ഒരു പാവന​ര​ഹ​സ്യം ഇതൾവി​രി​യു​ന്നു

“ഈ ദൈവി​ക​ഭ​ക്തി​യു​ടെ മർമ്മം സമ്മതമാം​വണ്ണം വലുതാ​കു​ന്നു.”—1 തിമൊ​ഥെ​യോസ്‌ 3:16.

1. ഒന്നു തിമൊ​ഥെ​യോസ്‌ 3:16-ൽ ഏതു രഹസ്യം വർണ്ണി​ക്ക​പ്പെ​ട്ടി​രി​ക്കു​ന്നു?

പരമര​ഹ​സ്യ​ങ്ങൾ നിങ്ങളു​ടെ താത്‌പ​ര്യം ഉണർത്തു​ന്നു​വോ? നിങ്ങൾ രഹസ്യ​ങ്ങ​ളി​ലേക്ക്‌ ഊളി​യി​ടു​ന്നത്‌ ആസ്വദി​ക്കു​ന്നു​വോ? നമ്മില​നേ​ക​രും ആസ്വദി​ക്കു​ന്നു! അപ്പോൾ, സകല രഹസ്യ​ങ്ങ​ളി​ലും​വെച്ച്‌ അതിമ​ഹ​ത്തായ ഒന്ന്‌ ഞങ്ങൾ പരി​ശോ​ധി​ക്കു​മ്പോൾ ഞങ്ങളോ​ടു ചേരുക—അത്‌ ദൈവ​വ​ച​ന​ത്തിൽ ആയിര​ക്ക​ണ​ക്കി​നു വർഷങ്ങ​ളിൽ അടച്ചു​പൂ​ട്ടി​യി​രുന്ന ഒരു രഹസ്യ​മാണ്‌. ഈ പാവന​ര​ഹ​സ്യം നമ്മുടെ ഇപ്പോ​ഴ​ത്തെ​യും ഭാവി​യി​ലെ​യും ജീവനെ മർമ്മ​പ്ര​ധാ​ന​മാ​യി ബാധി​ക്കു​ന്നു. അത്‌ ‘ദൈവി​ക​ഭ​ക്തി​യു​ടെ പാവന​ര​ഹസ്യ’മാണ്‌. നമുക്കു​വേണ്ടി അത്‌ 1 തിമൊ​ഥെ​യോസ്‌ 3:16-ൽ വർണ്ണി​ക്ക​പ്പെ​ട്ടി​രി​ക്കു​ന്നു. ഈ ശ്രേഷ്‌ഠ​മായ രഹസ്യ​ത്തെ​യും അതിന്റെ വ്യാഖ്യാ​ന​ത്തെ​യും നമുക്കു കൃപാ​പൂർവം അറിയി​ച്ചു​തന്ന “രഹസ്യ​ങ്ങളെ വെളി​പ്പെ​ടു​ത്തു​ന്ന​വ​നായ” യഹോ​വ​യോട്‌ നാം എത്ര നന്ദിയു​ള്ള​വ​രാ​യി​രി​ക്കണം!—ദാനി​യേൽ 2:28, 29.

2. (എ) യഹോവ എപ്പോൾ ആദ്യമാ​യി ഒരു പാവന​ര​ഹ​സ്യ​ത്തെ​ക്കു​റി​ച്ചു പറഞ്ഞു, അപ്പോൾ അവൻ എന്തു വാഗ്‌ദാ​നം​ചെ​യ്‌തു? (ബി) ഏതു ചോദ്യ​ങ്ങൾക്കു ഉത്തരങ്ങൾ ആവശ്യ​മാണ്‌?

² സർപ്പം ഹവ്വായെ വഞ്ചിക്കു​ക​യും ആദാം മത്സരത്തിൽ അവളെ പിന്തു​ട​രു​ക​യും ചെയ്‌ത​പ്പോ​ഴാ​യി​രു​ന്നു യഹോവ ആദ്യം ഒരു പാവന​ര​ഹ​സ്യ​ത്തെ​ക്കു​റി​ച്ചു സംസാ​രി​ച്ചത്‌. “സന്തതി” അഥവാ സന്താനം സർപ്പത്തി​ന്റെ തലയെ തകർക്കു​മെന്ന്‌ ദൈവം അപ്പോൾ വാഗ്‌ദാ​നം​ചെ​യ്‌തു. (ഉല്‌പത്തി 3:15) ഈ സന്തതി ആരാണ്‌? അവൻ എങ്ങനെ സർപ്പത്തെ ജയിച്ച​ട​ക്കും? അവൻ ദൈവ​ത്തി​ന്റെ സത്യത​യെ​യും ഈ ഭൂമി​യെ​സം​ബ​ന്ധിച്ച അവന്റെ ഉദ്ദേശ്യ​ത്തെ​യും സംസ്ഥാ​പി​ക്കു​മോ?

3. സന്തതി​യു​ടെ താദാ​ത്മ്യ​വും പ്രവർത്ത​ന​വും സംബന്ധിച്ച്‌ ദിവ്യ​പ്ര​വ​ച​നങ്ങൾ ഏതു സൂചനകൾ നൽകി?

³ കാല​ക്ര​മ​ത്തിൽ, ദിവ്യ​പ്ര​വ​ച​നങ്ങൾ സന്തതി​യു​ടെ താദാ​ത്മ്യ​വും ഭാവി പ്രവർത്ത​ന​വും സംബന്ധിച്ച സൂചനകൾ വെളി​പ്പെ​ടു​ത്തി. അവൻ അബ്രഹാ​മി​ന്റെ ഒരു സന്തതി​യാ​യി​രി​ക്കും, ദാവീ​ദി​ന്റെ രാജ്യത്തെ അവകാ​ശ​പ്പെ​ടു​ത്തും, സമാധാ​ന​പ്രഭു എന്നു വിളി​ക്ക​പ്പെ​ടു​ക​യും ചെയ്യും. ‘അവന്റെ രാജകീ​യ​ഭ​ര​ണ​ത്തി​ന്റെ സമൃദ്ധി​ക്കും സമാധാ​ന​ത്തി​നും അവസാ​ന​മു​ണ്ടാ​യി​രി​ക്ക​യില്ല.’ (യെശയ്യാവ്‌ 9:6, 7; ഉല്‌പത്തി 22:15-18; സങ്കീർത്തനം 89:35-37) എന്നാൽ റോമർ 16:25 പ്രസ്‌താ​വി​ക്കു​ന്ന​തു​പോ​ലെ, ആ പാവന​ര​ഹ​സ്യം “ദീർഘ​മാ​യി നിൽക്കുന്ന കാലങ്ങ​ളിൽ നിശബ്ദ​മാ​യി സൂക്ഷി​ക്ക​പ്പെ​ട്ടി​രു​ന്നു.”

മർമ്മം പരിഹ​രി​ക്കു​ന്നു

4. പാവന​ര​ഹ​സ്യം ക്രി.വ. 29-ൽ ഇതൾവി​രി​യാൻ തുടങ്ങി​യ​തെ​ങ്ങനെ?

⁴ ഒടുവിൽ, നാലു സഹസ്രാ​ബ്ദ​ങ്ങൾക്കു​ശേഷം, പ്രകാശം ചൊരി​യ​പ്പെട്ടു! ഏതു വിധത്തിൽ? ക്രി.വ. 29-ൽ യോഹ​ന്നാൻ നസറേ​ത്തി​ലെ യേശു​വി​നെ യോർദ്ദാൻ നദിയിൽ സ്‌നാ​പ​ന​പ്പെ​ടു​ത്തി. സ്വർഗ്ഗ​ത്തിൽനിന്ന്‌ ദൈവ​ത്തി​ന്റെ ശബ്ദം ഇങ്ങനെ പ്രഖ്യാ​പി​ച്ചു: “ഇത്‌ എന്റെ പുത്ര​നാ​കു​ന്നു, ഞാൻ അംഗീ​ക​രി​ച്ചി​രി​ക്കുന്ന പ്രിയ​പ്പെ​ട്ടവൻ.” (മത്തായി 3:17) ഹാ, ഇതാ ഒടുവിൽ വാഗ്‌ദ​ത്ത​സ​ന്തതി! പാവന​ര​ഹ​സ്യം ദൈവി​ക​ഭക്തി ഉൾപ്പെടെ മഹത്തായ അതിന്റെ എല്ലാ വശങ്ങളി​ലും ഇതൾവി​രി​യാൻ തുടങ്ങി​യി​രു​ന്നു.

5. “ദൈവി​ക​ഭക്തി” എന്താണ്‌, അതാച​രി​ക്കു​ന്ന​വരെ അത്‌ എങ്ങനെ ബാധി​ക്കു​ന്നു?

⁵ “ദൈവി​ക​ഭക്തി”യെന്നതി​നാൽ നാം എന്താണ്‌ മനസ്സി​ലാ​ക്കു​ന്നത്‌? ക്രിസ്‌തീയ ഗ്രീക്ക്‌ തിരു​വെ​ഴു​ത്തു​ക​ളിൽ ഈ പദപ്ര​യോ​ഗം വെറും 20 പ്രാവ​ശ്യ​മാണ്‌ കാണ​പ്പെ​ടു​ന്നത്‌. അവയിൽ പകുതി​യി​ല​ധി​ക​വും തിമൊ​ഥെ​യോ​സി​നുള്ള പൗലോ​സി​ന്റെ രണ്ട്‌ ലേഖന​ങ്ങ​ളി​ലാണ്‌. തിരു​വെ​ഴു​ത്തു​കൾ സംബന്ധിച്ച ഉൾക്കാഴച എന്ന പ്രസി​ദ്ധീ​ക​രണം “ദൈവി​ക​ഭക്തി”യെ “ബഹുമാ​നം, ആരാധന, ദൈവ​ത്തി​ന്റെ പരമാ​ധി​കാ​ര​ത്തോ​ടുള്ള വിശ്വ​സ്‌തത സഹിത​മുള്ള ദൈവ​സേ​വനം” എന്നിങ്ങനെ നിർവ​ചി​ക്കു​ന്നു. ബഹുമാ​നം പുറ​പ്പെ​ടു​ന്നത്‌ ദൈവ​ത്തി​ന്റെ പ്രതാ​പ​ത്തോ​ടും അവന്റെ നിത്യ​ത​യോ​ടും അവന്റെ മഹത്തായ സൃഷ്ടി​ക​ളു​ടെ ബാഹു​ല്യ​ത്തോ​ടു​മുള്ള ഭയാദ​ര​വോ​ടെ ദൈവ​ത്തോട്‌ അടുപ്പി​ക്കുന്ന ഒരു ഹൃദയ​ത്തിൽനിന്ന്‌, വിലമ​തി​പ്പുള്ള മനുഷ്യ​രു​ടെ​മേൽ അവൻ ചൊരി​യുന്ന ആത്മീയ​വും ഭൗമി​ക​വു​മായ ദാനങ്ങൾക്കാ​യുള്ള നന്ദി​യോ​ടു​കൂ​ടിയ ഒരു ഹൃദയ​ത്തിൽനിന്ന്‌, പുറ​പ്പെ​ടു​ന്നു. സത്യമാ​യി, ദൈവി​ക​ഭ​ക്തി​യാ​ച​രി​ക്കുന്ന നമു​ക്കോ​രോ​രു​ത്തർക്കും സങ്കീർത്തനം 104:1-ൽ സങ്കീർത്ത​ന​ക്കാ​രൻ പറഞ്ഞതു​പോ​ലെ, പറയാൻ കഴിയും: “എൻദേ​ഹി​യേ, യഹോ​വയെ വാഴ്‌ത്തുക. എന്റെ ദൈവ​മായ യഹോവേ, നീ വളരെ വലിയ​വ​നെന്നു തെളി​ഞ്ഞി​രി​ക്കു​ന്നു. നീ പ്രതാ​പ​വും തേജസ്സും ധരിച്ചി​രി​ക്കു​ന്നു.”

6. (എ) യഹോ​വ​യു​ടെ ആരാധകർ ക്രൈ​സ്‌ത​വ​ലോ​ക​ത്തി​ലെ പള്ളിക​ളി​ലെ ചാരു​ബ​ഞ്ചു​ക​ളി​ലി​രി​ക്കു​ന്ന​വ​രിൽനിന്ന്‌ വ്യത്യാ​സ​പ്പെ​ട്ടി​രി​ക്കു​ന്ന​തെ​ങ്ങനെ? (ബി) പൗലോസ്‌ റോമർ 11:33, 34-ൽ എന്തു പറഞ്ഞു, അങ്ങനെ ഏതു ചോദ്യ​ങ്ങൾ ഉന്നയി​ക്ക​പ്പെ​ടു​ന്നു?

⁶ ദൈവ​ത്തോ​ടുള്ള നമ്മുടെ ഭക്തി പ്രകടി​പ്പി​ക്ക​പ്പെ​ടണം, പ്രവർത്ത​ന​ങ്ങ​ളി​ലൂ​ടെ​യാണ്‌ അതു പ്രകടി​പ്പി​ക്ക​പ്പെ​ടു​ന്നത്‌. ഈ കാര്യ​ത്തിൽ സത്യ​ദൈ​വ​മായ യഹോ​വ​യു​ടെ ആരാധകർ ക്രൈ​സ്‌ത​വ​ലോ​ക​ത്തി​ലെ ക്ഷയിച്ചു​കൊ​ണ്ടി​രി​ക്കുന്ന പള്ളിക​ളി​ലെ ചാരു​ബ​ഞ്ചു​ക​ളി​ലി​രി​ക്കു​ന്ന​വ​രിൽനിന്ന്‌ വളരെ വ്യത്യ​സ്‌ത​രാണ്‌. ഭൂമി​യി​ലെ അനേകർക്ക്‌ ഒരു മതമു​ണ്ടെ​ങ്കിൽ അത്‌ ഒരു ചടങ്ങാണ്‌, അവർ തങ്ങൾക്കു ചുററു​മുള്ള ദുഷിച്ച ലോക​ത്തോട്‌ അനുരൂ​പ​പ്പെ​ടുന്ന ജീവിതം നയിക്കെ തങ്ങളെ വിശു​ദ്ധ​രെന്നു തോന്നി​പ്പി​ക്കുന്ന ഒരു കപട​വേ​ഷ​മാ​ണത്‌. ദൈവം ആരാ​ണെ​ന്നു​പോ​ലും അവർക്ക്‌ അറിയാൻപാ​ടില്ല. തീർച്ച​യാ​യും അങ്ങനെ​യുള്ള ആളുകൾ പ്രവൃ​ത്തി​കൾ 17:23-ലെ പൗലോ​സി​ന്റെ വാക്കുകൾ പരിചി​ന്തി​ക്കേ​ണ്ട​യാ​വ​ശ്യ​മുണ്ട്‌. “ഒരു അജ്ഞാത​ദൈവ”ത്തെ പൂജി​ച്ചി​രുന്ന അഥേന​ക്കാ​രോട്‌ അവൻ ഇങ്ങനെ പറഞ്ഞു: “നിങ്ങൾ അറിയാ​തെ ദൈവി​ക​ഭ​ക്തി​യർപ്പി​ക്കു​ന്നത്‌, ഇതു ഞാൻ നിങ്ങ​ളോട്‌ അറിയി​ക്കു​ക​യാ​കു​ന്നു.” ആ മഹനീയ ദൈവ​ത്തെ​ക്കു​റിച്ച്‌ പൗലോസ്‌ റോമർ 11:33, 34-ൽ ഇങ്ങനെ ഉദ്‌ഘോ​ഷി​ക്കു​ന്നു: “ഹാ, ദൈവ​ത്തി​ന്റെ ധനത്തി​ന്റെ​യും ജ്ഞാനത്തി​ന്റെ​യും അറിവി​ന്റെ​യും ആഴം! അവന്റെ ന്യായ​വി​ധി​കൾ എത്ര ആരായാ​നാ​വാ​ത്ത​തും അവന്റെ വഴികൾ എത്ര കണ്ടുപി​ടി​ക്കാ​നാ​വാ​ത്ത​തു​മാ​കു​ന്നു! എന്തെന്നാൽ ‘യഹോ​വ​യു​ടെ മനസ്സറി​യാൻ ഇടയാ​യി​ട്ടു​ള്ളവൻ ആർ, അല്ലെങ്കിൽ അവന്റെ ഉപദേ​ശ​ക​നാ​യി​ത്തീർന്നി​ട്ടു​ള്ളവൻ ആർ?’” അപ്പോൾ നാം ദൈവ​ത്തി​ന്റെ വഴികൾ അറിയാ​നി​ട​യാ​കു​ന്ന​തെ​ങ്ങനെ? അത്‌ ‘ദൈവി​ക​ഭ​ക്തി​യു​ടെ പാവന​ര​ഹ​സ്യം’ മനസ്സി​ലാ​ക്കു​ന്ന​തി​നാ​ലാണ്‌. എന്നാൽ നാം അത്‌ എങ്ങനെ​യാണ്‌ ചെയ്യുക?

7. “ഈ ദൈവി​ക​ഭ​ക്തി​യു​ടെ പാവന​ര​ഹ​സ്യം സമ്മതാം​വണ്ണം വലുതാ​കു​ന്നു”വെന്ന്‌ പറയാൻ കഴിയു​ന്ന​തെ​ന്തു​കൊണ്ട്‌?

⁷ അപ്പോ​സ്‌ത​ല​നായ പൗലോസ്‌ 1 തിമൊ​ഥെ​യോസ്‌ 3-ാം അദ്ധ്യാ​യ​ത്തിൽ ആദ്യം ദൈവ​ത്തി​ന്റെ ഭവനത്തി​ലെ ഉത്തരവാ​ദി​ത്ത​മുള്ള ദാസൻമാ​രിൽനിന്ന്‌ എന്താവ​ശ്യ​പ്പെ​ട്ടി​രി​ക്കു​ന്നു​വെന്ന്‌ വിവരി​ക്കു​ന്നു, 1 തിമൊ​ഥെ​യോസ്‌ 3: 15-ാം വാക്യ​ത്തിൽ ദൈവ​ഭ​വനം “സത്യത്തി​ന്റെ ഒരു തൂണും താങ്ങു​മായ ജീവനുള്ള ദൈവ​ത്തി​ന്റെ സഭ” എന്നു വർണ്ണി​ക്ക​പ്പെ​ട്ടി​രി​ക്കു​ന്നു. അനന്തരം 1 തിമൊ​ഥെ​യോസ്‌ 3: 16-ാം വാക്യ​ത്തിൽ പൗലോസ്‌ ഇങ്ങനെ കൂട്ടി​ച്ചേർക്കു​ന്നു: “ഈ ദൈവി​ക​ഭ​ക്തി​യു​ടെ പാവന​ര​ഹ​സ്യം സമ്മതാം​വണ്ണം വലുതാ​കു​ന്നു.” തീർച്ച​യാ​യും വലുതാണ്‌, കാരണം ഈ രഹസ്യ​ത്തി​ന്റെ പൂട്ടു തുറക്കു​ന്ന​തി​നും ദൈവി​ക​ഭക്തി യഥാർത്ഥ​ത്തിൽ എന്താ​ണെ​ന്നും അത്‌ സത്യാ​രാ​ധ​ന​യിൽ മർമ്മ​പ്ര​ധാ​ന​മാ​യി​രി​ക്കു​ന്ന​തെ​ങ്ങ​നെ​യെ​ന്നും പ്രകട​മാ​ക്കു​ന്ന​തി​നും​വേണ്ടി യഹോവ തന്റെ ഏകജാ​ത​നായ പുത്രനെ ഭൂമി​യി​ലേ​ക്ക​യച്ചു. ഈ ദൈവി​ക​ഭ​ക്തി​യു​ടെ പാവന​ര​ഹ​സ്യം ഇവിടെ ഭൂമി​യി​ലെ യേശു​വി​ന്റെ ജീവി​ത​ഗ​തി​യിൽ പ്രകാ​ശി​ത​മാ​ക്ക​പ്പെ​ട്ടി​രി​ക്കു​ന്നു. യഹോ​വയെ സ്‌നേ​ഹി​ക്കുന്ന സകലരും ദൈവി​ക​ഭ​ക്തി​യെ ഉദാഹ​രിച്ച ക്രിസ്‌തു​വിൻമേൽ തങ്ങളുടെ വിശ്വാ​സ​വും ജീവി​ത​വും കെട്ടു​പ​ണി​ചെ​യ്യണം. ആ സ്ഥിതിക്ക്‌ യേശു ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തെ എങ്ങനെ​യാണ്‌ വിശദ​മാ​ക്കി​യത്‌?

ആറു വശങ്ങൾ

8. (എ) പൗലോസ്‌ 1 തിമൊ​ഥെ​യോസ്‌ 3:16-ൽ വർണ്ണി​ക്കുന്ന പാവന​ര​ഹ​സ്യ​ത്തി​ന്റെ ആറ്‌ വശങ്ങളേവ? (ബി) പ്രത്യ​ക്ഷ​നാ​ക്ക​പ്പെട്ട “അവൻ” ആരാണ്‌?

⁸ ദിവ്യ​നി​ശ്വ​സ്‌ത​ത​യാൽ പൗലോസ്‌ ആ ചോദ്യ​ത്തിന്‌ ഉത്തരം നൽകുന്നു. ഇവിടെ 1 തിമൊ​ഥെ​യോസ്‌ 3:16-ൽ അവൻ ഈ പാവന​ര​ഹ​സ്യ​ത്തി​ന്റെ ആറു വശങ്ങൾ വർണ്ണി​ച്ചു​കൊ​ണ്ടു പറയുന്നു: “അവൻ [1] ജഡത്തിൽ പ്രത്യ​ക്ഷ​നാ​ക്ക​പ്പെട്ടു, [2] ആത്മാവിൽ നീതി​മാ​നാ​യി പ്രഖ്യാ​പി​ക്ക​പ്പെട്ടു, [3] ദൂതൻമാർക്കു പ്രത്യ​ക്ഷ​നാ​യി, [4] ജനതക​ളു​ടെ ഇടയിൽ പ്രസം​ഗി​ക്ക​പ്പെട്ടു, [5] ലോക​ത്തിൽ വിശ്വ​സി​ക്ക​പ്പെട്ടു, [6] തേജസ്സിൽ എടുക്ക​പ്പെട്ടു.” പ്രത്യ​ക്ഷ​നാ​ക്ക​പ്പെട്ട “അവൻ” ആരാണ്‌? പ്രസ്‌പ​ഷ്ട​മാ​യി, “അവൻ” ദൈ​വേ​ഷ്ടം​ചെ​യ്യാൻ വന്നവനും വാഗ്‌ദത്ത സന്തതി​യു​മായ യേശു​വാണ്‌. അവൻ പാവന​ര​ഹ​സ്യ​ത്തെ യഥാർത്ഥ​ത്തിൽ വലുതാ​ക്കു​ന്ന​വ​നാ​യി പാവന​ര​ഹ​സ്യം സംബന്ധിച്ച്‌ മുഖ്യ​നാണ്‌.

9. ഒന്നു തിമൊ​ഥെ​യോസ്‌ 3:16 “ദൈവം ജഡത്തിൽ പ്രത്യ​ക്ഷ​നാ​ക്ക​പ്പെട്ടു”വെന്ന്‌ വായി​ക്ക​പ്പെ​ട​രു​തെ​ന്നു​ള്ള​തിന്‌ എന്തു തെളി​വുണ്ട്‌?

⁹ ഒന്നു തിമൊ​ഥെ​യോസ്‌ 3:16-ലെ “അവൻ” ദൈവം​ത​ന്നെ​യാ​ണെന്നു പറഞ്ഞു​കൊണ്ട്‌ ത്രിത്വ​വി​ശ്വാ​സി​കൾ പാവന​ര​ഹ​സ്യ​ത്തി​ന്റെ ഗ്രാഹ്യ​ത്തെ കുഴപ്പി​ക്കാൻ ശ്രമി​ക്കു​ന്നു. ഇതിന്‌ അവർ കിംഗ്‌ ജയിംസ്‌ ബൈബി​ളി​നെ​യാണ്‌ അടിസ്ഥാ​ന​പ്പെ​ടു​ത്തു​ന്നത്‌. അത്‌ “ദൈവം ജഡത്തിൽ വെളി​പ്പെട്ടു”വെന്ന്‌ വായി​ക്ക​പ്പെ​ടു​ന്നു. എന്നുവ​രി​കി​ലും, ഏററവും വിശ്വ​സ​നീ​യ​മായ ഗ്രീക്ക്‌ കൈ​യെ​ഴു​ത്തു​പ്ര​തി​കൾ എന്താണു പറയു​ന്നത്‌? പൂർവാ​പ​ര​യോ​ജി​പ്പോ​ടെ അവ “ദൈവം” എന്നതിനു പകരം “അവൻ” എന്ന സർവനാ​മം ഉപയോ​ഗി​ക്കു​ന്നു. ഈ തിരു​വെ​ഴു​ത്തിൽ “ദൈവം” എന്നു ചേർത്തത്‌ പകർപ്പെ​ഴു​ത്തു​കാ​രു​ടെ ഒരു തെററാ​ണെന്ന്‌ പാഠനി​രൂ​പ​കൻമാർ ഇപ്പോൾ സമ്മതി​ക്കു​ന്നുണ്ട്‌. അങ്ങനെ, അമേരി​ക്കൻ സററാൻഡേർഡ വേർഷൻ, ദി ന്യൂ ഇംഗ്ലീഷ ബൈബിൾ, ന്യൂ വേൾഡ ട്രാൻസേ​ഷ്‌ളൻ മുതലാ​യി കുറേ​കൂ​ടെ അടുത്ത​കാ​ലത്തെ വിവർത്ത​നങ്ങൾ ‘അവൻ [അല്ലെങ്കിൽ പ്രത്യ​ക്ഷ​പ്പെ​ട്ടവൻ] ജഡത്തിൽ പ്രത്യ​ക്ഷ​നാ​ക്ക​പ്പെട്ടു’വെന്ന്‌ ശരിയാ​യി​ത്തന്നെ വായി​ക്ക​പ്പെ​ടു​ന്നു. അല്ല, “ജഡത്തിൽ” പ്രത്യ​ക്ഷ​പ്പെ​ട്ടത്‌ ദൈവം​ത​ന്നെ​യാ​യി​രു​ന്നില്ല. പകരം, അത്‌ അവന്റെ പ്രിയ​പ്പെട്ട പുത്ര​നും ആദ്യസൃ​ഷ്ടി​യു​മാ​യി​രു​ന്നു. അവനെ​സം​ബ​ന്ധിച്ച്‌ അപ്പോ​സ്‌ത​ല​നായ യോഹ​ന്നാൻ ഇങ്ങനെ എഴുതി: “അങ്ങനെ വചനം ജഡമാ​യി​ത്തീർന്നു നമ്മുടെ ഇടയിൽ വസിച്ചു, നമുക്ക്‌ അവന്റെ മഹത്വ​ത്തി​ന്റെ, ഒരു പിതാ​വിൽനി​ന്നുള്ള ഒരു ഏകജാ​ത​പു​ത്ര​ന്റേ​തു​പോ​ലെ​യുള്ള ഒരു മഹത്വ​ത്തി​ന്റെ, ഒരു വീക്ഷണം ലഭിച്ചു; അവനിൽ അനർഹ​ദ​യ​യും സത്യവും നിറഞ്ഞി​രു​ന്നു.”—യോഹ​ന്നാൻ 1:14.

“ജഡത്തിൽ പ്രത്യ​ക്ഷ​നാ​ക്ക​പ്പെട്ടു”

10. (എ) യേശു​വി​ന്റെ സ്‌നാ​പ​ന​ത്തി​ങ്കൽ പാവന​ര​ഹ​സ്യ​ത്തി​ന്റെ ഒന്നാമത്തെ സവി​ശേഷത പ്രകട​മാ​യ​തെ​ങ്ങനെ? (ബി) യേശു “ഒടുക്കത്തെ ആദാം” ആയിത്തീർന്ന​തെ​ന്തു​കൊണ്ട്‌?

¹⁰ യേശു​വി​ന്റെ സ്‌നാ​പ​ന​ത്തി​ങ്കൽ പാവന​ര​ഹ​സ്യ​ത്തി​ന്റെ ആദ്യ സവി​ശേഷത പ്രകട​മാ​യി: യേശു ദൈവ​ത്തി​ന്റെ അഭിഷിക്ത പുത്ര​നാ​യി “ജഡത്തിൽ പ്രത്യ​ക്ഷ​നാ​ക്ക​പ്പെട്ടു.” യഹോ​വ​യാം ദൈവം തന്റെ പുത്രന്റെ ജീവനെ സ്വർഗ്ഗ​ത്തിൽനിന്ന്‌ മറിയ​യു​ടെ ഗർഭപാ​ത്ര​ത്തി​ലേക്കു മാററി​യി​രു​ന്നു. തന്നിമി​ത്തം യേശു​വിന്‌ ഒരു പൂർണ്ണ​മ​നു​ഷ്യ​നാ​യി ജഡത്തിൽ ജനിക്കാൻ കഴിയു​മാ​യി​രു​ന്നു. അങ്ങനെ, 1 കൊരി​ന്ത്യർ 15:45-47 പ്രകട​മാ​ക്കു​ന്ന​തു​പോ​ലെ, യേശു രണ്ടാമത്തെ അഥവാ “ഒടുക്കത്തെ” ആദാമാ​യി​ത്തീർന്നു, ഒന്നാമത്തെ ആദാമി​നോ​ടു കൃത്യ​മാ​യി സദൃശ​നായ ഒരു പൂർണ്ണ​മ​നു​ഷ്യ​ദേ​ഹി​തന്നെ. എന്തു​ദ്ദേ​ശ്യ​ത്തിൽ? ഒന്നു തിമൊ​ഥെ​യോസ്‌ 2:5, 6 “ഒടുക്കത്തെ ആദാ”മിനെ “എല്ലാവർക്കും​വേണ്ടി ഒരു അനുരൂപ മറുവി​ല​യാ​യി തന്നെത്താൻ കൊടുത്ത ഒരു മനുഷ്യ​നായ യേശു​ക്രി​സ്‌തു” എന്നു പരാമർശി​ക്കു​ന്നു. പൂർണ്ണ​ത​യുള്ള ഒരു മനുഷ്യ​ബ​ലി​യു​ടെ ഈ നിയമ​പ​ര​മായ അടിസ്ഥാ​ന​ത്തിൽ തന്റെ രാജ്യ​ത്തിൽ തന്നോ​ടു​കൂ​ടെ കൂട്ടവ​കാ​ശി​ക​ളാ​യി​ത്തീ​രുന്ന 1,44,000 മനുഷ്യ​രോ​ടുള്ള ഒരു പുതിയ ഉടമ്പടിക്ക്‌ യേശു മാദ്ധ്യസ്ഥം വഹിക്കു​ന്നു.—വെളി​പ്പാട്‌ 14:1-3.

11. യേശു​വി​ന്റെ മറുവി​ല​യാ​ഗ​ത്തി​ന്റെ പ്രയോ​ജ​നങ്ങൾ ആരി​ലേക്കു വ്യാപി​ക്കു​ന്നു?

¹¹ യേശു​വി​ന്റെ ബലിമ​ര​ണ​ത്തിൽനിന്ന്‌ മററു​ള്ള​വർക്കും പ്രയോ​ജ​നം​കി​ട്ടു​മോ? തീർച്ച​യാ​യും കിട്ടും! യേശു​ക്രി​സ്‌തു “നമ്മുടെ പാപങ്ങൾക്കു [അതായത്‌ യോഹ​ന്നാ​നെ​പ്പോ​ലെ​യുള്ള അഭിഷി​ക്ത​ക്രി​സ്‌ത്യാ​നി​ക​ളു​ടെ പാപങ്ങൾക്ക്‌] ഒരു പ്രായ​ശ്ചിത്ത യാഗമാ​കു​ന്നു, എന്നാൽ നമ്മു​ടേ​തി​നു മാത്രമല്ല, പിന്നെ​യോ സർവ​ലോ​ക​ത്തി​ന്റേ​തി​നും​തന്നെ” എന്ന്‌ ഒന്നു യോഹ​ന്നാൻ 2:2 പ്രസ്‌താ​വി​ക്കു​ന്നു. അങ്ങനെ യേശു​വി​ന്റെ മറുവി​ല​യാ​ഗ​ത്തി​ന്റെ പ്രയോ​ജ​നങ്ങൾ 1,44,000 അഭിഷി​ക്ത​ക്രി​സ്‌ത്യാ​നി​കൾക്കും അപ്പുറം വളരെ ദൂരത്തിൽ വ്യാപിച്ച്‌ മുഴു​മ​നു​ഷ്യ​വർഗ്ഗ​ലോ​ക​ത്തി​ലേ​ക്കു​മെ​ത്തു​ന്നു. ഇപ്പോൾ ജീവി​ക്കുന്ന ഒരു “മഹാപു​രു​ഷാര”ത്തിനും പറുദീ​സാ​ഭൂ​മി​യിൽ പുനരു​ത്ഥാ​നം പ്രാപി​ക്കുന്ന ശതകോ​ടി​കൾക്കും യേശു​വി​ന്റെ മറുവി​ല​യാ​ഗ​ത്തി​ലുള്ള വിശ്വാ​സ​ത്തി​ന്റെ അടിസ്ഥാ​ന​ത്തിൽ നിത്യ​ജീ​വൻ ലഭി​ക്കേ​ണ്ട​താണ്‌. വെളി​പ്പാട്‌ 7:9, 10-ൽ പ്രവചി​ക്ക​പ്പെ​ട്ടി​രി​ക്കു​ന്ന​തു​പോ​ലെ, ഇപ്പോൾത്തന്നെ മഹാപു​രു​ഷാ​രം കുഞ്ഞാ​ടായ യേശു​ക്രി​സ്‌തു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സം പ്രകടി​പ്പി​ച്ചു​കൊണ്ട്‌ തങ്ങളുടെ അങ്കികൾ അലക്കി​വെ​ളു​പ്പി​ച്ചി​രി​ക്കു​ന്നു. ദൈവ​ത്തോ​ടുള്ള സൗഹൃദം സംബന്ധിച്ച്‌ അവർ നീതി​മാൻമാ​രാ​യി എണ്ണപ്പെ​ടു​ന്നു. സന്തോ​ഷ​ത്തോ​ടെ അവർ പാവന​ര​ഹ​സ്യ​ത്തി​ന്റെ വിവിധ വശങ്ങൾ പഠിക്കു​ക​യും യേശു​വി​ന്റെ മാതൃ​ക​യ്‌ക്ക​നു​യോ​ജ്യ​മാ​യി ദൈവി​ക​ഭക്തി പ്രകട​മാ​ക്കു​ക​യും ചെയ്യുന്നു!

മററു വശങ്ങൾ

12. യേശു എങ്ങനെ “ആത്മാവിൽ നീതി​മാ​നാ​യി പ്രഖ്യാ​പി​ക്ക​പ്പെട്ടു”?

¹² ഇപ്പോൾ, 1 തിമൊ​ഥെ​യോസ്‌ 3:16-ലെ രണ്ടാമത്തെ സവി​ശേഷത സംബന്ധി​ച്ചെന്ത്‌? യേശു “ആത്മാവിൽ നീതി​മാ​നാ​യി പ്രഖ്യാ​പി​ക്ക​പ്പെട്ടു.” എന്നാൽ എങ്ങനെ? യഹോവ തന്റെ നിർമ്മ​ല​താ​പാ​ല​ക​നായ പുത്രനെ മരിച്ച​വ​രിൽനിന്ന്‌ ആത്മീയ ജീവനി​ലേക്ക്‌ ഉയർപ്പി​ച്ച​തി​നാൽ. ഇത്‌ യേശു തികച്ചും നീതി​മാ​നാ​ണെ​ന്നും കൂടു​ത​ലായ ഉയർന്ന നിയമ​ന​ങ്ങൾക്ക്‌ യോഗ്യ​നാ​ണെ​ന്നും ദൈവം പ്രഖ്യാ​പി​ക്കു​ന്ന​തി​നു തുല്യ​മാ​യി​രു​ന്നു. റോമർ 1:4 പ്രസ്‌താ​വി​ക്കുന്ന പ്രകാരം, യേശു “മരിച്ച​വ​രിൽനി​ന്നുള്ള പുനരു​ത്ഥാ​ന​ത്താൽ വിശു​ദ്ധി​യു​ടെ ആത്മാവി​ന​നു​സൃ​ത​മാ​യി ദൈവ​പു​ത്ര​നാ​യി പ്രഖ്യാ​പി​ക്ക​പ്പെട്ടു.” ഇതു സ്ഥിരീ​ക​രി​ച്ചു​കൊണ്ട്‌ പത്രോസ്‌ തന്റെ ഒന്നാമത്തെ ലേഖന​ത്തി​ന്റെ 3-ാം അദ്ധ്യായം 18-ാം വാക്യ​ത്തിൽ നമ്മോട്‌ ഇങ്ങനെ പറയുന്നു: “നിങ്ങളെ ദൈവ​ത്തി​ങ്ക​ലേക്കു നയി​ക്കേ​ണ്ട​തിന്‌ നീതി​കെ​ട്ട​വർക്കു​വേ​ണ്ടി​യുള്ള നീതി​മാ​നായ ഒരു ആളായ ക്രിസ്‌തു പാപസം​ബ​ന്ധ​മാ​യി എന്നേക്കു​മാ​യി ഒരിക്കൽ മരിച്ചു, അവൻ ജഡത്തിൽ കൊല്ല​പ്പെട്ടു, എന്നാൽ ആത്മാവിൽ ജീവി​പ്പി​ക്ക​പ്പെട്ടു.” ദൈവി​ക​ഭക്തി സംബന്ധിച്ച യേശു​വി​ന്റെ ദൃഷ്ടാന്തം നിങ്ങളെ ദൈവ​ത്തി​ങ്ക​ലേക്കു നയിക്കു​ന്നു​വോ?

13. പുനരു​ത്ഥാ​നം പ്രാപിച്ച യേശു ഏതു ദൂതൻമാർക്കു പ്രത്യ​ക്ഷ​പ്പെട്ടു, അവൻ അവരോട്‌ ഏതു തരം സന്ദേശ​മാണ്‌ പ്രസം​ഗി​ച്ചത്‌?

¹³ ഒന്നു തിമൊ​ഥെ​യോസ്‌ 3:16-ൽ തുടർന്നു​കൊണ്ട്‌ പൗലോസ്‌ അടുത്ത​താ​യി പാവന​ര​ഹ​സ്യ​ത്തി​ന്റെ മൂന്നാ​മത്തെ സവി​ശേ​ഷ​തയെ പരാമർശി​ച്ചു​കൊണ്ട്‌ യേശു “ദൂതൻമാർക്കു പ്രത്യ​ക്ഷ​നാ​യി” എന്നു പറയുന്നു. ഈ ദൂതൻമാർ ആരായി​രി​ക്കാം? ഇപ്പോൾ “ആത്മാവിൽ ജീവി​പ്പി​ക്ക​പ്പെട്ടി”രിക്കുന്ന യേശു​വി​നെ സംബന്ധിച്ച്‌ പത്രോസ്‌ 1 പത്രോസ്‌ 3:19, 20-ൽ എഴുതു​ന്നു: “ഈ അവസ്ഥയിൽ അവൻ പോയി നോഹ​യു​ടെ നാളു​ക​ളിൽ ദൈവ​ത്തി​ന്റെ ക്ഷമ കാത്തി​രു​ന്ന​പ്പോൾ ഒരിക്കൽ അനുസ​ര​ണം​കെ​ട്ട​വ​രാ​യി തടവി​ലു​ണ്ടാ​യി​രുന്ന ആത്മാക്ക​ളോ​ടു പ്രസം​ഗി​ച്ചു.” യൂദാ 6 അനുസ​രിച്ച്‌ ആ ആത്മാക്കൾ സ്വർഗ്ഗ​ങ്ങ​ളി​ലെ “തങ്ങളുടെ ആദ്യസ്ഥാ​നം നിലനിർത്താ​തെ തങ്ങളുടെ ഉചിത​മായ സ്വന്തം വാസസ്ഥലം ഉപേക്ഷിച്ച ദൂതൻമാർ” ആയിരു​ന്നു. അവർ സ്‌ത്രീ​ക​ളു​മാ​യുള്ള നിയമ​വി​രുദ്ധ ലൈം​ഗി​ക​വേ​ഴ്‌ച​ക​ളാ​സ്വ​ദി​ക്കു​ന്ന​തിന്‌ ജഡശരീ​രങ്ങൾ ധരിച്ചു. ജലപ്ര​ളയം ആത്മമണ്ഡ​ല​ത്തി​ലേക്കു മടങ്ങാൻ ആ ദൂതൻമാ​രെ നിർബ​ദ്ധ​രാ​ക്കി​യ​പ്പോൾ അവർ തികഞ്ഞ അധഃപ​ത​ന​ത്തി​ന്റെ ഒരു അവസ്ഥയായ ററാർട്ട​റ​സി​ലേക്ക്‌ എറിയ​പ്പെട്ടു. (2 പത്രോസ്‌ 2:4) പുനരു​ത്ഥാ​നം പ്രാപിച്ച യേശു അവരോ​ടു പ്രസം​ഗി​ച്ചു. എന്നാൽ അത്‌ ഒരു രക്ഷാദൂ​താ​യി​രു​ന്നോ? തീർച്ച​യാ​യും അല്ലായി​രു​ന്നു! എന്നാൽ, യേശു അവരുടെ ദുഷ്ടതയെ ദൈവി​ക​ഭ​ക്തി​ക്കു കടകവി​രു​ദ്ധ​മെന്ന നിലയിൽ കുററം​വി​ധി​ച്ചു. ഇന്ന്‌ ലൈം​ഗി​ക​ദുർമ്മാർഗ്ഗ​വു​മാ​യി കളിക്കുന്ന ദൈവ​ജ​ന​ത്തിൽപെട്ട ആരും ആ ദൂതൻമാ​രു​ടെ​മേൽ ഉച്ചരി​ക്ക​പ്പെട്ട ന്യായ​വി​ധി​യിൽനിന്ന്‌ മുന്നറി​യി​പ്പു സ്വീക​രി​ക്കേ​ണ്ട​താണ്‌!

14. യേശു “ജനതക​ളു​ടെ ഇടയിൽ പ്രസം​ഗി​ക്ക​പ്പെട്ടു”തുടങ്ങി​യ​തെ​ങ്ങനെ?

¹⁴ യേശു “ജനതക​ളു​ടെ ഇടയിൽ പ്രസം​ഗി​ക്ക​പ്പെട്ടു”വെന്നതാണ്‌ 1 തിമൊ​ഥെ​യോസ്‌ 3:16-ലെ നാലാ​മത്തെ സവി​ശേഷത. ഇത്‌ എങ്ങനെ നിവൃ​ത്തി​യാ​യി​രി​ക്കു​ന്നു? യേശു തന്റെ അറസ്‌റ​റി​നു തൊട്ടു​മുമ്പ്‌ തന്റെ അപ്പോ​സ്‌ത​ലൻമാ​രോട്‌ ഇങ്ങനെ പറഞ്ഞു: “ഏററവും സത്യമാ​യി ഞാൻ നിങ്ങ​ളോ​ടു പറയുന്നു, എന്നിൽ വിശ്വാ​സം പ്രകട​മാ​ക്കു​ന്നവൻ ഞാൻ ചെയ്യുന്ന പ്രവൃ​ത്തി​ക​ളും ചെയ്യും; അവൻ ഇവയിൽ വലിയ പ്രവൃ​ത്തി​ക​ളും ചെയ്യും, എന്തു​കൊ​ണ്ടെ​ന്നാൽ ഞാൻ പിതാ​വി​ന്റെ അടുക്ക​ലേക്കു പോകു​ക​യാ​കു​ന്നു.” (യോഹ​ന്നാൻ 14:12) അതിനു​ശേഷം താമസി​യാ​തെ ക്രി.വ. 33ലെ പെന്തെ​ക്കോ​സ്‌തിൽ യേശു തന്റെ ശിഷ്യൻമാ​രു​ടെ​മേൽ പരിശു​ദ്ധാ​ത്മാ​വി​നെ പകർന്നു, “ഈ യേശു​വി​നെ ദൈവം പുനരു​ത്ഥാ​ന​പ്പെ​ടു​ത്തി”യെന്ന ഞെട്ടി​ക്കുന്ന വാർത്ത യഹൂദൻമാ​രോ​ടു പ്രസം​ഗി​ക്ക​പ്പെ​ടാൻ തുടങ്ങി. പിന്നീട്‌, ശമര്യ​രും ദൈവ​വ​ചനം കൈ​ക്കൊ​ള്ളു​ക​യും പരിശു​ദ്ധാ​ത്മാ​വു പ്രാപി​ച്ചു​തു​ട​ങ്ങു​ക​യും​ചെ​യ്‌തു. (പ്രവൃ​ത്തി​കൾ 2:32; 8:14-17) പിന്നീട്‌, ക്രി.വ. 36-ൽ പത്രോസ്‌ കോർന്നേ​ലി​യോ​സി​നോ​ടും അയാളു​ടെ വീട്ടിൽ സമ്മേളി​ച്ചി​രുന്ന മററു വിജാ​തീ​യ​രോ​ടും പ്രസം​ഗി​ച്ചു. അങ്ങനെ, യേശു​വി​നെ സംബന്ധി​ച്ചുള്ള സുവാർത്ത “ജനതക​ളു​ടെ ഇടയിൽ പ്രസം​ഗി​ക്ക​പ്പെട്ടു”തുടങ്ങി, അതായത്‌ യഹൂദ​രേ​ത​ര​രു​ടെ ഇടയിൽ. അവരും പരിശു​ദ്ധാ​ത്മാ​വി​നാൽ അഭി​ഷേ​കം​ചെ​യ്യ​പ്പെട്ടു.

15. ഒന്നാം നൂററാ​ണ്ടി​ലെ ക്രിസ്‌ത്യാ​നി​കൾ ദൈവി​ക​ഭ​ക്തി​യു​ടെ രഹസ്യം നന്നായി മനസ്സി​ലാ​ക്കി​യി​രു​ന്നു​വെന്ന്‌ എന്തു തെളി​യി​ക്കു​ന്നു?

¹⁵ പ്രവൃ​ത്തി​കൾ 12:24-ൽ റിപ്പോർട്ടു​ചെ​യ്‌തി​രുന്ന പ്രകാരം, “യഹോ​വ​യു​ടെ വചനം തുടർന്നു​വ​ള​രു​ക​യും പരക്കു​ക​യും​ചെ​യ്‌തു​കൊ​ണ്ടി​രു​ന്നു.” വടക്കൻ ഗ്രീസിൽ ഇപ്പോ​ഴും ചെയ്യ​പ്പെ​ടു​ന്ന​തു​പോ​ലെ, എതിരാ​ളി​കൾ മുറവി​ളി​ച്ചു​കൊ​ണ്ടി​രു​ന്നു​വെന്ന്‌ പ്രവൃ​ത്തി​കൾ 17:6 പറയുന്നു: “നിവസി​ത​ഭൂ​മി​യെ മറിച്ചു​ക​ള​ഞ്ഞി​രി​ക്കുന്ന ഈ മനുഷ്യർ ഇവി​ടെ​യും വന്നിരി​ക്കു​ന്നു.” സുവാർത്ത “ആകാശ​ത്തിൻകീ​ഴുള്ള സകല സൃഷ്ടി​യി​ലും പ്രസം​ഗി​ക്ക​പ്പെ​ട്ടു​വെന്ന്‌ 30 വർഷത്തി​നു​ള്ളിൽ പൗലോ​സി​നു റോമിൽനിന്ന്‌ എഴുതാൻ കഴിഞ്ഞു. (കൊ​ലോ​സ്യർ 1:23) ആ കാലത്തെ ക്രിസ്‌ത്യാ​നി​കൾ ദൈവി​ക​ഭ​ക്തി​യു​ടെ പാവന​ര​ഹ​സ്യം നന്നായി മനസ്സി​ലാ​ക്കി​യി​രു​ന്നു. എത്ര തീക്ഷ്‌ണ​മാ​യി അവർ അതു ബാധക​മാ​ക്കി​ക്കൊ​ണ്ടി​രു​ന്നു! രാജ്യ​പ്ര​സം​ഗ​ത്തി​ന്റെ ഈ മൂർദ്ധ​ന്യ​നാ​ളിൽ നമുക്കും അതു​പോ​ലെ അതു പഠിച്ച്‌ ബാധക​മാ​ക്കാം!

16. പാവന​ര​ഹ​സ്യ​ത്തി​ന്റെ അഞ്ചാമത്തെ സവി​ശേഷത എന്തായി​രു​ന്നു, ഏതു പ്രവർത്തനം അതിനെ പ്രകട​മാ​ക്കി?

¹⁶ ഒന്നാം നൂററാ​ണ്ടി​ലെ ആ പ്രസം​ഗ​ത്തോ​ടുള്ള പ്രതി​ക​ര​ണ​മാ​യി 1 തിമൊ​ഥെ​യോസ്‌ 3:16-ലെ പാവന​ര​ഹ​സ്യ​ത്തി​ന്റെ അഞ്ചാമത്തെ സവി​ശേഷത ഗണ്യമാ​യി പ്രകട​മാ​യി. യേശു ഇപ്പോൾ “ലോക​ത്തിൽ വിശ്വ​സി​ക്ക​പ്പെട്ടു.” ഇത്‌ പൗലോ​സും തിമൊ​ഥെ​യോ​സും ഉൾപ്പെ​ടെ​യുള്ള തീക്ഷ്‌ണ​ത​യുള്ള മിഷന​റി​മാ​രു​ടെ ക്രിസ്‌തു​തു​ല്യ​മായ ദൈവി​ക​ഭ​ക്തി​യു​ടെ ഒരു ഫലമാ​യി​രു​ന്നു. അവർ ഏഷ്യാ​മൈ​ന​റി​ലും യൂറോ​പ്പി​ലും സുവാർത്ത എത്തിച്ചു. ഒരുപക്ഷേ സ്‌പെ​യിൻ വരെയും, സ്‌നാ​പ​ന​മേററ എത്തി​യോ​പ്യ​ന്റെ വായ്‌മു​ഖേന കിഴക്ക​നാ​ഫ്രി​ക്ക​യി​ലേ​ക്കും എത്തിച്ചു. അതേസ​മയം പത്രോസ്‌ ബാബി​ലോ​നിൽ സേവന​മ​നു​ഷ്‌ഠി​ച്ചു.

17. യേശു ആധുനി​ക​ലോ​ക​ത്തി​ലു​ട​നീ​ളം വിശ്വ​സി​ക്ക​പ്പെ​ടു​ന്ന​തെ​ന്തു​കൊണ്ട്‌?

¹⁷ നമ്മുടെ നാളിനെ സംബന്ധി​ച്ചെന്ത്‌? 1919 മുതൽ അഭിഷി​ക്ത​ശേ​ഷിപ്പ്‌ മാതൃ​കാ​യോ​ഗ്യ​മായ ദൈവി​ക​ഭക്തി പ്രകട​മാ​ക്കി​ക്കൊ​ണ്ടാ​ണി​രി​ക്കു​ന്നത്‌. ഈ അഭിഷി​ക്തർ യേശു ഇട്ട വിശ്വാ​സ​ത്തി​ന്റെ അടിസ്ഥാ​ന​ത്തിൻമേൽ ഉറപ്പായി പണിതി​രി​ക്കു​ന്നു. വിശേ​ഷിച്ച്‌ 1935 മുതൽ അവർ “മഹോ​പ​ദ്രവ”ത്തിലൂടെ കടന്ന്‌ ഒരു പറുദീ​സാ​ഭൂ​മി​യി​ലെ നിത്യ​ജീ​വൻ അനുഭ​വി​ക്കാ​നുള്ള പ്രത്യാ​ശ​യിൽ സന്തോ​ഷി​ക്കുന്ന ഒരു മഹാപു​രു​ഷാ​രത്തെ കൂട്ടി​ച്ചേർക്കാൻ തുടങ്ങി​യി​രി​ക്കു​ന്നു. (വെളി​പ്പാട്‌ 7:9, 14) അങ്ങനെ, യേശു​വിൽ കേന്ദ്രീ​ക​രി​ക്കുന്ന സുവാർത്ത ആധുനി​ക​ലോ​ക​ത്തി​ലു​ട​നീ​ളം വിശ്വ​സി​ക്ക​പ്പെ​ടു​ന്നു. യഹോ​വ​യു​ടെ 37,00,000ത്തിൽപരം സാക്ഷികൾ ഇപ്പോൾ ദൈവി​ക​ഭ​ക്തി​യോ​ടെ ഗോള​ത്തി​നു ചുററും പ്രസം​ഗി​ക്കു​ക​യും അഭിവൃ​ദ്ധി​പ്പെ​ടു​ക​യും ചെയ്യുന്നു!

18. യേശു “തേജസ്സിൽ എടുക്ക​പ്പെട്ട”തെങ്ങനെ?

¹⁸ ആ പാവന​ര​ഹ​സ്യ​ത്തി​ന്റെ ഒരു സവി​ശേ​ഷ​ത​കൂ​ടെ ശേഷി​ക്കു​ന്നു, ആറാമ​ത്തേത്‌: യേശു “തേജസ്സിൽ എടുക്ക​പ്പെട്ടു.” ആത്മാവിൽ ജീവി​പ്പി​ക്ക​പ്പെട്ട ശേഷമുള്ള 40 ദിവസ​ങ്ങ​ളിൽ യേശു ജഡശരീ​രങ്ങൾ അവലം​ബി​ക്കു​ക​യും ശിഷ്യൻമാർക്കു പ്രത്യ​ക്ഷ​പ്പെ​ടു​ക​യും അവരോട്‌ “ദൈവ​രാ​ജ്യ​ത്തെ സംബന്ധിച്ച കാര്യങ്ങൾ” പറയു​ക​യും​ചെ​യ്‌തു. പിന്നീട്‌ അവൻ സ്വർഗ്ഗാ​രോ​ഹ​ണം​ചെ​യ്‌തു. (പ്രവൃ​ത്തി​കൾ 1:3, 6-9) യോഹ​ന്നാൻ 17:1-5-ൽ രേഖ​പ്പെ​ടു​ത്തി​യി​രി​ക്കുന്ന അവന്റെ പ്രാർത്ഥ​നക്ക്‌ അങ്ങനെ ഉത്തരം​കി​ട്ടി: “പിതാവേ, നിന്റെ പുത്രൻ നിന്നെ മഹത്വീ​ക​രി​ക്കേ​ണ്ട​തിന്‌. . . നിന്റെ പുത്രനെ മഹത്വീ​ക​രി​ക്കേ​ണമേ . . . ഞാൻ ഭൂമി​യിൽ നിന്നെ മഹത്വ​പ്പെ​ടു​ത്തി​യി​രി​ക്കു​ന്നു . . . അതു​കൊണ്ട്‌, ഇപ്പോൾ പിതാവേ, ലോകം ഉണ്ടായ​തി​നു​മുമ്പ്‌ എനിക്കു നിന്റെ അടുക്കൽ ഉണ്ടായി​രുന്ന മഹത്വ​ത്തിൽ എന്നെ നിന്റെ അടുക്കൽ മഹത്വ​പ്പെ​ടു​ത്തേ​ണമേ.”

19. സ്വർഗ്ഗ​ത്തി​ലേ​ക്കുള്ള യേശു​വി​ന്റെ മടങ്ങി​പ്പോ​ക്കിൽ എന്തുണ്ടാ​യി​രു​ന്നി​രി​ക്കണം?

¹⁹ സ്വർഗ്ഗ​ത്തി​ലേ​ക്കുള്ള യേശു​വി​ന്റെ മടങ്ങി​പ്പോ​ക്കിൽ എന്ത്‌ സന്തോ​ഷ​മു​ണ്ടാ​യി​രു​ന്നി​രി​ക്കണം! വളരെ നേരത്തെ യഹോവ ഭൂമിയെ സ്ഥാപി​ച്ച​പ്പോൾ, “സകല ദൈവ​പു​ത്രൻമാ​രും ആർത്തു​ഘോ​ഷി​ച്ചു​തു​ടങ്ങി.” (ഇയ്യോബ്‌ 38:7) യഹോ​വ​യു​ടെ പരമാ​ധി​കാ​ര​ത്തി​ന്റെ വിശ്വസ്‌ത വക്താവി​നെ വീണ്ടും തങ്ങളുടെ ഇടയി​ലേക്കു സ്വീക​രി​ക്കു​ന്ന​തിന്‌ ആ ദൂത​സൈ​ന്യ​ങ്ങൾ എത്രയ​ധി​കം സന്തോഷം പ്രകട​മാ​ക്കി​യി​രി​ക്കണം!

20. യേശു വളരെ വിശി​ഷ്ട​മായ നാമം അവകാ​ശ​പ്പെടു​ത്തി​യി​രി​ക്കു​ന്ന​തെ​ന്തു​കൊണ്ട്‌, അവൻ ഭൂമി​യി​ലാ​യി​രു​ന്ന​പ്പോൾ എന്തു ചെയ്‌തു?

²⁰ പൗലോസ്‌ ജയശാ​ലി​യായ യേശു​വി​നെ​ക്കു​റിച്ച്‌ എബ്രായർ 1:3, 4-ൽ ഇങ്ങനെ പറയുന്നു: “അവൻ നമ്മുടെ പാപങ്ങൾക്കു​വേണ്ടി ഒരു ശുദ്ധീ​ക​ര​ണം​ന​ട​ത്തി​യ​ശേഷം അവൻ ഉന്നതസ്ഥ​ല​ങ്ങ​ളിൽ പ്രതാ​പ​ത്തി​ന്റെ വലത്തു​ഭാ​ഗ​ത്തി​രു​ന്നു. അങ്ങനെ അവൻ അവരു​ടേ​തി​ലും വളരെ വിശി​ഷ്ട​മായ ഒരു നാമം അവകാ​ശ​പ്പെ​ടു​ത്തിയ അളവോ​ളം അവൻ ദൂതൻമാ​രെ​ക്കാൾ മെച്ച​പ്പെ​ട്ട​വ​നാ​യി​ത്തീർന്നി​രി​ക്കു​ന്നു.” അനീതി​യു​ടെ മേലുള്ള ക്രിസ്‌തു​വി​ന്റെ വിജയം നിമി​ത്ത​മാണ്‌ അവന്‌ ഈ നാമം ലഭിച്ചത്‌. ഈ ദൈവ​പു​ത്രൻ തീർച്ച​യാ​യും ഭൂമി​യിൽ ദൈവി​ക​ഭ​ക്തി​യു​ടെ പാത വെട്ടി​ത്തെ​ളി​ച്ചി​രു​ന്നു. അവൻ നിത്യ​ജീ​വൻ പ്രാപി​ക്കാ​നുള്ള മററു​ള്ള​വർക്കെ​ല്ലാം ഒരു മാതൃക വെക്കു​ക​യും​ചെ​യ്‌തു. സ്വർഗ്ഗ​ത്തിൽ ദൈവ​ത്തി​ന്റെ വലത്തു​ഭാ​ഗ​ത്തേ​ക്കുള്ള യേശു​വി​ന്റെ ഉയർത്ത​ലോ​ടെ ഈ ദൈവി​ക​ഭ​ക്തി​യു​ടെ മർമ്മം അതിന്റെ സകല സവി​ശേ​ഷ​ത​ക​ളോ​ടെ​യും വെളി​പ്പെ​ടു​ത്ത​പ്പെട്ടു. (w90 1⁄15)

ദൈവി​ക​ഭ​ക്തി​യു​ടെ പാവന​ര​ഹ​സ്യം പഠിക്കൽ

“തന്റെ കാൽചു​വ​ടു​കൾ അടുത്തു പിന്തു​ട​രാൻ നിങ്ങൾക്ക്‌ ഒരു മാതൃക നൽകി​ക്കൊണ്ട്‌ ക്രിസ്‌തു​പോ​ലും നിങ്ങൾക്കു​വേണ്ടി കഷ്ടപ്പെട്ടു.”—1 പത്രോസ്‌ 2:21.

1. ‘ദൈവി​ക​ഭ​ക്തി​യു​ടെ പാവന​ര​ഹ​സ്യം’ സംബന്ധിച്ച ദൈവ​ത്തി​ന്റെ ഉദ്ദേശ്യ​മെ​ന്താണ്‌?

ഈ ദൈവി​ക​ഭ​ക്തി​യു​ടെ പാവന​ര​ഹ​സ്യം മേലാൽ ഒരു രഹസ്യമല്ല! (1 തിമൊ​ഥെ​യോസ്‌ 3:16) രഹസ്യ​മാ​യി നിലനിൽക്കുന്ന നിഗൂ​ഢ​ത്രി​ത്വം പോലുള്ള വ്യാജ​മ​ത​ര​ഹ​സ്യ​ങ്ങ​ളിൽനിന്ന്‌ അത്‌ എത്ര വ്യത്യ​സ്‌ത​മാണ്‌! ആ രഹസ്യങ്ങൾ ആർക്കും മനസ്സി​ലാ​ക്കാൻ കഴിയു​ക​യില്ല. എന്നാൽ, യേശു​ക്രി​സ്‌തു എന്ന വ്യക്തി​യിൽ വെളി​പ്പെ​ടു​ത്ത​പ്പെട്ട പാവന​ര​ഹ​സ്യ​ത്തിന്‌ സാദ്ധ്യ​മാ​കു​ന്നി​ട​ത്തോ​ളം വിപു​ല​മായ പ്രസിദ്ധി കൊടു​ക്ക​പ്പെ​ട​ണ​മെന്ന്‌ യഹോവ ഉദ്ദേശി​ച്ചി​രി​ക്കു​ന്നു. യേശു​തന്നെ ദൈവ​രാ​ജ്യ​ത്തി​ന്റെ ഒരു തീക്ഷ്‌ണ​ത​യുള്ള ഘോഷ​കന്റെ മുന്തിയ ദൃഷ്ടാ​ന്ത​മാ​യി​ത്തീർന്നു. നാം ഇപ്പോൾ കാണാൻ പോകു​ന്ന​തു​പോ​ലെ, അവന്റെ സന്ദേശ​ത്തിൽനി​ന്നും പ്രസം​ഗ​രീ​തി​യിൽനി​ന്നും നമുക്ക്‌ വളരെ​യ​ധി​കം പഠിക്കാൻക​ഴി​യും.

2. യേശു​വി​ന്റെ ശുശ്രൂ​ഷി​ക്കൽ മറുവി​ലക്കു മുമ്പിൽ വെക്ക​പ്പെ​ട്ടി​രി​ക്കു​ന്ന​തെ​ന്തു​കൊണ്ട്‌? (മത്തായി 20:28)

² അപ്പോൾ, നമുക്ക്‌ “യേശു ജഡത്തിൽ പ്രത്യ​ക്ഷ​നാ​ക്ക​പ്പെട്ട”തിനെ​സം​ബ​ന്ധിച്ച്‌ കൂടു​ത​ലാ​യി പരിചി​ന്തി​ക്കാം. (1 തിമൊ​ഥെ​യോസ്‌ 3:16) യേശു “ശുശ്രൂ​ഷി​ക്ക​പ്പെ​ടാ​നല്ല, പിന്നെ​യോ ശുശ്രൂ​ഷി​ക്കാ​നും തന്റെ ദേഹിയെ അനേകർക്കു​വേണ്ടി ഒരു മറുവി​ല​യാ​യി കൊടു​ക്കാ​നും വന്നു”വെന്ന്‌ മത്തായി 20:28-ൽ നാം വായി​ക്കു​ന്നു. ഇത്‌ അവന്റെ ശുശ്രൂ​ഷയെ അവന്റെ മറുവി​ലക്കു മുമ്പു​പോ​ലും വെക്കുന്നു. എന്തു​കൊണ്ട്‌? ശരി, പണ്ട്‌ ഏദനിൽവെച്ച്‌ തന്ത്രശാ​ലി​യായ സർപ്പം മനുഷ്യ​വർഗ്ഗ​ത്തിൻമേ​ലുള്ള യഹോ​വ​യു​ടെ നീതി​യു​ക്ത​മായ പരമാ​ധി​കാ​രത്തെ ചോദ്യം​ചെ​യ്യു​ക​യും ദൈവ​ത്തി​ന്റെ സൃഷ്ടിക്കു പിശകു​ണ്ടെ​ന്നും പരി​ശോ​ധി​ക്ക​പ്പെ​ടുന്ന പക്ഷം യാതൊ​രു മനുഷ്യ​നും അത്യു​ന്ന​ത​നോ​ടു നിർമ്മലത പാലി​ക്കാൻ കഴിയു​ക​യി​ല്ലെ​ന്നും സൂചി​പ്പി​ക്കു​ക​യും ചെയ്‌തു. (ഇയ്യോബ്‌ 1:6-12; 2:1-10 താരത​മ്യ​പ്പെ​ടു​ത്തുക.) ഒരു പൂർണ്ണ​മ​നു​ഷ്യ​നായ “ഒടുക്കത്തെ ആദാ”മെന്ന നിലയി​ലുള്ള യേശു​വി​ന്റെ അന്യൂ​ന​മായ ശുശ്രൂഷ, വെല്ലു​വി​ളിച്ച സാത്താൻ ഒരു ദുഷ്ട ഭോഷ്‌ക്കാ​ളി​യാ​ണെന്ന്‌ പ്രകട​മാ​ക്കി. (1 കൊരി​ന്ത്യർ 15:45) കൂടാതെ, ദൈവ​ത്തി​ന്റെ “മുഖ്യ​കാ​ര്യ​സ്ഥ​നും രക്ഷകനു”മായി സേവി​ക്കു​ന്ന​തി​നും യഹോ​വ​യു​ടെ പരമാ​ധി​കാ​ര​ത്തി​ന്റെ സംസ്ഥാ​പ​നാർത്ഥം “നിവസി​ത​ഭൂ​മി​യെ നീതി​യിൽ ന്യായം​വി​ധി​ക്കു​ന്ന​തി​നു”മുള്ള തന്റെ യോഗ്യ​തകൾ യേശു പൂർണ്ണ​മാ​യി തെളി​യി​ച്ചു.—പ്രവൃ​ത്തി​കൾ 5:31; 17:31.

3. യേശു സാത്താന്റെ വെല്ലു​വി​ളി​യെ പൂർണ്ണ​മാ​യും ഖണ്ഡിച്ച​തെ​ങ്ങനെ?

³ സാത്താന്റെ പരിഹാ​സ​പൂർവ​ക​മായ വെല്ലു​വി​ളി​യെ യേശു പൂർണ്ണ​മാ​യും ഖണ്ഡിച്ചു! സകല ചരി​ത്ര​ത്തി​ലും ഭൂമി​യി​ലെ യാതൊ​രു മനുഷ്യ​നും ഇത്ര ഭക്തി​യോ​ടെ ദൈവത്തെ സേവി​ച്ചി​ട്ടില്ല—പരിഹാ​സ​ങ്ങ​ളും ചമ്മട്ടി​പ്ര​ഹ​ര​ങ്ങ​ളും ശാരീ​രി​ക​വും മാനസി​ക​വു​മായ ദണ്ഡനങ്ങ​ളും ഉണ്ടായി​രു​ന്നി​ട്ടും. ദൈവ​പു​ത്ര​നെന്ന നിലയിൽ ക്രിസ്‌തു ദൈവ​ദൂ​ഷ​ണ​പ​ര​മായ നിന്ദകൾ സഹി​ക്കേ​ണ്ടി​യി​രു​ന്നു. അവൻ അതി​ലെ​ല്ലാം—ക്രൂര​വും ലജ്ജാക​ര​വു​മായ മരണം​വ​രെ​യും—തന്റെ പിതാ​വി​നോ​ടുള്ള വിശ്വ​സ്‌ത​ത​യിൽ ഇളക്കമി​ല്ലാ​ത്ത​വ​നാ​യി ഉറച്ചു​നി​ന്നു. യേശു ‘മരണ​ത്തോ​ളം, അതെ, ദണ്ഡനസ്‌തം​ഭ​ത്തി​ലെ മരണ​ത്തോ​ളം,’ അനുസ​ര​ണ​മു​ള്ള​വ​നാ​യി​രു​ന്ന​തു​കൊണ്ട്‌ ‘ദൈവം അവനെ ഉയർത്തു​ക​യും മററ്‌ ഏതു നാമത്തി​നും മേലായ നാമം കൊടു​ക്കു​ക​യും​ചെ​യ്‌തു’വെന്ന്‌ പൗലോസ്‌ ഫിലി​പ്പി​യർ 2:8, 9-ൽ എഴുതു​ന്നു. യേശു സാത്താനെ വിഷം വമിക്കുന്ന നുണയൻ എന്ന നിലയിൽ തുറന്നു​കാ​ട്ടി!

4. സത്യത്തി​നു സാക്ഷ്യം വഹിക്കാ​നാണ്‌ താൻ ലോക​ത്തി​ലേക്കു വന്നിരി​ക്കു​ന്ന​തെന്ന്‌ യേശു​വിന്‌ പീലാ​ത്തോ​സി​നോ​ടു പറയാൻ കഴിഞ്ഞ​തെ​ന്തു​കൊണ്ട്‌?

⁴ അങ്ങനെ, വെറും ചുരുക്കം ചില വർഷങ്ങ​ളി​ലെ തീവ്ര​മായ പ്രസം​ഗ​ത്തി​ന്റെ സമാപ​ന​ത്തിൽ യേശു​വിന്‌ സധീരം പൊന്തി​യോസ്‌ പീലാ​ത്തോ​സി​നോട്‌ ഇങ്ങനെ സാക്ഷ്യം​പ​റ​യാൻ കഴിഞ്ഞു: “ഞാൻ ഒരു രാജാ​വാ​ണെന്ന്‌ നീതന്നെ പറയുന്നു. ഇതിനാ​യി ഞാൻ ജനിച്ചി​രി​ക്കു​ന്നു, ഇതിനാ​യി ഞാൻ ലോക​ത്തി​ലേക്കു വന്നിരി​ക്കു​ന്നു, ഞാൻ സത്യത്തിന്‌ സാക്ഷ്യം​വ​ഹി​ക്കേ​ണ്ട​തി​നു​തന്നെ. സത്യത്തി​ന്റെ പക്ഷത്തുള്ള ഏവനും എന്റെ ശബ്ദം ശ്രദ്ധി​ക്കു​ന്നു.” (യോഹ​ന്നാൻ 18:37) പലസ്‌തീ​നി​ലു​ട​നീ​ളം ദൈവ​രാ​ജ്യ​സ​ത്യം ഘോഷി​ക്കു​ന്ന​തിൽ യേശു അതിവി​ശിഷ്ട ദൈവി​ക​ഭക്തി പ്രകട​മാ​ക്കി​യി​രു​ന്നു. അവൻ തന്റെ ശിഷ്യൻമാ​രെ തീക്ഷ്‌ണ​ത​യുള്ള പ്രസം​ഗ​ക​രാ​യി​രി​ക്കാൻ പരിശീ​ലി​പ്പി​ക്കു​ക​യും​ചെ​യ്‌തു. അവന്റെ മാതൃക ഇന്ന്‌ അവന്റെ കാൽചു​വ​ടു​കൾ പിന്തു​ട​രാൻ നമ്മെ എത്ര പ്രചോ​ദി​പ്പി​ക്കു​ന്നു!

നമ്മുടെ മാതൃ​കാ​പു​രു​ഷ​നിൽനി​ന്നു പഠിക്കൽ

5. യേശു​വി​ലേക്ക്‌ ഏകാ​ഗ്ര​മാ​യി നോക്കു​ന്ന​തി​നാൽ നമുക്ക്‌ ദൈവി​ക​ഭ​ക്തി​സം​ബ​ന്ധിച്ച്‌ എന്തു പഠിക്കാൻ കഴിയും?

⁵ യഹോ​വ​യു​ടെ ഇഷ്ടം​ചെ​യ്യു​ന്ന​തി​ലുള്ള നമ്മുടെ ദൈവി​ക​ഭ​ക്തി​യാൽ നമുക്കും സാത്താൻ നുണയ​നാ​ണെന്നു തെളി​യി​ക്കാ​വു​ന്ന​താണ്‌. നമുക്ക്‌ എന്തെല്ലാം പീഡാ​നു​ഭ​വങ്ങൾ നേരി​ട്ടാ​ലും, അതി​ലൊ​ന്നും യേശു​വിന്‌ അനുഭ​വ​പ്പെട്ട വേദന​ക​ളോ​ടും അപമര്യാ​ദ​ക​ളോ​ടും തുല്യ​മാ​ക​യില്ല. അപ്പോൾ, നമുക്ക്‌ നമ്മുടെ മാതൃ​കാ​പു​രു​ഷ​നിൽനി​ന്നു പഠിക്കാം. എബ്രായർ 12:1, 2 നമ്മെ പ്രോൽസാ​ഹി​പ്പി​ക്കു​ന്ന​തു​പോ​ലെ, “മുഖ്യ​കാ​ര്യ​സ്ഥ​നും നമ്മുടെ വിശ്വാ​സത്തെ പൂർത്തീ​ക​രി​ക്കു​ന്ന​വ​നു​മായ യേശു​വി​നെ നാം ഏകാ​ഗ്ര​മാ​യി നോക്കവേ” നമുക്ക്‌ സഹനശ​ക്തി​യോ​ടെ ഓട്ടം ഓടാം. ദൈവി​ക​ഭക്തി സംബന്ധിച്ച്‌ പരി​ശോ​ധി​ക്ക​പ്പെ​ട്ട​പ്പോൾ പരാജ​യ​പ്പെട്ട ആദാമിൽനി​ന്നു വ്യത്യ​സ്‌ത​മാ​യി യേശു സകല പരി​ശോ​ധ​ന​ക​ളെ​യും പൂർണ്ണ​മാ​യി നേരിട്ട ഭൂമി​യി​ലെ ഏകമനു​ഷ്യ​നാ​യി​ത്തീർന്നു. അവൻ മരണ​ത്തോ​ളം “വിശ്വ​സ്‌ത​നും നിഷ്‌ക്ക​ള​ങ്ക​നും നിർമ്മ​ല​നും പാപി​ക​ളിൽനി​ന്നു വേർപെ​ട്ട​വനു”മെന്നു തെളി​യി​ച്ചു. (എബ്രായർ 7:26) അവന്‌ അന്യൂ​ന​മായ നിർമ്മ​ല​ത​യോ​ടെ അവന്റെ ശത്രു​ക്ക​ളോട്‌ “നിങ്ങളി​ലാർ എന്നെ പാപം സംബന്ധി​ച്ചു കുററ​പ്പെ​ടു​ത്തു​ന്നു?”വെന്ന്‌ പറയാൻക​ഴി​ഞ്ഞു. “ലോക​ത്തി​ന്റെ ഭരണാ​ധി​പന്‌. . .  എന്റെമേൽ സ്വാധീ​ന​മില്ല” എന്നു പ്രഖ്യാ​പി​ച്ചു​കൊണ്ട്‌ യേശു സാത്താന്റെ വെല്ലു​വി​ളി​യെ തിരികെ വലി​ച്ചെ​റി​ഞ്ഞു. തന്റെ ഒററി​ക്കൊ​ടു​ക്ക​ലി​നും അറസ്‌റ​റി​നും മുമ്പ്‌ തന്റെ ശിഷ്യൻമാ​രോ​ടു​ചെയ്‌ത അന്തിമ​പ്ര​സം​ഗത്തെ ഉപസം​ഹ​രി​പ്പി​ച്ച​പ്പോൾ അവൻ അവരോട്‌: “ധൈര്യ​പ്പെ​ടുക! ഞാൻ ലോകത്തെ ജയിച്ച​ട​ക്കി​യി​രി​ക്കു​ന്നു”വെന്നു പറഞ്ഞു.—യോഹ​ന്നാൻ 8:46; 14:30; 16:33.

6. (എ) മനുഷ്യ​വർഗ്ഗ​ത്തിന്‌ ഏതു തരം നവോൻമേ​ഷ​മാ​ണാ​വ​ശ്യ​മെന്ന്‌ യേശു​വിന്‌ അറിയാ​വു​ന്ന​തെ​ന്തു​കൊണ്ട്‌? (ബി) യേശു എത്ര​ത്തോ​ളം ദൈവി​ക​ഭയം പ്രകട​മാ​ക്കി?

⁶ ഇവിടെ ഭൂമി​യി​ലെ ജഡവാ​സ​കാ​ലത്ത്‌, യേശു​വിന്‌ “ദൂതൻമാ​രെ​ക്കാൾ അല്‌പം താണ” അവസ്ഥ അനുഭ​വ​പ്പെട്ടു. (എബ്രായർ 2:7) അവൻ മാനു​ഷി​ക​ദൗർബ​ല്യ​ങ്ങ​ളോ​ടു പരിച​യ​പ്പെട്ടു, തന്നിമി​ത്തം അവൻ ഒരു ആയിരം വർഷ​ത്തേക്ക്‌ മനുഷ്യ​വർഗ്ഗ​ത്തി​ന്റെ രാജാ​വും ന്യായാ​ധി​പ​നു​മാ​യി സേവി​ക്കാൻ സുസജ്ജ​നാ​യി. “അദ്ധ്വാ​നി​ക്കു​ക​യും ഭാരം ചുമക്കു​ക​യും ചെയ്യുന്ന സകലരു​മേ, എന്റെ അടുക്കൽ വരുവിൻ, ഞാൻ നിങ്ങൾക്കു നവോൻമേഷം നൽകും” എന്നു പറഞ്ഞ ഈ ദൈവ​പു​ത്രന്‌ ഏതു തരം നവോൻമേ​ഷ​മാണ്‌ മനുഷ്യ​വർഗ്ഗ​ത്തിന്‌ ആവശ്യ​മെന്ന്‌ അറിയാം. (മത്തായി 11:28) എബ്രായർ 5:7-9 നമ്മോടു പറയുന്നു: “ക്രിസ്‌തു തന്റെ ജഡനാ​ളു​ക​ളിൽ മരണത്തിൽനി​ന്നു തന്നെ രക്ഷിക്കാൻ കഴിയു​ന്ന​വ​നോട്‌ ശക്തമായ നിലവി​ളി​ക​ളോ​ടും കണ്ണുനീ​രോ​ടും​കൂ​ടെ പ്രാർത്ഥ​ന​ക​ളും അപേക്ഷ​ക​ളും കഴിച്ചു, അവന്റെ ദൈവി​ക​ഭയം നിമിത്തം അവന്‌ അനുകൂ​ല​മായ ഉത്തരം​കി​ട്ടി. അവൻ ഒരു പുത്ര​നാ​യി​രു​ന്നു​വെ​ങ്കി​ലും, അവൻ അനുഭ​വിച്ച കാര്യ​ങ്ങ​ളിൽനിന്ന്‌ അവൻ അനുസ​രണം പഠിച്ചു; അവൻ [അനുസ​ര​ണ​ത്തിൽ] പൂർണ്ണ​നാ​ക്ക​പ്പെ​ട്ട​ശേഷം അവൻ തന്നെ അനുസ​രി​ക്കുന്ന സകലർക്കു​മുള്ള നിത്യ​ര​ക്ഷക്ക്‌ ഉത്തരവാ​ദി​യാ​യി​ത്തീർന്നു.” പക നിറഞ്ഞ സർപ്പത്തിൽനി​ന്നുള്ള ‘കുതി​കാൽമു​റി​വു’ കിട്ടി​യ​തിൽ മനുഷ്യ​മ​ര​ണ​ത്തി​ന്റെ വിഷമുള്ള്‌ അനുഭ​വ​പ്പെ​ടുന്ന ഘട്ടത്തോ​ളം സഹി​ക്കേ​ണ്ടി​വ​ന്നെ​ങ്കി​ലും യേശു പതറി​യില്ല. (ഉല്‌പത്തി 3:15) യേശു​വി​നെ​പ്പോ​ലെ, നമുക്ക്‌, ആവശ്യ​മെ​ങ്കിൽ മരണ​ത്തോ​ളം പോലും, എപ്പോ​ഴും ദൈവി​ക​ഭയം പ്രകട​മാ​ക്കാം, യഹോ​വ​യാം ദൈവം നമ്മുടെ പ്രാർത്ഥ​നകൾ കേൾക്കു​മെ​ന്നും നമുക്കു രക്ഷ നൽകു​മെ​ന്നു​മുള്ള ദൃഢവി​ശ്വാ​സ​ത്തോ​ടെ​തന്നെ.

‘നീതി​ക്കാ​യി ജീവിക്കൽ’

7. ഒന്നു പത്രോസ്‌ 2:21-24 അനുസ​രിച്ച്‌ ക്രിസ്‌തു നമുക്കു​വേണ്ടി എന്തു മാതൃക വെച്ചു, ഈ ഗതി നമ്മെ എങ്ങനെ ബാധി​ക്കണം?

⁷ ജഡത്തിൽ പ്രത്യ​ക്ഷ​നാ​യ​പ്പോൾ യേശു വിശ്വ​സ്‌ത​ത​യോ​ടെ ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തി​ന്റെ മറനീക്കി. നാം 1 പത്രോസ്‌ 2:21—24-ൽ ഇങ്ങനെ വായി​ക്കു​ന്നു: “തന്റെ കാൽചു​വ​ടു​കൾ അടുത്തു പിന്തു​ട​രാൻ നിങ്ങൾക്ക്‌ ഒരു മാതൃക നൽകി​ക്കൊണ്ട്‌ ക്രിസ്‌തു​പോ​ലും നിങ്ങൾക്കു​വേണ്ടി കഷ്ടപ്പെട്ടു. അവൻ പാപം​ചെ​യ്‌തില്ല, അവന്റെ വായിൽ വഞ്ചന കാണ​പ്പെ​ട്ടു​മില്ല. അവൻ അധി​ക്ഷേ​പി​ക്ക​പ്പെ​ട്ട​പ്പോൾ അവൻ തിരിച്ച്‌ അധി​ക്ഷേ​പി​ച്ചില്ല. അവൻ കഷ്ടപ്പെ​ട്ട​പ്പോൾ അവൻ ഭീഷണി​പ്പെ​ടു​ത്തി​യില്ല, എന്നാൽ നീതി​പൂർവം വിധി​ക്കു​ന്ന​വങ്കൽ അവൻ തന്നേത്തന്നെ ഭരമേൽപ്പി​ച്ചു​കൊ​ണ്ടി​രു​ന്നു. നാം പാപവി​മു​ക്ത​രാ​കേ​ണ്ട​തി​നും നീതി​ക്കാ​യി ജീവി​ക്കേ​ണ്ട​തി​നു​മാ​യി അവൻതന്നെ സ്‌തം​ഭ​ത്തിൻമേൽ സ്വന്തശ​രീ​ര​ത്തിൽ നമ്മുടെ പാപങ്ങൾ വഹിച്ചു.” നാം യേശു​വി​ന്റെ ഗതി​യെ​ക്കു​റി​ച്ചു ധ്യാനി​ക്കു​മ്പോൾ ദൈവി​ക​ഭക്തി പിന്തു​ട​രു​ന്ന​തി​നും നിർമ്മലത പാലി​ക്കു​ന്ന​തി​നും അവനെ​പ്പോ​ലെ നീതി​ക്കാ​യി ജീവി​ക്കു​ന്ന​തി​നും നമ്മെ അത്‌ എത്ര പ്രോൽസാ​ഹി​പ്പി​ക്കു​ന്നു!

8. യേശു​വി​നെ​പ്പോ​ലെ നമുക്ക്‌ നീതി​ക്കാ​യി എങ്ങനെ ജീവി​ക്കാൻ കഴിയും?

⁸ യേശു സത്യമാ​യി നീതി​ക്കാ​യി ജീവിച്ചു. അവനെ​സം​ബ​ന്ധിച്ച്‌ സങ്കീർത്തനം 45:7 ഇങ്ങനെ പ്രവചി​ച്ചു: “നീ നീതിയെ സ്‌നേ​ഹി​ച്ചി​രി​ക്കു​ന്നു, നീ ദുഷ്ടതയെ വെറു​ക്കു​ന്നു.” ആ വാക്കുകൾ യേശു​വി​നു ബാധക​മാ​ക്കി​ക്കൊണ്ട്‌ അപ്പോ​സ്‌ത​ല​നായ പൗലോസ്‌ എബ്രായർ 1:9-ൽ ഇങ്ങനെ പറഞ്ഞു: “നീ നീതിയെ സ്‌നേ​ഹി​ച്ചു, നീ അധർമ്മത്തെ വെറുത്തു.” ഈ ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തെ​ക്കു​റി​ച്ചുള്ള നമ്മുടെ ഗ്രാഹ്യ​ത്തി​ന്റെ വെളി​ച്ച​ത്തിൽ നമുക്ക്‌ യേശു​വി​നെ​പ്പോ​ലെ എല്ലായ്‌പ്പോ​ഴും നീതിയെ സ്‌നേ​ഹി​ക്കു​ക​യും വഷളത്വ​ത്തെ വെറു​ക്കു​ക​യും ചെയ്യാം. സാത്താന്റെ ലോക​ത്താൽ വളരെ ഉഗ്രമാ​യി ആക്രമി​ക്ക​പ്പെ​ടുന്ന ക്രിസ്‌തീയ സൻമാർഗ്ഗ​ങ്ങ​ളി​ലും ദൈവ​സ്ഥാ​പ​ന​ത്തിന്‌ അകത്തും പുറത്തു​മു​ള്ള​വ​രോ​ടുള്ള നമ്മുടെ സകല ഇടപെ​ട​ലു​ക​ളി​ലും യഹോ​വ​യു​ടെ നീതി​പ്ര​മാ​ണ​ങ്ങളെ ഉയർത്തി​പ്പി​ടി​ച്ചു​കൊണ്ട്‌ നീതി​ക്കാ​യി ജീവി​ക്കാൻ നമുക്ക്‌ തീരു​മാ​നം​ചെ​യ്യാം. പിശാ​ചി​നോ​ടും അവന്റെ തന്ത്രങ്ങ​ളോ​ടും എതിർത്തു​നിൽക്കു​ന്ന​തിന്‌ അത്യന്താ​പേ​ക്ഷി​ത​മാ​യി​രി​ക്കുന്ന ദൈവി​ക​മായ ഉൾക്കാ​ഴ്‌ച​ക്കു​വേണ്ടി നമുക്ക്‌ തുടർച്ച​യാ​യി ദൈവ​വ​ചനം ഭക്ഷിക്കാം!

9. ശുശ്രൂ​ഷ​യി​ലെ യേശു​വി​ന്റെ തീക്ഷ്‌ണത വർദ്ധി​പ്പി​ച്ച​തെന്ത്‌, വ്യാജമത ഇടയൻമാ​രെ സംബന്ധിച്ച്‌ ഇതിൽ എന്തുൾപ്പെ​ട്ടി​രു​ന്നു?

⁹ തന്റെ ശുശ്രൂ​ഷ​യിൽ തീക്ഷ്‌ണ​ത​യു​ള്ള​വ​നാ​യി​രി​ക്കാൻ യേശു​വി​നെ മറെറാ​ന്നു​കൂ​ടെ പ്രേരി​പ്പി​ച്ചു. അതെന്താ​യി​രു​ന്നു? മത്തായി 9:36-ൽ നാം വായി​ക്കു​ന്നു: “ജനസമൂ​ഹ​ങ്ങളെ കണ്ടപ്പോൾ അവന്‌ അവരോ​ടു അനുക​മ്പ​തോ​ന്നി, എന്തു​കൊ​ണ്ടെ​ന്നാൽ അവർ ഇടയനി​ല്ലാത്ത ആടുക​ളെ​പ്പോ​ലെ തൊലി​യു​രി​യ​പ്പെ​ടു​ക​യും ചിതറി​ക്ക​പ്പെ​ടു​ക​യും ചെയ്‌തി​രു​ന്നു.” അതു​കൊണ്ട്‌ യേശു “അവരെ പലതും പഠിപ്പി​ച്ചു​തു​ടങ്ങി.” (മർക്കോസ്‌ 6:34) അത്യന്താ​പേ​ക്ഷി​ത​മാ​യി, ഇതിൽ വ്യാജമത ഇടയൻമാ​രു​ടെ ദുഷ്‌ട​ത​യെ​യും അധർമ്മ​ത്തെ​യും തുറന്നു​കാ​ട്ടു​ന്നത്‌ ഉൾപ്പെ​ട്ടി​രു​ന്നു. മത്തായി 15:7-9 അനുസ​രിച്ച്‌ ഇവരിൽ ചില​രോട്‌ യേശു ഇങ്ങനെ പറഞ്ഞു: “കപടഭ​ക്തരേ, ‘ഈ ജനം തങ്ങളുടെ അധരങ്ങൾകൊണ്ട്‌ എന്നെ ബഹുമാ​നി​ക്കു​ന്നു, എന്നിരു​ന്നാ​ലും അവരുടെ ഹൃദയം എന്നിൽനിന്ന്‌ വളരെ അകന്നി​രി​ക്കു​ന്നു. അവർ ഉപദേ​ശ​ങ്ങ​ളാ​യി മനുഷ്യ​രു​ടെ കല്‌പ​നകൾ പഠിപ്പ​ക്കു​ന്ന​തു​കൊണ്ട്‌ അവർ എന്നെ ആരാധി​ക്കു​ന്നതു വ്യർത്ഥ​മാ​യി​ട്ടാണ്‌’ എന്ന്‌ യെശയ്യാവ്‌ പറഞ്ഞ​പ്പോൾ അവൻ നിങ്ങ​ളെ​ക്കു​റിച്ച്‌ ഉചിത​മാ​യി പ്രവചി​ച്ചു.”

അപലപ​നീ​യ​മായ ഒരു മർമ്മം

10. ഇന്ന്‌, “ഈ അധർമ്മ​ത്തി​ന്റെ മർമ്മം” ആരിൽ കേന്ദ്രീ​ക​രി​ക്കു​ന്നു, അവർ എന്തു സംബന്ധിച്ച്‌ കുററ​ക്കാ​രാണ്‌?

¹⁰ യേശു വ്യാജ​മ​ത​നേ​താ​ക്കൻമാർക്കെ​തി​രെ തുറന്നു​സം​സാ​രി​ച്ച​തു​പോ​ലെ, നാം ഇന്ന്‌ ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തി​നു കടകവി​രു​ദ്ധ​മാ​യി മുന്തി​നിൽക്കുന്ന ഒരു മർമ്മത്തെ അപലപി​ക്കു​ന്നു. പൗലോസ്‌ 2 തെസ്സ​ലോ​നീ​ക്യർ 2:7-ൽ അതിനെ “ഈ അധർമ്മ​ത്തി​ന്റെ മർമ്മം” എന്നു വിളിച്ചു. അത്‌ ക്രി. വ. ഒന്നാം നൂററാ​ണ്ടിൽ ഒരു മർമ്മമാ​യി​രു​ന്നു, എന്തു​കൊ​ണ്ടെ​ന്നാൽ അത്‌ അപ്പോ​സ്‌ത​ലൻമാ​രു​ടെ മരണ​ശേഷം ദീർഘ​നാ​ളാ​കാ​തെ അനാച്ഛാ​ദ​നം​ചെ​യ്യ​പ്പെ​ടു​ക​യി​ല്ലാ​യി​രു​ന്നു. ഇന്ന്‌, അത്‌ ദൈവ​ത്തി​ന്റെ നീതി​യുള്ള രാജ്യ​ത്തി​ന്റെ സുവാർത്ത ഘോഷി​ക്കു​ന്ന​തി​നെ​ക്കാ​ള​ധി​കം രാഷ്‌ട്രീ​യ​ത്തിൽ തല്‌പ​ര​രാ​യി​രി​ക്കുന്ന ക്രൈ​സ്‌ത​വ​ലോ​ക​ത്തി​ലെ വൈദി​ക​രിൽ കേന്ദ്രീ​ക​രി​ക്കു​ന്നു. അവരുടെ അണിക​ളിൽ കപടഭക്തി ധാരാ​ള​മാണ്‌. ക്രൈ​സ്‌ത​വ​ലോ​ക​ത്തി​ലെ പ്രോ​ട്ട​സ്‌റ​റൻറ്‌ മതവി​ഭാ​ഗ​ങ്ങ​ളിൽപെട്ട റെറലി​വി​ഷൻ സുവി​ശേ​ഷകർ ഒരു സ്‌പഷ്ട​മായ ദൃഷ്ടാ​ന്ത​മാണ്‌. തങ്ങളുടെ ആട്ടിൻകൂ​ട്ട​ങ്ങളെ കവർച്ച​ചെ​യ്യുന്ന വഞ്ചകർ കോടി​ക്ക​ണ​ക്കി​നു ഡോള​റു​ക​ളു​ടെ സാമ്രാ​ജ്യ​ങ്ങൾ കെട്ടി​പ്പ​ടു​ക്കു​ക​യും വേശ്യ​ക​ളു​മാ​യി സഹവസി​ക്കു​ക​യും തുറന്നു​കാ​ട്ട​പ്പെ​ടു​മ്പോൾ മുതല​ക്ക​ണ്ണീർ പൊഴി​ക്കു​ക​യും എല്ലായ്‌പ്പോ​ഴും കൂടുതൽ കൂടുതൽ പണത്തി​നു​വേണ്ടി യാചി​ക്കു​ക​യും​ചെ​യ്യു​ന്നു. റോമൻക​ത്തോ​ലി​ക്കാ​മ​ത​ത്തി​ന്റെ വത്തിക്കാൻ അതിന്റെ തത്വഹീ​ന​മായ രാഷ്‌ട്രീ​യ​ബ​ന്ധ​ങ്ങ​ളും ബാഹ്യാ​ഡം​ബ​ര​വും, അഴിമ​തി​നി​റഞ്ഞ ബാങ്കിം​ഗ്ന​ട​പ​ടി​ക​ളും നിമിത്തം സമാന​മാ​യി അഹിത​ക​ര​മായ ഒരു ചിത്ര​മാണ്‌ കാഴ്‌ച​വെ​ക്കു​ന്നത്‌.

11. ക്രൈ​സ്‌ത​വ​ലോ​ക​ത്തി​ലെ വൈദി​കർക്കും മുഴു മഹാബാ​ബി​ലോ​നും എന്തു സംഭവി​ക്കും?

¹¹ ക്രൈ​സ്‌ത​വ​ലോ​ക​ത്തി​ലെ വൈദി​ക​വർഗ്ഗത്തെ “അധർമ്മ​മ​നു​ഷ്യ”നായി തിരി​ച്ച​റി​യാൻ കഴിയു​ന്നത്‌ അതിശ​യമല്ല! (2 തെസ്സ​ലോ​നീ​ക്യർ 2:3) വേശ്യാ​സ​മാ​ന​മായ മഹാബാ​ബി​ലോ​ന്റെ ഈ പ്രമു​ഖ​ഭാ​ഗം വ്യാജ​മ​ത​ത്തി​ന്റെ ശേഷിച്ച സകലഭാ​ഗ​ത്തോ​ടും​കൂ​ടെ പൂർണ്ണ​മാ​യും തുറന്നു​കാ​ട്ട​പ്പെ​ടു​ക​യും ശൂന്യ​മാ​ക്ക​പ്പെ​ടു​ക​യും ചെയ്യും. നാം വെളി​പ്പാട്‌ 18:9-17-ൽ വായി​ക്കു​ന്ന​തു​പോ​ലെ, രാജ്യ​ത​ന്ത്ര​ജ്ഞൻമാ​രും വ്യാപാ​രി​ക​ളും (അവരുടെ ബാങ്കു​ന​ട​ത്തി​പ്പു​കാ​രും) അന്ന്‌ ഇങ്ങനെ വിലപി​ക്കും: “മഹാന​ഗ​രമേ, മഹാ​മോ​ശം, മഹാ​മോ​ശം!” മഹാബാ​ബി​ലോ​നും അവളുടെ മർമ്മങ്ങ​ളും തുറന്നു​കാ​ട്ട​പ്പെ​ടും, ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തെ പ്രകാ​ശി​ത​മാ​ക്കുന്ന സകലത്തി​നും വിരു​ദ്ധ​മാ​യി​ത്തന്നെ.

12. യേശു​വി​ന്റെ നീതി​സ്‌നേഹം എന്തു ചെയ്യു​ന്ന​തി​ലേക്ക്‌ അവനെ നയിച്ചു?

¹² നീതി​യോ​ടുള്ള യേശു​വി​ന്റെ സ്‌നേ​ഹ​വും അധർമ്മ​ത്തോ​ടുള്ള വെറു​പ്പും സത്യാ​രാ​ധ​ന​ക്കു​വേണ്ടി തികച്ചും തീവ്ര​യ​ത്‌നം ചെയ്യു​ന്ന​തി​ലേക്ക്‌ അവനെ നയിച്ചു. ദൈവ​ത്തി​ന്റെ അഭിഷിക്ത പുത്ര​നാ​യി ക്രിസ്‌തു യെരു​ശ​ലേ​മി​ലേക്ക്‌ ആദ്യം നടത്തിയ സന്ദർശ​ന​ത്തിൽ അവൻ വ്യാപാ​രി​ക​ളെ​യും നാണയ ബ്രോ​ക്കർമാ​രെ​യും ആലയത്തിൽനി​ന്നു തുരത്തി​ക്കൊണ്ട്‌ ഇങ്ങനെ പ്രഖ്യാ​പി​ച്ചു: “ഇവ ഇവി​ടെ​നിന്ന്‌ എടുത്തു​കൊ​ണ്ടു​പോ​കുക! എന്റെ പിതാ​വി​ന്റെ ഭവനത്തെ വ്യാപാ​ര​ശാ​ല​യാ​ക്കു​ന്നതു നിർത്തുക!” (യോഹ​ന്നാൻ 2:13-17) ആലയത്തി​ലേക്ക്‌ പിന്നീടു നടത്തിയ ഒരു സന്ദർശ​ന​ത്തിൽ എതിരാ​ളി​ക​ളായ യഹൂദൻമാ​രോട്‌ യേശു ഇങ്ങനെ പറഞ്ഞു: “നിങ്ങൾ നിങ്ങളു​ടെ പിതാ​വായ പിശാ​ചിൽനി​ന്നു​ള്ള​വ​രാ​കു​ന്നു, നിങ്ങൾ നിങ്ങളു​ടെ പിതാ​വി​ന്റെ മോഹങ്ങൾ ചെയ്യാ​നി​ച്ഛി​ക്കു​ന്നു. ആ ഒരുവൻ തുടങ്ങി​യ​പ്പോ​ഴേ ഒരു മനുഷ്യ​ഘാ​ത​ക​നാ​യി​രു​ന്നു, അവൻ സത്യത്തിൽ ഉറച്ചു​നി​ന്നില്ല, എന്തു​കൊ​ണ്ടെ​ന്നാൽ സത്യം അവനി​ലില്ല. അവൻ വ്യാജം പറയു​മ്പോൾ അവൻ തന്റെ സ്വഭാ​വ​മ​നു​സ​രി​ച്ചു സംസാ​രി​ക്കു​ന്നു, എന്തു​കൊ​ണ്ടെ​ന്നാൽ അവൻ വ്യാജം​പ​റ​യു​ന്ന​വ​നും വ്യാജ​ത്തി​ന്റെ പിതാ​വു​മാ​കു​ന്നു.” (യോഹ​ന്നാൻ 8:44) ആ മതഭക്ത​രോട്‌ അവരുടെ മുഖത്തു​നോ​ക്കി അവർ നുണയൻമാ​രും പിശാ​ചി​ന്റെ പുത്രൻമാ​രു​മാ​ണെന്നു പറയാൻ യേശു എത്ര ധൈര്യം പ്രകട​മാ​ക്കി!

13. (എ) അധർമ്മ​ത്തോ​ടുള്ള യേശു​വി​ന്റെ വെറുപ്പ്‌ വിശേ​ഷിച്ച്‌ എവിടെ പ്രകട​മാ​യി? (ബി) അധർമ്മി​ക​ളായ വൈദി​കർ ശാസ്‌ത്രി​മാ​രു​ടെ​മേ​ലും പരീശൻമാ​രു​ടെ​മേ​ലും യേശു ഉച്ചരി​ച്ച​തി​നോ​ടു സമാന​മായ ന്യായ​വി​ധി അർഹി​ക്കു​ന്ന​തെ​ന്തു​കൊണ്ട്‌?

¹³ അധർമ്മ​ത്തോ​ടുള്ള യേശു​വി​ന്റെ വെറുപ്പ്‌ മത്തായി 23-ാം അദ്ധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന പ്രകാരം അണലി​തു​ല്യ​രായ ശാസ്‌ത്രി​മാ​രെ​യും പരീശൻമാ​രെ​യും കുത്തി​വേ​ദ​നി​പ്പി​ക്കു​ന്ന​വി​ധം അവൻ നടത്തിയ അപലപ​ന​ത്തി​ലേ​തി​നെ​ക്കാൾ മെച്ചമാ​യി മറെറാ​രി​ട​ത്തും പ്രകട​മാ​ക്ക​പ്പെ​ട്ടി​ട്ടില്ല. അവിടെ അവൻ അവരെ ‘സകലതരം അശുദ്ധി​യും കപടഭ​ക്തി​യും അധർമ്മ​വും നിറഞ്ഞ വെള്ളതേച്ച ശവക്കല്ല​റ​ക​ളോട്‌’ താരത​മ്യ​പ്പെ​ടു​ത്തി​ക്കൊണ്ട്‌ ഏഴു മടങ്ങായ “കഷ്ടം” ഉച്ചരി​ക്കു​ന്നു. മർദ്ദി​ത​ജ​നത്തെ ആ അധർമ്മ​ത്തിൽനി​ന്നു വിടു​വി​ക്കാൻ യേശു എത്ര ആകാം​ക്ഷ​യു​ള്ള​വ​നാ​യി​രു​ന്നു! അവൻ ഇങ്ങനെ വിളി​ച്ചു​പ​റഞ്ഞു: “യെരു​ശ​ലേമേ, യെരു​ശ​ലേമേ, ഒരു കോഴി അതിന്റെ ചിറകു​ക​ളിൻകീ​ഴിൽ അതിന്റെ കുഞ്ഞു​ങ്ങളെ ചേർക്കും​പോ​ലെ നിന്റെ മക്കളെ കൂട്ടി​ച്ചേർക്കാൻ ഞാൻ എത്ര കൂടെ​ക്കൂ​ടെ ആഗ്രഹി​ച്ചു! എന്നാൽ നിങ്ങൾ അതാ​ഗ്ര​ഹി​ച്ചില്ല. നോക്കൂ! നിങ്ങളു​ടെ ഭവനം ഉപേക്ഷി​ക്ക​പ്പെ​ട്ടി​രി​ക്കു​ന്നു.” (വാക്യങ്ങൾ 37, 38) നമ്മുടെ നാളിലെ അധർമ്മി​ക​ളായ വൈദി​കർ സമാന​മായ ന്യായ​വി​ധി അർഹി​ക്കു​ന്നു, എന്തു​കൊ​ണ്ടെ​ന്നാൽ 2 തെസ്സ​ലോ​നീ​ക്യർ 2:12-ലെ വാക്കു​ക​ളിൽ പറഞ്ഞാൽ ‘അവർ സത്യം വിശ്വ​സി​ക്കാ​തെ, അനീതി​യിൽ സന്തോ​ഷി​ക്കു​ന്നു.’ അവരുടെ അധർമ്മം യേശു ഇവിടെ ഭൂമി​യി​ലാ​യി​രു​ന്ന​പ്പോൾ വളരെ വിശ്വ​സ്‌ത​മാ​യി പ്രകട​മാ​ക്കിയ ദൈവി​ക​ഭ​ക്തി​ക്കു കടകവി​രു​ദ്ധ​മാണ്‌.

ദൈവ​ത്തി​ന്റെ ന്യായ​വി​ധി​കൾ ഘോഷി​ക്കൽ

14. ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തോ​ടുള്ള വിലമ​തിപ്പ്‌ എന്തു​ചെ​യ്യാൻ നമ്മെ പ്രേരി​പ്പി​ക്കേ​ണ്ട​താണ്‌?

¹⁴ ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തോ​ടുള്ള നമ്മുടെ വിലമ​തിപ്പ്‌ എല്ലായ്‌പ്പോ​ഴും യേശു​വി​ന്റെ ചുവടു​കളെ അടുത്തു പിന്തു​ട​രു​ന്ന​തി​ലേക്ക്‌ നമ്മെ നയി​ക്കേ​ണ്ട​താണ്‌. അവനെ​പ്പോ​ലെ, യെശയ്യാവ്‌ 61:2 “യഹോ​വ​യു​ടെ ഭാഗത്തെ സൻമന​സ്സി​ന്റെ വർഷവും നമ്മുടെ ദൈവ​ത്തി​ന്റെ ഭാഗത്തെ പ്രതി​കാ​ര​ദി​വ​സ​വും” എന്നു വർണ്ണി​ക്കു​ന്ന​തി​നെ ഘോഷി​ക്കു​ന്ന​തിൽ നാം തീക്ഷ്‌ണ​ത​യു​ള്ള​വ​രാ​യി​രി​ക്കേ​ണ്ട​താണ്‌. നമുക്ക്‌ “ദുഃഖി​ക്കുന്ന സകല​രെ​യും ആശ്വസി​പ്പി​ക്കാൻ” തീക്ഷ്‌ണ​ത​യോ​ടെ നമ്മുടെ പങ്കു നിറ​വേ​റ​റാം. യേശു ഭൂമി​യി​ലാ​യി​രു​ന്ന​പ്പോ​ഴെ​ന്ന​പോ​ലെ, തുറന്നു​പ​റ​യുന്ന വീക്ഷാ​ഗോ​പുര ലേഖന​ങ്ങ​ളി​ലെ​യും വെളി​പ്പാട—അതിന്റെ മഹത്തായ പാരമ്യം സമീപി​ച്ചി​രി​ക്കു​ന്നു! എന്ന പുസ്‌ത​ക​ത്തി​ലെ​യും ശക്തമായ സന്ദേശ​ങ്ങ​ളുൾപ്പെ​ടെ​യുള്ള യഹോ​വ​യു​ടെ ന്യായ​വി​ധി​കൾ ഘോഷി​ക്കാൻ നമുക്ക്‌ ഇന്ന്‌ ധൈര്യ​മാ​വ​ശ്യ​മാണ്‌. നാം ധൈര്യ​പൂർവ​ക​വും നയപൂർവ​ക​വും പ്രസം​ഗി​ക്കേ​ണ്ട​താണ്‌, നമ്മുടെ മൊഴി​കൾ നീതി​യോ​ടു ചായ്‌വു​ള്ള​വർക്ക്‌ രുചി​ക്കു​ന്ന​താ​യി​രി​ക്കാൻ “ഉപ്പിനാൽ രുചി​വ​രു​ത്തിയ”വയായി​രി​ക്കണം. (കൊ​ലോ​സ്യർ 4:6) ദൈവി​ക​ഭ​ക്തി​സം​ബ​ന്ധിച്ച യേശു​വി​ന്റെ ദൃഷ്ടാ​ന്ത​ത്തിൽനി​ന്നു പഠിച്ച സ്ഥിതിക്ക്‌ യഹോവ നമുക്കു തന്ന വേല നാം പൂർത്തീ​ക​രി​ച്ചി​രി​ക്കു​ന്നു​വെന്ന്‌ തക്ക സമയത്ത്‌ റിപ്പോർട്ടു​ചെ​യ്യാൻ നാം പ്രാപ്‌ത​രാ​യി​രി​ക്കട്ടെ.—മത്തായി 24:14; യോഹ​ന്നാൻ 17:4.

15. ദൈവ​ത്തി​ന്റെ പാവന​ര​ഹ​സ്യം​സം​ബ​ന്ധിച്ച്‌ 1914 മുതൽ എന്തു സംഭവി​ച്ചി​രി​ക്കു​ന്നു?

¹⁵ യേശു ജഡത്തി​ലാ​യി​രു​ന്ന​പ്പോൾ എന്തോരു വിശിഷ്‌ട മാതൃ​കാ​പു​രു​ഷ​നാ​യി​രു​ന്നു! അവനിൽ എത്ര വ്യക്തമാ​യി ദൈവി​ക​ഭ​ക്തി​യു​ടെ പാവന​ര​ഹ​സ്യം നിവർത്തി​ക്ക​പ്പെട്ടു! അവൻ എത്ര ധീരമാ​യി യഹോ​വ​യു​ടെ നാമത്തെ മഹിമ​പ്പെ​ടു​ത്തി! അവന്റെ നിർമ്മ​ല​താ​പാ​ല​ന​ഗതി നിമിത്തം അവന്റെ പിതാവ്‌ എത്ര അത്ഭുത​ക​ര​മാ​യി അവനു പ്രതി​ഫലം കൊടു​ത്തു! എന്നാൽ ദൈവ​ത്തി​ന്റെ പാവന​ര​ഹ​സ്യ​ത്തിൽ ഇതില​ധി​കം ഉൾക്കൊ​ണ്ടി​രി​ക്കു​ന്നു. 1914 മുതൽ നാം “കർത്താ​വി​ന്റെ നാളി”ലാണ്‌ ജീവി​ക്കു​ന്നത്‌. (വെളി​പ്പാട്‌ 1:10) വെളി​പ്പാട്‌ 10:7 പ്രസ്‌താ​വി​ക്കു​ന്ന​തു​പോ​ലെ, ‘സുവാർത്ത​ക്ക​നു​സൃ​ത​മായ ദൈവ​ത്തി​ന്റെ പാവന​ര​ഹ​സ്യം പൂർത്തി​യാ​ക്ക​പ്പെ​ടേണ്ട’ സമയമാ​ണിത്‌. സ്വർഗ്ഗീ​യ​ശ​ബ്ദങ്ങൾ ഇപ്പോൾ ഇങ്ങനെ ഘോഷി​ച്ചി​രി​ക്കു​ന്നു: “ലോക​രാ​ജ്യം നമ്മുടെ കർത്താ​വി​ന്റെ​യും [യഹോവ] അവന്റെ ക്രിസ്‌തു​വി​ന്റെ​യും രാജ്യ​മാ​യി​ത്തീർന്നി​രി​ക്കു​ന്നു, അവൻ എന്നു​മെ​ന്നേ​ക്കും രാജാ​വാ​യി ഭരിക്കും.” (വെളി​പ്പാട്‌ 11:15) യഹോവ മശി​ഹൈ​ക​രാ​ജാ​വായ യേശു​ക്രി​സ്‌തു​വി​നെ തന്റെ സഹഭര​ണാ​ധി​കാ​രി​യാ​യി​രി​ക്കാൻ തന്റെ മഹത്വ​മുള്ള സിംഹാ​സ​ന​ത്തിൽ അവരോ​ധി​ച്ചി​രി​ക്കു​ന്നു!

16. പുതു​താ​യി സിംഹാ​സ​ന​സ്ഥ​നായ രാജാ​വായ യേശു​ക്രി​സ്‌തു പെട്ടെന്ന്‌ സ്വർഗ്ഗ​ത്തിൽ ദൈവി​ക​ഭ​ക്തി​യോ​ടുള്ള ആദരവു പ്രകട​മാ​ക്കി​യ​തെ​ങ്ങനെ?

¹⁶ നവജാ​ത​രാ​ജ്യ​ത്തിൽ ദൈവ​ത്തി​ന്റെ സഹഭര​ണാ​ധി​കാ​രി​യെന്ന നിലയിൽ യേശു മീഖാ​യേൽ (അർത്ഥം “ദൈവ​ത്തെ​പ്പോ​ലെ ആരുള്ളു?”) എന്നും വിളി​ക്ക​പ്പെ​ട്ടി​രി​ക്കു​ന്നു. യാതൊ​രു മത്സരി​യും ദൈവ​ത്തെ​പ്പോ​ലെ​യാ​കു​ന്ന​തിൽ ഒരിക്ക​ലും വിജയി​ക്കു​ക​യില്ല, പുതു​താ​യി സിംഹാ​സ​ന​സ്ഥ​നാ​ക്ക​പ്പെട്ട രാജാവ്‌ ആദ്യ പാമ്പായ സാത്താ​നെ​യും അവന്റെ ദൂതൻമാ​രെ​യും ഭൂമി​യി​ലേക്ക്‌ വലി​ച്ചെ​റി​ഞ്ഞു​കൊണ്ട്‌ പെട്ടെന്ന്‌ ഇത്‌ പ്രകട​മാ​ക്കി. (വെളി​പ്പാട്‌ 12:7-9) അതെ, യേശു ഭൂമി​യി​ലാ​യി​രു​ന്ന​പ്പോൾ ദൈവി​ക​ഭക്തി പ്രകട​മാ​ക്കി​യ​തു​പോ​ലെ, സ്വർഗ്ഗ​ത്തി​ലും അവന്‌ ദൈവി​ക​ഭ​ക്തി​യോട്‌ ആദരവുണ്ട്‌. വ്യാജ​മ​തത്തെ നിർമ്മൂ​ല​മാ​ക്കു​ക​യും ദൃശ്യ​വും അദൃശ്യ​വു​മായ സാത്താന്റെ സ്ഥാപനത്തെ പൂർണ്ണ​മാ​യും തുടച്ചു​നീ​ക്കു​ക​യും ചെയ്യു​ന്ന​തു​വരെ മഹത്വീ​ക​രി​ക്ക​പ്പെട്ട യേശു​ക്രി​സ്‌തു വിശ്ര​മി​ക്കു​ക​യില്ല.

17. ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നാ​ലു​മു​തൽ മത്തായി 25:31-33-ന്റെ നിവൃ​ത്തി​യാ​യി എന്തു സംഭവി​ച്ചു​കൊ​ണ്ടാ​ണി​രി​ക്കു​ന്നത്‌?

¹⁷ ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നാ​ലു​മു​തൽ മത്തായി 25:31-33-ലെ യേശു​വി​ന്റെ സ്വന്തം പ്രവച​ന​ത്തി​ന്റെ നിവൃത്തി ദൈവ​ത്തി​ന്റെ പാവന​ര​ഹ​സ്യ​ത്തെ ഉജ്ജ്വല​മാ​യി പ്രകാ​ശി​ത​മാ​ക്കി​യി​രി​ക്കു​ന്നു. അവിടെ യേശു ഇങ്ങനെ പ്രഖ്യാ​പി​ക്കു​ന്നു: “മനുഷ്യ​പു​ത്രൻ സകല ദൂതൻമാ​രു​മാ​യി തന്റെ മഹത്വ​ത്തിൽ വന്നെത്തു​മ്പോൾ അവൻ തന്റെ മഹത്വ​മുള്ള സിംഹാ​സ​ന​ത്തിൽ ഇരിക്കും. സകല ജനതക​ളും അവന്റെ മുമ്പാകെ കൂട്ടി​ച്ചേർക്ക​പ്പെ​ടും, ഒരു ഇടയൻ ചെമ്മരി​യാ​ടു​കളെ കോലാ​ടു​ക​ളിൽനി​ന്നു വേർതി​രി​ക്കു​ന്ന​തു​പോ​ലെ, അവൻ ജനത്തെ തമ്മിൽ തമ്മിൽ വേർതി​രി​ക്കും. അവൻ ചെമ്മരി​യാ​ടു​കളെ തന്റെ വലത്തും കോലാ​ടു​കളെ തന്റെ ഇടത്തും നിർത്തും.” ഈ മഹത്വ​മുള്ള രാജാ​വും ന്യായാ​ധി​പ​നും ദൈവി​ക​ഭ​ക്തി​യു​ടെ വക്താവു​മാ​യവൻ സ്വർഗ്ഗ​ത്തി​ലെ ഈ അനുകൂല സ്ഥാനത്തു​നിന്ന്‌ ആദ്യമാ​യി അധർമ്മ​മ​നു​ഷ്യ​ന്റെ​മേ​ലും മഹാബാ​ബി​ലോ​ന്റെ മററു ഘടകങ്ങ​ളു​ടെ​മേ​ലും പിന്നീട്‌ സാത്താന്റെ ദുഷ്ടഭൗ​മി​ക​സ്ഥാ​പ​ന​ത്തി​ന്റെ ശേഷിച്ച സകല ഘടകങ്ങ​ളിൻമേ​ലും കോലാ​ടു​തു​ല്യ​രായ പിന്തു​ണ​ക്കാ​രു​ടെ​മേ​ലും പ്രതി​കാ​രം നടത്തും. അനന്തരം സാത്താൻ അഗാധ​ത്തി​ല​ട​ക്ക​പ്പെ​ടും. (വെളി​പ്പാട്‌ 20:1-3) എന്നാൽ ചെമ്മരി​യാ​ടു​തു​ല്യ​രായ “നീതി​മാൻമാർ” നിത്യ​ജീ​വ​നി​ലേക്കു പോകും. (മത്തായി 25:46) നിങ്ങളു​ടെ ദൈവി​ക​ഭ​ക്തി​യു​ടെ പിന്തു​ടരൽ നിങ്ങളെ ആ നേരു​ള്ള​വ​രു​ടെ കൂട്ടത്തി​ലാ​ക്കി​ത്തീർക്കട്ടെ!

18. ദൈവി​ക​ഭ​ക്തി​യു​ടെ പാവന​ര​ഹ​സ്യ​ത്തോ​ടുള്ള ബന്ധത്തിൽ നമുക്ക്‌ എന്ത്‌ സന്തോ​ഷ​ക​ര​മായ പദവി​യുണ്ട്‌?

¹⁸ “ദൈവത്തെ ആരാധി​ക്കാൻ” വെളി​പ്പാട്‌ 19:10 നമ്മെ പ്രോൽസാ​ഹി​പ്പി​ക്കു​ന്നു. എന്തു​കൊണ്ട്‌? തിരു​വെ​ഴു​ത്തു തുടരു​ന്നു: “എന്തെന്നാൽ യേശു​വി​നു സാക്ഷ്യം വഹിക്ക​ലാണ്‌ പ്രവചി​ക്ക​ലി​നെ നിശ്വ​സി​ക്കു​ന്നത്‌.” അതു​കൊണ്ട്‌ പുരാ​ത​ന​കാ​ല​ങ്ങ​ളി​ലെ നിശ്വ​സ്‌ത​മായ പ്രവച​ന​ങ്ങ​ളി​ല​നേ​ക​വും യേശു​വി​നു സാക്ഷ്യം വഹിച്ചു! ഈ പ്രവച​നങ്ങൾ നിവർത്തി​ക്ക​പ്പെ​ട്ട​തോ​ടെ ദൈവ​ത്തി​ന്റെ പാവന​ര​ഹ​സ്യം പളുങ്കു​പോ​ലെ തെളി​മ​യു​ള്ള​താ​യി​ത്തീർന്നി​രി​ക്കു​ന്നു. അതു​കൊണ്ട്‌ ഈ ദൈവി​ക​ഭ​ക്തി​യു​ടെ പാവന​ര​ഹ​സ്യം യേശു​വിൽ മൂർത്തീ​ക​രി​ക്കാ​നി​ട​യാ​യെ​ന്ന​റി​യു​ന്ന​തിൽ നാം സന്തോ​ഷി​ക്കു​ന്നു. ദൈവ​രാ​ജ്യ​ത്തി​ന്റെ വിനീ​ത​ശു​ശ്രൂ​ഷ​ക​രെന്ന നിലയിൽ അവന്റെ കാൽചു​വ​ടു​കളെ പിന്തു​ട​രാ​നുള്ള അത്ഭുത​പ​ദവി നമുക്കുണ്ട്‌. അതെ, സുവാർത്ത​ക്ക​നു​സൃ​ത​മായ ദൈവ​ത്തി​ന്റെ മുഴു​പാ​വ​ന​ര​ഹ​സ്യ​വും ഗ്രഹി​ക്കു​ന്ന​തി​ലും പ്രഘോ​ഷി​ക്കു​ന്ന​തി​ലും പങ്കെടു​ക്കു​ന്ന​തിൽ നാം ബഹുമാ​നി​ത​രാ​യി​രി​ക്കു​ന്നു! (w90 1/15)