ ഇംഗ്ലീഷ്‌.

6. നികു​തി​ക​ളും കപ്പവും കൊടു​ക്കു​ന്ന​തു​സം​ബ​ന്ധിച്ച പൗലോ​സി​ന്റെ വാക്കുകൾ ശ്രേഷ്‌ഠാ​ധി​കാ​രങ്ങൾ ലൗകി​കാ​ധി​കാ​രി​ക​ളാ​യി​രി​ക്കണ​മെന്ന്‌ പ്രകട​മാ​ക്കു​ന്ന​തെ​ങ്ങനെ?

⁶ ഈ അധികാ​രങ്ങൾ നികു​തി​ക​ളും കപ്പവും ആവശ്യ​പ്പെ​ടു​ന്നു​വെന്ന്‌ പൗലോസ്‌ തുടർന്നു​പ​റ​യു​ന്നു. (റോമർ 13:6, 7) ക്രിസ്‌തീ​യസഭ നികു​തി​ക​ളോ കപ്പമോ ആവശ്യ​പ്പെ​ടു​ന്നില്ല; യഹോ​വ​യോ യേശു​വോ മറേറ​തെ​ങ്കി​ലും “അദൃശ്യ ഭരണാ​ധി​കാ​രി​ക​ളോ” അവ ആവശ്യ​പ്പെ​ടു​ന്നില്ല. (2 കൊരി​ന്ത്യർ 9:7) ലൗകി​കാ​ധി​കാ​രി​കൾക്കു​മാ​ത്ര​മാണ്‌ നികു​തി​കൾ കൊടു​ക്കു​ന്നത്‌. ഇതിന്‌ ചേർച്ച​യാ​യി, പൗലോസ്‌ റോമർ 13:7-ൽ ഉപയോ​ഗിച്ച “നികുതി” “കപ്പം” എന്നിവ​ക്കുള്ള ഗ്രീക്ക്‌ പദങ്ങൾ സംസ്ഥാ​ന​ത്തിന്‌ കൊടു​ക്കുന്ന പണത്തെ​യാണ്‌ കൃത്യ​മാ​യി പരാമർശി​ക്കു​ന്നത്‌.a

7, 8. (എ) ക്രിസ്‌ത്യാ​നി​കൾ ഈ ലോക​ത്തി​ലെ രാഷ്‌ട്രീ​യാ​ധി​കാ​ര​ങ്ങൾക്ക്‌ കീഴ്‌പ്പെ​ട്ടി​രി​ക്ക​ണ​മെ​ന്നുള്ള വീക്ഷണ​ത്തോട്‌ വിവിധ തിരു​വെ​ഴു​ത്തു​കൾ യോജി​ക്കു​ന്ന​തെ​ങ്ങനെ? (ബി) “അധികാര”ത്തിന്റെ ആജ്ഞകളെ ക്രിസ്‌ത്യാ​നി എപ്പോൾ മാത്രമേ അനുസ​രി​ക്കാ​തി​രി​ക്കു​ക​യു​ള്ളു?

⁷ കൂടാതെ, ശ്രേഷ്‌ഠാ​ധി​കാ​ര​ങ്ങൾക്ക്‌ കീഴ്‌പ്പെ​ട്ടി​രി​ക്കാ​നുള്ള പൗലോ​സി​ന്റെ ഉദ്‌ബോ​ധനം “കൈസർക്കു​ള്ളവ കൈസർക്ക്‌ തിരികെ കൊടു​ക്കാ”നുള്ള യേശു​വി​ന്റെ കല്‌പ​നക്ക്‌ അനു​യോ​ജ്യ​മാണ്‌, ഇവിടെ “കൈസർ” ലൗകിക അധികാ​ര​ത്തെ​യാണ്‌ പ്രതി​നി​ധാ​നം​ചെ​യ്യു​ന്നത്‌. (മത്തായി 20:21) അത്‌ തീത്തോ​സി​നോ​ടുള്ള പൗലോ​സി​ന്റെ പിൽക്കാ​ല​വാ​ക്കു​ക​ളോ​ടും യോജി​പ്പി​ലാണ്‌: “ഭരണാ​ധി​കാ​രി​ക​ളെന്ന നിലയിൽ ഭരണകൂ​ട​ങ്ങൾക്കും അധികാ​രി​കൾക്കും കീഴ്‌പ്പെ​ട്ടി​രി​ക്കാ​നും അവരെ അനുസ​രി​ക്കാ​നും സകല സൽപ്ര​വൃ​ത്തി​ക്കും ഒരുങ്ങി​യി​രി​ക്കാ​നും അവരെ ഓർമ്മി​പ്പി​ക്കു​ന്ന​തിൽ തുടരുക.” (തീത്തോസ്‌ 3:1) അതു​കൊണ്ട്‌, ക്രിസ്‌ത്യാ​നി​ക​ളോട്‌ സാമൂ​ഹി​ക​പ്ര​വർത്ത​ന​ങ്ങ​ളിൽ പങ്കെടു​ക്കാൻ ഗവൺമെൻറു​കൾ ആജ്ഞാപി​ക്കു​മ്പോൾ അങ്ങനെ​യുള്ള പ്രവർത്ത​നങ്ങൾ തിരു​വെ​ഴു​ത്തു​വി​രു​ദ്ധ​മായ സേവന​ത്തി​നു പകരമുള്ള ഒരു വിട്ടു​വീ​ഴ്‌ച​യോ അല്ലെങ്കിൽ മററു വിധങ്ങ​ളിൽ യെശയ്യാവ്‌ 2:4-ൽ കാണ​പ്പെ​ടു​ന്ന​തു​പോ​ലെ​യുള്ള തിരു​വെ​ഴു​ത്തു​ത​ത്വ​ങ്ങ​ളു​ടെ ലംഘന​മോ അല്ലാത്തി​ട​ത്തോ​ളം കാലം അവർ ഉചിത​മാ​യി​ത്തന്നെ അനുസ​രി​ക്കു​ന്നു.

⁸ “കർത്താ​വി​നെ പ്രതി സകല മാനു​ഷ​സൃ​ഷ്‌ടി​ക്കും: ശ്രേഷ്‌ഠൻ എന്ന നിലയിൽ രാജാ​വി​നും ദുഷ്‌പ്ര​വൃ​ത്തി​ക്കാർക്ക്‌ ശിക്ഷ​കൊ​ടു​ക്കാ​നും എന്നാൽ നൻമ​ചെ​യ്യു​ന്ന​വരെ പ്രശം​സി​ക്കാ​നും അവനാൽ അയക്ക​പ്പെ​ട്ട​വ​രെന്ന നിലയിൽ ഗവർണർമാർക്കും, കീഴ്‌പ്പെ​ട്ടി​രി​ക്കുക” എന്നു പറഞ്ഞ​പ്പോൾ പത്രോ​സും നാം ലൗകി​കാ​ധി​കാ​രി​കൾക്ക്‌ കീഴ്‌പ്പെ​ട്ടി​രി​ക്കേ​ണ്ട​താ​ണെന്ന്‌ തറപ്പി​ച്ചു​പ​റഞ്ഞു. (1 പത്രോസ്‌ 2:13, 14) ഇതിനു ചേർച്ച​യാ​യി, ക്രിസ്‌ത്യാ​നി​കൾ തിമൊ​ഥെ​യോ​സി​നുള്ള പൗലോ​സി​ന്റെ ബുദ്ധി​യു​പ​ദേ​ശ​വും അനുസ​രി​ക്കും: “ആദ്യം​തന്നെ, നാം ശാന്തവും സ്വസ്ഥവു​മായ ഒരു ജീവിതം നയി​ക്കേ​ണ്ട​തിന്‌ രാജാ​ക്കൻമാ​രെ​യും ഉന്നതസ്ഥാ​ന​ത്തുള്ള എല്ലാവ​രെ​യും കുറിച്ച്‌ അഭ്യർത്ഥ​ന​ക​ളും പ്രാർത്ഥ​ന​ക​ളും മാദ്ധ്യ​സ്ഥ​ത​ക​ളും നന്ദി​പ്ര​ക​ട​ന​ങ്ങ​ളും നടത്ത​പ്പെ​ട​ണ​മെന്ന്‌ ഞാൻ പ്രബോ​ധി​പ്പി​ക്കു​ന്നു.”b—1 തിമൊ​ഥെ​യോസ്‌ 2:1, 2.

9. മാനു​ഷാ​ധി​കാ​ര​ങ്ങളെ ശ്രേഷ്‌ഠ​മെന്നു വിളി​ക്കു​ന്നത്‌ യഹോ​വ​യു​ടെ മഹത്വത്തെ കുറക്കു​ന്നി​ല്ലാ​ത്ത​തെ​ന്തു​കൊണ്ട്‌?

⁹ ലൗകി​കാ​ധി​കാ​രി​കളെ “ശ്രേഷ്‌ഠാ​ധി​കാ​രങ്ങൾ” എന്നു വിളി​ക്കു​ന്ന​തി​നാൽ നാം ഏതെങ്കി​ലും വിധത്തിൽ യഹോ​വ​ക്കുള്ള ബഹുമ​തി​യിൽ കുറവു​വ​രു​ത്തു​ന്നു​ണ്ടോ? ഇല്ല, എന്തു​കൊ​ണ്ടെ​ന്നാൽ യഹോവ കേവലം ശ്രേഷ്‌ഠ​നി​ലും വളരെ കവിഞ്ഞ​വ​നാണ്‌. അവൻ “പരമാ​ധി​കാര കർത്താ​വും” “പരമോ​ന്ന​ത​നും” ആകുന്നു. (സങ്കീർത്തനം 73:28; ദാനി​യേൽ 7:18, 22, 25, 27; വെളി​പ്പാട്‌ 4:11; 6:10) മാനു​ഷാ​ധി​കാ​ര​ങ്ങ​ളോ​ടുള്ള ഉചിത​മായ കീഴ്‌പ്പെടൽ യാതൊ​രു പ്രകാ​ര​ത്തി​ലും പരമോ​ന്നത അധികാ​രി​യായ പരമാ​ധി​കാര കർത്താ​വാം യഹോ​വ​യു​ടെ ആരാധ​ന​യു​ടെ വിലയി​ടി​ക്കു​ന്നില്ല. അപ്പോൾ ഈ അധികാ​രങ്ങൾ എത്ര​ത്തോ​ള​മാണ്‌ ശ്രേഷ്‌ഠ​മാ​യി​രി​ക്കു​ന്നത്‌? മററു മനുഷ്യ​രു​ടെ കാര്യ​ത്തി​ലും അവരുടെ പ്രവർത്ത​ന​പ​രി​ധി​യി​ലും മാത്രം. അവർ മാനു​ഷ​സ​മു​ദാ​യ​ങ്ങളെ ഭരിക്കു​ന്ന​തി​നും സംരക്ഷി​ക്കു​ന്ന​തി​നും ഉത്തരവാ​ദി​ത്ത​മു​ള്ള​വ​രാണ്‌, ഈ കാരണ​ത്താൽ പൊതു​ക്കാ​ര്യ​ങ്ങ​ളു​ടെ നടത്തി​പ്പു​സം​ബ​ന്ധിച്ച്‌ അവർ നിബന്ധ​നകൾ വെക്കുന്നു.

“ദൈവ​ത്താൽ അവയുടെ ആപേക്ഷിക സ്ഥാനങ്ങ​ളിൽ ആക്കി​വെ​ക്ക​പ്പെ​ട്ടി​രി​ക്കു​ന്നു”

10. (എ) ശ്രേഷ്‌ഠാ​ധി​കാ​ര​ങ്ങളെ ‘ആക്കി​വെ​ക്കു​ന്നതു’സംബന്ധി​ച്ചുള്ള പൗലോ​സി​ന്റെ പ്രസ്‌താ​വന യഹോ​വ​യു​ടെ സ്വന്തം അധികാ​ര​ത്തെ​സം​ബ​ന്ധിച്ച്‌ എന്ത്‌ തെളി​യി​ക്കു​ന്നു? (ബി) ചില ഭരണാ​ധി​കാ​രി​കളെ ‘ആക്കി​വെ​ക്കു​ന്നതു’സംബന്ധിച്ച്‌ യഹോവ എന്തനു​വ​ദി​ച്ചി​രി​ക്കു​ന്നു, അങ്ങനെ അവന്റെ ദാസൻമാർ എങ്ങനെ പരി​ശോ​ധി​ക്ക​പ്പെ​ടു​ന്നു?

¹⁰ ഈ അധികാ​രങ്ങൾ “ദൈവ​ത്താൽ അവയുടെ ആപേക്ഷി​ക​സ്ഥാ​ന​ങ്ങ​ളിൽ ആക്കി​വെ​ക്ക​പ്പെ​ട്ടി​രി​ക്കു”ന്നതിനാൽ ലൗകി​കാ​ധി​കാ​ര​ങ്ങ​ളു​ടെ​മേൽപോ​ലു​മുള്ള യഹോ​വ​യാം ദൈവ​ത്തി​ന്റെ പരമോ​ന്ന​ത​ത്വം കാണ​പ്പെ​ടു​ന്നു. എന്നിരു​ന്നാ​ലും, ഈ പ്രസ്‌താ​വന ഒരു ചോദ്യം ഉദിപ്പി​ക്കു​ന്നു. പൗലോസ്‌ ഈ വാക്കുകൾ എഴുതി​യ​ശേഷം കുറെ വർഷങ്ങൾ കഴിഞ്ഞ്‌ റോമൻ ചക്രവർത്തി​യായ നീറോ ക്രിസ്‌ത്യാ​നി​കൾക്കെ​തി​രെ ദുഷ്ടമായ പീഡന​ത്തി​ന്റെ ആക്രമണം അഴിച്ചു​വി​ട്ടു. ദൈവം വ്യക്തി​പ​ര​മാ​യി നീറോ​യെ അവന്റെ സ്ഥാനത്ത്‌ ആക്കി​വെ​ച്ച​താ​ണോ? അശേഷമല്ല! ഓരോ ഭരണാ​ധി​കാ​രി​യും ദൈവ​ത്താൽ തെര​ഞ്ഞെ​ടു​ക്ക​പ്പെ​ടു​ക​യും ‘ദൈവ​കൃ​പ​യാൽ’ സ്ഥാനത്ത്‌ ആക്കി​വെ​ക്ക​പ്പെ​ടു​ക​യും ചെയ്യു​ന്നു​വെന്നല്ല. പകരം, ചില​പ്പോൾ സാത്താൻ നിർദ്ദ​യ​രായ മനുഷ്യ​രെ ഭരണാ​ധി​കാ​രി​ക​ളെന്ന നിലയിൽ തന്ത്രപൂർവം സ്ഥാനങ്ങ​ളി​ലാ​ക്കി​വെ​ക്കു​ന്നുണ്ട്‌. തന്റെ നിർമ്മ​ല​താ​പാ​ല​ക​രായ ദാസൻമാ​രു​ടെ​മേൽ അങ്ങനെ​യുള്ള ഭരണാ​ധി​കാ​രി​കൾ വരുത്തുന്ന പരി​ശോ​ധ​നകൾ സഹിതം യഹോവ ഇത്‌ അനുവ​ദി​ക്കു​ന്നു.—ഇയ്യോബ്‌ 2:2-10 താരത​മ്യ​പ്പെ​ടു​ത്തുക.

11, 12. യഹോവ ലൗകിക അധികാ​ര​ങ്ങളെ സ്ഥാനത്താ​ക്കി​വെ​ക്കു​ക​യും നീക്കു​ക​യും ചെയ്യു​ന്ന​തിന്‌ വ്യക്തി​പ​ര​മാ​യി കരുനീ​ക്കി​യ​തി​ന്റെ ഏതു ദൃഷ്ടാ​ന്തങ്ങൾ രേഖയി​ലുണ്ട്‌?

¹¹ എന്നിരു​ന്നാ​ലും, യഹോവ തന്റെ സമുന്നത ഉദ്ദേശ്യ​ത്തിന്‌ ഉതകും​വി​ധം ചില ഭരണാ​ധി​കാ​രി​ക​ളു​ടെ​യോ ഗവൺമെൻറു​ക​ളു​ടെ​യോ കാര്യ​ത്തിൽ വ്യക്തി​പ​ര​മാ​യി ഇടപെ​ട്ടി​ട്ടുണ്ട്‌. ദൃഷ്ടാ​ന്ത​ത്തിന്‌, അബ്രാ​ഹാ​മി​ന്റെ കാലത്ത്‌, കനാന്യർ കനാൻദേ​ശത്ത്‌ കഴിയാൻ അനുവ​ദി​ക്ക​പ്പെ​ട്ടി​രു​ന്നു. എന്നിരു​ന്നാ​ലും, പിന്നീട്‌, യഹോവ അവരെ പിഴു​തു​മാ​റ​റു​ക​യും ആ ദേശം അബ്രാ​ഹാ​മി​ന്റെ സന്തതിക്കു കൊടു​ക്കു​ക​യും ചെയ്‌തു. യിസ്രാ​യേ​ലി​ന്റെ മരു​പ്ര​യാ​ണ​കാ​ലത്ത്‌ അമ്മോ​ന്യ​രെ​യും മോവാ​ബ്യ​രെ​യും സേയീർപർവ​ത​ത്തെ​യും കീഴട​ക്കാൻ യഹോവ അവരെ അനുവ​ദി​ച്ചില്ല. എന്നാൽ സീഹോൻ, ഓഗ്‌ എന്നിവ​രു​ടെ രാജ്യ​ങ്ങളെ നശിപ്പി​ക്കാൻ അവൻ ആജ്ഞാപി​ക്കു​ക​തന്നെ ചെയ്‌തു.—ഉല്‌പത്തി 15:18-21; 24:37; പുറപ്പാട്‌ 34:11; ആവർത്തനം 2:4, 5, 9, 19, 24; 3:1, 2.

¹² യിസ്രാ​യേൽ കനാനിൽ പാർപ്പു​റ​പ്പി​ച്ച​ശേഷം, യഹോവ തന്റെ ജനത്തെ ബാധിച്ച അധികാ​ര​ങ്ങ​ളിൽ നേരിട്ട്‌ താത്‌പ​ര്യ​മെ​ടു​ക്കു​ന്ന​തിൽ തുടർന്നു. ചില സമയങ്ങ​ളിൽ, യിസ്രാ​യേൽ പാപം ചെയ്‌ത​പ്പോൾ അവർ ഒരു വിജാ​തീയ അധികാ​ര​ത്തിൻകീ​ഴിൽ വരാൻ യഹോവ അനുവ​ദി​ച്ചു. അവർ അനുത​പി​ച്ച​പ്പോൾ അവൻ ആ അധികാ​രത്തെ ദേശത്തു​നിന്ന്‌ നീക്കം​ചെ​യ്‌തു. (ന്യായാ​ധി​പൻമാർ 2:11-23) ഒടുവിൽ, മററ​നേകം ജനതക​ളോ​ടു​കൂ​ടെ യഹൂദ​യും ബാബി​ലോ​ണി​ന്റെ അധികാ​ര​ത്തിൻകീ​ഴിൽ വരാൻ അവൻ അനുവ​ദി​ച്ചു. (യെശയ്യാവ്‌ 14:28–19:17; 23:1-12; 39:5-7) യിസ്രാ​യേൽ ബാബി​ലോ​ണിൽ പ്രവാ​സ​ത്തി​ലാ​യ​ശേഷം, ബാബി​ലോ​ണി​ന്റെ കാലം​മു​തൽ നമ്മുടെ സ്വന്തം നാൾവരെ തന്റെ ജനത്തെ ബാധി​ക്കു​മാ​യി​രുന്ന ലോക​ശ​ക്തി​ക​ളു​ടെ ഉയർച്ച​യെ​യും വീഴ്‌ച​യെ​യും യഹോവ മുൻകൂ​ട്ടി​പ്പ​റഞ്ഞു.—ദാനി​യേൽ, അദ്ധ്യാ​യങ്ങൾ 2, 7, 8, 11.

13. (എ) മോശ​യു​ടെ ഗീതമ​നു​സ​രിച്ച്‌, യഹോവ ജനങ്ങളു​ടെ അതിർത്തി​കൾ വിധി​ച്ച​തെ​ന്തു​കൊണ്ട്‌? (ബി) യഹോവ പിന്നീട്‌ യിസ്രാ​യേ​ലി​നെ അതിന്റെ ദേശത്ത്‌ പുനഃ​സ്ഥാ​പി​ച്ച​തെ​ന്തു​കൊണ്ട്‌?

¹³ മോശ യഹോ​വ​യെ​ക്കു​റി​ച്ചു പാടി: “അത്യു​ന്നതൻ ആദാമി​ന്റെ പുത്രൻമാ​രെ തമ്മിൽ തമ്മിൽ പിരി​ച്ച​പ്പോൾ, അവൻ ജനതകൾക്ക്‌ ഒരു അവകാശം കൊടു​ത്ത​പ്പോൾ, യിസ്രാ​യേൽപു​ത്രൻമാ​രു​ടെ എണ്ണത്തോ​ടുള്ള പരിഗ​ണ​ന​യിൽ അവൻ ജനങ്ങളു​ടെ അതിർത്തി​കൾ നിർണ്ണ​യി​ക്കാൻ നടപടി​കൾ സ്വീക​രി​ച്ചു. എന്തെന്നാൽ യഹോ​വ​യു​ടെ ഓഹരി അവന്റെ ജനമല്ലോ; അവൻ അവകാ​ശ​പ്പെ​ടു​ത്തുന്ന വീതം യാക്കോ​ബാണ്‌.” (ആവർത്തനം 32:8, 9; പ്രവൃ​ത്തി​കൾ 17:26 താരത​മ്യ​പ്പെ​ടു​ത്തുക.) അതെ, ദൈവം തന്റെ ഉദ്ദേശ്യ​ങ്ങൾ നിറ​വേ​റ​റു​ന്ന​തിന്‌ ഏതധി​കാ​രങ്ങൾ നിലനിൽക്ക​ണ​മെ​ന്നും ഏതധി​കാ​രങ്ങൾ നശിപ്പി​ക്ക​പ്പെ​ട​ണ​മെ​ന്നും വിധിച്ചു. ഈ വിധത്തിൽ, അവൻ അബ്രാ​ഹാ​മി​ന്റെ സന്തതിക്ക്‌ ഒരു ദേശം അവകാ​ശ​പ്പെ​ടു​ത്തു​ന്ന​തിന്‌ വീതം​വെ​ക്കു​ക​യും പിന്നീട്‌ അവരെ ആ ദേശത്ത്‌ പുനഃ​സ്ഥി​തീ​ക​രി​ക്കു​ക​യും ചെയ്‌തു, തന്നിമി​ത്തം ഒടുവിൽ വാഗ്‌ദത്ത സന്തതിക്ക്‌ പ്രവചി​ക്ക​പ്പെ​ട്ടി​രു​ന്ന​തു​പോ​ലെ​തന്നെ അവിടെ പ്രത്യ​ക്ഷ​പ്പെ​ടാൻ കഴിയു​മാ​യി​രു​ന്നു.—ദാനി​യേൽ 9:25, 26; മീഖാ 5:2.

14. ഏതർത്ഥ​ത്തി​ലാണ്‌ യഹോവ അധിക​മാ​യും മനുഷ്യാ​ധി​കാ​ര​ങ്ങളെ അവയുടെ ആപേക്ഷി​ക​സ്ഥാ​ന​ങ്ങ​ളിൽ ആക്കി​വെ​ക്കു​ന്നത്‌?

¹⁴ എന്നിരു​ന്നാ​ലും, മിക്ക സന്ദർഭ​ങ്ങ​ളി​ലും, അന്യോ​ന്യ​മുള്ള ബന്ധത്തി​ലും എന്നാൽ എല്ലായ്‌പ്പോ​ഴും തന്നെക്കാൾ താണ നിലയി​ലും അധികാ​ര​സ്ഥാ​നങ്ങൾ ഏറെറ​ടു​ക്കാൻ യഹോവ മനുഷ്യ​രെ അനുവ​ദി​ക്കു​ന്നു​വെന്ന അർത്ഥത്തി​ലാണ്‌ അവൻ ഭരണാ​ധി​കാ​രി​കളെ തങ്ങളുടെ ആപേക്ഷി​ക​സ്ഥാ​ന​ങ്ങ​ളിൽ ആക്കി​വെ​ക്കു​ന്നത്‌. അങ്ങനെ യേശു പൊന്തി​യോസ്‌ പീലാ​ത്തോ​സി​ന്റെ മുമ്പാകെ നിന്ന​പ്പോൾ അവൻ ആ ഭരണാ​ധി​പ​നോട്‌ ഇങ്ങനെ പറഞ്ഞു: “മുകളിൽനിന്ന്‌ നിനക്ക്‌ അനുവ​ദി​ക്ക​പ്പെ​ട്ടി​ട്ടി​ല്ലാ​യി​രു​ന്നെ​ങ്കിൽ നിനക്ക്‌ എനി​ക്കെ​തി​രെ യാതൊ​രു അധികാ​ര​വും ഉണ്ടായി​രി​ക്കു​മാ​യി​രു​ന്നില്ല.” (യോഹ​ന്നാൻ 19:11) പീലാ​ത്തോസ്‌ വ്യക്തി​പ​ര​മാ​യി ദൈവ​ത്താൽ സ്ഥാനത്താ​ക്കി​വെ​ക്ക​പ്പെ​ട്ടു​വെന്ന്‌ അതിനർത്ഥ​മില്ല. എന്നാൽ യേശു​വിൻമേ​ലുള്ള അവന്റെ ജീവൻ-മരണ അധികാ​രം ദൈവ​ത്തി​ന്റെ അനുവാ​ദ​ത്താൽമാ​ത്ര​മാ​ണെ​ന്നാ​യി​രു​ന്നു അതിന്റെ അർത്ഥം.

“ഈ വ്യവസ്ഥി​തി​യു​ടെ ദൈവം”

15. സാത്താൻ ഏതു വിധത്തിൽ ഈ ലോക​ത്തിൽ അധികാ​രം പ്രയോ​ഗി​ക്കു​ന്നു?

¹⁵ എന്നിരു​ന്നാ​ലും, സാത്താ​നാണ്‌ ഈ ലോക​ത്തി​ന്റെ ദൈവം അഥവാ ഭരണാ​ധി​കാ​രി​യെന്ന ബൈബി​ളി​ന്റെ പ്രസ്‌താ​വന സംബന്ധി​ച്ചെന്ത്‌? (യോഹ​ന്നാൻ 12:31; 2 കൊരി​ന്ത്യർ 4:4) തീർച്ച​യാ​യും, സാത്താൻ ലോക​ത്തി​ലെ സകല രാജ്യ​ങ്ങ​ളും യേശു​വി​നെ കാണി​ക്കു​ക​യും “ഈ അധികാ​ര​മെ​ല്ലാം എനിക്ക്‌ വിട്ടു​ത​ന്നി​രി​ക്കു​ന്നു, ഞാൻ ആഗ്രഹി​ക്കുന്ന ഏവനും ഞാൻ അതു കൊടു​ക്കു​ന്നു”വെന്ന്‌ പറയു​ക​യും ചെയ്‌ത​പ്പോ​ഴത്തെ യേശു​വി​നോ​ടുള്ള അവന്റെ വീമ്പി​ളക്കൽ സംബന്ധി​ച്ചെന്ത്‌? (ലൂക്കോസ്‌ 4:6) യേശു സാത്താന്റെ വീമ്പിനെ ഖണ്ഡിച്ചില്ല. സാത്താന്റെ വാക്കുകൾ പൗലോസ്‌ പിന്നീട്‌ എഫേസ്യർക്ക്‌ എഴുതിയ വാക്കു​ക​ളോട്‌ യോജി​പ്പി​ലാണ്‌: “നമുക്ക്‌ ഒരു മല്‌പി​ടു​ത്ത​മു​ള്ളത്‌ ജഡരക്ത​ങ്ങ​ളോ​ടല്ല, പിന്നെ​യോ ഭരണകൂ​ട​ങ്ങ​ളോട്‌, അധികാ​ര​ങ്ങ​ളോട്‌, ഈ അന്ധകാ​ര​ത്തി​ന്റെ ഭരണാ​ധി​പൻമാ​രോട്‌, സ്വർഗ്ഗീ​യ​സ്ഥ​ല​ങ്ങ​ളി​ലെ ദുഷ്‌ടാ​ത്‌മ​സേ​ന​ക​ളോട്‌, ആകുന്നു.” (എഫേസ്യർ 6:12) തന്നെയു​മല്ല, വെളി​പ്പാ​ടു​പു​സ്‌തകം ലോക​രാ​ഷ്‌ട്രീ​യ​വ്യ​വ​സ്ഥി​തി​യു​ടെ ഒരു കാട്ടു​മൃ​ഗ​പ്ര​തീ​ക​ത്തിന്‌ “അതിന്റെ ശക്തിയും അതിന്റെ സിംഹാ​സ​ന​വും വലിയ അധികാ​ര​വും” കൊടു​ക്കുന്ന ഒരു മഹാസർപ്പ​മാ​യി സാത്താനെ വരച്ചു​കാ​ട്ടു​ന്നു.—വെളി​പ്പാട്‌ 13:2.

16. (എ) സാത്താന്റെ അധികാ​രം പരിമി​ത​മാ​ണെന്ന്‌ എങ്ങനെ കാണാൻ കഴിയും? (ബി) മനുഷ്യ​വർഗ്ഗ​ത്തി​ന്റെ ഇടയിൽ അധികാ​ര​മു​ണ്ടാ​യി​രി​ക്കാൻ യഹോവ സാത്താനെ അനുവ​ദി​ക്കു​ന്ന​തെ​ന്തു​കൊണ്ട്‌?

¹⁶ എന്നാൽ, “ഈ അധികാ​ര​മെ​ല്ലാം എനിക്ക്‌ വിട്ടു​ത​ന്നി​രി​ക്കു​ന്നു” എന്ന യേശു​വി​നോ​ടുള്ള സാത്താന്റെ പ്രസ്‌താ​വ​ന​യും അവനും അനുവാ​ദ​ത്താൽ മാത്ര​മാണ്‌ അധികാ​രം പ്രയോ​ഗി​ക്കു​ന്ന​തെന്ന്‌ പ്രകട​മാ​ക്കു​ന്നു. ദൈവം ഈ അനുവാ​ദം കൊടു​ക്കു​ന്ന​തെ​ന്തു​കൊണ്ട്‌? ലോക​ഭ​ര​ണാ​ധി​കാ​രി​യാ​യുള്ള സാത്താന്റെ ജീവി​ത​വൃ​ത്തി ദൈവം ഭോഷ്‌ക്കു​പ​റ​യു​ന്ന​താ​യും തന്റെ പരമാ​ധി​കാ​രം അന്യാ​യ​മാ​യി പ്രയോ​ഗി​ക്കു​ന്ന​താ​യും അവൻ പണ്ട്‌ ഏദൻതോ​ട്ട​ത്തിൽവെച്ച്‌ ദൈവത്തെ പരസ്യ​മാ​യി കുററ​പ്പെ​ടു​ത്തി​യ​പ്പോ​ഴാണ്‌ തുടങ്ങി​യത്‌. (ഉല്‌പത്തി 3:1-6) ആദാമും ഹവ്വായും സാത്താനെ അനുഗ​മി​ക്കു​ക​യും യഹോ​വ​യാം ദൈവ​ത്തോട്‌ അനുസ​ര​ണ​ക്കേടു കാണി​ക്കു​ക​യും​ചെ​യ്‌തു. ആ ഘട്ടത്തിൽ യഹോ​വക്ക്‌ പൂർണ്ണ​നീ​തി​യോ​ടെ സാത്താ​നെ​യും അവന്റെ പുതിയ രണ്ട്‌ അനുഗാ​മി​ക​ളെ​യും സംഹരി​ക്കാ​മാ​യി​രു​ന്നു. (ഉല്‌പത്തി 2:16, 17) എന്നാൽ സാത്താന്റെ വാക്കുകൾ യഥാർത്ഥ​ത്തിൽ യഹോ​വ​യോ​ടുള്ള വ്യക്തി​പ​ര​മായ ഒരു വെല്ലു​വി​ളി​യാ​യി​രു​ന്നു. അതു​കൊണ്ട്‌ യഹോവ തന്റെ ജ്ഞാനത്തിൽ സാത്താൻ കുറെ കാലം തുടർന്നു​ജീ​വി​ക്കാൻ അനുവ​ദി​ച്ചു. മരിക്കു​ന്ന​തി​നു​മുമ്പ്‌ മക്കളെ പെരു​ക്കാൻ ആദാമും ഹവ്വായും അനുവ​ദി​ക്ക​പ്പെട്ടു. ഈ വിധത്തിൽ, സാത്താന്റെ വെല്ലു​വി​ളി​യു​ടെ പൊള്ള​ത്തരം പ്രകട​മാ​ക്ക​പ്പെ​ടു​ന്ന​തിന്‌ സമയവും അവസര​വും ദൈവം അനുവ​ദി​ച്ചു.—ഉല്‌പത്തി 3:15-19.

17, 18. (എ) സാത്താൻ ഈ ലോക​ത്തി​ന്റെ ദൈവ​മാ​ണെന്ന്‌ നമുക്ക്‌ പറയാൻക​ഴി​യു​ന്ന​തെ​ന്തു​കൊണ്ട്‌? (ബി) ഈ ലോക​ത്തിൽ “ദൈവ​ത്താ​ല​ല്ലാ​തെ അധികാ​ര​മി​ല്ലാ”ത്തത്‌ ഏതു വിധത്തിൽ?

¹⁷ ഏദൻമു​ത​ലുള്ള സംഭവങ്ങൾ സാത്താന്റെ ആരോ​പ​ണങ്ങൾ വെറും വ്യാജ​മാ​ണെന്ന്‌ പ്രകട​മാ​ക്കി​യി​ട്ടുണ്ട്‌. ആദാമി​ന്റെ സന്തതികൾ സാത്താ​ന്യ​ഭ​ര​ണ​ത്തിൻകീ​ഴി​ലോ മനുഷ്യ​ഭ​ര​ണ​ത്തിൻകീ​ഴി​ലോ സന്തുഷ്‌ടി കണ്ടെത്തി​യി​ട്ടില്ല. (സഭാ​പ്ര​സം​ഗി 8:9) മറിച്ച്‌, തന്റെ സ്വന്തം ജനവു​മാ​യുള്ള ദൈവ​ത്തി​ന്റെ ഇടപെ​ട​ലു​കൾ ദിവ്യ​ഭ​ര​ണ​ത്തി​ന്റെ ശ്രേഷ്‌ഠത പ്രകട​മാ​ക്കി​യി​രി​ക്കു​ന്നു. (യെശയ്യാവ്‌ 33:22) എന്നാൽ ആദാമി​ന്റെ സന്തതി​ക​ളിൽ മിക്കവ​രും യഹോ​വ​യു​ടെ പരമാ​ധി​കാ​രത്തെ സ്വീക​രി​ക്കു​ന്നി​ല്ലാ​ത്ത​തു​കൊണ്ട്‌ അവർ അറിഞ്ഞോ അറിയാ​തെ​യോ തങ്ങളുടെ ദൈവ​മാ​യി സാത്താനെ സേവി​ക്കു​ക​യാണ്‌.—സങ്കീർത്തനം 14:1; 1 യോഹ​ന്നാൻ 5:19.

¹⁸ പെട്ടെ​ന്നു​തന്നെ, ഏദനിൽ ഉന്നയി​ക്ക​പ്പെട്ട വിവാ​ദ​പ്ര​ശ്‌നങ്ങൾ പരിഹ​രി​ക്ക​പ്പെ​ടും. ദൈവ​ത്തി​ന്റെ രാജ്യം മനുഷ്യ​വർഗ്ഗ​ത്തി​ന്റെ കാര്യാ​ദി​ക​ളു​ടെ ഭരണം പൂർണ്ണ​മാ​യും ഏറെറ​ടു​ക്കും, സാത്താൻ അഗാധ​ത്തി​ല​ട​ക്ക​പ്പെ​ടും. (യെശയ്യാവ്‌ 11:1-5; വെളി​പ്പാട്‌ 20:1-6) ഇതിനി​ട​യിൽ, ഒരു ക്രമീ​കൃ​ത​ജീ​വി​തം സാദ്ധ്യ​മാ​കേ​ണ്ട​തിന്‌ ഏതെങ്കി​ലും തരത്തി​ലുള്ള ക്രമീ​ക​രണം അഥവാ സംഘടന മനുഷ്യ​വർഗ്ഗ​ത്തി​ന്റെ ഇടയിൽ ആവശ്യ​മാ​യി​രു​ന്നി​ട്ടുണ്ട്‌. യഹോവ “കലക്കത്തി​ന്റെയല്ല, പിന്നെ​യോ സമാധാ​ന​ത്തി​ന്റെ ദൈവ”മാണ്‌. (1കൊരിന്ത്യർ 14:33) അതു​കൊണ്ട്‌, ഏദനു പുറത്ത്‌ വികാ​സം​പ്രാ​പിച്ച ജനസമു​ദാ​യ​ങ്ങ​ളിൽ അധികാ​ര​ഘ​ട​നകൾ ഉണ്ടായി​രി​ക്കാൻ അവൻ അനുവ​ദി​ച്ചി​രി​ക്കു​ന്നു. ഈ ക്രമീ​ക​ര​ണ​ത്തിൽ മനുഷ്യർ അധികാ​രം പ്രയോ​ഗി​ക്കാൻ അവൻ അനുവ​ദി​ച്ചി​രി​ക്കു​ന്നു. ഈ വിധത്തിൽ “ദൈവ​ത്താ​ല​ല്ലാ​തെ അധികാ​ര​മില്ല.”

നല്ല മനഃസ്ഥി​തി​യുള്ള അധികാ​ര​ങ്ങൾ

19. സകല മനുഷ്യ​ഭ​ര​ണാ​ധി​കാ​രി​ക​ളും സാത്താന്റെ നേരി​ട്ടുള്ള നിയ​ന്ത്ര​ണ​ത്തി​ലാ​ണോ?

¹⁹ ഏദൻ മുതൽ സാത്താന്‌ മനുഷ്യ​വർഗ്ഗ​ത്തി​ന്റെ ഇടയിൽ വിപു​ല​മായ സ്വാത​ന്ത്ര്യം ഉണ്ടായി​രു​ന്നി​ട്ടുണ്ട്‌. അവൻ യേശു​വി​നോ​ടുള്ള വീമ്പി​നു​ചേർച്ച​യിൽ ഭൂമി​യി​ലെ സംഭവ​ങ്ങളെ നിയ​ന്ത്രി​ക്കാൻ ഈ സ്വാത​ന്ത്ര്യ​ത്തെ ഉപയോ​ഗി​ച്ചി​രി​ക്കു​ന്നു. (ഇയ്യോബ്‌ 1:7; മത്തായി 4:1-10) എന്നിരു​ന്നാ​ലും, ഈ ലോക​ത്തി​ലെ സകല ഭരണാ​ധി​കാ​രി​ക​ളും നേരിട്ട്‌ സാത്താന്റെ ഭരണത്തിന്‌ കീഴ്‌പ്പെ​ടു​ന്നു​വെന്ന്‌ ഇതിനർത്ഥ​മില്ല. ചിലർ—ഒന്നാം നൂററാ​ണ്ടി​ലെ നീറോ​യെ​യും നമ്മുടെ കാലത്തെ അഡോൾഫ്‌ ഹിററ്‌ല​റെ​യും പോ​ലെ​യു​ള്ളവർ—യഥാർത്ഥ​ത്തിൽ സാത്താ​ന്യ​മായ ആത്മാവ്‌ പ്രകട​മാ​ക്കി​യി​ട്ടുണ്ട്‌. സൈ​പ്ര​സി​ലെ ഒരു നാടു​വാ​ഴി​യാ​യി​രുന്ന സെർഗ്ഗ്യസ്‌ പൗലസ്‌ “ദൈവ​വ​ചനം കേൾക്കാൻ ശ്രമിച്ച” “ഒരു ബുദ്ധി​ശാ​ലി​യായ മനുഷ്യൻ” ആയിരു​ന്നു. (പ്രവൃ​ത്തി​കൾ 13:7) അഖായ​യി​ലെ നാടു​വാ​ഴി​യാ​യി​രുന്ന ഗല്ലി​യോൻ പൗലോ​സി​ന്റെ യഹൂദ​കു​റ​റാ​രോ​പ​ക​രു​ടെ സമ്മർദ്ദ​ത്തിന്‌ വിധേ​യ​നാ​കാൻ വിസമ്മ​തി​ച്ചു. (പ്രവൃ​ത്തി​കൾ 18:12-17) മററ​നേകം ഭരണാ​ധി​കാ​രി​കൾ മനഃസാ​ക്ഷി​പൂർവം തങ്ങളുടെ അധികാ​രം പ്രയോ​ഗി​ച്ചി​ട്ടുണ്ട്‌.—റോമർ 2:15 താരത​മ്യ​പ്പെ​ടു​ത്തുക.

20, 21. മനുഷ്യ​ഭ​ര​ണാ​ധി​കാ​രി​കൾ എല്ലായ്‌പ്പോ​ഴും സാത്താന്റെ ഇഷ്ടം​ചെ​യ്യു​ന്നി​ല്ലെന്ന്‌ 20-ാം നൂററാ​ണ്ടി​ലെ ഏതു സംഭവങ്ങൾ പ്രകട​മാ​ക്കു​ന്നു?

²⁰ ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നാ​ലു​മു​തൽ തുടങ്ങിയ “കർത്താ​വി​ന്റെ ദിവസ”ത്തിൽ സാത്താന്റെ ഉദ്ദേശ്യ​ങ്ങളെ വിഫല​മാ​ക്കാൻ യഹോവ മാനു​ഷാ​ധി​കാ​രി​കളെ കൈകാ​ര്യം​ചെ​യ്യു​മെ​ന്നു​പോ​ലും വെളി​പ്പാ​ടു​പു​സ്‌തകം മുൻകൂ​ട്ടി​പ്പ​റഞ്ഞു. സാത്താൻ അഭിഷി​ക്ത​ക്രി​സ്‌ത്യാ​നി​കൾക്കെ​തി​രെ തിരി​ച്ചു​വിട്ട പീഡന​ത്തി​ന്റെ ഒരു പ്രളയ​ത്തെ​ക്കു​റിച്ച്‌ വെളി​പ്പാട്‌ വർണ്ണി​ക്കു​ന്നു. അതിനെ “ഭൂമി” വിഴു​ങ്ങി​ക്ക​ള​യു​മാ​യി​രു​ന്നു. (വെളി​പ്പാട്‌ 1:10; 12:16) ഇപ്പോൾ ഭൂമി​യിൽ സ്ഥിതി​ചെ​യ്യുന്ന മനുഷ്യ​സ​മു​ദാ​യ​മാ​കുന്ന “ഭൂമി”യിലെ മൂലഘ​ട​കങ്ങൾ സാത്താന്റെ പീഡന​ത്തിൽനിന്ന്‌ യഹോ​വ​യു​ടെ ജനത്തെ സംരക്ഷി​ക്കും.

²¹ ഇത്‌ യഥാർത്ഥ​ത്തിൽ സംഭവി​ച്ചി​ട്ടു​ണ്ടോ? ഉവ്വ്‌. ദൃഷ്ടാ​ന്ത​ത്തിന്‌, 1930കളിലും 1940കളിലും ഐക്യ​നാ​ടു​ക​ളി​ലെ യഹോ​വ​യു​ടെ സാക്ഷികൾ വലിയ സമ്മർദ്ദ​ത്തിൻകീ​ഴി​ലാ​യി​രു​ന്നു, കൂട്ട​പ്ര​ക്ഷോ​ഭ​ണ​വും കൂടെ​ക്കൂ​ടെ​യുള്ള അന്യാ​യ​മായ അറസ്‌റ​റു​ക​ളും അനുഭ​വി​ച്ചി​രു​ന്നു. അവരുടെ വേലയു​ടെ നിയമ​സാ​ധുത അംഗീ​ക​രി​ക്കുന്ന പല വിധികൾ യു.എസ്‌. സുപ്രീം​കോ​ടതി പുറ​പ്പെ​ടു​വി​ച്ച​പ്പോൾ അവർക്ക്‌ ആശ്വാസം ലഭിച്ചു. മററു സ്ഥലങ്ങളി​ലും അധികാ​രി​കൾ ദൈവ​ജ​ന​ത്തി​ന്റെ സഹായ​ത്തി​നെ​ത്തി​യി​ട്ടുണ്ട്‌. ഏതാണ്ട്‌ 40 വർഷം​മുമ്പ്‌ അയർല​ണ്ടിൽ ഒരു റോമൻക​ത്തോ​ലി​ക്കാ ജനക്കൂട്ടം കോർക്ക്‌ന​ഗ​ര​ത്തി​ലെ രണ്ട്‌ സാക്ഷി​കളെ ആക്രമി​ച്ചു. സ്ഥലത്തെ ഒരു പോലീ​സു​കാ​രൻ സാക്ഷി​ക​ളു​ടെ സഹായ​ത്തി​നെ​ത്തു​ക​യും ഒരു നിയമ​കോ​ടതി ആക്രമ​ണ​കാ​രി​കൾക്കു ശിക്ഷണം​കൊ​ടു​ക്കു​ക​യും ചെയ്‌തു. ആയിര​ത്തി​തൊ​ള്ളാ​യി​രത്തി എൺപത്തി​യൊൻപ​തിൽ ഫിജി​യിൽ യഹോ​വ​യു​ടെ സാക്ഷി​ക​ളു​ടെ പ്രവർത്ത​നത്തെ നിരോ​ധി​ക്കാ​നുള്ള ഒരു നിർദ്ദേശം, ഉയർന്ന ചീഫു​ക​ളു​ടെ ഒരു യോഗം പരിഗ​ണി​ച്ചു. ഒരു ചീഫ്‌ സധൈ​ര്യം സാക്ഷി​കൾക്ക​നു​കൂ​ല​മാ​യി സംസാ​രി​ക്കു​ക​യും നിർദ്ദേശം അനായാ​സം തള്ളപ്പെ​ടു​ക​യും​ചെ​യ്‌തു.

22. അടുത്ത​താ​യി ഏതു ചോദ്യ​ങ്ങൾ പരിചി​ന്തി​ക്ക​പ്പെ​ടും?

²² ഇല്ല, ലൗകിക അധികാ​രി​കൾ എല്ലായ്‌പ്പോ​ഴും സാത്താന്റെ ലക്ഷ്യങ്ങൾക്കു സേവി​ക്കു​ന്നില്ല. ക്രിസ്‌ത്യാ​നി​കൾക്ക്‌ സാത്താ​നു​തന്നെ കീഴ്‌പ്പെ​ടാ​തെ ശ്രേഷ്‌ഠാ​ധി​കാ​ര​ങ്ങൾക്ക്‌ കീഴ്‌പെ​ട്ടി​രി​ക്കാൻ കഴിയും. തീർച്ച​യാ​യും, ഈ അധികാ​രങ്ങൾ സ്ഥിതി​ചെ​യ്യാൻ ദൈവം അനുവ​ദി​ക്കു​ന്ന​ട​ത്തോ​ളം കാലം അവർ അവയ്‌ക്ക്‌ കീഴ്‌പെ​ട്ടി​രി​ക്കും. എന്നാൽ ആ കീഴ്‌പ്പെ​ട​ലി​ന്റെ അർത്ഥ​മെ​ന്താണ്‌? പ്രതി​ഫ​ല​മാ​യി ശ്രേഷ്‌ഠാ​ധി​കാ​ര​ങ്ങ​ളിൽനിന്ന്‌ ക്രിസ്‌ത്യാ​നി​കൾക്ക്‌ എന്ത്‌ പ്രതീ​ക്ഷി​ക്കാം? ഈ ചോദ്യ​ങ്ങൾ അടുത്ത ലേഖന​ങ്ങ​ളിൽ ചർച്ച​ചെ​യ്യ​പ്പെ​ടും. (w90 11⁄1)

[അടിക്കു​റിപ്പ്‌]

നിങ്ങൾ എങ്ങനെ ഉത്തരം പറയും?

◻ ശ്രേഷ്‌ഠാ​ധി​കാ​രി​കൾ ആരാണ്‌?

◻ “ദൈവ​ത്താ​ല​ല്ലാ​തെ അധികാ​ര​മില്ല” എന്ന്‌ നമു​ക്കെ​ങ്ങനെ പറയാൻ കഴിയും?

◻ ലോകം സാത്താന്റെ അധീന​ത​യി​ലി​രി​ക്കാൻ യഹോവ അനുവ​ദി​ച്ചി​രി​ക്കു​ന്നത്‌ എന്തു​കൊണ്ട്‌?

◻ മാനു​ഷാ​ധി​കാ​രങ്ങൾ ദൈവം ഏത്‌ വിധത്തി​ലാണ്‌ അവയുടെ ആപേക്ഷി​ക​സ്ഥാ​ന​ങ്ങ​ളിൽ ആക്കിയി​രി​ക്കു​ന്നത്‌?

[13-ാം പേജിലെ ചിത്രം]

റോമായുടെ അഗ്നിബാ​ധ​ക്കു​ശേഷം, നീറോ യഥാർത്ഥ​ത്തിൽ സാത്താ​ന്യ​മായ ഒരു ആത്മാവ്‌ പ്രകട​മാ​ക്കി

[15-ാം പേജിലെ ചിത്രം]

സൈപ്രസിലെ നാടു​വാ​ഴി​യാ​യി​രുന്ന സെർഗ്ഗ്യസ്‌ പൗലസ്‌ ദൈവ​വ​ചനം കേൾക്കാൻ ശ്രമിച്ചു