¹⁰ ഗ്രീക്ക്‌ പുതിയ നിയമ​ത്തി​ന്റെ ഭാഷാ താക്കോൽ [ഇംഗ്ലീഷ്‌] എന്ന തന്റെ പുസ്‌ത​ക​ത്തിൽ ഫ്രിറ​റ്‌സ്‌ റീനെക്കർ 1 പത്രോസ്‌ 1:22-ൽ “ഉററ്‌” അഥവാ “നീട്ടി” എന്ന്‌ വിവർത്തനം ചെയ്‌തി​രി​ക്കുന്ന പദത്തെ​ക്കു​റിച്ച്‌ അഭി​പ്രാ​യം പറയുന്നു. അദ്ദേഹം എഴുതു​ന്നു: “അടിസ്ഥാന ആശയം ആത്‌മാർത്ഥ​ത​യു​ടെ​യും തീക്ഷ്‌ണ​ത​യു​ടെ​യു​മാണ്‌ (ഒരു കാര്യം നിസ്സാ​ര​മാ​യി ചെയ്യാതെ . . . നീട്ടി​ചെ​യ്യു​ന്ന​തി​ന്റെ) (ഹോർട്ട്‌).” നീട്ടു​ക​യെ​ന്ന​തിന്‌ മററു​ള്ള​വ​യു​ടെ കൂട്ടത്തിൽ “പരമാ​വധി വലിയു​ന്ന​തു​വരെ വലിച്ചു​നീ​ട്ടുക” എന്നർത്ഥ​മുണ്ട്‌. അതു​കൊണ്ട്‌ ഹൃദയ​ത്തിൽനിന്ന്‌ ഉററു സ്‌നേ​ഹി​ക്കു​ക​യെ​ന്ന​തിന്‌ നമ്മുടെ സകല ക്രിസ്‌തീയ സഹപ്ര​വർത്ത​ക​രോ​ടും സഹോ​ദ​ര​പ്രീ​തി​യു​ണ്ടാ​യി​രി​ക്കാൻ നമ്മുടെ ശ്രമങ്ങ​ളിൽ പരമാ​വധി അദ്ധ്വാനം ചെലു​ത്തുക എന്ന അർത്ഥമുണ്ട്‌. നമ്മുടെ ചില സഹോ​ദ​രീ​സ​ഹോ​ദ​രൻമാർ നമ്മുടെ ഊഷ്‌മള പ്രീതി​യിൽ ഇടമി​ല്ലാ​തെ ഞെരു​ങ്ങു​ന്നു​ണ്ടോ? എങ്കിൽ, നാം വിശാ​ല​രാ​കണം.

11, 12. (എ) അപ്പോ​സ്‌ത​ല​നായ പൗലോസ്‌ കൊരി​ന്തി​ലെ ക്രിസ്‌ത്യാ​നി​കൾക്ക്‌ ഏതു ബുദ്ധി​യു​പ​ദേശം കൊടു​ത്തു? (ബി) ഈ കാര്യ​ത്തിൽ പൗലോസ്‌ ഒരു നല്ല ദൃഷ്ടാന്തം വെച്ച​തെ​ങ്ങനെ?

¹¹ അപ്പോ​സ്‌ത​ല​നായ പൗലോ​സിന്‌ പ്രത്യ​ക്ഷ​ത്തിൽ കൊരി​ന്തി​ലെ സഭയിൽ ഇതിന്റെ ആവശ്യം അനുഭ​വ​പ്പെട്ടു. അവിടത്തെ ക്രിസ്‌ത്യാ​നി​കൾക്ക്‌ അവൻ ഇങ്ങനെ എഴുതി: “കൊരി​ന്ത്യ​രേ, ഞങ്ങളുടെ വായ്‌ നിങ്ങളി​ലേക്ക്‌ തുറന്നി​രി​ക്കു​ന്നു, ഞങ്ങളുടെ ഹൃദയം വിശാ​ല​മാ​യി​രി​ക്കു​ന്നു. നിങ്ങൾ ഞങ്ങളുടെ ഉള്ളിൽ ഇടമി​ല്ലാ​തെ ഞെരു​ങ്ങു​ന്നില്ല, എന്നാൽ നിങ്ങളു​ടെ സ്വന്തം വാത്സല്യ​ങ്ങ​ളിൽ നിങ്ങൾ ഇടമി​ല്ലാ​തെ ഞെരു​ങ്ങു​ന്നു. അതു​കൊണ്ട്‌ മക്കളോ​ടെ​ന്ന​പോ​ലെ ഞാൻ സംസാ​രി​ക്കു​ക​യാണ്‌—പകരം കൊടു​ക്കുന്ന പ്രതി​ഫ​ലം​പോ​ലെ നിങ്ങളും വിശാ​ല​രാ​കുക.”—2 കൊരി​ന്ത്യർ 6:11-13.

¹² നമ്മുടെ സഹോ​ദ​രീ​സ​ഹോ​ദ​രൻമാ​രെ​യെ​ല്ലാം ഉൾപ്പെ​ടു​ത്താൻത​ക്ക​വണ്ണം നമുക്ക്‌ നമ്മുടെ ഹൃദയ​ങ്ങളെ എങ്ങനെ വിശാ​ല​മാ​ക്കാം? ഈ കാര്യ​ത്തിൽ പൗലോസ്‌ നല്ല ദൃഷ്ടാന്തം വെച്ചു. അവൻ തന്റെ സഹോ​ദ​രൻമാ​രി​ലെ നൻമ തേടു​ക​യും അവരുടെ പോരാ​യ്‌മകൾ നിമി​ത്തമല്ല, പിന്നെ​യോ അവരുടെ സൽഗു​ണങ്ങൾ നിമിത്തം അവരെ ഓർക്കു​ക​യും ചെയ്‌തു എന്ന്‌ സ്‌പഷ്ട​മാണ്‌. റോമി​ലെ ക്രിസ്‌ത്യാ​നി​കൾക്കുള്ള അവന്റെ ലേഖന​ത്തി​ന്റെ അവസാന അദ്ധ്യായം ഇത്‌ വിശദ​മാ​ക്കു​ന്നു. നമുക്ക്‌ റോമർ 16-ാം അദ്ധ്യായം പരി​ശോ​ധിച്ച്‌ തന്റെ സഹോ​ദ​രീ​സ​ഹോ​ദ​രൻമാ​രോ​ടുള്ള പൗലോ​സി​ന്റെ ക്രിയാ​ത്മക മനോ​ഭാ​വത്തെ അത്‌ എങ്ങനെ പ്രതി​ഫ​ലി​പ്പി​ക്കു​ന്നു​വെന്ന്‌ കാണാം.