സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും പ്രോ​ത്സാ​ഹി​പ്പിക്ക—എങ്ങനെ?

“അന്യോ​ന്യം പ്രോ​ത്സാ​ഹി​പ്പി​ച്ചു​കൊണ്ട്‌ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും വേണ്ടി പ്രചോ​ദി​പ്പി​ക്കാൻ നമുക്ക്‌ അന്യോ​ന്യം പരിഗണന കാണി​ക്കാം. നാൾ സമീപി​ക്കു​ന്നു എന്നു കാണു​ന്തോ​റും അത്‌ അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.”—എബ്രായർ 10:24, 25, NW.

1-2. (എ) ആദിമ ക്രിസ്‌ത്യാ​നി​കൾ തങ്ങളുടെ കൂടി​വ​ര​വിൽനിന്ന്‌ ആശ്വാ​സ​വും പ്രോ​ത്സാ​ഹ​ന​വും കണ്ടെ​ത്തേ​ണ്ടി​യി​രു​ന്നതു പ്രധാ​ന​മാ​യി​രു​ന്നത്‌ എന്തു​കൊണ്ട്‌? (ബി) പൗലോ​സി​ന്റെ ഏതു ബുദ്ധ്യു​പ​ദേ​ശ​മാണ്‌ കൂടി​വ​രു​ന്ന​തി​ന്റെ ആവശ്യത്തെ അറിയി​ച്ചത്‌?

അവർ രഹസ്യ​ത്തിൽ അടഞ്ഞ കതകു​കൾക്കു പിന്നിൽ തിങ്ങി​ഞെ​രു​ങ്ങി കൂടി​വന്നു. വെളി​യി​ലെ​ങ്ങും അപകടം പതിയി​രു​ന്നു. അവരുടെ നേതാ​വായ യേശു​ക്രി​സ്‌തു ഇപ്പോൾ പരസ്യ​മാ​യി വധിക്ക​പ്പെ​ട്ട​തേ​യു​ള്ളൂ. താൻ അനുഭ​വി​ച്ച​തിൽനിന്ന്‌ ഒട്ടും മെച്ചമ​ല്ലാത്ത പെരു​മാ​റ​റ​ത്തിന്‌ അവരും വിധേ​യ​രാ​കു​മെന്ന്‌ അവൻ തന്റെ ശിഷ്യൻമാർക്കു മുന്നറി​യി​പ്പു നൽകു​ക​യും ചെയ്‌തു. (യോഹ​ന്നാൻ 15:20; 20:19) എങ്കിലും തങ്ങളുടെ പ്രിയ​പ്പെട്ട യേശു​വി​നെ​ക്കു​റി​ച്ചു പതിഞ്ഞ സ്വരത്തിൽ സംസാ​രി​ക്കവേ ഒരുമി​ച്ചു കൂടി​വ​ന്ന​തിൽ അവർക്കു സുരക്ഷി​ത​ത്വം തോന്നി​ക്കാ​ണണം.

² വർഷങ്ങൾ കടന്നു​പോ​യ​തോ​ടെ ക്രിസ്‌ത്യാ​നി​കൾ എല്ലാ തരത്തി​ലു​മുള്ള പരി​ശോ​ധ​ന​യും പീഡന​വും അഭിമു​ഖീ​ക​രി​ച്ചു. ആ ആദ്യകാല ശിഷ്യൻമാ​രെ​പ്പോ​ലെ അവരും ഒരുമി​ച്ചു കൂടു​ന്ന​തിൽനി​ന്നു സാന്ത്വ​ന​വും പ്രോ​ത്സാ​ഹ​ന​വും കണ്ടെത്തി​യി​രി​ക്കു​ന്നു. അങ്ങനെ, അപ്പോ​സ്‌ത​ല​നായ പൗലോസ്‌ എബ്രായർ 10:24, 25-ൽ [NW] ഇപ്രകാ​രം എഴുതി: “ചിലരു​ടെ പതിവു​പോ​ലെ നമ്മുടെ കൂടി​വ​രവ്‌ ഉപേക്ഷി​ക്കാ​തെ അന്യോ​ന്യം പ്രോ​ത്സാ​ഹി​പ്പി​ച്ചു​കൊണ്ട്‌ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും വേണ്ടി പ്രചോ​ദി​പ്പി​ക്കാൻ നമുക്ക്‌ അന്യോ​ന്യം പരിഗണന കാണി​ക്കാം. നാൾ സമീപി​ക്കു​ന്നു എന്നു കാണും​തോ​റും അത്‌ അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.”

3. എബ്രായർ 10:24, 25-ഉം ക്രിസ്‌ത്യാ​നി​കൾ കൂടി​വ​ര​ണ​മെ​ന്ന​തിൽ കവിഞ്ഞ ഒരു കൽപ്പന​യാ​ണെന്നു നിങ്ങൾ പറയു​ന്നത്‌ എന്തു​കൊണ്ട്‌?

³ ആ വാക്കുകൾ യോഗ​ത്തി​നു കൂടി​വ​രു​ന്ന​തിൽ തുടരു​ന്ന​തി​നുള്ള കൽപ്പന​യി​ലും ഏറെ കവിഞ്ഞ​താണ്‌. അവ എല്ലാ ക്രിസ്‌തീയ യോഗ​ങ്ങൾക്കും ഒരു ദിവ്യ നിശ്വസ്‌ത നിലവാ​രം പ്രദാ​നം​ചെ​യ്യു​ന്നു—വാസ്‌ത​വ​ത്തിൽ, ക്രിസ്‌ത്യാ​നി​കൾ ഒരുമി​ച്ചു കൂടുന്ന ഏതൊരു സന്ദർഭ​ത്തി​നും വേണ്ടി​ത്തന്നെ. എന്നത്തെ​ക്കാ​ള​ധി​കം ഇന്ന്‌, നാം യഹോ​വ​യു​ടെ ദിവസം സമീപി​ക്കു​ന്നതു വ്യക്തമാ​യി കാണു​മ്പോൾ, ഈ ദുഷ്ടവ്യ​വ​സ്ഥി​തി​യു​ടെ സമ്മർദ​വും അപകട​വും നമ്മുടെ യോഗങ്ങൾ ഒരു സുരക്ഷിത സ്ഥാനം​പോ​ലെ, ബലത്തി​നും പ്രോ​ത്സാ​ഹ​ന​ത്തി​നു​മുള്ള ഒരു ഉറവി​ടം​പോ​ലെ ആയിരി​ക്ക​ണ​മെ​ന്നത്‌ അനു​പേ​ക്ഷ​ണീ​യ​മാ​ക്കു​ന്നു. ഇതിന്‌ ഉറപ്പു​വ​രു​ത്താൻ നമുക്ക്‌ എന്തു ചെയ്യാ​നാ​വും? കൊള്ളാം, പിൻവ​രുന്ന മൂന്നു പ്രധാന ചോദ്യ​ങ്ങൾ ചോദി​ച്ചു​കൊണ്ട്‌ നമുക്കു പൗലോ​സി​ന്റെ വാക്കുകൾ ശ്രദ്ധാ​പൂർവം പരി​ശോ​ധി​ക്കാം: “അന്യോ​ന്യം പരിഗണന കാണി​ക്കാം” എന്നതിന്റെ അർഥ​മെ​ന്താണ്‌? ‘സ്‌നേ​ഹ​ത്തി​നും സൽപ്ര​വൃ​ത്തി​കൾക്കും വേണ്ടി അന്യോ​ന്യം പ്രോ​ത്സാ​ഹി​പ്പി​ക്കുക’ എന്നാൽ എന്താണ്‌ അർഥമാ​ക്കു​ന്നത്‌? ഒടുവിൽ, ഈ ദുർഘ​ട​നാ​ളു​ക​ളിൽ നമുക്ക്‌ എങ്ങനെ ‘അന്യോ​ന്യം പ്രോ​ത്സാ​ഹി​പ്പി​ക്കാൻ’ കഴിയും?

“അന്യോ​ന്യം പരിഗണന കാണിക്ക”

4. ‘അന്യോ​ന്യം പരിഗണന കാണി​ക്കുക’ എന്നതിന്റെ അർഥ​മെന്ത്‌?

⁴ “അന്യോ​ന്യം പരിഗണന കാണിക്കാ”ൻ പൗലോസ്‌ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ച്ച​പ്പോൾ അവൻ കട്ടാ​നോ​യി​യോ [ka·ta·no·eʹo] എന്ന ഗ്രീക്കു ക്രിയാ​പ​ദ​മാണ്‌ ഉപയോ​ഗി​ച്ചത്‌. അത്‌ “ഗ്രഹി​ക്കുക” എന്ന സാധാരണ പദത്തിന്റെ ശക്തമായ ഉച്ചാര​ണ​രൂ​പ​മാണ്‌. അതിന്റെ അർഥം “ഒരുവന്റെ മനസ്സു മുഴുവൻ ഒരു വസ്‌തു​വിൽ കേന്ദ്രീ​ക​രി​ക്കുക” എന്നാ​ണെന്ന്‌ ദ തിയോ​ള​ജി​ക്കൽ ഡിക്‌ഷ്‌നറി ഓഫ്‌ ദ ന്യൂ ടെസ്‌റ​റ​മെൻറ്‌ പറയുന്നു. ഡബ്ലിയൂ. ഇ. വൈൻ പറയു​ന്ന​പ്ര​കാ​രം “മുഴു​വ​നാ​യി മനസ്സി​ലാ​ക്കുക, അടുത്തു പരിഗ​ണി​ക്കുക എന്നും അത്‌ അർഥമാ​ക്കാം. തൻമൂലം, ക്രിസ്‌ത്യാ​നി​കൾ “അന്യോ​ന്യം പരിഗണന കാണി”ക്കുമ്പോൾ അവർ പുറ​മേ​യു​ള്ളതു മാത്രമല്ല കാണു​ന്നത്‌ മറിച്ച്‌, തങ്ങളുടെ സകല മാനസിക പ്രാപ്‌തി​ക​ളും ഉപയോ​ഗി​ച്ചു​കൊണ്ട്‌ ആഴമായ ഗ്രാഹ്യ​ത്തി​നു​വേണ്ടി അവർ ശ്രമി​ക്കു​ന്നു.—താരത​മ്യം ചെയ്യുക: എബ്രായർ 3:1.

5. ഒരു വ്യക്തി​യിൽ പ്രഥമ​ദൃ​ഷ്ട്യാ വെളി​പ്പെ​ടാ​തി​രു​ന്നേ​ക്കാ​വുന്ന ചില സവി​ശേ​ഷ​തകൾ ഏവ, നാം അവ പരിഗ​ണി​ക്കേ​ണ്ടത്‌ എന്തു​കൊണ്ട്‌?

⁵ ഒരുവ​ന്റെ​യോ ഒരുവ​ളു​ടെ​യോ ആകാര​ത്തി​ലേ​ക്കോ വേലയി​ലേ​ക്കോ ഉള്ള എത്തി​നോ​ട്ട​മോ വ്യക്തി​ത്വ​മോ വെളി​പ്പെ​ടു​ത്തു​ന്ന​തി​നെ​ക്കാൾ അധികം ഒരു വ്യക്തി​യിൽ അടങ്ങി​യി​രി​ക്കു​ന്നു എന്നു നാം ഓർമി​ക്കണം. (1 ശമൂവേൽ 16:7) മിക്ക​പ്പോ​ഴും പുറ​മേ​യുള്ള ഒരു ശാന്ത​പ്ര​കൃ​തം ഒരുവന്റെ ആഴമായ വികാ​ര​ങ്ങ​ളെ​യോ ആസ്വാ​ദ്യ​മായ നർമ​ബോ​ധ​ത്തെ​യോ മറച്ചു​ക​ള​യു​ന്നു. കൂടാതെ, പശ്ചാത്ത​ല​വും തികച്ചും വിഭി​ന്ന​മാണ്‌. ചിലർ ജീവി​ത​ത്തിൽ ഭയാന​ക​മായ അഗ്നിപ​രീ​ക്ഷ​കളെ അഭിമു​ഖീ​ക​രി​ച്ചി​ട്ടു​ള്ള​വ​രാണ്‌; മററു ചിലർ നമുക്ക്‌ ഊഹി​ക്കാൻപോ​ലും കഴിയാത്ത സാഹച​ര്യ​ങ്ങൾ ഇപ്പോൾ അനുഭ​വി​ച്ചു​കൊ​ണ്ടി​രി​ക്ക​യാണ്‌. ഒരു സഹോ​ദ​ര​ന്റെ​യോ സഹോ​ദ​രി​യു​ടെ​യോ എന്തെങ്കി​ലും ഒരു പ്രത്യേക സ്വഭാ​വ​വി​ശേ​ഷ​ത്തിൽ നമുക്കുള്ള നീരസം ആ വ്യക്തി​യു​ടെ പശ്ചാത്ത​ല​വും സാഹച​ര്യ​ങ്ങ​ളും മനസ്സി​ലാ​ക്കു​മ്പോൾ അലിഞ്ഞു​പോ​കു​ന്നതു വളരെ സാധാ​ര​ണ​മാണ്‌.—സദൃശ​വാ​ക്യ​ങ്ങൾ 19:11.

6. നമുക്ക്‌ അന്യോ​ന്യം മെച്ചമാ​യി അറിയാൻ പററിയ ചില വിധങ്ങൾ ഏവ, അത്‌ എന്തു നൻമ ചെയ്‌തേ​ക്കാം?

⁶ മററു​ള്ള​വ​രു​ടെ വ്യക്തി​പ​ര​മായ കാര്യ​ത്തിൽ നാം കൈക​ട​ത്ത​ണ​മെന്ന്‌ തീർച്ച​യാ​യും ഇത്‌ അർഥമാ​ക്കു​ന്നില്ല. (1 തെസ്സ​ലൊ​നീ​ക്യർ 4:11) അപ്പോ​ഴും അന്യോ​ന്യം വ്യക്തി​പ​ര​മായ താത്‌പ​ര്യം കാണി​ക്കാ​നാ​വു​മെ​ന്നതു തീർച്ച​യാണ്‌. രാജ്യ​ഹാ​ളിൽവ​ച്ചുള്ള വെറും അഭിവാ​ദ​ന​ത്തെ​ക്കാ​ള​ധി​കം ഇതിൽ അടങ്ങി​യി​രി​ക്കു​ന്നു. നിങ്ങൾ മെച്ചമാ​യി അറിയാൻ ആഗ്രഹി​ക്കുന്ന ഒരാളു​മാ​യി യോഗ​ത്തി​നു മുമ്പോ ശേഷമോ ഏതാനും നിമിഷം സംഭാ​ഷ​ണ​ത്തി​ലേർപ്പെ​ടു​ന്ന​തിന്‌ എന്തു​കൊ​ണ്ടു ലക്ഷ്യമി​ട്ടു​കൂ​ടാ? ലളിത​മായ സത്‌കാ​ര​ത്തി​നാ​യി ഒന്നോ രണ്ടോ സുഹൃ​ത്തു​ക്കളെ നിങ്ങളു​ടെ വീട്ടി​ലേക്കു ക്ഷണിച്ചു​കൊണ്ട്‌ “അതിഥി​സ​ല്‌ക്കാ​രം ആചരി”ക്കുന്നത്‌ അതിലും നന്നാണ്‌. (റോമർ 12:13) താത്‌പ​ര്യം പ്രകടി​പ്പി​ക്കുക. ചെവി​ചായ്‌ക്ക. ഒരു വ്യക്തി യഹോ​വയെ എങ്ങനെ അറിയാ​നും സ്‌നേ​ഹി​ക്കാ​നും ഇടയായി എന്ന്‌ ചോദി​ക്കു​ന്നതു മാത്രം അയാ​ളെ​പ്പ​ററി അനേകം കാര്യങ്ങൾ വെളി​പ്പെ​ടു​ത്തി​യേ​ക്കാം. വീടു​തോ​റു​മുള്ള സേവന​ത്തിൽ ഒരുമി​ച്ചു പ്രവർത്തി​ച്ചു​കൊ​ണ്ടു നിങ്ങൾക്കു വീണ്ടും അയാ​ളെ​പ്പ​ററി കൂടുതൽ കാര്യങ്ങൾ അറിയാ​വു​ന്ന​താണ്‌. ആ വിധത്തിൽ അന്യോ​ന്യം പരിഗണന കാണി​ക്കു​ന്നത്‌ യഥാർഥ സഹാനു​ഭൂ​തി​യും സമാനു​ഭാ​വ​വും വളർത്തി​യെ​ടു​ക്കാൻ നമ്മെ സഹായി​ക്കും.—ഫിലി​പ്പി​യർ 2:4; 1 പത്രൊസ്‌ 3:8.

‘അന്യോ​ന്യം പ്രചോ​ദി​പ്പിക്ക’

7. (എ) യേശു​വി​ന്റെ പഠിപ്പി​ക്ക​ലു​കൾ ആളുകളെ എങ്ങനെ ബാധിച്ചു? (ബി) അവന്റെ പഠിപ്പി​ക്ക​ലി​നെ വളരെ ശക്തമാ​ക്കി​ത്തീർത്തത്‌ എന്ത്‌?

⁷ നാം അന്യോ​ന്യം പരിഗണന കാണി​ക്കു​മ്പോൾ പ്രവർത്ത​ന​ത്തി​ലേർപ്പെ​ടു​ന്ന​തിന്‌ അന്യോ​ന്യം പ്രചോ​ദി​പ്പി​ക്കാൻ, പ്രേരി​പ്പി​ക്കാൻ നാം സുസജ്ജ​രാ​യി​രി​ക്കും. ഇക്കാര്യ​ത്തിൽ ക്രിസ്‌തീയ മൂപ്പൻമാർ പ്രത്യേ​കി​ച്ചും ഒരു സുപ്ര​ധാന പങ്കുവ​ഹി​ക്കു​ന്നു. യേശു പരസ്യ​മാ​യി പ്രസം​ഗിച്ച ഒരു സന്ദർഭ​ത്തെ​പ്പ​ററി നാം ഇങ്ങനെ വായി​ക്കു​ന്നു: “പുരു​ഷാ​രം അവന്റെ ഉപദേ​ശ​ത്തിൽ വിസ്‌മ​യി​ച്ചു.” (മത്തായി 7:28) മറെറാ​രു സന്ദർഭ​ത്തിൽ യേശു​വി​നെ അറസ്‌ററു ചെയ്യാൻ അയയ്‌ക്ക​പ്പെട്ട പടയാ​ളി​കൾ, “ഈ മനുഷ്യൻ സംസാ​രി​ക്കു​ന്ന​തു​പോ​ലെ ആരും ഒരുനാ​ളും സംസാ​രി​ച്ചി​ട്ടില്ല” എന്നു പറഞ്ഞു​കൊണ്ട്‌ അവനെ വിട്ടു​പോ​ന്നു. (യോഹ​ന്നാൻ 7:46) യേശു​വി​ന്റെ പഠിപ്പി​ക്കൽ ഇത്രമാ​ത്രം ശക്തമാ​യി​ത്തീ​രാൻ കാരണ​മെ​ന്താണ്‌? വൈകാ​രിക പ്രകട​ന​മോ? അല്ല; യേശു മാന്യ​ത​യോ​ടെ​യാ​ണു സംസാ​രി​ച്ചത്‌. എന്നുവ​രി​കി​ലും, കേൾവി​ക്കാ​രു​ടെ ഹൃദയത്തെ സ്‌പർശി​ക്കു​ന്ന​തിന്‌ അവൻ എല്ലായ്‌പോ​ഴും ലാക്കു​വച്ചു. കാരണം അവൻ ആളുക​ളിൽ പരിഗണന കാണിച്ചു. അവരെ പ്രചോ​ദി​പ്പി​ക്കേ​ണ്ട​തെ​ങ്ങ​നെ​യെന്ന്‌ അവൻ ശരിക്കും അറിഞ്ഞി​രു​ന്നു. ദൈനം​ദിന ജീവി​ത​ത്തി​ന്റെ യാഥാർഥ്യം പ്രതി​ഫ​ലി​പ്പി​ക്കുന്ന സുവ്യ​ക്ത​മായ, ലളിത​മായ ദൃഷ്ടാ​ന്തങ്ങൾ അവൻ ഉപയോ​ഗി​ച്ചു. (മത്തായി 13:34) സമാന​മാ​യി, നമ്മുടെ യോഗ​ങ്ങ​ളിൽ നിയമനം നിർവ​ഹി​ക്കു​ന്നവർ പ്രചോ​ദ​ന​മേ​കുന്ന ഊഷ്‌മ​ള​വും ആവേശം ഉണർത്തു​ന്ന​തു​മായ അവതര​ണങ്ങൾ നടത്തി​ക്കൊണ്ട്‌ യേശു​വി​നെ അനുക​രി​ക്കണം. യേശു​വി​നെ​പ്പോ​ലെ നാമും നമ്മുടെ സദസ്യർക്ക​നു​യോ​ജ്യ​മാ​യ​തും അവരുടെ ഹൃദയ​ങ്ങളെ സ്‌പർശി​ക്കു​ന്ന​തു​മായ ദൃഷ്ടാ​ന്തങ്ങൾ കണ്ടെത്താൻ ശ്രമം ചെലു​ത്തണം.

8. യേശു മാതൃ​ക​യി​ലൂ​ടെ പ്രചോ​ദി​പ്പി​ച്ചത്‌ എങ്ങനെ, ഇക്കാര്യ​ത്തിൽ നാം അവനെ എങ്ങനെ അനുക​രി​ച്ചേ​ക്കാം?

⁸ നമ്മുടെ ദൈവ​മായ യഹോ​വ​യു​ടെ സേവന​ത്തി​ലെ നമ്മുടെ മാതൃ​ക​യി​ലൂ​ടെ നാമെ​ല്ലാം അന്യോ​ന്യം പ്രചോ​ദി​പ്പി​ക്കു​ന്ന​വ​രാ​യി​രി​ക്കട്ടെ. യേശു തീർച്ച​യാ​യും തന്റെ കേൾവി​ക്കാ​രെ പ്രചോ​ദി​പ്പി​ച്ചു. അവൻ ക്രിസ്‌തീയ ശുശ്രൂ​ഷയെ സ്‌നേ​ഹി​ക്കു​ക​യും ഉയർത്തി​പ്പി​ടി​ക്ക​യും ചെയ്‌തു. അതു തനിക്കു ഭക്ഷണം പോ​ലെ​യാ​ണെന്ന്‌ അവൻ പറഞ്ഞു. (യോഹ​ന്നാൻ 4:34; റോമർ 11:3) അത്തരം ആവേശം മററു​ള്ള​വ​രി​ലേക്കു പകരാൻ കഴിയും. അതേ​പോ​ലെ നിങ്ങളു​ടെ ശുശ്രൂ​ഷ​യി​ലുള്ള സന്തോഷം മററു​ള്ള​വ​രു​ടെ മുമ്പാകെ പ്രകടി​പ്പി​ക്കാൻ നിങ്ങൾക്കു സാധി​ക്കു​മോ? ശ്രദ്ധാ​പൂർവം പൊങ്ങ​ച്ച​ത്തി​ന്റെ ധ്വനി ഒഴിവാ​ക്കി​ക്കൊണ്ട്‌ നിങ്ങൾക്കു​ണ്ടായ നല്ല അനുഭ​വങ്ങൾ സഭയി​ലുള്ള മററു​ള്ള​വ​രു​മാ​യി പങ്കിടുക. നിങ്ങ​ളോ​ടൊ​പ്പം പ്രവർത്തി​ക്കാൻ മററു​ള്ള​വരെ ക്ഷണിക്കു​മ്പോൾ നമ്മുടെ മഹദ്‌ സ്രഷ്ടാ​വായ യഹോ​വ​യെ​പ്പ​ററി മററു​ള്ള​വ​രോട്‌ ആത്മാർഥ​മായ സന്തോ​ഷ​ത്തോ​ടെ സംസാ​രി​ക്കു​ന്ന​തിന്‌ അവരെ സഹായി​ക്കാൻ കഴിയു​മോ എന്നു നോക്കുക.—സദൃശ​വാ​ക്യ​ങ്ങൾ 25:25.

9. (എ) മററു​ള്ള​വരെ പ്രചോ​ദി​പ്പി​ക്കുന്ന കാര്യ​ത്തിൽ നാം ഒഴിവാ​ക്കാൻ ആഗ്രഹി​ക്കുന്ന ചില രീതികൾ ഏവ, എന്തു​കൊണ്ട്‌? (ബി) യഹോ​വ​യു​ടെ സേവന​ത്തിൽ സ്വയം സമർപ്പി​ക്കു​ന്ന​തിന്‌ നമ്മെ എന്താണു പ്രേരി​പ്പി​ക്കേ​ണ്ടത്‌?

⁹ എങ്കിലും, തെററായ വിധത്തിൽ മററു​ള്ള​വരെ പ്രചോ​ദി​പ്പി​ക്കാ​തി​രി​ക്കാൻ പ്രത്യേ​കം ശ്രദ്ധി​ക്കുക. ഉദാഹ​ര​ണ​ത്തിന്‌, നാം അശ്രദ്ധ​മാ​യി, തങ്ങൾ കൂടുതൽ ചെയ്യു​ന്നില്ല എന്ന്‌ അവർക്കു തോന്നാൻ ഇടയാ​ക്കി​യേ​ക്കാം. കൂടുതൽ സജീവ​മാ​യി പ്രവർത്തി​ക്കു​ന്ന​വ​രു​മാ​യി അനുചി​ത​മാ​യി തുലനം ചെയ്‌തു​കൊ​ണ്ടു നാം മനഃപൂർവ​മ​ല്ലാ​തെ അവരെ ലജ്ജിപ്പി​ച്ചെന്നു വരാം, അതല്ല, നമു​ക്കൊ​പ്പം എത്താത്ത​വ​രെ​പ്രതി നാം കർക്കശ​മായ നിലവാ​രം പടുത്തു​യർത്തി അവരുടെ മുഖത്തു കരിവാ​രി​ത്തേ​ച്ചെ​ന്നു​വ​രാം. ഈ വിധത്തി​ലുള്ള ഏതൊരു രീതി​യും ചുരു​ങ്ങിയ സമയ​ത്തേക്കു പ്രവർത്തനത്തിനു പ്രചോ​ദി​പ്പി​ച്ചേ​ക്കാം. എന്നാൽ, ‘കുററ​ബോ​ധ​ത്തി​നും സൽപ്ര​വൃ​ത്തി​കൾക്കും പ്രചോ​ദി​പ്പി​ക്കുക’ എന്നു പൗലോസ്‌ എഴുതി​യില്ല. പകരം, നാം സ്‌നേ​ഹ​ത്തി​നു പ്രചോ​ദി​പ്പി​ക്കണം, അങ്ങനെ​യാ​കു​മ്പോൾ സദു​ദ്ദേ​ശ്യ​ത്തോ​ടെ​യുള്ള പ്രവൃ​ത്തി​കൾ പിന്തു​ട​രും. പ്രതീ​ക്ഷ​കൾക്കൊത്ത്‌ ഉയരാ​ത്ത​തു​മൂ​ലം തന്നെപ്പ​ററി സഭയി​ലുള്ള മററു​ള്ളവർ എന്തു വിചാ​രി​ക്കു​മെന്ന ചിന്തയാ​യി​രി​ക്ക​രുത്‌ ഒരുവനെ പ്രചോ​ദി​പ്പി​ക്കുന്ന മുഖ്യ ഘടകം.—താരത​മ്യം ചെയ്യുക: 2 കൊരി​ന്ത്യർ 9:6, 7.

10. നാം മററു​ള്ള​വ​രു​ടെ വിശ്വാ​സ​ത്തിൻമേൽ കർത്തൃ​ത്വം നടത്തു​ന്നവർ അല്ല എന്ന്‌ ഓർമി​ക്കേ​ണ്ട​തെ​ന്തു​കൊണ്ട്‌?

¹⁰ അന്യോ​ന്യം പ്രചോ​ദി​പ്പി​ക്കു​ക​യെ​ന്നാൽ അന്യോ​ന്യം നിയ​ന്ത്രി​ക്കു​ക​യെന്ന്‌ അർഥമാ​ക്കു​ന്നില്ല. തനിക്കു ദൈവദത്ത അധികാ​ര​മെ​ല്ലാം ലഭിച്ചി​ട്ടും അപ്പോ​സ്‌ത​ല​നായ പൗലോസ്‌ കൊരി​ന്ത്യ സഭയെ, “നിങ്ങളു​ടെ വിശ്വാ​സ​ത്തിൻമേൽ ഞങ്ങൾ കർത്തൃ​ത്വം ഉള്ളവരല്ല” എന്നു താഴ്‌മ​യോ​ടെ ഓർമി​പ്പി​ച്ചു. (2 കൊരി​ന്ത്യർ 1:24) യഹോ​വ​യു​ടെ സേവന​ത്തിൽ മററു​ള്ളവർ എത്ര​ത്തോ​ളം ചെയ്യണ​മെന്നു നിർണ​യി​ക്കു​ന്നതു നമ്മുടെ തൊഴി​ല​ല്ലെ​ന്നും വ്യക്തി​പ​ര​മായ തീരു​മാ​നങ്ങൾ എടുക്കു​ന്ന​തിന്‌ അവരുടെ മനസ്സാ​ക്ഷി​യെ നിയ​ന്ത്രി​ക്ക​രു​തെ​ന്നും നാം അവനെ​പ്പോ​ലെ താഴ്‌മ​യോ​ടെ തിരി​ച്ച​റി​യു​ന്ന​പക്ഷം നാം ‘അതി നീതി​മാ​നും’ സന്തോ​ഷ​ര​ഹി​ത​നും കർക്കശ​നും നിഷേ​ധാ​ത്മക ചിന്തയു​ള്ള​വ​നും നിയമ​ത്തിൽ കടിച്ചു​തൂ​ങ്ങു​ന്ന​വ​നും ആയിരി​ക്കു​ന്നത്‌ ഒഴിവാ​ക്കും. (സഭാ​പ്ര​സം​ഗി 7:16) അത്തരം ഗുണങ്ങൾ പ്രചോ​ദി​പ്പി​ക്കു​ന്നില്ല; മറിച്ച്‌ മർദി​ക്കു​ക​യാ​ണു ചെയ്യു​ന്നത്‌.

11. ഇസ്രാ​യേ​ല്യ​രു​ടെ തിരു​നി​വാസ നിർമാ​ണ​ത്തി​നു സംഭാ​വ​ന​ചെ​യ്യാൻ പ്രേര​ണ​യേ​കി​യ​തെന്ത്‌, അതു നമ്മുടെ നാളിൽ സത്യമാ​യേ​ക്കാ​വു​ന്നത്‌ എങ്ങനെ?

¹¹ യഹോ​വ​യു​ടെ സേവന​ത്തി​ലുള്ള നമ്മുടെ ശ്രമങ്ങ​ളെ​ല്ലാം, തിരു​നി​വാ​സം പണിയു​ന്ന​തി​നു സംഭാ​വ​നകൾ ആവശ്യ​മാ​യി​രു​ന്ന​പ്പോൾ പുരാതന ഇസ്രാ​യേ​ലിൽ നിലനി​ന്നി​രുന്ന അതേ മനോ​ഭാ​വ​ത്തോ​ടെ ചെയ്യാൻ നാം ആഗ്രഹി​ക്കും. “ഹൃദയ​ത്തിൽ ഉത്സാഹ​വും മനസ്സിൽ താല്‌പ​ര്യ​വും തോന്നി​യവൻ എല്ലാം . . . യഹോ​വെക്കു വഴിപാ​ടു കൊണ്ടു​വന്നു” എന്നു പുറപ്പാ​ടു 35:21-ൽ നാം വായി​ക്കു​ന്നു. അവർ പുറ​മേ​നി​ന്നുള്ള പ്രേര​ണ​നി​മി​ത്തമല്ല മറിച്ച്‌, ഉൾ​പ്രേ​ര​ണ​യാൽ, ഹൃദയ​ത്തിൽനിന്ന്‌, നിർബ​ന്ധി​ത​രാ​വു​ക​യാ​ണു​ണ്ടാ​യത്‌. വാസ്‌ത​വ​ത്തിൽ ഇവിടെ, ‘ഹൃദയം ഉയർത്ത​പ്പെട്ട എല്ലാവ​രും’ അത്തരം സമ്മാനങ്ങൾ നൽകി​യെന്ന്‌ എബ്രായ ഭാഷയിൽ അക്ഷരാർഥ​ത്തിൽ വായി​ക്കു​ന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) തൻമൂലം, മേലിൽ നാം ഒരുമി​ച്ചാ​യി​രി​ക്കു​മ്പോ​ഴെ​ല്ലാം നമ്മുടെ ഹൃദയങ്ങൾ അന്യോ​ന്യം ഉയർത്തു​ന്ന​തി​നു നമുക്കു ശ്രമം ചെലു​ത്താം. ബാക്കി യഹോ​വ​യു​ടെ ആത്മാവി​നു ചെയ്യാൻ കഴിയും.

‘അന്യോ​ന്യം പ്രോ​ത്സാ​ഹി​പ്പി​ക്കുക’

12. (എ) “പ്രോ​ത്സാ​ഹി​പ്പി​ക്കുക” എന്നു തർജമ​ചെ​യ്‌തി​രി​ക്കുന്ന ഗ്രീക്കു പദത്തിന്റെ ചില അർഥങ്ങൾ ഏവ? (ബി) ഇയ്യോ​ബി​ന്റെ സുഹൃ​ത്തു​ക്കൾ അവനെ പ്രോ​ത്സാ​ഹി​പ്പി​ക്കാൻ പരാജ​യ​പ്പെ​ട്ട​തെ​ങ്ങനെ? (സി) അന്യോ​ന്യം വിധി​ക്കു​ന്ന​തിൽനി​ന്നു നാം അകന്നു​നിൽക്കേ​ണ്ടത്‌ എന്തു​കൊണ്ട്‌?

¹² നാം ‘അന്യോ​ന്യം പ്രോ​ത്സാ​ഹി​പ്പിക്ക’ണം എന്ന്‌ എഴുതി​യ​പ്പോൾ പാരാ​ക്ക​ലി​യോ [pa·ra·ka·leʹo] എന്ന ഗ്രീക്കു പദത്തിന്റെ ഒരു രൂപമാണ്‌ പൗലോസ്‌ ഉപയോ​ഗി​ച്ചത്‌. അതിന്‌ ‘ശക്തി​പ്പെ​ടു​ത്താൻ, സാന്ത്വ​ന​പ്പെ​ടു​ത്താൻ’ എന്ന്‌ അർഥമാ​ക്കാൻ കഴിയും. ഗ്രീക്കു സെപ്‌റ​റു​വ​ജിൻറ്‌ വേർഷ​നിൽ ഇയ്യോബ്‌ 29:25-ൽ ഒരുവനെ സാന്ത്വ​ന​പ്പെ​ടു​ത്തു​ന്നവൻ എന്നനി​ല​യിൽ ഇയ്യോ​ബി​നെ വർണി​ക്കവേ ഇതേ പദമാണ്‌ ഉപയോഗിച്ചത്‌. ഇയ്യോബ്‌ തന്നെയും കഠിന​മായ ക്ലേശത്തിൻകീ​ഴി​ലാ​യി​രു​ന്ന​പ്പോൾ അവന്‌ അത്തര​മൊ​രു സാന്ത്വ​ന​വും ലഭിച്ചി​ല്ലെ​ന്നതു വിരോ​ധാ​ഭാ​സം​തന്നെ. അവന്റെ മൂന്ന്‌ “ആശ്വാ​സകർ” അവനെ ന്യായം വിധി​ക്കു​ന്ന​തി​ലും അവനു ഭാഷണം നൽകു​ന്ന​തി​ലും വളരെ തിരക്കു​ള്ള​വ​രാ​യി​രു​ന്ന​തി​നാൽ അവനെ മനസ്സി​ലാ​ക്കു​ന്ന​തി​ലും അവനോ​ടു സമാനു​ഭാ​വം പ്രകടി​പ്പി​ക്കു​ന്ന​തി​ലും പരാജ​യ​പ്പെട്ടു. വാസ്‌ത​വ​ത്തിൽ, അവരുടെ സംസാ​ര​ത്തിൽ ഒരിക്കൽപ്പോ​ലും അവർ ഇയ്യോ​ബി​നെ പേരു​വി​ളിച്ച്‌ അഭിസം​ബോ​ധന ചെയ്‌തില്ല. (വിപരീത താരത​മ്യം ചെയ്യുക: ഇയ്യോബ്‌ 33:1, 31) അവർ അവനെ ഒരു വ്യക്തി എന്നതി​നെ​ക്കാൾ ഒരു പ്രശ്‌ന​മാ​യാ​ണു വീക്ഷി​ച്ചത്‌. “എനിക്കുള്ള അനുഭവം നിങ്ങൾക്കു​ണ്ടാ​യി​രു​ന്നു​വെ​ങ്കിൽ” എന്ന്‌ ഇയ്യോബ്‌ ഭഗ്നാശ​നാ​യി അവരോ​ടു പറഞ്ഞതിൽ ഒട്ടും അതിശ​യി​ക്കാ​നില്ല. (ഇയ്യോബ്‌ 16:4) അതേ​പോ​ലെ ഇന്ന്‌, നിങ്ങൾ ഒരാളെ പ്രോ​ത്സാ​ഹി​പ്പി​ക്കാൻ ആഗ്രഹി​ക്കു​ന്നെ​ങ്കിൽ സമാനു​ഭാ​വം പ്രകടി​പ്പി​ക്കുക! ന്യായം വിധി​ക്ക​രുത്‌. റോമർ 14:4 പറയു​ന്ന​തു​പോ​ലെ “മറെറാ​രു​ത്തന്റെ ദാസനെ വിധി​പ്പാൻ നീ ആർ? അവൻ നില്‌ക്കു​ന്ന​തോ വീഴു​ന്ന​തോ സ്വന്ത യജമാ​ന​ന്ന​ത്രേ; അവൻ നില്‌ക്കും​താ​നും; അവനെ നില്‌ക്കു​മാ​റാ​ക്കു​വാൻ കർത്താ​വി​ന്നു കഴിയു​മ​ല്ലോ.”

13-14. (എ) നമ്മുടെ സഹോ​ദ​രീ​സ​ഹോ​ദ​രൻമാ​രെ ആശ്വസി​പ്പി​ക്കു​മ്പോൾ അടിസ്ഥാ​ന​പ​ര​മായ ഏതു സത്യം അവരെ ബോധ്യ​പ്പെ​ടു​ത്തേണ്ട ആവശ്യ​മുണ്ട്‌? (ബി) ദാനി​യേൽ ഒരു ദൂതനാൽ എങ്ങനെ ശക്തനാ​ക്ക​പ്പെട്ടു?

¹³ പാരാ​ക്ക​ലി​യോ​യു​ടെ ഒരു രൂപവും അതി​നോ​ടു​ബ​ന്ധ​പ്പെട്ട നാമവും 2 തെസ്സ​ലൊ​നീ​ക്യർ 2:16, 17-ൽ ‘ആശ്വാസം’ എന്നു തർജമ ചെയ്യ​പ്പെ​ട്ടി​രി​ക്കു​ന്നു: “നമ്മുടെ കർത്താ​വായ യേശു​ക്രി​സ്‌തു​താ​നും നമ്മെ സ്‌നേ​ഹി​ച്ചു നിത്യാ​ശ്വാ​സ​വും നല്ല പ്രത്യാ​ശ​യും കൃപയാ​ലെ നല്‌കി​യി​രി​ക്കുന്ന നമ്മുടെ പിതാ​വായ ദൈവ​വും നിങ്ങളു​ടെ ഹൃദയ​ങ്ങളെ ആശ്വസി​പ്പി​ച്ചു എല്ലാ നല്ല പ്രവൃ​ത്തി​യി​ലും വാക്കി​ലും സ്ഥിര​പ്പെ​ടു​ത്തു​മാ​റാ​കട്ടെ.” യഹോവ നമ്മെ സ്‌നേ​ഹി​ക്കു​ന്നു എന്ന അടിസ്ഥാന സത്യവു​മാ​യി നമ്മുടെ ഹൃദയ​ങ്ങളെ ആശ്വസി​പ്പി​ക്കു​ന്നു​വെന്ന ചിന്താ​ഗ​തി​യെ പൗലോസ്‌ ബന്ധപ്പെ​ടു​ത്തു​ന്നു​വെ​ന്നതു ശ്രദ്ധി​ക്കുക. അതു​കൊണ്ട്‌, ആ സുപ്ര​ധാന സത്യത്തിന്‌ ഉറപ്പു​വ​രു​ത്തി​ക്കൊണ്ട്‌ നാം അന്യോ​ന്യം പ്രോ​ത്സാ​ഹി​പ്പി​ക്കു​ക​യും ആശ്വസി​പ്പി​ക്കു​ക​യും ചെയ്യു​ന്ന​വ​രാ​യി​രി​ക്കട്ടെ.

¹⁴ ഒരു സന്ദർഭ​ത്തിൽ പ്രവാ​ച​ക​നായ ദാനി​യേൽ താൻ കണ്ട ഭീതി​ജ​ന​ക​മായ ഒരു ദർശന​ത്താൽ സംഭ്രാ​ന്ത​നാ​യി ഇങ്ങനെ പറഞ്ഞു: “എന്നിൽ ഒട്ടും ബലം ശേഷി​ച്ചി​രു​ന്നില്ല; എന്റെ മുഖ​ശോഭ ക്ഷയിച്ചു​പോ​യി.” ദൈവ​ത്തി​ന്റെ ദൃഷ്ടി​യിൽ “പ്രിയ”പ്പെട്ടവ​നാ​ണു ദാനി​യേൽ എന്നു യഹോവ അയച്ച ഒരു ദൂതൻ അവനെ പലപ്രാ​വ​ശ്യം ഓർപ്പി​ച്ചു. ഫലമോ? “നീ എന്നെ ബലപ്പെ​ടു​ത്തി​യി​രി​ക്കു​ന്നു​വ​ല്ലോ” എന്നു ദാനി​യേൽ ദൂത​നോ​ടു പറഞ്ഞു.—ദാനീ​യേൽ 10:8, 11, 19.

15. മൂപ്പൻമാ​രും സഞ്ചാര​മേൽവി​ചാ​ര​കൻമാ​രും പ്രശം​സയെ തിരു​ത്ത​ലു​മാ​യി എങ്ങനെ സമനി​ല​യിൽ നിർത്തണം?

¹⁵ മററു​ള്ള​വരെ പ്രോ​ത്സാ​ഹി​പ്പി​ക്കു​ന്ന​തി​നുള്ള മറെറാ​രു വിധമി​താ. അവരെ പ്രശം​സി​ക്കുക! കർക്കശ വിമർശന മനോ​ഭാ​വ​ത്തി​ലേക്കു വഴുതി​വീ​ഴു​ന്നതു വളരെ എളുപ്പ​മാണ്‌. തിരുത്തൽ, പ്രത്യേ​കി​ച്ചും മൂപ്പൻമാ​രു​ടെ​യും സഞ്ചാര മേൽവി​ചാ​ര​കൻമാ​രു​ടെ​യും പക്കൽനിന്ന്‌, ആവശ്യ​മുള്ള സമയങ്ങ​ളു​ണ്ടെ​ന്നതു ശരിതന്നെ. എന്നാൽ ന്യായം​വി​ധി​ക്കുന്ന ഒരു മനോ​ഭാ​വ​ത്തി​നു പകരം ഊഷ്‌മ​ള​മായ പ്രോ​ത്സാ​ഹ​ന​ത്തെ​പ്രതി അവർ ഓർമി​പ്പി​ക്ക​പ്പെ​ടു​ന്നു​വെ​ങ്കിൽ അത്‌ അവർക്കു പ്രയോ​ജനം ചെയ്യും.

16. (എ) വിഷാ​ദ​മ​ഗ്നരെ പ്രോ​ത്സാ​ഹി​പ്പി​ക്കു​മ്പോൾ യഹോ​വ​യു​ടെ സേവന​ത്തിൽ കൂടുതൽ ചെയ്യാൻ കേവലം അവരെ പ്രേരി​പ്പി​ക്കു​ന്നതു മിക്ക​പ്പോ​ഴും മതിയാ​യി​രി​ക്കു​ന്നി​ല്ലാ​ത്തത്‌ എന്തു​കൊണ്ട്‌? (ബി) ഏലിയാവ്‌ വിഷാ​ദ​മ​ഗ്ന​നാ​യി​രു​ന്ന​പ്പോൾ യഹോവ അവനെ എങ്ങനെ​യാ​ണു സഹായി​ച്ചത്‌?

¹⁶ വിഷാ​ദ​മ​ഗ്നർക്കു പ്രത്യേ​കി​ച്ചും പ്രോ​ത്സാ​ഹ​ന​ത്തി​ന്റെ ആവശ്യ​മുണ്ട്‌. കൂടാതെ, സഹക്രി​സ്‌ത്യാ​നി​കൾ എന്നനി​ല​യിൽ—മൂപ്പൻമാ​രാ​ണെ​ങ്കിൽ വിശേ​ഷി​ച്ചും—നാം സഹായ​ത്തി​നുള്ള ഒരു ഉറവാ​യി​രി​ക്കാൻ യഹോവ നമ്മിൽനി​ന്നു പ്രതീ​ക്ഷി​ക്കു​ന്നുണ്ട്‌. (സദൃശ​വാ​ക്യ​ങ്ങൾ 21:13) നമുക്ക്‌ എന്തു ചെയ്യാൻ കഴിയും? യഹോ​വ​യു​ടെ സേവന​ത്തിൽ കൂടുതൽ ചെയ്യുക എന്നു പറയു​ന്ന​പോ​ലെ അത്ര ലളിത​മാ​ണെ​ന്നു​വ​രില്ല ഉത്തരം. എന്തു​കൊണ്ട്‌? എന്തു​കൊ​ണ്ടെ​ന്നാൽ തങ്ങൾ മതിയായ അളവിൽ ചെയ്യാ​ത്ത​തി​ന്റെ ഫലമാണു വിഷാദം എന്ന്‌ അവർക്കു തോന്നാൻ അത്‌ ഇടയാ​ക്കി​യേ​ക്കാം. മിക്ക​പ്പോ​ഴും അതല്ല കാര്യം. പ്രവാ​ച​ക​നായ ഏലിയാവ്‌ താൻ ഒന്നു മരിച്ചാൽ മതി​യെന്നു തോന്ന​ത്ത​ക്ക​വണ്ണം ഒരിക്കൽ വിഷാ​ദ​മ​ഗ്ന​നാ​യി; എന്നാൽ യഹോ​വ​യു​ടെ സേവന​ത്തിൽ അത്യന്തം തിരക്കുള്ള ഒരു സമയത്താണ്‌ അവന്‌ അങ്ങനെ അനുഭ​വ​പ്പെ​ട്ടത്‌. യഹോവ അവനോ​ടു പെരു​മാ​റി​യത്‌ എങ്ങനെ​യാണ്‌? പ്രാ​യോ​ഗിക സഹായം നൽകു​ന്ന​തിന്‌ അവൻ ഒരു ദൂതനെ അയച്ചു. തന്റെ മരിച്ചു​പോയ പൂർവ​പി​താ​ക്കൻമാ​രെ​പ്പോ​ലെ താൻ വിലയി​ല്ലാ​ത്ത​വ​നാ​യി തനിക്കു തോന്നു​ന്നു​വെ​ന്നും തന്റെ വേല​യെ​ല്ലാം വ്യർഥ​മാ​യെ​ന്നും താൻ തികച്ചും ഏകനാ​ണെ​ന്നും വെളി​പ്പെ​ടു​ത്തി​ക്കൊണ്ട്‌ ഏലിയാവ്‌ തന്റെ ആഴമായ ഹൃദയ വികാ​രങ്ങൾ യഹോ​വ​യു​ടെ മുമ്പാകെ തുറന്നു​വച്ചു. യഹോവ ശ്രദ്ധി​ച്ചു​കേട്ടു, ഭയവി​ഹ്വ​ല​മായ തന്റെ ശക്തി പ്രദർശി​പ്പി​ച്ചു​കൊണ്ട്‌, അവൻ തീർച്ച​യാ​യും ഒററയ്‌ക്ക​ല്ലെ​ന്നും അവൻ തുടങ്ങി​വെ​ച്ച​വേല പൂർത്തി​യാ​ക്കു​മെ​ന്നു​മുള്ള ഉറപ്പു​നൽകി​ക്കൊണ്ട്‌, യഹോവ അവനെ ആശ്വസി​പ്പി​ച്ചു. ക്രമേണ തനിക്കു​ശേഷം തന്റെ പിൻഗാ​മി​യാ​യി​ത്തീ​രുന്ന ഒരു സുഹൃ​ത്തി​നെ പരിശീ​ലി​പ്പി​ക്കു​ന്ന​തിന്‌ നൽകു​മെ​ന്നും യഹോവ ഏലിയാ​വി​നോ​ടു വാഗ്‌ദാ​നം ചെയ്‌തു.—1 രാജാ​ക്കൻമാർ 19:1-21.

17. തന്നോ​ടു​തന്നെ അത്യന്തം പരുഷ​മാ​യി​രി​ക്കുന്ന ഒരുവനെ ഒരു മൂപ്പൻ എങ്ങനെ പ്രോ​ത്സാ​ഹി​പ്പി​ച്ചേ​ക്കാം?

¹⁷ എത്ര പ്രോ​ത്സാ​ഹ​ജ​നകം! നമ്മു​ടെ​യി​ട​യിൽ വൈകാ​രി​ക​മാ​യി കുഴഞ്ഞി​രി​ക്കു​ന്ന​വരെ നമുക്കും അതു​പോ​ലെ പ്രോ​ത്സാ​ഹി​പ്പി​ക്കാം. അവർക്കു ചെവി​ചാ​യ്‌ച്ചു​കൊണ്ട്‌ അവരെ മനസ്സി​ലാ​ക്കാൻ ശ്രമി​ക്കുക. (യാക്കോബ്‌ 1:19) അവരുടെ വ്യക്തി​പ​ര​മായ ആവശ്യത്തിനു​ത​കുന്ന തിരു​വെ​ഴു​ത്ത​ധി​ഷ്‌ഠി​ത​മായ ആശ്വാസം പ്രദാനം ചെയ്യുക. (സദൃശ​വാ​ക്യ​ങ്ങൾ 25:11; 1 തെസ്സ​ലൊ​നീ​ക്യർ 5:14) തങ്ങളോ​ടു​തന്നെ അത്യന്തം പരുഷ​മാ​യി​രി​ക്കു​ന്ന​വരെ മൂപ്പൻമാർക്കു പ്രോ​ത്സാ​ഹി​പ്പി​ക്കാ​വു​ന്ന​താണ്‌. യഹോവ സ്‌നേ​ഹി​ക്കു​ക​യും വിലകൽപ്പി​ക്കു​ക​യും ചെയ്യു​ന്നു​വെ​ന്ന​തി​ന്റെ തിരു​വെ​ഴു​ത്തു തെളി​വു​കൾ അവർക്കു ദയാപു​ര​സ്സരം നൽകാ​വു​ന്ന​താണ്‌.a മറുവി​ല​യെ​പ്പ​ററി ചർച്ച നടത്തു​ന്നത്‌, ഒന്നിനും കൊള്ളു​ക​യി​ല്ലെന്ന തോന്ന​ലു​ള്ള​വരെ പ്രോ​ത്സാ​ഹി​പ്പി​ക്കു​ന്ന​തി​നുള്ള ശക്തമായ ഒരു മാധ്യ​മ​മാ​യി​രി​ക്കാൻ കഴിയും. കഴിഞ്ഞ​കാല പാപ​ത്തെ​പ്പ​ററി ദുഃഖി​ക്കുന്ന ഒരുവനെ, അയാൾ യഥാർഥ​മാ​യി അനുത​പി​ക്കു​ക​യും അത്തരം പ്രവൃ​ത്തി​ക​ളിൽനി​ന്നു പൂർണ​മാ​യി അകന്നു നിൽക്കു​ക​യും ചെയ്‌തി​ട്ടു​ണ്ടെ​ങ്കിൽ മറുവില അയാളെ കഴുകി​വെ​ടി​പ്പാ​ക്കി​യി​രി​ക്കു​ന്നു​വെന്നു കാണി​ച്ചു​കൊ​ടു​ക്കേ​ണ്ട​തുണ്ട്‌.—യെശയ്യാ​വു 1:18.

18. ബലാൽസം​ഗ​ത്തി​ന്റെ കാര്യ​ത്തി​ലെ​ന്ന​പോ​ലെ മറെറാ​രു​വന്‌ ബലിയാ​ടായ ഒരാളെ പ്രോ​ത്സാ​ഹി​പ്പി​ക്കു​ന്ന​തി​നു മറുവി​ല​യെ​പ്പ​റ​റി​യുള്ള പഠിപ്പി​ക്കൽ എങ്ങനെ​യാണ്‌ ഉപയോ​ഗി​ക്കേ​ണ്ടത്‌?

¹⁸ ഉൾപ്പെ​ട്ടി​രി​ക്കുന്ന വിഷയം നന്നായി പഠിപ്പി​ക്കാൻ കഴി​യേ​ണ്ട​തി​നു മൂപ്പൻ ആ വിഷയ​ത്തി​നു നല്ല ശ്രദ്ധ നൽകും. ഒരു ഉദാഹ​രണം പരിചി​ന്തി​ക്കുക: ക്രിസ്‌തു​വി​ന്റെ മറുവി​ല​യാ​ഗം സകല പാപങ്ങ​ളു​ടെ​യും പാപപ​രി​ഹാ​ര​ത്തിന്‌ ആവശ്യ​മാ​യി​രുന്ന മോ​ശൈക ന്യായ​പ്ര​മാ​ണ​ത്തി​ലെ മൃഗബ​ലി​യാൽ മുൻനി​ഴ​ലാ​ക്കി​യി​രു​ന്നു. (ലേവ്യ​പു​സ്‌തകം 4:27, 28) എന്നുവ​രി​കി​ലും, ബലാൽസം​ഗ​ത്തിന്‌ ഇരയായ ഒരാൾ പാപയാ​ഗം നടത്തണ​മെന്ന യാതൊ​രു നിബന്ധ​ന​യു​മി​ല്ലാ​യി​രു​ന്നു. അവളെ ശിക്ഷി​ക്കു​ന്ന​തിന്‌ “ഒന്നും ചെയ്യരുത്‌” എന്നു ന്യായ​പ്ര​മാ​ണം അനുശാ​സി​ച്ചി​രു​ന്നു. (ആവർത്ത​ന​പു​സ്‌തകം 22:25-27) അതു​കൊണ്ട്‌, ഇന്ന്‌ ഒരു സഹോ​ദരി ആക്രമി​ക്ക​പ്പെ​ടു​ക​യും ബലാൽസം​ഗ​ത്തി​നി​ര​യാ​കു​ക​യും, അത്‌ അവളിൽ താൻ അശുദ്ധ​യും ഒന്നിനും കൊള്ളാ​ത്ത​വ​ളു​മാ​ണെന്ന തോന്നൽ ഉളവാ​ക്കു​ക​യും ചെയ്യു​ന്ന​പക്ഷം, ആ പാപത്തിൽനി​ന്നു തന്നെ കഴുകി​വെ​ടു​പ്പാ​ക്കു​വാൻ അവൾക്കു മറുവി​ല​യു​ടെ ആവശ്യ​മു​ണ്ടെന്ന്‌ ഊന്നി​പ്പ​റ​യു​ന്നത്‌ ഉചിത​മാ​യി​രി​ക്കു​മോ? തീർച്ച​യാ​യും അല്ല. ആക്രമി​ക്ക​പ്പെ​ട്ട​തിൽ അവൾ പാപം ചെയ്‌തില്ല. ബലാൽസം​ഗ​ക്കാ​ര​നാ​ണു പാപം ചെയ്‌തത്‌, അയാളാ​ണു പാപം കഴുകി​വെ​ടു​പ്പാ​ക്കേ​ണ്ടത്‌. എന്നിരു​ന്നാ​ലും, മറുവില പ്രദാനം ചെയ്യു​ന്ന​തിൽ യഹോ​വ​യും ക്രിസ്‌തു​വും കാണിച്ച സ്‌നേഹം, മറെറാ​രാ​ളു​ടെ പാപം നിമിത്തം അവൾ ദൈവ​ദൃ​ഷ്ടി​യിൽ കളങ്ക​പ്പെ​ട്ടി​ട്ടില്ല മറിച്ച്‌, അവൾ യഹോ​വക്കു വില​യേ​റി​യ​വ​ളും അവന്റെ സ്‌നേ​ഹ​ത്തിൽ നില​കൊ​ള്ളു​ന്ന​വ​ളു​മാണ്‌ എന്നതിന്റെ തെളി​വാ​യി ഉപയോ​ഗി​ക്കാ​വു​ന്ന​താണ്‌.—താരത​മ്യം ചെയ്യുക: മർക്കൊസ്‌ 7:18-23; 1 യോഹ​ന്നാൻ 4:16.

19. നമ്മുടെ സഹോ​ദ​രീ​സ​ഹോ​ദ​രൻമാ​രു​മാ​യുള്ള എല്ലാ സഹവാ​സ​വും പ്രോ​ത്സാ​ഹ​ജ​ന​ക​മാ​യി​രി​ക്കു​മെന്നു നാം പ്രതീ​ക്ഷി​ക്ക​രു​താ​ത്തത്‌ എന്തു​കൊണ്ട്‌, എന്നാൽ നമ്മുടെ ദൃഢനി​ശ്ചയം എന്തായി​രി​ക്കണം?

¹⁹ അതേ, ഒരു വ്യക്തി​യു​ടെ ജീവിത ചുററു​പാ​ടു​കൾ എന്തുത​ന്നെ​യാ​യി​രു​ന്നാ​ലും, എത്രതന്നെ വേദനാ​ജ​ന​ക​മായ സാഹച​ര്യ​ങ്ങൾ അയാളു​ടെ കഴിഞ്ഞ​കാ​ലത്തെ ഇരുട്ടി​ലാ​ഴ്‌ത്തി​യി​രു​ന്നാ​ലും, യഹോ​വ​യു​ടെ ജനത്തിന്റെ സഭയിൽ പ്രോ​ത്സാ​ഹനം കണ്ടെത്താൻ അയാൾക്കു കഴിയണം. നാം ഒന്നിച്ചു​കൂ​ടു​മ്പോ​ഴെ​ല്ലാം വ്യക്തി​പ​ര​മാ​യി അന്യോ​ന്യം പരിഗണന കാണി​ക്കു​ക​യും അന്യോ​ന്യം പ്രചോ​ദി​പ്പി​ക്കു​ക​യും അന്യോ​ന്യം പ്രോ​ത്സാ​ഹി​പ്പി​ക്കു​ക​യും ചെയ്യു​ന്ന​പക്ഷം അയാൾ അതു കണ്ടെത്തു​ക​തന്നെ ചെയ്യും. അപൂർണ​രെന്ന നിലയിൽ നാമെ​ല്ലാം അപ്രകാ​രം ചെയ്യു​ന്ന​തിൽ ചില​പ്പോ​ഴൊ​ക്കെ പരാജ​യ​പ്പെ​ടു​ന്നു. നാം ഇടയ്‌ക്കെ​ല്ലാം അന്യോ​ന്യം നിരാ​ശ​പ്പെ​ടു​ത്തു​ക​യും വേദനി​പ്പി​ക്കു​ക​യും ചെയ്യുന്നു. ഇക്കാര്യ​ത്തിൽ മററു​ള്ള​വ​രു​ടെ വീഴ്‌ച​ക​ളിൽ ശ്രദ്ധ കേന്ദ്രീ​ക​രി​ക്കാ​തി​രി​ക്കാൻ ശ്രമി​ക്കുക. നിങ്ങൾ പോരാ​യ്‌മ​ക​ളിൽ ശ്രദ്ധ​കേ​ന്ദ്രീ​ക​രി​ക്കു​ന്നെ​ങ്കിൽ സഭയെ​പ്പ​ററി അമിത വിമർശ​ന​മ​നോ​ഭാ​വം ഉള്ളവരാ​യി​ത്തീ​രാ​നി​ട​യുണ്ട്‌. കൂടാതെ, കൂടി​വ​ര​വു​കൾ ഉപേക്ഷി​ക്കുക എന്ന കെണി​യിൽ അകപ്പെ​ട്ടെ​ന്നു​പോ​ലും വരാം, ആ കെണി​യിൽ അകപ്പെ​ടാ​തി​രി​ക്കേ​ണ്ട​തി​നു നമ്മെ സഹായി​ക്കാൻ പൗലോസ്‌ അത്യന്തം ഉത്സുക​നാ​യി​രു​ന്നു. അതു നമുക്ക്‌ ഒരിക്ക​ലും സംഭവി​ക്കാ​തി​രി​ക്കട്ടെ! ഈ പഴയ വ്യവസ്ഥി​തി എന്നത്തെ​ക്കാ​ള​ധി​കം അപകട​ക​ര​വും ക്ലേശക​ര​വും ആയി​ക്കൊ​ണ്ടി​രി​ക്കെ, യോഗ​ങ്ങ​ളിൽ നമ്മുടെ സഹവാസം പരിപു​ഷ്ടി​പ്പെ​ടു​ത്താൻ നമുക്കു നിശ്ചയ​ദാർഢ്യ​മു​ള്ള​വ​രാ​യി​രി​ക്കാം, പ്രത്യേ​കി​ച്ചും യഹോ​വ​യു​ടെ ദിവസം സമീപി​ക്കു​ന്നു എന്നു നാം കാണു​മ്പോൾ!

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം നൽകും?

◻ ഈ അന്ത്യനാ​ളു​ക​ളിൽ നമ്മുടെ യോഗ​ങ്ങ​ളും സഹവാ​സ​വും പ്രോ​ത്സാ​ഹ​ജ​ന​ക​മാ​യി​രി​ക്കേ​ണ്ടത്‌ ജീവത്‌പ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

◻ അന്യോ​ന്യം പരിഗണന കാണി​ക്കുക എന്നാൽ എന്താണർഥ​മാ​ക്കു​ന്നത്‌?

◻ അന്യോ​ന്യം പ്രചോ​ദി​പ്പി​ക്കുക എന്നാൽ എന്താണർഥ​മാ​ക്കു​ന്നത്‌?

◻ അന്യോ​ന്യം പ്രോ​ത്സാ​ഹി​പ്പി​ക്കു​ന്ന​തിൽ എന്ത്‌ ഉൾപ്പെ​ട്ടി​രി​ക്കു​ന്നു?

◻ വിഷാ​ദ​മ​ഗ്ന​രെ​യും ഹൃദയം തകർന്ന​വ​രെ​യും എങ്ങനെ പ്രോ​ത്സാ​ഹി​പ്പി​ക്കാ​നാ​വും?

[16-ാം പേജിലെ ചിത്രം]

അന്യോന്യം മെച്ചമാ​യി അറിയു​വാൻ അതിഥി​സ​ത്‌കാ​രം നമ്മെ സഹായി​ക്കു​ന്നു

[18-ാം പേജിലെ ചിത്രം]

ഏലിയാവ്‌ വിഷാ​ദ​മ​ഗ്ന​നാ​യി​രു​ന്ന​പ്പോൾ യഹോവ ദയാപു​ര​സ്സരം അവനെ ആശ്വസി​പ്പി​ച്ചു