നിങ്ങൾക്ക്‌ ആരോ​ഗ്യാ​വ​ഹ​മായ വിനോ​ദം കണ്ടെത്താ​നാ​കും

വിനോ​ദ​ത്തിൽ ഉൾപ്പെ​ട്ടി​രി​ക്കുന്ന ഉല്ലാസത്തെ ബൈബിൾ കുറ്റം വിധി​ക്കു​ക​യോ കളിക​ളി​ലെ ആസ്വാ​ദ​നത്തെ ഒരു സമയന​ഷ്ട​മാ​യി പരിഗ​ണി​ക്കു​ക​യോ ചെയ്യു​ന്നില്ല. നേരേ​മ​റിച്ച്‌, “ചിരി​പ്പാൻ ഒരു കാല”വും “നൃത്തം ചെയ്‌വാൻ [“തുള്ളി​ച്ചാ​ടാൻ,” NW] ഒരു കാല”വും ഉണ്ടെന്നു സഭാ​പ്ര​സം​ഗി 3:4 പറയുന്നു.a പുരാതന ഇസ്രാ​യേ​ലി​ലെ ദൈവ​ജനം സംഗീ​ത​വും നൃത്തവും കളിക​ളും ഉൾപ്പെടെ പലതര​ത്തി​ലുള്ള വിനോ​ദങ്ങൾ ആസ്വദി​ച്ചു. യേശു​ക്രി​സ്‌തു ഒരു വലിയ വിവാഹ സത്‌കാ​ര​ത്തി​ലും, മറ്റൊ​ര​വ​സ​ര​ത്തിൽ, “ഒരു വലിയ വിരുന്നി”ലും സംബന്ധി​ച്ചു. (ലൂക്കൊസ്‌ 5:29; യോഹ​ന്നാൻ 2:1, 2) അതു​കൊണ്ട്‌ നല്ലൊരു വിനോ​ദം ആസ്വദി​ക്കു​ന്ന​തി​നെ ബൈബിൾ എതിർക്കു​ന്നില്ല.

എന്നാൽ, ഇന്നത്തെ ബഹുഭൂ​രി​പക്ഷം വിനോ​ദ​ങ്ങ​ളും ദൈവ​ത്തിന്‌ അനിഷ്ട​ക​ര​മായ നടത്തയെ മഹത്ത്വീ​ക​രി​ക്കു​ന്ന​തി​നാൽ ഒരു ചോദ്യ​മു​യ​രു​ന്നു, വിനോ​ദം തിര​ഞ്ഞെ​ടു​ക്കു​ന്ന​തി​നുള്ള നിങ്ങളു​ടെ നിലവാ​രങ്ങൾ ആരോ​ഗ്യാ​വ​ഹ​മാ​യി തുടരു​ന്നു​വെന്ന്‌ നിങ്ങൾക്കെ​ങ്ങനെ ഉറപ്പു​വ​രു​ത്താ​നാ​കും? എന്ന ചോദ്യം ഉയർന്നു​വ​രു​ന്നു.

തിര​ഞ്ഞെ​ടു​ക്കൽ മനോ​ഭാ​വ​മു​ള്ള​വ​രാ​യി​രി​ക്കുക

വിനോ​ദം തിര​ഞ്ഞെ​ടു​ക്കുന്ന കാര്യ​ത്തിൽ ബൈബിൾ തത്ത്വങ്ങ​ളാൽ നയിക്ക​പ്പെ​ടാൻ ക്രിസ്‌ത്യാ​നി​കൾ ആഗ്രഹി​ക്കും. ദൃഷ്ടാ​ന്ത​ത്തിന്‌, സങ്കീർത്ത​ന​ക്കാ​ര​നായ ദാവീദ്‌ എഴുതി: “യഹോവ നീതി​മാ​നെ ശോധന ചെയ്യുന്നു; ദുഷ്ട​നെ​യും സാഹസ​പ്രി​യ​നെ​യും [“അക്രമത്തെ സ്‌നേ​ഹി​ക്കു​ന്ന​വ​നെ​യും,” NW] അവന്റെ ഉള്ളം വെറു​ക്കു​ന്നു.” (സങ്കീർത്തനം 11:5) കൊ​ലൊ​സ്സ്യർക്ക്‌ പൗലൊസ്‌ എഴുതി: “ആകയാൽ ദുർന്ന​ടപ്പു, അശുദ്ധി, അതിരാ​ഗം, ദുർമ്മോ​ഹം, വിഗ്ര​ഹാ​രാ​ധ​ന​യായ അത്യാ​ഗ്രഹം ഇങ്ങനെ ഭൂമി​യി​ലുള്ള നിങ്ങളു​ടെ അവയവ​ങ്ങളെ മരിപ്പി​പ്പിൻ. ഇപ്പോ​ഴോ നിങ്ങളും കോപം, ക്രോധം, ഈർഷ്യ, വായിൽനി​ന്നു വരുന്ന ദൂഷണം, ദുർഭാ​ഷണം ഇവ ഒക്കെയും വിട്ടു​ക​ള​വിൻ.”—കൊ​ലൊ​സ്സ്യർ 3:5, 8.

ഇന്നു ലഭ്യമാ​യി​രി​ക്കുന്ന മിക്ക വിനോ​ദ​ങ്ങ​ളും ഈ നിശ്വസ്‌ത ബുദ്ധ്യു​പ​ദേ​ശത്തെ സ്‌പഷ്ട​മാ​യും ലംഘി​ക്കു​ന്നു. ‘എന്നാൽ സ്‌ക്രീ​നിൽ കാണുന്ന കാര്യങ്ങൾ ഞാൻ ഒരിക്ക​ലും ചെയ്യു​ക​യില്ല’ എന്നു ചിലർ തടസ്സവാ​ദ​മു​ന്ന​യി​ച്ചേ​ക്കാം. അത്‌ അങ്ങനെ ആയിരി​ക്കാം. എന്നാൽ നിങ്ങൾ ഏതു തരത്തി​ലുള്ള വ്യക്തി​യാ​യി​ത്തീ​രും എന്ന്‌ നിങ്ങളു​ടെ വിനോ​ദം സൂചി​പ്പി​ക്കു​ന്നി​ല്ലെ​ങ്കിൽപോ​ലും, നിങ്ങൾ ഇപ്പോൾത്തന്നെ ഏതു തരത്തി​ലുള്ള വ്യക്തി​യാണ്‌ എന്നതു സംബന്ധിച്ച്‌ അതു ചില കാര്യങ്ങൾ വെളി​പ്പെ​ടു​ത്തി​യേ​ക്കാം. ദൃഷ്ടാ​ന്ത​ത്തിന്‌, നിങ്ങൾ “അക്രമത്തെ സ്‌നേ​ഹി​ക്കുന്ന”വരിൽ പെട്ടവ​നാണ്‌, അല്ലെങ്കിൽ ‘ദുർന്ന​ടപ്പു, അതിരാ​ഗം, അത്യാ​ഗ്രഹം ദുർഭാ​ഷണം’ എന്നിവ നിങ്ങളു​ടെ നിരന്തര മനോ​വ്യാ​പാ​ര​മാണ്‌ എന്നോ നിങ്ങൾ യഥാർഥ​ത്തിൽ ‘ദോഷത്തെ വെറു​ക്കുന്ന’വരിൽ പെട്ടവ​നാണ്‌ എന്നോ അതു പറഞ്ഞേ​ക്കാം.—സങ്കീർത്തനം 97:10.

അപ്പോ​സ്‌ത​ല​നാ​യ പൗലൊസ്‌ ഫിലി​പ്പി​യർക്ക്‌ എഴുതി: “സത്യമാ​യതു ഒക്കെയും ഘനമാ​യതു [“ഗൗരവ​മുള്ള കാര്യങ്ങൾ,” NW] ഒക്കെയും നീതി​യാ​യതു ഒക്കെയും നിർമ്മ​ല​മാ​യതു ഒക്കെയും രമ്യമാ​യതു ഒക്കെയും സല്‌ക്കീർത്തി​യാ​യതു ഒക്കെയും സൽഗു​ണ​മോ പുകഴ്‌ച​യോ അതു ഒക്കെയും ചിന്തി​ച്ചു​കൊൾവിൻ.”—ഫിലി​പ്പി​യർ 4:8.

എന്നാൽ, ഏതെങ്കി​ലും തരത്തി​ലുള്ള നീതി​കേട്‌, ഒരുപക്ഷേ ഒരു കുറ്റകൃ​ത്യം ഉൾപ്പെ​ടുന്ന ഒരു ഭാഗമുള്ള എല്ലാ ചലച്ചി​ത്ര​ങ്ങ​ളും പുസ്‌ത​ക​ങ്ങ​ളും ടിവി പ്രദർശ​ന​ങ്ങ​ളും അതിനാൽത്തന്നെ ചീത്തയാ​ണെന്ന്‌ ഈ തിരു​വെ​ഴുത്ത്‌ അർഥമാ​ക്കു​ന്നു​ണ്ടോ? അല്ലെങ്കിൽ, “ഗൗരവ​മുള്ള കാര്യങ്ങൾ” അല്ല എന്ന കാരണ​ത്താൽ എല്ലാ ഫലിത പരിപാ​ടി​ക​ളും ഒഴിവാ​ക്ക​ണ​മോ? വേണ്ട, വിനോ​ദ​ത്തെ​ക്കു​റി​ച്ചല്ല മറിച്ച്‌ ഹൃദയ​ത്തി​ന്റെ ധ്യാന​ത്തെ​ക്കു​റി​ച്ചാണ്‌ പൗലൊസ്‌ ചർച്ച​ചെ​യ്‌തി​രു​ന്ന​തെന്നു സാഹച​ര്യം പ്രകട​മാ​ക്കു​ന്നു. അവ യഹോ​വയെ പ്രീതി​പ്പെ​ടു​ത്തുന്ന കാര്യ​ങ്ങ​ളിൽ കേന്ദ്രീ​ക​രി​ക്കണം. (സങ്കീർത്തനം 19:14) എന്നിരു​ന്നാ​ലും, വിനോ​ദം തിര​ഞ്ഞെ​ടു​ക്കേ​ണ്ടി​വ​രു​മ്പോൾ പൗലൊസ്‌ പറഞ്ഞതി​നു നമ്മെ സഹായി​ക്കാ​നാ​വും. ഫിലി​പ്പി​യർ 4:8-ലെ തത്ത്വം ഉപയോ​ഗിച്ച്‌ നമുക്കി​ങ്ങനെ സ്വയം ചോദി​ക്കാം, ‘ഞാൻ തിര​ഞ്ഞെ​ടു​ക്കുന്ന വിനോ​ദം നിർമ​ല​മ​ല്ലാത്ത കാര്യങ്ങൾ ധ്യാനി​ക്കാൻ എന്നെ പ്രേരി​പ്പി​ക്കു​ന്നു​വോ?’ അങ്ങനെ​യെ​ങ്കിൽ, അപ്പോൾ നാം ക്രമീ​ക​ര​ണങ്ങൾ വരു​ത്തേ​ണ്ട​തുണ്ട്‌.

എന്നാൽ, വിനോ​ദത്തെ വിലയി​രു​ത്തു​ന്ന​തിൽ ‘തങ്ങളുടെ ന്യായ​ബോ​ധം സകല മനുഷ്യ​രും അറിയാൻ’ ക്രിസ്‌ത്യാ​നി​കൾ അനുവ​ദി​ക്കണം. (ഫിലി​പ്പി​യർ 4:5, NW) ക്രിസ്‌ത്യാ​നി​കൾക്കു തീർത്തും അനുചി​ത​മായ അമിത​ത്വ​ങ്ങൾ വിനോ​ദ​ങ്ങ​ളിൽ ഉണ്ടെന്നു​ള്ളതു സ്‌പഷ്ട​മാണ്‌. അതിനു​പു​റമേ, ഓരോ വ്യക്തി​യും കാര്യങ്ങൾ ശ്രദ്ധാ​പൂർവം തൂക്കി​നോ​ക്കി ദൈവ​ത്തി​നും മനുഷ്യ​നും മുമ്പാകെ തനിക്ക്‌ ഒരു ശുദ്ധ മനസ്സാക്ഷി അവശേ​ഷി​പ്പി​ക്കുന്ന തീരു​മാ​നങ്ങൾ എടുക്കണം. (1 കൊരി​ന്ത്യർ 10:31-33; 1 പത്രൊസ്‌ 3:21) നിസ്സാര കാര്യ​ങ്ങ​ളിൽ മറ്റുള്ള​വരെ വിധി​ക്കു​ക​യോ അവർ എന്തു ചെയ്യണ​മെന്നു നിഷ്‌കർഷി​ക്കുന്ന സ്വേച്ഛാ​ധി​പത്യ ചട്ടങ്ങൾ വെക്കു​ക​യോ ചെയ്യു​ന്നത്‌ ഉചിത​മാ​യി​രി​ക്കില്ല.b—റോമർ 14:4; 1 കൊരി​ന്ത്യർ 4:6.

മാതാ​പി​താ​ക്ക​ളു​ടെ പങ്ക്‌

വിനോ​ദ​ത്തി​ന്റെ കാര്യ​ത്തിൽ മാതാ​പി​താ​ക്കൾ സുപ്ര​ധാ​ന​മാ​യൊ​രു പങ്കു വഹിക്കു​ന്നു. പൗലൊസ്‌ എഴുതി: “തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.” (1 തിമൊ​ഥെ​യൊസ്‌ 5:8) അതു​കൊണ്ട്‌, കുടും​ബാം​ഗ​ങ്ങൾക്കു വേണ്ടി ഭൗതി​ക​മാ​യി മാത്രമല്ല ആത്മീയ​മാ​യും വൈകാ​രി​ക​മാ​യും കരുതാ​നുള്ള കടപ്പാട്‌ മാതാ​പി​താ​ക്കൾക്കുണ്ട്‌. ആരോ​ഗ്യാ​വ​ഹ​മായ വിശ്ര​മ​ത്തി​നു​വേണ്ടി കരുതൽ ചെയ്യു​ന്ന​തും ഇതിൽ ഉൾപ്പെ​ടും.—സദൃശ​വാ​ക്യ​ങ്ങൾ 24:27.

കുടുംബ ജീവി​ത​ത്തി​ന്റെ ഈ വശം ചില​പ്പോൾ അവഗണി​ക്ക​പ്പെ​ടു​ന്നു. നൈജീ​രി​യ​യി​ലെ ഒരു മിഷനറി പറയുന്നു: “നിർഭാ​ഗ്യ​ക​ര​മെന്നു പറയട്ടെ, ചില മാതാ​പി​താ​ക്കൾ വിനോ​ദത്തെ ഒരു സമയന​ഷ്ട​മാ​യി പരിഗ​ണി​ക്കു​ന്നു. തത്‌ഫ​ല​മാ​യി, ചില കുട്ടികൾ മാതാ​പി​താ​ക്ക​ളു​ടെ മാർഗ​നിർദേ​ശ​മി​ല്ലാ​ത്ത​വ​രാ​യി തീർന്നി​രി​ക്കു​ന്നു. അവർ മോശ​മായ തരത്തി​ലുള്ള സുഹൃ​ത്തു​ക്ക​ളെ​യും തെറ്റായ തരം വിനോ​ദ​വും കണ്ടെത്തു​ന്നു.” മാതാ​പി​താ​ക്കളേ, ഇതു സംഭവി​ക്കാൻ അനുവ​ദി​ക്ക​രുത്‌! നിങ്ങളു​ടെ കുട്ടി​കൾക്ക്‌ അവരെ നവോ​ന്മേ​ഷി​ത​രാ​ക്കുന്ന ആരോ​ഗ്യാ​വ​ഹ​മായ വിനോ​ദ​മു​ണ്ടെന്ന്‌ ഉറപ്പു​വ​രു​ത്തുക.

എന്നാൽ ജാഗ്രത അത്യാ​വ​ശ്യ​മാണ്‌. “ദൈവ​സ്‌നേ​ഹി​കൾ ആയിരി​ക്കു​ന്ന​തി​നു പകരം ഉല്ലാസ സ്‌നേ​ഹി​ക​ളാ​യി​രി​ക്കുന്ന” ഇന്നത്തെ അനേക​രെ​യും പോ​ലെ​യാ​യി​ത്തീ​ര​രുത്‌ ക്രിസ്‌ത്യാ​നി​കൾ. (2 തിമൊ​ഥെ​യൊസ്‌ 3:1-4, NW) അതേ, വിനോ​ദത്തെ അതിന്റെ സ്ഥാനത്തു പ്രതി​ഷ്‌ഠി​ക്കണം. അത്‌ ഒരുവന്റെ ജീവി​തത്തെ നവോ​ന്മേ​ഷ​പ്ര​ദ​മാ​ക്കണം—നിയ​ന്ത്രി​ക്ക​രുത്‌. അതു​കൊണ്ട്‌ കുട്ടി​കൾക്കും മുതിർന്ന​വർക്കും ആവശ്യ​മാ​യി​രി​ക്കു​ന്നത്‌ ഉചിത​മായ തരത്തി​ലുള്ള വിനോ​ദം മാത്രമല്ല ഉചിത​മായ അളവി​ലു​ള്ള​തും ആണ്‌.—എഫെസ്യർ 5:15, 16.

മറ്റു പ്രവർത്ത​നങ്ങൾ ആസ്വദി​ക്കു​ക

ജനരഞ്‌ജ​ക​മായ മിക്ക വിനോ​ദ​ങ്ങ​ളും ആളുകളെ നിഷ്‌ക്രി​യ​രാ​യി​രി​ക്കാ​നാ​ണു പഠിപ്പി​ക്കു​ന്നത്‌, ഊർജ​സ്വ​ല​രാ​യി​രി​ക്കാ​നല്ല. ദൃഷ്ടാ​ന്ത​ത്തിന്‌, ടെലി​വി​ഷന്റെ കാര്യ​മെ​ടു​ക്കുക. ടിവി ഓഫാ​ക്കിയ ശേഷം നിങ്ങൾ എന്തു ചെയ്യണം (ഇംഗ്ലീഷ്‌) എന്ന പുസ്‌തകം പറയുന്നു: “[ടെലി​വി​ഷൻ] തികച്ചും പ്രകൃ​ത്യാ​തന്നെ നിഷ്‌ക്രി​യ​രാ​യി​രി​ക്കാൻ നമ്മെ പഠിപ്പി​ക്കു​ന്നു: വിനോ​ദം, പഠനം​പോ​ലും ശ്രമര​ഹി​ത​മാ​യി നമുക്കു ലഭിക്കു​ന്ന​താ​യി​ത്തീ​രു​ന്നു, അത്‌ നമ്മുടെ സജീവ സൃഷ്ടിയല്ല.” തീർച്ച​യാ​യും, നിഷ്‌ക്രി​യ​മായ വിനോ​ദ​ത്തി​നു​പോ​ലും ഒരു സ്ഥാനമുണ്ട്‌. എന്നാൽ അതിനാ​യി ഒരു വ്യക്തി​യു​ടെ വളരെ​യേറെ വിശ്ര​മ​സ​മയം ചെലവ​ഴി​ക്കു​ന്നെ​ങ്കിൽ, അത്‌ അയാൾക്ക്‌ പുളക​പ്ര​ദ​മായ അവസരങ്ങൾ നിഷേ​ധി​ക്കു​ന്നു.

താൻ “ടെലി​വി​ഷൻ വരുന്ന​തി​നു മുമ്പുള്ള തലമു​റ​യി​ലെ ഒരംഗ​മാ​ണെന്നു” പറയുന്ന ഗ്രന്ഥകർത്താ​വായ ജെറി മാൻഡെർ തന്റെ ബാല്യ​കാ​ലത്ത്‌ ഇടയ്‌ക്കി​ടെ അനുഭ​വിച്ച വിരസ സമയങ്ങ​ളെ​ക്കു​റി​ച്ചു വിവരി​ക്കു​ന്നു: “വിരസ​ത​യോ​ടൊ​പ്പം ഉത്‌ക​ണ്‌ഠ​യും ഉണ്ടായി​രു​ന്നു. അത്‌ അങ്ങേയറ്റം അസുഖ​ക​ര​മാ​യി​രു​ന്നു, ഒടുവിൽ പ്രവർത്തി​ക്കാൻ, എന്തെങ്കി​ലും ചെയ്യാൻ ഞാൻ തീരു​മാ​ന​മെ​ടു​ക്കു​മാ​യി​രുന്ന ഘട്ടത്തോ​ളം അസുഖ​ക​ര​മാ​യി​രു​ന്നു. ഞാൻ ഒരു സുഹൃ​ത്തിന്‌ ഫോൺ ചെയ്യു​ക​യോ പുറത്തു പോകു​ക​യോ പന്തുക​ളി​ക്കു​ക​യോ വായി​ക്കു​ക​യോ മറ്റെ​ന്തെ​ങ്കി​ലു​മൊ​ക്കെ​യോ ചെയ്യു​മാ​യി​രു​ന്നു. പിന്തി​രി​ഞ്ഞു​നോ​ക്കു​മ്പോൾ, വിരസ​മായ, ‘യാതൊ​ന്നും ചെയ്യാ​നി​ല്ലാത്ത സമയത്തെ,’ സർഗാത്മ പ്രവർത്തനം ഉത്ഭവി​ക്കുന്ന ഒരു അവസ്ഥാ​വി​ശേ​ഷ​മാ​യി ഞാൻ വീക്ഷി​ക്കു​ന്നു.” കുട്ടികൾ ഇന്ന്‌ ടിവി-യെ വിരസ​ത​യ്‌ക്കുള്ള ഒരു അനായാസ പരിഹാ​ര​മാ​യി ഉപയോ​ഗി​ക്കു​ന്നു​വെന്നു മാൻഡെർ അഭി​പ്രാ​യ​പ്പെ​ടു​ന്നു. “വിരസ​തയെ തുടർന്ന്‌ ഉണ്ടാ​യേ​ക്കാ​വുന്ന ഉത്‌ക​ണ്‌ഠ​യെ​യും സർഗാ​ത്മ​ക​ത​യെ​യും ടിവി ഇല്ലാതാ​ക്കു​ന്നു” എന്ന്‌ അദ്ദേഹം കൂട്ടി​ച്ചേർക്കു​ന്നു.

അങ്ങനെ, നിഷ്‌ക്രി​യ​തയല്ല മറിച്ച്‌ ക്രിയാ​ത്മകത ആവശ്യ​മാ​ക്കുന്ന പ്രവർത്ത​നങ്ങൾ തങ്ങൾ വിചാ​രി​ച്ച​തി​നെ​ക്കാ​ളും സംതൃ​പ്‌തി​ദാ​യകം ആയിരി​ക്കാ​വു​ന്ന​താ​ണെന്ന്‌ അനേകർ കണ്ടെത്തി​യി​രി​ക്കു​ന്നു. മറ്റുള്ള​വ​രോ​ടൊ​പ്പം ഉച്ചത്തിൽ വായി​ക്കു​ന്നത്‌ ആസ്വാ​ദ​ന​ത്തി​ന്റെ ഒരു ഉറവാ​ണെന്ന്‌ ചിലർ മനസ്സി​ലാ​ക്കി​യി​രി​ക്കു​ന്നു. മറ്റു ചിലർ ഒരു സംഗീ​തോ​പ​ക​രണം വായി​ക്കു​ന്ന​തോ ഒരു ചിത്രം വരയ്‌ക്കു​ന്ന​തോ​പോ​ലുള്ള ഹോബി​ക​ളിൽ ഏർപ്പെ​ടു​ന്നു. കൂടാതെ, ആരോ​ഗ്യാ​വ​ഹ​മായ കൂടി​വ​ര​വു​കൾ ക്രമീ​ക​രി​ക്കാ​നുള്ള അവസരങ്ങൾ ഉണ്ട്‌.c (ലൂക്കൊസ്‌ 14:12-14) വീടിനു വെളി​യിൽ പോയുള്ള വിനോ​ദ​ങ്ങൾക്കും പ്രയോ​ജ​നങ്ങൾ ഉണ്ട്‌. സ്വീഡ​നി​ലെ ഒരു ഉണരുക! ലേഖകൻ റിപ്പോർട്ടു ചെയ്യുന്നു: “വെറുതേ തമ്പടിക്കൽ, മീൻപി​ടു​ത്തം, കാട്ടി​ലൂ​ടെ​യുള്ള വിനോ​ദ​യാ​ത്രകൾ, ബോട്ടു​യാ​ത്രകൾ, മലമു​ക​ളി​ലൂ​ടെ നടക്കു​ന്നത്‌ തുടങ്ങി​യ​വ​യ്‌ക്കാ​യി ചില കുടും​ബങ്ങൾ പോകു​ന്നു. കുട്ടികൾ വളരെ ആഹ്ലാദ​ഭ​രി​ത​രാണ്‌.”

വിനോ​ദ​ത്തിൽ ദുഷി​പ്പി​ക്കുന്ന ഘടകങ്ങ​ളു​ടെ സാന്നി​ധ്യം നമ്മെ അതിശ​യി​പ്പി​ക്ക​രുത്‌. ജനതക​ളി​ലെ ആളുകൾ “തങ്ങളുടെ വ്യർത്ഥ​ബു​ദ്ധി അനുസ​രി​ച്ചു നടക്കുന്നു”വെന്ന്‌ അപ്പോ​സ്‌ത​ല​നായ പൗലൊസ്‌ എഴുതി. (എഫെസ്യർ 4:17) അതു​കൊണ്ട്‌, വിനോ​ദ​മാ​യി അവർക്കു തോന്നുന്ന മിക്കതും “ജഡത്തിന്റെ പ്രവൃ​ത്തിക”ൾക്കു വളം​വെ​ച്ചു​കൊ​ടു​ക്കു​മെന്നു പ്രതീ​ക്ഷി​ക്കാ​വു​ന്ന​തേ​യു​ള്ളൂ. (ഗലാത്യർ 5:19-21) എന്നാൽ, തങ്ങളുടെ വിനോ​ദ​ത്തി​ന്റെ ഗുണവും അളവും സംബന്ധിച്ച്‌ ആരോ​ഗ്യാ​വ​ഹ​മായ തീരു​മാ​നങ്ങൾ എടുക്കാൻ ക്രിസ്‌ത്യാ​നി​കൾക്കു തങ്ങളെ​ത്തന്നെ പരിശീ​ലി​പ്പി​ക്കാൻ കഴിയും. അവർക്കു വിനോ​ദം ഒരു കുടുംബ വിഷയ​മാ​ക്കാ​വു​ന്ന​തു​മാണ്‌. നവോ​ന്മേ​ഷ​പ്ര​ദ​വും വരും​വർഷ​ങ്ങ​ളിൽ പ്രിയ​ങ്ക​ര​മായ ഓർമകൾ പ്രദാനം ചെയ്യു​ന്ന​തു​മായ പുതിയ പ്രവർത്ത​നങ്ങൾ പരീക്ഷി​ച്ചു​നോ​ക്കാ​വു​ന്ന​തു​മാണ്‌. അതേ, നിങ്ങൾക്ക്‌ ആരോ​ഗ്യാ​വ​ഹ​മായ വിനോ​ദം കണ്ടെത്താൻ കഴിയും!

[അടിക്കു​റി​പ്പു​കൾ]

[9-ാം പേജിലെ ചിത്രങ്ങൾ]

ആരോഗ്യാവഹമായ വിനോ​ദം പ്രതി​ഫ​ല​ദാ​യകം ആയിരി​ക്കാ​വു​ന്ന​താണ്‌