‘വാത്സല്യമില്ലാത്തവരായിരിക്കും.’ ദുഃഖപൂർണമായ ആ പ്രസ്‌താവനയിലൂടെ ‘അന്ത്യകാലം’ എന്നു വിശേഷിപ്പിക്കപ്പെടുന്ന നമ്മുടെ നാളിലെ പലരുടെയും സ്വഭാവത്തെക്കുറിച്ചു പറയുകയാണു ബൈബിൾ. (2 തിമൊഥെയൊസ്‌ 3:1, 3, 4) കുടുംബവൃത്തത്തിൽ പടർന്നുപിടിക്കുന്ന ബാലപീഡനം എന്ന മഹാവ്യാധി ഈ പ്രവചനത്തിന്റെ സത്യതയ്‌ക്ക്‌ അടിവരയിടുന്നു. “വാത്സല്യമില്ലാത്ത” എന്നു പരിഭാഷപ്പെടുത്തിയിരിക്കുന്ന ആസ്റ്റോർഗോസ്‌ എന്ന മൂല ഗ്രീക്കുപദം കുടുംബാംഗങ്ങൾക്കിടയിൽ വിശേഷിച്ച്‌ മാതാപിതാക്കൾക്കും കുട്ടികൾക്കും ഇടയിൽ ഉണ്ടായിരിക്കേണ്ട സ്‌നേഹത്തിന്റെ അഭാവത്തെയാണു കാണിക്കുന്നത്‌.a മിക്കവാറും ബാലപീഡനം അരങ്ങേറുന്നത്‌ അത്തരമൊരു കുടുംബാന്തരീക്ഷത്തിലാണ്‌.