യുവജ​നങ്ങൾ ചോദി​ക്കു​ന്നു . . .

മാതാ​പി​താ​ക്കൾ എന്റെ വിവാ​ഹത്തെ എതിർക്കു​ന്നു​വെ​ങ്കി​ലോ?

ലാക്കീഷയും കാമു​ക​നും വിവാ​ഹി​ത​രാ​കു​ന്ന​തി​നെ​പ്പറ്റി ചിന്തി​ക്കു​ക​യാണ്‌. എന്നാൽ അവളുടെ അമ്മ സമ്മതി​ക്കു​ന്നില്ല. “ഇക്കൊല്ലം എനിക്ക്‌ 19 വയസ്സു തികയും, പക്ഷേ 21 വയസ്സാ​കട്ടെ എന്നാണ്‌ മമ്മി പറയു​ന്നത്‌.”

നിങ്ങൾ വിവാഹം കഴിക്കാൻ പരിപാ​ടി​യി​ടു​ന്നെ​ങ്കിൽ മാതാ​പി​താ​ക്ക​ളും അതിൽ സന്തോ​ഷി​ക്ക​ണ​മെന്ന്‌ ആഗ്രഹി​ക്കു​ന്നത്‌ സ്വാഭാ​വി​കം മാത്രം. നിങ്ങൾ വിവാഹം കഴിക്കാ​നാ​ഗ്ര​ഹി​ക്കുന്ന വ്യക്തിയെ മാതാ​പി​താ​ക്കൾക്ക്‌ ഇഷ്ടമി​ല്ലെ​ങ്കിൽ അത്‌ നിങ്ങളെ വിഷമി​പ്പി​ച്ചേ​ക്കാം. നിങ്ങൾ എന്തു ചെയ്യണം? അവരുടെ ആഗ്രഹ​ങ്ങളെ തൃണവൽഗ​ണി​ച്ചു​കൊണ്ട്‌ വിവാഹ പരിപാ​ടി​ക​ളു​മാ​യി മുമ്പോ​ട്ടു പോകു​ക​യാ​ണോ വേണ്ടത്‌?a

മാതാ​പി​താ​ക്ക​ളു​ടെ സമ്മതമി​ല്ലെ​ങ്കിൽപ്പോ​ലും നിയമാ​നു​സൃ​തം വിവാഹം കഴിക്കാൻ പ്രായ​മാ​യി​ട്ടു​ണ്ടെ​ങ്കിൽ അങ്ങനെ ചെയ്യാൻ നിങ്ങൾ പ്രേരി​ത​രാ​യേ​ക്കാം. എന്നാൽ ഒരുവന്റെ മാതാ​പി​താ​ക്ക​ളോട്‌ ആദരവും ബഹുമാ​ന​വും കാണി​ക്കു​ന്ന​തിന്‌ ബൈബിൾ പ്രായ​പ​രി​ധി കൽപ്പി​ക്കു​ന്നില്ല. (സദൃശ​വാ​ക്യ​ങ്ങൾ 1:8) അവരുടെ വികാ​ര​ങ്ങളെ അവഗണി​ക്കു​ന്നെ​ങ്കിൽ അവരു​മാ​യുള്ള ബന്ധത്തിന്‌ ഉലച്ചിൽ തട്ടാൻ നിങ്ങൾ ഇടയാ​ക്കി​യേ​ക്കാം, ഒരുപക്ഷേ ദീർഘ​കാ​ല​ത്തേ​ക്കു​പോ​ലും. തന്നെയു​മല്ല, നിങ്ങളു​ടെ വിവാ​ഹത്തെ എതിർക്കു​ന്ന​തിന്‌ മാതാ​പി​താ​ക്കൾക്കു തക്കതായ കാരണ​വു​മു​ണ്ടാ​യി​രു​ന്നേ​ക്കാം.

പ്രായ​മാ​യി​ട്ടില്ല എന്നു​വെ​ച്ചാൽ എന്താണ്‌?

ഉദാഹ​ര​ണ​ത്തിന്‌, നിങ്ങൾക്കു വിവാ​ഹ​പ്രാ​യ​മാ​യി​ട്ടി​ല്ലെ​ന്നാ​ണോ മാതാ​പി​താ​ക്കൾ പറയു​ന്നത്‌? ഇത്ര വയസ്സ്‌ ആയാലേ വിവാഹം കഴിക്കാ​വൂ എന്നൊ​ന്നും ബൈബിൾ പറയു​ന്നില്ല. എന്നാൽ വിവാഹം കഴിക്കു​ന്ന​തി​നു മുമ്പ്‌ ഒരു വ്യക്തി, താരു​ണ്യ​ത്തെ തുടർന്ന്‌ ലൈം​ഗി​ക​മോ​ഹങ്ങൾ മൂർധ​ന്യ​ത്തി​ലെ​ത്തുന്ന “നവയൗ​വനം പിന്നി​ട്ടി​രി”ക്കേണ്ടതാ​ണെന്ന്‌ അത്‌ നിർദേ​ശി​ക്കു​ന്നു. (1 കൊരി​ന്ത്യർ 7:36, NW) കാരണം? അത്തരം യുവജ​ന​ങ്ങ​ളിൽ, വൈകാ​രിക പക്വത​യും ആത്മനി​യ​ന്ത്ര​ണ​വും വിവാ​ഹ​ജീ​വി​തം കൈകാ​ര്യം ചെയ്യു​ന്ന​തിന്‌ അനിവാ​ര്യ​മാ​യി​രി​ക്കുന്ന ആത്മീയ​ഗു​ണ​ങ്ങ​ളും വികാ​സം​പ്രാ​പി​ച്ചു​വ​രു​ന്ന​തേ​യു​ള്ളൂ.—1 കൊരി​ന്ത്യർ 13:11; ഗലാത്യർ 5:22, 23 എന്നിവ താരത​മ്യം ചെയ്യുക.

20 വയസ്സുള്ള ഡേൽ വിവാ​ഹി​ത​നാ​കാൻ തീരു​മാ​നി​ച്ചു. എന്നാൽ മാതാ​പി​താ​ക്കൾ എതിർത്ത​പ്പോൾ അവനാകെ വിഷമ​മാ​യി. “എനിക്ക്‌ വിവാ​ഹ​പ്രാ​യ​മാ​യി​ട്ടി​ല്ലെ​ന്നും അനുഭ​വ​ജ്ഞാ​ന​മി​ല്ലെ​ന്നും അവർ പറഞ്ഞു,” അവൻ പറയുന്നു. “ഞങ്ങൾ വിവാ​ഹി​ത​രാ​കാൻ സജ്ജരാ​ണെ​ന്നും വിവാ​ഹ​ത്തി​നു​ശേഷം എല്ലാം താനേ പഠി​ച്ചെ​ടു​ക്കാ​മെ​ന്നും ഞാൻ കരുതി. പക്ഷേ ഞാൻ വികാ​ര​ത്തി​ന്റെ പുറത്തല്ല ഇത്‌ ചെയ്യു​ന്ന​തെന്ന്‌ ഉറപ്പു​വ​രു​ത്താൻ മാതാ​പി​താ​ക്കൾ ആഗ്രഹി​ച്ചു. അവർ എന്നോട്‌ ഒട്ടേറെ കാര്യങ്ങൾ ചോദി​ച്ചു. ദൈനം​ദിന തീരു​മാ​നങ്ങൾ, സാമ്പത്തിക ചെലവു​കൾ, ഭൗതി​ക​വും വൈകാ​രി​ക​വും ആത്മീയ​വു​മാ​യി കുടും​ബ​ത്തി​നു വേണ്ടി കരുതു​ന്ന​തി​ലെ വാസ്‌ത​വി​കത എന്നിവ​യെ​ല്ലാം കൈകാ​ര്യം ചെയ്യാൻ ഞാൻ സജ്ജനാ​ണോ? ഒരു പിതാ​വാ​കാൻ ഞാൻ സജ്ജനാ​ണോ? ആശയവി​നി​യമം നടത്താൻ ഞാൻ വാസ്‌ത​വ​മാ​യും പഠിച്ചി​ട്ടു​ണ്ടോ? ഒരു ഇണയുടെ ആവശ്യങ്ങൾ എന്താ​ണെന്ന്‌ എനിക്ക്‌ ശരിക്കും മനസ്സി​ലാ​യി​ട്ടു​ണ്ടോ? പ്രായ​പൂർത്തി​യായ മറ്റൊ​രാ​ളെ പരിപാ​ലി​ക്കാൻ തുടങ്ങു​ന്ന​തി​നു​മുമ്പ്‌ പ്രായ​പൂർത്തി​യായ ഒരാ​ളെ​ന്ന​നി​ല​യിൽ ഞാൻ എന്നെത്തന്നെ അറി​യേ​ണ്ട​തു​ണ്ടെന്ന്‌ അവർക്കു തോന്നി.”

“കാത്തി​രി​ക്കാൻ ഇഷ്ടമി​ല്ലാ​യി​രു​ന്നെ​ങ്കി​ലും പക്വത പ്രാപി​ക്കാൻവേണ്ട സമയം ലഭി​ക്കേ​ണ്ട​തിന്‌ ഞങ്ങൾ വിവാഹം നീട്ടി​വെച്ചു. ഒടുവിൽ നല്ലൊരു അടിസ്ഥാ​ന​മി​ട്ടി​ട്ടാണ്‌ ഞങ്ങൾ വിവാ​ഹ​ജീ​വി​ത​ത്തി​ലേക്കു പ്രവേ​ശി​ച്ചത്‌. പരസ്‌പരം നൽകാൻ ഞങ്ങൾക്ക്‌ ഒട്ടേറെ കാര്യ​ങ്ങ​ളു​ണ്ടാ​യി​രു​ന്നു.”

പ്രശ്‌നം മതപര​മായ ഭിന്നത​ക​ളാ​ണെ​ങ്കിൽ

താൻ തിര​ഞ്ഞെ​ടുത്ത മതവി​ശ്വാ​സം പങ്കു​വെ​ക്കാത്ത ഒരാളു​മാ​യി ടെറി പ്രണയ​ത്തി​ലാ​യി. അവർ രഹസ്യ​മാ​യി കോർട്ടിങ്‌ നടത്തി. വിവാ​ഹി​ത​രാ​കാ​നുള്ള തീരു​മാ​നം വീട്ടി​ല​റി​യി​ച്ച​പ്പോൾ അമ്മ സമ്മതി​ച്ചില്ല. അവൾക്കാ​കെ വിഷമ​മാ​യി. “അമ്മ എന്നോട്‌ ഇങ്ങനെ ചെയ്യരു​താ​ത്ത​താണ്‌. അമ്മയും മകളു​മെ​ന്ന​നി​ല​യി​ലുള്ള ഞങ്ങളുടെ ബന്ധത്തിന്‌ ഉലച്ചിൽ തട്ടരു​തെ​ന്നാണ്‌ എന്റെ ആഗ്രഹം.”

എന്നാൽ ആ ബന്ധത്തിന്‌ ഉലച്ചിൽ തട്ടാൻ ഇടയാ​ക്കു​ന്നത്‌ ആരായി​രു​ന്നു? ടെറി​യു​ടെ അമ്മ ക്രൂര​മാ​യോ ന്യായ​ബോ​ധ​മി​ല്ലാ​തെ​യോ പെരു​മാ​റു​ക​യാ​യി​രു​ന്നോ? അല്ല, ക്രിസ്‌ത്യാ​നി​കൾ “കർത്താ​വിൽ വിശ്വ​സി​ക്കുന്ന”വരെ മാത്രമേ വിവാഹം കഴിക്കാ​വൂ എന്ന ബൈബിൾ ബുദ്ധ്യു​പ​ദേശം മുറു​കെ​പ്പി​ടി​ക്കുക മാത്ര​മാണ്‌ അവർ ചെയ്‌തത്‌. (1 കൊരി​ന്ത്യർ 7:39) വാസ്‌ത​വ​ത്തിൽ ബൈബിൾ ഇങ്ങനെ കൽപ്പി​ക്കു​ന്നു: “അവിശ്വാ​സി​ക​ളു​മാ​യി അസമമാ​യി കൂട്ടി​യോ​ജി​പ്പി​ക്ക​പ്പെ​ട​രുത്‌.” (2 കൊരി​ന്ത്യർ 6:14, 15, NW) എന്തു​കൊണ്ട്‌?

സന്തുഷ്ട​വും വിജയ​പ്ര​ദ​വു​മായ വിവാ​ഹ​ജീ​വി​ത​ത്തി​നു​വേണ്ട സുപ്ര​ധാ​ന​മായ ഘടകമാണ്‌ മതപര​മായ യോജിപ്പ്‌ എന്നതാണ്‌ ഒരു കാരണം. മിശ്ര​വി​വാ​ഹ​ങ്ങ​ളിൽ സാധാ​ര​ണ​മായ സമ്മർദ​ങ്ങ​ളും പിരി​മു​റു​ക്ക​ങ്ങ​ളും മിക്ക​പ്പോ​ഴും വിവാ​ഹ​മോ​ച​ന​ത്തിൽ കലാശി​ക്കു​ന്ന​താ​യി വിദഗ്‌ധർ പറയുന്നു. എങ്കിലും ഒരു വ്യക്തിക്ക്‌ സമ്മർദ​ത്തി​നു വഴങ്ങി തന്റെ മതവി​ശ്വാ​സ​ങ്ങ​ളിൽ വിട്ടു​വീഴ്‌ച കാണി​ക്കു​ക​യോ അവ പാടേ ഉപേക്ഷി​ക്കു​ക​യോ ചെയ്യേണ്ടി വന്നേക്കാ​മെ​ന്ന​താണ്‌ അതി​നെ​ക്കാൾ പ്രധാ​ന​പ്പെട്ട കാരണം. ഇനി, അവിശ്വാ​സി​യായ ഇണ നിങ്ങളു​ടെ ആരാധ​നാ​പ​ര​മായ കാര്യ​ങ്ങ​ളിൽ ഇടപെ​ടു​ന്നി​ല്ലെ​ന്നു​ത​ന്നെ​യി​രി​ക്കട്ടെ. എങ്കിലും ഉറച്ചു വിശ്വ​സി​ക്കുന്ന കാര്യങ്ങൾ അയാളു​മാ​യി അല്ലെങ്കിൽ അവളു​മാ​യി പങ്കിടാൻ സാധി​ക്കാ​ത്ത​തി​ലുള്ള ഹൃദയ​വേ​ദ​ന​യു​മാ​യി നിങ്ങൾക്ക്‌ കഴിഞ്ഞു​കൂ​ടേ​ണ്ടി​വ​രും. വിവാ​ഹ​ജീ​വി​ത​ത്തിൽ ആനന്ദം കൈവ​രി​ക്കാ​നുള്ള സൂത്ര​വാ​ക്യ​മാ​ണി​തെന്നു തോന്നു​ന്നു​ണ്ടോ?

അതു​കൊണ്ട്‌ ടെറിക്ക്‌ പ്രയാ​സ​ക​ര​മായ ഒരു തീരു​മാ​ന​മെ​ടു​ക്കേ​ണ്ടി​വന്നു. “ഞാൻ യഹോ​വ​യാം ദൈവത്തെ സ്‌നേ​ഹി​ക്കു​ന്നു. പക്ഷേ അദ്ദേഹത്തെ നഷ്ടപ്പെ​ടു​ത്താ​നും എനിക്ക്‌ മനസ്സു​വ​രു​ന്നില്ല.” നിങ്ങൾക്ക്‌ രണ്ട്‌ തോണി​യി​ലും കാലു​വെ​ക്കാൻ സാധി​ക്കില്ല. ദൈവി​ക​നി​ല​വാ​ര​ങ്ങ​ളിൽ വിട്ടു​വീഴ്‌ച ചെയ്യു​ക​യും അതോ​ടൊ​പ്പം അവന്റെ പ്രീതി​യും അനു​ഗ്ര​ഹ​വും നേടു​ക​യും സാധ്യമല്ല.

ഒരുപക്ഷേ ഒരു സഹക്രി​സ്‌ത്യാ​നി​യെ വിവാഹം കഴിക്കു​ന്ന​തി​നെ​പോ​ലും നിങ്ങളു​ടെ മാതാ​പി​താ​ക്കൾ എതിർത്തെ​ന്നു​വ​രാം. വിശ്വാ​സി​ക​ളോട്‌ അസമമാ​യി കൂട്ടി​യോ​ജി​പ്പി​ക്ക​പ്പെ​ടാൻ സാധി​ക്കു​മോ? ഉവ്വ്‌, ആ വ്യക്തിക്ക്‌ നിങ്ങളു​ടെ അതേ ആത്മീയ ലാക്കു​ക​ളോ അർപ്പണ​മ​നോ​ഭാ​വ​മോ ഇല്ലെങ്കിൽ. അത്തര​മൊ​രു സാഹച​ര്യ​മാ​ണെ​ങ്കി​ലോ ആ വ്യക്തി സ്വന്തം സഭയിലെ സഹോ​ദ​ര​ങ്ങ​ളാൽ “നല്ല സാക്ഷ്യം​കൊ​ണ്ട​യാൾ” അല്ലെങ്കി​ലോ അയാളെ വിവാഹം കഴിക്കു​ന്ന​തി​നെ​ക്കു​റിച്ച്‌ നിങ്ങളു​ടെ മാതാ​പി​താ​ക്കൾക്ക്‌ ഉത്‌കണ്‌ഠ തോന്നുക സ്വാഭാ​വി​ക​മാണ്‌.—പ്രവൃ​ത്തി​കൾ 16:2.

വർഗീയ, സാംസ്‌കാ​രിക ഭിന്നത​ക​ളു​ടെ കാര്യ​മോ?

ലിന്നിന്റെ മാതാ​പി​താ​ക്കൾ അവളുടെ വിവാ​ഹത്തെ എതിർത്തത്‌ വേറൊ​രു കാരണം​കൊ​ണ്ടാണ്‌: മറ്റൊരു വർഗത്തിൽപ്പെട്ട ഒരാളെ വിവാഹം കഴിക്കാ​നാണ്‌ അവൾ ആഗ്രഹി​ച്ചത്‌. ഇതു സംബന്ധിച്ച്‌ ബൈബി​ളി​ന്റെ വീക്ഷണ​മെ​ന്താണ്‌? “ദൈവ​ത്തി​ന്നു മുഖപ​ക്ഷ​മില്ല” എന്നും “അവൻ ഒരുത്ത​നിൽനി​ന്നു മനുഷ്യ​ജാ​തി​യെ ഒക്കെയും ഉളവാക്കി” എന്നും അത്‌ നമ്മോടു പറയുന്നു. (പ്രവൃ​ത്തി​കൾ 10:34, 35; 17:26) മനുഷ്യർക്കെ​ല്ലാം പൊതു​വായ ഉത്ഭവമാ​ണു​ള്ളത്‌, ദൈവ​ത്തി​ന്റെ ദൃഷ്ടി​യിൽ എല്ലാവർക്കും തുല്യ​സ്ഥാ​ന​മാ​ണു​ള്ളത്‌.

എല്ലാ വിവാ​ഹിത ദമ്പതി​കൾക്കും “ജഡത്തിൽ കഷ്ടത” ഉണ്ടെങ്കി​ലും വ്യത്യസ്‌ത വർഗങ്ങ​ളിൽപ്പെട്ട ദമ്പതികൾ മറ്റു വെല്ലു​വി​ളി​ക​ളെ​യും അഭിമു​ഖീ​ക​രി​ച്ചേ​ക്കാം. (1 കൊരി​ന്ത്യർ 7:28) കാരണം? വിദ്വേ​ഷ​പൂ​രി​ത​മായ ഇന്നത്തെ ലോക​ത്തിൽ, മനുഷ്യ​വർഗ​ങ്ങ​ളെ​ക്കു​റി​ച്ചുള്ള ദൈവി​ക​വീ​ക്ഷണം പലരും അംഗീ​ക​രി​ക്കു​ന്നില്ല. ചില പാശ്ചാ​ത്യ​രാ​ജ്യ​ങ്ങ​ളിൽ വ്യത്യസ്‌ത വർഗങ്ങ​ളിൽപ്പെ​ട്ടവർ തമ്മിലുള്ള വിവാഹം സർവസാ​ധാ​ര​ണ​മാ​ണെ​ങ്കി​ലും ചില പ്രദേ​ശ​ങ്ങ​ളിൽ അത്തരക്കാർക്ക്‌ ശക്തമായ മുൻവി​ധി​യെ നേരി​ടേണ്ടി വരുന്നു. അതു​കൊണ്ട്‌, നിങ്ങൾ അത്തരം സമ്മർദ​ങ്ങളെ കൈകാ​ര്യം ചെയ്യാ​റാ​യി​ട്ടി​ല്ലെന്ന്‌ മാതാ​പി​താ​ക്കൾ ഭയപ്പെ​ട്ടേ​ക്കാം.

“അത്‌ ഞങ്ങൾക്കു താങ്ങാ​വു​ന്നതി​ലു​മ​ധി​ക​മാ​യി​രി​ക്കു​മെന്ന്‌ എന്റെ മാതാ​പി​താ​ക്കൾ വിചാ​രി​ച്ചു,” ലിൻ സമ്മതി​ക്കു​ന്നു. എന്നാൽ ലിൻ ബുദ്ധി​പൂർവം പ്രവർത്തി​ച്ചു. അവൾ അവരുടെ വികാ​ര​ങ്ങളെ മാനിച്ചു, വിവാ​ഹ​ത്തി​ലേക്ക്‌ അവൾ എടുത്തു​ചാ​ടി​യില്ല. മാതാ​പി​താ​ക്കൾ ലിന്നിന്റെ പക്വത നിരീ​ക്ഷി​ക്കു​ക​യും അവൾ സ്‌നേ​ഹി​ച്ചി​രുന്ന പുരു​ഷ​നു​മാ​യി നന്നായി പരിച​യ​ത്തി​ലാ​കു​ക​യും ചെയ്‌ത​പ്പോൾ ഈ വിവാ​ഹ​ത്തി​ന്റെ സമ്മർദ​ങ്ങളെ അവൾക്ക്‌ കൈകാ​ര്യം ചെയ്യാൻ സാധി​ക്കു​മെന്ന്‌ അവർക്കു​റ​പ്പാ​യി. ലിൻ പറയുന്നു: “ഞങ്ങൾ ഇരുവ​രും സന്തുഷ്ട​രാ​യി​രി​ക്കു​മെന്ന്‌ ഉറപ്പാ​യ​പ്പോൾ ഞങ്ങളുടെ വിവാഹം നടത്തി​ത്ത​രാൻ അവർക്കു സന്തോ​ഷ​മാ​യി​രു​ന്നു.”

ചില​പ്പോൾ വർഗമാ​യി​രി​ക്കില്ല, സംസ്‌കാ​ര​മാ​യി​രി​ക്കും പ്രശ്‌നം. ജീവി​ത​രീ​തി​യും പ്രതീ​ക്ഷ​ക​ളും ഭക്ഷണം, സംഗീതം, വിനോ​ദം എന്നിവ​യി​ലെ അഭിരു​ചി​ക​ളും നിങ്ങളു​ടേ​തിൽനി​ന്നു വളരെ വിഭി​ന്ന​മാ​യി​രി​ക്കുന്ന ഒരാ​ളോ​ടൊ​പ്പം ജീവി​ക്കു​ന്നത്‌ കുറച്ചു കഴിയു​മ്പോൾ ബുദ്ധി​മു​ട്ടാ​യി​ത്തീ​രു​മെന്ന്‌ മാതാ​പി​താ​ക്കൾ ചിന്തി​ച്ചേ​ക്കാം. സാഹച​ര്യം എന്തായി​രു​ന്നാ​ലും വ്യത്യസ്‌ത വർഗത്തി​ലോ സംസ്‌കാ​ര​ത്തി​ലോ പെട്ട ഒരാളെ വിവാഹം കഴിക്കു​ന്നത്‌ വലിയ വെല്ലു​വി​ളി​കൾ ഉയർത്തി​യേ​ക്കാം. അവ നേരി​ടാൻ നിങ്ങൾ തയ്യാറാ​ണോ?

മാതാ​വി​ന്റെ​യോ പിതാ​വി​ന്റെ​യോ എതിർപ്പ്‌ അന്യാ​യ​മാ​യി തോന്നു​മ്പോൾ

നിങ്ങളു​ടെ മാതാ​പി​താ​ക്ക​ളു​ടെ എതിർപ്പ്‌ ഒട്ടും ന്യായ​യു​ക്ത​മ​ല്ലാ​ത്ത​താ​യി തോന്നു​ന്നെ​ങ്കി​ലോ? ഫെയ്‌ത്ത്‌ എന്നു പേരുള്ള ഒരു യുവതി അവളുടെ അമ്മയെ​പ്പറ്റി പറയു​ന്നത്‌ ഇങ്ങനെ​യാണ്‌: “മമ്മി ഒട്ടേറെ പ്രാവ​ശ്യം വിവാ​ഹ​മോ​ചനം നേടി​യി​ട്ടുണ്ട്‌. വിവാഹം കഴിച്ച വ്യക്തിയെ അറിഞ്ഞു​വ​രു​മ്പോ​ഴേ​ക്കും വളരെ വൈകി​പ്പോ​യി​രി​ക്കു​മെ​ന്നാണ്‌ മമ്മി പറയു​ന്നത്‌. വിവാ​ഹ​ജീ​വി​ത​ത്തിൽ ഞാൻ സന്തുഷ്ട​യാ​യി​രി​ക്കി​ല്ലെന്ന്‌ മമ്മി ഉറപ്പി​ച്ചു​ക​ഴി​ഞ്ഞു.” പലപ്പോ​ഴും, വിജയ​പ്ര​ദ​മായ വിവാ​ഹ​ജീ​വി​തം നയിച്ചി​ട്ടി​ല്ലാത്ത മാതാ​പി​താ​ക്കൾക്ക്‌ തങ്ങളുടെ മക്കളുടെ വിവാ​ഹത്തെ ശുഭ​പ്ര​തീ​ക്ഷ​യോ​ടെ കാണാൻ കഴി​ഞ്ഞെ​ന്നു​വ​രില്ല. ചില സാഹച​ര്യ​ങ്ങ​ളിൽ മകന്റെ​യോ മകളു​ടെ​യോ വിവാ​ഹത്തെ എതിർക്കു​ന്ന​തി​നു പിന്നിലെ മാതാ​പി​താ​ക്ക​ളു​ടെ ആന്തരം ചോദ്യം​ചെ​യ്യ​ത്ത​ക്ക​താ​യി​രി​ക്കാം. കാരണം മകന്റെ അല്ലെങ്കിൽ മകളുടെ ജീവി​ത​ത്തി​ന്മേ​ലുള്ള പിടി​വി​ട്ടു​പോ​കാ​തി​രി​ക്കാ​നാ​യി​രി​ക്കാം അവരങ്ങനെ ചെയ്യു​ന്നത്‌.

മാതാ​പി​താ​ക്കൾ നിങ്ങളു​ടെ ന്യായ​വാ​ദം ശ്രദ്ധി​ക്കാൻ മനസ്സു​കാ​ട്ടു​ന്നി​ല്ലെ​ങ്കി​ലോ? യഹോ​വ​യു​ടെ സാക്ഷി​കൾക്കി​ട​യി​ലാ​ണെ​ങ്കിൽ കുടും​ബ​പ്ര​ശ്‌നങ്ങൾ ഒത്തുതീർപ്പി​ലാ​ക്കാൻ സഭാമൂ​പ്പ​ന്മാ​രു​ടെ സഹായം അഭ്യർഥി​ക്കാ​വു​ന്ന​താണ്‌. ആരു​ടെ​യും പക്ഷംപി​ടി​ക്കാ​തെ, സൗമ്യ​ത​യോ​ടും ശാന്തത​യോ​ടും​കൂ​ടെ ഫലപ്ര​ദ​മായ രീതി​യിൽ കാര്യങ്ങൾ ചർച്ച ചെയ്യാൻ അവർക്ക്‌ കുടും​ബാം​ഗ​ങ്ങളെ സഹായി​ക്കാ​നാ​കും.—യാക്കോബ്‌ 3:18.

സമാധാ​നം അന്വേ​ഷി​ക്കൽ

സാമ്പത്തി​ക​പ്ര​ശ്‌ന​ങ്ങ​ളോ നിങ്ങളു​ടെ ഇണയാ​കാൻ പോകുന്ന ആളിന്റെ വ്യക്തി​ത്വ​മോ പോലുള്ള മറ്റു പല ഘടകങ്ങ​ളും മാതാ​പി​താ​ക്ക​ളു​ടെ എതിർപ്പി​നു കാരണ​മാ​യേ​ക്കാം. എയ്‌ഡ്‌സി​ന്റെ​യും മറ്റ്‌ ലൈം​ഗി​ക​രോ​ഗ​ങ്ങ​ളു​ടെ​യും ഈ യുഗത്തിൽ നിങ്ങളു​ടെ പ്രതി​ശ്രു​ത​വ​ര​നോ വധുവോ ക്രിസ്‌ത്യാ​നി​യാ​യി​ത്തീ​രു​ന്ന​തി​നു​മുമ്പ്‌ കുത്തഴിഞ്ഞ ജീവിതം നയിച്ചി​ട്ടുള്ള ഒരു വ്യക്തി​യാ​ണെ​ങ്കിൽ മാതാ​പി​താ​ക്കൾക്ക്‌ നിങ്ങളു​ടെ ആരോ​ഗ്യ​ത്തെ​ക്കു​റിച്ച്‌ ഉത്‌കണ്‌ഠ തോന്നുക തികച്ചും ഉചിത​മാണ്‌.b

മാതാ​പി​താ​ക്ക​ളോ​ടൊ​പ്പം കഴിയു​ന്നി​ട​ത്തോ​ളം കാലം അവർക്ക്‌ നിങ്ങളു​ടെ മേലുള്ള അധികാ​രത്തെ അംഗീ​ക​രി​ക്കാൻ നിങ്ങൾ ബാധ്യ​സ്ഥ​രാണ്‌. (കൊ​ലൊ​സ്സ്യർ 3:20) അതല്ല, നിങ്ങൾ സ്വന്തം കാലിൽ നിൽക്കാൻ പ്രാപ്‌ത​നാ​ണെ​ങ്കി​ലും സ്വന്തമായ തീരു​മാ​ന​മെ​ടു​ക്കാൻ പ്രായ​മാ​യെ​ങ്കി​ലും മാതാ​പി​താ​ക്ക​ളു​ടെ താത്‌പ​ര്യ​ങ്ങളെ തിടു​ക്ക​ത്തിൽ തള്ളിക്ക​ള​യ​രുത്‌. ശ്രദ്ധി​ക്കാൻ സന്നദ്ധത കാട്ടുക. (സദൃശ​വാ​ക്യ​ങ്ങൾ 23:22) വിവാ​ഹ​ത്തി​ന്റെ ഭവിഷ്യ​ത്തു​കളെ ശ്രദ്ധാ​പൂർവം തൂക്കി​നോ​ക്കുക.—ലൂക്കൊസ്‌ 14:28 താരത​മ്യം ചെയ്യുക.

അങ്ങനെ ചെയ്‌ത​ശേ​ഷ​വും നിങ്ങൾ വിവാഹം കഴിക്കാൻ ആഗ്രഹി​ക്കു​ന്നു​വെ​ന്നി​രി​ക്കട്ടെ. ആ തീരു​മാ​ന​ത്തി​ന്റെ മുഴു ഉത്തരവാ​ദി​ത്വ​വും നിങ്ങൾ വഹി​ക്കേ​ണ്ടി​വ​രും. (ഗലാത്യർ 6:5) മാതാ​പി​താ​ക്ക​ളു​ടെ കാഴ്‌ച​പ്പാട്‌ കണക്കി​ലെ​ടു​ക്കാൻ നിങ്ങൾ എല്ലാ ശ്രമവും ചെയ്‌തി​ട്ടു​ണ്ടെ​ങ്കിൽ നിങ്ങളു​ടെ തീരു​മാ​നത്തെ വിമു​ഖ​ത​യോ​ടെ​യാ​ണെ​ങ്കി​ലും പിന്തു​ണ​യ്‌ക്കാൻ അവർ പ്രേരി​ത​രാ​കും. എന്നാൽ അവർ തുടർന്നും എതിർപ്പു​കൾ ഉന്നയി​ക്കു​ക​യാ​ണെ​ങ്കിൽ അവരോ​ടു നീരസ​പ്പെ​ടു​ക​യോ ദേഷ്യ​പ്പെ​ടു​ക​യോ ചെയ്യരുത്‌. ഓർക്കുക: നിങ്ങളു​ടെ മാതാ​പി​താ​ക്കൾ നിങ്ങളെ സ്‌നേ​ഹി​ക്കു​ന്നു, നിങ്ങളു​ടെ ഭാവി സന്തുഷ്ടി​യെ​ക്കു​റിച്ച്‌ അവർ ചിന്തയു​ള്ള​വ​രാണ്‌. അവരു​മാ​യി സമാധാ​ന​ത്തി​ലാ​കാൻ ശ്രമി​ക്കുക. നിങ്ങൾ വിജയ​പ്ര​ദ​മായ ഒരു വിവാ​ഹ​ജീ​വി​തം നയിക്കു​മ്പോൾ ഒരുപക്ഷേ അവരുടെ മനോ​ഭാ​വ​ത്തിന്‌ അയവു വന്നേക്കാം.

മറിച്ച്‌, മാതാ​പി​താ​ക്കൾക്കു പറയാ​നു​ള്ള​തെ​ല്ലാം കണക്കി​ലെ​ടുത്ത്‌ നിങ്ങ​ളെ​യും നിങ്ങൾ വിവാഹം കഴിക്കാൻ അതിയാ​യി ആഗ്രഹി​ക്കുന്ന ആ വ്യക്തി​യെ​യും പഠിച്ച​ശേഷം മാതാ​പി​താ​ക്കൾ പറഞ്ഞതു​ത​ന്നെ​യാ​യി​രു​ന്നു ശരി എന്ന ഞെട്ടി​ക്കുന്ന നിഗമ​ന​ത്തി​ലാണ്‌ എത്തി​ച്ചേ​രു​ന്ന​തെ​ങ്കിൽ അതിശ​യി​ക്ക​രുത്‌.

[അടിക്കു​റി​പ്പു​കൾ]

[21-ാം പേജിലെ ചിത്രം]

നിങ്ങൾക്കു വിവാ​ഹ​പ്രാ​യ​മാ​യി​ട്ടി​ല്ലെന്ന്‌ നിങ്ങളു​ടെ മാതാ​പി​താ​ക്കൾക്കു തോന്നി​യേ​ക്കാം