“നീതി ചെയ്യു​ന്ന​തിൽനിന്ന്‌ പിൻമാ​റ​രുത്‌”

രണ്ടു തെസ്സ​ലോ​നീ​ക്യ​രിൽനി​ന്നുള്ള സവി​ശേ​ഷാ​ശ​യ​ങ്ങൾ

മാസി​ഡോ​ണി​യൻ നഗരമായ തെസ്സ​ലോ​നീ​ക്യ​യി​ലെ ക്രിസ്‌ത്യാ​നി​ക​ളോ​ടുള്ള അപ്പോ​സ്‌ത​ല​നായ പൗലോ​സി​ന്റെ പരിഗണന ക്രി.വ. ഉദ്ദേശം 51-ാം ആണ്ടിൽ അവർക്കുള്ള തന്റെ രണ്ടാമത്തെ ലേഖനം എഴുതു​ന്ന​തിന്‌ അവനെ പ്രേരി​പ്പി​ച്ചു. സഭയിലെ ചിലർ യേശു​ക്രി​സ്‌തു​വി​ന്റെ സാന്നി​ദ്ധ്യം ആസന്നമാ​യി​രു​ന്നു​വെന്ന്‌ തെററാ​യി പറഞ്ഞി​രു​ന്നു. ഒരുപക്ഷേ പൗലോസ്‌ എഴുതി​യെന്ന്‌ തെററി​ദ്ധ​രിച്ച ഒരു എഴുത്ത്‌ “യഹോ​വ​യു​ടെ ദിവസം” വന്നെത്തി​യെന്ന്‌ സൂചി​പ്പി​ക്ക​ത്ത​ക്ക​വണ്ണം വ്യാഖ്യാ​നി​ക്ക​പ്പെ​ട്ടി​രു​ന്നു.—2 തെസ്സ​ലോ​നീ​ക്യർ 2:1, 2.

അതു​കൊണ്ട്‌ തെസ്സ​ലോ​നീ​ക്യ​യി​ലെ ചിലരു​ടെ ചിന്തയെ ക്രമീ​ക​രി​ക്കേ​ണ്ട​താ​വ​ശ്യ​മാ​യി​രു​ന്നു. പൗലോസ്‌ തന്റെ രണ്ടാമത്തെ ലേഖന​ത്തിൽ വിശ്വാ​സ​ത്തി​ലുള്ള അവരുടെ വളർച്ച​ക്കും വർദ്ധിച്ച സ്‌നേ​ഹ​ത്തി​നും വിശ്വ​സ്‌ത​മായ സഹിഷ്‌ണു​ത​ക്കും വേണ്ടി അവരെ അഭിന​ന്ദി​ച്ചു. എന്നാൽ യേശു​വി​ന്റെ സാന്നി​ദ്ധ്യ​ത്തി​നു​മുമ്പ്‌ വിശ്വാ​സ​ത്യാ​ഗം വരും എന്നും അവൻ ചൂണ്ടി​ക്കാ​ണി​ച്ചു. അതു​കൊണ്ട്‌ ഭാവി​യിൽ പ്രയാ​സ​ക​ര​മായ സമയങ്ങൾ വരാനി​രു​ന്നു, അപ്പോ​സ്‌ത​ലന്റെ ലേഖനം, “നീതി ചെയ്യു​ന്ന​തിൽനി​ന്നു പിൻമാ​റ​രുത്‌” എന്ന തന്റെ ബുദ്ധി​യു​പ​ദേശം പിൻപ​റ​റു​ന്ന​തിന്‌ അവരെ സഹായി​ച്ചു. (2 തെസ്സ​ലോ​നീ​ക്യർ 3:13) പൗലോ​സി​ന്റെ വാക്കു​കൾക്ക്‌ അതേ വിധത്തിൽതന്നെ നമ്മെയും സഹായി​ക്കാൻ കഴിയും.

ക്രിസ്‌തു​വി​ന്റെ വെളി​പ്പാ​ടും സാന്നി​ദ്ധ്യ​വും

പൗലോസ്‌ ആദ്യം ഉപദ്ര​വ​ത്തിൽനി​ന്നുള്ള വിടു​ത​ലി​നെ​ക്കു​റിച്ച്‌ സംസാ​രി​ച്ചു. (1:1-12) ഇത്‌ “കർത്താ​വായ യേശു​വി​ന്റെ വിശു​ദ്ധ​ദൂ​തൻമാ​രു​മാ​യുള്ള സ്വർഗ്ഗ​ത്തിൽനി​ന്നുള്ള വെളി​പ്പാ​ടി​ങ്കൽ” വരും. അപ്പോൾ സുവാർത്ത അനുസ​രി​ക്കാ​ത്ത​വർക്ക്‌ നിത്യ​നാ​ശം കൈവ​രു​ത്ത​പ്പെ​ടും. നാം പീഡി​പ്പി​ക്കു​ന്ന​വ​രു​ടെ കൈയാൽ ഉപദ്രവം സഹിക്കു​മ്പോൾ ഇത്‌ ഓർമ്മി​ക്കു​ന്നത്‌ നമുക്ക്‌ ആശ്വാസം പ്രദാനം ചെയ്യു​ന്ന​താണ്‌.

അടുത്ത​താ​യി, ക്രിസ്‌തു​വി​ന്റെ സാന്നി​ദ്ധ്യ​ത്തി​നു മുമ്പ്‌ “അധർമ്മ മനുഷ്യൻ” വെളി​പ്പെ​ടു​ത്ത​പ്പെ​ടു​മെന്ന്‌ പൗലോസ്‌ ചൂണ്ടി​ക്കാ​ട്ടി. (2:1-17) “യഹോ​വ​യു​ടെ ദിവസം” വന്നുക​ഴി​ഞ്ഞു​വെന്നു സൂചി​പ്പി​ക്കുന്ന ഏതെങ്കി​ലും ദൂതാൽ തെസ്സ​ലോ​നീ​ക്യർ ആവേശി​ത​രാ​ക​രു​താ​യി​രു​ന്നു. ആദ്യമാ​യി, വിശ്വാ​സ​ത്യാ​ഗം സംഭവി​ക്കു​ക​യും അധർമ്മ​മ​നു​ഷ്യൻ വെളി​പ്പെ​ടു​ത്ത​പ്പെ​ടു​ക​യും ചെയ്യു​മാ​യി​രു​ന്നു. അതിനു​ശേഷം, യേശു തന്റെ സാന്നി​ദ്ധ്യ​ത്തി​ന്റെ പ്രത്യ​ക്ഷ​ത​യി​ങ്കൽ അവനെ നാസ്‌തി​യാ​ക്കും. ഇതിനി​ട​യിൽ, ദൈവ​വും ക്രിസ്‌തു​വും തെസ്സ​ലോ​നീ​ക്യ​രു​ടെ ഹൃദയ​ങ്ങളെ ആശ്വസി​പ്പി​ക്കാ​നും അവരെ “സകല സൽപ്ര​വൃ​ത്തി​യി​ലും വാക്കി​ലും ഉറച്ചവരാ”ക്കാനും പൗലോസ്‌ പ്രാർത്ഥി​ച്ചു.

ക്രമം കെട്ടവ​രോട്‌ ഇടപെടൽ

പൗലോ​സി​ന്റെ കൂടു​ത​ലായ വാക്കു​ക​ളിൽ ക്രമം​കെട്ട വ്യക്തി​ക​ളോട്‌ ഇടപെ​ടു​ന്ന​തു​സം​ബ​ന്ധിച്ച നിർദ്ദേ​ശങ്ങൾ ഉൾപ്പെ​ട്ടി​രു​ന്നു. (3:1-18) കർത്താവ്‌ തെസ്സ​ലോ​നീ​ക്യ​രെ ശക്തീക​രി​ക്കു​മെ​ന്നും ദുഷ്ടനായ പിശാ​ചായ സാത്താ​നിൽനിന്ന്‌ അവരെ സംരക്ഷി​ക്കു​മെ​ന്നു​മുള്ള ഉറപ്പ്‌ അവൻ പ്രകട​മാ​ക്കി. എന്നാൽ അവർ തങ്ങളുടെ ആത്മീയ പ്രയോ​ജ​ന​ത്തി​നു​വേണ്ടി നടപടി​കൾ സ്വീക​രി​ക്ക​ണ​മാ​യി​രു​ന്നു. അവർ ക്രമം​കെ​ട്ട​വ​രിൽനിന്ന്‌, തങ്ങളെ ബാധി​ക്കാത്ത കാര്യ​ങ്ങ​ളിൽ തലയി​ടു​ക​യും വേല​ചെ​യ്യാൻ മടിക്കു​ക​യും ചെയ്യു​ന്ന​വ​രിൽനിന്ന്‌, അകന്നു​മാ​റ​ണ​മാ​യി​രു​ന്നു. “ആരെങ്കി​ലും വേല ചെയ്യാൻ ആഗ്രഹി​ക്കു​ന്നി​ല്ലെ​ങ്കിൽ, അവർ തിന്നാ​തെ​യു​മി​രി​ക്കട്ടെ” എന്ന്‌ പൗലോസ്‌ പറഞ്ഞു. അങ്ങനെ​യു​ള്ള​വരെ നോട്ട​പ്പു​ള്ളി​ക​ളാ​ക്ക​ണ​മാ​യി​രു​ന്നു. അവരു​മാ​യി സൗഭ്രാ​ത്രം പാടി​ല്ലാ​യി​രു​ന്നു, എന്നിരു​ന്നാ​ലും, സഹോ​ദ​രങ്ങൾ എന്ന നിലയിൽ അവരെ ബുദ്ധി​യു​പ​ദേ​ശി​ക്ക​ണ​മാ​യി​രു​ന്നു. വിശ്വ​സ്‌ത​രായ തെസ്സ​ലോ​നീ​ക്യ​ക്രി​സ്‌ത്യാ​നി​കൾ നീതി​ചെ​യ്യു​ന്ന​തിൽ നിന്നു പിൻമാ​റ​രു​താ​യി​രു​ന്നു, കർത്താ​വായ യേശു​ക്രി​സ്‌തു​വി​ന്റെ അനർഹദയ അവരോ​ടെല്ലാ​വ​രോ​ടും​കൂ​ടെ​യി​രി​ക്കാൻ പൗലോസ്‌ ആഗ്രഹി​ച്ചു.

തെസ്സ​ലോ​നീ​ക്യർക്കുള്ള പൗലോ​സി​ന്റെ രണ്ടാമത്തെ ലേഖനം സുവാർത്ത അനുസ​രി​ക്കാ​ത്ത​വ​രു​ടെ​മേൽ ക്രിസ്‌തു​വും അവന്റെ ദൂതൻമാ​രും പ്രതി​കാ​രം നടത്തു​മ്പോൾ തങ്ങളുടെ ക്ലേശങ്ങ​ളിൽനി​ന്നുള്ള മോചനം ലഭിക്കു​മെ​ന്നുള്ള ഉറപ്പ്‌ യഹോ​വ​യു​ടെ സാക്ഷി​കൾക്കു നൽകുന്നു. “അധർമ്മ മനുഷ്യ​നും” (ക്രൈ​സ്‌ത​വ​ലോ​ക​ത്തി​ലെ വൈദി​ക​വർഗ്ഗം) സകല വ്യാജ​മ​ത​വും പെട്ടെ​ന്നു​തന്നെ നശിപ്പി​ക്ക​പ്പെ​ടു​മെ​ന്നുള്ള അറിവും വിശ്വാ​സത്തെ ശക്തീക​രി​ക്കു​ന്ന​താണ്‌. ഇതിനി​ട​യിൽ, നീതി ചെയ്യു​ന്ന​തിൽനിന്ന്‌ പിൻമാ​റ​രു​തെ​ന്നുള്ള പൗലോ​സി​ന്റെ ബുദ്ധി​യു​പ​ദേശം നമുക്ക​നു​സ​രി​ക്കാം. (w91 1⁄15)

[32-ാം പേജിലെ ചതുരം/ചിത്രം]

യഹോവയുടെ വചനം സത്വരം നീങ്ങുന്നു: “യഹോ​വ​യു​ടെ വചനം സത്വരം നീങ്ങി​ക്കൊ​ണ്ടി​രി​ക്കാ​നും [“ഓടേ​ണ്ട​തിന്‌”] യഥാർത്ഥ​ത്തിൽ നിങ്ങളി​ലെ​ന്ന​പോ​ലെ മഹത്വീ​ക​രി​ക്ക​പ്പെ​ടാ​നും പ്രാർത്ഥന നടത്തുക” എന്ന്‌ പൗലോസ്‌ എഴുതി. (2 തെസ്സ​ലോ​നീ​ക്യർ 3:1; രാജ്യ​വ​രി​മ​ദ്ധ്യ​ഭാ​ഷാ​ന്തരം) ഓട്ടക്കാർ ഒരു മത്സര​യോ​ട്ട​ത്തിൽ ശീഘ്രം നീങ്ങു​ന്ന​തി​നെ അപ്പോ​സ്‌തലൻ പരാമർശി​ക്കു​ക​യാ​ണെന്ന്‌ ചില പണ്ഡിതൻമാർ സൂചി​പ്പി​ച്ചി​ട്ടുണ്ട്‌. അത്‌ അനിശ്ചി​ത​മാ​യി​രി​ക്കെ, താനും തന്റെ സഹപ്ര​വർത്ത​ക​രും അടിയ​ന്തി​ര​മാ​യും നിർബാ​ധ​വും സത്യത്തി​ന്റെ വചനം വ്യാപി​പ്പി​ക്കേ​ണ്ട​തിന്‌ പൗലോസ്‌ തെസ്സ​ലോ​നി​ക്യ​ക്രി​സ്‌ത്യാ​നിക​ളു​ടെ പ്രാർത്ഥ​ന​കൾക്ക​പേ​ക്ഷി​ച്ചു. അങ്ങനെ​യുള്ള പ്രാർത്ഥ​ന​കൾക്ക്‌ ദൈവം ഉത്തരമ​രു​ളു​ന്ന​തു​കൊണ്ട്‌, ഈ അവസാ​ന​നാ​ളു​ക​ളിൽ അടിയ​ന്തി​ര​മാ​യി സുവാർത്ത പ്രസം​ഗി​ക്ക​പ്പെ​ടു​മ്പോൾ അവന്റെ വചനം “സത്വരം നീങ്ങു”ന്നുണ്ട്‌. യഹോ​വ​യു​ടെ വചനം “മഹത്വീ​ക​രി​ക്ക​പ്പെ​ടു​ന്നു”മുണ്ട്‌, അതു സ്വീക​രിച്ച തെസ്സ​ലോ​നീ​ക്യ​ക്കാ​രു​ടെ ഇടയിൽ എന്നപോ​ലെ, “രക്ഷക്കുള്ള ദൈവ​ശക്തി”യെന്ന നിലയിൽ വിശ്വാ​സി​ക​ളാൽ അത്യധി​കം വിലമ​തി​ക്ക​പ്പെ​ടു​ക​യും ചെയ്യുന്നു. (റോമർ 1:16; 1 തെസ്സ​ലോ​നീ​ക്യർ 2:13) ദൈവം രാജ്യ​പ്ര​ഘോ​ഷ​കരെ അനു​ഗ്ര​ഹി​ക്കു​ന്ന​തി​ലും തന്റെ ആരാധ​ക​രു​ടെ അണികളെ സത്വരം വർദ്ധി​പ്പി​ക്കു​ന്ന​തി​ലും നാം എത്ര സന്തോ​ഷ​മു​ള്ള​വ​രാണ്‌!—യെശയ്യാവ്‌ 60:22.