ദൈവം അനീതി​സം​ബ​ന്ധിച്ച്‌ എന്നെങ്കി​ലും എന്തെങ്കി​ലും ചെയ്യു​മോ?

“അത്‌ തികച്ചും നീതിയല്ല.” യുവ വിദ്യാർത്ഥി​നി വ്യക്തി​പ​ര​മാ​യി നീതി​യു​ടെ വ്യക്തമായ നിഷേധം അനുഭ​വി​ച്ച​ശേഷം ധർമ്മ​രോ​ഷ​ത്താൽ പ്രത്യ​ക്ഷ​ത്തിൽ ഞെട്ടി​പ്പോ​യി​രു​ന്നു. “ഒരു ദൈവം ഉണ്ടെങ്കിൽ,” അവൾ തുടർന്നു, “അവന്‌ അത്തരം അനീതി എങ്ങനെ അനുവ​ദി​ക്കാൻ കഴിയും?” നിങ്ങൾ ഈ യുവ വനിത​യോട്‌ സഹാനു​ബോ​ധം കാട്ടു​മാ​യി​രു​ന്നി​ല്ലേ? അതിനു സാധ്യ​ത​യുണ്ട്‌. എന്നാൽ നിങ്ങൾക്ക്‌ അവളുടെ എതിർപ്പിന്‌ ഉത്തരം പറയാ​നും കഴിയു​മാ​യി​രു​ന്നോ?

നിങ്ങൾ ഒരു കുട്ടി​യാ​യി​രു​ന്ന​പ്പോൾ ചില​പ്പോ​ഴൊ​ക്കെ നിങ്ങളു​ടെ മാതാ​പി​താ​ക്കൾ നിങ്ങ​ളോ​ടുള്ള അനീതി​പൂർവ​ക​മായ പെരു​മാ​ററം അനുവ​ദി​ച്ചി​രു​ന്ന​താ​യി തോന്നി​യി​രി​ക്കാം. എന്നാൽ അനീതി​യാ​യി തോന്നിയ ആ കാര്യം അവർ സ്ഥിതി​ചെ​യ്യു​ന്നില്ല എന്ന്‌ തെളി​യി​ച്ചില്ല, ഉവ്വോ? അതു​പോ​ലെ, അനീതി​യു​ടെ ദൈവാ​നു​വാ​ദം ഒരു വിധത്തി​ലും അവൻ സ്ഥിതി​ചെ​യ്യു​ന്നി​ല്ലെന്ന്‌ തെളി​യി​ക്കു​ന്നില്ല.

എന്നിരു​ന്നാ​ലും, ഇത്‌ തികച്ചും വ്യത്യ​സ്‌ത​മായ ഒരു സംഗതി​യാണ്‌ എന്ന്‌ യുവവി​ദ്യാർത്ഥി​നി മറുപടി പറഞ്ഞു. ഒരു അപൂർണ്ണ മാനുഷ പിതാ​വു​തന്നെ അൽപ്പം അനീതി കാട്ടി​യേ​ക്കാം എന്നു​പോ​ലും അവൾ ചൂണ്ടി​ക്കാ​ട്ടി. അല്ലെങ്കിൽ എല്ലാ വസ്‌തു​ത​ക​ളും അറിഞ്ഞു​കൂ​ടാ​ത്ത​തു​കൊണ്ട്‌ അയാൾ അനീതി കാണു​മ്പോൾ അത്‌ തിരി​ച്ച​റി​യു​ന്നി​ല്ലാ​യി​രി​ക്കാം. അതുകൂ​ടാ​തെ, അയാൾ കാണു​ക​തന്നെ ചെയ്‌ത അനീതി സംബന്ധിച്ച്‌ എന്തെങ്കി​ലും ചെയ്യാൻ അയാൾ മാനു​ഷ​പ​രി​മി​തി​കൾ മൂലം അശക്തനാ​യി​രു​ന്നി​രി​ക്കാം. ഇവയൊ​ന്നും സർവജ്ഞ​നും സർവശ​ക്ത​നും ആയ ഒരു നീതി​മാ​നായ ദൈവ​ത്തിന്‌ ബാധക​മാ​കു​ന്നില്ല എന്ന്‌ അവൾ വാദിച്ചു.

അനീതി​യു​ടെ അനുവാ​ദം ദിവ്യ ഗുണങ്ങ​ളോട്‌ കേവലം പൊരു​ത്ത​പ്പെ​ടു​ന്നില്ല എന്ന്‌ നിങ്ങളും വിചാ​രി​ച്ചേ​ക്കാം. എന്നിരു​ന്നാ​ലും, ദൈവ​ത്തി​ന്റെ പരമമായ ജ്ഞാനത്തിൽ ഒരു കാലഘ​ട്ട​ത്തേക്ക്‌ അനീതി അനുവ​ദി​ക്കു​ന്ന​തിന്‌ അവന്‌ ഒരു വിശ്വാ​സ​യോ​ഗ്യ​മായ കാരണ​മു​ണ്ടാ​യി​രി​ക്കു​മോ?

ബൈബിൾ എഴുത്തു​കാർ ദൈവത്തെ “ന്യായ​ത്തെ​യും നീതി​യെ​യും സ്‌നേ​ഹി​ക്കു​ന്നവൻ” എന്ന്‌ പരിഗ​ണി​ച്ചു. “അവന്റെ എല്ലാ വഴിക​ളും നീതി​യാ​കു​ന്നു. വിശ്വ​സ്‌ത​ത​യു​ടെ ഒരു ദൈവം, അവനിൽ അനീതി​യില്ല” എന്ന്‌ മോശ എഴുതി.—സങ്കീർത്തനം 33:5; ആവർത്തനം 32:4; ഇയ്യോബ്‌ 37:23.

യഹോ​വ​യെ അനീതി​യിൽ സന്തോ​ഷി​ക്കാത്ത നീതി​മാ​നായ ഒരു ദൈവം എന്നു വീക്ഷി​ച്ചതു കൂടാതെ, അവൻ ഒരു നാൾ അനീതി​യെ നീക്കം​ചെ​യ്യു​മെ​ന്നു​ള്ള​തി​നോട്‌ ബൈബി​ളെ​ഴു​ത്തു​കാർ യോജി​ക്കു​ക​യും​ചെ​യ്‌തു. ദൃഷ്ടാ​ന്ത​ത്തിന്‌ യെശയ്യാവ്‌ ഈ അവസ്ഥ മുൻകൂ​ട്ടി​പ​റഞ്ഞു: “നോക്കൂ! ഒരു രാജാവ്‌ നീതി​ക്കു​വേ​ണ്ടി​തന്നെ വാഴും; പ്രഭു​ക്കൻമാ​രെ സംബന്ധിച്ച്‌, അവർ നീതി​ക്കു​വേണ്ടി തന്നെയുള്ള പ്രഭു​ക്കൻമാ​രാ​യി ഭരിക്കും. മരുഭൂ​മി​യിൽ നീതി വസിക്കും, ഫലവൃ​ക്ഷ​ത്തോ​പ്പിൽ ന്യായം​തന്നെ പാർക്കും.” (യെശയ്യാവ്‌ 32:1, 16) എന്നാൽ എപ്പോൾ? ദൈവം അനീതി​യു​ടെ ലോകത്തെ നീക്കം​ചെ​യ്യു​ന്ന​തിന്‌ ആഗ്രഹി​ക്കു​ന്നെ​ങ്കിൽ അവൻ ആരംഭ​ത്തിൽ അതിനെ അനുവ​ദി​ച്ച​തെ​ന്തു​കൊണ്ട്‌?

അനീതി—അനുവ​ദി​ച്ച​തെ​ന്തു​കൊണ്ട്‌?

അഖിലാ​ണ്ഡ​ത്തിൽ അനീതി സ്ഥിതി​ചെ​യ്യാഞ്ഞ ഒരു കാലമു​ണ്ടാ​യി​രു​ന്നു. പിശാ​ചായ സാത്താന്റെ സമ്മർദ്ദ​ത്തിൻകീ​ഴിൽ ആദാമി​ന്റെ​യും ഹവ്വായു​ടെ​യും മത്സരം മുതൽ മാത്രമേ മനുഷ്യ​വർഗ്ഗ​ത്തിന്‌ അനീതി അറിയ​പ്പെ​ട്ടു​ള്ളു. സാത്താൻ മത്സരത്തി​ന്റെ സമയത്ത്‌ ഉടൻ നശിപ്പി​ക്ക​പ്പെ​ട്ടില്ല. ദൈവ​ത്തി​ന്റെ​തന്നെ സദു​ദ്ദേ​ശ്യ​ത്തിൽ മനുഷ്യൻ അനീതി​ചെ​യ്യുന്ന ഒരു കാലഘട്ടം അവൻ അനുവ​ദി​ച്ചു, ഇത്‌ തന്നോട്‌ ഭക്തിയു​ള്ളവർ തന്നോടു വിശ്വ​സ്‌ത​രെന്നു തെളി​യു​മോ​യെന്ന്‌ പരീക്ഷി​ക്കാ​നുള്ള ഉദ്ദേശ്യ​ത്തി​ലാ​യി​രു​ന്നു. നിർമ്മലത പാലി​ക്കു​ന്നവർ ആയിരി​ക്കാ​നുള്ള അവരുടെ തീരു​മാ​നം, സകല മനുഷ്യ​വർഗ്ഗ​ത്തെ​യും ദൈവ​ത്തി​നെ​തി​രെ തിരി​ക്കാ​നുള്ള സാത്താന്റെ കഴിവി​ന്റെ നിഷേ​ധി​ക്ക​ലാ​യി​രി​ക്കും. അപ്രകാ​രം ദൈവ​ത്തി​ന്റെ പരമാ​ധീ​ശ​ത്വം സംസ്ഥാ​പി​ക്ക​പ്പെ​ടു​മ്പോൾ സാത്താന്റെ പ്രവൃ​ത്തി​കൾ നശിപ്പി​ക്ക​പ്പെ​ടും, സകല അനീതി​യും നീക്കം​ചെ​യ്യ​പ്പെ​ടു​ക​യും ചെയ്യും.

ഇതിനി​ട​യിൽ, ആളുകൾ അനീതി​പൂർവം പെരു​മാ​റു​ന്ന​തി​നെ ദൈവം ബലം​പ്ര​യോ​ഗിച്ച്‌ തടയു​ക​യാ​ണെ​ങ്കിൽ അവൻ അവരുടെ തിര​ഞ്ഞെ​ടു​പ്പിൻസ്വാ​ത​ന്ത്ര്യ​ത്തെ കവർന്നു​ക​ള​യു​ക​യാ​യി​രി​ക്കും. കൂടാതെ, ആളുകൾ മററു​ള്ള​വ​രു​ടെ തെററായ പ്രവർത്ത​ന​ങ്ങ​ളു​ടെ അന്യാ​യ​മായ ഫലങ്ങൾ അനുഭ​വി​ച്ച​റി​യാൻ അനുവ​ദി​ക്കു​ന്ന​തി​നാൽ, ആദാമും ഹവ്വായും അനീതി​പൂർവം ദിവ്യ നിബന്ധ​ന​കൾക്കെ​തി​രെ മത്സരി​ച്ചു​കൊണ്ട്‌ അവയുടെ സ്ഥാനത്ത്‌ തങ്ങളുടെ സ്വന്തം തെററായ നിലവാ​രങ്ങൾ വെച്ച​പ്പോൾ അത്‌ എത്രമാ​ത്രം ഹാനി​ക​ര​മാ​യി​രു​ന്നു എന്ന്‌ ദൈവം വിശദ​മാ​ക്കു​ന്നു. മനുഷ്യ​വർഗ്ഗം വിതച്ചതു കൊയ്യാൻ അനുവ​ദി​ച്ചു​കൊണ്ട്‌ ദൈവം സത്യസ​ന്ധ​രായ ആളുകളെ അവന്റെ വഴിയിൽ കാര്യങ്ങൾ ചെയ്യു​ന്ന​തി​ന്റെ മാഹാ​ത്മ്യം തിരി​ച്ച​റി​യാൻ സഹായി​ക്കു​ന്നു.—യിരെ​മ്യാവ്‌ 10:23; ഗലാത്യർ 6:7.

അതുകൂ​ടാ​തെ, വ്യക്തികൾ ചെയ്യുന്ന നീതി​പ്ര​വൃ​ത്തി​കൾ അല്ലെങ്കിൽ അനീതി​പ്ര​വൃ​ത്തി​കൾ സ്‌പഷ്ട​മായ തെളി​വു​കൾ പ്രദാനം ചെയ്യുന്നു. ഈ പ്രവൃ​ത്തി​കൾ പൂർണ്ണ​നീ​തി പുനഃ​സ്ഥി​തീ​ക​രി​ച്ചു​ക​ഴി​യു​മ്പോൾ ഭൂമി​യിൽ ഒരു പുതി​യ​ലോ​ക​ത്തിൽ ജീവി​ക്കാൻ അർഹത​യു​ള്ള​താർക്കാ​ണെന്ന്‌ വിധി​ക്കു​ന്ന​തിന്‌ ദൈവ​ത്തിന്‌ ഒരു കൃത്യ​മായ അടിസ്ഥാ​നം പ്രദാനം ചെയ്യുന്നു. അത്‌ സൂചി​പ്പി​ക്കു​ന്ന​താ​യി നാം ഇങ്ങനെ വായി​ക്കു​ന്നു: “ദുഷ്ടനായ ഒരുവനെ സംബന്ധിച്ച്‌, അവൻ ചെയ്‌തി​ട്ടുള്ള എല്ലാ പാപങ്ങ​ളിൽനി​ന്നും അവൻ പിന്തി​രി​യു​ക​യും അവൻ യഥാർത്ഥ​ത്തിൽ എന്റെ എല്ലാ നിയമ​ങ്ങ​ളും അനുസ​രി​ക്കു​ക​യും നീതി​യും ന്യായ​വും പ്രവർത്തി​ക്കു​ക​യും ചെയ്യു​ക​യാ​ണെ​ങ്കിൽ അവൻ നിശ്ചയ​മാ​യും ജീവി​ച്ചി​രി​ക്കും.”—യെഹെ​സ്‌ക്കേൽ 18:21.

അനീതി എന്ന്‌ അവസാ​നി​ക്കും?

മനുഷ്യ​വർഗ്ഗ​ത്തോ​ടുള്ള യഹോ​വ​യാം ദൈവ​ത്തി​ന്റെ ഇടപെ​ട​ലു​കൾ എല്ലായ്‌പ്പോ​ഴും നീതി​യു​ള്ള​തും സ്‌നേഹദയയോടുകൂടിയതുമായിരുന്നിട്ടുണ്ട്‌. അത്‌ വിശദ​മാ​ക്കി​ക്കൊണ്ട്‌, ദൈവ​ത്തി​ന്റെ വിശ്വ​സ്‌ത​ദാ​സ​നായ അബ്രഹാ​മിന്‌ ചിലത്‌ സംഭവി​ക്കു​ന്ന​തി​ന്റെ കാരണം മനസ്സി​ലാ​ക്കാൻ കഴിയാ​തി​രു​ന്ന​പ്പോൾ അവൻ ദൈവത്തെ സംബന്ധിച്ച്‌ ഇങ്ങനെ പറഞ്ഞു: “നിന്നെ​സം​ബ​ന്ധിച്ച്‌, ദുഷ്ടനു സംഭവി​ക്കു​ന്ന​തു​പോ​ലെ നീതി​മാ​നു സംഭവി​ക്ക​ത്ത​ക്ക​വണ്ണം നീ ദുഷ്ടൻമാ​രോ​ടു​കൂ​ടെ നീതി​മാ​നെ വധിക്കു​മെ​ന്നു​ള്ളത്‌ അചിന്ത്യ​മാണ്‌! അത്‌ നിന്നെ​സം​ബ​ന്ധിച്ച്‌ അചിന്ത്യ​മാണ്‌. സർവഭൂ​മി​യു​ടെ​യും ന്യായാ​ധി​പൻ നീതി​ചെ​യ്യാ​തി​രി​ക്കാൻ പോകു​ക​യാ​ണോ?” (ഉൽപ്പത്തി 18:25) ക്രിസ്‌തു​വി​ന്റെ വരവോ​ടു​കൂ​ടെ ദൈവ​ത്തി​ന്റെ ഗുണങ്ങ​ളായ നീതി​യും സ്‌നേ​ഹ​ദ​യ​യും മഹിമ​പ്പെ​ടു​ത്ത​പ്പെട്ടു. ക്രിസ്‌തു​യേശു മുഖാ​ന്ത​ര​മുള്ള മറുവി​ല​യാ​ഗ​ത്തി​ന്റെ ക്രമീ​ക​രണം എല്ലാവർക്കും, യഹൂദ​നും അയഹൂ​ദ​നും ഒരു​പോ​ലെ നിത്യ​ജീ​വൻ പ്രാപി​ക്കു​ന്ന​തി​നുള്ള വഴി തുറന്നു. ഇത്‌ അപ്പോ​സ്‌ത​ല​നായ പത്രോസ്‌ ഇപ്രകാ​രം പറയു​ന്ന​തി​ലേക്ക്‌ നയിച്ചു: “ദൈവം മുഖപ​ക്ഷ​മു​ള്ള​വനല്ല, എന്നാൽ സകല ജനതക​ളി​ലും അവനെ ഭയപ്പെട്ട്‌ നീതി പ്രവർത്തി​ക്കുന്ന മനുഷ്യൻ അവന്‌ സ്വീകാ​ര്യ​നാണ്‌ എന്ന്‌ ഞാൻ നിശ്ചയ​മാ​യും ഗ്രഹി​ക്കു​ന്നു.”—പ്രവൃ​ത്തി​കൾ 10:34, 35.

ദൈവ​ത്തി​ന്റെ മശി​ഹൈക രാജാവ്‌ തന്റെ ഭരണം തുടങ്ങി​യെ​ന്നും നമ്മുടെ ഭൂമി​യിൽ നീതി പൂർണ്ണ​മായ അളവിൽ പുനഃ​സ്ഥാ​പി​ക്കു​ന്ന​തി​നുള്ള സമയം അടുത്തി​രി​ക്കു​ന്നു​വെ​ന്നും പ്രഖ്യാ​പി​ക്കു​ന്ന​തിൽ യഹോ​വ​യു​ടെ സാക്ഷികൾ പ്രവർത്ത​ന​നി​ര​ത​രാണ്‌.a ആ രാജാവ്‌ ഇപ്പോ​ഴത്തെ അനീതി​യുള്ള ലോകത്തെ നശിപ്പി​ക്കു​ക​യും അതിന്റെ അദൃശ്യ ദൈവ​മായ പിശാ​ചായ സാത്താന്റെ ശക്തിയെ തകർക്കു​ക​യും ചെയ്യു​മ്പോൾ ഇത്‌ നിറ​വേ​റും. ഇത്‌ സാധാ​ര​ണ​മാ​യി അർമ്മ​ഗെ​ദ്ദോൻ എന്നു വിളി​ക്ക​പ്പെ​ടുന്ന “സർവശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”ത്തിൽ പെട്ടെന്ന്‌ സംഭവി​ക്കു​മെന്ന്‌ ബൈബിൾ കാണി​ക്കു​ന്നു.—വെളി​പ്പാട്‌ 16:14, 16.

“ദൈവം തന്റെ ക്രോധം ചൊരി​യു​മ്പോൾ അവൻ അനീതി​യു​ള്ള​വനല്ല,” അതു​കൊണ്ട്‌ അർമ്മ​ഗെ​ദ്ദോൻ ഒരു നീതി​യുള്ള യുദ്ധമാ​യി​രി​ക്കും. (റോമർ 3:5) അതിനു​ശേഷം, ക്രിസ്‌തു​യേ​ശു​വും അപ്പോ​സ്‌ത​ലൻമാ​രെ​പ്പോ​ലെ​യുള്ള അവന്റെ സഹഭര​ണാ​ധി​പൻമാ​രും ഒരു ആയിരം വർഷ​ത്തേക്ക്‌ സ്വർഗ്ഗ​ത്തിൽനിന്ന്‌ ഭരിക്കും. (വെളി​പ്പാട്‌ 20:4) കഴിഞ്ഞ കാലങ്ങ​ളിൽ അനീതി സഹിച്ചി​രുന്ന ദശലക്ഷ​ക്ക​ണ​ക്കി​നാ​ളു​കൾ തങ്ങളുടെ ജീവി​ത​ത്തിൽ ആദ്യമാ​യി പൂർണ്ണ​നീ​തി ആസ്വദി​ക്കു​ന്ന​തിന്‌ മനുഷ്യ​വർഗ്ഗ​ത്തി​ന്റെ ആദ്യഭ​വ​ന​മായ ഭൂമി​യി​ലെ നീതി​വ​സി​ക്കുന്ന വ്യവസ്ഥി​തി​യി​ലേക്ക്‌ ഉയിർപ്പി​ക്ക​പ്പെ​ടും.

“അതിനാൽ ദൈവം അനീതി​യു​ള്ള​വ​നെന്ന്‌ വരുന്നോ?”

അപ്പോ​സ്‌ത​ല​നായ പൗലോസ്‌ ദൈവ​ത്തി​ന്റെ ഇടപെ​ട​ലു​ക​ളിൽ ഒന്നി​നെ​ക്കു​റിച്ച്‌ അങ്ങനെ ചോദി​ച്ചു. ഉത്തര​മെ​ന്താണ്‌? “തീർച്ച​യാ​യും ഇല്ല,” പൗലോസ്‌ എഴുതി. ക്രോ​ധ​ത്തി​നൊ കരുണ​ക്കൊ അർഹമായ പാത്ര​ങ്ങ​ളാ​യി കുശവൻ രൂപ​പ്പെ​ടു​ത്തുന്ന കളിമ​ണ്ണി​നോട്‌ മനുഷ്യ​രെ ഉപമി​ച്ചു​കൊണ്ട്‌ പൗലോസ്‌ വിശദീ​ക​രി​ച്ചു: “ദൈവം തന്റെ കോപം കാണി​ക്കു​ന്ന​തി​നും ശക്തി പ്രകടി​പ്പി​ക്കു​ന്ന​തി​നും തയ്യാറാ​ണെ​ങ്കി​ലും, അവൻ തന്നെ കോപി​പ്പി​ക്കുന്ന ആളുകളെ ക്ഷമാപൂർവം പൊറു​ക്കു​ന്നു, അവർ നശിപ്പി​ക്ക​പ്പെ​ടാൻ എത്രയ​ധി​കം അർഹരാ​ണെ​ങ്കി​ലും. അവൻ കരുണ​കാ​ണി​ക്കാൻ ആഗ്രഹി​ക്കുന്ന, തന്റെ മഹിമാ​ധനം പ്രകട​മാ​ക്കാ​നാ​ഗ്ര​ഹി​ക്കുന്ന, മററു​ള്ള​വർക്കു​വേണ്ടി അവൻ അവരെ പൊറു​ക്കു​ന്നു.”—റോമർ 9:14, 20-24, ദി ജറൂസലം ബൈബിൾ.

നേരത്തെ പരാമർശിച്ച യുവവി​ദ്യാർത്ഥി​നി​യെ​പ്പോ​ലെ നിങ്ങൾക്കും ദൈവം പൊതു​വായ അനീതി അല്ലെങ്കിൽ ഏതെങ്കി​ലും പ്രത്യേക തിൻമ അനുവ​ദി​ക്കു​ന്ന​തെ​ന്തു​കൊ​ണ്ടെന്ന്‌ ഗ്രഹി​ക്കാൻ ചില​പ്പോൾ പ്രയാസം തോന്നി​യേ​ക്കാം. എന്നാൽ അവൻ അങ്ങനെ ചെയ്യു​ന്ന​തി​ലുള്ള അവന്റെ ക്ഷമയെ​യും അവന്റെ ജ്ഞാന​ത്തെ​യും ചോദ്യം ചെയ്യാൻ നാം—അവൻ വാർത്തെ​ടു​ത്തവർ—ആരാണ്‌? യഹോ​വ​യാം ദൈവം ഇയ്യോ​ബി​നോട്‌ ഇപ്രകാ​രം പറഞ്ഞു: “നീ യഥാർത്ഥ​ത്തിൽ എന്റെ നീതിയെ വിലയി​ല്ലാ​ത്ത​താ​ക്കു​മോ? നീ നീതി​മാ​നാ​കേ​ണ്ട​തിന്‌ നീ എന്നെ ദുഷ്ട​നെന്ന്‌ പ്രഖ്യാ​പി​ക്കു​മോ?”—ഇയ്യോബ്‌ 40:8.

നാം ഒരിക്ക​ലും അങ്ങനെ ചെയ്യു​ന്ന​തു​സം​ബ​ന്ധി​ച്ചു കുററ​ക്കാ​രാ​കാൻ ആഗ്രഹി​ക്ക​യില്ല. പകരം, അനീതി ഇപ്പോ​ഴും നമ്മോ​ടു​കൂ​ടെ​യു​ണ്ടെ​ങ്കി​ലും നീതി​യു​ടെ ദൈവം പെട്ടെന്ന്‌ മുഴു​ഭൂ​മി​യിൽനി​ന്നും അത്‌ നീക്കം​ചെ​യ്യു​മെന്ന്‌ അറിയു​ന്ന​തിൽ നാം സന്തോ​ഷി​ക്കാ​നാ​ഗ്ര​ഹി​ക്കും. (w89 10⁄15)

[അടിക്കു​റിപ്പ്‌]

[31-ാം പേജിലെ ചിത്രം]

ദൈവം സ്ഥിതി​ചെ​യ്യു​ന്നി​ല്ലെന്ന്‌ തെളി​യി​ക്കാൻ അനീതി​യു​ടെ അനുവാ​ദത്തെ ഒരു വിധത്തി​ലും ഉപയോ​ഗി​ക്കാൻ കഴിയു​ക​യി​ല്ല

കുടിയനായ ഒരു ഡ്രൈവർ സാമാ​ന്യ​ബു​ദ്ധി, ആത്മനി​യ​ന്ത്രണം, പരിഗണന എന്നീ ഗുണങ്ങൾ ഉപയോ​ഗി​ക്കു​ന്ന​തി​നു വിസമ്മ​തി​ക്കു​ന്ന​തിന്‌ ദൈവ​മാ​ണോ കുററ​ക്കാ​രൻ?

നമ്മുടെ ഭൂമി​യിൽ പൂർണ്ണ​മായ നീതി പുനഃ​സ്ഥാ​പി​ക്ക​പ്പെ​ടു​ന്ന​തി​നുള്ള സമയം അടുത്തി​രി​ക്കു​ന്നു