ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

ഒക്ടോബർ 7-13

വയൽസേ​വ​ന​ത്തി​നു സജ്ജരാ​കാം

നമ്മുടെ പാപങ്ങൾ ഏറ്റുപ​റ​യേ​ണ്ടത്‌ എന്തു​കൊണ്ട്‌, ആരോട്‌?

w10-E 9/1 23-24

നമ്മുടെ പാപങ്ങൾ ഏറ്റുപ​റ​യേ​ണ്ടത്‌ ആരോട്‌?

തനി​ക്കെ​തി​രെ​യുള്ള പാപങ്ങൾ ക്ഷമിച്ചു​കൊ​ടു​ക്കാൻ ദൈവം മനുഷ്യ​രെ ചുമത​ല​പ്പെ​ടു​ത്തി​യി​ട്ടില്ല. അതു ദൈവ​ത്തി​നു മാത്രമേ കഴിയൂ. ബൈബിൾ വ്യക്തമാ​യി നമ്മളോ​ടു പറയുന്നു: “പാപങ്ങൾ ഏറ്റുപ​റ​യു​ന്നെ​ങ്കിൽ, ദൈവം വിശ്വ​സ്‌ത​നും നീതി​മാ​നും ആയതു​കൊണ്ട്‌ നമ്മുടെ പാപങ്ങൾ ക്ഷമിച്ച്‌ അനീതി​യെ​ല്ലാം നീക്കി നമ്മളെ ശുദ്ധീ​ക​രി​ക്കും.” (1 യോഹ​ന്നാൻ 1:9) എന്നാൽ നമ്മൾ ആരോ​ടാ​ണു പാപങ്ങൾ ഏറ്റുപ​റ​യേ​ണ്ടത്‌?

ക്ഷമിക്കാൻ ദൈവ​ത്തി​നു മാത്രമേ കഴിയൂ എന്നുള്ള​തു​കൊണ്ട്‌, ഏറ്റുപ​റ​യേ​ണ്ടത്‌ ദൈവ​ത്തോ​ടാണ്‌. ദാവീദ്‌ ചെയ്‌തത്‌ അതാണ്‌. അങ്ങനെ​യെ​ങ്കിൽ എന്തിന്റെ അടിസ്ഥാ​ന​ത്തി​ലാ​ണു നമുക്കു ക്ഷമ കിട്ടു​ന്നത്‌? ബൈബിൾ പറയുന്നു: ‘അതു​കൊണ്ട്‌ നിങ്ങളു​ടെ പാപങ്ങൾ മായ്‌ച്ചു​കി​ട്ടാൻ മാനസാ​ന്ത​ര​പ്പെട്ട്‌ ദൈവ​ത്തി​ലേക്കു തിരി​യുക; അപ്പോൾ യഹോവ ഉന്മേഷ​കാ​ലങ്ങൾ നൽകും.’ (പ്രവൃ​ത്തി​കൾ 3:19) ഇതിന്റെ അടിസ്ഥാ​ന​ത്തിൽ, ക്ഷമ കിട്ടാൻ ഒരാൾ തെറ്റു മനസ്സി​ലാ​ക്കു​ക​യും അത്‌ ഏറ്റുപ​റ​യു​ക​യും ചെയ്‌താൽ മാത്രം പോരാ. തെറ്റായ ജീവി​ത​ഗ​തി​യിൽനിന്ന്‌ തിരി​ച്ചു​വ​രു​ക​യും വേണം. ഇക്കാര്യം അത്ര എളുപ്പമല്ല. പക്ഷേ അതു ചെയ്യാൻ നമുക്കു സഹായ​മുണ്ട്‌.

ശിഷ്യ​നാ​യ യാക്കോ​ബി​ന്റെ വാക്കുകൾ ഓർമി​ക്കുക: “അതു​കൊണ്ട്‌ പരസ്‌പരം പാപങ്ങൾ ഏറ്റുപ​റ​യു​ക​യും ഒരാൾക്കു​വേണ്ടി മറ്റൊ​രാൾ പ്രാർഥി​ക്കു​ക​യും ചെയ്യുക; അപ്പോൾ നിങ്ങൾ സുഖ​പ്പെ​ടും.” യാക്കോബ്‌ ഇങ്ങനെ​യും​കൂ​ടെ പറഞ്ഞു: “നീതി​മാ​ന്റെ ഉള്ളുരു​കി​യുള്ള പ്രാർഥ​ന​യ്‌ക്കു വലിയ ശക്തിയുണ്ട്‌.” (യാക്കോബ്‌ 5:16) ‘നീതി​മാൻ’ എന്നതു 14-ാം വാക്യ​ത്തിൽ യാക്കോബ്‌ പറഞ്ഞി​രി​ക്കുന്ന മൂപ്പന്മാ​രിൽ ഒരാളാ​യി​രി​ക്കാം. ക്രിസ്‌തീ​യ​സ​ഭ​യി​ലെ ആത്മീയ​പ​ക്വ​ത​യുള്ള പുരു​ഷ​ന്മാ​രാ​ണു മൂപ്പന്മാർ. ദൈവ​ത്തി​ന്റെ ക്ഷമ കിട്ടാൻ ആഗ്രഹി​ക്കു​ന്ന​വരെ സഹായി​ക്കുക എന്ന ഉത്തരവാ​ദി​ത്വം അവർക്കുണ്ട്‌. ആ മൂപ്പന്മാർക്ക്‌ ആരു​ടെ​യെ​ങ്കി​ലും പാപങ്ങൾ ക്ഷമിച്ചു​കൊ​ടു​ക്കാ​നുള്ള അധികാ​ര​മില്ല. കാരണം ദൈവ​ത്തിന്‌ എതിരെ ചെയ്‌ത ഒരു തെറ്റു ക്ഷമിക്കാ​നുള്ള അധികാ​രം ദൈവം ആരെയും ഏൽപ്പി​ച്ചി​ട്ടില്ല. എന്നാൽ ഗുരു​ത​ര​മായ പാപം ചെയ്‌ത ഒരാളെ തിരു​ത്താ​നും നേരെ​യാ​ക്കാ​നും ഉള്ള ആത്മീയ​യോ​ഗ്യ​ത​യു​ള്ള​വ​രാണ്‌ മൂപ്പന്മാർ. തെറ്റിന്റെ ഗൗരവ​വും പശ്ചാത്ത​പി​ക്കേണ്ട ആവശ്യ​വും തിരി​ച്ച​റി​യാൻ തെറ്റു​കാ​രനെ സഹായി​ക്കു​ന്ന​തിന്‌ അവർക്കു കഴിയും. —ഗലാത്യർ 6:1.

എന്തു​കൊ​ണ്ടാണ്‌ പാപങ്ങൾ ഏറ്റുപ​റ​യേ​ണ്ടത്‌?

പാപം ഗുരു​ത​ര​മാ​ണെ​ങ്കി​ലും അല്ലെങ്കി​ലും, തെറ്റു ചെയ്‌ത​യാൾക്കു ദൈവ​വു​മാ​യും സഹമനു​ഷ്യ​നും ആയുള്ള ബന്ധത്തിനു കോട്ടം തട്ടിയി​ട്ടുണ്ട്‌. അതു​കൊണ്ട്‌ അയാൾക്ക്‌ അസ്വസ്ഥത തോന്നി​യേ​ക്കാം. ദൈവം തന്നിരി​ക്കുന്ന മനസ്സാ​ക്ഷി​യു​ള്ള​തു​കൊ​ണ്ടാ​ണു നമുക്ക്‌ അങ്ങനെ തോന്നു​ന്നത്‌. (റോമർ 2:14, 15) നമുക്ക്‌ എന്തു ചെയ്യാൻ കഴിയും?

യാക്കോ​ബി​ന്റെ പുസ്‌ത​ക​ത്തിൽ നമുക്കു വളരെ​യ​ധി​കം പ്രോ​ത്സാ​ഹനം തരുന്ന ഈ വാക്കുകൾ കാണാം: “നിങ്ങളിൽ (ആത്മീയ​മാ​യി) രോഗി​യാ​യി ആരെങ്കി​ലു​മു​ണ്ടോ? അയാൾ സഭയിലെ മൂപ്പന്മാ​രെ വിളി​ച്ചു​വ​രു​ത്തട്ടെ. അവർ യഹോ​വ​യു​ടെ നാമത്തിൽ അയാളു​ടെ മേൽ എണ്ണ തേച്ച്‌ അയാൾക്കു​വേണ്ടി പ്രാർഥി​ക്കട്ടെ. വിശ്വാ​സ​ത്തോ​ടെ​യുള്ള പ്രാർഥന രോഗി​യെ സുഖ​പ്പെ​ടു​ത്തും. യഹോവ അയാളെ എഴു​ന്നേൽപ്പി​ക്കും; അയാൾ പാപം ചെയ്‌തി​ട്ടു​ണ്ടെ​ങ്കിൽ അയാ​ളോ​ടു ക്ഷമിക്കും.”—യാക്കോബ്‌ 5:14, 15.

ആട്ടിൻപ​റ്റ​ത്തി​ന്റെ ആവശ്യങ്ങൾ നിറ​വേ​റ്റി​കൊ​ടു​ക്കാൻ മൂപ്പന്മാ​രോട്‌ ഇവിടെ ആവശ്യ​പ്പെ​ട്ടി​രി​ക്കു​ന്നു. എങ്ങനെ? ഒരാൾ തെറ്റ്‌ ഏറ്റുപ​റ​യു​മ്പോൾ അതു കേട്ടി​രു​ന്നു​കൊണ്ട്‌ മാത്രമല്ല. പകരം, ആ വ്യക്തി ഇപ്പോൾ ആത്മീയ​മാ​യി രോഗി​യാ​യ​തു​കൊണ്ട്‌ അയാളെ ‘സുഖ​പ്പെ​ടു​ത്താൻ’ വേണ്ടതു ചെയ്‌തു​കൊണ്ട്‌. രണ്ടു കാര്യങ്ങൾ ചെയ്യാൻ കഴിയു​മെന്നു യാക്കോബ്‌ പറയുന്നു.

ഒന്ന്‌, ‘എണ്ണ തേക്കുക.’ സുഖ​പ്പെ​ടു​ത്താ​നുള്ള ദൈവ​വ​ച​ന​ത്തി​ന്റെ ശക്തിയാണ്‌ ഇതു സൂചി​പ്പി​ക്കു​ന്നത്‌. ദൈവ​വ​ച​ന​ത്തിന്‌ ഒരാളു​ടെ ഹൃദയ​ത്തി​ന്റെ​യും മനസ്സി​ന്റെ​യും ഉള്ളി​ലേക്ക്‌ ഇറങ്ങി​ച്ചെ​ല്ലാൻ കഴിയു​മെന്നു പൗലോസ്‌ അപ്പോ​സ്‌തലൻ പറഞ്ഞു. അദ്ദേഹം എഴുതി: “ദൈവ​ത്തി​ന്റെ വാക്കുകൾ ജീവനു​ള്ള​തും ശക്തി ചെലു​ത്തു​ന്ന​തും . . . ആണ്‌. . . . അതിനു ഹൃദയ​ത്തി​ലെ ചിന്തക​ളെ​യും ഉദ്ദേശ്യ​ങ്ങ​ളെ​യും തിരി​ച്ച​റി​യാ​നുള്ള കഴിവു​മുണ്ട്‌.” (എബ്രായർ 4:12) ബൈബിൾ വിദഗ്‌ധ​മാ​യി ഉപയോ​ഗി​ച്ചു​കൊണ്ട്‌ പ്രശ്‌ന​ത്തി​ന്റെ കാരണം മനസ്സി​ലാ​ക്കാ​നും ദൈവ​മു​മ്പാ​കെ കാര്യങ്ങൾ നേരെ​യാ​ക്കാ​നും ആത്മീയ​മാ​യി രോഗം ബാധി​ച്ച​യാ​ളെ സഹായി​ക്കു​ന്ന​തി​നു മൂപ്പന്മാർക്കു കഴിയും.

രണ്ട്‌, “വിശ്വാ​സ​ത്തോ​ടെ​യുള്ള പ്രാർഥന.” മൂപ്പന്മാർ പ്രാർഥി​ക്കു​ന്ന​തു​കൊണ്ട്‌ ദൈവം നീതി നടപ്പാ​ക്കാ​തി​രി​ക്ക​ണ​മെ​ന്നില്ല. എങ്കിലും മോച​ന​വി​ല​യു​ടെ അടിസ്ഥാ​ന​ത്തിൽ നമ്മളോ​ടു ക്ഷമിക്കാൻ ആഗ്രഹ​മുള്ള ദൈവം ഈ പ്രാർഥ​നകൾ കണക്കി​ലെ​ടു​ക്കും. (1 യോഹ​ന്നാൻ 2:2) ആത്മാർഥ​മാ​യി മാനസാ​ന്ത​ര​പ്പെ​ടു​ക​യും ‘മാനസാ​ന്ത​ര​ത്തി​നു ചേർച്ച​യിൽ പ്രവർത്തി​ക്കു​ക​യും’ ചെയ്യുന്ന ഏതൊരു പാപി​യെ​യും സഹായി​ക്കാൻ യഹോ​വ​യ്‌ക്കു മനസ്സാണ്‌.—പ്രവൃ​ത്തി​കൾ 26:20.

പാപങ്ങൾ മനുഷ്യ​രോ​ടു ചെയ്‌ത​താ​യാ​ലും ദൈവ​ത്തോ​ടു ചെയ്‌ത​താ​യാ​ലും, അത്‌ ഏറ്റുപ​റ​യേ​ണ്ട​തി​ന്റെ ഏറ്റവും പ്രധാ​ന​പ്പെട്ട കാരണം എന്താണ്‌? അങ്ങനെ ചെയ്‌തെ​ങ്കി​ലേ ദൈവ​ത്തി​ന്റെ അംഗീ​കാ​രം നമുക്കു കിട്ടു​ക​യു​ള്ളൂ. ശുദ്ധമായ ഒരു മനസ്സാ​ക്ഷി​യോ​ടെ ദൈവത്തെ ആരാധി​ക്ക​ണ​മെ​ങ്കിൽ ആദ്യം നമ്മൾ സഹമനു​ഷ്യ​നു​മാ​യുള്ള പ്രശ്‌നങ്ങൾ പരിഹ​രി​ക്കു​ക​യും അവരു​മാ​യി സമാധാ​ന​ത്തി​ലാ​കു​ക​യും വേണ​മെന്നു യേശു സൂചി​പ്പി​ച്ചു. (മത്തായി 5:23, 24) സുഭാ​ഷി​തങ്ങൾ 28:13 പറയുന്നു: “സ്വന്തം തെറ്റുകൾ മൂടി​വെ​ക്കു​ന്നവൻ വിജയി​ക്കില്ല; അവ ഏറ്റുപ​റഞ്ഞ്‌ ഉപേക്ഷി​ക്കു​ന്ന​വനു കരുണ ലഭിക്കും.” യഹോ​വ​യു​ടെ മുമ്പാകെ നമ്മളെ​ത്തന്നെ താഴ്‌ത്തി നമ്മൾ ക്ഷമയ്‌ക്കാ​യി യാചി​ക്കു​ന്നെ​ങ്കിൽ, ദൈവ​ത്തി​ന്റെ പ്രീതി നേടാൻ നമുക്കു കഴിയും. ദൈവം തക്കസമ​യത്ത്‌ നമ്മളെ ഉയർത്തും.—1 പത്രോസ്‌ 5:6.

ഒക്ടോബർ 14-20

ദൈവ​വ​ച​ന​ത്തി​ലെ നിധികൾ | 1 പത്രോസ്‌ 1-2

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-2-E 565 ¶3

മേൽവി​ചാ​ര​കൻ

ഏറ്റവും വലിയ മേൽവി​ചാ​രകൻ. ‘ആടുക​ളെ​പ്പോ​ലെ അലഞ്ഞു​നടന്ന’ എന്ന യശയ്യ 53:6-ലെ വാക്കു​ക​ളാ​യി​രി​ക്കാം ഇവിടെ 1 പത്രോസ്‌ 2:25-ൽ ഉദ്ധരി​ച്ചി​രി​ക്കു​ന്നത്‌. അതിനു ശേഷം പത്രോസ്‌ ഇങ്ങനെ പറയുന്നു: “എന്നാൽ ഇപ്പോൾ (നിങ്ങൾ) നിങ്ങളു​ടെ ജീവന്റെ മേൽവി​ചാ​ര​ക​നും ഇടയവ​നും ആയവന്റെ അടു​ത്തേക്കു മടങ്ങി​വ​ന്നി​രി​ക്കു​ന്നു.” (1പത്ര 2:25, അടിക്കു​റിപ്പ്‌) ദൈവ​മായ യഹോ​വയെ ആയിരി​ക്കണം ഇവിടെ ജീവന്റെ മേൽവി​ചാ​ര​ക​നും ഇടയനും എന്നു പരാമർശി​ച്ചി​രി​ക്കു​ന്നത്‌. കാരണം പത്രോസ്‌ കത്ത്‌ എഴുതിയ ആളുകൾ ക്രിസ്‌തു​യേ​ശു​വിൽനിന്ന്‌ അകന്നു​പോ​യ​വരല്ല, പകരം തന്റെ ജനത്തിന്റെ വലിയ ഇടയനായ യഹോ​വ​യി​ലേക്കു ക്രിസ്‌തു​യേ​ശു​വി​ലൂ​ടെ മടങ്ങി​വ​ന്ന​വ​രാണ്‌. (സങ്ക 23:1; 80:1; യിര 23:3; യഹ 34:12) യഹോവ ഒരു മേൽവി​ചാ​ര​ക​നു​മാണ്‌. കാരണം യഹോവ പരി​ശോ​ധന നടത്തുന്നു എന്നു ബൈബിൾ പറയുന്നു. (സങ്ക 17:3) പരി​ശോ​ധന (ഗ്രീക്ക്‌, എപിസ്‌കൊ​പീ) എന്നു പറയു​മ്പോൾ അത്‌ യഹോ​വ​യിൽനിന്ന്‌ വരുന്ന പ്രതി​കൂല ന്യായ​വി​ധി​യാ​കാം. ഒന്നാം നൂറ്റാ​ണ്ടി​ലെ യരുശ​ലേ​മി​ന്റെ കാര്യ​ത്തിൽ അതാണു സംഭവി​ച്ചത്‌. ആ നഗരം അതിന്റെ “പരി​ശോ​ധ​നാ​കാ​ലം” തിരി​ച്ച​റി​ഞ്ഞില്ല. (ലൂക്ക 19:44) ഇനി, ദൈവ​ത്തി​ന്റെ പരി​ശോ​ധ​ന​യു​ടെ ഫലമായി ദൈവ​ത്തി​ന്റെ പ്രീതി​യും മറ്റ്‌ അനു​ഗ്ര​ഹ​ങ്ങ​ളും ലഭി​ച്ചേ​ക്കാം. ദൈവം “പരി​ശോ​ധി​ക്കാൻ” (ഗ്രീക്കിൽ, എപിസ്‌കൊ​പെസ്‌) വരുന്ന ദിവസം ദൈവത്തെ മഹത്ത്വ​പ്പെ​ടു​ത്തു​ന്ന​വ​രു​ടെ കാര്യ​ത്തി​ലെ​ന്ന​പോ​ലെ.—1പത്ര 2:12.