സ്‌നേ​ഹ​ത്തി​ന്റെ പൂർണ​ബ​ന്ധ​ത്തിൽ ഏകീകൃ​തർ

“യോജി​പ്പോ​ടെ സ്‌നേ​ഹ​ത്തിൽ ഏകീഭ​വി​ക്കു​വിൻ.”—കൊ​ലോ​സ്യർ 2:2, NW.

1, 2. ഏതു ഭിന്നി​പ്പി​ക്കുന്ന സ്വാധീ​ന​മാണ്‌ ഇന്നു വിശേ​ഷാൽ അനുഭ​വ​പ്പെ​ടു​ന്നത്‌?

ശ്രദ്ധി​ക്കു​വിൻ! ആകാശ​ത്തെ​വി​ടെ​യും പ്രതി​ധ്വ​നി​ക്കുന്ന ഉച്ചത്തി​ലുള്ള ഒരു ശബ്ദം പറയുന്നു: “ഭൂമി​ക്കും സമു​ദ്ര​ത്തി​നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളൂ എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.” (വെളി​പ്പാ​ടു 12:12) ഓരോ വർഷം കടന്നു​പോ​കു​ന്ന​തോ​ടെ ഭൂവാ​സി​കളെ സംബന്ധിച്ച്‌ ഈ സന്ദേശം കൂടു​തൽക്കൂ​ടു​തൽ അശുഭ​സൂ​ച​ക​മാ​യി​ത്തീ​രു​ക​യാണ്‌.

² യഹോ​വ​യു​ടെ വലിയ പ്രതി​യോ​ഗി എതിരാ​ളി (സാത്താൻ) എന്നും ദൂഷകൻ (പിശാച്‌) എന്നും അറിയ​പ്പെ​ടാൻ തുടങ്ങി​യിട്ട്‌ നാളുകൾ ഏറെയാ​യി. എന്നാൽ ഇപ്പോൾ മറെറാ​രു ദുസ്സൂചക റോൾകൂ​ടി എടുത്തി​രി​ക്കു​ക​യാണ്‌ ഈ വഞ്ചകൻ—അവൻ ഒരു കുപി​ത​ദൈ​വ​മാ​യി​രി​ക്കു​ക​യാണ്‌! എന്തു​കൊണ്ട്‌? മീഖാ​യേ​ലും അവന്റെ ദൂതൻമാ​രും ചേർന്ന്‌ 1914-ൽ സ്വർഗ​ത്തിൽ തുടങ്ങിയ ഒരു യുദ്ധത്തി​ലൂ​ടെ അവനെ സ്വർഗ​ത്തിൽനി​ന്നു പുറത്താ​ക്കി​യ​താ​ണു കാരണം. (വെളി​പ്പാ​ടു 12:7-9) ദൈവത്തെ ആരാധി​ക്കു​ന്ന​തിൽനി​ന്നു സകല മനുഷ്യ​രെ​യും പിന്തിരിപ്പിക്കാൻ കഴിയു​മെന്ന തന്റെ വെല്ലു​വി​ളി തെളി​യി​ക്കാൻ ഇനി ചുരു​ങ്ങിയ സമയ​മേ​യു​ള്ളൂ എന്ന്‌ പിശാ​ചിന്‌ അറിയാം. (ഇയ്യോബ്‌ 1:11; 2:4, 5) രക്ഷപെ​ടാൻ യാതൊ​രു മാർഗ​വു​മി​ല്ലാ​തെ, അവനും അവന്റെ ഭൂതങ്ങ​ളും അസ്വസ്ഥ​രായ മനുഷ്യ​ക്കൂ​ട്ട​ങ്ങൾക്കു നേരേ ആഞ്ഞടി​ക്കു​ക​യാണ്‌, കോപാ​കു​ല​മായ കടന്നൽക്കൂ​ട്ട​ത്തെ​പ്പോ​ലെ.—യെശയ്യാ​വു 57:20.

3. നമ്മുടെ നാളു​ക​ളിൽ സാത്താനെ താഴേക്കു വലി​ച്ചെ​റി​ഞ്ഞ​തി​ന്റെ ഫലം എന്തായി​രി​ക്കു​ന്നു?

³ മനുഷ്യ​നേ​ത്ര​ങ്ങൾക്ക്‌ അദൃശ്യ​മായ ഈ സംഭവങ്ങൾ ഇന്നു മനുഷ്യർക്കി​ട​യിൽ പൊതു​വേ​യുള്ള ധാർമി​ക​ത്ത​കർച്ച​യു​ടെ കാരണം വിശദ​മാ​ക്കു​ന്നു. യോജി​പ്പിൽ ജീവി​ക്കാ​നാ​വാത്ത രാഷ്‌ട്രങ്ങൾ കുത്തഴി​ഞ്ഞു വിഘടി​ച്ചു​പോ​കു​മ്പോൾ അവയെ ഒരുമി​ച്ചു​നിർത്താ​നുള്ള മനുഷ്യ​രു​ടെ പരക്കം​പാ​ച്ച​ലു​ക​ളെ​യും ആ സംഭവങ്ങൾ വിശദ​മാ​ക്കു​ന്നു. വ്യത്യസ്‌ത ഗോ​ത്ര​ങ്ങ​ളും വംശജ​രും കൊടും​പ​ക​യോ​ടെ പരസ്‌പരം തമ്മില​ടി​ക്കു​ന്നു. ഫലമോ, വീടും നാടും നഷ്ടപ്പെട്ട്‌ വഴിയാ​ധാ​ര​മാ​കുന്ന ലക്ഷക്കണ​ക്കി​നാ​ളു​കൾ. മുമ്പെ​ങ്ങും കണ്ടിട്ടി​ല്ലാ​ത്ത​വി​ധം നിയമ​രാ​ഹി​ത്യം കൂടി​ക്കൂ​ടി​വ​രു​ന്ന​തിൽ യാതൊ​രു അത്ഭുത​വു​മില്ല! യേശു മുൻകൂ​ട്ടി​പ്പ​റ​ഞ്ഞ​തു​പോ​ലെ, ‘അനേക​രു​ടെ​യും സ്‌നേഹം തണുത്തു​പോ​കു​ക​യാണ്‌.’ എവിടെ നോക്കി​യാ​ലും യോജി​പ്പി​ല്ലാ​യ്‌മ​യും സ്‌നേ​ഹ​രാ​ഹി​ത്യ​വും അസ്വസ്ഥ​രായ ഇന്നത്തെ മനുഷ്യ​രു​ടെ പ്രത്യേ​ക​ത​യാ​ണെന്നു കാണാം.—മത്തായി 24:12.

4. ദൈവ​ജനം വിശേ​ഷാൽ അപകട​ത്തി​ലാ​യി​രി​ക്കു​ന്നത്‌ എന്തു​കൊണ്ട്‌?

⁴ ലോക​സ്ഥി​തി​വി​ശേഷം കണക്കി​ലെ​ടു​ക്കു​മ്പോൾ, തന്റെ അനുഗാ​മി​കൾക്കു​വേ​ണ്ടി​യുള്ള യേശു​വി​ന്റെ പ്രാർഥ​നക്കു പ്രാധാ​ന്യ​മേ​റി​വ​രു​ന്നു: “അവരെ ലോക​ത്തിൽനി​ന്നു എടു​ക്കേണം എന്നല്ല, ദുഷ്‌ടന്റെ കയ്യിൽ അകപ്പെ​ടാ​ത​വണ്ണം അവരെ കാത്തു​കൊ​ള്ളേണം എന്നത്രേ ഞാൻ അപേക്ഷി​ക്കു​ന്നത്‌. ഞാൻ ലൌകി​ക​ന​ല്ലാ​ത്ത​തു​പോ​ലെ അവരും ലൌകി​കൻമാ​രല്ല [‘ലോക​ത്തി​ന്റെ ഭാഗമല്ല,’ NW].” (യോഹ​ന്നാൻ 17:15, 16) “ദൈവ​ക​ല്‌പന പ്രമാ​ണി​ക്കു​ന്ന​വ​രും യേശു​വി​ന്റെ സാക്ഷ്യം ഉള്ള”വരുമാ​യ​വർക്ക്‌ എതി​രെ​യാണ്‌ ഇന്നു “ദുഷ്ട”നായവൻ വിശേ​ഷി​ച്ചും ക്രോധം ചൊരി​യു​ന്നത്‌. (വെളി​പ്പാ​ടു 12:17) ജാഗ്ര​ത​യോ​ടെ​യുള്ള സ്‌നേ​ഹാർദ്ര​പ​രി​പാ​ലനം യഹോ​വ​യു​ടെ ഭാഗത്തു​നി​ന്നു ലഭിച്ചി​ല്ലാ​യി​രു​ന്നെ​ങ്കിൽ, അവന്റെ വിശ്വസ്‌ത സാക്ഷികൾ ഇവി​ടെ​നി​ന്നും തുടച്ചു​നീ​ക്ക​പ്പെ​ടു​മാ​യി​രു​ന്നു. നമ്മുടെ ആത്മീയ സുരക്ഷി​ത​ത്വ​ത്തി​നും ക്ഷേമത്തി​നും വേണ്ടി ദൈവം ചെയ്‌തു​ത​രുന്ന സകല കരുത​ലു​ക​ളും നാം പ്രയോ​ജ​ന​പ്പെ​ടു​ത്തു​ന്ന​തി​ലാ​ണു നമ്മുടെ ജീവൻ ആശ്രയി​ച്ചി​രി​ക്കു​ന്നത്‌. കൊ​ലൊ​സ്സ്യർ 1:29-ൽ അപ്പോ​സ്‌തലൻ ഉദ്‌ബോ​ധി​പ്പി​ച്ച​തു​പോ​ലെ, ക്രിസ്‌തു​വി​ലൂ​ടെ​യുള്ള അവന്റെ ശക്തിയു​ടെ പ്രവർത്ത​ന​ത്തി​നു ചേർച്ച​യിൽ നാം സ്വയം അധ്വാ​നി​ക്കു​ന്നത്‌ അതിലുൾപ്പെ​ടു​ന്നു.

5, 6. കൊ​ലോ​സ്യ​യി​ലുള്ള ക്രിസ്‌ത്യാ​നി​ക​ളെ​ക്കു​റിച്ച്‌ അപ്പോ​സ്‌ത​ല​നായ പൗലോ​സിന്‌ എങ്ങനെ തോന്നി, 1995-ലേക്കുള്ള വിഷയ​വാ​ക്യം ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

⁵ പൗലോസ്‌ കൊ​ലോ​സ്യ​യി​ലുള്ള തന്റെ സഹോ​ദ​രൻമാ​രെ ഒരുപക്ഷേ ഒരിക്ക​ലും മുഖാ​മു​ഖം കണ്ടിട്ടു​ണ്ടാ​വില്ല. എങ്കിലും, അവൻ അവരെ സ്‌നേ​ഹി​ച്ചു. “നിങ്ങ​ളെ​ക്കു​റി​ച്ചുള്ള എന്റെ ഉത്‌കണ്‌ഠ എത്ര ആഴത്തി​ലു​ള്ള​താ​ണെന്നു നിങ്ങൾ മനസ്സി​ലാ​ക്കി​യി​രു​ന്നെ​ങ്കിൽ എന്നു ഞാൻ ആശിക്കു​ന്നു” എന്ന്‌ അവൻ അവരോ​ടു പറഞ്ഞു. (കൊ​ലോ​സ്യർ 2:1, ദ ന്യൂ ടെസ്‌റ​റ​മെൻറ്‌ ഇൻ മോഡേൺ ഇംഗ്ലീഷ്‌, ജെ. ബി. ഫിലി​പ്‌സി​നാ​ലു​ള്ളത്‌) യേശു​വി​ന്റെ അനുഗാ​മി​കൾ ലോക​ത്തി​ന്റെ ഭാഗമ​ല്ലാ​ത്ത​തു​കൊണ്ട്‌, അവർക്കി​ട​യിൽ ലോക​ത്തി​ന്റെ ആത്മാവി​നെ വിതച്ചു​കൊണ്ട്‌ “ദുഷ്ട”നായവൻ സഹോ​ദ​ര​ങ്ങ​ളു​ടെ ഐക്യം തകർക്കാൻ ശ്രമി​ച്ചു​കൊ​ണ്ടേ​യി​രി​ക്കും. ഇതു കുറ​ച്ചൊ​ക്കെ സംഭവി​ക്കു​ന്നു​ണ്ടാ​യി​രു​ന്നു എന്നു സൂചി​പ്പി​ക്കു​ന്ന​താ​യി​രു​ന്നു കൊ​ലോ​സ്യ​യിൽനിന്ന്‌ എപ്പഫ്രാസ്‌ കൊണ്ടു​വന്ന വിവരം.

⁶ ക്രിസ്‌തീയ സഹോ​ദ​ര​ങ്ങ​ളോ​ടുള്ള പൗലോ​സി​ന്റെ ഒരു മുഖ്യ താത്‌പ​ര്യം ഈ വാക്കു​ക​ളിൽ സംഗ്ര​ഹി​ക്കാം: “യോജി​പ്പോ​ടെ സ്‌നേ​ഹ​ത്തിൽ ഏകീഭ​വി​പ്പിൻ.” ഐക്യ​വും സ്‌നേ​ഹ​വും ഇല്ലാത്ത ലോക​ത്തിൽ ഇന്ന്‌ അവന്റെ വാക്കു​കൾക്കു പ്രത്യേക അർഥമുണ്ട്‌. പൗലോ​സി​ന്റെ ഉപദേശം ആത്മാർഥ​മാ​യി പിന്തു​ട​രു​ന്നെ​ങ്കിൽ നാം യഹോ​വ​യു​ടെ പരിപാ​ലനം ആസ്വദി​ക്കു​ന്ന​താ​യി​രി​ക്കും. അതോ​ടൊ​പ്പം ലോക​ത്തി​ന്റെ സമ്മർദ​ങ്ങളെ ചെറു​ത്തു​നിൽക്കാൻ നമ്മെ സഹായി​ക്കുന്ന അവന്റെ ആത്മാവി​ന്റെ ശക്തിയും നമ്മുടെ ജീവി​ത​ത്തിൽ നാം അനുഭ​വി​ച്ച​റി​യും. എത്ര ജ്ഞാനപൂർവ​ക​മായ ബുദ്ധ്യു​പ​ദേശം! അതു​കൊണ്ട്‌, 1995-ലേക്കുള്ള നമ്മുടെ വിഷയ​വാ​ക്യ​മാ​യി​രി​ക്കും കൊ​ലോ​സ്യർ 2:2.

7. സത്യ​ക്രി​സ്‌ത്യാ​നി​ക​ളു​ടെ ഇടയിൽ എന്തു യോജി​പ്പു​ണ്ടാ​യി​രി​ക്കണം?

⁷ കൊരി​ന്ത്യർക്ക്‌ എഴുതിയ ഒരു മുൻലേ​ഖ​ന​ത്തിൽ, അപ്പോ​സ്‌തലൻ ദൃഷ്ടാ​ന്ത​മാ​യി മനുഷ്യ​ശ​രീ​രത്തെ ഉപയോ​ഗി​ച്ചു. അഭിഷിക്ത ക്രിസ്‌ത്യാ​നി​ക​ളു​ടെ സഭയിൽ “ഭിന്നത വരാതെ അവയവങ്ങൾ അന്യോ​ന്യം ഒരു​പോ​ലെ കരുതേണ്ട”താണെന്ന്‌ അവൻ എഴുതി. (1 കൊരി​ന്ത്യർ 12:12, 24, 25) എന്തൊരു വിസ്‌മ​യാ​വ​ഹ​മായ ദൃഷ്ടാന്തം! നമ്മുടെ കാലുകൾ പരസ്‌പ​രാ​ശ്രി​ത​ങ്ങ​ളാണ്‌. അവ ഓരോ​ന്നും ശരീര​ത്തി​ന്റെ ശേഷം​ഭാ​ഗ​വു​മാ​യി ചേർന്നി​രി​ക്കു​ന്നു. അഭിഷി​ക്ത​രും പറുദീ​സാ ഭൂമി​യിൽ ജീവി​ക്കാൻ പ്രത്യാ​ശി​ക്കുന്ന ലക്ഷക്കണ​ക്കി​നു വ്യക്തി​ക​ളും ഉൾപ്പെട്ട സഹോ​ദ​ര​ങ്ങ​ളു​ടെ ലോക​വ്യാ​പക സഹവർത്തി​ത്വ​ത്തി​ന്റെ കാര്യ​ത്തി​ലും ഇതേ തത്ത്വം ബാധക​മാണ്‌. സ്വത​ന്ത്ര​മാ​യി ജീവി​ക്കാൻവേണ്ടി നാം സഹക്രി​സ്‌ത്യാ​നി​ക​ളു​ടെ സംഘത്തെ വിട്ടു​പി​രി​യ​രുത്‌! യേശു​ക്രി​സ്‌തു​വി​ലൂ​ടെ പ്രവർത്തി​ക്കുന്ന ദൈവാ​ത്മാവ്‌ സഹോ​ദ​ര​ങ്ങ​ളു​മാ​യുള്ള നമ്മുടെ സഹവർത്തി​ത്വ​ത്തി​ലൂ​ടെ​യാ​ണു നമ്മി​ലേക്കു വലിയ അളവിൽ ഒഴുകി​യെ​ത്തു​ന്നത്‌.

പരിജ്ഞാ​ന​ത്തി​നു ചേർച്ച​യി​ലുള്ള യോജിപ്പ്‌

8, 9. (എ) നാം സഭയിൽ യോജി​പ്പു വളർത്തി​യെ​ടു​ക്കു​ന്ന​തി​നുള്ള അടിസ്ഥാ​ന​മാ​യി​രി​ക്കു​ന്നത്‌ എന്ത്‌? (ബി) നിങ്ങൾ യേശു​വി​നെ​ക്കു​റി​ച്ചു പരിജ്ഞാ​നം നേടി​യി​രി​ക്കു​ന്നത്‌ എങ്ങനെ?

⁸ ക്രിസ്‌തീയ യോജിപ്പ്‌, പരിജ്ഞാ​ന​ത്തോട്‌, വിശേ​ഷി​ച്ചും ക്രിസ്‌തു​വി​നെ സംബന്ധിച്ച പരിജ്ഞാ​ന​ത്തോട്‌, ബന്ധപ്പെ​ട്ടി​രി​ക്കു​ന്നു എന്നതു പൗലോ​സി​ന്റെ മുഖ്യ ആശയങ്ങ​ളിൽ ഒന്നായി​രു​ന്നു. ക്രിസ്‌ത്യാ​നി​കൾ “തികച്ചും സുനി​ശ്ചി​ത​മായ ഗ്രാഹ്യ​ത്തി​ന്റെ പൂർണ​സ​മ്പ​ത്തും ദൈവ​ത്തി​ന്റെ പാവന​ര​ഹ​സ്യ​മായ ക്രിസ്‌തു​വി​നെ​ക്കു​റി​ച്ചുള്ള സൂക്ഷ്‌മ പരിജ്ഞാ​ന​വും സഹിതം യോജി​പ്പോ​ടെ സ്‌നേ​ഹ​ത്തിൽ ഏകീഭവി”ക്കണം എന്ന്‌ പൗലോസ്‌ എഴുതി. (കൊ​ലോ​സ്യർ 2:2, NW) ദൈവ​വ​ചനം പഠിക്കാൻ തുടങ്ങിയ സമയം​മു​തൽ നാം പരിജ്ഞാ​നം—വസ്‌തു​തകൾ—നേടി​യി​ട്ടുണ്ട്‌. ഈ വസ്‌തു​ത​ക​ളിൽ എത്ര​യെണ്ണം ദൈ​വോ​ദ്ദേ​ശ്യ​വു​മാ​യി ഒത്തുവ​രു​ന്നു എന്നു മനസ്സി​ലാ​ക്കു​ന്ന​തി​നി​ട​യിൽ നാം യേശു​വി​ന്റെ നിർണാ​യക പങ്കു മനസ്സി​ലാ​ക്കാൻ ഇടവരു​ന്നു. “അവനിൽ ജ്ഞാനത്തി​ന്റെ​യും പരിജ്ഞാ​ന​ത്തി​ന്റെ​യും നിക്ഷേ​പങ്ങൾ ഒക്കെയും ഗുപ്‌ത​മാ​യി​ട്ടു ഇരിക്കു​ന്നു.”—കൊ​ലൊ​സ്സ്യർ 2:3.

⁹ യേശു​വി​നെ​യും ദൈ​വോ​ദ്ദേ​ശ്യ​ത്തി​ലുള്ള അവന്റെ പങ്കി​നെ​യും കുറിച്ചു നിങ്ങൾക്ക്‌ അങ്ങനെ​യാ​ണോ തോന്നു​ന്നത്‌? അവനെ സ്വീക​രി​ച്ചു രക്ഷിക്ക​പ്പെ​ട്ടി​രി​ക്കു​ന്ന​താ​യി അവകാ​ശ​പ്പെ​ട്ടു​കൊണ്ട്‌ ക്രൈ​സ്‌ത​വ​ലോ​ക​ത്തി​ലെ അനേക​രും യേശു​വി​നെ​ക്കു​റി​ച്ചു പെട്ടെന്നു സംസാ​രി​ച്ചു​തു​ട​ങ്ങും. എന്നാൽ അവർക്കു വാസ്‌ത​വ​ത്തിൽ അവനെ അറിയാ​മോ? ഇല്ല. കാരണം തിരു​വെ​ഴു​ത്തു​പ​ര​മ​ല്ലാത്ത ത്രി​ത്വോ​പ​ദേ​ശ​ത്തിൽ വിശ്വ​സി​ക്കു​ന്ന​വ​രാണ്‌ അവർ മിക്കവ​രും. എന്നാൽ നിങ്ങൾക്ക്‌ ഇക്കാര്യ​ത്തി​ലുള്ള സത്യം അറിയാ​മെന്നു മാത്രമല്ല, യേശു പറഞ്ഞതും ചെയ്‌ത​തു​മായ സംഗതി​ക​ളെ​ക്കു​റിച്ച്‌ വളരെ വിശദ​മായ അറിവു​മു​ണ്ടാ​യി​രു​ന്നേ​ക്കാം. ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യൻ എന്ന പുസ്‌തകം ഉപയോ​ഗി​ച്ചു​കൊ​ണ്ടു നടത്തിയ വിജ്ഞാ​ന​പ്ര​ദ​മായ ഒരു പഠനത്തി​ലൂ​ടെ ലക്ഷക്കണ​ക്കി​നാ​ളു​കൾക്ക്‌ ഇക്കാര്യ​ത്തിൽ സഹായം ലഭിച്ചു. എന്നാലും, യേശു​വി​നെ​യും അവന്റെ വഴിക​ളെ​യും കുറി​ച്ചുള്ള നമ്മുടെ പരിജ്ഞാ​ന​ത്തിൽ കൂടു​തൽക്കൂ​ടു​തൽ അവഗാഹം നേടാൻ നാം പരി​ശ്ര​മി​ക്കേ​ണ്ട​യാ​വ​ശ്യ​മുണ്ട്‌.

10. ഗൂഢമാ​യി​രി​ക്കുന്ന പരിജ്ഞാ​നം നമുക്ക്‌ ഏതു വിധം ലഭ്യമാ​യി​രി​ക്കു​ന്നു?

¹⁰ യേശു​വിൽ “ജ്ഞാനത്തി​ന്റെ​യും പരിജ്ഞാ​ന​ത്തി​ന്റെ​യും നിക്ഷേ​പങ്ങൾ ഒക്കെയും ഗുപ്‌ത​മാ​യി​ട്ടു ഇരിക്കു​ന്നു” എന്നു പ്രസ്‌താ​വി​ച്ചി​രി​ക്കു​ന്ന​തു​കൊണ്ട്‌, അത്തരം പരിജ്ഞാ​നം നമ്മുടെ ഗ്രാഹ്യ​ത്തി​ന​പ്പു​റ​മാ​ണെന്ന്‌ അർഥമില്ല. മറിച്ച്‌, അത്‌ ഏതാണ്ട്‌ ഒരു തുറന്ന ഖനി​പോ​ലെ​യാണ്‌. എവിടെ കുഴി​ച്ചു​തു​ട​ങ്ങ​ണ​മെന്നു നിശ്ചയ​മി​ല്ലാ​തെ നമുക്ക്‌ ഒരു വിശാ​ല​മേഖല മുഴുവൻ പരതേ​ണ്ട​തില്ല. യേശു​ക്രി​സ്‌തു​വി​നെ​ക്കു​റി​ച്ചു ബൈബിൾ വെളി​പ്പെ​ടു​ത്തു​ന്ന​തിൽനി​ന്നാ​ണു യഥാർഥ പരിജ്ഞാ​നം ആരംഭി​ക്കു​ന്ന​തെന്നു നമുക്ക്‌ ഇതി​നോ​ട​കം​തന്നെ അറിയാം. യഹോ​വ​യു​ടെ ഉദ്ദേശ്യ​ത്തി​ന്റെ പൂർത്തീ​ക​ര​ണ​ത്തിൽ യേശു​വി​നുള്ള പങ്കി​നെ​പ്പ​ററി കൂടുതൽ തികവിൽ മനസ്സി​ലാ​ക്കു​മ്പോൾ, ശരിയായ ജ്ഞാനത്തി​ന്റെ​യും സൂക്ഷ്‌മ പരിജ്ഞാ​ന​ത്തി​ന്റെ​യും നിക്ഷേ​പങ്ങൾ നമുക്കു ലഭിക്കു​ന്നു. അതു​കൊണ്ട്‌, ഇതി​നോ​ടകം കുഴി​ച്ചി​ട്ടുള്ള ഈ ഉറവിൽനി​ന്നു ലഭിക്കുന്ന കൂടു​ത​ലായ രത്‌നങ്ങൾ അഥവാ വില​യേ​റിയ സംഗതി​കൾ ഇനിയും പുറ​ത്തെ​ടു​ത്തു​കൊണ്ട്‌ കൂടു​തൽക്കൂ​ടു​തൽ ആഴത്തിൽ കുഴി​ക്കു​കയേ നാം ചെയ്യേ​ണ്ട​തു​ള്ളൂ.—സദൃശ​വാ​ക്യ​ങ്ങൾ 2:1-5.

11. യേശു​വി​നെ​ക്കു​റി​ച്ചു ധ്യാനി​ച്ചു​കൊണ്ട്‌ നമ്മുടെ പരിജ്ഞാ​ന​വും ജ്ഞാനവും നമുക്ക്‌ എങ്ങനെ വർധി​പ്പി​ക്കാം? (യേശു ശിഷ്യൻമാ​രു​ടെ കാലുകൾ കഴുകി​യ​തോ മറേറ​തെ​ങ്കി​ലും ഉദാഹ​ര​ണ​ങ്ങ​ളോ ഉപയോ​ഗി​ച്ചു ദൃഷ്ടാ​ന്തീ​ക​രി​ക്കുക.)

¹¹ ഉദാഹ​ര​ണ​ത്തിന്‌, യേശു തന്റെ അപ്പോ​സ്‌ത​ലൻമാ​രു​ടെ കാലുകൾ കഴുകി​യെന്നു നമുക്ക്‌ അറിയാ​മാ​യി​രി​ക്കും. (യോഹ​ന്നാൻ 13:1-20) എന്നാൽ അതുവഴി അവൻ പഠിപ്പി​ക്കു​ക​യാ​യി​രുന്ന പാഠ​ത്തെ​യും അവൻ പ്രകട​മാ​ക്കിയ മനോ​ഭാ​വ​ത്തെ​യും കുറിച്ചു നാം ധ്യാനി​ച്ചി​ട്ടു​ണ്ടോ? അങ്ങനെ ചെയ്യു​ന്നെ​ങ്കിൽ, നമുക്കു ലഭി​ച്ചേ​ക്കാ​വു​ന്നത്‌ ജ്ഞാനത്തി​ന്റെ ഒരു നിക്ഷേ​പ​മാ​വാം. നമ്മിൽ ദീർഘ​നാ​ളാ​യി അസ്വസ്ഥത സൃഷ്ടി​ച്ചി​രുന്ന വ്യക്തി​ത്വ​മുള്ള ഒരു സഹോ​ദ​ര​നോ​ടോ സഹോ​ദ​രി​യോ​ടോ നാം ഇടപെ​ടുന്ന വിധത്തി​നു മാററം വരുത്താൻ നമ്മെ സഹായി​ക്കു​ന്ന​താ​വാം—അതേ, നിർബ​ന്ധി​ക്കു​ന്ന​താ​വാം—ചില​പ്പോൾ ആ നിക്ഷേപം. അല്ലെങ്കിൽ നമുക്ക്‌ അത്ര രസിക്കാത്ത ഒരു നിയമനം ലഭിക്കു​മ്പോൾ, യോഹ​ന്നാൻ 13:14, 15-ന്റെ ശ്രേഷ്‌ഠ​മായ അർഥം പിടികി​ട്ടി​യി​ട്ടു​ണ്ടെ​ങ്കിൽ, നാം അതി​നോ​ടു പ്രതി​ക​രി​ക്കു​ന്നതു വ്യത്യ​സ്‌ത​മാ​യി​ട്ടാ​യി​രി​ക്കും. അങ്ങനെ​യാണ്‌ പരിജ്ഞാ​ന​വും ജ്ഞാനവും നമ്മെ ബാധി​ക്കു​ന്നത്‌. ക്രിസ്‌തു​വി​നെ​ക്കു​റി​ച്ചുള്ള വർധിച്ച പരിജ്ഞാ​ന​പ്ര​കാ​രം അവന്റെ മാതൃക നാം കൂടുതൽ അടുത്തു പിൻപ​റ​റു​മ്പോൾ അതു മററു​ള്ള​വ​രു​ടെ​മേൽ എന്തു ഫലമു​ണ്ടാ​ക്കും? സാധ്യ​ത​യ​നു​സ​രിച്ച്‌, ‘ആട്ടിൻകൂ​ട്ടം കൂടുതൽ യോജി​പ്പോ​ടെ സ്‌നേ​ഹ​ത്തിൽ ഏകീഭവി’ക്കും.a

ശ്രദ്ധാ​ശൈ​ഥി​ല്യം യോജി​പ്പി​നു ഹാനി​വ​രു​ത്തു​ന്നു

12. ഏത്‌ അറിവി​നെ​ക്കു​റി​ച്ചാ​ണു നാം ജാഗ്രത പാലി​ക്കേ​ണ്ടത്‌?

¹² നാം ‘യോജി​പ്പോ​ടെ സ്‌നേ​ഹ​ത്തിൽ ഏകീഭ​വി​ക്കു​ന്ന​തി​നു’ സൂക്ഷ്‌മ പരിജ്ഞാ​നം സഹായ​ക​മാ​കു​ന്നു​വെ​ങ്കിൽ, “ജ്ഞാനം എന്നു വ്യാജ​മാ​യി പേർ പറയു​ന്നതി”ൽനിന്ന്‌ ഉണ്ടാകു​ന്നത്‌ എന്താണ്‌? നേർവി​പ​രീ​തം—വിവാദം, വിയോ​ജിപ്പ്‌, വിശ്വാ​സ​ത്തിൽനി​ന്നുള്ള വ്യതി​ച​ലനം. അതു​കൊണ്ട്‌, പൗലോസ്‌ തിമോ​ത്തി​ക്കു മുന്നറി​യി​പ്പു കൊടു​ത്ത​തു​പോ​ലെ, അത്തരം വ്യാജ അറിവി​നെ​തി​രെ നാം ജാഗ്രത പാലി​ക്കണം. (1 തിമൊ​ഥെ​യൊസ്‌ 6:20, 21) “വശീക​ര​ണ​വാ​ക്കു​കൊ​ണ്ടു ആരും നിങ്ങളെ ചതിക്കാ​തി​രി​പ്പാൻ ഞാൻ ഇതു പറയുന്നു. തത്വജ്ഞാ​ന​വും വെറും വഞ്ചനയും​കൊ​ണ്ടു ആരും നിങ്ങളെ കവർന്നു​ക​ള​യാ​തി​രി​പ്പാൻ സൂക്ഷി​പ്പിൻ; അതു മനുഷ്യ​രു​ടെ സമ്പ്രദാ​യ​ത്തി​ന്നു ഒത്തവണ്ണം, ലോക​ത്തി​ന്റെ ആദ്യപാ​ഠ​ങ്ങൾക്കു ഒത്തവണ്ണം അല്ലാതെ ക്രിസ്‌തു​വി​ന്നു ഒത്തവണ്ണ​മു​ള്ളതല്ല” എന്നും പൗലോസ്‌ എഴുതു​ക​യു​ണ്ടാ​യി.—കൊ​ലൊ​സ്സ്യർ 2:4, 8.

13, 14. (എ) പരിജ്ഞാ​ന​ത്തോ​ടുള്ള ബന്ധത്തിൽ കൊ​ലോ​സ്യ​യി​ലെ സഹോ​ദ​ര​ങ്ങൾക്ക്‌ അപകട​സാ​ധ്യ​ത​യു​ണ്ടാ​യി​രു​ന്നത്‌ എന്തു​കൊണ്ട്‌? (ബി) അതു​പോ​ലെ അപകട​സാ​ധ്യത തങ്ങൾക്കി​ല്ലെന്ന്‌ ഇന്നു ചിലർക്കു തോന്നി​യേ​ക്കാ​വു​ന്നത്‌ എന്തു​കൊണ്ട്‌?

¹³ പരിജ്ഞാ​ന​മെന്നു വ്യാജ​മാ​യി പേർ പറയു​ന്ന​തി​ന്റെ വഞ്ചനാത്മക സ്വാധീ​നം വാസ്‌ത​വ​ത്തിൽ കൊ​ലോ​സ്യ​യി​ലുള്ള ക്രിസ്‌ത്യാ​നി​കൾക്കു ചുററു​മു​ണ്ടാ​യി​രു​ന്നു. കൊ​ലോ​സ്യ​യി​ലും പരിസ​ര​പ്ര​ദേ​ശ​ങ്ങ​ളി​ലും അനേകം ആളുകൾ ഗ്രീക്കു തത്ത്വശാ​സ്‌ത്ര​ങ്ങളെ വളരെ​യ​ധി​കം ആദരി​ച്ചി​രു​ന്നു. ഉത്സവദി​വ​സ​ങ്ങ​ളെ​യും ഭക്ഷണരീ​തി​ക​ളെ​യും സംബന്ധിച്ച നിബന്ധ​നകൾ സഹിതം മോ​ശൈക ന്യായ​പ്ര​മാ​ണം ക്രിസ്‌ത്യാ​നി​കൾ പാലി​ക്ക​ണ​മെന്ന്‌ ശഠിച്ചി​രുന്ന മോ​ശേ​ധർമാ​നു​സാ​രി​ക​ളും (Judaizers) ഉണ്ടായി​രു​ന്നു. (കൊ​ലൊ​സ്സ്യർ 2:11, 16, 17) തന്റെ സഹോ​ദ​രൻമാർ സത്യപ​രി​ജ്ഞാ​നം നേടു​ന്ന​തി​നു പൗലോസ്‌ എതിരാ​യി​രു​ന്നില്ല. എന്നാൽ ജീവി​ത​ത്തിൻമേ​ലും പ്രവർത്ത​ന​ത്തിൻമേ​ലും കേവലം ഒരു മാനു​ഷിക കാഴ്‌ച​പ്പാ​ടു വെച്ചു​പു​ലർത്തി​യാൽ മതി​യെന്ന്‌ അവരെ ബോധ്യ​പ്പെ​ടു​ത്തുന്ന വശീകരണ വാദഗ​തി​കൾ ഉപയോ​ഗി​ച്ചു​കൊണ്ട്‌ ആരും അവരെ തട്ടി​യെ​ടു​ക്കാ​തി​രി​ക്കാൻ അവർ ശ്രദ്ധി​ക്കേ​ണ്ട​യാ​വ​ശ്യ​മു​ണ്ടാ​യി​രു​ന്നു. ജീവി​തത്തെ സംബന്ധിച്ച തിരു​വെ​ഴു​ത്തു​പ​ര​മ​ല്ലാത്ത അത്തരം ആശയങ്ങ​ളു​ടെ​യും സമീപ​ന​ങ്ങ​ളു​ടെ​യും ചുവടു​പി​ടിച്ച്‌ സഭയിലെ ചിലർ തങ്ങളുടെ ചിന്തക​ളെ​യും തീരു​മാ​ന​ങ്ങ​ളെ​യും കരുപ്പി​ടി​പ്പി​ക്കു​ന്നെ​ങ്കിൽ അതു സഭാം​ഗ​ങ്ങൾക്കി​ട​യി​ലെ യോജി​പ്പി​നെ​യും സ്‌നേ​ഹ​ത്തെ​യും തകർത്തു​ക​ള​യു​മെന്നു നിങ്ങൾക്കു മനസ്സി​ലാ​വും.

¹⁴ നിങ്ങൾ ഒരുപക്ഷേ ചിന്തി​ച്ചേ​ക്കാം, ‘അതേ, കൊ​ലോ​സ്യർ അഭിമു​ഖീ​ക​രിച്ച അപകടം എനിക്കു മനസ്സി​ലാ​കു​ന്നുണ്ട്‌. എന്നാൽ അമർത്ത്യ​ദേഹി, ത്രിത്വ​ദൈവം എന്നിവ​പോ​ലുള്ള ഗ്രീക്ക്‌ ആശയഗ​തി​ക​ളാൽ സ്വാധീ​നി​ക്ക​പ്പെ​ടു​മെ​ന്ന​തി​ന്റെ അപകട​മൊ​ന്നും എനിക്കില്ല. ഞാൻ വിട്ടെ​റിഞ്ഞ വ്യാജ​മ​ത​ത്തി​ന്റെ പുറജാ​തീയ ആഘോ​ഷ​ദി​ന​ങ്ങ​ളു​ടെ വശീക​ര​ണ​ത്തിൽപ്പെ​ട്ടു​പോ​കു​മെന്ന അപകട​വും എനിക്കില്ല.’ കൊള്ളാം. യേശു​വി​ലൂ​ടെ വെളി​പ്പെ​ടു​ത്ത​പ്പെട്ട, തിരു​വെ​ഴു​ത്തു​ക​ളിൽ ലഭ്യമാ​യി​രി​ക്കുന്ന സത്യത്തി​ന്റെ ശ്രേഷ്‌ഠ​ത​യു​ടെ കാര്യ​ത്തിൽ ദൃഢചി​ത്ത​രാ​വു​ന്നതു നല്ലതു​തന്നെ. എങ്കിലും, ഇന്നു നിലവി​ലുള്ള മററു തത്ത്വശാ​സ്‌ത്ര​ങ്ങ​ളു​ടെ​യോ മാനു​ഷിക വീക്ഷണ​ങ്ങ​ളു​ടെ​യോ സ്വാധീ​ന​ത്തിൽപ്പെ​ട്ടു​പോ​കാ​നുള്ള അപകട​സാ​ധ്യ​ത​യു​ണ്ടോ നമുക്ക്‌?

15, 16. ജീവി​ത​ത്തെ​ക്കു​റി​ച്ചുള്ള ഏതു കാഴ്‌ച​പ്പാട്‌ ഒരു ക്രിസ്‌ത്യാ​നി​യു​ടെ ചിന്തയെ ബാധി​ച്ചേ​ക്കാം?

¹⁵ പണ്ടുമു​തലേ നിലനിൽക്കുന്ന അത്തരം ഒരു മനോ​ഭാ​വ​മുണ്ട്‌. “അവന്റെ വരവിന്റെ വാഗ്‌ദാ​ന​മെ​വി​ടെ ഇപ്പോൾ? നമ്മുടെ പിതാ​ക്കൻമാർ നിദ്ര​പ്രാ​പി​ച്ചി​രി​ക്കു​ന്നു. എന്നാൽ എല്ലായ്‌പോ​ഴും ആയിരു​ന്ന​തു​പോ​ലെ​തന്നെ സംഗതി​കൾ ഇപ്പോ​ഴും തുടരു​ന്നു.” (2 പത്രോസ്‌ 3:4, ദ ന്യൂ ഇംഗ്ലീഷ്‌ ബൈബിൾ) പ്രസ്‌തുത വികാരം വേറെ വാക്കു​ക​ളിൽ പുറത്തു​വ​ന്നേ​ക്കാ​മെ​ങ്കി​ലും, കാഴ്‌ച​പ്പാ​ടിൽ വ്യത്യാ​സ​മൊ​ന്നു​മില്ല. ഉദാഹ​ര​ണ​ത്തിന്‌, ഒരാൾ ഇങ്ങനെ ന്യായ​വാ​ദം ചെയ്‌തേ​ക്കാം, ‘പതിറ​റാ​ണ്ടു​കൾക്കു​മു​മ്പു ഞാൻ ആദ്യമാ​യി സത്യം പഠിച്ച​പ്പോൾ അന്ത്യം “ഇതാ എത്തിക്ക​ഴി​ഞ്ഞു” എന്നായി​രു​ന്നു പറഞ്ഞി​രു​ന്നത്‌. എന്നാൽ ഇതുവ​രെ​യും എത്തിയില്ല. ഇനി എപ്പോൾ വരു​മെന്ന്‌ ആർക്കറി​യാം?’ ശരിയാണ്‌, അന്ത്യം എപ്പോൾ വരു​മെ​ന്നതു യാതൊ​രു മനുഷ്യ​നും അറിയില്ല. എങ്കിലും, നമുക്കു​ണ്ടാ​യി​രി​ക്ക​ണ​മെന്ന്‌ യേശു ഉദ്‌ബോ​ധി​പ്പിച്ച കാഴ്‌ച​പ്പാട്‌ എന്താ​ണെന്നു ശ്രദ്ധി​ക്കുക: “ആ കാലം എപ്പോൾ എന്നു നിങ്ങൾ അറിയാ​യ്‌ക​കൊ​ണ്ടു സൂക്ഷി​ച്ചു​കൊൾവിൻ.”—മർക്കൊസ്‌ 13:32, 33.

¹⁶ അന്ത്യം എപ്പോൾ വരു​മെന്ന്‌ അറിയാ​ത്ത​തു​കൊണ്ട്‌ മുഴു അനുഭ​വ​ങ്ങ​ളും നേടുന്ന “സാധാരണ” ജീവി​ത​ത്തി​നാ​യി പ്ലാൻ ചെയ്യണം എന്ന കാഴ്‌ച​പ്പാ​ടു സ്വീകരിക്കു​ന്നത്‌ എന്തൊരു അപകട​മാ​യി​രി​ക്കും! ആ സമീപനം ഇത്തര​മൊ​രു ന്യായ​വാ​ദ​ത്തി​ലൂ​ടെ പ്രതി​ഫ​ലി​ച്ചേ​ക്കാം, ‘എനിക്ക്‌ (അല്ലെങ്കിൽ മക്കൾക്ക്‌) ഒരു അന്തസ്സായ ജീവി​ത​വൃ​ത്തി​യു​ണ്ടാ​ക്കി​ത്ത​രുന്ന, അങ്ങനെ ഉല്ലാസ​ക​ര​മായ ഒരു ജീവിതം ആസ്വദി​ക്കാൻ എന്നെ സഹായി​ക്കുന്ന ഏതെങ്കി​ലും കാര്യ​ത്തിൽ ഏർപ്പെ​ടു​ന്ന​താണ്‌ നല്ലത്‌. തീർച്ച​യാ​യും, ഞാൻ ക്രിസ്‌തീയ യോഗ​ങ്ങ​ളിൽ സംബന്ധി​ക്കു​ക​യും പ്രസം​ഗ​വേ​ല​യിൽ കുറ​ച്ചൊ​ക്കെ പങ്കുപ​റ​റു​ക​യും ചെയ്യും. എന്നാൽ അതിനാ​യി കാര്യ​മായ ശ്രമം ചെയ്യേ​ണ്ട​തി​ന്റെ​യോ വലിയ ത്യാഗങ്ങൾ അനുഷ്‌ഠി​ക്കേ​ണ്ട​തി​ന്റെ​യോ ആവശ്യ​മൊ​ന്നു​മില്ല.’—മത്തായി 24:38-42.

17, 18. നമുക്ക്‌ ഏതു കാഴ്‌ച​പ്പാ​ടു​ണ്ടാ​യി​രി​ക്കാ​നാ​ണു യേശു​വും അപ്പോ​സ്‌ത​ലൻമാ​രും ഉദ്‌ബോ​ധി​പ്പി​ച്ചത്‌?

¹⁷ എന്നാൽ, കാര്യ​മായ ശ്രമം ചെയ്‌തു​കൊ​ണ്ടും ത്യാഗങ്ങൾ ചെയ്യാൻ ഒരുങ്ങി​ക്കൊ​ണ്ടും സുവാർത്താ​പ്ര​സം​ഗം സാധി​ച്ചെ​ടു​ക്കണം എന്ന ഒരു അടിയ​ന്ത​ര​ബോ​ധ​ത്തോ​ടെ നാം ജീവി​ക്ക​ണ​മെന്ന്‌ യേശു​വും അവന്റെ അപ്പോ​സ്‌ത​ലൻമാ​രും ശുപാർശ ചെയ്‌തി​ട്ടു​ണ്ടെന്ന കാര്യം നിഷേ​ധി​ക്കാ​നാ​വില്ല. പൗലോസ്‌ ഇങ്ങനെ എഴുതി: “സഹോ​ദ​രൻമാ​രേ, ഇതൊന്നു ഞാൻ പറയുന്നു. കാലം ചുരു​ങ്ങി​യി​രി​ക്കു​ന്നു; ഇനി ഭാര്യ​മാ​രു​ള്ളവർ ഇല്ലാത്ത​വ​രെ​പ്പോ​ലെ​യും . . . വിലെക്കു വാങ്ങു​ന്നവർ കൈവ​ശ​മാ​ക്കാ​ത്ത​വ​രെ​പ്പോ​ലെ​യും ലോകത്തെ അനുഭ​വി​ക്കു​ന്നവർ അതിനെ അനുഭ​വി​ക്കാ​ത്ത​വ​രെ​പ്പോ​ലെ​യും ആയിരി​ക്കേണം. ഈ ലോക​ത്തി​ന്റെ രൂപം ഒഴിഞ്ഞു​പോ​കു​ന്നു​വ​ല്ലോ.”—1 കൊരി​ന്ത്യർ 7:29-31; ലൂക്കൊസ്‌ 13:23, 24; ഫിലി​പ്പി​യർ 3:13-15; കൊ​ലൊ​സ്സ്യർ 1:29; 1 തിമൊ​ഥെ​യൊസ്‌ 4:10; 2 തിമൊ​ഥെ​യൊസ്‌ 2:4; വെളി​പ്പാ​ടു 22:20.

¹⁸ ഉല്ലാസ​ക​ര​മായ ഒരു ജീവിതം നമ്മുടെ ലക്ഷ്യമാ​ക്കാ​നുള്ള സൂചനയേ തരുന്നില്ല. മറിച്ച്‌, നിശ്വ​സ്‌ത​ത​യിൽ പൗലോസ്‌ എഴുതി​യ​താ​കട്ടെ ഇങ്ങനെ​യും: “ഇഹലോ​ക​ത്തി​ലേക്കു നാം ഒന്നും കൊണ്ടു​വ​ന്നി​ട്ടില്ല; ഇവി​ടെ​നി​ന്നു യാതൊ​ന്നും കൊണ്ടു​പോ​കു​വാൻ കഴിയു​ന്ന​തു​മല്ല. ഉൺമാ​നും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക. . . . വിശ്വാ​സ​ത്തി​ന്റെ നല്ല പോർ പൊരു​തുക; നിത്യ​ജീ​വനെ പിടി​ച്ചു​കൊൾക; അതിന്നാ​യി നീ വിളി​ക്ക​പ്പെട്ടു അനേകം സാക്ഷി​ക​ളു​ടെ മുമ്പാകെ നല്ല സ്വീകാ​രം [‘പരസ്യ​പ്ര​ഖ്യാ​പനം,’ NW] കഴിച്ചു​വ​ല്ലോ.”—1 തിമൊ​ഥെ​യൊസ്‌ 6:7-12.

19. ജീവി​ത​ത്തെ​ക്കു​റി​ച്ചു യേശു പ്രോ​ത്സാ​ഹി​പ്പിച്ച കാഴ്‌ച​പ്പാട്‌ സഭാം​ഗങ്ങൾ സ്വീക​രി​ക്കു​മ്പോൾ അതു സഭയെ എങ്ങനെ ബാധി​ക്കും?

¹⁹ ‘നല്ല പരസ്യ​പ്ര​ഖ്യാ​പനം’ നടത്താൻ അശ്രാന്ത പരി​ശ്രമം ചെയ്യുന്ന തീക്ഷ്‌ണ​ത​യുള്ള ക്രിസ്‌ത്യാ​നി​കൾ സഭാം​ഗ​ങ്ങ​ളാ​യി ഉള്ളപ്പോൾ അവിടെ സ്വാഭാ​വി​ക​മാ​യും യോജി​പ്പു​ണ്ടാ​യി​രി​ക്കും. ‘നിങ്ങൾ അനവധി വസ്‌തു​വക സ്വരൂ​പി​ച്ചു​വെ​ച്ചി​രി​ക്കു​ന്നു; ആശ്വസിക്ക, തിന്നുക, കുടിക്ക, ആനന്ദിക്ക’ എന്ന മനോ​ഭാ​വം അവർ സ്വീക​രി​ക്കില്ല. (ലൂക്കൊസ്‌ 12:19) നേരേ​മ​റിച്ച്‌, ഇനി ഒരിക്ക​ലും ആവർത്തി​ക്കേ​ണ്ട​തി​ല്ലാത്ത ഈ വേലയിൽ സാധ്യ​മാ​കു​ന്നി​ട​ത്തോ​ളം ഒരു പൂർണ​പ​ങ്കു​ണ്ടാ​യി​രി​ക്കാൻ ത്യാഗങ്ങൾ ചെയ്യാൻ തയ്യാറാ​യി​ക്കൊണ്ട്‌ അവർ ഒരേ ഉദ്യമ​ത്തിൽ ഏകീകൃ​ത​രാണ്‌.—താരത​മ്യം ചെയ്യുക: ഫിലി​പ്പി​യർ 1:27, 28.

വശീകരണ വാദഗ​തി​കൾക്കെ​തി​രെ ജാഗ്രത

20. ക്രിസ്‌ത്യാ​നി​കൾ വഴി​തെ​റ​റി​ക്ക​പ്പെ​ടാ​വുന്ന മറെറാ​രു മേഖല ഏതാണ്‌?

²⁰ ‘വശീകരണ വാദഗ​തി​കൾകൊ​ണ്ടും’ അല്ലെങ്കിൽ ‘യോജി​പ്പോ​ടെ സ്‌നേ​ഹ​ത്തിൽ ഏകീഭ​വി​ക്കു​ന്ന​തി​നു’ തടസ്സം സൃഷ്ടി​ക്കുന്ന ‘വെറും വഞ്ചന​കൊ​ണ്ടും’ ക്രിസ്‌ത്യാ​നി​കൾ ‘ചതിക്ക’പ്പെട്ടേ​ക്കാ​വുന്ന വേറെ വിധങ്ങൾ തീർച്ച​യാ​യു​മുണ്ട്‌. വാച്ച്‌ ടവർ സൊ​സൈ​റ​റി​യു​ടെ ജർമനി​യി​ലെ ഓഫീസ്‌ ഇങ്ങനെ എഴുതി: “വിവാദം സൃഷ്ടിച്ച ഒരു സംഭവ​മു​ണ്ടാ​യി. ഒരു സഹോ​ദരൻ ഉപയോ​ഗിച്ച ചികി​ത്സാ​രീ​തി​യെ​ക്കു​റി​ച്ചാ​യി​രു​ന്നു വിവാദം. പ്രസാ​ധകർ, എന്തിനു മൂപ്പൻമാർപോ​ലും അതിനെ അനുകൂ​ലി​ച്ചും പ്രതി​കൂ​ലി​ച്ചും പക്ഷം ചേർന്നു.” അവർ ഇങ്ങനെ കൂട്ടി​ച്ചേർത്തു: “ഒട്ടനവധി വിധങ്ങ​ളു​ടെ ഉപയോ​ഗം, രോഗി​ക​ളു​ടെ വർധനവ്‌ എന്നിവ​നി​മി​ത്തം ഈ മേഖല വിവാ​ദ​മു​ക്തമല്ല. ചികി​ത്സാ​വി​ധ​ങ്ങൾക്ക്‌ ആത്മവി​ദ്യാ​ച്ചു​വ​യു​ള്ള​താ​ണെ​ങ്കിൽ അത്‌ അപകട​വും ക്ഷണിച്ചു​വ​രു​ത്തി​യേ​ക്കാം.”—എഫെസ്യർ 6:12.

21. ഇന്ന്‌ ഒരു ക്രിസ്‌ത്യാ​നി​യു​ടെ ശരിയായ ദൃഷ്ടി​കേ​ന്ദ്രം നഷ്ടപ്പെ​ട്ടേ​ക്കാ​വു​ന്ന​തെ​ങ്ങനെ?

²¹ ദൈവത്തെ ആരാധി​ക്കാൻ കഴി​യേ​ണ്ട​തിന്‌ ഊർജ​സ്വ​ല​രും ആരോ​ഗ്യ​വാൻമാ​രു​മാ​യി​രി​ക്കാൻ ക്രിസ്‌ത്യാ​നി​കൾ ആഗ്രഹി​ക്കു​ന്നു. എന്നുവ​രി​കി​ലും, ഈ വ്യവസ്ഥി​തി​യിൽ അപൂർണ​ത​യു​ടെ ഫലമായ വാർധ​ക്യ​വും രോഗ​ങ്ങ​ളും നമുക്കു പിടി​പെ​ടു​ന്നു. ആരോ​ഗ്യ​പ്ര​ശ്‌ന​ത്തിന്‌ ഊന്നൽകൊ​ടു​ക്കു​ന്ന​തി​നു പകരം നമുക്കും മററു​ള്ള​വർക്കും വേണ്ടി​യുള്ള യഥാർഥ പരിഹാ​ര​ത്തിൻമേ​ലാ​ണു നാം ശ്രദ്ധ കേന്ദ്രീ​ക​രി​ക്കേ​ണ്ടത്‌. (1 തിമൊ​ഥെ​യൊസ്‌ 4:16) കൊ​ലോ​സ്യർക്കുള്ള പൗലോ​സി​ന്റെ ബുദ്ധ്യു​പ​ദേശം ക്രിസ്‌തു​വി​നെ കേന്ദ്രീ​ക​രി​ച്ചാ​യി​രു​ന്ന​തു​പോ​ലെ, ആ പരിഹാ​ര​വും ക്രിസ്‌തു​വി​നെ കേന്ദ്രീ​ക​രി​ച്ചു​ള്ള​താണ്‌. എന്നാൽ രോഗ​നിർണയ ഉപാധി​ക​ളി​ലൂ​ടെ​യോ ചികി​ത്സ​ക​ളി​ലൂ​ടെ​യോ ആഹാര​ക്ര​മ​ങ്ങ​ളി​ലൂ​ടെ​യോ ക്രിസ്‌തു​വിൽനി​ന്നുള്ള നമ്മുടെ ശ്രദ്ധ തെററി​ച്ചു​കൊണ്ട്‌ ചിലർ ‘വശീകരണ വാദഗ​തി​കളു’മായി വന്നേക്കാ​മെന്നു പൗലോസ്‌ സൂചി​പ്പി​ച്ചു​വെന്ന്‌ ഓർക്കുക.—കൊ​ലൊ​സ്സ്യർ 2:2-4.

22. രോഗ​നിർണ​യോ​പാ​ധി​ക​ളെ​യും ചികി​ത്സാ​രീ​തി​ക​ളെ​യും കുറി​ച്ചുള്ള എണ്ണമററ അവകാ​ശ​വാ​ദ​ങ്ങളെ സംബന്ധി​ച്ചു നമുക്കു സമനി​ല​യുള്ള ഏതു വീക്ഷണം ഉണ്ടായി​രി​ക്കണം?

²² നൂറാ​യി​രം ചികി​ത്സാ​രീ​തി​ക​ളെ​യും രോഗ​നിർണ​യോ​പാ​ധി​ക​ളെ​യും കുറി​ച്ചുള്ള പരസ്യ​ങ്ങ​ളും തെളി​വു​ക​ളും കൊണ്ട്‌ ഗോള​മാ​സ​കലം മനുഷ്യർക്കു പൊറു​തി മുട്ടു​ക​യാണ്‌. ചിലതി​നെ​ല്ലാം വ്യാപ​ക​മായ ഉപയോ​ഗ​വും അംഗീ​കാ​ര​വു​മുണ്ട്‌; മററു ചിലതാ​കട്ടെ, വ്യാപ​ക​മാ​യി വിമർശി​ക്ക​പ്പെ​ടു​ക​യോ സംശയ​ത്തോ​ടെ വീക്ഷി​ക്ക​പ്പെ​ടു​ക​യോ ചെയ്യുന്നു.b തന്റെ ആരോ​ഗ്യം സംബന്ധിച്ച്‌ എന്തു ചെയ്യണം എന്നു തീരു​മാ​നി​ക്കാ​നുള്ള ഉത്തരവാ​ദി​ത്വം ഓരോ വ്യക്തി​ക്കു​മാണ്‌. എന്നാൽ കൊ​ലൊ​സ്സ്യർ 2:4, 8-ൽ കാണുന്ന പൗലോ​സി​ന്റെ ബുദ്ധ്യു​പ​ദേശം സ്വീക​രി​ക്കു​ന്ന​വർക്ക്‌, രോഗ​ശ​മ​ന​ത്തി​നു​വേണ്ടി അതിസാ​ഹ​സ​പ്പെ​ടുന്ന, രാജ്യ​പ്ര​ത്യാ​ശ​യി​ല്ലാത്ത അനേകരെ വഴി​തെ​റ​റി​ക്കുന്ന ‘വശീകരണ വാദഗ​തിക’ളാലോ ‘വെറും വഞ്ചന’യാലോ ചതിക്ക​പ്പെ​ടു​ന്ന​തിൽനി​ന്നുള്ള സംരക്ഷ​ണ​മു​ണ്ടാ​യി​രി​ക്കും. ഒരു പ്രത്യേക ചികിത്സ തനിക്കു നല്ലതാ​ണെന്ന ബോധ്യം ഒരു ക്രിസ്‌ത്യാ​നി​ക്കു​ണ്ടാ​കാം. എന്നാൽപ്പോ​ലും ക്രിസ്‌തീയ സഹോ​ദ​ര​ങ്ങൾക്കി​ട​യിൽ അയാൾ അതു പ്രചരി​പ്പി​ക്ക​രുത്‌. കാരണം അതു വെറുതെ വ്യാപ​ക​മായ സംസാ​ര​ത്തി​നും വിവാ​ദ​ത്തി​നും ഇടയാ​ക്കാം. അങ്ങനെ, സഭയിൽ യോജി​പ്പു​ണ്ടാ​യി​രി​ക്കേ​ണ്ട​തി​ന്റെ പ്രാധാ​ന്യ​ത്തെ താൻ അതിയാ​യി ആദരി​ക്കു​ന്നു​വെന്ന്‌ അയാൾക്കു പ്രകട​മാ​ക്കാ​നാ​വും.

23. നമുക്ക്‌ ആഹ്ലാദ​ത്തി​നു വിശേ​ഷാൽ കാരണ​മു​ള്ളത്‌ എന്തു​കൊണ്ട്‌?

²³ യഥാർഥ സന്തോ​ഷ​ത്തി​നുള്ള ഒരു അടിസ്ഥാ​ന​മാ​ണു ക്രിസ്‌തീയ യോജിപ്പ്‌ എന്ന്‌ പൗലോസ്‌ ഊന്നി​പ്പ​റ​യു​ക​യു​ണ്ടാ​യി. അവന്റെ നാളിൽ സഭകളു​ടെ എണ്ണം ഇന്നത്തെ​തി​നെ​ക്കാൾ തീർച്ച​യാ​യും കുറവാ​യി​രു​ന്നു. എന്നിട്ടും അവനു കൊ​ലോ​സ്യർക്ക്‌ ഇങ്ങനെ എഴുതാൻ സാധിച്ചു: “ഞാൻ ശരീരം​കൊ​ണ്ടു ദൂരസ്ഥ​നെ​ങ്കി​ലും ആത്മാവു​കൊ​ണ്ടു നിങ്ങ​ളോ​ടു​കൂ​ടെ​യു​ള്ള​വ​നാ​യി നിങ്ങളു​ടെ ക്രമവും ക്രിസ്‌തു​വിൽ നിങ്ങൾക്കുള്ള വിശ്വാ​സ​ത്തി​ന്റെ സ്ഥിരത​യും കണ്ടു സന്തോ​ഷി​ക്കു​ന്നു.” (കൊ​ലൊ​സ്സ്യർ 2:5; ഇതുകൂ​ടെ കാണുക: കൊ​ലൊ​സ്സ്യർ 3:14.) ആഹ്ലാദി​ക്കാൻ നമുക്ക്‌ എന്തൊരു വലിയ കാരണം! ഭൂവ്യാ​പ​ക​മായ ദൈവ​ജ​ന​ത​യു​ടെ പൊതു​വേ​യുള്ള സ്ഥിതി​വി​ശേ​ഷത്തെ പ്രതി​ഫ​ലി​പ്പി​ക്കുന്ന യോജിപ്പ്‌, നല്ല സ്വസ്ഥത, വിശ്വാ​സ​ദൃ​ഢത എന്നിവ​യു​ടെ​യൊ​ക്കെ യഥാർഥ തെളിവു നമ്മു​ടെ​തന്നെ സഭയി​ലും കാണാൻ കഴിയും. അതു​കൊണ്ട്‌, ഇപ്പോ​ഴത്തെ വ്യവസ്ഥി​തി​യിൽ ഇനി അവശേ​ഷി​ക്കുന്ന ഹ്രസ്വ​മായ സമയത്ത്‌, “യോജി​പ്പോ​ടെ സ്‌നേ​ഹ​ത്തിൽ ഏകീഭ​വി​ക്കാൻ” നമുക്ക്‌ ഓരോ​രു​ത്തർക്കും ദൃഢനി​ശ്ചയം ചെയ്യാം.

[അടിക്കു​റി​പ്പു​കൾ]

നിങ്ങൾ ശ്രദ്ധി​ച്ചു​വോ?

◻ യഹോ​വ​യു​ടെ സാക്ഷി​കൾക്കുള്ള 1995-ലെ വാർഷി​ക​വാ​ക്യ​മേത്‌?

◻ കൊ​ലോ​സ്യ​യി​ലുള്ള ക്രിസ്‌ത്യാ​നി​കൾ യോജി​പ്പോ​ടെ സ്‌നേ​ഹ​ത്തിൽ ഏകീഭ​വി​ക്കേ​ണ്ട​യാ​വ​ശ്യ​മു​ണ്ടാ​യിരു​ന്നത്‌ എന്തു​കൊണ്ട്‌, ഇന്നു നാമും അതു ചെയ്യേ​ണ്ടത്‌ എന്തു​കൊണ്ട്‌?

◻ ജീവി​തത്തെ സംബന്ധിച്ച ഏതു വഞ്ചനാത്മക വീക്ഷണ​ത്തി​നെ​തി​രെ​യാണ്‌ ഇന്നു ക്രിസ്‌ത്യാ​നി​കൾ വിശേ​ഷാൽ ജാഗ്രത പാലി​ക്കേ​ണ്ടത്‌?

◻ ആരോ​ഗ്യ​ത്തെ​യും രോഗ​നിർണ​യോ​പാ​ധി​ക​ളെ​യും കുറി​ച്ചുള്ള വശീകരണ വാദഗ​തി​ക​ളാൽ വഴി​തെ​റ​റി​ക്ക​പ്പെ​ടാ​തി​രി​ക്കാൻ ക്രിസ്‌ത്യാ​നി​കൾ ജാഗ്ര​ത​യു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

[17-ാം പേജിലെ ചിത്രം]

നിങ്ങളുടെ ഭാവി​പ​ദ്ധ​തി​കൾ യേശു​വി​ന്റെ സാന്നി​ധ്യ​ത്തെ കേന്ദ്രീ​ക​രി​ച്ചു​ള്ള​താ​ണോ?