സ്വഭാ​വ​രൂ​പ​വ​ത്‌കരണ വർഷങ്ങൾ നിങ്ങളു​ടെ പരമാ​വധി ശ്രമം അത്യന്തം ആവശ്യ​മാ​യി​രി​ക്കുന്ന സമയം

കുട്ടികൾ “യഹോവ നൽകുന്ന അവകാശ”മാണെന്നു പറയ​പ്പെ​ടു​ന്നു. അവർ “നിന്റെ മേശക്കു ചുററും ഒലിവു​തൈകൾ പോലെ”യാണെന്നു പറയ​പ്പെ​ടു​ന്നു. (സങ്കീർത്ത​നങ്ങൾ 127:3; 128:3) “അവരെ യഹോ​വ​യു​ടെ ശിക്ഷണ​ത്തി​ലും മാനസി​ക​ക്ര​മ​വ​ത്‌ക​ര​ണ​ത്തി​ലും വളർത്തി​ക്കൊ​ണ്ടു”വരാൻ മാതാ​പി​താ​ക്കൾ ഉപദേ​ശി​ക്ക​പ്പെ​ടു​ന്നു.—എഫേസ്യർ 6:4.

നല്ല കായ്‌ഫ​ല​മു​ണ്ടാ​കാൻ ഒലിവു​മ​ര​ങ്ങളെ നിങ്ങൾ രൂപ​പ്പെ​ടു​ത്താ​നൊ​രു​ങ്ങു​ന്നെ​ങ്കിൽ അതു ചെയ്യു​ന്ന​തി​നുള്ള സമയം അവ നിങ്ങളു​ടെ ‘മേശക്കു ചുററു​മുള്ള തൈകൾ പോലെ’യായി​രി​ക്കു​മ്പോ​ഴാണ്‌. മുള വളയ്‌ക്കു​ന്ന​തി​ലെയേ മരം വളരൂ. നിങ്ങളു​ടെ കുട്ടി​കളെ ദൈവ​ത്തി​ന്റെ വഴികൾക്ക​നു​രൂ​പ​രാ​യി വളർത്താൻ നിങ്ങളാ​ഗ്ര​ഹി​ക്കു​ന്നെ​ങ്കിൽ, അതു ചെയ്യു​ന്ന​തി​നുള്ള ഏററവും ഉചിത​മായ സമയം അവരുടെ ശൈശവം മുതലാണ്‌. “ബാലൻ നടക്കേ​ണ്ടുന്ന വഴിയിൽ അവനെ അഭ്യസി​പ്പിക്ക; അവൻ വൃദ്ധനാ​യാ​ലും അതു വിട്ടു​മാ​റു​ക​യില്ല.” (സദൃശ​വാ​ക്യ​ങ്ങൾ 22:6; 2 തിമൊ​ഥെ​യോസ്‌ 3:15) ശൈശ​വ​ത്തിൽ തലച്ചോ​റു പിന്നീ​ടെ​പ്പൊ​ഴ​ത്തേ​ക്കാ​ളും വളരെ വേഗത്തിൽ വിവരങ്ങൾ ആഗിരണം ചെയ്യുന്നു. അതു നിങ്ങളു​ടെ കുട്ടി​കൾക്കു​വേണ്ടി നിങ്ങളു​ടെ പരമാ​വധി ചെയ്യാൻ പററിയ അവസര​മാണ്‌.

സോണി കോർപ്പ​റേ​ഷന്റെ സ്ഥാപക​നായ മസാരു ഇബുക്ക കിൻറർഗാർട്ടൺ വളരെ വൈകി​പ്പോ​കു​ന്നു (Kindergarten Is Too Late!) എന്ന ഒരു പുസ്‌തകം രചിച്ചു. അതിന്റെ പുറം​ച​ട്ട​യിൽ ഈ വാക്കുകൾ പ്രത്യ​ക്ഷ​പ്പെട്ടു: “പഠിക്കാ​നുള്ള നിങ്ങളു​ടെ കുട്ടി​യു​ടെ കഴിവ്‌ ഏററവും കൂടു​ത​ലാ​യി​രി​ക്കു​ന്നതു ജീവി​ത​ത്തി​ന്റെ ആദ്യത്തെ രണ്ടോ മൂന്നോ വർഷങ്ങ​ളി​ലാണ്‌. അതു​കൊ​ണ്ടു കാത്തി​രി​ക്ക​രുത്‌ . . . കിൻറർഗാർട്ടൺ വളരെ വൈകി​പ്പോ​കു​ന്നു.”

ഐക്യ​നാ​ടു​ക​ളി​ലെ മാനു​ഷ​സി​ദ്ധി​ക​ളു​ടെ സമ്പാദ​ന​ത്തി​നുള്ള സ്ഥാപന​ങ്ങ​ളു​ടെ ഡയറക്ട​റായ ഗ്ലെൻ ഡോമൻ ഒരു അവതാ​രി​ക​യിൽ ഇങ്ങനെ പറയുന്നു: “ശ്രീമാൻ ഇബുക്ക​യു​ടെ ഗംഭീ​ര​വും ശ്രേഷ്‌ഠ​വു​മായ പുസ്‌തകം അതീവ​പ്ര​സ​ക്തി​യുള്ള ഏതെങ്കി​ലും തരം പ്രസ്‌താ​വ​നകൾ നടത്തു​ന്നില്ല. തീരെ ചെറു​പ്പ​മാ​യി​രി​ക്കു​മ്പോൾ ഫലത്തിൽ എന്തും പഠിക്കാ​നുള്ള കഴിവു കൊച്ചു​കു​ട്ടി​കൾക്കു സ്വന്തമാ​യുണ്ട്‌ എന്ന്‌ അദ്ദേഹം അഭി​പ്രാ​യ​പ്പെ​ടു​ന്നു. അവർ രണ്ടോ മൂന്നോ നാലോ വയസ്സു​ള്ള​പ്പോൾ കാര്യ​മായ യാതൊ​രു ശ്രമവും കൂടാതെ പഠിക്കു​ന്നതു ജീവി​ത​ത്തിൽ പിന്നീടു വലിയ ശ്രമം​കൊ​ണ്ടു​മാ​ത്രം പഠിക്കാൻ കഴിയു​ന്ന​തോ ഒരുപക്ഷേ ഒരിക്ക​ലും പഠിക്കാൻ കഴിയാ​ത്ത​തോ ആയിരി​ക്കും എന്ന്‌ അദ്ദേഹം അഭി​പ്രാ​യ​പ്പെ​ടു​ന്നു. മുതിർന്നവർ കഷ്ടപ്പെട്ടു പഠിക്കു​ന്നതു കുട്ടികൾ സന്തോ​ഷ​ത്തോ​ടെ പഠിക്കു​ന്നു​വെ​ന്നും അദ്ദേഹം അഭി​പ്രാ​യ​പ്പെ​ടു​ന്നു. മുതിർന്നവർ ഒച്ചിഴ​യു​ന്ന​തു​പോ​ലെ പഠിക്കു​ന്നതു കൊച്ചു​കു​ട്ടി​കൾ മിക്കവാ​റും അതി​വേഗം പഠിക്കു​ന്നു എന്നദ്ദേഹം പറയുന്നു. മുതിർന്നവർ ചില​പ്പോൾ പഠിത്തം ഒഴിവാ​ക്കു​ന്നു, എന്നാൽ കൊച്ചു​കു​ട്ടി​കൾ തിന്നു​ന്ന​തി​നെ​ക്കാൾക്കൂ​ടു​തൽസ​ന്തോ​ഷ​ത്തോ​ടെ പഠിക്കു​മെ​ന്നും അദ്ദേഹം അഭി​പ്രാ​യ​പ്പെട്ടു.

കിൻറർഗാർട്ടൻ വളരെ വൈകു​മെന്നു ഇബുക്ക പറയു​ന്ന​തി​ന്റെ കാരണം പഠിക്കു​ന്ന​തി​നുള്ള കുട്ടി​യു​ടെ ഏററവും നല്ല സമയം അപ്പോ​ഴേ​ക്കും കഴിഞ്ഞു​പോ​യി​രി​ക്കും എന്നതാണ്‌. എന്നാൽ മറെറാ​രു കാരണ​മുണ്ട്‌. ഇന്നു ധർമ്മച്യു​തി കിൻറർഗാർട്ട​നി​ലെ​ത്തി​യി​രി​ക്കു​ന്നു, അതു​കൊണ്ട്‌, കുട്ടിയെ ദുഷി​പ്പിൽനി​ന്നു സംരക്ഷി​ക്കു​ന്ന​തിന്‌ അവി​ടെ​യെ​ത്തു​ന്ന​തി​നു​മു​മ്പു​തന്നെ മാതാ​പി​താ​ക്കൾ ശക്തമായ ധാർമ്മി​ക​നി​യ​മങ്ങൾ അവന്റെ മനസ്സിൽ പതിപ്പി​ക്കേ​ണ്ട​തുണ്ട്‌.

കിൻറർഗാർട്ട​നിൽ ചേർത്തിട്ട്‌ ഏറെക്കാ​ല​മാ​കാഞ്ഞ ആറു വയസ്സുള്ള ഒരു ബാലന്റെ മാതാ​പി​താ​ക്ക​ളു​ടെ റിപ്പോർട്ട്‌ ഈ ആവശ്യം പ്രകട​മാ​ക്കു​ന്നു. “കിൻറർഗാർട്ട​നി​ലെ ആദ്യവാ​ര​ത്തിൽ, സ്‌കൂൾബ​സ്സിൽ യാത്ര​ചെ​യ്യുന്ന 15 മിനി​റ​റി​നു​ള്ളിൽ എന്റെ മകനെ മറെറാ​രു കുട്ടി ലൈം​ഗി​ക​മാ​യി ആക്രമി​ച്ചു. ഇതു പലദി​വസം തുടർന്നു​കൊ​ണ്ടേ​യി​രു​ന്നു. അതു വെറും പിള്ളക​ളി​യോ ഡോക്ടർച​മ​യ​ലോ അല്ലായി​രു​ന്നു, മറിച്ച്‌, സ്‌പഷ്ട​മാ​യും അതിരു​കടന്ന പെരു​മാ​റ​റ​മാ​യി​രു​ന്നു.

“മുതിർന്ന​വർക്കു മാത്ര​മുള്ള ചലച്ചി​ത്രം കാണാൻ എന്റെ മകന്റെ ക്ലാസ്സിലെ അനേകം കുട്ടികൾ തങ്ങളുടെ മാതാ​പി​താ​ക്ക​ളോ​ടൊ​പ്പം പോകാ​റുണ്ട്‌. ഒരു ആയയുടെ സംശയ​ക​ര​മായ പരിര​ക്ഷ​യിൻകീ​ഴിൽ തങ്ങളുടെ കുട്ടി​കളെ വിട്ടേ​ച്ചു​പോ​കു​ന്ന​തി​നേ​ക്കാൾ അവരെ ഒരുപക്ഷേ തങ്ങളോ​ടൊ​പ്പം കൊണ്ടു​പോ​കു​ന്ന​താ​ണു കൂടുതൽ സുരക്ഷി​ത​മെന്ന്‌ അവർ ചിന്തി​ക്കു​ന്നു. ചില കുട്ടികൾ കേബിൾ ടി വിയി​ലോ തങ്ങളുടെ മാതാ​പി​താ​ക്കൾ വീട്ടിൽ സൂക്ഷി​ക്കുന്ന ചലച്ചി​ത്ര​ങ്ങ​ളി​ലോ മുതിർന്ന​വർക്കു മാത്ര​മുള്ള ചിത്രങ്ങൾ വീക്ഷി​ക്കു​ന്നു.

“ഞങ്ങളുടെ മകന്റെ സ്വഭാ​വ​രൂ​പ​വ​ത്‌കരണ വർഷങ്ങ​ളിൽ, ശൈശവം മുതൽതന്നെ, ധാർമ്മി​ക​ത​ത്ത്വ​ങ്ങൾ അവന്റെ മനസ്സിൽ പതിപ്പി​ക്കേ​ണ്ട​തി​ന്റെ മൂല്യം ഞങ്ങളു​ടെ​തന്നെ ഭവനത്തിൽ നടന്ന ഞെട്ടി​ക്കുന്ന ഒരു സംഭവ​ത്താൽ ഞങ്ങൾക്കു ബോധ്യ​പ്പെട്ടു. മുതിർന്ന ചില അഥിതി​ക​ളോ​ടൊ​പ്പം നാലു വയസ്സുള്ള ഒരു പെൺകു​ട്ടി​യു​മു​ണ്ടാ​യി​രു​ന്നു. ലൈം​ഗി​കത വിവാ​ഹി​ത​രായ മുതിർന്ന​വർക്കു മാത്ര​മു​ള്ള​താ​ണെന്നു പ്രബോ​ധി​പ്പി​ക്ക​പ്പെ​ട്ടി​രുന്ന എന്റെ മകനോ​ടൊ​പ്പം അവൾ അവന്റെ വിനോ​ദ​മു​റി​യി​ലാ​യി​രു​ന്നു. ഭാര്യ​യും ഭർത്താ​വു​മാ​യി അഭിന​യി​ക്കാൻ അവൾ ആഗ്രഹി​ക്കു​ക​യും അവൻ കിടക്ക​ണ​മെന്ന്‌ ആവശ്യ​പ്പെ​ടു​ക​യും ചെയ്‌തു. നിഷ്‌ക​ള​ങ്ക​നാ​യി അവൻ അങ്ങനെ ചെയ്‌ത​പ്പോൾ അവൾ അവന്റെ​മേൽ കിടന്നു. അവൻ ഭയപര​വ​ശ​നാ​ക​യും ഇങ്ങനെ വിളി​ച്ചു​പ​റ​ക​യും ചെയ്‌തു: ‘അതു വിവാ​ഹി​തർക്കു മാത്ര​മു​ള്ള​താണ്‌!’ പിടി​വി​ടു​വി​ച്ചു​കൊണ്ട്‌ അവൻ വിനോ​ദ​മു​റി​യിൽനി​ന്നോ​ടിയ​പ്പോൾ അവളി​ങ്ങനെ വിളി​ച്ചു​പ​റഞ്ഞു: ‘ആരോ​ടും പറയല്ലേ’”—ഉല്‌പത്തി 39:12 താരത​മ്യം ചെയ്യുക.

പിൻവ​രു​ന്നവ നഗരത്തി​നു​ള്ളി​ലും പ്രാന്ത​പ്ര​ദേ​ശ​ങ്ങ​ളി​ലും നടക്കുന്ന ചില സംഗതി​ക​ളാണ്‌—നിങ്ങളു​ടെ കൊച്ചു​കു​ട്ടി​കളെ ശൈശ​വം​മു​തൽ സംരക്ഷി​ക്കേണ്ട സംഗതി​കൾതന്നെ.

ഒരു പബ്ലിക്‌ സ്‌കൂ​ളി​ലെ വിശ്ര​മ​മു​റി​യിൽ വച്ച്‌ ആറു വയസ്സുള്ള ഒരു പെൺകു​ട്ടി​യെ ബലാൽസം​ഗം ചെയ്‌ത​താ​യി ഏഴു വയസ്സുള്ള രണ്ടു ബാലൻമാർ കുററം ചുമത്ത​പ്പെട്ടു. ആറും ഏഴും ഒൻപതും വയസ്സുള്ള മൂന്ന്‌ ആൺകു​ട്ടി​കൾ ഒരു ആറുവ​യ​സ്സു​കാ​രി​യെ ലൈം​ഗി​ക​മാ​യി കൈ​യ്യേ​ററം ചെയ്‌തു. എട്ടു വയസ്സുള്ള ഒരു ബാലൻ കിൻറർഗാർട്ട​നി​ലെ ഒരാൺകു​ട്ടി​യു​മാ​യി പുരു​ഷ​മൈ​ഥു​ന​ത്തി​ലേർപ്പെട്ടു. രണ്ടു വയസ്സു​പ്രാ​യ​മുള്ള ഒരു പെൺകു​ട്ടി​യെ 11 വയസ്സുള്ള ഒരു ബാലൻ ബലാൽസം​ഗം ചെയ്‌ത​താ​യി കുററ​മാ​രോ​പി​ക്ക​പ്പെട്ടു. മിക്ക​പ്പോ​ഴും, ഇത്തരം കുററ​ക്കാർ തീരെ ചെറു​പ്പ​മാ​യി​രു​ന്ന​പ്പോൾ ലൈം​ഗി​ക​മാ​യി ദുർവി​നി​യോ​ഗം ചെയ്യ​പ്പെ​ട്ട​വ​രാ​യി​രു​ന്നെന്നു ചില ചികി​ത്സകർ വാദി​ക്കു​ന്നു.

ഒരു കൊച്ചു​കു​ട്ടി​യു​ടെ കാര്യ​ത്തിൽ ഇതുറ​പ്പാ​ക്ക​പ്പെട്ടു. അവൻ ഒരു ശിശു​വാ​യി​രു​ന്ന​പ്പോൾ 20 വയസ്സുള്ള അവന്റെ ചിററമ്മ പതിവാ​യി അവനു​മാ​യി അധര​ഭോ​ഗ​ത്തിൽ ഏർപ്പെ​ട്ടി​രു​ന്നു. 18 മാസം പ്രായ​മാ​യ​പ്പോൾ മുതൽ 30 മാസം പ്രായ​മാ​കു​ന്ന​തു​വരെ ഈ ലൈം​ഗിക ദുർവി​നി​യോ​ഗ​ത്തിന്‌ അവൻ ഇരയാ​യി​ക്കൊ​ണ്ടി​രു​ന്നു. രണ്ടുമൂ​ന്നു വർഷം കഴിഞ്ഞ്‌ അവൻ കൊച്ചു പെൺകു​ട്ടി​കളെ ലൈം​ഗി​ക​മാ​യി പീഡി​പ്പി​ക്കാൻ തുടങ്ങി. അവൻ സ്‌കൂ​ളിൽ പോകാൻ തുടങ്ങി​യ​പ്പോൾ ഈ പ്രവൃത്തി തുടരു​ക​യും അവൻ ഒന്നാം ക്ലാസ്സിൽവ​ച്ചും വീണ്ടും രണ്ടാം ക്ലാസ്സിൽവ​ച്ചും പുറത്താ​ക്ക​പ്പെ​ടു​ക​യും ചെയ്‌തു.

നേര​ത്തേ​യുള്ള പരിശീ​ല​ന​ത്തി​ന്റെ ആവശ്യം

സ്വഭാ​വ​രൂ​പ​വ​ത്‌കരണ വർഷങ്ങ​ളിൽ ഉചിത​മായ പരിശീ​ലനം നൽകു​ന്ന​തി​ലുള്ള മാതാ​പി​താ​ക്ക​ളു​ടെ പക്ഷത്തെ പരാജയം ദുഷ്‌കൃ​ത്യ​ങ്ങൾക്കു വഴി​തെ​ളി​ക്കു​ക​യും അതു നശീക​ര​ണ​പ്ര​വണത, ഭവന​ഭേ​ദനം, കൊല​പാ​തകം എന്നിങ്ങനെ ഗുരു​ത​ര​മായ കുററ​കൃ​ത്യ​ങ്ങൾക്കു വഴി​യൊ​രു​ക്കു​ക​യും ചെയ്‌തേ​ക്കാം. പിൻവ​രു​ന്നവ അതിന്റെ ഏതാനും ചില ഉദാഹ​ര​ണ​ങ്ങ​ളാണ്‌.

ആറു വയസ്സുള്ള മൂന്നു ബാലൻമാർ തങ്ങളുടെ കൂട്ടു​കാ​രന്റെ ഭവനം കൊള്ള​യി​ടു​ക​യും അതിലെ എല്ലാ മുറി​ക​ളും​തന്നെ നശിപ്പി​ക്കു​ക​യും ചെയ്‌തു. ഒൻപതു വയസ്സുള്ള ഒരു വിനാ​ശ​കാ​രി നിയമ​ലം​ഘ​ന​ക്കു​റ​റ​ത്തി​നും ഭവന​ഭേ​ദ​ന​ത്തി​നും മറെറാ​രു കുട്ടിയെ കത്തികാ​ട്ടി ഭീഷണി​പ്പെ​ടു​ത്തി​യ​തി​നും ഒരു പെണ്ണിന്റെ മുടി കത്തിച്ച​തി​നും കുററ​മാ​രോ​പി​ക്ക​പ്പെട്ടു. 11 വയസ്സുള്ള രണ്ടു ബാലൻമാർ ഒരു ഒൻപതു മില്ലീ​മീ​ററർ തോക്കു പത്തു വയസ്സുള്ള ഒരുവന്റെ വായി​ലേക്കു തള്ളിവ​ച്ചു​കൊണ്ട്‌ അവന്റെ വാച്ചു മോഷ്ടി​ച്ചു. ഒരു വീഡി​യോ​ക​ളി​യെ​ച്ചൊ​ല്ലി ഒരു പത്തുവ​യ​സ്സു​കാ​രൻ ഏഴുവ​യ​സ്സുള്ള ഒരു പെൺകു​ട്ടി​യെ വെടി​വെ​ച്ചു​കൊ​ന്നു. പത്തു വയസ്സുള്ള മറെറാ​രു ബാലൻ തന്റെ കളിക്കൂ​ട്ടു​കാ​രനെ തോക്കി​നി​ര​യാ​ക്കു​ക​യും ജഡം തന്റെ വീടി​ന​ടി​യിൽ മറച്ചു​വ​യ്‌ക്കു​ക​യും ചെയ്‌തു. പിച്ചവ​ച്ചു​ന​ട​ക്കുന്ന ഒരു കുട്ടിയെ ഒരഞ്ചു​വ​യ​സ്സു​കാ​രൻ അഞ്ചാം നിലയി​ലെ ഗോവ​ണി​യിൽനി​ന്നു മരണത്തി​ലേക്കു തള്ളിയി​ട്ടു. ഒരേഴു​വ​യ​സ്സു​കാ​രനെ തട്ടി​ക്കൊ​ണ്ടു​പോ​യി അവന്റെ കുടും​ബ​ത്തിൽനി​ന്നു പണം പിടു​ങ്ങു​ന്ന​തിന്‌ ഒരു 13 വയസ്സു​കാ​രൻ രണ്ടു ചെറു​പ്പ​ക്കാ​രോ​ടു ചേർന്നു, എന്നാൽ മോച​ന​ദ്ര​വ്യ​ത്തി​നു കുടും​ബ​ത്തി​ലേക്കു ഫോൺവി​ളി​ക്കു​ന്ന​തി​നു മുമ്പു​തന്നെ അവർ അവനെ ജീവ​നോ​ടെ കുഴി​ച്ചി​ട്ടു.

പിന്നെ അന്തിമ​മാ​യി, തോക്കു​ധാ​രി​ക​ളും തെരു​വു​കൾ കൊള്ള​യി​ടു​ക​യും പരസ്‌പരം വെടി​വ​യ്‌പി​ലേർപ്പെ​ടു​ക​യും തങ്ങളുടെ തോക്കു​ക​ളിൽനി​ന്നു​തി​രുന്ന വെടി​യു​ണ്ട​ക​ളാൽ അന്യോ​ന്യം മാത്രമല്ല അതിനി​ട​യിൽപെ​ട്ടു​പോ​കുന്ന നിർദ്ദോ​ഷി​ക​ളായ കുട്ടി​ക​ളെ​യും മുതിർന്ന​വ​രെ​യും കൂടി കൊല​പ്പെ​ടു​ത്ത​ക​യും ചെയ്യു​ന്ന​വ​രു​മായ കൗമാ​ര​പ്രാ​യ​ക്കാ​രു​ടെ കൊള്ള​സം​ഘങ്ങൾ നിമി​ത്ത​മുള്ള ഭീതി​യു​മുണ്ട്‌. വലിയ നഗരങ്ങ​ളിൽ അവർ അനേകം അയൽപ്ര​ദേ​ശ​ങ്ങളെ ഭീതി​യി​ലാ​ഴ്‌ത്തു​ക​യാണ്‌—ലോസ്‌ ആഞ്ചലസ്‌ കൗണ്ടി​യിൽ മാത്രം തിരി​ച്ച​റി​യാ​വുന്ന 800-ലധികം സംഘങ്ങ​ളി​ലാ​യി 1,00,000-ൽപരം അംഗങ്ങ​ളുണ്ട്‌.” (സെവൻറീൻ, ആഗസ്‌ററ്‌ 1991) അനേക​രും ചിദ്രിച്ച ഭവനങ്ങ​ളിൽനി​ന്നു​ള്ള​വ​രാണ്‌. കൊള്ള​സം​ഘം അവരുടെ കുടും​ബ​മാ​യി​ത്തീ​രു​ന്നു. അനേക​രും ജയിലിൽ എത്തുന്നു. പലരും മരിക്കു​ന്നു. ജയിലിൽനി​ന്നെ​ഴു​തിയ മൂന്നു കത്തുക​ളിൽനി​ന്നുള്ള പിൻവ​രുന്ന ഉദ്ധരണി​കൾ ഉദാഹ​ര​ണ​ങ്ങ​ളാണ്‌.

ഒന്നാമ​ത്തേത്‌: പിടി​ച്ചു​പ​റി​ശ്രമം നിമിത്തം ഞാൻ ഇപ്പോ​ഴും ജയിലി​ലാണ്‌. ഞങ്ങൾ നാലു പേരാ​യി​രു​ന്നു. അപ്പോൾ പോലീ​സെത്തി. സംഘത്തിൽപ്പെട്ട രണ്ടുപേർ ഒരു വഴി​ക്കോ​ടി, ഞാനും മററവ​നും മറെറാ​രു​വ​ഴി​ക്കോ​ടി, എങ്കിലും ഞങ്ങളെ പിടി​കൂ​ടിയ ജർമ്മൻ ഷെപ്പേർഡ്‌ നായക​ളേ​ക്കാൾ വേഗത്തി​ലാ​യി​രു​ന്നില്ല. ഞാൻ പുറത്തി​റ​ങ്ങു​മ്പോൾ സവി​ശേ​ഷ​ത​യുള്ള ആരെങ്കി​ലു​മാ​യി​ത്തീ​രു​മെ​ന്നാ​ശി​ക്കു​ന്നു. സ്‌കൂ​ളിൽ പോകു​ന്ന​തും നല്ല മാർക്കു വാങ്ങു​ന്ന​തും എനിക്കു എപ്പോ​ഴും വലിയ പ്രയാ​സ​മാ​യി​രു​ന്നു. എന്നാൽ സുഹൃത്തേ, ജയിലി​ലാ​യി​രി​ക്കു​ന്ന​തി​നേ​ക്കാൾ പ്രയാ​സ​ക​ര​മായ യാതൊ​ന്നും ഇല്ല!

രണ്ടാമ​ത്തേത്‌: ‘ഞാൻ മെക്‌സി​ക്കോ​യിൽ നിന്ന്‌ ആദ്യം വന്നപ്പോൾ എനിക്ക്‌ എട്ടു വയസ്സേ ഉണ്ടായി​രു​ന്നു​ള്ളു. പന്ത്രണ്ടു വയസ്സാ​യ​പ്പോൾ ഞാൻ ഒരു മുഷ്‌ക്ക​ര​സം​ഘ​ത്തിൽ ചേർന്നു. എനിക്കു 15 വയസ്സ്‌ ആയപ്പോൾ ഞാൻ അതിൽ മുഴുകി. ആളുകളെ വെടി​വ​ച്ചു​കൊ​ണ്ടു ഞാൻ കാറിൽ പാഞ്ഞു​പോ​കു​മാ​യി​രു​ന്നു. എനിക്ക്‌ എപ്പോ​ഴും എന്റെ തോക്കു കൈവ​ശ​മു​ണ്ടാ​യി​രു​ന്നു. എനിക്കു 16 വയസ്സാ​യ​പ്പോൾ വെടി​യേൽക്കു​ക​യും മരണത്തി​ന്റെ വക്കുവ​രെ​യെ​ത്തു​ക​യും ചെയ്‌തു. അപ്പോ​ഴും കർത്താ​വിന്‌ എന്നെ വേണ്ടാ​ഞ്ഞ​തിൽ ഞാൻ അവനു നന്ദി പറയുന്നു, കാരണം ഞാൻ അവനോ​ടൊ​പ്പം പോകാൻ തയ്യാറാ​യി​രു​ന്നില്ല. ഇപ്പോൾ എന്റെ കാലു​ക​ളിൽ വെടി​യു​ണ്ട​യേററ ദ്വാര​ങ്ങ​ളുണ്ട്‌. അതു​കൊണ്ട്‌ എന്റെ ഉപദേശം മുഷ്‌ക്ക​ര​സം​ഘ​ത്തി​ലെ അംഗമാ​ക​രു​തെ​ന്നാണ്‌!!! ആയാൽ എന്നേ​പ്പോ​ലെ ജയിലിൽ മുടന്ത​നും ഏകാന്ത​നു​മാ​യി​ത്തീ​രും!’

മൂന്നാ​മ​ത്തേത്‌: ‘11 വയസ്സു​മു​തൽ ഞാൻ അറിയ​പ്പെ​ടുന്ന ഒരു മുഷ്‌ക്ക​ര​സം​ഘാം​ഗ​മാ​യി​രു​ന്നു. എനിക്കു നാലു പ്രാവ​ശ്യം കത്തിക്കു​ത്തേ​ററു, മൂന്നു പ്രാവ​ശ്യം വെടി​യേ​ററു, ജയിലി​ല​ട​യ്‌ക്ക​പ്പെട്ടു, കണക്കി​ല്ലാ​ത്ത​വി​ധം പ്രഹരി​ക്ക​പ്പെ​ടു​ക​യും ചെയ്‌തു. നടക്കാ​തെ​പോയ ഒരേ​യൊ​രു സംഗതി മരണമാണ്‌. എന്നാൽ 13 വയസ്സു​മു​തൽ ഞാൻ എന്നും അതിനു തയ്യാറാ​യി​രു​ന്നി​ട്ടുണ്ട്‌, ഇപ്പോൾ എനിക്കു 16 വയസ്സുണ്ട്‌. ഞാനി​പ്പോൾ ഒരു എട്ടുമാസ ശിക്ഷയ​നു​ഭ​വി​ക്കു​ക​യാണ്‌, ഏതാനും വർഷങ്ങൾക്കു​ള്ളിൽ ഞാൻ മരിച്ചു​പോ​കും, എന്നാൽ ഒരു മുഷ്‌ക്ക​ര​സം​ഘ​ത്തിൽ ചേരാ​തി​രി​ക്കു​ന്ന​തി​നാൽ നിങ്ങൾക്കി​തെ​ല്ലാം ഒഴിവാ​ക്കാൻ കഴിയും.’

അനുകൂ​ല​സ​മയം പ്രയോ​ജ​ന​പ്പെ​ടു​ത്തുക

ഇപ്പോൾ, ഇതെല്ലാം സ്വഭാ​വ​രൂ​പ​വ​ത്‌കരണ വർഷങ്ങ​ളിൽ കുട്ടി​കളെ പരിശി​ലീ​പ്പി​ക്കു​ന്ന​തി​ലുള്ള പരാജയം അവശ്യം ഈ ഭയങ്കര കുററ​കൃ​ത്യ​ങ്ങ​ളിൽ കലാശി​ക്കു​മെന്നു പറയാനല്ല. എന്നാൽ അതു ചെയ്യു​ന്ന​തി​ലുള്ള പരാജ​യ​ത്തി​നു താറു​മാ​റായ സ്വഭാ​വ​ത്തി​ലേക്കു നയിക്കാൻ കഴിയും, അതു ദുഷ്‌കൃ​ത്യ​ത്തി​ലേക്കു വളരു​ക​യും നിയ​ന്ത്രി​ക്കാ​തെ​വി​ട്ടാൽ കുററ​കൃ​ത്യ​ങ്ങ​ളി​ലും ജയിലി​ലും മരണത്തി​ലും ചെന്നവ​സാ​നി​ക്കു​ക​യും ചെയ്‌തേ​ക്കാം.

നിങ്ങളു​ടെ കുട്ടി​ക​ളി​ലുള്ള ഇത്തരം ഏതു പ്രവണ​ത​ക​ളു​ടെ​യും തടയൽ, അവർ കൗമാ​ര​പ്രാ​യ​ത്തി​ലെ​ത്തു​ന്ന​തു​വരെ കാത്തി​രി​ക്കാ​തെ അതിനു മുമ്പു​തന്നെ വളരെ അനായാ​സം നിർവ​ഹി​ക്കാൻ കഴിയും. വാസ്‌ത​വ​ത്തിൽ കിൻറർഗാർട്ടനു മുമ്പുള്ള സ്വഭാ​വ​രൂ​പ​വ​ത്‌കരണ വർഷങ്ങ​ളിൽ, അവർ ഏറെക്കു​റെ എല്ലായ്‌പോ​ഴും നിങ്ങ​ളോ​ടൊ​പ്പ​മുള്ള കാലമാ​ണു തുടങ്ങാ​നുള്ള സമയം, പുറത്തെ സ്വാധീ​നം അവരുടെ ശ്രദ്ധയെ ആകർഷി​ക്കാൻ കിണഞ്ഞു ശ്രമി​ക്കു​ന്ന​തി​നു മുമ്പു​തന്നെ. അവരുടെ ശൈശ​വ​ത്തിൽ നിങ്ങൾ അവരോട്‌ അടുപ്പ​മു​ള്ള​വ​രാ​യി​രു​ന്നി​ല്ലെ​ങ്കിൽ അവരുടെ കൗമാ​ര​പ്രാ​യ​ത്തിൽ അവരോ​ട​ടു​ക്കാൻ അവർ നിങ്ങളെ അനുവ​ദി​ച്ചെ​ന്നു​വ​രില്ല. അവരുടെ തരപ്പടി​ക്കാർ നിങ്ങൾക്കു പകരമാ​യി​ത്തീർന്നി​രി​ക്കു​ന്നു​വെന്നു നിങ്ങൾ മനസ്സി​ലാ​ക്കും. അതു​കൊണ്ട്‌ അവർക്കു​വേണ്ടി നിങ്ങളു​ടെ പരമാ​വധി ശ്രമം ചെയ്യു​ന്നതു നിങ്ങളു​ടെ​യും അവരു​ടെ​യും അനു​ഗ്ര​ഹ​ത്തി​നാ​യി ഏററവും നല്ല ഫലങ്ങൾ പുറ​പ്പെ​ടു​വി​ക്കു​മെ​ന്ന​തി​നാൽ ഈ സ്വഭാ​വ​രൂ​പ​വ​ത്‌കരണ വർഷങ്ങ​ളിൽ നിങ്ങളു​ടെ കുട്ടി​കളെ അവഗണി​ക്ക​രുത്‌ എന്നതാണ്‌ മാതാ​പി​താ​ക്കൾക്കുള്ള ഉപദേശം.—മത്തായി 7:16-20 താരത​മ്യ​പ്പെ​ടു​ത്തുക. (g92 9⁄22)