സമർപ്പ​ണ​വും തിര​ഞ്ഞെ​ടു​പ്പു സ്വാത​ന്ത്ര്യ​വും

“അത്തരം സ്വാത​ന്ത്ര്യ​ത്തി​നാ​യി ക്രിസ്‌തു നമ്മെ സ്വത​ന്ത്ര​രാ​ക്കി.”—ഗലാത്യർ 5:1, NW.

1. ‘സമർപ്പണം,’ ‘പ്രതിഷ്‌ഠ,’ ‘ഏൽപ്പി​ച്ചു​കൊ​ടു​ക്കൽ’ എന്നിങ്ങനെ പരിഭാ​ഷ​പ്പെ​ടു​ത്തി​യി​രി​ക്കുന്ന എബ്രായ, ഗ്രീക്കു പദങ്ങൾ മുഖ്യ​മാ​യും എന്തിനു ബാധക​മാ​കു​ന്നു?

ഒരു വിശു​ദ്ധോ​ദ്ദേ​ശ്യ​ത്തി​നാ​യി പ്രവർത്തി​ക്കാൻ വേർതി​രി​ക്ക​പ്പെ​ട്ടവർ അഥവാ ഉഴിഞ്ഞു​വെ​ക്ക​പ്പെ​ട്ടവർ എന്ന ആശയം ധ്വനി​പ്പി​ക്കാൻ ബൈബി​ളെ​ഴു​ത്തു​കാർ പല എബ്രായ, ഗ്രീക്കു പദങ്ങൾ ഉപയോ​ഗി​ച്ചു. മലയാളം ബൈബി​ളിൽ ഇവ ‘സമർപ്പണം,’ ‘പ്രതിഷ്‌ഠ,’ ‘ഏൽപ്പി​ച്ചു​കൊ​ടു​ക്കൽ’ എന്നിങ്ങ​നെ​യുള്ള വാക്കുകൾ ഉപയോ​ഗിച്ച്‌ പരിഭാ​ഷ​പ്പെ​ടു​ത്തി​യി​രി​ക്കു​ന്നു. ചിലയ​വ​സ​ര​ങ്ങ​ളിൽ ഇവ കെട്ടി​ട​ങ്ങ​ളോ​ടുള്ള—പൊതു​വേ പുരാതന യെരൂ​ശ​ലേ​മി​ലെ ദൈവാ​ല​യ​ത്തോ​ടും അവിടെ നടത്തി​യി​രുന്ന ആരാധ​ന​യോ​ടു​മുള്ള—ബന്ധത്തിൽ ഉപയോ​ഗി​ച്ചി​രി​ക്കു​ന്നു. ലൗകിക കാര്യ​ങ്ങ​ളോ​ടുള്ള ബന്ധത്തിൽ ഈ വാക്കുകൾ അപൂർവ​മാ​യേ ഉപയോ​ഗി​ക്കു​ന്നു​ള്ളൂ.

“യിസ്രാ​യേ​ലി​ന്റെ ദൈവ”ത്തിനുള്ള സമർപ്പണം

2. യഹോ​വയെ “യിസ്രാ​യേ​ലി​ന്റെ ദൈവ”മെന്ന്‌ ഉചിത​മാ​യും വിളി​ക്കാൻ കഴിഞ്ഞ​തെ​ന്തു​കൊണ്ട്‌?

² പൊ.യു.മു. 1513-ൽ ദൈവം ഇസ്രാ​യേ​ല്യ​രെ ഈജി​പ്‌തി​ലെ അടിമ​ത്ത​ത്തിൽനി​ന്നു മോചി​പ്പി​ച്ചു. അതിനു​ശേഷം താമസി​യാ​തെ, അവരു​മാ​യി ഒരു ഉടമ്പടി ബന്ധത്തി​ലേർപ്പെ​ട്ടു​കൊണ്ട്‌ അവൻ അവരെ തന്റെ പ്രത്യേക ജനമായി വേർതി​രി​ച്ചു. അവരോട്‌ ഇങ്ങനെ പറയ​പ്പെട്ടു: “നിങ്ങൾ എന്റെ വാക്കു കേട്ടു അനുസ​രി​ക്ക​യും എന്റെ നിയമം പ്രമാ​ണി​ക്ക​യും ചെയ്‌താൽ നിങ്ങൾ എനിക്കു സകലജാ​തി​ക​ളി​ലും​വെച്ചു പ്രത്യേ​ക​സ​മ്പ​ത്താ​യി​രി​ക്കും; ഭൂമി ഒക്കെയും എനിക്കു​ള്ള​ത​ല്ലോ.” (പുറപ്പാ​ടു 19:5; സങ്കീർത്തനം 135:4) ഇസ്രാ​യേ​ല്യ​രെ തന്റെ പ്രത്യേക സ്വത്താ​ക്കി​യ​തി​നാൽ യഹോ​വയെ ഉചിത​മാ​യും “യിസ്രാ​യേ​ലി​ന്റെ ദൈവ”മെന്നു വിളി​ക്കാ​നാ​കു​മാ​യി​രു​ന്നു.—യോശുവ 24:23.

3. ഇസ്രാ​യേ​ലി​നെ സ്വന്തജ​ന​മാ​യി തിര​ഞ്ഞെ​ടു​ത്ത​തിൽ യഹോവ പക്ഷപാതം കാണി​ക്കു​ക​യ​ല്ലാ​ഞ്ഞ​തെ​ന്തു​കൊണ്ട്‌?

³ ഇസ്രാ​യേ​ല്യ​രെ തന്റെ സമർപ്പിത ജനമാ​ക്കി​യ​തിൽ യഹോവ പക്ഷപാതം കാണി​ക്കു​ക​യാ​യി​രു​ന്നില്ല. എന്തെന്നാൽ അവൻ ഇസ്രാ​യേ​ല്യേ​ത​ര​രോ​ടും സ്‌നേ​ഹ​പു​ര​സ്സ​ര​മായ താത്‌പ​ര്യം പ്രകട​മാ​ക്കി. അവൻ തന്റെ ജനത്തെ ഇങ്ങനെ പ്രബോ​ധി​പ്പി​ച്ചു: “പരദേശി നിന്നോ​ടു​കൂ​ടെ നിങ്ങളു​ടെ ദേശത്തു പാർത്താൽ അവനെ ഉപദ്ര​വി​ക്ക​രു​തു. നിങ്ങ​ളോ​ടു​കൂ​ടെ പാർക്കുന്ന പരദേശി നിങ്ങൾക്കു സ്വദേ​ശി​യെ​പ്പോ​ലെ ഇരി​ക്കേണം. അവനെ നിന്നെ​പ്പോ​ലെ തന്നേ സ്‌നേ​ഹി​ക്കേണം; നിങ്ങളും മിസ്ര​യീം​ദേ​ശത്തു പരദേ​ശി​ക​ളാ​യി​രു​ന്നു​വ​ല്ലോ; ഞാൻ നിങ്ങളു​ടെ ദൈവ​മായ യഹോവ ആകുന്നു.” (ലേവ്യ​പു​സ്‌തകം 19:33, 34) ദൈവ​ത്തി​ന്റെ ഈ വീക്ഷണം പത്രൊസ്‌ അപ്പോ​സ്‌ത​ല​നിൽ രൂഢമൂ​ല​മാ​യി​രു​ന്ന​തി​നാ​ലാണ്‌ നൂറ്റാ​ണ്ടു​കൾക്കു​ശേ​ഷം​പോ​ലും അവനി​ങ്ങനെ പറയാൻ കഴിഞ്ഞത്‌: “ദൈവ​ത്തി​ന്നു മുഖപ​ക്ഷ​മില്ല എന്നും ഏതു ജാതി​യി​ലും അവനെ ഭയപ്പെട്ടു നീതി പ്രവർത്തി​ക്കു​ന്ന​വനെ അവൻ അംഗീ​ക​രി​ക്കു​ന്നു എന്നും ഞാൻ ഇപ്പോൾ യഥാർത്ഥ​മാ​യി ഗ്രഹി​ക്കു​ന്നു.”—പ്രവൃ​ത്തി​കൾ 10:34, 35.

4. ദൈവ​ത്തി​നും ഇസ്രാ​യേ​ലി​നു​മി​ട​യി​ലെ ബന്ധത്തിന്റെ വ്യവസ്ഥകൾ എന്തെല്ലാ​മാ​യി​രു​ന്നു, ഇസ്രാ​യേ​ല്യർ അതിനു ചേർച്ച​യിൽ ജീവി​ച്ചു​വോ?

⁴ ശ്രദ്ധി​ക്കുക, ദൈവ​ത്തി​ന്റെ സമർപ്പിത ജനമാ​യി​രി​ക്കു​ക​യെ​ന്നത്‌ സോപാ​ധി​ക​മാ​യി​രു​ന്നു. അവർ കർശന​മാ​യും ദൈവ​ത്തി​ന്റെ വാക്കു കേട്ടനു​സ​രി​ക്കു​ക​യും അവന്റെ ഉടമ്പടി പാലി​ക്കു​ക​യും ചെയ്‌തെ​ങ്കിൽ മാത്രമേ അവർക്ക്‌ അവന്റെ ‘പ്രത്യേക സ്വത്ത്‌’ ആയിരി​ക്കാ​നാ​കു​മാ​യി​രു​ന്നു​ള്ളൂ. സങ്കടക​ര​മെന്നു പറയട്ടെ, ഈ നിബന്ധ​നകൾ പാലി​ക്കാൻ ഇസ്രാ​യേ​ല്യർ പരാജ​യ​പ്പെട്ടു. പൊ.യു. ഒന്നാം നൂറ്റാ​ണ്ടിൽ ദൈവം അയച്ച മിശി​ഹാ​യെ തള്ളിക്ക​ള​ഞ്ഞ​പ്പോൾ അവർ അവരുടെ പ്രത്യേക പദവി നഷ്ടപ്പെ​ടു​ത്തി. യഹോവ മേലാൽ “യിസ്രാ​യേ​ലി​ന്റെ ദൈവ”മല്ലാതാ​യി. സ്വാഭാ​വിക ഇസ്രാ​യേ​ല്യർ മേലാൽ ദൈവ​ത്തി​ന്റെ സമർപ്പിത ജനവു​മ​ല്ലാ​താ​യി.—മത്തായി 23:23 താരത​മ്യം ചെയ്യുക.

“ദൈവ​ത്തി​ന്റെ യിസ്രാ​യേലി”ന്റെ സമർപ്പണം

5, 6. (എ) മത്തായി 21:42, 43-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ പ്രാവ​ച​നിക വാക്കു​ക​ളാൽ അവൻ എന്താണ്‌ അർഥമാ​ക്കി​യത്‌? (ബി) എപ്പോൾ, എങ്ങനെ ‘ദൈവ​ത്തി​ന്റെ യിസ്രാ​യേൽ’ അസ്‌തി​ത്വ​ത്തിൽ വന്നു?

⁵ ഇതിനർഥം യഹോ​വ​യ്‌ക്കി​പ്പോൾ ഒരു സമർപ്പിത ജനമി​ല്ലെ​ന്നാ​ണോ? അല്ല. സങ്കീർത്ത​ന​ക്കാ​രനെ ഉദ്ധരി​ച്ചു​കൊണ്ട്‌, യേശു​ക്രി​സ്‌തു മുൻകൂ​ട്ടി​പ്പ​റഞ്ഞു: ‘“വീടു​പ​ണി​യു​ന്നവർ തള്ളിക്കളഞ്ഞ കല്ലു മൂലക്ക​ല്ലാ​യി തീർന്നി​രി​ക്കു​ന്നു; ഇതു കർത്താ​വി​നാൽ സംഭവി​ച്ചു നമ്മുടെ ദൃഷ്ടി​യിൽ ആശ്ചര്യ​വു​മാ​യി​രി​ക്കു​ന്നു” എന്നു നിങ്ങൾ തിരു​വെ​ഴു​ത്തു​ക​ളിൽ ഒരിക്ക​ലും വായി​ച്ചി​ട്ടി​ല്ല​യോ? അതു​കൊ​ണ്ടു ദൈവ​രാ​ജ്യം നിങ്ങളു​ടെ പക്കൽനി​ന്നു എടുത്തു അതിന്റെ ഫലം കൊടു​ക്കുന്ന ജാതിക്കു കൊടു​ക്കും എന്നു ഞാൻ നിങ്ങ​ളോ​ടു പറയുന്നു.’—മത്തായി 21:42, 43.

⁶ “അതിന്റെ ഫലം കൊടു​ക്കുന്ന ജാതി” ക്രിസ്‌തീയ സഭയാ​ണെന്നു തെളിഞ്ഞു. യേശു​വി​ന്റെ ഭൗമിക ജീവി​ത​കാ​ലത്ത്‌, അവൻ അതിന്റെ ഭാവി​യം​ഗ​ങ്ങ​ളിൽ ആദ്യകൂ​ട്ടത്തെ തിര​ഞ്ഞെ​ടു​ത്തു. എന്നാൽ പൊ.യു. 33-ലെ പെന്ത​ക്കോ​സ്‌ത്‌ നാളിൽ, 120 പേരോ​ളം​വ​രുന്ന അതിന്റെ ആദ്യ അംഗങ്ങ​ളു​ടെ​മേൽ പരിശു​ദ്ധാ​ത്മാ​വി​നെ പകർന്നു​കൊണ്ട്‌ ക്രിസ്‌തീയ സഭ സ്ഥാപി​ച്ചത്‌ യഹോ​വ​യാം ദൈവം​ത​ന്നെ​യാ​യി​രു​ന്നു. (പ്രവൃ​ത്തി​കൾ 1:15; 2:1-4) പത്രൊസ്‌ അപ്പോ​സ്‌തലൻ പിൽക്കാ​ലത്ത്‌ എഴുതി​യ​തു​പോ​ലെ, പുതു​താ​യി രൂപം​കൊണ്ട ഈ സഭ “തിര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീ​യ​പു​രോ​ഹി​ത​വർഗ്ഗ​വും വിശു​ദ്ധ​വം​ശ​വും സ്വന്തജ​ന​വും” ആയിത്തീർന്നു. എന്തിനു തിര​ഞ്ഞെ​ടു​ക്ക​പ്പെ​ട്ടവർ? “അന്ധകാ​ര​ത്തിൽനി​ന്നു തന്റെ അത്ഭുത പ്രകാ​ശ​ത്തി​ലേക്കു [അവരെ] വിളി​ച്ച​വന്റെ സൽഗു​ണ​ങ്ങളെ ഘോഷി”ക്കേണ്ടതിന്‌. (1 പത്രൊസ്‌ 2:9) ദൈവാ​ത്മാ​വി​നാൽ അഭി​ഷേ​കം​ചെ​യ്യ​പ്പെട്ട, ക്രിസ്‌തു​വി​ന്റെ അനുഗാ​മി​കൾ ഇപ്പോൾ ഒരു സമർപ്പിത ജനതയായ, ‘ദൈവ​ത്തി​ന്റെ യിസ്രാ​യേൽ’ ആയി.—ഗലാത്യർ 6:16.

7. ദൈവ​ത്തി​ന്റെ ഇസ്രാ​യേ​ലിൽപ്പെ​ട്ടവർ എന്ത്‌ ആസ്വദി​ക്ക​ണ​മാ​യി​രു​ന്നു, അതു​കൊണ്ട്‌ എന്ത്‌ ഒഴിവാ​ക്കാൻ അവരോട്‌ ആവശ്യ​പ്പെട്ടു?

⁷ ആ വിശുദ്ധ ജനതയി​ലെ അംഗങ്ങൾ “സ്വന്തജന”മായി​രു​ന്നെ​ങ്കി​ലും അവരെ അടിമ​ക​ളാ​ക്കു​ക​യി​ല്ലാ​യി​രു​ന്നു. മറിച്ച്‌, സ്വാഭാ​വിക ഇസ്രാ​യേൽ എന്ന സമർപ്പിത ജനത ആസ്വദി​ച്ചി​രു​ന്ന​തി​നെ​ക്കാൾ വലിയ സ്വാത​ന്ത്ര്യം അവർക്കു ലഭിക്കു​മാ​യി​രു​ന്നു. ഈ പുതിയ ജനതയി​ലെ ഭാവി​യം​ഗ​ങ്ങൾക്ക്‌ യേശു ഈ വാഗ്‌ദാ​നം നൽകി: “[നിങ്ങൾ] സത്യം അറിക​യും സത്യം നിങ്ങളെ സ്വത​ന്ത്രൻമാ​രാ​ക്കു​ക​യും ചെയ്യും.” (യോഹ​ന്നാൻ 8:32) ക്രിസ്‌ത്യാ​നി​കൾ ന്യായ​പ്ര​മാണ ഉടമ്പടി​യു​ടെ നിബന്ധ​ന​ക​ളിൽനി​ന്നു സ്വത​ന്ത്ര​രാ​ക്ക​പ്പെ​ട്ടി​രി​ക്കു​ന്നു​വെന്ന്‌ പൗലൊസ്‌ അപ്പോ​സ്‌തലൻ ചൂണ്ടി​ക്കാ​ട്ടി. ഇതു സംബന്ധി​ച്ചു ഗലാത്യ​യി​ലുള്ള സഹവി​ശ്വാ​സി​കളെ അവൻ ഇങ്ങനെ അനുശാ​സി​ച്ചു: “സ്വാത​ന്ത്ര്യ​ത്തി​ന്നാ​യി​ട്ടു ക്രിസ്‌തു നമ്മെ സ്വത​ന്ത്ര​രാ​ക്കി; ആകയാൽ അതിൽ ഉറെച്ചു​നി​ല്‌പിൻ; അടിമ​നു​ക​ത്തിൽ പിന്നെ​യും കുടു​ങ്ങി​പ്പോ​ക​രു​തു.”—ഗലാത്യർ 5:1.

8. ക്രിസ്‌തീയ ക്രമീ​ക​രണം ന്യായ​പ്ര​മാണ ഉടമ്പടി​ക്കു കീഴി​ലു​ണ്ടാ​യി​രു​ന്നവർ ആസ്വദി​ച്ചി​രു​ന്ന​തി​നെ​ക്കാൾ വലിയ സ്വാത​ന്ത്ര്യം വ്യക്തി​കൾക്കു പ്രദാനം ചെയ്യു​ന്നത്‌ ഏതു വിധത്തിൽ?

⁸ പുരാതന കാലത്തെ സ്വാഭാ​വിക ഇസ്രാ​യേ​ലിൽനി​ന്നു വ്യത്യ​സ്‌ത​മാ​യി, ദൈവ​ത്തി​ന്റെ ഇസ്രാ​യേൽ അതിന്റെ സമർപ്പണ നിബന്ധ​നകൾ ഇന്നുവ​രെ​യും കർശന​മാ​യി അനുസ​രി​ച്ചി​രി​ക്കു​ന്നു. അതിന്റെ അംഗങ്ങൾ അവ അനുസ​രി​ക്കാൻ സ്വമന​സ്സാ​ലെ തീരു​മാ​നി​ച്ച​തി​നാൽ ഇതിൽ അതിശ​യി​ക്കാ​നില്ല. സ്വാഭാ​വിക ഇസ്രാ​യേ​ലി​ന്റെ അംഗങ്ങൾ ജന്മനാ സമർപ്പി​ത​രാ​യി​രി​ക്കെ, സ്വന്തം തിര​ഞ്ഞെ​ടു​പ്പി​നാ​ലാണ്‌ ഒരുവൻ ദൈവ​ത്തി​ന്റെ ഇസ്രാ​യേ​ലി​ന്റെ ഭാഗമാ​കു​ന്നത്‌. തിര​ഞ്ഞെ​ടു​പ്പു സ്വാത​ന്ത്ര്യം കൊടു​ക്കാ​തെ വ്യക്തി​യു​ടെ​മേൽ സമർപ്പണം അടി​ച്ചേൽപ്പി​ച്ചി​രുന്ന യഹൂദ ന്യായ​പ്ര​മാണ ഉടമ്പടി​യിൽനി​ന്നു വ്യത്യ​സ്‌ത​മാ​യി​രു​ന്നു ക്രിസ്‌തീയ ക്രമീ​ക​രണം.

9, 10. (എ) സമർപ്പ​ണ​ത്തി​ന്റെ കാര്യ​ത്തിൽ ഒരു മാറ്റം സംഭവി​ക്കു​മെന്ന്‌ യിരെ​മ്യാ​വു സൂചി​പ്പി​ച്ച​തെ​ങ്ങനെ? (ബി) ഇന്നത്തെ എല്ലാ സമർപ്പിത ക്രിസ്‌ത്യാ​നി​ക​ളും ദൈവ​ത്തി​ന്റെ ഇസ്രാ​യേ​ലിൽ അംഗങ്ങ​ള​ല്ലെന്ന്‌ നിങ്ങൾ പറയു​ന്ന​തെ​ന്തു​കൊണ്ട്‌?

⁹ സമർപ്പണം സംബന്ധിച്ച്‌ ഒരു മാറ്റം സംഭവി​ക്കു​മെന്ന്‌ യിരെ​മ്യാ പ്രവാ​ചകൻ മുൻകൂ​ട്ടി​പ്പ​റഞ്ഞു: “ഞാൻ യിസ്രാ​യേൽഗൃ​ഹ​ത്തോ​ടും യെഹൂ​ദാ​ഗൃ​ഹ​ത്തോ​ടും പുതി​യോ​രു നിയമം [“ഉടമ്പടി,” NW] ചെയ്യുന്ന കാലം വരും എന്നു യഹോ​വ​യു​ടെ അരുള​പ്പാ​ടു. ഞാൻ അവരുടെ പിതാ​ക്ക​ന്മാ​രെ കൈക്കു പിടിച്ചു മിസ്ര​യീം​ദേ​ശ​ത്തു​നി​ന്നു കൊണ്ടു​വന്ന നാളിൽ ഞാൻ അവരോ​ടു ചെയ്‌ത നിയമം​പോ​ലെയല്ല; ഞാൻ അവർക്കു ഭർത്താ​വാ​യി​രു​ന്നി​ട്ടും അവർ എന്റെ നിയമം ലംഘി​ച്ചു​ക​ളഞ്ഞു എന്നു യഹോ​വ​യു​ടെ അരുള​പ്പാ​ടു. എന്നാൽ ഈ കാലം കഴിഞ്ഞ​ശേഷം ഞാൻ യിസ്രാ​യേൽഗൃ​ഹ​ത്തോ​ടു ചെയ്‌വാ​നി​രി​ക്കുന്ന നിയമം ഇങ്ങനെ​യാ​കു​ന്നു: ഞാൻ എന്റെ ന്യായ​പ്ര​മാ​ണം അവരുടെ ഉള്ളിലാ​ക്കി അവരുടെ ഹൃദയ​ങ്ങ​ളിൽ എഴുതും; ഞാൻ അവർക്കു ദൈവ​മാ​യും അവർ എനിക്കു ജനമാ​യും ഇരിക്കും എന്നു യഹോ​വ​യു​ടെ അരുള​പ്പാ​ടു.”—യിരെ​മ്യാ​വു 31:31-33.

¹⁰ ദൈവ​ത്തി​ന്റെ നിയമം “അവരുടെ ഉള്ളി”ലായി​രി​ക്കു​ന്ന​തി​നാൽ, ആലങ്കാ​രി​ക​മാ​യി പറഞ്ഞാൽ “അവരുടെ ഹൃദയ”ത്തിൽ എഴുത​പ്പെ​ട്ടി​രി​ക്കു​ന്ന​തി​നാൽ, ദൈവ​ത്തി​ന്റെ ഇസ്രാ​യേ​ലിൽപ്പെ​ട്ടവർ തങ്ങളുടെ സമർപ്പ​ണ​ത്തി​നു ചേർച്ച​യിൽ ജീവി​ക്കാൻ പ്രചോ​ദി​ത​രാ​ക്ക​പ്പെ​ടു​ന്നു. സ്വന്തം തിര​ഞ്ഞെ​ടു​പ്പി​നാ​ലല്ല, മറിച്ച്‌ ജന്മനാ സമർപ്പി​ത​രാ​യി​രുന്ന സ്വാഭാ​വിക ഇസ്രാ​യേ​ലി​നെ​ക്കാൾ ശക്തമാ​യാണ്‌ അവർ പ്രചോ​ദി​ത​രാ​ക്ക​പ്പെ​ടു​ന്നത്‌. ദൈവ​ഹി​തം നിവർത്തി​ക്കു​ന്ന​തിൽ ദൈവ​ത്തി​ന്റെ ഇസ്രാ​യേ​ലി​നുള്ള ശക്തമായ പ്രചോ​ദ​ന​ത്തിൽ വേറൊ​രു കൂട്ടം ഇന്നു പങ്കുപ​റ്റു​ന്നുണ്ട്‌, ലോക​മെ​മ്പാ​ടു​മുള്ള അമ്പതു ലക്ഷത്തി​ല​ധി​കം​വ​രുന്ന അവരുടെ സഹാരാ​ധകർ. യഹോ​വ​യാം ദൈവ​ത്തി​ന്റെ ഹിതം നിവർത്തി​ക്കാൻ അവരും തങ്ങളുടെ ജീവിതം അവനു സമർപ്പി​ച്ചി​രി​ക്കു​ന്നു. ദൈവ​ത്തി​ന്റെ ഇസ്രാ​യേ​ലി​ലെ അംഗങ്ങൾക്കു​ള്ള​തു​പോ​ലെ സ്വർഗീയ ജീവി​ത​ത്തി​നുള്ള പ്രത്യാ​ശ​യി​ല്ലെ​ങ്കി​ലും ഈ വ്യക്തികൾ ദൈവ​ത്തി​ന്റെ സ്വർഗീയ രാജ്യ​ഭ​ര​ണ​ത്തിൻ കീഴിൽ ഭൂമി​യിൽ എന്നേക്കും ജീവി​ക്കാൻ കഴിയും എന്ന പ്രതീ​ക്ഷ​യിൽ സന്തോ​ഷി​ക്കു​ന്നു. “അന്ധകാ​ര​ത്തിൽനി​ന്നു തന്റെ അത്ഭുത പ്രകാ​ശ​ത്തി​ലേക്കു [തങ്ങളെ] വിളി​ച്ച​വന്റെ സൽഗു​ണ​ങ്ങളെ ഘോഷി​പ്പാ”നുള്ള ആത്മീയ ഇസ്രാ​യേ​ലി​ന്റെ നിയമനം നിറ​വേ​റ്റു​ന്ന​തിൽ അതിന്റെ ചെറിയ ശേഷി​പ്പി​നെ സജീവ​മാ​യി പിന്തു​ണ​ച്ചു​കൊണ്ട്‌ അവർ അവരോ​ടു വിലമ​തി​പ്പു പ്രകട​മാ​ക്കു​ന്നു.

ദൈവദത്ത സ്വാത​ന്ത്ര്യം ബുദ്ധി​പൂർവം വിനി​യോ​ഗി​ക്കൽ

11. മനുഷ്യൻ എന്തു പ്രാപ്‌തി​യോ​ടെ സൃഷ്ടി​ക്ക​പ്പെ​ട്ടി​രി​ക്കു​ന്നു, അതെങ്ങനെ വിനി​യോ​ഗി​ക്ക​പ്പെ​ടണം?

¹¹ സ്വാത​ന്ത്ര്യ​ത്തെ നിധി​പോ​ലെ വിലമ​തി​ക്കാൻ ദൈവം മനുഷ്യ​രെ സൃഷ്ടിച്ചു. അവൻ അവർക്ക്‌ ഇച്ഛാസ്വാ​ത​ന്ത്ര്യ പ്രാപ്‌തി നൽകി. ആദ്യ മാനുഷ ദമ്പതികൾ തങ്ങളുടെ തിര​ഞ്ഞെ​ടു​പ്പു സ്വാത​ന്ത്ര്യം ഉപയോ​ഗി​ച്ചു. എന്നാൽ അവർ തങ്ങൾക്കും സന്താന​ങ്ങൾക്കും ദുരന്തം​വ​രു​ത്തി​വെച്ച ബുദ്ധി​ശൂ​ന്യ​വും സ്‌നേ​ഹ​ശൂ​ന്യ​വു​മായ ഒരു തിര​ഞ്ഞെ​ടു​പ്പു നടത്തി. എന്നിട്ടും ബുദ്ധി​യുള്ള സൃഷ്ടികൾ തങ്ങളുടെ ആന്തരിക പ്രേര​ണ​കൾക്കോ അഭിലാ​ഷ​ങ്ങൾക്കോ വിപരീ​ത​മായ ഒരു ഗതി സ്വീക​രി​ക്ക​ണ​മെന്ന്‌ യഹോവ ഒരിക്ക​ലും നിർബ​ന്ധി​ക്കു​ന്നി​ല്ലെന്ന്‌ ഇതു വ്യക്തമാ​യി പ്രകട​മാ​ക്കു​ന്നു. “സന്തോ​ഷ​ത്തോ​ടെ കൊടു​ക്കു​ന്ന​വനെ ദൈവം സ്‌നേ​ഹി​ക്കുന്ന”തുകൊണ്ട്‌, അവനു സ്വീകാ​ര്യ​മായ ഒരേ​യൊ​രു സമർപ്പണം സ്‌നേ​ഹ​ത്തി​ല​ധി​ഷ്‌ഠി​ത​വും സന്തോ​ഷ​ത്തോ​ടെ സ്വമേ​ധയാ ചെയ്യു​ന്ന​തും തിര​ഞ്ഞെ​ടു​പ്പു സ്വാത​ന്ത്ര്യ​ത്തി​ല​ധി​ഷ്‌ഠി​ത​വു​മാണ്‌. (2 കൊരി​ന്ത്യർ 9:7) മറ്റു യാതൊ​രു തരത്തി​ലു​ള്ള​തും സ്വീകാ​ര്യ​മല്ല.

12, 13. കുട്ടി​ക​ളു​ടെ ഉചിത​മായ പരിശീ​ല​ന​ത്തി​ന്റെ കാര്യ​ത്തിൽ തിമൊ​ഥെ​യൊസ്‌ ഒരു മാതൃ​ക​യാ​യി​രി​ക്കു​ന്ന​തെ​ങ്ങനെ, അവന്റെ മാതൃക അനേകം യുവജ​ന​ങ്ങളെ എന്തി​ലേക്കു നയിച്ചി​രി​ക്കു​ന്നു?

¹² ഈ നിബന്ധന പൂർണ​മാ​യും അംഗീ​ക​രി​ച്ചു​കൊണ്ട്‌, യഹോ​വ​യു​ടെ സാക്ഷികൾ ഓരോ​രു​ത്ത​രെ​യും സ്വയം ദൈവ​ത്തി​നു സമർപ്പി​ക്കാൻ പ്രോ​ത്സാ​ഹി​പ്പി​ക്കു​ന്നു, എന്നാൽ അവർ ആരെയും, സ്വന്തം മക്കളെ​പ്പോ​ലും നിർബ​ന്ധി​ച്ചു സമർപ്പണം നടത്തി​ക്കു​ന്നില്ല. അനേകം സഭകളിൽനി​ന്നു വ്യത്യ​സ്‌ത​മാ​യി, വ്യക്തി​പ​ര​മായ തിര​ഞ്ഞെ​ടു​പ്പി​ന്റെ പ്രയോ​ജനം കൂടാതെ ബലാത്‌കാ​രേണ സമർപ്പണം ചെയ്യി​ക്കുക സാധ്യ​മാ​ണെ​ന്ന​മ​ട്ടിൽ സാക്ഷികൾ തങ്ങളുടെ കുട്ടി​കൾക്കു ശിശു​സ്‌നാ​നം നൽകു​ന്നില്ല. യുവാ​വായ തിമൊ​ഥെ​യൊ​സി​ന്റെ മാതൃ​ക​യാണ്‌ പിൻപ​റ്റേണ്ട തിരു​വെ​ഴു​ത്തു​പ​ര​മായ രീതി. പ്രായ​പൂർത്തി​യെ​ത്തിയ അവനോട്‌ പൗലൊസ്‌ അപ്പോ​സ്‌തലൻ പറഞ്ഞു: “നീയോ ഇന്നവ​രോ​ടു പഠിച്ചു എന്നു ഓർക്കു​ക​യും ക്രിസ്‌തു​യേ​ശു​വി​ങ്ക​ലുള്ള വിശ്വാ​സ​ത്താൽ നിന്നെ രക്ഷെക്കു ജ്ഞാനി​യാ​ക്കു​വാൻ മതിയായ തിരു​വെ​ഴു​ത്തു​കളെ ബാല്യം​മു​തൽ അറിക​യും ചെയ്യു​ന്നതു കൊണ്ടു നീ പഠിച്ചും നിശ്ചയം പ്രാപി​ച്ചും ഇരിക്കു​ന്ന​തിൽ നിലനില്‌ക്ക.”—2 തിമൊ​ഥെ​യൊസ്‌ 3:14, 15.

¹³ ശൈശ​വം​മു​തൽ പഠിപ്പി​ക്ക​പ്പെ​ട്ടി​രു​ന്ന​തി​നാൽ തിമൊ​ഥെ​യൊ​സിന്‌ വിശുദ്ധ ലിഖി​തങ്ങൾ അറിയാ​മാ​യി​രു​ന്നു​വെ​ന്നതു ശ്രദ്ധേ​യ​മാണ്‌. അമ്മയാ​ലും വല്യമ്മ​യാ​ലും അവൻ ക്രിസ്‌തീയ പഠിപ്പി​ക്ക​ലു​കൾ വിശ്വ​സി​ക്കാൻ പ്രേരി​പ്പി​ക്ക​പ്പെട്ടു, അല്ലാതെ നിർബ​ന്ധി​ക്ക​പ്പെ​ട്ടില്ല. (2 തിമൊ​ഥെ​യൊസ്‌ 1:5) അതിന്റെ ഫലമായി, ക്രിസ്‌തു​വി​ന്റെ അനുഗാ​മി​യാ​യി​ത്തീ​രു​ന്ന​തി​ലെ ജ്ഞാനം മനസ്സി​ലാ​ക്കി തിമൊ​ഥെ​യൊസ്‌ ക്രിസ്‌തീയ സമർപ്പ​ണ​ത്തി​നാ​യി വ്യക്തി​പ​ര​മായ തിര​ഞ്ഞെ​ടു​പ്പു നടത്തി. ആധുനിക നാളിൽ, യഹോ​വ​യു​ടെ സാക്ഷികൾ മാതാ​പി​താ​ക്ക​ളാ​യുള്ള പതിനാ​യി​ര​ക്ക​ണ​ക്കി​നു യുവതീ​യു​വാ​ക്കൾ ഈ മാതൃക പിൻപ​റ്റി​യി​ട്ടുണ്ട്‌. (സങ്കീർത്തനം 110:3) അങ്ങനെ ചെയ്യാ​ത്ത​വ​രു​മുണ്ട്‌. അതു വ്യക്തി​പ​ര​മായ തിര​ഞ്ഞെ​ടു​പ്പാണ്‌.

ആരുടെ അടിമ​യാ​കാൻ തിര​ഞ്ഞെ​ടു​ക്കു​ന്നു?

14. പൂർണ സ്വാത​ന്ത്ര്യ​ത്തെ​ക്കു​റി​ച്ചു റോമർ 6:16 നമ്മോട്‌ എന്തു പറയുന്നു?

¹⁴ ഒരു മനുഷ്യ​നും പൂർണ​മാ​യി സ്വത​ന്ത്രനല്ല. ഗുരു​ത്വാ​കർഷ​ണ​നി​യ​മം​പോ​ലുള്ള ഭൗതിക നിയമ​ങ്ങ​ളാൽ ഓരോ​രു​ത്ത​രു​ടെ​യും സ്വാത​ന്ത്ര്യം പരിമി​ത​പ്പെ​ടു​ന്നു. ഹാനി തട്ടാതെ അത്തരം നിയമ​ങ്ങളെ അവഗണി​ക്കാ​നാ​വില്ല. ആത്മീയ അർഥത്തി​ലും ഒരാളും പൂർണ​മാ​യി സ്വത​ന്ത്രനല്ല. പൗലൊസ്‌ ഇങ്ങനെ ന്യായ​വാ​ദം ചെയ്‌തു: “നിങ്ങൾ ദാസന്മാ​രാ​യി അനുസ​രി​പ്പാൻ നിങ്ങ​ളെ​ത്തന്നേ സമർപ്പി​ക്ക​യും നിങ്ങൾ അനുസ​രി​ച്ചു പോരു​ക​യും ചെയ്യു​ന്ന​വന്നു ദാസന്മാർ ആകുന്നു എന്നു അറിയു​ന്നി​ല്ല​യോ? ഒന്നുകിൽ മരണത്തി​ന്നാ​യി പാപത്തി​ന്റെ ദാസന്മാർ, അല്ലെങ്കിൽ നീതി​ക്കാ​യി അനുസ​ര​ണ​ത്തി​ന്റെ ദാസന്മാർ തന്നേ.”—റോമർ 6:16.

15. (എ) അടിമ​ക​ളാ​യി​രി​ക്കു​ന്ന​തി​നെ​ക്കു​റിച്ച്‌ ആളുകൾക്കെന്തു തോന്നു​ന്നു, എന്നാൽ മിക്കവ​രും അവസാനം എന്തു ചെയ്യു​ന്ന​തിൽ കലാശി​ക്കു​ന്നു? (ബി) നമുക്കു നമ്മോ​ടു​തന്നെ ഉചിത​മായ ഏതെല്ലാം ചോദ്യ​ങ്ങൾ ചോദി​ക്കാ​വു​ന്ന​താണ്‌?

¹⁵ ആരു​ടെ​യെ​ങ്കി​ലും അടിമ​യാ​യി​രി​ക്കു​ക​യെന്ന ആശയം​തന്നെ മിക്കവർക്കും അരോ​ച​ക​മാണ്‌. എന്നിരു​ന്നാ​ലും, ഇന്നത്തെ ലോക​ത്തിൽ ആളുകൾ മറ്റുള്ള​വ​രു​ടെ കൈയി​ലെ പാവക​ളാ​കാൻ തങ്ങളെ​ത്തന്നെ അനുവ​ദി​ക്കു​ക​യും കുടി​ല​മായ അനേകം വിധങ്ങ​ളാൽ സ്വാധീ​നി​ക്ക​പ്പെട്ട്‌ സ്വന്തം ഇച്ഛയ്‌ക്കു വിരു​ദ്ധ​മാ​യി മറ്റുള്ള​വ​രു​ടെ ആഗ്രഹ​ങ്ങൾക്കൊത്ത്‌ പ്രവർത്തി​ക്കു​ക​യും ചെയ്യാ​റു​ണ്ടെ​ന്ന​താണ്‌ വാസ്‌തവം. ഉദാഹ​ര​ണ​ത്തിന്‌, ആളുകൾക്കു പിൻപ​റ്റു​ന്ന​തി​നുള്ള നിലവാ​രങ്ങൾ വെച്ചു​കൊണ്ട്‌ പരസ്യ​വ്യ​വ​സാ​യ​വും വിനോ​ദ​ലോ​ക​വും അവരെ ഒരു മൂശയി​ലൊ​തു​ക്കാൻ ശ്രമി​ക്കു​ന്നു. രാഷ്‌ട്രീയ, മത സംഘട​നകൾ എല്ലായ്‌പോ​ഴും തങ്ങളുടെ ആശയങ്ങൾക്കും ലക്ഷ്യങ്ങൾക്കും ആളുക​ളു​ടെ പിന്തു​ണ​തേ​ടു​ന്നത്‌ ശക്തമായ വാദമു​ഖ​ങ്ങ​ളി​ലൂ​ടെയല്ല, മറിച്ച്‌ പലപ്പോ​ഴും ഐക്യ​ദാർഢ്യ​ത്തി​ന്റെ​യോ കൂറി​ന്റെ​യോ പേരി​ലാ​വും. ‘നാം അനുസ​രി​ച്ചു പോരു​ന്ന​വർക്കു നാം ദാസന്മാ​രാ​കു​ന്നു’വെന്നു പൗലൊസ്‌ പ്രസ്‌താ​വി​ക്കു​ന്ന​തു​കൊണ്ട്‌ നാം ഓരോ​രു​ത്ത​രും സ്വയം ഇങ്ങനെ ചോദി​ക്കു​ന്നത്‌ നല്ലതാണ്‌, ‘ഞാൻ ആരുടെ അടിമ​യാണ്‌? എന്റെ തീരു​മാ​ന​ങ്ങ​ളി​ന്മേ​ലും എന്റെ ജീവി​ത​രീ​തി​യു​ടെ​മേ​ലും ഏറ്റവും കൂടുതൽ സ്വാധീ​നം ചെലു​ത്തു​ന്ന​താ​രാണ്‌? പുരോ​ഹി​ത​ന്മാ​രോ രാഷ്‌ട്രീയ നേതാ​ക്ക​ന്മാ​രോ ധനാഢ്യ​രോ കലാകാ​ര​ന്മാ​രോ? ഞാൻ ആരെയാണ്‌ അനുസ​രി​ക്കു​ന്നത്‌—ദൈവ​ത്തെ​യോ മനുഷ്യ​രെ​യോ?’

16. ഏതർഥ​ത്തി​ലാണ്‌ ക്രിസ്‌ത്യാ​നി​കൾ ദൈവ​ത്തി​ന്റെ അടിമ​ക​ളാ​യി​രി​ക്കു​ന്നത്‌, അത്തരം അടിമ​ത്ത​ത്തെ​ക്കു​റി​ച്ചുള്ള ഉചിത​മായ കാഴ്‌ച​പ്പാ​ടെന്ത്‌?

¹⁶ ദൈവത്തെ അനുസ​രി​ക്കു​ന്ന​തു​കൊണ്ട്‌ വ്യക്തി​പ​ര​മായ സ്വാത​ന്ത്ര്യം അന്യാ​യ​മാ​യി നഷ്ടപ്പെ​ടു​മെന്നു ക്രിസ്‌ത്യാ​നി​കൾ വിചാ​രി​ക്കു​ന്നില്ല. തങ്ങളുടെ വ്യക്തി​പ​ര​മായ ആഗ്രഹ​ങ്ങ​ളും മുൻഗ​ണ​ന​ക​ളും ദൈവ​ഹി​ത​ത്തി​നു ചേർച്ച​യി​ലാ​ക്കി​ക്കൊണ്ട്‌ തങ്ങളുടെ മാതൃ​കാ​പു​രു​ഷ​നായ യേശു​ക്രി​സ്‌തു​വി​ന്റെ രീതി​യിൽത്തന്നെ അവർ തങ്ങളുടെ സ്വാത​ന്ത്ര്യം മനസ്സോ​ടെ വിനി​യോ​ഗി​ക്കു​ന്നു. (യോഹ​ന്നാൻ 5:30; 6:38) സഭയുടെ ശിരസ്സ്‌ എന്നനി​ല​യിൽ ക്രിസ്‌തു​വി​നു തങ്ങളെ​ത്തന്നെ വിധേ​യ​രാ​ക്കി​ക്കൊണ്ട്‌ അവർ ‘ക്രിസ്‌തു​വി​ന്റെ മനസ്സ്‌’ വികസി​പ്പി​ച്ചെ​ടു​ക്കു​ന്നു. (1 കൊരി​ന്ത്യർ 2:14-16; കൊ​ലൊ​സ്സ്യർ 1:15-18) ഇത്‌ ഏറെയും താൻ സ്‌നേ​ഹി​ക്കുന്ന ഒരു പുരു​ഷനെ വിവാഹം ചെയ്‌ത്‌ അയാ​ളോ​ടു മനസ്സോ​ടെ സഹകരി​ക്കുന്ന ഒരു സ്‌ത്രീ​യെ​പ്പോ​ലെ​യാണ്‌. വാസ്‌ത​വ​ത്തിൽ, അഭിഷിക്ത ക്രിസ്‌ത്യാ​നി​ക​ളു​ടെ സംഘത്തെ ക്രിസ്‌തു​വി​നു വിവാ​ഹ​വാ​ഗ്‌ദാ​നം ചെയ്‌തി​രി​ക്കുന്ന ഒരു നിർമല കന്യക​യാ​യി​ട്ടാണ്‌ വർണി​ച്ചി​രി​ക്കു​ന്നത്‌.—2 കൊരി​ന്ത്യർ 11:2; എഫെസ്യർ 5:23, 24; വെളി​പ്പാ​ടു 19:7, 8.

17. എല്ലാ യഹോ​വ​യു​ടെ സാക്ഷി​ക​ളും ആരായി​ത്തീ​രാ​നാണ്‌ തിര​ഞ്ഞെ​ടു​പ്പു നടത്തി​യി​രി​ക്കു​ന്നത്‌?

¹⁷ സ്വർഗീയ പ്രത്യാ​ശ​യോ ഭൗമിക പ്രത്യാ​ശ​യോ ഉള്ള ഓരോ യഹോ​വ​യു​ടെ സാക്ഷി​യും ദൈവ​ഹി​തം ചെയ്യാ​നും അവനെ ഭരണാ​ധി​പ​നാ​യി അനുസ​രി​ക്കാ​നും ഒരു വ്യക്തി​പ​ര​മായ സമർപ്പണം നടത്തി​യി​രി​ക്കു​ന്നു. ഓരോ സാക്ഷി​യെ​യും സംബന്ധി​ച്ചി​ട​ത്തോ​ളം, സമർപ്പണം മനുഷ്യ​രു​ടെ അടിമ​യാ​യി തുടരു​ന്ന​തി​നെ​ക്കാൾ നല്ലത്‌ ദൈവ​ത്തി​ന്റെ ഒരു അടിമ​യാ​കു​ന്ന​താണ്‌ എന്ന വ്യക്തി​പ​ര​മായ ഒരു തിര​ഞ്ഞെ​ടു​പ്പി​ന്റെ ഫലമാ​യി​രു​ന്നു. ഇത്‌ പൗലൊസ്‌ അപ്പോ​സ്‌ത​ലന്റെ ബുദ്ധ്യു​പ​ദേ​ശ​ത്തി​നു ചേർച്ച​യി​ലാണ്‌: “നിങ്ങളെ വിലെക്കു വാങ്ങി​യി​രി​ക്കു​ന്നു; മനുഷ്യർക്കു ദാസൻമാ​രാ​ക​രു​തു.”—1 കൊരി​ന്ത്യർ 7:23.

നമുക്കു​തന്നെ പ്രയോ​ജ​നം​ചെ​യ്യാൻ പഠിക്കൽ

18. സാക്ഷി​യാ​കാൻ സാധ്യ​ത​യുള്ള ഒരാൾ സ്‌നാ​പ​ന​ത്തി​നു യോഗ്യ​ത​പ്രാ​പി​ക്കു​ന്ന​തെ​പ്പോൾ?

¹⁸ യഹോ​വ​യു​ടെ ഒരു സാക്ഷി​യാ​യി​ത്തീ​രാൻ യോഗ്യത പ്രാപി​ക്കുക സാധ്യ​മാ​ക​ണ​മെ​ങ്കിൽ ഒരുവൻ തിരു​വെ​ഴു​ത്തു​പ​ര​മായ യോഗ്യ​ത​ക​ളിൽ എത്തി​ച്ചേ​രണം. ക്രിസ്‌തീയ സമർപ്പ​ണ​ത്തിൽ എന്തെല്ലാം ഉൾപ്പെ​ട്ടി​രി​ക്കു​ന്നു​വെന്ന്‌ സാക്ഷി​യാ​കാൻ ആഗ്രഹി​ക്കുന്ന വ്യക്തി ശരിക്കും മനസ്സി​ലാ​ക്കു​ന്നു​ണ്ടോ എന്ന്‌ മൂപ്പന്മാർ സസൂക്ഷ്‌മം നിർണ​യി​ക്കു​ന്നു. ഒരു യഹോ​വ​യു​ടെ സാക്ഷി​യാ​യി​ത്തീ​രാൻ അയാൾ യഥാർഥ​ത്തിൽ ആഗ്രഹി​ക്കു​ന്നു​ണ്ടോ? അതിന്റെ നിബന്ധ​ന​കൾക്ക​നു​സൃ​തം ജീവി​ക്കാൻ അയാൾക്കു മനസ്സൊ​രു​ക്ക​മു​ണ്ടോ? ഇല്ലെങ്കിൽ, അയാൾക്കു സ്‌നാ​പ​ന​ത്തി​നുള്ള യോഗ്യ​ത​യില്ല.

19. ദൈവ​ത്തി​ന്റെ ഒരു സമർപ്പിത ദാസനാ​യി​ത്തീ​രാൻ തീരു​മാ​നി​ക്കുന്ന ആരെ​യെ​ങ്കി​ലും വിമർശി​ക്കു​ന്നത്‌ ന്യായ​മ​ല്ലാ​ത്ത​തെ​ന്തു​കൊണ്ട്‌?

¹⁹ എന്നിരു​ന്നാ​ലും, ഒരു വ്യക്തി എല്ലാ നിബന്ധ​ന​ക​ളും പാലി​ക്കു​ന്നു​ണ്ടെ​ങ്കിൽ, ദൈവ​ത്താ​ലും അവന്റെ നിശ്വസ്‌ത വചനത്താ​ലും സ്വാധീ​നി​ക്ക​പ്പെ​ടാൻ സ്വയം അനുവ​ദി​ക്കു​ന്ന​തി​നു വ്യക്തി​പ​ര​മായ ഒരു തീരു​മാ​നം സ്വമന​സ്സാ​ലെ കൈ​ക്കൊ​ണ്ടി​രി​ക്കു​ന്ന​തിന്‌ അയാ​ളെ​ന്തി​നു വിമർശി​ക്ക​പ്പെ​ടണം? മനുഷ്യർക്കു പകരം ദൈവ​ത്താൽ സ്വാധീ​നി​ക്ക​പ്പെ​ടാൻ ഒരുവൻ സ്വയം അനുവ​ദി​ക്കു​ന്നത്‌ താരത​മ്യേന കുറഞ്ഞ തോതി​ലാ​ണോ സ്വീകാ​ര്യ​മാ​യി​രി​ക്കു​ന്നത്‌? അല്ലെങ്കിൽ അതിനു കുറഞ്ഞ പ്രയോ​ജ​ന​മേ​യു​ള്ളോ? യഹോ​വ​യു​ടെ സാക്ഷികൾ അങ്ങനെ ചിന്തി​ക്കു​ന്നില്ല. യെശയ്യാവ്‌ പിൻവ​രു​ന്ന​പ്ര​കാ​രം എഴുതിയ ദൈവ​ത്തി​ന്റെ വാക്കു​ക​ളോട്‌ അവർ മുഴു​ഹൃ​ദ​യ​ത്തോ​ടെ യോജി​ക്കു​ന്നു: “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ.”—യെശയ്യാ​വു 48:17.

20. ബൈബിൾ സത്യം ആളുകളെ ഏതെല്ലാം വിധങ്ങ​ളിൽ സ്വത​ന്ത്ര​രാ​ക്കു​ന്നു?

²⁰ ബൈബിൾസ​ത്യം ആളുകളെ ഒരു അഗ്നിന​ര​ക​ത്തി​ലെ നിത്യ​ദ​ണ്ഡ​നം​പോ​ലുള്ള വ്യാജ​മ​ത​പ​ഠി​പ്പി​ക്ക​ലു​കൾ വിശ്വ​സി​ക്കു​ന്ന​തിൽനി​ന്നു സ്വത​ന്ത്ര​രാ​ക്കു​ന്നു. (സഭാ​പ്ര​സം​ഗി 9:5, 10) പകരം, അത്‌ യേശു​ക്രി​സ്‌തു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ സാധ്യ​മാ​ക്ക​പ്പെട്ട പുനരു​ത്ഥാ​ന​മെന്ന, മരിച്ച​വർക്കുള്ള യഥാർഥ പ്രത്യാ​ശ​യോ​ടുള്ള കൃതജ്ഞത ഹൃദയ​ങ്ങ​ളിൽ നിറയ്‌ക്കു​ന്നു. (മത്തായി 20:28; പ്രവൃ​ത്തി​കൾ 24:15; റോമർ 6:23) എല്ലായ്‌പോ​ഴും പരാജ​യ​പ്പെ​ടുന്ന രാഷ്‌ട്രീയ വാഗ്‌ദാ​ന​ങ്ങ​ളിൽ ആശ്രയി​ക്കു​ന്ന​തു​കൊ​ണ്ടുള്ള നിരാ​ശ​യിൽനിന്ന്‌ ബൈബിൾസ​ത്യം ആളുകളെ സ്വത​ന്ത്ര​രാ​ക്കു​ന്നു. പകരം, അത്‌ യഹോ​വ​യു​ടെ രാജ്യം സ്വർഗ​ത്തിൽ ഇപ്പോൾത്തന്നെ ഭരണം നടത്തു​ന്നു​വെ​ന്നും താമസി​യാ​തെ മുഴു​ഭൂ​മി​മേ​ലും ഭരണം നടത്തു​മെ​ന്നും അറിയു​ന്ന​തു​കൊ​ണ്ടുള്ള സന്തോ​ഷ​ത്താൽ അവരുടെ ഹൃദയം നിറഞ്ഞു​ക​വി​യാൻ ഇടയാ​ക്കു​ന്നു. ദൈവത്തെ അപമാ​നി​ക്കു​ന്ന​തും പാപപൂർണ​മായ ജഡത്തിന്‌ ആകർഷ​ക​മെ​ങ്കി​ലും തകർന്ന ബന്ധങ്ങൾ, രോഗങ്ങൾ, അകാല​മൃ​ത്യു എന്നിവ​യു​ടെ രൂപത്തിൽ ഗുരു​ത​ര​മായ ഭവിഷ്യ​ത്തു​കൾ വരുത്തി​വെ​ക്കു​ന്ന​തു​മായ പ്രവൃ​ത്തി​ക​ളിൽനിന്ന്‌ ബൈബിൾസ​ത്യം ആളുകളെ സ്വത​ന്ത്ര​രാ​ക്കു​ന്നു. ചുരു​ക്ക​ത്തിൽ, ദൈവ​ത്തി​ന്റെ അടിമ​യാ​യി​രി​ക്കു​ന്നത്‌ മനുഷ്യ​രു​ടെ അടിമ​യാ​യി​രി​ക്കു​ന്ന​തി​നെ​ക്കാൾ വളരെ​യേറെ പ്രയോ​ജ​ന​ക​ര​മാണ്‌. വാസ്‌ത​വ​ത്തിൽ, ദൈവ​ത്തി​നുള്ള സമർപ്പണം “ഈ കാലഘ​ട്ട​ത്തിൽ”ത്തന്നെയുള്ള പ്രയോ​ജ​ന​ങ്ങ​ളും “വരുവാ​നി​രി​ക്കുന്ന വ്യവസ്ഥി​തി​യിൽ നിത്യ​ജീവ”നും വാഗ്‌ദാ​നം ചെയ്യുന്നു.—മർക്കൊസ്‌ 10:29, 30, NW.

21. യഹോ​വ​യു​ടെ സാക്ഷികൾ ദൈവ​ത്തി​നുള്ള സമർപ്പ​ണത്തെ എങ്ങനെ വീക്ഷി​ക്കു​ന്നു, അവരുടെ ആഗ്രഹ​മെന്ത്‌?

²¹ പുരാതന നാളിലെ ഇസ്രാ​യേ​ല്യ​രെ​പ്പോ​ലെ, ജന്മനാ ഒരു സമർപ്പിത ജനതയു​ടെ ഭാഗമാ​യി​ത്തീർന്ന​വരല്ല ഇന്നത്തെ യഹോ​വ​യു​ടെ സാക്ഷികൾ. സമർപ്പിത ക്രിസ്‌ത്യാ​നി​ക​ളു​ടെ ഒരു സഭയുടെ ഭാഗമാണ്‌ സാക്ഷികൾ. വ്യക്തി​പ​ര​മായ തിര​ഞ്ഞെ​ടു​പ്പു സ്വാത​ന്ത്ര്യം ഉപയോ​ഗി​ച്ചു സമർപ്പണം നടത്തി​ക്കൊ​ണ്ടാണ്‌ ഓരോ​രു​ത്ത​രും സ്‌നാ​പ​ന​മേറ്റ സാക്ഷി​യാ​യി​ത്തീർന്നി​രി​ക്കു​ന്നത്‌. നിശ്ചയ​മാ​യും, യഹോ​വ​യു​ടെ സാക്ഷി​കൾക്ക്‌, സമർപ്പണം ദൈവ​വു​മാ​യി ഊഷ്‌മ​ള​മാ​യൊ​രു വ്യക്തി​പ​ര​മായ ബന്ധം സാധ്യ​മാ​ക്കു​ന്നു, മനസ്സോ​ടെ അവനെ സേവി​ക്കു​ന്നത്‌ അതിന്റെ പ്രത്യേ​ക​ത​യാണ്‌. യേശു​ക്രി​സ്‌തു അവരെ ഏതു സ്വാത​ന്ത്ര്യ​ത്തി​ലേക്കു സ്വത​ന്ത്ര​രാ​ക്കി​യി​രി​ക്കു​ന്നു​വോ അത്‌ എന്നെന്നും മുറു​കെ​പ്പി​ടി​ച്ചു​കൊണ്ട്‌ ഈ സന്തുഷ്ട​ബന്ധം നിലനിർത്താൻ അവർ സർവാ​ത്മനാ ആഗ്രഹി​ക്കു​ന്നു.

നിങ്ങൾ എങ്ങനെ ഉത്തരം പറയും?

□ ഇസ്രാ​യേ​ലി​നെ ‘പ്രത്യേക സ്വത്ത്‌’ ആയി തിര​ഞ്ഞെ​ടു​ത്ത​തിൽ യഹോവ പക്ഷപാതം കാണി​ക്കു​ക​യ​ല്ലാ​ഞ്ഞ​തെ​ന്തു​കൊണ്ട്‌?

□ ക്രിസ്‌തീയ സമർപ്പണം സ്വാത​ന്ത്ര്യ​നഷ്ടം വരുത്തു​ന്നി​ല്ലെന്നു നിങ്ങൾ പറയു​ന്ന​തെ​ന്തു​കൊണ്ട്‌?

□ യഹോ​വ​യാം ദൈവ​ത്തി​നുള്ള സമർപ്പ​ണ​ത്തി​ന്റെ പ്രയോ​ജ​നങ്ങൾ എന്തെല്ലാം?

□ മനുഷ്യ​രു​ടെ അടിമ​യാ​യി​രി​ക്കു​ന്ന​തി​നെ​ക്കാൾ യഹോ​വ​യു​ടെ അടിമ​യാ​യി​രി​ക്കു​ന്നതു മെച്ചമാ​യി​രി​ക്കു​ന്ന​തെ​ന്തു​കൊണ്ട്‌?

[15-ാം പേജിലെ ചിത്രം]

പുരാതന ഇസ്രാ​യേ​ലിൽ, ദൈവ​ത്തി​നുള്ള സമർപ്പണം ജന്മനാ​ലു​ള്ള​താ​യി​രു​ന്നു

[16-ാം പേജിലെ ചിത്രം]

ക്രിസ്‌തീയ സമർപ്പണം തിര​ഞ്ഞെ​ടു​പ്പി​നെ ആശ്രയി​ച്ചി​രി​ക്കു​ന്നു