ത്രിത്വം—ബൈബിൾ അതു പഠിപ്പി​ക്കു​ന്നു​വോ?

“നാം ഏക ദൈവത്തെ ത്രിത്വ​ത്തി​ലും ത്രിത്വ​ത്തെ ഏകത്വ​ത്തി​ലും ആരാധി​ക്കു​ന്നു എന്നതാണു കത്തോ​ലി​ക്കാ വിശ്വാ​സം. . . . അതു​കൊണ്ട്‌ പിതാ​വും ദൈവ​മാണ്‌, പുത്ര​നും ദൈവ​മാണ്‌, പരിശു​ദ്ധാ​ത്മാ​വും ദൈവ​മാണ്‌. എന്നിരു​ന്നാ​ലും അവർ മൂന്നു ദൈവ​ങ്ങളല്ല, മറിച്ച്‌ ഒരു ദൈവ​മാണ്‌.”

ക്രൈ​സ്‌ത​വ​ലോ​ക​ത്തി​ന്റെ കേന്ദ്ര ഉപദേ​ശത്തെ—ത്രിത്വ​ത്തെ—അത്തനേ​ഷ്യൻ വിശ്വാ​സ​പ്ര​മാ​ണം ഇങ്ങനെ​യാ​ണു വിശദീ​ക​രി​ക്കു​ന്നത്‌.a നിങ്ങൾ ഒരു കത്തോ​ലി​ക്കാ സഭാം​ഗ​മോ പ്രൊ​ട്ട​സ്‌റ​റൻറ്‌ സഭാം​ഗ​മോ ആണെങ്കിൽ നിങ്ങൾ വിശ്വ​സി​ക്കേണ്ട പരമ​പ്ര​ധാ​ന​മായ പഠിപ്പി​ക്കൽ ഇതാ​ണെന്നു നിങ്ങ​ളോ​ടു പറഞ്ഞി​രി​ക്കാം. എന്നാൽ നിങ്ങൾക്ക്‌ ഈ പഠിപ്പി​ക്കൽ ഒന്നു വിശദീ​ക​രി​ക്കാ​മോ? ക്രൈ​സ്‌ത​വ​ലോ​ക​ത്തി​ലെ ഏററവും ബുദ്ധി​മാൻമാ​രായ ചിലർ ത്രിത്വം മനസ്സി​ലാ​ക്കു​ന്ന​തി​ലുള്ള തങ്ങളുടെ കഴിവു​കേടു സമ്മതി​ച്ചി​ട്ടുണ്ട്‌.

എങ്കിൽപ്പി​ന്നെ അവർ എന്തു​കൊ​ണ്ടി​തു വിശ്വ​സി​ക്കു​ന്നു? ഈ ഉപദേശം ബൈബിൾ പഠിപ്പി​ക്കു​ന്ന​തു​കൊ​ണ്ടാ​ണോ? പരേത​നായ ആംഗ്ലിക്കൻ ബിഷപ്പ്‌ ജോൺ റോബിൻസൻ തന്റെ ഏററവും കൂടുതൽ വിററ​ഴി​ക്ക​പ്പെ​ടുന്ന ദൈവ​ത്തോ​ടു വിശ്വ​സ്‌തൻ (Honest to God) എന്ന പുസ്‌ത​ക​ത്തിൽ ഈ ചോദ്യ​ത്തി​നു ചിന്തോ​ദ്ദീ​പ​ക​മായ ഒരു മറുപടി നൽകി. അദ്ദേഹം എഴുതി:

“പ്രയോ​ഗ​ത്തിൽ, പൊതു​വായ പ്രസം​ഗ​വും പഠിപ്പി​ക്ക​ലും ക്രിസ്‌തു​വി​നെ​ക്കു​റിച്ച്‌ അമാനു​ഷ​മായ ഒരു കാഴ്‌ച​പ്പാ​ടാണ്‌ അവതരി​പ്പി​ക്കു​ന്നത്‌, ഇതു പുതി​യ​നി​യ​മ​ത്തിൽനി​ന്നു സമർഥി​ക്കാ​വു​ന്നതല്ല. ‘ക്രിസ്‌തു’ എന്ന പദവും ‘ദൈവം’ എന്ന പദവും പരസ്‌പരം മാററി ഉപയോ​ഗി​ക്കാ​വുന്ന ഒരു തരത്തിൽ അതു കേവലം യേശു ദൈവം ആയിരു​ന്നു എന്നു പറയുന്നു. എന്നാൽ ബൈബി​ളിൽ ഒരിട​ത്തും ഇത്‌ അങ്ങനെ ഉപയോ​ഗി​ച്ചി​ട്ടില്ല. പുതിയ നിയമ​ത്തിൽ, യേശു ദൈവ​വ​ച​ന​മാ​യി​രു​ന്നു, ദൈവം ക്രിസ്‌തു​വിൽ ഉണ്ടായി​രു​ന്നു, യേശു ദൈവ​പു​ത്ര​നാണ്‌ എന്നൊക്കെ പറയു​ന്നുണ്ട്‌; എന്നാൽ യേശു ദൈവ​മാ​യി​രു​ന്നു എന്നു പറഞ്ഞു​സ്ഥാ​പി​ക്കു​ന്നില്ല.”

ജോൺ റോബിൻസൻ ആംഗ്ലിക്കൻ സഭയിലെ ഒരു വിവാദ പുരു​ഷ​നാ​യി​രു​ന്നു. എന്നിരു​ന്നാൽത്ത​ന്നെ​യും, “യേശു ദൈവ​മാ​യി​രു​ന്നു എന്നു പുതി​യ​നി​യമം പറഞ്ഞു​സ്ഥാ​പി​ക്കു​ന്നില്ല” എന്ന്‌ അദ്ദേഹം പറഞ്ഞതു ശരിയാ​ണോ?

ബൈബിൾ പറയു​ന്നത്‌ എന്താണ്‌

ചിലർ ആ ചോദ്യ​ത്തി​നു യോഹ​ന്നാ​ന്റെ സുവി​ശേഷം ആരംഭി​ക്കുന്ന “ആദിയിൽ വചനമു​ണ്ടാ​യി​രു​ന്നു; വചനം ദൈവ​ത്തോ​ടു​കൂ​ടെ​യാ​യി​രു​ന്നു; വചനം ദൈവ​മാ​യി​രു​ന്നു” എന്ന വാക്യം ഉദ്ധരി​ച്ചു​കൊ​ണ്ടു മറുപടി നൽകി​യേ​ക്കാം. (യോഹ​ന്നാൻ 1:1, ജയിംസ്‌ രാജാ​വി​ന്റെ ഭാഷാ​ന്തരം) അത്‌ ആംഗ്ലിക്കൻ ബിഷപ്പ്‌ പറഞ്ഞതി​നു വിരു​ദ്ധ​മല്ലേ? യഥാർഥ​ത്തിൽ അല്ല. ജോൺ റോബിൻസണു നിസ്സം​ശ​യ​മാ​യും അറിയാ​മാ​യി​രു​ന്ന​തു​പോ​ലെ, ചില ആധുനിക പരിഭാ​ഷകർ ആ വാക്യ​ത്തി​ന്റെ ജയിംസ്‌ രാജാ​വി​ന്റെ ഭാഷാ​ന്ത​ര​ത്തോ​ടു വിയോ​ജി​ക്കു​ന്നു. എന്തു​കൊണ്ട്‌? എന്തു​കൊ​ണ്ടെ​ന്നാൽ മൂല ഗ്രീക്കിൽ “വചനം ദൈവ​മാ​യി​രു​ന്നു” എന്ന പ്രയോ​ഗ​ത്തിൽ “ദൈവം” എന്ന പദത്തിനു “ദ” എന്ന നിശ്ച​യോ​പ​പ​ദ​മി​ല്ലാ​യി​രു​ന്നു. അതിനു മുമ്പത്തെ “വചനം ദൈവ​ത്തോ​ടു കൂടെ​യാ​യി​രു​ന്നു” എന്ന പ്രയോ​ഗ​ത്തിൽ “ദൈവം” എന്ന പദം നിശ്ചി​ത​മാണ്‌, അതായത്‌ അതിനു നിശ്ച​യോ​പ​പ​ദ​മുണ്ട്‌. ഇത്‌ രണ്ടു പദങ്ങൾക്കും തുല്യ പ്രാധാ​ന്യ​മു​ണ്ടാ​യി​രി​ക്കുക അസാധ്യ​മാ​ക്കു​ന്നു.

അതു​കൊണ്ട്‌, ചില വിവർത്ത​നങ്ങൾ അതിന്റെ ഗുണപ​ര​മായ ഘടകം എടുത്തു​കാ​ട്ടു​ന്നുണ്ട്‌. ഉദാഹ​ര​ണ​ത്തിന്‌ ചിലർ ആ പ്രയോ​ഗത്തെ “വചനം ദിവ്യ​നാ​യി​രു​ന്നു” എന്നു പരിഭാ​ഷ​പ്പെ​ടു​ത്തു​ന്നു. (An American Translation, Schonfield) മൊഫ​ററ്‌[ഭാഷാ​ന്തരം] അതു “ലോ​ഗോസ്‌ ദിവ്യ​നാ​യി​രു​ന്നു” എന്നു പരിഭാ​ഷ​പ്പെ​ടു​ത്തു​ന്നു. എന്നാൽ, ഇവിടെ ഏററവും അനു​യോ​ജ്യ​മായ പ്രയോ​ഗം “ദിവ്യ” എന്നായി​രി​ക്കില്ല എന്നു സൂചി​പ്പി​ച്ചു​കൊണ്ട്‌ യോഹ​ന്നാൻ ഊന്നൽ നൽകാ​നാ​ഗ്ര​ഹി​ച്ചത്‌ അതിനാ​യി​രു​ന്നെ​ങ്കിൽ അദ്ദേഹ​ത്തി​നു “ദിവ്യ” എന്നതിന്റെ ഗ്രീക്കു​പ​ദ​മായ തീയോസ്‌ ഉപയോ​ഗി​ക്കാ​മാ​യി​രു​ന്നു എന്നു ജോൺ റോബിൻസ​നും ബ്രിട്ടീഷ്‌ മൂലപാഠ നിരൂ​പ​ക​നായ സർ ഫ്രെഡ​റിക്ക്‌ കെനി​യ​നും ചൂണ്ടി​ക്കാ​ട്ടി. “ദൈവം” എന്ന പദത്തെ നിശ്ചി​ത​മ​ല്ലാ​ത്ത​തെന്നു കൃത്യ​മാ​യി കണക്കാ​ക്കു​ക​യും ടെഹ്‌ ഗ്രീക്ക്‌ ഘടന സൂചി​പ്പി​ക്കുന്ന പ്രകാ​ര​മുള്ള ഗുണപ​ര​മായ ഘടകം എടുത്തു​കാ​ട്ടു​ക​യും ചെയ്‌തു​കൊണ്ട്‌ പുതി​യ​ലോക ഭാഷാ​ന്തരം ഇംഗ്ലീ​ഷി​ലെ അനിശ്ച​യോ​പ​പ​ദ​മു​പ​യോ​ഗിച്ച്‌ അതു “വചനം ഒരു ദൈവ​മാ​യി​രു​ന്നു” എന്നു പരിഭാ​ഷ​പ്പെ​ടു​ത്തു​ന്നു.

പുതിയ ഇംഗ്ലീഷ്‌ ബൈബിൾ (New English Bible) നിർമാണ പദ്ധതി​യു​ടെ ഡയറക്ട​റായ പ്രൊ​ഫസ്സർ സി. എച്ച്‌. ഡോഡ്‌ ഈ സമീപ​ന​ത്തെ​ക്കു​റിച്ച്‌ ഇങ്ങനെ അഭി​പ്രാ​യ​പ്പെ​ടു​ന്നു: “. . . സാധ്യ​ത​യുള്ള ഒരു പരിഭാഷ ‘വചനം ഒരു ദൈവ​മാ​യി​രു​ന്നു’ എന്നായി​രി​ക്കും. പദാനു​പദ തർജമ എന്നനി​ല​യിൽ അതിൽ യാതൊ​രു തെററു​മില്ല.” എന്നിരു​ന്നാ​ലും, പുതിയ ഇംഗ്ലീഷ്‌ ബൈബിൾ ആ വാക്യം ഈ രീതി​യിൽ തർജമ ചെയ്യു​ന്നില്ല. മറിച്ച്‌ ആ വിവർത്ത​ന​ത്തിൽ യോഹ​ന്നാൻ 1:1 വായി​ക്കു​ന്നത്‌ ഇങ്ങനെ​യാണ്‌: “എല്ലാ സംഗതി​ക​ളും ആരംഭി​ച്ച​പ്പോൾ വചനം ഉണ്ടായി​രു​ന്നു. വചനം ദൈവ​ത്തോ​ടു​കൂ​ടെ വസിച്ചു, ദൈവ​മാ​യി​രു​ന്നത്‌ എന്തോ അതു വചനവു​മാ​യി​രു​ന്നു.” ഈ വിവർത്ത​ന​ക്ക​മ്മി​ററി എന്തു​കൊ​ണ്ടാ​ണു ലളിത​മായ പരിഭാഷ തിര​ഞ്ഞെ​ടു​ക്കാ​ഞ്ഞത്‌? പ്രൊ​ഫസ്സർ ഡോഡ്‌ ഇങ്ങനെ മറുപടി പറയുന്നു: “അതു സ്വീകാ​ര്യ​മ​ല്ലാ​ത്ത​തി​ന്റെ കാരണം അതു യോഹ​ന്നാ​ന്റെ ചിന്താ​ധാ​രക്ക്‌ എതിരാണ്‌, അപ്പോൾ അതു തീർച്ച​യാ​യും മൊത്ത​ത്തി​ലുള്ള ക്രിസ്‌തീയ ചിന്തക്കും എതിരാണ്‌.”—പരിഭാ​ഷ​ക​നുള്ള സാങ്കേ​തിക എഴുത്തു​കൾ (Technical Papers for the Bible Translator), വാല്യം 28, 1977 ജനുവരി.

തിരു​വെ​ഴു​ത്തി​ന്റെ സ്‌പഷ്ട​മായ അർഥം

യേശു ഒരു ദൈവ​മാ​യി​രു​ന്നെ​ന്നും സ്രഷ്ടാ​വായ ദൈവം​തന്നെ അല്ലായി​രു​ന്നെ​ന്നും ഉള്ള ആശയം യോഹ​ന്നാ​ന്റെ​യും അതു​പോ​ലെ​തന്നെ മൊത്തം ക്രിസ്‌ത്യാ​നി​ക​ളു​ടെ​യും ചിന്തക്കു വിരു​ദ്ധ​മാ​ണെന്നു നാം പറയു​മോ? നമുക്കു യേശു​വി​നെ​യും ദൈവ​ത്തെ​യും പരാമർശി​ക്കുന്ന ചില വാക്യങ്ങൾ പരി​ശോ​ധി​ക്കു​ക​യും അത്തനേ​ഷ്യൻ വിശ്വാ​സ​പ്ര​മാ​ണം രൂപവ​ത്‌ക​രി​ക്കു​ന്ന​തി​നു മുമ്പു ജീവി​ച്ചി​രുന്ന ചില വ്യാഖ്യാ​താ​ക്കൾ ആ വാക്യ​ങ്ങ​ളെ​ക്കു​റിച്ച്‌ എന്തു വിചാ​രി​ച്ചെന്നു മനസ്സി​ലാ​ക്കു​ക​യും ചെയ്യാം.

“ഞാനും പിതാ​വും ഒന്നാകു​ന്നു.”—യോഹ​ന്നാൻ 10:30.

നവേഷൻ (പൊതു​യു​ഗം ഏകദേശം 200-258) ഇങ്ങനെ അഭി​പ്രാ​യ​പ്പെട്ടു: “അദ്ദേഹം ‘ഒരു’ സംഗതി[b]യെക്കു​റി​ച്ചു പറയു​ക​യാ​യി​രു​ന്ന​തി​നാൽ ‘ഒരു’ വ്യക്തി​യെ​ക്കു​റി​ച്ചല്ല പറഞ്ഞ​തെന്നു വേദവി​രോ​ധി​കൾ മനസ്സി​ലാ​ക്കട്ടെ. എന്തു​കൊ​ണ്ടെ​ന്നാൽ നപും​സ​ക​ത്തിൽപ്പെട്ട ഒന്ന്‌ വ്യക്തിഗത ഏകത്വ​ത്തെയല്ല, മറിച്ച്‌ പരസ്‌പര യോജി​പ്പി​നെ​യാ​ണു സൂചി​പ്പി​ക്കു​ന്നത്‌. . . . കൂടാതെ, അദ്ദേഹം ഒന്ന്‌ എന്നു പറയു​ന്നതു യോജി​പ്പി​നെ​യും അഭി​പ്രായ ഐക്യ​ത്തെ​യും സ്‌നേ​ഹ​നിർഭ​ര​മായ സഹവാ​സ​ത്തെ​ത്ത​ന്നെ​യും പരാമർശി​ക്കു​ന്നു, കാരണം പിതാ​വും പുത്ര​നും പൊരു​ത്ത​ത്തി​ലും സ്‌നേ​ഹ​ത്തി​ലും പ്രീതി​യി​ലും ന്യായ​മാ​യും ഒന്നാണ്‌.”—ത്രിത്വ​ത്തെ​ക്കു​റി​ച്ചുള്ള പ്രബന്ധം (Treatise Concerning the Trinity) അധ്യായം 27.

“പിതാവു എന്നെക്കാൾ വലിയ​വ​നാ​കു​ന്നു.”—യോഹ​ന്നാൻ 14:28.

ഐറേ​നി​യസ്‌ (പൊ.യു. ഏകദേശം 130-200): “പിതാവു എല്ലാറ​റി​നെ​ക്കാ​ളും ഉന്നതനാ​ണെന്നു നമുക്ക്‌ അവനി​ലൂ​ടെ [ക്രിസ്‌തു] മനസ്സി​ലാ​ക്കാ​വു​ന്ന​താണ്‌. എന്തു​കൊ​ണ്ടെ​ന്നാൽ, ‘പിതാവ്‌ എന്നെക്കാൾ വലിയ​വ​നാ​കു​ന്നു’ എന്ന്‌ അവൻ [ക്രിസ്‌തു] പറയുന്നു. അതു​കൊണ്ട്‌, പിതാവ്‌ അറിവി​ന്റെ കാര്യ​ത്തിൽ മികച്ചു​നിൽക്കു​ന്നു​വെന്നു നമ്മുടെ കർത്താവു പ്രഖ്യാ​പി​ച്ചി​രി​ക്കു​ന്നു.”—വേദ​വൈ​രു​ദ്ധ്യ​ങ്ങൾക്കെ​തി​രെ (Against Heresies) പുസ്‌തകം 2, അധ്യായം 28.8.

“ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”—യോഹ​ന്നാൻ 17:3.

അലക്‌സാൻഡ്രി​യ​യി​ലെ ക്ലെമൻസ്‌ (പൊ.യു. ഏകദേശം 150-215): “നിത്യ​മാ​യതു നൽകു​ന്ന​വ​നായ നിത്യ​ത​യു​ടെ പിതാ​വി​നെ അറിയു​ക​യും ഒന്നാമ​നും അത്യു​ന്ന​ത​നും ഒരുവ​നും നല്ലവനും ആയ ദൈവത്തെ പരിജ്ഞാ​ന​ത്താ​ലും ഗ്രാഹ്യ​ത്താ​ലും പ്രാപി​ക്കു​ക​യും ചെയ്യു​ന്ന​തിന്‌, യഥാർഥ ജീവിതം നയിക്കുന്ന ഒരുവൻ ‘പുത്രൻ (അവനെ) വെളി​പ്പെ​ടു​ത്തി​ക്കൊ​ടു​ക്കാ​തെ ആരും അറിയു​ക​യി​ല്ലാത്ത’ അവനെ ഒന്നാമ​താ​യി അറിയാൻ കൽപ്പി​ക്ക​പ്പെ​ട്ടി​രി​ക്കു​ന്നു. (മത്താ. 11:27) അവനു​ശേഷം അടുത്ത​താ​യി, രക്ഷകന്റെ മാഹാ​ത്മ്യ​ത്തെ​ക്കു​റി​ച്ചു മനസ്സി​ലാ​ക്കേ​ണ്ട​താണ്‌.”—രക്ഷിക്ക​പ്പെ​ടുന്ന സമ്പന്നനായ മനുഷ്യൻ ആരാണ്‌? (Who Is the Rich Man That Shall Be Saved?) VII, VIII.

“എല്ലാവർക്കും മീതെ​യു​ള്ള​വ​നും എല്ലാവ​രി​ലും കൂടി വ്യാപ​രി​ക്കു​ന്ന​വ​നും എല്ലാവ​രി​ലും ഇരിക്കു​ന്ന​വ​നു​മാ​യി എല്ലാവർക്കും ദൈവ​വും പിതാ​വു​മാ​യവൻ ഒരുവൻ.”—എഫെസ്യർ 4:6.

ഐറേ​നി​യസ്‌: “അങ്ങനെ, എല്ലാവർക്കും മീതെ​യു​ള്ള​വ​നും എല്ലാവ​രി​ലൂ​ടെ​യു​ള്ള​വ​നും എല്ലാവ​രി​ലു​മു​ള്ള​വ​നും ആയ പിതാ​വായ ഒരു ദൈവം പ്രഖ്യാ​പി​ക്ക​പ്പെ​ട്ടി​രി​ക്കു​ന്നു. പിതാവു തീർച്ച​യാ​യും എല്ലാറ​റി​നും മീതെ​യാണ്‌, അവൻ ക്രിസ്‌തു​വി​ന്റെ തലയു​മാണ്‌.”—വേദ​വൈ​രു​ദ്ധ്യ​ങ്ങൾക്കെ​തി​രെ, പുസ്‌തകം V, അധ്യായം 18.2.

യേശു​ക്രി​സ്‌തു ഉൾപ്പെടെ എല്ലാറ​റി​ന്റെ​യും എല്ലാവ​രു​ടെ​യും മേൽ പരമോ​ന്ന​ത​നാ​ണു പിതാ​വെന്നു വർണി​ക്കു​ന്ന​തിന്‌ ഈ പുരാതന എഴുത്തു​കാർ ഈ വാക്യങ്ങൾ വ്യക്തമാ​യി മനസ്സി​ലാ​ക്കി. തങ്ങൾ ത്രിത്വ​ത്തിൽ വിശ്വ​സി​ച്ചെന്ന്‌ അവരുടെ അഭി​പ്രാ​യങ്ങൾ യാതൊ​രു സൂചന​യും നൽകു​ന്നില്ല.

പരിശു​ദ്ധാ​ത്മാവ്‌ എല്ലാ സത്യവും വെളി​പ്പെ​ടു​ത്തു​ന്നു

തന്റെ മരണത്തി​നും പുനരു​ത്ഥാ​ന​ത്തി​നും ശേഷം തന്റെ ശിഷ്യൻമാർക്ക്‌ ഒരു സഹായി​യാ​യി പരിശു​ദ്ധാ​ത്മാ​വി​നെ നൽകു​മെന്നു യേശു വാഗ്‌ദാ​നം ചെയ്‌തു. അവിടുന്ന്‌ ഇങ്ങനെ പറഞ്ഞു: “സത്യാ​ത്മാ​വു വരു​മ്പോൾ നിങ്ങളെ സത്യത്തി​ന്റെ പൂർണ്ണ​ത​യി​ലേക്കു നയിക്കും. വരാനി​രി​ക്കുന്ന കാര്യങ്ങൾ അവൻ നിങ്ങളെ അറിയി​ക്കും.”—യോഹ​ന്നാൻ 14:16, 17; 15:26; 16:13, പി.ഒ.സി. ബൈ.

യേശു​വി​ന്റെ മരണ​ശേഷം ആ വാഗ്‌ദാ​നം നിവർത്തി​യേറി. പരിശു​ദ്ധാ​ത്മാ​വി​ന്റെ സഹായ​ത്തി​ലൂ​ടെ, പുതിയ ഉപദേ​ശങ്ങൾ ക്രിസ്‌തീയ സഭക്ക്‌ എങ്ങനെ വെളി​പ്പെ​ടു​ത്ത​പ്പെട്ടു അഥവാ വ്യക്തമാ​ക്ക​പ്പെട്ടു എന്നു ബൈബിൾ രേഖ​പ്പെ​ടു​ത്തു​ന്നു. ഈ പുതിയ പഠിപ്പി​ക്ക​ലു​കൾ, പിന്നീടു ബൈബി​ളി​ന്റെ രണ്ടാം ഭാഗമായ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ അഥവാ “പുതി​യ​നി​യമം” ആയിത്തീർന്ന പുസ്‌ത​ക​ങ്ങ​ളിൽ എഴുത​പ്പെട്ടു. വഴി​ഞ്ഞൊ​ഴു​കിയ ഈ പുതിയ പ്രകാ​ശ​ന​ത്തിൽ ഒരു ത്രിത്വ​ത്തി​ന്റെ എന്തെങ്കി​ലും വെളി​പാ​ടു​ണ്ടോ? ഇല്ല. ദൈവ​ത്തെ​യും യേശു​വി​നെ​യും കുറിച്ചു പരിശു​ദ്ധാ​ത്മാ​വു വളരെ വ്യത്യ​സ്‌ത​മായ ഒന്നു വെളി​പ്പെ​ടു​ത്തു​ന്നു.

ഉദാഹ​ര​ണ​ത്തിന്‌, പൊ.യു. 33-ലെ പെന്ത​ക്കോ​സ്‌തിൽ, യെരു​ശ​ലേ​മിൽ കൂടി​യി​രുന്ന ശിഷ്യൻമാ​രു​ടെ​മേൽ പരിശു​ദ്ധാ​ത്മാ​വു വന്നതി​നു​ശേഷം, അപ്പോ​സ്‌ത​ല​നായ പത്രോസ്‌ പുറത്തെ ജനക്കൂ​ട്ട​ത്തോ​ടു യേശു​വി​നെ​ക്കു​റി​ച്ചു സാക്ഷീ​ക​രി​ച്ചു. അദ്ദേഹം ഒരു ത്രിത്വ​ത്തെ​ക്കു​റി​ച്ചു സംസാ​രി​ച്ചോ? അദ്ദേഹ​ത്തി​ന്റെ ചില പ്രസ്‌താ​വ​നകൾ പരി​ശോ​ധിച്ച്‌ നിങ്ങൾതന്നെ തീരു​മാ​നി​ക്കുക. “നിങ്ങൾക്ക​റി​യാ​വു​ന്ന​തു​പോ​ലെ, ദൈവം നസറാ​യ​നായ യേശു​വി​നെ, താൻ അവൻവഴി നിങ്ങളു​ടെ​യി​ട​യിൽ പ്രവർത്തിച്ച മഹത്തായ കാര്യ​ങ്ങൾകൊ​ണ്ടും തന്റെ അത്ഭുത​കൃ​ത്യ​ങ്ങ​ളും അടയാ​ള​ങ്ങ​ളും​കൊ​ണ്ടും നിങ്ങൾക്കു സാക്ഷ്യ​പ്പെ​ടു​ത്തി​ത്തന്നു.” “ആ യേശു​വി​നെ ദൈവം ഉയർപ്പി​ച്ചു. അതിനു ഞങ്ങളെ​ല്ലാ​വ​രും സാക്ഷി​ക​ളാണ്‌.” “ആകയാൽ നിങ്ങൾ ക്രൂശിച്ച ഈ യേശു​വി​നെ തന്നേ ദൈവം കർത്താ​വും ക്രിസ്‌തു​വു​മാ​ക്കി​വെച്ചു.” (പ്രവൃ​ത്തി​കൾ 2:22, 32, പി.ഒ.സി. ബൈ., 36.) ഒരു ത്രിത്വ​ത്തെ​ക്കു​റി​ച്ചു പഠിപ്പി​ക്കു​ന്ന​തിൽനി​ന്നു വളരെ വ്യത്യ​സ്‌ത​മാ​യി, പരിശു​ദ്ധാ​ത്മാ​വു നിറഞ്ഞ പത്രോ​സി​ന്റെ ഈ വാചകങ്ങൾ തന്റെ പിതാ​വി​നോ​ടുള്ള യേശു​വി​ന്റെ വിധേ​യ​ത്വ​ത്തെ, ദൈവ​ഹി​ത​ത്തി​ന്റെ നിവൃ​ത്തി​ക്കു യേശു ഒരു ഉപകര​ണ​മാ​ണെ​ന്ന​തി​നെ, പ്രദീ​പ്‌ത​മാ​ക്കു​ന്നു.

അതിനു​തൊ​ട്ടു​പി​ന്നാ​ലെ, മറെറാ​രു വിശ്വസ്‌ത ക്രിസ്‌ത്യാ​നി യേശു​വി​നെ​ക്കു​റി​ച്ചു സംസാ​രി​ച്ചു. കുററാ​രോ​പ​ണ​ത്തി​നു മറുപടി നൽകാൻ സ്‌തേ​ഫാ​നോസ്‌ സൻഹെ​ദ്രീം സഭയുടെ മുമ്പാകെ വരുത്ത​പ്പെട്ടു. തന്റെ കുററാ​രോ​പകർ മത്സരി​ക​ളായ അവരുടെ പൂർവ​പി​താ​ക്കൻമാ​രെ​പ്പോ​ലെ ആണെന്നു കുററ​മാ​രോ​പി​ച്ചു​കൊണ്ട്‌ സ്ഥിതി​ഗ​തി​കൾ നേരെ തിരിച്ചു. അവസാനം രേഖ ഇങ്ങനെ പറയുന്നു: “അവനോ പരിശു​ദ്ധാ​ത്മാ​വു നിറഞ്ഞ​വ​നാ​യി സ്വർഗ്ഗ​ത്തി​ലേക്കു ഉററു​നോ​ക്കി, ദൈവ​മ​ഹ​ത്വ​വും ദൈവ​ത്തി​ന്റെ വലതു​ഭാ​ഗത്തു യേശു നില്‌ക്കു​ന്ന​തും കണ്ടു. ഇതാ, സ്വർഗ്ഗം തുറന്നി​രി​ക്കു​ന്ന​തും മനുഷ്യ​പു​ത്രൻ ദൈവ​ത്തി​ന്റെ വലത്തു​ഭാ​ഗത്തു നില്‌ക്കു​ന്ന​തും ഞാൻ കാണുന്നു എന്നു പറഞ്ഞു.” (പ്രവൃ​ത്തി​കൾ 7:55, 56) തന്റെ പിതാ​വി​നു തുല്യ​മാ​യി അഥവാ ദൈവ​ശി​ര​സ്സി​ന്റെ ഒരു ഭാഗമാ​യി കാട്ടാതെ യേശു​വി​നെ ദൈവ​ത്തി​ന്റെ വലതു​ഭാ​ഗത്തെ വെറും “മനുഷ്യ​പു​ത്ര”നായി പരിശു​ദ്ധാ​ത്മാ​വു വെളി​പ്പെ​ടു​ത്തി​യത്‌ എന്തു​കൊ​ണ്ടാ​യി​രു​ന്നു? സ്‌തേ​ഫാ​നോ​സി​നു ത്രിത്വ​ത്തി​ന്റെ ഒരു സങ്കൽപ്പം ഇല്ലായി​രു​ന്നെന്നു വ്യക്തം.

പത്രോസ്‌ യേശു​വി​നെ​ക്കു​റി​ച്ചുള്ള സുവാർത്ത​യു​മാ​യി കൊർന്നെ​ല്യോ​സി​ന്റെ പക്കൽ ചെന്ന​പ്പോൾ ത്രി​ത്വോ​പ​ദേശം വെളി​പ്പെ​ടു​ത്തു​ന്ന​തി​നുള്ള കൂടു​ത​ലായ അവസര​മു​ണ്ടാ​യി​രു​ന്നു. എന്നാൽ എന്തു സംഭവി​ച്ചു? യേശു “എല്ലാവ​രു​ടെ​യും കർത്താവാ”ണെന്നു വിവരി​ച്ചു. എന്നാൽ ഈ കർത്തൃ​ത്വം ഒരുന്നത ഉറവി​ട​ത്തിൽനി​ന്നു വന്നെന്ന്‌ അദ്ദേഹം കൂടു​ത​ലാ​യി വിശദ​മാ​ക്കി. യേശു “ജീവി​കൾക്കും മരിച്ച​വർക്കും ന്യായാ​ധി​പ​തി​യാ​യി ദൈവ​ത്താൽ നിയമി​ക്ക​പ്പെ​ട്ടവൻ” ആയിരു​ന്നു. തന്റെ പുനരു​ത്ഥാ​ന​ത്തി​നു​ശേഷം അനുഗാ​മി​കൾക്കു സ്വയം “പ്രത്യ​ക്ഷ​മാ​ക്കാ”ൻ യേശു​വി​നെ അവിടു​ത്തെ പിതാവ്‌ അനുവ​ദി​ച്ചു. പരിശു​ദ്ധാ​ത്മാ​വോ? അത്‌ ഈ സംഭാ​ഷ​ണ​ത്തിൽ പ്രത്യ​ക്ഷ​പ്പെ​ടു​ന്നു​ണ്ടെ​ങ്കി​ലും ത്രിത്വ​ത്തി​ലെ മൂന്നാ​മത്തെ വ്യക്തി​യാ​യി​ട്ടല്ല. മറിച്ച്‌, “യേശു​വി​നെ ദൈവം പരിശു​ദ്ധാ​ത്മാ​വി​നാ​ലും ശക്തിയാ​ലും അഭി​ഷേകം ചെയ്‌തു.” അതു​കൊണ്ട്‌, പരിശു​ദ്ധാ​ത്മാവ്‌ ഒരു വ്യക്തി​യാ​യി​രി​ക്കു​ന്ന​തി​നു പകരം ആ വാക്യ​ത്തിൽത്തന്നെ പറയു​ന്ന​പ്ര​കാ​രം “ശക്തി”പോലെ അമൂർത്ത​മായ ഒന്നാ​ണെന്നു പ്രകട​മാ​ക്കി​യി​രി​ക്കു​ന്നു. (പ്രവൃ​ത്തി​കൾ 10:36, 38, 40, ഓശാന ബൈ., 42) ബൈബിൾ ശ്രദ്ധാ​പൂർവം പരി​ശോ​ധി​ച്ചാൽ പരിശു​ദ്ധാ​ത്മാവ്‌ ഒരു വ്യക്തി​ത്വ​മല്ല, മറിച്ച്‌ ആളുക​ളിൽ നിറയാ​വു​ന്ന​തും അവരെ നിർബ​ന്ധി​ക്കാ​നാ​വു​ന്ന​തും അവരെ തീക്ഷ്‌ണ​ത​കൊ​ണ്ടു ജ്വലി​ക്കു​ന്ന​തിന്‌ ഇടയാ​ക്കാൻ കഴിയു​ന്ന​തും അവരു​ടെ​മേൽ ചൊരി​യ​പ്പെ​ടാ​നാ​വു​ന്ന​തു​മായ ഒരു പ്രവർത്ത​ന​നി​ര​ത​മായ ശക്തിയാ​ണെ​ന്നു​ള്ള​തി​നു നിങ്ങൾ കൂടു​ത​ലായ തെളി​വു​കൾ കണ്ടെത്തും.

ഒടുവിൽ, അഥേന​ക്കാ​രോ​ടു പ്രസം​ഗി​ച്ച​പ്പോൾ അപ്പോ​സ്‌ത​ല​നായ പൗലോ​സി​നു ത്രിത്വം—അതു ശരിയായ ഒരു പഠിപ്പി​ക്ക​ലാ​യി​രു​ന്നെ​ങ്കിൽ—വിശദീ​ക​രി​ക്കു​ന്ന​തിന്‌ ഒരു നല്ല അവസരം കിട്ടി. തന്റെ പ്രസം​ഗ​ത്തിൽ അദ്ദേഹം “അജ്ഞാത​ദേ​വന്ന്‌” എന്ന അവരുടെ യാഗപീ​ഠത്തെ പരാമർശിച്ച്‌ ഇങ്ങനെ പറഞ്ഞു: “നിങ്ങൾ ആരാധി​ക്കുന്ന ആ അജ്ഞാത​നെ​ക്കു​റി​ച്ചു​ത​ന്നെ​യാണ്‌ ഞാൻ നിങ്ങ​ളോ​ടു പ്രഘോ​ഷി​ക്കു​ന്നത്‌.” അദ്ദേഹം ഒരു ത്രിത്വ​മാ​ണോ പ്രഘോ​ഷി​ച്ചത്‌? അല്ല. “ലോക​വും അതിലുള്ള സമസ്‌ത​വും സൃഷ്ടിച്ച ദൈവം, ആകാശ​ത്തി​ന്റെ​യും ഭൂമി​യു​ടെ​യും കർത്താവാ”യവൻ എന്നാണ്‌ അദ്ദേഹം വർണി​ച്ചത്‌. എന്നാൽ യേശു​വി​നെ സംബന്ധി​ച്ചെന്ത്‌? “താൻ നിയമിച്ച ഒരു മനുഷ്യൻ മുഖാ​ന്തരം ലോകത്തെ നീതി​പൂർവം വിധി​ക്കാൻ അവൻ [ദൈവം] ഒരു ദിവസം നിശ്ചയി​ച്ചി​രി​ക്കു​ന്നു.” (പ്രവൃ​ത്തി​കൾ 17:23, 24, 31, ഓശാന ബൈ.) ഇവിടെ ത്രിത്വ​ത്തി​ന്റെ ഒരു സൂചന​യു​മില്ല!

വാസ്‌ത​വ​ത്തിൽ, യേശു​വും അവിടു​ത്തെ പിതാ​വും ഒരു ത്രിത്വ​ത്തി​ന്റെ തുല്യ​ഭാ​ഗ​ങ്ങ​ളാ​യി​രി​ക്കുക അസാധ്യ​മാ​ക്കുന്ന ദൈവ​ത്തി​ന്റെ ഉദ്ദേശ്യ​ങ്ങ​ളിൽ ഒന്നി​നെ​ക്കു​റിച്ച്‌ പൗലോസ്‌ വിശദീ​ക​രി​ച്ചു. അദ്ദേഹം എഴുതി: “സകല​ത്തെ​യും അവന്റെ [യേശു​വി​ന്റെ] കാല്‌ക്കീ​ഴാ​ക്കി​യി​രി​ക്കു​ന്നു എന്നുണ്ട​ല്ലോ; സകലവും അവന്നു കീഴ്‌പെ​ട്ടി​രി​ക്കു​ന്നു എന്നു പറഞ്ഞാൽ സകല​ത്തെ​യും കീഴാ​ക്കി​ക്കൊ​ടു​ത്തവൻ ഒഴി​കെ​യ​ത്രേ എന്നു സ്‌പഷ്ടം. എന്നാൽ അവന്നു സകലവും കീഴ്‌പെ​ട്ടു​വ​ന്ന​ശേഷം ദൈവം സകലത്തി​ലും സകലവും ആകേണ്ട​തി​ന്നു പുത്രൻ താനും സകലവും തനിക്കു കീഴാ​ക്കി​ക്കൊ​ടു​ത്ത​വന്നു കീഴ്‌പെ​ട്ടി​രി​ക്കും.” (1 കൊരി​ന്ത്യർ 15:27, 28) അങ്ങനെ, ദൈവം യേശു ഉൾപ്പെടെ സകലത്തി​ന്റെ​യും മീതെ​യാ​യി​രി​ക്കും.

ആ സ്ഥിതിക്ക്‌ ബൈബി​ളിൽ ത്രിത്വം പഠിപ്പി​ക്ക​പ്പെ​ടു​ന്നു​ണ്ടോ? ഇല്ല. ജോൺ റോബിൻസൻ പറഞ്ഞതു ശരിയാ​യി​രു​ന്നു. അതു ബൈബി​ളി​ലി​ല്ലെന്നു മാത്രമല്ല, അതു “ക്രിസ്‌തീയ ചിന്ത”യുടെ ഭാഗവു​മല്ല. ഇതു നിങ്ങളു​ടെ ആരാധ​നക്കു പ്രധാ​ന​മാ​ണെന്നു നിങ്ങൾ കരുതു​ന്നു​ണ്ടോ? നിങ്ങൾ കരുതണം. യേശു പറഞ്ഞു: “ഏക സത്യ​ദൈ​വ​മായ നിന്നെ​യും നീ അയച്ച യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ.” (യോഹ​ന്നാൻ 17:3) നമ്മുടെ ദൈവി​കാ​രാ​ധ​നയെ നാം ഗൗരവ​മാ​യി എടുക്കു​ന്നെ​ങ്കിൽ അവിടുന്ന്‌ ആയിരി​ക്കു​ന്ന​പ്ര​കാ​രം, അവിടു​ന്നു സ്വയം നമുക്കു വെളി​പ്പെ​ടു​ത്തി​ത്ത​ന്നി​രി​ക്കു​ന്ന​പ്ര​കാ​രം​തന്നെ, നാം അവിടു​ത്തെ മനസ്സി​ലാ​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. അപ്പോൾമാ​ത്രമേ നാം “പിതാ​വി​നെ ആത്മാവി​ലും സത്യത്തി​ലും നമസ്‌ക​രി​ക്കുന്ന”വരിൽ പെട്ടവ​രാ​ണെന്നു നമുക്കു യഥാർഥ​മാ​യി പറയാൻ സാധി​ക്കു​ക​യു​ള്ളു.—യോഹ​ന്നാൻ 4:23.

[അടിക്കു​റിപ്പ്‌]

[28-ാം പേജിലെ ആകർഷ​ക​വാ​ക്യം]

തിരുവെഴുത്തുകളുടെ ലളിത​മായ അർഥം യേശു​വും തന്റെ പിതാ​വും ഒരു ദൈവ​മ​ല്ലെന്നു വ്യക്തമാ​യി കാണി​ച്ചു​ത​രു​ന്നു

[29-ാം പേജിലെ ആകർഷ​ക​വാ​ക്യം]

യേശു ദൈവ​മാ​ണെന്നു പൊ.യു. 33-ലെ പെന്ത​ക്കോ​സ്‌തി​നു​ശേഷം പരിശു​ദ്ധാ​ത്മാ​വു വെളി​പ്പെ​ടു​ത്താ​ഞ്ഞത്‌ എന്തു​കൊണ്ട്‌?