കുപ്ര​സിദ്ധ “വേശ്യ” അവളുടെ നാശം

“ജനങ്ങളേ, യാഹിനെ സ്‌തു​തി​പ്പിൻ! രക്ഷയും മഹത്വ​വും ബലവും നമ്മുടെ ദൈവ​ത്തി​നു​ള്ള​താ​കു​ന്നു, എന്തു​കൊ​ണ്ടെ​ന്നാൽ അവന്റെ ന്യായ​വി​ധി​കൾ സത്യവും നീതി​യു​മു​ള്ള​വ​യാ​കു​ന്നു. എന്തു​കൊ​ണ്ടെ​ന്നാൽ തന്റെ ദുർവൃ​ത്തി​കൊ​ണ്ടു ഭൂമിയെ ദുഷി​പ്പിച്ച മഹാ​വേ​ശ്യ​യു​ടെ​മേൽ അവൻ ന്യായ​വി​ധി നടത്തി​യി​രി​ക്കു​ന്നു, തന്റെ അടിമ​ക​ളു​ടെ രക്തത്തിന്‌ അവളുടെ കൈയിൽനിന്ന്‌ പകരം​ചോ​ദി​ച്ചി​രി​ക്കു​ന്നു.”—വെളി​പ്പാട്‌ 19:1, 2.

1.മഹാ​വേശ്യ “ഭൂമി​യി​ലെ രാജാ​ക്കൻമാ​രു”മായി ദുർവൃ​ത്തി​യി​ലേർപ്പെ​ട്ടി​രി​ക്കു​ന്ന​തെ​ങ്ങനെ, ഇത്‌ എന്തിൽ കലാശി​ച്ചി​രി​ക്കു​ന്നു?

നമ്മൾ ചർച്ച​ചെ​യ്‌തു​കൊ​ണ്ടി​രു​ന്ന​തെ​ല്ലാം ഗുരു​ത​രം​ത​ന്നെ​യാണ്‌. എന്നിരു​ന്നാ​ലും, വെളി​പ്പാട്‌ 17:2 “ഭൂമി​യി​ലെ രാജാ​ക്കൻമാ​രു”മായുള്ള മഹാ​വേ​ശ്യ​യു​ടെ ദുർവൃ​ത്തി​യെ​ക്കു​റി​ച്ചും പറയു​ന്നു​വെന്ന്‌ നാം കുറി​ക്കൊ​ള്ളേ​ണ്ട​താണ്‌. അവൾക്ക്‌ ഒരു വീഴ്‌ച അനുഭ​വ​പ്പെ​ട്ടി​രി​ക്കു​ന്നു​വെ​ങ്കി​ലും അവൾ ഇപ്പോ​ഴും വളരെ​യ​ധി​ക​മാ​യി ലോക​ത്തി​ന്റെ ഒരു സുഹൃ​ത്താണ്‌. അവൾ തന്റെ ഹീന ലക്ഷ്യങ്ങൾ നേടു​ന്ന​തിന്‌ ലൗകിക ഭരണാ​ധി​കാ​രി​കളെ വശത്താ​ക്കാൻ ശ്രമി​ക്കു​ന്നു. (യാക്കോബ്‌ 4:4) മഹാബാ​ബി​ലോ​നും രാഷ്‌ട്രീ​യ​ഭ​ര​ണാ​ധി​കാ​രി​ക​ളും തമ്മിലുള്ള അവിഹി​ത​വേ​ഴ്‌ചകൾ ഉൾപ്പെ​ടുന്ന ഈ ആത്മീയ വേശ്യാ​വൃ​ത്തി ശതലക്ഷ​ക്ക​ണ​ക്കിന്‌ നിർദ്ദോ​ഷി​ക​ളു​ടെ അകാല​മ​ര​ണ​ത്തിൽ കലാശി​ച്ചി​രി​ക്കു​ന്നു! മഹാ​വേശ്യ ഒന്നാം ലോക​മ​ഹാ​യു​ദ്ധ​ത്തി​ലെ പോരാ​ട്ട​ത്തിൽ ഇരുപ​ക്ഷ​ങ്ങ​ളി​ലും ഉൾപ്പെ​ട്ടി​രു​ന്നത്‌ മഹാ​മോ​ശ​മാ​യി​രു​ന്നു, എന്നാൽ രണ്ടാം ലോക​മ​ഹാ​യു​ദ്ധ​ത്തോ​ടുള്ള ബന്ധത്തിൽ അവളുടെ പാപങ്ങൾ തീർച്ച​യാ​യും “ആകാശ​ത്തോ​ളം​തന്നെ കുന്നി​ച്ചി​രി​ക്കു​ന്നു”! (വെളി​പ്പാട്‌ 18:5) നമ്മൾ എന്തു​കൊ​ണ്ടാണ്‌ അങ്ങനെ പറയു​ന്നത്‌?

2.(എ) ഫ്രാൻസ്‌ വോൺ പേപ്പൻ ജർമ്മനി​യി​ലെ ഭരണാ​ധി​കാ​രി​യാ​കാൻ അഡോൾഫ്‌ ഹിററ്‌ലറെ സഹായി​ച്ച​തെ​ങ്ങനെ, ഒരു മുൻ ജർമ്മൻചാൻസലർ ആ പേപ്പൽ പ്രഭു​വി​നെ വർണ്ണി​ച്ച​തെ​ങ്ങനെ? (ബി) നാസി​സം​സ്ഥാ​ന​വും വത്തിക്കാ​നും​ത​മ്മി​ലുള്ള കോൺകൊ​ഡാ​റ​റിൽ ഏതു രണ്ടു വകുപ്പു​കൾ രഹസ്യ​മാ​യി സൂക്ഷി​ച്ചി​രു​ന്നു? (അടിക്കു​റി​പ്പു കാണുക)

² ശരി, ഒരൊററ ദൃഷ്‌ടാ​ന്ത​മെ​ടു​ത്താൽ, സ്വേച്‌ഛാ​ധി​കാ​രി​യാ​യി​രുന്ന അഡോൾഫ്‌ ഹിററ്‌ലർ ജർമ്മനി​യി​ലെ ചാൻസലർ-ഏകാധി​പതി ആയതെ​ങ്ങ​നെ​യാണ്‌? അത്‌ പാപ്പാ​യു​ടെ ഒരു പ്രഭു​വി​ന്റെ രാഷ്‌ട്രീയ ഉപജാപം നിമി​ത്ത​മാ​യി​രു​ന്നു, അയാളെ മുൻ ജർമ്മൻ ചാൻസലർ കർട്ട്‌ വോൺ ഷ്‌ളീ​ചെർ വർണ്ണി​ച്ചത്‌ “ഈസ്‌ക്ക​രി​യോ​ത്താ യൂദാ വിശു​ദ്ധ​നാ​യി​രി​ക്കുന്ന തരത്തി​ലുള്ള ദ്രോഹി” എന്നാണ്‌. അയാളു​ടെ പേർ ഫ്രാൻസ്‌ വോൺ പേപ്പൻ എന്നായി​രു​ന്നു, അയാൾ കമ്മ്യൂ​ണി​സത്തെ എതിർക്കു​ന്ന​തി​നും ഹിററ്‌ല​റി​ന്റെ കീഴിൽ ജർമ്മനി​യെ ഏകീക​രി​ക്കു​ന്ന​തി​നും വേണ്ടി കാത്തലിക്ക്‌ ആക്‌ഷ​നേ​യും വ്യാവ​സാ​യി​ക​നേ​താ​ക്ക​ളെ​യും സംഘടി​പ്പി​ച്ചു. ഒരു ഒററി​ക്കൊ​ടു​ക്ക​ലി​ന്റെ ഭാഗമെന്ന നിലയിൽ വോൺ പേപ്പൻ വൈസ്‌ചാൻസ​ല​റാ​ക്ക​പ്പെട്ടു. നാസി​സം​സ്ഥാ​ന​വും വത്തിക്കാ​നും തമ്മിൽ ഒരു ഉടമ്പടി ഉണ്ടാക്കാൻ ഹിററ്‌ലർ പേപ്പന്റെ നേതൃ​ത്വ​ത്തിൽ റോമി​ലേക്ക്‌ ഒരു സംഘത്തെ അയച്ചു. “ഇപ്പോൾ ജർമ്മൻഭ​ര​ണ​കൂ​ട​ത്തിന്‌ അതിന്റെ തലപ്പത്ത്‌ കമ്മ്യൂ​ണി​സത്തെ വിട്ടു​വീ​ഴ്‌ച​യി​ല്ലാ​തെ എതിർക്കുന്ന ഒരു മനുഷ്യ​നു​ള്ള​തിൽ താൻ എത്ര സന്തുഷ്ട​നാ​ണെ”ന്ന്‌ പയസ്‌ 11-ാമൻ പാപ്പാ ജർമ്മൻ സന്ദേശ​വാ​ഹ​ക​രോട്‌ പറയു​ക​യും 1933 ജൂലൈ 20-ാം തീയതി വത്തിക്കാ​നി​ലെ ഒരു വിപു​ല​മായ ചടങ്ങിൽ (പെട്ടെ​ന്നു​തന്നെ പന്ത്രണ്ടാം പീയൂസ്‌ പാപ്പാ ആയിത്തീ​രാ​നി​രുന്ന) കാർഡി​നൽ പസേലി കോൺകൊ​ഡാ​ററ്‌ ഉടമ്പടി​യിൽ ഒപ്പു വെക്കു​ക​യും ചെയ്‌തു.a

3.(എ) നാസി​സം​സ്ഥാ​ന​വും വത്തിക്കാ​നും തമ്മിലുള്ള കോൺകൊ​ഡാ​റ​റി​നെ​ക്കു​റിച്ച്‌ ഒരു ചരി​ത്ര​കാ​രൻ എന്തെഴു​തി? (ബി) വത്തിക്കാ​നി​ലെ ആഘോ​ഷ​വേ​ള​യിൽ ഫ്രാൻസ്‌ വോൺ പേപ്പന്‌ ഏതു ബഹുമതി കൊടു​ക്ക​പ്പെട്ടു? (സി) നാസികൾ ആസ്‌ത്രി​യയെ കൈവ​ശ​പ്പെ​ടു​ത്തി​യ​തിൽ ഫ്രാൻസ്‌ വോൺ പേപ്പൻ എന്തു റോൾ അഭിന​യി​ച്ചു?

³ ഒരു ചരി​ത്ര​കാ​രൻ എഴുതു​ന്നു: “[വത്തിക്കാ​നു​മാ​യുള്ള] കോൺകൊ​ഡാ​ററ്‌ ഉടമ്പടി ഹിററ്‌ല​റിന്‌ ഒരു വൻ വിജയ​മാ​യി​രു​ന്നു. അത്‌ അയാൾക്ക്‌ പുറം​ലോ​ക​ത്തു​നിന്ന്‌ ആദ്യത്തെ ധാർമ്മി​ക​പി​ന്തുണ നേടി​ക്കൊ​ടു​ത്തു, അതും ഏററവും ഉയർന്ന കേന്ദ്ര​ത്തിൽനിന്ന്‌.” വത്തിക്കാ​നി​ലെ ചടങ്ങു​ക​ളിൽ പസേലി പേപ്പന്‌ ഗ്രാൻഡ്‌ ക്രോസ്‌ ഓഫ്‌ ദ ഓർഡർ ഓഫ്‌ പയസ്‌ എന്ന ഉയർന്ന പേപ്പൽ ബഹുമതി കൊടു​ക്കു​ക​യു​ണ്ടാ​യി.b ആസ്‌ത്രി​യാ​യു​ടെ നാസി കീഴട​ക്ക​ലിന്‌ സഭാപി​ന്തുണ നേടാൻ “ഒരു നല്ല കത്തോ​ലി​ക്ക​നാ​യുള്ള തന്റെ കീർത്തി​യെ” പേപ്പൻ എങ്ങനെ കൂടു​ത​ലാ​യി ഉപയോ​ഗി​ച്ചു​വെന്ന്‌ 1948-ൽ പ്രസി​ദ്ധ​പ്പെ​ടു​ത്തിയ ദ ഗാദറിംഗ്‌ സ്‌റേ​റ എന്ന തന്റെ പുസ്‌ത​ക​ത്തിൽ വിൻസ്‌ററൻ ചർച്ചിൽ പറയു​ന്നുണ്ട്‌. ഹിററ്‌ല​റു​ടെ ജൻമദി​നത്തെ ആദരി​ച്ചു​കൊണ്ട്‌ സ്വസ്ഥി​കാ​പ​താക പറപ്പി​ക്ക​ണ​മെ​ന്നും പള്ളിമ​ണി​ക​ള​ടി​ക്ക​ണ​മെ​ന്നും നാസി സ്വേച്ഛാ​ധി​കാ​രി​ക്കു​വേണ്ടി പ്രാർത്ഥി​ക്ക​ണ​മെ​ന്നും കാർഡി​നൽ ഇന്നിറ​റ്‌സർ 1938-ൽ ആജ്ഞാപി​ക്കു​ക​യു​ണ്ടാ​യി.

4, 5.(എ) വത്തിക്കാ​ന്റെ മേൽ ഭയങ്കര രക്തപാ​തകം സ്ഥിതി​ചെ​യ്യു​ന്ന​തെ​ന്തു​കൊണ്ട്‌? (ബി) ജർമ്മൻ കത്തോ​ലി​ക്കാ ബിഷപ്പൻമാർ ഹിററ്‌ലർക്ക്‌ തുറന്ന പിന്തുണ കൊടു​ത്ത​തെ​ങ്ങനെ?

⁴ അതു​കൊണ്ട്‌ വത്തിക്കാ​ന്റെ മേൽ ഭയങ്കര രക്തപാ​തകം സ്ഥിതി​ചെ​യ്യു​ന്നുണ്ട്‌! മഹാബാ​ബി​ലോ​ന്റെ ഒരു പ്രമു​ഖ​ഭാ​ഗ​മെന്ന നിലയിൽ അത്‌ ഹിററ്‌ലറെ അധികാ​ര​ത്തി​ലേ​റ​റു​ന്ന​തി​നും അയാൾക്കു ധാർമ്മി​ക​പി​ന്തുണ നേടി​ക്കൊ​ടു​ക്കു​ന്ന​തി​നും ഗണ്യമാ​യി സഹായി​ച്ചു. അയാളു​ടെ ക്രൂര​കൃ​ത്യ​ങ്ങൾക്ക്‌ മൗനാ​നു​വാ​ദം കൊടു​ക്കു​ന്ന​തിൽ വത്തിക്കാൻ പിന്നെ​യും മുന്നോ​ട്ടു​പോ​യി. നാസി ഭീകര​ത​യു​ടെ നീണ്ട ദശാബ്‌ദ​ത്തിൽ, നാസി ഭരണകൂ​ട​ത്തി​ന്റെ മഹത്വ​ത്തി​നു വേണ്ടി ശതസഹ​സ്ര​ക്ക​ണ​ക്കി​നു കത്തോ​ലി​ക്കാ​പ​ട​യാ​ളി​കൾ പോരാ​ടി മരിച്ച​പ്പോ​ഴും ഹിററ്‌ല​റി​ന്റെ ഗ്യാസ്‌ചേ​മ്പ​റു​ക​ളിൽ ദശലക്ഷ​ക്ക​ണ​ക്കിന്‌ മററു ഹതഭാ​ഗ്യർ കൊല ചെയ്യ​പ്പെ​ട്ട​പ്പോ​ഴും റോമൻ പോണ്ടിഫ്‌ മൗനം ദീക്ഷി​ക്കു​ക​യാ​യി​രു​ന്നു.

⁵ ജർമ്മനി​യി​ലെ കത്തോ​ലി​ക്കാ ബിഷപ്പൻമാർ ഹിററ്‌ല​റിന്‌ തുറന്ന പിന്തുണ പോലും കൊടു​ത്തു. ജർമ്മനി​യു​ടെ അന്നത്തെ യുദ്ധകാല പങ്കാളി​യാ​യി​രുന്ന ജപ്പാൻ പേൾഹാർബ​റിൽ ഹീനമായ ആക്രമണം നടത്തിയ ദിവസം​തന്നെ ദി നൂയോർക്ക്‌ റൈറ​സിൽ ഈ വാർത്ത വന്നു: “ഫുൽഡാ​യിൽ സമ്മേളിച്ച ജർമ്മൻ കാത്തലിക്ക്‌ ബിഷപ്പൻമാ​രു​ടെ കോൺഫ​റൻസ്‌ എല്ലാ ദിവ്യ ശുശ്രൂ​ഷ​ക​ളു​ടെ​യും ആരംഭ​ത്തി​ലും അവസാ​ന​ത്തി​ലും വായി​ക്കേണ്ട ഒരു പ്രത്യേക ‘യുദ്ധ​പ്രാർത്ഥന’ അവതരി​പ്പി​ക്കു​ന്ന​തിന്‌ ശുപാർശ ചെയ്‌തി​രി​ക്കു​ന്നു. ജർമ്മൻ ആയുധ​ങ്ങൾക്കു വിജയ​വും, സകല പടയാ​ളി​ക​ളു​ടെ​യും ജീവനും ആരോ​ഗ്യ​ത്തി​നും മഹത്തായ സംരക്ഷ​ണ​വും കൊടു​ത്ത​നു​ഗ്ര​ഹി​ക്കാൻ പ്രാർത്ഥന ദൈവ​സ​ഹാ​യം അഭ്യർത്ഥി​ച്ചു. കുറഞ്ഞ​പക്ഷം മാസത്തി​ലൊ​രി​ക്കൽ ‘കരയി​ലും കടലി​ലും ആകാശ​ത്തു​മുള്ള’ ജർമ്മൻപ​ട​യാ​ളി​കളെ സൂക്ഷി​ക്കാ​നും ഓർമ്മി​ക്കാ​നും ഒരു പ്രത്യേക ഞായറാഴ്‌ച പ്രസം​ഗ​ത്തിൽ ബിഷപ്പൻമാർ പിന്നെ​യും വൈദി​കരെ ഉദ്‌ബോ​ധി​പ്പി​ച്ചു.”

6.വത്തിക്കാ​നും നാസി​ക​ളും തമ്മിൽ ആത്മീയ ദുർവൃ​ത്തി​യി​ല്ലാ​യി​രു​ന്നെ​ങ്കിൽ ഏതു കഠിന​യാ​ത​ന​യിൽനി​ന്നും ക്രൂര​ത​ക​ളിൽനി​ന്നും ലോകം ഒഴിവാ​ക്ക​പ്പെ​ടു​മാ​യി​രു​ന്നു?

⁶ വത്തിക്കാ​നും നാസി​ക​ളും തമ്മിൽ പ്രേമ​ബന്ധം ഇല്ലായി​രു​ന്നെ​ങ്കിൽ യുദ്ധത്തിൽ കൊല്ല​പ്പെട്ട ബഹുലക്ഷം പടയാ​ളി​ക​ളു​ടെ​യും സിവി​ലി​യൻമാ​രു​ടെ​യും “ആര്യേതര”രായി​രു​ന്ന​തു​കൊണ്ട്‌ കൊല​ചെ​യ്യ​പ്പെട്ട 60 ലക്ഷം യഹൂദൻമാ​രു​ടെ​യും, യഹോ​വ​യു​ടെ ദൃഷ്ടി​യിൽ അത്യന്തം വിലപ്പെട്ട, അഭിഷി​ക്ത​രി​ലും “വേറെ ആടുക​ളി​ലും”പെട്ടവ​രാ​യി വലിയ ക്രൂര​തകൾ സഹിച്ച തന്റെ ആയിര​ക്ക​ണ​ക്കി​നു സാക്ഷി​ക​ളു​ടെ​യും കഠിന​വേദന ലോക​ത്തിൽ ഒഴിവാ​ക്ക​പ്പെ​ട്ടേനെ; എന്നാൽ അനേകം സാക്ഷികൾ നാസി തടങ്കൽപാ​ള​യ​ങ്ങ​ളിൽ മരണമ​ടഞ്ഞു.—യോഹ​ന്നാൻ 10:10, 16.

വേശ്യ​യു​ടെ അടുത്തു​നി​ന്നുള്ള വീക്ഷണം

7.അപ്പോ​സ്‌ത​ല​നായ യോഹ​ന്നാൻ മഹാ​വേ​ശ്യ​യു​ടെ ഒരു അടുത്ത വീക്ഷണത്തെ വർണ്ണി​ക്കു​ന്ന​തെ​ങ്ങനെ?

⁷ വെളി​പ്പാ​ടി​ലെ പ്രവച​ന​ത്തിൽ അടുത്ത​താ​യി ഇതൾവി​രി​യുന്ന ദർശനം എത്ര ഉചിത​മാണ്‌! 17-ാം അദ്ധ്യായം 3 മുതൽ 5 വരെയുള്ള വാക്യ​ങ്ങ​ളി​ലേക്കു തിരി​യു​മ്പോൾ യോഹ​ന്നാൻ ആ ദൂത​നെ​ക്കു​റിച്ച്‌ ഇങ്ങനെ പറയു​ന്ന​താ​യി നാം കണ്ടെത്തു​ന്നു: “അവൻ എന്നെ ആത്മാവി​ന്റെ ശക്തിയിൽ ഒരു മരുഭൂ​മി​യി​ലേക്കു കൊണ്ടു​പോ​യി. ഏഴു തലയും പത്തു കൊമ്പു​മു​ണ്ടാ​യി​രുന്ന, ദൂഷണ​നാ​മങ്ങൾ നിറഞ്ഞ, കടും​ചു​വപ്പു നിറമുള്ള, ഒരു കാട്ടു​മൃ​ഗ​ത്തിൻമേ​ലി​രി​ക്കുന്ന ഒരു സ്‌ത്രീ​യെ ഞാൻ കണ്ടു. സ്‌ത്രീ ധൂമ്ര​വർണ്ണ​വും കടും​ചു​വ​പ്പും ധരിച്ചി​രു​ന്നു, പൊന്നും വില​യേ​റിയ കല്ലും രത്‌ന​ങ്ങ​ളും അണിഞ്ഞി​രു​ന്നു, അവളുടെ കൈയിൽ മ്ലേച്ഛത​ക​ളും അവളുടെ ദുർവൃ​ത്തി​യു​ടെ അശുദ്ധ​കാ​ര്യ​ങ്ങ​ളും നിറഞ്ഞ ഒരു സ്വർണ്ണ പാനപാ​ത്ര​വു​മു​ണ്ടാ​യി​രു​ന്നു. അവളുടെ നെററി​യിൽ ഒരു നാമം, ഒരു മർമ്മം, എഴുത​പ്പെ​ട്ടി​രു​ന്നു: ‘വേശ്യ​ക​ളു​ടെ​യും ഭൂമി​യി​ലെ മ്ലേച്‌ഛ​കാ​ര്യ​ങ്ങ​ളു​ടെ​യും മാതാ​വായ മഹാബാ​ബി​ലോൻ.’”

8.(എ) മഹാ​വേശ്യ തന്നെ തിരി​ച്ച​റി​യി​ച്ചു​കൊണ്ട്‌ തന്റെ പൊൻപാ​ന​പാ​ത്ര​ത്തിൽ എന്തു വഹിക്കു​ന്നു? (ബി) മഹാബാ​ബി​ലോൻ ആലങ്കാ​രി​ക​മാ​യി “ധൂമ്ര​വർണ്ണ​വും കടും​ചു​വ​പ്പും” ധരിച്ച്‌ “പൊന്നും വില​യേ​റിയ കല്ലും രത്‌ന​ങ്ങ​ളും” അണിഞ്ഞി​രി​ക്കു​ന്ന​തെ​ങ്ങനെ?

⁸ ഇവിടെ യോഹ​ന്നാൻ മഹാബാ​ബി​ലോ​നെ അടുത്തു​നി​ന്നു കാണുന്നു. അവൾ യഥാർത്ഥ​ത്തിൽ ആ മരുഭൂ​മി​യിൽ, അവിടെ വസിക്കുന്ന കാട്ടു​മൃ​ഗ​ങ്ങ​ളു​ടെ ഇടയിൽത്തന്നെ, ഉള്ളവളാണ്‌. ഈ മഹാ​വേശ്യ തന്റെ പാനപാ​ത്ര​ത്തിൽ എന്തു വഹിക്കു​ന്നു​വെ​ന്ന​തി​നാൽ വ്യക്തമാ​യി തിരി​ച്ച​റി​യ​പ്പെ​ടു​ന്നു, അത്‌ വഞ്ചനാ​ത്മ​ക​മാ​യി പുറമേ വില​പ്പെ​ട്ട​താ​യി കാണ​പ്പെ​ടു​ന്നു​വെ​ങ്കി​ലും. ദൈവ​ത്തി​ന്റെ നിലപാ​ടിൽ വെറു​ക്കത്തക്ക ഒരു ദ്രാവ​ക​മാണ്‌ അവൾ കുടി​ക്കു​ന്നത്‌. ലോക​വു​മാ​യുള്ള അവളുടെ സഖിത്വം, അവളുടെ വ്യാ​ജോ​പ​ദേ​ശങ്ങൾ, അവളുടെ ധാർമ്മിക അനുവ​ദ​നീ​യത, രാഷ്‌ട്രീ​യ​ശ​ക്തി​ക​ളു​മാ​യുള്ള അവളുടെ കാമലീ​ലകൾ—ഇവയൊ​ന്നും “സർവഭൂ​മി​യു​ടെ​യും ന്യായാ​ധി​പതി”യായ യഹോവ പൊറു​ക്കു​ന്നതല്ല. (ഉൽപ്പത്തി 18:22-26; വെളി​പ്പാട്‌ 18:21, 24) ഹാ എത്ര സുന്ദര​മാ​യി അവൾ തന്നേത്തന്നെ അണിയി​ച്ചൊ​രു​ക്കു​ന്നു! അവൾ ബാഹ്യ​മോ​ടി​യുള്ള ശിൽപ്പ​വി​ദ്യ​യോ​ടും ചിത്ര​വേ​ല​യുള്ള കണ്ണാടി​ജ​നാ​ല​ക​ളോ​ടും​കൂ​ടിയ ഗംഭീര കത്തീ​ഡ്ര​ലു​കൾക്കും ആഭരണാ​ലം​കൃത പഗോ​ഡ​കൾക്കും വാട്ടു​കൾക്കും കാലപ്പ​ഴ​ക്ക​ത്താൽ ബഹുമാ​നി​ത​മായ ക്ഷേത്ര​ങ്ങൾക്കും ദേവാ​ല​യ​ങ്ങൾക്കും കീർത്തി​പ്പെ​ട്ട​വ​ളാണ്‌. മഹാ​വേശ്യ വെച്ച ശൈലീ​കൃത ഫാഷനു​കൾക്ക​നു​സൃ​ത​മാ​യി അവളുടെ പുരോ​ഹി​തൻമാ​രും സന്യാ​സി​മാ​രും കടും​ചു​വ​പ്പും ധൂമ്ര​വർണ്ണ​വും കടും​മ​ഞ്ഞ​യു​മായ വില​യേ​റിയ അങ്കികൾ അണിഞ്ഞി​രി​ക്കു​ന്നു.—വെളിപ്പാട്‌17:1.

9.മഹാബാ​ബി​ലോന്‌ രക്തപാ​ത​ക​ത്തി​ന്റെ ഏതു നീണ്ട ചരി​ത്ര​മുണ്ട്‌, യോഹ​ന്നാൻ അവളെ​ക്കു​റി​ച്ചുള്ള തന്റെ വർണ്ണന ഉചിത​മാ​യി അവസാ​നി​പ്പി​ക്കു​ന്ന​തെ​ങ്ങനെ?

⁹ എന്നാൽ അവളുടെ രക്തദാ​ഹ​മാണ്‌ ഏററം നിന്ദ്യം. യഹോ​വക്ക്‌ അതുസം​ബ​ന്ധിച്ച്‌ അവളു​മാ​യി ഒരു ദീർഘ​കാല കണക്കു തീർക്കാ​നുണ്ട്‌. അവൾ രക്തദാ​ഹി​ക​ളായ ആധുനി​ക​കാ​ലത്തെ സ്വേച്ഛാ​ധി​പ​തി​കളെ പിന്താ​ങ്ങി​യി​ട്ടു​ണ്ടെ​ന്നു​മാ​ത്രമല്ല, അവളുടെ രക്തച്ചൊ​രി​ച്ചി​ലി​ന്റെ വെറു​ക്കത്തക്ക ചരിത്രം നൂററാ​ണ്ടു​ക​ളിൽ പിമ്പോ​ട്ടു നീണ്ടു​പോ​കു​ക​യും​ചെ​യ്യു​ന്നു, മതയു​ദ്ധ​ങ്ങ​ളി​ലൂ​ടെ​യും മതവി​ചാ​ര​ണ​ക​ളി​ലൂ​ടെ​യും, കുരി​ശു​യു​ദ്ധ​ങ്ങ​ളി​ലൂ​ടെ​യും അപ്പോ​സ്‌ത​ലൻമാ​രിൽ ചിലരു​ടെ രക്തസാ​ക്ഷി​മ​ര​ണ​വും കർത്താ​വാം യേശു​ക്രി​സ്‌തു​വായ, ദൈവ​ത്തി​ന്റെ സ്വന്തം പുത്രന്റെ വധവും വരെ മാത്രമല്ല, അതിലു​മ​പ്പു​റം പിമ്പോ​ട്ടു​പോ​കു​ന്നു. (പ്രവൃ​ത്തി​കൾ 3:15; എബ്രായർ 11:36, 37) കുറേ​ക്കൂ​ടെ അടുത്ത വർഷങ്ങ​ളിൽ ഫയറിംഗ്‌ സ്‌ക്വാ​ഡി​നാ​ലും തൂക്കി​ക്കൊ​ല​യാ​ലും മഴുവി​നാ​ലും ശിരച്‌ഛേ​ദ​ന​യ​ന്ത്ര​ത്താ​ലും വാളി​നാ​ലും കാരാ​ഗൃ​ഹ​ങ്ങ​ളി​ലെ​യും തടങ്കൽപാ​ള​യ​ങ്ങ​ളി​ലെ​യും മനുഷ്യ​ത്വ​ര​ഹി​ത​മായ പെരു​മാ​റ​റ​ത്താ​ലും യഹോ​വ​യു​ടെ സാക്ഷി​ക​ളിൽ നടത്തിയ കൊല​ക​ളും ഇതി​നോ​ടെ​ല്ലാം കൂട്ടുക. “വിശു​ദ്ധൻമാ​രു​ടെ രക്തവും യേശു​വി​ന്റെ സാക്ഷി​ക​ളു​ടെ രക്തവും കുടിച്ച്‌ സ്‌ത്രീ മത്തയാ​യി​രി​ക്കു​ന്നത്‌ ഞാൻ കണ്ടു!” എന്നു പറഞ്ഞു​കൊണ്ട്‌ യോഹ​ന്നാൻ തന്റെ വർണ്ണന അവസാ​നി​പ്പി​ക്കു​ന്നത്‌ അതിശ​യമല്ല.—വെളി​പ്പാട്‌ 17:6.

‘സ്‌ത്രീ​യു​ടെ​യും കാട്ടു​മൃ​ഗ​ത്തി​ന്റെ​യും മർമ്മം’

10.(എ) മഹാ​വേശ്യ ഇന്നോളം യഹോ​വ​യു​ടെ സാക്ഷി​കളെ പീഡി​പ്പി​ച്ചി​രി​ക്കു​ന്ന​തെ​ങ്ങനെ? (ബി) മഹാബാ​ബി​ലോ​നി​ലെ വൈദി​കർ ഏതു തരം നേതാ​ക്ക​ളാണ്‌?

¹⁰ യോഹ​ന്നാൻ താൻ കണ്ടതിൽ “വലിയ അതിശ​യ​ത്തോ​ടെ അതിശ​യി​ച്ചു.”! ഇന്നു നാമും അതിശ​യി​ക്കു​ന്നു! 1930-കളിലും 1940-കളിലും “മഹാ​വേശ്യ” യഹോ​വ​യു​ടെ വിശ്വ​സ്‌ത​സാ​ക്ഷി​കളെ പീഡി​പ്പി​ക്കാ​നും നിരോ​ധി​ക്കാ​നും കാത്തലിക്ക്‌ ആക്‌ഷ​നെ​യും രാഷ്‌ട്രീയ ഉപജാ​പ​ത്തെ​യും ഉപയോ​ഗി​ച്ചു. ഇന്നോളം, മഹാബാ​ബി​ലോൻ വേണ്ടത്ര സ്വാധീ​നം ചെലു​ത്താൻ കഴിയു​ന്നി​ട​ത്തെ​ല്ലാം ദൈവ​രാ​ജ്യ​ത്തി​ന്റെ മഹത്തായ പ്രത്യാശ ഘോഷി​ക്കുന്ന യഹോ​വ​യു​ടെ സാക്ഷി​ക​ളു​ടെ വേലയെ തടസ്സ​പ്പെ​ടു​ത്തു​ന്ന​തി​ലും നിയ​ന്ത്രി​ക്കു​ന്ന​തി​ലും തെററി​ദ്ധ​രി​പ്പി​ക്കു​ന്ന​തി​ലും തുടരു​ക​യാണ്‌. മഹാ​വേ​ശ്യ​യു​ടെ മതസ്ഥാ​പ​ന​ങ്ങ​ളിൽ സഹസ്ര​ല​ക്ഷ​ങ്ങളെ അടിമ​ക​ളാ​യി വെച്ചി​രി​ക്കു​ന്ന​തി​നാൽ അവളുടെ വൈദി​കർ ‘കുരു​ടൻമാ​രായ, കുരു​ടൻമാ​രു​ടെ നേതാക്ക’ളായി സേവി​ക്കു​ക​യാണ്‌, അവരെ നാശക്കു​ഴി​യി​ലേക്കു നയിച്ചു​കൊ​ണ്ടു​തന്നെ. ഈ കുപ്ര​സി​ദ്ധ​വേ​ശ്യക്ക്‌ ഒരിക്ക​ലും അപ്പോ​സ്‌ത​ല​നായ പൗലോ​സി​നോ​ടു ചേർന്നു​കൊണ്ട്‌ “ഞാൻ സകല മനുഷ്യ​രു​ടെ​യും രക്തംസം​ബ​ന്ധിച്ച്‌ നിർമ്മ​ല​ത​യു​ള്ളവൾ എന്നതിനു നിങ്ങളെ സാക്ഷി​യാ​ക്കു​ന്നു” എന്ന്‌ പറയാൻ സാദ്ധ്യമല്ല.—മത്തായി 15:7-9, 14; 23:13; പ്രവൃ​ത്തി​കൾ 20:26.

11, 12.കുപ്ര​സിദ്ധ വേശ്യയെ ചുമക്കുന്ന “കടും​ചു​വ​പ്പുള്ള കാട്ടു​മൃഗ”ത്തിന്റെ മർമ്മം എന്താണ്‌, യഹോ​വ​യു​ടെ സാക്ഷി​കൾക്ക്‌ 1942-ൽ ഈ മർമ്മ​ത്തെ​സം​ബ​ന്ധിച്ച്‌ എന്തു പ്രകാ​ശനം ലഭിച്ചു?

¹¹ യോഹ​ന്നാ​ന്റെ ആശ്ചര്യം കണ്ടു​കൊണ്ട്‌ ദൂതൻ അവനോ​ടി​ങ്ങനെ പറഞ്ഞു: “നീ ആശ്ചര്യ​പ്പെ​ട്ട​തെ​ന്തിന്‌? സ്‌ത്രീ​യു​ടെ​യും ഏഴു തലയും പത്തു കൊമ്പു​മു​ള്ള​താ​യി അവളെ ചുമക്കുന്ന കാട്ടു​മൃ​ഗ​ത്തി​ന്റെ​യും മർമ്മം ഞാൻ നിന്നോ​ടു പറയാം.” (വെളി​പ്പാട്‌ 17:7) ഈ “കാട്ടു​മൃ​ഗം” എന്താണ്‌? അന്നേക്ക്‌ 600-ൽപരം വർഷം​മുമ്പ്‌ ദാനി​യേൽപ്ര​വാ​ചകൻ ദാർശ​നിക മൃഗങ്ങളെ കണ്ടിരു​ന്നു, അവ ഇവിടെ ഭൂമി​യി​ലുള്ള “രാജാ​ക്കൻമാ​രെ” അഥവാ രാഷ്‌ട്രീ​യ​ഭ​ര​ണാ​ധി​പ​ത്യ​ങ്ങളെ പ്രതി​നി​ധാ​നം​ചെ​യ്യു​ന്നു​വെന്ന്‌ അവന്‌ വിശദീ​ക​രി​ച്ചു​കൊ​ടു​ക്ക​പ്പെ​ട്ടി​രു​ന്നു. (ദാനി​യേൽ 7:2-8, 17; 8:2-8, 19-22) യോഹ​ന്നാൻ ഇവിടെ അങ്ങനെ​യുള്ള ഒരു സംയുക്ത ഭരണാ​ധി​പ​ത്യ​ത്തെ—“കടും​ചു​വ​പ്പുള്ള ഒരു കാട്ടു​മൃ​ഗത്തെ”യാണ്‌ ദർശന​ത്തിൽ കാണു​ന്നത്‌. അത്‌ 1920-ൽ ലോക​രം​ഗത്തു പ്രത്യ​ക്ഷ​പ്പെ​ട്ട​തും, 1939-ൽ രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​പ്പോൾ നിഷ്‌ക്രി​യ​ത്വ​ത്തി​ന്റെ ഒരു അഗാധ​ത്തി​ലേക്കു മുങ്ങി​യ​തു​മായ മനുഷ്യ​നിർമ്മിത സർവരാ​ജ്യ​സ​ഖ്യ​മാണ്‌. എന്നാൽ “സ്‌ത്രീ​യു​ടെ​യും കാട്ടു​മൃ​ഗ​ത്തി​ന്റെ​യും മർമ്മം” എന്താണ്‌?

¹² ദൈവ​സ​ഹാ​യ​ത്താൽ യഹോ​വ​യു​ടെ സാക്ഷി​കൾക്ക്‌ 1942-ൽ ആ മർമ്മം​സം​ബ​ന്ധിച്ച്‌ പ്രകാ​ശനം ലഭിച്ചു. അന്ന്‌ രണ്ടാം ലോക​മ​ഹാ​യു​ദ്ധം ഉഗ്രമാ​യി നടന്നു​കൊ​ണ്ടി​രി​ക്കു​ക​യാ​യി​രു​ന്നു, അത്‌ ശക്തി പ്രാപിച്ച്‌ അർമ്മ​ഗെ​ദ്ദോ​നാ​യി​ത്തീ​രു​മെന്ന്‌ അനേകർ വിചാ​രി​ച്ചു. എന്നാൽ യഹോ​വക്ക്‌ മറെറാ​രു ആശയമാ​ണു​ണ്ടാ​യി​രു​ന്നത്‌! അവന്റെ സാക്ഷികൾ ഇനിയും വളരെ​യ​ധി​കം വേല​ചെ​യ്യേ​ണ്ട​തു​ണ്ടാ​യി​രു​ന്നു. അവരുടെ പുതി​യ​ലോക ദിവ്യാ​ധി​പത്യ സമ്മേള​നങ്ങൾ 1942 സെപ്‌റ​റം​ബർ 18-20-വരെ നടന്നു. ഒഹാ​യോ​വി​ലെ ക്ലീവ്‌ല​ണ്ടിൽ നടന്ന മുഖ്യ​സ​മ്മേ​ള​ന​ത്തിൽ വാച്ച്‌ടവർ സൊ​സൈ​ററി പ്രസി​ഡ​ണ്ടാ​യി​രുന്ന നാഥാൻ എച്ച്‌. നോർ “സമാധാ​നം—അതിന്‌ നിലനിൽക്കാൻ കഴിയു​മോ?” എന്ന പബ്ലിക്ക്‌ പ്രസംഗം നടത്തി. ഐക്യ​നാ​ടു​ക​ളി​ലെ വേറെ 51 സ്ഥലങ്ങൾ മുഖ്യ നഗര​ത്തോട്‌ ബന്ധിക്ക​പ്പെട്ടു. അതിൽ അദ്ദേഹം “കടും​ചു​വ​പ്പുള്ള കാട്ടു​മൃഗ”ത്തെക്കു​റി​ച്ചു പറയുന്ന വെളി​പ്പാട്‌ 17:8 പുനര​വ​ലോ​കനം ചെയ്യു​ക​യു​ണ്ടാ​യി, അത്‌ “ഉണ്ടായി​രു​ന്ന​തും, എന്നാൽ ഇല്ലാത്ത​തും, ഇനി അഗാധ​ത്തിൽനി​ന്നു കയറി നാശത്തി​ലേക്കു പോകാ​നി​രി​ക്കു​ന്ന​തും” ആണെന്നു​തന്നെ. 1920 മുതൽ 1939 വരെ സർവരാ​ജ്യ​സ​ഖ്യം “ഉണ്ടായി​രു​ന്നു”വെന്ന്‌ അദ്ദേഹം പ്രകട​മാ​ക്കി. ഇപ്പോൾ സഖ്യത്തി​ന്റെ ചരമം നിമിത്തം അത്‌ “ഇല്ലാത്ത” അവസ്ഥയി​ലെത്തി. എന്നാൽ രണ്ടാം ലോക​മ​ഹാ​യു​ദ്ധ​ത്തി​നു​ശേഷം രാഷ്‌ട്ര​ങ്ങ​ളു​ടെ ഈ സഖ്യം അഗാധ​ത്തിൽനി​ന്നു കയറി​വ​രും. ആ ബൈബി​ള​ധി​ഷ്‌ഠി​ത​പ്ര​വ​ചനം നിവർത്തി​ച്ചോ? സത്യമാ​യും നിവർത്തി​ച്ചു! 1945-ൽ അന്താരാ​ഷ്‌ട്ര “കാട്ടു​മൃ​ഗം” അതിന്റെ നിഷ്‌ക്രി​യ​ത്വ​ത്തി​ന്റെ അഗാധ​ത്തിൽനിന്ന്‌ ഐക്യ​രാ​ഷ്‌ട്രങ്ങൾ എന്ന നിലയിൽ പുറത്തു​വന്നു.

13.മഹാബാ​ബി​ലോൻ യു.എൻ. “കാട്ടു​മൃഗ”വുമാ​യുള്ള തന്റെ വേശ്യാ​സ​മാന നടപടി​കൾ തുടർന്നി​രി​ക്കു​ന്ന​തെ​ങ്ങനെ?

¹³ മഹാബാ​ബി​ലോൻ തന്റെ വീഴ്‌ച​യാൽ ദുർബ​ല​യാ​യെ​ങ്കി​ലും അവൾ യു.എൻ. “കാട്ടു​മൃ​ഗവു”മായി അവളുടെ വേശ്യാ​സ​മാന നടപടി​കൾ തുടർന്നി​രി​ക്കു​ന്നു. ദൃഷ്ടാ​ന്ത​ത്തിന്‌, 1965 ജൂണിൽ യു.എന്നിന്റെ 20-ാം ജൻമദി​നം ആഘോ​ഷി​ക്കു​ന്ന​തിന്‌, ലോക ജനസം​ഖ്യ​യു​ടെ പകുതി​യെ പ്രതി​നി​ധാ​നം​ചെ​യ്യു​ന്ന​താ​യി പറയ​പ്പെ​ടുന്ന, ക്രിസ്‌തീ​യ​വും അക്രി​സ്‌തീ​യ​വു​മെന്നു വിളി​ക്ക​പ്പെ​ടുന്ന ലോക​ത്തി​ലെ ഏഴു പ്രമുഖ മതശാ​ഖ​ക​ളിൽനി​ന്നുള്ള വൈദി​ക​സ്ഥാ​നി​കർ സാൻഫ്രാൻസി​സ്‌ക്കോ​യിൽ സമ്മേളി​ക്കു​ക​യു​ണ്ടാ​യി.c അതേവർഷം​തന്നെ പോൾ ആറാമൻ പാപ്പാ യു.എന്നിനെ “ഐക്യ​ത്തി​ന്റെ​യും സമാധാ​ന​ത്തി​ന്റെ​യും അവസാ​നത്തെ പ്രത്യാശ” എന്നു വർണ്ണിച്ചു. “ഐക്യ​രാ​ഷ്‌ട്രങ്ങൾ സമാധാ​ന​ത്തി​ന്റെ​യും നീതി​യു​ടെ​യും പരമോ​ന്ന​ത​വേ​ദി​യാ​യി എക്കാല​വും നില​കൊ​ള്ളു”മെന്ന തന്റെ പ്രത്യാശ ജോൺ പോൾ രണ്ടാമൻ പാപ്പാ പിന്നീട്‌ പ്രകട​മാ​ക്കു​ക​യു​ണ്ടാ​യി. 1986-ൽ യു.എന്നിന്റെ അന്താരാ​ഷ്‌ട്ര​സ​മാ​ധാ​ന​വർഷത്തെ പിന്താ​ങ്ങു​ന്ന​തിൽ നേതൃ​ത്വ​മെ​ടു​ത്തത്‌ വ്യാജ​മ​ത​ലോ​ക​സാ​മ്രാ​ജ്യ​മാ​യി​രു​ന്നു. എന്നാൽ അവരുടെ മതപര​മായ പ്രാർത്ഥ​ന​ക​ളോ​ടുള്ള പ്രതി​ക​ര​ണ​മാ​യി യഥാർത്ഥ സമാധാ​ന​വും സുരക്ഷി​ത​ത്വ​വും കൈവ​ന്നോ? അശേഷ​മില്ല! യു.എന്നിലെ അധിക​മ​ധി​കം അംഗരാ​ഷ്‌ട്രങ്ങൾ തങ്ങൾക്ക്‌ മഹാ​വേ​ശ്യ​യോട്‌ യഥാർത്ഥ​സ്‌നേ​ഹ​മി​ല്ലെന്ന്‌ പ്രകട​മാ​ക്കു​ക​യാണ്‌.

വേശ്യ​യു​ടെ കഥ കഴിക്കു​ന്നു

14.യു.എൻ. “കാട്ടു​മൃഗ”ത്തിന്‌ ഏതു പ്രത്യേ​ക​സേ​വനം അനുഷ്‌ഠി​ക്കാ​നുണ്ട്‌, ദൈവ​ത്തി​ന്റെ ദൂതൻ ഇതിനെ വർണ്ണി​ക്കു​ന്ന​തെ​ങ്ങനെ?

¹⁴ തക്ക സമയത്ത്‌ “കടും​ചു​വ​പ്പുള്ള കാട്ടു​മൃ​ഗം”തന്നെ നാശത്തി​ലേക്കു പോ​കേ​ണ്ട​താണ്‌. എന്നാൽ ഇതു സംഭവി​ക്കു​ന്ന​തി​നു​മുമ്പ്‌, ദൈവ​ജ​ന​ത്തിൻമേ​ലുള്ള അതിന്റെ അന്തിമ മൃഗീയ ആക്രമ​ണ​ത്തി​നു മുമ്പു​തന്നെ യു.എൻ. മൃഗത്തിന്‌ ഒരു പ്രത്യേ​ക​സേ​വ​ന​മ​നു​ഷ്‌ഠി​ക്കാ​നുണ്ട്‌. യഹോവ ‘കാട്ടു​മൃ​ഗ​ത്തി​ന്റെ​യും അതിന്റെ സൈന്യ​വൽകൃ​ത​കൊ​മ്പു​ക​ളു​ടെ​യും ഹൃദയ​ങ്ങ​ളിൽ തന്റെ ചിന്ത’ ഇട്ടു​കൊ​ടു​ക്കു​ന്നു. ഫലമെ​ന്താണ്‌? ദൈവ​ത്തി​ന്റെ ദൂതൻ ഉത്തരം പറയുന്നു: “നീ കണ്ട പത്തു കൊമ്പും കാട്ടു​മൃ​ഗ​വും വേശ്യയെ വെറു​ക്കു​ക​യും അവളെ ശൂന്യ​യും നഗ്നയു​മാ​ക്കി അവളുടെ മാംസ​ള​ഭാ​ഗങ്ങൾ തിന്നു​ക​ള​യു​ക​യും അവളെ തീകൊ​ണ്ടു പൂർണ്ണ​മാ​യി ദഹിപ്പി​ക്കു​ക​യും​ചെ​യ്യും.” “അവൾ തന്നെത്താൻ മഹത്വീ​ക​രി​ക്കു​ക​യും നിർല്ല​ജ്ജ​മായ ആഡംബ​ര​ത്തിൽ ജീവി​ക്കു​ക​യും” ചെയ്‌തി​രു​ന്നു​വെ​ങ്കി​ലും ഇപ്പോൾ ഇതെല്ലാം പിമ്പോ​ട്ട​ടി​ക്കു​ന്നു. അവളുടെ ഗംഭീര മതസൗ​ധ​ങ്ങ​ളും വിപു​ല​മായ വസ്‌തു​വ​ക​ക​ളും അവളെ രക്ഷിക്കു​ക​യില്ല. ദൂതൻ പ്രഖ്യാ​പി​ക്കു​ന്ന​തു​പോ​ലെ, “അതു​കൊ​ണ്ടാണ്‌ ഒരു ദിവസ​ത്തിൽതന്നെ അവളുടെ ബാധകൾ വരുന്നത്‌, മരണവും വിലാ​പ​വും ക്ഷാമവും​തന്നെ; അവൾ പൂർണ്ണ​മാ​യും തീകൊ​ണ്ടു ദഹിപ്പി​ക്ക​പ്പെ​ടും, എന്തു​കൊ​ണ്ടെ​ന്നാൽ അവളെ ന്യായം​വി​ധിച്ച യഹോ​വ​യാം ദൈവം ശക്തനാ​കു​ന്നു.”—വെളി​പ്പാട്‌ 17:16, 17; 18:7, 8.

15.വേശ്യ​യു​ടെ രാഷ്‌ട്രീ​യ​ജാ​രൻമാ​രും വൻ ബിസി​നസ്‌ മാടമ്പി​ക​ളും അവളുടെ മരണ​ത്തോട്‌ എങ്ങനെ പ്രതി​ക​രി​ക്കും?

¹⁵ അവളുടെ രാഷ്‌ട്രീയ ജാരൻമാർ അവളുടെ മരണ​ത്തെ​ക്കു​റിച്ച്‌ വിലപി​ക്കു​ക​യും “മഹാന​ഗ​രമേ, ബലമുള്ള നഗരമായ ബാബി​ലോ​നെ, കഷ്‌ടം, കഷ്‌ടം, എന്തു​കൊ​ണ്ടെ​ന്നാൽ ഒരു മണിക്കൂർ കൊണ്ടു നിന്റെ ന്യായ​വി​ധി വന്നെത്തി​യി​രി​ക്കു​ന്നു!” എന്ന്‌ ഉൽ​ക്രോ​ശി​ക്കു​ക​യും ചെയ്യും. അതു​പോ​ലെ​തന്നെ, അവളോ​ടു​കൂ​ടെ സത്യസ​ന്ധ​മ​ല്ലാത്ത ലാഭങ്ങ​ളു​ണ്ടാ​ക്കിയ വൻ ബിസ്സി​നസ്‌ മാടമ്പി​കൾ “‘കഷ്‌ടം, കഷ്‌ടം, . . . എന്തു​കൊ​ണ്ടെ​ന്നാൽ ഒരു മണിക്കൂർകൊണ്ട്‌ ഇത്ര വലിയ സമ്പത്ത്‌ നശിപ്പി​ക്ക​പ്പെ​ട്ട​ല്ലോ’ എന്നു പറഞ്ഞു​കൊണ്ട്‌ കരയു​ക​യും വിലപി​ക്കു​ക​യും ചെയ്യും!”—വെളി​പ്പാട്‌ 18:9-17.

16.ദൈവ​ത്തി​ന്റെ ജനം മഹാ​വേ​ശ്യ​യു​ടെ നാശ​ത്തോട്‌ എന്തു പ്രതി​ക​രണം കാട്ടും, വെളി​പ്പാട്‌ ഇതിനെ സ്ഥിരീ​ക​രി​ക്കു​ന്ന​തെ​ങ്ങനെ?

¹⁶ ഏതായാ​ലും ദൈവ​ത്തി​ന്റെ സ്വന്ത ജനത്തിന്റെ പ്രതി​ക​ര​ണ​മെ​ന്താ​യി​രി​ക്കും? അവരെ​ല്ലാം ദൂതന്റെ ഈ വാക്കു​ക​ളിൽ ഉൾപ്പെ​ടു​ന്നു: “സ്വർഗ്ഗ​വും, കൂടാതെ, വിശു​ദ്ധൻമാ​രായ നിങ്ങളും, അപ്പോ​സ്‌ത​ലൻമാ​രായ നിങ്ങളും പ്രവാ​ച​കൻമാ​രായ നിങ്ങളും അവളെ ചൊല്ലി സന്തോ​ഷി​ക്കട്ടെ, എന്തു​കൊ​ണ്ടെ​ന്നാൽ ദൈവം നിങ്ങൾക്കു​വേണ്ടി അവളെ നീതി​ന്യാ​യ​പ​ര​മാ​യി ശിക്ഷി​ച്ചി​രി​ക്കു​ന്നു!” യഹോ​വ​യു​ടെ വിശു​ദ്ധ​നാ​മത്തെ വീണ്ടു​മൊ​രി​ക്ക​ലും നിന്ദി​ക്കാ​തി​രി​ക്കാൻ സത്വര​മായ വീശ​ലോ​ടെ മഹാബാ​ബി​ലോൻ വലി​ച്ചെ​റി​യ​പ്പെ​ടും. മഹാ​വേ​ശ്യ​യു​ടെ നാശം യഹോ​വ​യു​ടെ സ്‌തു​തി​ക്കാ​യി ആഘോ​ഷ​വും ജയഗീ​ത​ങ്ങ​ളും ആവശ്യ​മാ​ക്കി​ത്തീർക്കും. ഹല്ലേലു​യ്യാ സംഘഗാ​ന​പ​ര​മ്പ​ര​യിൽ ആദ്യ​ത്തേ​താ​യി ഈ സന്തോ​ഷ​ക​ര​മായ പല്ലവി മുഴങ്ങും: “ജനങ്ങളേ, യാഹിനെ സ്‌തു​തി​പ്പിൻ! രക്ഷയും മഹത്വ​വും ബലവും നമ്മുടെ ദൈവ​ത്തി​നു​ള്ള​താ​കു​ന്നു, എന്തു​കൊ​ണ്ടെ​ന്നാൽ അവന്റെ ന്യായ​വി​ധി​കൾ സത്യവും നീതി​യു​മു​ള്ള​വ​യാ​കു​ന്നു. എന്തു​കൊ​ണ്ടെ​ന്നാൽ തന്റെ ദുർവൃ​ത്തി​കൊ​ണ്ടു ഭൂമിയെ ദുഷി​പ്പിച്ച മഹാ​വേ​ശ്യ​യു​ടെ​മേൽ അവൻ ന്യായ​വി​ധി നടത്തി​യി​രി​ക്കു​ന്നു, തന്റെ അടിമ​ക​ളു​ടെ രക്തത്തിന്‌ അവളുടെ കൈയിൽനിന്ന്‌ പകരം ചോദി​ച്ചി​രി​ക്കു​ന്നു.”—വെളി​പ്പാട്‌ 18:20-19:3

17.മഹാ​വേ​ശ്യ​യു​ടെ നിർമ്മാർജ്ജ​ന​ത്തി​നു​ശേഷം ദൈവ​ത്തി​ന്റെ ന്യായ​വി​ധി​ക്രി​യകൾ പൂർത്തീ​ക​ര​ണ​ത്തി​ലേക്കു നീങ്ങു​ന്ന​തെ​ങ്ങനെ?

¹⁷ “രാജാ​ധി​രാ​ജാ​വും കർത്താ​ധി​കർത്താ​വു”മായ ക്രിസ്‌തു​യേശു അർമ്മ​ഗെ​ദ്ദോ​നിൽ “സർവശ​ക്ത​നായ ദൈവ​ത്തി​ന്റെ ക്രോ​ധ​കോ​പ​ത്തി​ന്റെ മുന്തി​രി​ച്ചക്ക്‌” ചവിട്ടു​മ്പോൾ ദൈവ​ത്തി​ന്റെ ന്യായ​വി​ധി​പ്ര​വർത്ത​നങ്ങൾ സത്വരം പൂർത്തീ​ക​ര​ണ​ത്തി​ലേക്കു നീങ്ങും. അവിടെ അവൻ ദുഷ്ട ഭരണാ​ധി​പൻമാ​രെ​യും ഭൂമി​യി​ലെ സാത്താന്റെ സ്ഥാപന​ത്തിൽ ശേഷിച്ച മറെറ​ല്ലാ​വ​രെ​യും നിർമ്മാർജ്ജ​നം​ചെ​യ്യും. ശവംതീ​നി​പ്പ​ക്തി​കൾ അവരുടെ ശവങ്ങൾ കൊത്തി​വി​ഴു​ങ്ങും. (വെളി​പ്പാട്‌ 16:14, 16; 19:11-21) നമ്മുടെ ഭൂമി​യിൽനിന്ന്‌ അവിശു​ദ്ധ​വും മലിന​വും ദൂഷക​വു​മായ സകലവും നീക്കം​ചെ​യ്യു​ന്ന​തി​നുള്ള ദൈവ​ത്തി​ന്റെ നിയമി​ത​സ​മയം അടുത്തി​രി​ക്കു​ന്ന​തിൽ നാം എത്ര സന്തുഷ്ട​രാ​യി​രി​ക്കണം!

18.വെളി​പ്പാ​ടു​പു​സ്‌ത​ക​ത്തി​ന്റെ മഹത്തായ പരകോ​ടി എന്താണ്‌?

¹⁸ വെളി​പ്പാ​ടു​പു​സ്‌ത​ക​ത്തി​ന്റെ പരകോ​ടി അതാണോ? അല്ല, അതായി​ട്ടില്ല! എന്തെന്നാൽ 1,44,000 പേരുടെ സ്വർഗ്ഗ​ത്തി​ലേ​ക്കുള്ള പുനരു​ത്ഥാ​നം പൂർത്തി​യാ​കു​മ്പോൾ കുഞ്ഞാ​ടി​ന്റെ കല്ല്യാണം നടക്കുന്നു. അവന്റെ “മണവാട്ടി” ഭർത്താ​വി​നാ​യി അണി​ഞ്ഞൊ​രു​ങ്ങി “പുതിയ ആകാശ​ത്തിൽ” അവരോ​ധി​ക്ക​പ്പെ​ടു​ന്നു. ‘സകലവും പുതു​താ​ക്കുക’യെന്ന യഹോ​വ​യു​ടെ ഉദ്ദേശ്യം നിറ​വേ​റ​റു​ന്ന​തിൽ തന്റെ മണവാ​ളന്റെ തുണയാ​ളി​യെന്ന നിലയിൽ അവൾ അവി​ടെ​നിന്ന്‌ ആലങ്കാ​രി​ക​മാ​യി ഇറങ്ങുന്നു. സർവശ​ക്ത​നായ യഹോ​വ​യാം ദൈവം തന്റെ മഹത്വ​ത്താൽ പ്രഭാ​പൂ​രി​ത​മാ​ക്കുന്ന പുതിയ യരൂശ​ലേ​മാ​കുന്ന വിശുദ്ധ നഗരത്തി​ന്റെ ആത്മീയ​മായ മനോ​ഹാ​രി​ത​യാണ്‌ മണവാ​ട്ടി​ക്കു​ള്ളത്‌. കുഞ്ഞാ​ടാണ്‌ അതിന്റെ വിളക്ക്‌. (വെളി​പ്പാട്‌ 21:1-5, 9-11, 23) അതു​കൊണ്ട്‌ ഇവി​ടെ​യാണ്‌ വെളി​പ്പാട്‌ അതിന്റെ മഹത്തായ പരകോ​ടി​യി​ലെ​ത്തു​ന്നത്‌, അപ്പോൾ യഹോ​വ​യു​ടെ നാമം വിശു​ദ്ധീ​ക​രി​ക്ക​പ്പെ​ടു​ന്നു, ക്രിസ്‌തു​യേ​ശു​വാ​കുന്ന കുഞ്ഞാ​ടും അവന്റെ മണവാ​ട്ടി​യാ​കുന്ന പുതിയ യരുശ​ലേ​മും ചേർന്ന്‌, അനുസ​ര​ണ​മുള്ള മനുഷ്യ​വർഗ്ഗ​ത്തിന്‌ ഭൗമിക പരദീ​സ​യി​ലെ നിത്യ​ജീ​വൻ കൊടുത്ത്‌ അനു​ഗ്ര​ഹി​ക്കാൻ പുറ​പ്പെ​ടു​ന്നു.

19.(എ) മഹാബാ​ബി​ലോ​നിൽനി​ന്നു പുറത്തു​വ​രു​ന്ന​തി​നു പുറമേ, രക്ഷക്ക്‌ മറെറ​ന്തു​കൂ​ടെ ആവശ്യ​മാണ്‌? (ബി) ഏതു അടിയ​ന്തി​ര​മായ ക്ഷണം ഇപ്പോ​ഴും ലഭ്യമാണ്‌, നമ്മുടെ പ്രതി​ക​രണം എന്തായി​രി​ക്കണം?

¹⁹ നിങ്ങൾ വ്യാജ​മ​ത​ത്തി​ന്റെ കാപട്യം സംബന്ധിച്ച്‌ ഉണരു​ക​യും മഹാബാ​ബി​ലോ​നിൽനിന്ന്‌ പുറത്തു​പോ​രി​ക​യും ചെയ്‌തി​ട്ടു​ണ്ടോ? നിങ്ങൾ യേശു​ക്രി​സ്‌തു​വി​ലൂ​ടെ സ്‌നാ​പ​ന​ത്തി​ലേക്കു നയിക്കുന്ന മുഴു​ഹൃ​ദ​യ​ത്തോ​ടും​കൂ​ടിയ സമർപ്പ​ണ​ത്തിൽ യഹോ​വ​യാം ദൈവ​ത്തി​ങ്ക​ലേക്ക്‌ വരുന്ന കൂടു​ത​ലായ നടപടി സ്വീക​രി​ച്ചി​രി​ക്കു​ന്നു​വോ? രക്ഷക്ക്‌ ഇതും അത്യന്താ​പേ​ക്ഷി​ത​മാണ്‌! യഹോ​വ​യു​ടെ അന്തിമ ന്യായ​വി​ധി​നിർവ​ഹ​ണ​ത്തി​നുള്ള നിയമി​ത​സ​മയം അടുത്തു​വ​രു​മ്പോൾ പ്രചോ​ദ​ക​മായ അടിയ​ന്തി​ര​ത​യോ​ടെ ഈ ക്ഷണം പ്രതി​ദ്ധ്വ​നി​ക്കു​ന്നു: “‘വരിക!’ എന്ന്‌ ആത്മാവും മണവാ​ട്ടി​യും പറഞ്ഞു​കൊ​ണ്ടി​രി​ക്കു​ന്നു.” ആ ആഹ്വാ​ന​ത്തി​നു ചെവി​കൊ​ടു​ക്കുന്ന എല്ലാവ​രും തങ്ങളുടെ ജീവനെ യഹോ​വക്കു സമർപ്പി​ക്കു​ക​യും മററു​ള്ള​വ​രോട്‌ പിന്നെ​യും “വരിക!” എന്നു പറയു​ന്ന​തിൽ തീക്ഷ്‌ണത പ്രകട​മാ​ക്കു​ക​യും ചെയ്യട്ടെ. അതെ, “ദാഹി​ക്കുന്ന ഏവനും വരട്ടെ; ഇച്ഛിക്കുന്ന ഏവനും ജീവജലം സൗജന്യ​മാ​യി സ്വീക​രി​ക്കട്ടെ.” (വെളി​പ്പാട്‌ 22:17) ക്ഷണം ഇപ്പോ​ഴും ലഭ്യമാണ്‌. നിങ്ങൾ യഹോ​വ​യു​ടെ സമർപ്പി​ത​രും സ്‌നാ​ന​മേ​റ​റ​വ​രു​മായ ജനത്തിലെ ഒരാൾ എന്ന നില സ്വീക​രി​ക്കു​ക​യും ദൈവ​ത്തി​ന്റെ​യും കുഞ്ഞാ​ടി​ന്റെ​യും സിംഹാ​സ​ന​ത്തിൻമു​മ്പാ​കെ ആ നില നിലനിർത്തു​ക​യു​മാ​ണെ​ങ്കിൽ, തീർച്ച​യാ​യും നിങ്ങൾ സന്തുഷ്ട​നാ​യി​രി​ക്കും. നിയമി​ത​സ​മയം നിങ്ങൾ വിചാ​രി​ച്ചേ​ക്കാ​വു​ന്ന​തി​നേ​ക്കാൾ ഏറെ അടുത്തി​രി​ക്കു​ക​യാണ്‌! അതെ, വെളി​പ്പാ​ടി​ന്റെ മഹത്തായ പരകോ​ടി സമീപി​ച്ചി​രി​ക്കു​ക​യാണ്‌! (w89 4/15)

ഈ വാരത്തി​ലെ വീക്ഷാ​ഗോ​പുര അദ്ധ്യയ​ന​ത്തി​ന്റെ ഒടുവിൽ അദ്ധ്യയ​ന​നിർവാ​ഹകൻ പിൻവ​രുന്ന പ്രമേ​യ​ത്തി​ന്റെ വായന ആവശ്യ​പ്പെ​ടു​ക​യും നൽക​പ്പെ​ടുന്ന ചോദ്യ​ങ്ങ​ളു​ടെ സഹായ​ത്തോ​ടെ അതു പുനര​വ​ലോ​കനം ചെയ്യു​ക​യും വേണം. ഇത്‌ 1988-ലെ യഹോ​വ​യു​ടെ സാക്ഷി​ക​ളു​ടെ “ദിവ്യ​നീ​തി” ഡിസ്‌ട്രി​ക്‌ററ്‌ കൺ​വെൻ​ഷ​നിൽ “കുപ്ര​സിദ്ധ ‘വേശ്യ’—അവളുടെ വീഴ്‌ച​യും നാശവും” എന്ന പ്രസം​ഗ​ത്തി​ന്റെ ഒടുവിൽ ലോക​വ്യാ​പ​ക​മാ​യി അവതരി​പ്പി​ക്ക​പ്പെട്ട പ്രമേ​യ​മാണ്‌.

[അടിക്കു​റി​പ്പു​കൾ]

[11-ാം പേജിലെ ചതുരം]

പാപ്പായുടെ മൗനം

ഫ്രാൻസ്‌ വോൺ പേപ്പൻ—അയാളു​ടെ ജീവി​ത​വും കാലങ്ങ​ളും എന്ന എച്ച്‌. ഡബ്ലിയു. ബഡ്‌ള്‌-റയന്റെ 1939-ൽ പ്രസി​ദ്ധ​പ്പെ​ടു​ത്തിയ പുസ്‌ത​ക​ത്തിൽ പാപ്പാ​യു​ടെ കീഴിലെ ആ പ്രഭു കുടില തന്ത്രങ്ങ​ളി​ലൂ​ടെ ഹിററ്‌ലറെ അധികാ​ര​ത്തി​ലേ​റ​റി​യ​തി​നെ​യും നാസി​ക​ളു​മാ​യുള്ള വത്തിക്കാ​ന്റെ കോൺകൊ​ഡാ​റ​റു​ട​മ്പ​ടിക്ക്‌ ആലോചന നടത്തി​യ​തി​നെ​യും സവിസ്‌തരം വർണ്ണി​ക്കു​ന്നു. യഹൂദൻമാ​രും യഹോ​വ​യു​ടെ സാക്ഷി​ക​ളും മററു ചിലരും ഉൾപ്പെ​ട്ടി​രുന്ന ഭയങ്കര കൂട്ട​ക്കൊ​ല​കളെ സംബന്ധിച്ച്‌ ഗ്രന്ഥകാ​രൻ ഇങ്ങനെ പറയുന്നു: “പസേലി [പയസ്‌ 12-ാമൻ പാപ്പാ] മൗനം പാലി​ച്ച​തെ​ന്തു​കൊണ്ട്‌? എന്തു​കൊ​ണ്ടെ​ന്നാൽ പശ്ചിമ ജർമ്മൻകാ​രു​ടെ ഒരു വിശുദ്ധ ജർമ്മൻസാ​മ്രാ​ജ്യ​ത്തി​നു​വേ​ണ്ടി​യുള്ള പേപ്പന്റെ പദ്ധതി​യിൽ അയാൾ വത്തിക്കാൻ വീണ്ടും ലൗകി​കാ​ധി​കാ​ര​ത്തി​ലി​രി​ക്കുന്ന കാലത്ത്‌ ഒരു ശക്തമായ ഭാവി​ക​ത്തോ​ലി​ക്കാ​സ​ഭയെ കണ്ടു . . . അതേ പസേലി തന്നെയാണ്‌ ഇപ്പോൾ ദശലക്ഷ​ക്ക​ണ​ക്കിന്‌ ദേഹി​ക​ളു​ടെ​മേൽ ആത്മീയ സ്വേച്ഛാ​ധി​കാ​രം പ്രയോ​ഗി​ക്കു​ന്നത്‌, എന്നാൽ ഹിററ്‌ല​റി​ന്റെ ആക്രമ​ണ​ത്തെ​യും പീഡന​ത്തെ​യും കുറിച്ച്‌ ഒരു അടക്കം​പ​റ​ച്ചിൽ പോലും ഉണ്ടായില്ല. . . . ഞാൻ ഈ വരികൾ എഴുതു​മ്പോൾ മൂന്നു ദിവസത്തെ സംഹാരം നടന്നു​ക​ഴി​ഞ്ഞി​രു​ന്നു, പോരാ​ട്ട​ത്തി​ലെ കക്ഷിക​ളു​ടെ ദേഹി​കൾക്കു​വേണ്ടി വത്തിക്കാ​നിൽനിന്ന്‌ യാതൊ​രു പ്രാർത്ഥ​ന​യും നടത്ത​പ്പെ​ട്ടില്ല, അവരിൽ പകുതി​യും കത്തോ​ലി​ക്ക​രാണ്‌. ഈ മനുഷ്യർ സകല ഭൗമി​ക​സ്വാ​ധീ​ന​വും ഉരിയ​പ്പെട്ട്‌ കണക്കു​ചോ​ദി​ക്കുന്ന ദൈവ​മു​മ്പാ​കെ നിൽക്കു​മ്പോൾ കണക്കു​ചോ​ദ്യം ഭയങ്കര​മാ​യി​രി​ക്കും. അവരുടെ സമാധാ​ന​മെ​ന്താ​യി​രി​ക്കും? യാതൊ​ന്നു​മി​ല്ലാ​യി​രി​ക്കും!”

[15-ാം പേജിലെ ചതുരം]

വത്തിക്കാന്റെ ഉൾപ്പെടൽ

വത്തിക്കാൻ 1988-ലേക്ക്‌ 618 ലക്ഷം ഡോള​റി​ന്റെ റക്കോഡ്‌ കമ്മി പ്രതീ​ക്ഷി​ക്കു​ന്നു​വെന്ന്‌ 1988 മാർച്ച്‌ 6-ലെ ദി ന്യൂ​യോർക്ക്‌ റൈറംസ്‌ റിപ്പോർട്ടു​ചെ​യ്‌തു. പത്രം ഇങ്ങനെ പറഞ്ഞു: “ബാങ്കോ ആം​ബ്രോ​സി​യാ​നോ​യു​ടെ കടക്കാർക്ക്‌ 25 കോടി ഡോള​റോ​ട​ടുത്ത്‌ കൊടു​ക്കാ​മെന്ന്‌ 1984-ൽ ചെയ്‌ത ഒരു വാഗ്‌ദാ​നം മുഖ്യ​ചെ​ല​വിൽ ഉൾപ്പെ​ട്ടി​രി​ക്കാ​നി​ട​യുണ്ട്‌. മിലാൻബാ​ങ്കി​ന്റെ 1982-ലെ തകർച്ച​ക്കു​മുമ്പ്‌ വത്തിക്കാന്‌ ആ ബാങ്കു​മാ​യി അഗാധ​മായ ബന്ധമു​ണ്ടാ​യി​രു​ന്നു.” ആ അപവാ​ദ​ത്തിൽ വളരെ ആഴത്തിൽ ഉൾപ്പെ​ട്ടി​രു​ന്ന​തു​നി​മി​ത്തം ഇററാ​ലി​യൻ കോട​തി​ക​ളിൽ വിചാ​ര​ണ​ചെ​യ്യ​പ്പെ​ടു​ന്ന​തിന്‌ ഒരു അമേരി​ക്കൻ ആർച്ച്‌ ബിഷപ്പ്‌ ഉൾപ്പെടെ മൂന്ന്‌ ഉയർന്ന വത്തിക്കാൻ ഉദ്യോ​ഗ​സ്ഥൻമാ​രെ അധികാ​രി​കൾക്കു വിട്ടു​കൊ​ടു​ക്കു​ന്ന​തിന്‌ സ്ഥിരമാ​യി വത്തിക്കാൻ വിസമ്മ​തി​ച്ചി​രി​ക്കു​ന്നു!

[21-ാം പേജിലെ ചിത്രങ്ങൾ]

വോൺ പേപ്പ​നോ​ടും ഹിററ്‌ല​റോ​ടും​കൂ​ടെ വത്തിക്കാൻ ഭയങ്കര രക്തപാ​ത​ക​ത്തിൽ പങ്കുവ​ഹി​ക്കു​ന്നു

[കടപ്പാട്‌]

UPI/Bettmann Newsphotos

UPI/Bettmann Newsphotos

[15-ാം പേജിലെ ചിത്രങ്ങൾ]

ദൈവരാജ്യത്തെ ശുപാർശ​ചെ​യ്യു​ന്ന​തി​നു പകരം പാപ്പാ​മാർ യു.എന്നിനെ ‘സമാധാ​ന​ത്തി​ന്റെ അവസാ​ന​പ്ര​ത്യാ​ശ’യായി പ്രഖ്യാ​പി​ച്ചു