നിങ്ങൾ നിങ്ങളു​ടെ വിശ്വാ​സ​ത്താൽ ലോകത്തെ കുററം​വി​ധി​ക്കു​ന്നു​വോ?

“വിശ്വാ​സ​ത്താൽ നോഹ . . . തന്റെ കുടും​ബ​ത്തി​ന്റെ രക്ഷിക്ക​ലി​നാ​യി ഒരു പെട്ടകം നിർമ്മി​ച്ചു; അവൻ തന്റെ വിശ്വാ​സ​ത്താൽ ലോകത്തെ കുററം വിധിച്ചു.”—എബ്രായർ 11:7

1, 2. നോഹ​യു​ടെ ജീവി​ത​ത്തി​ന്റെ ഒരു പരി​ശോ​ധ​ന​യിൽനിന്ന്‌ നമു​ക്കെന്തു പഠിക്കാൻ കഴിയും?

യഹോവ നോഹ​ക്കും അവന്റെ കുടും​ബ​ത്തി​നും—വെറും എട്ടു​പേർക്ക്‌—പ്രളയത്തെ അതിജീ​വി​ക്കാ​നുള്ള മനുഷ്യർ എന്ന പദവി അനുവ​ദി​ച്ചു. നോഹ​യു​ടെ സമകാ​ലീ​ന​രിൽ ശേഷിച്ച സകലരു​ടെ​യും ജീവി​തങ്ങൾ ദൈവം അവരെ ഒരു ജലാശ​യ​ശ​വ​ക്കു​ഴി​യി​ലേക്ക്‌ വാരി​ക്കൂ​ട്ടി​യി​ട്ട​പ്പോൾ വെട്ടി​ച്ചു​രു​ക്ക​പ്പെട്ടു. അതു​കൊണ്ട്‌ നോഹ നമ്മുടെ പൊതു പൂർവി​ക​നാ​യ​തി​നാൽ അവൻ പ്രകട​മാ​ക്കിയ വിശ്വാ​സ​ത്തിന്‌ നാം വളരെ നന്ദിയു​ള്ള​വ​രാ​യി​രി​ക്കണം.

² നോഹ​യു​ടെ ജീവി​തത്തെ പരി​ശോ​ധി​ക്കു​ന്ന​തിൽനിന്ന്‌ നമുക്ക്‌ വളരെ​യ​ധി​കം പഠിക്കാൻ കഴിയും. ദൈവം നോഹ​യു​ടെ തലമു​റ​യി​ലെ ജനങ്ങളെ നശിപ്പി​ച്ച​പ്പോൾ അവൻ നോഹക്ക്‌ രക്ഷ കൊടു​ത്ത​നു​ഗ്ര​ഹി​ച്ച​തെ​ന്തു​കൊ​ണ്ടെന്ന്‌ തിരു​വെ​ഴു​ത്തു​കൾ നമ്മോടു പറയുന്നു. ഇതേ ദിവ്യ​രേഖ നമ്മുടെ തലമുറ ദൈവ​ത്താ​ലുള്ള സമാന​മായ ഒരു ന്യായ​വി​ധി​യെ അഭിമു​ഖീ​ക​രി​ക്കു​ന്നു​വെന്ന്‌ വ്യക്തമാ​യി പ്രകട​മാ​ക്കു​ന്നു. ഇതിനെ സംബന്ധിച്ച്‌ യേശു ഇങ്ങനെ പറഞ്ഞു: “ലോകാ​രം​ഭം​മു​തൽ ഇപ്പോൾവ​രെ​യും സംഭവി​ച്ചി​ട്ടി​ല്ലാ​ത്ത​തും, ഇല്ല, വീണ്ടും സംഭവി​ക്കു​ക​യി​ല്ലാ​ത്ത​തു​മായ മഹോ​പ​ദ്രവം ഉണ്ടായി​രി​ക്കും.” (മത്തായി 24:21) നോഹ​യു​ടെ വിശ്വാ​സത്തെ അനുക​രി​ക്കു​ന്ന​തി​നാൽ, നമുക്ക്‌ ഇപ്പോ​ഴത്തെ ഈ ദുഷ്ടവ്യ​വ​സ്ഥി​തി​യു​ടെ ആസന്നമാ​യി​രി​ക്കുന്ന നാശത്തെ അതിജീ​വി​ക്കാ​നുള്ള ഉറപ്പുള്ള പ്രത്യാ​ശ​യു​ണ്ടാ​യി​രി​ക്കാൻ കഴിയും.—റോമർ 15:4; എബ്രായർ 13:7 താരത​മ്യ​പ്പെ​ടു​ത്തുക.

3. യഹോവ പ്രളയം വരുത്തി​യ​തെ​ന്തു​കൊണ്ട്‌?

³ ആദാമി​ന്റെ സൃഷ്ടി​മു​തൽ പ്രളയം​വ​രെ​യുള്ള 1,656 വർഷങ്ങ​ളിൽ നൻമ​ചെ​യ്യു​ന്ന​തി​നുള്ള ചായ്‌വ്‌ വളരെ കുറച്ചാ​ളു​കൾക്കേ ഉണ്ടായി​രു​ന്നു​ള്ളു. ധാർമ്മി​കത അത്യന്തം അധമമായ ഒരു നിലയി​ലേക്ക്‌ താണു. “മമനു​ഷ്യ​ന്റെ വഷളത്വം ഭൂമി​യിൽ ധാരാ​ള​മാ​ണെ​ന്നും അവന്റെ ഹൃദയ​ചി​ന്ത​ക​ളു​ടെ ഓരോ ചായ്‌വും എല്ലാ സമയത്തും മോശം​മാ​ത്ര​മാ​ണെ​ന്നും യഹോവ കണ്ടു.” (ഉല്‌പത്തി 6:5) അക്രമ​വും ഉല്ലാസാ​ന്വേ​ഷ​ണ​വും, സ്‌ത്രീ​കളെ വിവാ​ഹം​ചെ​യ്യു​ക​യും രാക്ഷസ സന്തതി​കളെ ഉല്‌പാ​ദി​പ്പി​ക്കു​ക​യും ചെയ്‌ത ജഡംധ​രിച്ച ദൂതൻമാ​രു​ടെ സാന്നി​ദ്ധ്യ​വും, പുരാതന മനുഷ്യ​വർഗ്ഗ​ലോ​ക​ത്തിൻമേൽ ദൈവ​ത്തി​ന്റെ ന്യായ​വി​ധി നടപ്പി​ലാ​ക്കു​ന്ന​തി​ലേക്കു നയിച്ച ഘടകങ്ങ​ളിൽപെ​ട്ട​വ​യാ​യി​രു​ന്നു. നോഹ​യോട്‌ യഹോവ ഇങ്ങനെ പറഞ്ഞു: “സകല ജഡത്തി​ന്റെ​യും അവസാനം എന്റെ മുമ്പാകെ വന്നിരി​ക്കു​ന്നു, എന്തു​കൊ​ണ്ടെ​ന്നാൽ അവർ നിമിത്തം ഭൂമി​യിൽ അക്രമം നിറഞ്ഞി​രി​ക്കു​ന്നു.” “സർവഭൂ​മി​യു​ടെ​യും ന്യായാ​ധി​പതി”യായ സ്രഷ്ടാ​വി​ന്റെ ക്ഷമ അററു​പോ​യി​രു​ന്നു.—ഉല്‌പത്തി 6:13; 18:25.

നോഹ ദൈവ​ത്തോ​ടു​കൂ​ടെ നടന്നു

4. (എ) യഹോവ നോഹയെ എങ്ങനെ വീക്ഷിച്ചു, എന്തു​കൊണ്ട്‌? (ബി) ദൈവ​ത്തി​ന്റെ നീതി ആ ദുഷ്ട​ലോ​ക​ത്തി​ന്റെ നാശം ആവശ്യ​പ്പെ​ട്ടു​വെ​ന്നി​രി​ക്കെ, നോഹ​യോ​ടും അവന്റെ കുടും​ബ​ത്തോ​ടു​മുള്ള അവന്റെ സ്‌നേഹം എങ്ങനെ പ്രകട​മാ​യി?

⁴ നോഹ തന്റെ നാളിലെ ആളുക​ളിൽനിന്ന്‌ എത്ര വ്യത്യ​സ്‌ത​നാ​യി​രു​ന്നു! അവൻ “യഹോ​വ​യു​ടെ ദൃഷ്ടി​ക​ളിൽ പ്രീതി കണ്ടെത്തി. . . . നോഹ നീതി​മാ​നായ ഒരു മനുഷ്യൻ ആയിരു​ന്നു. അവൻ തന്റെ സമകാ​ലീ​നൻമാ​രു​ടെ ഇടയിൽ സ്വയം നിഷ്‌ക്ക​ള​ങ്ക​നെന്നു തെളി​യി​ച്ചു. നോഹ സത്യ​ദൈ​വ​ത്തോ​ടു​കൂ​ടെ നടന്നു.” (ഉല്‌പത്തി 6:8, 9) നോഹ എങ്ങനെ​യാണ്‌ ദൈവ​ത്തോ​ടു​കൂ​ടെ നടന്നത്‌? നീതി​യു​ടെ ഒരു വക്താവെന്ന നിലയിൽ പ്രസം​ഗി​ക്കു​ന്ന​തു​പോ​ലെ​യും വിശ്വാ​സ​ത്തി​ലും അനുസ​ര​ണ​ത്തി​ലും പെട്ടകം​പ​ണി​യു​ന്ന​തു​പോ​ലെ​യു​മുള്ള ശരിയായ കാര്യങ്ങൾ ചെയ്‌തു​കൊണ്ട്‌. അങ്ങനെ ആ പുരാതന ലോകം തികച്ചും ദുഷി​ച്ച​താ​യി​രു​ന്ന​തു​കൊണ്ട്‌ അതു നശിപ്പി​ക്ക​പ്പെ​ട്ടെ​ങ്കി​ലും, ദൈവം “ഭക്തികെട്ട ആളുക​ളു​ടെ ഒരു ലോക​ത്തിൻമേൽ ഒരു പ്രളയം വരുത്തി​യ​പ്പോൾ നീതി​പ്ര​സം​ഗ​ക​നാ​യി​രുന്ന നോഹയെ വേറെ ഏഴു​പേ​രോ​ടു​കൂ​ടെ സുരക്ഷി​ത​മാ​യി കാത്തു.” (2 പത്രോസ്‌ 2:5) അതെ, നമ്മുടെ സ്‌നേ​ഹ​വാ​നും നീതി​മാ​നു​മായ ദൈവ​മായ യഹോവ നീതി​മാൻമാ​രെ ദുഷ്ട​രോ​ടു​കൂ​ടെ നശിപ്പി​ച്ചില്ല. നോഹ​യു​ടെ​ത​ന്നെ​യും അവന്റെ കുടും​ബ​ത്തി​ന്റെ​യും നിരവധി മൃഗങ്ങ​ളു​ടെ​യും രക്ഷക്കായി ഒരു വലിയ പെട്ടകം പണിയാൻ അവനോട്‌ യഹോവ നിർദ്ദേ​ശി​ച്ചു, പ്രളയ​ത്തി​നു​ശേഷം ഭൂമി​യിൽ വീണ്ടും അധിവ​സി​പ്പി​ക്കാൻതന്നെ. നോഹ “അങ്ങനെ​തന്നെ ചെയ്‌തു.”—ഉല്‌പത്തി 6:22.

5. തിരു​വെ​ഴു​ത്തു​കൾ നോഹ​യു​ടെ നീതി​യെ​യും വിശ്വാ​സ​ത്തെ​യും വർണ്ണി​ക്കു​ന്ന​തെ​ങ്ങനെ?

⁵ പെട്ടകം​പണി പൂർത്തി​യാ​യ​പ്പോൾ ദൈവം നോഹ​യോ​ടു പറഞ്ഞു: “നീയും നിന്റെ മുഴു കുടും​ബ​വും പെട്ടക​ത്തി​ലേക്കു പോകുക, എന്തു​കൊ​ണ്ടെ​ന്നാൽ ഈ തലമു​റ​യു​ടെ ഇടയിൽ ഞാൻ നീതി​മാ​നാ​യി കണ്ടിരി​ക്കുന്ന ഏകൻ നീയാണ്‌.” പൗലോസ്‌ കാര്യ​ങ്ങളെ ഇങ്ങനെ സംഗ്ര​ഹി​ക്കു​ന്നു: “അതുവരെ കാണാത്ത കാര്യ​ങ്ങ​ളെ​ക്കു​റിച്ച്‌ ദിവ്യ​മു​ന്ന​റി​യി​പ്പു ലഭിച്ച​ശേഷം, വിശ്വാ​സ​ത്താൽ നോഹ ദൈവി​ക​ഭയം പ്രകട​മാ​ക്കു​ക​യും തന്റെ കുടും​ബ​ത്തി​ന്റെ രക്ഷിക്ക​ലി​നാ​യി ഒരു പെട്ടകം നിർമ്മി​ക്കു​ക​യും​ചെ​യ്‌തു; അവൻ തന്റെ വിശ്വാ​സ​ത്താൽ ലോകത്തെ കുററം​വി​ധി​ച്ചു, അവൻ വിശ്വാ​സ​പ്ര​കാ​ര​മുള്ള നീതി​യു​ടെ ഒരു അവകാ​ശി​യാ​യി​ത്തീർന്നു.”—ഉല്‌പത്തി 7:1; എബ്രായർ 11:7.

6. നോഹ തന്റെ നാളിലെ ലോകത്തെ തന്റെ വിശ്വാ​സ​ത്താൽ കുററം വിധി​ച്ച​തെ​ങ്ങനെ?

⁶ നോഹക്ക്‌ മുന്തിയ വിശ്വാ​സ​മു​ണ്ടാ​യി​രു​ന്നു. ആ തലമു​റയെ തുടച്ചു​നീ​ക്കു​ന്ന​തി​നെ​ക്കു​റിച്ച്‌ ദൈവം പറഞ്ഞത്‌ അവൻ വിശ്വ​സി​ച്ചു. നോഹക്ക്‌ യഹോ​വയെ അപ്രീ​തി​പ്പെ​ടു​ത്തു​ന്ന​തിൽ ആരോ​ഗ്യാ​വ​ഹ​മായ ഒരു ഭയമു​ണ്ടാ​യി​രു​ന്നു. അവൻ ദൈവ​ദ​ത്ത​മായ ആജ്ഞകൾക്ക​നു​സൃ​ത​മാ​യി അനുസ​ര​ണ​പൂർവം പെട്ടകം പണിതു. മാത്ര​വു​മല്ല, ഒരു നീതി​പ്ര​സം​ഗ​ക​നെന്ന നിലയിൽ നോഹ വരാനി​രുന്ന നാശ​ത്തെ​ക്കു​റിച്ച്‌ മററു​ള്ള​വ​രോ​ടു പറഞ്ഞു. അവർ അവന്റെ വാക്ക്‌ ശ്രദ്ധി​ച്ചി​ല്ലെ​ങ്കി​ലും ആ ദുഷ്ട​ലോ​കം ‘അതിന്റെ മൂശയി​ലേക്ക്‌ അവനെ ഞെക്കി​ക്ക​ട​ത്താൻ’ അനുവ​ദി​ക്കു​ന്ന​തിന്‌ അവൻ വിസമ്മ​തി​ച്ചു. (റോമർ 12:2, ഫിലി​പ്‌സ്‌) പകരം, നോഹ തന്റെ വിശ്വാ​സ​ത്താൽ ലോക​ത്തി​ന്റെ ദുഷ്ടത നിമിത്തം അതിനെ കുററം വിധി​ക്കു​ക​യും അതു നാശമർഹി​ച്ച​താ​യി പ്രകട​മാ​ക്കു​ക​യും​ചെ​യ്‌തു. അവനും അവന്റെ കുടും​ബ​ത്തി​നും പുറമേ മററു​ള്ള​വർക്കും തങ്ങളുടെ ജീവി​ത​രീ​തി​ക്കു മാററം വരുത്താൻ മനസ്സു​ണ്ടാ​യി​രു​ന്നെ​ങ്കിൽ അതിജീ​വി​ക്കാൻ കഴിയു​മാ​യി​രു​ന്നു​വെന്ന്‌ അവന്റെ അനുസ​ര​ണ​വും നീതി​പ്ര​വൃ​ത്തി​ക​ളും പ്രകട​മാ​ക്കി. തീർച്ച​യാ​യും, തന്റെ സ്വന്തം അപൂർണ്ണ ജഡത്തി​ന്റെ​യും തന്റെ ചുററു​മു​ണ്ടാ​യി​രുന്ന ദുഷ്ട ലോക​ത്തി​ന്റെ​യും പിശാ​ചി​ന്റെ​യും സമ്മർദ്ദ​ങ്ങ​ളു​ണ്ടാ​യി​രു​ന്നി​ട്ടും ദൈവത്തെ പ്രസാ​ദി​പ്പി​ക്കുന്ന ഒരു ജീവിതം നയിക്കുക സാദ്ധ്യ​മാ​ണെന്ന്‌ നോഹ തെളി​യി​ച്ചു.

ദൈവം ഈ വ്യവസ്ഥി​തി​യെ നശിപ്പി​ക്കു​ന്ന​തി​ന്റെ കാരണം

7. നാം അന്ത്യനാ​ളു​ക​ളി​ലാണ്‌ ജീവി​ക്കു​ന്ന​തെന്ന്‌ നാം എങ്ങനെ അറിയു​ന്നു?

⁷ ഈ ഇരുപ​താം നൂററാ​ണ്ടി​ന്റെ ഓരോ ദശാബ്‌ദ​വും ലോകം ദുഷ്ടത​യി​ലേക്ക്‌ അധികം ആഴത്തിൽ താഴു​ന്നത്‌ കണ്ടിരി​ക്കു​ന്നു. വിശേ​ഷാൽ ഒന്നാം ലോക​മ​ഹാ​യു​ദ്ധ​ത്തി​ന്റെ തുടക്കം​മു​തൽ ഇത്‌ സത്യമാ​യി​രു​ന്നി​ട്ടുണ്ട്‌. മനുഷ്യ​വർഗ്ഗം ലൈം​ഗി​ക​ദുർമ്മാർഗ്ഗം, കുററ​കൃ​ത്യം, അക്രമം, യുദ്ധം, വിദ്വേ​ഷം, അത്യാ​ഗ്രഹം, രക്തത്തിന്റെ ദുരു​പ​യോ​ഗം എന്നിങ്ങ​നെ​യുള്ള കാര്യ​ങ്ങ​ളിൽ വളരെ​യ​ധി​കം ആണ്ടു​പോ​യി​രി​ക്കു​ന്ന​തി​നാൽ നീതിയെ സ്‌നേ​ഹി​ക്കു​ന്നവർ അവസ്ഥകൾക്ക്‌ ഇതിലും വഷളാ​കാൻക​ഴി​യു​മോ​യെന്ന്‌ സംശയി​ച്ചി​രി​ക്കു​ന്നു. എന്നിരു​ന്നാ​ലും, അങ്ങേയ​ററം ദുഷ്ടത നിറഞ്ഞ നമ്മുടെ തലമു​റ​യി​ലെ വികാ​സത്തെ, നാം “അന്ത്യനാ​ളു​ക​ളിൽ” ആണെന്നു​ള്ള​തിന്‌ കൂടു​ത​ലായ തെളിവു നൽകി​ക്കൊണ്ട്‌ ബൈബിൾ മുൻകൂ​ട്ടി​പ്പ​റ​യു​ക​യു​ണ്ടാ​യി.—2 തിമൊ​ഥെ​യോസ്‌ 3:1-5; മത്തായി 24:34.

8. പാപ​ത്തെ​ക്കു​റി​ച്ചുള്ള ബോധ​ത്തെ​സം​ബ​ന്ധിച്ച്‌ ചിലർ എന്തു പറഞ്ഞി​രി​ക്കു​ന്നു?

⁸ ഇന്ന്‌, ബഹുഭൂ​രി​പ​ക്ഷ​ത്തി​ന്റെ​യും മനസ്സു​ക​ളിൽ പാപമെന്ന ആശയം ഉദാസീ​ന​മാ​ക്ക​പ്പെ​ട്ടി​രി​ക്കു​ക​യാണ്‌. 40-ൽപരം വർഷം മുമ്പ്‌ പയസ്‌ XII-ാമൻ പാപ്പാ ഇങ്ങനെ പ്രസ്‌താ​വി​ച്ചു: “ഈ നൂററാ​ണ്ടി​ന്റെ പാപം പാപത്തി​ന്റെ സകല ബോധ​വും നഷ്ടപ്പെ​ട്ടി​രി​ക്കു​ന്നു എന്നതാണ്‌.” ഇപ്പോ​ഴത്തെ തലമുറ പാപവും കുററ​വും ഉണ്ടെന്ന്‌ സമ്മതി​ക്കാൻ വിസമ്മ​തി​ക്കു​ന്നു. പാപത്തിന്‌ എന്തുതന്നെ സംഭവി​ച്ചു? എന്ന തന്റെ പുസ്‌ത​ക​ത്തിൽ ഡോ. കാൾ മെനിൻജർ ഇങ്ങനെ പ്രസ്‌താ​വി​ച്ചു: “‘പാപം’ എന്ന പദംതന്നെ . . . മിക്കവാ​റും ആ ആശയം സഹിതം അപ്രത്യ​ക്ഷ​മാ​യി​രി​ക്കു​ന്നു. എന്തു​കൊണ്ട്‌? മേലാൽ ആരും പാപം​ചെ​യ്യു​ന്നി​ല്ലേ?” തെററിൽനിന്ന്‌ ശരി തിരി​ച്ച​റി​യാ​നുള്ള പ്രാപ്‌തി അനേകർക്ക്‌ നഷ്ടപ്പെ​ട്ടി​രി​ക്കു​ക​യാണ്‌. എന്നാൽ നമുക്കി​തിൽ അതിശ​യ​മില്ല, എന്തു​കൊ​ണ്ടെ​ന്നാൽ യേശു “അന്ത്യകാല”ത്തിലെ ‘തന്റെ സാന്നി​ദ്ധ്യ​ത്തി​ന്റെ അടയാളം’ ചർച്ച​ചെ​യ്‌ത​പ്പോൾ അങ്ങനെ​യുള്ള വികാ​സ​ങ്ങളെ മുൻകൂ​ട്ടി​പ്പ​റ​യു​ക​യു​ണ്ടാ​യി.—മത്തായി 24:3; ദാനി​യേൽ 12:4.

ന്യായ​വി​ധി​യു​ടെ മാതൃക നോഹ​യു​ടെ നാളിൽ വെക്ക​പ്പെ​ട്ടു

9. യേശു നോഹ​യു​ടെ നാളിനെ തന്റെ സാന്നി​ദ്ധ്യ​കാ​ലത്ത്‌ സംഭവി​ക്കു​ന്ന​തു​മാ​യി താരത​മ്യ​പ്പെ​ടു​ത്തി​യ​തെ​ങ്ങനെ?

⁹ യേശു നോഹ​യു​ടെ നാളിലെ സംഭവ​ങ്ങ​ളും 1914-ൽ തുടങ്ങിയ രാജ്യാ​ധി​കാ​ര​ത്തി​ലുള്ള തന്റെ സാന്നി​ദ്ധ്യ​കാ​ലത്ത്‌ സംഭവി​ക്കു​ന്ന​വ​യും തമ്മിലുള്ള സമാന്ത​ര​ത്വം വരച്ചു​കാ​ട്ടി. അവൻ ഇങ്ങനെ പറഞ്ഞു: “നോഹ​യു​ടെ നാളുകൾ എങ്ങനെ​യാ​യി​രു​ന്നോ അങ്ങനെ​തന്നെ ആയിരി​ക്കും മനുഷ്യ​പു​ത്രന്റെ [യേശു] സാന്നി​ദ്ധ്യം. എന്തെന്നാൽ പ്രളയ​ത്തി​നു മുമ്പത്തെ ആ നാളു​ക​ളിൽ, നോഹ പെട്ടക​ത്തിൽ പ്രവേ​ശിച്ച നാൾവരെ, അവർ തിന്നു​ക​യും കുടി​ക്കു​ക​യും പുരു​ഷൻമാർ വിവാ​ഹം​ചെ​യ്യു​ക​യും സ്‌ത്രീ​കൾ വിവാ​ഹ​ത്തി​നു കൊടു​ക്ക​പ്പെ​ടു​ക​യും ചെയ്‌ത​കൊ​ണ്ടി​രു​ന്നു; പ്രളയം​വ​രു​ക​യും അവരെ​യെ​ല്ലാം അടി​ച്ചൊ​ഴു​ക്കി​ക്കൊ​ണ്ടു​പോ​കു​ക​യും ചെയ്‌ത​തു​വരെ അവർ ഗൗനി​ക്കാ​തി​രു​ന്ന​തു​പോ​ലെ മനുഷ്യ​പു​ത്രന്റെ സാന്നി​ദ്ധ്യം ആയിരി​ക്കും.”—മത്തായി 24:37-39.

10. പൊതു​ജ​നങ്ങൾ ക്രിസ്‌തു​വി​ന്റെ സാന്നി​ദ്ധ്യ​ത്തോ​ടു ബന്ധപ്പെട്ട സുപ്ര​ധാന സംഭവ​ങ്ങളെ എങ്ങനെ ഗൗനി​ക്കാ​തി​രി​ക്കു​ന്നു?

¹⁰ അതെ, നോഹ​യു​ടെ നാളി​ലെ​പ്പോ​ലെ, ആളുകൾ ഇന്ന്‌ ഗൗനി​ക്കു​ന്നില്ല. അനുദിന ജീവി​ത​ത്തി​ലും സ്വാർത്ഥ വ്യാപാ​ര​ങ്ങ​ളി​ലും വളരെ തിരക്കു​ള്ള​വ​രാ​യി​രി​ക്കു​ന്ന​തി​നാൽ, ഇപ്പോ​ഴത്തെ അവസ്ഥകൾ കഴിഞ്ഞ​കാ​ല​ത്തേ​തിൽനിന്ന്‌ ഗണ്യമാ​യി വ്യത്യ​സ്‌ത​മാ​ണെ​ന്നും അന്ത്യകാ​ലത്തെ അടയാ​ള​പ്പെ​ടു​ത്തു​മെന്ന്‌ യേശു പറഞ്ഞതി​നോട്‌ കൃത്യ​മാ​യി യോജി​ക്കു​ന്നു​വെ​ന്നും അംഗീ​ക​രി​ക്കാൻ അവർ വിസമ്മ​തി​ക്കു​ന്നു. സ്വർഗ്ഗ​ത്തി​ലെ മശി​ഹൈ​ക​രാ​ജാ​വാ​യുള്ള യേശു​വി​ന്റെ സാന്നി​ദ്ധ്യം 1914-ൽ തുടങ്ങി​യെ​ന്നും “വ്യവസ്ഥി​തി​യു​ടെ സമാപന”ത്തിന്‌ സമാന്ത​ര​മാ​യി പോകു​ന്നു​വെ​ന്നും യഹോ​വ​യു​ടെ സാക്ഷികൾ വർഷങ്ങ​ളാ​യി ആധുനിക തലമു​റ​യോട്‌ പറഞ്ഞു​കൊ​ണ്ടാ​ണി​രി​ക്കു​ന്നത്‌. (മത്തായി 24:3) മിക്കയാ​ളു​ക​ളും രാജ്യ​ദൂ​തി​നെ പരിഹ​സി​ക്കു​ക​യാണ്‌, എന്നാൽ അപ്പോ​സ്‌ത​ല​നായ പത്രോസ്‌ പിൻവ​രു​ന്ന​പ്ര​കാ​രം എഴുതി​യ​പ്പോൾ ഇതു​പോ​ലും മുൻകൂ​ട്ടി​പ്പ​റ​ഞ്ഞി​രു​ന്നു: “അന്ത്യനാ​ളു​ക​ളിൽ തങ്ങളുടെ സ്വന്ത​മോ​ഹ​ങ്ങൾക്ക​നു​സൃ​ത​മാ​യി നീങ്ങു​ക​യും ‘അവന്റെ ഈ വാഗ്‌ദ​ത്ത​സാ​ന്നി​ദ്ധ്യം എവിടെ? എന്തിന്‌, നമ്മുടെ പൂർവ​പി​താ​ക്കൾ മരണത്തിൽ നിദ്ര​പ്രാ​പിച്ച നാൾമു​തൽ സകല കാര്യ​ങ്ങ​ളും സൃഷ്ടി​യു​ടെ തുടക്ക​ത്തി​ലേ​തു​പോ​ലെ​തന്നെ കൃത്യ​മാ​യി തുടരു​ക​യാണ്‌’ എന്ന്‌ പറയു​ക​യും ചെയ്‌തു​കൊണ്ട്‌ പരിഹാ​സി​കൾ തങ്ങളുടെ പരിഹാ​സ​ത്തോ​ടെ വരു​മെന്ന്‌ ആദ്യം​തന്നെ അറിയുക.”—2 പത്രോസ്‌ 3:3, 4.

11. മഹോ​പ​ദ്രവം വന്നെത്തു​മ്പോൾ ഇന്നത്തെ തലമു​റക്ക്‌ ഒഴികഴിവുണ്ടായിരിക്കുകയില്ലാത്തതെന്തുകൊണ്ട്‌?

¹¹ എന്നിരു​ന്നാ​ലും ഇന്നത്തെ തലമു​റക്ക്‌ മഹോ​പ​ദ്രവം വന്നെത്തു​മ്പോൾ ഒഴിക​ഴി​വു​ണ്ടാ​യി​രി​ക്ക​യില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ നമ്മുടെ നാളിൽ ദൈവം ചെയ്യാ​നി​രി​ക്കു​ന്ന​തി​ന്റെ ഒരു മാതൃ​ക​വെ​ക്കുന്ന പുരാ​ത​ന​കാ​ലത്തെ ദിവ്യ ന്യായ​വി​ധി​ക​ളു​ടെ ബൈബിൾവി​വ​ര​ണങ്ങൾ ഉണ്ട്‌. (യൂദാ 5-7) നമ്മുടെ കണ്ണുകൾക്കു മുമ്പിൽത്തന്നെ നിവൃ​ത്തി​യാ​യി​ക്കൊ​ണ്ടി​രി​ക്കുന്ന ബൈബിൾപ്ര​വ​ചനം കാലത്തി​ന്റെ നീരൊ​ഴു​ക്കിൽ നാം എവി​ടെ​യാണ്‌ എന്ന്‌ അസന്ദി​ഗ്‌ദ്ധ​മാ​യി പ്രകട​മാ​ക്കു​ന്നു. ഈ തലമു​റക്ക്‌ അതിന്റെ മുമ്പാകെ യഹോ​വ​യു​ടെ സാക്ഷി​ക​ളു​ടെ പ്രസം​ഗ​പ്ര​വർത്ത​ന​വും നോഹ​യു​ടേ​തു​പോ​ലെ​യുള്ള അവരുടെ നിർമ്മ​ല​താ​പാ​ല​ന​ത്തി​ന്റെ രേഖയു​മുണ്ട്‌.

12. ചുരു​ക്ക​ത്തിൽ, പത്രോസ്‌ നോഹ​യു​ടെ നാളിലെ ലോക​ത്തി​ന്റെ നാശത്തെ “ഇപ്പോ​ഴുള്ള ആകാശ​ങ്ങ​ളു​ടെ​യും ഭൂമി​യു​ടെ​യും​മേൽ” വരാനി​രി​ക്കുന്ന നാശ​ത്തോ​ടു താരത​മ്യ​പ്പെ​ടു​ത്തു​ന്ന​തെ​ങ്ങനെ?

¹² ഈ വസ്‌തു​തകൾ ഗൗനി​ക്കാ​തി​രി​ക്കു​ന്ന​വർക്ക്‌ എന്തു സംഭവി​ക്കു​മെന്ന്‌ പത്രോസ്‌ വിശദീ​ക​രി​ക്കു​ന്നു. യേശു​വി​നെ​പ്പോ​ലെ നോഹ​യു​ടെ നാളിൽ സംഭവി​ച്ച​തി​നെ പരാമർശി​ച്ചു​കൊ​ണ്ടാണ്‌ അപ്പോ​സ്‌തലൻ അങ്ങനെ ചെയ്യു​ന്നത്‌, ഇങ്ങനെ പറഞ്ഞു​കൊണ്ട്‌: “പണ്ടു മുതലുള്ള ആകാശ​ങ്ങ​ളും ദൈവ​വ​ച​ന​ത്താൽ വെള്ളത്തിൽനി​ന്നും വെള്ളത്തിൻമ​ദ്ധ്യേ​യും ദൃഢമാ​യി നിൽക്കുന്ന ഒരു ഭൂമി​യും ഉണ്ടായി​രു​ന്നു​വെ​ന്നും ആ മുഖാ​ന്ത​ര​ങ്ങ​ളാൽ ആ കാലത്തെ ലോകം അത്‌ ജലപ്ര​ള​യ​ത്തിൽ ആഴ്‌ത്ത​പ്പെ​ട്ട​പ്പോൾ നാശമ​നു​ഭ​വി​ച്ചു​വെ​ന്നു​മുള്ള ഈ വസ്‌തുത അവരുടെ ആഗ്രഹ​പ്ര​കാ​രം അവരുടെ ശ്രദ്ധയിൽപെ​ടാ​തി​രി​ക്കു​ന്നു. എന്നാൽ അതേ വചനത്താൽ ഇപ്പോ​ഴുള്ള ആകാശ​ങ്ങ​ളും ഭൂമി​യും തീക്കായി കരുതി​വെ​ക്ക​പ്പെ​ടു​ക​യും ന്യായ​വി​ധി​യു​ടെ​യും ഭക്തികെട്ട മനുഷ്യ​രു​ടെ നാശത്തി​ന്റെ​യും ദിവസ​ത്തി​ലേക്ക്‌ നീക്കി​വെ​ക്ക​പ്പെ​ടു​ക​യു​മാണ്‌.”—2 പത്രോസ്‌ 3:5-7.

13. ഭാവി​യി​ലെ സുപ്ര​ധാന സംഭവ​ങ്ങ​ളു​ടെ വീക്ഷണ​ത്തിൽ, പത്രോ​സിൽനി​ന്നുള്ള എന്തു ബുദ്ധി​യു​പ​ദേ​ശ​ത്തിന്‌ ചെവി​കൊ​ടു​ക്കണം?

¹³ നമ്മുടെ മുഖത്ത്‌ ദൈവ​ത്തി​ന്റെ ഈ സുനി​ശ്ചിത ന്യായ​വി​ധി തുറി​ച്ചു​നോ​ക്കു​മ്പോൾ നമുക്ക്‌ പരിഹാ​സി​ക​ളാൽ വഞ്ചിക്ക​പ്പെ​ടു​ക​യോ ഭയപ്പെ​ടു​ത്ത​പ്പെ​ടു​ക​യോ ചെയ്യാ​തി​രി​ക്കാം. നാം അവരുടെ ഭാഗ​ധേ​യ​ത്തിൽ പങ്കുപ​റേ​റ​ണ്ട​തില്ല. പത്രോസ്‌ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ഇവയെ​ല്ലാം ഇങ്ങനെ വിലയി​ക്കാ​നി​രി​ക്കു​ന്ന​തി​നാൽ, തീ പിടി​ച്ചി​രി​ക്കുന്ന ആകാശങ്ങൾ വിലയി​ക്കു​ക​യും മൂലകങ്ങൾ ഉഗ്രമാ​യി ചൂടായി ഉരുകു​ക​യും​ചെ​യ്യുന്ന യഹോ​വ​യു​ടെ ദിവസ​ത്തി​ന്റെ സാന്നി​ദ്ധ്യ​ത്തി​നാ​യി കാത്തി​രു​ന്നും അതിനെ മനസ്സിൽ അടുപ്പി​ച്ചു​നിർത്തി​യും​കൊണ്ട്‌ നിങ്ങൾ നടത്തയു​ടെ വിശു​ദ്ധ​പ്ര​വർത്ത​ന​ങ്ങ​ളി​ലും ദൈവി​ക​ഭ​ക്തി​യു​ടെ പ്രവൃ​ത്തി​ക​ളി​ലും ഏതുതരം ആളുക​ളാ​യി​രി​ക്കേ​ണ്ട​താണ്‌! എന്നാൽ നാം അവന്റെ വാഗ്‌ദ​ത്ത​പ്ര​കാ​രം കാത്തി​രി​ക്കുന്ന, പുതിയ ആകാശ​ങ്ങ​ളും ഒരു പുതിയ ഭൂമി​യു​മുണ്ട്‌, ഇവയിൽ നീതി വസി​ക്കേ​ണ്ട​താണ്‌.”—2 പത്രോസ്‌ 3:11-13.

അതിജീ​വ​ന​ത്തി​നാ​യി നോഹ​യു​ടെ വിശ്വാ​സത്തെ അനുക​രി​ക്കു​ക

14. ഏതു ചോദ്യ​ങ്ങൾക്ക്‌ നമ്മേത്തന്നെ വിശക​ല​നം​ചെ​യ്യു​ന്ന​തിന്‌ നമ്മെ സഹായി​ക്കാൻ കഴിയും?

¹⁴ ഇന്ന്‌, അതിജീ​വ​ന​ത്തി​നാ​യുള്ള സ്ഥാനാർത്ഥി​ക​ളാ​യി​ത്തീ​രു​ക​യും നിലനിൽക്കു​ക​യും​ചെ​യ്യു​ന്ന​തിൽ നാം നോഹ​യെ​യും അവന്റെ കുടും​ബ​ത്തെ​യും അഭിമു​ഖീ​ക​രിച്ച അതേ വെല്ലു​വി​ളി​കളെ അഭിമു​ഖീ​ക​രി​ക്കു​ക​യാണ്‌. നോഹ​യെ​പ്പോ​ലെ യഹോ​വ​യു​ടെ സാക്ഷികൾ സൽപ്ര​വൃ​ത്തി​ക​ളാൽ പിന്താ​ങ്ങ​പ്പെ​ടുന്ന തങ്ങളുടെ വിശ്വാ​സ​ത്താൽ ലോകത്തെ കുററം​വി​ധി​ക്കു​ക​യാണ്‌. എന്നാൽ നമു​ക്കോ​രോ​രു​ത്തർക്കും തന്നോ​ടു​തന്നെ ഇങ്ങനെ ചോദി​ക്കാ​വു​ന്ന​താണ്‌: ‘ഞാൻ വ്യക്തി​പ​ര​മാ​യി എങ്ങനെ ചെയ്യുന്നു? മഹോ​പ​ദ്രവം നാളെ വരുക​യാ​ണെ​ങ്കിൽ ദൈവം എന്നെ അതിജീ​വ​ന​ത്തിന്‌ യോഗ്യ​നാ​യി വിധി​ക്കു​മോ? “തന്റെ സമകാ​ലീ​ന​രു​ടെ ഇടയിൽ സ്വയം നിഷ്‌ക്ക​ള​ങ്ക​നെന്നു തെളി​യിച്ച” നോഹ​യെ​പ്പോ​ലെ, ലോക​ത്തിൽനിന്ന്‌ വ്യത്യ​സ്‌ത​നാ​യി​രി​ക്കാ​നുള്ള ധൈര്യം എനിക്കു​ണ്ടോ? അതോ ഞാൻ പ്രവർത്തി​ക്കു​ക​യും സംസാ​രി​ക്കു​ക​യും വസ്‌ത്രം​ധ​രി​ക്കു​ക​യും​ചെ​യ്യുന്ന വിധത്താൽ ഞാനും ഒരു ലൗകി​ക​മ​നു​ഷ്യ​നും തമ്മിലുള്ള വ്യത്യാ​സം പറയുക ചില​പ്പോൾ പ്രയാ​സ​മാ​ണോ?’ (ഉല്‌പത്തി 6:9) യേശു തന്റെ ശിഷ്യൻമാ​രെ​ക്കു​റിച്ച്‌ ഇങ്ങനെ പറഞ്ഞു: “ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ അവർ ലോക​ത്തി​ന്റെ ഭാഗമല്ല.”—യോഹ​ന്നാൻ 17:16; 1 യോഹ​ന്നാൻ 4:4-6 താരത​മ്യ​പ്പെ​ടു​ത്തുക.

15. (എ) 1 പത്രോസ്‌ 4:3, 4 അനുസ​രിച്ച്‌ നമ്മുടെ മുൻ ലൗകി​ക​ചി​ന്ത​യെ​യും നടത്ത​യെ​യും നാം എങ്ങനെ വീക്ഷി​ക്കണം? (ബി) നാം മുൻ ലൗകിക സുഹൃ​ത്തു​ക്ക​ളാൽ വിമർശി​ക്ക​പ്പെ​ടു​ക​യാ​ണെ​ങ്കിൽ നാം എന്തു ചെയ്യണം?

¹⁵ പത്രോസ്‌ ബുദ്ധി​യു​പ​ദേ​ശി​ക്കു​ന്നു: “നിങ്ങൾ അഴിഞ്ഞ നടത്തയു​ടെ പ്രവൃ​ത്തി​ക​ളി​ലും കാമാർത്തി​ക​ളി​ലും വീഞ്ഞിന്റെ അമിത​ത്വ​ങ്ങ​ളി​ലും ആഹ്ലാദ​ത്തി​മിർപ്പു​ക​ളി​ലും കുടി​മ​ത്സ​ര​ങ്ങ​ളി​ലും നിയമ​വി​രുദ്ധ വിഗ്ര​ഹാ​രാ​ധ​ന​ക​ളി​ലും മുന്നോ​ട്ടു​പോ​യി ജനതക​ളു​ടെ ഇഷ്ടം​ചെ​യ്‌തി​രി​ക്കു​ന്ന​തിന്‌ കഴിഞ്ഞു​പോയ കാലം മതി. നിങ്ങൾ ഈ ഗതിയിൽ വഷളത്വ​ത്തി​ന്റെ ഇതേ അധമനി​ല​യിൽ അവരോ​ടൊത്ത്‌ തുടർന്ന്‌ വിഹരി​ക്കാ​ത്ത​തു​കൊണ്ട്‌ അവർ അന്ധാളി​ക്കു​ക​യും നിങ്ങ​ളേ​ക്കു​റി​ച്ചു ദുഷി​ച്ചു​സം​സാ​രി​ച്ചു​കൊ​ണ്ടി​രി​ക്കു​ക​യും ചെയ്യുന്നു.” (1 പത്രോസ്‌ 4:3, 4) നിങ്ങൾ ദൈവ​ത്തോ​ടു​കൂ​ടെ നടക്കു​ന്ന​തു​കൊ​ണ്ടും മേലാൽ അവരോ​ടു​കൂ​ടെ വിഹരി​ക്കാ​ത്ത​തു​കൊ​ണ്ടും നിങ്ങളു​ടെ മുൻ ലൗകി​ക​സു​ഹൃ​ത്തു​ക്കൾ നിങ്ങ​ളെ​ക്കു​റിച്ച്‌ ദുഷി​ച്ചു​സം​സാ​രി​ച്ചേ​ക്കാം. എന്നാൽ നോഹ​യെ​പ്പോ​ലെ നിങ്ങൾക്ക്‌ നിങ്ങളു​ടെ വിശ്വാ​സ​ത്താ​ലും വിനയ​ത്തോ​ടെ നിർവ​ഹി​ക്കുന്ന സൽപ്ര​വൃ​ത്തി​ക​ളാ​ലും അവരെ കുററം വിധി​ക്കാൻ കഴിയും.—മീഖാ 6:8.

16. ദൈവം നോഹയെ എങ്ങനെ വീക്ഷിച്ചു, ഏതു ചോദ്യ​ങ്ങൾ നമ്മുടെ ചിന്തക​ളെ​യും നടത്ത​യെ​യും പരി​ശോ​ധി​ക്കു​ന്ന​തിന്‌ നമ്മെ സഹായി​ച്ചേ​ക്കാം?

¹⁶ നോഹ ഒരു നീതി​മാ​നായ മനുഷ്യ​നാ​ണെന്ന്‌ ദൈവം പരിഗ​ണി​ച്ചു. വിശ്വ​സ്‌ത​നായ ആ ഗോ​ത്ര​പി​താവ്‌ “യഹോ​വ​യു​ടെ ദൃഷ്ടി​ക​ളിൽ പ്രീതി കണ്ടെത്തി.” (ഉല്‌പത്തി 6:8) നിങ്ങൾ ദൈവ​ത്തി​ന്റെ പ്രമാ​ണ​ങ്ങ​ളു​ടെ വെളി​ച്ച​ത്തിൽ നിങ്ങളു​ടെ ചിന്തക​ളെ​യും നടത്ത​യെ​യും പരി​ശോ​ധി​ക്കു​മ്പോൾ നിങ്ങൾ ചെയ്‌തു​കൊ​ണ്ടി​രി​ക്കു​ന്ന​തി​നെ​യും നിങ്ങൾ പോകുന്ന എല്ലാ സ്ഥലങ്ങ​ളെ​യും ദൈവം അംഗീ​ക​രി​ക്കു​ന്നു​ണ്ടെന്ന്‌ നിങ്ങൾ വിചാ​രി​ക്കു​ന്നു​വോ? നിങ്ങൾ ചില​പ്പോൾ ഇപ്പോൾ വളരെ പ്രബല​പ്പെ​ട്ടി​രി​ക്കുന്ന അധഃപ​തിച്ച വിനോ​ദ​ത്തിൽ ഇടപെ​ടു​ന്നു​വോ? നാം നിർമ്മ​ല​വും ആരോ​ഗ്യാ​വ​ഹ​വും പരിപു​ഷ്ടി​പ്പെ​ടു​ത്തു​ന്ന​തു​മായ കാര്യ​ങ്ങ​ളെ​ക്കു​റിച്ച്‌ ചിന്തി​ക്ക​ണ​മെന്ന്‌ ദൈവ​വ​ചനം പറയുന്നു. (ഫിലി​പ്പി​യർ 4:8) നിങ്ങൾ ‘ശരിയും തെററും തമ്മിൽ തിരി​ച്ച​റി​യാൻ നിങ്ങളു​ടെ ഗ്രഹണ​ശ​ക്തി​കളെ പരിശീ​ലി​പ്പിക്ക’ത്തക്കവണ്ണം ദൈവ​വ​ചനം ഉത്സാഹ​പൂർവം പഠിക്കു​ന്നു​ണ്ടോ? (എബ്രായർ 5:14) നിങ്ങൾ ചീത്ത കൂട്ടു​കാ​രെ ത്യജി​ക്കു​ക​യും ക്രിസ്‌തീ​യ​യോ​ഗ​ങ്ങ​ളി​ലും മററു സന്ദർഭ​ങ്ങ​ളി​ലും യഹോ​വ​യു​ടെ സഹാരാ​ധ​ക​രു​മാ​യുള്ള സഹവാ​സത്തെ വിലമ​തി​ക്കു​ക​യും​ചെ​യ്യു​ന്നു​വോ?—1 കൊരി​ന്ത്യർ 15:33; എബ്രായർ 10:24, 25; യാക്കോബ്‌ 4:4.

17. യഹോ​വ​യു​ടെ സാക്ഷി​ക​ളെന്ന നിലയിൽ, നമുക്ക്‌ നോഹ​യെ​പ്പോ​ലെ​യാ​യി​രി​ക്കാൻ കഴിയു​ന്ന​തെ​ങ്ങനെ?

¹⁷ പെട്ടക​ത്തി​ന്റെ പൂർത്തീ​ക​ര​ണ​ത്തെ​ക്കു​റിച്ച്‌ റിപ്പോർട്ടു​ചെ​യ്‌ത​ശേഷം തിരു​വെ​ഴു​ത്തു​കൾ പറയുന്നു: “നോഹ ദൈവം തന്നോടു കല്‌പി​ച്ചി​രു​ന്ന​തു​പോ​ലെ​തന്നെ ചെയ്യാൻ തുടങ്ങി. അവൻ അങ്ങനെ​തന്നെ ചെയ്‌തു.” (ഉല്‌പത്തി 6:22) ദൈവ​ഭ​ക്തി​യു​ണ്ടാ​യി​രുന്ന ആ മനുഷ്യൻ യഹോ​വ​യു​ടെ ഒരു സാക്ഷി​യെന്ന നിലയിൽ പ്രസം​ഗി​ക്കു​ന്ന​തി​ലും ഉത്സുക​നാ​യി​രു​ന്നു. നോഹ​യെ​പ്പോ​ലെ നിങ്ങൾക്കും നീതി​യു​ടെ ഒരു നിരന്ത​ര​പ്ര​സം​ഗ​ക​നെന്ന നിലയിൽ ശരിയാ​യ​തി​ന്റെ ഒരു ഉറച്ച വക്താവാ​യി​രി​ക്കാൻ കഴിയും. അധികം​പേർ ശ്രദ്ധി​ക്കു​ന്നി​ല്ലെ​ങ്കി​ലും ഈ ദുഷ്ട​ലോ​ക​ത്തി​ന്റെ അവസാ​ന​ത്തെ​ക്കു​റി​ച്ചുള്ള മുന്നറി​യിപ്പ്‌ മുഴക്കു​ന്ന​തിൽ സ്ഥിരോ​ത്സാ​ഹം കാണി​ക്കുക. അവസാ​ന​ത്തി​നു മുമ്പ്‌ ശിഷ്യ​രാ​ക്കൽവേല ചെയ്‌തു​തീർക്കു​ന്ന​തിന്‌ സഹവി​ശ്വാ​സി​ക​ളു​മാ​യി ഒററ​ക്കെ​ട്ടാ​യി പ്രവർത്തി​ക്കുക.—മത്തായി 28:19, 20.

18. ഏതടി​സ്ഥാ​ന​ത്തി​ലാണ്‌ യഹോവ ആർ മഹോ​പ​ദ്ര​വത്തെ അതിജീ​വി​ക്ക​ണ​മെന്ന്‌ തീരു​മാ​നി​ക്കു​ന്നത്‌?

¹⁸ നോഹ​യു​ടെ നാളിൽ ചെയ്‌ത​തു​പോ​ലെ ദൈവം നീതി​നി​ഷ്‌ഠ​വും ന്യായ​വു​മായ പ്രമാ​ണങ്ങൾ ബാധക​മാ​ക്കി​ക്കൊണ്ട്‌ മഹോ​പ​ദ്ര​വത്തെ ആർ അതിജീ​വി​ക്ക​ണ​മെ​ന്നും അതിൽ ആർ നശിക്ക​ണ​മെ​ന്നും ഇപ്പോൾ തീരു​മാ​നി​ക്കു​ക​യാണ്‌. ഇപ്പോ​ഴത്തെ വേർതി​രി​ക്കൽവേ​ലയെ യേശു ഒരു ഇടയൻ ചെമ്മരി​യാ​ടു​കളെ കോലാ​ടു​ക​ളിൽനിന്ന്‌ വേർതി​രി​ക്കു​ന്ന​തി​നോട്‌ ഉപമിച്ചു. (മത്തായി 25:31-46) തങ്ങളുടെ ജീവി​തത്തെ സ്വാർത്ഥ​മോ​ഹ​ങ്ങ​ളി​ലും യത്‌ന​ങ്ങ​ളി​ലും കേന്ദ്രീ​ക​രി​ക്കുന്ന ആളുകൾ പഴയ​ലോ​കം അവസാ​നി​ക്കാ​നാ​ഗ്ര​ഹി​ക്കു​ന്നില്ല, അവർ അതിജീ​വി​ക്കു​ക​യില്ല. എന്നാൽ ഈ ലോക​ത്തി​ന്റെ മാലി​ന്യ​ത്തിൽ ഉൾപ്പെ​ടു​ന്ന​തി​നെ ഒഴിവാ​ക്കു​ക​യും ദൈവ​ത്തിൽ ശക്തമായ വിശ്വാ​സം നിലനിർത്തു​ക​യും രാജ്യ​സ​ന്ദേശം തുടർന്നു പ്രസം​ഗി​ച്ചു​കൊ​ണ്ടി​രി​ക്കു​ക​യും യഹോ​വ​യു​ടെ വരാനി​രി​ക്കുന്ന ന്യായ​വി​ധി​യെ​ക്കു​റി​ച്ചുള്ള മുന്നറി​യിപ്പ്‌ മുഴക്കു​ക​യും ചെയ്യു​ന്നവർ അതിജീ​വകർ എന്ന നിലയിൽ ദിവ്യ​പ്രീ​തി ആസ്വദി​ക്കും. യേശു പറഞ്ഞു: “അന്ന്‌ രണ്ടു മനുഷ്യർ വയലിൽ ആയിരി​ക്കും: ഒരുവൻ എടുക്ക​പ്പെ​ടും, മററവൻ ഉപേക്ഷി​ക്ക​പ്പെ​ടും; രണ്ടു സ്‌ത്രീ​കൾ തിരി​ക​ല്ലിൽ പൊടി​ച്ചു​കൊ​ണ്ടി​രി​ക്കും: ഒരാൾ എടുക്ക​പ്പെ​ടും, മറേറ​യാൾ ഉപേക്ഷി​ക്ക​പ്പെ​ടും.”—മത്തായി 24:40, 41; 2 തെസ്സ​ലോ​നീ​ക്യർ 1:6-9; വെളി​പ്പാട്‌ 22:12-15.

നോഹ​യോ​ടു​കൂ​ടെ അനു​ഗ്ര​ഹങ്ങൾ അവകാ​ശ​പ്പെ​ടു​ത്തുക

19. യെശയ്യാ​വും മീഖാ​യും അന്ത്യനാ​ളു​ക​ളി​ലേക്ക്‌ ഏത്‌ കൂട്ടി​ച്ചേർക്കൽ മുൻകൂ​ട്ടി​പ്പ​റഞ്ഞു?

¹⁹ സമാന്ത​ര​പ്ര​വ​ച​ന​ങ്ങ​ളിൽ, ദൈവ​ത്തി​ന്റെ പ്രവാ​ച​കൻമാ​രാ​യി​രുന്ന യെശയ്യാ​വും മീഖാ​യും അന്ത്യനാ​ളു​ക​ളിൽ എന്തു സംഭവി​ക്കു​മെന്ന്‌ വർണ്ണി​ക്കു​ക​യു​ണ്ടാ​യി. ഇന്ന്‌ നിവർത്തി​ച്ചു​കൊ​ണ്ടി​രി​ക്കു​ന്ന​താ​യി നാം കാണു​ന്ന​തി​നെ അവർ മുൻകൂ​ട്ടി​ക്കണ്ടു—പഴയ​ലോ​ക​ത്തിൽനിന്ന്‌ വരുന്ന​വ​രും സത്യാ​രാ​ധ​ന​യു​ടെ പ്രതീ​കാ​ത്മക പർവത​ത്തി​ലേക്ക്‌ കയറി​പ്പോ​കു​ന്ന​വ​രു​മായ നീതി​ഹൃ​ദ​യി​ക​ളായ ആളുക​ളു​ടെ ഒരു ഒഴുക്ക്‌. അവർ മററു​ള്ള​വർക്ക്‌ ഈ ക്ഷണം നീട്ടി​ക്കൊ​ടു​ക്കു​ന്നു: “ജനങ്ങളേ, വരുവിൻ, നമുക്ക്‌ യഹോ​വ​യു​ടെ പർവത​ത്തി​ലേക്ക്‌, യാക്കോ​ബിൻ​ദൈ​വ​ത്തി​ന്റെ ആലയത്തി​ലേക്ക്‌, കയറി​പ്പോ​കാം; അവൻ തന്റെ വഴിക​ളെ​ക്കു​റി​ച്ചു നമ്മെ പ്രബോ​ധി​പ്പി​ക്കു​ക​യും നാം അവന്റെ പാതക​ളിൽ നടക്കു​ക​യും​ചെ​യ്യും.” (യെശയ്യാവ്‌ 2:2, 3; മീഖാ 4:1, 2) നിങ്ങൾ ഈ സന്തുഷ്ട​രായ ജനക്കൂ​ട്ട​ത്തോ​ടു​കൂ​ടെ നടക്കു​ന്നു​ണ്ടോ?

20. തങ്ങളുടെ വിശ്വാ​സ​ത്താൽ ലോകത്തെ കുററം വിധി​ക്കു​ന്നവർ ഏതനു​ഗ്ര​ഹങ്ങൾ ആസ്വദി​ക്കും?

²⁰ യെശയ്യാ​യും മീഖാ​യും തങ്ങളുടെ വിശ്വാ​സ​ത്താൽ ലോകത്തെ കുററം​വി​ധി​ക്കു​ന്നവർ ആസ്വദി​ക്കുന്ന അനു​ഗ്ര​ഹങ്ങൾ എടുത്തു​പ​റഞ്ഞു. യഥാർത്ഥ സമാധാ​ന​വും നീതി​യും അവരുടെ ഇടയിൽ പ്രബല​പ്പെ​ടും, അവർ മേലാൽ യുദ്ധം അഭ്യസി​ക്കു​ക​യില്ല. അവർക്ക്‌ യഹോ​വ​യിൽനി​ന്നുള്ള ഒരു അവകാ​ശ​ത്തി​ന്റെ സുനി​ശ്ചി​ത​മായ പ്രത്യാ​ശ​യുണ്ട്‌. അവർ “ഓരോ​രു​ത്തൻ അവനവന്റെ മുന്തി​രി​വ​ള്ളി​യിൻകീ​ഴി​ലും അത്തിവൃ​ക്ഷ​ത്തിൻകീ​ഴി​ലും ഇരിക്കും.” എന്നാൽ ഓരോ വ്യക്തി​യും ഒരു ഉറച്ച തീരു​മാ​ന​മെ​ടു​ക്കണം, എന്തു​കൊ​ണ്ടെ​ന്നാൽ രണ്ടു ഗതികൾ സാദ്ധ്യ​മാ​ണെന്ന്‌ മീഖാ പ്രകട​മാ​ക്കു​ന്നു, ഇങ്ങനെ പറഞ്ഞു​കൊണ്ട്‌: “സകല ജനങ്ങളും, തങ്ങളുടെ ഭാഗത്ത്‌, ഓരോ​ന്നും അതിന്റെ ദൈവ​ത്തി​ന്റെ നാമത്തിൽ നടക്കും; എന്നാൽ നാം, നമ്മുടെ ഭാഗത്ത്‌, നമ്മുടെ ദൈവ​മായ യഹോ​വ​യു​ടെ നാമത്തിൽ അനിശ്ചി​ത​കാ​ലം, എന്നേക്കും​തന്നെ നടക്കും.”—മീഖാ 4:3-5; യെശയ്യാവ്‌ 2:4.

21. നിങ്ങൾക്ക്‌ ഭൂമി​യി​ലെ നിത്യ​ജീ​വ​നാ​കുന്ന മഹത്തായ അനു​ഗ്ര​ഹ​ത്തിൽ എങ്ങനെ പങ്കുപ​റ​റാൻ കഴിയും?

²¹ മഹോ​പ​ദ്ര​വത്തെ അതിജീ​വി​ക്കാൻ എന്താണാ​വ​ശ്യ​മാ​യി​രി​ക്കു​ന്ന​തെന്ന്‌ തിരു​വെ​ഴു​ത്തു​കൾ വ്യക്തമാ​യി കാണി​ച്ചു​ത​രു​ന്നു: ശക്തമായ ഒരു വിശ്വാ​സം​തന്നെ. നോഹക്ക്‌ അത്തരം വിശ്വാ​സ​മു​ണ്ടാ​യി​രു​ന്നു, എന്നാൽ നിങ്ങൾക്ക്‌ അതുണ്ടോ? ഉണ്ടെങ്കിൽ, അവനെ​പ്പോ​ലെ നിങ്ങൾ “വിശ്വാ​സ​പ്ര​കാ​ര​മുള്ള നീതി​യു​ടെ ഒരു അവകാശി” ആയിത്തീ​രും.” (എബ്രായർ 11:7) നോഹ അവന്റെ തലമു​റ​യു​ടെ​മേൽ വന്ന ദൈവ​ക​ല്‌പിത നാശത്തെ അതിജീ​വി​ച്ചു. പ്രളയ​ത്തി​നു​ശേഷം അവൻ 350 വർഷം ജീവി​ച്ചു​വെന്നു മാത്രമല്ല, പിന്നെ​യോ ഭൂമി​യിൽ എന്നേക്കും ജീവി​ക്കു​ന്ന​തി​നുള്ള പ്രതീ​ക്ഷ​യോ​ടെ അവൻ പുനരു​ത്ഥാ​നം​പ്രാ​പി​ക്കു​ക​യും ചെയ്യും. എന്തോരു മഹത്തായ അനു​ഗ്രഹം! (എബ്രായർ 11:13-16) നിങ്ങൾക്ക്‌ നോഹ​യോ​ടും അവന്റെ കുടും​ബ​ത്തോ​ടും നീതിയെ സ്‌നേ​ഹി​ക്കുന്ന ദശലക്ഷ​ക്ക​ണ​ക്കിന്‌ മററു​ള്ള​വ​രോ​ടും​കൂ​ടെ ആ അനു​ഗ്ര​ഹ​ത്തിൽ പങ്കുപ​റ​റാൻക​ഴി​യും. എങ്ങനെ? അവസാ​ന​ത്തോ​ളം സഹിച്ചു​നിൽക്കു​ന്ന​തി​നാ​ലും നിങ്ങളു​ടെ വിശ്വാ​സ​ത്താൽ ലോകത്തെ കുററം വിധി​ക്കു​ന്ന​തി​നാ​ലും​തന്നെ. (w89 10⁄1)

നിങ്ങൾ ഓർമ്മി​ക്കു​ന്നു​വോ?

◻ നോഹ​യു​ടെ ജീവി​ത​ത്തി​ന്റെ ഒരു പഠനം ക്രിസ്‌ത്യാ​നി​കൾക്ക്‌ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

◻ ഈ തലമു​റ​യി​ലെ ആളുകൾ തങ്ങളുടെ നാശത്തി​ലേക്ക്‌ നയിച്ചു​കൊണ്ട്‌ എന്തു ഗൗനി​ക്കു​ന്നില്ല?

◻ നോഹ​യെ​പ്പോ​ലെ, നമുക്ക്‌ ഈ ലോകത്തെ എങ്ങനെ കുററം​വി​ധി​ക്കാൻ കഴിയും?

◻ നമുക്ക്‌ ഒരു നീതി​പ്ര​സം​ഗ​ക​നെന്ന നിലയിൽ നോഹ​യെ​പ്പോ​ലെ​യാ​യി​രി​ക്കാൻ കഴിയു​ന്ന​തെ​ങ്ങനെ?