മാതാ​പി​താ​ക്കളേ, നിങ്ങളു​ടെ കുട്ടി​ക​ളിൽ ആനന്ദിക്ക

“നിന്റെ അമ്മയപ്പ​ന്മാർ സന്തോ​ഷി​ക്കട്ടെ.”—സദൃശ​വാ​ക്യ​ങ്ങൾ 23:25.

1. എന്തു കാരണ​ത്താൽ മാതാ​പി​താ​ക്കൾ തങ്ങളുടെ മക്കളിൽ ആനന്ദി​ക്കും?

ഒരു തൈ വളർന്ന്‌ സുന്ദര​മായ ഒരു പടുകൂ​റ്റൻ തണൽവൃ​ക്ഷ​മാ​യി​ത്തീ​രു​ന്നത്‌ കാണു​ന്നത്‌—വിശേ​ഷി​ച്ചും അതു നിങ്ങൾ നട്ടുവ​ളർത്തി​യ​താ​ണെ​ങ്കിൽ—എന്തൊരു രസമാണ്‌! അതു​പോ​ലെ, കുട്ടി​കൾക്കു​വേണ്ടി കരുതുന്ന മാതാ​പി​താ​ക്കൾ അവർ വളർന്നു പക്വത​യുള്ള ദൈവ​ദാ​സ​രാ​യി​ത്തീ​രു​ന്നതു കാണു​ന്ന​തിൽ ആനന്ദി​ക്കു​ന്നു. അത്‌ ഒരു ബൈബിൾ സദൃശ​വാ​ക്യം പറയു​ന്ന​തു​പോ​ലെ​യാണ്‌: “നീതി​മാ​ന്റെ അപ്പൻ ഏറ്റവും ആനന്ദി​ക്കും; ജ്ഞാനി​യു​ടെ ജനകൻ അവനിൽ സന്തോ​ഷി​ക്കും. നിന്റെ അമ്മയപ്പ​ന്മാർ സന്തോ​ഷി​ക്കട്ടെ; നിന്നെ പ്രസവി​ച്ചവൾ ആനന്ദി​ക്കട്ടെ.”—സദൃശ​വാ​ക്യ​ങ്ങൾ 23:24, 25.

2, 3. (എ) മാതാ​പി​താ​ക്കൾക്കു ഖേദവും കൈപ്പും ഒഴിവാ​ക്കാ​നാ​വു​ന്ന​തെ​ങ്ങനെ? (ബി) ആനന്ദത്തിന്‌ ഉറവാ​യി​ത്തീ​രു​ന്ന​തി​നു തൈകൾക്കും കുട്ടി​കൾക്കും എന്താവ​ശ്യ​മാണ്‌?

² എന്നിരു​ന്നാ​ലും, ഒരു കുട്ടി സ്വതവേ ‘നീതി​മാ​നും ജ്ഞാനി​യും’ ആയിത്തീ​രു​ന്നില്ല. തൈ വളർത്തി പടുകൂ​റ്റൻ വൃക്ഷമാ​ക്കി​മാ​റ്റു​ന്ന​തി​നു ശ്രമം ആവശ്യ​മാണ്‌. അതു​പോ​ലെ കുട്ടികൾ “ഖേദ”കാരണ​വും “കൈപ്പും” ആയിത്തീ​രാ​തി​രി​ക്കു​ന്ന​തി​നു വലിയ ശ്രമം ആവശ്യ​മാണ്‌. (സദൃശ​വാ​ക്യ​ങ്ങൾ 17:21, 25) ഉദാഹ​ര​ണ​ത്തിന്‌, താങ്ങു​കു​റ്റി​കൾക്ക്‌ ഒരു തൈയെ കരു​ത്തോ​ടെ, നേരെ വളർത്തി​ക്കൊ​ണ്ടു​വ​രാ​നാ​വും. ക്രമമാ​യി വെള്ളം ലഭിക്കു​ന്നതു ജീവത്‌പ്ര​ധാ​ന​മാണ്‌. തൈയ്‌ക്ക്‌ കീടങ്ങ​ളിൽനി​ന്നു സംരക്ഷ​ണ​വും വേണം. അവസാനം, വെട്ടി​വെ​ടി​പ്പാ​ക്ക​ലോ​ടെ അതൊരു മനോഹര വൃക്ഷമാ​യി​ത്തീ​രു​ന്നു.

³ ദൈവിക പരിശീ​ലനം, ബൈബിൾസ​ത്യം എന്ന ജലം​കൊ​ണ്ടു നിറയൽ, ധാർമിക ദുഷ്‌പെ​രു​മാ​റ്റ​ത്തിൽനി​ന്നുള്ള സംരക്ഷണം, അനഭി​ല​ഷ​ണീയ സ്വഭാ​വ​വി​ശേ​ഷങ്ങൾ വെട്ടി​വെ​ടി​പ്പാ​ക്കു​ന്ന​തി​നുള്ള സ്‌നേ​ഹ​പു​ര​സ്സ​ര​മായ ശിക്ഷണം എന്നിവ​പോ​ലുള്ള സംഗതി​കൾ കുട്ടി​കൾക്ക്‌ ആവശ്യ​മാ​ണെന്നു ദൈവ​വ​ചനം വെളി​പ്പെ​ടു​ത്തു​ന്നു. ഈ ആവശ്യങ്ങൾ നിറ​വേ​റ്റു​ന്ന​തിന്‌, മക്കളെ “യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വ​ത്‌ക​ര​ണ​ത്തി​ലും” വളർത്തി​ക്കൊ​ണ്ടു​വ​രു​വാൻ പിതാ​ക്ക​ന്മാർ വിശേ​ഷാൽ ഉദ്‌ബോ​ധി​പ്പി​ക്ക​പ്പെ​ടു​ന്നു. (എഫെസ്യർ 6:4, NW) അതി​ലെ​ന്താണ്‌ ഉൾപ്പെ​ട്ടി​രി​ക്കു​ന്നത്‌?

യഹോ​വ​യു​ടെ വചനത്തി​നുള്ള പ്രാധാ​ന്യം

4. കുട്ടി​ക​ളോ​ടുള്ള മാതാ​പി​താ​ക്ക​ളു​ടെ ഉത്തരവാ​ദി​ത്വ​മെന്ത്‌, അതു നിവർത്തി​ക്കു​ന്ന​തി​നു​മുമ്പ്‌ എന്താവ​ശ്യ​മാണ്‌?

⁴ ‘യഹോ​വ​യു​ടെ മാനസി​ക​ക്ര​മ​വ​ത്‌ക​രണം’ എന്നതിനു നമ്മുടെ ചിന്തയെ യഹോ​വ​യു​ടെ ഹിത​ത്തോ​ടു യോജി​പ്പി​ലാ​ക്കൽ എന്നാണ്‌ അർഥം. അപ്പോൾ, സംഗതി​കൾ സംബന്ധി​ച്ചുള്ള യഹോ​വ​യു​ടെ ചിന്ത മാതാ​പി​താ​ക്കൾ തങ്ങളുടെ കുട്ടി​ക​ളു​ടെ മനസ്സിൽ പതിപ്പി​ക്കണം. അത്‌ അവന്റെ ചിന്താ​ഗതി അവരിൽ ഉൾനടും. കൂടാതെ അനുക​മ്പ​യാർന്ന ശിക്ഷണ​മോ തിരുത്തൽ പരിശീ​ല​ന​മോ പ്രദാനം ചെയ്യുന്ന ദൈവ​ത്തി​ന്റെ മാതൃക അവർ അനുക​രി​ക്കു​ക​യും വേണം. (സങ്കീർത്തനം 103:10, 11; സദൃശ​വാ​ക്യ​ങ്ങൾ 3:11, 12) എന്നാൽ മാതാ​പി​താ​ക്കൾക്ക്‌ ഇതു ചെയ്യാൻ കഴിയു​ന്ന​തി​നു​മുമ്പ്‌, അവർതന്നെ യഹോ​വ​യു​ടെ വചനങ്ങൾ ഹൃദി​സ്ഥ​മാ​ക്കണം. അതു ദൈവ​ത്തി​ന്റെ പ്രവാ​ച​ക​നായ മോശ പുരാതന ഇസ്രാ​യേ​ല്യ​രെ ബുദ്ധ്യു​പ​ദേ​ശി​ച്ച​തു​പോ​ലെ​യാണ്‌: “ഇന്നു ഞാൻ നിന്നോ​ടു കല്‌പി​ക്കുന്ന [യഹോ​വ​യിൽനി​ന്നുള്ള] ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം.” (ചെരി​ച്ചെ​ഴുത്ത്‌ ഞങ്ങളു​ടേത്‌.)—ആവർത്ത​ന​പു​സ്‌തകം 6:6.

5. ഇസ്രാ​യേല്യ മാതാ​പി​താ​ക്കൾ കുട്ടി​കളെ എപ്പോൾ, ഏതു വിധത്തിൽ പ്രബോ​ധി​പ്പി​ക്ക​ണ​മാ​യി​രു​ന്നു, “ഉൾനടുക” എന്നതിന്റെ അർഥ​മെന്ത്‌?

⁵ ബൈബി​ളി​ന്റെ ക്രമമായ പഠനവും ധ്യാന​വും മാതാ​പി​താ​ക്കളെ മോശ തുടർന്ന്‌ ഇങ്ങനെ കൽപ്പി​ച്ചതു ചെയ്യാൻ സജ്ജരാ​ക്കു​ന്നു: “നീ നിന്റെ മക്കൾക്കു [യഹോ​വ​യു​ടെ വചനങ്ങളെ] ഉപദേ​ശി​ച്ചു​കൊ​ടു​ക്ക​യും [“ഉൾനടു​ക​യും,” NW] നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.” (ചെരി​ച്ചെ​ഴു​ത്തു ഞങ്ങളു​ടേത്‌.) “ഉൾനടുക” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ പദത്തിന്റെ അർഥം “ആവർത്തി​ക്കുക,” “വീണ്ടും വീണ്ടും പറയുക,” “അതീവ വ്യക്തത​യോ​ടെ പതിപ്പി​ക്കുക” എന്നെല്ലാ​മാണ്‌. യഹോ​വ​യു​ടെ വചനങ്ങൾ ഒന്നാം സ്ഥാനത്തു വെക്കേ​ണ്ട​തി​ന്റെ ആവശ്യ​ത്തി​നു മോശ കൂടു​ത​ലാ​യി ഊന്നൽ കൊടു​ക്കു​ന്ന​തെ​ങ്ങ​നെ​യെന്നു ശ്രദ്ധി​ക്കുക: “അവയെ അടയാ​ള​മാ​യി നിന്റെ കൈമേൽ കെട്ടേണം; അവ നിന്റെ കണ്ണുകൾക്കു മദ്ധ്യേ പട്ടമായി ഇരി​ക്കേണം. അവയെ നിന്റെ വീട്ടിന്റെ കട്ടിള​ക​ളിൻമേ​ലും പടിവാ​തി​ലു​ക​ളി​ലും എഴു​തേണം.” വ്യക്തമാ​യും, മാതാ​പി​താ​ക്കൾ മക്കൾക്കു ക്രമമായ, സ്‌നേ​ഹ​പു​ര​സ്സ​ര​മായ ശ്രദ്ധ നൽകണ​മെന്ന്‌ യഹോവ ആവശ്യ​പ്പെ​ടു​ന്നു!—ആവർത്ത​ന​പു​സ്‌തകം 6:7-9.

6. മാതാ​പി​താ​ക്കൾ കുട്ടി​ക​ളിൽ എന്ത്‌ ഉൾനട​ണ​മാ​യി​രു​ന്നു, അതിന്റെ പ്രയോ​ജ​ന​മെ​ന്താ​യി​രു​ന്നു?

⁶ മാതാ​പി​താ​ക്കൾ തങ്ങളുടെ മക്കളിൽ ഉൾന​ടേ​ണ്ടി​യി​രുന്ന യഹോ​വ​യു​ടെ ‘ഈ വചനങ്ങൾ’ എന്തായി​രു​ന്നു? കൊല ചെയ്യരുത്‌, വ്യഭി​ചാ​രം ചെയ്യരുത്‌, മോഷ്ടി​ക്ക​രുത്‌, കള്ളസാ​ക്ഷ്യം പറയരുത്‌, മോഹി​ക്ക​രുത്‌ എന്നീ കൽപ്പനകൾ ഉൾപ്പെ​ടെ​യുള്ള, പൊതു​വേ പത്തു കൽപ്പനകൾ എന്നു വിളി​ക്ക​പ്പെ​ടു​ന്നവ മോശ അപ്പോൾ ആവർത്തി​ച്ചതേ ഉണ്ടായി​രു​ന്നു​ള്ളൂ. അത്തരം ധാർമിക നിബന്ധ​ന​ക​ളും “നിന്റെ ദൈവ​മായ യഹോ​വയെ നീ പൂർണ്ണ ഹൃദയ​ത്തോ​ടും പൂർണ്ണ​മ​ന​സ്സോ​ടും പൂർണ്ണ​ശ​ക്തി​യോ​ടും കൂടെ സ്‌നേഹി”ക്കാനുള്ള കൽപ്പന​യും ഇസ്രാ​യേല്യ മാതാ​പി​താ​ക്കൾ തങ്ങളുടെ കുട്ടി​ക​ളിൽ വിശേ​ഷാൽ ഉൾന​ടേ​ണ്ട​വ​യാ​യി​രു​ന്നു. (ആവർത്ത​ന​പു​സ്‌തകം 5:6-21; 6:1-5) ഇത്തരത്തി​ലുള്ള പഠിപ്പി​ക്ക​ലാ​ണു കുട്ടി​കൾക്ക്‌ ഇന്ന്‌ ആവശ്യ​മാ​യി​രി​ക്കു​ന്നത്‌ എന്നതി​നോ​ടു നിങ്ങൾ യോജി​ക്കു​ന്നി​ല്ലേ?

7. (എ) ബൈബി​ളിൽ കുട്ടി​കളെ എന്തി​നോ​ടു താരത​മ്യ​പ്പെ​ടു​ത്തി​യി​രി​ക്കു​ന്നു? (ബി) നാമി​പ്പോൾ എന്തു പരി​ശോ​ധി​ക്കു​ന്ന​താണ്‌?

⁷ ഇസ്രാ​യേല്യ പിതാ​വി​നോട്‌ ഇങ്ങനെ പറഞ്ഞി​രു​ന്നു: “നിന്റെ ഭാര്യ നിന്റെ വീട്ടി​ന്ന​കത്തു ഫലപ്ര​ദ​മായ മുന്തി​രി​വ​ള്ളി​പോ​ലെ​യും നിന്റെ മക്കൾ നിന്റെ മേശെക്കു ചുറ്റും ഒലിവു​തൈ​കൾപോ​ലെ​യും ഇരിക്കും.” (സങ്കീർത്തനം 128:3) എന്നാൽ, മാതാ​പി​താ​ക്കൾ തങ്ങളുടെ “തൈകളി”ൽ ഖേദി​ക്കു​ന്ന​തി​നു​പ​കരം ആനന്ദി​ക്കാൻ അവർ തങ്ങളുടെ കുട്ടി​ക​ളിൽ ദിവസേന വ്യക്തി​പ​ര​മായ താത്‌പ​ര്യം കാട്ടണം. (സദൃശ​വാ​ക്യ​ങ്ങൾ 10:1; 13:24; 29:15, 17) മക്കളിൽ യഥാർഥ ആനന്ദം കൊള്ളാ​വുന്ന വിധത്തിൽ അവരെ പരിശീ​ലി​പ്പി​ക്കാ​നും ആത്മീയ​മാ​യി നനയ്‌ക്കാ​നും സംരക്ഷി​ക്കാ​നും അവർക്ക്‌ സ്‌നേ​ഹ​പു​ര​സ്സരം ശിക്ഷണം കൊടു​ക്കാ​നും മാതാ​പി​താ​ക്കൾക്ക്‌ എങ്ങനെ സാധി​ക്കു​മെന്നു നമുക്കു പരി​ശോ​ധി​ക്കാം.

ശൈശ​വം​മു​തൽ പരിശീ​ലി​പ്പി​ക്കൽ

8. (എ) തിമൊ​ഥെ​യൊ​സി​നു താങ്ങു​കു​റ്റി​ക​ളാ​യി സേവി​ച്ച​താ​രെ​ല്ലാം? (ബി) പരിശീ​ലനം എപ്പോൾ ആരംഭി​ച്ചു, ഫലങ്ങൾ എന്തെല്ലാ​മാ​യി​രു​ന്നു?

⁸ പ്രതീ​കാ​ത്മ​ക​മാ​യി പറയു​ക​യാ​ണെ​ങ്കിൽ ആഴത്തിൽ ഉറപ്പി​ച്ചി​രി​ക്കുന്ന രണ്ടു താങ്ങുകുറ്റികൾപോലെയായി​രുന്ന തന്റെ അമ്മയിൽനി​ന്നും വല്യമ്മ​യിൽനി​ന്നും പിന്തുണ ലഭിച്ച തിമൊ​ഥെ​യൊ​സി​നെ​ക്കു​റി​ച്ചു ചിന്തി​ക്കുക. തിമൊ​ഥെ​യൊ​സി​ന്റെ പിതാവ്‌ ഒരു യവനനും വ്യക്തമാ​യും ഒരു അവിശ്വാ​സി​യു​മാ​യി​രു​ന്ന​തു​കൊണ്ട്‌, അവന്റെ യഹൂദ മാതാ​വായ യൂനി​ക്ക​യും അവളുടെ അമ്മയായ ലോവീ​സു​മാണ്‌ ബാലനെ ‘തിരു​വെ​ഴു​ത്തു​കൾ ശൈശ​വം​മു​തൽ’ പരിശീ​ലി​പ്പി​ച്ചത്‌. (2 തിമൊ​ഥെ​യൊസ്‌ 1:5; 3:14, NW; പ്രവൃ​ത്തി​കൾ 16:1) തിമൊ​ഥെ​യൊ​സി​നെ—അവൻ ശിശു​വാ​യി​രി​ക്കു​മ്പോൾപ്പോ​ലും—‘യഹോവ ചെയ്‌ത അത്ഭുത​പ്ര​വൃ​ത്തി​കൾ’ പഠിപ്പി​ക്കു​ന്ന​തിൽ കാട്ടിയ ശുഷ്‌കാ​ന്തി​ക്കു സമൃദ്ധ​മായ പ്രതി​ഫലം കിട്ടി. (സങ്കീർത്തനം 78:1, 3, 4) തിമൊ​ഥെ​യൊ​സി​ന്റെ കൗമാ​ര​പ്രാ​യ​ത്തിൽത്തന്നെ അവൻ വിദൂ​ര​നാ​ടു​ക​ളിൽ ഒരു മിഷന​റി​യാ​യി​ത്തീർന്നി​രി​ക്കാം. മാത്രമല്ല, ആദിമ ക്രിസ്‌തീയ സഭകളെ ബലിഷ്‌ഠ​മാ​ക്കു​ന്ന​തിൽ അവനു പ്രമുഖ പങ്കുമു​ണ്ടാ​യി​രു​ന്നു.—പ്രവൃ​ത്തി​കൾ 16:2-5; 1 കൊരി​ന്ത്യർ 4:17; ഫിലി​പ്പി​യർ 2:19-23.

9. ഭൗതി​ക​ത്വ​ചി​ന്താ​ഗ​തി​യു​ടെ കെണികൾ ഒഴിവാ​ക്കു​ന്ന​തി​നു കുട്ടി​കൾക്കെ​ങ്ങനെ പഠിക്കാ​നാ​വും?

⁹ മാതാ​പി​താ​ക്കളേ, നിങ്ങൾ ഏതുതരം താങ്ങു​കു​റ്റി​ക​ളാണ്‌? ഉദാഹ​ര​ണ​ത്തിന്‌, നിങ്ങളു​ടെ കുട്ടികൾ ഭൗതിക വസ്‌തു​ക്ക​ളെ​ക്കു​റി​ച്ചു സമനി​ല​യുള്ള ഒരു കാഴ്‌ച​പ്പാ​ടു വളർത്തി​യെ​ടു​ക്ക​ണ​മെന്നു നിങ്ങൾ ആഗ്രഹി​ക്കു​ന്നു​വോ? അങ്ങനെ​യെ​ങ്കിൽ നിങ്ങൾക്കു വാസ്‌ത​വ​ത്തിൽ ആവശ്യ​മി​ല്ലാത്ത അതിനൂ​ത​ന​മായ സകല സാമ​ഗ്രി​ക​ളു​ടെ​യോ മറ്റു സംഗതി​ക​ളു​ടെ​യോ പിന്നാലെ പായാതെ നിങ്ങൾ ശരിയായ മാതൃക വെക്കണം. ഭൗതിക നേട്ടങ്ങൾക്കു പിന്നാലെ പോകാ​നാ​ണു നിങ്ങൾ തീരു​മാ​നി​ക്കു​ന്ന​തെ​ങ്കിൽ, നിങ്ങളു​ടെ മക്കൾ നിങ്ങളെ അനുക​രി​ക്കു​മ്പോൾ അതിശ​യി​ക്ക​രുത്‌. (മത്തായി 6:24; 1 തിമൊ​ഥെ​യൊസ്‌ 6:9, 10) തീർച്ച​യാ​യും, താങ്ങു​കു​റ്റി​കൾ ചൊവ്വു​ള്ള​ത​ല്ലെ​ങ്കിൽ, തൈ എങ്ങനെ നേരെ വളരും?

10. മാതാ​പി​താ​ക്കൾ എല്ലായ്‌പോ​ഴും ആരുടെ നിർദേശം തേടണം, അവർക്ക്‌ എന്തു മനോ​ഭാ​വം ഉണ്ടായി​രി​ക്കണം?

¹⁰ മക്കളിൽ ആനന്ദി​ക്കുന്ന മാതാ​പി​താ​ക്കൾ, ആത്മീയ​മാ​യി കുട്ടി​ക​ളു​ടെ ഏറ്റവും മികച്ച താത്‌പ​ര്യ​ങ്ങൾക്കു സദാ പരിഗണന കൊടു​ത്തു​കൊണ്ട്‌, അവരെ പരിശീ​ലി​പ്പി​ക്കാൻ നിരന്തരം ദിവ്യ​സ​ഹാ​യം തേടും. നാലു മക്കളുള്ള ഒരു മാതാവ്‌ ഇങ്ങനെ വിവരി​ച്ചു: “ഞങ്ങളുടെ കുട്ടികൾ ജനിക്കു​ന്ന​തി​നു​മു​മ്പു​പോ​ലും, ഞങ്ങൾക്കു നല്ല മാതാ​പി​താ​ക്ക​ളാ​കാ​നും അവന്റെ വചനത്താൽ വഴിന​ട​ത്ത​പ്പെ​ടാ​നും അതു ഞങ്ങളുടെ ജീവി​ത​ത്തിൽ ബാധക​മാ​ക്കാ​നും കഴി​യേ​ണ്ട​തി​നു ഞങ്ങൾ യഹോ​വ​യോ​ടു നിരന്തരം പ്രാർഥി​ക്കു​മാ​യി​രു​ന്നു. അവർ ഇങ്ങനെ കൂട്ടി​ച്ചേർത്തു: “‘യഹോ​വ​യ്‌ക്കാണ്‌ ഒന്നാം സ്ഥാനം’ എന്നത്‌ കേവല​മൊ​രു പല്ലവി മാത്ര​മാ​യി​രു​ന്നില്ല, ഞങ്ങൾ ജീവിച്ച രീതി​യാ​യി​രു​ന്നു അത്‌.”—ന്യായാ​ധി​പ​ന്മാർ 13:8.

ക്രമമാ​യി “വെള്ളം” കൊടു​ക്കൽ

11. തൈക​ളു​ടെ​യും കുട്ടി​ക​ളു​ടെ​യും വളർച്ച​യ്‌ക്ക്‌ എന്താവ​ശ്യ​മാണ്‌?

¹¹ നദീതീ​രത്തു വൃക്ഷങ്ങൾ എത്ര നന്നായി വളരു​ന്നു​വെ​ന്ന​തി​ലെ സൂചന​പോ​ലെ, തൈകൾക്കു വിശേ​ഷി​ച്ചും വെള്ളം മുടങ്ങാ​തെ ലഭിക്കണം. (വെളി​പ്പാ​ടു 22:1, 2 താരത​മ്യം ചെയ്യുക.) ബൈബിൾ സത്യത്തി​ന്റെ ജലം ക്രമമാ​യി കൊടു​ക്കു​ന്നെ​ങ്കിൽ ശിശു​ക്ക​ളും ആത്മീയ​മാ​യി അഭിവൃ​ദ്ധി പ്രാപി​ക്കും. എന്നാൽ മാതാ​പി​താ​ക്കൾ തങ്ങളുടെ കുട്ടി​ക​ളു​ടെ ശ്രദ്ധിക്കൽ പ്രാപ്‌തി കണക്കി​ലെ​ടു​ക്കേ​ണ്ട​തുണ്ട്‌. ഒരുപക്ഷേ, ഇടവി​ട്ടുള്ള ഹ്രസ്വ​മായ പഠിപ്പി​ക്കൽവേ​ള​ക​ളാ​വാം ദീർഘ​മാ​യ​വ​യെ​ക്കാൾ ഫലപ്രദം. ദൈർഘ്യം കുറഞ്ഞ അത്തരം പഠിപ്പി​ക്കൽവേ​ള​ക​ളു​ടെ മൂല്യം കുറച്ചു​കാ​ണ​രുത്‌. മാതാ​വി​നും കുട്ടി​ക്കും അല്ലെങ്കിൽ പിതാ​വി​നും കുട്ടി​ക്കും ഇടയിൽ ഒരു ഊഷ്‌മ​ള​ബന്ധം, തിരു​വെ​ഴു​ത്തു​ക​ളിൽ ആവർത്തി​ച്ചു പ്രോ​ത്സാ​ഹി​പ്പി​ക്ക​പ്പെ​ടുന്ന അടുപ്പം സൃഷ്ടി​ക്കു​ന്ന​തിന്‌ ഒരുമി​ച്ചു സമയം ചെലവ​ഴി​ക്ക​ണ​മെ​ന്നതു മർമ​പ്ര​ധാ​ന​മാണ്‌.—ആവർത്ത​ന​പു​സ്‌തകം 6:6-9; 11:18-21; സദൃശ​വാ​ക്യ​ങ്ങൾ 22:6.

12. കുട്ടി​ക​ളോ​ടൊ​പ്പം പ്രാർഥി​ക്കു​ന്ന​തി​ന്റെ മൂല്യ​മെന്ത്‌?

¹² കുട്ടി​ക​ളു​മൊ​ത്തു ചെലവ​ഴി​ക്കുന്ന വേളക​ളി​ലൊ​ന്നു സായാ​ഹ്ന​ത്തി​ലാ​ക്കാ​വു​ന്ന​താണ്‌. ഒരു യുവതി അനുസ്‌മ​രി​ക്കു​ന്നു: “എന്റെ മാതാ​പി​താ​ക്കൾ എല്ലാ രാത്രി​യി​ലും ഞങ്ങളുടെ കിടക്ക​യ്‌ക്ക​രി​കിൽ ഇരുന്ന്‌ ഞങ്ങൾ പ്രാർഥി​ക്കു​ന്നത്‌ ശ്രദ്ധി​ക്കു​മാ​യി​രു​ന്നു.” ഇങ്ങനെ ചെയ്യു​ന്ന​തി​ന്റെ മൂല്യ​ത്തെ​ക്കു​റിച്ച്‌ മറ്റൊ​രു​വൾ പറഞ്ഞു: “അങ്ങനെ​യാണ്‌ എനിക്ക്‌ എന്നും രാത്രി കിടക്കു​ന്ന​തി​നു​മുമ്പ്‌ യഹോ​വ​യോ​ടു പ്രാർഥി​ക്കുന്ന ശീലമു​ണ്ടാ​യത്‌.” മാതാ​പി​താ​ക്കൾ ദിവസേന യഹോ​വ​യെ​ക്കു​റി​ച്ചു സംസാ​രി​ക്കു​ക​യും അവനോ​ടു പ്രാർഥി​ക്കു​ക​യും ചെയ്യു​ന്നത്‌ കേൾക്കു​മ്പോൾ, കുട്ടി​കൾക്ക്‌ അവനൊ​രു യഥാർഥ വ്യക്തി​യാ​യി​ത്തീ​രു​ന്നു. ഒരു യുവാവ്‌ പറഞ്ഞു: “കണ്ണുക​ള​ടച്ചു ഞാൻ യഹോ​വ​യോ​ടു പ്രാർഥി​ക്കു​മ്പോൾ എനിക്ക്‌ അവനെ വല്യച്ഛ​സ​മാ​ന​മായ ഒരു യഥാർഥ വ്യക്തി​യാ​യി ദർശി​ക്കാ​നാ​വു​ന്നു. നാം ചെയ്യു​ന്ന​തും പറയു​ന്ന​തു​മായ സകലത്തി​ലും യഹോ​വ​യ്‌ക്ക്‌ ഒരു പങ്കു​ണ്ടെന്നു കാണാൻ എന്റെ മാതാ​പി​താ​ക്കൾ എന്നെ സഹായി​ച്ചു.”

13. ക്രമമുള്ള പ്രബോ​ധ​ന​വേ​ള​ക​ളിൽ എന്ത്‌ ഉൾപ്പെ​ടു​ത്താ​വു​ന്ന​താണ്‌?

¹³ ബൈബിൾസ​ത്യ​ത്തി​ന്റെ ജലം ആഗിരണം ചെയ്യാൻ കുട്ടി​കളെ സഹായി​ക്കു​ന്ന​തി​നു ക്രമമാ​യുള്ള പ്രബോ​ധന വേളക​ളിൽ മാതാ​പി​താ​ക്കൾക്ക്‌ പ്രാ​യോ​ഗി​ക​മായ അനേകം സംഗതി​കൾ ഉൾപ്പെ​ടു​ത്താ​വു​ന്ന​താണ്‌. കൗമാ​ര​പ്രാ​യ​മെ​ത്താത്ത രണ്ടു മക്കളുള്ള മാതാ​പി​താ​ക്കൾ പറഞ്ഞു: “ജനിച്ച്‌ ഏതാനും ആഴ്‌ച​കൾക്കു​ള്ളിൽത്തന്നെ രണ്ടു കുട്ടി​കൾക്കും രാജ്യ​ഹാ​ളിൽ ശാന്തരാ​യി ഇരിക്കു​ന്ന​തി​നുള്ള പരിശീ​ലനം ലഭിക്കാൻ തുടങ്ങി.” തന്റെ കുടും​ബം ചെയ്‌തി​രു​ന്നത്‌ ഒരു പിതാവ്‌ വർണിച്ചു: “ഞങ്ങൾ എല്ലാ ബൈബിൾ പുസ്‌ത​ക​ങ്ങ​ളും കൊച്ചു കടലാസ്സു കഷണങ്ങ​ളിൽ പട്ടിക​പ്പെ​ടു​ത്തി, എന്നിട്ട്‌ ഞങ്ങളെ​ല്ലാ​വ​രും അവരവ​രു​ടെ ഊഴമ​നു​സ​രിച്ച്‌ അവയെ ക്രമത്തി​ലാ​ക്കു​ന്നത്‌ ഒരു ശീലമാ​ക്കി. ഈ അവസര​ത്തി​നാ​യി കുട്ടികൾ എല്ലായ്‌പോ​ഴും കാത്തി​രി​ക്കു​മാ​യി​രു​ന്നു.” അനേകം കുടും​ബ​ങ്ങ​ളും ഭക്ഷണത്തി​നു മുമ്പോ പിമ്പോ ഹ്രസ്വ​മാ​യൊ​രു പഠിപ്പി​ക്കൽ വേള ഉൾപ്പെ​ടു​ത്തു​ന്നു. ഒരു പിതാവ്‌ പറഞ്ഞു: “അത്താഴ സമയമാ​ണു ഞങ്ങൾക്കു ബൈബിൾ ദിനവാ​ക്യം ചർച്ച​ചെ​യ്യാ​നുള്ള പറ്റിയ സമയം.”

14. (എ) ആത്മീയ​മാ​യി പ്രതി​ഫ​ല​ദാ​യ​ക​മായ ഏതെല്ലാം പ്രവൃ​ത്തി​കൾ കുട്ടി​ക​ളു​മൊ​ത്തു പങ്കു​വെ​ക്കാ​നാ​വും? (ബി) കുട്ടി​കൾക്കു പഠിക്കു​ന്ന​തി​നുള്ള എന്തു പ്രാപ്‌തി​യാ​ണു​ള്ളത്‌?

¹⁴ എന്റെ ബൈബിൾ കഥാ പുസ്‌ത​ക​ത്തി​ലെ ജീവസ്സുറ്റ ബൈബിൾ വിവര​ണങ്ങൾ ശ്രവി​ക്കു​ന്ന​തും കുട്ടികൾ ആസ്വദി​ക്കു​ന്നു.a “മക്കൾ ചെറു​പ്പ​മാ​യി​രു​ന്ന​പ്പോൾ ബൈബിൾ കഥാ പുസ്‌ത​ക​ത്തി​ലെ ഒരധ്യാ​യം പഠിക്കു​മാ​യി​രു​ന്നു. പിന്നെ ഒരു കൊച്ചു​നാ​ടകം അരങ്ങേ​റു​ക​യാ​യി. വേഷഭൂ​ഷാ​ദി​ക​ളെ​ല്ലാം അണിഞ്ഞു കഥാപാ​ത്ര​ങ്ങ​ളാ​കു​ന്നത്‌ കുട്ടി​കൾത​ന്നെ​യാ​വും. അവർക്കി​തു വലിയ ഇഷ്ടമാ​യി​രു​ന്നു, ഓരോ അധ്യയ​ന​ത്തി​ലും ഒന്നില​ധി​കം കഥ അഭിന​യി​ക്കാൻ അവർ പലപ്പോ​ഴും നിർബ​ന്ധി​ച്ചി​രു​ന്നു,” ഒരു ദമ്പതികൾ അഭി​പ്രാ​യ​പ്പെട്ടു. നിങ്ങളു​ടെ കുട്ടി​യു​ടെ പഠന​പ്രാ​പ്‌തി​യെ ഒരിക്ക​ലും കുറച്ചു​കാ​ണ​രുത്‌! നാലു വയസ്സുള്ള കുട്ടികൾ ബൈബിൾ കഥാ പുസ്‌ത​ക​ത്തി​ന്റെ മുഴുവൻ അധ്യാ​യ​ങ്ങ​ളും മനഃപാ​ഠ​മാ​ക്കി​യി​ട്ടുണ്ട്‌, ബൈബിൾ വായി​ക്കാ​നും പഠിച്ചി​രി​ക്കു​ന്നു! തനിക്ക്‌ ഏതാണ്ട്‌ മൂന്നര വയസ്സു​ള്ള​പ്പോൾ “ഡിസ്‌ട്രി​ക്‌റ്റ്‌ കൺ​വെൻ​ഷൻ” എന്നുള്ളത്‌ താൻ തെറ്റിച്ചേ ഉച്ചരി​ക്കു​മാ​യി​രു​ന്നു​ള്ളൂ, എന്നാൽ ശരിയായ ഉച്ചാരണം പറഞ്ഞു ശീലി​ക്കാൻ പിതാവ്‌ തന്നെ പ്രോ​ത്സാ​ഹി​പ്പി​ച്ചു​വെന്ന്‌ ഒരു യുവതി അനുസ്‌മ​രി​ക്കു​ന്നു.

15. കുട്ടി​ക​ളു​മൊ​ത്തുള്ള ചർച്ചക​ളിൽ എന്തെല്ലാം സംഗതി​കൾ ഉൾപ്പെ​ടു​ത്താ​വു​ന്ന​താണ്‌, അത്തരം ചർച്ചകൾ മൂല്യ​മു​ള്ള​താണ്‌ എന്നതിന്‌ എന്തു തെളി​വുണ്ട്‌?

¹⁵ യോഗ​ങ്ങ​ളിൽ ഉത്തരം പറയു​ന്ന​തു​പോ​ലുള്ള, മറ്റുള്ള​വ​രു​മാ​യി സത്യത്തി​ന്റെ ജലം പങ്കു​വെ​ക്കുന്ന സംഗതി​ക്കാ​യി കുട്ടി​കളെ ഒരുക്കാ​നാ​യും അവരു​മൊ​ത്തുള്ള പഠന​വേ​ളകൾ ഉപയോ​ഗി​ക്കാ​വു​ന്ന​താണ്‌. (എബ്രായർ 10:24, 25) “ഞങ്ങളുടെ പരിശീ​ലന വേളക​ളിൽ, ഞാനെന്റെ സ്വന്ത വാക്കു​ക​ളിൽത്തന്നെ ഉത്തരം പറയണ​മാ​യി​രു​ന്നു. ഗ്രഹി​ക്കാ​തെ കേവലം വായി​ച്ചു​വി​ടാൻ എന്നെ അനുവ​ദി​ച്ചി​രു​ന്നില്ല,” ഒരു യുവതി അനുസ്‌മ​രി​ക്കു​ന്നു. കൂടാതെ, വയൽശു​ശ്രൂ​ഷ​യിൽ അർഥവ​ത്തായ ഒരു പങ്കുണ്ടാ​യി​രി​ക്കാൻ കുട്ടി​കളെ പരിശീ​ലി​പ്പി​ക്കാ​വു​ന്ന​താണ്‌. ദൈവ​ഭ​യ​മുള്ള മാതാ​പി​താ​ക്ക​ളാൽ വളർത്ത​പ്പെട്ട ഒരു സ്‌ത്രീ വിശദ​മാ​ക്കു​ന്നു: “മാതാ​പി​താ​ക്കളെ അവരുടെ വേലയിൽ മനസ്സി​ല്ലാ​മ​ന​സ്സോ​ടെ അനുഗ​മി​ക്കു​ന്ന​വ​രാ​യി​രു​ന്നില്ല ഞങ്ങൾ. ബെല്ല്‌ അമർത്ത​ലോ ഒരു ലഘുലേഖ കൊടു​ക്ക​ലോ മാത്ര​മാ​യി​രു​ന്നെ​ങ്കിൽപ്പോ​ലും അതിൽ ഒരു പങ്കുണ്ടാ​യി​രു​ന്നു​വെന്നു ഞങ്ങൾക്ക​റി​യാ​മാ​യി​രു​ന്നു. ഓരോ വാരാന്ത്യ പ്രവർത്ത​ന​ങ്ങൾക്കു​മു​മ്പും ശ്രദ്ധാ​പൂർവം ഒരുങ്ങി​യി​രു​ന്ന​തു​കൊണ്ട്‌ എന്തു പറയണ​മെന്നു ഞങ്ങൾക്ക്‌ അറിയാ​മാ​യി​രു​ന്നു. ഏതെങ്കി​ലും ഒരു ശനിയാഴ്‌ച ഉറക്കത്തിൽനിന്ന്‌ എണീറ്റ്‌ ഇന്നു ശുശ്രൂ​ഷ​യ്‌ക്കു പോകു​ന്നു​ണ്ടോ എന്നു ഞങ്ങളൊ​രി​ക്ക​ലും ചോദി​ച്ചി​ട്ടില്ല. പോകു​ന്നു​ണ്ടെന്നു ഞങ്ങൾക്ക്‌ അറിയാ​മാ​യി​രു​ന്നു.”

16. കുട്ടി​ക​ളു​മൊ​ത്തു ക്രമമാ​യി കുടുംബ അധ്യയനം നടത്തു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁶ കുട്ടി​കൾക്കു ബൈബിൾ സത്യത്തി​ന്റെ ജലം ക്രമമാ​യി പ്രദാനം ചെയ്യേ​ണ്ട​തി​ന്റെ ആവശ്യം എത്ര പറഞ്ഞാ​ലും അധിക​മാ​വില്ല. അതിനർഥം വാരം​തോ​റു​മുള്ള കുടുംബ ബൈബി​ള​ധ്യ​യനം മർമ​പ്ര​ധാ​ന​മാ​ണെ​ന്നാണ്‌. “കുട്ടി​കളെ അലോ​സ​ര​പ്പെ​ടു​ത്തുന്ന ഒരു മുഖ്യ​ഘ​ടകം ക്രമമി​ല്ലാ​യ്‌മ​യാണ്‌,” രണ്ടു മക്കളുള്ള ഒരു പിതാവ്‌ അവകാ​ശ​പ്പെ​ടു​ന്നു. (എഫെസ്യർ 6:4) അദ്ദേഹം പറഞ്ഞു: “ഞാനും ഭാര്യ​യും അതിനാ​യി ഒരു ദിവസ​വും സമയവും മാറ്റി​വെച്ചു. എന്നിട്ട്‌ ആ പട്ടിക​യ്‌ക്കു ചേർച്ച​യിൽത്തന്നെ വിശ്വ​സ്‌ത​ത​യോ​ടെ കുടും​ബാ​ധ്യ​യനം നടത്തി. താമസി​യാ​തെ കുട്ടികൾ അത്‌ ആ സമയത്തു​തന്നെ പ്രതീ​ക്ഷി​ക്കാ​നും തുടങ്ങി.” ‘മുള പോകും വഴിയേ മരം വളരൂ’ എന്ന സാർവ​ത്രി​ക​സ​ത്യം​പോ​ലെ, ശൈശ​വം​മു​തൽ അത്തരത്തി​ലുള്ള എല്ലാ പരിശീ​ല​ന​വും പ്രധാ​ന​പ്പെ​ട്ട​താണ്‌.

17. കുട്ടി​കൾക്കു ബൈബിൾ സത്യങ്ങൾ പ്രദാനം ചെയ്യു​ന്ന​തി​നോ​ളം​തന്നെ പ്രാധാ​ന്യ​മുള്ള സംഗതി​യേത്‌?

¹⁷ കുട്ടി​കൾക്കു ബൈബിൾ സത്യങ്ങൾ പ്രദാനം ചെയ്യു​ന്നത്‌ പ്രധാ​ന​മാണ്‌, എന്നാൽ അതു​പോ​ലെ​തന്നെ പ്രധാ​ന​മാ​ണു മാതാ​പി​താ​ക്ക​ളു​ടെ മാതൃ​ക​യും. നിങ്ങൾ പഠിക്കു​ന്ന​തും ക്രമമാ​യി യോഗ​ങ്ങൾക്കു ഹാജരാ​കു​ന്ന​തും വയൽ ശുശ്രൂ​ഷ​യിൽ പങ്കുപ​റ്റു​ന്ന​തും അതേ, യഹോ​വ​യു​ടെ ഹിതം നിറ​വേ​റ്റു​ന്ന​തിൽ ആഹ്ലാദി​ക്കു​ന്ന​തും നിങ്ങളു​ടെ കുട്ടികൾ കാണു​ന്നു​ണ്ടോ? (സങ്കീർത്തനം 40:8) അങ്ങനെ ചെയ്യു​ന്നത്‌ അവർ കാണണ​മെ​ന്നത്‌ മർമ​പ്ര​ധാ​ന​മാണ്‌. സാർഥ​ക​മാ​യി, ഭർത്താ​വി​ന്റെ എതിർപ്പു സഹിച്ച്‌ ആറു മക്കളെ വളർത്തി യഹോ​വ​യു​ടെ വിശ്വസ്‌ത സാക്ഷി​ക​ളാ​ക്കിയ തന്റെ അമ്മയെ​ക്കു​റിച്ച്‌ ഒരു പുത്രി പറഞ്ഞു: “അമ്മയു​ടെ​തന്നെ മാതൃക ഞങ്ങളിൽ അങ്ങേയറ്റം മതിപ്പു​ള​വാ​ക്കി—അതു വാക്കു​ക​ളെ​ക്കാൾ ഉച്ചത്തിൽ സംസാ​രി​ച്ചു.”

കുട്ടി​കൾക്കു സംരക്ഷണം നൽകൽ

18. (എ) മാതാ​പി​താ​ക്കൾക്കെ​ങ്ങ​നെ​യാ​ണു കുട്ടി​കൾക്കാ​വ​ശ്യ​മായ സംരക്ഷണം പ്രദാനം ചെയ്യാ​നാ​വുക? (ബി) ശരീര​ത്തി​ലെ പ്രത്യു​ത്‌പാ​ദ​നാ​വ​യ​വങ്ങൾ സംബന്ധിച്ച്‌ ഇസ്രാ​യേ​ലി​ലെ കുട്ടി​കൾക്ക്‌ ഏതുതരം പ്രബോ​ധനം ലഭിച്ചു?

¹⁸ അപകട​കാ​രി​ക​ളായ കീടങ്ങ​ളിൽനി​ന്നു തൈകൾക്കു പലപ്പോ​ഴും സംരക്ഷണം ആവശ്യ​മാ​യി​രി​ക്കു​ന്ന​തു​പോ​ലെ, ഈ ദുഷ്ടവ്യ​വ​സ്ഥി​തി​യിൽ, കുട്ടി​കൾക്ക്‌ ‘ദുഷ്ടമനുഷ്യ​രി’ൽനിന്നു സംരക്ഷണം ആവശ്യ​മാണ്‌. (2 തിമൊ​ഥെ​യൊസ്‌ 3:1-5, 13) മാതാ​പി​താ​ക്കൾക്ക്‌ ഈ സംരക്ഷണം എങ്ങനെ നൽകാ​നാ​വും? ദിവ്യ​ജ്ഞാ​നം നേടാൻ അവരെ സഹായി​ച്ചു​കൊണ്ട്‌! (സഭാ​പ്ര​സം​ഗി 7:12) ഉചിത​വും അനുചി​ത​വു​മായ ലൈം​ഗിക പ്രവൃ​ത്തി​ക​ളു​ടെ തിരി​ച്ച​റി​യി​ക്കൽ ഉൾക്കൊ​ണ്ടി​രുന്ന തന്റെ ന്യായ​പ്ര​മാ​ണം വായി​ക്കു​മ്പോൾ ശ്രദ്ധി​ക്ക​ണ​മെന്ന്‌ യഹോവ ‘കുട്ടികൾ’ അടക്കമുള്ള ഇസ്രാ​യേ​ല്യ​രോ​ടു കൽപ്പിച്ചു. (ആവർത്ത​ന​പു​സ്‌തകം 31:12; ലേവ്യ​പു​സ്‌തകം 18:6-24) “വൃഷണങ്ങൾ,” “ജനനേ​ന്ദ്രി​യം” എന്നിവ​യുൾപ്പെടെ ശരീര​ത്തി​ലെ പ്രത്യു​ത്‌പാ​ദന അവയവ​ങ്ങ​ളെ​ക്കു​റിച്ച്‌ അതിൽ ആവർത്തി​ച്ചു പ്രതി​പാ​ദി​ക്കു​ന്നുണ്ട്‌. (ലേവ്യ​പു​സ്‌തകം 15:1-3, 16; 21:20; 22:24, NW; സംഖ്യാ​പു​സ്‌തകം 25:8; ആവർത്ത​ന​പു​സ്‌തകം 23:10) ഇന്നത്തെ ലോക​ത്തി​ന്റെ അങ്ങേയ​റ്റത്തെ ദുഷിച്ച അവസ്ഥ നിമിത്തം, ദൈവം “എത്രയും നല്ലതു” എന്നു വിളിച്ച സൃഷ്ടി​യി​ലുൾപ്പെ​ടുന്ന അത്തരം ശരീര​ഭാ​ഗ​ങ്ങ​ളു​ടെ ഉചിത​വും അനുചി​ത​വു​മായ ഉപയോ​ഗ​ത്തെ​ക്കു​റിച്ച്‌ കുട്ടികൾ അറി​യേ​ണ്ട​യാ​വ​ശ്യ​മുണ്ട്‌.—ഉല്‌പത്തി 1:31; 1 കൊരി​ന്ത്യർ 12:21-24.

19. ശരീര​ത്തി​ന്റെ രഹസ്യ​ഭാ​ഗ​ങ്ങ​ളെ​ക്കു​റിച്ച്‌ കുട്ടി​കൾക്കു കൊടു​ക്കാ​നുള്ള ഉചിത​മായ പ്രബോ​ധ​ന​മെന്ത്‌?

¹⁹ ഉചിത​മാ​യി​ത്തന്നെ മാതാ​പി​താ​ക്കൾ ഒരുമിച്ച്‌, അല്ലെങ്കിൽ മുതിർന്ന രക്ഷാകർത്താ​ക്കൾ ഓരോ​രു​ത്ത​രും കുട്ടി​യു​ടെ രഹസ്യ​ഭാ​ഗ​ങ്ങ​ളെ​ക്കു​റി​ച്ചു തിരി​ച്ച​റി​വു നൽകണം. എന്നിട്ട്‌, മറ്റുള്ളവർ ഈ ഭാഗങ്ങൾ സ്‌പർശി​ക്കാൻ അനുവ​ദി​ക്ക​രു​തെന്നു വിശദ​മാ​ക്കണം. ലൈം​ഗിക ദുഷ്‌പെ​രു​മാ​റ്റ​ക്കാ​രു​ടെ കൗശല​പൂർവ​മായ ലൈം​ഗിക മുന്നേ​റ്റ​ങ്ങ​ളോട്‌ കൊച്ചു​കു​ട്ടി​കൾ എങ്ങനെ പ്രതി​ക​രി​ക്കു​മെന്ന്‌ അവർ മിക്ക​പ്പോ​ഴും പരി​ശോ​ധി​ക്കു​ന്ന​തു​കൊണ്ട്‌, ശക്തമായി ചെറു​ത്തു​നിൽക്കാ​നും “ഞാൻ പറഞ്ഞു​കൊ​ടു​ക്കും!” എന്നു പറയാ​നും കുട്ടിയെ പഠിപ്പി​ക്കണം. ഏതു ഭീകര ഭീഷണി​യു​ണ്ടാ​യാ​ലും ശരി, അസ്വസ്ഥ​ത​യു​ണ്ടാ​ക്കും​മ​ട്ടിൽ തങ്ങളെ സ്‌പർശി​ക്കാൻ ശ്രമി​ക്കുന്ന ആരെക്കു​റി​ച്ചും തങ്ങൾ എല്ലായ്‌പോ​ഴും പറഞ്ഞു​കൊ​ടു​ക്ക​ണ​മെന്നു നിങ്ങളു​ടെ കുട്ടി​കളെ പഠിപ്പി​ക്കുക.

സ്‌നേ​ഹ​പൂർവ​ക​മായ ശിക്ഷണം നൽകൽ

20. (എ) ശിക്ഷണം എങ്ങനെ​യാ​ണു വെട്ടി​വെ​ടി​പ്പാ​ക്കു​ന്ന​തി​നോ​ടു സദൃശ​മാ​യി​രി​ക്കു​ന്നത്‌? (ബി) ശിക്ഷണ​ത്തോ​ടുള്ള പ്രഥമ പ്രതി​ക​ര​ണ​മെന്ത്‌, എന്നാൽ അതിന്റെ അനന്തര​ഫ​ല​മോ?

²⁰ വെട്ടി​വെ​ടി​പ്പാ​ക്കൽ ഒരു വൃക്ഷത്തി​നു പ്രയോ​ജനം ചെയ്യു​ന്ന​തു​പോ​ലെ, സ്‌നേ​ഹ​പു​ര​സ്സ​ര​മായ ശിക്ഷണം കുട്ടി​കൾക്കു പ്രയോ​ജനം ചെയ്യുന്നു. (സദൃശ​വാ​ക്യ​ങ്ങൾ 1:8, 9; 4:13; 13:1) അനഭി​ല​ഷ​ണീയ ചില്ലകൾ വെട്ടി​മാ​റ്റു​മ്പോൾ, മറ്റു ചില്ലകൾ പുഷ്ടി​പ്രാ​പി​ക്കു​ന്നു. നിങ്ങളു​ടെ കുട്ടികൾ ഭൗതിക സ്വത്തു​ക്കൾക്കു കാര്യ​മായ ശ്രദ്ധ​കൊ​ടു​ക്കു​ക​യോ ചീത്ത സഹവാ​സ​ങ്ങ​ളോ​ടോ അനാ​രോ​ഗ്യ​ക​ര​മായ വിനോ​ദ​ങ്ങ​ളോ​ടോ ചായ്‌വു കാണി​ക്കു​ക​യോ ചെയ്യു​ന്നെ​ങ്കിൽ, ഈ തെറ്റായ പ്രവണ​തകൾ വെട്ടി​ക്ക​ള​യേണ്ട ചില്ലകൾപോ​ലെ​യാണ്‌. അവ നീക്കം​ചെ​യ്യു​ന്ന​പക്ഷം, നിങ്ങളു​ടെ കുട്ടികൾ ആത്മീയ ദിശയിൽ വളരാൻ സഹായി​ക്ക​പ്പെ​ടും. ചില്ല വെട്ടി​മാ​റ്റു​മ്പോൾ വൃക്ഷത്തിന്‌ കുറ​ച്ചൊ​രു അസ്വസ്ഥ​ത​യു​ണ്ടാ​കു​ന്ന​തു​പോ​ലെ, അത്തരം ശിക്ഷണം ആരംഭ​ത്തിൽ സുഖ​പ്ര​ദ​മാ​യി തോന്നി​യെന്നു വരില്ല. എന്നാൽ ശിക്ഷണ​ത്തി​നു നല്ല ഫലമുണ്ട്‌, നിങ്ങളു​ടെ കുട്ടി വളരണ​മെന്നു നിങ്ങൾ ആഗ്രഹി​ക്കുന്ന ദിശയിൽ പുതു​ക്കം​പ്രാ​പിച്ച്‌ വളരും.—എബ്രായർ 12:5-11.

21, 22. (എ) ശിക്ഷണം നൽകാ​നോ സ്വീക​രി​ക്കാ​നോ സുഖക​ര​മ​ല്ലെന്ന്‌ എന്തു സൂചി​പ്പി​ക്കു​ന്നു? (ബി) മാതാ​പി​താ​ക്കൾ ശിക്ഷണം കൊടു​ക്കാ​തെ പിന്മാ​റി​നിൽക്ക​രു​താ​ത്തത്‌ എന്തു​കൊണ്ട്‌?

²¹ ശിക്ഷണം കൊടു​ക്കു​ന്ന​തോ സ്വീക​രി​ക്കു​ന്ന​തോ സുഖക​ര​മ​ല്ലെന്ന്‌ എളുപ്പം സമ്മതി​ക്കാം. “നല്ല സഹവാ​സ​മ​ല്ലെന്ന്‌ മൂപ്പന്മാർ എനിക്കു മുന്നറി​യി​പ്പു നൽകി​യി​രുന്ന ഒരു യുവാ​വു​മൊത്ത്‌ എന്റെ പുത്രൻ ഏറെ സമയം ചെലവ​ഴി​ക്കു​ന്നു​ണ്ടാ​യി​രു​ന്നു. ഞാൻ പ്രതി​ക​രി​ച്ചു. എന്നാൽ ഞാൻ കുറേ​ക്കൂ​ടി വേഗത്തിൽ പ്രവർത്തി​ക്കേ​ണ്ടി​യി​രു​ന്നു. എന്റെ പുത്രൻ വ്യക്തമായ ദുഷ്‌പ്ര​വൃ​ത്തി​യൊ​ന്നും ചെയ്‌തി​ല്ലെ​ങ്കി​ലും അവന്റെ ചിന്ത നേരെ​യാ​ക്കു​വാൻ കുറെ സമയം വേണ്ടി​വന്നു,” ഒരു പിതാവ്‌ അഭി​പ്രാ​യ​പ്പെട്ടു. പുത്രൻ പറഞ്ഞു: “എന്റെ ഏറ്റവും നല്ല സുഹൃ​ത്തു​മാ​യുള്ള ബന്ധം മുറി​ഞ്ഞ​പ്പോൾ, ഞാനാകെ തകർന്നു.” എന്നാൽ അവൻ കൂട്ടി​ച്ചേർത്തു: “അതൊരു നല്ല തീരു​മാ​ന​മാ​യി​രു​ന്നു, കാരണം അതിനു​ശേഷം താമസി​യാ​തെ അവൻ പുറത്താ​ക്ക​പ്പെട്ടു.”

²² ‘പ്രബോ​ധ​ന​ത്തി​ന്റെ ശാസനകൾ ജീവന്റെ മാർഗ്ഗം ആകുന്നു’ എന്നു ദൈവ​വ​ചനം പറയുന്നു. അതു​കൊണ്ട്‌, ശിക്ഷണം കൊടു​ക്കു​ന്നത്‌ എത്ര ദുഷ്‌ക​ര​മാ​യി​രു​ന്നാ​ലും, കുട്ടി​കൾക്ക്‌ അതു കൊടു​ക്കാ​തി​രി​ക്ക​രുത്‌. (സദൃശ​വാ​ക്യ​ങ്ങൾ 6:23; 23:13; 29:17) കാല​ക്ര​മ​ത്തിൽ, നിങ്ങൾ അവരെ തിരു​ത്തി​യ​തിൽ അവർ നിങ്ങ​ളോ​ടു നന്ദികാ​ട്ടും. “ശിക്ഷണം ലഭിച്ച​പ്പോൾ ഞാൻ മാതാ​പി​താ​ക്ക​ളോ​ടു ശരിക്കും കയർത്തത്‌ എനി​ക്കോർമ​യുണ്ട്‌,” ഒരു യുവാവ്‌ അനുസ്‌മ​രി​ക്കു​ന്നു. “എന്നാൽ എന്റെ മാതാ​പി​താ​ക്കൾ ആ ശിക്ഷണം എനിക്കു തരാതി​രു​ന്നെ​ങ്കിൽ, ഇപ്പോൾ എനിക്കു കൂടുതൽ ദേഷ്യം തോന്നു​മാ​യി​രു​ന്നു.”

ശ്രമത്തി​നു​തക്ക മൂല്യ​മുള്ള പ്രതി​ഫ​ലം

23. കുട്ടി​കൾക്കു കൊടു​ക്കുന്ന സ്‌നേ​ഹ​പു​ര​സ്സ​ര​മായ ശ്രദ്ധ ശ്രമത്തി​നു​തക്ക മൂല്യ​മു​ള്ള​താ​യി​രി​ക്കു​ന്നത്‌ എന്തു​കൊണ്ട്‌?

²³ ഒരു സംശയ​വും വേണ്ട, മാതാ​പി​താ​ക്ക​ളും മറ്റുള്ള​വ​രും ആനന്ദം​കൊ​ള്ളുന്ന കുട്ടികൾ കാര്യ​മായ, സ്‌നേ​ഹ​പൂർവ​ക​മായ ശ്രദ്ധ ദിവസേന ലഭിച്ച​തി​ന്റെ അനന്തര​ഫ​ല​ങ്ങ​ളാണ്‌. എന്നിരു​ന്നാ​ലും, ജഡിക കുട്ടി​ക​ളോ ആത്മീയ കുട്ടി​ക​ളോ ആയാലും അവർക്കാ​യി നടത്തുന്ന എല്ലാ ശ്രമവും മൂല്യ​വ​ത്താണ്‌. അതിനു​തക്ക പ്രതി​ഫലം ആസ്വദി​ക്കാ​നാ​വു​മെ​ന്ന​തു​തന്നെ കാരണം. വയോ​ധി​ക​നായ യോഹ​ന്നാൻ അപ്പോ​സ്‌തലൻ ഇങ്ങനെ എഴുതി​ക്കൊണ്ട്‌ അതു പ്രകട​മാ​ക്കി: “എന്റെ മക്കൾ സത്യത്തിൽ നടക്കുന്നു എന്നു കേൾക്കു​ന്ന​തി​നെ​ക്കാൾ വലിയ സന്തോഷം എനിക്കില്ല.”—3 യോഹ​ന്നാൻ 4.

[അടിക്കു​റിപ്പ്‌]

നിങ്ങൾ ഓർമി​ക്കു​ന്നു​വോ?

◻ സ്‌തു​ത്യർഹ​രാ​യി​ത്തീ​രു​ന്ന​തി​നു തൈകൾക്കും കുട്ടി​കൾക്കും എന്താവ​ശ്യ​മാണ്‌?

◻ ഫലത്തിൽ, മാതാ​പി​താ​ക്കൾക്കു ഫലപ്ര​ദ​രായ താങ്ങു​കു​റ്റി​ക​ളാ​യി സേവി​ക്കാ​നാ​വു​ന്ന​തെ​ങ്ങനെ?

◻ കുട്ടി​ക​ളു​മൊ​ത്തുള്ള പ്രബോ​ധ​ന​വേ​ള​ക​ളിൽ എന്ത്‌ ഉൾപ്പെ​ടു​ത്താ​വു​ന്ന​താണ്‌, എന്തിനെ ചെറു​ത്തു​നിൽക്കാൻ അവരെ പഠിപ്പി​ക്കേ​ണ്ട​താണ്‌?

◻ വെട്ടി​വെ​ടി​പ്പാ​ക്കൽ വൃക്ഷത്തി​നെ​ന്ന​പോ​ലെ, ശിക്ഷണം ഒരു കുട്ടിക്കു പ്രയോ​ജ​ന​പ്ര​ദ​മാ​യി​രി​ക്കു​ന്നത്‌ എങ്ങനെ?

[10-ാം പേജിലെ ചിത്ര​ത്തിന്‌ കടപ്പാട്‌]

Courtesy of Green Chimney’s Farm