തീ ത്തൊസ്‌—“നിങ്ങളു​ടെ താത്‌പ​ര്യ​ങ്ങൾക്കു വേണ്ടി​യുള്ള ഒരു കൂട്ടു​വേ​ല​ക്കാ​രൻ”

ഒന്നാം നൂറ്റാ​ണ്ടി​ലെ ക്രിസ്‌തീയ സഭയിൽ ചില​പ്പോ​ഴൊ​ക്കെ പ്രശ്‌നങ്ങൾ പൊന്തി​വ​ന്നി​രു​ന്നു. ഇവ പരിഹ​രി​ക്ക​പ്പെ​ടേ​ണ്ടി​യി​രു​ന്നു. അതിന്‌ ധൈര്യ​വും അനുസ​ര​ണ​വും ആവശ്യ​മാ​യി​രു​ന്നു. അത്തരം പല വെല്ലു​വി​ളി​ക​ളെ​യും വിജയ​ക​ര​മാ​യി അഭിമു​ഖീ​ക​രിച്ച ഒരുവൻ ആയിരു​ന്നു തീത്തൊസ്‌. പൗലൊസ്‌ അപ്പൊ​സ്‌ത​ല​നോ​ടൊ​പ്പം വേലയിൽ പങ്കെടുത്ത ഒരുവൻ എന്ന നിലയിൽ, യഹോ​വ​യു​ടെ വിധത്തിൽ കാര്യങ്ങൾ ചെയ്യാൻ മറ്റുള്ള​വരെ സഹായി​ക്കു​ന്ന​തിന്‌ അവൻ ആത്മാർഥ​മാ​യി ശ്രമിച്ചു. അതു​കൊണ്ട്‌, പൗലൊസ്‌ കൊരി​ന്തി​ലെ ക്രിസ്‌ത്യാ​നി​ക​ളോട്‌ ‘അവരുടെ താത്‌പ​ര്യ​ങ്ങൾക്കു​വേ​ണ്ടി​യുള്ള ഒരു കൂട്ടു​വേ​ല​ക്കാ​രൻ’ ആണ്‌ തീത്തൊസ്‌ എന്നു പറഞ്ഞു.—2 കൊരി​ന്ത്യർ 8:23, NW.

തീത്തൊസ്‌ ആരായി​രു​ന്നു? പ്രശ്‌നങ്ങൾ പരിഹ​രി​ക്കു​ന്ന​തിൽ അവൻ എന്തു പങ്കു വഹിച്ചു? അവന്റെ സ്വഭാവം പരിചി​ന്തി​ക്കു​ന്ന​തിൽനി​ന്നു നമുക്ക്‌ എങ്ങനെ പ്രയോ​ജനം നേടാം?

പരി​ച്ഛേദന പ്രശ്‌നം

തീത്തൊസ്‌ പരി​ച്ഛേ​ദ​ന​യേൽക്കാത്ത ഒരു യവനൻ ആയിരു​ന്നു. (ഗലാത്യർ 2:3)a “നമുക്കു പൊതു​വാ​യി ഉള്ള വിശ്വാ​സ​ത്താൽ എന്റെ യഥാർഥ​പു​ത്ര​നായ”വൻ എന്നു പൗലൊസ്‌ തീത്തൊ​സി​നെ വിശേ​ഷി​പ്പി​ക്കു​ന്ന​തു​കൊണ്ട്‌, അവൻ അപ്പൊ​സ്‌ത​ലന്റെ ആത്മീയ മക്കളിൽ ഒരുവൻ ആയിരു​ന്നി​രി​ക്കാം. (തീത്തൊസ്‌ 1:4, ഓശാന ബൈ. 1 തിമൊ​ഥെ​യൊസ്‌ 1:2 താരത​മ്യം ചെയ്യുക.) പൗലൊ​സും ബർന്നബാ​സും സിറി​യ​യി​ലെ അന്ത്യോ​ക്യ​യിൽനി​ന്നുള്ള മറ്റുള്ള​വ​രും പരി​ച്ഛേദന പ്രശ്‌നം ചർച്ച ചെയ്യാൻ പൊ.യു. 49-നോട​ടുത്ത്‌ യെരൂ​ശ​ലേ​മി​ലേക്കു പോയ​പ്പോൾ, തീത്തൊ​സും അവരോ​ടു​കൂ​ടെ ഉണ്ടായി​രു​ന്നു.—പ്രവൃ​ത്തി​കൾ 15:1, 2; ഗലാത്യർ 2:1.

പരി​ച്ഛേ​ദ​ന​യേൽക്കാത്ത വിജാ​തീ​യ​രു​ടെ പരിവർത്തനം യെരൂ​ശ​ലേ​മിൽ ചർച്ചാ​വി​ഷ​യ​മാ​യി​രുന്ന സമയമാ​യി​രു​ന്നു അത്‌. അതു​കൊണ്ട്‌, പരി​ച്ഛേ​ദ​ന​യേ​റ്റവർ ആയാലും അല്ലെങ്കി​ലും യഹൂദർക്കും യഹൂ​ദേ​ത​രർക്കും ദൈവ​പ്രീ​തി​യി​ലേക്കു വരാൻ കഴിയും എന്നു പ്രകട​മാ​ക്കാ​നാ​യി​രി​ക്കും തീത്തൊ​സി​നെ​യും കൂടെ കൊണ്ടു​പോ​യത്‌ എന്നു വിചാ​രി​ക്ക​പ്പെ​ടു​ന്നു. ക്രിസ്‌ത്യാ​നി​ത്വം സ്വീക​രി​ക്കു​ന്ന​തി​നു മുമ്പ്‌ പരീശ​ന്മാ​രാ​യി​രുന്ന ചില യെരൂ​ശ​ലേം സഭാം​ഗങ്ങൾ വിജാ​തീയ മതപരി​വർത്തി​തർ പരി​ച്ഛേ​ദ​ന​യേൽക്കാ​നും ന്യായ​പ്ര​മാ​ണം അനുസ​രി​ക്കാ​നും കടപ്പെ​ട്ടവർ ആണ്‌ എന്നു വാദിച്ചു, എന്നാൽ ഈ വാദം വില​പ്പോ​യില്ല. തീത്തൊ​സി​നെ​യും മറ്റു വിജാ​തീ​യ​രെ​യും പരി​ച്ഛേ​ദ​ന​യ്‌ക്കു നിർബ​ന്ധി​ക്കു​ന്നത്‌, രക്ഷ ന്യായ​പ്ര​മാ​ണ​ത്തി​ന്റെ പ്രവൃ​ത്തി​ക​ളിൽ അല്ല, യഹോ​വ​യു​ടെ അനർഹ​ദ​യ​യി​ലും യേശു​ക്രി​സ്‌തു​വി​ലുള്ള വിശ്വാ​സ​ത്തി​ലും ആണ്‌ ആശ്രയി​ച്ചി​രി​ക്കു​ന്നത്‌ എന്ന വസ്‌തു​തയെ നിരാ​ക​രി​ക്കു​ന്ന​തിന്‌ തുല്യ​മാ​കു​മാ​യി​രു​ന്നു. കൂടാതെ അത്‌ വിജാ​തീ​യർക്കും, അഥവാ ജാതി​ക​ളി​ലെ ആളുകൾക്കും ദൈവ​ത്തി​ന്റെ പരിശു​ദ്ധാ​ത്മാ​വി​നെ ലഭിച്ചി​രി​ക്കു​ന്നു എന്നതിന്റെ തെളി​വി​നെ നിരാ​ക​രി​ക്കു​ന്ന​തി​നെ​യും അർഥമാ​ക്കു​മാ​യി​രു​ന്നു.—പ്രവൃ​ത്തി​കൾ 15:5-12.

കൊരി​ന്തി​ലേക്ക്‌ അയയ്‌ക്ക​പ്പെ​ടു​ന്നു

പരി​ച്ഛേദന പ്രശ്‌നം പരിഹ​രി​ക്ക​പ്പെ​ട്ട​പ്പോൾ, പൗലൊ​സി​നും ബർന്നബാ​സി​നും ജാതി​ക​ളോ​ടു പ്രസം​ഗി​ക്കു​ന്ന​തി​നുള്ള പൂർണ അധികാ​രം ലഭിച്ചു. അതേസ​മയം, ദരി​ദ്ര​രോട്‌ അനുഭാ​വം ഉള്ളവരാ​യി​രി​ക്കാ​നും അവർ ശ്രമിച്ചു. (ഗലാത്യർ 2:9, 10) നിശ്ചയ​മാ​യും, ഏതാണ്ട്‌ ആറു വർഷത്തി​നു​ശേഷം തീത്തൊസ്‌ കൊരി​ന്തിൽ പൗലൊ​സി​ന്റെ പ്രതി​നി​ധി എന്ന നിലയിൽ വിശു​ദ്ധ​ന്മാർക്കുള്ള ധനശേ​ഖ​രണം നടത്തു​ന്ന​വ​നാ​യി നിശ്വസ്‌ത രേഖയിൽ വീണ്ടും പരാമർശി​ക്ക​പ്പെ​ടു​ന്നു. തീത്തൊസ്‌ ഈ വേലയിൽ ഏർപ്പെ​ട്ടി​രി​ക്കവേ, അവന്‌ ഒരു സമ്മർദ​പൂ​രിത സ്ഥിതി​വി​ശേ​ഷത്തെ അഭിമു​ഖീ​ക​രി​ക്കേ​ണ്ടി​വ​രു​ന്നു.

“ദുർന്ന​ട​പ്പു​കാ​രോ​ടു സംസർഗ്ഗം അരുതു” എന്നു പൗലൊസ്‌ കൊരി​ന്ത്യർക്ക്‌ ആദ്യം എഴുതി​യി​രു​ന്നു എന്ന്‌ അവർക്കുള്ള അവന്റെ ലേഖനം വെളി​പ്പെ​ടു​ത്തു​ന്നു. അനുതാ​പം കാട്ടാത്ത ഒരു പരസം​ഗ​ക്കാ​രനെ അവരുടെ ഇടയിൽനി​ന്നു നീക്കി​ക്ക​ള​യാൻ അവന്‌ അവരോ​ടു പറയേ​ണ്ടി​വന്നു. അതേ, പൗലൊ​സിന്‌ കടുത്ത വാക്കുകൾ ഉപയോ​ഗിച്ച്‌ “വളരെ കണ്ണുനീ​രോ​ടു​കൂ​ടെ” എഴു​തേ​ണ്ടി​വന്നു. (1 കൊരി​ന്ത്യർ 5:9-13; 2 കൊരി​ന്ത്യർ 2:4) അതിനി​ടെ, ദരി​ദ്ര​രായ യഹൂദ്യ ക്രിസ്‌ത്യാ​നി​കൾക്കാ​യി നടന്നു​കൊ​ണ്ടി​രുന്ന ധനശേ​ഖ​ര​ണ​ത്തിൽ സഹായി​ക്കാൻ തീത്തൊസ്‌ കൊരി​ന്തി​ലേക്ക്‌ അയക്ക​പ്പെട്ടു. ഒരുപക്ഷേ കൊരി​ന്ത്യർക്കുള്ള പൗലൊ​സി​ന്റെ ലേഖന​ത്തോ​ടുള്ള പ്രതി​ക​രണം നിരീ​ക്ഷി​ക്കുക എന്ന മറ്റൊരു കാരണ​വും അവനെ അയച്ചതി​നു പിന്നിൽ ഉണ്ടായി​രു​ന്നി​രി​ക്കാം.—2 കൊരി​ന്ത്യർ 8:1-6.

പൗലൊ​സി​ന്റെ ബുദ്ധ്യു​പ​ദേ​ശ​ത്തോ​ടു കൊരി​ന്ത്യർ എങ്ങനെ പ്രതി​ക​രി​ക്കു​മാ​യി​രു​ന്നു? അറിയാ​നുള്ള ആകാം​ക്ഷ​യിൽ പൗലൊസ്‌ തീത്തൊ​സി​നെ എഫെ​സൊ​സിൽനിന്ന്‌, എത്രയും വേഗം മടങ്ങണം എന്ന നിർദേ​ശ​ത്തോ​ടെ, ഈജിയൻ കടലി​ന​ക്ക​രെ​യുള്ള കൊരി​ന്തി​ലേക്ക്‌ അയച്ചി​രി​ക്കാം. ശൈത്യ​കാ​ലത്ത്‌ (നവംബർ മധ്യ​ത്തോ​ടെ) ജലഗതാ​ഗതം നിർത്തി​യി​ടു​ന്ന​തി​നു മുമ്പ്‌ അത്തര​മൊ​രു ദൗത്യം പൂർത്തി​യാ​ക്കി​യാൽ, തീത്തൊ​സിന്‌ കപ്പൽമാർഗം ത്രോ​വാ​സി​ലേക്കു പോകാ​നോ, അല്ലെങ്കിൽ വഴികൂ​ടു​ത​ലാ​ണെ​ങ്കി​ലും കരമാർഗം ഹെലസ്‌പാ​ന്റി​ലൂ​ടെ അവി​ടേക്കു പോകാ​നോ സാധി​ക്കു​മാ​യി​രു​ന്നു. ത്രോ​വാ​സിൽ കണ്ടുമു​ട്ടാ​മെന്ന്‌ ഏറ്റിരുന്ന സ്ഥലത്ത്‌ പൗലൊസ്‌ നേരത്തേ എത്തിയി​രി​ക്കണം, കാരണം വെള്ളി​പ്പ​ണി​ക്കാർ ഇളക്കി​വിട്ട ലഹള നിമിത്തം പ്രതീ​ക്ഷി​ച്ച​തി​ലും നേരത്തേ എഫെ​സൊസ്‌ വിടാൻ അവൻ നിർബ​ന്ധി​ത​നാ​യി. ത്രോ​വാ​സിൽ ആകാം​ക്ഷ​യോ​ടെ കാത്തി​രുന്ന ശേഷം, പൗലൊ​സി​നു മനസ്സി​ലാ​യി തീത്തൊസ്‌ സമു​ദ്ര​മാർഗം അല്ല വരുന്നത്‌ എന്ന്‌. അതു​കൊണ്ട്‌, മാർഗ​മ​ധ്യേ അവനെ കണ്ടുമു​ട്ടാ​മെന്ന പ്രതീ​ക്ഷ​യിൽ പൗലൊസ്‌ കരമാർഗം യാത്ര പുറ​പ്പെട്ടു. യൂറോ​പ്പിൽ എത്തിയ ഉടനെ വിയാ എഗ്നാറ്റി​യാ മാർഗം സഞ്ചരിച്ച പൗലൊസ്‌ അവസാനം മക്കെ​ദോ​ന്യ​യിൽവെച്ച്‌ തീത്തൊ​സി​നെ കണ്ടുമു​ട്ടി. കൊരി​ന്തിൽനി​ന്നു സദ്‌വാർത്ത ലഭിച്ച​തിൽ പൗലൊ​സിന്‌ വലിയ ആശ്വാ​സ​വും സന്തോ​ഷ​വും തോന്നി. അപ്പൊ​സ്‌ത​ലന്റെ ബുദ്ധ്യു​പ​ദേ​ശ​ത്തോട്‌ സഭ അനുകൂ​ല​മാ​യി പ്രതി​ക​രി​ച്ചി​രു​ന്നു.—2 കൊരി​ന്ത്യർ 2:12, 13; 7:5-7.

തന്റെ പ്രതി​നി​ധിക്ക്‌ ഏതുതരം സ്വാഗതം ലഭിക്കു​മെ​ന്ന​തിൽ പൗലൊസ്‌ വ്യാകു​ല​പ്പെ​ട്ടി​രു​ന്നെ​ങ്കി​ലും, ദൈവം തീത്തൊ​സി​നെ തന്റെ നിയമനം നിറ​വേ​റ്റാൻ സഹായി​ച്ചു. തീത്തൊ​സി​നെ അവർ “ഭയത്തോ​ടും വിറയ​ലോ​ടും” കൂടെ കൈ​ക്കൊ​ണ്ടു. (2 കൊരി​ന്ത്യർ 7:8-15) വ്യാഖ്യാ​താവ്‌ ആയ ഡബ്ലിയു. ഡി. തോമ​സി​ന്റെ വാക്കു​ക​ളിൽ പറയു​ക​യാ​ണെ​ങ്കിൽ, “പൗലൊ​സി​ന്റെ അപലപ​ന​ത്തിൽ അടങ്ങി​യി​രി​ക്കുന്ന ഗൗരവം ഒട്ടും കുറയ്‌ക്കാ​തെ​തന്നെ [തീത്തൊസ്‌] കൊരി​ന്ത്യ​രോട്‌ വിദഗ്‌ധ​മാ​യും നയപര​മാ​യും അഭ്യർഥി​ക്കു​ക​യും അവരു​ടെ​തന്നെ ആത്മീയ ക്ഷേമത്തെ പ്രതി​യാണ്‌ പൗലൊസ്‌ അവരോട്‌ അങ്ങനെ സംസാ​രി​ച്ചത്‌ എന്ന്‌ അവരെ ധരിപ്പി​ക്കു​ക​യും ചെയ്‌തി​രി​ക്കു​മെന്നു നമുക്കു വിചാ​രി​ക്കാ​വു​ന്ന​താണ്‌.” പ്രസ്‌തുത ദൗത്യ​ത്തി​നി​ട​യിൽ, കൊരി​ന്ത്യ ക്രിസ്‌ത്യാ​നി​ക​ളു​ടെ അനുസരണ മനോ​ഭാ​വ​ത്തെ​യും പ്രയോ​ജ​ന​പ്ര​ദ​മായ മാറ്റങ്ങ​ളെ​യും പ്രതി തീത്തൊ​സിന്‌ അവരോ​ടു പ്രിയം തോന്നാ​നി​ട​യാ​യി. അവരുടെ പ്രശം​സാർഹ​മായ മനോ​ഭാ​വം അവന്‌ പ്രോ​ത്സാ​ഹ​ന​ത്തി​ന്റെ ഒരു ഉറവായി.

കൊരി​ന്തി​ലേ​ക്കുള്ള തീത്തൊ​സി​ന്റെ ദൗത്യ​ത്തി​ന്റെ ഒരു ഭാഗം ആയിരുന്ന, യഹൂദ്യ​യി​ലെ വിശു​ദ്ധ​ന്മാർക്കു വേണ്ടി​യുള്ള ധനശേ​ഖ​ര​ണ​ത്തി​ന്റെ കാര്യ​മോ? തീത്തൊസ്‌ ആ കാര്യ​വും ചെയ്യു​ന്നു​ണ്ടാ​യി​രു​ന്നു എന്ന്‌ കൊരി​ന്ത്യർക്കുള്ള രണ്ടാം ലേഖന​ത്തിൽനി​ന്നു മനസ്സി​ലാ​ക്കാ​വു​ന്ന​താണ്‌. തീത്തൊ​സും പൗലൊ​സും കണ്ടുമു​ട്ടി​യ​തി​നു​ശേഷം ഉടനെ​തന്നെ, പൊ.യു. 55-ലെ ശരത്‌കാ​ലത്ത്‌ മക്കെ​ദോ​ന്യ​യിൽവെച്ച്‌, എഴുതി​യ​താ​യി​രി​ക്കാം ആ ലേഖനം. ധനശേ​ഖ​രണം തുടങ്ങി​വെച്ച തീത്തൊ​സി​നെ അതു പൂർത്തി​യാ​ക്കു​ന്ന​തി​നു​വേണ്ടി, പേർ നൽക​പ്പെ​ട്ടി​ട്ടി​ല്ലാത്ത രണ്ടു സഹായി​ക​ളോ​ടൊ​പ്പം, അയയ്‌ക്കു​ക​യാ​ണെന്ന്‌ പൗലൊസ്‌ എഴുതി. കൊരി​ന്ത്യ​രിൽ അതീവ തത്‌പ​ര​നാ​യി​രു​ന്ന​തു​കൊണ്ട്‌ തീത്തൊ​സി​നു തിരി​ച്ചു​പോ​കാൻ വലിയ ഉത്സാഹ​മാ​യി​രു​ന്നു. കൊരി​ന്തി​ലേക്കു തിരിച്ചു യാത്ര ചെയ്യവേ, പൗലൊ​സി​ന്റെ കൊരി​ന്ത്യർക്കുള്ള രണ്ടാമത്തെ ലേഖന​വും തീത്തൊസ്‌ കൊണ്ടു​പോ​യി​രി​ക്കാം.—2 കൊരി​ന്ത്യർ 8:6, 17, 18, 22.

തീത്തൊസ്‌ നല്ല ഒരു സംഘാ​ടകൻ മാത്രമല്ല, പ്രയാ​സ​ക​ര​മായ സ്ഥിതി​വി​ശേ​ഷ​ങ്ങ​ളിൽ സങ്കീർണ നിയമ​നങ്ങൾ ഏൽപ്പി​ക്കാ​വുന്ന തരം വ്യക്തി​യും ആയിരു​ന്നു. അവൻ ധൈര്യ​ശാ​ലി​യും പക്വമ​തി​യും അചഞ്ചല​നും ആയിരു​ന്നു. പൗലൊസ്‌ വ്യക്തമാ​യും തീത്തൊ​സി​നെ കൊരി​ന്തി​ലെ “അതി​ശ്രേ​ഷ്‌ഠ​ത​യുള്ള അപ്പൊ​സ്‌ത​ലൻമാ”രിൽനി​ന്നു നേരി​ട്ടു​കൊ​ണ്ടി​രി​ക്കുന്ന വെല്ലു​വി​ളി​കൾ കൈകാ​ര്യം ചെയ്യാൻ പ്രാപ്‌ത​നാ​യി വീക്ഷിച്ചു. (2 കൊരി​ന്ത്യർ 11:5) പ്രയാ​സ​ക​ര​മായ മറ്റൊരു നിയമ​ന​ത്തോ​ടു ബന്ധപ്പെട്ട്‌ തിരു​വെ​ഴു​ത്തു​ക​ളിൽ തീത്തൊ​സി​നെ കുറിച്ചു കാണുന്ന അടുത്ത പരാമർശം ഈ ധാരണയെ ശരി വെക്കു​ന്ന​താണ്‌.

ക്രേത്ത ദ്വീപിൽ

പൊ.യു. 61-നും 64-നും ഇടയിൽ ആയിരി​ക്കാം പൗലൊസ്‌ തീത്തൊ​സിന്‌ എഴുതി​യത്‌. ആ സമയത്ത്‌ തീത്തൊസ്‌ ക്രേത്ത എന്ന മെഡി​റ്റ​റേ​നി​യൻ ദ്വീപിൽ സേവി​ക്കു​ക​യാ​യി​രു​ന്നു. “പിഴവുള്ള സംഗതി​കളെ ശരിയാ​ക്കാ”നും “പട്ടണം​തോ​റും പ്രായ​മുള്ള പുരു​ഷ​ന്മാ​രു​ടെ നിയമ​നങ്ങൾ നടത്താ”നും വേണ്ടി​യാണ്‌ പൗലൊസ്‌ അവനെ അവിടെ ആക്കിയി​ട്ടു പോന്നത്‌. പൊതു​വേ, ക്രേത്ത​നി​വാ​സി​കൾ “നുണയ​ന്മാ​രും ദോഷം ചെയ്യുന്ന കാട്ടു​മൃ​ഗ​ങ്ങ​ളും പണി​യെ​ടു​ക്കാത്ത പെരു​വ​യ​റ​ന്മാ​രും” ആണ്‌ എന്ന ഖ്യാതി​യു​ള്ളവർ ആയിരു​ന്നു. അതു​കൊണ്ട്‌, ക്രേത്ത​യിൽ തീത്തൊ​സിന്‌ വീണ്ടും ചാഞ്ചല്യ​മി​ല്ലാ​തെ സധൈ​ര്യം പ്രവർത്തി​ക്കേ​ണ്ട​താ​യി വരുമാ​യി​രു​ന്നു. (തീത്തൊസ്‌ 1:5, 10-12, NW) അത്‌ വളരെ ഉത്തരവാ​ദി​ത്വ​മുള്ള ഒരു ദൗത്യം ആയിരു​ന്നു, എന്തെന്നാൽ സാധ്യ​ത​യ​നു​സ​രിച്ച്‌ അതായി​രു​ന്നു ആ ദ്വീപി​ലെ ക്രിസ്‌ത്യാ​നി​ത്വ​ത്തി​ന്റെ ഭാവി നിർണ​യി​ക്കു​മാ​യി​രു​ന്നത്‌. ഭാവി മേൽവി​ചാ​ര​ക​ന്മാ​രിൽ എന്തെല്ലാം നിരീ​ക്ഷി​ക്കേ​ണ്ട​തു​ണ്ടെന്ന്‌ നിശ്വ​സ്‌ത​ത​യിൽ പൗലൊസ്‌ വ്യക്തമാ​ക്കി​ക്കൊണ്ട്‌ തീത്തൊ​സി​നെ സഹായി​ച്ചു. ഇന്നും ആ യോഗ്യ​തകൾ പരിഗ​ണി​ച്ചു​കൊ​ണ്ടാണ്‌ ക്രിസ്‌തീയ മൂപ്പന്മാ​രെ നിയമി​ക്കു​ന്നത്‌.

തീത്തൊസ്‌ ക്രേത്ത വിട്ടു​പോ​യത്‌ എപ്പോ​ഴാ​ണെന്നു തിരു​വെ​ഴു​ത്തു​കൾ പറയു​ന്നില്ല. വ്യക്തമാ​യി പറഞ്ഞി​ട്ടി​ല്ലാത്ത ഏതോ ഒരു സമയത്ത്‌ യാത്ര​യിൽ അവിടെ തങ്ങുമാ​യി​രുന്ന സേനാ​സി​നും അപ്പൊ​ല്ലോ​സി​നും ഒരു മുട്ടും വരാതെ അവരുടെ ആവശ്യങ്ങൾ നിറ​വേ​റ്റണം എന്ന്‌ പൗലൊസ്‌ അവനോട്‌ ആവശ്യ​പ്പെ​ടു​ന്ന​തു​കൊണ്ട്‌, അവൻ അവിടെ വേണ്ടത്ര സമയം തങ്ങിയി​രി​ക്കാം. എന്നാൽ തീത്തൊസ്‌ ക്രേത്ത​യിൽ ദീർഘ​നാൾ തങ്ങുമാ​യി​രു​ന്നില്ല. പൗലൊസ്‌ അവി​ടേക്ക്‌ അർത്തെ​മാ​സി​നെ​യോ തിഹി​ക്കൊ​സി​നെ​യോ അയയ്‌ക്കാൻ ഉദ്ദേശി​ക്കു​ന്നു​ണ്ടാ​യി​രു​ന്നു. തീത്തൊസ്‌, അപ്പൊ​സ്‌ത​ലനെ നിക്കൊ​പ്പൊ​ലി​സിൽ—സാധ്യ​ത​യ​നു​സ​രിച്ച്‌ വടക്കു​പ​ടി​ഞ്ഞാ​റെ ഗ്രീസിൽ ആ പേരി​ലുള്ള പ്രമുഖ നഗരം—വെച്ചു കാണേ​ണ്ടി​യി​രു​ന്നു.—തീത്തൊസ്‌ 3:12, 13.

ബൈബിൾ തീത്തൊ​സി​നെ കുറിച്ചു നടത്തുന്ന ഹ്രസ്വ​മായ അവസാന പരാമർശ​ത്തിൽനിന്ന്‌, പൊ.യു. 65-നോട​ടുത്ത്‌ പൗലൊസ്‌ മറ്റൊരു നിയമ​ന​വും നൽകി അവനെ അയച്ചി​രി​ക്കാം എന്നു നാം മനസ്സി​ലാ​ക്കു​ന്നു. അങ്ങനെ അവൻ ദൽമാ​ത്യ​യി​ലേക്കു പോയി. അത്‌ ഇപ്പോ​ഴത്തെ ക്രോ​യേ​ഷ്യ​യി​ലെ അഡ്രി​യാ​റ്റിക്‌ സമു​ദ്ര​ത്തി​ന്റെ കിഴക്കുള്ള ഒരു പ്രദേ​ശ​മാണ്‌. (2 തിമൊ​ഥെ​യൊസ്‌ 4:10) അവിടെ തീത്തൊ​സിന്‌ എന്താണു ചെയ്യേ​ണ്ടി​യി​രു​ന്നത്‌ എന്നു നമ്മോടു പറയു​ന്നില്ല, എന്നാൽ സഭാ കാര്യങ്ങൾ ചിട്ട​പ്പെ​ടു​ത്താ​നും മിഷനറി പ്രവർത്ത​ന​ത്തിൽ ഏർപ്പെ​ടാ​നും ആയിരി​ക്കാം അവനെ അയച്ചത്‌ എന്നു കരുത​പ്പെ​ടു​ന്നു. അങ്ങനെ​യെ​ങ്കിൽ, ക്രേത്ത​യി​ലേ​തി​നു സമാന​മായ ഒരു പദവി​തന്നെ ആയിരി​ക്കാം അവന്‌ ഇവി​ടെ​യും ഉണ്ടായി​രു​ന്നത്‌.

തീത്തൊ​സി​നെ​പ്പോ​ലെ പക്വത​യുള്ള ക്രിസ്‌തീയ മേൽവി​ചാ​ര​ക​ന്മാർ നമുക്കു​ള്ള​തിൽ നാം എത്ര നന്ദിയു​ള്ള​വ​രാണ്‌! തിരു​വെ​ഴു​ത്തു തത്ത്വങ്ങളെ കുറി​ച്ചുള്ള അവരുടെ വ്യക്തമായ ഗ്രാഹ്യ​വും അവർ അവ സധൈ​ര്യം ബാധക​മാ​ക്കു​ന്ന​തും സഭയുടെ ആത്മീയ​തയെ പരിര​ക്ഷി​ക്കാൻ സഹായി​ക്കു​ന്നു. നമുക്ക്‌ അവരുടെ വിശ്വാ​സം അനുക​രി​ക്കു​ക​യും സഹവി​ശ്വാ​സി​ക​ളു​ടെ ആത്മീയ താത്‌പ​ര്യ​ങ്ങൾ ഉന്നമി​പ്പി​ച്ചു​കൊണ്ട്‌ നാം തീത്തൊ​സി​നെ​പ്പോ​ലെ​യാ​ണെന്നു തെളി​യി​ക്കു​ക​യും ചെയ്യാം.—എബ്രായർ 13:7.

[അടിക്കു​റി​പ്പു​കൾ]

[31-ാം പേജിലെ ചിത്രം]

തീത്തൊസ്‌ കൊരി​ന്തി​ലെ​യും മറ്റുള്ളി​ട​ങ്ങ​ളി​ലെ​യും ക്രിസ്‌ത്യാ​നി​ക​ളു​ടെ താത്‌പ​ര്യ​ങ്ങൾക്കു വേണ്ടി​യുള്ള ധൈര്യ​ശാ​ലി​യായ ഒരു കൂട്ടു​വേ​ല​ക്കാ​രൻ ആയിരു​ന്നു