ബൈബി​ളി​ന്റെ വീക്ഷണം

ബ്രഹ്മച​ര്യം ക്രിസ്‌തീയ ശുശ്രൂ​ഷ​കർക്കുള്ള ഒരു നിബന്ധ​ന​യോ?

കൃത്യ​മാ​യി പറഞ്ഞാൽ, വിവാഹം കഴിക്കാ​തി​രി​ക്കുന്ന അവസ്ഥയാ​ണു ബ്രഹ്മച​ര്യം. എന്നിരു​ന്നാ​ലും ദ ന്യൂ ബ്രിട്ടാ​നി​ക്കാ എൻ​സൈ​ക്ലോ​പീ​ഡിയ പറയു​ന്ന​ത​നു​സ​രിച്ച്‌, ആ പദം “ഒരു മതാധി​കാ​രി​യോ മതകാ​ര്യ​ങ്ങ​ളിൽ വിദഗ്‌ധ​നോ ഒരു മതഭക്ത​നോ ആയ ബ്രഹ്മചാ​രി​യായ ഒരു വ്യക്തി​യോ​ടു ബന്ധപ്പെ​ടു​ത്തി​യാണ്‌ സാധാരണ ഉപയോ​ഗി​ക്കു​ന്നത്‌.” “ഒരു പാവന വ്രതത്തി​ന്റെ​യോ പരിത്യ​ജ​ന​ത്തി​ന്റെ​യോ അല്ലെങ്കിൽ ഒരുവന്റെ മതപര​മായ സ്ഥാനമോ മതഭക്തി​യു​ടെ അളവോ നിമിത്തം അഭികാ​മ്യ​മാ​ണെ​ന്നുള്ള വിശ്വാ​സ​ത്തി​ന്റെ​യോ ഫലമായി അവിവാ​ഹിത അവസ്ഥയിൽ കഴിയു​ന്ന​വരെ” സൂചി​പ്പി​ക്കു​ന്ന​താണ്‌ “ബ്രഹ്മചാ​രി” എന്ന പദം.

മതശു​ശ്രൂ​ഷ​കർക്കുള്ള ഒരു നിബന്ധ​ന​യാ​യി ചില പ്രമുഖ മതങ്ങൾ ബ്രഹ്മച​ര്യ​ത്തെ ഏതെങ്കി​ലും കാലത്തു സ്വീക​രി​ച്ചി​ട്ടുണ്ട്‌. എന്നിരു​ന്നാ​ലും, കത്തോ​ലി​ക്കാ മതത്തി​ലേ​തു​പോ​ലെ ക്രൈ​സ്‌ത​വ​ലോ​ക​ത്തി​ലെ മറ്റൊരു മതത്തി​ലും ബ്രഹ്മച​ര്യം അതിന്റെ മുഖമു​ദ്ര​യാ​യി​രു​ന്നി​ട്ടില്ല. കത്തോ​ലി​ക്കാ മതത്തിലെ ഈ ബ്രഹ്മച​ര്യ​ത്തെ​ച്ചൊ​ല്ലി ഇന്ന്‌ വലിയ തർക്കങ്ങൾത​ന്നെ​യുണ്ട്‌. “12-ാം നൂറ്റാണ്ടു മുതൽ കത്തോ​ലി​ക്കാ പുരോ​ഹി​ത​ന്മാർക്കുള്ള ഒരു നിബന്ധ​ന​യെന്ന നിലയി​ലുള്ള നിർബ​ന്ധിത ബ്രഹ്മച​ര്യം പുതി​യ​വരെ പുരോ​ഹി​ത​വൃ​ത്തി​യി​ലേക്കു കൊണ്ടു​വ​രു​ന്ന​തി​ലും അവരെ അതിൽ നിലനിർത്തു​ന്ന​തി​ലും സഭ നേരി​ടുന്ന പ്രശ്‌ന​ങ്ങ​ളു​ടെ കാതലാ​ണെന്ന്‌ അനേകം സമീപ​കാല പഠനങ്ങൾ തിരി​ച്ച​റി​ഞ്ഞി​രി​ക്കു​ന്നു” എന്ന്‌ ദ വിൽസൺ ക്വാർട്ടേർലി അഭി​പ്രാ​യ​പ്പെട്ടു. സാമൂ​ഹിക ശാസ്‌ത്ര​ജ്ഞ​നായ റിച്ചാർഡ്‌ എ. ഷ്യോൻഹെർ പറയു​ന്ന​പ്ര​കാ​രം, “പ്രസക്ത​മായ ചരിത്ര വസ്‌തു​ത​ക​ളും സാമൂ​ഹിക പരിവർത്ത​ന​വും ബ്രഹ്മചാ​രി​ക​ളായ പുരു​ഷ​ന്മാ​രെ മാത്രം കത്തോ​ലി​ക്കാ പൗരോ​ഹി​ത്യ​ത്തി​ലേക്ക്‌ എടുക്കു​ന്ന​തിന്‌ എതിരാ​യി തിരി​യു​ക​യാണ്‌.” ബ്രഹ്മച​ര്യം സംബന്ധിച്ച്‌ ബൈബി​ളി​ന്റെ വീക്ഷണം എന്താണ്‌?

വിവാ​ഹ​മോ ഏകാകി​ത്വ​മോ?

ചരി​ത്ര​ത്തി​ലു​ട​നീ​ളം അനേകം മതങ്ങളിൽപ്പെട്ട ഭക്തരായ നിരവധി സ്‌ത്രീ​പു​രു​ഷ​ന്മാർ ബ്രഹ്മച​ര്യം തിര​ഞ്ഞെ​ടു​ത്തി​ട്ടുണ്ട്‌. എന്തു​കൊണ്ട്‌? പല കേസു​ക​ളി​ലും, ജഡിക​വും ഭൗതി​ക​വു​മായ സംഗതി​കൾ “തിന്മയു​ടെ ഇരിപ്പി​ടം” ആണെന്ന്‌ അവർ വിശ്വ​സി​ച്ചി​രു​ന്ന​താ​ണു കാരണം. അങ്ങനെ, ലൈം​ഗിക ബന്ധത്തിൽനി​ന്നു വിട്ടു​നിൽക്കു​ന്ന​തി​ലൂ​ടെ മാത്രമേ ആത്മീയ ശുദ്ധി സാധ്യ​മാ​കു​ക​യു​ള്ളു​വെന്ന തത്ത്വചിന്ത ഉടലെ​ടു​ത്തു. എങ്കിലും, അതു ബൈബി​ളി​ന്റെ വീക്ഷണമല്ല. ബൈബി​ള​നു​സ​രിച്ച്‌, വിവാഹം എന്നത്‌ ധാർമി​ക​ശു​ദ്ധി​യുള്ള, പാവന​മായ ഒരു ദൈവ​ദാ​ന​മാണ്‌. വിവാഹം ദൈവ​ദൃ​ഷ്ടി​യിൽ ‘നല്ലതാ’ണെന്നും അതു ദൈവ​വു​മാ​യി ശുദ്ധമായ ഒരു ആത്മീയ ബന്ധം ഉണ്ടായി​രി​ക്കു​ന്ന​തിന്‌ തടസ്സമ​ല്ലെ​ന്നും ഉല്‌പത്തി വിവരണം വ്യക്തമാ​യി പ്രകട​മാ​ക്കു​ന്നു.—ഉല്‌പത്തി 1:26-28, 31; 2:18, 22-24; കൂടാതെ സദൃശ​വാ​ക്യ​ങ്ങൾ 5:15-19-ഉം കാണുക.

ആദിമ ക്രിസ്‌തീയ സഭയിൽ അധികാര സ്ഥാനങ്ങൾ വഹിച്ചി​രുന്ന പത്രൊ​സും മറ്റ്‌ അംഗീ​കൃത ദൈവ​ദാ​സ​ന്മാ​രും വിവാ​ഹിത പുരു​ഷ​ന്മാർ ആയിരു​ന്നു. (മത്തായി 8:14; പ്രവൃ​ത്തി​കൾ 18:2; 21:8, 9; 1 കൊരി​ന്ത്യർ 9:5) സഭാ​മേൽവി​ചാ​ര​ക​ന്മാ​രെ അഥവാ ബിഷപ്പു​മാ​രെ നിയമി​ക്കു​ന്നതു സംബന്ധിച്ച്‌ പൗലൊസ്‌ അപ്പോ​സ്‌തലൻ തിമൊ​ഥെ​യൊ​സി​നു നൽകിയ മാർഗ​നിർദേ​ശങ്ങൾ ഇതു വ്യക്തമാ​ക്കു​ന്നു. അവൻ എഴുതു​ന്നു: “ഒരു ബിഷപ്പ്‌ അപവാ​ദ​ര​ഹി​ത​നും ഏകഭാ​ര്യ​യു​ടെ ഭർത്താ​വും ആയിരി​ക്കണം.” (ചെരി​ച്ചെ​ഴുത്ത്‌ ഞങ്ങളു​ടേത്‌.) (1 തിമൊ​ഥെ​യൊസ്‌ 3:2, പരിഷ്‌ക​രിച്ച പ്രമാണ ഭാഷാ​ന്തരം, കത്തോ​ലി​ക്കാ പതിപ്പ്‌) “ഒരു ബിഷപ്പ്‌” വിവാ​ഹി​ത​നാ​യി​രി​ക്കു​ന്നത്‌ ഏതെങ്കി​ലും വിധത്തിൽ അനുചി​ത​മാ​യി​രി​ക്കു​ന്ന​താ​യി യാതൊ​രു പരാമർശ​വും ഇല്ലെന്നതു ശ്രദ്ധി​ക്കുക. പൗലൊസ്‌ സൂചി​പ്പി​ച്ചത്‌ “ഒരു ബിഷപ്പ്‌” ബഹുഭാ​ര്യ​നാ​യി​രി​ക്ക​രുത്‌ എന്നാണ്‌; വിവാ​ഹി​ത​നെ​ങ്കിൽ, അയാൾക്ക്‌ ഒരു ഭാര്യ മാത്രമേ ഉണ്ടായി​രി​ക്കാ​വൂ. വാസ്‌ത​വ​ത്തിൽ, മക്ലിൻടോ​ക്കി​ന്റെ​യും സ്‌​ട്രോ​ങ്ങി​ന്റെ​യും ബൈബിൾപ​ര​വും ദൈവ​ശാ​സ്‌ത്ര​പ​ര​വും സഭാപ​ര​വു​മായ സാഹിത്യ വിജ്ഞാ​ന​കോ​ശം (ഇംഗ്ലീഷ്‌) ഇങ്ങനെ ഉപസം​ഹ​രി​ക്കു​ന്നു: “സുവി​ശേഷ നിയമ​വ്യ​വസ്ഥ അനുസ​രിച്ച്‌ പുരോ​ഹി​ത​ന്മാ​രു​ടെ വിവാ​ഹത്തെ വിലക്കു​ന്ന​തെന്നു വ്യാഖ്യാ​നി​ക്കാൻ കഴിയുന്ന പാഠഭാ​ഗ​ങ്ങ​ളൊ​ന്നും [പുതിയ നിയമ​ത്തിൽ] ഇല്ല.”

വിവാ​ഹ​ത്തിന്‌ ഉയർന്ന മാന്യത കൽപ്പി​ക്കു​മ്പോൾതന്നെ, സ്വന്ത ഇഷ്ടപ്ര​കാ​രം തിര​ഞ്ഞെ​ടു​ക്കുന്ന ഏകാകി​ത്വ​ത്തെ ബൈബിൾ തീർച്ച​യാ​യും കുറ്റം വിധി​ക്കു​ന്നു​മില്ല. ചിലരു​ടെ കാര്യ​ത്തിൽ അത്‌ അഭികാ​മ്യ ഗതിയാ​യി​രി​ക്കു​മെന്ന്‌ ബൈബിൾ പറയുന്നു. (1 കൊരി​ന്ത്യർ 7:7, 8) ചില സ്‌ത്രീ​പു​രു​ഷ​ന്മാർ മനപ്പൂർവം ഏകാകി​ത്വ​ഗതി തിര​ഞ്ഞെ​ടു​ക്കു​ന്ന​താ​യി യേശു​ക്രി​സ്‌തു പറഞ്ഞു. (മത്തായി 19:12) എന്തു​കൊണ്ട്‌? അവരുടെ ആത്മീയ പുരോ​ഗ​തി​ക്കു വിഘാ​ത​മായ, അശുദ്ധ​മായ എന്തെങ്കി​ലും വിവാ​ഹ​ത്തിൽ ഉള്ളതു​കൊ​ണ്ടല്ല. അടിയ​ന്തി​ര​മെന്നു തങ്ങൾ മനസ്സി​ലാ​ക്കിയ കാലങ്ങ​ളിൽ ദൈ​വേഷ്ടം ചെയ്യു​ന്ന​തിൽ തങ്ങളുടെ ശ്രമങ്ങൾ കേന്ദ്രീ​ക​രി​ക്കു​ന്ന​തി​നു വേണ്ടി മാത്ര​മാണ്‌ അവർ ആ ഗതി തിര​ഞ്ഞെ​ടു​ക്കു​ന്നത്‌.

നിർബ​ന്ധിത ബ്രഹ്മച​ര്യ​ത്തി​നു വഴി​തെ​ളി​ച്ചത്‌

എന്നാൽ, ക്രിസ്‌തു​വി​ന്റെ കാല​ശേ​ഷ​മുള്ള നൂറ്റാ​ണ്ടു​ക​ളിൽ കാര്യ​ങ്ങൾക്കു മാറ്റം വന്നു. പൊതു​യു​ഗ​ത്തി​ന്റെ ആദ്യത്തെ മൂന്നു ശതകങ്ങ​ളിൽ “വിവാ​ഹി​ത​രും അവിവാ​ഹി​ത​രു​മായ മതശു​ശ്രൂ​ഷകർ ഉണ്ടായി​രു​ന്നു” എന്ന്‌ വിവാ​ഹി​ത​നാ​കാൻ പൗരോ​ഹി​ത്യം ഉപേക്ഷിച്ച ഒരു ഡൊമി​നി​ക്കൻ സഭാം​ഗ​മായ ഡേവിഡ്‌ റൈസ്‌ വിശദീ​ക​രി​ക്കു​ന്നു. “ഗ്രീക്ക്‌-ബൈബിൾ ആശയങ്ങ​ളു​ടെ സമ്മി​ശ്രണം” എന്നു ഒരു മതലേ​ഖകൻ വിളിച്ച സംഗതി ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ട്ട​വരെ സ്വാധീ​നി​ക്കാൻ തുടങ്ങി. അത്‌ ലൈം​ഗി​ക​ത​യും വിവാ​ഹ​വും സംബന്ധിച്ച വികല​മായ വീക്ഷണ​ത്തി​നു വഴി​തെ​ളി​ച്ചു.

ചിലർ തീർച്ച​യാ​യും “ദൈവ​രാ​ജ്യ​വേ​ല​യ്‌ക്കു തങ്ങളെ​ത്തന്നെ പൂർണ​മാ​യി അർപ്പി​ക്കു​ന്ന​തിന്‌” വേണ്ടി മാത്ര​മാണ്‌ ഏകാകി​ത്വം സ്വീക​രി​ച്ചത്‌. എന്നാൽ മറ്റു ചിലരാ​കട്ടെ, തങ്ങൾ സ്വീക​രിച്ച പുറജാ​തീയ തത്ത്വശാ​സ്‌ത്ര​ങ്ങ​ളു​ടെ പ്രേര​ണ​യാ​ലാണ്‌ അങ്ങനെ ചെയ്യു​ന്നത്‌. ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇങ്ങനെ പറയുന്നു: “ലൈം​ഗി​ക​വേഴ്‌ച ദുഷി​പ്പി​ക്കു​ന്ന​തും വിശു​ദ്ധി​ക്കു നിരക്കാ​ത്ത​തു​മാ​ണെന്ന വിശ്വാ​സ​മാണ്‌ [ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന സഭയ്‌ക്കു​ള്ളിൽ] ബ്രഹ്മച​ര്യ​നി​ഷ്‌ഠ​യ്‌ക്കുള്ള ശക്തമായ പ്രേര​ക​ഘ​ട​ക​മാ​യി വർത്തി​ച്ചത്‌.”

നാലാം നൂറ്റാ​ണ്ടിൽ, സഭ “തിരു​വ​ത്താ​ഴ​കർമം ആഘോ​ഷി​ക്കു​ന്ന​തി​ന്റെ തലേന്നു രാത്രി ലൈം​ഗി​ക​വേ​ഴ്‌ച​യിൽ ഏർപ്പെ​ടു​ന്ന​തിൽനി​ന്നു വിവാ​ഹി​ത​നായ പുരോ​ഹി​തനെ വിലക്കി”യിരു​ന്ന​താ​യി റൈസ്‌ പറയുന്നു. സഭ ദിവസ​വും തിരു​വ​ത്താ​ഴ​കർമം ഏർപ്പെ​ടു​ത്തി​യ​പ്പോൾ പുരോ​ഹി​ത​ന്മാർക്കു ലൈം​ഗി​ക​വേഴ്‌ച എന്നേക്കു​മാ​യി വർജി​ക്കേ​ണ്ടി​വന്നു. കാല​ക്ര​മേണ, പുരോ​ഹി​ത​ന്മാ​രു​ടെ വിവാ​ഹം​തന്നെ പാടേ വിലക്കി. സഭയിൽ ശുശ്രൂ​ഷകൻ ആയിത്തീ​രുന്ന ഏതൊ​രാൾക്കും ബ്രഹ്മച​ര്യം നിർബ​ന്ധി​ത​മാ​യി​ത്തീർന്നു.

അത്തര​മൊ​രു വികാ​സ​ത്തെ​ക്കു​റിച്ച്‌ അപ്പോ​സ്‌ത​ല​നായ പൗലൊസ്‌ മുന്നറി​യി​പ്പു നൽകി. അവൻ എഴുതി: “വരും​കാ​ല​ങ്ങ​ളിൽ, ചിലർ കപടാ​ത്മാ​ക്ക​ളി​ലും പിശാ​ചി​ന്റെ പ്രബോ​ധ​ന​ങ്ങ​ളി​ലും ശ്രദ്ധയർപ്പി​ച്ചു​കൊണ്ട്‌ വിശ്വാ​സ​ത്തിൽനി​ന്നു വ്യതി​ച​ലി​ക്കു​മെന്ന്‌ ആത്മാവ്‌ വ്യക്തമാ​യി​പ്പ​റ​യു​ന്നു. . . . അവർ വിവാഹം പാടി​ല്ലെന്നു പറയു​ക​യും . . . ചെയ്യുന്നു.”—1 തിമൊ​ഥെ​യൊസ്‌ 4:1, 3, പി.ഒ.സി. ബൈബിൾ.

“ജ്ഞാനമോ തന്റെ പ്രവൃ​ത്തി​ക​ളാൽ നീതീ​ക​രി​ക്ക​പ്പെ​ട്ടി​രി​ക്കു​ന്നു” എന്ന്‌ യേശു​ക്രി​സ്‌തു പറഞ്ഞു. (മത്തായി 11:19) ദൈവ​ത്തി​ന്റെ നിലവാ​ര​ങ്ങ​ളിൽനി​ന്നു വ്യതി​ച​ലി​ക്കു​ന്ന​തി​ലെ മൗഢ്യം അതിന്റെ പ്രവൃ​ത്തി​ക​ളിൽ അഥവാ പരിണ​ത​ഫ​ല​ങ്ങ​ളിൽനി​ന്നു വ്യക്തമാണ്‌. നിർബ​ന്ധിത ബ്രഹ്മച​ര്യം എന്ന വിഷയ​ത്തെ​ക്കു​റി​ച്ചു ലോക​ത്തി​ന്റെ നാനാ ഭാഗങ്ങ​ളിൽനി​ന്നുള്ള പുരോ​ഹി​ത​ന്മാ​രു​മാ​യി ഡേവിഡ്‌ റൈസ്‌ അഭിമു​ഖം നടത്തി. അദ്ദേഹം സംസാ​രിച്ച ചിലർ ഇങ്ങനെ പറഞ്ഞു: “പൗരോ​ഹി​ത്യ​ത്തിൽ നിന്നു​കൊണ്ട്‌ ആവുന്ന നന്മയൊ​ക്കെ ചെയ്യുക, ഒപ്പം അർപ്പി​ത​രായ മതഭക്തകൾ ലൈം​ഗി​ക​ബ​ന്ധ​ത്തി​നു സന്നദ്ധ​രെ​ങ്കിൽ അതും പ്രയോ​ജ​ന​പ്പെ​ടു​ത്തി​ക്കൊ​ള്ളുക.”

മത്തായി 7:20 ഉദ്ധരി​ച്ചു​കൊണ്ട്‌ റൈസ്‌ ഇങ്ങനെ പ്രസ്‌താ​വി​ക്കു​ന്നു: “‘അവരുടെ ഫലത്താൽ നിങ്ങൾ അവരെ തിരി​ച്ച​റി​യു’മെന്ന്‌ യേശു പറഞ്ഞു.” തുടർന്ന്‌, അടി​ച്ചേൽപ്പി​ക്കുന്ന ബ്രഹ്മച​ര്യം നിമിത്തം ഉണ്ടാകുന്ന ദുരന്ത​ത്തെ​ക്കു​റിച്ച്‌ അദ്ദേഹം പറയുന്നു: “നിർബ​ന്ധിത ബ്രഹ്മച​ര്യ​ത്തി​ന്റെ ഫലങ്ങളോ: ആയിര​ക്ക​ണ​ക്കി​നു പുരു​ഷ​ന്മാർ കപടജീ​വി​തം നയിക്കു​ന്നു, ആയിര​ക്ക​ണ​ക്കി​നു സ്‌ത്രീ​ക​ളു​ടെ ജീവിതം നശിക്കു​ന്നു, ആയിര​ക്ക​ണ​ക്കി​നു കുട്ടികൾ പുരോ​ഹി​ത​രായ പിതാ​ക്ക​ന്മാ​രാൽ ത്യജി​ക്ക​പ്പെ​ടു​ന്നു, പുരോ​ഹി​ത​ന്മാ​രാ​കട്ടെ വ്രണിത മനസ്സും പേറി നടക്കുന്നു.”

മാന്യ​മാ​യ വിവാഹം ദൈവ​ത്തിൽനി​ന്നുള്ള ഒരു അനു​ഗ്ര​ഹ​മാണ്‌. അടി​ച്ചേൽപ്പി​ക്കുന്ന ബ്രഹ്മച​ര്യം ആത്മീയ​മാ​യി നാശക​ര​മാണ്‌. നേരേ​മ​റിച്ച്‌, ചിലരെ സംബന്ധി​ച്ചി​ട​ത്തോ​ളം സ്വന്ത ഇഷ്ടപ്ര​കാ​രം തിര​ഞ്ഞെ​ടു​ക്കുന്ന ഏകാകി​ത്വം, വിശു​ദ്ധി​ക്കോ രക്ഷയ്‌ക്കോ അനിവാ​ര്യ​മ​ല്ലാ​തി​രി​ക്കെ​ത്തന്നെ, പ്രതി​ഫ​ല​ദാ​യ​ക​വും ആത്മീയ​മാ​യി തൃപ്‌തി​ക​ര​വു​മായ ഒരു ജീവി​ത​രീ​തി​യാ​ണെന്നു തെളി​ഞ്ഞി​രി​ക്കു​ന്നു.—മത്തായി 19:12.

[16-ാം പേജിലെ ചിത്ര​ത്തിന്‌ കടപ്പാട്‌]

Life