“തണുപ്പ​ക​ററി നന്നായി ആഹാരം കഴിക്കുക” എന്നു പറയു​ന്ന​തി​ല​ധി​കം ചെയ്യുക

നിങ്ങളിലൊരാൾ . . . [ദരിദ്ര സഹോ​ദ​രൻമാ​രോട്‌] ‘സമാധാ​ന​ത്തോ​ടെ പോയി തണുപ്പ​ക​ററി നന്നായി ആഹാരം കഴിക്കുക’ എന്നു പറയു​ന്ന​ത​ല്ലാ​തെ അവരുടെ ശരീര​ത്തി​നാ​വ​ശ്യ​മു​ള്ളവ അവർക്കു കൊടു​ക്കു​ന്നി​ല്ലെ​ങ്കിൽ അതു​കൊണ്ട്‌ എന്തു പ്രയോ​ജനം? . . . വിശ്വാ​സം, അതിനു പ്രവൃ​ത്തി​ക​ളി​ല്ലെ​ങ്കിൽ അതിൽത്തന്നെ ചത്തതാണ്‌.”—യാക്കോബ്‌ 2:15-17.

1. നൈജീ​റി​യാ​യി​ലെ ഒരു സഹോ​ദരൻ ഞെരു​ക്ക​ത്തി​ലാ​യ​തെ​ങ്ങനെ?

ലബക്കി ഒക്ക്വാ​രാ​വോ​ക്കാ 1880-നു മുമ്പ്‌ ജനിച്ച​താ​യി​ട്ടാണ്‌ കണക്കു​കൂ​ട്ടു​ന്നത്‌. അതു​കൊണ്ട്‌ അയാൾക്ക്‌ നൂറി​ല​ധി​കം വയസ്സുണ്ട്‌. അയാൾ തന്റെ നൈജീ​റി​യൻ മാതാ​പി​താ​ക്ക​ളു​ടെ ജൂജൂ വിശ്വാ​സം അവകാ​ശ​പ്പെ​ടു​ത്തി അതനു​സ​രിച്ച്‌ ആരാധി​ച്ചി​രു​ന്നു. പിന്നീട്‌, അയാൾ തന്റെ 80-കളിൽ ആയിരു​ന്ന​പ്പോൾ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ തുടങ്ങി. അങ്ങനെ അയാൾ 30-ഓളം വർഷമാ​യി ഒരു സാക്ഷി​യാണ്‌. കുറച്ചു​നാൾ മുമ്പ്‌ അയാളു​ടെ സഭയിൽനി​ന്നുള്ള മൂപ്പൻമാർ ഒരു കനത്ത മഴക്കു​ശേഷം അയാ​ളെ​യും 72 വയസ്സുള്ള ആംഗ്ലിക്കൻ ഭാര്യ​യെ​യും സന്ദർശി​ച്ചു. ഇരുവ​രും നിരാ​ശ​രാ​യി​രു​ന്നു. അവരുടെ കുടി​ലി​ന്റെ തറ വെള്ളത്തി​ന​ടി​യി​ലാ​യി​രു​ന്നു. അവർക്ക്‌ പാർപ്പി​ടം കൊടു​ക്കാ​നോ കേടു​പാ​ടു പോക്കാൻ സഹായി​ക്കാ​നോ ബന്ധുക്ക​ളി​ല്ലാ​യി​രു​ന്നു. നിങ്ങൾ അവിടെ എത്തിയി​രു​ന്നെ​ങ്കിൽ നിങ്ങൾ എന്തു ചെയ്യു​മാ​യി​രു​ന്നു? എന്തു സംഭവി​ച്ചു​വെന്നു കണ്ടുപി​ടി​ക്കു​ന്ന​തി​നു മുമ്പ്‌ നമുക്ക്‌ ചില ബൈബിൾ ബുദ്ധി​യു​പ​ദേ​ശങ്ങൾ പരിചി​ന്തി​ക്കാം.

2. നാം “സൽപ്ര​വൃ​ത്തി​ക​ളിൽ” തത്‌പ​ര​രാ​യി​രി​ക്കു​ന്ന​തെ​ന്തു​കൊണ്ട്‌?

² യേശു​ക്രി​സ്‌തു “സൽപ്ര​വൃ​ത്തി​ക​ളിൽ തീക്ഷ്‌ണ​ത​യു​ള്ള​വ​രാ​യി . . . വിശേ​ഷാൽ തനിക്ക്‌ സ്വന്തമായ ഒരു ജനത്തെ ശുദ്ധീ​ക​രി​ക്കേ​ണ്ട​തിന്‌ നമുക്കു​വേണ്ടി തന്നേത്തന്നെ ഏൽപ്പി​ച്ചു​തന്നു.” (തീത്തോസ്‌ 2:14) ഈ പ്രവൃ​ത്തി​കൾ ജീവദാ​യ​ക​മായ രാജ്യ​പ്ര​സം​ഗ​ത്തിൽ കേന്ദ്രീ​ക​രി​ക്കു​ന്നു. (മർക്കോസ്‌ 13:10; വെളി​പ്പാട്‌ 7:9, 10) എന്നിരു​ന്നാ​ലും, ക്രിസ്‌തീയ “സൽപ്ര​വൃ​ത്തി​ക​ളിൽ” മർമ്മ​പ്ര​ധാ​ന​മായ പ്രസം​ഗ​ത്തി​ലു​പരി ഉൾപ്പെ​ട്ടി​രി​ക്കു​ന്നു, എന്തു​കൊ​ണ്ടെ​ന്നാൽ യേശു​വി​ന്റെ അർദ്ധസ​ഹോ​ദ​ര​നായ യാക്കോബ്‌ ഇങ്ങനെ വിശദീ​ക​രി​ക്കു​ന്നു: “നമ്മുടെ ദൈവ​വും പിതാ​വു​മാ​യ​വന്റെ നിലപാ​ടിൽ ശുദ്ധവും നിർമ്മ​ല​വു​മായ ആരാധ​നാ​രീ​തി ഇതാണ്‌: അനാഥ​രെ​യും വിധവ​മാ​രെ​യും അവരുടെ കഷ്ടപ്പാ​ടിൽ ശുശ്രൂ​ഷി​ക്കു​ന്ന​തും ലോക​ത്തിൽനി​ന്നുള്ള കളങ്കം പററാതെ തന്നേത്തന്നെ സൂക്ഷി​ക്കു​ന്ന​തും തന്നെ.”—യാക്കോബ്‌ 1:27.

3, 4. നമുക്ക്‌ 1 തിമൊ​ഥെ​യോസ്‌ 3-5 വരെയുള്ള അദ്ധ്യാ​യ​ങ്ങ​ളിൽനിന്ന്‌ “സൽപ്ര​വൃ​ത്തി​കളെ”ക്കുറിച്ച്‌ എന്തു പഠിക്കാൻ കഴിയും, ഇത്‌ ഏതു ചോദ്യ​ങ്ങ​ളി​ലേക്കു നയിക്കു​ന്നു?

³ ഒന്നാം നൂററാ​ണ്ടി​ലെ സഭകൾ രണ്ടുതരം “സൽപ്ര​വൃ​ത്തി”കളിലും ഉൾപ്പെ​ട്ടി​രു​ന്നു. 1 തിമൊ​ഥെ​യോസ്‌ 3-ാം അദ്ധ്യാ​യ​ത്തിൽ മേൽവി​ചാ​ര​കൻമാ​രു​ടെ​യും ശുശ്രൂ​ഷാ​ദാ​സൻമാ​രു​ടെ​യും യോഗ്യ​തകൾ വിവരി​ച്ച​ശേഷം അപ്പോ​സ്‌ത​ല​നായ പൗലോസ്‌ ‘ജീവനുള്ള ദൈവ​ത്തി​ന്റെ സഭ സത്യത്തി​ന്റെ തൂണും താങ്ങു’മാണെന്ന്‌ എഴുതി. (1 തിമൊ​ഥെ​യോസ്‌ 3:1-15) അത്തരം സത്യോ​പ​ദേ​ശ​ങ്ങ​ളിൽ ഉറച്ചു​നിൽക്കുന്ന ക്രിസ്‌ത്യാ​നി​കൾക്ക്‌ തങ്ങളേ​ത്ത​ന്നെ​യും തങ്ങളെ ശ്രദ്ധി​ക്കു​ന്ന​വ​രെ​യും രക്ഷിക്കാൻ കഴിയു​മാ​യി​രു​ന്നു. (1 തിമൊ​ഥെ​യോസ്‌ 4:16) അനന്തരം, “ദരി​ദ്ര​രായ” വിശ്വസ്‌ത വിധവ​കൾക്കു​വേണ്ടി സാമ്പത്തി​ക​മാ​യി കരുതുന്ന ‘സൽപ്ര​വൃ​ത്തി’യെക്കു​റി​ച്ചു പൗലോസ്‌ ചർച്ച ചെയ്‌തു.—1 തിമൊ​ഥെ​യോസ്‌ 5:3-5.

⁴ അതു​കൊണ്ട്‌, നമ്മുടെ സുവി​ശേ​ഷി​ക്ക​ലി​നു പുറമേ ‘അനാഥ​രെ​യും വിധവ​മാ​രെ​യും അവരുടെ കഷ്ടപ്പാ​ടിൽ ശുശ്രൂ​ഷി​ക്കു​ന്ന​തു​പോ​ലെ​യുള്ള “സൽപ്ര​വൃ​ത്തി​കൾക്കും” നാം ശ്രദ്ധ കൊടു​ക്കേ​ണ്ട​താണ്‌. “നേതൃ​ത്വ​മെ​ടു​ക്കു​ന്ന​വരെ”ന്നനില​യിൽ മൂപ്പൻമാർക്കും ശുശ്രൂ​ഷാ​ദാ​സൻമാർക്കും ഈ കാര്യ​ത്തിൽ എന്തു ചെയ്യാൻ കഴിയും? (എബ്രായർ 13:17) നമ്മിൽപെട്ട മററു​ള്ള​വർക്ക്‌ ഈ കാര്യ​ത്തിൽ അവരെ എങ്ങനെ സഹായി​ക്കാൻ കഴിയും? ഇത്തരം “സൽപ്ര​വൃ​ത്തി​ക​ളിൽ” ഏർപ്പെ​ടു​ന്ന​തിന്‌ നമുക്ക്‌ വ്യക്തി​പ​ര​മാ​യി എന്തു ചെയ്യാൻ കഴിയും?

നല്ല നേതൃ​ത്വം വഹിക്കുന്ന മൂപ്പൻമാർ

5. പൗലോസ്‌ ഒരു പ്രത്യേക ആവശ്യം സാധി​ച്ച​തെ​ങ്ങനെ, അതിന്‌ എന്ത്‌ ആധുനിക സമാന്ത​ര​ങ്ങ​ളുണ്ട്‌?

⁵ യഹൂദ്യ​യിൽ ഒരു പ്രത്യേക ആവശ്യം ഉയർന്നു​വ​ന്ന​പ്പോൾ ഒരു മൂപ്പനാ​യി​രുന്ന പൗലോസ്‌ ഒരു ദുരി​താ​ശ്വാ​സ ശുശ്രൂ​ഷക്ക്‌ ഏർപ്പാടു ചെയ്യു​ന്ന​തിൽ നേതൃ​ത്വം വഹിച്ചു. അങ്ങനെ​യുള്ള നേതൃ​ത്വം ഏതൊരു കുഴപ്പ​ത്തെ​യും കുറച്ചു; ആവശ്യാ​നു​സ​രണം തുല്യ​ത​യോ​ടെ വസ്‌തു​ക്കൾ വിതരണം ചെയ്യാൻ കഴിഞ്ഞു. (1 കൊരി​ന്ത്യർ 16:1-3; പ്രവൃ​ത്തി​കൾ 6:1, 2) ആധുനിക മൂപ്പൻമാ​രും വിപൽക്ക​ര​മായ പ്രളയ​ങ്ങൾക്കും ചെളി​പ്ര​വാ​ഹ​ങ്ങൾക്കും വേലി​യേ​റ​റ​ങ്ങൾക്കും കൊടു​ങ്കാ​റ​റു​കൾക്കും ഭൂകമ്പ​ങ്ങൾക്കും ശേഷം ദുരി​താ​ശ്വാ​സ ശുശ്രൂ​ഷ​കൾക്ക്‌ നേതൃ​ത്വം വഹിക്കു​ക​യും അങ്ങനെ ‘മററു​ള്ള​വ​രിൽ വ്യക്തി​പ​ര​മായ താത്‌പ​ര്യ​ത്തോ​ടെ ദൃഷ്ടി പതിപ്പി​ക്കു​ക​യും’ ചെയ്‌തി​ട്ടുണ്ട്‌.—ഫിലി​പ്യർ 2:3, 4.

6. ഐക്യ​നാ​ടു​ക​ളി​ലെ കാലി​ഫോർണി​യാ​യിൽ ഒരു വിപത്തു സംഭവി​ച്ച​പ്പോൾ മൂപ്പൻമാ​രു​ടെ പ്രതി​വർത്തനം എന്തായി​രു​ന്നു?

⁶ പ്രവർത്ത​ന​ത്തി​ലി​രി​ക്കുന്ന അത്തരം ക്രിസ്‌ത്യാ​നി​ത്വ​ത്തി​ന്റെ ഒരു ദൃഷ്ടാന്തം 1986 ഒക്‌ടോ​ബർ 8-ലെ എവേക്ക്‌ നൽകു​ക​യു​ണ്ടാ​യി. ഐക്യ​നാ​ടു​ക​ളി​ലെ കാലി​ഫോർണി​യാ​യിൽ ഒരു തകർന്ന തടബന്ധം പ്രളയം വരുത്തി​കൂ​ട്ടി​യ​പ്പോൾ മൂപ്പൻമാർ പ്രതി​ക​രി​ച്ചു. ഈ ആത്മീയ ഇടയൻമാർ ആരെ കാണാ​താ​യെന്ന്‌ അല്ലെങ്കിൽ ആർക്ക്‌ വൈദ്യ​സ​ഹാ​യ​ത്തി​ന്റെ​യോ ഭക്ഷണത്തി​ന്റെ​യോ താമസ​സൗ​ക​ര്യ​ത്തി​ന്റെ​യോ ആവശ്യ​മു​ണ്ടെന്ന്‌ കണ്ടെത്താൻ തങ്ങളുടെ ആട്ടിൻകൂ​ട്ട​ങ്ങ​ളിൽ പരി​ശോ​ധന നടത്തി. മൂപ്പൻമാർ യഹോ​വ​യു​ടെ സാക്ഷി​ക​ളു​ടെ മുഖ്യാ​സ്ഥാന ആഫീസു​മാ​യി തങ്ങളുടെ ശ്രമങ്ങളെ ഏകോ​പി​പ്പി​ച്ചു. ഒരു ദുരി​താ​ശ്വാ​സ​ക്ക​മ്മ​ററി രൂപവൽക്ക​രി​ക്ക​പ്പെട്ടു. സഹായി​ക്കാൻ സഹസാ​ക്ഷി​കൾ എത്തിയ​പ്പോൾ അവർ കേടുവന്ന വീടുകൾ ശുചീ​ക​രിച്ച്‌ കേടു​പോ​ക്കാൻ കൂട്ടങ്ങ​ളാ​യി സംഘടി​പ്പി​ക്ക​പ്പെട്ടു. മൂപ്പൻമാർ സാധനങ്ങൾ വാങ്ങി വിതരണം ചെയ്യു​ന്ന​തിന്‌ മേൽനോ​ട്ടം വഹിച്ചു. അങ്ങനെ​യുള്ള പ്രത്യേക ആവശ്യങ്ങൾ ഉയർന്നു​വ​രു​മ്പോൾ ‘തനിക്ക്‌ നിർവ്വാ​ഹ​മു​ള്ള​ത​നു​സ​രിച്ച്‌ എന്തു​കൊ​ടു​ക്കാ​മെന്ന്‌ അഥവാ ചെയ്യാ​മെന്ന്‌ ഓരോ ശിഷ്യ​നും തീരു​മാ​നി​ക്കാൻ കഴിയും,’ എന്നാൽ സ്ഥലത്തെ മേൽവി​ചാ​ര​കൻമാ​രോട്‌ ആലോ​ചി​ക്കു​ന്ന​തും അവരിൽ നിന്ന്‌ മാർഗ്ഗ​നിർദ്ദേ​ശങ്ങൾ സ്വീക​രി​ക്കു​ന്ന​തും ബുദ്ധി​യാ​യി​രി​ക്കും.—പ്രവൃ​ത്തി​കൾ 11:27-30 താരത​മ്യ​പ്പെ​ടു​ത്തുക.

7. നാമും ഏത്‌ കൂടുതൽ സാധാ​ര​ണ​മായ ആവശ്യ​ങ്ങ​ളോ​ടു പ്രതി​ക​രി​ക്കണം?

⁷ ഒരു വിപത്തി​നു​ശേ​ഷ​മുള്ള ഒരു വലിയ ആവശ്യ​ത്തോട്‌ നിങ്ങൾക്ക്‌ (മൂപ്പനാ​യാ​ലും അല്ലെങ്കി​ലും) പ്രതി​ക​രി​ക്കാൻ ചില​പ്പോ​ഴൊ​ക്കെ സാധി​ച്ചേ​ക്കാ​മെ​ന്നി​രി​ക്കെ, അത്രതന്നെ മർമ്മ​പ്ര​ധാ​ന​മായ ഏറെ സാധാ​ര​ണ​മായ ആവശ്യങ്ങൾ ഉണ്ട്‌—നിങ്ങളു​ടെ സഭയിൽ തന്നെ. ഇത്തരം ആവശ്യങ്ങൾ ഒരു വലിയ വിപത്തു​പോ​ലെ വികാ​ര​പ​ര​മ​ല്ലാ​യി​രി​ക്കാ​മെ​ന്നു​ള്ള​തു​കൊണ്ട്‌ അവ അനായസം അവഗണി​ക്ക​പ്പെ​ടു​ക​യോ കുറഞ്ഞ ശ്രദ്ധ കൊടു​ക്ക​പ്പെ​ടു​ക​യോ ചെയ്‌തേ​ക്കാം. എന്നാൽ യഥാർത്ഥ​ത്തിൽ യാക്കോബ്‌ 2:15-17-ൽ പറഞ്ഞി​രി​ക്കു​ന്നത്‌ പ്രാ​ദേ​ശി​കാ​വ​ശ്യ​ങ്ങ​ളെ​ക്കു​റി​ച്ചാണ്‌. അതെ, നിങ്ങളു​ടെ ‘വിശ്വാ​സ​ത്തിന്‌ പ്രവൃ​ത്തി​ക​ളു​ണ്ടോ, അതോ അതിൽത്തന്നെ അത്‌ ചത്തതാ​ണോ’ എന്നതിൽ നിങ്ങളു​ടെ സഭ ഏററവും വലിയ വെല്ലു​വി​ളി ഉയർത്തി​യേ​ക്കാം.

8. സഭയിലെ ആവശ്യങ്ങൾ കൈകാ​ര്യം ചെയ്യു​ന്ന​തിൽ മേൽവി​ചാ​ര​കൻമാർക്ക്‌ എങ്ങനെ ജ്ഞാനം പ്രകട​മാ​ക്കാ​വു​ന്ന​താണ്‌?

⁸ നേതൃ​ത്വ​മെ​ടു​ക്കു​മ്പോൾ, മൂപ്പൻമാർ “ജ്ഞാനി​ക​ളും വിവേ​കി​ക​ളും” ആയിരി​ക്കാൻ കഠിന​ശ്രമം ചെയ്യേ​ണ്ട​താണ്‌. (യാക്കോബ്‌ 3:13) സഹോ​ദ​രൻമാ​രു​ടെ (അല്ലെങ്കിൽ സഭകളു​ടെ) അടുക്ക​ലേക്ക്‌ മാറി​മാ​റി​പോ​യി പണം കടം മേടി​ക്കു​ക​യോ “സഹായം” കിട്ടാൻ കഥകൾ കെട്ടി​ച​മ​ക്കു​ക​യോ ചെയ്യുന്ന വഞ്ചകർക്കെ​തി​രെ അവർക്ക്‌ ആട്ടിൻകൂ​ട്ടത്തെ ജ്ഞാനപൂർവ്വം സംരക്ഷി​ക്കാൻ കഴിയും. മേൽവി​ചാ​ര​കൻമാർ ജ്ഞാനപൂർവ്വം അലസത​യോട്‌ അനുഭാ​വം കാട്ടു​ന്നില്ല, എന്തു​കൊ​ണ്ടെ​ന്നാൽ ബൈബിൾ ചട്ടം ഇതാണ്‌: “ആരെങ്കി​ലും വേല ചെയ്യാ​നാ​ഗ്ര​ഹി​ക്കു​ന്നി​ല്ലെ​ങ്കിൽ അയാൾ ഭക്ഷിക്കാ​തെ​യു​മി​രി​ക്കട്ടെ.” (2 തെസ്സ​ലോ​നീ​ക്യർ 3:10-15) അപ്പോ​ഴും അവർ ‘സ്വന്തം കരുണാർദ്ര​ത​ക​ളു​ടെ വാതിൽ അടയ്‌ക്കാ​നോ’ അതു ചെയ്യാൻ തങ്ങളുടെ സഹോ​ദ​ര​ങ്ങളെ നയിക്കു​വാ​നോ ആഗ്രഹി​ക്കു​ന്നില്ല. (1 യോഹ​ന്നാൻ 3:17) അവർ ജ്ഞാനം പ്രകട​മാ​ക്കേ​ണ്ട​തി​ന്റെ മറെറാ​രു കാരണം ദരി​ദ്ര​രെ​യും ക്ലേശി​ത​രെ​യും പരിപാ​ലി​ക്കു​ന്നതു സംബന്ധിച്ച്‌ ബൈബിൾ നമുക്ക്‌ അനന്തമായ ചട്ടങ്ങൾ നൽകു​ന്നി​ല്ലെ​ന്നു​ള്ള​താണ്‌. സാഹച​ര്യ​ങ്ങൾ യുഗങ്ങൾ തോറും സ്ഥലങ്ങൾതോ​റും വ്യത്യ​സ്‌ത​പ്പെ​ട്ടി​രി​ക്കു​ന്നു.

9. (എ) ഒന്നാം നൂററാ​ണ്ടിൽ അർഹത​യു​ണ്ടാ​യി​രുന്ന വിധവ​മാർ എങ്ങനെ പരിപാ​ലി​ക്ക​പ്പെട്ടു? (ബി) ഇക്കാലത്ത്‌ അങ്ങനെ​യു​ള്ള​വർക്ക്‌ ഏതു രൂപത്തി​ലുള്ള സഹായ​ത്തിൽനിന്ന്‌ പ്രയോ​ജനം അനുഭ​വി​ക്കാ​വു​ന്ന​താണ്‌?

⁹ ദൃഷ്ടാ​ന്ത​മാ​യി, “നിരാ​ലം​ബ​രാ​യി” വിട​പ്പെ​ട്ടി​രുന്ന അർഹത​യുള്ള വിധവ​മാ​രെ​ക്കു​റിച്ച്‌ 1 തിമൊ​ഥെ​യോസ്‌ 5:3-10-ൽ പൗലോസ്‌ ചർച്ച​ചെ​യ്യു​ക​യു​ണ്ടാ​യി. വിശ്വാ​സി​ക​ളാ​യി​രുന്ന അവരുടെ ബന്ധുക്കൾക്കാ​യി​രു​ന്നു അവരെ സഹായി​ക്കാൻ മുഖ്യ ഉത്തരവാ​ദി​ത്ത​മു​ണ്ടാ​യി​രു​ന്നത്‌; ആ കടമയെ അവഗണി​ക്കു​ന്നത്‌ ദൈവ​മു​മ്പാ​കെ​യുള്ള ബന്ധുക്ക​ളു​ടെ നിലയ്‌ക്കു തകരാറു വരുത്തു​മാ​യി​രു​ന്നു. എന്നാൽ ദരി​ദ്ര​യും അർഹത​യു​ള്ള​വ​ളു​മായ ഒരു വിധവക്ക്‌ ഈ വിധത്തിൽ സഹായം കിട്ടാൻ സാധി​ക്കു​ന്നി​ല്ലെ​ങ്കിൽ മൂപ്പൻമാർക്ക്‌ സഭയിൽനിന്ന്‌ എന്തെങ്കി​ലും സഹായം കൊടു​ക്കാൻ ഏർപ്പാടു ചെയ്യാൻ സാദ്ധ്യ​മാ​കു​മാ​യി​രു​ന്നു. ആധുനിക കാലങ്ങ​ളി​ലും ചില സഭകൾ തങ്ങളുടെ ഇടയിലെ വിശേ​ഷാൽ ദരി​ദ്ര​രാ​യി​രി​ക്കു​ന്ന​വരെ സഹായി​ച്ചി​ട്ടുണ്ട്‌. എന്നിരു​ന്നാ​ലും, വയോ​ധി​കർക്കോ ദുർബ്ബ​ലർക്കോ, മനസ്സു​ണ്ടെ​ങ്കി​ലും ജോലി കണ്ടെത്താൻ കഴിയാ​ത്ത​വർക്കോ, നികു​തി​പ്പ​ണ​ത്തിൽനിന്ന്‌ സഹായം ചെയ്യാ​നുള്ള പരിപാ​ടി​കൾ ഇപ്പോൾ മിക്ക രാജ്യ​ങ്ങൾക്കു​മുണ്ട്‌. എന്നാൽ മറെറാ​രു വിധത്തിൽ സഹായി​ക്കാൻ ക്രിസ്‌തീയ മൂപ്പൻമാർ ആഗ്രഹി​ച്ചേ​ക്കാം. പൊതു​പ്ര​യോ​ജ​ന​ങ്ങ​ളു​ടെ യഥാർത്ഥ ആവശ്യ​മു​ള്ള​വ​രും പൂർണ്ണ​മാ​യും അർഹത​യു​ള്ള​വ​രു​മായ ചിലർക്ക്‌ അവ ലഭിക്കു​ന്നില്ല. കാരണം അപേക്ഷി​ക്കേ​ണ്ട​തെ​ങ്ങ​നെ​യെന്ന്‌ അവർക്ക​റി​യില്ല, അല്ലെങ്കിൽ ചോദി​ക്കാൻ അവർക്ക്‌ വളരെ ഭയമാണ്‌. അപ്പോൾ മൂപ്പൻമാർക്ക്‌ ഗവൺമെൻറ്‌ ഏജൻസി​ക​ളു​മാ​യി അന്വേ​ഷണം നടത്താ​വു​ന്ന​താണ്‌, അല്ലെങ്കിൽ ഈ കാര്യ​ങ്ങ​ളിൽ അനുഭ​വ​പ​രി​ച​യ​മുള്ള സാക്ഷി​കളെ സമീപി​ക്കാ​വു​ന്ന​താണ്‌. അപ്പോൾ ലഭ്യമായ പ്രയോ​ജ​നങ്ങൾ കിട്ടാൻ ആവശ്യ​ക്കാ​രനെ സഹായി​ക്കു​ന്ന​തിന്‌ പ്രാപ്‌ത​നായ ഒരു സഹോ​ദ​ര​നേ​യോ സഹോ​ദ​രി​യേ​യോ അവർക്ക്‌ ഏർപ്പാടു ചെയ്യാ​വു​ന്ന​താണ്‌.—റോമർ 13:1, 4.

പ്രാ​യോ​ഗിക സഹായ​ത്തിന്‌ ക്രമീ​ക​രി​ക്കൽ

10. മൂപ്പൻമാർ ആട്ടിൻകൂ​ട്ടത്തെ മേയി​ക്കു​മ്പോൾ അവർ എന്തിനു ശ്രദ്ധ​കൊ​ടു​ക്കണം?

¹⁰ ക്ലേശി​ത​രും ദരി​ദ്ര​രു​മാ​യ​വർക്ക്‌ സ്‌നേ​ഹ​മുള്ള സഹോ​ദ​രൻമാ​രിൽനി​ന്നും സഹോ​ദ​രി​മാ​രിൽനി​ന്നും സഹായം ലഭിക്കു​ന്ന​തിൽ ശ്രദ്ധി​ക്കു​ന്ന​തി​ലുള്ള താക്കോൽ മിക്ക​പ്പോ​ഴും ജാഗ്ര​ത​യുള്ള മേൽവി​ചാ​ര​കൻമാ​രാണ്‌. മൂപ്പൻമാർ ആട്ടിൻകൂ​ട്ട​ത്തി​ലെ എല്ലാവ​രെ​യും മേയി​ക്കു​മ്പോൾ അവർ ആത്മീയ​വും ഭൗതി​ക​വു​മായ ആവശ്യങ്ങൾ സംബന്ധി​ച്ചു ജാഗ്ര​ത​യു​ള്ള​വ​രാ​യി​രി​ക്കണം. മൂപ്പൻമാർ ഗ്രാഹ്യ​ത്തോ​ടെ “പ്രാർത്ഥ​ന​ക്കും വചനശു​ശ്രൂ​ഷ​ക്കും” ഊന്നൽ കൊടു​ക്കു​ന്നു. (പ്രവൃ​ത്തി​കൾ 6:4) തന്നിമി​ത്തം, ആട്ടിൻകൂ​ട്ട​ത്തി​ലെ അംഗങ്ങ​ളിൽ രോഗ​ശ​യ്യ​യി​ലോ ആശുപ​ത്രി​യി​ലോ ആയിരി​ക്കു​ന്നവർ ആത്മീയ​മാ​യി പോഷി​പ്പി​ക്ക​പ്പെ​ട​ത്ത​ക്ക​വണ്ണം കാര്യങ്ങൾ ക്രമീ​ക​രി​ക്കാൻ അവർ ശ്രമി​ക്കും. ഹാജരാ​കാൻ അപ്രാ​പ്‌ത​രാ​യി​രി​ക്കു​ന്ന​വർക്കു​വേണ്ടി യോഗങ്ങൾ റെക്കോർഡ്‌ ചെയ്യാൻ മൂപ്പൻമാർക്കു ക്രമീ​ക​രി​ക്കാ​വു​ന്ന​താണ്‌. റേറപ്പു​കൾ കൊടു​ക്കു​ന്ന​തിന്‌ മാറി മാറി പോകുന്ന മൂപ്പൻമാ​രും ശുശ്രൂ​ഷാ​ദാ​സൻമാ​രും മററ്‌ ആത്മീയ​വ​രങ്ങൾ പ്രദാനം ചെയ്യാൻ തങ്ങളുടെ സന്ദർശ​നങ്ങൾ തങ്ങളെ പ്രാപ്‌ത​രാ​ക്കു​ന്ന​താ​യി കണ്ടെത്തി​യി​ട്ടുണ്ട്‌. (റോമർ 1:11, 12) അതേ സമയം അവർക്ക്‌ തൽസമ​യത്തെ ആവശ്യങ്ങൾ ചോദി​ച്ച​റി​യാൻ കഴിയും.

11. ആവശ്യ​മുള്ള ഒരു സഹോ​ദ​രിക്ക്‌ എങ്ങനെ സഹായം കൊടു​ക്കാൻ ക്രമീ​ക​രി​ക്കാ​മെന്ന്‌ ചിത്രീ​ക​രി​ക്കുക.

¹¹ കുളി​ക്കാ​നോ വസ്‌ത്ര​മ​ണി​യാ​നോ ഒരു സഹോ​ദരി സഹായി​ക്കു​ന്ന​പക്ഷം ഒരു വികലാം​ഗ​യോ വൃദ്ധയോ ആയ സഹോ​ദ​രിക്ക്‌ ചില സമയങ്ങ​ളിൽ രാജ്യ​ഹാ​ളിൽ വരാനോ വയൽശു​ശ്രൂ​ഷ​യിൽ അല്‌പ​സ​മയം പങ്കെടു​ക്കാ​നോ കഴി​ഞ്ഞേ​ക്കു​മെന്ന്‌ അവർ കണ്ടേക്കാം. (സങ്കീർത്തനം 23:1, 2, 5 താരത​മ്യ​പ്പെ​ടു​ത്തുക) ക്രമീ​ക​ര​ണങ്ങൾ ചെയ്യാൻ മേൽവി​ചാ​ര​കൻമാർക്ക്‌ തങ്ങളിൽ ഒരാളെ നിയോ​ഗി​ക്കാൻപോ​ലും കഴിയും. അതു​പോ​ലെ​തന്നെ, ക്ലേശി​ത​യായ വ്യക്തി​യോ​ടു​കൂ​ടെ സഞ്ചരി​ക്കാ​നോ ഒരു സൗജന്യ​യാ​ത്ര അനുവ​ദി​ക്കാ​നോ സന്നദ്ധത​യു​ള്ള​വർക്കു​വേണ്ടി സഭയിൽ അവർക്ക്‌ ആരായാ​വു​ന്ന​താണ്‌. ഇതിന്‌ ഒരു പട്ടിക​യു​ള്ളത്‌ കാര്യങ്ങൾ കൂടുതൽ ക്രമീ​കൃ​ത​മാ​ക്കു​ക​പോ​ലും ചെയ്യും.

12. രോഗി​ക​ളേ​യോ വൃദ്ധ​രെ​യോ സഹായി​ക്കു​ന്ന​തിൽ മററു​ള്ള​വർക്ക്‌ മേൽവി​ചാ​ര​കൻമാ​രോ​ടു​കൂ​ടെ എങ്ങനെ പ്രവർത്തി​ക്കാൻ കഴിയും?

¹² സഹായം കൊടു​ക്കാ​നോ സ്‌നേ​ഹ​പൂർവ്വ​ക​മായ ഏർപ്പാ​ടു​കൾ ചെയ്യാ​നോ കഴിയുന്ന മററു കാര്യങ്ങൾ മൂപ്പൻമാർ നിരീ​ക്ഷി​ച്ചേ​ക്കാം. ഉദാഹ​ര​ണ​ത്തിന്‌, വൃദ്ധയോ രോഗി​യോ ആയ ഒരു സഹോ​ദ​രിക്ക്‌ പതിവു​പോ​ലെ വീടു സൂക്ഷി​ക്കാൻ കഴിഞ്ഞി​ല്ലെന്നു വയ്‌ക്കുക. ചില ശുശ്രൂ​ഷാ​ദാ​സൻമാർക്കോ മററു​ള്ള​വർക്കോ സഹായ​ഹ​സ്‌തം നീട്ടാൻ കഴിയു​മോ? പുല്ലും ചെടി​യും വെട്ടി വൃത്തി​യാ​ക്കു​ന്നത്‌ അവർക്ക്‌ കൂടുതൽ സുഖം തോന്നാൻപോ​ലു​മി​ട​യാ​ക്കി​യേ​ക്കാം, കാരണം അവരുടെ വീട്‌ അയൽക്കാ​രു​ടെ ഇടയിൽ നിന്ദക്കു കാരണ​മ​ല്ലെന്ന്‌ അവർ അറിയു​ന്നു. പൂന്തോ​ട്ട​ത്തി​ലെ കള പറിക്കു​ക​യോ അതിനു വെള്ള​മൊ​ഴി​ക്കു​ക​യോ ചെയ്യേ​ണ്ട​തു​ണ്ടോ? ഭക്ഷ്യവ​സ്‌തു​ക്കൾ വാങ്ങാൻ പോകുന്ന ഒരു സഹോ​ദ​രിക്ക്‌ അവരെ സന്ദർശി​ക്കു​ന്ന​തി​നും അനന്തരം ആവശ്യ​മുള്ള സാധനങ്ങൾ വാങ്ങി​ക്കൊ​ടു​ക്കു​ന്ന​തി​നും മനസ്സു​ണ്ടാ​യി​രി​ക്കു​മോ? അങ്ങനെ​യുള്ള പ്രാ​യോ​ഗി​ക​വ​ശ​ങ്ങ​ളിൽ അപ്പോ​സ്‌ത​ലൻമാർ തത്‌പ​ര​രാ​യി​രു​ന്നു​വെ​ന്നോർക്കുക. സഭയിൽ സഹായി​ക്കു​ന്ന​തി​നു പ്രാപ്‌തി​യു​ള്ള​വരെ അവർ സംഘടി​പ്പി​ച്ചു.—പ്രവൃ​ത്തി​കൾ 6:1-6.

13. നേരത്തെ പറഞ്ഞ നൈജീ​റി​യൻ സഹോ​ദ​രനെ മൂപ്പൻമാർ സഹായി​ച്ച​തു​കൊണ്ട്‌ എന്തു ഫലമു​ണ്ടാ​യി?

¹³ നേരത്തെ പറഞ്ഞ മൂപ്പൻമാർ അത്തരം ക്രിസ്‌തീയ താത്‌പ​ര്യം പ്രകട​മാ​ക്കി. ഒരു ഇടയസ​ന്ദർശനം നടത്തി​യ​പ്പോ​ഴാണ്‌ അവർ ലബക്കി ഒക്വാ​രാ​വോ​ക്കാ​യെ​യും ഭാര്യ​യെ​യും ഒരു സങ്കടക​ര​മായ അവസ്ഥയിൽ കണ്ടെത്തി​യത്‌. പെട്ടെന്ന്‌ മൂപ്പൻമാ​രു​ടെ സംഘം സംഗതി പരിഗ​ണി​ക്കു​ക​യും തങ്ങളുടെ ഉദ്ദേശ്യം സഭയെ അറിയി​ക്കു​ക​യും ചെയ്‌തു—വീടു പുനർനിർമ്മി​ച്ചു​കൊ​ടു​ക്കുക. വിവിധ സഹോ​ദീ​സ​ഹോ​ദ​രൻമാർ സാധനങ്ങൾ സംഭാ​വ​ന​ചെ​യ്യു​ക​യും നിർമ്മാ​ണ​ത്തിൽ സ്വമേ​ധയാ പങ്കെടു​ക്കു​ക​യും ചെയ്‌തു. ഒരാഴ്‌ച​കൊണ്ട്‌ ലോഹ​മേൽക്കൂ​ര​യോ​ടു​കൂ​ടിയ ഉറപ്പുള്ള ഒരു വീട്‌ അവർ നിർമ്മി​ച്ചു. നൈജീ​റി​യാ​യിൽ നിന്നുള്ള റിപ്പോർട്ട്‌ ഇതാണ്‌:

“അത്ഭുതം കൂറിയ ഗ്രാമീ​ണർ അടുത്ത മഴക്കു​മുമ്പ്‌ പണി പൂർത്തി​യാ​ക്കാൻ നീണ്ടമ​ണി​ക്കൂ​റു​ക​ളിൽ തിര​ക്കോ​ടെ പണി​യെ​ടുത്ത സഹോ​ദ​രീ​സ​ഹോ​ദ​രൻമാർക്കു​വേണ്ടി സ്വ​പ്രേ​രി​ത​രാ​യി ഭക്ഷ്യപാ​നീ​യങ്ങൾ എത്തിച്ചു​കൊ​ടു​ത്തു. അനേകം ഗ്രാമീ​ണർ മററു മതസമൂ​ഹ​ങ്ങ​ളെ​ക്കു​റി​ച്ചു പരാതി​പ​റഞ്ഞു. സാധു​ക്കളെ സഹായി​ക്കു​ന്ന​തി​നു​പ​കരം അവരെ അവ കൊള്ള​യ​ടി​ക്കു​ക​യാ​ണെ​ന്നാണ്‌ അവർ പറഞ്ഞത്‌. ഈ സംഭവം ആ ജനസമു​ദാ​യ​ത്തി​ലെ സംസാ​ര​വി​ഷ​യ​മാ​യി​രു​ന്നു. ഗ്രാമീ​ണർ വളരെ സ്വീകാ​ര്യ​ക്ഷ​മ​ത​യു​ള്ള​വ​രാ​യി​ത്തീർന്നു. പല ഭവന​ബൈ​ബി​ള​ദ്ധ്യ​യ​നങ്ങൾ തുടങ്ങി.”

ഈ “സൽപ്ര​വൃ​ത്തി​ക​ളിൽ” നിങ്ങളു​ടെ പങ്ക്‌

14. നമ്മുടെ സഹോ​ദ​രൻമാർക്ക്‌ “സൽപ്ര​വൃ​ത്തി​കൾ” ചെയ്യു​ന്നതു സംബന്ധിച്ച്‌ നമുക്ക്‌ എന്തു വീക്ഷണ​മു​ണ്ടാ​യി​രി​ക്കണം?

¹⁴ തീർച്ച​യാ​യും, നമ്മുടെ ചുററു​മുള്ള വൃദ്ധരു​ടെ​യോ ദുർബ്ബ​ല​രു​ടെ​യോ ആശുപ​ത്രി​യി​ലാ​ക്കിയ രോഗി​ക​ളു​ടെ​യോ മററു വിധത്തിൽ ക്ലേശി​ത​രാ​യി​രി​ക്കു​ന്ന​വ​രു​ടെ​യോ ആവശ്യ​ങ്ങ​ളോട്‌ നമുക്ക്‌ മിക്ക​പ്പോ​ഴും സ്വകാ​ര്യ​മാ​യോ നേരി​ട്ടോ പ്രതി​ക​രി​ക്കാൻ കഴിയും. നാം യഥാർത്ഥ ക്രിസ്‌ത്യാ​നി​ത്വം പ്രകട​മാ​ക്കാൻ ഒരു വഴി കാണു​ന്നു​വെ​ങ്കിൽ എന്തു​കൊണ്ട്‌ മുമ്പോ​ട്ടു​പോ​യി സഹായി​ക്കാൻ ശ്രമി​ച്ചു​കൂ​ടാ? (പ്രവൃ​ത്തി​കൾ 9:36-39) നമ്മുടെ പ്രേര​ക​ശക്തി മററു​ള്ള​വ​രിൽനി​ന്നുള്ള സമ്മർദ്ദമല്ല, പിന്നെ​യോ ക്രിസ്‌തീ​യ​സ്‌നേ​ഹ​മാണ്‌. ഏതൊരു പ്രാ​യോ​ഗിക സഹായ​ത്തി​ന്റെ​യും പ്രഥമ​ഘ​ടകം നമ്മുടെ യഥാർത്ഥ താത്‌പ​ര്യ​വും സഹാനു​ഭൂ​തി​യു​മാണ്‌. തീർച്ച​യാ​യും നമ്മിലാർക്കും വൃദ്ധരെ സംബന്ധി​ച്ച​ട​ത്തോ​ളം ഘടികാ​രം പിമ്പോട്ട്‌ തിരി​ക്കാ​നോ അത്ഭുത​രോ​ഗ​ശാ​ന്തി​വ​രു​ത്താ​നോ സഭയിലെ എല്ലാവർക്കും സാമ്പത്തിക സമത്വം കൈവ​രു​ത്താ​നോ കഴിക​യില്ല. എന്നാൽ നമുക്കു തീർച്ച​യാ​യും താത്‌പ​ര്യ​പൂർവ്വ​ക​മായ ഒരു കൊടു​ക്കൽ മനോ​ഭാ​വം ഉണ്ടായി​രി​ക്കണം. നമുക്ക്‌ അത്‌ ഉണ്ടായി​രി​ക്കു​മ്പോൾ, അതനു​സ​രി​ച്ചു പ്രവർത്തി​ക്കു​ക​യും ചെയ്യു​മ്പോൾ, അതു നമ്മളും നമ്മൾ സഹായി​ക്കു​ന്ന​വ​രും തമ്മിലുള്ള സ്‌നേ​ഹ​ബ​ന്ധത്തെ ബലിഷ്‌ഠ​മാ​ക്കും. പൗലോ​സി​ന്റെ​യും ഒനേസി​മൂ​സി​ന്റെ​യും സംഗതി​യിൽ അങ്ങനെ​യാ​യി​രു​ന്നു. ഒനേസി​മൂസ്‌ ‘പൗലോ​സി​നെ അവന്റെ കാരാ​ഗൃ​ഹ​ബ​ന്ധ​ങ്ങ​ളിൽ ശുശ്രൂ​ഷിച്ച’ താരത​മ്യേന പുതിയ ഒരു ക്രിസ്‌ത്യാ​നി​യാ​യി​രു​ന്നു.—ഫിലേ​മോൻ 10-13; കൊ​ലോ​സ്യർ 3:12-14; 4:10, 11.

15. യഥാർത്ഥ ഞെരു​ക്ക​മുള്ള ചില അർഹത​യു​ള്ള​വരെ നമുക്ക്‌ എങ്ങനെ സഹായി​ക്കാം?

¹⁵ ചില​പ്പോൾ പേരറി​യി​ക്കാ​തെ അയച്ചു​കൊ​ണ്ടോ സ്വകാ​ര്യ​മാ​യി കൊടു​ത്തു​കൊ​ണ്ടോ ആയാലും ദയാപൂർവ്വ​ക​മായ ഒരു ദാനം കൊടു​ത്തു​കൊണ്ട്‌ നമുക്ക്‌ ഒരു ഭൗതി​കാ​വ​ശ്യ​ത്തോ​ടു പ്രതി​ക​രി​ക്കാൻ കഴിയും. ഒരു സഹോ​ദ​രന്‌ ജോലി നഷ്ടപ്പെ​ട്ടിട്ട്‌ മറെറാ​ന്നു കണ്ടെത്താൻ കഴിയാ​തി​രി​ക്കു​ക​യാ​ണോ? ഒരു സഹോ​ദ​രിക്ക്‌ അപ്രതീ​ക്ഷി​ത​മായ ചികി​ത്സാ​ചെ​ല​വു​കൾ നേരി​ട്ടോ? അവൾ അപകട​ത്തിൽ പെടു​ക​യോ കവർച്ച​ക്കി​ര​യാ​കു​ക​യോ ചെയ്‌തോ? നമുക്കു ചുററും ഇത്തരം സാഹച​ര്യ​ങ്ങൾ പൊന്തി​വ​ന്നേ​ക്കാം. നാം “ദാനധർമ്മങ്ങൾ” ചെയ്യു​മ്പോൾ രഹസ്യ​ത്തിൽ നോക്കി​ക്കൊ​ണ്ടി​രി​ക്കുന്ന നമ്മുടെ പിതാവ്‌ നിരീ​ക്ഷി​ക്കു​ക​യും അംഗീ​ക​രി​ക്കു​ക​യും ചെയ്യും. (മത്തായി 6:1-4) അല്ലെങ്കിൽ പണം കൊടു​ക്കാ​തെ, ഇയ്യോ​ബി​നെ​പ്പോ​ലെ, നമുക്ക്‌ ദരി​ദ്രർക്ക്‌ ഉടുപ്പു​ക​ളോ വിധവ​ക്കോ അനാഥ​നോ ഭക്ഷ്യവ​സ്‌തു​ക്ക​ളോ വീട്ടി​ലു​ണ്ടാ​ക്കിയ ആഹാര​മോ കൊടു​ക്കാൻ കഴി​ഞ്ഞേ​ക്കും.—ഇയ്യോബ്‌ 6:14; 29:12-16; 31:16-22.

16. വേറെ ഏതു പ്രാ​യോ​ഗിക വിധത്തിൽ ചില​പ്പോൾ സഹായം കൊടു​ക്കാൻ കഴിയും. വിശദ​മാ​ക്കുക.

¹⁶ നിങ്ങളു​ടെ അനുഭ​വ​പ​രി​ച​യ​ത്തി​നോ സമ്പർക്ക​ങ്ങൾക്കോ പ്രാ​യോ​ഗിക സഹായ​ത്തി​ന്റെ ഉറവാ​യി​രി​ക്കാൻ കഴിയും. ഒരു സഹോ​ദരൻ മറെറാ​രു സഹോ​ദ​ര​നോട്‌ ഒരു ലോൺ ചോദി​ച്ചു. ‘പണം കടം കൊടു​ക്കാൻ എന്റെ കൈവശം പണം ഉണ്ടായി​രി​ക്കു​മെന്ന്‌ നിങ്ങൾ വിചാ​രി​ക്കു​ന്നത്‌ എന്തു​കൊണ്ട്‌?’ എന്ന ചോദ്യ​മാ​യി​രു​ന്നു അയാളു​ടെ ദയാപൂർവ്വ​ക​മായ പ്രതി​വ​ചനം. ‘തങ്ങൾക്ക്‌ മെച്ചമാ​യി പണം കൈകാ​ര്യം ചെയ്യാൻ അറിയാ​വു​ന്ന​തു​കൊണ്ട്‌’ എന്നായി​രു​ന്നു മറുപടി. ആവശ്യ​മു​ള്ള​വർക്ക്‌ പലപ്പോ​ഴും പണം കടം കൊടു​ത്തി​ട്ടുള്ള ആ സഹോ​ദരൻ വിവേ​ച​ന​യോ​ടെ ‘ഒരുപക്ഷേ നിങ്ങൾക്ക്‌ യഥാർത്ഥ​ത്തിൽ ആവശ്യ​മാ​യി​രി​ക്കു​ന്നത്‌ പണം കൈകാ​ര്യം ചെയ്യാൻ പഠിക്കു​ന്ന​തിന്‌ കുറെ സഹായ​മാണ്‌’ എന്നു നിർദ്ദേ​ശി​ച്ചു; ‘എന്റെ സഹായം ആഗ്രഹി​ക്കു​ന്നു​വെ​ങ്കിൽ സഹായി​ക്കു​ന്നത്‌ എനിക്ക്‌ സന്തോ​ഷ​മാണ്‌’ എന്നും അയാൾ പറഞ്ഞു. തങ്ങളുടെ ജീവിത നിലവാ​രത്തെ പുതിയ സാഹച​ര്യ​ങ്ങ​ളു​മാ​യി പൊരു​ത്ത​പ്പെ​ടു​ത്തേ​ണ്ട​യാ​വ​ശ്യ​മുള്ള​വ​രോ അല്ലെങ്കിൽ മതിപ്പു​കു​റ​ഞ്ഞ​തരം ജോലി​യിൽപോ​ലും കഠിന​വേല ചെയ്യാൻ മനസ്സു​ള്ള​വ​രോ ആയ സഹോ​ദ​രൻമാർ അത്തരം സഹായത്തെ വിശേ​ഷാൽ വിലമ​തി​ക്കു​ന്നു. തീർച്ച​യാ​യും, ഒരു ലോൺ യഥാർത്ഥ​ത്തിൽ ആവശ്യ​മാ​ണെ​ങ്കിൽ പിന്നീട്‌ പ്രശ്‌ന​ങ്ങ​ളു​ണ്ടാ​കാ​തി​രി​ക്കാൻ ഒരു രേഖ നിർമ്മിച്ച്‌ ഒപ്പിടു​ന്നത്‌ നന്നായി​രി​ക്കും. എന്നിരു​ന്നാ​ലും, പണം കടം വാങ്ങാൻ ഇഷ്ടപ്പെ​ടാത്ത അനേകം സഹോ​ദ​രൻമാർ ബുദ്ധി​യു​പ​ദേ​ശ​ത്തി​ന്റെ​യോ പങ്കു​വെ​ക്കുന്ന അനുഭ​വ​പ​രി​ച​യ​ത്തി​ന്റെ​യോ രൂപത്തി​ലുള്ള വ്യക്തി​പ​ര​മായ സഹായത്തെ അഗാധ​മാ​യി വിലമ​തി​ക്കും. (റോമർ 13:8) പശ്ചിമാ​ഫ്രി​ക്ക​യിൽനി​ന്നുള്ള ഒരു അനുഭ​വ​ത്താൽ ഇതു ചിത്രീ​ക​രി​ക്ക​പ്പെ​ടു​ന്നു, ഇമ്മാനു​വേ​ലാ​യി​രു​ന്നു ഉൾപ്പെ​ട്ടി​രു​ന്നത്‌.

ഇമ്മാനു​വേൽ പരിശീ​ലനം സിദ്ധിച്ച ഒരു ബാർബർ ആയിരു​ന്നെ​ങ്കി​ലും പതിവു​കാർ കുറവാ​യി​രു​ന്നു. ഉപജീ​വനം തേടു​ന്ന​തി​ലുള്ള അപ്രാ​പ്‌തി​യിൽ അയാൾ അസന്തു​ഷ്ട​നാ​യി​രു​ന്നു. അങ്ങനെ​യി​രി​ക്കെ, ജാഗ്ര​ത​യു​ണ്ടാ​യി​രുന്ന സഭയിലെ ഒരു മൂപ്പൻ മറെറാ​രു ജോലി ചെയ്യു​ന്ന​തി​നെ​ക്കു​റി​ച്ചു പരിഗ​ണി​ക്കാ​മോ​യെന്ന്‌ ഇമ്മാനു​വേ​ലി​നോ​ടു ചോദി​ച്ചു. ഉവ്വ്‌ എന്നായി​രു​ന്നു അയാളു​ടെ പ്രതി​വ​ചനം, കാരണം തൊഴിൽപ​ര​മായ അഭിമാ​നം തടസ്സമാ​യി​രി​ക്കാൻ അയാൾ അനുവ​ദി​ക്കാൻ പോകു​ന്നി​ല്ലാ​യി​രു​ന്നു. മൂപ്പൻ സഹകാ​രി​ക​ളു​മാ​യി സംസാ​രി​ക്കു​ക​യും ഒരു ആശുപ​ത്രി​യി​ലെ സേവക​നാ​യി ഇമ്മാനു​വേ​ലിന്‌ ജോലി കണ്ടെത്തു​ക​യും ചെയ്‌തു. ഈ ജോലി അയാൾ നന്നായി ചെയ്‌തു. സഭയിലെ മററു​ള്ള​വരെ സഹായി​ക്കാ​നും അയാൾക്കു കഴിഞ്ഞു.

17. ആശുപ​ത്രി​യി​ലാ​യി​രി​ക്കുന്ന ഒരു സഹോ​ദ​രനെ നിങ്ങൾക്ക്‌ എങ്ങനെ സഹായി​ക്കാൻ കഴി​ഞ്ഞേ​ക്കും? (സങ്കീർത്തനം 41:1-3)

¹⁷ ഒരു സഹക്രി​സ്‌ത്യാ​നി ഒരു ആശുപ​ത്രി​യി​ലോ നഴ്‌സിംഗ്‌ ഹോമി​ലോ ആയിരി​ക്കു​മ്പോൾ സഹായി​ക്കു​ന്ന​തിന്‌ പ്രത്യേക അവസര​ങ്ങ​ളുണ്ട്‌. വീണ്ടും, ആത്മാർത്ഥ​മായ താൽപ​ര്യ​വും കരുത​ലു​മാണ്‌ അടിസ്ഥാ​ന​മാ​യി​രി​ക്കു​ന്നത്‌. കെട്ടു​പ​ണി​ചെ​യ്യുന്ന ക്രിസ്‌തീയ സാഹി​ത്യം രോഗി​യെ വായിച്ചു കേൾപ്പി​ക്കു​ന്ന​തി​നോ പ്രോ​ത്സാ​ഹ​ജ​ന​ക​മായ അനുഭ​വങ്ങൾ പറഞ്ഞു​കേൾപ്പി​ക്കു​ന്ന​തി​നോ ഉള്ള നിങ്ങളു​ടെ സന്നദ്ധത​യാൽ നിങ്ങൾക്ക്‌ ഇവ പ്രകട​മാ​ക്കാ​വു​ന്ന​താണ്‌. എന്നാൽ നിങ്ങൾക്കു സഹായി​ക്കാ​വുന്ന ശാരീ​രി​കാ​വ​ശ്യ​ങ്ങ​ളു​ണ്ടോ? ചില​പ്ര​ദേ​ശ​ങ്ങ​ളിൽ സന്ദർശകൻ ചെയ്യാ​ത്ത​പക്ഷം രോഗി​യെ കുളി​പ്പി​ക്കു​ക​യോ ഭക്ഷണം കൊടു​ക്കു​ക​യോ ചെയ്യു​ക​യി​ല്ലാ​ത്ത​വി​ധം ചികിത്സാ സൗകര്യ​ങ്ങൾക്ക്‌ അമിത​മായ ചെലവാണ്‌. അതു​കൊണ്ട്‌ ഡോക്ടർമാർ സമ്മതി​ക്കു​ന്നു​വെ​ങ്കിൽ നിങ്ങൾക്ക്‌ ഒരു പോഷ​ക​ഗു​ണ​മുള്ള ഭക്ഷണം കൊണ്ടു​കൊ​ടു​ക്കു​ക​യോ മുടി​ക​ഴു​കാ​നോ കുളി​ക്കാ​നോ സഹായി​ക്കു​ക​യോ ചെയ്യാ​വു​ന്ന​താണ്‌. ചൂടുള്ള ഒരു വസ്‌ത്ര​മോ ചെരു​പ്പു​ക​ളോ വിലമ​തി​ക്ക​പ്പെ​ടു​മോ? (2 തിമൊ​ഥെ​യോസ്‌ 4:13) അല്ലെങ്കിൽ രോഗി​യെ വ്യാകു​ല​പ്പെ​ടു​ത്തുന്ന ഏതെങ്കി​ലും കാര്യ​ത്തിൽ നിങ്ങൾക്ക്‌ സഹായ​വാ​ഗ്‌ദാ​നം ചെയ്യാ​മോ? ഒരുപക്ഷേ അയാളു​ടെ ശമ്പള​ച്ചെക്ക്‌ എങ്ങനെ മാറാ​മെ​ന്നും ഉപഭോ​ഗ​ബി​ല്ലു​ക​ളു​ടെ പണം എങ്ങനെ അടയ്‌ക്കാ​മെ​ന്നും അയാൾ ഉൽക്കണ്‌ഠ​പ്പെ​ടു​ക​യാ​യി​രി​ക്കാം. അയാളു​ടെ വീട്ടിൽ എഴുത്തു​കൾ കുന്നു​കൂ​ടു​ന്നി​ല്ലെന്ന്‌ അല്ലെങ്കിൽ ചെടി​കൾക്ക്‌ വെള്ള​മൊ​ഴി​ക്കു​ന്നു​ണ്ടെന്ന്‌ അല്ലെങ്കിൽ ഫർണസ്‌ ഓഫ്‌ ചെയ്‌തെന്ന്‌ ഉറപ്പു​വ​രു​ത്തു​ന്ന​തു​പോ​ലെ​യുള്ള ലളിത​മായ കാര്യങ്ങൾ ചെയ്യു​ന്ന​തി​നാൽ നിങ്ങൾക്ക്‌ സഹായ​ക​മായ ആശ്വാസം പ്രദാനം ചെയ്യാ​വു​ന്ന​താണ്‌.

18. ദരി​ദ്ര​സ​ഹോ​ദ​രൻമാ​രെ സംബന്ധിച്ച്‌ നിങ്ങൾ എന്തു ചെയ്യാൻ നിശ്ചയി​ച്ചി​രി​ക്കു​ന്നു?

¹⁸ നിസ്സം​ശ​യ​മാ​യി, “തണുപ്പ​ക​ററി നന്നായി ആഹാരം കഴിക്കുക” എന്ന്‌ പറയു​ക​മാ​ത്രം ചെയ്യു​ന്ന​തി​ലു​പരി ചെയ്യു​ന്ന​തിൽ മെച്ച​പ്പെ​ടാൻ കഴിയുന്ന മാർഗ്ഗങ്ങൾ നമ്മി​ലോ​രോ​രു​ത്തർക്കും കണ്ടെത്താൻ കഴിയും. (യാക്കോബ്‌ 2:16) നിങ്ങളു​ടെ സഭയിലെ സഹോ​ദ​രീ​സ​ഹോ​ദ​രൻമാ​രെ​ക്കു​റി​ച്ചു ചിന്തി​ക്കുക. അർഹത​യുള്ള ചിലർ യഥാർത്ഥ സാമ്പത്തിക ഞെരു​ക്ക​മു​ള്ള​വ​രോ രോഗി​ക​ളോ വികല​രോ കിടപ്പി​ലാ​യ​വ​രോ ആണോ? ക്രിസ്‌തു ആർക്കു​വേണ്ടി മരിച്ചോ ആ സഭയിലെ പ്രിയ​പ്പെട്ട അംഗങ്ങളെ സഹായി​ക്കാൻ നിങ്ങൾക്ക്‌ പ്രാ​യോ​ഗി​ക​മാ​യി എന്തു ചെയ്യാൻ കഴിയും? ഈ മനോ​ഭാ​വം പ്രയാ​സങ്ങൾ പൊന്തി​വ​രു​ന്നു​വെ​ങ്കിൽ പെട്ടെന്ന്‌ പ്രതി​ക​രി​ക്കാൻ മെച്ചമാ​യി സജ്ജരാ​കു​ന്ന​തിന്‌ നിങ്ങളെ സഹായി​ക്കും.

19. (എ)ഈ മണ്ഡലത്തിൽ സമനില വളരെ പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌? (ബി) മററു​ള്ള​വർക്കു​വേണ്ടി നമുക്കു ചെയ്യാൻ കഴിയുന്ന ഏററവും വലിയ നൻമ​യെന്ത്‌? ഇത്‌ അങ്ങനെ​യാ​യി​രി​ക്കു​ന്ന​തെ​ന്തു​കൊണ്ട്‌? (സങ്കീർത്തനം 72:4, 16)

¹⁹ നമ്മുടെ സഹോ​ദ​രൻമാ​രെ സഹായി​ക്കു​ന്ന​തിൽ ശ്രദ്ധി​ക്കു​ന്ന​തി​നാൽ നമ്മുടെ വിശ്വാ​സം ചത്തത​ല്ലെന്നു നാം തെളി​യി​ക്കു​ന്ന​താ​യി​രി​ക്കും. അതേ വിശ്വാ​സം ക്രിസ്‌തീയ പ്രസം​ഗ​ത്തിൽ കഠിന​വേല ചെയ്യാൻ നമ്മെ പ്രേരി​പ്പി​ക്കു​ന്നു. നാം മററു​ള്ള​വരെ ഭൗതി​ക​മാ​യി സഹായി​ക്കു​ന്ന​തും ക്രിസ്‌തീയ സുവി​ശേ​ഷി​ക്ക​ലിൽ ക്രമമാ​യി പങ്കെടു​ക്കു​ന്ന​തും തമ്മിൽ സമനില പാലി​ക്കേ​ണ്ട​യാ​വ​ശ്യ​മുണ്ട്‌. (മത്തായി 15:3-9; 23:23 താരത​മ്യ​പ്പെ​ടു​ത്തുക) മാർത്ത​യോ​ടും മറിയ​യോ​ടു​മുള്ള യേശു​വി​ന്റെ ബുദ്ധി​യു​പ​ദേശം ആ സമനി​ലയെ പ്രതി​ഫ​ലി​പ്പി​ക്കു​ന്നു. ഒരു വ്യക്തി ഭൗതിക വസ്‌തു​ക്ക​ളെ​യും ആത്മീയ ഭക്ഷണ​ത്തെ​യും തമ്മിൽ തൂക്കു​ക​യാ​ണെ​ങ്കിൽ ഒടുവി​ല​ത്തേ​താണ്‌ “നല്ല പങ്ക്‌” എന്നും അത്‌ ആരും എടുത്തു​കൊ​ണ്ടു​പോ​ക​യി​ല്ലെ​ന്നും അവൻ പറഞ്ഞു. (ലൂക്കോസ്‌ 10:39-42) ഈ വ്യവസ്ഥി​തി​യിൽ രോഗി​ക​ളും ദരി​ദ്ര​രും എപ്പോ​ഴും ഉണ്ടായി​രി​ക്കും. അവർക്ക്‌ നൻമ ചെയ്യാൻ നമുക്കു കഴിയും, ചെയ്യേ​ണ്ട​തു​മാണ്‌. (മർക്കോസ്‌ 14:7) എന്നാലും, നമുക്കു ചെയ്യാൻ കഴിയുന്ന ഏററവും നല്ലതും ഏററവും നിലനിൽക്കു​ന്ന​തു​മായ നൻമ ദൈവ​രാ​ജ്യ​ത്തെ​ക്കു​റി​ച്ചു മററു​ള്ള​വരെ പഠിപ്പി​ക്കു​ന്ന​താണ്‌. യേശു അതിലാണ്‌ ശ്രദ്ധ കേന്ദ്രീ​ക​രി​ച്ചത്‌. (ലൂക്കോസ്‌4:16-19) ആ വിധത്തി​ലാണ്‌ ദരി​ദ്രർക്കും രോഗി​കൾക്കും കഷ്ടപ്പെ​ടു​ന്ന​വർക്കും ശാശ്വ​ത​മായ ആശ്വാസം കിട്ടാൻ കഴിയു​ന്നത്‌. തങ്ങളുടെ പ്രത്യാശ ദൈവ​ത്തിൽ വെക്കാ​നും “യഥാർത്ഥ ജീവനെ മുറുകെ പിടി​ക്കാ​നും” നമ്മുടെ സഹോ​ദ​രൻമാ​രെ​യും മററു​ള്ള​വ​രെ​യും സഹായി​ക്കു​ന്നത്‌ എന്തോരു സന്തോ​ഷ​മാണ്‌.—1 തിമൊ​ഥെ​യോസ്‌ 6:17-19. (w86 10/15)

[17-ാം പേജിലെ ചതുരം]

സഭ പരിപാ​ലി​ച്ചു

ഒരു ഗ്രാമ​പ്ര​ദേ​ശത്തെ ഒരു ചെറിയ സഭയി​ലേ​ക്കു​മാ​റി​പ്പോ​യി​രുന്ന ഒരു ദമ്പതികൾ ചിന്തോ​ദ്ദീ​പ​ക​മായ റിപ്പോർട്ടു നൽകി:

മൂന്നു വർഷം മുമ്പ്‌ ഞാനും ഭാര്യ​യും ഞങ്ങളുടെ വീടു വിററിട്ട്‌ പക്വമായ സഹായ​മാ​വ​ശ്യ​മാ​യി​രുന്ന ഒരു വിദൂര സഭയി​ലേക്കു മാറി, കാരണം അവിടെ ചില പ്രശ്‌ന​ങ്ങ​ളു​ണ്ടാ​യി​രു​ന്നു. പെട്ടെ​ന്നു​തന്നെ എനിക്ക്‌ നാല്‌ ഉത്തരവാ​ദിത്ത സ്ഥാനങ്ങൾ വഹി​ക്കേ​ണ്ടി​വന്നു. ഞങ്ങൾ സഹോ​ദ​രൻമാ​രെ സ്‌നേ​ഹി​ച്ച​തു​കൊണ്ട്‌ അവരോ​ടു​കൂ​ടെ പ്രവർത്തി​ക്കാ​നാ​ഗ്ര​ഹി​ച്ചു. പല മാസങ്ങൾകൊണ്ട്‌ സഭയുടെ ആത്മാവു മെച്ച​പ്പെ​ടു​ക​യും രണ്ടു നല്ല മൂപ്പൻമാർ വന്നു​ചേ​രു​ക​യും ചെയ്‌തു.

‘എന്റെ ഭാര്യക്ക്‌ ആരോഗ്യ പ്രശ്‌ന​ങ്ങ​ളു​ണ്ടാ​കാൻ തുടങ്ങി. കഴിഞ്ഞ​വർഷം അവൾക്ക്‌ ഒരു മേജർ ഓപ്പ​റേഷൻ ആവശ്യ​മാ​യി​ത്തീർന്നു. അവൾ ആശുപ​ത്രി​യിൽ പ്രവേ​ശിച്ച ദിവസം​തന്നെ എനിക്ക്‌ കരൾ വീക്കം ബാധിച്ചു. രണ്ടു മാസം കഴിഞ്ഞ്‌ എനിക്ക്‌ ജോലി വിടേ​ണ്ടി​വന്നു, കാരണം ആ പ്രദേ​ശത്തെ സാമ്പത്തി​ക​നില വളരെ മോശ​മാ​യി​രു​ന്നു. ഞങ്ങളുടെ പണം തീർന്നു. എനിക്കു ജോലി​യി​ല്ലെ​ന്നാ​യി ഞങ്ങളി​രു​വ​രും ആരോ​ഗ്യം വീണ്ടെ​ടു​ക്കാൻ ശ്രമി​ക്കു​ക​യാ​യി​രു​ന്നു. ഡിസ്‌ട്രി​ക്‌ററ്‌ കൺ​വെൻ​ഷൻ അടുത്തു​വ​രി​ക​യാ​യി​രു​ന്നു. എനിക്ക്‌ മ്ലാനത​യാ​യി. രണ്ടാഴ്‌ച​ക്കകം സർക്കിട്ട്‌ സമ്മേള​ന​ത്തി​ലും എനിക്ക്‌ ഒരു ഭാഗമു​ണ്ടാ​യി​രു​ന്നു. എന്നാൽ പണമി​ല്ലാ​ഞ്ഞ​തു​കൊണ്ട്‌ സമ്മേള​ന​ങ്ങൾക്ക്‌ എങ്ങനെ പോകാൻ കഴിയു​മെ​ന്നോ എന്റെ കുടും​ബത്തെ എങ്ങനെ പരിപാ​ലി​ക്കാ​മെ​ന്നു​പോ​ലും എനിക്ക്‌ ഒരു വിവര​വു​മി​ല്ലാ​യി​രു​ന്നു. ഒരു ദിവസം രാവിലെ ഭാര്യ വയൽസേ​വ​ന​ത്തി​നു​പോ​യി. ഞാൻ ഞങ്ങളുടെ സാഹച​ര്യ​ങ്ങളെ പുനര​വ​ലോ​കനം ചെയ്യാൻ കുത്തി​യി​രു​ന്നു.

‘ജനാല​യി​ലൂ​ടെ പുറ​ത്തേക്കു നോക്കവെ, യഹോ​വ​യി​ലുള്ള എന്റെ ആശ്രയ​മെ​വി​ടെ? എന്നു ഞാൻ എന്നോ​ടു​തന്നെ ചോദി​ച്ചു. വ്യാകു​ല​പ്പെ​ടാ​തി​രി​ക്കാൻ ഞാൻ എന്റെ ഭാര്യ​യോ​ടു പറഞ്ഞി​രു​ന്നു, എന്നാൽ ഇപ്പോൾ ഞാൻ സംശയി​ക്കാൻ തുടങ്ങു​ക​യാ​യി​രു​ന്നു. പിന്നീട്‌ ഞാൻ എന്റെ “അല്‌പ​വി​ശ്വാ​സ”ത്തെക്കു​റിച്ച്‌ യഹോ​വ​യോ​ടു പറയു​ക​യും സഹായ​ത്തി​നാ​യി അവനോ​ടു യാചി​ക്കു​ക​യും ചെയ്‌തു. ഞാൻ പ്രാർത്ഥി​ച്ചു​തീർന്ന​പ്പോൾ ഒരു സഹോ​ദരൻ വാതിൽക്കൽ മുട്ടി. ഒരു കപ്പു കാപ്പി​കു​ടി​ക്കാൻ അയാ​ളോ​ടൊത്ത്‌ പോകാൻ അയാളാ​വ​ശ്യ​പ്പെട്ടു. അന്നു രാത്രി​യി​ലെ യോഗ​ത്തിന്‌ ഒരു ഭാഗം തയ്യാറാ​കാ​നു​ള്ള​തു​കൊണ്ട്‌ ഞാൻ പോരു​ന്നി​ല്ലെന്നു ഞാൻ പറഞ്ഞു. ചുരുക്കം ചില മിനി​റ​റു​കളേ അവശ്യ​മു​ള്ളു​വെന്നു പറഞ്ഞു​കൊണ്ട്‌ അയാൾ വളരെ നിർബ്ബ​ന്ധി​ച്ചു. അങ്ങനെ ഞങ്ങൾ പോയി ഒരു അര മണിക്കൂർ കഴിഞ്ഞ്‌ ഞങ്ങൾ മടങ്ങി​യെത്തി. ഞാൻ അയാളു​ടെ കാറിൽനിന്ന്‌ ഇറങ്ങി​യ​പ്പോൾ എനിക്കു സുഖം തോന്നി.

‘ഞാൻ വീട്ടിൽ കടന്ന​പ്പോൾ അടുക്ക​ള​യിൽ പലചര​ക്കു​കൾ അടുക്കി​വെ​ച്ചി​രി​ക്കു​ന്നതു ഞാൻ കണ്ടു. എന്റെ ഭാര്യ സാധനങ്ങൾ വാങ്ങാൻ പോയി​രി​ക്കു​മെന്ന്‌ ഞാൻ വിചാ​രി​ച്ചു. “എന്നാൽ നിൽക്കു, ഞങ്ങൾക്ക്‌ ഒട്ടും പണമി​ല്ലാ​ഞ്ഞ​തി​നാൽ അവൾക്ക്‌ എങ്ങനെ പോകാൻ കഴിയും?” അനന്തരം ഞാൻ ഒരു കവർ കണ്ടു. അതിന്റെ പുറത്ത്‌ ഇങ്ങനെ എഴുതി​യി​രു​ന്നു:

“നിങ്ങളെ വളരെ​യ​ധി​കം സ്‌നേ​ഹി​ക്കുന്ന നിങ്ങളു​ടെ സഹോ​ദ​രീ​സ​ഹോ​ദ​രൻമാ​രിൽനിന്ന്‌. ഇതിൽ ഒട്ടും സംഭാ​വ​ന​പ്പെ​ട്ടി​യി​ലി​ട​രുത്‌. ഇത്‌ നിങ്ങൾക്കു​വേണ്ടി കരുതി​യ​താണ്‌.”

‘എനിക്ക്‌ കണ്ണുനീർ നിയ​ന്ത്രി​ക്കാൻ കഴിഞ്ഞില്ല. ഞാൻ എന്റെ “അല്‌പ​വി​ശ്വാ​സ”ത്തെക്കു​റി​ച്ചു ചിന്തിച്ചു. അത്‌ എന്നെ കൂടുതൽ കരയിച്ചു. അപ്പോൾ ഭാര്യ വീട്ടിൽവന്നു. ഞാൻ ഭക്ഷണവും മററു ദാനങ്ങ​ളും ചൂണ്ടി​ക്കാ​ട്ടി. അവളും പൊട്ടി​ക്ക​രഞ്ഞു. അവളോ​ടു​കൂ​ടെ വന്ന രണ്ടു സഹോ​ദ​രി​മാ​രും ഒപ്പം കരഞ്ഞു. ഞങ്ങൾക്ക്‌ ഇത്രയും സ്വീക​രി​ക്കാ​നാ​വി​ല്ലെന്ന്‌ വിശദീ​ക​രി​ക്കാൻ ഞങ്ങൾ ശ്രമിച്ചു. എന്നാൽ ആർ എന്തൊക്കെ തന്നു​വെന്ന്‌ ആർക്കും അറിയാൻ പാടി​ല്ലെന്ന്‌ സഹോ​ദ​രി​മാർ ഞങ്ങളോ​ടു പറഞ്ഞു. മുഴു സഭയ്‌ക്കും ഒരു പങ്കുണ്ടാ​യി​രു​ന്നു. മററു​ള്ള​വർക്ക്‌ എങ്ങനെ കൊടു​ക്ക​ണ​മെന്ന്‌ ഞങ്ങൾ പഠിപ്പി​ച്ച​താ​യി അവർ വിചാ​രി​ച്ച​തു​കൊ​ണ്ടാണ്‌ അവർ ഇതു ചെയ്യാ​നാ​ഗ്ര​ഹി​ച്ചത്‌ ഇതു കൂടുതൽ കണ്ണുനീർ വരുത്തു​ക​മാ​ത്ര​മാണ്‌ ചെയ്‌തത്‌!’

പിന്നീട്‌ ഈ സഹോ​ദരൻ ഇത്‌ എഴുതി​യ​പ്പോൾ അയാളു​ടെ ജോലി പുരോ​ഗ​മി​ച്ചി​രു​ന്നു. അയാളും ഭാര്യ​യും സഹായ​പ​യ​നി​യ​റിം​ഗിൽ ഏർപ്പെ​ട്ടി​രി​ക്കു​ക​യാ​യി​രു​ന്നു.

[18-ാം പേജിലെ ചതുരം]

ക്രിസ്‌തീയസ്‌നേഹത്തിന്റെ തെളിവ്‌

പശ്ചിമ ഐക്യ​നാ​ടു​ക​ളി​ലെ യഹോ​വ​യു​ടെ സാക്ഷി​ക​ളു​ടെ ഒരു സഭ തിരു​വെ​ഴു​ത്തു​ക​ളിൽ ശുപാർശ ചെയ്‌തി​രി​ക്കുന്ന തരം ക്രിസ്‌തീയ സ്‌നേഹം പ്രകട​മാ​ക്കാൻ തങ്ങളെ അനുവ​ദിച്ച ഒരു അപൂർവ്വ സാഹച​ര്യ​ത്തെ അഭിമു​ഖീ​ക​രി​ച്ചു. അവരുടെ പ്രദേ​ശത്ത്‌ മസ്‌തി​ഷ്‌ക്ക​വാ​ത​ത്താൽ ഗുരു​ത​ര​മായ വൈക​ല്യം ബാധി​ച്ച​വർക്കു​വേണ്ടി സംസ്ഥാനം ഒരു കേന്ദ്രം തുറന്നു. ആദ്യ അന്തേവാ​സി​ക​ളിൽ ഒരാൾ 25 വയസ്സു​ണ്ടാ​യി​രുന്ന ഗാരി ആയിരു​ന്നു. അയാളെ മേലാൽ വീട്ടിൽ ശുശ്രൂ​ഷി​ക്കുക സാദ്ധ്യ​മ​ല്ലാ​യി​രു​ന്നു. ഈ രോഗം അയാളെ കാലു​ക​ളും കൈക​ളു​മു​പ​യോ​ഗി​ച്ചു നടക്കു​ന്ന​വ​നാ​ക്കി​ത്തീർത്തു. അയാളു​ടെ സംസാ​ര​വും ബാധി​ക്ക​പ്പെട്ടു.

ഗാരി ഏഴു വർഷമാ​യി സ്‌നാ​ന​മേററ ഒരു യഹോ​വ​യു​ടെ സാക്ഷി​യാ​യി​രു​ന്നു. പുതിയ കേന്ദ്ര​ത്തിൽ എത്തിയ​പ്പോൾ അയാൾ സ്ഥലത്തെ സഭയുടെ യോഗ​ങ്ങൾക്ക്‌ ഹാജരാ​കാ​നാ​ഗ്ര​ഹി​ച്ചു. അയാളു​ടെ മാതാ​പി​താ​ക്കൾ താമസി​ച്ചി​രു​ന്നത്‌ വിദൂ​ര​ത്തി​ല​ല്ലാ​യി​രു​ന്നു. കുറേ​ക്കാ​ലം അവർ അയാളെ കൊണ്ടു​വ​ന്നി​രു​ന്നു. എന്നാൽ അവരുടെ പ്രായാ​ധി​ക്യ​ത്തി​ന്റെ വീക്ഷണ​ത്തിൽ സഭയിലെ മററു സഹോ​ദ​രൻമാർ സഹായി​ക്കാൻ തുടങ്ങി. ഒരാൾക്ക്‌ ഒരു വാൻ ഉണ്ടായി​രു​ന്നു. തന്നിമി​ത്തം അയാളും ഭാര്യ​യും അവരുടെ രണ്ടു പെൺകു​ട്ടി​ക​ളും ഗാരിയെ കൊണ്ടു​പോ​കാൻ കഴിയ​ത്ത​ക്ക​വണ്ണം യോഗ​ങ്ങൾക്ക്‌ 45 മിനി​ററ്‌ മുമ്പേ ഒരുങ്ങി പുറ​പ്പെ​ടു​മാ​യി​രു​ന്നു. അവർ പിന്നീട്‌ അയാളെ കേന്ദ്ര​ത്തിൽ തിരികെ കൊണ്ടു​വി​ടു​മാ​യി​രു​ന്നു, അവർ വീട്ടിൽ വളരെ താമസി​ച്ചാ​യി​രു​ന്നു തിരി​ച്ചെ​ത്തു​ന്നത്‌.

എന്നാൽ കേന്ദ്ര​ത്തിൽ ചിലതു സംഭവി​ച്ചു​കൊ​ണ്ടി​രു​ന്നു മററ്‌ മസ്‌തി​ഷ്‌ക്ക​വാ​ത​ക്കാർ ബൈബിൾ സത്യത്തിൽ താൽപ്പ​ര്യം പ്രകട​മാ​ക്കി. പെട്ടെന്ന്‌ അവരിൽ രണ്ടുപേർ ബൈബി​ള​ദ്ധ്യ​യ​ന​ത്തി​നു സമ്മതിച്ചു. പിന്നീടു മററു​ള്ള​വ​രും താത്‌പ​ര്യം പ്രകട​മാ​ക്കി. അവരെ​യെ​ല്ലാം എങ്ങനെ യോഗ​ങ്ങൾക്കു കൊണ്ടു​വ​രും? സഭയിലെ മറെറാ​രാൾ ഒരു വാൻ വാങ്ങി. സ്ഥലത്തെ സാക്ഷി​ക​ളു​ടെ ഉടമസ്ഥ​ത​യി​ലുള്ള ഒരു വ്യാപാ​ര​സ്ഥാ​പനം മൂന്നാ​മ​തൊ​രു വാൻ ലഭ്യമാ​ക്കി. എന്നിരു​ന്നാ​ലും ഈ മാർഗ്ഗങ്ങൾ ചില​പ്പോൾ അപര്യാ​പ്‌ത​മോ അസൗക​ര്യ​പ്ര​ദ​മോ ആയിരു​ന്നു. സഭക്ക്‌ കൂടു​ത​ലാ​യി എന്തെങ്കി​ലും ചെയ്യാൻ കഴിയു​മോ?

മൂപ്പൻമാർ ഈ കാര്യം ചർച്ച ചെയ്യു​ക​യും ഈ വികലാം​ഗരെ യോഗ​ങ്ങൾക്കു കൊണ്ടു​വ​രാ​നും തിരി​കെ​കൊ​ണ്ടു​പോ​കാ​നും മാത്ര​മാ​യി ഒരു വാൻ വാങ്ങാൻ നിർദ്ദേ​ശി​ക്കു​ക​യും ചെയ്‌തു. സഭ സമ്മതി​ക്കു​ക​യും സന്തോ​ഷ​പൂർവ്വം സംഭാവന ചെയ്യു​ക​യും ചെയ്‌തു. ഈ പദ്ധതി​യെ​ക്കു​റിച്ച്‌ കേട്ട ചുററു​പാ​ടു​മു​ണ്ടാ​യി​രുന്ന ചില സാക്ഷി​ക​ളും സംഭാവന ചെയ്‌തു. ഒരു വാൻ വാങ്ങു​ക​യും അതിൽ വീൽ ചെയറു​കൾ കൊണ്ടു​പോ​ക​ത്ത​ക്ക​വണ്ണം ഫിററ്‌ ചെയ്യു​ക​യും ചെയ്‌തു.

ഇപ്പോൾ യോഗ​ങ്ങ​ളി​ലേ​ക്കും സമ്മേള​ന​ങ്ങ​ളി​ലേ​ക്കും വാൻ ഓടി​ക്കു​ന്ന​തിൽ ഓരോ വ്യത്യസ്‌ത സഭാപു​സ്‌ത​കാ​ദ്ധ്യ​യ​ന​വും പങ്കെടു​ക്കു​ന്നു. മസ്‌തി​ഷ്‌ക്ക​വാത കേന്ദ്ര​ത്തിൽനിന്ന്‌ അഞ്ചുപേർ ക്രമമാ​യി ഹാജരാ​കു​ന്നു. അവരിൽ നാലു​പേർ ഇപ്പോൾ സ്‌നാ​ന​മേററ സാക്ഷി​ക​ളാണ്‌. സഹായി​ക്കു​ന്ന​തി​ലുള്ള സന്തോ​ഷ​മ​നു​ഭ​വി​ക്കുന്ന അനേകം സഹോ​ദ​രീ​സ​ഹോ​ദ​രൻമാ​രാൽ അവർ അറിയ​പ്പെ​ടാ​നും സ്‌നേ​ഹി​ക്ക​പ്പെ​ടാ​നും ഇടയാ​യി​രി​ക്കു​ന്നു. എങ്ങനെ? യോഗ​സ​മ​യത്ത്‌ പാട്ടു​പു​സ്‌തകം പിടി​ച്ചു​കൊ​ടു​ക്കു​ന്ന​തി​നാ​ലും തിരു​വെ​ഴു​ത്തു​കൾ എടുത്തു​കൊ​ടു​ക്കു​ന്ന​തി​നാ​ലും. സർക്കിട്ട്‌ സമ്മേള​ന​ങ്ങ​ളി​ലും ഡിസ്‌ട്രി​ക്‌ററ്‌ സമ്മേള​ന​ങ്ങ​ളി​ലും സ്വയം ഭക്ഷണം കഴിക്കാൻ കഴിയാ​ത്ത​വരെ അതിനു​പോ​ലും അവർ സഹായി​ക്കു​ക​യും പരിപാ​ലി​ക്കു​ക​യും ചെയ്യുന്നു. ഇത്‌ യഥാർത്ഥ​ത്തിൽ ഹൃദ​യോ​ദ്ദീ​പ​ക​മായ ഒരു പരസ്‌പര പ്രിയം ഉളവാ​ക്കി​യി​രി​ക്കു​ന്നു. ഗാരിയെ സംബന്ധി​ച്ചെന്ത്‌? അയാൾ സ്‌നേ​ഹ​ത്തി​ന്റെ ഇത്തരം തെളിവു നൽകിയ ഈ സഭയിൽ ഇപ്പോൾ ഒരു ശുശ്രൂ​ഷാ​ദാ​സ​നാ​യി സേവി​ക്കു​ന്നു.—പ്രവൃ​ത്തി​കൾ 20:35.