ഈ അന്ത്യകാ​ലത്ത്‌ ഉത്തരവാ​ദി​ത്വ​ത്തോ​ടു​കൂ​ടിയ മക്കളെ ജനിപ്പി​ക്കൽ

“മക്കളെ നല്ല രീതി​യിൽ ഭരിക്കു​ന്നവർ”.—1 തിമൊ​ഥെ​യോസ്‌ 3:12

1.മിക്ക സ്‌ത്രീ​ക​ളു​ടെ​യും ഒരു സ്വാഭാ​വിക ആഗ്രഹം എന്താണ്‌, ഇത്‌ ജീവി​ത​ത്തി​ന്റെ ആദിമ​ഘ​ട്ട​ത്തിൽത്തന്നെ പ്രകട​മാ​കു​ന്ന​തെ​ങ്ങനെ?

പിതൃ​ത്വ​ത്തി​ന്റെ​യും മാതൃ​ത്വ​ത്തി​ന്റെ​യും സന്തോഷം അനി​ഷേ​ധ്യ​മാണ്‌. മാതൃ​ത്വ​ത്തി​നുള്ള സഹജവാ​സന ചില സ്‌ത്രീ​ക​ളിൽ മററു​ള്ള​വരെ അപേക്ഷിച്ച്‌ കൂടുതൽ ശക്തമാ​ണെ​ങ്കി​ലും അത്‌ എല്ലാവ​രി​ലും സ്വാഭാ​വി​ക​മാണ്‌. അനേകം പാശ്ചാ​ത്യ​രാ​ജ്യ​ങ്ങ​ളിൽ ആൺകു​ഞ്ഞു​ങ്ങൾ യന്ത്രക​ളി​പ്പാ​ട്ടങ്ങൾ കൊണ്ടു കളിക്കാൻ കൂടുതൽ തൽപ്പര​രാണ്‌, അതേസ​മയം കൊച്ചു പെൺകു​ഞ്ഞു​ങ്ങൾ സാധാ​ര​ണ​യാ​യി പാവക്കു​ട്ടി​കളെ ഇഷ്‌ട​പ്പെ​ടു​ന്നു. കളിപ്പാ​ട്ട​നിർമ്മാ​താ​ക്കൾ അവയെ സാദ്ധ്യ​മാ​കു​ന്ന​ട​ത്തോ​ളം യഥാർത്ഥ​മാ​ക്കാൻ ശ്രമി​ക്കു​ന്നു. അനേകം പെൺകു​ട്ടി​കൾ ഒരു പാവക്കു​ട്ടി​യെ അല്ല, പിന്നെ​യോ ഊഷ്‌മ​ള​രായ, കുടു​കു​ടെ ചിരി​ക്കുന്ന, ജീവനുള്ള, തങ്ങളുടെ സ്വന്തം കുഞ്ഞു​ങ്ങളെ ലാളി​ക്കാൻ പ്രാപ്‌ത​രാ​കുന്ന നാളി​നു​വേ​ണ്ടി​ത്തന്നെ ജീവി​ക്കു​ന്നു.

സന്തോ​ഷ​ങ്ങ​ളും ഉത്തരവാ​ദി​ത്ത​ങ്ങ​ളും

2.മാതാ​പി​താ​ക്കൻമാർ ഒരു നവജാ​ത​ശി​ശു​വി​നെ എങ്ങനെ പരിഗ​ണി​ക്കണം, അവർ എന്തു കയ്യേൽക്കാൻ ഒരുങ്ങി​യി​രി​ക്കണം?

² ഉത്തരവാ​ദി​ത്ത​മുള്ള മക്കളെ​ജ​നി​പ്പി​ക്കൽ മാതാ​പി​താ​ക്കൾ ഒരു നവജാ​ത​ശി​ശു​വി​നെ ഒരു കളിവ​സ്‌തു​വാ​യി​ട്ടല്ല, ഒരു ജീവി​യാ​യി—അതിന്റെ ജീവനും ഭാവി​ക്കും തങ്ങൾ സ്രഷ്‌ടാ​വി​നോട്‌ കണക്കു​ബോ​ധി​പ്പി​ക്കേ​ണ്ട​വ​രാ​ണെന്ന്‌—പരിഗ​ണി​ക്കേ​ണ്ട​താ​വ​ശ്യ​മാ​ക്കി​ത്തീർക്കു​ന്നു. മാതാ​പി​താ​ക്കൾ ലോക​ത്തി​ലേക്ക്‌ ഒരു കുട്ടിയെ ആനയി​ക്കു​മ്പോൾ അവർ ഒരു വലിയ ഉത്തരവാ​ദി​ത്തം കയ്യേൽക്കാ​നും അതനു​സ​രിച്ച്‌ കാര്യങ്ങൾ ക്രമീ​ക​രി​ക്കാ​നും ഒരുങ്ങി​യി​രി​ക്കണം. അവർ 20 വർഷത്തെ ഒരു പോഷി​പ്പി​ക്ക​ലി​ന്റെ​യും ഉടുപ്പി​ക്ക​ലി​ന്റെ​യും ആരോ​ഗ്യ​പ​രി​പാ​ല​ന​ത്തി​ന്റെ​യും വിദ്യാ​ഭ്യാ​സ​ത്തി​ന്റെ​യും പരിപാ​ടി​യി​ലേക്ക്‌ പ്രവേ​ശി​ക്കു​ക​യാണ്‌, അന്തിമ​ഫ​ല​മാ​ണെ​ങ്കിൽ മുൻകൂ​ട്ടി​പ്പ​റ​യാ​നും കഴിയാ​ത്ത​താണ്‌.

3.സദൃശ​വാ​ക്യ​ങ്ങൾ 23:24, 25 അനേകം ക്രിസ്‌തീ​യ​മാ​താ​പി​താ​ക്കൻമാർക്ക്‌ ബാധക​മാ​ക്കാ​വു​ന്ന​തെ​ന്തു​കൊണ്ട്‌?

³ ഒട്ടനവധി ക്രിസ്‌തീയ മാതാ​പി​താ​ക്കൾ യഹോ​വ​യു​ടെ വിശ്വ​സ്‌ത​രും സമർപ്പി​ത​രു​മായ ദാസരാ​യി​ത്തീർന്നി​ട്ടുള്ള മക്കളെ വളർത്തി​യി​ട്ടു​ണ്ടെ​ന്നു​ള്ളത്‌ സന്തോ​ഷ​ക​ര​മാണ്‌. ചിലർ തങ്ങളുടെ മക്കൾ വളർന്ന്‌ പയനി​യർമാ​രോ മിഷന​റി​മാ​രോ ബഥേൽ കുടും​ബാം​ഗ​ങ്ങ​ളോ ആയി മുഴു​സമയ സേവന​ത്തിൽ പ്രവേ​ശി​ക്കു​ന്നത്‌ കണ്ടിരി​ക്കു​ന്നു. അങ്ങനെ​യുള്ള മാതാ​പി​താ​ക്കൻമാ​രെ​ക്കു​റിച്ച്‌ സത്യമാ​യി ഇങ്ങനെ പറയാൻക​ഴി​യും: “ഒരു നീതി​മാ​ന്റെ പിതാവ്‌ കണിശ​മാ​യും സന്തോ​ഷ​മു​ള്ള​വ​നാ​യി​രി​ക്കും; ഒരു ജ്ഞാനി​യു​ടെ പിതാ​വാ​യി​ത്തീ​രു​ന്ന​വ​നും അവനിൽ സന്തോ​ഷി​ക്കും. നിന്റെ പിതാ​വും മാതാ​വും സന്തോ​ഷി​ക്കും, നിന്നെ പ്രസവി​ച്ചവൾ സന്തുഷ്ട​യു​മാ​യി​രി​ക്കും.”—സദൃശ​വാ​ക്യ​ങ്ങൾ 23:24, 25.

മാതാ​പി​താ​ക്ക​ളു​ടെ ഹൃദയ​വേ​ദ​ന​കൾ

4, 5.(എ) മക്കളുള്ള മൂപ്പൻമാ​രിൽനി​ന്നും ശുശ്രൂ​ഷാ​ദാ​സൻമാ​രിൽനി​ന്നും തിരു​വെ​ഴു​ത്തു​പ​ര​മാ​യി എന്താവ​ശ്യ​പ്പെ​ട്ടി​രി​ക്കു​ന്നു?(ബി) ചില കുട്ടികൾ അവരുടെ പിതാ​വിന്‌ വിപത്തു​കൾ വരുത്തി​യി​രി​ക്കു​ന്ന​തെ​ങ്ങനെ?

⁴ എന്നാൽ മക്കളുള്ള മൂപ്പൻമാ​രു​ടെ കാര്യ​ത്തിൽപോ​ലും എല്ലായ്‌പ്പോ​ഴും വാസ്‌തവം ഇതായി​രി​ക്കു​ന്നില്ല. അപ്പോ​സ്‌ത​ല​നായ പൗലോസ്‌ എഴുതി: “മേൽവി​ചാ​രകൻ, തന്നിമി​ത്തം അനിന്ദ്യൻ, ഏകഭാ​ര്യ​യു​ടെ ഭർത്താവ്‌ . . . സകല ഗൗരവ​ത്തോ​ടും​കൂ​ടെ കീഴ്‌പ്പെ​ട്ടി​രി​ക്കുന്ന മക്കളു​ള്ള​വ​രാ​യി സ്വന്തം കുടും​ബത്തെ നല്ല രീതി​യിൽ ഭരിക്കുന്ന ഒരു മനുഷ്യൻ ആയിരി​ക്കണം; (തീർച്ച​യാ​യും ഏതെങ്കി​ലും മനുഷ്യന്‌ സ്വന്തം കുടും​ബത്തെ ഭരിക്കാൻ അറിയാൻപാ​ടി​ല്ലെ​ങ്കിൽ അയാൾ ദൈവ​ത്തി​ന്റെ സഭയെ എങ്ങനെ പരിപാ​ലി​ക്കും?)” പൗലോസ്‌ ഇങ്ങനെ കൂട്ടി​ച്ചേർത്തു: “ശുശ്രൂ​ഷാ​ദാ​സൻമാർ സ്വന്തം മക്കളെ​യും സ്വന്തം കുടും​ബ​ങ്ങ​ളെ​യും നല്ല രീതി​യിൽ ഭരിക്കു​ന്ന​വ​രാ​യി ഏക ഭാര്യ​യു​ടെ ഭർത്താ​ക്കൻമാ​രാ​യി​രി​ക്കട്ടെ.”—1 തിമൊ​ഥെ​യോസ്‌ 3:2-5, 12.

⁵ തീർച്ച​യാ​യും ക്രിസ്‌തീയ മൂപ്പൻമാ​രു​ടെ​യും ശുശ്രൂ​ഷാ​ദാ​സൻമാ​രു​ടെ​യും മക്കൾക്ക്‌ പ്രായ​മാ​യി​ക്ക​ഴി​യു​മ്പോൾ യഹോ​വയെ സേവി​ക്കു​ന്ന​തിൽ തുടരു​ന്ന​തിന്‌ അവർ വിസമ്മ​തി​ക്കു​ന്നു​വെ​ങ്കിൽ അവരുടെ മാതാ​പി​താ​ക്കൻമാ​രെ ഉത്തരവാ​ദി​ക​ളാ​ക്കാ​വു​ന്നതല്ല. എന്നാൽ അവരുടെ വീട്ടിൽത്തന്നെ വസിക്കുന്ന ഇളയ കുട്ടി​ക​ളു​ടെ​യും പ്രായ​മുള്ള കുട്ടി​ക​ളു​ടെ​യും കാര്യ​ത്തിൽ അവർ ഉത്തരവാ​ദി​ക​ളാണ്‌. മൂപ്പൻമാ​രും ശുശ്രൂ​ഷാ​ദാ​സൻമാ​രും ഉദാസീ​ന​രാ​യി​ത്തീ​രു​ക​യോ “മക്കളെ​യും തങ്ങളുടെ സ്വന്തം കുടും​ബ​ങ്ങ​ളെ​യും നല്ല രീതി​യിൽ ഭരിക്കുക”യെന്ന തിരു​വെ​ഴു​ത്തു​വ്യ​വസ്ഥ പാലി​ക്കു​ന്ന​തിൽ ഗൗരവ​മാ​യി പരാജ​യ​പ്പെ​ടു​ക​യോ ചെയ്‌ത​തു​കൊണ്ട്‌ അവർക്ക്‌ വില​യേ​റിയ പദവികൾ നഷ്ടപ്പെ​ട്ടി​ട്ടുണ്ട്‌. അങ്ങനെ​യു​ള്ള​വർക്കും മററ​നേ​കർക്കും മക്കൾ സന്തോ​ഷ​ത്തി​നു പകരം കൂടു​ത​ലാ​യി ക്ലേശമാണ്‌ കൈവ​രു​ത്തി​യി​രി​ക്കു​ന്നത്‌. “ഒരു മൂഢനായ പുത്രൻ അവന്റെ പിതാ​വിന്‌ വിപത്തു​കളെ അർത്ഥമാ​ക്കു​ന്നു” എന്ന സദൃശ​വാ​ക്യം എത്ര കൂടെ​ക്കൂ​ടെ സത്യ​മെന്ന്‌ തെളി​ഞ്ഞി​രി​ക്കു​ന്നു!—സദൃശ​വാ​ക്യ​ങ്ങൾ 19:13.

ഉത്തരവാ​ദി​ത്ത​മുള്ള പിതൃ​ത്വം

6.ക്രിസ്‌തീ​യ​ഭർത്താ​ക്കൻമാർ തങ്ങളോ​ടു​തന്നെ ഏതു ചോദ്യം ചോദി​ക്കണം?

⁶ സഭാപ​ര​മായ ഉത്തരവാ​ദി​ത്തങ്ങൾ ഉണ്ടായി​രു​ന്നാ​ലും ഇല്ലെങ്കി​ലും എല്ലാ ക്രിസ്‌തീ​യ​ഭർത്താ​ക്കൻമാ​രും കൊച്ചു​കു​ട്ടി​ക​ളു​ടെ പരിപാ​ല​ന​ത്തിന്‌ തങ്ങളുടെ ഭാര്യ​മാ​രു​ടെ ആത്മീയ​ത​യു​ടെ​മേ​ലു​ണ്ടാ​കാ​വുന്ന ഫലത്തെ​ക്കു​റി​ച്ചും പരിഗ​ണി​ക്കേ​ണ്ട​താണ്‌. ഒരു ഭാര്യ ആത്മീയ​മാ​യി ശക്തയ​ല്ലെ​ങ്കിൽ ഒരു ശിശു​വോ പല കുട്ടി​ക​ളോ അവളുടെ വ്യക്തി​പ​ര​മായ പഠന​ത്തെ​യും പ്രസം​ഗ​വേ​ല​യിൽ പങ്കെടു​ക്കാ​നുള്ള അവസര​ങ്ങ​ളെ​യും എങ്ങനെ ബാധി​ക്കും?

7.ചില ക്രിസ്‌തീ​യ​ഭാ​ര്യ​മാർക്ക്‌ എന്തു സംഭവി​ച്ചി​രി​ക്കു​ന്നു, മിക്ക​പ്പോ​ഴും ഈ സാഹച​ര്യ​ത്തി​ന്റെ കാരണ​മെ​ന്താണ്‌?

⁷ ഒരു ശിശു​വി​നെ​യോ ഒരു കൊച്ചു​കു​ട്ടി​യെ​യോ നോക്കു​ന്നത്‌ മിക്ക​പ്പോ​ഴും സഭാപു​സ്‌ത​കാ​ദ്ധ്യ​യ​ന​ത്തിൽനി​ന്നും രാജ്യ​ഹാൾ മീററിം​ഗു​ക​ളിൽനി​ന്നും സർക്കിട്ട്‌ സമ്മേള​ന​ങ്ങ​ളിൽനി​ന്നും ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളിൽനി​ന്നും പൂർണ്ണ​പ്ര​യോ​ജ​നം​കി​ട്ടു​ന്ന​തിൽനിന്ന്‌ തടയു​ന്നു​വെന്ന്‌ ഭർത്താ​ക്കൻമാർ എല്ലായ്‌പ്പോ​ഴും തിരി​ച്ച​റി​യു​ന്നു​ണ്ടോ? ഒന്നിനു പിറകേ ഒന്നായി ശിശുക്കൾ പിറക്കു​മ്പോൾ അത്തര​മൊ​രു അവസ്ഥക്ക്‌ മാസങ്ങ​ളി​ലും വർഷങ്ങ​ളിൽപോ​ലും നീണ്ടു​നിൽക്കാൻക​ഴി​യും. ഈ കാര്യ​ത്തി​ലുള്ള ഭാരം മുഖ്യ​മാ​യി പിതാ​വിൻമേലല്ല, മാതാ​വിൻമേൽ സ്വാഭാ​വി​ക​മാ​യി വരുന്നു. ചില ക്രിസ്‌തീ​യ​പു​രു​ഷൻമാർ സഭയിൽ പദവി​ക​ളിൽ നിയമി​ക്ക​പ്പെ​ടുന്ന ഘട്ടം വരെ ആത്മീയ​മാ​യി പുരോ​ഗ​മി​ക്കു​ന്ന​താ​യി ചില​പ്പോൾ നിരീ​ക്ഷി​ക്ക​പ്പെ​ട്ടി​ട്ടുണ്ട്‌. എന്നിരു​ന്നാ​ലും അവരുടെ ഭാര്യ​മാർ ആത്മീയ​മാ​യി ദുർബ​ല​രാ​യി​ത്തീ​രു​ന്നു. എന്തു​കൊണ്ട്‌? മിക്ക​പ്പോ​ഴും അത്‌ യോഗ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കു​ന്ന​തിൽനി​ന്നും ആഴമായ ബൈബിൾപ​ഠനം നടത്തു​ന്ന​തിൽനി​ന്നും അല്ലെങ്കിൽ ഒരു വലിയ അളവിൽ സാക്ഷ്യ​വേ​ല​യിൽ പങ്കുപ​റ​റു​ന്ന​തിൽനി​ന്നും ഭാര്യ​മാ​രെ അവരുടെ കൊച്ചു​കു​ട്ടി​കൾ തടയു​ന്ന​തു​കൊ​ണ്ടാണ്‌. അത്തരം അവസ്ഥ വികാ​സം​പ്രാ​പി​ക്കാൻ അനുവ​ദി​ക്കു​ന്നു​വെ​ങ്കിൽ ആ പിതൃ​ത്വ​ത്തെ ഉത്തരവാ​ദി​ത്വ​മു​ള്ള​തെന്ന്‌ പറയാൻക​ഴി​യു​മോ?

8.അനേകം പിതാ​ക്കൻമാർ മക്കളെ നോക്കു​ന്ന​തി​ന്റെ ചുമടിൽ പങ്കുവ​ഹി​ക്കു​ന്ന​തെ​ങ്ങനെ, അത്‌ അവരുടെ ഭാര്യ​മാർക്ക്‌ എന്തു പ്രയോ​ജനം കൈവ​രു​ത്തു​ന്നു?

⁸ അനു​ഗ്ര​ഹ​വ​ശാൽ എല്ലായ്‌പ്പോ​ഴും ഇതല്ല വാസ്‌തവം. അനേകം ക്രിസ്‌തീ​യ​ഭർത്താ​ക്കൻമാർ മക്കളെ നോക്കു​ന്ന​തി​ന്റെ ഭാരത്തിൽ തങ്ങളുടെ പങ്കുവ​ഹി​ക്കു​ന്ന​തിന്‌ പരമാ​വധി പ്രവർത്തി​ക്കു​ന്നുണ്ട്‌. തങ്ങളുടെ കുട്ടികൾ സഭാമീ​റ​റിം​ഗു​ക​ളു​ടെ സമയത്ത്‌ ശാന്തമാ​യി​രി​ക്കു​ന്ന​തിൽ ശ്രദ്ധി​ക്കു​ന്ന​തിൽ അവർ പൂർണ്ണ പങ്കു വഹിക്കു​ന്നു. അവരുടെ ശിശു കരയാൻതു​ട​ങ്ങു​ക​യോ കുട്ടി ബഹളം​വെ​ക്കു​ക​യോ ചെയ്യു​ന്നു​വെ​ങ്കിൽ അവർ തങ്ങളുടെ തവണക​ളിൽ ഉചിത​മായ ശിക്ഷണം കൊടു​ക്കാൻ അതിനെ പുറത്തു​കൊ​ണ്ടു​പോ​കും. യോഗ​ഭാ​ഗങ്ങൾ നഷ്‌ട​പ്പെ​ടു​ന്നത്‌ എല്ലായ്‌പ്പോ​ഴും മാതാ​വി​നാ​യി​രി​ക്കു​ന്ന​തെ​ന്തിന്‌? വീട്ടിൽ പരിഗ​ണ​ന​യുള്ള ഭർത്താ​ക്കൻമാർ വീട്ടു​ജോ​ലി​യി​ലും കുട്ടി​കളെ ഉറങ്ങാൻകി​ട​ത്തു​ന്ന​തി​ലും ഭാര്യ​മാ​രെ സഹായി​ക്കു​ന്നു, തന്നിമി​ത്തം ഭാര്യാ​ഭർത്താ​ക്കൻമാർക്ക്‌ ആത്മീയ​കാ​ര്യ​ങ്ങ​ളിൽ ശാന്തമാ​യി ശ്രദ്ധ​കേ​ന്ദ്രീ​ക​രി​ക്കു​ന്ന​തിന്‌ ഇരിക്കാൻക​ഴി​യും.

9.കുട്ടികൾ എല്ലായ്‌പ്പോ​ഴും ഒരു തടസ്സമ​ല്ലെ​ന്ന്‌എന്തു തെളി​യി​ക്കു​ന്നു?

⁹ ഒരു സഭയിൽ കാര്യങ്ങൾ ഉചിത​മാ​യി ക്രമീ​ക​രി​ക്കു​മ്പോൾ കുട്ടി​ക​ളുള്ള യുവമാ​താ​ക്കൾക്ക്‌ സഹായ​പ​യ​നി​യർസേ​വ​ന​ത്തിൽ പങ്കുപ​റ​റാൻക​ഴി​യും. ചിലർ സാധാ​ര​ണ​പ​യ​നി​യർമാർപോ​ലു​മാണ്‌. അതു​കൊണ്ട്‌ കുട്ടികൾ എല്ലായ്‌പ്പോ​ഴും ഒരു തടസ്സമല്ല. അനേകം ക്രിസ്‌തീ​യ​മാ​താ​പി​താ​ക്കൾ നല്ല പയനി​യർആ​ത്മാവ്‌ പ്രകട​മാ​ക്കു​ന്നു.

കുട്ടി​യി​ല്ലെ​ങ്കി​ലും സന്തുഷ്ടർ

10.ചില വിവാ​ഹിത ഇണകൾ എന്തു തീരു​മാ​നി​ച്ചി​രി​ക്കു​ന്നു, അവർ എങ്ങനെ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു?

¹⁰ ചില യുവദ​മ്പ​തി​കൾ കുട്ടി​ക​ളി​ല്ലാ​തെ കഴിയാൻ തീരു​മാ​നി​ച്ചി​ട്ടുണ്ട്‌. മററു സ്‌ത്രീ​ക​ളെ​പ്പോ​ലെ​തന്നെ ആ ഭാര്യ​മാർക്ക്‌ ശക്തമായ മാതൃ​ത്വ​വാ​സ​നകൾ ഉണ്ടായി​രു​ന്നി​ട്ടും ഭർത്താ​ക്കൻമാ​രു​മാ​യി യോജിച്ച്‌ യഹോ​വയെ മുഴു​സ​മയം സേവി​ക്കു​ന്ന​തിന്‌ തങ്ങളെ​ത്തന്നെ അർപ്പി​ക്കു​ന്ന​തിന്‌ മക്കളു​ണ്ടാ​യി​രി​ക്കു​ന്ന​തിൽനിന്ന്‌ ഒഴിഞ്ഞി​രി​ക്കാൻ അവർ തീരു​മാ​നി​ച്ചി​രി​ക്കു​ന്നു. അവരിൽ അനേകർ പയനി​യർമാ​രാ​യോ മിഷന​റി​മാ​രാ​യോ സേവി​ച്ചി​രി​ക്കു​ന്നു. അവർക്ക്‌ ഇപ്പോൾ നന്ദി​യോ​ടെ വർഷങ്ങ​ളി​ലേക്ക്‌ പിന്തി​രി​ഞ്ഞു​നോ​ക്കാൻക​ഴി​യും. തീർച്ച​യാ​യും അവർ ജഡിക​മ​ക്കളെ ഉളവാ​ക്കി​യി​ട്ടില്ല. എന്നാൽ അവർ യഹോ​വയെ വിശ്വ​സ്‌ത​മാ​യി സേവി​ക്കു​ന്ന​തിൽ തുടർന്നി​രി​ക്കുന്ന പുതിയ ശിഷ്യൻമാ​രെ ഉളവാ​ക്കി​യി​ട്ടുണ്ട്‌. ‘വിശ്വാ​സ​ത്തി​ലെ ഈ യഥാർത്ഥ മക്കൾ’ തങ്ങൾക്ക്‌ “സത്യത്തി​ന്റെ വചനം” എത്തിച്ചു​ത​രു​ന്ന​തിന്‌ മുഖാ​ന്ത​ര​മാ​യി​രു​ന്ന​യാ​ളെ ഒരിക്ക​ലും മറക്കു​ക​യില്ല.—1 തിമൊ​ഥെ​യോസ്‌ 1:2; എഫേസ്യർ 1:13; 1 കൊരി​ന്ത്യർ 4:14, 17; 1 യോഹ​ന്നാൻ 2:1 താരത​മ്യ​പ്പെ​ടു​ത്തുക.

11.(എ) കുട്ടികൾ ഇല്ലാത്ത അനേകം ഇണകൾ എവിടെ യഹോ​വയെ സേവി​ക്കു​ന്നു, അവർക്ക്‌ യാതൊ​രു സങ്കടവു​മി​ല്ലാ​ത്ത​തെ​ന്തു​കൊണ്ട്‌? (ബി) “രാജ്യം​നി​മി​ത്തം” മക്കളി​ല്ലാ​തെ നിന്നി​ട്ടുള്ള എല്ലാ ഇണകൾക്കും ഏതു തിരു​വെ​ഴു​ത്തു ബാധക​മാ​ക്കാൻക​ഴി​യും?

¹¹ മാതൃ​ത്വ​ത്തി​ന്റെ​യും പിതൃ​ത്വ​ത്തി​ന്റെ​യും സന്തോ​ഷങ്ങൾ പരിത്യ​ജിച്ച ലോക​ത്തു​ട​നീ​ള​മുള്ള അനേകം വിവാ​ഹിത ഇണകൾക്ക്‌ സർക്കിട്ട്‌ വേലയി​ലോ ഡിസ്‌ട്രി​ക്‌ററ്‌ വേലയി​ലോ ബെഥേ​ലി​ലോ യഹോ​വയെ സേവി​ക്കു​ന്ന​തിന്‌ കഴിഞ്ഞി​ട്ടുണ്ട്‌. അവരും അതു​പോ​ലെ​തന്നെ ഈ പ്രത്യേ​ക​പ​ദ​വി​ക​ളിൽ യഹോ​വ​യെ​യും അവരുടെ സഹോ​ദ​രൻമാ​രെ​യും സേവി​ച്ചു​കൊ​ണ്ടു ചെലവ​ഴിച്ച തങ്ങളുടെ ജീവി​തത്തെ സംതൃ​പ്‌തി​യോ​ടെ പിന്തി​രി​ഞ്ഞു​നോ​ക്കു​ന്നു. അവർക്ക്‌ സങ്കടമില്ല. ലോക​ത്തി​ലേക്ക്‌ മക്കളെ ആനയി​ക്കുന്ന സന്തോഷം അവർക്ക്‌ ലഭിച്ചി​ല്ലെ​ങ്കി​ലും അവരുടെ വിവി​ധ​പ്ര​വർത്ത​ന​മ​ണ്ഡ​ല​ങ്ങ​ളിൽ അവർ രാജ്യ​താൽപ​ര്യ​ങ്ങളെ പുരോ​ഗ​മി​പ്പി​ക്കു​ന്ന​തിൽ മർമ്മ​പ്ര​ധാ​ന​മായ ഒരു പങ്കു വഹിച്ചി​രി​ക്കു​ന്നു. “രാജ്യം നിമിത്തം” മക്കളി​ല്ലാ​തെ നിന്നി​ട്ടുള്ള ഈ ഇണക​ളെ​ക്കു​റി​ച്ചെ​ല്ലാം തീർച്ച​യാ​യും ഈ തിരു​വെ​ഴു​ത്തു ബാധക​മാ​കു​ന്നു: “ദൈവം നിങ്ങളു​ടെ വേല​യെ​യും നിങ്ങൾ വിശു​ദ്ധൻമാ​രെ ശുശ്രൂ​ഷി​ച്ചി​രി​ക്കു​ന്ന​തി​ലും ശുശ്രൂ​ഷി​ക്കു​ന്ന​തിൽ തുടരു​ന്ന​തി​ലും അവന്റെ നാമ​ത്തോ​ടു പ്രകട​മാ​ക്കിയ സ്‌നേ​ഹ​വും മറക്കാൻത​ക്ക​വണ്ണം നീതി​കെ​ട്ട​വനല്ല.”—മത്തായി 19:12; എബ്രായർ 6:10.

ഒരു വ്യക്തി​പ​ര​മായ കാര്യം

12.(എ) മക്കളെ ജനിപ്പി​ക്കൽ ഒരു അനുപമ പദവി​യാ​യി​രി​ക്കു​ന്ന​തെ​ന്തു​കൊണ്ട്‌? (ബി) ഏതു കാലഘ​ട്ട​ങ്ങ​ളിൽ മക്കളെ ജനിപ്പി​ക്കൽ ഒരു ദൈവ​ദ​ത്ത​മായ നിയമ​ന​മാ​യി​രു​ന്നു?

¹² ഈ ചർച്ചയു​ടെ തുടക്ക​ത്തിൽ നാം കണ്ടതു​പോ​ലെ, മക്കളെ ജനിപ്പി​ക്കൽ ദൈവ​ത്തി​ന്റെ ഒരു ദാനമാണ്‌. (സങ്കീർത്തനം 127:3) അത്‌ യഹോ​വ​യു​ടെ ആത്മജീ​വി​കൾക്കി​ല്ലാത്ത ഒരു അനുപ​മ​മായ പദവി​യാണ്‌. (മത്തായി 22:30) മക്കളെ ജനിപ്പി​ക്കൽ യഹോവ ഭൂമി​യി​ലെ തന്റെ ദാസൻമാർക്ക്‌ നിയോ​ഗി​ച്ചു​കൊ​ടുത്ത വേലയു​ടെ ഭാഗമാ​യി​രുന്ന സമയങ്ങ​ളുണ്ട്‌. ആദാമി​ന്റെ​യും ഹവ്വായു​ടെ​യും കാര്യ​ത്തിൽ ഇതു സത്യമാ​യി​രു​ന്നു. (ഉൽപ്പത്തി 1:28) പ്രളയത്തെ അതിജീ​വി​ച്ച​വ​രെ​സം​ബ​ന്ധിച്ച്‌ അതു സത്യമാ​യി​രു​ന്നു. (ഉൽപ്പത്തി 9:1) മക്കളെ ജനിപ്പി​ക്ക​ലി​ലൂ​ടെ യിസ്രാ​യേൽപു​ത്രൻമാർ നിരവ​ധി​യാ​യി​ത്തീ​ര​ണ​മെന്ന്‌ യഹോവ ഇച്ഛിച്ചു.—ഉൽപ്പത്തി 46:1-3; പുറപ്പാട്‌ 1:7, 20; ആവർത്തനം 1:10.

13, 14.(എ) ഇന്നത്തെ മക്കളെ ജനിപ്പി​ക്ക​ലി​നെ​ക്കു​റിച്ച്‌ എന്തു പറയാൻക​ഴി​യും, ഏതു വിമർശനം അനുചി​ത​മാ​യി​രി​ക്കും? (ബി) ഈ അന്ത്യകാ​ലത്തെ മക്കളെ ജനിപ്പി​ക്കൽ വ്യക്തി​പ​ര​മായ ഒരു കാര്യ​മാ​യി​രി​ക്കെ ഏതു ബുദ്ധി​യു​പ​ദേശം നൽക​പ്പെ​ട്ടി​രി​ക്കു​ന്നു?

¹³ ഇന്ന്‌, മക്കളെ ജനിപ്പി​ക്കൽ പ്രത്യേ​ക​മാ​യി യഹോവ തന്റെ ജനത്തെ ഭരമേൽപ്പി​ച്ചി​രി​ക്കുന്ന വേലയു​ടെ ഭാഗമാ​യി​രി​ക്കു​ന്നില്ല. എന്നിരു​ന്നാ​ലും, വിവാ​ഹി​തർ ആഗ്രഹി​ക്കു​ന്നു​വെ​ങ്കിൽ ഇപ്പോ​ഴും അവൻ അവർക്ക്‌ അനുവ​ദി​ക്കുന്ന ഒരു പദവി​യാ​ണത്‌. അതു​കൊണ്ട്‌ ഒരു കുടും​ബം തുടങ്ങാൻ തീരു​മാ​നി​ക്കുന്ന ഇണകളെ വിമർശി​ക്ക​രുത്‌; മക്കളെ ജനിപ്പി​ക്കു​ന്ന​തിൽനിന്ന്‌ പിൻമാ​റി​നിൽക്കു​ന്ന​വ​രെ​യും വിമർശി​ക്ക​രുത്‌.

¹⁴ ഈ അന്ത്യകാ​ലത്ത്‌ മക്കളെ ജനിപ്പി​ക്കുന്ന സംഗതി ഓരോ ദമ്പതി​ക​ളും സ്വയം തീരു​മാ​നി​ക്കേണ്ട വ്യക്തി​പ​ര​മായ ഒരു കാര്യ​മാണ്‌. എന്നിരു​ന്നാ​ലും, “ശേഷിച്ച സമയം കുറഞ്ഞി​രി​ക്കുന്ന”തിനാൽ ഈ കാലങ്ങ​ളിൽ വിവാ​ഹിത ഇണകൾ മക്കളെ ജനിപ്പി​ക്കു​ന്ന​തി​ന്റെ അനുകൂ​ല​ന്യാ​യ​ങ്ങ​ളും പ്രതി​കൂ​ല​ന്യാ​യ​ങ്ങ​ളും ശ്രദ്ധാ​പുർവ​വും പ്രാർത്ഥ​നാ​പൂർവ​വും തൂക്കി​നോ​ക്കു​ന്ന​തു​കൊ​ള്ളാം. (1 കൊരി​ന്ത്യർ 7:29) മക്കളെ ജനിപ്പി​ക്കാ​നി​ഷ്ട​പ്പെ​ടു​ന്ന​വർക്ക്‌ മക്കളെ ജനിപ്പി​ക്കൽ കൈവ​രു​ത്തുന്ന സന്തോ​ഷ​ത്തെ​ക്കു​റി​ച്ചു​മാ​ത്രമല്ല ഉൾപ്പെ​ട്ടി​രി​ക്കുന്ന ഉത്തരവാ​ദി​ത്ത​ങ്ങ​ളെ​യും അവർക്കും അവർ ലോക​ത്തി​ലേ​ക്കാ​ന​യി​ക്കുന്ന മക്കൾക്കും സംജാ​ത​മാ​യേ​ക്കാ​വുന്ന പ്രശ്‌ന​ങ്ങ​ളെ​യും​കു​റി​ച്ചും പൂർണ്ണ​ബോ​ധ​മു​ണ്ടാ​യി​രി​ക്കണം.

ആസൂ​ത്രണം ചെയ്യാ​ത്ത​പ്പോൾ

15, 16.(എ) ഒരു അവിചാ​രി​ത​മായ ഗർഭധാ​രണം സംഭവി​ക്കു​മ്പോൾ ഏതു മാനോ​ഭാ​വം ഒഴിവാ​ക്കണം, എന്തു​കൊണ്ട്‌? (ബി) ഏതു കുട്ടി​യെ​യും എങ്ങനെ പരിഗ​ണി​ക്കണം, ഏതു ഉത്തരവാ​ദി​ത്തങ്ങൾ ഉൾപ്പെ​ട്ടി​രി​ക്കു​ന്നു?

¹⁵ ചിലർ ഇങ്ങനെ പറഞ്ഞേ​ക്കാം: “അതൊക്കെ കൊള്ളാം, എന്നാൽ ‘ഒരു കുട്ടി അപ്രതീ​ക്ഷി​ത​മാ​യി ഉണ്ടാകു​ന്നു​വെ​ങ്കി​ലോ?’ ലോക​ത്തി​ലേക്ക്‌ മക്കളെ ജനിപ്പി​ക്കു​ന്ന​തി​നുള്ള പററിയ സമയം ഇതല്ലെന്ന്‌ പൂർണ്ണ​മായ അറിവു​ണ്ടാ​യി​രുന്ന അനേകം ഇണകൾക്ക്‌ ഇതു സംഭവി​ച്ചി​ട്ടുണ്ട്‌. അവരിൽ ചിലർ വർഷങ്ങ​ളാ​യി മുഴു​സ​മ​യ​സേ​വ​ന​ത്തി​ലാ​യി​രു​ന്നു. അപ്രതീ​ക്ഷിത നവാഗ​തന്റെ വരവിനെ അവർ എങ്ങനെ വീക്ഷി​ക്കണം?

¹⁶ ഇവി​ടെ​യാണ്‌ ഉത്തരവാ​ദി​ത്ത​മുള്ള പിതൃ​ത്വം രംഗത്തു വരുന്നത്‌. ഒരു ഗർഭധാ​രണം അപ്രതീ​ക്ഷി​ത​മാ​യി​രി​ക്കാ​മെ​ന്നതു സത്യം​തന്നെ, എന്നാൽ ജനിക്കുന്ന കുട്ടിയെ ക്രിസ്‌തീ​യ​മാ​താ​പി​താ​ക്കൻമാർക്ക്‌ ആവശ്യ​മി​ല്ലാ​ത്ത​താ​യി കരുതാ​വു​ന്നതല്ല. അതിന്റെ ജനനം അവരുടെ ജീവി​ത​ത്തിൽ എന്തെല്ലാം മാററങ്ങൾ വരുത്തി​യാ​ലും അവർക്ക്‌ അതി​നോട്‌ തീർച്ച​യാ​യും നീരസം തോന്ന​രുത്‌. ഏതായാ​ലും, അതിന്റെ ഗർഭധാ​ര​ണ​ത്തിന്‌ അവർ ഉത്തരവാ​ദി​ക​ളാ​യി​രു​ന്നു. അതി​പ്പോൾ ഇവി​ടെ​യു​ള്ള​തു​കൊണ്ട്‌, സകല മനുഷ്യർക്കും ഏതെങ്കി​ലും വിധത്തിൽ “കാലവും മുൻകൂ​ട്ടി​ക്കാ​ണാത്ത സംഭവ​വും നേരി​ടു​ന്നു” എന്ന്‌ അറിഞ്ഞു​കൊണ്ട്‌ അവർ തങ്ങളുടെ മാററം​വന്ന സാഹച​ര്യ​ത്തെ സ്വീക​രി​ക്കണം. (സഭാ​പ്ര​സം​ഗി 9:11) മനസ്സോ​ടെ​യാ​യാ​ലും അല്ലെങ്കി​ലും യഹോ​വ​യാം​ദൈവം കാരണ​ഭൂ​ത​നാ​യി​രി​ക്കുന്ന ഒരു ഉൽപ്പാ​ദ​ന​പ്ര​ക്രി​യ​യിൽ അവർ പങ്കെടു​ത്തി​രി​ക്കു​ന്നു. അവർ തങ്ങളുടെ കുട്ടിയെ ഒരു പാവന​സൂ​ക്ഷി​പ്പു​ധ​ന​മാ​യി സ്വീക​രി​ക്കു​ക​യും “കർത്താ​വി​നോട്‌ ഐക്യ​ത്തി​ലാ​യി​രി​ക്കുന്ന മാതാ​പി​താ​ക്ക​ളെന്ന” നിലയിൽ തങ്ങളുടെ ഉത്തരവാ​ദി​ത്ത​ങ്ങളെ സ്‌നേ​ഹ​പൂർവം ഏറെറ​ടു​ക്കു​ക​യും വേണം.—എഫേസ്യർ 6:1.

“സകലവും കർത്താ​വി​ന്റെ നാമത്തിൽ ചെയ്യുക”

17.അപ്പോ​സ്‌ത​ല​നായ പൗലോസ്‌ കൊ​ലോ​സ്യർക്ക്‌ ഏതു ബുദ്ധി​യു​പ​ദേ​ശം​കൊ​ടു​ത്തു, ഇന്ന്‌ ഈ ബുദ്ധി​യു​പ​ദേശം എങ്ങനെ അനുസ​രി​ക്കാൻക​ഴി​യും?

¹⁷ കുടും​ബ​കാ​ര്യ​ങ്ങൾസം​ബ​ന്ധിച്ച്‌ ബുദ്ധി​യു​പ​ദേ​ശം​കൊ​ടു​ക്കു​ന്ന​തി​നു തൊട്ടു​മുമ്പ്‌ അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “നിങ്ങൾ വാക്കി​ലോ ക്രിയ​യി​ലോ ചെയ്യു​ന്ന​തെ​ന്താ​യാ​ലും, സകലവും കർത്താ​വായ യേശു​വി​ന്റെ നാമത്തിൽ ചെയ്യുക, അവൻ മുഖാ​ന്തരം പിതാ​വായ ദൈവ​ത്തിന്‌ നന്ദി​കൊ​ടു​ത്തു​കൊ​ണ്ടു​തന്നെ.” (കൊ​ലോ​സ്യർ 3:17-21) ക്രിസ്‌ത്യാ​നി ഏതവസ്ഥ​യി​ലാ​യാ​ലും അവൻ യഹോ​വ​യോട്‌ നന്ദി പ്രകട​മാ​ക്കു​ക​യും “സകലവും കർത്താ​വി​ന്റെ നാമത്തിൽ ചെയ്യാൻ” തന്റെ സാഹച​ര്യ​ത്തെ പ്രയോ​ജ​ന​പ്പെ​ടു​ത്തു​ക​യും ചെയ്യേ​ണ്ട​താണ്‌.

18, 19.(എ) അവിവാ​ഹി​ത​ക്രി​സ്‌ത്യാ​നി​കൾക്കും കുട്ടി​ക​ളി​ല്ലാത്ത ദമ്പതി​കൾക്കും “കർത്താ​വി​ന്റെ നാമത്തിൽ സകലവും​ചെ​യ്യാൻ” എങ്ങനെ കഴിയും? (ബി) ക്രിസ്‌തീ​യ​മാ​താ​പി​താ​ക്കൾ തങ്ങളുടെ മക്കളെ എങ്ങനെ വീക്ഷി​ക്കണം, അവർ തങ്ങൾക്കാ​യി എന്തു ലക്ഷ്യം വെക്കണം?

¹⁸ അവിവാ​ഹി​ത​നാ​യി​രി​ക്കാൻ ഇഷ്ടപ്പെ​ട്ടി​രി​ക്കുന്ന ക്രിസ്‌ത്യാ​നി തന്റെ സ്വാത​ന്ത്ര്യ​ത്തെ സുഖ​ലോ​ലു​പ​തക്കല്ല, പിന്നെ​യോ “യഹോ​വ​ക്കെ​ന്ന​പോ​ലെ മുഴു​ദേ​ഹി​യോ​ടെ” പ്രവർത്തി​ക്കാൻ ഉപയോ​ഗി​ക്കേ​ണ്ട​താണ്‌, സാദ്ധ്യ​മെ​ങ്കിൽ ഏതെങ്കി​ലും രൂപത്തി​ലുള്ള മുഴു​സമയ സേവന​ത്തിൽ. (കൊ​ലോ​സ്യർ 3:23; 1 കൊരി​ന്ത്യർ 7:32) അതു​പോ​ലെ​തന്നെ, മക്കളെ ജനിപ്പി​ക്കു​ന്ന​തിൽനിന്ന്‌ ഒഴിഞ്ഞി​രി​ക്കാൻ തീരു​മാ​നി​ക്കുന്ന ക്രിസ്‌തീയ ഇണകൾ സ്വാർത്ഥ​പൂർവം ‘ലോകത്തെ പൂർണ്ണ​മാ​യി ഉപയോ​ഗ​പ്പെ​ടു​ത്താ​തെ’ തങ്ങളുടെ ജീവി​ത​ത്തിൽ രാജ്യ​സേ​വ​ന​ത്തിന്‌ സാദ്ധ്യ​മായ ഏററം വലിയ സ്ഥാനം കൊടു​ക്കു​ന്ന​താ​യി​രി​ക്കും.—1 കൊരി​ന്ത്യർ 7:29-31.

¹⁹ കുട്ടി​ക​ളുള്ള ക്രിസ്‌ത്യാ​നി​ക​ളെ​സം​ബ​ന്ധി​ച്ചട​ത്തോ​ളം അവർ തങ്ങളുടെ പിതൃ​ത്വ​ത്തെ​യും മാതൃ​ത്വ​ത്തെ​യും ഉത്തരവാ​ദി​ത്ത​ത്തോ​ടെ സ്വീക​രി​ക്കണം. തങ്ങളുടെ കുട്ടി​കളെ യഹോ​വയെ സേവി​ക്കു​ന്ന​തിൽ ഒരു തടസ്സം എന്ന്‌ അശേഷ​വും വീക്ഷി​ക്കാ​തെ, അവർ അവരെ ഒരു പ്രത്യേ​ക​നി​യ​മ​ന​മെ​ന്ന​പോ​ലെ പരിഗ​ണി​ക്കണം. ഇത്‌ എന്തു അർത്ഥമാ​ക്കും? ശരി, ഒരു സമർപ്പി​ത​ക്രി​സ്‌ത്യാ​നി സത്യത്തിൽ താത്‌പ​ര്യം​പ്ര​ക​ട​മാ​ക്കുന്ന ഒരാളെ കണ്ടുമു​ട്ടു​ന്നു​വെ​ങ്കിൽ, അയാൾ അയാളു​മാ​യി ഒരു നിരന്തര ബൈബി​ള​ദ്ധ്യ​യനം തുടങ്ങു​ന്നു. അദ്ധ്യയനം തുടങ്ങി​ക്ക​ഴി​യു​മ്പോൾ സാക്ഷി വളരെ ഉത്സാഹ​പൂർവം ആത്മീയ​പു​രോ​ഗ​തി​നേ​ടാൻ താത്‌പ​ര്യ​ക്കാ​ര​നെ​സ​ഹാ​യി​ക്കു​ന്ന​തിന്‌ വാരം​തോ​റും മടങ്ങി​ച്ചെ​ല്ലു​ന്നു. ഒരു ക്രിസ്‌ത്യാ​നി​യു​ടെ കുട്ടി​ക​ളു​ടെ കാര്യ​ത്തിൽ ഒട്ടും കുറവല്ല ആവശ്യ​മാ​യി​രി​ക്കു​ന്നത്‌. എത്രയും വേഗം തുടങ്ങി ക്രമമാ​യി നടത്തുന്ന സുചി​ന്തി​ത​മായ ഒരു നിരന്ത​ര​ബൈ​ബി​ള​ദ്ധ്യ​യനം ചെറു​പ്പ​ക്കാ​രനെ ആത്മീയ​മാ​യി വളരാ​നും അവന്റെ സ്രഷ്‌ടാ​വി​നെ സ്‌നേ​ഹി​ക്കാൻ പഠിക്കാ​നും സഹായി​ക്കു​ന്ന​തി​നാ​വ​ശ്യ​മാണ്‌. (2 തിമൊ​ഥെ​യോസ്‌ 3:14, 15 ) കൂടാതെ, മാതാ​പി​താ​ക്കൾ രാജ്യ​ഹാ​ളി​ലെ​പ്പോ​ലെ​തന്നെ ഭവനത്തിൽ ക്രിസ്‌തീയ നടത്തയു​ടെ നല്ല മാതൃ​ക​വെ​ക്കാൻ ശ്രദ്ധി​ക്കു​ന്ന​താ​യി​രി​ക്കും. സാദ്ധ്യ​മാ​കു​ന്ന​ടത്ത്‌ തങ്ങളുടെ കുട്ടി​കളെ വയൽസേ​വ​നം​സം​ബ​ന്ധിച്ച്‌ പരിശീ​ലി​പ്പി​ക്കു​ന്ന​തി​ന്റെ ഉത്തരവാ​ദി​ത്തം അവർ ഏറെറ​ടു​ക്കും. ഈ വിധത്തിൽ മുതിർന്ന മററു​ള്ള​വ​രോട്‌ പ്രസം​ഗി​ക്കു​ന്ന​തി​നു പുറമേ മാതാ​പി​താ​ക്കൾ യഹോ​വ​യു​ടെ സഹായ​ത്തോ​ടെ തങ്ങളുടെ സ്വന്തം കുട്ടി​കളെ “ശിഷ്യ​രാ​ക്കാൻ” ശ്രമി​ക്കും.—മത്തായി 28:19.

“മഹോ​പ​ദ്രവ”കാലത്തെ കുട്ടികൾ

20.(എ) നമ്മുടെ മുമ്പാകെ എന്താണ്‌ സ്ഥിതി​ചെ​യ്യു​ന്നത്‌, യേശു ഏതു പ്രയാ​സ​ങ്ങ​ളെ​ക്കു​റിച്ച്‌ മുന്നറി​യി​പ്പു​നൽകി? (ബി) അന്ത്യകാ​ലത്ത്‌ മക്കളെ വളർത്തു​ന്ന​തു​സം​ബ​ന്ധിച്ച്‌ യേശു​വി​ന്റെ വാക്കു​കൾക്ക്‌ എന്തു ബന്ധമുണ്ട്‌?

²⁰ നമ്മുടെ മുമ്പാകെ “ലോകാ​രം​ഭം​മു​തൽ ഇപ്പോൾവരെ സംഭവി​ച്ചി​ട്ടി​ല്ലാ​ത്ത​തും വീണ്ടും സംഭവി​ക്കു​ക​യി​ല്ലാ​ത്ത​തു​മായ മഹോ​പ​ദ്രവ”മാണ്‌ സ്ഥിതി​ചെ​യ്യു​ന്നത്‌. (മത്തായി 24:21) അത്‌ മുതിർന്ന​വർക്കും കുട്ടി​കൾക്കും ഒരു​പോ​ലെ ഒരു പ്രയാ​സ​കാ​ല​മാ​യി​രി​ക്കും. ഇപ്പോ​ഴത്തെ വ്യവസ്ഥി​തി​യു​ടെ സമാപ​ന​ത്തെ​ക്കു​റി​ച്ചുള്ള തന്റെ പ്രവച​ന​ത്തിൽ ക്രിസ്‌തീ​യ​സ​ത്യം കുടും​ബ​ങ്ങളെ ഭിന്നി​പ്പി​ക്കു​മെന്ന്‌ യേശു മുൻകൂ​ട്ടി​പ്പ​റ​യു​ക​യു​ണ്ടാ​യി. അവൻ ഇങ്ങനെ പ്രസ്‌താ​വി​ച്ചു: “തന്നെയു​മല്ല, സഹോ​ദരൻ സഹോ​ദ​ര​നെ​യും അപ്പൻ കുട്ടി​യെ​യും മരണത്തിന്‌ ഏൽപ്പി​ച്ചു​കൊ​ടു​ക്കും, മക്കൾ മാതാ​പി​താ​ക്കൾക്കെ​തി​രെ എഴു​ന്നേ​ററ്‌ അവരെ കൊല്ലി​ക്കും.” (മർക്കോസ്‌ 13:12) അന്ത്യകാ​ലത്ത്‌ മക്കളെ വളർത്തു​ന്നത്‌ എല്ലായ്‌പ്പോ​ഴും ശുദ്ധമായ സന്തോ​ഷ​മാ​യി​രി​ക്കു​ക​യി​ല്ലെന്ന്‌ പ്രകട​മാണ്‌. മേലു​ദ്ധ​രിച്ച യേശു​വി​ന്റെ വാക്കുകൾ പ്രകട​മാ​ക്കു​ന്ന​തു​പോ​ലെ അതിന്‌ ഹൃദയ​വേ​ദ​ന​യും നിരാ​ശ​യും അപകടം​പോ​ലും വരുത്തി​ക്കൂ​ട്ടാൻക​ഴി​യും.

21.(എ) ഭാവി​യെ​ക്കു​റിച്ച്‌ യാഥാർത്ഥ്യ​ബോ​ധ​ത്തോ​ടെ പരിചി​ന്തി​ക്കു​മ്പോൾ മാതാ​പി​താ​ക്കൾ അനുചി​ത​മാ​യി ഉൽക്കൺഠ​പ്പെ​ടേ​ണ്ട​തി​ല്ലാ​ത്ത​തെ​ന്തു​കൊണ്ട്‌? (ബി) അവർക്കും അവരുടെ മക്കൾക്കും എന്തു പ്രത്യാശ ഉണ്ടായി​രി​ക്കാൻക​ഴി​യും?

²¹ എന്നാൽ ഭാവി​പ്ര​യാ​സ​ങ്ങ​ളെ​ക്കു​റിച്ച്‌ പ്രാ​യോ​ഗി​ക​വീ​ക്ഷ​ണ​മു​ണ്ടാ​യി​രി​ക്കു​മ്പോൾത്തന്നെ കൊച്ചു​കു​ട്ടി​കൾ ഉള്ളവർ അനുചി​ത​മാ​യി ഭാവി​യെ​ക്കു​റിച്ച്‌ ഉൽക്കണ്‌ഠ​പ്പെ​ട​രുത്‌. അവർതന്നെ വിശ്വ​സ്‌ത​രാ​യി നില​കൊ​ള്ളു​ക​യും തങ്ങളുടെ കുട്ടി​കളെ “യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വൽക്ക​ര​ണ​ത്തി​ലും” വളർത്തു​ന്ന​തിന്‌ പരമാ​വധി യത്‌നി​ക്കു​ക​യും ചെയ്യു​ന്നു​വെ​ങ്കിൽ അവരുടെ അനുസ​ര​ണ​മുള്ള കുട്ടി​കളെ ആനുകൂ​ല്യ​ത്തോ​ടെ പരിഗ​ണി​ക്കു​മെന്ന്‌ അവർക്ക്‌ ഉറപ്പു​ണ്ടാ​യി​രി​ക്കാൻക​ഴി​യും. (എഫേസ്യർ 6:4; 1 കൊരി​ന്ത്യർ 7:14 താരത​മ്യ​പ്പെ​ടു​ത്തുക.) “മഹാപു​രു​ഷാര”ത്തിന്റെ ഭാഗമെന്ന നിലയിൽ അവർക്കും അവരുടെ കൊച്ചു കുട്ടി​കൾക്കും “മഹോ​പ​ദ്രവ”ത്തെ അതിജീ​വി​ക്കു​ന്ന​തിന്‌ പ്രത്യാ​ശി​ക്കാൻ കഴിയും. അങ്ങനെ​യുള്ള കുട്ടികൾ യഹോ​വ​യു​ടെ വിശ്വ​സ്‌ത​ദാ​സൻമാ​രാ​യി വളർന്നു​വ​രു​ന്നു​വെ​ങ്കിൽ അവർ തങ്ങൾക്ക്‌ ഉത്തരവാ​ദി​ത്ത​മുള്ള മാതാ​പി​താ​ക്ക​ളു​ണ്ടാ​യി​രു​ന്ന​തിൽ യഹോ​വ​യോട്‌ നിത്യം നന്ദിയു​ള്ള​വ​രാ​യി​രി​ക്കും.—വെളി​പ്പാട്‌ 7:9, 14; സദൃശ​വാ​ക്യ​ങ്ങൾ 4:1, 3, 10. (w88 3/1)

പുനരവലോകനചോദ്യങ്ങൾ

□ ഒരു കുട്ടി​യു​ടെ ജനനത്തിൽ ഏതു ദീർഘ​കാ​ല​പ​രി​പാ​ടി ഉൾപ്പെ​ട്ടി​രി​ക്കു​ന്നു?

□ ചില മൂപ്പൻമാർക്കും ശുശ്രൂ​ഷാ​ദാ​സൻമാർക്കും അവരുടെ പദവികൾ നഷ്ടപ്പെ​ട്ട​തെ​ന്തു​കൊണ്ട്‌?

□ ഒരു ക്രിസ്‌തീ​യ​ഭർത്താവ്‌ തന്റെ ഭാര്യ ഗർഭി​ണി​യാ​കു​ന്ന​തു​സം​ബ​ന്ധിച്ച്‌ ഏതു ഘടകങ്ങൾ പരിചി​ന്തി​ക്കണം?

□ ഒരു ക്രിസ്‌തീയ ദമ്പതി​മാർക്ക്‌ മക്കളി​ല്ലാ​ത്ത​വ​രും സന്തുഷ്ട​രു​മാ​യി​രി​ക്കാൻക​ഴി​യു​മെന്ന്‌ എന്തു തെളി​യി​ക്കു​ന്നു?

□ മാതാ​പി​താ​ക്കൾ ഒരു കുട്ടി​യു​ടെ ജനനത്തെ എങ്ങനെ പരിഗ​ണി​ക്കണം, അവർ ഭാവി​യെ​ക്കു​റിച്ച്‌ അനുചി​ത​മാ​യി ഉൽക്കണ്‌ഠ​പ്പെ​ടേ​ണ്ട​തി​ല്ലാ​ത്ത​തെ​ന്തു​കൊണ്ട്‌?

[25-ാം പേജിലെ ചിത്രം]

യോഗസമയങ്ങളിൽ കുട്ടി​കളെ ശാന്തരാ​ക്കു​ന്ന​തി​ന്റെ ഉത്തരവാ​ദി​ത്ത​ത്തിൽ പിതാ​ക്കൻമാർക്ക്‌ പങ്കുവ​ഹി​ക്കാൻക​ഴി​യും