നമ്മുടെ “ദേശ”ത്തിന്മേ​ലുള്ള യഹോ​വ​യു​ടെ അനു​ഗ്ര​ഹം

“ഈ നദി ചെന്നു ചേരു​ന്നേ​ട​ത്തൊ​ക്കെ​യും . . . സകലവും ജീവി​ക്കും.”—യെഹെ​സ്‌കേൽ 47:9.

1, 2. (എ) വെള്ളം എത്ര പ്രധാ​ന​മാണ്‌? (ബി) യെഹെ​സ്‌കേ​ലി​ന്റെ ദർശന​ത്തി​ലെ നദീജലം എന്തിനെ ചിത്രീ​ക​രി​ക്കു​ന്നു?

വെള്ളം ഏറെ സവി​ശേ​ഷ​ത​ക​ളുള്ള ഒരു ദ്രാവ​ക​മാണ്‌. എല്ലാ ഭൗതിക ജീവനും അതിനെ ആശ്രയി​ക്കു​ന്നു. അതില്ലാ​തെ നമുക്കാർക്കും ഏറെ നാൾ ജീവി​ച്ചി​രി​ക്കാൻ കഴിയു​ക​യില്ല. വെള്ളത്തി​നു ലയിപ്പി​ക്കാ​നും അഴുക്കു​കൾ നീക്കാ​നും സാധി​ക്കു​ന്ന​തു​കൊണ്ട്‌ ശുചീ​ക​ര​ണ​ത്തി​നും നാം അതിനെ ആശ്രയി​ക്കു​ന്നു. അതു​കൊണ്ട്‌ അത്‌ ഉപയോ​ഗി​ച്ചു നാം നമ്മുടെ ശരീര​വും വസ്‌ത്ര​വും, എന്തിന്‌ ഭക്ഷണം​പോ​ലും കഴുകു​ന്നു. അങ്ങനെ ചെയ്യു​ന്നതു നമ്മുടെ ജീവനെ രക്ഷി​ച്ചേ​ക്കാം.

² ജീവനു വേണ്ടി​യുള്ള യഹോ​വ​യു​ടെ ആത്മീയ കരുത​ലു​കളെ ചിത്രീ​ക​രി​ക്കാൻ ബൈബിൾ വെള്ളത്തെ ഉപയോ​ഗി​ക്കു​ന്നു. (യിരെ​മ്യാ​വു 2:13; യോഹ​ന്നാൻ 4:7-15) ദൈവ​ത്തി​ന്റെ വചനത്തിൽ കാണുന്ന പ്രകാരം അവനെ​ക്കു​റി​ച്ചുള്ള പരിജ്ഞാ​ന​വും ക്രിസ്‌തു​വി​ന്റെ മറുവില യാഗത്തി​ലൂ​ടെ​യുള്ള തന്റെ ജനത്തെ ശുദ്ധീ​ക​രി​ക്ക​ലും ഈ കരുത​ലു​ക​ളിൽ ഉൾപ്പെ​ടു​ന്നു. (എഫെസ്യർ 5:25-27) യെഹെ​സ്‌കേ​ലി​ന്റെ ആലയ ദർശന​ത്തിൽ, ആലയത്തിൽനിന്ന്‌ ഒഴുകുന്ന അത്ഭുത​ക​ര​മായ നദി അത്തരം ജീവദാ​യക അനു​ഗ്ര​ഹ​ങ്ങളെ പ്രതീ​ക​പ്പെ​ടു​ത്തു​ന്നു. എന്നാൽ എപ്പോ​ഴാണ്‌ ആ നദി ഒഴുകു​ന്നത്‌, ഇന്ന്‌ നമുക്ക്‌ അത്‌ എന്ത്‌ അർഥമാ​ക്കു​ന്നു?

പുനഃ​സ്ഥാ​പിത ദേശത്ത്‌ ഒരു നദി ഒഴുകു​ന്നു

3. യെഹെ​സ്‌കേൽ 47:2-12-ൽ റിപ്പോർട്ടു ചെയ്‌തി​രി​ക്കുന്ന പ്രകാരം, യെഹെ​സ്‌കേ​ലിന്‌ ഏത്‌ അനുഭവം ഉണ്ടായി?

³ ബാബി​ലോ​നി​ലെ തടവു​കാർ എന്ന നിലയിൽ, യെഹെ​സ്‌കേ​ലി​ന്റെ ജനത്തിന്‌ യഹോ​വ​യു​ടെ കരുത​ലു​കൾ അങ്ങേയറ്റം ആവശ്യ​മാ​യി​രു​ന്നു. അപ്പോൾ, ദർശന​ത്തി​ലെ ആലയത്തി​ന്റെ വിശു​ദ്ധ​സ്ഥ​ല​ത്തു​നി​ന്നു നീർധാര ഉത്ഭവിച്ച്‌ പുറ​ത്തേക്ക്‌ ഒഴുകു​ന്നതു കാണു​ന്നത്‌ യെഹെ​സ്‌കേ​ലിന്‌ എത്ര പ്രോ​ത്സാ​ഹ​ജ​നകം ആയിരു​ന്നി​രി​ക്കണം! ഒരു ദൂതൻ അരുവി​യെ 1,000 മുഴം ഇടവിട്ട്‌ അളക്കുന്നു. അതിന്റെ ആഴം വർധി​ച്ചു​വ​രു​ന്നു—കണങ്കാ​ലിൽനിന്ന്‌ കാൽമു​ട്ടു​വരെ, പിന്നെ അരയ്‌ക്കൊ​പ്പം, തുടർന്ന്‌ അതു നീന്തി​ക്ക​ട​ക്കേ​ണ്ടി​വ​രുന്ന ഒരു വൻ നദിയാ​യി മാറുന്നു. നദി ജീവനും ഫലപു​ഷ്ടി​യും കൈവ​രു​ത്തു​ന്നു. (യെഹെ​സ്‌കേൽ 47:2-11) യെഹെ​സ്‌കേ​ലി​നോട്‌ ഇങ്ങനെ പറയ​പ്പെ​ടു​ന്നു: “നദീതീ​രത്തു ഇക്കരെ​യും അക്കരെ​യും തിന്മാൻ തക്ക ഫലമുള്ള സകലവിധ വൃക്ഷങ്ങ​ളും വളരും.” (യെഹെ​സ്‌കേൽ 47:12എ) നദി ജീവര​ഹിത ജലാശ​യ​മായ ചാവു​ക​ട​ലിൽ ചേരു​മ്പോൾ ജീവൻ ഉളവാ​ക്ക​പ്പെ​ടു​ന്നു! മത്സ്യങ്ങൾ പെരു​കു​ന്നു. മത്സ്യ വ്യവസാ​യം തഴയ്‌ക്കു​ന്നു.

4, 5. നദിയെ കുറി​ച്ചുള്ള യോവേൽ പ്രവചനം യെഹെ​സ്‌കേ​ലി​ന്റേ​തി​നോ​ടു സമാന​മാ​യി​രി​ക്കു​ന്നത്‌ എങ്ങനെ, ഇതു പ്രാധാ​ന്യ​മു​ള്ളത്‌ ആയിരി​ക്കു​ന്നത്‌ എന്തു​കൊണ്ട്‌?

⁴ ഈ മനോഹര പ്രവചനം അതിനും രണ്ടു നൂറ്റാ​ണ്ടു​കൾക്കു മുമ്പ്‌ രേഖ​പ്പെ​ടു​ത്ത​പ്പെട്ട മറ്റൊരു പ്രവച​നത്തെ യഹൂദ പ്രവാ​സി​ക​ളു​ടെ മനസ്സി​ലേക്കു കൊണ്ടു​വ​ന്നി​രി​ക്കാം: “യഹോ​വ​യു​ടെ ഭവനത്തിൽനി​ന്നു ഒരു ഉറവു പുറ​പ്പെ​ടും, അത്‌ അക്കേഷ്യ മരങ്ങളു​ടെ താഴ്‌വ​രയെ നനെച്ച്‌ ഒഴുകും.”a (യോവേൽ 3:18, NW) യെഹെ​സ്‌കേ​ലി​ന്റെ പ്രവച​ന​ത്തെ​പ്പോ​ലെ, ദൈവ​ത്തി​ന്റെ ഭവനത്തിൽനിന്ന്‌, ആലയത്തിൽനിന്ന്‌ ഒരു നദി ഒഴുകു​മെ​ന്നും വരണ്ട പ്രദേ​ശ​ത്തി​നു ജീവൻ പ്രദാനം ചെയ്യു​മെ​ന്നും യോവേൽ പ്രവചനം മുൻകൂ​ട്ടി പറയുന്നു.

⁵ യോവേൽ പ്രവചനം നമ്മുടെ നാളിൽ നിവൃ​ത്തി​യേ​റി​ക്കൊ​ണ്ടി​രി​ക്കുക ആണെന്നു വീക്ഷാ​ഗോ​പു​രം വർഷങ്ങൾക്കു മുമ്പു​തന്നെ വിശദ​മാ​ക്കി​യി​ട്ടുണ്ട്‌.b അപ്പോൾ തീർച്ച​യാ​യും യെഹെ​സ്‌കേ​ലി​ന്റെ സമാന​മായ ദർശന​ത്തി​ന്റെ കാര്യ​ത്തി​ലും അതു സത്യമാണ്‌. പുരാതന ഇസ്രാ​യേ​ലി​ലെ​പ്പോ​ലെ, ഇന്നത്തെ ദൈവ​ജ​ന​ത്തി​ന്റെ പുനഃ​സ്ഥാ​പിത ദേശത്ത്‌, യഹോ​വ​യു​ടെ അനു​ഗ്ര​ഹങ്ങൾ തീർച്ച​യാ​യും ഒഴുകി​യി​ട്ടുണ്ട്‌.

അനു​ഗ്ര​ഹ​ങ്ങ​ളു​ടെ ശക്തമായ പ്രവാഹം

6. ദർശന​ത്തി​ലെ യാഗപീ​ഠ​ത്തി​ന്മേൽ രക്തം തളിക്കു​ന്നത്‌ യഹൂദ​ന്മാ​രെ എന്തിനെ കുറിച്ച്‌ അനുസ്‌മ​രി​പ്പി​ച്ചി​രി​ക്കണം?

⁶ ദൈവ​ത്തി​ന്റെ പുനഃ​സ്ഥാ​പിത ജനത്തി​ന്മേ​ലുള്ള അനു​ഗ്ര​ഹ​ങ്ങ​ളു​ടെ ഉറവ്‌ എന്താണ്‌? വെള്ളം ഒഴുകു​ന്നത്‌ ദൈവ​ത്തി​ന്റെ ആലയത്തിൽനി​ന്നാണ്‌ എന്നതു ശ്രദ്ധി​ക്കുക. അതു​പോ​ലെ ഇന്ന്‌, യഹോ​വ​യിൽനിന്ന്‌ അവന്റെ വലിയ ആത്മീയ ആലയത്തി​ലൂ​ടെ—നിർമല ആരാധ​ന​യ്‌ക്കുള്ള ക്രമീ​ക​ര​ണ​ത്തി​ലൂ​ടെ—അനു​ഗ്ര​ഹങ്ങൾ പ്രവഹി​ക്കു​ന്നു. യെഹെ​സ്‌കേ​ലി​ന്റെ ദർശനം ഒരു പ്രധാ​ന​പ്പെട്ട വിശദാം​ശം കൂടു​ത​ലാ​യി നൽകുന്നു. അകത്തെ പ്രാകാ​ര​ത്തിൽ, അരുവി യാഗപീ​ഠ​ത്തി​നു തെക്കു​വ​ശ​മാ​യി അതി​നെ​യും പിന്നിട്ട്‌ ഒഴുകു​ന്നു. (യെഹെ​സ്‌കേൽ 47:1) ദർശന​ത്തി​ലെ ആലയത്തി​ന്റെ ഏറ്റവും കേന്ദ്ര​സ്ഥാ​ന​ത്താ​യാണ്‌ യാഗപീ​ഠം. യഹോവ അത്‌ അതീവ കൃത്യ​ത​യോ​ടെ യെഹെ​സ്‌കേ​ലി​നോ​ടു വർണി​ക്കു​ക​യും യാഗരക്തം അതിന്മേൽ തളിക്കാൻ കൽപ്പി​ക്കു​ക​യും ചെയ്യുന്നു. (യെഹെ​സ്‌കേൽ 43:13-18, 20) എല്ലാ ഇസ്രാ​യേ​ല്യ​രെ​യും സംബന്ധി​ച്ചി​ട​ത്തോ​ളം ആ യാഗപീ​ഠ​ത്തി​നു വലിയ അർഥമു​ണ്ടാ​യി​രു​ന്നു. ഏറെക്കാ​ലം മുമ്പു​തന്നെ, അതായത്‌ സീനായ്‌ പർവത​ത്തി​ന്റെ ചുവട്ടിൽവെച്ച്‌ മോശ യാഗപീ​ഠ​ത്തി​ന്മേൽ രക്തം തളിച്ച സമയത്തു​തന്നെ, യഹോ​വ​യു​മാ​യുള്ള അവരുടെ ഉടമ്പടി സാധു​വാ​ക്ക​പ്പെ​ട്ടി​രു​ന്നു. (പുറപ്പാ​ടു 24:4-8) ദർശന​ത്തി​ലെ യാഗപീ​ഠ​ത്തി​ന്മേൽ രക്തം തളിക്കു​ന്നത്‌, തങ്ങൾ പുനഃ​സ്ഥാ​പിത ദേശത്തു മടങ്ങി​യെ​ത്തി​യാൽപ്പി​ന്നെ അവർ യഹോ​വ​യു​മാ​യുള്ള ഉടമ്പടി പാലി​ക്കു​ന്നി​ട​ത്തോ​ളം കാലം അവന്റെ അനു​ഗ്ര​ഹങ്ങൾ ഒഴുകു​മെന്ന്‌ അവരെ അനുസ്‌മ​രി​പ്പി​ച്ചി​രി​ക്കണം.—ആവർത്ത​ന​പു​സ്‌തകം 28:1-14.

7. പ്രതീ​കാ​ത്മക യാഗപീ​ഠ​ത്തിന്‌ ക്രിസ്‌ത്യാ​നി​കൾ ഇന്ന്‌ എന്ത്‌ അർഥം കാണുന്നു?

⁷ സമാന​മാ​യി, അതി​നെ​ക്കാൾ മെച്ചമായ ഒരു ഉടമ്പടി​യി​ലൂ​ടെ, പുതിയ ഉടമ്പടി​യി​ലൂ​ടെ, ഇന്നത്തെ ദൈവ​ജനത അനു​ഗ്ര​ഹി​ക്ക​പ്പെ​ടു​ന്നു. (യിരെ​മ്യാ​വു 31:31-34) അതും ഏറെക്കാ​ലം മുമ്പ്‌ രക്തത്താൽ, യേശു​ക്രി​സ്‌തു​വി​ന്റെ രക്തത്താൽ, സാധൂ​ക​രി​ക്ക​പ്പെ​ട്ട​താണ്‌. (എബ്രായർ 9:15-20) ഇന്ന്‌, നാം ആ ഉടമ്പടി​യു​ടെ കക്ഷിക​ളായ അഭിഷി​ക്ത​രിൽ പെട്ടവ​രോ അതിന്റെ ഗുണ​ഭോ​ക്താ​ക്ക​ളായ “വേറെ ആടുകളി”ൽ പെട്ടവ​രോ ആണെങ്കി​ലും, നമ്മെ സംബന്ധി​ച്ചി​ട​ത്തോ​ളം ആ പ്രതീ​കാ​ത്മക യാഗപീ​ഠ​ത്തിന്‌ വലിയ അർഥമുണ്ട്‌. അതു ക്രിസ്‌തു​വി​ന്റെ യാഗ​ത്തോ​ടുള്ള ബന്ധത്തിൽ ദൈവ​ഹി​തത്തെ പ്രതീ​ക​പ്പെ​ടു​ത്തു​ന്നു. (യോഹ​ന്നാൻ 10:16; എബ്രായർ 10:10) പ്രതീ​കാ​ത്മക യാഗപീ​ഠം ആത്മീയ ആലയത്തി​ന്റെ ഏറ്റവും കേന്ദ്ര​സ്ഥാ​നത്ത്‌ ആയിരി​ക്കു​ന്ന​തു​പോ​ലെ, നിർമല ആരാധ​ന​യിൽ ക്രിസ്‌തു​വി​ന്റെ മറുവി​ല​യാ​ഗ​ത്തിന്‌ കേന്ദ്ര​സ്ഥാ​ന​മാ​ണു​ള്ളത്‌. നമ്മുടെ പാപ​മോ​ച​ന​ത്തി​നുള്ള അടിസ്ഥാ​ന​മാണ്‌ അത്‌, അതു​കൊ​ണ്ടു​തന്നെ ഭാവി സംബന്ധി​ച്ചുള്ള നമ്മുടെ എല്ലാ പ്രത്യാ​ശ​കൾക്കുള്ള അടിസ്ഥാ​ന​വും അതുത​ന്നെ​യാണ്‌. (1 യോഹ​ന്നാൻ 2:2) അതിനാൽ പുതിയ ഉടമ്പടി​യു​മാ​യി ബന്ധപ്പെട്ട നിയമം, “ക്രിസ്‌തു​വി​ന്റെ നിയമം” അനുസ​രി​ച്ചു ജീവി​ക്കാൻ നാം യത്‌നി​ക്കു​ന്നു. (ഗലാത്യർ 6:2, NW) നാം അതു ചെയ്യു​ന്നി​ട​ത്തോ​ളം കാലം, ജീവനു വേണ്ടി​യുള്ള യഹോ​വ​യു​ടെ കരുത​ലു​ക​ളിൽനി​ന്നു നാം പ്രയോ​ജനം അനുഭ​വി​ക്കും.

8. (എ) ദർശന​ത്തി​ലെ ആലയത്തി​ന്റെ അകത്തെ പ്രാകാ​ര​ത്തിൽ എന്തു കാണു​ന്നി​ല്ലാ​യി​രു​ന്നു? (ബി) ദർശന​ത്തി​ലെ ആലയത്തി​ലെ പുരോ​ഹി​ത​ന്മാർക്ക്‌ എന്തിനാൽ ദേഹശു​ദ്ധി വരുത്താൻ കഴിയു​മാ​യി​രു​ന്നു?

⁸ യഹോ​വ​യ്‌ക്കു മുമ്പാകെ നിർമ​ല​മായ ഒരു നില ഉണ്ടായി​രി​ക്കു​ന്നത്‌ അത്തര​മൊ​രു പ്രയോ​ജ​ന​മാണ്‌. സമാഗ​മ​ന​കൂ​ടാ​ര​ത്തി​ലെ​യും ശലോ​മോ​ന്റെ ആലയത്തി​ലെ​യും പ്രാകാ​ര​ത്തിൽ വളരെ പ്രമു​ഖ​മാ​യി​രുന്ന ഒരു സംഗതി ദർശന​ത്തി​ലെ ആലയത്തി​ന്റെ അകത്തെ പ്രാകാ​ര​ത്തിൽ കാണു​ന്നില്ല—പുരോ​ഹി​ത​ന്മാർക്കു ദേഹശു​ദ്ധി വരുത്തു​ന്ന​തി​നുള്ള, പിൽക്കാ​ലത്ത്‌ കടലെന്നു വിളി​ക്ക​പ്പെട്ട വലിയ തൊട്ടി. (പുറപ്പാ​ടു 30:18-21; 2 ദിനവൃ​ത്താ​ന്തം 4:2-6) യെഹെ​സ്‌കേ​ലി​ന്റെ ദർശന​ത്തി​ലെ ആലയത്തി​ലെ പുരോ​ഹി​ത​ന്മാർ ശുദ്ധീ​ക​ര​ണ​ത്തിന്‌ എന്തായി​രി​ക്കും ഉപയോ​ഗി​ക്കുക? അകത്തെ പ്രാകാ​ര​ത്തി​ലൂ​ടെ ഒഴുകുന്ന ആ അത്ഭുത​ക​ര​മായ അരുവി​തന്നെ! അതേ, ഒരു ശുദ്ധമായ, അഥവാ വിശു​ദ്ധ​മായ നില ആസ്വദി​ക്കാ​നുള്ള ഉപാധി നൽകി യഹോവ അവരെ അനു​ഗ്ര​ഹി​ക്കും.

9. അഭിഷി​ക്ത​രിൽ പെട്ടവർക്കും മഹാപു​രു​ഷാ​ര​ത്തിൽ പെട്ടവർക്കും ഇന്ന്‌ ശുദ്ധമായ ഒരു നില ഉണ്ടായി​രി​ക്കാൻ കഴിയു​ന്നത്‌ എങ്ങനെ?

⁹ അതു​പോ​ലെ ഇന്ന്‌, യഹോ​വ​യു​ടെ മുമ്പാ​കെ​യുള്ള ഒരു ശുദ്ധമായ നിലയാൽ അഭിഷി​ക്തർ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. നീതി​നി​ഷ്‌ഠ​രാ​യി പ്രഖ്യാ​പി​ച്ചു​കൊണ്ട്‌ അവൻ അവരെ വിശു​ദ്ധ​രാ​യി വീക്ഷി​ക്കു​ന്നു. (റോമർ 5:1, 2) പുരോ​ഹി​തേതര ഗോ​ത്ര​ങ്ങ​ളാൽ ചിത്രീ​ക​രി​ക്ക​പ്പെ​ടുന്ന “മഹാപു​രു​ഷാര”ത്തിന്റെ കാര്യ​മോ? അവർ പുറത്തെ പ്രാകാ​ര​ത്തിൽ ആരാധി​ക്കു​ന്നു, ദർശന​ത്തി​ലെ ആലയത്തി​ന്റെ ആ ഭാഗത്തി​ലൂ​ടെ അതേ അരുവി​തന്നെ ഒഴുകു​ന്നു. അപ്പോൾ യോഹ​ന്നാൻ അപ്പൊ​സ്‌തലൻ മഹാപു​രു​ഷാ​രത്തെ ആത്മീയ ആലയത്തി​ന്റെ പ്രാകാ​ര​ത്തിൽ ശുഭ്ര​വും ശുദ്ധവു​മായ വസ്‌ത്രം ധരിച്ച്‌ ആരാധി​ക്കു​ന്ന​വ​രാ​യി കണ്ടത്‌ എത്ര ഉചിതം! (വെളി​പ്പാ​ടു 7:9-14) ഈ അധഃപ​തിച്ച ലോകത്ത്‌ അവർക്കു ലഭിച്ച പെരു​മാ​റ്റം എന്തായി​രു​ന്നാ​ലും, തങ്ങൾ ക്രിസ്‌തു​വി​ന്റെ മറുവി​ല​യാ​ഗ​ത്തിൽ വിശ്വാ​സം പ്രകട​മാ​ക്കു​ന്നി​ട​ത്തോ​ളം കാലം യഹോവ തങ്ങളെ ശുദ്ധരും നിർമ​ല​രു​മാ​യി വീക്ഷി​ക്കു​ന്നു​വെന്ന്‌ അവർക്ക്‌ ഉറപ്പ്‌ ഉണ്ടായി​രി​ക്കാ​വു​ന്ന​താണ്‌. അവർ എങ്ങനെ​യാ​ണു വിശ്വാ​സം പ്രകട​മാ​ക്കു​ന്നത്‌? മറുവി​ല​യാ​ഗ​ത്തി​ലുള്ള പൂർണ വിശ്വാ​സ​ത്തോ​ടെ യേശു​വി​ന്റെ കാലടി​കൾ പിൻപ​റ്റി​ക്കൊണ്ട്‌.—1 പത്രൊസ്‌ 2:21.

10, 11. പ്രതീ​കാ​ത്മക വെള്ളത്തി​ന്റെ ഒരു പ്രധാന സവി​ശേഷത എന്ത്‌, ഇത്‌ നദിയു​ടെ വൻ വികാ​സ​വു​മാ​യി ബന്ധപ്പെ​ട്ടി​രി​ക്കു​ന്നത്‌ എങ്ങനെ?

¹⁰ നേരത്തേ സൂചി​പ്പി​ച്ച​തു​പോ​ലെ, ഈ പ്രതീ​കാ​ത്മക വെള്ളത്തിന്‌ മർമ​പ്ര​ധാ​ന​മായ മറ്റൊരു സവി​ശേ​ഷ​ത​യുണ്ട്‌—പരിജ്ഞാ​നം. പുനഃ​സ്ഥാ​പിത ഇസ്രാ​യേ​ലിൽ, യഹോവ പുരോ​ഹി​ത​ന്മാർ മുഖാ​ന്തരം തിരു​വെ​ഴു​ത്തു പ്രബോ​ധനം നൽകി തന്റെ ജനത്തെ അനു​ഗ്ര​ഹി​ച്ചു. (യെഹെ​സ്‌കേൽ 44:23) സമാന​മായ ഒരു വിധത്തിൽ, യഹോവ തന്റെ ഇന്നത്തെ ജനത്തെ “രാജകീയ പൗരോ​ഹി​ത്യ”ത്തിലൂടെ, തന്റെ സത്യവ​ച​നത്തെ കുറി​ച്ചുള്ള സമൃദ്ധ​മായ പ്രബോ​ധ​ന​ത്താൽ അനു​ഗ്ര​ഹി​ച്ചി​രി​ക്കു​ന്നു. (1 പത്രൊസ്‌ 2:9) യഹോ​വ​യാം ദൈവ​ത്തെ​യും മനുഷ്യ​വർഗത്തെ സംബന്ധിച്ച അവന്റെ ഉദ്ദേശ്യ​ത്തെ​യും, വിശേ​ഷിച്ച്‌ യേശു​ക്രി​സ്‌തു​വി​നെ​യും മിശി​ഹൈക രാജ്യ​ത്തെ​യും കുറി​ച്ചുള്ള പരിജ്ഞാ​നം ഈ അന്ത്യനാ​ളു​ക​ളിൽ സമൃദ്ധ​മാ​യി ഒഴുകി​ക്കൊ​ണ്ടി​രി​ക്കു​ക​യാണ്‌. ആത്മീയ നവോ​ന്മേ​ഷ​ത്തി​നുള്ള ഭക്ഷണം ഇങ്ങനെ വർധിച്ച അളവിൽ ലഭിച്ചു​കൊ​ണ്ടി​രി​ക്കു​ന്നത്‌ എത്ര മഹത്താണ്‌!—ദാനീ​യേൽ 12:4.

¹¹ ദൂതൻ അളവെ​ടുത്ത നദിയു​ടെ ആഴം ക്രമേണ കൂടി​യ​തു​പോ​ലെ, യഹോ​വ​യിൽ നിന്നുള്ള ജീവദാ​യക അനു​ഗ്ര​ഹ​ങ്ങ​ളു​ടെ ഒഴുക്ക്‌ നമ്മുടെ അനുഗൃ​ഹീത ആത്മീയ ദേശ​ത്തേക്കു വന്നു​ചേ​രുന്ന ആളുക​ളു​ടെ ആവശ്യം നിറ​വേ​റ്റു​ന്ന​തി​നാ​യി വലിയ അളവിൽ വർധി​ച്ചി​രി​ക്കു​ന്നു. മറ്റൊരു പുനഃ​സ്ഥി​തീ​കരണ പ്രവചനം ഇങ്ങനെ മുൻകൂ​ട്ടി പറഞ്ഞി​രു​ന്നു: “കുറഞ്ഞവൻ ആയിര​വും ചെറി​യവൻ മഹാജാ​തി​യും ആയിത്തീ​രും; യഹോ​വ​യായ ഞാൻ തക്ക സമയത്തു അതിനെ ശീഘ്ര​മാ​യി നിവർത്തി​ക്കും.” (യെശയ്യാ​വു 60:22) ഈ വാക്കുകൾ സത്യമാ​യി ഭവിച്ചി​രി​ക്കു​ന്നു—ദശലക്ഷ​ക്ക​ണ​ക്കിന്‌ ആളുകൾ നമ്മോ​ടൊ​പ്പം നിർമല ആരാധ​ന​യിൽ ചേർന്നി​രി​ക്കു​ന്നു! തന്നി​ലേക്കു തിരി​യുന്ന എല്ലാവർക്കും യഹോവ സമൃദ്ധ​മായ “ജലം” ലഭ്യമാ​ക്കി​യി​രി​ക്കു​ന്നു. (വെളി​പ്പാ​ടു 22:17) തന്റെ ഭൗമിക സംഘടന ബൈബി​ളു​ക​ളും ബൈബിൾ സാഹി​ത്യ​ങ്ങ​ളും ലോക​മെ​മ്പാ​ടും നൂറു​ക​ണ​ക്കി​നു ഭാഷക​ളിൽ വിതരണം ചെയ്യു​ന്നു​വെന്ന്‌ അവൻ ഉറപ്പാ​ക്കു​ന്നു. സമാന​മാ​യി, സത്യത്തി​ന്റെ സ്‌ഫടിക സമാന ജലം എല്ലാവർക്കും പ്രദാനം ചെയ്യു​ന്ന​തി​നു വേണ്ടി ക്രിസ്‌തീയ യോഗ​ങ്ങ​ളും കൺ​വെൻ​ഷ​നു​ക​ളും ലോക​വ്യാ​പ​ക​മാ​യി ക്രമീ​ക​രി​ച്ചി​രി​ക്കു​ന്നു. അത്തരം കരുത​ലു​കൾ ആളുകളെ എങ്ങനെ​യാണ്‌ ബാധി​ക്കു​ന്നത്‌?

ജലം ജീവൻ കൈവ​രു​ത്തു​ന്നു!

12. (എ) യെഹെ​സ്‌കേ​ലി​ന്റെ ദർശന​ത്തി​ലെ വൃക്ഷങ്ങൾ ഉത്‌പാ​ദി​പ്പി​ക്കുന്ന ഫലങ്ങൾ ഉളവാ​ക്കാൻ അവയ്‌ക്കു പ്രാപ്‌തി​യു​ള്ളത്‌ എന്തു​കൊണ്ട്‌? (ബി) അന്ത്യകാ​ലത്ത്‌ ഈ ഫലദായക വൃക്ഷങ്ങൾ എന്തിനെ പ്രതി​നി​ധാ​നം ചെയ്യുന്നു?

¹² യെഹെ​സ്‌കേ​ലി​ന്റെ ദർശന​ത്തി​ലെ നദി ജീവനും ആരോ​ഗ്യ​വും കൈവ​രു​ത്തു​ന്നു. നദീതീ​രത്തു വളരുന്ന വൃക്ഷങ്ങ​ളെ​ക്കു​റി​ച്ചു യെഹെ​സ്‌കേൽ മനസ്സി​ലാ​ക്കു​മ്പോൾ, അവനോട്‌ ഇങ്ങനെ പറയ​പ്പെ​ടു​ന്നു: “അവയുടെ ഇല വാടു​ക​യില്ല, ഫലം ഇല്ലാ​തെ​പോ​ക​യു​മില്ല; . . . അവയുടെ ഫലം തിന്മാ​നും അവയുടെ ഇല ചികി​ത്സ​ക്കും ഉതകും.” ഈ വൃക്ഷങ്ങൾ അത്ഭുത​ക​ര​മായ വിധത്തിൽ ഫലം ഉത്‌പാ​ദി​പ്പി​ക്കു​ന്നത്‌ എന്തു​കൊണ്ട്‌? ‘അതിലെ വെള്ളം വിശു​ദ്ധ​മ​ന്ദി​ര​ത്തിൽനി​ന്നു ഒഴുകി​വ​രു​ന്ന​തു​കൊണ്ട്‌.’ (യെഹെ​സ്‌കേൽ 47:12ബി) ഈ പ്രതീ​കാ​ത്മക വൃക്ഷങ്ങൾ യേശു​വി​ന്റെ മറുവി​ല​യാ​ഗ​ത്തി​ന്റെ അടിസ്ഥാ​ന​ത്തിൽ മനുഷ്യ​വർഗത്തെ പൂർണ​ത​യി​ലേക്കു പുനഃ​സ്ഥി​തീ​ക​രി​ക്കു​ന്ന​തി​നുള്ള ദൈവ​ത്തി​ന്റെ എല്ലാ കരുത​ലു​ക​ളെ​യും മുൻനി​ഴ​ലാ​ക്കു​ന്നു. ഭൂമി​യിൽ ഈ സമയത്ത്‌, ആത്മീയ ആഹാര​വും സൗഖ്യ​വും പ്രദാനം ചെയ്യു​ന്ന​തിൽ അഭിഷിക്ത ശേഷിപ്പ്‌ നേതൃ​ത്വം എടുക്കു​ക​യാണ്‌. 1,44,000-ത്തിൽപ്പെട്ട എല്ലാവർക്കും തങ്ങളുടെ സ്വർഗീയ പ്രതി​ഫലം ലഭിച്ച​തി​നു​ശേഷം, ക്രിസ്‌തു​വി​നോ​ടൊ​പ്പം സഹഭര​ണാ​ധി​പ​ന്മാർ എന്നനി​ല​യി​ലുള്ള അവരുടെ പൗരോ​ഹി​ത്യ സേവന​ത്തിൽനിന്ന്‌ ഉളവാ​കുന്ന പ്രയോ​ജ​നങ്ങൾ ഭാവി​യി​ലേക്കു വ്യാപി​ക്കും, അവസാനം അത്‌ ആദാമ്യ മരണത്തെ പൂർണ​മാ​യും കീഴട​ക്കു​ന്ന​തി​ലേ​ക്കും നയിക്കും.—വെളി​പ്പാ​ടു 5:9, 10; 21:2-4.

13. നമ്മുടെ കാലത്ത്‌ ഏതു സൗഖ്യ​മാ​ക്കൽ നടന്നി​രി​ക്കു​ന്നു?

¹³ ദർശന​ത്തി​ലെ നദി ജീവര​ഹിത ചാവു​ക​ട​ലി​ലേക്ക്‌ ഒഴുകു​ന്നു, അത്‌ സമ്പർക്ക​ത്തിൽ വരുന്ന സകല​ത്തെ​യും സൗഖ്യ​മാ​ക്കു​ന്നു. ഈ കടൽ ആത്മീയ​മാ​യി മരിച്ച ഒരു പരിസ്ഥി​തി​യെ ചിത്രീ​ക​രി​ക്കു​ന്നു. എന്നാൽ “ഈ നദി ചെന്നു ചേരു​ന്നേ​ട​ത്തൊ​ക്കെ​യും” ജീവൻ പെരു​കു​ന്നു. (യെഹെ​സ്‌കേൽ 47:9) സമാന​മാ​യി, അന്ത്യനാ​ളിൽ ഈ ജീവജലം എത്തി​ച്ചേ​രു​ന്നി​ട​ത്തെ​ല്ലാം ആളുകൾ ആത്മീയ​മാ​യി ജീവനി​ലേക്കു വന്നു​കൊ​ണ്ടി​രി​ക്കു​ന്നു. അപ്രകാ​രം പുനരു​ജ്ജീ​വി​പ്പി​ക്ക​പ്പെട്ട ആദ്യത്തെ കൂട്ടർ അഭിഷിക്ത ശേഷിപ്പ്‌ ആയിരു​ന്നു, 1919-ൽ. മരണതു​ല്യ​മായ, നിഷ്‌ക്രി​യ​മായ അവസ്ഥയിൽനിന്ന്‌ അവർ ആത്മീയ​മാ​യി ജീവനുള്ള അവസ്ഥയി​ലേക്കു തിരി​ച്ചെത്തി. (യെഹെ​സ്‌കേൽ 37:1-14; വെളി​പ്പാ​ടു 11:3, 7-12) അതിനു​ശേഷം ആ ജീവത്‌പ്ര​ധാന ജലം ആത്മീയ​മാ​യി മരിച്ച മറ്റുള്ള​വ​രു​ടെ അടുക്ക​ലും എത്തിയി​രി​ക്കു​ന്നു. അവരും ജീവനി​ലേക്കു വന്ന്‌, യഹോ​വയെ സ്‌നേ​ഹി​ക്കു​ക​യും സേവി​ക്കു​ക​യും ചെയ്യുന്ന വേറെ ആടുക​ളിൽപ്പെട്ട മഹാപു​രു​ഷാ​ര​മാ​യി പെരു​കി​ക്കൊ​ണ്ടി​രി​ക്കു​ന്നു. ഉടനെ​തന്നെ, പുനരു​ത്ഥാ​നം പ്രാപി​ച്ചെ​ത്തുന്ന കൂട്ടവും ഈ കരുത​ലിൽനി​ന്നു പ്രയോ​ജനം അനുഭ​വി​ക്കും.

14. ചാവു​കടൽ തീരത്തു തഴച്ചു​വ​ള​രുന്ന മത്സ്യ വ്യവസാ​യം ഇന്ന്‌ എന്തിനെ നന്നായി ദൃഷ്ടാ​ന്തീ​ക​രി​ക്കു​ന്നു?

¹⁴ ആത്മീയ ചേതന​യു​ടെ ഫലമായി ഉത്‌പാ​ദ​ന​ക്ഷമത കൈവ​രു​ന്നു. മുമ്പ്‌ നിർജീ​വ​മാ​യി​രുന്ന കടൽത്തീ​ര​ങ്ങ​ളിൽ തഴച്ചു​വ​ള​രുന്ന മത്സ്യ വ്യവസാ​യ​ത്താൽ ഇത്‌ ചിത്രീ​ക​രി​ക്ക​പ്പെ​ടു​ന്നു. യേശു തന്റെ അനുഗാ​മി​ക​ളോ​ടു പറഞ്ഞു: “ഞാൻ നിങ്ങളെ മനുഷ്യ​രെ വീശി​പ്പി​ടി​ക്കു​ന്ന​വ​രാ​ക്കും.” (മത്തായി 4:19, NW) അന്ത്യകാ​ലത്ത്‌, അഭിഷിക്ത ശേഷി​പ്പി​നെ കൂട്ടി​വ​രു​ത്തുന്ന വേല​യോ​ടെ പ്രസ്‌തുത മത്സ്യബന്ധന വേല ആരംഭി​ച്ചു, എന്നാൽ അത്‌ അവിടെ അവസാ​നി​ച്ചില്ല. യഹോ​വ​യു​ടെ ആത്മീയ ആലയത്തിൽ നിന്നുള്ള, സൂക്ഷ്‌മ പരിജ്ഞാ​ന​മാ​കുന്ന അനു​ഗ്രഹം ഉൾപ്പെ​ടെ​യുള്ള, ജീവദാ​യക ജലം എല്ലാ ജാതി​ക​ളി​ലെ​യും ആളുക​ളിൽ എത്തി​ച്ചേർന്നി​രി​ക്കു​ന്നു. ആ നദി എത്തി​ച്ചേർന്ന ഇടങ്ങളി​ലെ​ല്ലാം, ആത്മീയ ജീവൻ ഉളവായി.

15. ജീവനു വേണ്ടി​യുള്ള ദൈവ​ത്തി​ന്റെ കരുത​ലു​കൾ എല്ലാവ​രും കൈ​ക്കൊ​ള്ളു​ക​യി​ല്ലെന്ന്‌ എന്തു പ്രകട​മാ​ക്കു​ന്നു, അത്തരക്കാർക്ക്‌ അവസാനം എന്തു സംഭവി​ക്കും?

¹⁵ തീർച്ച​യാ​യും, ജീവന്റെ സന്ദേശ​ത്തോട്‌ എല്ലാവ​രും ഇപ്പോൾ അനുകൂ​ല​മാ​യി പ്രതി​ക​രി​ക്കു​ന്നില്ല. അതു​പോ​ലെ​തന്നെ ആയിരി​ക്കും ക്രിസ്‌തു​വി​ന്റെ സഹസ്രാബ്ദ വാഴ്‌ച​ക്കാ​ലത്തു പുനരു​ത്ഥാ​നം പ്രാപി​ച്ചു വരുന്ന​വ​രും. (യെശയ്യാ​വു 65:20; വെളി​പ്പാ​ടു 21:8) കടലിന്റെ ചില ഭാഗങ്ങൾ സൗഖ്യ​മാ​ക്ക​പ്പെ​ടു​ന്നി​ല്ലെന്ന്‌ ദൂതൻ പ്രഖ്യാ​പി​ക്കു​ന്നു. ഈ ജീവര​ഹിത ചതുപ്പു​നി​ലങ്ങൾ ‘ഉപ്പിന്‌ നൽക’പ്പെടുന്നു. (യെഹെ​സ്‌കേൽ 47:11, NW) നമ്മുടെ നാളിലെ ആളുക​ളു​ടെ കാര്യ​മാ​ണെ​ങ്കി​ലോ, യഹോ​വ​യു​ടെ ജീവദാ​യക ജലം കൊടു​ത്തി​ട്ടും എല്ലാവ​രും അതു കൈ​ക്കൊ​ള്ളു​ന്നില്ല. (യെശയ്യാ​വു 6:10) അർമ​ഗെ​ദോ​നിൽ, ആത്മീയ​മാ​യി നിർജീ​വ​മാ​യ​തും രോഗ​മു​ള്ള​തു​മായ അവസ്ഥയിൽ തുടരാൻ തീരു​മാ​നി​ച്ചി​രി​ക്കുന്ന എല്ലാവ​രും ഉപ്പിന്‌ നൽക​പ്പെ​ടും, അതായത്‌ അവർ എന്നേക്കു​മാ​യി നശിപ്പി​ക്ക​പ്പെ​ടും. (വെളി​പ്പാ​ടു 19:11-21) എന്നിരു​ന്നാ​ലും, വിശ്വ​സ്‌ത​ത​യോ​ടെ ഈ വെള്ളം കുടി​ച്ചു​കൊ​ണ്ടി​രി​ക്കു​ന്ന​വർക്ക്‌ അതിജീ​വി​ക്കാ​നും ഈ പ്രവച​ന​ത്തി​ന്റെ അവസാന നിവൃത്തി കാണാ​നും പ്രത്യാ​ശി​ക്കാ​വു​ന്ന​താണ്‌.

നദി പറുദീ​സ​യിൽ ഒഴുകു​ന്നു

16. യെഹെ​സ്‌കേ​ലി​ന്റെ ആലയ ദർശന​ത്തിന്‌ എപ്പോൾ, എങ്ങനെ അവസാന നിവൃത്തി ഉണ്ടാകും?

¹⁶ മറ്റു പുനഃ​സ്ഥി​തീ​കരണ പ്രവച​ന​ങ്ങ​ളെ​പ്പോ​ലെ, യെഹെ​സ്‌കേ​ലി​ന്റെ ആലയദർശ​ന​ത്തിന്‌ അന്തിമ നിവൃത്തി ഉണ്ടാകു​ന്നത്‌ സഹസ്രാബ്ദ വാഴ്‌ച​യി​ലാണ്‌. അന്നു പുരോ​ഹി​ത​വർഗം മേലാൽ ഭൂമി​യിൽ ഉണ്ടായി​രി​ക്കു​ക​യില്ല. “അവർ ദൈവ​ത്തി​ന്നും ക്രിസ്‌തു​വി​ന്നും പുരോ​ഹി​ത​ന്മാ​രാ​യി ക്രിസ്‌തു​വി​നോ​ടു​കൂ​ടെ [സ്വർഗ​ത്തിൽ] ആയിരം ആണ്ടു വാഴും.” (വെളി​പ്പാ​ടു 20:6) ഈ സ്വർഗീയ പുരോ​ഹി​ത​ന്മാർ ക്രിസ്‌തു​വി​ന്റെ മറുവില യാഗത്തി​ന്റെ പൂർണ പ്രയോ​ജ​നങ്ങൾ സാധ്യ​മാ​ക്കു​ന്ന​തിൽ ക്രിസ്‌തു​വി​നോ​ടൊ​പ്പം പ്രവർത്തി​ക്കും. അങ്ങനെ, നീതി​നി​ഷ്‌ഠ​മായ മനുഷ്യ​വർഗം രക്ഷിക്ക​പ്പെ​ടും, പൂർണ​ത​യി​ലേക്കു പുനഃ​സ്ഥി​തീ​ക​രി​ക്ക​പ്പെ​ടും.—യോഹ​ന്നാൻ 3:17.

17, 18. (എ) വെളി​പ്പാ​ടു 22:1, 2-ൽ ജീവദാ​യക നദിയെ വർണി​ച്ചി​രി​ക്കു​ന്നത്‌ എങ്ങനെ, ആ ദർശനം മുഖ്യ​മാ​യും ബാധക​മാ​കുന്ന സമയം എപ്പോൾ? (ബി) പറുദീ​സ​യിൽ, ജീവജ​ല​നദി വളരെ വലുതാ​കു​ന്നത്‌ എന്തു​കൊണ്ട്‌?

¹⁷ ഫലത്തിൽ, യെഹെ​സ്‌കേൽ കണ്ട നദി അങ്ങേയറ്റം ശക്തിയുള്ള ജീവജലം ഒഴുക്കു​ന്നത്‌ അപ്പോ​ഴാ​യി​രി​ക്കും. വെളി​പ്പാ​ടു 22:1, 2-ൽ രേഖ​പ്പെ​ടു​ത്തി​യി​രി​ക്കുന്ന പ്രവചനം മുഖ്യ​മാ​യും ബാധക​മാ​കുന്ന സമയം അതാണ്‌: “വീഥി​യു​ടെ നടുവിൽ ദൈവ​ത്തി​ന്റെ​യും കുഞ്ഞാ​ടി​ന്റെ​യും സിംഹാ​സ​ന​ത്തിൽനി​ന്നു പുറ​പ്പെ​ടു​ന്ന​താ​യി പളുങ്കു​പോ​ലെ ശുഭ്ര​മായ ജീവജ​ല​ന​ദി​യും അവൻ എന്നെ കാണിച്ചു. നദിക്കു ഇക്കരെ​യും അക്കരെ​യും ജീവവൃ​ക്ഷം ഉണ്ടു; അതു പന്ത്രണ്ടു വിധം ഫലം കായിച്ചു മാസം​തോ​റും അതതു ഫലം കൊടു​ക്കു​ന്നു; വൃക്ഷത്തി​ന്റെ ഇല ജാതി​ക​ളു​ടെ രോഗ​ശാ​ന്തി​ക്കു ഉതകുന്നു.”

¹⁸ സഹസ്രാബ്ദ വാഴ്‌ച​യിൽ, ശാരീ​രി​ക​വും മാനസി​ക​വും വൈകാ​രി​ക​വു​മായ എല്ലാ രോഗ​ങ്ങ​ളും സൗഖ്യ​മാ​ക്ക​പ്പെ​ടും. പ്രതീ​കാ​ത്മക വൃക്ഷങ്ങൾ മുഖാ​ന്ത​ര​മുള്ള “ജാതി​ക​ളു​ടെ രോഗ​ശാ​ന്തി”യാൽ ഇതു നന്നായി ചിത്രീ​ക​രി​ക്ക​പ്പെ​ടു​ന്നു. ക്രിസ്‌തു​വും 1,44,000 പേരും നടപ്പാ​ക്കുന്ന കരുത​ലു​കൾ നിമിത്തം, “നിവാ​സി​ക​ളി​ലാ​രും താൻ രോഗി​യാ​ണെന്നു പറയു​ക​യില്ല.” (യെശയ്യാ​വു 33:24, പി.ഒ.സി. ബൈബിൾ) പിന്നെ നദി അതിന്റെ ഏറ്റവും വലിയ വളർച്ചാ​ഘ​ട്ട​ത്തി​ലേക്കു കടക്കും. ഈ നിർമല ജീവജലം കുടി​ക്കാ​നി​രി​ക്കു​ന്ന​വ​രായ, പുനരു​ത്ഥാ​നം പ്രാപി​ച്ചു​വ​രുന്ന ദശലക്ഷ​ക്ക​ണ​ക്കിന്‌ ആളുക​ളു​ടെ, ഒരുപക്ഷേ ശതകോ​ടി​ക്ക​ണ​ക്കിന്‌ ആളുക​ളു​ടെ ആവശ്യങ്ങൾ നിറ​വേ​റ്റാൻ തക്കവണ്ണം നദിയു​ടെ വീതി​യും ആഴവും കൂടേ​ണ്ട​തു​ണ്ടാ​യി​രി​ക്കും. ദർശന​ത്തി​ലെ നദീജലം ഒഴുകി​യി​ട​ത്തെ​ല്ലാം ജീവൻ ഉളവാ​ക്കി​ക്കൊണ്ട്‌ അതു ചാവു​ക​ട​ലി​നെ സൗഖ്യ​മാ​ക്കി. അതു​പോ​ലെ​തന്നെ പറുദീ​സ​യിൽ, സ്‌ത്രീ​പു​രു​ഷ​ന്മാർ തങ്ങൾക്കു ലഭ്യമാ​ക്ക​പ്പെ​ട്ടി​ട്ടുള്ള മറുവി​ല​യു​ടെ പ്രയോ​ജ​ന​ങ്ങ​ളിൽ വിശ്വാ​സം പ്രകട​മാ​ക്കു​ന്നെ​ങ്കിൽ പാരമ്പ​ര്യ​സി​ദ്ധ​മായ ആദാമ്യ മരണത്തിൽനി​ന്നു സൗഖ്യ​മാ​ക്ക​പ്പെട്ട്‌ അവർ സമ്പൂർണ അർഥത്തിൽ ജീവനി​ലേക്കു വരും. പുനരു​ത്ഥാ​നം പ്രാപി​ച്ചു​വ​രു​ന്ന​വർക്കു​കൂ​ടി പ്രയോ​ജനം ചെയ്യുന്ന ഗ്രാഹ്യ​ത്തി​ന്റെ കൂടു​ത​ലായ പ്രകാശം പ്രദാനം ചെയ്‌തു​കൊണ്ട്‌ ആ നാളു​ക​ളിൽ “പുസ്‌ത​കങ്ങൾ” തുറക്ക​പ്പെ​ടു​മെന്ന്‌ വെളി​പ്പാ​ടു 20:12 മുൻകൂ​ട്ടി പറയുന്നു. സങ്കടക​ര​മെന്നു പറയട്ടെ, പറുദീ​സ​യിൽപ്പോ​ലും ചിലർ സൗഖ്യ​മാ​ക്ക​പ്പെ​ടാൻ വിസമ്മ​തി​ക്കും. ഈ മത്സരി​ക​ളാണ്‌ ‘ഉപ്പിന്‌ നൽക’പ്പെടു​ന്നത്‌, അതായത്‌ നിത്യ​മാ​യി നശിപ്പി​ക്ക​പ്പെ​ടു​ന്നത്‌.—വെളി​പ്പാ​ടു 20:15.

19. (എ) ദേശവി​ഭ​ജനം പറുദീ​സ​യിൽ നിവൃ​ത്തി​യേ​റു​ന്നത്‌ എങ്ങനെ? (ബി) പറുദീ​സ​യി​ലെ ഏതു സവി​ശേ​ഷ​ത​യാണ്‌ നഗരം ചിത്രീ​ക​രി​ക്കു​ന്നത്‌? (സി) നഗരം ആലയത്തിൽനിന്ന്‌ അകലെ സ്ഥിതി ചെയ്യുന്നു എന്നതിന്റെ അർഥം എന്ത്‌?

¹⁹ ആ സമയത്ത്‌ യെഹെ​സ്‌കേ​ലി​ന്റെ ദർശന​ത്തി​ലെ ദേശവി​ഭ​ജ​ന​ത്തി​നും അതിന്റെ അവസാന നിവൃത്തി ഉണ്ടാകും. തന്റെ ദർശന​ത്തിൽ, ദേശം ഉചിത​മാ​യി വിഭാ​ഗി​ക്ക​പ്പെ​ടു​ന്നത്‌ യെഹെ​സ്‌കേൽ കണ്ടു; സമാന​മാ​യി, പറുദീ​സ​യിൽ തനിക്ക്‌ ഒരു സ്ഥലം, ഒരു അവകാശം, ലഭിക്കു​മെന്ന്‌ ഓരോ വിശ്വസ്‌ത ക്രിസ്‌ത്യാ​നി​ക്കും ഉറപ്പ്‌ ഉണ്ടായി​രി​ക്കാ​വു​ന്ന​താണ്‌. അതു​പോ​ലെ​തന്നെ, പാർക്കാ​നും പരിപാ​ലി​ക്കാ​നും സ്വന്തമായ ഒരു വീട്‌ വേണമെന്ന ഓരോ​രു​ത്ത​രു​ടെ​യും ആഗ്രഹം ക്രമീ​കൃ​ത​മായ ഒരു വിധത്തിൽ നിവൃ​ത്തി​യേ​റും. (യെശയ്യാ​വു 65:21; 1 കൊരി​ന്ത്യർ 14:33) യെഹെ​സ്‌കേൽ കണ്ട നഗരം യഹോവ പുതിയ ഭൂമി​ക്കാ​യി ഉദ്ദേശി​ക്കുന്ന ഭരണ ക്രമീ​ക​ര​ണത്തെ ഉചിത​മാ​യി ചിത്രീ​ക​രി​ക്കു​ന്നു. അഭിഷിക്ത പുരോ​ഹി​ത​വർഗം മേലാൽ മനുഷ്യർക്കി​ട​യിൽ അക്ഷരീ​യ​മാ​യി ഉണ്ടായി​രി​ക്കു​ക​യില്ല. നഗരത്തെ ആലയത്തിൽനിന്ന്‌ കുറച്ച്‌ അകലെ “മലിന” ദേശത്തു സ്ഥിതി ചെയ്യു​ന്ന​താ​യി ചിത്രീ​ക​രി​ച്ചു​കൊണ്ട്‌ ദർശനം അതു കൃത്യ​മാ​യി സൂചി​പ്പി​ക്കു​ന്നു. (യെഹെ​സ്‌കേൽ 48:15, NW) 1,44,000 പേർ ക്രിസ്‌തു​വി​നോ​ടു​കൂ​ടെ സ്വർഗ​ത്തിൽ ഭരിക്കു​മ്പോൾ, രാജാ​വി​നു ഭൂമി​യി​ലും പ്രതി​നി​ധി​കൾ ഉണ്ടായി​രി​ക്കും. പ്രഭു​വർഗ​ത്തി​ന്റെ സ്‌നേ​ഹ​പു​ര​സ്സ​ര​മായ മാർഗ​നിർദേ​ശ​ത്തിൽനി​ന്നും വഴിന​ട​ത്തി​പ്പിൽനി​ന്നും യേശു​വി​ന്റെ മനുഷ്യ​പ്ര​ജകൾ ഏറെ പ്രയോ​ജനം അനുഭ​വി​ക്കും. എന്നിരു​ന്നാ​ലും, ഗവൺമെ​ന്റി​ന്റെ യഥാർഥ ഇരിപ്പി​ടം ഭൂമി​യി​ലല്ല, സ്വർഗ​ത്തിൽ ആയിരി​ക്കും. പ്രഭു​വർഗം ഉൾപ്പെടെ ഭൂമി​യി​ലെ സകലരും മിശി​ഹൈക രാജ്യ​ത്തിന്‌ കീഴ്‌പെ​ട്ടി​രി​ക്കും.—ദാനീ​യേൽ 2:44; 7:14, 18, 22.

20, 21. (എ) നഗരത്തി​ന്റെ നാമം ഉചിത​മാ​യി​രി​ക്കു​ന്നത്‌ എന്തു​കൊണ്ട്‌? (ബി) യെഹെ​സ്‌കേ​ലി​ന്റെ ദർശനം മനസ്സി​ലാ​ക്കി​യ​തി​നെ തുടർന്നു നാം നമ്മോ​ടു​തന്നെ ഏതെല്ലാം ചോദ്യ​ങ്ങൾ ചോദി​ക്കണം?

²⁰ യെഹെ​സ്‌കേൽ പ്രവച​ന​ത്തി​ന്റെ അവസാന വാക്കുകൾ ശ്രദ്ധി​ക്കുക: “അന്നുമു​തൽ നഗരത്തി​ന്നു യഹോ​വ​ശമ്മാ (യഹോവ അവിടെ) എന്നു പേരാ​കും.” (യെഹെ​സ്‌കേൽ 48:35) മനുഷ്യർക്കു ശക്തിയോ സ്വാധീ​ന​മോ നൽകാ​നോ, അല്ലെങ്കിൽ ഏതെങ്കി​ലും മനുഷ്യ​ന്റെ ഹിതം നടപ്പാ​ക്കാ​നോ അല്ല ഈ നഗരം സ്ഥിതി​ചെ​യ്യു​ന്നത്‌. അതു യഹോ​വ​യു​ടെ നഗരമാണ്‌. അത്‌ അവന്റെ മനസ്സി​നെ​യും അവൻ കാര്യങ്ങൾ ചെയ്യുന്ന സ്‌നേ​ഹ​പു​ര​സ്സ​ര​മായ, ന്യായ​യു​ക്ത​മായ വിധ​ത്തെ​യും പ്രതി​ഫ​ലി​പ്പി​ച്ചു​കൊ​ണ്ടി​രി​ക്കും. (യാക്കോബ്‌ 3:17) ഇത്‌, സംഘടി​ത​മായ മനുഷ്യ​വർഗ സമൂഹ​മെന്ന “പുതിയ ഭൂമി”യെ യഹോവ ശാശ്വത ഭാവി നൽകി അനു​ഗ്ര​ഹി​ക്കു​മെന്ന ഹൃദ​യോ​ഷ്‌മ​ള​മായ ഉറപ്പ്‌ നമുക്കു നൽകുന്നു.—2 പത്രൊസ്‌ 3:13.

²¹ നമ്മുടെ ഭാവി​പ്ര​തീ​ക്ഷ​ക​ളിൽ നാം പുളകി​ത​രല്ലേ? അപ്പോൾ, നാം ഓരോ​രു​ത്ത​രും പിൻവ​രു​ന്ന​പ്ര​കാ​രം ചോദി​ക്കു​ന്നത്‌ ഉചിത​മാണ്‌: ‘യെഹെ​സ്‌കേ​ലി​ന്റെ ദർശന​ത്തിൽ വെളി​പ്പെ​ടു​ത്ത​പ്പെ​ട്ടി​രി​ക്കുന്ന മഹത്തായ അനു​ഗ്ര​ഹ​ങ്ങ​ളോ​ടു ഞാൻ എങ്ങനെ​യാ​ണു പ്രതി​ക​രി​ക്കു​ന്നത്‌? അഭിഷിക്ത ശേഷി​പ്പിൽ പെട്ടവ​രും ഭാവി പ്രഭു​വർഗ​ത്തിൽ പെട്ടവ​രും ഉൾപ്പെടെ സ്‌നേ​ഹ​സ​മ്പ​ന്ന​രായ മേൽവി​ചാ​ര​ക​ന്മാർ ചെയ്യുന്ന വേലയെ ഞാൻ വിശ്വ​സ്‌ത​മാ​യി പിന്തു​ണ​യ്‌ക്കു​ന്നു​ണ്ടോ? നിർമല ആരാധ​ന​യ്‌ക്കു ഞാൻ എന്റെ ജീവി​ത​ത്തിൽ കേന്ദ്ര​സ്ഥാ​നം നൽകി​യി​ട്ടു​ണ്ടോ? ഇന്ന്‌ വളരെ സമൃദ്ധ​മാ​യി ഒഴുകുന്ന ജീവജലം ഞാൻ മുഴു​വ​നാ​യി പ്രയോ​ജ​ന​പ്പെ​ടു​ത്തു​ന്നു​ണ്ടോ?’ നാം ഓരോ​രു​ത്ത​രും ശാശ്വത കാല​ത്തോ​ളം അങ്ങനെ ചെയ്യു​ന്ന​തി​ലും യഹോ​വ​യു​ടെ കരുത​ലു​ക​ളിൽ ആനന്ദം കണ്ടെത്തു​ന്ന​തി​ലും തുടരു​മാ​റാ​കട്ടെ!

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

□ ആലയത്തിൽനിന്ന്‌ ഒഴുകുന്ന വെള്ളം എന്തിനെ ചിത്രീ​ക​രി​ക്കു​ന്നു?

□ പ്രതീ​കാ​ത്മക നദി മുഖാ​ന്തരം യഹോവ എന്തു സൗഖ്യ​മാ​ക്കൽ നടത്തി​യി​രി​ക്കു​ന്നു, നദിയു​ടെ വലിപ്പം വർധി​ച്ചി​രി​ക്കു​ന്നത്‌ എന്തു​കൊണ്ട്‌?

□ നദീതീ​രത്തെ വൃക്ഷങ്ങൾ എന്തു ചിത്രീ​ക​രി​ക്കു​ന്നു?

□ സഹസ്രാബ്ദ വാഴ്‌ച​ക്കാ​ലത്ത്‌ നഗരം എന്തിനെ ചിത്രീ​ക​രി​ക്കു​ന്നു, നഗരത്തി​ന്റെ നാമം ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

[23-ാം പേജിലെ ചിത്രങ്ങൾ]

ജീവനദി രക്ഷയ്‌ക്കുള്ള ദൈവ​ത്തി​ന്റെ കരുത​ലു​കളെ പ്രതി​നി​ധാ​നം ചെയ്യുന്നു