⁵ മേൽവി​ചാ​ര​ക​ന്മാർക്കു വേണ്ട അടിസ്ഥാന തിരു​വെ​ഴു​ത്തു​യോ​ഗ്യ​തകൾ അപ്പോസ്‌ത​ല​നായ പൗലോസ്‌ തിമൊ​ഥെ​യൊ​സിന്‌ എഴുതിയ ആദ്യത്തെ ലേഖന​ത്തി​ലും തീത്തോ​സിന്‌ എഴുതിയ ലേഖന​ത്തി​ലും വ്യക്തമാ​യി വിവരി​ക്കു​ന്നുണ്ട്‌. 1 തിമൊ​ഥെ​യൊസ്‌ 3:1-7-ൽ ഇങ്ങനെ കാണുന്നു: “മേൽവി​ചാ​ര​ക​നാ​കാൻ പരി​ശ്ര​മി​ക്കുന്ന ഒരാൾ വാസ്‌ത​വ​ത്തിൽ വിശി​ഷ്ട​മാ​യൊ​രു കാര്യ​മാണ്‌ ആഗ്രഹി​ക്കു​ന്നത്‌. എന്നാൽ മേൽവി​ചാ​രകൻ ആക്ഷേപ​ര​ഹി​ത​നും ഒരു ഭാര്യ മാത്ര​മു​ള്ള​വ​നും ശീലങ്ങ​ളിൽ മിതത്വം പാലി​ക്കു​ന്ന​വ​നും സുബോ​ധ​മു​ള്ള​വ​നും ചിട്ട​യോ​ടെ ജീവി​ക്കു​ന്ന​വ​നും അതിഥി​പ്രി​യ​നും പഠിപ്പി​ക്കാൻ കഴിവു​ള്ള​വ​നും ആയിരി​ക്കണം. കുടി​യ​നോ അക്രമാ​സ​ക്ത​നോ ആയിരി​ക്ക​രുത്‌. വിട്ടു​വീഴ്‌ച ചെയ്യാൻ മനസ്സു​ള്ളവൻ ആയിരി​ക്കണം. വഴക്ക്‌ ഉണ്ടാക്കു​ന്ന​വ​നോ പണക്കൊ​തി​യ​നോ ആയിരി​ക്ക​രുത്‌. സ്വന്തകു​ടും​ബ​ത്തിൽ നല്ല രീതി​യിൽ നേതൃ​ത്വ​മെ​ടു​ക്കു​ന്ന​വ​നാ​യി​രി​ക്കണം. മേൽവി​ചാ​ര​കന്റെ മക്കൾ നല്ല കാര്യ​ഗൗ​ര​വ​മു​ള്ള​വ​രാ​യി അദ്ദേഹ​ത്തി​നു കീഴ്‌പെ​ട്ടി​രി​ക്കു​ന്ന​വ​രാ​യി​രി​ക്കണം. (കാരണം സ്വന്തകു​ടും​ബ​ത്തിൽ നേതൃ​ത്വ​മെ​ടു​ക്കാൻ അറിയാത്ത ഒരാൾ ദൈവ​ത്തി​ന്റെ സഭയെ എങ്ങനെ പരിപാ​ലി​ക്കാ​നാണ്‌?) അഹങ്കാ​രി​യാ​യി​ത്തീർന്നിട്ട്‌ പിശാ​ചി​നു വന്ന ശിക്ഷാ​വി​ധി​യിൽ വീണു​പോ​കാ​തി​രി​ക്കാൻ, പുതു​താ​യി വിശ്വാ​സം സ്വീക​രി​ച്ച​യാ​ളു​മാ​യി​രി​ക്ക​രുത്‌. മാത്രമല്ല, ദുഷ്‌കീർത്തി​യി​ലും പിശാ​ചി​ന്റെ കെണി​യി​ലും അകപ്പെ​ട്ടു​പോ​കാ​തി​രി​ക്കാൻ പുറത്തു​ള്ള​വർക്കി​ട​യി​ലും സത്‌പേ​രുള്ള ആളായി​രി​ക്കണം.”

⁸ മേൽവി​ചാ​ര​ക​ന്മാർ വെറും ബാലന്മാ​രോ പുതു​താ​യി വിശ്വാ​സം സ്വീക​രിച്ച പുരു​ഷ​ന്മാ​രോ ആയിരി​ക്ക​രുത്‌. മറിച്ച്‌ അവർ ക്രിസ്‌തീ​യ​ജീ​വി​ത​ച​ര്യ​യിൽ അനുഭ​വ​പ​രി​ച​യ​മു​ള്ള​വ​രാ​യി​രി​ക്കണം. വിശാ​ല​മായ ബൈബിൾപരിജ്ഞാനം അവർക്കുണ്ടായിരിക്കണം. തിരുവെഴുത്തുകളിൽ ആഴമായ ഗ്രാഹ്യം വേണം. കൂടാതെ സഭയോട്‌ ആത്മാർഥ​മായ സ്‌നേ​ഹ​വും വേണം. മാത്രമല്ല, ദുഷ്‌പ്ര​വൃ​ത്തി​ക്കാ​രോ​ടു കാര്യങ്ങൾ തുറന്ന്‌ സംസാ​രി​ക്കാ​നും അവരെ തിരു​ത്താ​നും ഉള്ള ധൈര്യം വേണം. എങ്കിലേ, ചൂഷണം ചെയ്യാൻ ശ്രമി​ക്കു​ന്ന​വ​രിൽനിന്ന്‌ ആടുകളെ സംരക്ഷി​ക്കാൻ കഴിയൂ. (യശ. 32:2) മേൽവി​ചാ​ര​ക​ന്മാർ ആത്മീയ​പ​ക്വ​ത​യുള്ള പുരു​ഷ​ന്മാ​രാ​ണെ​ന്നും ദൈവ​ത്തി​ന്റെ ആട്ടിൻകൂ​ട്ട​ത്തോട്‌ ആത്മാർഥ​മായ താത്‌പ​ര്യ​മു​ള്ള​വ​രാ​ണെ​ന്നും സഭയിലെ എല്ലാവർക്കും എളുപ്പം തിരി​ച്ച​റി​യാൻ കഴിയണം.