അറിവിൽ വളർന്നു​കൊ​ണ്ടേ​യി​രി​ക്കുക

“നിങ്ങളു​ടെ വിശ്വാ​സ​ത്തിന്‌ . . . അറിവു . . . പ്രദാനം ചെയ്യുക—2 പത്രോസ്‌ 1:5, NW.

1, 2. (എ) ആകാശ​ങ്ങ​ളി​ലേക്കു നോക്കി നിങ്ങൾക്ക്‌ എന്തു പഠിക്കാൻ കഴിയും? (റോമർ 1:20) (ബി) മമനു​ഷ്യ​ന്റെ പരിജ്ഞാ​ന​വർധ​ന​വി​ന്റെ യഥാർഥ വ്യാപ്‌തി എന്താണ്‌?

ഇരുട്ടുള്ള, ഒരു മേഘര​ഹി​ത​മായ, രാത്രി​യിൽ വെളി​യി​ലി​റങ്ങി തെളിഞ്ഞ ചന്ദ്ര​നെ​യും എണ്ണമററ നക്ഷത്ര​ങ്ങ​ളെ​യും നോക്കി നിങ്ങൾക്കെന്തു പഠിക്കാൻ കഴിയും? ഇവയെ​ല്ലാം സൃഷ്ടി​ച്ച​വ​നെ​ക്കു​റി​ച്ചു നിങ്ങൾക്കു ചിലതു പഠിക്കാൻ കഴിയും.—സങ്കീർത്തനം 19:1-6; 69:34.

² ആ അറിവു വർധി​പ്പി​ക്കാൻ നിങ്ങൾ ആഗ്രഹി​ച്ചാൽ, വീടിനു മുകളിൽ കയറി അവി​ടെ​നി​ന്നു നിങ്ങൾ നോക്കു​മോ? സാധ്യ​ത​യ​നു​സ​രിച്ച്‌, ഇല്ല. പ്രപഞ്ച​ത്തെ​ക്കു​റി​ച്ചുള്ള അറിവിൽ ശാസ്‌ത്ര​ജ്ഞൻമാർ യഥാർഥ​മാ​യി വളരെ​യ​ധി​കം പുരോ​ഗ​മി​ച്ചി​ട്ടി​ല്ലെ​ന്നും അതിനെ സൃഷ്ടി​ച്ച​വ​നെ​ക്കു​റിച്ച്‌ വളരെ കുറച്ചേ അറിഞ്ഞി​ട്ടു​ള്ളു​വെ​ന്നും ഉള്ള ആശയം വ്യക്തമാ​ക്കു​ന്ന​തിന്‌ ആൽബേർട്ട്‌ ഐൻസ്‌റ​റീൻ ഒരിക്കൽ ഇത്തരം ഒരു ദൃഷ്ടാന്തം ഉപയോ​ഗി​ച്ചു.a ഡോ. ലൂയിസ്‌ തോമസ്‌ ഇങ്ങനെ എഴുതി: “നൂററാ​ണ്ടു​ക​ളിൽ വെച്ച്‌ ശാസ്‌ത്ര​സം​ബ​ന്ധ​മാ​യി ഏററവും ഉത്‌പാ​ദ​ക​മായ ഈ നൂററാ​ണ്ടി​ലെ ശാസ്‌ത്ര​ത്തി​ന്റെ ഏററവും വലിയ ഒററപ്പെട്ട നേട്ടം നാം അത്യന്തം അജ്ഞരാ​ണെന്ന കണ്ടുപി​ടി​ത്ത​മാണ്‌; നമുക്കു പ്രകൃ​തി​യെ​ക്കു​റി​ച്ചു വളരെ കുറച്ചേ അറിവു​ള്ളു, നാം ഗ്രഹി​ക്കു​ന്ന​തോ അതിലും തുച്ഛം.”

3. അറിവി​ന്റെ വർധനവു വേദന വർധി​പ്പി​ക്കു​ന്നത്‌ ഏതർഥ​ത്തി​ലാണ്‌?

³ നിങ്ങൾ ആയുഷ്‌കാ​ല​ത്തിൽ ശേഷി​ച്ചി​രി​ക്കുന്ന മുഴുവൻ വർഷങ്ങ​ളും ഇത്തരം അറിവു തേടി​ക്കൊ​ണ്ടു ചെലവ​ഴി​ച്ചാ​ലും ജീവിതം എത്ര ഹ്രസ്വ​മാ​ണെന്നു തിരി​ച്ച​റി​യു​ക​യും മമനു​ഷ്യ​ന്റെ അറിവി​ന്റെ ഉപയോ​ഗം അപൂർണ​ത​യാ​ലും ഈ ലോക​ത്തി​ന്റെ ‘വക്രത’യാലും പരിമി​ത​പ്പെ​ട്ടി​രി​ക്കു​ന്നു​വെന്ന്‌ ഏറെ വ്യക്തമാ​യി മനസ്സി​ലാ​ക്കു​ക​യും മാത്ര​മാ​യി​രി​ക്കാം ചെയ്യു​ന്നത്‌. ആ ആശയം ശലോ​മോൻ ഇങ്ങനെ​യെ​ഴു​തി വ്യക്തമാ​ക്കി: “ജ്ഞാനബാ​ഹു​ല്യ​ത്തിൽ വ്യസന​ബാ​ഹു​ല്യം ഉണ്ടു; അറിവു വർദ്ധി​പ്പി​ക്കു​ന്നവൻ ദുഃഖ​വും വർദ്ധി​പ്പി​ക്കു​ന്നു.” (സഭാ​പ്ര​സം​ഗി 1:15, 18) അതേ, ദൈ​വോ​ദ്ദേ​ശ്യ​ങ്ങ​ളു​മാ​യി ബന്ധമി​ല്ലാത്ത അറിവും ജ്ഞാനവും നേടു​ന്ന​തിൽ സാധാ​ര​ണ​മാ​യി വേദന​യും ദുഃഖ​വും അന്തർഭ​വി​ച്ചി​രി​ക്കു​ന്നു.—സഭാ​പ്ര​സം​ഗി 1:13, 14; 12:12; 1 തിമൊ​ഥെ​യൊസ്‌ 6:20.

4. നാം ഏതു അറിവു സമ്പാദി​ക്കാൻ ആഗ്രഹി​ക്കണം?

⁴ ബൈബിൾ നമ്മുടെ അറിവു വർധി​പ്പി​ക്കു​ന്ന​തിൽ നാം തത്‌പ​ര​രാ​യി​രി​ക്ക​രു​തെന്നു ഉപദേ​ശി​ക്കു​ക​യാ​ണോ? അപ്പോ​സ്‌ത​ല​നായ പത്രോസ്‌ എഴുതി: “കൃപയി​ലും നമ്മുടെ കർത്താ​വും രക്ഷിതാ​വു​മായ യേശു​ക്രി​സ്‌തു​വി​ന്റെ അറിവി​ലും വളരു​വിൻ. അവന്നു ഇപ്പോ​ഴും എന്നെ​ന്നേ​ക്കും മഹത്വം.” (2 പത്രൊസ്‌ 3:18) ആ ബുദ്ധ്യു​പ​ദേശം നമുക്കു ബാധക​മാ​കു​ന്ന​താ​യി സ്വീക​രി​ക്കാ​വു​ന്ന​തും സ്വീക​രി​ക്കേ​ണ്ട​തു​മാണ്‌, അറിവിൽ വളരാൻ നമ്മെ പ്രോ​ത്സാ​ഹി​പ്പി​ക്കു​ന്ന​താ​യി​ത്തന്നെ. എന്നാൽ ഏതുതരം അറിവാ​ണത്‌? അതിൽ നമു​ക്കെ​ങ്ങനെ വർധി​ച്ചു​വ​രാൻ കഴിയും? നാം യഥാർഥ​ത്തിൽ അങ്ങനെ ചെയ്യു​ന്നു​ണ്ടോ?

5, 6. നാം അറിവു സമ്പാദി​ക്കേ​ണ്ട​തു​ണ്ടെന്നു പത്രോസ്‌ എങ്ങനെ​യാണ്‌ ഊന്നി​പ്പ​റ​ഞ്ഞത്‌?

⁵ പ്രപഞ്ച​ത്തി​ന്റെ സ്രഷ്ടാ​വി​നെ​യും യേശു​വി​നെ​യും കുറി​ച്ചുള്ള സൂക്ഷ്‌മ അറിവു വർധി​പ്പി​ക്കുക എന്നതു പത്രോ​സി​ന്റെ രണ്ടാമത്തെ ലേഖന​ത്തി​ന്റെ ഒരു കേന്ദ്ര ആശയമാ​യി​രു​ന്നു. അതിന്റെ തുടക്ക​ത്തിൽ അദ്ദേഹം എഴുതി: “ദൈവ​ത്തി​ന്റെ​യും നമ്മുടെ കർത്താ​വായ യേശു​വി​ന്റെ​യും പരിജ്ഞാ​ന​ത്തിൽ നിങ്ങൾക്കു കൃപയും സമാധാ​ന​വും വർദ്ധി​ക്കു​മാ​റാ​കട്ടെ. തന്റെ മഹത്വ​ത്താ​ലും വീര്യ​ത്താ​ലും നമ്മെ വിളി​ച്ച​വന്റെ പരിജ്ഞാ​ന​ത്താൽ അവന്റെ ദിവ്യ​ശക്തി ജീവന്നും ഭക്ഷിക്കും വേണ്ടി​യതു ഒക്കെയും നമുക്കു ദാനം ചെയ്‌തി​രി​ക്കു​ന്നു​വ​ല്ലോ.” (2 പത്രൊസ്‌ 1:2, 3) അങ്ങനെ അദ്ദേഹം, അനർഹ​ദ​യ​യും സമാധാ​ന​വും ഉണ്ടായി​രി​ക്കു​ന്ന​തി​നെ നാം ദൈവ​ത്തെ​യും അവന്റെ പുത്ര​നെ​യും കുറി​ച്ചുള്ള അറിവു നേടു​ന്ന​തി​നോ​ടു ബന്ധപ്പെ​ടു​ത്തു​ന്നു. അതു ന്യായ​മാണ്‌, കാരണം സ്രഷ്ടാ​വായ യഹോ​വ​യാ​ണു യഥാർഥ അറിവി​ന്റെ സ്ഥിര​കേ​ന്ദ്രം. ദൈവത്തെ ഭയപ്പെ​ടു​ന്ന​വനു കാര്യങ്ങൾ ശരിയായ കാഴ്‌ച​പ്പാ​ടിൽ കാണാ​നും സാധു​വായ നിഗമ​ന​ങ്ങ​ളിൽ എത്താനും കഴിയും.—സദൃശ​വാ​ക്യ​ങ്ങൾ 1:7.

⁶ അനന്തരം പത്രോസ്‌ ഇങ്ങനെ ബുദ്ധ്യു​പ​ദേ​ശി​ച്ചു: “അതേ, ഈ കാരണ​ത്താൽത്തന്നെ, പ്രതി​ക​ര​ണ​മാ​യി സകല ആത്മാർഥ ശ്രമവും ചെയ്യു​ന്ന​തി​നാൽ നിങ്ങളു​ടെ വിശ്വാ​സ​ത്തി​നു സദ്‌ഗു​ണ​വും നിങ്ങളു​ടെ സദ്‌ഗു​ണ​ത്തിന്‌ അറിവും നിങ്ങളു​ടെ അറിവിന്‌ ആത്മനി​യ​ന്ത്ര​ണ​വും നിങ്ങളു​ടെ ആത്മനി​യ​ന്ത്ര​ണ​ത്തി​നു സഹിഷ്‌ണു​ത​യും നിങ്ങളു​ടെ സഹിഷ്‌ണു​തക്കു ദൈവ​ഭ​ക്തി​യും നിങ്ങളു​ടെ ദൈവ​ഭ​ക്തി​ക്കു സഹോ​ദ​ര​പ്രീ​തി​യും നിങ്ങളു​ടെ സഹോ​ദ​ര​പ്രീ​തി​ക്കു സ്‌നേ​ഹ​വും പ്രദാനം ചെയ്യുക. എന്തെന്നാൽ ഇവ നിങ്ങളിൽ നിലനിൽക്കു​ക​യും കവി​ഞ്ഞൊ​ഴു​കു​ക​യും ചെയ്‌താൽ നിങ്ങൾ നമ്മുടെ കർത്താ​വായ യേശു​ക്രി​സ്‌തു​വി​നെ​ക്കു​റി​ച്ചുള്ള പരിജ്ഞാ​നം സംബന്ധിച്ച്‌ ഒന്നുകിൽ നിഷ്‌ക്രി​യ​രോ അല്ലെങ്കിൽ നിഷ്‌ഫ​ല​രോ ആയിരി​ക്കു​ന്ന​തിൽ നിന്ന്‌ അവ നിങ്ങളെ തടയും.” (2 പത്രോസ്‌ 1:5-8, NW)b അറിവി​ന്റെ സമ്പാദനം ലോക​ത്തി​ന്റെ മാലി​ന്യ​ങ്ങൾ വിട്ടോ​ടി​പ്പോ​കാൻ ആളുകളെ സഹായി​ക്കു​മെന്ന്‌ അടുത്ത അധ്യാ​യ​ത്തിൽ നാം വായി​ക്കു​ന്നു. (2 പത്രൊസ്‌ 2:20) അങ്ങനെ ക്രിസ്‌ത്യാ​നി​ക​ളാ​യി​ത്തീ​രു​ന്ന​വർക്കു യഹോ​വയെ ഇപ്പോൾത്തന്നെ സേവി​ക്കു​ന്ന​വർക്കു​ള്ള​തു​പോ​ലെ അറിവ്‌ ആവശ്യ​മാ​ണെന്നു പത്രോസ്‌ വ്യക്തമാ​ക്കി. ആ കൂട്ടങ്ങ​ളിൽ ഏതി​ലെ​ങ്കി​ലും പെട്ട ഒരുവ​നാ​ണോ നിങ്ങൾ?

പഠിക്കുക, ആവർത്തി​ക്കുക, ഉപയോ​ഗി​ക്കു​ക

7. ഏതു വിധത്തി​ലാണ്‌ അനേകർ അടിസ്ഥാന ബൈബിൾ സത്യങ്ങൾ സംബന്ധിച്ച സൂക്ഷ്‌മ​മായ അറിവു സമ്പാദി​ച്ചി​രി​ക്കു​ന്നത്‌?

⁷ യഹോ​വ​യു​ടെ സാക്ഷി​ക​ളു​ടെ സന്ദേശ​ത്തി​ലെ സത്യത്തി​ന്റെ ധ്വനി നിങ്ങൾ തിരി​ച്ച​റി​യു​ന്ന​തു​കൊണ്ട്‌ ഒരുപക്ഷേ അവരോ​ടൊ​പ്പം നിങ്ങൾക്ക്‌ ഒരു ബൈബി​ള​ധ്യ​യനം ഉണ്ടായി​രി​ക്കാം. നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്നതു​പോ​ലുള്ള ഒരു സഹായി ഉപയോ​ഗിച്ച്‌ ഒരു ബൈബിൾ വിഷയ​ത്തെ​ക്കു​റി​ച്ചു നിങ്ങൾ വാരത്തി​ലൊ​രി​ക്കൽ ഏതാണ്ട്‌ ഒരു മണിക്കൂർ പരിചി​ന്തി​ക്കു​ന്നു. വളരെ നല്ലത്‌! യഹോ​വ​യു​ടെ സാക്ഷി​ക​ളോ​ടൊ​പ്പം ഇത്തരം അധ്യയനം നടത്തി​യി​ട്ടുള്ള അനേകർ സൂക്ഷ്‌മ​മായ അറിവു സമ്പാദി​ച്ചി​ട്ടുണ്ട്‌. എന്നാൽ നിങ്ങൾ വ്യക്തി​പ​ര​മാ​യി പഠിച്ചു​കൊ​ണ്ടി​രി​ക്കു​ന്ന​തി​ന്റെ അളവു വർധി​പ്പി​ക്കു​ന്ന​തി​നു നിങ്ങൾക്ക്‌ എന്തു ചെയ്യാൻ കഴിയും? ചില നിർദേ​ശ​ങ്ങ​ളി​താ:c

8. ഒരു അധ്യയ​ന​ത്തി​നു​വേണ്ടി തയ്യാറാ​കു​മ്പോൾ, കൂടുതൽ പഠിക്കു​ന്ന​തിന്‌ ഒരു വിദ്യാർഥിക്ക്‌ എന്തു ചെയ്യാൻ കഴിയും?

⁸ നിങ്ങളു​ടെ അധ്യയ​ന​ത്തി​നു​വേണ്ടി മുൻകൂ​ട്ടി​ത്ത​യ്യാ​റാ​കു​മ്പോൾ, പഠിച്ചു തീർക്കേണ്ട ഭാഗം ഒന്ന്‌ അവലോ​കനം ചെയ്യുക. എന്നുപ​റ​ഞ്ഞാൽ അധ്യാ​യ​ത്തി​ന്റെ തലക്കെ​ട്ടും ഉപതല​ക്കെ​ട്ടു​ക​ളും വിവരങ്ങൾ വിശദ​മാ​ക്കു​ന്ന​തിന്‌ ഏതെങ്കി​ലും ചിത്രങ്ങൾ ഉപയോ​ഗി​ച്ചി​ട്ടു​ണ്ടെ​ങ്കിൽ അവയും നോക്ക​ണ​മെ​ന്നർഥം. എന്നിട്ട്‌, ആ പ്രസി​ദ്ധീ​ക​ര​ണ​ത്തി​ന്റെ ഒരു ഖണ്ഡിക​യോ ഒരു ഭാഗമോ വായി​ക്കു​മ്പോൾ അതിലെ പ്രധാന ആശയങ്ങ​ളും അതിനെ പിന്താ​ങ്ങുന്ന തിരു​വെ​ഴു​ത്തു​ക​ളും ആരാഞ്ഞ്‌ അടിവ​ര​യി​ടു​ക​യോ പ്രദീ​പ്‌ത​മാ​ക്കു​ക​യോ ചെയ്യുക. പരിചി​ന്തിച്ച സത്യങ്ങൾ നിങ്ങൾ പഠിച്ചോ എന്നറി​യാൻ വിവിധ ഖണ്ഡിക​ക​ളു​ടെ ചോദ്യ​ങ്ങൾക്ക്‌ ഉത്തരം പറയാൻ ശ്രമി​ക്കുക. ഇതു ചെയ്യു​മ്പോൾ ഉത്തരങ്ങൾ നിങ്ങളു​ടെ സ്വന്തം വാക്കു​ക​ളിൽ രൂപ​പ്പെ​ടു​ത്താൻ ശ്രമി​ക്കുക. ഒടുവിൽ, മുഖ്യ ആശയങ്ങ​ളും അവയെ പിന്താ​ങ്ങുന്ന വാദഗ​തി​ക​ളും ഓർമി​ക്കാൻ ശ്രമി​ച്ചു​കൊ​ണ്ടു പാഠത്തി​ന്റെ പുനര​വ​ലോ​കനം നടത്തുക.

9. പഠന​ത്തെ​ക്കു​റി​ച്ചുള്ള നിർദേ​ശങ്ങൾ ബാധക​മാ​ക്കു​ന്നത്‌ പഠിക്കാൻ ഒരു വ്യക്തിയെ സഹായി​ക്കു​ന്ന​തെ​ങ്ങനെ?

⁹ ഈ നിർദേ​ശങ്ങൾ നിങ്ങൾ ബാധക​മാ​ക്കു​ന്നെ​ങ്കിൽ നിങ്ങളു​ടെ അറിവു വർധി​ക്കാൻ നിങ്ങൾക്കു പ്രതീ​ക്ഷി​ക്കാ​വു​ന്ന​താണ്‌. എന്തു​കൊണ്ട്‌? അതിന്റെ ഒരു കാരണം പഠിക്കാ​നുള്ള തീവ്ര​മായ ആഗ്രഹ​ത്തോ​ടെ, നില​മൊ​രു​ക്കി​ക്കൊണ്ട്‌, ആയിരി​ക്കും നിങ്ങൾ വിഷയം കൈകാ​ര്യം ചെയ്യു​ന്നത്‌ എന്നതാണ്‌. ഒരു പൊതു അവലോ​കനം നടത്തി​യി​ട്ടു പിന്നെ മുഖ്യ ആശയങ്ങ​ളും വാദഗ​തി​ക​ളും തിരയു​ന്ന​തി​നാൽ വിശദാം​ശങ്ങൾ വിഷയ​ത്തോ​ടോ ഉപസം​ഹാ​ര​ത്തോ​ടോ എങ്ങനെ ബന്ധപ്പെ​ട്ടി​രി​ക്കു​ന്നു എന്നു നിങ്ങൾക്കു കാണാൻ കഴിയും. ഒടുവി​ലത്തെ ഒരു പുനര​വ​ലോ​കനം നിങ്ങൾ പഠിച്ചത്‌ ഓർക്കാൻ നിങ്ങളെ സഹായി​ക്കും. പിന്നീട്‌, നിങ്ങളു​ടെ ബൈബി​ള​ധ്യ​യന സമയത്തെ സംബന്ധിച്ച്‌ എന്ത്‌?

10. (എ) വസ്‌തു​ത​ക​ളോ പുതിയ വിവര​ങ്ങ​ളോ കേവലം ആവർത്തി​ക്കു​ന്നത്‌ അൽപ്പമാ​ത്ര​മൂ​ല്യം ഉള്ളതാ​യി​രി​ക്കു​ന്നത്‌ എന്തു​കൊണ്ട്‌? (ബി) “പടിപ​ടി​യാ​യുള്ള ഇടവേളാ സ്‌മരണ”യിൽ ഉൾപ്പെ​ട്ടി​രി​ക്കു​ന്നത്‌ എന്താണ്‌? (സി) ആവർത്ത​ന​ത്തി​ലൂ​ടെ ഇസ്ര​യേല്യ പുത്രൻമാർ എങ്ങനെ പ്രയോ​ജനം നേടി​യി​രി​ക്കാം?

¹⁰ വിദ്യാ​ഭ്യാ​സ​രം​ഗ​ത്തുള്ള വിദഗ്‌ദ്ധർക്കു സമയോ​ചി​ത​വും ഉദ്ദേശ്യ​പൂർവ​ക​വു​മായ ആവർത്ത​ന​ത്തി​ന്റെ മൂല്യ​മ​റി​യാം. ഇതു വാക്കുകൾ തത്ത പറയും​പോ​ലെ പറയു​ന്നതല്ല. നിങ്ങൾ സ്‌കൂ​ളി​ലാ​യി​രു​ന്ന​പ്പോൾ ഏതെങ്കി​ലും പേരോ വസ്‌തു​ത​യോ ആശയമോ ഉരുവി​ട്ടു പഠിക്കാൻ ആ രീതി പരീക്ഷി​ച്ചി​രി​ക്കാം. എന്നിരു​ന്നാ​ലും നിങ്ങൾ ഉരുവി​ട്ടതു താമസി​യാ​തെ മറന്നു​പോ​യെന്ന്‌, നിങ്ങളു​ടെ ഓർമ​യിൽനി​ന്നു പെട്ടെന്നു മാഞ്ഞു​പോ​യെന്ന്‌, നിങ്ങൾ മനസ്സി​ലാ​ക്കി​യോ? എന്തു​കൊണ്ട്‌? ഒരു പുതിയ പദമോ വസ്‌തു​ത​യോ കേവലം ഉരുവി​ടു​ന്നത്‌ വിരസ​മാ​യി​രു​ന്നേ​ക്കാം, അതിന്റെ ഫലം ക്ഷണിക​വു​മാണ്‌. അതിനു മാററം വരുത്താൻ എന്തിനു കഴിയും? പഠിക്കാ​നുള്ള നിങ്ങളു​ടെ യഥാർഥ ആഗ്രഹ​ത്തി​നു കഴിയും. മറെറാ​രു താക്കോൽ ഉദ്ദേശ്യ​പൂർവ​ക​മായ ആവർത്ത​ന​മാണ്‌. ഒരാശയം പഠിച്ചിട്ട്‌ ഏതാനും മിനി​റ​റു​കൾക്കു​ശേഷം, അത്‌ ഓർമ​യിൽനി​ന്നു മാഞ്ഞു​പോ​കു​ന്ന​തി​നു​മുമ്പ്‌, നിങ്ങൾ പഠിച്ചത്‌ ഓർമ​യിൽനി​ന്നു പറയാൻ ശ്രമി​ക്കുക. ഇതിനെ “പടിപ​ടി​യായ ഇടവേളാ സ്‌മരണ” എന്നു വിളി​ച്ചി​രി​ക്കു​ന്നു. മാഞ്ഞു​പോ​കു​ന്ന​തി​നു മുമ്പു നിങ്ങളു​ടെ ഓർമ പുതു​ക്കു​ന്ന​തി​നാൽ നിങ്ങൾ ഓർമ​യു​ടെ ദൈർഘ്യം വർധി​പ്പി​ക്കു​ക​യാണ്‌. ഇസ്ര​യേ​ലിൽ, പിതാ​ക്കൻമാർ തങ്ങളുടെ പുത്രൻമാ​രിൽ ദൈവ​ത്തി​ന്റെ കൽപ്പനകൾ ഉൾനട​ണ​മാ​യി​രു​ന്നു. (ആവർത്തനം 6:6, 7) “ഉൾനടുക” എന്നതിന്റെ അർഥം ആവർത്ത​ന​ത്താൽ പഠിപ്പി​ക്കുക എന്നാണ്‌. സാധ്യ​ത​യ​നു​സ​രിച്ച്‌, ആ പിതാ​ക്കൻമാ​രിൽ അനേക​രും ആദ്യം നിയമങ്ങൾ തങ്ങളുടെ മക്കളുടെ മുമ്പാകെ അവതരി​പ്പി​ച്ചു; പിന്നീട്‌ അവർ വിവരങ്ങൾ ആവർത്തി​ച്ചു; എന്നിട്ട്‌ പുത്രൻമാ​രോട്‌ അവർ പഠിച്ച​വ​യെ​ക്കു​റി​ച്ചു ചോദ്യ​ങ്ങൾ ചോദി​ച്ചു.

11. പഠിപ്പു വർധി​പ്പി​ക്കാൻ ഒരു അധ്യയന സമയത്ത്‌ എന്തു ചെയ്യാ​വു​ന്ന​താണ്‌?

¹¹ നിങ്ങൾക്ക്‌ ഒരു സാക്ഷി ബൈബി​ള​ധ്യ​യനം നടത്തു​ന്നു​ണ്ടെ​ങ്കിൽ പഠനത്തി​നി​ട​യിൽ ഇടവിട്ടു പടിപ​ടി​യായ സംഗ്ര​ഹങ്ങൾ നൽകി​ക്കൊ​ണ്ടു പഠിക്കാൻ നിങ്ങളെ അയാൾ സഹായി​ച്ചേ​ക്കാം. ഇതു ബാലി​ശമല്ല. അതു പഠനത്തെ മെച്ച​പ്പെ​ടു​ത്തുന്ന ഒരു പ്രക്രി​യ​യാണ്‌, അതിനാൽ ഇടക്കി​ട​ക്കുള്ള പുനര​വ​ലോ​ക​ന​ത്തിൽ സന്തോ​ഷ​പൂർവം പങ്കുപ​റ​റുക. എന്നിട്ട്‌, അധ്യയ​നാ​വ​സാ​ന​ത്തിൽ, നിങ്ങളു​ടെ ഓർമ​യിൽനിന്ന്‌ ഉത്തരം പറയാൻ പ്രതീ​ക്ഷി​ക്കുന്ന അന്ത്യ പുനര​വ​ലോ​ക​ന​ത്തി​ലും പങ്കുപ​റ​റുക. നിങ്ങൾ മറെറാ​രു വ്യക്തിയെ പഠിപ്പി​ക്കു​മ്പോൾ ചെയ്യു​ന്ന​തു​പോ​ലെ നിങ്ങൾക്ക്‌ ആശയങ്ങൾ നിങ്ങളു​ടെ സ്വന്തം വാക്കു​ക​ളിൽ പറയാ​വു​ന്ന​താണ്‌. (1 പത്രൊസ്‌ 3:15) ഇതു നിങ്ങൾ പഠിച്ചതു നിങ്ങളു​ടെ ദീർഘ​കാല സ്‌മര​ണ​യു​ടെ ഭാഗമാ​ക്കു​ന്ന​തി​നു സഹായി​ക്കും.—സങ്കീർത്തനം 119:1, 2, 125; 2 പത്രൊസ്‌ 3:1 എന്നിവ താരത​മ്യം ചെയ്യുക.

12. തന്റെ ഓർമ മെച്ച​പ്പെ​ടു​ത്തു​ന്ന​തിന്‌ ഒരു വിദ്യാർഥി​ക്കു സ്വയം എന്തു ചെയ്യാൻ കഴിയും?

¹² സഹായ​ക​ര​മായ മറെറാ​രു പടി, പഠിച്ചതു നിങ്ങൾ ഒന്നോ രണ്ടോ ദിവസ​ത്തി​നകം മററാ​രോ​ടെ​ങ്കി​ലും, ഒരുപക്ഷേ, ഒരു സഹപാ​ഠി​യോ​ടോ, സഹജോ​ലി​ക്കാ​ര​നോ​ടോ, അയൽക്കാ​ര​നോ​ടോ പറയു​ന്ന​താണ്‌. വിഷയം പറഞ്ഞിട്ട്‌ അതിന്റെ മുഖ്യ വാദഗ​തി​ക​ളോ ബൈബി​ളിൽ അതിനെ പിന്താ​ങ്ങുന്ന തിരു​വെ​ഴു​ത്തു​ക​ളോ കേവലം ഓർക്കാൻ കഴിയു​മോ എന്നു കാണാൻ ആഗ്രഹി​ക്കു​ന്നു എന്നു പറയുക. അതു മറേറ വ്യക്തി​യു​ടെ താത്‌പ​ര്യ​ത്തെ ജ്വലി​പ്പി​ച്ചേ​ക്കാം. അങ്ങനെ സംഭവി​ക്കാ​തി​രു​ന്നാൽപ്പോ​ലും പുതിയ വിവരം ഒന്നോ രണ്ടോ ദിവസത്തെ ഇടവേ​ള​ക്കു​ശേഷം ആവർത്തി​ക്കുന്ന ആ പ്രക്രി​യ​തന്നെ അതിനെ നിങ്ങളു​ടെ ഓർമ​യിൽ ഉറപ്പി​ക്കും. അപ്പോൾ, 2 പത്രൊസ്‌ 3:18 പ്രോ​ത്സാ​ഹി​പ്പി​ക്കു​ന്ന​തു​പോ​ലെ, നിങ്ങൾ വാസ്‌ത​വ​മാ​യും അതു പഠിച്ചി​രി​ക്കും.

സജീവ​മാ​യി പഠിക്കൽ

13, 14. വിവരങ്ങൾ കേവലം സമ്പാദി​ക്കു​ക​യും ഓർമി​ക്കു​ക​യും ചെയ്യു​ന്ന​തി​ന​തീ​ത​മാ​യി പോകാൻ നാം ആഗ്രഹി​ക്കേ​ണ്ടത്‌ എന്തു​കൊണ്ട്‌?

¹³ പഠിത്തം കേവലം വസ്‌തു​തകൾ ഉൾക്കൊ​ള്ളു​ക​യോ വിവരങ്ങൾ ഓർമി​ക്കാൻ കഴിയു​ക​യോ ചെയ്യു​ന്ന​തി​നെ​ക്കാൾ അധിക​മാണ്‌. യേശു​വി​ന്റെ നാളിൽ മതതത്‌പ​ര​രായ ആളുകൾ അതു തങ്ങളുടെ ജൽപ്പന പ്രാർഥ​ന​ക​ളാൽ ചെയ്‌തു. (മത്തായി 6:5-7) എന്നാൽ ആ വിവരങ്ങൾ അവരെ എങ്ങനെ ബാധിച്ചു? അവർ നീതി​യുള്ള ഫലങ്ങൾ പുറ​പ്പെ​ടു​വി​ക്കു​ന്നു​ണ്ടാ​യി​രു​ന്നോ? ഒട്ടും തന്നെയി​ല്ലാ​യി​രു​ന്നു. (മത്തായി 7:15-17; ലൂക്കൊസ്‌ 3:7, 8) ഭാഗി​ക​മാ​യി അവരുടെ പ്രശ്‌നം, അറിവ്‌ അവരുടെ മനസ്സിൽ ആണ്ടിറങ്ങി പ്രയോ​ജ​ന​ക​ര​മായ ഫലങ്ങ​ളോ​ടെ അവരുടെ ഹൃദയത്തെ സ്വാധീ​നി​ച്ചി​ല്ലെ​ന്ന​താണ്‌.

¹⁴ പത്രോസ്‌ പറയു​ന്ന​പ്ര​കാ​രം, അതു ക്രിസ്‌ത്യാ​നി​ക​ളു​ടെ കാര്യ​ത്തിൽ വ്യത്യ​സ്‌ത​മാ​യി​രി​ക്കണം, അന്നും ഇന്നും. നിഷ്‌ക്രി​യ​നോ നിഷ്‌ഫ​ല​നോ ആയിരി​ക്കു​ന്നത്‌ ഒഴിവാ​ക്കാൻ നമ്മെ സഹായി​ക്കുന്ന അറിവു വിശ്വാ​സ​ത്തി​നു പ്രദാനം ചെയ്യാൻ അദ്ദേഹം നമ്മെ പ്രോ​ത്സാ​ഹി​പ്പി​ക്കു​ന്നു. (2 പത്രൊസ്‌ 1:5, 8) ഇതു നമ്മുടെ കാര്യ​ത്തിൽ സത്യ​മെന്നു തെളി​യു​ന്ന​തിന്‌, ആ അറിവിൽ വളരാ​നും നമ്മുടെ ഉള്ളിന്റെ ഉള്ളിനെ അത്‌ ആഴത്തിൽ ബാധി​ക്കാ​നും നാം ആഗ്രഹി​ക്കണം. അതെ​പ്പോ​ഴും സംഭവി​ക്കു​ക​യി​ല്ലാ​യി​രി​ക്കാം.

15. ചില എബ്രായ ക്രിസ്‌ത്യാ​നി​ക​ളു​ടെ കാര്യ​ത്തിൽ ഏതു പ്രശ്‌നം ഉടലെ​ടു​ത്തു?

¹⁵ പൗലോ​സി​ന്റെ നാളിൽ എബ്രായ ക്രിസ്‌ത്യാ​നി​കൾക്ക്‌ ഇക്കാര്യ​ത്തിൽ ഒരു പ്രശ്‌ന​മു​ണ്ടാ​യി​രു​ന്നു. യഹൂദൻമാ​രാ​യി​രു​ന്ന​തു​കൊണ്ട്‌ അവർക്കു തിരു​വെ​ഴു​ത്തു​ക​ളെ​ക്കു​റിച്ച്‌ കുറെ അറിവു​ണ്ടാ​യി​രു​ന്നു. അവർക്കു യഹോ​വ​യെ​ക്കു​റി​ച്ചും അവിടു​ത്തെ നിബന്ധ​ന​ക​ളിൽ ചിലതും അറിയാ​മാ​യി​രു​ന്നു. പിന്നീട്‌ അവർ മിശി​ഹ​യെ​ക്കു​റി​ച്ചുള്ള അറിവു കൂട്ടു​ക​യും വിശ്വാ​സം പ്രകട​മാ​ക്കു​ക​യും ക്രിസ്‌ത്യാ​നി​കൾ എന്ന നിലയിൽ സ്‌നാ​പ​ന​മേൽക്കു​ക​യും ചെയ്‌തു. (പ്രവൃ​ത്തി​കൾ 2:22, 37-41; 8:26-36) മാസങ്ങ​ളോ​ള​വും വർഷങ്ങ​ളോ​ള​വും അവർ ക്രിസ്‌തീയ യോഗ​ങ്ങ​ളിൽ ഹാജരാ​യി​രു​ന്നി​രി​ക്കാം, അവിടെ അവർക്ക്‌ തിരു​വെ​ഴു​ത്തു​കൾ വായി​ക്കു​ന്ന​തി​ലും അഭി​പ്രാ​യങ്ങൾ പറയു​ന്ന​തി​ലും പങ്കു പററാൻ കഴിയു​മാ​യി​രു​ന്നു. എന്നിട്ടും, ചിലർ അറിവിൽ വളർന്നില്ല. പൗലോസ്‌ എഴുതി: “കാലം നോക്കി​യാൽ ഇപ്പോൾ ഉപദേ​ഷ്ടാ​ക്കൻമാർ ആയിരി​ക്കേ​ണ്ടുന്ന നിങ്ങൾക്കു ദൈവ​ത്തി​ന്റെ അരുള​പ്പാ​ടു​ക​ളു​ടെ ആദ്യപാ​ഠ​ങ്ങളെ തന്നേ വീണ്ടും ഉപദേ​ശി​ച്ചു​ത​രു​വാൻ ആവശ്യ​മാ​യി​രി​ക്കു​ന്നു; കട്ടിയാ​യുള്ള ആഹാരമല്ല, പാലത്രേ നിങ്ങൾക്കു ആവശ്യ​മെന്നു വന്നിരി​ക്കു​ന്നു.” (എബ്രായർ 5:12) അതെങ്ങനെ സംഭവി​ക്കു​മാ​യി​രു​ന്നു? അതു നമുക്കും സംഭവി​ച്ചേ​ക്കു​മോ?

16. സ്ഥിര-ഹിമ​പ്ര​ദേശം എന്താണ്‌, അതു സസ്യങ്ങളെ ബാധി​ക്കു​ന്നത്‌ എങ്ങനെ​യാണ്‌?

¹⁶ ഒരു ദൃഷ്ടാ​ന്ത​മെ​ന്ന​നി​ല​യിൽ, ശരാശരി താപനില വെള്ളം ഘനീഭ​വി​ക്കു​ന്ന​തി​നു താഴെ​യാ​യി​രി​ക്കുന്ന ആർട്ടിക്ക്‌ പ്രദേ​ശ​ത്തും മററു​മുള്ള സ്ഥിരം മഞ്ഞു മൂടിയ പ്രദേ​ശ​ങ്ങ​ളെ​ക്കു​റിച്ച്‌, സ്ഥിര-ഹിമ-പ്രദേ​ശ​ങ്ങ​ളെ​ക്കു​റിച്ച്‌, പരിചി​ന്തി​ക്കുക. അവിടത്തെ മണ്ണും പാറയും മണ്ണിന്ന​ടി​യി​ലെ ജലവും ചില​പ്പോൾ 900 മീററർവരെ ആഴത്തിൽ ഒരു ഉറച്ച പിണ്ഡമാ​യി ഘനീഭ​വി​ക്കു​ന്നു. വേനൽക്കാ​ലത്തു ചില​പ്പോൾ സജീവ പാളി എന്നറി​യ​പ്പെ​ടുന്ന ഉപരി​ത​ല​മ​ണ്ണിൽ മഞ്ഞുരു​കി​യേ​ക്കാം. എന്നിരു​ന്നാ​ലും, മഞ്ഞുരു​കിയ മണ്ണിന്റെ ഈ കനംകു​റഞ്ഞ പാളി സാധാ​ര​ണ​മാ​യി ചേറു​ള്ള​താ​യി​രി​ക്കും, കാരണം ജലാം​ശ​ത്തിന്‌, കീഴെ​യുള്ള സ്ഥിര-ഹിമ-പ്രദേ​ശ​ത്തേക്കു വാർന്നു​പോ​കാൻ കഴിയില്ല. ആഴമി​ല്ലാത്ത ആ മേൽപ്പാ​ളി​യിൽ വളരുന്ന സസ്യജാ​ലങ്ങൾ മിക്ക​പ്പോ​ഴും ചെറു​തും മുരടി​ച്ച​തും ആയിരി​ക്കും; അവയുടെ വേരു​കൾക്കു സ്ഥിര-ഹിമ-പ്രദേ​ശ​ത്തേക്ക്‌ തുളച്ചി​റ​ങ്ങാ​നാ​കില്ല. ‘ബൈബിൾസ​ത്യ​ത്തി​ന്റെ അറിവിൽ ഞാൻ വളരു​ന്നു​ണ്ടോ​യെ​ന്ന​തു​മാ​യി സ്ഥിര-ഹിമ-പ്രദേ​ശ​ത്തിന്‌ എന്തു ബന്ധമാ​ണു​ള്ളത്‌?’ എന്നു നിങ്ങൾ സംശയി​ച്ചേ​ക്കാം.

17, 18. ചില എബ്രായ ക്രിസ്‌ത്യാ​നി​കൾക്കു സംഭവി​ച്ചതു ദൃഷ്ടാ​ന്തീ​ക​രി​ക്കാൻ സ്ഥിര-ഹിമ-പ്രദേ​ശ​വും അതിന്റെ സജീവ പാളി​യും എങ്ങനെ ഉപയോ​ഗി​ക്കാ​വു​ന്ന​താണ്‌?

¹⁷ സൂക്ഷ്‌മ​മായ അറിവു സമ്പാദി​ക്കു​ക​യും ഓർമി​ക്കു​ക​യും ഉപയോ​ഗി​ക്കു​ക​യും ചെയ്യുന്ന സംഗതി​യിൽ മാനസിക ശക്തികളെ സജീവ​മാ​യി ഉൾപ്പെ​ടു​ത്തി​യി​ട്ടി​ല്ലാത്ത ഒരുവനെ സ്ഥിര-ഹിമ-പ്രദേശം നന്നായി ചിത്രീ​ക​രി​ക്കു​ന്നു. (മത്തായി 13:5, 20, 21 താരത​മ്യം ചെയ്യുക.) ആ വ്യക്തിക്ക്‌ ഒരുപക്ഷേ, ബൈബിൾ സത്യം ഉൾപ്പെടെ വിവിധ വിഷയങ്ങൾ പഠിക്കാ​നുള്ള മാനസിക പ്രാപ്‌തി​യു​ണ്ടാ​യി​രി​ക്കാം. അയാൾ “ദൈവ​ത്തി​ന്റെ അരുള​പ്പാ​ടു​ക​ളു​ടെ ആദ്യപാ​ഠങ്ങൾ” പഠിക്കു​ക​യും ആ എബ്രായ ക്രിസ്‌ത്യാ​നി​ക​ളെ​പ്പോ​ലെ​തന്നെ സ്‌നാ​പനം സ്വീക​രി​ക്കാൻ യോഗ്യ​നാ​കു​ക​യും ചെയ്‌തി​രി​ക്കാം. എങ്കിലും അയാൾ “ക്രിസ്‌തു​വി​നെ​ക്കു​റി​ച്ചുള്ള ആദ്യവചന”ത്തിനതീ​ത​മാ​യി “പരിജ്ഞാ​ന​പൂർത്തി പ്രാപി​പ്പാൻ ശ്രമിക്കാ”തിരു​ന്നേ​ക്കാം.—എബ്രായർ 5:12; 6:1, 2.

¹⁸ ആ ക്രിസ്‌ത്യാ​നി​ക​ളിൽ ചിലർ അന്നു യോഗ​ങ്ങ​ളിൽ ഹാജരാ​യി​രി​ക്കു​ന്നത്‌ ഒന്നു വിഭാ​വനം ചെയ്യുക. അവർ സന്നിഹി​ത​രാ​യി ഉണർന്നി​രു​ന്നു, എന്നാൽ അവരുടെ മനസ്സ്‌ പഠിക്കു​ന്ന​തിൽ വ്യാപൃ​ത​മാ​യി​രു​ന്നോ? അവർ അറിവിൽ സജീവ​മാ​യും ആത്മാർഥ​മാ​യും വളർന്നു​വ​രു​ക​യാ​യി​രു​ന്നോ? ഒരുപക്ഷേ ആയിരു​ന്നില്ല. അപക്വ​രാ​യ​വർക്ക്‌, യോഗ​ങ്ങ​ളി​ലെ എന്തെങ്കി​ലും ഉൾപ്പെടൽ കനംകു​റഞ്ഞ സജീവ​പാ​ളി​യി​ലാ​ണു നടന്നത്‌, അതേസ​മയം അടിയിൽ ആഴത്തി​ലുള്ള ഒരു മരവിപ്പ്‌ ഉണ്ടായി​രു​ന്നു. കട്ടി​യേ​റി​യ​തോ സങ്കീർണ​മോ ആയ സത്യങ്ങ​ളു​ടെ വേരു​കൾക്കു മനസ്സിന്റെ ഈ സ്ഥിര-ഹിമ-പ്രദേ​ശ​ത്തേക്കു തുളച്ചി​റ​ങ്ങാൻ കഴിഞ്ഞില്ല.—യെശയ്യാ​വു 40:24 താരത​മ്യം ചെയ്യുക.

19. ഇക്കാലത്ത്‌, അനുഭ​വ​സ​മ്പ​ന്ന​നായ ഒരു ക്രിസ്‌ത്യാ​നി എബായ ക്രിസ്‌ത്യാ​നി​ക​ളെ​പ്പോ​ലെ ആയിത്തീർന്നേ​ക്കാ​വു​ന്നത്‌ എങ്ങനെ?

¹⁹ ഇന്ന്‌ ഒരു ക്രിസ്‌ത്യാ​നി​യു​ടെ കാര്യ​ത്തിൽ സ്ഥിതി സമാന​മാ​യി​രി​ക്കാ​വു​ന്ന​താണ്‌. യോഗ​ങ്ങ​ളിൽ ഹാജരാ​യി​രി​ക്കു​മ്പോൾ അയാൾ അറിവിൽ വളരാൻ ആ അവസരങ്ങൾ ഉപയോ​ഗി​ക്കാ​തി​രു​ന്നേ​ക്കാം. അവയിൽ സജീവ​മാ​യി പങ്കെടു​ക്കു​ന്ന​തി​നെ​ക്കു​റി​ച്ചെന്ത്‌? പുതിയ അല്ലെങ്കിൽ ചെറു​പ്പ​മായ ഒരുവന്‌ ഒരു തിരു​വെ​ഴു​ത്തു​വാ​ക്യം വായി​ക്കാ​നോ ഖണ്ഡിക​യി​ലെ വാക്കു​ക​ളിൽ ഉത്തരം പറയാ​നോ ഉള്ള സന്നദ്ധത പ്രകട​മാ​ക്കാൻ നല്ല ശ്രമം ആവശ്യ​മാ​യി​രി​ക്കാം, ഇത്‌ ആ വ്യക്തി​യു​ടെ പ്രാപ്‌തി നന്നായി, പ്രശം​സാർഹ​മാ​യി, പ്രയോ​ഗി​ക്കു​ന്ന​തി​ന്റെ പ്രതി​ഫ​ല​ന​മാണ്‌. എന്നാൽ മററു​ള്ള​വരെ സംബന്ധി​ച്ചി​ട​ത്തോ​ളം, അറിവിൽ വർധി​ച്ചു​വ​രാൻ ആഗ്രഹി​ക്കു​ന്നെ​ങ്കിൽ അവർ ക്രിസ്‌ത്യാ​നി​ക​ളാ​യി​രുന്ന കാലത്തി​ന്റെ വീക്ഷണ​ത്തിൽ, പങ്കെടു​ക്ക​ലി​ന്റെ ആ ആരംഭ​ഘ​ട്ട​ത്തി​ന​പ്പു​റം പുരോ​ഗ​മി​ക്കേ​ണ്ട​തു​ണ്ടെന്നു പൗലോസ്‌ പ്രകട​മാ​ക്കി.—എബ്രായർ 5:14.

20. നാം ഓരോ​രു​ത്ത​രും ഏത്‌ ആത്മാവ​ലോ​കനം നടത്തണം?

²⁰ അനുഭ​വ​സ​മ്പ​ന്ന​നായ ഒരു ക്രിസ്‌ത്യാ​നി കേവലം ഒരു ബൈബിൾ വാക്യം വായി​ക്കു​ക​യോ ഖണ്ഡിക​യിൽനി​ന്നു നേരിട്ട്‌ ഒരു അടിസ്ഥാന ഉത്തരം പറയു​ക​യോ ചെയ്യു​ന്ന​തി​ന​പ്പു​റം ഒരിക്ക​ലും പുരോ​ഗ​മി​ച്ചി​ല്ലെ​ങ്കിൽ അയാളു​ടെ പങ്കു​കൊ​ള്ളൽ വന്നത്‌ കേവലം അയാളു​ടെ മനസ്സിന്റെ “സജീവ പാളി”യിൽനി​ന്നാണ്‌. യോഗങ്ങൾ എത്ര കഴിഞ്ഞാ​ലും അയാളു​ടെ മാനസിക പ്രാപ്‌തി​യു​ടെ ആഴങ്ങൾ, സ്ഥിര-ഹിമ-പ്രദേ​ശ​ത്തി​ന്റെ ദൃഷ്ടാ​ന്ത​പ്ര​കാ​രം, മരവിച്ച അവസ്ഥയിൽത്തന്നെ തുടരു​ന്നു. നാം നമ്മോ​ടു​തന്നെ ഇങ്ങനെ ചോദി​ക്കണം: ‘അത്‌ എന്റെ കാര്യ​ത്തിൽ അങ്ങനെ​യാ​ണോ? ഒരു തരത്തി​ലുള്ള മാനസിക സ്ഥിര-ഹിമം ബാധി​ക്കാൻ ഞാൻ അനുവ​ദി​ച്ചി​ട്ടു​ണ്ടോ? പഠിക്കു​ന്ന​തിൽ ഞാൻ മാനസി​ക​മാ​യി എത്ര ഉണർവു​ള്ള​വ​നും താത്‌പ​ര്യ​മു​ള്ള​വ​നു​മാണ്‌?’ നമ്മുടെ സത്യസ​ന്ധ​മായ ഉത്തരങ്ങ​ളിൽ നാം അസ്വസ്ഥ​രാ​യാ​ലും, നമുക്കി​പ്പോൾ അറിവു വർധി​പ്പി​ക്കു​ന്ന​തി​നുള്ള പടികൾ സ്വീക​രി​ച്ചു തുടങ്ങാൻ കഴിയും.

21. നേരത്തെ പരിചി​ന്തിച്ച ഏതു പടികൾ നിങ്ങൾക്കു യോഗ​ങ്ങൾക്കു​വേണ്ടി തയ്യാറാ​കു​മ്പോ​ഴോ അവയിൽ പങ്കുപ​റ​റു​മ്പോ​ഴോ ബാധക​മാ​ക്കാ​വു​ന്ന​താണ്‌?

²¹ വ്യക്തി​ഗ​ത​മാ​യി നമുക്കി​പ്പോൾ 8-ാം ഖണ്ഡിക​യി​ലെ നിർദേ​ശങ്ങൾ ബാധക​മാ​ക്കാൻ കഴിയും. സഭയു​മാ​യി നാം എത്ര കാലമാ​യി സഹവസി​ച്ചു​കൊ​ണ്ടി​രു​ന്നാ​ലും പക്വത​യി​ലേ​ക്കും വർധിച്ച അറിവി​ലേ​ക്കും മുന്നേ​റാൻ നമുക്കു തീരു​മാ​ന​മെ​ടു​ക്കാം. ചിലരു​ടെ സംഗതി​യിൽ അത്‌ ഒരുപക്ഷേ, വർഷങ്ങൾക്കു മുമ്പു​ണ്ടാ​യി​രു​ന്ന​തെ​ങ്കി​ലും ക്രമേണ കൈവി​ട്ടു​പോയ ശീലങ്ങളെ പുനരു​ജ്ജീ​വി​പ്പി​ച്ചു​കൊ​ണ്ടു യോഗ​ങ്ങൾക്കു കൂടുതൽ ഉത്സാഹ​ത്തോ​ടെ തയ്യാറാ​കു​ന്ന​തി​നെ അർഥമാ​ക്കും. നിങ്ങൾ തയ്യാറാ​കു​മ്പോൾ, പ്രധാന ആശയങ്ങൾ എന്താ​ണെന്നു നിശ്ചയ​പ്പെ​ടു​ത്താ​നും വാദമു​ഖ​ങ്ങളെ വികസി​പ്പി​ക്കു​ന്ന​തിന്‌ ഉപയോ​ഗി​ച്ചി​രി​ക്കുന്ന അപരി​ചി​ത​മായ തിരു​വെ​ഴു​ത്തു​കൾ മനസ്സി​ലാ​ക്കാ​നും ശ്രമി​ക്കുക. പഠനഭാ​ഗത്തു പുതു​തായ എന്തെങ്കി​ലും സമീപ​ന​മോ വശമോ ഉണ്ടോ​യെന്ന്‌ ആരായുക. സമാന​മാ​യി യോഗ​സ​മ​യത്ത്‌, 10-ഉം 11-ഉം ഖണ്ഡിക​ക​ളിൽ സൂചി​പ്പി​ച്ചി​രി​ക്കുന്ന നിർദേ​ശങ്ങൾ നിങ്ങളിൽത്തന്നെ ബാധക​മാ​ക്കാൻ ശ്രമി​ക്കുക. നിങ്ങളു​ടെ മനസ്സിന്റെ ഊഷ്‌മാവ്‌ ഉയർന്ന അളവിൽ നിർത്തു​ന്ന​തു​പോ​ലെ, നിങ്ങൾ മാനസി​ക​മാ​യി ഉണർന്നി​രി​ക്കാൻ യത്‌നി​ക്കുക. അതു “സ്ഥിര-ഹിമ” സ്ഥിതി ബാധി​ക്കു​ന്ന​തി​നുള്ള ഏതു പ്രവണ​ത​യെ​യും തടയും; ഈ ബോധ​പൂർവ​ക​മായ ശ്രമം മുമ്പു വികാസം പ്രാപി​ച്ചി​രി​ക്കാ​വുന്ന “മരവിച്ച” ഏതവസ്ഥ​യെ​യും ഉരുക്കി​ക്ക​ള​യു​ക​യും ചെയ്യും.—സദൃശ​വാ​ക്യ​ങ്ങൾ 8:12, 32-34.

അറിവ്‌, ഫലസമൃ​ദ്ധി​ക്കുള്ള ഒരു സഹായി

22. നമ്മുടെ അറിവു വർധി​പ്പി​ക്കാൻ യത്‌നി​ക്കു​ന്നെ​ങ്കിൽ നാം എങ്ങനെ പ്രയോ​ജ​ന​മ​നു​ഭ​വി​ക്കും?

²² നമ്മുടെ കർത്താ​വും രക്ഷിതാ​വു​മായ യേശു​ക്രി​സ്‌തു​വി​ന്റെ അനർഹ ദയയി​ലും അറിവി​ലും വർധി​ച്ചു​വ​രുന്ന ഈ കാര്യ​ത്തിൽ ശ്രമം നടത്തി​യാൽ നാം വ്യക്തി​ഗ​ത​മാ​യി എങ്ങനെ പ്രയോ​ജനം നേടും? അറിവു സമ്പാദി​ക്കാ​നുള്ള സന്നദ്ധത​യോ​ടെ നമ്മുടെ മാനസിക പ്രാപ്‌തി​കളെ ഉണർവു​ള്ള​താ​യി നിലനിർത്താൻ നാം ബോധ​പൂർവ​ക​മായ ശ്രമം നടത്തു​ന്ന​തി​നാൽ, പുതു​തും കൂടുതൽ സങ്കീർണ​വു​മായ സത്യങ്ങ​ളു​ടെ വിത്തുകൾ ആഴത്തിൽ വേരി​റ​ക്കു​ക​യും നമ്മുടെ ഗ്രാഹ്യം വർധി​ക്കു​ക​യും സ്ഥിരമാ​യി​ത്തീ​രു​ക​യും ചെയ്യും. അതിനെ ഹൃദയ​ത്തെ​ക്കു​റി​ച്ചു യേശു പറഞ്ഞ ഒരു വ്യത്യസ്‌ത ഉപമ​യോ​ടു താരത​മ്യം ചെയ്യാ​വു​ന്ന​താണ്‌. (ലൂക്കൊസ്‌ 8:5-12) നല്ല മണ്ണിൽ വീഴുന്ന വിത്തു​കൾക്ക്‌ ഫലവും വിളവും നൽകുന്ന സസ്യങ്ങളെ താങ്ങാൻ കരുത്തു​ററ വേരുകൾ മുളപ്പി​ക്കാൻ കഴിയും.—മത്തായി 13:8, 23.

23. രണ്ടു പത്രൊസ്‌ 3:18 നാം ഗൗരവ​മാ​യി എടുക്കു​മ്പോൾ എന്തു ഫലങ്ങൾ ഉളവാ​കു​ന്ന​താണ്‌? (കൊ​ലൊ​സ്സ്യർ 1:9-12)

²³ യേശു​വി​ന്റെ ദൃഷ്ടാന്തം കുറേ വ്യത്യ​സ്‌ത​മാ​യി​രു​ന്നെ​ങ്കി​ലും, നല്ല ഫലങ്ങൾ പത്രോസ്‌ വാഗ്‌ദാ​നം ചെയ്‌ത​തി​നോ​ടു സമാന​മാ​യി​രു​ന്നു: “ഈ കാരണ​ത്താൽത്തന്നെ, പ്രതി​ക​ര​ണ​മാ​യി സകല ആത്മാർഥ ശ്രമവും ചെയ്യു​ന്ന​തി​നാൽ നിങ്ങളു​ടെ വിശ്വാ​സ​ത്തി​നു സദ്‌ഗു​ണ​വും നിങ്ങളു​ടെ സദ്‌ഗു​ണ​ത്തിന്‌ അറിവും . . . പ്രദാനം ചെയ്യുക. ഇവ നിങ്ങളിൽ ഉണ്ടായി​രി​ക്ക​യും കവി​ഞ്ഞൊ​ഴു​കു​ക​യും ചെയ്‌താൽ നിങ്ങൾ നമ്മുടെ കർത്താ​വായ യേശു​ക്രി​സ്‌തു​വി​നെ​ക്കു​റി​ച്ചുള്ള പരിജ്ഞാ​നം സംബന്ധിച്ച്‌ ഒന്നുകിൽ നിഷ്‌ക്രി​യ​രോ അല്ലെങ്കിൽ നിഷ്‌ഫ​ല​രോ ആയിരി​ക്കു​ന്ന​തിൽനിന്ന്‌ അവ നിങ്ങളെ തടയും.” (2 പത്രോസ്‌ 1:5-8, NW) അതേ, അറിവി​ലുള്ള നമ്മുടെ വളർച്ച ഫലസമൃ​ദ്ധ​രാ​യി​രി​ക്കാൻ നമ്മെ സഹായി​ക്കും. ഏറെ അറിവു നേടു​ന്ന​തു​പോ​ലും എക്കാല​ത്തും രസകര​മാ​ണെന്നു നാം കണ്ടെത്തും. (സദൃശ​വാ​ക്യ​ങ്ങൾ 2:2-5) നിങ്ങൾ പഠിക്കു​ന്നതു നിങ്ങൾ അനായാ​സം ഓർത്തി​രി​ക്കും, ശിഷ്യ​രാ​യി​ത്തീ​രാൻ മററു​ള്ള​വരെ പഠിപ്പി​ക്കു​മ്പോൾ ഉപയോ​ഗ​പ്ര​ദ​വു​മാ​യി​രി​ക്കും. അതു​കൊണ്ട്‌ നിങ്ങൾ ഇങ്ങനെ​യും ഏറെ ഫലപ്ര​ദ​രാ​യി​രി​ക്കു​ക​യും ദൈവ​ത്തി​നും അവിടു​ത്തെ പുത്ര​നും മഹത്ത്വം കൈവ​രു​ത്തു​ക​യും ചെയ്യും. പത്രോസ്‌ തന്റെ രണ്ടാമത്തെ ലേഖനം ഇങ്ങനെ ഉപസം​ഹ​രി​ച്ചു: “കൃപയി​ലും (അനർഹദയയിലും, NW) നമ്മുടെ കർത്താ​വും രക്ഷിതാ​വു​മായ യേശു​ക്രി​സ്‌തു​വി​ന്റെ അറിവി​ലും വളരു​വിൻ. അവന്നു ഇപ്പോ​ഴും എന്നെ​ന്നേ​ക്കും മഹത്വം.”—2 പത്രൊസ്‌ 3:18.

[അടിക്കു​റി​പ്പു​കൾ]

നിങ്ങൾക്ക്‌ ഓർക്കാൻ കഴിയു​ന്നു​ണ്ടോ?

◻ നിങ്ങളു​ടെ അറിവു വർധി​പ്പി​ക്കു​ന്ന​തിൽ നിങ്ങൾ എന്തു​കൊ​ണ്ടു തത്‌പ​ര​നാ​യി​രി​ക്കണം?

◻ ഒരു പുതിയ ബൈബിൾ വിദ്യാർഥി​ക്കു തന്റെ പഠനത്തിൽനിന്ന്‌ എങ്ങനെ കൂടുതൽ പ്രയോ​ജനം അനുഭ​വി​ക്കാൻ കഴിയും?

◻ സ്ഥിര-ഹിമ-പ്രദേ​ശ​ത്താൽ ദൃഷ്ടാ​ന്തീ​ക​രി​ക്ക​പ്പെ​ടുന്ന പ്രകാരം ഏത്‌ അപകടം ഒഴിവാ​ക്കാ​നാ​ണു നിങ്ങൾ ആഗ്രഹി​ക്കു​ന്നത്‌?

◻ അറിവു വർധി​പ്പി​ക്കാ​നുള്ള നിങ്ങളു​ടെ പ്രാപ്‌തി മെച്ച​പ്പെ​ടു​ത്താൻ നിങ്ങൾ ദൃഢനി​ശ്ചയം ചെയ്‌തി​രി​ക്കേ​ണ്ട​തെ​ന്തു​കൊണ്ട്‌?

[15-ാം പേജിലെ ചിത്രം]

എനിക്കു മാനസിക സ്ഥിര-ഹിമത്തി​ന്റെ ഒരു പ്രശ്‌ന​മു​ണ്ടോ?