അവന്റെ കാൽചു​വ​ടു​കൾ പിന്തു​ട​രു​ന്ന​തി​ന്റെ വെല്ലു​വി​ളി

“എന്തെന്നാൽ ക്രിസ്‌തു നിങ്ങൾക്കു​വേണ്ടി ദുരി​ത​മ​നു​ഭ​വി​ക്കു​ക​യും നിങ്ങൾ അവന്റെ കാൽചു​വ​ടു​കളെ അടുത്തു പിൻതു​ട​രേ​ണ്ട​തിന്‌ വ്യക്തി​പ​ര​മായ ഒരു ദൃഷ്ടാന്തം വെക്കു​ക​യും ചെയ്‌തി​രി​ക്കു​ന്നു.”—1 പത്രോസ്‌ 2:21, ഫിലി​പ്‌സ്‌

1, 2. (എ) എന്ത്‌ ഒരു യഥാർത്ഥ​വെ​ല്ലു​വി​ളി​യാ​യി​രി​ക്കാൻ കഴിയും, ഇത്‌ ക്രിസ്‌ത്യാ​നി​കൾക്ക്‌ താൽപ​ര്യ​മു​ള്ള​താ​യി​രി​ക്കു​ന്ന​തെ​ന്തു​കൊണ്ട്‌? (ബി) ഇവിടെ എന്തു ചോദ്യ​ങ്ങൾ ഉയർത്ത​പ്പെ​ടു​ന്നു?

നിങ്ങൾ മണൽ നിറഞ്ഞ ഒരു കടൽത്തീ​ര​ത്തു​കൂ​ടി അല്ലെങ്കിൽ മഞ്ഞുനി​റഞ്ഞ ഒരു വയലി​ലൂ​ടെ എന്നെങ്കി​ലും നടക്കു​ക​യും നിങ്ങൾക്കു​മു​മ്പേ അവിടെ നടന്ന ഒരാളു​ടെ കാൽചു​വ​ടു​ക​ളു​ടെ മാതൃ​ക​യാൽ ആകൃഷ്‌ട​നാ​കു​ക​യും ചെയ്‌തി​ട്ടു​ണ്ടോ? ഒരുപക്ഷേ നിങ്ങൾ കുറെ കാൽചു​വ​ടു​കളെ തെര​ഞ്ഞെ​ടുത്ത്‌ നിങ്ങളു​ടെ കാൽചു​വ​ടു​കളെ അവയോ​ടു സാദ്ധ്യ​മാ​കു​ന്ന​ട​ത്തോ​ളം കൃത്യ​മാ​യി ഒപ്പിച്ചു​വെ​ച്ചു​കൊണ്ട്‌ പിന്തു​ട​രാൻ പോലും ശ്രമി​ച്ചി​ട്ടു​ണ്ടോ? എങ്കിൽ അത്‌ എളുപ്പ​മ​ല്ലെന്ന്‌ നിങ്ങൾ കണ്ടെത്തി​യി​ട്ടുണ്ട്‌. യഥാർത്ഥ​ത്തിൽ അക്ഷരീ​യ​മാ​യോ ആലങ്കാ​രി​ക​മാ​യോ മറെറാ​രാ​ളു​ടെ കാൽചു​വ​ടു​കളെ അടുത്തു പിന്തു​ട​രു​ന്നത്‌ ഒരു യഥാർത്ഥ വെല്ലു​വി​ളി​യാണ്‌. എന്നിരു​ന്നാ​ലും നാം നമ്മെത്തന്നെ ക്രിസ്‌ത്യാ​നി​ക​ളെന്നു വിളി​ച്ചു​കൊണ്ട്‌ അതുതന്നെ ചെയ്യാൻ, ക്രിസ്‌തു​വി​ന്റെ കാൽചു​വ​ടു​കളെ പിന്തു​ട​രാൻ, ഉള്ള നമ്മുടെ ആഗ്രഹത്തെ നാം സൂചി​പ്പി​ച്ചി​രി​ക്കു​ന്നു.

² ഈ വെല്ലു​വി​ളി​യെ വിജയ​പ്ര​ദ​മാ​യി നേരി​ടു​ന്ന​തി​നുള്ള ശ്രമം ചെലു​ത്താൻ നിങ്ങൾ സന്നദ്ധരാ​ണോ? അതിലു​പരി, എന്തു വന്നാലും, അങ്ങനെ ചെയ്യാൻ നിങ്ങൾ ദൃഢനി​ശ്‌ച​യം​ചെ​യ്‌തി​രി​ക്കുന്നു​വോ? അങ്ങനെ​യെ​ങ്കിൽ അക്ഷരീയ കാൽചു​വ​ടു​കളെ പിന്തു​ട​രു​ന്ന​തി​ന്റെ പ്രയാ​സങ്ങൾ പൂർണ്ണ​മാ​യി മനസ്സി​ലാ​ക്കു​ന്നത്‌ നിങ്ങളെ ക്രിസ്‌തു​വി​ന്റെ ആലങ്കാ​രിക കാൽചു​വ​ടു​കളെ പിന്തു​ട​രു​ന്ന​തിൽ കൂടുതൽ വിജയ​പ്ര​ദ​രാ​ക്കും.

പൊരു​ത്ത​പ്പെ​ടാൻ പഠിക്കുക

3. മറെറാ​രാ​ളു​ടെ കാൽചു​വ​ടു​കളെ പിൻതു​ട​രു​ന്നത്‌ ആദ്യം അസ്വാ​ഭാ​വി​ക​മാ​യി തോന്നു​ന്ന​തെ​ന്തു​കൊണ്ട്‌?

³ ഓരോ​രു​ത്തർക്കും നടപ്പിന്‌ വ്യതി​രി​ക്ത​മായ രീതി​യുണ്ട്‌. ദൃഷ്ടാ​ന്ത​മാ​യി ചുവടു​കൾ തമ്മിലുള്ള ദൈർഘ്യം വ്യക്തി​കൾക്കു തമ്മിൽ വ്യത്യാ​സ​മുണ്ട്‌. ഒരു വ്യക്തി തന്റെ പാദങ്ങൾ വെക്കുന്ന കോണ​ത്തി​ലും വ്യത്യാ​സ​മുണ്ട്‌. അയാളു​ടെ പെരു​വി​ര​ലു​കൾ നേരേ മുമ്പോ​ട്ടു ചൂണ്ടി​യേ​ക്കാം, അല്ലെങ്കിൽ ഒരു കോണ​ത്തിൽ അവ അകത്തോ​ട്ടോ പുറ​ത്തോ​ട്ടോ തിരി​ഞ്ഞി​രി​ക്കാം. സാദ്ധ്യ​ത​യ​നു​സ​രിച്ച്‌ ഒരു പാദത്തിന്‌ മറേറ​തി​ലും കൂടുതൽ തിരി​വു​മു​ണ്ടാ​കാം. വെല്ലു​വി​ളി നിങ്ങൾ തിരി​ച്ച​റി​യു​ന്നു​ണ്ടോ? മറെറാ​രാ​ളു​ടെ കാൽചു​വ​ടു​കൾ അടുത്തു പിന്തു​ട​രു​ന്ന​തിന്‌ നിങ്ങൾ പാദങ്ങൾ വെക്കു​ന്ന​തി​ന്റെ അകലവും പാദസ്ഥാ​ന​വും മറേറ​യാ​ളി​ന്റേ​തി​നോ​ടു പൊരു​ത്ത​പ്പെ​ടു​ത്തണം. ആദ്യം ഇത്‌ അസ്വാ​ഭാ​വി​ക​മാ​യി തോന്നും, എന്നാൽ അതു ചെയ്യേ​ണ്ടി​യി​രി​ക്കു​ന്നു. മററു പോം​വ​ഴി​യില്ല.

4. യേശു​വി​ന്റെ കാൽചു​വ​ടു​കളെ പിന്തു​ട​രു​ന്നത്‌ ഒരു പ്രത്യേക വെല്ലു​വി​ളി​യാ​യി​രി​ക്കു​ന്ന​തെ​ന്തു​കൊണ്ട്‌?

⁴ ആലങ്കാ​രി​ക​മാ​യി പറഞ്ഞാൽ ക്രിസ്‌തു​വി​ന്റെ നടപ്പിന്റെ രീതി അനുപ​മ​മാ​യി​രു​ന്നു, എന്തു​കൊ​ണ്ടെ​ന്നാൽ അവന്റെ സമകാ​ലീ​ന​രു​ടെ ഇടയിൽ അവൻ മാത്രമേ “പാപം അറിയാത്ത” ഒരു പൂർണ്ണ​മ​നു​ഷ്യ​നാ​യി​ട്ടു​ണ്ടാ​യി​രു​ന്നു​ള്ളു. (2 കൊരി​ന്ത്യർ 5:21) മനുഷ്യർ പ്രകൃ​ത്യാ അപൂർണ്ണ​രായ പാപി​ക​ളാ​യ​തു​കൊണ്ട്‌ യേശു​വി​ന്റെ കാൽചു​വ​ടു​ക​ളി​ലുള്ള നടപ്പ്‌ അവരുടെ സാധാരണ നടപ്പു​രീ​തി​യല്ല. പൗലോസ്‌ കൊരി​ന്തി​ലെ ക്രിസ്‌ത്യാ​നി​കളെ ഇത്‌ ഓർപ്പി​ച്ചു​കൊണ്ട്‌ പറഞ്ഞു: “എന്തെന്നാൽ നിങ്ങൾ ഇപ്പോ​ഴും ജഡിക​രാണ്‌. എന്തെന്നാൽ നിങ്ങളു​ടെ ഇടയിൽ അസൂയ​യും പിണക്ക​വു​മു​ള്ള​തു​കൊണ്ട്‌ നിങ്ങൾ ജഡിക​രും മനുഷ്യ​രെ​പ്പോ​ലെ നടക്കു​ന്ന​വ​രു​മ​ല്ല​യോ?” അസൂയ​ക്കും പിണക്ക​ത്തി​നു​മുള്ള പ്രവണത, “ജഡത്തിന്റെ പ്രവൃ​ത്തി​കൾ,” അപൂർണ്ണ​മ​നു​ഷ്യർക്കു സാധാ​ര​ണ​മാണ്‌. എന്നാൽ യേശു സ്‌നേ​ഹ​ത്തി​ന്റെ വഴിയിൽ നടന്നു, “സ്‌നേഹം അസൂയ​യു​ള്ളതല്ല, . . . പ്രകോ​പി​ത​മാ​കു​ന്നില്ല.” അതു​കൊണ്ട്‌ ക്രിസ്‌തു​വി​ന്റെ കാൽചു​വ​ടു​ക​ളി​ലുള്ള നടപ്പ്‌ കേവലം ഒരു അപൂർണ്ണ​മ​മ​നു​ഷ്യ​ന്റെ കാൽചു​വ​ടു​ക​ളി​ലുള്ള നടപ്പി​നെ​ക്കാൾ വലിയ വെല്ലു​വി​ളി​യാണ്‌.—1 കൊരി​ന്ത്യർ 3:3; 13:4, 5; ഗലാത്യർ 5:19, 20; എഫേസ്യർ 5:2, 8 കൂടെ കാണുക.

5, 6. (എ) അനേകർ ക്രിസ്‌തു​വി​ന്റെ കാൽചു​വ​ടു​കളെ പിൻതു​ട​രു​ന്ന​തിൽ പരാജ​യ​പ്പെ​ട്ടി​രി​ക്കു​ന്ന​തെ​ന്തു​കൊണ്ട്‌, എന്തു ബുദ്ധി​യു​പ​ദേശം നൽകാൻ ഇത്‌ പൗലോ​സി​നെ നയിച്ചു? (ബി) ഇന്ന്‌ ആളുകൾ ക്രിസ്‌തു​വി​ന്റെ കാൽചു​വ​ടു​ക​ളിൽ നടക്കാൻ പ്രോൽസാ​ഹി​പ്പി​ക്ക​പ്പെ​ടു​ന്ന​തെ​ങ്ങനെ, അവർക്ക്‌ എന്തു ഫലമു​ണ്ടാ​കു​ന്നു?

⁵ അപൂർണ്ണ​തക്കു പുറമേ, ദൈ​വേ​ഷ്ടത്തെ സംബന്ധിച്ച അജ്ഞതയും ക്രിസ്‌തു​വി​ന്റെ കാൽചു​വ​ടു​ക​ളിൽ നടക്കു​ന്ന​തിൽനിന്ന്‌ ഒരു വ്യക്തിയെ തടഞ്ഞേ​ക്കാം. “ജനതകൾ തങ്ങളി​ലുള്ള അജ്ഞതനി​മി​ത്തം, മാനസി​ക​മാ​യി ഇരുട്ടി​ലാ​യി​രി​ക്കവേ, അവരുടെ ഹൃദയ​ങ്ങ​ളു​ടെ സംവേ​ദ​ന​മി​ല്ലായ്‌മ നിമിത്തം, ദൈവ​ത്തി​ന്റേ​തായ ജീവനിൽനിന്ന്‌ അന്യ​പ്പെട്ട്‌ തങ്ങളുടെ മനസ്സിന്റെ നിഷ്‌പ്ര​യോ​ജ​ന​ത്വ​ത്തിൽ നടക്കു​ന്ന​തു​പോ​ലെ നടക്കാ​തി​രി​ക്കാൻ” പൗലോസ്‌ എഫേസ്യ ക്രിസ്‌ത്യാ​നി​കളെ ബുദ്ധി​യു​പ​ദേ​ശി​ച്ചു.—എഫേസ്യർ 4:17, 18.

⁶ ദൈ​വോ​ദ്ദേ​ശ്യ​ങ്ങ​ളെ​ക്കു​റി​ച്ചുള്ള അജ്ഞതയിൽ മാനസി​ക​മായ ഇരുട്ടിൽ നിഷ്‌പ്ര​യോ​ജ​ന​ക​ര​ങ്ങ​ളായ ലക്ഷ്യങ്ങൾ തേടുന്ന സംവേ​ദ​ന​മി​ല്ലാത്ത ഹൃദയ​ങ്ങ​ളാൽ പ്രേരി​ത​മാ​യി സാധാ​ര​ണ​രീ​തി​യിൽ നടക്കു​ന്നതു നിർത്താൻ ആളുകൾ ഇന്ന്‌ രാജ്യ​പ്ര​സം​ഗ​വേല മുഖാ​ന്തരം പ്രോൽസാ​ഹി​പ്പി​ക്ക​പ്പെ​ടു​ക​യാണ്‌. ക്രിസ്‌തു​വി​ന്റെ പൂർണ്ണ​ത​യുള്ള ദൃഷ്ടാ​ന്ത​ത്തോട്‌ അനുരൂ​പ​പ്പെ​ടാൻ അവർ പ്രോൽസാ​ഹി​പ്പി​ക്ക​പ്പെ​ടു​ക​യാണ്‌, “അവനോ​ടുള്ള ഐക്യ​ത്തിൽ നടന്നു​കൊ​ണ്ടും” അങ്ങനെ “സകല ചിന്ത​യേ​യും ക്രിസ്‌തു​വി​നോ​ടുള്ള അനുസ​ര​ണ​ത്തിൽ വരുത്താൻ അടിമ​പ്പെ​ടു​ത്തി​ക്കൊ​ണ്ടും”തന്നെ. (കൊ​ലോ​സ്യർ 2:6, 7; 2 കൊരി​ന്ത്യർ 10:5) ഈ വെല്ലു​വി​ളി​യെ നേരി​ടാൻ മനസ്സുള്ള ആളുകൾ തങ്ങളുടെ വിശ്വാ​സ​ത്തിൽ സ്ഥിരീ​ക​രി​ക്ക​പ്പെ​ടു​ന്നു. അവർ ക്രിസ്‌തു നടന്ന വഴിയെ നടക്കു​ന്നതു ശീലമാ​ക്കു​മ്പോൾ അത്‌ അവർക്ക്‌ ക്രമാ​നു​ഗ​ത​മാ​യി എളുപ്പ​മാ​യി​ത്തീ​രു​ന്നു.

7. മിക്ക​പ്പോ​ഴും ഒരു വെല്ലു​വി​ളി​യാ​ണെ​ങ്കി​ലും യേശു​വി​ന്റെ കാൽചു​വ​ടു​കളെ പിന്തു​ട​രുക സാദ്ധ്യ​മാ​ണെ​ന്നു​ള്ള​തിന്‌ നമു​ക്കെ​ന്തു​റ​പ്പുണ്ട്‌?

⁷ എന്നിരു​ന്നാ​ലും അത്‌ മിക്ക​പ്പോ​ഴും ഒരു വെല്ലു​വി​ളി​യാണ്‌. ഒരു പൂർണ്ണ​ജീ​വി​യും ഒരു അപൂർണ്ണ​ജീ​വി​യും തമ്മിലുള്ള വ്യത്യാ​സം വലുതാണ്‌. അതു​കൊണ്ട്‌ അപൂർണ്ണ​സൃ​ഷ്ടി​കൾ ഒരു പൂർണ്ണ​ദൃ​ഷ്ടാ​ന്തത്തെ പിൻതു​ട​രാൻ ശ്രമി​ക്കു​ന്ന​തിന്‌ വലിയ മാററങ്ങൾ വരുത്തണം. ഒരുപക്ഷേ പൈതൃ​ക​ത്താ​ലോ പരിതഃ​സ്ഥി​തി​യാ​ലോ ചില ആളുകൾക്ക്‌ ഒരു ക്രിസ്‌തീയ ജീവി​ത​രീ​തി​യോ​ടു പൊരു​ത്ത​പ്പെ​ടു​ന്നത്‌ മററു​ള്ള​വ​രേ​ക്കാൾ പ്രയാ​സ​മാണ്‌. എന്നാൽ തീവ്ര​ശ്രമം നടത്താൻ യഥാർത്ഥ​ത്തിൽ മനസ്സുള്ള ഏതൊ​രാൾക്കും അതു ചെയ്യാൻ കഴിയു​മെന്ന്‌ യഹോവ നമുക്കു​റപ്പു നൽകുന്നു. “എനിക്കു ബലംനൽകു​ന്നവൻ ഹേതു​വാ​യി എനിക്ക്‌ സകലത്തി​നും ശക്തിയുണ്ട്‌” എന്നു പൗലോസ്‌ പറഞ്ഞു. (ഫിലി​പ്യർ 4:13; 2 കൊരി​ന്ത്യർ 4:7; 12:9 കൂടെ കാണുക.) സകല ക്രിസ്‌ത്യാ​നി​ക​ളെ​യും സംബന്ധിച്ച്‌ അതു സത്യമാണ്‌.

ശ്രദ്ധി​ക്കു​ക

8, 9. (എ) ആരു​ടെ​യെ​ങ്കി​ലും കാൽചു​വ​ടു​കളെ പിന്തു​ട​രു​മ്പോൾ പതറാത്ത ശ്രദ്ധയും ശക്തമായ കേന്ദ്രീ​ക​ര​ണ​വും ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌? (ബി ഏതു ബൈബിൾ ബുദ്ധി​യു​പ​ദേശം അനുസ​രി​ക്കു​ന്നത്‌ യേശു​വി​ന്റെ കാൽചു​വ​ടു​കളെ വിട്ട്‌ നാം അലഞ്ഞു​തി​രി​യു​ന്ന​തി​നെ തടയും?

⁸ നാം എവിടെ ചവിട്ടു​ന്നു​വെന്ന്‌ സൂക്ഷ്‌മ​മാ​യി നോക്കാ​തെ നമുക്ക്‌ അക്ഷരീയ ചുവടു​കളെ പിന്തു​ട​രുക സാദ്ധ്യമല്ല. നമ്മുടെ ചുററും നടക്കുന്ന കാര്യ​ങ്ങ​ളി​ലോ മററു കാര്യ​ങ്ങ​ളി​ലോ ശ്രദ്ധപ​തി​പ്പി​ച്ചു​കൊണ്ട്‌ നമ്മുടെ കണ്ണുകൾ അലഞ്ഞു​തി​രി​യു​ന്നു​വെ​ങ്കിൽ നാം ഏതെങ്കി​ലു​മൊ​രു സമയത്ത്‌ ഒരു തെററായ ചുവടു വെക്കു​ക​തന്നെ ചെയ്യും. പതറൽ കൂടാതെ ശ്രദ്ധി​ക്കു​ക​യും തീവ്ര​മാ​യി കേന്ദ്രീ​ക​രി​ക്കു​ക​യും ചെയ്യാത്ത പക്ഷം നാം പിന്തു​ട​രുന്ന കാൽചു​വ​ടു​ക​ളിൽനിന്ന്‌ നാം മാറി​പ്പോ​കും. അങ്ങനെ എപ്പോ​ഴും ജാഗ്ര​ത​പു​ലർത്തേണ്ട ആവശ്യ​മുണ്ട്‌, വിശേ​ഷിച്ച്‌ പെട്ടെ​ന്നുള്ള ശബ്ദങ്ങളോ അപ്രതീ​ക്ഷിത ശല്യങ്ങ​ളോ ചെയ്യുന്ന ജോലി​യിൽനിന്ന്‌ നമ്മുടെ മനസ്സിനെ അകററി​യേ​ക്കാ​വുന്ന സമയത്ത്‌.—ഇയ്യോബ്‌ 18:10, 11 താരത​മ്യ​പ്പെ​ടു​ത്തുക.

⁹ ഒരു ആലങ്കാ​രിക വിധത്തി​ലും യേശു​വി​ന്റെ കാൽചു​വ​ടു​കളെ പിന്തു​ട​രു​ന്ന​വരെ സംബന്ധിച്ച്‌ ഇത്‌ സത്യമാണ്‌. തങ്ങളുടെ ഹൃദയങ്ങൾ “അതിഭ​ക്ഷ​ണ​ത്താ​ലും ഭാരിച്ച കുടി​യാ​ലും ജീവി​തോൽക്കൺഠ​ക​ളാ​ലും ഭാര​പ്പെ​ടാ​തി​രി​ക്കാൻ” തങ്ങൾക്കു​തന്നെ സൂക്ഷ്‌മ​ശ്ര​ദ്ധ​കൊ​ടു​ക്കാൻ യേശു തന്റെ അനുഗാ​മി​കൾക്ക്‌ മുന്നറി​യി​പ്പു കൊടു​ത്തു. (ലൂക്കോസ്‌ 21:34) യേശു​വി​ന്റെ കാൽചു​വ​ടു​ക​ളിൽനിന്ന്‌ നമ്മുടെ കണ്ണുകളെ നാം മാററാ​നി​ട​യാ​ക്കു​ന്ന​തിന്‌ സാത്താൻ ഈ അനുദിന ശല്യങ്ങളെ ഉപയോ​ഗി​ക്കു​ന്നു. എതിർപ്പ്‌, രോഗം, സാമ്പത്തി​ക​തി​രി​ച്ച​ടി​കൾ, എന്നിങ്ങ​നെ​യുള്ള അപ്രതീ​ക്ഷിത സാഹച​ര്യ​ങ്ങളെ മുത​ലെ​ടു​ത്തു​കൊണ്ട്‌ ജാഗ്ര​ത​യി​ല്ലാ​ത്ത​പ്പോൾ നമ്മെ പിടി​കൂ​ടാൻ സാത്താൻ വേഗത​യു​ള്ള​വ​നാണ്‌. “നാം ഒരിക്ക​ലും ഒഴുകി​പ്പോ​കാ​തി​രി”ക്കുന്നു​വെന്നു തിട്ട​പ്പെ​ടു​ത്താൻ “കേട്ട കാര്യ​ങ്ങൾക്ക്‌ നാം സാധാ​ര​ണ​യിൽ കവിഞ്ഞ ശ്രദ്ധ കൊടു”ക്കണം. മററു വാക്കു​ക​ളിൽ പറഞ്ഞാൽ നാം ക്രിസ്‌തു​വി​ന്റെ കാൽചു​വ​ടു​ക​ളിൽ നമ്മുടെ കണ്ണുകൾ പൂർവ്വാ​ധി​കം സൂക്ഷ്‌മ​മാ​യി കേന്ദ്രീ​ക​രി​ക്കേ​ണ്ട​താണ്‌.—എബ്രായർ 2:1; 1 യോഹ​ന്നാൻ 2:15-17 കൂടെ കാണുക.

വ്യതി​ച​ലി​ക്ക​രുത്‌

10. (എ) കാൽപാ​ടു​ക​ളു​ടെ വ്യത്യ​സ്‌ത​നി​രകൾ പരസ്‌പരം കുറുകെ കടക്കു​മ്പോൾ എന്ത്‌ അപകടം സ്ഥിതി​ചെ​യ്യു​ന്നു? (ബി) ഒരു ആത്മീയാർത്ഥ​ത്തിൽ തെററായ കാൽചു​വ​ടു​കളെ പിന്തു​ട​രു​ന്ന​തി​ന്റെ പരിണ​ത​ഫ​ലങ്ങൾ ഗൗരവ​മു​ള്ള​താ​യി​രി​ക്കു​ന്ന​തെ​ന്തു​കൊണ്ട്‌?

¹⁰ ജനബാ​ഹു​ല്യ​മുള്ള ഒരു കടൽത്തീ​രത്ത്‌ നനവുള്ള മണ്ണിൽ പല കാൽപാ​ടു​ക​ളു​ടെ നിരകൾ ഉണ്ടായി​രി​ക്കാം. പല കാൽപാ​ടു​ക​ളു​ടെ നിരകൾ നാം പിന്തു​ട​രു​ന്ന​തി​നു കുറുകെ കടന്നേ​ക്കാം. പല കാൽപാ​ടു​കൾ കുറഞ്ഞ​പക്ഷം ബാഹ്യ​മാ​യി​ട്ടെ​ങ്കി​ലും ഒരു​പോ​ലെ കാണ​പ്പെ​ട്ടേ​ക്കാം. നാം ശരിയാ​യ​വയെ പിന്തു​ട​രു​ന്നു​വെന്നു തിട്ട​പ്പെ​ടു​ത്തു​ന്നത്‌ എത്ര ജീവൽപ്ര​ധാ​ന​മാണ്‌! അതല്ലെ​ങ്കിൽ നാം തെററായ ദിശയിൽ പോകാൻ വഴി​തെ​റ​റി​ക്ക​പ്പെ​ട്ടേ​ക്കാം. ഒരു ആത്മീയാർത്ഥ​ത്തിൽ ഇതിന്‌ ഗുരു​ത​ര​മായ പരിണ​ത​ഫ​ല​ങ്ങ​ളു​ണ്ടാ​യി​രി​ക്കാം. ശരിയാ​യ​തെന്നു തോന്നു​ന്ന​തെ​ങ്കി​ലും യഥാർത്ഥ​ത്തിൽ ശരിയ​ല്ലാ​ത്ത​തി​നെ പിന്തു​ട​രു​ന്ന​തി​ന്റെ അപകടം ഈ മുന്നറി​യി​പ്പു നൽകുന്ന സദൃശ​വാ​ക്യ​ത്തിൽ പ്രകട​മാ​ക്ക​പ്പെ​ട്ടി​രി​ക്കു​ന്നു: “ഒരു മമനു​ഷ്യ​ന്റെ മുമ്പാകെ ചൊവ്വുള്ള ഒരു വഴി സ്ഥിതി​ചെ​യ്യു​ന്നു, എന്നാൽ പിന്നീട്‌ അതിന്റെ അവസാനം മരണവ​ഴി​ക​ളാണ്‌.”—സദൃശ​വാ​ക്യ​ങ്ങൾ 16:25.

11. പൗലോസ്‌ ആദിമ​ക്രി​സ്‌ത്യാ​നി​കൾക്ക്‌ എന്തു മുന്നറി​യി​പ്പു കൊടു​ത്തു, ഇത്‌ ഇന്ന്‌ ആർക്ക്‌ ദൃഷ്ടാ​ന്തം​വെ​ക്കു​ക​യാ​യി​രു​ന്നു?

¹¹ വളരെ യഥാർത്ഥ​മായ ഈ അപകടം നിമിത്തം ആദിമ ക്രിസ്‌തീയ സഭയിലെ തന്റെ സഹോ​ദ​രൻമാർക്ക്‌ മുന്നറി​യി​പ്പു​കൊ​ടു​ക്കാൻ പൗലോ​സി​നു നിർബ​ന്ധം​തോ​ന്നി: “നിങ്ങളെ ക്രിസ്‌തു​വി​ന്റെ അനർഹ​ദ​യ​യാൽ വിളി​ച്ച​വ​നിൽനിന്ന്‌ നിങ്ങൾ ഇത്ര പെട്ടെന്ന്‌ മറെറാ​രു തരം സുവാർത്ത​യി​ലേക്ക്‌ മാററ​പ്പെ​ടു​ന്ന​തിൽ ഞാൻ അത്ഭുത​പ്പെ​ടു​ന്നു. . . . നിങ്ങൾക്ക്‌ കുഴപ്പം​സൃ​ഷ്‌ടി​ക്കു​ന്ന​വ​രും ക്രിസ്‌തു​വി​നെ​ക്കു​റി​ച്ചുള്ള സുവാർത്തയെ ദുഷി​പ്പി​ക്കാ​നാ​ഗ്ര​ഹി​ക്കു​ന്ന​വ​രു​മായ ചിലരുണ്ട്‌. . . . നിങ്ങൾ സ്വീക​രി​ച്ച​തി​ന​തീ​ത​മാ​യി എന്തെങ്കി​ലും സുവാർത്ത​യാ​യി നിങ്ങ​ളോ​ടു ഘോഷി​ക്കു​ന്നവൻ ആരായാ​ലും അവൻ ശപിക്ക​പ്പെ​ട്ട​വ​നാ​യി​രി​ക്കട്ടെ.” (ഗലാത്യർ 1:6-9) പൗലോ​സി​ന്റെ ദൃഷ്ടാ​ന്ത​ത്തി​ന​നു​യോ​ജ്യ​മാ​യി യഹോ​വ​യു​ടെ സാക്ഷി​ക​ളു​ടെ ഭരണസം​ഘം ഇന്ന്‌ വിശ്വാ​സ​ത്യാ​ഗി​ക​ളെ​ക്കു​റി​ച്ചും കൃത്രി​മ​കാൽപ്പാ​ടു​കൾ വിട്ടേ​ക്കു​ന്ന​വ​രായ കള്ളസ​ഹോ​ദ​രൻമാ​രെ​ക്കു​റി​ച്ചും നമുക്കു മുന്നറി​യി​പ്പു നൽകുന്നു. സത്യ​ക്രി​സ്‌ത്യാ​നി​കൾ ദൈവ​നിർദ്ദേ​ശ​പ്ര​കാ​രം ക്രിസ്‌തു തങ്ങളുടെ മുമ്പാകെ വെച്ച പാതയിൽനി​ന്നു വ്യതി​ച​ലി​ക്കാ​നാ​ഗ്ര​ഹി​ക്കു​ന്നില്ല.—സങ്കീർത്തനം 44:18.

12. (എ) കൃത്രി​മ​കാൽചു​വ​ടു​കൾ പിന്തു​ട​രാൻ വഴി​തെ​റ​റി​ക്ക​പ്പെ​ടു​ന്ന​തൊ​ഴി​വാ​ക്കാൻ 2 തിമൊ​ഥെ​യോസ്‌ 1:13-ന്‌ നമ്മെ എങ്ങനെ സഹായി​ക്കാൻ കഴിയും? (ബി) മററു​തരം സുവാർത്ത​ക​ളു​ടെ സ്വഭാ​വ​മെ​ന്താണ്‌?

¹² ക്രിസ്‌തു​വി​ന്റെ കാൽപാ​ടു​കളെ തിരി​ച്ച​റി​യി​ക്കുന്ന അടയാ​ള​ങ്ങൾക്ക്‌ സൂക്ഷ്‌മ​ശ്രദ്ധ കൊടു​ക്കു​ന്ന​തി​നാൽ നാം വഴി​തെ​റ​റി​ക്ക​പ്പെ​ടു​ന്ന​തൊ​ഴി​വാ​ക്കു​ന്നു. യേശു​വി​നെ​യും അവന്റെ ഉപദേ​ശ​ങ്ങ​ളെ​യും ക്രിസ്‌തീ​യസഭ പ്രവർത്തി​ക്കുന്ന വിധ​ത്തെ​യും കുറി​ച്ചുള്ള സൂക്ഷ്‌മ​മായ അറിവ്‌ “ക്രിസ്‌തു​വി​നെ​ക്കു​റി​ച്ചുള്ള സുവാർത്തയെ ദുഷി​പ്പി​ക്കുന്ന”വരിൽനി​ന്നു നമ്മെ സംരക്ഷി​ക്കുന്ന “ആരോ​ഗ്യാ​വ​ഹ​മായ വചനങ്ങ​ളു​ടെ മാതൃക”യെ തിരി​ച്ച​റി​യാൻ നമ്മെ സഹായി​ക്കു​ന്നു. (2 തിമൊ​ഥെ​യോസ്‌ 1:13) മററു​തരം സുവാർത്തകൾ—യഥാർത്ഥ​ത്തിൽ കൃത്രി​മ​കാൽപ്പാ​ടു​കൾ—ആ സത്യത്തി​ന്റെ മാതൃ​ക​യോ​ടു യോജി​ക്കാ​തി​രി​ക്കു​ന്നു. അവ ചിത്രത്തെ ഏകത്ര കേന്ദ്രീ​ക​രി​ക്കാ​തെ ദുഷി​പ്പി​ക്കു​ന്നു. അടിസ്ഥാന ബൈബിൾ സത്യങ്ങ​ളെ​യും തത്വങ്ങ​ളെ​യും വ്യക്തമാ​ക്കു​ന്ന​തി​നു​പ​കരം അവർ അവക്കു എതിരാ​യതു പറയുന്നു. യഹോ​വ​യു​ടെ സേവന​ത്തി​ലെ വർദ്ധിച്ച പ്രവർത്ത​ന​ത്തി​നു നമ്മെ പ്രോൽസാ​ഹി​പ്പി​ക്കു​ന്ന​തി​നു പകരം അവ മന്ദീഭ​വി​ക്കു​ന്ന​തി​ന​നു​കൂ​ല​മാ​യി വാദി​ക്കു​ന്നു. അവരുടെ സന്ദേശം ക്രിയാ​ത്മ​കമല്ല, അത്‌ യഹോ​വ​യു​ടെ നാമ​ത്തെ​യും സ്ഥാപന​ത്തെ​യും മഹത്വീ​ക​രി​ക്കു​ന്നില്ല. അത്‌ നിഷേ​ധാ​ത്മ​ക​വും കുററം കണ്ടുപി​ടി​ക്കാൻ ദുർവാ​സ​ന​യു​ള്ള​തും വിമർശ​നാ​ത്മ​ക​വു​മാണ്‌. ഏററവും തീർച്ച​യാ​യി നാം പിന്തു​ട​രാ​നാ​ഗ്ര​ഹി​ക്കുന്ന കാൽചു​വ​ടു​കൾ ഇവയല്ല.

ഉചിത​മായ ഗതി​വേഗം നിലനിർത്തു​ക

13. നാം ആരു​ടെ​യെ​ങ്കി​ലും കാൽചു​വ​ടു​കളെ പിന്തു​ട​രു​മ്പോൾ ഗതി​വേഗം ഉൾപ്പെ​ട്ടി​രി​ക്കു​ന്ന​തെ​ങ്ങനെ?

¹³ നാം നടക്കു​മ്പോൾ ചുവടു​ക​ളു​ടെ അകലം നിശ്ചയി​ക്കു​ന്നത്‌ ഭാഗി​ക​മാ​യി നമ്മുടെ നടപ്പിന്റെ വേഗത​യാണ്‌. പൊതു​വേ പറഞ്ഞാൽ നമ്മുടെ നടപ്പിന്റെ വേഗത കൂടു​ന്ന​ത​നു​സ​രിച്ച്‌ ചുവടു​കൾത​മ്മി​ലുള്ള അകലം കൂടുന്നു; സാവധാ​ന​ത്തി​ലാ​കു​ന്ന​ത​നു​സ​രിച്ച്‌ അതു കുറയു​ന്നു. അങ്ങനെ, നമ്മുടെ വേഗതയെ മറെറാ​രാ​ളു​ടേ​തി​നോ​ടു അനു​യോ​ജി​പ്പി​ക്കു​ന്നു​വെ​ങ്കിൽ അയാളു​ടെ അക്ഷരീയ കാൽചു​വ​ടു​കളെ പിന്തു​ട​രു​ന്നത്‌ ഏറെ എളുപ്പ​മാ​യി​രി​ക്കും. അതു​പോ​ലെ, നമ്മുടെ നേതാ​വായ യേശു​ക്രി​സ്‌തു​വി​ന്റെ ആലങ്കാ​രി​ക​കാൽചു​വ​ടു​ക​ളി​ലൂ​ടെ വിജയ​പ്ര​ദ​മാ​യി നടക്കു​ന്ന​തിന്‌ നാം അവന്റെ ഗതി​വേഗം നിലനിർത്തണം.

14. (എ) ഏതു വിധങ്ങ​ളിൽ നാം യേശു​വി​നോ​ടൊ​പ്പം നടക്കാ​തി​രു​ന്നേ​ക്കാം? (ബി) “വിശ്വ​സ്‌ത​നും വിവേ​കി​യു​മായ അടിമയെ”ക്കാൾ വേഗത്തിൽ പോകാൻ ശ്രമി​ക്കു​ന്നത്‌ മൗഢ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹⁴ ക്രിസ്‌തു​വി​ന്റെ ഒപ്പം ഗതി​വേഗം നിലനിർത്താ​ത്ത​തിന്‌ രണ്ടി​ലൊ​ന്നി​നെ അർത്ഥമാ​ക്കാൻ കഴിയും. ഒന്നുകിൽ യഹോ​വ​യു​ടെ ഉദ്ദേശ്യം നിറ​വേ​റ​റു​ന്ന​തിന്‌ യേശു ഉപയോ​ഗി​ക്കുന്ന “വിശ്വ​സ്‌ത​നും വിവേ​കി​യു​മായ അടിമ”യ്‌ക്കു മുമ്പി​ലോ​ടി ഏറെ വേഗത്തിൽ പോകാൻ നാം ശ്രമി​ക്കു​ന്നു, അല്ലെങ്കിൽ ആ ‘അടിമ’യുടെ നിർദ്ദേശം പിന്തു​ട​രു​ന്ന​തിൽ നാം പിന്നോ​ക്കം നിൽക്കു​ന്നു. (മത്തായി 24:45-47) ആദ്യ​ത്തേ​തി​ന്റെ ദൃഷ്ടാ​ന്ത​മെന്ന നിലയിൽ ചില ക്രിസ്‌ത്യാ​നി​കൾ കഴിഞ്ഞ കാലങ്ങ​ളിൽ ആവശ്യ​മു​ള്ള​തെ​ന്നും വൈകി​പ്പോ​യ​തെ​ന്നും അവർ വിചാ​രിച്ച ഉപദേ​ശ​പ​ര​മോ സംഘട​നാ​പ​ര​മോ ആയ മാററങ്ങൾ അല്ലെങ്കിൽ പരിഷ്‌ക്കാ​രങ്ങൾ സംബന്ധിച്ച്‌ അവർ അക്ഷമരാ​യി​ത്തീർന്നി​ട്ടുണ്ട്‌. കാര്യങ്ങൾ വേണ്ടത്ര വേഗത്തിൽ നടക്കു​ന്നി​ല്ലെന്നു വിചാ​രി​ച്ച​തു​കൊണ്ട്‌ ഭഗ്നാശ​രാ​യി അവർ യഹോ​വ​യു​ടെ ജനത്തിൽനി​ന്നു പിൻമാ​റി. എത്ര മൗഢ്യം! എന്തോരു ഹ്രസ്വ​ദൃ​ഷ്‌ടി​യും! മിക്ക​പ്പോ​ഴും അവരെ അസ്വസ്ഥ​രാ​ക്കിയ കാര്യം​തന്നെ പിന്നീട്‌—യഹോ​വ​യു​ടെ തക്കസമ​യത്ത്‌—മാററ​പ്പെ​ട്ടി​ട്ടുണ്ട്‌.—സദൃശ​വാ​ക്യ​ങ്ങൾ 19:2; സഭാ​പ്ര​സം​ഗി 7:8, 9.

15. ദാവീ​ദു​രാ​ജാ​വും യേശു​വും ഉചിത​മായ ഗതി​വേഗം പാലി​ക്കു​ന്ന​തി​ന്റെ നല്ല ദൃഷ്ടാ​ന്ത​ങ്ങ​ളാ​യി​രു​ന്ന​തെ​ങ്ങനെ?

¹⁵ ജ്ഞാനമാർഗ്ഗം കാര്യങ്ങൾ നീങ്ങേണ്ട ഗതി​വേഗം ആജ്ഞാപി​ക്കാൻ ശ്രമി​ക്കു​ന്ന​തി​നു പകരം പ്രവർത്തി​ക്കാൻ യഹോ​വ​ക്കു​വേണ്ടി കാത്തി​രി​ക്കു​ന്ന​താണ്‌. പുരാതന ദാവീ​ദ്‌രാ​ജാവ്‌ ഒരു ശരിയായ ദൃഷ്ടാന്തം വെച്ചു. തനിക്കു രാജത്വം നൽകാ​നുള്ള യഹോ​വ​യു​ടെ തക്ക സമയത്തി​നു മുൻപ്‌ അത്‌ പിടി​ച്ചു​പ​റ​റാ​നുള്ള ഒരു ശ്രമത്തിൽ ശൗൽരാ​ജാ​വി​നെ​തി​രെ ഗൂഢാ​ലോ​ചന നടത്താൻ അവൻ വിസമ്മ​തി​ച്ചു. (1 ശമുവേൽ 24:1-15) അതു​പോ​ലെ​തന്നെ, “ദാവീ​ദു​പു​ത്ര​നായ” യേശു തന്റെ സ്വർഗ്ഗീ​യ​രാ​ജ​ത്വ​ത്തി​ലേക്കു പൂർണ്ണ​മാ​യി പ്രവേ​ശി​ക്കു​ന്ന​തിന്‌ താൻ കാത്തി​രി​ക്കേ​ണ്ടി​വ​രു​മെന്ന്‌ മനസ്സി​ലാ​ക്കി​യി​രു​ന്നു. തനിക്കു ബാധക​മാ​കുന്ന പ്രാവ​ച​നിക വചനം അവനറി​യാ​മാ​യി​രു​ന്നു: “ഞാൻ നിന്റെ ശത്രു​ക്കളെ നിന്റെ പാദങ്ങൾക്ക്‌ ഒരു പീഠ​മെ​ന്ന​പോ​ലെ ആക്കി​വെ​ക്കു​ന്ന​തു​വരെ എന്റെ വലതു​ഭാ​ഗ​ത്തി​രി​ക്കുക.” അതു​കൊണ്ട്‌ ഒരു കൂട്ടം യഹൂദൻമാർ “അവനെ രാജാ​വാ​ക്കാൻ പിടി​കൂ​ടു​ന്ന​തിന്‌” ആഗ്രഹി​ച്ച​പ്പോൾ യേശു പെട്ടെന്നു പിൻമാ​റി. (മത്തായി 21:9; സങ്കീർത്തനം 110:1; യോഹ​ന്നാൻ 6:15) ഏതാണ്ട്‌ 30 വർഷം കഴിഞ്ഞ്‌ എബ്രായർ 10:12, 13 അനുസ​രിച്ച്‌ യേശു പിന്നെ​യും അവന്റെ രാജത്വ​ത്തി​നു​വേണ്ടി കാത്തി​രി​ക്കു​ക​യാ​യി​രു​ന്നു. യഥാർത്ഥ​ത്തിൽ, 1914-ലെ ദൈവ​രാ​ജ്യ​സ്ഥാ​പ​നം​വരെ അതിന്റെ അവകാ​ശ​മുള്ള രാജാ​വെ​ന്ന​നി​ല​യിൽ അവരോ​ധി​ക്ക​പ്പെ​ടു​ന്ന​തി​നു മുൻപ്‌ അവൻ ഏതാണ്ട്‌ 19 നൂററാ​ണ്ടു​ക​ളോ​ളം കാത്തി​രു​ന്നു.

16. (എ) നാം നീങ്ങേ​ണ്ട​തി​ലും സാവധാ​ന​ത്തിൽ എങ്ങനെ നീങ്ങി​യേ​ക്കാ​മെന്ന്‌ ചിത്രീ​ക​രി​ക്കുക. (ബി) യഹോ​വ​യു​ടെ ക്ഷമയുടെ ഉദ്ദേശ്യ​മെന്ത്‌, നാം ക്ഷമയെ ദുരു​പ​യോ​ഗ​പ്പെ​ടു​ത്തു​ന്ന​തി​നെ എങ്ങനെ ഒഴിവാ​ക്കണം?

¹⁶ എന്നിരു​ന്നാ​ലും ഉചിത​മായ വേഗത നിലനിർത്തു​ന്ന​തിൽ പരാജ​യ​പ്പെ​ടു​ന്നത്‌ മന്ദീഭ​വി​ക്കു​ന്ന​തി​നെ, പിന്നോ​ക്കം നിൽക്കു​ന്ന​തി​നെ കൂടെ അർത്ഥമാ​ക്കി​യേ​ക്കാം. അങ്ങനെ, നമ്മുടെ ജീവി​ത​ത്തിൽ മാററങ്ങൾ വരു​ത്തേ​ണ്ട​താ​ണെന്ന്‌ ദൈവ​വ​ചനം സൂചി​പ്പി​ക്കു​മ്പോൾ നാം താമസം​വി​നാ പ്രവർത്തി​ക്കു​ന്നു​വോ? അതോ ദൈവം ക്ഷമയു​ള്ള​വ​നാ​യ​തു​കൊണ്ട്‌ പിന്നീട്‌ കുറേ​ക്കൂ​ടെ എളുപ്പ​മാ​യി​രി​ക്കു​മെന്നു ആശിച്ചു​കൊണ്ട്‌ അങ്ങനെ​യുള്ള മാററങ്ങൾ വരുത്തു​ന്നത്‌ നീട്ടി​വെ​ക്കാ​മെന്ന്‌ നാം വാദി​ക്കു​ന്നു​വോ? യഹോവ ക്ഷമയു​ള്ള​വ​നാ​ണെ​ന്നു​ള്ളതു സത്യം​തന്നെ. എന്നാൽ ഇത്‌ ആവശ്യ​മായ ക്രമീ​ക​ര​ണങ്ങൾ വരുത്തു​ന്ന​തിന്‌ നാം അമാന്തി​ക്കു​ന്ന​തി​നു​വേ​ണ്ടി​യല്ല. പകരം, “ആരും നശിപ്പി​ക്ക​പ്പെ​ടാൻ അവൻ ആഗ്രഹി​ക്കാ​തെ എല്ലാവ​രും അനുതാ​പ​ത്തി​ലെ​ത്താൻ ആഗ്രഹി​ക്കു​ന്ന​തു​കൊണ്ട്‌ അവൻ നിങ്ങ​ളോട്‌ ക്ഷമയു​ള്ള​വ​നാണ്‌.” (2 പത്രോസ്‌ 3:9, 15) അപ്പോൾ, “ഞാൻ ധൃതി​കൂ​ട്ടി, നിന്റെ കൽപ്പനകൾ അനുസ​രി​ക്കാൻ ഞാൻ താമസി​ച്ചില്ല” എന്നു പറഞ്ഞ സങ്കീർത്ത​ന​ക്കാ​രനെ അനുക​രി​ക്കു​ന്നത്‌ എത്രയോ മെച്ചം?—സങ്കീർത്തനം 119:60.

17. ഉചിത​മായ ഗതി​വേഗം നിലനിർത്തു​ന്ന​തിന്‌ രാജ്യ​പ്ര​സം​ഗ​വു​മാ​യി എന്തു ബന്ധമുണ്ട്‌, ഇത്‌ നമ്മോ​ടു​തന്നെ എന്തു ചോദ്യം ചോദി​ക്കു​ന്ന​തി​ലേക്കു നമ്മെ നയിക്കു​ന്നു?

¹⁷ പിന്നോ​ക്കം പോകു​ന്ന​തിൽ രാജ്യ​പ്ര​സം​ഗ​വും ഉൾപ്പെ​ട്ടി​രി​ക്കാം. മത്തായി 25 അനുസ​രിച്ച്‌ യേശു ഇപ്പോൾ “ചെമ്മരി​യാ​ടു​കളെ” “കോലാ​ടു​ക​ളിൽ”നിന്നു വേർതി​രി​ച്ചു​കൊണ്ട്‌ മനുഷ്യ​വർഗ്ഗത്തെ ന്യായം വിധി​ക്കു​ക​യാണ്‌. അധിക​മാ​യും “രാജ്യ​ത്തി​ന്റെ ഈ സുവാർത്ത”യുടെ പ്രസംഗം മുഖേ​ന​യാണ്‌ ഇത്‌ നിർവ​ഹി​ക്ക​പ്പെ​ടു​ന്നത്‌. (മത്തായി 24:14; 25:31-33; വെളി​പ്പാട്‌ 14:6, 7) ഈ വേർതി​രി​ക്കൽ വേല നിർവ​ഹി​ക്കു​ന്ന​തിന്‌ നൽക​പ്പെ​ട്ടി​രി​ക്കുന്ന സമയം അവശ്യം പരിമി​ത​മാണ്‌. (മത്തായി 24:34) ലഭ്യമാ​യി​രി​ക്കുന്ന സമയം അവസാ​ന​ത്തോ​ട​ടു​ക്കു​മ്പോൾ യേശു വേല ത്വരി​ത​പ്പെ​ടു​ത്തു​മെന്ന്‌ നമുക്ക്‌ പ്രതീ​ക്ഷി​ക്കാൻ കഴിയും. അങ്ങനെ ചെയ്യു​മ്പോൾ അവൻ ദൈവ​ത്തി​ന്റെ ഒരു ഉപകര​ണ​മാ​യി പ്രവർത്തി​ക്കു​ക​യാണ്‌. കൂട്ടി​ച്ചേർക്കൽ വേല​യേ​ക്കു​റിച്ച്‌ സംസാ​രി​ക്കവേ അവൻ ഇങ്ങനെ വാഗ്‌ദത്തം ചെയ്യുന്നു: “യഹോ​വ​യായ ഞാൻതന്നെ അതിന്റെ സ്വന്തം സമയത്ത്‌ അതിനെ ത്വരി​ത​പ്പെ​ടു​ത്തും.” (യെശയ്യാവ്‌ 60:22) ദൈവ​പു​ത്രന്റെ കാൽചു​വ​ടു​കളെ അടുത്തു പിൻതു​ട​രുന്ന ദൈവ​ത്തി​ന്റെ സഹപ്ര​വർത്തകർ എന്ന നിലയിൽ നാം നമ്മുടെ ശാരീ​രി​ക​സാ​ഹ​ച​ര്യ​വും തിരു​വെ​ഴു​ത്തു​പ​ര​മായ ഉത്തരവാ​ദി​ത്ത​ങ്ങ​ളും അനുവ​ദി​ക്കുന്ന അളവോ​ളം രാജ്യ​പ്ര​സം​ഗ​ത്തി​ന്റെ ഗതി​വേഗം ത്വരി​ത​പ്പെ​ടു​ത്തു​ന്നു​ണ്ടോ? ദശലക്ഷ​ക്ക​ണ​ക്കിന്‌ യഹോ​വ​യു​ടെ സാക്ഷികൾ അതു ചെയ്യു​ന്നു​ണ്ടെന്ന്‌ വയൽസേവന റിപ്പോർട്ടു​കൾ സൂചി​പ്പി​ക്കു​ന്നു.

അമിത​വി​ശ്വാ​സം ഉപേക്ഷി​ക്കുക, നിരുൽസാ​ഹ​ത്തോ​ടു പോരാ​ടു​ക

18. ഒരു വ്യക്തി അമിതവിശ്വാസമുള്ളവനായേക്കാവുന്നതെന്തുകൊണ്ട്‌, ബൈബിൾ ഈ അപകട​ത്തെ​ക്കു​റിച്ച്‌ എങ്ങനെ മുന്നറി​യി​പ്പു നൽകുന്നു?

¹⁸ മററാ​രു​ടെ​യെ​ങ്കി​ലും കാൽചു​വ​ടു​കളെ പിന്തു​ട​രു​ന്ന​തിൽ നാം എത്ര ദീർഘ​മാ​യി പിടി​ച്ചു​നിൽക്കു​ന്നു​വോ അത്രക്ക്‌ അയാളു​ടെ നടപ്പിന്റെ രീതി നമുക്കു ശീലമാ​കും. എന്നിരു​ന്നാ​ലും നാം അലംഭാ​വ​മു​ള്ള​വ​രാ​യി​ത്തീ​രു​ന്നു​വെ​ങ്കിൽ ഏതെങ്കി​ലു​മൊ​രു സമയത്ത്‌ നാം ഒരു പിഴച്ച ചുവടു വെക്കും. അങ്ങനെ യേശു​വി​ന്റെ ആലങ്കാ​രിക ചുവടു​കളെ പിൻതു​ട​രു​മ്പോൾ നമ്മുടെ സ്വന്തം ശക്തിയി​ലും പ്രാപ്‌തി​ക​ളി​ലും അശ്രദ്ധ​മാ​യി ആശ്രയി​ച്ചു​കൊ​ണ്ടും നാം അവന്റെ പൂർണ്ണ​ത​യുള്ള നടപ്പിൻരീ​തി വശമാ​ക്കി​യെന്നു വിചാ​രി​ച്ചു​കൊ​ണ്ടും അമിത​വി​ശ്വാ​സം പുലർത്തു​ന്ന​തി​ന്റെ അപകടത്തെ നാം തിരി​ച്ച​റി​യേ​ണ്ടി​യി​രി​ക്കു​ന്നു. ലൂക്കോസ്‌ 22:54-62-ൽ രേഖ​പ്പെ​ടു​ത്തി​യി​രി​ക്കുന്ന പത്രോ​സി​ന്റെ അനുഭവം ഒരു കാലോ​ചി​ത​മു​ന്ന​റി​യി​പ്പാ​യി ഉതകുന്നു. അത്‌ 1 കൊരി​ന്ത്യർ 10:12-ന്റെ സത്യത​യെ​യും ദൃഢീ​ക​രി​ക്കു​ന്നു. അത്‌ “നിൽക്കു​ന്നു​വെന്നു വിചാ​രി​ക്കു​ന്നവൻ വീഴാ​തി​രി​ക്കാൻ സൂക്ഷി​ച്ചു​കൊ​ള്ളട്ടെ” എന്നു പറയുന്നു.

19. (എ) വല്ലപ്പോ​ഴും ഓരോ ക്രിസ്‌ത്യാ​നി​ക്കും എന്തു സംഭവി​ക്കു​ന്നു? (യാക്കോബ്‌ 3:2) (ബി) റോമർ 7:19, 24-ലെ പൗലോ​സി​ന്റെ വാക്കു​കളെ എങ്ങനെ വീക്ഷി​ക്കണം?

¹⁹ അപൂർണ്ണത നിമിത്തം ഏതു ക്രിസ്‌ത്യാ​നി​യും വല്ലപ്പോ​ഴു​മൊ​ക്കെ ഒരു തെററായ ചുവടു​വെ​ക്കും. വ്യതി​ച​ലനം മററു​ള്ള​വർക്കു തീരെ ദൃശ്യ​മാ​കാ​ത്ത​വി​ധം നിസ്സാ​ര​മാ​യി​രി​ക്കാം. അല്ലെങ്കിൽ എല്ലാവർക്കും കാണാ​വുന്ന പ്രകട​മായ ഒരു ലക്ഷ്യം​പി​ഴ​യ്‌ക്ക​ലാ​യി​രി​ക്കാം അത്‌. ഏതു വിധമാ​യാ​ലും പൗലോ​സി​ന്റെ സത്യസ​ന്ധ​മായ സമ്മതം ഓർക്കു​ന്നത്‌ എത്ര ആശ്വാ​സ​ക​ര​മാണ്‌: “എന്തെന്നാൽ ഞാൻ ആഗ്രഹി​ക്കുന്ന നൻമ ഞാൻ ചെയ്യു​ന്നില്ല, എന്നാൽ ഞാൻ ആഗ്രഹി​ക്കാത്ത തിൻമ​യാണ്‌ ഞാൻ ചെയ്‌തു​കൊ​ണ്ടി​രി​ക്കു​ന്നത്‌. ഞാൻ അരിഷ്ട​മ​നു​ഷ്യൻ!” (റോമർ 7:19, 24) തീർച്ച​യാ​യും ഈ വാക്കു​കളെ തെററു ചെയ്യു​ന്ന​തി​നുള്ള ഒരു ഒഴിക​ഴി​വാ​യി വീക്ഷി​ക്കേ​ണ്ടതല്ല. പകരം, അവ യേശു​വി​ന്റെ പൂർണ്ണ​ത​യുള്ള ചുവടു​ക​ളിൽ നടക്കു​ന്ന​തി​ന്റെ വെല്ലു​വി​ളി​യെ നേരി​ടു​ന്ന​തി​നുള്ള ശ്രമത്തിൽ പിടി​ച്ചു​നിൽക്കു​ന്ന​തി​നു തങ്ങളെ സഹായി​ച്ചു​കൊണ്ട്‌ അപൂർണ്ണ​ത​ക്കെ​തി​രായ പോരാ​ട്ട​ത്തിൽ അർപ്പി​ത​രായ ക്രിസ്‌ത്യാ​നി​കൾക്കുള്ള ഒരു പ്രോൽസാ​ഹ​ന​മാണ്‌.

20. (എ) സദൃശ​വാ​ക്യ​ങ്ങൾ 24:16 ജീവന്റെ ഓട്ടത്തിൽ നമ്മെ സഹായി​ക്കു​ന്ന​തെ​ങ്ങനെ? (ബി) നാം എന്തു ചെയ്യു​ന്ന​തി​നു ദൃഢനി​ശ്ച​യ​മു​ള്ള​വ​രാ​യി​രി​ക്കണം?

²⁰ “നീതി​മാൻ ഏഴു പ്രാവ​ശ്യം​പോ​ലും വീണേ​ക്കാം, എന്നാൽ അവൻ തീർച്ച​യാ​യും എഴു​ന്നേൽക്കും” എന്ന്‌ സദൃശ​വാ​ക്യ​ങ്ങൾ 24:16 പറയുന്നു. ജീവനു​വേ​ണ്ടി​യുള്ള നമ്മുടെ ഓട്ടത്തിൽ ആരും പിൻവാ​ങ്ങാൻ നിർബ​ന്ധി​ത​രാ​ക​രുത്‌. ഓട്ടം നൂറു വാര ഓട്ടമല്ല, സഹനം ആവശ്യ​മുള്ള മാര​ത്തോൺഓ​ട്ടം​പോ​ലെ ആണ്‌. ഒരു ഹ്രസ്വ​ദൂര ഓട്ടക്കാ​രന്റെ തെററായ അതിനി​സ്സാര ചുവടു​വെ​യ്‌പു​പോ​ലും അയാളെ പരാജ​യ​പ്പെ​ടു​ത്താൻ സകല സാദ്ധ്യ​ത​യു​മുണ്ട്‌. എന്നാൽ മാര​ത്തോൺ ഓട്ടക്കാ​രൻ തട്ടിവീ​ണാൽപോ​ലും എഴു​ന്നേ​ററ്‌ ഓട്ടം പൂർത്തി​യാ​ക്കാൻ സമയമുണ്ട്‌. അതു​കൊണ്ട്‌ വ്യക്തി​പ​ര​മായ ഏതെങ്കി​ലും തെററായ ചുവടു​വെ​യ്‌പ്‌ നിങ്ങൾ “ഞാൻ അരിഷ്‌ട​മ​നു​ഷ്യൻ” എന്നു നിലവി​ളി​ക്കാ​നി​ട​യാ​ക്കു​മ്പോൾ നിങ്ങൾക്ക്‌ തിരികെ വരാൻ പിന്നെ​യും സമയമു​ണ്ടെന്ന്‌ ഓർക്കുക. നിങ്ങൾക്ക്‌ പിന്നെ​യും നിങ്ങളു​ടെ നേതാ​വായ യേശു​ക്രി​സ്‌തു​വി​നോ​ടൊ​പ്പം ചുവടു വെച്ചു​നീ​ങ്ങാൻ അവസര​മുണ്ട്‌. നിരാ​ശക്കു കാരണ​മില്ല! മടുത്തു മാറാൻ കാരണ​മില്ല! ദിവ്യ​സ​ഹാ​യ​ത്തോ​ടെ ‘യേശു​വി​ന്റെ കാൽചു​വ​ടു​കളെ അടുത്തു പിൻതു​ട​രുന്ന’തിന്റെ വെല്ലു​വി​ളി​യെ വിജയ​പ്ര​ദ​മാ​യി നേരി​ടാൻ ദൃഢനി​ശ്ചയം ചെയ്യുക.—1 പത്രോസ്‌ 2:21. (w88 5/1)

യേശു​വി​ന്റെ കാൽചു​വ​ടു​ക​ളിൽ നടക്കുന്ന ഒരു ജനം

“ഞങ്ങൾ അതേ ആത്മാവി​ലാണ്‌ നടന്നത്‌, അല്ലേ? അതേ കാൽചു​വ​ടു​ക​ളിൽത്തന്നെ, അല്ലേ?”—2 കൊരി​ന്ത്യർ 12:18.

1. മിക്ക​പ്പോ​ഴും യഹോ​വ​യു​ടെ സാക്ഷി​ക​ളി​ലൊ​രാ​ളെ തിരി​ച്ച​റി​യുക പ്രയാ​സ​മ​ല്ലാ​ത്ത​തെ​ന്തു​കൊണ്ട്‌?

“ഒരു ജനമെന്ന നിലയിൽ അവർ മര്യാ​ദ​യും ഉത്തരവാ​ദി​ത്ത​വു​മു​ള്ള​വ​രും സ്‌കൂ​ളിൽ സമർത്ഥ​രു​മാണ്‌. മററു സമൂഹ​ങ്ങ​ളെ​ക്കു​റിച്ച്‌ ഇങ്ങനെ പറയാൻ കഴിക​യില്ല.” ഐക്യ​നാ​ടു​ക​ളി​ലെ ഒരു പ്രാഥ​മിക വിദ്യാ​ല​യ​ത്തി​ലെ ഹെഡ്‌ മാസ്‌ററർ പറഞ്ഞതാ​ണിത്‌. അദ്ദേഹം ആരെക്കു​റി​ച്ചാണ്‌ പറഞ്ഞത്‌? യഹോ​വ​യു​ടെ സാക്ഷി​ക​ളു​ടെ കുട്ടി​ക​ളായ തന്റെ സ്‌കൂ​ളി​ലെ വിദ്യാർത്ഥികളായിരുന്നവരെക്കുറിച്ചായിരുന്നു. തീർച്ച​യാ​യും, തങ്ങളുടെ കുട്ടികൾ ഉൾപ്പെടെ യഹോ​വ​യു​ടെ സാക്ഷികൾ ചില വിധങ്ങ​ളിൽ മിക്ക​പ്പോ​ഴും മററു സാക്ഷി​ക​ളോ​ടു സാദൃ​ശ്യം വഹിക്കു​ന്നു​വെന്ന്‌ അനേകർ കണ്ടിട്ടുണ്ട്‌. അവർ വിശ്വാ​സ​ങ്ങ​ളും നടത്തയും സംബന്ധിച്ച്‌ ശ്രദ്ധേ​യ​മാ​യി ഐക്യ​മു​ള്ള​വ​രാ​ണെന്ന്‌ പല വർഷങ്ങൾകൊണ്ട്‌ വളരെ തെളി​വാ​യി​ട്ടുണ്ട്‌. അതു​കൊണ്ട്‌ സാക്ഷി​കളെ തിരി​ച്ച​റി​യുക പ്രയാ​സമല്ല.

2. ആദിമ ക്രിസ്‌തീ​യ​സ​ഭ​യു​ടെ ഒരു സ്വഭാ​വ​ഗു​ണം എന്തായി​രു​ന്നു, പൗലോ​സിന്‌ ഇതുസം​ബ​ന്ധിച്ച്‌ എന്തു പറയാ​നു​ണ്ടാ​യി​രു​ന്നു?

² ഈ അനൈ​ക്യ​മുള്ള ലോക​ത്തിൽ യഹോ​വ​യു​ടെ സാക്ഷി​ക​ളു​ടെ ഐക്യം അസാധാ​ര​ണം​ത​ന്നെ​യാണ്‌. എന്നാൽ അവരെ​ല്ലാം യേശു​വി​ന്റെ കാൽചു​വ​ടു​ക​ളിൽ നടക്കാൻ കഠിന​ശ്രമം ചെയ്യു​ക​യാ​ണെന്ന്‌ നാം ഓർക്കു​ന്നു​വെ​ങ്കിൽ അത്‌ മനസ്സി​ലാ​ക്കാൻ പ്രയാ​സ​മില്ല. (1 പത്രോസ്‌ 2:21) അങ്ങനെ​യുള്ള ഐക്യം ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളു​ടെ ഒരു ലക്ഷണവു​മാ​യി​രു​ന്നു. ഒരു സന്ദർഭ​ത്തിൽ, പൗലോസ്‌ കൊരി​ന്തി​ലെ സഭയെ ഇങ്ങനെ ബുദ്ധി​യു​പ​ദേ​ശി​ച്ചു:“ ഇപ്പോൾ സഹോ​ദ​രൻമാ​രെ, നിങ്ങൾ എല്ലാവ​രും ഐക്യ​ത്തിൽ സംസാ​രി​ക്ക​ണ​മെ​ന്നും നിങ്ങളു​ടെ ഇടയിൽ ഭിന്നത​ക​ളു​ണ്ടാ​യി​രി​ക്കാ​തെ നിങ്ങൾ ഒരേ മനസ്സി​ലും ഒരേ ചിന്താ​ഗ​തി​യി​ലും ഉചിത​മാ​യി ഐക്യ​പ്പെ​ട്ടി​രി​ക്ക​ണ​മെ​ന്നും നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമത്തിൽ ഞാൻ നിങ്ങളെ പ്രബോ​ധി​പ്പി​ക്കു​ന്നു.” (1 കൊരി​ന്ത്യർ 1:10) ക്രിസ്‌തീയ ഐക്യം നിലനിർത്താൻ മനസ്സി​ല്ലാത്ത ആളുക​ളോട്‌ എങ്ങനെ ഇടപെ​ടാ​മെ​ന്നു​ള്ള​തി​നും പൗലോസ്‌ നിശ്വസ്‌ത ബുദ്ധി​യു​പ​ദേശം കൊടു​ത്തു.—റോമർ 16:17; 2 തെസ്സ​ലോ​നീ​ക്യർ 3:6 കാണുക.

3, 4. പൗലോസ്‌ താനും തീത്തോ​സും തമ്മിലു​ണ്ടാ​യി​രുന്ന ഐക്യത്തെ വർണ്ണി​ച്ച​തെ​ങ്ങനെ, ഈ ഐക്യ​ത്തി​ന്റെ അടിസ്ഥാ​നം എന്തായി​രു​ന്നു?

³ ക്രി.വ. 55-ാമാ​ണ്ടോ​ട​ടുത്ത്‌ യഹൂദ്യ​യി​ലെ ദരി​ദ്ര​സ​ഹോ​ദ​ര​ങ്ങൾക്കു​വേണ്ടി ഒരു പണപ്പി​രി​വു നടത്തു​ന്ന​തിൽ സഹായി​ക്കാ​നും ഒരുപക്ഷേ പൗലോ​സി​ന്റെ ബുദ്ധി​യു​പ​ദേ​ശ​ത്തോട്‌ സഭ എങ്ങനെ പ്രതി​ക​രി​ക്കു​ന്നു​വെന്ന്‌ കാണാ​നും​വേണ്ടി പൗലോസ്‌ തിമൊ​ഥെ​യോ​സി​നെ കൊരി​ന്തി​ലേ​ക്ക​യച്ചു. പിന്നീട്‌ കൊരി​ന്ത്യർക്കെ​ഴു​തി​യ​പ്പോൾ പൗലോസ്‌ തീത്തോ​സി​ന്റെ അടുത്ത കാലത്തെ സന്ദർശ​നത്തെ പരാമർശി​ക്കു​ക​യും ഇങ്ങനെ ചോദി​ക്കു​ക​യും ചെയ്‌തു: “തീത്തോസ്‌ നിങ്ങളിൽനിന്ന്‌ അശേഷം മുത​ലെ​ടു​ത്തില്ല, എടുത്തോ? ഞങ്ങൾ അതേ ആത്മാവി​ലാണ്‌ നടന്നത്‌, അല്ലേ? അതേ കാൽചു​വ​ടു​ക​ളിൽത്തന്നെ, അല്ലേ?” (2 കൊരി​ന്ത്യർ 12:18) അവരുടെ “അതേ ആത്മാവി​ലും” “അതേ കാൽചു​വ​ടു​ക​ളി​ലും” അവർ നടന്നു​വെ​ന്ന​തി​നാൽ പൗലോസ്‌ എന്താണർത്ഥ​മാ​ക്കി​യത്‌?

⁴ അവൻ തനിക്കും തീത്തോ​സി​നും ഇടയി​ലു​ണ്ടാ​യി​രുന്ന ഐക്യ​ത്തെ​ക്കു​റി​ച്ചു പറയു​ക​യാ​യി​രു​ന്നു. തീത്തോസ്‌ പൗലോ​സി​നോ​ടു​കൂ​ടെ വല്ലപ്പോ​ഴു​മൊ​ക്കെ സഞ്ചാര​കൂ​ട്ടാ​ളി​യാ​യി പ്രവർത്തി​ക്കു​ന്ന​വ​നാ​യി​രു​ന്നു. അവൻ ഈ വിധത്തിൽ പൗലോ​സിൽനിന്ന്‌ വളരെ​യ​ധി​കം പഠിച്ചി​രു​ന്നു​വെ​ന്ന​തിന്‌ സംശയ​മില്ല. എന്നാൽ രണ്ടു​പേ​രും തമ്മിലു​ണ്ടാ​യി​രുന്ന ഐക്യം അതി​നെ​ക്കാൾ ശക്തമായ ഒന്നിൽ അധിഷ്‌ഠി​ത​മാ​യി​രു​ന്നു. അത്‌ യഹോ​വ​യോ​ടുള്ള അവരുടെ നല്ല ബന്ധത്തി​ലും അവർ ഇരുവ​രും ക്രിസ്‌തു​വി​ന്റെ പാദാ​നു​ഗാ​മി​ക​ളാ​യി​രു​ന്നു​വെന്ന വസ്‌തു​ത​യി​ലും അധിഷ്‌ഠി​ത​മാ​യി​രു​ന്നു. പൗലോസ്‌ ക്രിസ്‌തു​വി​നെ അനുക​രി​ച്ച​തു​പോ​ലെ​തന്നെ തീത്തോസ്‌ പൗലോ​സി​നെ അനുക​രി​ച്ചു. (ലൂക്കോസ്‌ 6:40; 1 കൊരി​ന്ത്യർ 11:1) അതു​കൊണ്ട്‌ അവർ നടന്നത്‌ യേശു​വി​ന്റെ ആത്മാവി​ലും അവന്റെ കാൽചു​വ​ടു​ക​ളി​ലു​മാ​യി​രു​ന്നു.

5. ഇന്ന്‌ പൗലോ​സി​നെ​യും തീത്തോ​സി​നെ​യും അനുക​രി​ക്കു​ന്നവർ “അതേ ആത്മാവി​ലും” “അതേ കാൽചു​വ​ടു​ക​ളി​ലും” നടക്കു​മ്പോൾ അവരിൽനിന്ന്‌ എന്തു പ്രതീ​ക്ഷി​ക്കാൻ കഴിയും?

⁵ ആ സ്ഥിതിക്ക്‌, പൗലോ​സി​നെ​യും തീത്തോ​സി​നെ​യും പോലെ “അതേ ആത്മാവി​ലും” “അതേ കാൽചു​വ​ടു​ക​ളി​ലും” നടക്കുന്ന ഈ 20-ാം നൂററാ​ണ്ടി​ലെ ക്രിസ്‌ത്യാ​നി​കൾ ഒരു അതുല്യ​മായ ഐക്യം ആസ്വദി​ക്കു​ന്നത്‌ ആശ്‌ച​ര്യ​മല്ല. യഥാർത്ഥ​ത്തിൽ, നാമധേയ ക്രിസ്‌ത്യാ​നി​ക​ളു​ടെ അനൈ​ക്യം അവർ അനുഗ​മി​ക്കു​ന്ന​താ​യി അവകാ​ശ​പ്പെ​ടുന്ന നായകന്റെ കാൽചു​വ​ടു​ക​ളിൽ നടക്കാത്ത കപട​ക്രി​സ്‌ത്യാ​നി​ക​ളാ​ണ​വ​രെന്ന്‌ വെളി​പ്പെ​ടു​ത്തു​ന്നു. (ലൂക്കോസ്‌ 11:17) സത്യ​ക്രി​സ്‌ത്യാ​നി​ക​ളും നാമധേയ ക്രിസ്‌ത്യാ​നി​ക​ളും തമ്മിലുള്ള ഈ ശ്രദ്ധേ​യ​മായ വ്യത്യാ​സത്തെ വിവിധ വിധങ്ങ​ളിൽ ചിത്രീ​ക​രി​ക്കാൻ കഴിയും. നമുക്ക്‌ നാലു വിധങ്ങൾ പറയാം.

രക്തത്തിന്റെ പവിത്രത

6, 7. (എ) യേശു​വി​ന്റെ കാൽചു​വ​ടു​ക​ളിൽ നടക്കു​ന്ന​തിൽ രക്തത്തെ​സം​ബ​ന്ധിച്ച ഏതു ശരിയായ വീക്ഷണം ഉൾപ്പെ​ട്ടി​രി​ക്കു​ന്നു? (ബി) യഹോ​വ​യു​ടെ സാക്ഷി​ക​ളും ഇന്ന്‌ രക്തം സ്വീക​രി​ക്കാൻ വിസമ്മ​തി​ക്കുന്ന മററു​ള്ള​വ​രും തമ്മിലുള്ള വ്യത്യാ​സ​മെന്ത്‌?

⁶ ക്രി.വ. 49-ാം വർഷ​ത്തോ​ട​ടുത്ത്‌ ഒന്നാം നൂററാ​ണ്ടി​ലെ സഭയുടെ ഭരണസം​ഘം യഹൂ​ദേ​ത​ര​ക്രി​സ്‌ത്യാ​നി​കൾ മോശ​യു​ടെ ന്യായ​പ്ര​മാ​ണം അനുസ​രി​ക്ക​ണ​മോ എന്ന ചോദ്യ​ത്തി​നു​ത്ത​രം​കൊ​ടുത്ത ഒരു എഴുത്ത്‌ എല്ലായി​ട​ത്തേ​ക്കും അയച്ചു. എഴുത്തിൽ ഇങ്ങനെ പറഞ്ഞി​രു​ന്നു: “വിഗ്ര​ഹ​ങ്ങൾക്ക്‌ ബലിയർപ്പിച്ച വസ്‌തു​ക്ക​ളിൽനി​ന്നും രക്തത്തിൽനി​ന്നും ശ്വാസം​മു​ട്ടി​ച്ചു​കൊ​ന്ന​വ​യിൽനി​ന്നും ദുർവൃ​ത്തി​യിൽനി​ന്നും ഒഴിഞ്ഞി​രി​ക്കുക എന്ന ഈ അവശ്യ​കാ​ര്യ​ങ്ങ​ള​ല്ലാ​തെ കൂടു​ത​ലായ ഭാരം നിങ്ങളു​ടെ മേൽ ചുമത്താ​തി​രി​ക്കു​ന്ന​തി​നെ പരിശു​ദ്ധാ​ത്‌മാ​വും ഞങ്ങൾത​ന്നെ​യും അനുകൂ​ലി​ച്ചി​രി​ക്കു​ന്നു.” (പ്രവൃ​ത്തി​കൾ 15:28, 29) “അവശ്യ​കാ​ര്യ​ങ്ങ​ളിൽ” രക്തവർജ്ജ​ന​വും ഉൾപ്പെ​ട്ടി​രു​ന്നു​വെന്ന്‌ കുറി​ക്കൊ​ള്ളുക. യേശു​വി​ന്റെ കാൽചു​വ​ടു​ക​ളിൽ നടക്കു​ന്നത്‌ വായി​ലൂ​ടെ​യോ മറേറ​തെ​ങ്കി​ലും വിധത്തി​ലോ രക്തം ശരീര​ത്തി​ലേക്ക്‌ സ്വീക​രി​ക്കാ​തി​രി​ക്കു​ന്ന​തി​നെ അർത്ഥമാ​ക്കും.

⁷ രക്തപ്പകർച്ച നടത്തുന്ന നടപടി മുഖേന ഈ തത്വം ക്രൈ​സ്‌ത​വ​ലോ​ക​ത്തിൽ ഗുരു​ത​ര​മാ​യി ലംഘി​ക്ക​പ്പെ​ട്ടി​രി​ക്കു​ക​യാണ്‌. അടുത്ത സംവത്സ​ര​ങ്ങ​ളിൽ നിരവധി വ്യക്തികൾ രക്തപ്പകർച്ച​ക​ളു​ടെ ആരോ​ഗ്യ​പ​ര​മായ അപകട​ങ്ങ​ളെ​ക്കു​റിച്ച്‌ അറിവു​ള്ള​വ​രാ​യി വൈദ്യ​ശാ​സ്‌ത്ര​പ​ര​മായ കാരണ​ങ്ങ​ളാൽ അവക്ക്‌ വിസമ്മ​തി​ച്ചി​രി​ക്കു​ന്നു​വെ​ന്നത്‌ സത്യം​തന്നെ. കുത്തി​വെ​ക്ക​പ്പെട്ട രക്തത്തിൽനിന്ന്‌ അനേകർക്ക്‌ എയിഡ്‌സ്‌ ബാധി​ച്ച​തു​കൊണ്ട്‌ ഇത്‌ വിശേ​ഷാൽ സത്യമാണ്‌. എന്നാൽ ദൈവ നിയമ​ത്തോ​ടുള്ള ആദരവു നിമിത്തം ഒരു സമൂഹ​മെന്ന നിലയിൽ രക്തത്തിന്റെ പവി​ത്ര​തയെ മുറുകെ പിടി​ക്കു​ന്നത്‌ ആരാണ്‌? ഒരു രോഗി രക്തപ്പകർച്ചക്കു വിസമ്മ​തി​ക്കു​മ്പോൾ ഡോക്ടർ സ്വതേ അയാൾ ആരാ​ണെ​ന്നാണ്‌ വിചാ​രി​ക്കു​ന്നത്‌? ‘നിങ്ങൾ യഹോ​വ​യു​ടെ സാക്ഷി​ക​ളിൽ ഒരാളാ​യി​രി​ക്കണം’ എന്ന്‌ സാധാ​ര​ണ​യാ​യി ഡോക്ടർ പറയാ​റി​ല്ലേ?

8. ഇററലി​യി​ലെ ഒരു സാക്ഷി ഈ കാര്യ​ത്തി​ലെ ദൈവ​നി​യമം അനുസ​രി​ക്കാൻ ദൃഢനി​ശ്ചയം ചെയ്‌ത​തു​കൊണ്ട്‌ എങ്ങനെ അനു​ഗ്ര​ഹി​ക്ക​പ്പെട്ടു?

⁸ അന്റോ​ണി​യെ​ററാ ഇററലി​യി​ലാണ്‌ ജീവി​ക്കു​ന്നത്‌. ഏതാണ്ട്‌ എട്ടു വർഷം​മുൻപ്‌ അവൾക്ക്‌ കലശലായ രോഗം ബാധിച്ചു. അവളുടെ രക്തത്തിന്റെ കൗണ്ട്‌ വളരെ കുറവാ​യി​രു​ന്ന​തി​നാൽ അവളുടെ ജീവനെ രക്ഷിക്കാൻ രക്തപ്പകർച്ചകൾ ആവശ്യ​മാ​ണെന്ന്‌ ഡോക്ടർമാർ ശഠിച്ചു. അവൾ വിസമ്മ​തി​ച്ചു. ഡോക്ടർമാ​രും ബന്ധുക്ക​ളും എതിർത്തു. അവളുടെ രണ്ട്‌ ആൺകു​ട്ടി​കൾ പോലും: “മമ്മീ, മമ്മി ഞങ്ങളെ യഥാർത്ഥ​ത്തിൽ സ്‌നേ​ഹി​ക്കു​ന്നു​ണ്ടെ​ങ്കിൽ രക്തം സ്വീക​രി​ക്കുക” എന്നു അഭ്യർത്ഥി​ച്ചു. എന്നാൽ അന്റോ​ണി​യെ​ററാ വിശ്വ​സ്‌ത​യാ​യി നില​കൊ​ള്ളാൻ ദൃഢനി​ശ്ചയം ചെയ്‌തി​രു​ന്നു. സന്തോ​ഷ​ക​ര​മെന്നു പറയട്ടെ, അവൾ മരിച്ചില്ല. അപ്പോ​ഴും അവളുടെ അവസ്ഥ വളരെ ഗുരു​ത​ര​മാ​യി​രു​ന്ന​തു​കൊണ്ട്‌ “അവൾ ഇപ്പോ​ഴും ജീവി​ച്ചി​രി​ക്കു​ന്ന​തി​ന്റെ കാരണം ഞങ്ങൾക്ക്‌ വിശദീ​ക​രി​ക്കാ​നാ​വില്ല” എന്നു ഒരു ഡോക്ടർ പറഞ്ഞു. എന്നാൽ അവൾക്ക്‌ വിരോ​ധ​മി​ല്ലാത്ത ഒരു ചികിൽസ തുടങ്ങി​യ​പ്പോൾ അവൾക്ക്‌ അതിസ​ത്വ​ര​മായ പുരോ​ഗ​തി​യു​ണ്ടാ​യ​തു​കൊണ്ട്‌ മറെറാ​രു ഡോക്ടർ “എനിക്ക്‌ വിശ്വ​സി​ക്കാൻ കഴിയു​ന്നില്ല—പകൽ മുഴുവൻ ഞങ്ങൾ നിങ്ങളി​ലേക്ക്‌ രക്തം പമ്പു​ചെ​യ്‌തി​രു​ന്നാ​ലും ഇത്ര ചുരു​ങ്ങിയ സമയം കൊണ്ട്‌ നിങ്ങൾക്ക്‌ സുഖം​പ്രാ​പി​ക്കാൻ കഴിയു​മാ​യി​രു​ന്നില്ല” എന്നു പറഞ്ഞു. ഇപ്പോൾ അവൾ ഒരു നിരന്തര പയനി​യ​റാണ്‌, അവളുടെ 12-ഉം 14-ഉം വയസ്സുള്ള രണ്ടു പുത്രൻമാർ സത്യത്തിൽ നല്ല പുരോ​ഗതി വരുത്തി​ക്കൊ​ണ്ടി​രി​ക്കു​ന്നു. അന്റോ​ണി​യെ​ററാ സധീരം ആ ‘അവശ്യ​സം​ഗതി’, രക്തത്തിന്റെ പവിത്രത, പാലിച്ചു. യഹോ​വ​യു​ടെ സാക്ഷി​ക​ളെ​ല്ലാം യേശു​വി​ന്റെ കാൽചു​വ​ടു​ക​ളിൽ നടക്കു​മ്പോൾ ഇതേ വീക്ഷണം പുലർത്തു​ന്നു.

നല്ല സൻമാർഗ്ഗ​നി​ഷ്‌ഠകൾ

9. യേശു​വി​ന്റെ കാൽചു​വ​ടു​കളെ പിൻതു​ട​രു​ന്ന​തിൽ ഉൾപ്പെ​ട്ടി​രി​ക്കുന്ന മറെറാ​രു ‘അവശ്യ​സം​ഗതി’ എന്താണ്‌, ഇത്‌ അനുസ​രി​ക്കാ​ത്ത​വർക്ക്‌ എന്തു സംഭവി​ക്കു​ന്നു?

⁹ ഒന്നാം നൂററാ​ണ്ടി​ലെ ഭരണസം​ഘ​ത്തിൽനി​ന്നുള്ള ആ എഴുത്തിൽ ഊന്നി​പ്പ​റ​ഞ്ഞി​രുന്ന മറെറാ​രു ‘അവശ്യ​സം​ഗതി’ “ദുർവൃ​ത്തി​യിൽനിന്ന്‌ ഒഴിഞ്ഞി​രി​ക്കുക” എന്നതാ​യി​രു​ന്നു. പൗലോസ്‌ കൊരി​ന്ത്യർക്കുള്ള തന്റെ ഒന്നാമത്തെ ലേഖന​ത്തിൽ ഇതിനെ വിപു​ലീ​ക​രി​ച്ചു​കൊണ്ട്‌ ഇങ്ങനെ പറഞ്ഞു: “ദുർവൃ​ത്ത​രോ വിഗ്ര​ഹാ​രാ​ധി​ക​ളോ വ്യഭി​ചാ​രി​ക​ളോ പ്രകൃ​തി​വി​രുദ്ധ ഉദ്ദേശ്യ​ങ്ങൾക്കു​വേണ്ടി സൂക്ഷി​ക്ക​പ്പെ​ടുന്ന പുരു​ഷൻമാ​രോ പുരു​ഷൻമാ​രോ​ടു​കൂ​ടെ ശയിക്കുന്ന പുരു​ഷൻമാ​രോ . . . ദൈവ​രാ​ജ്യം അവകാ​ശ​മാ​ക്കു​ക​യില്ല.” (1 കൊരി​ന്ത്യർ 6:9, 10) ഈ അശുദ്ധ​ന​ട​പ​ടി​ക​ളിൽനിന്ന്‌ പിൻമാ​റാൻ യഹോ​വയെ സേവി​ക്കാ​നാ​ഗ്ര​ഹി​ക്കുന്ന ആളുകളെ ക്രിസ്‌ത്യാ​നി​കൾ സഹായി​ക്കു​ന്നു. അവയാൽ കുരു​ങ്ങി​പ്പോ​കുന്ന സഭാം​ഗങ്ങൾ പോലും തിരി​ഞ്ഞു​വ​രി​ക​യും അനുത​പി​ക്കു​ക​യും ചെയ്യു​ന്നു​വെ​ങ്കിൽ തങ്ങളേ​ത്തന്നെ ശുദ്ധീ​ക​രി​ക്കാൻ സഹായി​ക്ക​പ്പെ​ടു​ന്നു. (യാക്കോബ്‌ 5:13-15) എന്നാൽ ഏതെങ്കി​ലും ക്രിസ്‌ത്യാ​നി അത്തരം മലിന​ന​ട​പ​ടി​ക​ളിൽ ഏർപ്പെ​ടു​ക​യും അനുത​പി​ക്കാൻ വിസമ്മ​തി​ക്കു​ക​യും ചെയ്യു​ന്നു​വെ​ങ്കിൽ വളച്ചു​കെ​ട്ടി​ല്ലാത്ത ഒരു ബൈബിൾചട്ടം ബാധക​മാ​കു​ന്നു. പൗലോസ്‌ ഇങ്ങനെ പറയാൻ ദിവ്യ​നി​ശ്വ​സ്‌ത​നാ​യി: “ഒരു സഹോ​ദ​ര​നെന്നു വിളി​ക്ക​പ്പെ​ട്ട​വ​നാ​യി . . . ദുർവൃ​ത്ത​നായ ഏതൊ​രു​വ​നോ​ടും സംസർഗ്ഗം നിർത്തുക. ആ ദുഷ്ടനെ നിങ്ങളു​ടെ ഇടയിൽനിന്ന്‌ നീക്കി​ക്ക​ള​യുക.”—1 കൊരി​ന്ത്യർ 5:11, 13.

10, 11. (എ) ക്രൈ​സ്‌ത​വ​ലോ​ക​ത്തി​ലെ അധഃപ​തിച്ച ധാർമ്മി​ക​പ്ര​മാ​ണ​ങ്ങൾക്ക്‌ ഉത്തരവാ​ദി​ത്തം വഹി​ക്കേ​ണ്ട​താര്‌, എന്തു​കൊണ്ട്‌? (ബി) ഒരു സമൂഹ​മെന്ന നിലയിൽ യഹോ​വ​യു​ടെ സാക്ഷികൾ ഉയർന്ന ധാർമ്മിക പ്രമാ​ണങ്ങൾ പാലി​ക്കു​ന്നു​ണ്ടെന്ന്‌ ഫിലി​പ്പീൻസി​ലെ ഒരു മമനു​ഷ്യ​ന്റെ അനുഭവം പ്രകട​മാ​ക്കു​ന്ന​തെ​ങ്ങനെ?

¹⁰ ഈ വ്യക്തമായ ഉപദേശം ഉണ്ടായി​രു​ന്നി​ട്ടും ക്രൈ​സ്‌ത​വ​ലോ​ക​ത്തിൽ ദുർമ്മാർഗ്ഗം നിറഞ്ഞി​രി​ക്കു​ക​യാണ്‌. ഈ അവസ്ഥയ്‌ക്ക്‌ കുററ​പ്പെ​ടു​ത്തേ​ണ്ടത്‌ ദിവ്യ​പ്ര​മാ​ണ​ങ്ങ​ളിൽ വെള്ളം ചേർക്കുന്ന വൈദി​ക​രെ​യും അതു​പോ​ലെ​തന്നെ ബൈബിൾപ്ര​മാ​ണ​ങ്ങൾക്ക്‌ അധര​സേ​വ​യർപ്പി​ക്കു​ക​യും എന്നാൽ തങ്ങളുടെ സഭകളിൽ അവയെ സധീരം പ്രാബ​ല്യ​ത്തി​ലാ​ക്കു​ന്ന​തിൽ പരാജ​യ​പ്പെ​ടു​ക​യും ചെയ്യു​ന്ന​വ​രെ​യു​മാണ്‌. എന്നിരു​ന്നാ​ലും, ഇതിലും യഹോ​വ​യു​ടെ സാക്ഷികൾ ഒരു ജനമെ​ന്ന​നി​ല​യിൽ യേശു​വി​ന്റെ കാൽചു​വ​ടു​ക​ളിൽ നടക്കുന്നു.

¹¹ ഫിലി​പ്പീൻസിൽനി​ന്നുള്ള ജോസി​ന്റെ കാര്യം പരിചി​ന്തി​ക്കുക. 17-ാം വയസ്സിൽത്തന്നെ അവൻ കുഴപ്പ​ക്കാ​ര​നും ചൂതു​ക​ളി​ക്കാ​ര​നു​മാ​യി അറിയ​പ്പെട്ടു. അവൻ മിക്ക​പ്പോ​ഴും കുടിച്ചു മത്തനാ​യി​ത്തീ​രു​ക​യും ഒരു ദുർമ്മാർഗ്ഗ​ജീ​വി​തം നയിക്കു​ക​യും ചെയ്‌തി​രു​ന്നു. മോഷണം നിമിത്തം കൂടെ​ക്കൂ​ടെ ജയിലി​ലും പോകു​മാ​യി​രു​ന്നു. അങ്ങനെ​യി​രി​ക്കെ അയാൾ യഹോ​വ​യു​ടെ സാക്ഷി​ക​ളു​മാ​യി സമ്പർക്ക​ത്തി​ലാ​യി. അയാൾ പറയുന്നു: “ബൈബിൾപ​ഠനം എന്റെ ജീവി​ത​ത്തിന്‌ പൂർണ്ണ​മാ​യി മാററം വരുത്തി. ഞാൻ മേലാൽ കുടി​ക്കു​ക​യോ പുകവ​ലി​ക്കു​ക​യൊ ചെയ്യു​ന്നില്ല. ഞാൻ എന്റെ കോപത്തെ നിയ​ന്ത്രി​ക്കാൻ പഠിച്ചി​രി​ക്കു​ന്നു. എനിക്ക്‌ ഇപ്പോൾ ഒരു ഭാര്യ മാത്രം ഉള്ളതി​നാൽ ഒരു ശുദ്ധമായ മനഃസാ​ക്ഷി​യുണ്ട്‌. ഞാൻ എന്റെ അയൽക്കാ​രു​ടെ ബഹുമാ​ന​വും നേടി​യി​രി​ക്കു​ന്നു. അവർ എന്നെ ‘കുപ്ര​സി​ദ്ധ​നായ ജോസ്‌’ എന്നും ‘പിശാ​ചായ ജോസ്‌’ എന്നുമാണ്‌ വിളി​ച്ചി​രു​ന്നത്‌. ഇപ്പോൾ അവർ എന്നെ ‘യഹോ​വ​യു​ടെ സാക്ഷി​യായ ജോസ്‌’ എന്നാണ്‌ വിളി​ക്കു​ന്നത്‌. ഞാൻ ഇപ്പോൾ ഒരു മൂപ്പനാ​യും ഒരു നിരന്ത​ര​പ​യ​നി​യ​റാ​യും സേവി​ക്കുന്ന സഭയിൽ എന്റെ പുത്ര​നും എന്റെ അനന്തര​വ​നും ശുശ്രൂ​ഷാ​ദാ​സൻമാ​രാണ്‌.” ജോസും ദശലക്ഷ​ക്ക​ണ​ക്കിന്‌ മററ്‌ യഹോ​വ​യു​ടെ ക്രിസ്‌തീയ സാക്ഷി​ക​ളും ധാർമ്മി​ക​ശു​ദ്ധി​യുള്ള ക്രിസ്‌ത്യാ​നി​ക​ളെന്ന നിലയിൽ യേശു​വി​ന്റെ കാൽചു​വ​ടു​ക​ളിൽ നടക്കുന്നു.

നിഷ്‌പ​ക്ഷത

12. യോഹ​ന്നാൻ 17-ാം അദ്ധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ പ്രാർത്ഥ​ന​യിൽ അവൻ യഥാർത്ഥ ക്രിസ്‌ത്യാ​നി​ക​ളു​ടെ ഏതു മനോ​ഭാ​വത്തെ പ്രദീ​പ്‌ത​മാ​ക്കി?

¹² യേശു തന്റെ ശിഷ്യൻമാ​രോ​ടു​കൂ​ടെ​യാ​യി​രുന്ന അവസാ​നത്തെ രാത്രി​യിൽ അവൻ അർപ്പിച്ച നീണ്ട പ്രാർത്ഥ​ന​യിൽ അവൻ തന്റെ അനുഗാ​മി​കൾ ‘തന്റെ കാൽചു​വ​ടു​ക​ളിൽ നടക്കുന്ന’ മറെറാ​രു വിധ​ത്തെ​ക്കു​റിച്ച്‌ പറയു​ക​യു​ണ്ടാ​യി. തന്റെ ശിഷ്യൻമാ​രെ​ക്കു​റി​ച്ചു സംസാ​രി​ച്ച​പ്പോൾ “ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ​തന്നെ അവർ ലോക​ത്തി​ന്റെ ഭാഗമല്ല” എന്ന്‌ അവൻ പറഞ്ഞു. (യോഹ​ന്നാൻ 17:16) ഇതിന്റെ അർത്ഥം ക്രിസ്‌ത്യാ​നി​കൾ നിഷ്‌പ​ക്ഷ​രാ​ണെ​ന്നാണ്‌. രാഷ്‌ട്രീ​യ​ത്തി​ലോ ദേശീ​യ​പോ​രാ​ട്ട​ങ്ങ​ളി​ലോ പങ്കെടു​ക്കു​ന്ന​തി​നു പകരം അവർ മററു​ള്ള​വ​രോട്‌ ഈ ലോക​ത്തി​ലെ പ്രശ്‌ന​ങ്ങ​ളു​ടെ ഏക പരിഹാ​ര​മായ ദൈവ​രാ​ജ്യ​ത്തെ​ക്കു​റിച്ച്‌ പറയുന്നു.—മത്തായി 6:9, 10; യോഹ​ന്നാൻ 18:36.

13, 14. (എ) നിഷ്‌പ​ക്ഷ​ത​യു​ടെ കാര്യ​ത്തിൽ ക്രൈ​സ്‌ത​വ​ലോ​കം യഹോ​വ​യു​ടെ സാക്ഷി​ക​ളിൽനിന്ന്‌ വ്യത്യ​സ്‌ത​രാ​യി​രി​ക്കു​ന്ന​തെ​ങ്ങനെ? (ബി) ജപ്പാനി​ലെ ഒരു സാക്ഷി രാഷ്‌ട്രീയ നിഷ്‌പക്ഷത പാലി​ച്ചത്‌ മുഴു സഹോ​ദ​ര​വർഗ്ഗ​ത്തി​നും പ്രയോ​ജ​കീ​ഭ​വി​ച്ച​തെ​ങ്ങനെ?

¹³ നിഷ്‌പ​ക്ഷ​ത​യു​ടെ ഈ തത്വം ക്രൈ​സ്‌ത​വ​ലോ​ക​ത്തി​ലെ മിക്ക അംഗങ്ങ​ളും മറന്നി​രി​ക്കു​ക​യാണ്‌, അവർക്ക്‌ ദേശീ​യ​മായ ഉത്ഭവം സാധാ​ര​ണ​യാ​യി മതപര​മായ ബന്ധങ്ങ​ളെ​ക്കാൾ പ്രധാ​ന​മാണ്‌. സംയുക്ത പംക്തീ​കാ​ര​നായ മൈക്ക്‌ റോയ്‌ക്കോ “ക്രിസ്‌ത്യാ​നി​കൾ മററു ക്രിസ്‌ത്യാ​നി​ക​ളു​ടെ​മേൽ യുദ്ധം പ്രഖ്യാ​പി​ക്കു​ന്ന​തിന്‌ ഒരിക്ക​ലും മടിച്ചി​ട്ടില്ല” എന്ന്‌ ചൂണ്ടി​ക്കാ​ണി​ക്കു​ക​യും “അവർ മടികാ​ണി​ച്ചി​രു​ന്നെ​ങ്കിൽ യൂറോ​പ്പി​ലെ അതിസ​ജീ​വ​മായ യുദ്ധങ്ങ​ളിൽ മിക്കതും നടക്കു​ക​യി​ല്ലാ​യി​രു​ന്നു” എന്ന്‌ കൂട്ടി​ച്ചേർക്കു​ക​യും ചെയ്യുന്നു. യുദ്ധകാ​ല​ങ്ങ​ളിൽ യഹോ​വ​യു​ടെ സാക്ഷികൾ കർശന​മായ ക്രിസ്‌തീയ നിഷ്‌പക്ഷത പാലി​ക്കു​ന്നു​വെ​ന്നത്‌ സുപ്ര​സി​ദ്ധ​മായ വസ്‌തു​ത​യാണ്‌. എന്നാൽ യേശു​വി​ന്റെ പാദാ​നു​ഗാ​മി​ക​ളെന്ന നിലയിൽ അവർ സാമൂ​ഹി​ക​വും രാഷ്‌ട്രീ​യ​വു​മായ പ്രശ്‌ന​ങ്ങ​ളി​ലും നിഷ്‌പ​ക്ഷ​രാണ്‌. അങ്ങനെ, അവരുടെ ശ്രദ്ധേ​യ​മായ ലോക​വ്യാ​പക ഐക്യത്തെ യാതൊ​ന്നും ശല്യ​പ്പെ​ടു​ത്തു​ന്നില്ല.—1 പത്രോസ്‌ 2:17.

¹⁴ അവരുടെ നിഷ്‌പക്ഷത ചില സമയങ്ങ​ളിൽ അപ്രതീ​ക്ഷിത ഫലങ്ങൾ കൈവ​രു​ത്തു​ന്നു. ദൃഷ്ടാ​ന്ത​മാ​യി, ഉത്തര ജപ്പാനി​ലെ സുഗാരു ഡിസ്‌ട്രി​ക്‌ടിൽ തെര​ഞ്ഞെ​ടു​പ്പു​കളെ വളരെ ഗൗരവ​മാ​യി കരുതു​ന്നു. എന്നാൽ ഒരു പ്രാ​ദേ​ശിക ഗവൺമെൻറ്‌ ആഫീസി​ലെ സാമ്പത്തി​ക​വ​കു​പ്പി​ന്റെ അസിസ്‌റ​റൻറ്‌ മാനേ​ജ​രായ റേറാ​ഷി​യോ മനഃസാ​ക്ഷി​പ​ര​മായ കാരണ​ങ്ങ​ളാൽ മേയറു​ടെ റീ ഇലക്‌ഷൻ പ്രചാ​ര​ണ​ത്തിൽ പങ്കെടു​ക്കാൻ വിസമ്മ​തി​ച്ചു. ഇത്‌ അയാൾ മലിന​വ​സ്‌തു​വ​കു​പ്പി​ലെ ഒരു താണ സ്ഥാന​ത്തേക്കു താഴ്‌ത്ത​പ്പെ​ടു​ന്ന​തിൽ കലാശി​ച്ചു. എന്നിരു​ന്നാ​ലും വർഷങ്ങൾക്കു​ശേഷം അഴിമ​തി​യു​ടെ പേരിൽ മേയർ അറസ്‌ററു ചെയ്യ​പ്പെ​ടു​ക​യും രാജി​വെ​ക്കാൻ നിർബ​ന്ധി​ത​നാ​കു​ക​യും ചെയ്‌തു. ഒരു പുതിയ മേയർ തെര​ഞ്ഞെ​ടു​ക്ക​പ്പെട്ടു. അയാൾ റേറാ​ഷി​യോ​യു​ടെ തരം താഴ്‌ത്ത​ലി​നെ​ക്കു​റി​ച്ചു കേട്ട​പ്പോൾ അയാൾ റേറാ​ഷി​യോ​യെ ഒരു ഉയർന്ന ഭരണസ്ഥാ​ന​ത്തേക്ക്‌ പുനഃ​സ്ഥി​തീ​ക​രി​ച്ചു, ഇത്‌ റേറാ​ഷി​യോ​യു​ടെ ക്രിസ്‌തീയ സഹോ​ദ​രൻമാർക്ക്‌ അനു​ഗ്ര​ഹങ്ങൾ കൈവ​രു​ത്തി. എങ്ങനെ? അത്‌ല​റ​റിക്ക്‌ മത്സരങ്ങൾക്ക​ല്ലാ​തെ മററു സമ്മേള​ന​ങ്ങൾക്ക്‌ ജിം​നേ​ഷ്യ​ങ്ങൾ ഉപയോ​ഗി​ക്കാൻ അനുവാ​ദം കിട്ടുക വളരെ പ്രയാ​സ​മാ​ണെന്ന്‌ റേറാ​ഷി​യോ വിശദീ​ക​രി​ക്കു​ന്നു. എന്നാൽ റേറാ​ഷി​യോ​യു​ടെ സ്വന്തം വാക്കുകൾ ഉദ്ധരി​ച്ചാൽ “മൂന്നു ഡിസ്‌ട്രിക്ട്‌ കൺ​വെൻ​ഷ​നു​കൾക്കും നാലു സർക്കിട്ട്‌ സമ്മേള​ന​ങ്ങൾക്കും അങ്ങനെ​യുള്ള ജിം​നേ​ഷ്യ​ങ്ങ​ളു​ടെ ഉപയോ​ഗ​ത്തിന്‌ അനുവാ​ദം വാങ്ങാൻ യഹോ​വക്ക്‌ എന്നെ ഉപയോ​ഗി​ക്കാൻ കഴിഞ്ഞു.” അയാൾ ഇങ്ങനെ ഉപസം​ഹ​രി​ക്കു​ന്നു: “നാം വിശ്വ​സ്‌ത​രാ​യി നില​കൊ​ള്ളു​ന്നു​വെ​ങ്കിൽ നമ്മെ ഉപയോ​ഗി​ക്കു​ന്ന​തിന്‌ അചിന്ത്യ​മായ വിധങ്ങൾ യഹോവ തുറന്നു​ത​രും.”

ഭവനത്തിൽ

15. യേശു കുടും​ബ​ബ​ന്ധങ്ങൾ സംബന്ധിച്ച്‌ തന്റെ പാദാ​നു​ഗാ​മി​കൾക്ക്‌ ഒരു മാതൃക വെച്ച​തെ​ങ്ങനെ?

¹⁵ ക്രിസ്‌ത്യാ​നി​കൾ ‘യേശു​വി​ന്റെ കാൽചു​വ​ടു​കൾ പിന്തു​ട​രുന്ന’ മറെറാ​രു മണ്ഡലം ഭവനമാണ്‌. യേശു​വി​ന്റെ ദൃഷ്ടാ​ന്തത്തെ ഗാർഹി​ക​ബ​ന്ധ​ങ്ങൾക്കുള്ള മാതൃ​ക​യാ​യി സ്ഥാപി​ച്ചു​കൊണ്ട്‌ ബൈബിൾ പറയുന്നു: “ക്രിസ്‌തു​വി​നോ​ടുള്ള ഭയത്തിൽ അന്യോ​ന്യം കീഴ്‌പ്പെ​ട്ടി​രി​ക്കുക. ഭാര്യ​മാർ കർത്താ​വി​നെ​ന്ന​പോ​ലെ തങ്ങളുടെ ഭർത്താ​ക്കൻമാർക്ക്‌ കീഴ്‌പ്പെ​ട്ടി​രി​ക്കട്ടെ, എന്തു​കൊ​ണ്ടെ​ന്നാൽ ക്രിസ്‌തു​വും സഭയുടെ ശിരസ്സാ​യി​രി​ക്കു​ന്ന​തു​പോ​ലെ ഒരു ഭർത്താവ്‌ തന്റെ ഭാര്യ​യു​ടെ ശിരസ്സാ​കു​ന്നു . . . യഥാർത്ഥ​ത്തിൽ, സഭ ക്രിസ്‌തു​വിന്‌ കീഴട​ങ്ങി​യി​രി​ക്കു​ന്ന​തു​പോ​ലെ ഭാര്യ​മാ​രും തങ്ങളുടെ ഭർത്താ​ക്കൻമാർക്ക്‌ സകലത്തി​ലും കീഴട​ങ്ങി​യി​രി​ക്കട്ടെ. ഭർത്താ​ക്കൻമാ​രേ, ക്രിസ്‌തു​വും സഭയെ സ്‌നേ​ഹി​ക്കു​ക​യും അതിനു​വേണ്ടി തന്നേത്തന്നെ ഏൽപ്പി​ച്ചു​കൊ​ടു​ക്കു​ക​യും ചെയ്‌ത​തു​പോ​ലെ നിങ്ങളു​ടെ ഭാര്യ​മാ​രെ തുടർന്നു സ്‌നേ​ഹി​ക്കുക.”—എഫേസ്യർ 5:21-25.

16, 17. (എ) ഗാർഹി​ക​ബ​ന്ധങ്ങൾ സംബന്ധിച്ച്‌ ക്രൈ​സ്‌ത​വ​ലോ​ക​ത്തിൽ ഏതു ദുഷിച്ച അവസ്ഥ സ്ഥിതി​ചെ​യ്യു​ന്നു? (ബി) ബ്രസീ​ലി​ലെ ഒരു ദമ്പതി​ക​ളു​ടെ അനുഭ​വ​ത്താൽ പ്രകട​മാ​ക്ക​പ്പെ​ട്ട​തു​പോ​ലെ എങ്ങനെ മാത്രമേ ഗാർഹി​ക​ബ​ന്ധ​ങ്ങളെ മെച്ച​പ്പെ​ടു​ത്താൻ കഴിയൂ?

¹⁶ ഇന്ന്‌ ക്രൈ​സ്‌ത​വ​ലോ​ക​ത്തി​ന്റെ അധിക​പ​ങ്കും ഈ ബുദ്ധി​യു​പ​ദേ​ശത്തെ അവഗണി​ക്കു​ക​യാണ്‌, അങ്ങനെ തകർന്ന കുടും​ബ​ങ്ങ​ളെ​ക്കൊണ്ട്‌ നിറഞ്ഞി​രി​ക്കു​ക​യാണ്‌. തകർന്ന ഭവനങ്ങൾ സാധാ​ര​ണ​മാണ്‌, മാതാ​പി​താ​ക്ക​ളും കുട്ടി​യും തമ്മിലുള്ള പോരാ​ട്ടങ്ങൾ മിക്ക​പ്പോ​ഴും വളരെ അഗാധ​ത്തി​ലു​ള്ള​താണ്‌. ചില വർഷങ്ങൾക്കു മുൻപ്‌ “കുടും​ബം ശിഥി​ല​മാ​കു​ക​യാണ്‌” എന്ന്‌ ഒരു മനഃശാ​സ്‌ത്ര പ്രൊ​ഫസ്സർ പ്രസ്‌താ​വി​ച്ചു. അപകട​ത്തി​ലായ കുടും​ബ​ങ്ങളെ ഒരുമി​പ്പി​ച്ചു നിറു​ത്തു​ന്ന​തിൽ ചൈൽഡ്‌ സൈ​ക്കോ​ള​ജി​സ്‌റ​റു​കൾക്കും വിവാ​ഹോ​പ​ദേ​ഷ്ടാ​ക്കൾക്കും മനോ​രോ​ഗ​വി​ദ​ഗ്‌ദ്ധർക്കും പരിമി​ത​മായ വിജയമേ ലഭിക്കു​ന്നു​ള്ളു. എന്നാൽ യഹോ​വ​യു​ടെ സാക്ഷികൾ ബൈബിൾത​ത്വ​ങ്ങൾ പ്രാ​യോ​ഗി​ക​മാ​ക്കു​ന്ന​തിന്‌ കഠിന​ശ്ര​മം​ചെ​യ്യു​ന്നു. ശരാശ​രി​യി​ലും മെച്ചപ്പെട്ട കുടുംബ ബന്ധങ്ങൾ സംബന്ധിച്ച്‌ ശ്രദ്ധി​ക്ക​പ്പെ​ടു​ക​യും ചെയ്യുന്നു.

¹⁷ ദൃഷ്ടാ​ന്ത​മാ​യി ആൽഡമർ ബ്രസീ​ലി​ലെ മിലി​ട്ടറി പോലീ​സിൽ ഒരു ലഫ്‌റ​റ​നൻറ്‌ ആയിരു​ന്നു. അയാൾക്ക്‌ കുടും​ബ​പ്ര​ശ്‌ന​ങ്ങ​ളു​ണ്ടാ​യി​രു​ന്നു. അയാളു​ടെ ഭാര്യ അയാളെ വിട്ടു​പോ​കു​ക​യും നിയമ​പ​ര​മായ വേർപാട്‌ തേടു​ക​യും ചെയ്‌തു. അയാൾ കനത്ത കുടി തുടങ്ങി​യെന്നു മാത്രമല്ല, ആത്മഹത്യ​ക്കു ശ്രമി​ക്കു​ക​പോ​ലും ചെയ്‌തു. പിന്നീട്‌ യഹോ​വ​യു​ടെ സാക്ഷി​ക​ളായ അയാളു​ടെ ബന്ധുക്കൾ അയാ​ളോട്‌ ബൈബി​ളി​നെ​ക്കു​റി​ച്ചു സംസാ​രി​ച്ചു. അയാൾ കേട്ടത്‌ അയാൾക്കി​ഷ്ട​പ്പെ​ടു​ക​യും പഠിക്കാൻ തുടങ്ങു​ക​യും ചെയ്‌തു. യഹോ​വ​യു​ടെ സാക്ഷി​ക​ളു​ടെ പ്രസിദ്ധ നിലപാ​ടായ നിഷ്‌പ​ക്ഷ​ത​യോട്‌ തന്റെ ജീവി​തത്തെ പൊരു​ത്ത​പ്പെ​ടു​ത്താ​നാ​ഗ്ര​ഹി​ച്ചു​കൊണ്ട്‌ അയാൾ മിലി​ട്ട​റി​യിൽനിന്ന്‌ ഡിസ്‌ചാർജിന്‌ അപേക്ഷി​ച്ചു. ആൽഡമർ പഠിച്ചു​കൊ​ണ്ടി​രുന്ന ബൈബിൾ തത്വങ്ങൾ ബാധക​മാ​ക്കി​ക്കൊണ്ട്‌ അയാളും ഭാര്യ​യും തങ്ങളുടെ ദാമ്പത്യ​ഭി​ന്ന​ത​കൾക്കു പരിഹാ​രം വരുത്തി. ഇന്ന്‌ അവർ യേശു​വി​ന്റെ കാൽചു​വ​ടു​കളെ പിന്തു​ട​രു​ക​യും ഒരുമിച്ച്‌ നിരന്ത​ര​പ​യ​നി​യർമാ​രാ​യി യഹോ​വയെ സേവി​ക്കു​ക​യും ചെയ്യുന്നു.

സ്‌നേഹം നിമിത്തം അനുസ​ര​ണ​മു​ള്ള​വർ

18. (എ) ഇന്ന്‌ യഹോ​വ​യു​ടെ സാക്ഷികൾ ആത്മീയ​മാ​യി അനു​ഗ്ര​ഹി​ക്ക​പ്പെ​ടു​ന്ന​തെ​ന്തു​കൊണ്ട്‌? (ബി യെശയ്യാവ്‌ 2:2-4-ന്‌ ഇന്ന്‌ നിവൃ​ത്തി​യു​ണ്ടാ​യി​ക്കൊ​ണ്ടി​രി​ക്കു​ന്ന​തെ​ങ്ങനെ?

¹⁸ യഹോ​വ​യു​ടെ സാക്ഷികൾ ഒററ​ക്കെ​ട്ടാ​യി യേശു​ക്രി​സ്‌തു​വി​ന്റെ ആത്മാവി​ലും കാൽചു​വ​ടു​ക​ളി​ലും നടക്കു​ക​യാ​ണെന്ന്‌ സ്‌പഷ്ട​മാണ്‌. അങ്ങനെ ചെയ്യു​ന്ന​തു​കൊണ്ട്‌ അവർ വ്യക്തി​പ​ര​മാ​യും കൂട്ടമാ​യും ആത്മീയ​മാ​യി അനു​ഗ്ര​ഹി​ക്ക​പ്പെ​ടു​ന്നു. (സങ്കീർത്തനം 133:1-3) അവരു​ടെ​മേ​ലുള്ള ദിവ്യ അനു​ഗ്ര​ഹ​ത്തി​ന്റെ പ്രകട​മായ തെളി​വു​കൾ യെശയ്യാവ്‌ 2:2-4-ലെ പ്രവച​ന​ത്തി​നു ചേർച്ച​യിൽ പ്രവർത്തി​ക്കാൻ പരമാർത്ഥ​ഹൃ​ദ​യ​രായ ഒട്ടേറെ ആളുകളെ പ്രേരി​പ്പി​ച്ചി​രി​ക്കു​ന്നു. കഴിഞ്ഞ വെറും അഞ്ചുവർഷ​ക്കാ​ലത്ത്‌ 9,87,828 പേർ സമർപ്പ​ണ​ത്തി​ന്റെ അവശ്യ​ന​ട​പ​ടി​കൾ സ്വീക​രി​ക്കു​ക​യും അനന്തരം ജലസ്‌നാ​ന​ത്തിന്‌ തങ്ങളേ​ത്തന്നെ ഏൽപ്പി​ച്ചു​കൊ​ടു​ക്കു​ക​യും ചെയ്‌തി​രി​ക്കു​ന്നു. സ്‌നേ​ഹ​പൂർവം, യഹോ​വ​യാം ദൈവം “മഹോ​പ​ദ്രവം” പ്രഹരി​ക്കു​ന്ന​തി​നു​മുമ്പ്‌ ഇതു ചെയ്യാൻക​ഴി​യുന്ന ആളുക​ളു​ടെ എണ്ണത്തെ സ്വേച്ഛാ​പൂർവം പരിമി​ത​പ്പെ​ടു​ത്തി​യി​ട്ടില്ല!—വെളി​പ്പാട്‌ 7:9, 14.

19. (എ) യഹോ​വയെ സേവി​ക്കു​ന്ന​തിൽനിന്ന്‌ ലഭി​ച്ചേ​ക്കാ​വുന്ന സ്‌പർശ​നീ​യ​മായ പ്രയോ​ജ​ന​ങ്ങ​ളേവ, അവയെ എങ്ങനെ വീക്ഷി​ക്കണം? (ബി) യഹോ​വ​യു​ടെ കൽപ്പന​ക​ള​നു​സ​രി​ക്കു​ന്ന​തിന്‌ നമുക്കുള്ള അടിസ്ഥാന കാരണ​മെന്ത്‌?

¹⁹ മേൽപ്പറഞ്ഞ അനുഭ​വങ്ങൾ പ്രകട​മാ​ക്കു​ന്ന​തു​പോ​ലെ ദൈവ​ജനം അനുഭ​വി​ക്കുന്ന ആത്മീയാ​നു​ഗ്ര​ഹ​ങ്ങ​ളോ​ടു​കൂ​ടെ മിക്ക​പ്പോ​ഴും സ്‌പർശ​നീ​യ​മായ പ്രയോ​ജ​ന​ങ്ങ​ളുണ്ട്‌. ദൃഷ്ടാ​ന്ത​മാ​യി, പുകവലി വർജ്ജി​ക്കു​ന്ന​തി​നാ​ലും ധാർമ്മി​ക​ജീ​വി​തം നയിക്കു​ന്ന​തി​നാ​ലും രക്തത്തിന്റെ പവി​ത്ര​തയെ ആദരി​ക്കു​ന്ന​തി​നാ​ലും അവർക്ക്‌ ചില രോഗ​ങ്ങൾക്കി​ര​യാ​കു​ന്ന​തി​നെ ഒഴിവാ​ക്കാ​വു​ന്ന​താണ്‌. അല്ലെങ്കിൽ സത്യ​ത്തോട്‌ യോജി​പ്പിൽ ജീവി​ക്കു​ന്ന​തി​നാൽ അവർക്ക്‌ സാമ്പത്തി​ക​മോ സാമൂ​ഹി​ക​മോ ഗാർഹി​ക​മോ ആയ വിധത്തിൽ പ്രയോ​ജ​ന​മ​നു​ഭ​വി​ക്കാ​വു​ന്ന​താണ്‌. അങ്ങനെ​യുള്ള സ്‌പർശ​നീ​യ​മായ ഏതു പ്രയോ​ജ​ന​വും യഹോ​വ​യിൽനി​ന്നുള്ള ഒരു അനു​ഗ്ര​ഹ​മാ​യി വീക്ഷി​ക്ക​പ്പെ​ടു​ന്നു. അവ യഹോ​വ​യു​ടെ നിയമ​ത്തി​ന്റെ പ്രാ​യോ​ഗി​ക​തയെ തെളി​യി​ക്കു​ന്നു. എന്നാൽ അങ്ങനെ​യുള്ള പ്രാ​യോ​ഗി​ക​നേ​ട്ട​ങ്ങ​ളു​ണ്ടാ​ക്കു​ന്നതി​നുള്ള സാദ്ധ്യത അതിൽത്തന്നെ ദൈവ​നി​യ​മ​ങ്ങ​ള​നു​സ​രി​ക്കേ​ണ്ട​തി​ന്റെ പ്രധാന കാരണ​മാ​യി​രി​ക്കു​ന്നില്ല. സത്യ​ക്രി​സ്‌ത്യാ​നി​കൾ യഹോ​വയെ സ്‌നേ​ഹി​ക്കു​ന്ന​തു​കൊ​ണ്ടും അവൻ അവരുടെ ആരാധന അർഹി​ക്കു​ന്ന​തു​കൊ​ണ്ടും അവന്റെ ഇഷ്ടം ചെയ്യു​ന്നത്‌ ശരിയായ ഏകസം​ഗ​തി​യാ​യി​രി​ക്കു​ന്ന​തു​കൊ​ണ്ടു​മാണ്‌ യഹോ​വയെ അനുസ​രി​ക്കു​ന്നത്‌. (1 യോഹ​ന്നാൻ 5:2, 3; വെളി​പ്പാട്‌ 4:11) സ്വാർത്ഥ​കാ​ര​ണ​ങ്ങ​ളാൽ മാത്ര​മാണ്‌ ആളുകൾ ദൈവത്തെ സേവി​ക്കു​ന്ന​തെന്ന്‌ വാദി​ക്കു​ന്നത്‌ സാത്താ​നാണ്‌.—ഇയ്യോബ്‌ 1:9-11; 2:4, 5 കാണുക.

20. ഇന്ന്‌ യഹോ​വ​യു​ടെ സാക്ഷികൾ പുരാ​ത​ന​കാ​ല​ങ്ങ​ളി​ലെ മൂന്ന്‌ വിശ്വസ്‌ത എബ്രായ സാക്ഷി​ക​ളു​ടെ അതേ ആത്മാവിൽ നടക്കു​ന്ന​തെ​ങ്ങനെ?

²⁰ യഹോ​വ​യു​ടെ ആധുനിക നാളിലെ സാക്ഷികൾ ദാനി​യേ​ലി​ന്റെ നാളിലെ ചെറു​പ്പ​ക്കാ​രാ​യി​രുന്ന മൂന്ന്‌ വിശ്വസ്‌ത എബ്രാ​യ​സാ​ക്ഷി​ക​ളു​ടെ അതേ ആത്മാവി​ലാണ്‌ നടക്കു​ന്നത്‌. എരിയുന്ന തീച്ചൂ​ള​യി​ലേക്ക്‌ എറിയ​പ്പെ​ടു​മെന്ന്‌ ഭീഷണി​പ്പെ​ടു​ത്ത​പ്പെ​ട്ട​പ്പോൾ അവർ ഇങ്ങനെ പറഞ്ഞു: “അങ്ങനെ​യാ​യി​രി​ക്ക​ണ​മെ​ങ്കിൽ, ഞങ്ങൾ സേവി​ക്കുന്ന ഞങ്ങളുടെ ദൈവം ഞങ്ങളെ രക്ഷിക്കാൻ പ്രാപ്‌ത​നാണ്‌. രാജാവേ, എരിയുന്ന തീച്ചൂ​ള​യിൽനി​ന്നും നിന്റെ കൈയിൽനി​ന്നും അവൻ ഞങ്ങളെ രക്ഷിക്കും. ഇല്ലെങ്കിൽ [അതായത്‌ ഞങ്ങൾ മരിക്കാൻ അവൻ അനുവ​ദി​ക്കു​ന്നു​വെ​ങ്കിൽപോ​ലും] രാജാവേ, നിന്റെ ദൈവ​ങ്ങ​ളെയല്ല ഞങ്ങൾ സേവി​ക്കു​ന്ന​തെ​ന്നും നീ സ്ഥാപി​ച്ചി​രി​ക്കുന്ന സ്വർണ്ണ​പ്ര​തി​മയെ ഞങ്ങൾ ആരാധി​ക്കു​ക​യി​ല്ലെ​ന്നും നീ അറിഞ്ഞു​കൊ​ള്ളുക.” (ദാനി​യേൽ 3:17, 18) യഹോ​വ​യു​ടെ സാക്ഷികൾ ദൈവ​ത്തി​ന്റെ പുതിയ ലോക​ത്തി​ലെ നിത്യ​ജീ​വന്‌ ഉറപ്പു ലഭിച്ചി​ട്ടു​ണ്ടെ​ന്ന​റി​ഞ്ഞു​കൊണ്ട്‌, സ്‌പർശ​നീ​യ​മായ സത്വര​പ്ര​യോ​ജ​ന​ങ്ങ​ളോ പരിണ​ത​ഫ​ല​ങ്ങ​ളോ ഗണ്യമാ​ക്കാ​തെ യേശു​വി​ന്റെ കാൽചു​വ​ടു​കളെ അടുത്തു പിന്തു​ട​രു​ന്ന​തിൽ തുടരും! ഒരു ഏകീകൃ​ത​ജ​ന​മെന്ന നിലയിൽ, എന്തു സംഭവി​ച്ചാ​ലും, അവർ “അതേ ആത്മാവി​ലും” “അതേ കാൽചു​വ​ടു​ക​ളി​ലും” നടക്കു​ന്ന​തിൽ തുടരും! (w88 5/1)