യുവജ​നങ്ങൾ ചോദി​ക്കു​ന്നു . . .

സ്‌കൂൾപ​ഠ​ന​ത്തിൽ എനിക്കു മെച്ച​പ്പെ​ടാൻ കഴിയു​മോ?

“ഡാഡി​ക്കും മമ്മിക്കും മാർക്കാണ്‌ പ്രധാനം. ‘കണക്കിന്‌ എത്ര മാർക്ക്‌ കിട്ടി? ഇംഗ്ലീ​ഷിന്‌ എത്ര മാർക്ക്‌ കിട്ടി?’ എനിക്കതു കേൾക്കു​ന്നതേ ദേഷ്യ​മാണ്‌!”—13 വയസ്സു​കാ​രൻ സാം.

ഇതു സാമിന്റെ മാത്രം പ്രശ്‌നമല്ല. “ഇതിലും മെച്ച​പ്പെ​ടാം” എന്ന ഇംഗ്ലീഷ്‌ പുസ്‌ത​ക​ത്തി​ന്റെ ഗ്രന്ഥകാ​ര​ന്മാർ എഴുതു​ന്നു: “തന്റെ കുട്ടി പഠനകാ​ര്യ​ങ്ങ​ളിൽ കഴിവി​ന്റെ പരമാ​വധി ചെയ്യു​ന്നു​ണ്ടെന്നു കരുതുന്ന മാതാ​വി​നെ​യോ പിതാ​വി​നെ​യോ ഞങ്ങൾ ഇതുവരെ കണ്ടിട്ടില്ല.” പഠനകാ​ര്യ​ങ്ങ​ളിൽ മെച്ച​പ്പെ​ടാൻ—ഒരുപക്ഷേ മുൻപ​ന്തി​യി​ലെ​ത്താൻപോ​ലും—മാതാ​പി​താ​ക്കൾ വളരെ സമ്മർദം ചെലു​ത്തു​ന്ന​താ​യി സാമി​നെ​പ്പോ​ലെ പല കുട്ടി​കൾക്കും തോന്നു​ന്നു. ഇതിനു​പു​റമേ ക്ലാസ്സി​ലും അവർക്കു സമ്മർദം നേരി​ടേ​ണ്ടി​വ​ന്നേ​ക്കാം. “അധ്യാ​പകർ വേണ്ടത്ര ക്ഷമ കാട്ടു​ന്നില്ല,” ഒരു കൗമാ​ര​പ്രാ​യ​ക്കാ​രൻ പരാതി​പ്പെ​ടു​ന്നു. “നിങ്ങൾ കാര്യങ്ങൾ കേട്ടപാ​ടെ ഓർത്തി​രി​ക്ക​ണ​മെ​ന്നാണ്‌ അവർ പ്രതീ​ക്ഷി​ക്കു​ന്നത്‌. ഇല്ലെങ്കിൽ നിങ്ങൾ ഒരു മണ്ടനാ​ണെന്ന ചിന്ത അവർ നിങ്ങളിൽ ഉളവാ​ക്കും. അതു​കൊണ്ട്‌ ഞാൻ അതിന്‌ ശ്രമിച്ചു നോക്കാ​റു​പോ​ലു​മില്ല.”

മാതാ​പി​താ​ക്ക​ളു​ടെ​യും അധ്യാ​പ​ക​രു​ടെ​യും പ്രതീ​ക്ഷ​കൾക്കൊത്ത്‌ ഉയരാൻ സാധി​ക്കാത്ത യുവജ​ന​ങ്ങളെ മിക്ക​പ്പോ​ഴും ഉഴപ്പന്മാർ എന്നാണു വിളി​ക്കാറ്‌. ഏതാണ്ട്‌ എല്ലാ വിദ്യാർഥി​ക​ളും​തന്നെ സ്‌കൂൾപ​ഠ​ന​ത്തി​ന്റെ ചില ഘട്ടങ്ങളിൽ ഉഴപ്പാ​റുണ്ട്‌. എന്തു​കൊ​ണ്ടാ​ണത്‌? എല്ലായ്‌പോ​ഴും, മടിയോ പഠിക്കാ​നുള്ള പ്രാപ്‌തി​ക്കു​റ​വോ അല്ല കാരണം എന്നതു ശ്രദ്ധേ​യ​മാണ്‌.a

ചിലർ ഉഴപ്പു​ന്ന​തി​ന്റെ കാരണം

പരീക്ഷ​യിൽ എങ്ങനെ​യെ​ങ്കി​ലും കടന്നു​കൂ​ടി​യാൽ മതി എന്ന ചിന്ത​യോ​ടെ പഠിക്കുന്ന ചില കുട്ടി​ക​ളു​ണ്ടെ​ന്നതു ശരിതന്നെ. “ഏറ്റവും കുറഞ്ഞ ശ്രമം​കൊണ്ട്‌ കടന്നു​കൂ​ടാൻ സാധി​ക്കു​മെ​ങ്കിൽ ഞാൻ അതു മതി​യെന്നു വെക്കും,” 15 വയസ്സു​കാ​രൻ ഹെർമൻ സമ്മതി​ച്ചു​പ​റ​യു​ന്നു. എങ്കിലും ഈ കുട്ടി​ക​ളിൽ എല്ലാവ​രും പഠനത്തിൽ നിസ്സംഗത പുലർത്തു​ന്ന​വ​രൊ​ന്നു​മല്ല. ഏതെങ്കി​ലു​മൊ​രു പ്രത്യേക വിഷയ​ത്തോട്‌ അവർക്ക്‌ അത്ര താത്‌പ​ര്യം തോന്നു​ന്നി​ല്ലാ​യി​രി​ക്കാം. പഠിക്കുന്ന വിഷയ​ത്തി​ന്റെ പ്രാ​യോ​ഗിക മൂല്യം കാണാൻ ബുദ്ധി​മു​ട്ടുള്ള ചിലരു​മുണ്ട്‌. 17 വയസ്സുള്ള രൂബെൻ അതേക്കു​റിച്ച്‌ ഇങ്ങനെ പറയുന്നു: “സ്‌കൂൾജീ​വി​തം വിട്ടാൽ പിന്നെ​യൊ​രി​ക്ക​ലും എനിക്ക്‌ ഉപയോ​ഗി​ക്കേണ്ടി വരിക​യി​ല്ലെന്ന്‌ ഉറപ്പുള്ള ചില വിഷയ​ങ്ങ​ളുണ്ട്‌.” താത്‌പ​ര്യ​ക്കു​റ​വോ പ്രചോ​ദ​ന​ത്തി​ന്റെ അഭാവ​മോ, ഒരുവനെ എളുപ്പ​ത്തിൽ ഉഴപ്പനാ​ക്കി​യേ​ക്കാം.

മറ്റു ഘടകങ്ങ​ളു​മുണ്ട്‌. ഉദാഹ​ര​ണ​ത്തിന്‌, കാര്യങ്ങൾ മനസ്സി​ലാ​ക്കി​യെ​ടു​ക്കാ​നാ​കാ​ത്ത​വി​ധം അത്ര വേഗത്തി​ലാണ്‌ അധ്യാ​പകൻ പഠിപ്പി​ക്കു​ന്ന​തെന്നു തോന്നു​ന്നെ​ങ്കിൽ നിങ്ങൾക്ക്‌ നിരാ​ശ​യ​നു​ഭ​വ​പ്പെ​ട്ടേ​ക്കാം. തീരെ സാവധാ​ന​ത്തി​ലാ​ണെ​ങ്കി​ലോ, അത്‌ നിങ്ങളെ ബോറ​ടി​പ്പി​ച്ചേ​ക്കാം. സഹപാ​ഠി​ക​ളിൽനി​ന്നുള്ള സമ്മർദ​വും നിങ്ങൾ എത്ര നന്നായി പഠിക്കു​ന്നു എന്നതിനെ ബാധി​ച്ചേ​ക്കാം. ഉഴപ്പുന്ന കുട്ടികൾ എന്ന ഇംഗ്ലീഷ്‌ പുസ്‌തകം വിവരി​ക്കു​ന്നു: “ബുദ്ധി​ശാ​ലി​യായ, പഠനത്തിൽ സമർഥ​നായ ഒരു കുട്ടിക്ക്‌, പഠനകാ​ര്യ​ത്തിൽ താത്‌പ​ര്യ​മി​ല്ലാത്ത കൂട്ടു​കാ​രാൽ അംഗീ​ക​രി​ക്ക​പ്പെ​ടാ​നുള്ള ആഗ്രഹ​മു​ണ്ടെ​ങ്കിൽ ഉഴപ്പാൻ അവൻ നിർബ​ന്ധി​ത​നാ​യേ​ക്കാം.” സ്‌കൂൾ ജീവി​ത​ത്തി​ന്റെ ആദ്യവർഷ​ങ്ങ​ളിൽ കഠിനാ​ധ്വാ​നം ചെയ്‌തി​രു​ന്ന​പ്പോൾ മറ്റുള്ളവർ തന്നോട്‌ അസൂയ​പ്പെ​ട്ടി​രു​ന്ന​താ​യും തന്നെ കളിയാ​ക്കി​യി​രു​ന്ന​താ​യും ഒരു കൗമാ​ര​പ്രാ​യ​ക്കാ​രൻ പരാതി​പ്പെട്ടു. അതേ, സദൃശ​വാ​ക്യ​ങ്ങൾ 14:17, (NW)-ലെ ഈ തത്ത്വത്തി​ന്റെ സത്യത ഒരു യുവാവ്‌ അഭിമു​ഖീ​ക​രി​ച്ചേ​ക്കാം: “ചിന്താ​പ്രാ​പ്‌തി​ക​ളുള്ള മനുഷ്യൻ ദ്വേഷി​ക്ക​പ്പെ​ടും.”

ചില സാഹച​ര്യ​ങ്ങ​ളിൽ ഉഴപ്പാ​നുള്ള കാരണങ്ങൾ കൂടുതൽ സങ്കീർണ​മാ​യി​രി​ക്കാം. ചില കുട്ടികൾ തങ്ങളെ​ക്കു​റി​ച്ചു​തന്നെ തെറ്റായ ധാരണ​യോ​ടെ​യാ​ണു വളർന്നു​വ​രു​ന്നത്‌. കുട്ടിയെ നിരന്തരം കിഴങ്ങൻ, മടയൻ അല്ലെങ്കിൽ മടിയൻ എന്നൊ​ക്കെ​യുള്ള പരുഷ​മായ ഇരട്ട​പ്പേ​രു​കൾ വിളി​ക്കു​ന്ന​തു​മൂ​ലം ഇതു സംഭവി​ച്ചേ​ക്കാം. സങ്കടക​ര​മെന്നു പറയട്ടെ, ഒരു കുട്ടി അത്തരം പേരു​കൾക്കു ചേർച്ച​യിൽ ജീവി​ച്ചേ​ക്കാം. ഒരു ഡോക്‌ടർ പറയു​ന്ന​തു​പോ​ലെ, “നിങ്ങ​ളൊ​രു മടയനാ​ണെന്ന്‌ ആളുകൾ പറയു​ക​യും അത്‌ നിങ്ങൾ വിശ്വ​സി​ക്കാൻ ഇടയാ​കു​ക​യും ചെയ്‌താൽ നിങ്ങൾ അതു​പോ​ലെ​തന്നെ പ്രവർത്തി​ക്കും.”

ഒട്ടുമി​ക്ക​പ്പോ​ഴും മാതാ​പി​താ​ക്ക​ളും അധ്യാ​പ​ക​രും പ്രേരണ ചെലു​ത്തു​ന്നത്‌ നല്ല ആന്തര​ത്തോ​ടെ​യാണ്‌. എങ്കിൽപ്പോ​ലും തങ്ങളിൽനി​ന്നു കൂടുതൽ ആവശ്യ​പ്പെ​ടു​ന്ന​താ​യി കുട്ടി​കൾക്കു തോന്നി​യേ​ക്കാം. നിങ്ങളു​ടെ കാര്യ​ത്തിൽ അതു ശരിയാ​ണെ​ങ്കിൽ, മാതാ​പി​താ​ക്ക​ളും അധ്യാ​പ​ക​രും നിങ്ങളു​ടെ​മേൽ അമിത​ഭാ​രം കെട്ടി​വെ​ക്കാൻ ശ്രമി​ക്കു​ക​യ​ല്ലെന്ന്‌ ഉറപ്പു​ണ്ടാ​യി​രി​ക്കുക. നിങ്ങളു​ടെ പ്രാപ്‌തി​കൾ മുഴുവൻ ഉപയോ​ഗ​പ്പെ​ടു​ത്ത​ണ​മെന്നു മാത്ര​മാ​യി​രി​ക്കാം അവരുടെ ആഗ്രഹം. എങ്കിലും അവരുടെ പ്രതീ​ക്ഷ​യ്‌ക്കൊത്ത്‌ ഉയരാൻ സാധി​ക്കു​മോ എന്ന ഉത്‌കണ്‌ഠ, പരാജ​യ​മ​ട​യു​ക​യാ​ണെന്ന തോന്നൽ നിങ്ങളിൽ ഉളവാ​ക്കി​യേ​ക്കാം. എന്നാൽ ധൈര്യ​പ്പെ​ടുക: സ്‌കൂൾപ​ഠ​ന​ത്തിൽ നിങ്ങൾക്ക്‌ മെച്ച​പ്പെ​ടാ​നാ​കും.

പ്രചോ​ദനം നേടൽ

പ്രചോ​ദനം നേടലാണ്‌ ആദ്യ പടി! അതിന്‌, നിങ്ങളു​ടെ പഠനത്തി​ന്റെ ഉദ്ദേശ്യം നിങ്ങൾക്കു മനസ്സി​ലാ​കണം. ബൈബിൾ ഇപ്രകാ​രം പറയുന്നു: ‘ഉഴുന്നവൻ ആശയോ​ടെ ഉഴുക​യും മെതി​ക്കു​ന്നവൻ പതം കിട്ടും എന്നുള്ള ആശയോ​ടെ മെതി​ക്ക​യും വേണം.’ (1 കൊരി​ന്ത്യർ 9:10) ചില പ്രത്യേക വിഷയ​ങ്ങ​ളി​ലൂ​ടെ ‘ഉഴുന്ന’തിന്റെ മൂല്യം മനസ്സി​ലാ​ക്കു​ന്നത്‌ എല്ലായ്‌പോ​ഴും എളുപ്പമല്ല. ഉദാഹ​ര​ണ​ത്തിന്‌, നിങ്ങൾ ഇങ്ങനെ പറഞ്ഞേ​ക്കാം: ‘ഒരു കമ്പ്യൂട്ടർ പ്രോ​ഗ്രാ​മർ ആകണ​മെ​ന്നാണ്‌ എന്റെ മോഹം. അപ്പോൾപി​ന്നെ ഞാൻ എന്തിന്‌ ചരിത്രം പഠിക്കണം?’

പാഠ്യ​വി​ഷ​യ​ങ്ങ​ളെ​ല്ലാം പ്രസക്ത​മാ​യി തോന്നു​ക​യി​ല്ലെ​ന്നതു ശരിതന്നെ—ചുരു​ങ്ങി​യ​പക്ഷം ഇപ്പോ​ഴെ​ങ്കി​ലും. എന്നാൽ ഒരു ദീർഘ​വീ​ക്ഷണം ഉണ്ടായി​രി​ക്കാൻ ശ്രമി​ക്കുക. വിവിധ വിഷയ​ങ്ങ​ളി​ലുള്ള ഒരു പൊതു​വി​ദ്യാ​ഭ്യാ​സം ചുറ്റു​മുള്ള ലോക​ത്തെ​ക്കു​റി​ച്ചുള്ള നിങ്ങളു​ടെ അറിവ്‌ വർധി​പ്പി​ക്കും. ജീവി​ത​ത്തി​ന്റെ നാനാ​തു​റ​ക​ളിൽനി​ന്നു​ള്ള​വ​രോട്‌ രാജ്യ​സ​ന്ദേശം അവതരി​പ്പി​ക്കു​ന്ന​തിൽ പ്രാഗ​ത്ഭ്യ​മു​ള്ള​വ​രാ​യി​രു​ന്നു​കൊണ്ട്‌ ‘എല്ലാവർക്കും എല്ലാമാ​യി​ത്തീ​രാൻ’ സമഗ്ര വിദ്യാ​ഭ്യാ​സം തങ്ങളെ സഹായി​ച്ചി​രി​ക്കു​ന്ന​താ​യി യഹോ​വ​യു​ടെ സാക്ഷി​കൾക്കി​ട​യി​ലെ പല യുവജ​ന​ങ്ങ​ളും കണ്ടെത്തി​യി​രി​ക്കു​ന്നു. (1 കൊരി​ന്ത്യർ 9:22) ഒരു വിഷയ​ത്തിന്‌ പ്രാ​യോ​ഗിക മൂല്യ​മി​ല്ലാ​ത്ത​താ​യി തോന്നി​യാ​ലും അതിൽ പ്രാവീ​ണ്യം നേടു​ന്ന​തിൽനി​ന്നു നിങ്ങൾ പ്രയോ​ജ​ന​മ​നു​ഭ​വി​ക്കും. ചുരു​ങ്ങി​യ​പക്ഷം, കാലാ​ന്ത​ര​ത്തിൽ നിങ്ങൾക്കു വലിയ പ്രയോ​ജനം കൈവ​രു​ത്തുന്ന “ചിന്താ​പ്രാ​പ്‌തി” വർധി​ക്കാൻ അത്‌ ഇടയാ​ക്കും.—സദൃശ​വാ​ക്യ​ങ്ങൾ 1:1-4, NW.

നിങ്ങളിൽ ഒളിഞ്ഞി​രി​ക്കുന്ന കഴിവു​കൾ പുറത്തു​കൊ​ണ്ടു​വ​രാ​നും സ്‌കൂൾപ​ഠനം ഉതകും. അപ്പോ​സ്‌ത​ല​നായ പൗലൊസ്‌ തിമൊ​ഥെ​യൊ​സിന്‌ എഴുതി: “നിന്നി​ലുള്ള ദൈവ​ത്തി​ന്റെ കൃപാ​വരം ജ്വലി​പ്പി​ക്കേണം.” (2 തിമൊ​ഥെ​യൊസ്‌ 1:6) തിമൊ​ഥെ​യൊസ്‌ ക്രിസ്‌തീയ സഭയിൽ ചില പ്രത്യേക സേവന​പ​ദ​വി​കൾ വഹിച്ചി​രു​ന്നു​വെന്ന്‌ സ്‌പഷ്ട​മാണ്‌. എന്നാൽ അവന്റെ ദൈവ​ദ​ത്ത​മായ പ്രാപ്‌തി—അവനി​ലുള്ള “കൃപാ​വരം”—മയങ്ങി​ക്കി​ട​ക്കാ​നും അങ്ങനെ പാഴാ​യി​പ്പോ​കാ​നും ഇടവരാ​തി​രി​ക്കേ​ണ്ട​തിന്‌ അത്‌ ഉണർത്ത​പ്പെ​ടേ​ണ്ടി​യി​രു​ന്നു. തിമൊ​ഥെ​യൊ​സി​നു​ണ്ടാ​യി​രുന്ന കൃപാ​വ​ര​ത്തിൽനി​ന്നു വ്യത്യ​സ്‌ത​മാ​യി നിങ്ങളു​ടെ പഠന​പ്രാ​പ്‌തി​കൾ ദൈവം നേരിട്ട്‌ ചൊരി​ഞ്ഞു​ത​ന്നതല്ല. എന്നിരു​ന്നാ​ലും, നിങ്ങൾക്കുള്ള പ്രാപ്‌തി​കൾ—കലയി​ലോ സംഗീ​ത​ത്തി​ലോ ഗണിത​ത്തി​ലോ ശാസ്‌ത്ര​ത്തി​ലോ മറ്റു മേഖല​ക​ളി​ലോ എന്തിൽത്ത​ന്നെ​യാ​യാ​ലും—നിങ്ങളെ മറ്റുള്ള​വ​രിൽനി​ന്നു പ്രത്യേ​ക​ത​യു​ള്ള​വ​നാ​ക്കു​ന്നു. അത്തരം കഴിവു​കൾ കണ്ടെത്തി വികസി​പ്പി​ക്കു​ന്ന​തിൽ സ്‌കൂൾപ​ഠനം സഹായ​ക​മാ​കും.

നല്ല പഠനശീ​ല​ങ്ങൾ

എങ്കിലും സ്‌കൂ​ളിൽനിന്ന്‌ ഏറ്റവും പ്രയോ​ജനം അനുഭ​വി​ക്ക​ണ​മെ​ന്നു​ണ്ടെ​ങ്കിൽ നിങ്ങൾക്ക്‌ നല്ല ഒരു പഠനചര്യ ഉണ്ടായി​രി​ക്കേ​ണ്ട​താണ്‌. (ഫിലി​പ്പി​യർ 3:16 താരത​മ്യം ചെയ്യുക.) പാഠ്യ​വി​ഷ​യ​ത്തി​ന്റെ വേണ്ടത്ര വിവരങ്ങൾ പരിചി​ന്തി​ക്കാൻ മതിയായ സമയം പട്ടിക​യിൽ നീക്കി​വെ​ക്ക​ണ​മെ​ങ്കി​ലും ഉന്മേഷം ലഭിക്കാൻ ഇടയ്‌ക്കി​ടെ വിരാ​മ​വും ആവശ്യ​മാണ്‌. വായിച്ചു പഠിക്കു​ക​യാ​ണെ​ങ്കിൽ വിവര​ത്തി​ന്റെ ഒരു ആകമാന വീക്ഷണം ലഭിക്കാൻ ആദ്യം അതൊന്ന്‌ ഓടി​ച്ചു​വാ​യി​ക്കുക. അടുത്ത​താ​യി, അധ്യാ​യ​ത്തി​ന്റെ തലക്കെ​ട്ടു​ക​ളെ​യോ പ്രധാന ശീർഷ​ക​ങ്ങ​ളെ​യോ അടിസ്ഥാ​ന​മാ​ക്കി ചോദ്യ​ങ്ങൾ രൂപീ​ക​രി​ക്കുക. എന്നിട്ട്‌ വായി​ക്കുക. വായി​ക്കു​മ്പോൾ ചോദ്യ​ങ്ങൾക്കുള്ള ഉത്തരങ്ങൾ കണ്ടെത്താൻ ശ്രമി​ക്കുക. ഒടുവിൽ, പഠിച്ച സംഗതി ഓർമ​യിൽനി​ന്നു പറയാൻ സാധി​ക്കു​ന്നു​ണ്ടോ​യെന്നു നോക്കുക.

പഠിക്കുന്ന കാര്യങ്ങൾ നിങ്ങൾക്ക്‌ അറിയാ​വുന്ന കാര്യ​ങ്ങ​ളു​മാ​യി ബന്ധപ്പെ​ടു​ത്തുക. ഉദാഹ​ര​ണ​ത്തിന്‌, ശാസ്‌ത്ര​പ​ഠനം ദൈവ​ത്തി​ന്റെ ‘അദൃശ്യ​ഗു​ണങ്ങൾ വ്യക്തമാ​യി കാണാ​നാ​കുന്ന’ ഒരു ജാലക​മാ​യി ഉതകി​യേ​ക്കാം. (റോമർ 1:20, NW) “യഹോവേ, മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല എന്നു ഞാൻ അറിയു​ന്നു” എന്ന പ്രസ്‌താ​വ​ന​യു​ടെ സത്യത സ്വയം കണ്ടെത്താൻ ചരിത്രം സഹായ​ക​മാ​കും. (യിരെ​മ്യാ​വു 10:23) പഠനത്തിൽ മുഴു​കി​യി​രി​ക്കു​മ്പോൾ പഠനം എളുപ്പ​മു​ള്ള​താ​യി​ത്തീ​രു​ന്ന​താ​യി—കൂടുതൽ രസകര​മാ​കു​ന്ന​താ​യി​പോ​ലും—നിങ്ങൾ കണ്ടേക്കാം! ശലോ​മോൻ ഇങ്ങനെ അഭി​പ്രാ​യ​പ്പെട്ടു: “വിവേ​ക​മു​ള്ള​വ​ന്നോ പരിജ്ഞാ​നം എളുപ്പം.”—സദൃശ​വാ​ക്യ​ങ്ങൾ 14:6.

ശരിയായ മനോ​ഭാ​വം നിലനിർത്തൽ

എങ്കിലും ചില​പ്പോൾ, ഉഴപ്പൽ ഒരുവന്‌ എങ്ങനെ​യുള്ള സുഹൃ​ത്തു​ക്ക​ളാ​ണു​ള്ളത്‌ എന്നതു​മാ​യി ബന്ധപ്പെ​ട്ടി​രി​ക്കു​ന്നു. നിങ്ങളു​ടെ സുഹൃ​ത്തു​ക്കൾ വിജയം കൈവ​രി​ക്കാൻ പ്രോ​ത്സാ​ഹി​പ്പി​ക്കു​ന്ന​വ​രാ​ണോ അതോ അവർതന്നെ ഉഴപ്പന്മാ​രാ​ണോ? ഒരു ബൈബിൾ സദൃശ​വാ​ക്യം പറയുന്നു: “ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും; ഭോഷ​ന്മാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും.” (സദൃശ​വാ​ക്യ​ങ്ങൾ 13:20) അതു​കൊണ്ട്‌ ബുദ്ധി​പൂർവം സുഹൃ​ത്തു​ക്കളെ തിര​ഞ്ഞെ​ടു​ക്കുക. സ്‌കൂൾപ​ഠ​ന​ത്തോട്‌ ശരിയായ മനോ​ഭാ​വ​മു​ള്ള​വ​രു​മാ​യി സൗഹൃ​ദ​ത്തി​ലാ​കുക. മാർക്കു​കൾ മെച്ച​പ്പെ​ടു​ത്താ​നുള്ള നിങ്ങളു​ടെ ലക്ഷ്യ​ത്തെ​ക്കു​റിച്ച്‌ അധ്യാ​പ​ക​രു​മാ​യി സംസാ​രി​ക്കാൻ മടിക്ക​രുത്‌. അതിനാ​യി നിങ്ങളെ സഹായി​ക്കു​ന്ന​തിൽ അധ്യാ​പകർ കൂടുതൽ ശ്രമം ചെയ്യു​മെ​ന്ന​തി​നു സംശയം വേണ്ട.

നിങ്ങളു​ടെ പ്രാപ്‌തി​കൾ സംബന്ധിച്ച നിഷേ​ധാ​ത്മക ചിന്തകൾ അലട്ടു​മ്പോൾ അപ്പോ​സ്‌ത​ല​നായ പൗലൊ​സി​ന്റെ ഉദാഹ​രണം പരിചി​ന്തി​ക്കുക. അവന്റെ പ്രസം​ഗ​പ്രാ​പ്‌തി​യെ​ക്കു​റിച്ച്‌ ആളുകൾ വിമർശി​ച്ച​പ്പോൾ അവൻ മറുപടി നൽകി​യത്‌ ഇപ്രകാ​ര​മാണ്‌: “ഞാൻ വാക്‌സാ​മർത്ഥ്യ​മി​ല്ലാ​ത്തവൻ എങ്കിലും പരിജ്ഞാ​ന​മി​ല്ലാ​ത്ത​വനല്ല.” (2 കൊരി​ന്ത്യർ 10:10; 11:6) അതേ, പൗലൊസ്‌ ശ്രദ്ധ കേന്ദ്രീ​ക​രി​ച്ചത്‌ തന്റെ കുറവു​ക​ളി​ലല്ല, മറിച്ച്‌ കഴിവു​ക​ളി​ലാണ്‌. നിങ്ങളു​ടെ കഴിവു​കൾ എന്തൊ​ക്കെ​യാണ്‌? അവ തിരി​ച്ച​റി​യാൻ സാധി​ക്കു​ന്നി​ല്ലെ​ങ്കിൽ പിന്തു​ണ​യ്‌ക്കുന്ന മുതിർന്ന ഒരാ​ളോട്‌ എന്തു​കൊണ്ട്‌ അതേക്കു​റി​ച്ചു സംസാ​രി​ച്ചു​കൂ​ടാ? നിങ്ങളു​ടെ കഴിവു​കൾ തിരി​ച്ച​റിഞ്ഞ്‌ അതു പരമാ​വധി പ്രയോ​ജ​ന​പ്പെ​ടു​ത്താൻ നിങ്ങളെ സഹായി​ക്കു​ന്ന​തിന്‌ അത്തരം ഒരു സുഹൃ​ത്തി​നു കഴിയും.

പ്രശ്‌ന​ങ്ങ​ളു​ണ്ടെ​ങ്കി​ലും പുരോ​ഗ​മി​ക്കൽ

“നിന്റെ അഭിവൃ​ദ്ധി എല്ലാവർക്കും വ്യക്തമാ​യി കാണാൻ കഴി​യേ​ണ്ട​തിന്‌ നിന്റെ മുഴു ശ്രദ്ധയും മുഴു ഊർജ​വും ഈ കാര്യ​ങ്ങ​ളിൽ കേന്ദ്രീ​ക​രി​ക്കുക.” (1 തിമൊ​ഥെ​യൊസ്‌ 4:15, ഫിലി​പ്‌സ്‌) തന്റെ ശുശ്രൂ​ഷ​യിൽ അതി​നോ​ടകം വിജയം കൈവ​രി​ച്ചി​രുന്ന തിമൊ​ഥെ​യൊ​സി​നെ കൂടുതൽ പുരോ​ഗതി കൈവ​രി​ക്കാൻ മകനെ​യെ​ന്ന​പോ​ലെ പൗലൊസ്‌ പ്രോ​ത്സാ​ഹി​പ്പി​ച്ചു. ബൈബിൾ കാലങ്ങ​ളിൽ “പുരോ​ഗ​മി​ക്കുക” എന്ന ഗ്രീക്ക്‌ ക്രിയാ​പ​ദ​ത്തി​ന്റെ അക്ഷരീയ അർഥം “മുറിച്ച്‌ മുന്നേ​റുക” എന്നായി​രു​ന്നു. ഒരാൾ കുറ്റി​ക്കാട്‌ വെട്ടി​ത്തെ​ളിച്ച്‌ മുന്നേ​റു​ന്ന​തി​നെ അത്‌ അനുസ്‌മ​രി​പ്പി​ക്കു​ന്നു. ചില​പ്പോൾ സ്‌കൂൾജീ​വി​ത​വും അതു​പോ​ലെ കാണ​പ്പെ​ട്ടേ​ക്കാം. എന്നാൽ ഒടുവിൽ ലഭിക്കാൻ പോകുന്ന പ്രതി​ഫലം തക്ക മൂല്യ​മു​ള്ള​താ​ണെന്ന്‌ കരുതു​ന്നെ​ങ്കിൽ സ്‌കൂൾ ജീവി​ത​ത്തി​ലൂ​ടെ കടന്നു​പോ​കാൻ വളരെ എളുപ്പ​മാ​യി​രി​ക്കും.

ശ്രമം, പ്രചോ​ദനം, പഠനം എന്നിവ കൈ​കോർത്തു നീങ്ങുന്നു. ദൃഷ്ടാ​ന്തീ​ക​രി​ച്ചാൽ: ഒരു സംഗീ​തോ​പ​ക​രണം വായി​ക്കുന്ന ഒരാ​ളെ​ക്കു​റി​ച്ചു ചിന്തി​ക്കുക. അത്‌ ആസ്വദി​ക്കു​ന്നെ​ങ്കിൽ അയാളതു കൂടുതൽ വായി​ക്കും. എത്രയ​ധി​കം വായി​ക്കു​ന്നു​വോ അത്രയ​ധി​കം അയാളു​ടെ കഴിവ്‌ വർധി​ക്കും, അത്‌ അയാളു​ടെ ആനന്ദം വർധി​പ്പി​ക്കും. നാം എത്രയ​ധി​കം പഠിക്കു​ന്നു​വോ കൂടുതൽ കാര്യങ്ങൾ പഠിക്കാൻ അത്രയ​ധി​കം എളുപ്പ​മാ​യി​രി​ക്കും. അതു​കൊണ്ട്‌ സ്‌കൂൾ പഠന​ത്തെ​ക്കു​റി​ച്ചോർത്ത്‌ നിരു​ത്സാ​ഹ​പ്പെ​ട​രുത്‌. ആവശ്യ​മാ​യി​രി​ക്കുന്ന ശ്രമം ചെയ്യുക, മികവു കാട്ടാൻ നിങ്ങളെ സഹായി​ക്കു​ന്ന​വ​രു​മാ​യി സഹവസി​ക്കുക. പുരാ​ത​ന​നാ​ളു​ക​ളി​ലെ ആസ രാജാ​വി​നോ​ടുള്ള അസര്യാ​വി​ന്റെ ഈ വാക്കുകൾ ഓർത്തി​രി​ക്കുക: “നിങ്ങളു​ടെ കൈകൾ തളർന്നു​പോ​ക​രു​തു; നിങ്ങളു​ടെ പ്രവൃ​ത്തി​ക്കു പ്രതി​ഫലം ഉണ്ടാകും.”—2 ദിനവൃ​ത്താ​ന്തം 15:7.

[അടിക്കു​റിപ്പ്‌]

[21-ാം പേജിലെ ചിത്രം]

മാർക്കുകൾ മെച്ച​പ്പെ​ടു​ത്താ​നുള്ള നിങ്ങളു​ടെ ലക്ഷ്യ​ത്തെ​ക്കു​റിച്ച്‌ അധ്യാ​പ​ക​നോ​ടു സംസാ​രി​ക്കാൻ മടിക്ക​രുത്‌

[22-ാം പേജിലെ ചിത്രം]

ഒരു വിഷയം പ്രാ​യോ​ഗി​ക​മൂ​ല്യ​മി​ല്ലാ​ത്ത​താ​യി തോന്നു​ന്നെ​ങ്കി​ലും അതിൽ പ്രാവീ​ണ്യം നേടു​ന്ന​തിൽനിന്ന്‌ നിങ്ങൾക്കു പ്രയോ​ജ​ന​മു​ണ്ടാ​കും