“സങ്കേത​നഗര”ത്തിൽ പാർത്ത്‌ ജീവ​നോ​ടി​രി​ക്കുക!

“അവൻ മഹാപു​രോ​ഹി​തന്റെ മരണം​വരെ തന്റെ സങ്കേത​ന​ഗ​ര​ത്തിൽ പാർക്കേ​ണ്ടി​യി​രു​ന്നു.”—സംഖ്യാ​പു​സ്‌തകം 35:28.

1. രക്തപ്ര​തി​കാ​രകൻ ആരാണ്‌, അവൻ ഉടൻതന്നെ എന്തു നടപടി സ്വീക​രി​ക്കും?

യഹോ​വ​യു​ടെ രക്തപ്ര​തി​കാ​രകൻ, യേശു​ക്രി​സ്‌തു, നിഗ്ര​ഹി​ക്കാൻ ഒരുങ്ങി​യി​രി​ക്കു​ക​യാണ്‌. തന്റെ ദൂതഗ​ണ​ത്തോ​ടൊ​പ്പം ഈ പ്രതി​കാ​രകൻ, രക്തപാ​ത​ക​ക്കു​റ്റം വഹിക്കുന്ന അനുതാ​പ​മി​ല്ലാത്ത സകലർക്കു​മെ​തി​രെ പെട്ടെ​ന്നു​തന്നെ നടപടി സ്വീക​രി​ക്കും. അതേ, സത്വരം സമീപി​ച്ചി​രി​ക്കുന്ന “മഹോ​പ​ദ്രവ”ത്തിൽ യേശു ദൈവ​ത്തി​ന്റെ വധനിർവാ​ഹകൻ എന്നനി​ല​യിൽ സേവന​മ​നു​ഷ്‌ഠി​ക്കും. (മത്തായി 24:21, 22, NW; യെശയ്യാ​വു 26:21) അപ്പോൾ മനുഷ്യ​വർഗം തങ്ങളുടെ രക്തപാ​ത​ക​ക്കു​റ്റ​ത്തി​ന്റെ അനന്തര​ഫ​ലങ്ങൾ നേരി​ട്ട​നു​ഭ​വി​ക്കും.

2. യഥാർഥ സങ്കേത​ത്തി​നുള്ള ഏക ഇടം ഏതാണ്‌, എന്തു ചോദ്യ​ങ്ങൾക്ക്‌ ഉത്തരം ലഭി​ക്കേ​ണ്ട​തുണ്ട്‌?

² പ്രതി​മാ​തൃക സങ്കേത നഗരത്തി​ലേ​ക്കുള്ള വഴിയിൽ പ്രവേ​ശി​ക്കു​ക​യും ജീവര​ക്ഷാർഥം ഓടു​ക​യു​മാ​ണു സുരക്ഷി​ത​ത്വ​ത്തി​നുള്ള മാർഗം! നഗരത്തിൽ കൈ​ക്കൊ​ള്ളു​ന്ന​പക്ഷം ഒരു അഭയാർഥി അതിൽ പാർക്കേ​ണ്ടി​യി​രു​ന്നു. കാരണം സങ്കേത​ത്തി​നുള്ള ഏക ഇടം അതു മാത്ര​മാ​യി​രു​ന്നു. എന്നാൽ നിങ്ങൾ ഇങ്ങനെ ചിന്തി​ച്ചേ​ക്കാം, ‘നമ്മില​നേ​ക​രും ഒരിക്ക​ലും ആരെയും കൊന്നി​ട്ടി​ല്ലാത്ത സ്ഥിതിക്കു നാം വാസ്‌ത​വ​ത്തിൽ രക്തപാ​ത​ക​ക്കു​റ്റ​മു​ള്ള​വ​രാ​ണോ? എന്തു​കൊ​ണ്ടാണ്‌ യേശു രക്തപ്ര​തി​കാ​ര​ക​നാ​യി​രി​ക്കു​ന്നത്‌? ആധുനിക സങ്കേത നഗരം എന്താണ്‌? ആർക്കെ​ങ്കി​ലും എന്നെങ്കി​ലും സുരക്ഷി​ത​മാ​യി അവിടം വിട്ടു​പോ​കാ​നാ​വു​മോ?’

നാം വാസ്‌ത​വ​ത്തിൽ രക്തപാ​ത​ക​ക്കു​റ്റ​മു​ള്ള​വ​രാ​ണോ?

3. ഭൂമി​യിൽ കോടി​ക്ക​ണ​ക്കി​നാ​ളു​കൾ രക്തപാ​ത​ക​ക്കു​റ്റ​ത്തിൽ പങ്കുള്ള​വ​രാ​ണെന്നു കാണാൻ മോ​ശൈക ന്യായ​പ്ര​മാ​ണ​ത്തി​ലെ എന്തു വശം നമ്മെ സഹായി​ക്കും?

³ ഭൂമി​യിൽ കോടി​ക്ക​ണ​ക്കി​നാ​ളു​കൾ രക്തപാ​ത​ക​ക്കു​റ്റ​ത്തിൽ പങ്കുള്ള​വ​രാ​ണെന്നു കാണാൻ മോ​ശൈക ന്യായ​പ്ര​മാ​ണ​ത്തി​ന്റെ ഒരു വശം നമ്മെ സഹായി​ക്കും. ദൈവം ഇസ്രാ​യേ​ല്യ​രു​ടെ​മേൽ രക്തച്ചൊ​രി​ച്ചി​ലി​നുള്ള ഒരു കൂട്ടു​ത്ത​ര​വാ​ദി​ത്വം വയ്‌ക്കു​ക​യു​ണ്ടാ​യി. ഒരുവൻ കൊല്ല​പ്പെ​ടു​ക​യും അയാളു​ടെ ഘാതകൻ ആരെന്നു തിട്ടമി​ല്ലാ​തെ വരുക​യു​മാ​ണെ​ങ്കിൽ ഏറ്റവും അടുത്ത നഗരം ഏതാ​ണെന്നു നിർണ​യി​ക്കു​ന്ന​തി​നു ന്യായാ​ധി​പ​ന്മാർ വന്നു ചുറ്റു​മുള്ള നഗരങ്ങ​ളി​ലേ​ക്കുള്ള ദൂരം അളക്കണ​മാ​യി​രു​ന്നു. പാതകം നീക്കി​ക്ക​ള​യു​ന്ന​തി​നു പ്രത്യ​ക്ഷ​ത്തിൽ രക്തപാ​ത​ക​ക്കു​റ്റ​മുള്ള നഗരത്തി​ലെ മൂപ്പന്മാർ, ഒരിക്ക​ലും കൃഷി​ചെ​യ്‌തി​ട്ടി​ല്ലാത്ത നീരൊ​ഴു​ക്കുള്ള ഒരു താഴ്‌വ​ര​യിൽവെച്ച്‌ ഒരിക്ക​ലും വേല​ചെ​യ്യി​ച്ചി​ട്ടി​ല്ലാത്ത ഒരു പശുക്കി​ടാ​വി​ന്റെ കഴു​ത്തൊ​ടി​ക്ക​ണ​മാ​യി​രു​ന്നു. ലേവ്യ പുരോ​ഹി​ത​ന്മാ​രു​ടെ മുമ്പാ​കെ​യാണ്‌ ഇതു ചെയ്‌തി​രു​ന്നത്‌. കാരണം ‘അവരെ​യാ​യി​രു​ന്നു യഹോവ വ്യവഹാ​ര​വും അടിക​ല​ശ​ലും തീർക്കു​ന്ന​തി​നു തിര​ഞ്ഞെ​ടു​ത്തി​രു​ന്നത്‌.’ നഗരത്തി​ലെ മൂപ്പന്മാർ ആ പശുക്കി​ടാ​വി​ന്മേൽ കൈകൾ കഴുകി​ക്കൊണ്ട്‌ ഇങ്ങനെ പറയു​മാ​യി​രു​ന്നു: “ഞങ്ങളുടെ കൈകൾ ആ രക്തം ചിന്നീ​ട്ടില്ല, ഞങ്ങളുടെ കണ്ണു അതു കണ്ടിട്ടു​മില്ല. യഹോവേ, നീ വീണ്ടെ​ടു​ത്തി​ട്ടുള്ള നിന്റെ ജനമായ യിസ്രാ​യേ​ലി​നോ​ടു ക്ഷമി​ക്കേ​ണമേ; നിന്റെ ജനമായ യിസ്രാ​യേ​ലി​ന്റെ മദ്ധ്യേ കുറ്റമി​ല്ലാത്ത രക്തം ഇരിപ്പാൻ ഇടവരു​ത്ത​രു​തേ.” (ആവർത്ത​ന​പു​സ്‌തകം 21:1-9) ഇസ്രാ​യേൽ ദേശം രക്തപങ്കി​ല​മാ​കാ​നോ അതിലെ ജനം രക്തപാ​ത​ക​ത്തി​ന്റെ കൂട്ടു​ത്ത​ര​വാ​ദി​ത്വം വഹിക്കാ​നോ യഹോവ ആഗ്രഹി​ച്ചി​രു​ന്നില്ല.

4. മഹാബാ​ബി​ലോന്‌ രക്തപാ​ത​ക​ക്കു​റ്റ​ത്തി​ന്റെ എന്തു രേഖയാ​ണു​ള്ളത്‌?

⁴ അതേ, കൂട്ടര​ക്ത​പാ​ത​ക​ക്കു​റ്റം അഥവാ സമൂഹ​ര​ക്ത​പാ​ത​ക​ക്കു​റ്റം എന്നൊരു സംഗതി​യുണ്ട്‌. വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോ​ന്റെ​മേ​ലുള്ള കയ്യും കണക്കു​മി​ല്ലാത്ത രക്തപാ​ത​ക​ക്കു​റ്റ​ത്തെ​ക്കു​റി​ച്ചു പരിചി​ന്തി​ക്കുക. എന്തിന്‌, അവൾ യഹോ​വ​യു​ടെ ദാസരു​ടെ രക്തം കുടിച്ചു മത്തയാ​യി​രി​ക്കു​ക​യാണ്‌! (വെളി​പ്പാ​ടു 17:5, 6; 18:24) സമാ ധാന​പ്ര​ഭു​വി​നെ അനുഗ​മി​ക്കു​ന്നു​വെന്നു ക്രൈ​സ്‌ത​വ​ലോ​കം അവകാ​ശ​വാ​ദം നടത്തുന്നുണ്ടെങ്കിലും യുദ്ധങ്ങൾ, മതവി​ചാ​ര​ണകൾ, മരണക​ര​മായ കുരി​ശു​യു​ദ്ധങ്ങൾ എന്നിവ അവളെ ദൈവ​മു​മ്പാ​കെ രക്തപാ​ത​ക​ക്കു​റ്റ​മു​ള്ള​വ​ളാ​ക്കി​യി​രി​ക്കു​ന്നു. (യെശയ്യാ​വു 9:6; യിരെ​മ്യാ​വു 2:34) വാസ്‌ത​വ​ത്തിൽ, ഈ നൂറ്റാ​ണ്ടി​ലെ രണ്ടു ലോക​മ​ഹാ​യു​ദ്ധ​ങ്ങ​ളി​ലാ​യി നടന്ന കോടി​ക്ക​ണ​ക്കി​നാ​ളു​ക​ളു​ടെ മരണത്തി​നു പ്രമുഖ കുറ്റം അവൾ വഹി​ക്കേ​ണ്ട​തുണ്ട്‌. തന്മൂലം, വ്യാജ​മ​ത​ത്തോ​ടു പറ്റിനിൽക്കു​ന്ന​വ​രും മാനവ യുദ്ധങ്ങളെ പിന്തു​ണ​യ്‌ക്കു​ക​യും അതിൽ പങ്കെടു​ക്കു​ക​യും ചെയ്യു​ന്ന​വ​രും ദൈവ​മു​മ്പാ​കെ രക്തപാ​ത​ക​ക്കു​റ്റ​മു​ള്ള​വ​രാണ്‌.

5. ചിലയാ​ളു​കൾ ഇസ്രാ​യേ​ലി​ലെ അബദ്ധവ​ശാൽ കൊല​ചെ​യ്‌ത​വ​നെ​പ്പോ​ലെ ആയിരി​ക്കു​ന്നത്‌ എങ്ങനെ?

⁵ ചിലർ മനപ്പൂർവ​മോ അശ്രദ്ധ​മൂ​ല​മോ മനുഷ്യ​മ​ര​ണ​ത്തിന്‌ ഇടവരു​ത്തി​യി​ട്ടുണ്ട്‌. മറ്റുചി​ലർ, ഒരുപക്ഷേ മതനേ​താ​ക്ക​ന്മാ​രു​ടെ പ്രേര​ണ​യിൽക്കു​ടു​ങ്ങി, കൂട്ട​ക്കൊ​ല​യിൽ പങ്കെടു​ത്തി​ട്ടുണ്ട്‌. അതു ദൈവ​ഹി​ത​മാ​ണെ​ന്നാണ്‌ അവരുടെ മതം. ഇനിയും, വേറെ​ചി​ലർ ദൈവ​ദാ​സരെ പീഡി​പ്പി​ക്കു​ക​യും കൊല്ലു​ക​യും ചെയ്‌തി​ട്ടുണ്ട്‌. നാം അത്തരം കാര്യങ്ങൾ ചെയ്‌തി​ട്ടി​ല്ലെ​ന്നു​വ​രി​കി​ലും ദൈവ​ത്തി​ന്റെ നിയമ​വും ഹിതവും അറിയാ​തെ നാം മനുഷ്യ​ജീ​വന്റെ നഷ്ടത്തിൽ സമൂഹ ഉത്തരവാ​ദി​ത്വം വഹിക്കു​ന്നു. നാം ‘പൂർവ്വ​ദ്വേ​ഷം കൂടാതെ അബദ്ധവ​ശാൽ കൂട്ടകാ​രനെ കൊന്ന’ വ്യക്തി​യെ​പോ​ലെ​യാണ്‌. (ആവർത്ത​ന​പു​സ്‌തകം 19:4) അത്തരം വ്യക്തികൾ ദൈവ​ത്തോ​ടു കരുണ​യ്‌ക്കാ​യി യാചി​ക്കു​ക​യും പ്രതി​മാ​തൃക സങ്കേത നഗരത്തി​ലേക്ക്‌ ഓടു​ക​യും വേണം. അല്ലാത്ത​പക്ഷം അവർ രക്തപ്ര​തി​കാ​ര​ക​നു​മാ​യി മാരക​മായ ഏറ്റുമു​ട്ട​ലിൽ ഏർപ്പെ​ടും.

യേശു​വി​ന്റെ മർമ​പ്ര​ധാ​ന​മായ റോളു​കൾ

6. യേശു മനുഷ്യ​വർഗ​ത്തി​ന്റെ ഏറ്റവും അടുത്ത ബന്ധുവാ​ണെന്നു പറയാൻ കഴിയു​ന്ന​തെ​ന്തു​കൊണ്ട്‌?

⁶ ഇസ്രാ​യേ​ലിൽ രക്തപ്ര​തി​കാ​രകൻ കൊല​ചെ​യ്യ​പ്പെട്ട ആളിന്റെ അടുത്ത ബന്ധുവാ​യി​രു​ന്നു. ഭൂമി​യിൽ കൊല്ല​പ്പെട്ട സകലരു​ടെ​യും, പ്രത്യേ​കിച്ച്‌ യഹോ​വ​യു​ടെ കൊല്ല​പ്പെട്ട ദാസരു​ടെ, രക്തത്തിനു പ്രതി​കാ​രം ചെയ്യു​ന്ന​തിന്‌ ഇപ്പോ​ഴത്തെ രക്തപ്ര​തി​കാ​രകൻ സകല മനുഷ്യ​വർഗ​ത്തി​ന്റെ​യും ബന്ധുവാ​യി​രി​ക്കണം. യേശു​ക്രി​സ്‌തു ആ സ്ഥാനം അലങ്കരി​ക്കു​ന്നു. അവൻ ഒരു പൂർണ​മ​നു​ഷ്യ​നാ​യി​ട്ടാ​ണു പിറന്നത്‌. യേശു പാപര​ഹി​ത​മായ തന്റെ ജീവൻ ഒരു മറുവി​ല​യാ​ഗ​മാ​യി അർപ്പിച്ചു. സ്വർഗ​ത്തി​ലേക്ക്‌ ഉയിർപ്പി​ക്ക​പ്പെ​ട്ട​ശേഷം അവൻ അതിന്റെ മൂല്യം പാപപൂർണ​നായ ആദാമി​ന്റെ മരിച്ചു​കൊ​ണ്ടി​രി​ക്കുന്ന സന്താന​ങ്ങൾക്കാ​യി ദൈവ​മു​മ്പാ​കെ സമർപ്പി​ച്ചു. അങ്ങനെ ക്രിസ്‌തു മനുഷ്യ​വർഗ​ത്തി​ന്റെ വിമോ​ചകൻ, ഏറ്റവും അടുത്ത ബന്ധു—അർഹത​യുള്ള രക്തപ്ര​തി​കാ​രകൻ ആയിത്തീർന്നു. (റോമർ 5:12; 6:23; എബ്രായർ 10:12) തന്റെ കാലടി​കളെ പിന്തു​ട​രുന്ന അഭിഷിക്ത അനുഗാ​മി​ക​ളു​ടെ സഹോ​ദ​ര​നാ​യി യേശു തിരി​ച്ച​റി​യി​ക്ക​പ്പെ​ട്ടി​രി​ക്കു​ന്നു. (മത്തായി 25:40, 45; എബ്രായർ 2:11-17) അവന്റെ ബലിയിൽനി​ന്നു പ്രയോ​ജ​ന​മ​നു​ഭ​വി​ക്കുന്ന ഭൗമിക പ്രജകൾക്ക്‌, സ്വർഗീയ രാജാ​വെന്ന നിലയിൽ അവൻ “നിത്യ​പി​താ​വു” ആയിത്തീ​രു​ന്നു. അവർ എന്നേക്കും ജീവി​ക്കും. (യെശയ്യാ​വു 9:6, 7) അതു​കൊണ്ട്‌, യഹോവ മനുഷ്യ​വർഗ​ത്തി​ന്റെ ഈ ബന്ധുവി​നെ രക്തപ്ര​തി​കാ​ര​ക​നാ​യി നിയോ​ഗി​ച്ചി​രി​ക്കു​ന്നതു യഥോ​ചി​ത​മാണ്‌.

7. വലിയ മഹാപു​രോ​ഹി​തൻ എന്നനി​ല​യിൽ യേശു മനുഷ്യ​വർഗ​ത്തി​നു​വേണ്ടി എന്തു ചെയ്യുന്നു?

⁷ യേശു പാപര​ഹി​ത​നായ, ശോധ​ന​ചെ​യ്യ​പ്പെട്ട, സഹതാ​പ​മുള്ള ഒരു മഹാപു​രോ​ഹി​ത​നു​മാണ്‌. (എബ്രായർ 4:15) ആ നിലയിൽ അവൻ തന്റെ പാപപ​രി​ഹാര ബലിയു​ടെ മൂല്യം മനുഷ്യ​വർഗ​ത്തി​നു ബാധക​മാ​ക്കു​ന്നു. “യിസ്രാ​യേൽമ​ക്കൾക്കും പരദേ​ശി​ക്കും വന്നുപാർക്കു​ന്ന​വ​ന്നും സങ്കേതം ആയി”ട്ടാണു സങ്കേത നഗരങ്ങൾ നിർമി​ക്ക​പ്പെ​ട്ടത്‌. (സംഖ്യാ​പു​സ്‌തകം 35:15) തന്മൂലം, മഹാപു​രോ​ഹി​തൻ തന്റെ ബലിയു​ടെ മൂല്യം ആദ്യം തന്റെ അഭിഷിക്ത അനുഗാ​മി​കൾക്ക്‌, “യിസ്രാ​യേൽമക്കൾ”ക്കു ബാധക​മാ​ക്കി. ഇപ്പോൾ അതു പ്രതി​മാ​തൃക സങ്കേത നഗരത്തി​ലുള്ള ‘പരദേ​ശി​കൾ’ക്കും ‘വന്നു താമസി​ക്കു​ന്നവർ’ക്കും ബാധക​മാ​ക്കി​ക്കൊ​ണ്ടി​രി​ക്കു​ക​യാണ്‌. കർത്താ​വായ യേശു​ക്രി​സ്‌തു​വി​ന്റെ ഈ “വേറെ ആടുകൾ” ഭൂമി​യിൽ എന്നേക്കും ജീവി​ക്കാൻ പ്രത്യാ​ശി​ക്കു​ന്നു.—യോഹ​ന്നാൻ 10:16; സങ്കീർത്തനം 37:29, 34.

ഇന്നത്തെ സങ്കേത നഗരം

8. പ്രതി​മാ​തൃക സങ്കേത നഗരം എന്താണ്‌?

⁸ പ്രതി​മാ​തൃക സങ്കേത നഗരം എന്താണ്‌? അത്‌ ആറു ലേവ്യ സങ്കേത നഗരങ്ങ​ളി​ലൊ​ന്നും ഇസ്രാ​യേ​ലി​ലെ മഹാപു​രോ​ഹി​തന്റെ ഭവനവു​മാ​യി​രുന്ന ഹെ​ബ്രോൻ പോലുള്ള ഭൂമി​ശാ​സ്‌ത്ര​പ​ര​മായ സ്ഥാനമല്ല. ഇന്നത്തെ സങ്കേത നഗരം, രക്തത്തിന്റെ പവിത്രത സംബന്ധിച്ച ദൈവ​ത്തി​ന്റെ നിയമം ലംഘി​ക്കു​ന്ന​തിൽനി​ന്നു നമ്മെ രക്ഷിക്കു​ന്ന​തി​നുള്ള അവന്റെ കരുത​ലാണ്‌. (ഉല്‌പത്തി 9:6) മനപ്പൂർവ​മാ​യാ​ലും അബദ്ധവ​ശാ​ലാ​യാ​ലും, ആ കൽപ്പന ലംഘി​ക്കു​ന്ന​വ​രെ​ല്ലാം മഹാപു​രോ​ഹി​ത​നായ യേശു​ക്രി​സ്‌തു​വി​ന്റെ രക്തത്തി​ലുള്ള വിശ്വാ​സ​ത്തി​ലൂ​ടെ ദൈവ​ത്തി​ന്റെ ക്ഷമയ്‌ക്കാ​യും തന്റെ പാപ​മോ​ച​ന​ത്തി​നാ​യും യാചി​ക്കണം. സ്വർഗീയ പ്രത്യാ​ശ​യുള്ള അഭിഷി​ക്ത​രും ഭൗമിക പ്രത്യാ​ശ​യുള്ള “മഹാപു​രു​ഷാര”വും യേശു​വി​ന്റെ ബലിയു​ടെ പാപപ​രി​ഹാര മൂല്യ​ത്തി​ന്റെ നേട്ടങ്ങൾ പ്രയോ​ജ​ന​പ്പെ​ടു​ത്തി​ക്കൊ​ണ്ടു പ്രതി​മാ​തൃക സങ്കേത നഗരത്തി​നു​ള്ളി​ലാണ്‌.—വെളി​പ്പാ​ടു 7:9, 14; 1 യോഹ​ന്നാൻ 1:7; 2:1, 2.

9. തർസൊ​സു​കാ​ര​നായ ശൗൽ രക്തം സംബന്ധിച്ച നിയമം ലംഘി​ച്ച​തെ​ങ്ങനെ, അവൻ തന്റെ മനോ​ഭാ​വ​ത്തി​നു മാറ്റം വരുത്തി​യ​തെ​ങ്ങനെ?

⁹ ക്രിസ്‌ത്യാ​നി ആകുന്ന​തി​നു​മുമ്പ്‌ അപ്പോ​സ്‌ത​ല​നായ പൗലോസ്‌ രക്തം സംബന്ധിച്ച നിയമം ലംഘി​ച്ചി​രു​ന്നു. തർസൊ​സു​കാ​ര​നായ ശൗൽ ആയിരി​ക്കെ അവൻ യേശു​വി​ന്റെ അനുഗാ​മി​കളെ പീഡി​പ്പി​ക്കു​ക​യും അവരുടെ മരണത്തിന്‌ അനുമതി നൽകു​ക​യും ചെയ്‌തി​രു​ന്നു. “എങ്കിലും അവിശ്വാ​സ​ത്തിൽ അറിയാ​തെ ചെയ്‌ത​താ​ക​കൊ​ണ്ടു എനിക്കു കരുണ ലഭിച്ചു” എന്നു പൗലോസ്‌ പറഞ്ഞു. (1 തിമൊ​ഥെ​യൊസ്‌ 1:13; പ്രവൃ​ത്തി​കൾ 9:1-19) ശൗലിന്‌ അനുതാപ മനോ​ഭാ​വ​മു​ണ്ടാ​യി​രു​ന്നു, പിന്നീട്‌ അത്‌ അനേകം പ്രവൃ​ത്തി​ക​ളി​ലൂ​ടെ തെളി​യി​ച്ചു. എന്നാൽ പ്രതി​മാ​തൃക സങ്കേത നഗരത്തിൽ പ്രവേ​ശി​ക്കു​ന്ന​തി​നു മറുവി​ല​യാ​ഗ​ത്തി​ലുള്ള വിശ്വാ​സ​ത്തെ​ക്കാ​ള​ധി​കം ആവശ്യ​മാ​യി​ട്ടുണ്ട്‌.

10. ഒരു നല്ല മനസ്സാക്ഷി എങ്ങനെ നേടി​യെ​ടു​ക്കാൻ കഴിയും, അതു നിലനിർത്താൻ എന്തു ചെയ്യണം?

¹⁰ രക്തം ചൊരി​ഞ്ഞ​തി​നോ​ടുള്ള ബന്ധത്തിൽ തനിക്കു ദൈവ​മു​മ്പാ​കെ ഒരു നല്ല മനസ്സാ​ക്ഷി​യു​ണ്ടെന്ന്‌ അബദ്ധവ​ശാൽ കൊല​ചെ​യ്‌ത​വനു തെളി​യി​ക്കാൻ കഴി​ഞ്ഞെ​ങ്കിൽ മാത്രമേ ഇസ്രാ​യേ​ലി​ലെ സങ്കേത നഗരങ്ങ​ളി​ലൊ​ന്നിൽ അയാൾക്കു പാർക്കാൻ കഴിയു​മാ​യി​രു​ന്നു​ള്ളൂ. ഒരു നല്ല മനസ്സാക്ഷി നേടി​യെ​ടു​ക്കു​ന്ന​തി​നു നാം യേശു​വി​ന്റെ ബലിയിൽ വിശ്വാ​സ​മർപ്പി​ക്കു​ക​യും പാപങ്ങ​ളിൽ അനുത​പി​ക്കു​ക​യും ജീവി​ത​ഗ​തി​യിൽ മാറ്റം വരുത്തു​ക​യും ചെയ്യണം. ദൈവ​ത്തി​നാ​യുള്ള പ്രാർഥ​നാ​പൂർവ​ക​മായ സമർപ്പണം ജലസ്‌നാ​പ​ന​ത്തി​ലൂ​ടെ പ്രതീ​ക​പ്പെ​ടു​ത്തി​ക്കൊ​ണ്ടു നാം ക്രിസ്‌തു മുഖാ​ന്തരം ഒരു നല്ല മനസ്സാ​ക്ഷി​ക്കു​വേണ്ടി അപേക്ഷി​ക്കണം. (1 പത്രൊസ്‌ 3:20, 21) യഹോ​വ​യു​മാ​യി ശുദ്ധമായ ഒരു ബന്ധം നേടി​യെ​ടു​ക്കു​ന്ന​തിന്‌ ഈ നല്ല മനസ്സാക്ഷി നമ്മെ അനുവ​ദി​ക്കു​ന്നു. ഒരു നല്ല മനസ്സാക്ഷി കാത്തു​സൂ​ക്ഷി​ക്കു​ന്ന​തി​നുള്ള ഏക വഴി, പുരാതന സങ്കേത നഗരങ്ങ​ളി​ലെ അഭയാർഥി​കൾ ന്യായ​പ്ര​മാ​ണം അനുസ​രി​ക്കു​ക​യും തങ്ങളുടെ നിയമിത വേലകൾ ചെയ്‌തു​തീർക്കു​ക​യും ചെയ്യേ​ണ്ടി​യി​രു​ന്ന​തു​പോ​ലെ, ദൈവ​ത്തി​ന്റെ നിബന്ധ​ന​ക​ള​നു​സ​രി​ച്ചു​കൊ​ണ്ടു പ്രതി​മാ​തൃക സങ്കേത നഗരത്തിൽ നമ്മെ ഏൽപ്പി​ച്ചി​രി​ക്കുന്ന വേല ചെയ്യു​ക​യാണ്‌. ഇന്നു യഹോ​വ​യു​ടെ ജനത്തിന്റെ പ്രമുഖ വേല രാജ്യ​സ​ന്ദേശം പ്രഖ്യാ​പി​ക്കു​ക​യാണ്‌. (മത്തായി 24:14; 28:19, 20) ആ വേല ചെയ്യു​ന്നത്‌ ഇപ്പോ​ഴത്തെ സങ്കേത നഗരത്തി​ലെ ഉപയോ​ഗ​പ്ര​ദ​രായ നിവാ​സി​ക​ളാ​യി​രി​ക്കാൻ നമ്മെ സഹായി​ക്കും.

11. ഇന്നത്തെ സങ്കേത നഗരത്തിൽ സുരക്ഷി​ത​മാ​യി നിലനിൽക്കേ​ണ്ട​തി​നു നാം എന്ത്‌ ഒഴിവാ​ക്കേ​ണ്ട​തുണ്ട്‌?

¹¹ ഇന്നത്തെ സങ്കേത നഗരത്തിൽനി​ന്നു പുറത്തു​പോ​കു​ന്നു​വെ​ങ്കിൽ നാം സ്വയം നാശവി​ധേ​യ​രാ​ക്കു​ക​യാ​യി​രി​ക്കും. കാരണം രക്തപ്ര​തി​കാ​രകൻ രക്തപാ​ത​ക​ക്കു​റ്റം വഹിക്കുന്ന ഏവർക്കു​മെ​തി​രെ പെട്ടെന്നു നടപടി​യെ​ടു​ക്കാൻ പോവു​ക​യാണ്‌. ഈ സംരക്ഷ​ണാ​ത്മക നഗരത്തി​നു പുറത്തോ അതിന്റെ ഫലഭൂ​യിഷ്‌ഠ നിലങ്ങ​ളു​ടെ അതിർത്തി​ക്കു സമീപ​മോ​വെച്ചു പിടി​ക്ക​പ്പെ​ടു​ന്ന​തി​നുള്ള സമയമ​ല്ലിത്‌. മഹാപു​രോ​ഹി​തന്റെ പാപപ​രി​ഹാര ബലിയി​ലുള്ള വിശ്വാ​സം നഷ്ടപ്പെ​ട്ടാൽ നാം പ്രതി​മാ​തൃക സങ്കേത നഗരത്തി​നു പുറത്താ​യി​ത്തീ​രും. (എബ്രായർ 2:1; 6:4-6) ലൗകിക വഴികൾ സ്വീക​രി​ച്ചു യഹോ​വ​യു​ടെ സ്ഥാപന​ത്തി​ന്റെ വക്കിൽ നില​കൊ​ള്ളു​ക​യോ നമ്മുടെ സ്വർഗീയ പിതാ​വി​ന്റെ നീതി​നി​ഷ്‌ഠ​മായ പ്രമാ​ണ​ങ്ങ​ളിൽനി​ന്നു വ്യതി​ച​ലി​ക്കു​ക​യോ ചെയ്യു​ന്ന​പ​ക്ഷ​വും നാം സുരക്ഷി​ത​രാ​യി​രി​ക്കു​ക​യില്ല.—1 കൊരി​ന്ത്യർ 4:4.

സങ്കേത നഗരത്തിൽനി​ന്നു സ്വത​ന്ത്ര​മാ​ക്ക​പ്പെ​ടു​ന്നു

12. മുമ്പു രക്തപാ​ത​ക​ക്കു​റ്റം വഹിച്ചി​രു​ന്നവർ എത്രകാ​ലം സങ്കേത നഗരത്തിൽ പാർക്കണം?

¹² അബദ്ധവ​ശാൽ കൊല​ചെ​യ്യു​ന്നവൻ ‘മഹാപു​രോ​ഹി​തന്റെ മരണം’വരെ ഒരു സങ്കേത നഗരത്തിൽ പാർക്കേ​ണ്ടി​യി​രു​ന്നു. (സംഖ്യാ​പു​സ്‌തകം 35:28) അതു​കൊണ്ട്‌, മുമ്പു രക്തപാ​ത​ക​ക്കു​റ്റം വഹിച്ചി​രു​ന്നവർ എത്രകാ​ലം സങ്കേത നഗരത്തിൽ പാർക്കണം? മഹാപു​രോ​ഹി​ത​നായ യേശു​ക്രി​സ്‌തു​വി​ന്റെ സേവനങ്ങൾ അവർക്കു വേണ്ടാതെ വരുന്നി​ട​ത്തോ​ളം കാലം. “താൻമു​ഖാ​ന്ത​ര​മാ​യി ദൈവ​ത്തോ​ടു അടുക്കു​ന്ന​വർക്കു വേണ്ടി . . . അവരെ പൂർണ്ണ​മാ​യി രക്ഷിപ്പാൻ അവൻ പ്രാപ്‌ത​നാ​കു​ന്നു” എന്നു പൗലോസ്‌ എഴുതി. (എബ്രായർ 7:25) അൽപ്പ​മെ​ങ്കി​ലും പാപക്ക​റ​യും മുൻര​ക്ത​പാ​ത​ക​ക്കു​റ്റ​വും തുടരു​ന്നി​ട​ത്തോ​ളം​കാ​ലം അപൂർണ മനുഷ്യർക്കു ദൈവ​മു​മ്പാ​കെ ഒരു നല്ല നില ഉണ്ടായി​രി​ക്കാൻ മഹാപു​രോ​ഹി​തന്റെ സേവനങ്ങൾ ആവശ്യ​മാണ്‌.

13. ഇപ്പോ​ഴത്തെ “യിസ്രാ​യേൽ മക്കൾ” ആരാണ്‌, അവർ എത്ര കാലം “സങ്കേത​നഗര”ത്തിൽ പാർക്കണം?

¹³ പുരാതന സങ്കേത നഗരങ്ങൾ “യിസ്രാ​യേൽമ​ക്കൾക്കും” പരദേ​ശി​കൾക്കും വന്നുപാർക്കു​ന്ന​വർക്കും വേണ്ടി​യാ​ണു സ്ഥാപി​ക്ക​പ്പെ​ട്ടത്‌ എന്നതോർക്കുക. “യിസ്രാ​യേൽമക്കൾ” ആത്മീയ ഇസ്രാ​യേ​ല്യ​രാണ്‌. (ഗലാത്യർ 6:16) ഭൂമി​യിൽ ജീവി​ക്കു​ന്ന​കാ​ല​മെ​ല്ലാം അവർ പ്രതി​മാ​തൃക സങ്കേത നഗരത്തിൽ പാർക്കണം. എന്തു​കൊണ്ട്‌? എന്തു​കൊ​ണ്ടെ​ന്നാൽ, അവർ ഇപ്പോ​ഴും അപൂർണ ജഡത്തി​ലാ​യി​രി​ക്കു​ന്ന​തി​നാൽ തങ്ങളുടെ സ്വർഗീയ മഹാപു​രോ​ഹി​തന്റെ പാപപ​രി​ഹാ​ര​മൂ​ല്യം അവർക്ക്‌ ആവശ്യ​മാണ്‌. എന്നാൽ ഈ അഭിഷിക്ത ക്രിസ്‌ത്യാ​നി​കൾ മരിച്ച്‌, സ്വർഗ​ത്തിൽ ആത്മജീ​വ​നി​ലേക്ക്‌ ഉയിർപ്പി​ക്ക​പ്പെ​ടു​മ്പോൾ മഹാപു​രോ​ഹി​തന്റെ പാപപ​രി​ഹാര സേവനങ്ങൾ അവർക്കു മേലാൽ വേണ്ടി​വ​രു​ന്നില്ല. കാരണം അവർ ജഡവും അതോടു ബന്ധപ്പെട്ട രക്തപാ​ത​ക​ക്കു​റ്റ​വും എന്നേക്കു​മാ​യി വെടി​ഞ്ഞി​രി​ക്കും. ഉയിർപ്പി​ക്ക​പ്പെട്ട അഭിഷി​ക്തരെ സംബന്ധി​ച്ചി​ട​ത്തോ​ളം പാപപ​രി​ഹാ​ര​വും സംരക്ഷ​ണ​വും നൽകുന്ന കാര്യ​ത്തിൽ മഹാപു​രോ​ഹി​തൻ മരിച്ചി​രി​ക്കും.

14. സ്വർഗീയ പ്രത്യാ​ശ​യു​ള്ളവർ ഇന്നത്തെ സങ്കേത നഗരത്തിൽ താമസി​ക്ക​ണ​മെന്നു മറ്റെന്തു​കൂ​ടെ ആവശ്യ​മാ​ക്കി​ത്തീർക്കു​ന്നു?

¹⁴ മനുഷ്യ പ്രകൃതം അവകാ​ശ​മാ​ക്കി​യി​രി​ക്കു​ന്നു​വെന്ന വസ്‌തുത, സ്വർഗ​ത്തിൽ “ക്രിസ്‌തു​വി​ന്നു കൂട്ടവ​കാ​ശിക”ളായവർ വിശ്വ​സ്‌ത​ത​യോ​ടെ തങ്ങളുടെ ഭൗമി​ക​ജീ​വി​ത​ഗതി അവസാ​നി​ക്കു​ന്ന​തു​വരെ പ്രതി​മാ​തൃക സങ്കേത നഗരത്തിൽ താമസി​ക്കു​ന്നത്‌ ആവശ്യ​മാ​ക്കി​ത്തീർക്കു​ന്നു. മരിക്കു​മ്പോൾ അവർ മനുഷ്യ പ്രകൃതം എന്നേക്കു​മാ​യി ത്യജി​ക്കും. (റോമർ 8:17; വെളി​പ്പാ​ടു 2:10) മനുഷ്യ പ്രകൃ​ത​മു​ള്ള​വർക്കു മാത്രമേ യേശു​വി​ന്റെ ബലി ബാധക​മാ​കു​ന്നു​ള്ളൂ. തന്മൂലം ആ ആത്മീയ ഇസ്രാ​യേ​ല്യർ ഉയിർപ്പി​ക്ക​പ്പെ​ടു​ക​യും “ദിവ്യ​സ്വ​ഭാ​വ​ത്തി​നു കൂട്ടാ​ളി​ക​ളാ​യി” സ്വർഗ​ത്തിൽ നിത്യം വസിക്കുന്ന ആത്മജീ​വി​ക​ളാ​യി​ത്തീ​രു​ക​യും ചെയ്യു​മ്പോൾ അവരെ സംബന്ധി​ച്ചി​ട​ത്തോ​ളം മഹാപു​രോ​ഹി​തൻ മരിക്കു​ന്നു.—2 പത്രൊസ്‌ 1:4.

15. ആധുനിക നാളിലെ ‘പരദേ​ശി​ക​ളും’ ‘വന്നുപാർക്കു​ന്ന​വ​രും’ ആരാണ്‌, വലിയ മഹാപു​രോ​ഹി​തൻ അവർക്കു​വേണ്ടി എന്തു​ചെ​യ്യും?

¹⁵ ആധുനിക നാളിലെ ‘പരദേ​ശി​കൾ,’ ‘വന്നുതാ​മ​സി​ക്കു​ന്നവർ’ എന്നിവരെ പ്രതി​മാ​തൃക സങ്കേത നഗരത്തിൽനി​ന്നു പുറത്തു​പോ​കാൻ അനുവ​ദി​ച്ചു​കൊ​ണ്ടു മഹാപു​രോ​ഹി​തൻ ‘മരിക്കു​ന്നത്‌’ എപ്പോ​ഴാ​യി​രി​ക്കും? മഹാപു​രു​ഷാ​ര​ത്തി​ലെ അംഗങ്ങൾക്കു മഹോ​പ​ദ്രവം കഴിഞ്ഞ ഉടനെ ആ സങ്കേത നഗരത്തിൽനി​ന്നു പുറത്തു​പോ​കാൻ കഴിയു​ക​യില്ല. എന്തു​കൊ​ണ്ടില്ല? എന്തു​കൊ​ണ്ടെ​ന്നാൽ അവർ അപ്പോ​ഴും അപൂർണ​രും പാപപ​ങ്കി​ല​മായ ജഡമു​ള്ള​വ​രും ആയിരി​ക്കും. തന്മൂലം മഹാപു​രോ​ഹി​തന്റെ സംരക്ഷ​ണ​യിൻ കീഴിൽ കഴി​യേ​ണ്ട​തുണ്ട്‌. ആയിര​വർഷ രാജത്വ​ത്തി​ന്റെ​യും പൗരോ​ഹി​ത്യ​ത്തി​ന്റെ​യും നാളു​ക​ളിൽ അവന്റെ പാപപ​രി​ഹാര സേവനങ്ങൾ പ്രയോ​ജ​ന​പ്പെ​ടു​ത്തി​ക്കൊണ്ട്‌ അവർ ക്രമേണ മാനുഷ പൂർണത കൈവ​രി​ക്കും. അപ്പോൾ സാത്താ​നെ​യും അവന്റെ ഭൂതങ്ങ​ളെ​യും അൽപ്പ​നേ​ര​ത്തേക്ക്‌ അഴിച്ചു​വി​ട്ടു​കൊണ്ട്‌ യേശു അവരെ തങ്ങളുടെ നിർമ​ല​ത​യു​ടെ നിർണാ​യ​ക​മായ ഒരു അന്തിമ പരി​ശോ​ധ​ന​യ്‌ക്കു വിധേ​യ​രാ​ക്കു​ന്ന​തി​നു ദൈവ​ത്തിന്‌ ഏൽപ്പി​ക്കും. അവർ ദിവ്യാം​ഗീ​കാ​ര​ത്തോ​ടെ ഈ പരി​ശോ​ധ​ന​യിൽ വിജയി​ക​ളാ​കു​ന്ന​തി​നാൽ യഹോവ അവരെ നീതി​മാ​ന്മാ​രെന്നു പ്രഖ്യാ​പി​ക്കും. അങ്ങനെ അവർ മനുഷ്യ പൂർണ​ത​യിൽ എത്തും.—1 കൊരി​ന്ത്യർ 15:28; വെളി​പ്പാ​ടു 20:7-10.a

16. മഹോ​പ​ദ്ര​വ​ത്തി​ലെ അതിജീ​വ​കർക്കു മഹാപു​രോ​ഹി​തന്റെ പാപപ​രി​ഹാര സേവന​ങ്ങ​ളു​ടെ ആവശ്യ​മി​ല്ലാ​തെ വരുന്ന​തെ​പ്പോൾ?

¹⁶ അതു​കൊണ്ട്‌, മഹോ​പ​ദ്ര​വത്തെ അതിജീ​വി​ക്കു​ന്നവർ തങ്ങൾ ക്രിസ്‌തു​വി​ന്റെ ആയിര​വർഷ വാഴ്‌ച​യു​ടെ അവസാ​നം​വരെ ആ സങ്കേത നഗരത്തിൽ താമസി​ച്ചു​കൊണ്ട്‌ ഒരു നല്ല മനസ്സാക്ഷി കാത്തു​സൂ​ക്ഷി​ക്കേ​ണ്ട​തുണ്ട്‌. പൂർണ​രാ​ക്ക​പ്പെട്ട മനുഷ്യ​രെ​ന്ന​നി​ല​യിൽ അവർക്ക​പ്പോൾ മഹാപു​രോ​ഹി​തന്റെ പാപപ​രി​ഹാര സേവന​ങ്ങ​ളു​ടെ കൂടു​ത​ലായ ആവശ്യം ഉണ്ടായി​രി​ക്കു​ക​യില്ല, അവന്റെ സംരക്ഷ​ണ​ത്തിൽനിന്ന്‌ അവർ വെളി​യിൽ വരുക​യും ചെയ്യും. അപ്പോൾ അവരെ സംബന്ധി​ച്ചി​ട​ത്തോ​ളം മഹാപു​രോ​ഹി​ത​നെന്ന നിലയിൽ യേശു മരിക്കും, കാരണം തന്റെ ബലിയു​ടെ ശുദ്ധീ​കരണ രക്തം​കൊണ്ട്‌ അവർക്കു​വേണ്ടി അവനു മേലാൽ പ്രവർത്തി​ക്കേ​ണ്ട​തില്ല. അന്ന്‌ അവർ പ്രതി​മാ​തൃക സങ്കേത നഗരം വിട്ടു​പോ​കും.

17. ക്രിസ്‌തു​വി​ന്റെ ആയിര​വർഷ വാഴ്‌ച​ക്കാ​ലത്ത്‌ ഉയിർപ്പി​ക്ക​പ്പെ​ടു​ന്ന​വർക്ക്‌ സങ്കേത നഗരത്തിൽ പ്രവേ​ശി​ക്കു​ന്ന​തി​ന്റെ​യും അവിടെ പാർക്കു​ന്ന​തി​ന്റെ​യും ആവശ്യ​മി​ല്ലാ​ത്തത്‌ എന്തു​കൊണ്ട്‌?

¹⁷ യേശു​വി​ന്റെ ആയിര​വർഷ വാഴ്‌ച​ക്കാ​ലത്ത്‌ ഉയിർപ്പി​ക്ക​പ്പെ​ടു​ന്നവർ പ്രതി​മാ​തൃക സങ്കേത നഗരത്തിൽ പ്രവേ​ശി​ക്കു​ക​യും മഹാപു​രോ​ഹി​തന്റെ മരണം​വരെ അവിടെ താമസി​ക്കു​ക​യും ചെയ്യണ​മോ? വേണ്ട, എന്തു​കൊ​ണ്ടെ​ന്നാൽ മരിച്ച​തി​ലൂ​ടെ അവരുടെ പാപങ്ങൾക്കു ശിക്ഷ ലഭിച്ചു. (റോമർ 6:7; എബ്രായർ 9:27) എന്നുവ​രി​കി​ലും, പൂർണ​ത​യിൽ എത്തി​ച്ചേ​രു​ന്ന​തി​നു മഹാപു​രോ​ഹി​തൻ അവരെ സഹായി​ക്കും. സഹസ്രാ​ബ്ദ​ത്തി​നു​ശേ​ഷ​മുള്ള അന്തിമ പരി​ശോ​ധ​നയെ അവർ വിജയ​പൂർവം നേരി​ടു​ന്നു​വെ​ങ്കിൽ ഭൂമി​യിൽ നിത്യ​ജീ​വന്റെ ഉറപ്പേ​കി​ക്കൊ​ണ്ടു ദൈവം അവരെ നീതി​മാ​ന്മാ​രാ​യി പ്രഖ്യാ​പി​ക്കു​ക​യും ചെയ്യും. ദൈവ​ത്തി​ന്റെ നിബന്ധ​നകൾ പാലി​ക്കു​ന്ന​തി​ലെ പരാജയം നിർമ​ല​താ​പാ​ലകർ എന്നനി​ല​യി​ലുള്ള അന്തിമ പരി​ശോ​ധ​ന​യിൽ ജയിക്കാത്ത ഏതൊ​രു​വ​ന്റെ​മേ​ലും കുറ്റവി​ധി​യും നാശവും കൈവ​രു​ത്തും.

18. യേശു​വി​ന്റെ രാജത്വ​ത്തോ​ടും പൗരോ​ഹി​ത്യ​ത്തോ​ടു​മുള്ള ബന്ധത്തിൽ മനുഷ്യ​വർഗ​ത്തോ​ടൊ​പ്പം നിലനിൽക്കു​ന്ന​തെ​ന്താണ്‌?

¹⁸ ഇസ്രാ​യേ​ലി​ന്റെ മഹാപു​രോ​ഹി​തൻ ഒടുവിൽ മരിച്ചു. എന്നാൽ യേശു “മല്‌ക്കീ​സേ​ദെ​ക്കി​ന്റെ ക്രമ​പ്ര​കാ​രം എന്നേക്കും മഹാപു​രോ​ഹി​ത​നാ​യി”രിക്കുന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) (എബ്രായർ 6:19, 20; 7:3) തന്മൂലം, മനുഷ്യ​വർഗ​ത്തി​നു​വേണ്ടി മധ്യസ്ഥം വഹിക്കുന്ന മഹാപു​രോ​ഹി​ത​നെന്ന നിലയിൽ സ്ഥാന​മൊ​ഴി​യു​ന്ന​തോ​ടെ യേശു മരിക്കു​ന്നില്ല. രാജാ​വും മഹാപു​രോ​ഹി​ത​നു​മെന്ന നിലയി​ലുള്ള അവന്റെ നല്ല സേവന​ഫ​ലങ്ങൾ മനുഷ്യ​വർഗ​ത്തോ​ടൊ​പ്പം എന്നേക്കും നിലനിൽക്കും. ഈ നിലക​ളി​ലെ​ല്ലാം അവൻ സേവി​ച്ച​തു​കൊ​ണ്ടു മനുഷ്യർ നിത്യം അവനോ​ടു കടപ്പെ​ട്ടി​രി​ക്കും. കൂടാതെ, നിത്യ​ത​യി​ലു​ട​നീ​ളം യഹോ​വ​യു​ടെ നിർമ​ലാ​രാ​ധ​ന​യിൽ യേശു നേതൃ​ത്വം വഹിക്കും.—ഫിലി​പ്പി​യർ 2:5-11.

നമുക്കുള്ള വില​യേ​റിയ പാഠങ്ങൾ

19. സങ്കേത നഗരങ്ങ​ളു​ടെ കരുത​ലിൽനി​ന്നു വിദ്വേ​ഷ​വും സ്‌നേ​ഹ​വും സംബന്ധിച്ച്‌ എന്തു പാഠം പഠിക്കാ​വു​ന്ന​താണ്‌?

¹⁹ സങ്കേത നഗരങ്ങ​ളു​ടെ കരുത​ലിൽനി​ന്നു നമുക്കു വ്യത്യസ്‌ത പാഠങ്ങൾ പഠിക്കാ​നാ​വും. ഉദാഹ​ര​ണ​ത്തിന്‌, കൊല​ചെ​യ്യ​പ്പെട്ട വ്യക്തി​യോ​ടു നാശക​ര​മായ വിദ്വേ​ഷം പുലർത്തി​യി​രുന്ന ഒരു കൊല​യാ​ളി​ക്കും സങ്കേത നഗരത്തിൽ പാർക്കാൻ അനുവാ​ദ​മി​ല്ലാ​യി​രു​ന്നു. (സംഖ്യാ​പു​സ്‌തകം 35:20, 21) തന്മൂലം, പ്രതി​മാ​തൃക സങ്കേത നഗരത്തി​ലുള്ള ഒരുവനു തന്റെ സഹോ​ദ​ര​നെ​പ്രതി ഹൃദയ​ത്തിൽ വിദ്വേ​ഷം വളർത്തി​യെ​ടു​ക്കാൻ എങ്ങനെ കഴിയും? “സഹോ​ദ​രനെ പകെക്കു​ന്നവൻ എല്ലാം കുലപാ​തകൻ ആകുന്നു. യാതൊ​രു കുലപാ​ത​ക​ന്നും നിത്യ​ജീ​വൻ ഉള്ളിൽ വസിച്ചി​രി​പ്പില്ല എന്നു നിങ്ങൾ അറിയു​ന്നു” എന്ന്‌ അപ്പോ​സ്‌ത​ല​നായ യോഹ​ന്നാൻ എഴുതി. അതു​കൊ​ണ്ടു നാമും “അന്യോ​ന്യം സ്‌നേ​ഹിക്ക; സ്‌നേഹം ദൈവ​ത്തിൽനി​ന്നു ജനിച്ചി​രി​ക്കു​ന്നു.”—1 യോഹ​ന്നാൻ 3:15; 4:7.

20. രക്തപ്ര​തി​കാ​ര​ക​നിൽനി​ന്നുള്ള സംരക്ഷ​ണ​ത്തി​നു​വേണ്ടി പ്രതി​മാ​തൃക സങ്കേത നഗരത്തി​ലു​ള്ളവർ എന്തു ചെയ്യണം?

²⁰ രക്തപ്ര​തി​കാ​ര​ക​നിൽനി​ന്നുള്ള സംരക്ഷ​ണ​ത്തിന്‌ അബദ്ധവ​ശാൽ കൊല​ചെ​യ്‌തവൻ സങ്കേത നഗരത്തിൽ പാർക്ക​ണ​മാ​യി​രു​ന്നു, അതിന്റെ മേച്ചൽപ്പു​റം വിട്ടു ചുറ്റി​ത്തി​രി​യാൻ പാടി​ല്ലാ​യി​രു​ന്നു. പ്രതി​മാ​തൃക സങ്കേത നഗരത്തി​ലു​ള്ള​വരെ സംബന്ധി​ച്ചെന്ത്‌? വലിയ രക്തപ്ര​തി​കാ​ര​ക​നിൽനി​ന്നുള്ള സുരക്ഷ​യെ​പ്രതി അവർ ആ നഗരം വിട്ടു​പോ​ക​രുത്‌. ഒരർഥ​ത്തിൽ ആ മേച്ചൽപ്പു​റ​ങ്ങ​ളു​ടെ അതിർവ​ര​മ്പി​ലേക്കു പോകു​ന്ന​തി​നുള്ള ആകർഷ​ണ​ങ്ങൾക്കെ​തി​രെ അവർ കാത്തു​സൂ​ക്ഷി​ക്കേ​ണ്ട​തുണ്ട്‌. സാത്താന്റെ ലോക​ത്തോ​ടു തങ്ങളുടെ ഹൃദയ​ങ്ങ​ളിൽ സ്‌നേഹം വളർത്തി​യെ​ടു​ക്കാ​തി​രി​ക്കാൻ അവർ ജാഗരൂ​ക​രാ​യി​രി​ക്കണം. ഇതിനു പ്രാർഥ​ന​യും ശ്രമവും ആവശ്യ​മാ​ണെ​ന്നു​വ​ന്നേ​ക്കാം. എന്നാൽ അവരുടെ ജീവൻ അതിനെ ആശ്രയി​ച്ചി​രി​ക്കു​ന്നു.—1 യോഹ​ന്നാൻ 2:15-17; 5:19.

21. ഇന്നത്തെ സങ്കേത നഗരത്തി​ലു​ള്ളവർ എന്തു ഫലദാ​യ​ക​മായ വേലയാ​ണു ചെയ്‌തു​കൊ​ണ്ടി​രി​ക്കു​ന്നത്‌?

²¹ പുരാതന സങ്കേത നഗരങ്ങ​ളി​ലു​ണ്ടാ​യി​രുന്ന, അബദ്ധവ​ശാൽ കൊല​ചെ​യ്‌തവർ ഉത്‌പാ​ദ​ന​ക്ഷ​മ​രായ ജോലി​ക്കാ​രാ​യി​രി​ക്ക​ണ​മാ​യി​രു​ന്നു. സമാന​മാ​യി, വിള​വെ​ടു​പ്പു​കാ​രും രാജ്യ പ്രഘോ​ഷ​ക​രും എന്നനി​ല​യിൽ അഭിഷിക്ത “യിസ്രാ​യേൽമക്കൾ” ഒരു നല്ല മാതൃക വെച്ചി​ട്ടുണ്ട്‌. (മത്തായി 9:37, 38; മർക്കൊസ്‌ 13:10) ഇന്നത്തെ സങ്കേത നഗരത്തിൽ ‘പരദേ​ശി​ക​ളും’ ‘വന്നുപാർക്കു​ന്ന​വ​രും’ എന്നനി​ല​യിൽ ഭൗമിക പ്രത്യാ​ശ​യുള്ള ക്രിസ്‌ത്യാ​നി​കൾക്കു ഭൂമി​യി​ലുള്ള അഭിഷി​ക്ത​രോ​ടൊ​പ്പം ഈ ജീവരക്ഷാ വേല ചെയ്യു​ന്ന​തി​നുള്ള പദവി​യുണ്ട്‌. എത്ര പ്രതി​ഫ​ല​ദാ​യ​ക​മായ വേലയാ​ണത്‌! സങ്കേത നഗരത്തിൽ വിശ്വ​സ്‌ത​ത​യോ​ടെ വേല ചെയ്യു​ന്നവർ രക്തപ്ര​തി​കാ​ര​കന്റെ കരങ്ങളാ​ലുള്ള നിത്യ​മ​ര​ണ​ത്തിൽനി​ന്നു രക്ഷപ്പെ​ടും. പകരം, ദൈവ​ത്തി​ന്റെ വലിയ മഹാപു​രോ​ഹി​ത​നെന്ന നിലയി​ലുള്ള അവന്റെ സേവന​ത്തിൽനിന്ന്‌ അവർ നിത്യ​പ്ര​യോ​ജ​നങ്ങൾ ആസ്വദി​ക്കും. നിങ്ങൾ സങ്കേത നഗരത്തിൽ പാർത്തു​കൊണ്ട്‌ എന്നെന്നും ജീവ​നോ​ടി​രി​ക്കു​മോ?

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ ഭൂമി​യി​ലെ ശതകോ​ടി​കൾ രക്തപാ​ത​ക​ക്കു​റ്റ​മു​ള്ള​വ​രാ​ണെന്നു പറയാ​വു​ന്ന​തെ​ന്തു​കൊണ്ട്‌?

◻ മനുഷ്യ​വർഗ​ത്തോ​ടുള്ള ബന്ധത്തിൽ യേശു​ക്രി​സ്‌തു എന്തു റോളു​ക​ളാണ്‌ അലങ്കരി​ക്കു​ന്നത്‌?

◻ പ്രതി​മാ​തൃക സങ്കേത നഗരം എന്താണ്‌, ഒരുവൻ അതിൽ പ്രവേ​ശി​ക്കു​ന്ന​തെ​ങ്ങനെ?

◻ പ്രതി​മാ​തൃക സങ്കേത നഗരത്തിൽനിന്ന്‌ ആളുകൾ മോചി​ക്ക​പ്പെ​ടു​ന്ന​തെ​പ്പോൾ?

◻ സങ്കേത നഗരത്തി​ന്റെ കരുത​ലിൽനി​ന്നു നമുക്ക്‌ എന്തു വില​യേ​റിയ പാഠങ്ങൾ പഠിക്കാൻ കഴിയും?

[16-ാം പേജിലെ ചിത്രം]

യേശുക്രിസ്‌തു മർമ​പ്ര​ധാ​ന​മായ എന്തെല്ലാം റോളു​ക​ളാണ്‌ അലങ്കരി​ക്കു​ന്ന​തെന്നു നിങ്ങൾക്ക​റി​യാ​മോ?