അധ്യായം 21

ക്രൈ​സ്‌ത​വ​ലോ​ക​ത്തിൻമേൽ യഹോ​വ​യു​ടെ ബാധകൾ

ദർശനം 5—വെളി​പ്പാ​ടു 8:1–9:21

വിഷയം: ഏഴു കാഹള​ങ്ങ​ളിൽ ആറെണ്ണ​ത്തി​ന്റെ മുഴക്കൽ

നിവൃത്തിയുടെ കാലം: 1914-ൽ ക്രിസ്‌തു​യേ​ശു​വി​ന്റെ സിംഹാ​സ​നാ​രോ​ഹണം മുതൽ മഹോ​പ​ദ്രവം വരെ

1. കുഞ്ഞാട്‌ ഏഴാം മുദ്ര തുറക്കു​മ്പോൾ എന്തു സംഭവി​ക്കു​ന്നു?

ആത്മീയ ഇസ്രാ​യേ​ലി​ലെ 1,44,000 പേർ മുദ്ര​യി​ട​പ്പെ​ടു​ക​യും മഹാപു​രു​ഷാ​രം അതിജീ​വ​ന​ത്തി​നു​വേണ്ടി അംഗീ​ക​രി​ക്ക​പ്പെ​ടു​ക​യും ചെയ്യു​ന്ന​തു​വരെ ‘നാലു കാററു​കൾ’ പിടിച്ചു നിർത്ത​പ്പെ​ട്ടി​രി​ക്കു​ന്നു. (വെളി​പ്പാ​ടു 7:1-4, 9) എന്നുവ​രി​കി​ലും, ആ കൊടു​ങ്കാ​ററു ഭൂമി​യു​ടെ​മേൽ ആഞ്ഞടി​ക്കു​ന്ന​തി​നു​മു​മ്പു സാത്താന്റെ ലോക​ത്തി​നെ​തി​രായ യഹോ​വ​യു​ടെ പ്രതി​കൂല ന്യായ​വി​ധി​കൾ പ്രസി​ദ്ധ​മാ​ക്ക​പ്പെ​ടു​ക​യും വേണം! കുഞ്ഞാട്‌ ഏഴാമ​ത്തേ​തും ഒടുവി​ല​ത്തേ​തും ആയ മുദ്ര തുറന്നു തുടങ്ങു​മ്പോൾ എന്തായി​രി​ക്കും വെളി​വാ​ക്ക​പ്പെ​ടു​ന്ന​തെന്നു കാണാൻ യോഹ​ന്നാൻ ശ്രദ്ധാ​പൂർവം നോക്കു​ക​യാ​യി​രി​ക്കണം. ഇപ്പോൾ അവൻ നമുക്കു തന്റെ അനുഭവം പങ്കിടു​ന്നു: “അവൻ [കുഞ്ഞാട്‌] ഏഴാം മുദ്ര പൊട്ടി​ച്ച​പ്പോൾ സ്വർഗ്ഗ​ത്തിൽ അരമണി​ക്കൂ​റോ​ളം മൌന​ത​യു​ണ്ടാ​യി. അപ്പോൾ ദൈവ​സ​ന്നി​ധി​യിൽ ഏഴു ദൂതൻമാർ നിൽക്കു​ന്നതു ഞാൻ കണ്ടു, അവർക്കു ഏഴു കാഹളം ലഭിച്ചു.”—വെളി​പ്പാ​ടു 8:1, 2.

തീവ്ര​മായ പ്രാർഥ​ന​ക്കു​ളള ഒരു സമയം

2. സ്വർഗ​ത്തി​ലെ അരമണി​ക്കൂർ നേരത്തെ പ്രതീ​കാ​ത്മക നിശബ്ദ​ത​യിൽ എന്തു സംഭവി​ക്കു​ന്നു?

² ഇത്‌ അർഥവ​ത്തായ ഒരു നിശബ്ദത തന്നെ! എന്തെങ്കി​ലും സംഭവി​ക്കാ​നാ​യി കാത്തി​രി​ക്കു​മ്പോൾ അരമണി​ക്കൂർ ഒരു നീണ്ട സമയമാ​യി തോന്നാം. ഇപ്പോൾ നിരന്ത​ര​മായ സ്വർഗീയ സ്‌തു​തി​ഗീ​തം​പോ​ലും കേൾപ്പാ​നില്ല. (വെളി​പ്പാ​ടു 4:8) എന്തു​കൊണ്ട്‌? യോഹ​ന്നാൻ അതിന്റെ കാരണം ദർശന​ത്തിൽ കാണുന്നു: “മറെറാ​രു ദൂതൻ ഒരു സ്വർണ്ണ​ധൂ​പ​ക​ല​ശ​വു​മാ​യി വന്നു യാഗപീ​ഠ​ത്തി​ന്ന​രി​കെ നിന്നു. സിംഹാ​സ​ന​ത്തിൻ മുമ്പി​ലു​ളള സ്വർണ്ണ​പീ​ഠ​ത്തിൻമേൽ സകലവി​ശു​ദ്ധൻമാ​രു​ടെ​യും പ്രാർത്ഥ​ന​യോ​ടു ചേർക്കേ​ണ്ട​തി​ന്നു വളരെ ധൂപവർഗ്ഗം അവന്നു കൊടു​ത്തു. ധൂപവർഗ്ഗ​ത്തി​ന്റെ പുക വിശു​ദ്ധൻമാ​രു​ടെ പ്രാർത്ഥ​ന​യോ​ടു​കൂ​ടെ ദൂതന്റെ കയ്യിൽനി​ന്നു ദൈവ​സ​ന്നി​ധി​യി​ലേക്കു കയറി.”—വെളി​പ്പാ​ടു 8:3, 4.

3. (എ) ധൂപം കത്തിക്കു​ന്നതു നമ്മെ എന്ത്‌ അനുസ്‌മ​രി​പ്പി​ക്കു​ന്നു? (ബി) സ്വർഗ​ത്തിൽ അരമണി​ക്കൂർ നിശബ്ദ​ത​യു​ടെ ഉദ്ദേശ്യം എന്താണ്‌?

³ യഹൂദ​വ്യ​വ​സ്ഥി​തി​യിൽ അനുദി​നം സമാഗമന കൂടാ​ര​ത്തി​ലും പിൽക്കാ​ലത്ത്‌ യെരു​ശ​ലേ​മി​ലെ ആലയത്തി​ലും ധൂപം കത്തിച്ചി​രു​ന്നു​വെന്ന്‌ ഇതു നമ്മെ അനുസ്‌മ​രി​പ്പി​ക്കു​ന്നു. (പുറപ്പാ​ടു 30:1-8) അങ്ങനെ ധൂപം കത്തിക്കുന്ന സമയത്തു പുരോ​ഹി​ത​ര​ല്ലാത്ത ഇസ്രാ​യേ​ല്യർ ആരു​ടെ​യ​ടു​ക്ക​ലേക്കു ധൂപം ഉയരു​ന്നോ അവനോട്‌ നിസ്സം​ശ​യ​മാ​യും തങ്ങളുടെ ഹൃദയ​ങ്ങ​ളിൽ നിശബ്ദ​മാ​യി പ്രാർഥി​ച്ചു​കൊ​ണ്ടു വിശു​ദ്ധ​സ്ഥ​ല​ത്തി​നു വെളി​യിൽ കാത്തു​നി​ന്നി​രു​ന്നു. (ലൂക്കൊസ്‌ 1:10) അതിനു സമാന​മായ ചിലതു സ്വർഗ​ത്തിൽ സംഭവി​ക്കു​ന്ന​താ​യി യോഹ​ന്നാൻ ഇപ്പോൾ കാണുന്നു. ദൂതൻ അർപ്പിച്ച ധൂപം “വിശു​ദ്ധൻമാ​രു​ടെ പ്രാർത്ഥ​ന​യോ​ടു” ബന്ധപ്പെ​ട്ടി​രി​ക്കു​ന്നു. വാസ്‌ത​വ​ത്തിൽ, ഒരു ആദിമ ദർശന​ത്തിൽ ധൂപം അത്തരം പ്രാർഥ​ന​കളെ പ്രതി​നി​ധാ​നം ചെയ്യു​ന്ന​താ​യി പറഞ്ഞി​രി​ക്കു​ന്നു. (വെളി​പ്പാ​ടു 5:8; സങ്കീർത്തനം 141:1, 2) പ്രത്യ​ക്ഷ​ത്തിൽ സ്വർഗ​ത്തി​ലെ പ്രതീ​കാ​ത്മക നിശബ്ദത അപ്പോൾ ഭൂമി​യി​ലെ വിശു​ദ്ധൻമാ​രു​ടെ പ്രാർഥ​നകൾ കേൾക്കു​ന്ന​തി​നു വേണ്ടി​യാണ്‌.

4, 5. പ്രതീ​കാ​ത്മക അരമണി​ക്കൂർ നിശബ്ദ​തക്കു സമാന​മായ കാലഘട്ടം ഏതെന്നു നിശ്ചയി​ക്കാൻ ചരി​ത്ര​പ​ര​മായ ഏതു വികാ​സങ്ങൾ നമ്മെ സഹായി​ക്കു​ന്നു?

⁴ ഇത്‌ എപ്പോൾ സംഭവി​ച്ചു​വെന്നു നമുക്കു നിശ്ചയി​ക്കാൻ കഴിയു​മോ? ഉവ്വ്‌, കർത്താ​വി​ന്റെ ദിവസ​ത്തി​ന്റെ തുടക്ക​ത്തി​ലെ ചരി​ത്ര​പ​ര​മായ വികാ​സ​ങ്ങ​ളോ​ടൊ​പ്പം ആ സന്ദർഭം പരി​ശോ​ധി​ക്കു​ന്ന​തി​നാൽ നമുക്ക​തി​നു കഴിയും. (വെളി​പ്പാ​ടു 1:10) വെളി​പ്പാ​ടു 8:1-4-ൽ വർണി​ച്ചി​രി​ക്കുന്ന രംഗ​ത്തോട്‌ 1918-ലും 1919-ലും ഭൂമി​യിൽ നടന്ന സംഭവങ്ങൾ ശ്രദ്ധേ​യ​മാം​വി​ധം യോജി​ച്ചു. ബൈബിൾ വിദ്യാർഥി​കൾ—യഹോ​വ​യു​ടെ സാക്ഷികൾ അന്ന്‌ അങ്ങനെ അറിയ​പ്പെ​ട്ടി​രു​ന്നു—1914-നു 40 വർഷം മുമ്പു​മു​തൽ ആ വർഷത്തിൽ വിജാ​തീ​യ​രു​ടെ കാലങ്ങൾ അവസാ​നി​ക്കു​മെന്നു ധൈര്യ​പൂർവം ഘോഷി​ച്ചു​കൊ​ണ്ടി​രു​ന്നു. അവരുടെ ഭാഗം ശരിയാ​യി​രു​ന്നു​വെന്ന്‌ 1914-ലെ ക്ലേശക​ര​മായ സംഭവങ്ങൾ തെളി​യി​ച്ചു. (ലൂക്കോസ്‌ 21:24, കിങ്‌ ജയിംസ്‌ വേർഷൻ; മത്തായി 24:3, 7, 8) എന്നാൽ 1914-ൽ അവർ ഈ ഭൂമി​യിൽനി​ന്നു തങ്ങളുടെ സ്വർഗീയ അവകാ​ശ​ത്തി​ലേക്ക്‌ എടുക്ക​പ്പെ​ടു​മെ​ന്നും അവരിൽ അനേകർ വിശ്വ​സി​ച്ചു. അതു സംഭവി​ച്ചില്ല. പകരം ഒന്നാം ലോക​മ​ഹാ​യു​ദ്ധ​കാ​ലത്ത്‌ അവർ കഠിന​മായ ഒരു പീഡന​കാ​ലം സഹിച്ചു​നി​ന്നു. വാച്ച്‌ ടവർ സൊ​സൈ​റ​റി​യു​ടെ ആദ്യത്തെ പ്രസി​ഡൻറായ ചാൾസ്‌ ററി. റസ്സൽ 1916 ഒക്‌ടോ​ബർ 31-ന്‌ അന്തരിച്ചു. പിന്നീട്‌ 1918 ജൂലൈ 4-ന്‌, പുതിയ പ്രസി​ഡൻറായ ജോസഫ്‌ എഫ്‌. റതർഫോർഡും സൊ​സൈ​റ​റി​യു​ടെ മററ്‌ ഏഴു പ്രതി​നി​ധി​ക​ളും അനുചി​ത​മാ​യി ദീർഘ​കാല തടവിനു ശിക്ഷി​ക്ക​പ്പെട്ട്‌ അററ്‌ലാൻറാ, ജോർജി​യാ ജയിലി​ലേക്കു മാററ​പ്പെട്ടു.

⁵ യോഹ​ന്നാൻവർഗ​ത്തി​ലെ ആത്മാർഥ​രായ ക്രിസ്‌ത്യാ​നി​കൾ അന്ധാളി​ച്ചു​പോ​യി. അടുത്ത​താ​യി അവർ എന്തു ചെയ്യാ​നാ​ണു ദൈവം ആഗ്രഹി​ച്ചത്‌? അവർ എപ്പോൾ സ്വർഗ​ത്തി​ലേക്ക്‌ എടുക്ക​പ്പെ​ടും? ദ വാച്ച്‌ ടവറിന്റെ 1919 മേയ്‌ 1 ലക്കത്തിൽ “കൊയ്‌ത്ത്‌ അവസാ​നി​ച്ചി​രി​ക്കു​ന്നു—അടുത്ത​താ​യി എന്ത്‌?” എന്ന തലക്കെ​ട്ടിൽ ഒരു ലേഖനം പ്രത്യ​ക്ഷ​പ്പെട്ടു. അത്‌ ഈ അനിശ്ചി​ത​ത്വ​ത്തി​ന്റെ അവസ്ഥയെ പ്രതി​ഫ​ലി​പ്പി​ക്കു​ക​യും ഇപ്രകാ​രം കൂട്ടി​ച്ചേർത്തു​കൊ​ണ്ടു സഹിഷ്‌ണു​ത​യിൽ തുടരാൻ വിശ്വ​സ്‌തരെ പ്രോ​ത്സാ​ഹി​പ്പി​ക്കു​ക​യും ചെയ്‌തു: “രാജ്യ​വർഗ​ത്തി​ന്റെ കൊയ്‌ത്ത്‌ പൂർത്തി​യായ ഒരു വസ്‌തു​ത​യാണ്‌, അത്തരക്കാ​രെ​ല്ലാം യഥോ​ചി​തം മുദ്ര​യി​ട​പ്പെ​ട്ടി​രി​ക്കു​ന്നു, വാതിൽ അടയ്‌ക്ക​പ്പെ​ട്ടി​രി​ക്കു​ന്നു, എന്നത്‌ ഒരു സത്യമായ മൊഴി​യാ​ണെന്നു ഞങ്ങൾ വിശ്വ​സി​ക്കു​ന്നു.” ഈ പ്രയാ​സം​നി​റഞ്ഞ കാലഘ​ട്ട​ത്തിൽ യോഹ​ന്നാൻവർഗ​ത്തി​ന്റെ തീക്ഷ്‌ണ​മായ പ്രാർഥ​നകൾ ധൂപവർഗ​ത്തി​ന്റെ വളരെ​യേറെ പുക​യോ​ടു​കൂ​ടെ എന്നപോ​ലെ ഉയർന്നു​കൊ​ണ്ടി​രു​ന്നു. അവരുടെ പ്രാർഥ​നകൾ കേൾക്ക​പ്പെ​ട്ടു​കൊ​ണ്ടു​മി​രു​ന്നു!

ഭൂമി​യി​ലേക്കു തീ എറിയു​ന്നു

6. സ്വർഗ​ത്തി​ലെ നിശബ്ദ​ത​ക്കു​ശേഷം എന്തു സംഭവി​ക്കു​ന്നു, ഇത്‌ എന്തി​നോ​ടു​ളള പ്രതി​ക​ര​ണ​ത്തിൽ ആണ്‌?

⁶ യോഹ​ന്നാൻ നമ്മോടു പറയുന്നു: “ദൂതൻ ധൂപക​ലശം എടുത്തു യാഗപീ​ഠ​ത്തി​ലെ കനൽ നിറെച്ചു ഭൂമി​യി​ലേക്കു എറിഞ്ഞു; ഉടനെ ഇടിമു​ഴ​ക്ക​വും നാദവും മിന്നലും ഭൂകമ്പ​വും ഉണ്ടായി.” (വെളി​പ്പാ​ടു 8:5) നിശബ്ദ​ത​ക്കു​ശേഷം പെട്ടെന്നു നാടകീ​യ​മായ പ്രവർത്തനം ഉണ്ടായി! ഇത്‌ പ്രത്യ​ക്ഷ​ത്തിൽ വിശു​ദ്ധൻമാ​രു​ടെ പ്രാർഥ​ന​യു​ടെ പ്രതി​ക​ര​ണ​മാ​യി​ട്ടാണ്‌, യാഗപീ​ഠ​ത്തിൽ നിന്നെ​ടുത്ത തീ അതിനു തിരി​കൊ​ളു​ത്തി​യ​തു​കൊ​ണ്ടു​തന്നെ. പണ്ടു പൊ.യു.മു. 1513-ൽ സീനായ്‌ പർവത​ത്തി​ങ്കൽ ഇടിമു​ഴ​ക്ക​വും മിന്നലും ഒരു ഉറച്ച നാദവും തീയും പർവത​ത്തി​ന്റെ കുലു​ക്ക​വും, യഹോവ തന്റെ ജനത്തി​ലേക്കു ശ്രദ്ധതി​രി​ച്ചു​വെന്ന്‌ അറിവു​കൊ​ടു​ത്തു. (പുറപ്പാ​ടു 19:16-20) യോഹ​ന്നാൻ റിപ്പോർട്ടു ചെയ്യുന്ന സമാന​മായ പ്രകട​നങ്ങൾ അതു​പോ​ലെ​തന്നെ ഭൂമി​യി​ലു​ളള തന്റെ ദാസൻമാർക്ക്‌ യഹോവ ശ്രദ്ധ നൽകു​ന്ന​തി​നെ സൂചി​പ്പി​ക്കു​ന്നു. എന്നാൽ യോഹ​ന്നാൻ കാണു​ന്നത്‌ അടയാ​ള​ങ്ങ​ളിൽ അവതരി​പ്പി​ക്ക​പ്പെ​ടു​ന്നു. (വെളി​പ്പാ​ടു 1:1) അതു​കൊ​ണ്ടു പ്രതീ​കാ​ത്മക തീയും ഇടിമു​ഴ​ക്ക​വും നാദവും മിന്നലും ഭൂകമ്പ​വും ഇന്നു വ്യാഖ്യാ​നി​ക്കേ​ണ്ടത്‌ എങ്ങനെ​യാണ്‌?

7. (എ) യേശു തന്റെ ശുശ്രൂ​ഷ​യു​ടെ കാലത്തു ഭൂമി​യിൽ ഏതു പ്രതീ​കാ​ത്മക തീ കത്തിച്ചു? (ബി) യേശു​വി​ന്റെ ആത്മീയ സഹോ​ദ​രൻമാർ ക്രൈ​സ്‌ത​വ​ലോ​ക​ത്തിൽ ഒരു തീ കത്തിച്ചു​വി​ട്ട​തെ​ങ്ങനെ?

⁷ ഒരു സന്ദർഭ​ത്തിൽ യേശു തന്റെ ശിഷ്യൻമാ​രോ​ടു പറഞ്ഞു: “ഭൂമി​യിൽ തീയി​ടു​വാൻ ഞാൻ വന്നിരി​ക്കു​ന്നു.” (ലൂക്കൊസ്‌ 12:49) സത്യമാ​യും, അവൻ ഒരു തീ കത്തിച്ചു. തന്റെ തീക്ഷ്‌ണ​മായ പ്രസം​ഗ​ത്താൽ യേശു യഹൂദ​ജ​ന​ത്തിൻ മുമ്പാകെ ദൈവ​രാ​ജ്യ​ത്തെ പരമ​പ്ര​ധാ​ന​മായ ഒരു വിഷയ​മാ​ക്കി, അത്‌ ആ ജനതയി​ലു​ട​നീ​ളം ചൂടു​പി​ടിച്ച വിവാ​ദ​ത്തി​നു തീ കൊളു​ത്തി. (മത്തായി 4:17, 25; 10:5-7, 17, 18) ഒന്നാം ലോക​മ​ഹാ​യു​ദ്ധ​കാ​ലത്തെ പരി​ശോ​ധ​നാ​നാ​ളു​കളെ അതിജീ​വിച്ച അഭിഷിക്ത ക്രിസ്‌ത്യാ​നി​ക​ളു​ടെ ചെറിയ സംഘമായ, യേശു​വി​ന്റെ ഭൂമി​യി​ലെ ആത്മീയ സഹോ​ദ​രൻമാർ 1919-ൽ ക്രൈ​സ്‌ത​വ​ലോ​ക​ത്തിൽ സമാന​മായ ഒരു തീ കത്തിച്ചു​വി​ട്ടു. ആ വർഷം സെപ്‌റ​റം​ബ​റിൽ, യു.എസ്‌.എ.യിലുളള ഒഹാ​യോ​യി​ലെ സീഡാർ പോയിൻറിൽ അടുത്തും അകലെ​യു​മു​ളള ദൈവ​ത്തി​ന്റെ വിശ്വ​സ്‌ത​സാ​ക്ഷി​കൾ സമ്മേളി​ച്ച​പ്പോൾ യഹോ​വ​യു​ടെ ആത്മാവ്‌ ശ്രദ്ധേ​യ​മായ അളവിൽ പ്രത്യ​ക്ഷ​മാ​യി​രു​ന്നു. താമസി​യാ​തെ പൂർണ​മാ​യും കുററ​വി​മു​ക്ത​നാ​ക്ക​പ്പെ​ടേ​ണ്ടി​യി​രുന്ന, ആയിടക്ക്‌ ജയിലിൽനി​ന്നു മോചി​ത​നായ ജോസഫ്‌ എഫ്‌. റതർഫോർഡ്‌ ധൈര്യ​പൂർവം ആ കൺ​വെൻ​ഷനെ അഭിസം​ബോ​ധന ചെയ്‌തു​കൊണ്ട്‌ ഇപ്രകാ​രം പറഞ്ഞു: “നമ്മുടെ യജമാ​നന്റെ കൽപ്പന അനുസ​രി​ച്ചു​കൊ​ണ്ടും, ദീർഘ​കാ​ലം ജനങ്ങളെ അടിമ​ത്ത​ത്തിൽ നിർത്തിയ അബദ്ധത്തി​ന്റെ കോട്ട​കൾക്കെ​തി​രെ പോരാ​ടാ​നു​ളള നമ്മുടെ പദവി​യും കർത്തവ്യ​വും തിരി​ച്ച​റി​ഞ്ഞു​കൊ​ണ്ടും, നമ്മുടെ ജോലി ആഗതമാ​യി​ക്കൊ​ണ്ടി​രി​ക്കുന്ന മിശി​ഹാ​യു​ടെ മഹത്തായ രാജ്യം ഘോഷി​ക്കു​ക​യെ​ന്ന​താ​യി​രു​ന്നു, ഇപ്പോ​ഴും അങ്ങനെ​യാണ്‌.” അതാണ്‌ പ്രഥമ വാദവി​ഷയം—ദൈവ​രാ​ജ്യം!

8, 9. (എ) പ്രയാ​സം​നി​റഞ്ഞ യുദ്ധവർഷ​ങ്ങ​ളിൽ ദൈവ​ജ​ന​ത്തി​ന്റെ മനോ​ഭാ​വ​വും ആഗ്രഹ​വും സൊ​സൈ​റ​റി​യു​ടെ പ്രസി​ഡൻറ്‌ വർണി​ച്ച​തെ​ങ്ങനെ? (ബി) ഭൂമി​യി​ലേക്കു തീ എറിയ​പ്പെ​ട്ടത്‌ എങ്ങനെ? (സി) ഇടിമു​ഴ​ക്ക​വും നാദവും മിന്നലും ഭൂകമ്പ​വും സംഭവി​ച്ചി​രി​ക്കു​ന്ന​തെ​ങ്ങനെ?

⁸ ദൈവ​ജ​ന​ത്തിന്‌ ആയി​ടെ​യു​ണ്ടായ കഠിന അനുഭ​വ​ങ്ങളെ പരാമർശി​ച്ചു​കൊണ്ട്‌ പ്രസം​ഗകൻ പറഞ്ഞു: “ശത്രു​വി​ന്റെ കടന്നാ​ക്ര​മണം നിർദ​യ​മാ​യി​രു​ന്ന​തി​നാൽ കർത്താ​വി​ന്റെ പ്രിയ​പ്പെട്ട ആട്ടിൻകൂ​ട്ട​ത്തിൽ അനേകർ ഞെട്ടി വിസ്‌മ​യി​ച്ചു​പോ​വു​ക​യും കർത്താവ്‌ തന്റെ ഇഷ്ടം വെളി​പ്പെ​ടു​ത്താൻ പ്രാർഥ​ന​യോ​ടെ കാത്തി​രു​ന്നു​കൊണ്ട്‌ സ്‌തബ്ധ​രാ​യി നിൽക്കു​ക​യും ചെയ്‌തു. . . . എന്നാൽ താത്‌കാ​ലി​ക​മായ നിരു​ത്സാ​ഹം ഉണ്ടായി​രു​ന്നി​ട്ടും രാജ്യ​ദൂ​തു പ്രഘോ​ഷി​ക്കാ​നു​ളള ഒരു ജ്വലി​ക്കുന്ന ആഗ്രഹം സ്ഥിതി​ചെ​യ്‌തി​രു​ന്നു.”—ദ വാച്ച്‌ ടവർ 1919 സെപ്‌റ​റം​ബർ 15 ലക്കത്തിൽ 280-ാം പേജ്‌ കാണുക.

⁹ ആ ആഗ്രഹം 1919-ൽ സഫലമാ​യി. ക്രിസ്‌ത്യാ​നി​ക​ളു​ടെ ഈ ചെറിയ സജീവ​സം​ഘം ലോക​വ്യാ​പ​ക​മാ​യി ഒരു പ്രസം​ഗ​പ്ര​സ്ഥാ​നം തുടങ്ങു​ന്ന​തിന്‌, ആത്മീയ​മാ​യി പറഞ്ഞാൽ, തീ കൊളു​ത്തി. (താരത​മ്യം ചെയ്യുക: 1 തെസ്സ​ലൊ​നീ​ക്യർ 5:19.) ദൈവ​രാ​ജ്യം ജ്വലി​ക്കുന്ന ഒരു വാദവി​ഷ​യ​മാ​ക്ക​പ്പെട്ടു എന്ന അർഥത്തിൽ ഭൂമി​യി​ലേക്കു തീ എറിയ​പ്പെട്ടു, അത്‌ അങ്ങനെ​തന്നെ തുടരു​ക​യും ചെയ്യുന്നു! നിശബ്ദ​ത​യു​ടെ സ്ഥാനത്തു ശക്തമായ നാദങ്ങൾ വന്നു, വ്യക്തത​യോ​ടെ രാജ്യ​ദൂ​തു ഘോഷി​ച്ചു​കൊ​ണ്ടു​തന്നെ. ബൈബി​ളിൽനിന്ന്‌ ഇടിമു​ഴ​ക്ക​ത്തോ​ടു​കൂ​ടിയ കൊടു​ങ്കാ​റ​റു​സ​മാന മുന്നറി​യി​പ്പു​കൾ മുഴങ്ങി. മിന്നൽവെ​ളി​ച്ചം​പോ​ലെ യഹോ​വ​യു​ടെ പ്രവാചക വചനത്തിൽനി​ന്നു സത്യത്തി​ന്റെ ഉജ്ജ്വല കിരണങ്ങൾ പ്രകാ​ശി​ച്ചു. ശക്തമായ ഒരു ഭൂകമ്പ​ത്താ​ലെ​ന്ന​പോ​ലെ മതമണ്ഡ​ല​ത്തി​ന്റെ അടിസ്ഥാ​നങ്ങൾ വരെ ഇളക്ക​പ്പെട്ടു. വേല ചെയ്യ​പ്പെ​ടാ​നു​ണ്ടെന്ന്‌ യോഹ​ന്നാൻവർഗം മനസ്സി​ലാ​ക്കി. ഇന്നോളം ആ വേല മുഴു​നി​വ​സിത ഭൂമി​യി​ലും മഹത്തായ വിധത്തിൽ വ്യാപി​ച്ചു​കൊ​ണ്ടു​മി​രി​ക്കു​ന്നു!—റോമർ 10:18.

കാഹളം ഊതു​വാൻ ഒരുങ്ങു​ന്നു

10. ഏഴു ദൂതൻമാർ എന്തു ചെയ്യാൻ ഒരുങ്ങു​ന്നു, എന്തു​കൊണ്ട്‌?

¹⁰ യോഹ​ന്നാൻ തുടർന്നു പറയുന്നു: “ഏഴു കാഹള​മു​ളള ദൂതൻമാർ എഴുവ​രും കാഹളം ഊതു​വാൻ ഒരുങ്ങി​നി​ന്നു.” (വെളി​പ്പാ​ടു 8:6) ആ കാഹള​ങ്ങ​ളു​ടെ മുഴക്കൽ എന്തർഥ​മാ​ക്കു​ന്നു? ഇസ്രാ​യേ​ലി​ന്റെ നാളു​ക​ളിൽ കാഹളം മുഴക്കൽ പ്രധാ​ന​ദി​ന​ങ്ങ​ളെ​യോ ശ്രദ്ധേ​യ​സം​ഭ​വ​ങ്ങ​ളെ​യോ അറിയി​ക്കാൻ ഉപയോ​ഗി​ക്ക​പ്പെ​ട്ടി​രു​ന്നു. (ലേവ്യ​പു​സ്‌തകം 23:24; 2 രാജാ​ക്കൻമാർ 11:14) അതു​പോ​ലെ​തന്നെ, യോഹ​ന്നാൻ കേൾക്കാൻ പോകുന്ന കാഹള​നാ​ദങ്ങൾ ജീവൻമരണ പ്രാധാ​ന്യ​മർഹി​ക്കുന്ന കാര്യ​ങ്ങ​ളി​ലേക്കു ശ്രദ്ധ ക്ഷണിക്കും.

11. യോഹ​ന്നാൻവർഗം 1919 മുതൽ 1922 വരെ ഭൂമി​യിൽ ഏത്‌ ഒരുക്ക​വേല നടത്തി?

¹¹ ദൂതൻമാർ ആ കാഹളങ്ങൾ ഊതാൻ ഒരുങ്ങി​യ​പ്പോൾ, അവർ ഭൂമി​യിൽ ഒരു ഒരുക്ക​വേ​ല​യ്‌ക്കു ശ്രദ്ധ നൽകു​ക​കൂ​ടെ​യാ​യി​രു​ന്നു എന്നതിനു സംശയ​മില്ല. പുനർജീ​വി​പ്പി​ക്ക​പ്പെട്ട യോഹ​ന്നാൻവർഗം 1919 മുതൽ 1922 വരെ പരസ്യ​ശു​ശ്രൂഷ പുനഃ​സം​ഘ​ടി​പ്പി​ക്കാ​നും പ്രസി​ദ്ധീ​കരണ സൗകര്യ​ങ്ങൾ നിർമി​ക്കാ​നും ഉളള തിരക്കി​ലാ​യി​രു​ന്നു. ഇന്ന്‌ ഉണരുക! എന്നറി​യ​പ്പെ​ടുന്ന സുവർണ​യു​ഗം എന്ന മാസിക “വസ്‌തു​ത​യു​ടെ​യും പ്രത്യാ​ശ​യു​ടെ​യും തികഞ്ഞ ബോധ്യ​ത്തി​ന്റെ​യും ഒരു പ്രസി​ദ്ധീ​ക​രണം” എന്നനി​ല​യിൽ 1919-ൽ ആനയി​ക്ക​പ്പെട്ടു—വ്യാജ​മ​ത​ത്തി​ന്റെ രാഷ്‌ട്രീയ ഉൾപ്പെടൽ തുറന്നു​കാ​ട്ടു​ന്ന​തിൽ ഒരു പ്രധാന പങ്കുവ​ഹി​ക്കുന്ന ഒരു കാഹള​സ​മാന ഉപകര​ണം​തന്നെ.

12. ഓരോ കാഹളം മുഴക്ക​ലി​നാ​ലും എന്തു വിളമ്പരം ചെയ്യ​പ്പെട്ടു, മോശ​യു​ടെ നാളിലെ എന്തു നമ്മെ അനുസ്‌മ​രി​പ്പി​ച്ചു​കൊ​ണ്ടു​തന്നെ?

¹² നാം ഇപ്പോൾ കാണാൻപോ​കുന്ന പ്രകാരം, ഓരോ കാഹള​മു​ഴ​ക്ക​വും ഒരു നാടകീയ രംഗം വിളമ്പരം ചെയ്യുന്നു, അതിൽ ഭീകര ബാധകൾ ഭൂഭാ​ഗ​ങ്ങളെ ബാധി​ക്കു​ന്നു. ഇവയിൽ ചിലതു മോശ​യു​ടെ നാളിൽ ഈജി​പ്‌തു​കാ​രെ ശിക്ഷി​ക്കാൻ യഹോവ അയച്ച ബാധക​ളെ​ക്കു​റി​ച്ചു നമ്മെ അനുസ്‌മ​രി​പ്പി​ക്കു​ന്നു. (പുറപ്പാ​ടു 7:19–12:32) ഇവ ആ ജനതയു​ടെ​മേ​ലു​ളള യഹോ​വ​യു​ടെ ന്യായ​വി​ധി​യു​ടെ പ്രകട​നങ്ങൾ ആയിരു​ന്നു, അവ ദൈവ​ജ​ന​ങ്ങൾക്ക്‌ അടിമ​ത്ത​ത്തിൽനി​ന്നു രക്ഷപ്പെ​ടാൻ വഴി തുറന്നു​കൊ​ടു​ക്കു​ക​യും ചെയ്‌തു. യോഹ​ന്നാൻ കണ്ട ബാധകൾ സമാന​മായ ചിലതു സാധി​ക്കു​ന്നു. എന്നുവ​രി​കി​ലും, അവ അക്ഷരാർഥ ബാധകൾ അല്ല. അവ യഹോ​വ​യു​ടെ നീതി​യു​ളള ന്യായ​വി​ധി​കളെ പ്രതീ​ക​പ്പെ​ടു​ത്തുന്ന അടയാ​ളങ്ങൾ ആണ്‌.—വെളി​പ്പാ​ടു 1:1.

‘മൂന്നി​ലൊ​ന്നി​നെ’ തിരി​ച്ച​റി​യൽ

13. ആദ്യത്തെ നാലു കാഹളങ്ങൾ മുഴക്കു​മ്പോൾ എന്തു സംഭവി​ക്കു​ന്നു, ഇത്‌ ഏതു ചോദ്യം ഉന്നയി​ക്കു​ന്നു?

¹³ നാം കാണാൻപോ​കുന്ന പ്രകാരം ആദ്യത്തെ നാലു കാഹളങ്ങൾ മുഴക്ക​പ്പെ​ടു​മ്പോൾ ബാധകൾ ഭൂമി​യു​ടെ​യും, സമു​ദ്ര​ത്തി​ന്റെ​യും, നദിക​ളു​ടെ​യും നീരു​റ​വു​ക​ളു​ടെ​യും, ഭൂമി​യു​ടെ പ്രകാശ ഉറവു​ക​ളു​ടെ​യും ‘മൂന്നി​ലൊ​ന്നി​നെ’ ബാധി​ക്കു​ന്നു. (വെളി​പ്പാ​ടു 8:7-12) ‘മൂന്നി​ലൊ​ന്നു’ എന്തി​ന്റെ​യെ​ങ്കി​ലും ഒരു ഗണ്യമായ ഭാഗമാണ്‌, മുഴു​വ​നു​മല്ല. (താരത​മ്യം ചെയ്യുക: യെശയ്യാ​വു 19:24; യെഹെ​സ്‌കേൽ 5:2; സെഖര്യാ​വു 13:8, 9.) അതു​കൊണ്ട്‌ ഈ ബാധകൾ ഏററവു​മ​ധി​കം അർഹി​ക്കുന്ന “മൂന്നി​ലൊ​ന്നു” ഏതായി​രി​ക്കും? മനുഷ്യ​വർഗ​ത്തിൽ ബഹുഭൂ​രി​പ​ക്ഷ​വും സാത്താ​നാ​ലും അവന്റെ സന്തതി​യാ​ലും അന്ധരാ​ക്ക​പ്പെട്ടു ദുഷി​പ്പി​ക്ക​പ്പെ​ട്ടി​രി​ക്കു​ന്നു. (ഉല്‌പത്തി 3:15; 2 കൊരി​ന്ത്യർ 4:4) ഈ അവസ്ഥ ദാവീദ്‌ വർണി​ച്ച​തു​പോ​ലെ​യാണ്‌: “എല്ലാവ​രും വഴി​തെ​ററി ഒരു​പോ​ലെ കൊള​ള​രു​താ​ത്ത​വ​രാ​യി​ത്തീർന്നു; നൻമ ചെയ്യു​ന്ന​വ​നില്ല; ഒരുത്തൻപോ​ലു​മില്ല.” (സങ്കീർത്തനം 14:3) അതെ, മനുഷ്യ​വർഗം മുഴു​വ​നും ഒരു പ്രതി​കൂല ന്യായ​വി​ധി സ്വീക​രി​ക്കേണ്ട അപകട​ത്തി​ലാണ്‌. എന്നാൽ അതി​ലൊ​രു ഭാഗം പ്രത്യേ​കി​ച്ചും കുററ​മു​ള​ള​താണ്‌. ഒരു ഭാഗം—“മൂന്നി​ലൊ​ന്നു”—നന്നായ​റി​ഞ്ഞി​രി​ക്കേ​ണ്ട​താ​യി​രു​ന്നു! ആ “മൂന്നി​ലൊ​ന്നു” എന്താണ്‌?

14. യഹോ​വ​യിൽ നിന്നുളള ബാധാ​സ​ന്ദേ​ശങ്ങൾ സ്വീക​രി​ക്കുന്ന പ്രതീ​കാ​ത്മക മൂന്നി​ലൊന്ന്‌ എന്താണ്‌?

¹⁴ അതു ക്രൈ​സ്‌ത​വ​ലോ​ക​മാണ്‌! അവളുടെ മണ്ഡലം 1920-കളിൽ മനുഷ്യ​വർഗ​ത്തിൽ ഏതാണ്ടു മൂന്നി​ലൊ​ന്നി​നെ ഉൾക്കൊ​ണ്ടി​രു​ന്നു. അവളുടെ മതം സത്യ​ക്രി​സ്‌ത്യാ​നി​ത്വ​ത്തിൽ നിന്നുളള ഒരു വലിയ വിശ്വാ​സ​ത്യാ​ഗ​ത്തി​ന്റെ ഫലമാണ്‌—യേശു​വും അവന്റെ ശിഷ്യൻമാ​രും മുൻകൂ​ട്ടി പറഞ്ഞ വിശ്വാ​സ​ത്യാ​ഗം തന്നെ. (മത്തായി 13:24-30; പ്രവൃ​ത്തി​കൾ 20:29, 30; 2 തെസ്സ​ലൊ​നീ​ക്യർ 2:3; 2 പത്രൊസ്‌ 2:1-3) ക്രൈ​സ്‌ത​വ​ലോ​ക​ത്തി​ലെ വൈദി​കർ ദൈവ​ത്തി​ന്റെ ആലയത്തിൽ ആണെന്ന്‌ അവകാ​ശ​പ്പെ​ടു​ക​യും ക്രിസ്‌ത്യാ​നി​ത്വ​ത്തി​ന്റെ ഉപദേ​ഷ്ടാ​ക്ക​ളാ​യി സ്വയം ചിത്രീ​ക​രി​ക്കു​ക​യും ചെയ്‌തി​രി​ക്കു​ന്നു. എന്നാൽ അവരുടെ ഉപദേ​ശങ്ങൾ ബൈബിൾ സത്യത്തിൽനി​ന്നു വളരെ വിദൂ​ര​ത​യി​ലാണ്‌, അവർ തുടർച്ച​യാ​യി ദൈവ​നാ​മ​ത്തിന്‌ നിന്ദ വരുത്തു​ക​യും ചെയ്യുന്നു. ഉചിത​മാ​യും പ്രതീ​കാ​ത്മക മൂന്നി​ലൊ​ന്നി​നാൽ പ്രതി​നി​ധാ​നം ചെയ്യ​പ്പെ​ട്ടു​കൊ​ണ്ടു ക്രൈ​സ്‌ത​വ​ലോ​ക​ത്തിന്‌ യഹോ​വ​യിൽനിന്ന്‌ ഊററ​മായ ബാധാ​സ​ന്ദേ​ശങ്ങൾ ലഭിക്കു​ന്നു. മനുഷ്യ​വർഗ​ത്തി​ലെ ആ മൂന്നി​ലൊന്ന്‌ ഏതായാ​ലും യാതൊ​രു ദിവ്യ​പ്രീ​തി​യും അർഹി​ക്കു​ന്നില്ല!

15. (എ) ഓരോ കാഹളം മുഴക്ക​ലും ഒരു പ്രത്യേക വർഷത്തി​ലേക്കു മാത്ര​മാ​ണോ? വിശദീ​ക​രി​ക്കുക. (ബി) യഹോ​വ​യു​ടെ ന്യായ​വി​ധി​കൾ ഘോഷി​ക്കു​ന്ന​തിൽ ആരുടെ ശബ്ദം യോഹ​ന്നാൻവർഗ​ത്തി​ന്റേ​തി​നോ​ടു ചേർക്ക​പ്പെ​ട്ടി​രി​ക്കു​ന്നു?

¹⁵ കാഹളം മുഴക്ക​ലിന്‌ ഒരു ക്രമം ഉണ്ടായി​രി​ക്കു​ന്ന​തി​നോ​ടു​ളള ചേർച്ച​യിൽ 1922 മുതൽ 1928 വരെ നടന്ന ഏഴു കൺ​വെൻ​ഷ​നു​ക​ളിൽ പ്രത്യേക പ്രമേ​യങ്ങൾ വിശേ​ഷ​വ​ത്‌ക​രി​ക്ക​പ്പെട്ടു. എന്നാൽ കാഹളം മുഴക്കൽ ആ വർഷങ്ങ​ളി​ലേക്കു മാത്ര​മാ​യി പരിമി​ത​പ്പെ​ടു​ത്തി​യി​ട്ടില്ല. കർത്താ​വി​ന്റെ ദിവസം തുടരവേ ക്രൈ​സ്‌ത​വ​ലോ​ക​ത്തി​ന്റെ ദുഷ്ട വഴിക​ളു​ടെ ശക്തമായ തുറന്നു​കാ​ട്ടൽ തുടർച്ച​യാ​യി നടന്നു​കൊ​ണ്ടി​രി​ക്കു​ന്നു. സാർവ​ദേ​ശീയ വിദ്വേ​ഷ​വും പീഡന​ങ്ങ​ളും ഗണ്യമാ​ക്കാ​തെ യഹോ​വ​യു​ടെ ന്യായ​വി​ധി​കൾ സാർവ​ത്രി​ക​മാ​യി എല്ലാ ജനതക​ളോ​ടും ഘോഷി​ക്ക​പ്പെ​ടണം. അപ്പോൾ മാത്രമേ സാത്താന്റെ വ്യവസ്ഥി​തി​യു​ടെ അവസാനം വരുന്നു​ളളു. (മർക്കൊസ്‌ 13:10, 13) ലോക​വ്യാ​പ​ക​മാ​യി പ്രാധാ​ന്യ​മു​ളള ആ ഊററ​മായ പ്രഖ്യാ​പ​നങ്ങൾ മുഴക്കു​ന്ന​തിൽ ഇപ്പോൾ മഹാപു​രു​ഷാ​രം അതിന്റെ ശബ്ദം യോഹ​ന്നാൻവർഗ​ത്തി​ന്റേ​തി​നോ​ടു ചേർത്തി​രി​ക്കു​ന്നു​വെ​ന്നതു സന്തോ​ഷ​കരം തന്നെ.

ഭൂമി​യിൽ മൂന്നി​ലൊ​ന്നു വെന്തു​പോ​യി

16. ഒന്നാമത്തെ ദൂതൻ തന്റെ കാഹളം ഊതു​മ്പോൾ എന്തു സംഭവി​ക്കു​ന്നു?

¹⁶ ദൂതൻമാ​രെ സംബന്ധി​ച്ചു റിപ്പോർട്ടു ചെയ്‌തു​കൊണ്ട്‌ യോഹ​ന്നാൻ എഴുതു​ന്നു: “ഒന്നാമ​ത്തവൻ ഊതി; അപ്പോൾ രക്തം കലർന്ന കല്‌മ​ഴ​യും തീയും ഭൂമി​മേൽ ചൊരി​ഞ്ഞി​ട്ടു ഭൂമി​യിൽ മൂന്നി​ലൊ​ന്നു വെന്തു​പോ​യി; വൃക്ഷങ്ങ​ളിൽ മൂന്നി​ലൊ​ന്നു വെന്തു​പോ​യി; എല്ലാ പച്ചപ്പു​ല്ലും വെന്തു​പോ​യി.” (വെളി​പ്പാ​ടു 8:7) ഇത്‌ ഈജി​പ്‌തി​ലെ ഏഴാം ബാധക്കു സമാന​മാണ്‌, എന്നാൽ നമ്മുടെ 20-ാം നൂററാ​ണ്ടി​ലേക്ക്‌ അത്‌ എന്തർഥ​മാ​ക്കു​ന്നു?—പുറപ്പാ​ടു 9:24.

17. (എ) വെളി​പ്പാ​ടു 8:7-ലെ “ഭൂമി” എന്ന പദം എന്തിനെ പ്രതി​നി​ധാ​നം ചെയ്യുന്നു? (ബി) ക്രൈ​സ്‌ത​വ​ലോ​ക​ത്തി​ലെ മൂന്നി​ലൊ​ന്നു വെന്തു​പോ​കു​ന്നത്‌ എങ്ങനെ?

¹⁷ ബൈബി​ളിൽ “ഭൂമി” എന്ന പദം മിക്ക​പ്പോ​ഴും മനുഷ്യ​വർഗത്തെ പരാമർശി​ക്കു​ന്നു. (ഉല്‌പത്തി 11:1; സങ്കീർത്തനം 96:1) രണ്ടാമത്തെ ബാധ സമു​ദ്ര​ത്തിൽ ആയതു​കൊണ്ട്‌, അതും മനുഷ്യ​വർഗ​ത്തോ​ടു ബന്ധപ്പെ​ട്ടി​രി​ക്കു​ന്ന​തു​കൊണ്ട്‌, “ഭൂമി” സാത്താൻ പണിതു​യർത്തി​യി​ട്ടു​ള​ള​തും നശിപ്പി​ക്ക​പ്പെ​ടാ​നി​രി​ക്കു​ന്ന​തു​മായ മനുഷ്യ​സ​മു​ദാ​യ​ത്തി​ലെ ഉറപ്പു​ള​ള​താ​യി തോന്നുന്ന ഭാഗത്തെ ആയിരി​ക്കണം പരാമർശി​ക്കു​ന്നത്‌. (2 പത്രൊസ്‌ 3:7; വെളി​പ്പാ​ടു 21:1) യഹോ​വ​യു​ടെ അപ്രീ​തി​യാ​കുന്ന പൊള​ളി​ക്കുന്ന ചൂട്‌ ഭൂമി​യു​ടെ മൂന്നി​ലൊ​ന്നായ ക്രൈ​സ്‌ത​വ​ലോ​കത്തെ കരിക്കു​ന്ന​താ​യി ബാധയു​ടെ രംഗം വെളി​പ്പെ​ടു​ത്തു​ന്നു. യഹോ​വ​യു​ടെ പ്രതി​കൂല ന്യായ​വി​ധി​യു​ടെ ഘോഷ​ണ​ത്താൽ അവളുടെ പ്രധാ​നി​കൾ—അവളുടെ മധ്യേ വൃക്ഷങ്ങ​ളെ​പ്പോ​ലെ നിവർന്നു നിൽക്കു​ന്നവർ—വെന്തു​പോ​കു​ന്നു. അവളുടെ കോടി​ക്ക​ണ​ക്കി​നു സഭാം​ഗങ്ങൾ, അവർ ക്രൈ​സ്‌ത​വ​ലോ​ക​മ​തത്തെ തുടർന്നു പിന്താ​ങ്ങു​ന്നെ​ങ്കിൽ കരിഞ്ഞ പുല്ലു​പോ​ലെ ദൈവ​ദൃ​ഷ്ടി​യിൽ ആത്മീയ​മാ​യി ക്ഷയിച്ച​വ​രാ​യി​ത്തീ​രു​ന്നു.—താരത​മ്യം ചെയ്യുക: സങ്കീർത്തനം 37:1, 2.a

18. യഹോ​വ​യു​ടെ ന്യായ​വി​ധി​ദൂത്‌ 1922-ലെ സീഡാർ പോയിൻറ്‌ കൺ​വെൻ​ഷ​നിൽ ഘോഷി​ക്ക​പ്പെ​ട്ട​തെ​ങ്ങനെ?

¹⁸ ഈ ന്യായ​വി​ധി​ദൂ​തു നല്‌ക​പ്പെ​ടു​ന്ന​തെ​ങ്ങ​നെ​യാണ്‌? പൊതു​വേ, ലോക​ത്തി​ലെ വാർത്താ​മാ​ധ്യ​മങ്ങൾ വഴിയല്ല; അതു ലോക​ത്തി​ന്റെ ഭാഗമാണ്‌, ദൈവ​ത്തി​ന്റെ ‘അടിമയെ’ പലപ്പോ​ഴും നിന്ദി​ക്കു​ന്ന​തു​മാണ്‌. (മത്തായി 24:45) ഇത്‌ 1922 സെപ്‌റ​റം​ബർ 10-ന്‌ ഒഹാ​യോ​യി​ലെ സീഡാർ പോയിൻറിൽ വെച്ചു നടന്ന ദൈവ​ജ​ന​ത്തി​ന്റെ രണ്ടാമത്തെ ചരി​ത്ര​പ്ര​ധാന സമ്മേള​ന​ത്തിൽ ശ്രദ്ധേ​യ​മായ ഒരു വിധത്തിൽ ഘോഷി​ക്ക​പ്പെട്ടു. ഇവർ “ലോക​നേ​താ​ക്കൾക്ക്‌ ഒരു വെല്ലു​വി​ളി” എന്ന തലക്കെ​ട്ടിൽ ഒരു പ്രമേയം ഉത്സാഹ​പൂർവം ഏകകണ്‌ഠ​മാ​യി അംഗീ​ക​രി​ച്ചു. അത്‌ ആധുനിക നാളിലെ പ്രതീ​കാ​ത്മക ഭൂമിക്കു പിൻവ​രു​ന്ന​പ്ര​കാ​രം വെട്ടി​ത്തു​റന്നു മുന്നറി​യി​പ്പു നൽകി: “ഞങ്ങൾ അതു​കൊണ്ട്‌, ഭൂമി​യി​ലെ ജനതക​ളെ​യും, അവരുടെ ഭരണാ​ധി​കാ​രി​ക​ളെ​യും നായകൻമാ​രെ​യും, ഭൂമി​യി​ലെ എല്ലാ സഭാവി​ഭാ​ഗ​ങ്ങ​ളി​ലെ​യും വൈദി​ക​രെ​യും അവരുടെ അനുഗാ​മി​ക​ളെ​യും സഖ്യക​ക്ഷി​ക​ളെ​യും വലിയ വ്യവസാ​യി​ക​ളെ​യും രാജ്യ​ത​ന്ത്ര​ജ്ഞ​രെ​യും, ഭൂമി​യിൽ സമാധാ​ന​വും ഐശ്വ​ര്യ​വും സ്ഥാപി​ക്കാ​നും ജനത്തിനു സന്തുഷ്ടി കൈവ​രു​ത്താ​നും തങ്ങൾക്കു കഴിയു​മെ​ന്നു​ളള അവരുടെ നിലപാ​ടി​നെ ന്യായീ​ക​രി​ക്കാൻ തെളിവു ഹാജരാ​ക്കു​ന്ന​തി​നു ക്ഷണിക്കു​ന്നു. അവർ ഇതിൽ പരാജ​യ​പ്പെ​ടു​ന്നെ​ങ്കിൽ കർത്താ​വി​ന്റെ സാക്ഷി​ക​ളെന്ന നിലയിൽ ഞങ്ങൾ നൽകുന്ന സാക്ഷ്യ​ത്തി​നു ചെവി കൊടു​ക്കാ​നും ഞങ്ങളുടെ സാക്ഷ്യം സത്യമാ​ണോ അല്ലയോ എന്നു പറയാ​നും ഞങ്ങൾ അവരെ ക്ഷണിക്കു​ന്നു.”

19. ദൈവ​രാ​ജ്യ​ത്തെ സംബന്ധി​ച്ചു ദൈവ​ജനം ക്രൈ​സ്‌ത​വ​ലോ​ക​ത്തിന്‌ എന്തു സാക്ഷ്യം നൽകി?

¹⁹ ഈ ക്രിസ്‌ത്യാ​നി​കൾ എന്തു സാക്ഷ്യ​മാ​ണു നൽകി​യത്‌? ഇതു തന്നെ: “മനുഷ്യ​വർഗ​ത്തി​ന്റെ എല്ലാ രോഗ​ങ്ങൾക്കു​മു​ളള പൂർണ​മായ സിദ്ധൗ​ഷധം മിശി​ഹൈക രാജ്യ​മാ​ണെന്നു ഞങ്ങൾ കരുതു​ക​യും പ്രഖ്യാ​പി​ക്കു​ക​യും ചെയ്യുന്നു, അതു സകല ജനതക​ളു​ടെ​യും അഭിലാ​ഷ​മായ ഭൂമി​യിൽ സമാധാ​ന​വും മനുഷ്യർക്കു സൻമന​സ്സും കൈവ​രു​ത്തും; ഇപ്പോൾ തുടങ്ങി​ക്ക​ഴി​ഞ്ഞി​രി​ക്കുന്ന അവന്റെ നീതി​യു​ളള വാഴ്‌ചക്കു മനസ്സോ​ടെ വഴങ്ങു​ന്നവർ നിത്യ​സ​മാ​ധാ​ന​വും ജീവനും സ്വാത​ന്ത്ര്യ​വും അനന്ത സന്തുഷ്ടി​യും കൊണ്ട്‌ അനു​ഗ്ര​ഹി​ക്ക​പ്പെ​ടും.” ഈ ദുഷിച്ച കാലങ്ങ​ളിൽ, ലോക​ത്തി​ലെ പ്രശ്‌നങ്ങൾ പരിഹ​രി​ക്കാൻ മാനു​ഷിക ഗവൺമെൻറു​കൾ, വിശേ​ഷി​ച്ചും ക്രൈ​സ്‌ത​വ​ലോ​ക​ത്തി​ലേത്‌, തീർത്തും പരാജ​യ​മ​ട​യു​മ്പോൾ ആ കാഹള വെല്ലു​വി​ളി 1922-ലെക്കാൾ കൂടുതൽ ശക്തി​യോ​ടെ മുഴങ്ങു​ന്നു. അവന്റെ ജയിച്ച​ട​ക്കുന്ന ക്രിസ്‌തു​വി​ന്റെ കൈക​ളി​ലെ ദൈവ​രാ​ജ്യ​മാ​ണു മനുഷ്യ​വർഗ​ത്തി​ന്റെ ഒരേ​യൊ​രു പ്രത്യാശ എന്നുള​ളത്‌ എത്ര സത്യം!

20. (എ) അഭിഷിക്ത ക്രിസ്‌ത്യാ​നി​ക​ളു​ടെ സഭ 1922-ലും അതിനു​ശേ​ഷ​വും ന്യായ​വി​ധി ദൂതുകൾ മുഴക്കി​യി​രി​ക്കു​ന്നത്‌ ഏതു മുഖാ​ന്ത​ര​ത്താൽ? (ബി) ക്രൈ​സ്‌ത​വ​ലോ​ക​ത്തിൽ ആദ്യത്തെ കാഹളം മുഴക്ക​ലിൽനിന്ന്‌ എന്തു ഫലമു​ണ്ടാ​യി?

²⁰ പ്രമേ​യങ്ങൾ, ലഘു​ലേ​ഖകൾ, ചെറു​പു​സ്‌ത​കങ്ങൾ, മാസി​കകൾ, പ്രസം​ഗങ്ങൾ എന്നിവ​യി​ലൂ​ടെ ഇതും പിന്നീ​ടു​ളള പ്രഖ്യാ​പ​ന​ങ്ങ​ളും അഭിഷിക്ത ക്രിസ്‌ത്യാ​നി​ക​ളു​ടെ സഭ മുഖാ​ന്തരം മുഴക്ക​പ്പെട്ടു. ആദ്യത്തെ കാഹളം മുഴക്കൽ ആലിപ്പ​ഴം​കൊ​ണ്ടു​ളള കല്‌മ​ഴ​യാൽ എന്നപോ​ലെ ക്രൈ​സ്‌ത​വ​ലോ​കത്തെ പ്രഹരി​ക്കു​ന്ന​തിൽ കലാശി​ച്ചു. ഇരുപ​താം നൂററാ​ണ്ടി​ലെ യുദ്ധങ്ങ​ളിൽ പങ്കെടു​ത്തതു നിമി​ത്ത​മു​ളള അവളുടെ രക്തപാ​തകം തുറന്നു​കാ​ട്ട​പ്പെട്ടു, അവൾ യഹോ​വ​യു​ടെ ക്രോ​ധ​ത്തി​ന്റെ ഉഗ്രമായ പ്രകടനം അർഹി​ക്കു​ന്ന​താ​യി പ്രകട​മാ​ക്ക​പ്പെ​ട്ടി​രി​ക്കു​ന്നു. നാശ​യോ​ഗ്യ​യെന്ന നിലയിൽ ക്രൈ​സ്‌ത​വ​ലോ​കത്തെ സംബന്ധി​ച്ചു​ളള യഹോ​വ​യു​ടെ വീക്ഷണ​ത്തി​ലേക്കു ശ്രദ്ധയാ​കർഷി​ച്ചു​കൊണ്ട്‌ യോഹ​ന്നാൻവർഗം പിൽക്കാ​ലത്തു മഹാപു​രു​ഷാ​ര​ത്തി​ന്റെ പിന്തു​ണ​യോ​ടെ ഒന്നാമത്തെ കാഹളം പ്രതി​ധ്വ​നി​പ്പി​ക്കു​ന്ന​തിൽ തുടർന്നി​രി​ക്കു​ന്നു.—വെളി​പ്പാ​ടു 7:9, 15.

കത്തുന്ന ഒരു പർവതം​പോ​ലെ

21. രണ്ടാമത്തെ ദൂതൻ തന്റെ കാഹളം ഊതു​മ്പോൾ എന്തു സംഭവി​ക്കു​ന്നു?

²¹ “രണ്ടാമത്തെ ദൂതൻ ഊതി; അപ്പോൾ തീ കത്തുന്ന വൻമല​പോ​ലെ​യൊ​ന്നു [പർവതം, NW] സമു​ദ്ര​ത്തി​ലേക്കു എറിഞ്ഞി​ട്ടു കടലിൽ മൂന്നി​ലൊ​ന്നു രക്തമാ​യി​ത്തീർന്നു. സമു​ദ്ര​ത്തിൽ പ്രാണ​നു​ളള സൃഷ്ടി​ക​ളിൽ മൂന്നി​ലൊ​ന്നു ചത്തു​പോ​യി; കപ്പലു​ക​ളി​ലും മൂന്നി​ലൊ​ന്നു ചേതം വന്നു.” (വെളി​പ്പാ​ടു 8:8, 9) ഈ ഭീതി​പ്പെ​ടു​ത്തുന്ന രംഗം എന്തിനെ ചിത്രീ​ക​രി​ക്കു​ന്നു?

22, 23. (എ) രണ്ടാം കാഹളം മുഴക്ക​ലി​ന്റെ ഫലമായി നിസ്സം​ശ​യ​മാ​യും ഏതു പ്രമേയം വന്നു? (ബി) ‘സമു​ദ്ര​ത്തിൽ മൂന്നി​ലൊ​ന്നു’ എന്തിനെ പ്രതി​നി​ധാ​നം ചെയ്യുന്നു?

²² യു.എസ്‌.എ.യിലുളള കാലി​ഫോർണി​യാ​യി​ലെ ലോസ്‌ ആഞ്ചലസിൽ 1923 ആഗസ്‌ററ്‌ 18 മുതൽ 26 വരെ നടത്തപ്പെട്ട യഹോ​വ​യു​ടെ ജനത്തിന്റെ കൺ​വെൻ​ഷൻ പശ്ചാത്ത​ല​ത്തിൽ നമുക്കതു മെച്ചമാ​യി മനസ്സി​ലാ​ക്കാ​വു​ന്ന​താണ്‌. ശനിയാഴ്‌ച ഉച്ചകഴി​ഞ്ഞു വാച്ച്‌ ടവർ സൊ​സൈ​റ​റി​യു​ടെ പ്രസി​ഡൻറ്‌ നടത്തിയ പ്രത്യേക പ്രസം​ഗ​ത്തി​ന്റെ വിഷയം “ചെമ്മരി​യാ​ടു​ക​ളും കോലാ​ടു​ക​ളും” എന്നതാ​യി​രു​ന്നു. ദൈവ​രാ​ജ്യ​ത്തി​ന്റെ ഭൗമിക മണ്ഡലം അവകാ​ശ​മാ​ക്കുന്ന നീതി​പ്ര​കൃ​ത​മു​ളള ആളുക​ളാ​ണു “ചെമ്മരി​യാ​ടു​കൾ” എന്നു വ്യക്തമാ​യി തിരി​ച്ച​റി​യി​ക്ക​പ്പെട്ടു. തുടർന്നു വന്ന ഒരു പ്രമേയം “വിശ്വാ​സ​ത്യാ​ഗം ഭവിച്ച വൈദി​ക​രു​ടെ​യും ശക്തമായ സാമ്പത്തിക രാഷ്‌ട്രീയ സ്വാധീ​ന​മു​ളള ലൗകി​ക​മ​നു​ഷ്യ​രായ ‘അവരുടെ ആടുക​ളി​ലെ പ്രമു​ഖ​രു​ടെ​യും’” കപടഭ​ക്തി​യി​ലേക്കു ശ്രദ്ധയാ​കർഷി​ച്ചു. അത്‌, “കർത്താവ്‌ ‘ബാബി​ലോൻ’ ആയി തിരി​ച്ച​റി​യിച്ച നീതി​കെട്ട സഭാവ്യ​വ​സ്ഥി​തി​ക​ളിൽനി​ന്നു തങ്ങളെ​ത്തന്നെ വേർപെ​ടു​ത്താൻ . . . സമാധാ​ന​ത്തെ​യും സൽക്ര​മ​ത്തെ​യും സ്‌നേ​ഹി​ക്കു​ന്ന​വ​രായ സഭാവി​ഭാ​ഗ​ങ്ങ​ളി​ലെ പുരു​ഷാ​രത്തെ” ആഹ്വാനം ചെയ്‌തു. “ദൈവ​രാ​ജ്യ​ത്തി​ന്റെ അനു​ഗ്ര​ഹങ്ങൾ സ്വീക​രി​ക്കാൻ” തങ്ങളെ​ത്തന്നെ ഒരുക്കു​ന്ന​തി​നും ആഹ്വാനം ചെയ്‌തു.

²³ നിസ്സം​ശ​യ​മാ​യും രണ്ടാം കാഹളം മുഴക്ക​ലി​ന്റെ ഫലമാ​യി​ട്ടാണ്‌ ഈ പ്രമേയം വന്നത്‌. തക്കസമ​യത്ത്‌ ആ സന്ദേശ​ത്തോ​ടു പ്രതി​ക​രി​ക്കു​ന്നവർ യെശയ്യാവ്‌ പിൻവ​രുന്ന വാക്കു​ക​ളിൽ വർണി​ക്കു​ന്ന​തരം കോലാ​ടു​തു​ല്യ സമൂഹ​ത്തിൽനി​ന്നു തങ്ങളെ​ത്തന്നെ വേർപെ​ടു​ത്തും: “ദുഷ്ടൻമാ​രോ കലങ്ങി​മ​റി​യുന്ന കടൽപോ​ലെ​യാ​കു​ന്നു; അതിന്നു അടങ്ങി​യി​രി​പ്പാൻ കഴിക​യില്ല; അതിലെ വെളളം ചേറും ചെളി​യും മേലോ​ട്ടു തളളുന്നു.” (യെശയ്യാ​വു 57:20; 17:12, 13) അങ്ങനെ ‘സമുദ്രം’ വിശ്ര​മ​മി​ല്ലാത്ത, അടങ്ങി​യി​രി​ക്കാത്ത, അസ്വസ്ഥ​ത​യും വിപ്ലവ​വും ഇളക്കി​വി​ടുന്ന മത്സരി​ക​ളായ മനുഷ്യ​വർഗത്തെ നന്നായി ചിത്രീ​ക​രി​ക്കു​ന്നു. (താരത​മ്യം ചെയ്യുക: വെളി​പ്പാ​ടു 13:1.) മേലാൽ ആ ‘സമുദ്രം’ ഇല്ലാത്ത കാലം വരും. (വെളി​പ്പാ​ടു 21:1) ഇതിനി​ട​യിൽ, രണ്ടാമത്തെ കാഹളം മുഴക്ക​ലോ​ടെ അതിൽ മൂന്നി​ലൊ​ന്നി​നെ​തി​രെ യഹോവ ന്യായ​വി​ധി പ്രഖ്യാ​പി​ക്കു​ന്നു—ക്രൈ​സ്‌ത​വ​ലോ​ക​മ​ണ്ഡ​ല​ത്തി​ലെ പ്രക്ഷു​ബ്ധ​മായ ഭാഗത്തി​നെ​തി​രെ തന്നെ.

24. സമു​ദ്ര​ത്തി​ലേക്ക്‌ എറിയ​പ്പെട്ട കത്തുന്ന പർവത​സ​മാന പിണ്ഡം എന്തിനെ ചിത്രീ​ക​രി​ക്കു​ന്നു?

²⁴ തീ കത്തുന്ന മഹാപർവ​തം​പോ​ലെ ഒരു പിണ്ഡം “സമു​ദ്ര​ത്തി​ലേക്കു” എറിയ​പ്പെ​ടു​ന്നു. ബൈബി​ളിൽ പർവതങ്ങൾ പലപ്പോ​ഴും ഗവൺമെൻറു​കളെ പ്രതീ​ക​പ്പെ​ടു​ത്തു​ന്നു. ഉദാഹ​ര​ണ​ത്തിന്‌, ദൈവ​രാ​ജ്യം ഒരു പർവത​മാ​യി ചിത്രീ​ക​രി​ക്ക​പ്പെ​ടു​ന്നു. (ദാനീ​യേൽ 2:35, 44) നാശോൻമു​ഖ​മായ ബാബി​ലോൻ, ഒരു “ദഹനപർവ്വതം” ആയിത്തീർന്നു. (യിരെ​മ്യാ​വു 51:25) എന്നാൽ യോഹ​ന്നാൻ കാണുന്ന പർവത​പി​ണ്ഡം ഇപ്പോ​ഴും കത്തുക​യാണ്‌. അത്‌ സമു​ദ്ര​ത്തി​ലേക്ക്‌ എറിയ​പ്പെ​ടു​ന്നത്‌, ഒന്നാം ലോക​മ​ഹാ​യു​ദ്ധ​കാ​ല​ത്തും അതിനു ശേഷവും ഭരണകൂ​ടം സംബന്ധിച്ച പ്രശ്‌നം മനുഷ്യ​വർഗ​ത്തിൽ, വിശേ​ഷാൽ ക്രൈ​സ്‌ത​വ​ലോക രാജ്യ​ങ്ങ​ളിൽ എരിയുന്ന ഒരു വിവാ​ദ​വി​ഷയം ആയിത്തീർന്ന​തെ​ങ്ങ​നെ​യെന്നു നന്നായി ചിത്രീ​ക​രി​ക്കു​ന്നു. ഇററലി​യിൽ മുസോ​ളനി ഫാസിസം അവതരി​പ്പി​ച്ചു. ജർമനി ഹിററ്‌ല​റു​ടെ നാസിസം സ്വീക​രി​ച്ചു, അതേസ​മയം മററു രാജ്യങ്ങൾ വ്യത്യ​സ്‌ത​തരം സോഷ്യ​ലി​സം പരീക്ഷി​ച്ചു. റഷ്യയിൽ ഒരു സമൂല​മാ​ററം നടന്നു, അവിടെ ബോൾഷെ​വിക്‌ വിപ്ലവം ആദ്യത്തെ കമ്മ്യു​ണി​സ്‌ററ്‌ സംസ്ഥാനം രൂപീ​ക​രി​ച്ചു, തത്‌ഫ​ല​മാ​യി മുമ്പു തങ്ങളുടെ ശക്തി​കേ​ന്ദ്രം ആയിരു​ന്നി​ടത്തു ക്രൈ​സ്‌ത​വ​ലോ​ക​ത്തി​ലെ മതനേ​താ​ക്കൾക്ക്‌ അവരുടെ അധികാ​ര​വും സ്വാധീ​ന​വും നഷ്ടപ്പെട്ടു.

25. രണ്ടാം ലോക​മ​ഹാ​യു​ദ്ധാ​ന​ന്തരം ഭരണം ഒരു എരിയുന്ന വാദവി​ഷ​യ​മാ​യി തുടർന്നി​രി​ക്കു​ന്ന​തെ​ങ്ങനെ?

²⁵ രണ്ടാം ലോക​മ​ഹാ​യു​ദ്ധ​ത്തോ​ടെ ഫാസി​സ്‌ററ്‌, നാസി പരീക്ഷ​ണ​ങ്ങൾക്ക അറുതി​വ​രു​ത്ത​പ്പെട്ടു; എന്നാൽ ഭരണം ഒരു എരിയുന്ന വാദവി​ഷ​യ​മാ​യി തുടർന്നു. മനുഷ്യ​സ​മു​ദ്രം പുതിയ വിപ്ലവ​ഗ​വൺമെൻറു​കളെ നുരച്ചു തളളി​ക്കൊ​ണ്ടി​രു​ന്നു. ചൈന, വിയറ​റ്‌നാം, ക്യൂബ, നിക്കരാ​ഗ്വ എന്നിവ​പോ​ലെ അനേകം സ്ഥലങ്ങളിൽ 1945-നു ശേഷമു​ളള പതിറ​റാ​ണ്ടു​ക​ളിൽ അവ സ്ഥാപി​ക്ക​പ്പെട്ടു. ഗ്രീസ്സിൽ സൈനിക സ്വേച്ഛാ​ധി​പ​ത്യ​ത്തി​ന്റെ ഒരു പരീക്ഷണം പരാജ​യ​പ്പെട്ടു. കമ്പൂച്ചി​യാ​യിൽ (കംബോ​ഡിയ) മൗലിക കമ്മ്യു​ണി​സ​ത്തി​ന്റെ ഒരു കയ്യേററം റിപ്പോർട്ടു ചെയ്യപ്പെട്ട ഇരുപ​തു​ല​ക്ഷ​വും അതില​ധി​ക​വും മരണങ്ങ​ളിൽ കലാശി​ച്ചു.

26. ‘കത്തുന്ന പർവതം’ മനുഷ്യ​വർഗ സാഗര​ത്തിൽ അലകളു​യർത്തി​യി​രി​ക്കു​ന്ന​തെ​ങ്ങനെ?

²⁶ ‘തീ കത്തുന്ന പർവതം’ മനുഷ്യ​വർഗ സാഗര​ത്തിൽ അലകൾ ഉയർത്തി​ക്കൊ​ണ്ടി​രി​ക്കു​ന്നു. ആഫ്രി​ക്ക​യി​ലും അമേരി​ക്ക​ക​ളി​ലും ഏഷ്യയി​ലും പസഫിക്കു ദ്വീപു​ക​ളി​ലും ഭരണം സംബന്ധി​ച്ചു വിപ്ലവങ്ങൾ നടക്കു​ന്ന​താ​യി റിപ്പോർട്ടു ചെയ്യ​പ്പെ​ടു​ന്നു. ഈ പോരാ​ട്ട​ങ്ങ​ളി​ല​ധി​ക​വും ക്രൈ​സ്‌ത​വ​ലോക രാജ്യ​ങ്ങ​ളി​ലോ ക്രൈ​സ്‌ത​വ​ലോ​ക​ത്തി​ലെ മിഷന​റി​മാർ വിപ്ലവ​നേ​താ​ക്കൻമാർ ആയിത്തീർന്നി​ട്ടു​ളള ദേശങ്ങ​ളി​ലോ ആണു നടക്കു​ന്നത്‌. റോമൻ കത്തോ​ലി​ക്കാ പുരോ​ഹി​തൻമാർ കമ്മ്യു​ണി​സ്‌ററ്‌ ഗറില്ലാ സംഘങ്ങ​ളിൽ ചേർന്ന്‌ അതിലെ അംഗങ്ങ​ളെന്ന നിലയിൽ പോരാ​ടു​ക​പോ​ലും ചെയ്‌തി​രി​ക്കു​ന്നു. അതേസ​മയം പ്രൊ​ട്ട​സ്‌റ​റൻറ്‌ ഇവാൻജ​ലി​ക്കൽ സമൂഹങ്ങൾ മധ്യ അമേരി​ക്ക​യിൽ അവർ കമ്മ്യു​ണി​സ്‌റ​റു​കാ​രു​ടെ “നീചവും നിർദ​യ​വു​മായ അധികാ​ര​ക്കൊ​തി” എന്നു വിളി​ക്കു​ന്ന​തി​നെ നിർവീ​ര്യ​മാ​ക്കാൻ പ്രവർത്തി​ച്ചി​രി​ക്കു​ന്നു. എന്നാൽ മനുഷ്യ​വർഗ​സ​മു​ദ്ര​ത്തി​ലെ ഈ ക്ഷോഭ​ങ്ങൾക്കൊ​ന്നി​നും സമാധാ​ന​വും സുരക്ഷി​ത​ത്വ​വും കൈവ​രു​ത്താൻ കഴിയില്ല.—താരത​മ്യം ചെയ്യുക: യെശയ്യാ​വു 25:10-12; 1 തെസ്സ​ലൊ​നീ​ക്യർ 5:3.

27. (എ) “കടലിൽ മൂന്നി​ലൊ​ന്നു” രക്തം​പോ​ലെ ആയിത്തീർന്നി​രി​ക്കു​ന്ന​തെ​ങ്ങനെ? (ബി) ‘സമു​ദ്ര​ത്തി​ലെ ജീവി​ക​ളിൽ മൂന്നി​ലൊ​ന്നു’ ചത്തു​പോ​യ​തെ​ങ്ങനെ, “കപ്പലു​ക​ളിൽ മൂന്നി​ലൊ​ന്നി”ന്‌ എന്തു സംഭവി​ക്കേ​ണ്ട​താണ്‌?

²⁷ ദൈവ​രാ​ജ്യ​ത്തി​നു കീഴ്‌പെ​ടു​ന്ന​തി​നു പകരം മനുഷ്യ​വർഗ​ത്തിൽ ഭരണം സംബന്ധിച്ച വിപ്ലവ പോരാ​ട്ട​ങ്ങ​ളിൽ ഏർപ്പെ​ട്ടവർ രക്തപാ​ത​ക​മു​ള​ള​വ​രാ​ണെന്നു രണ്ടാമത്തെ കാഹളം മുഴക്കൽ വെളി​പ്പെ​ടു​ത്തു​ന്നു. വിശേ​ഷി​ച്ചു ക്രൈ​സ്‌ത​വ​ലോ​ക​ത്തി​ലെ “കടലിൽ മൂന്നി​ലൊ​ന്നു” രക്തം​പോ​ലെ ആയിത്തീർന്നി​രി​ക്കു​ന്നു. അവി​ടെ​യു​ളള എല്ലാ ജീവി​ക​ളും ദൈവ​ദൃ​ഷ്ടി​യിൽ ചത്തതാണ്‌. കടലിന്റെ ആ മൂന്നി​ലൊ​ന്നിൽ കപ്പലുകൾ പോലെ പൊങ്ങി​ക്കി​ട​ക്കുന്ന മൗലിക സ്ഥാപന​ങ്ങ​ളിൽ ഒന്നിനും അന്തിമ​മായ കപ്പൽച്ചേതം ഒഴിവാ​ക്കാൻ കഴിയില്ല. ഇപ്പോ​ഴും ഇടുങ്ങിയ ദേശീ​യ​വാ​ദ​ത്തിൽ മുഴു​കി​യി​രി​ക്കു​ന്ന​വ​രിൽ നിന്നും സമു​ദ്ര​ത്തി​ലെ രക്തപാ​ത​ക​ത്തിൽ നിന്നും വേർപെ​ടാ​നു​ളള കാഹള​സ​മാന ക്ഷണം ലക്ഷക്കണ​ക്കി​നു ചെമ്മരി​യാ​ടു​തു​ല്യർ ഇപ്പോൾ ചെവി​ക്കൊ​ണ്ടി​രി​ക്കു​ന്ന​തിൽ നാം എത്ര സന്തുഷ്ട​രാണ്‌!

ഒരു നക്ഷത്രം ആകാശ​ത്തു​നി​ന്നു വീഴുന്നു

28. മൂന്നാ​മത്തെ ദൂതൻ തന്റെ കാഹളം ഊതു​മ്പോൾ എന്തു സംഭവി​ക്കു​ന്നു?

²⁸ “മൂന്നാ​മത്തെ ദൂതൻ ഊതി; അപ്പോൾ ദീപം​പോ​ലെ ജ്വലി​ക്കുന്ന ഒരു മഹാ നക്ഷത്രം ആകാശ​ത്തു​നി​ന്നു വീണു; നദിക​ളിൽ മൂന്നി​ലൊ​ന്നിൻമേ​ലും നീരു​റ​വു​ക​ളിൻമേ​ലും ആയിരു​ന്നു വീണതു. ആ നക്ഷത്ര​ത്തി​ന്നു കാഞ്ഞിരം എന്നു പേർ; വെളള​ത്തിൽ മൂന്നി​ലൊ​ന്നു കാഞ്ഞി​രം​പോ​ലെ ആയി; വെളളം കൈപ്പാ​യ​തി​നാൽ മനുഷ്യ​രിൽ പലരും മരിച്ചു​പോ​യി.” (വെളി​പ്പാ​ടു 8:10, 11) ബൈബി​ളി​ന്റെ മററു ഭാഗങ്ങൾ ഒരിക്കൽക്കൂ​ടെ ഈ തിരു​വെ​ഴു​ത്തു കർത്താ​വി​ന്റെ ദിവസ​ത്തിൽ ബാധക​മാ​കു​ന്ന​തെ​ങ്ങ​നെ​യെന്നു കാണാൻ നമ്മെ സഹായി​ക്കു​ന്നു.

29. “ദീപം​പോ​ലെ ജ്വലി​ക്കുന്ന ഒരു മഹാ നക്ഷത്ര”ത്തിന്റെ പ്രതീ​കത്തെ എന്തു നിറ​വേ​റ​റു​ന്നു, എന്തു​കൊണ്ട്‌?

²⁹ ഏഴു സഭകൾക്കു​ളള യേശു​വി​ന്റെ സന്ദേശ​ങ്ങ​ളിൽ നാം ഒരു നക്ഷത്ര​ത്തി​ന്റെ പ്രതീകം കാണു​ക​യു​ണ്ടാ​യി, അവിടെ ഏഴു നക്ഷത്രങ്ങൾ സഭകളി​ലെ മൂപ്പൻമാ​രെ പ്രതീ​ക​പ്പെ​ടു​ത്തു​ന്നു.b (വെളി​പ്പാ​ടു 1:20) അഭിഷിക്ത ‘നക്ഷത്രങ്ങൾ’ മറെറല്ലാ അഭിഷി​ക്ത​രു​മൊത്ത്‌ അവരുടെ സ്വർഗീയ അവകാ​ശ​ത്തി​ന്റെ അച്ചാര​മാ​യി പരിശു​ദ്ധാ​ത്മാ​വി​നാൽ മുദ്ര​യി​ട​പ്പെട്ട സമയം മുതൽ ഒരു ആത്മീയ അർഥത്തിൽ സ്വർഗീയ സ്ഥലങ്ങളിൽ വസിക്കു​ന്നു. (എഫെസ്യർ 2:6, 7) എന്നുവ​രി​കി​ലും, അത്തരം നക്ഷത്ര​തു​ല്യ​രു​ടെ ഇടയിൽനിന്ന്‌ ആട്ടിൻകൂ​ട്ടത്തെ വഴി​തെ​റ​റി​ക്കുന്ന വിശ്വാ​സ​ത്യാ​ഗി​ക​ളും വിഭാ​ഗീയ ചിന്താ​ഗ​തി​ക്കാ​രും വരു​മെന്ന്‌ അപ്പോ​സ്‌ത​ല​നായ പൗലോസ്‌ മുന്നറി​യി​പ്പു നൽകി. (പ്രവൃ​ത്തി​കൾ 20:29, 30) അത്തരം അവിശ്വ​സ്‌തത വലി​യൊ​രു വിശ്വാ​സ​ത്യാ​ഗ​ത്തിൽ കലാശി​ക്കു​മാ​യി​രു​ന്നു, ഈ വീഴ്‌ച ഭവിച്ച മൂപ്പൻമാർ മനുഷ്യ​വർഗ​ത്തിൽ ഒരു ദൈവ​തു​ല്യ​സ്ഥാ​ന​ത്തേക്കു തന്നേത്തന്നെ ഉയർത്തുന്ന ഒരു സംയുക്ത അധർമ​മ​നു​ഷ്യൻ ആയിത്തീ​രു​മാ​യി​രു​ന്നു. (2 തെസ്സ​ലൊ​നീ​ക്യർ 2:3, 4) ക്രൈ​സ്‌ത​വ​ലോ​ക​ത്തി​ലെ വൈദി​കർ ലോക​രം​ഗത്തു പ്രത്യ​ക്ഷ​പ്പെ​ട്ട​പ്പോൾ പൗലോ​സി​ന്റെ മുന്നറി​യി​പ്പു​കൾ നിവൃ​ത്തി​യേറി. “ദീപം​പോ​ലെ ജ്വലി​ക്കുന്ന ഒരു മഹാ നക്ഷത്ര”ത്തിന്റെ പ്രതീകം ഈ കൂട്ടത്തെ നന്നായി പ്രതി​നി​ധാ​നം ചെയ്യുന്നു.

30. (എ) ബാബി​ലോൻ രാജാവ്‌ ആകാശ​ത്തു​നി​ന്നു വീണതാ​യി പറഞ്ഞ​പ്പോൾ എന്തർഥ​മാ​ക്കി? (ബി) ആകാശത്തു നിന്നുളള ഒരു വീഴ്‌ചക്ക്‌ എന്തിനെ പരാമർശി​ക്കാൻ കഴിയും?

³⁰ ഈ പ്രത്യേക നക്ഷത്രം ആകാശ​ത്തു​നി​ന്നു വീഴു​ന്ന​താ​യി യോഹ​ന്നാൻ കാണുന്നു. എങ്ങനെ? അതു മനസ്സി​ലാ​ക്കാൻ ഒരു പുരാതന രാജാ​വി​ന്റെ അനുഭ​വങ്ങൾ നമ്മെ സഹായി​ക്കു​ന്നു. ബാബി​ലോൻ രാജാ​വി​നോ​ടു സംസാ​രി​ച്ചു​കൊണ്ട്‌ യെശയ്യാവ്‌ പറഞ്ഞു: “അരു​ണോ​ദ​യ​പു​ത്ര​നായ ശുക്രാ, നീ എങ്ങനെ ആകാശ​ത്തു​നി​ന്നു വീണു! ജാതി​കളെ താഴ്‌ത്തി​ക്ക​ള​ഞ്ഞ​വനേ, നീ എങ്ങനെ വെട്ടേ​ററു നിലത്തു വീണു!” (യെശയ്യാ​വു 14:12) സൈറ​സി​ന്റെ [കോ​രേശ്‌] സൈന്യ​ത്താൽ ബാബി​ലോൻ മറിച്ചി​ട​പ്പെ​ടു​ക​യും അതിന്റെ രാജാവ്‌ ലോക​ഭ​ര​ണാ​ധി​പ​ത്യ​ത്തിൽനി​ന്നു ലജ്ജാക​ര​മായ പരാജ​യ​ത്തി​ലേക്കു പെട്ടെന്ന്‌ ഇറങ്ങു​ക​യും ചെയ്‌ത​പ്പോൾ ഈ പ്രവചനം നിവൃ​ത്തി​യേറി. അങ്ങനെ, ആകാശ​ത്തിൽ നിന്നുളള ഒരു വീഴ്‌ചക്ക്‌ ഒരു ഉയർന്ന സ്ഥാനം നഷ്ടമാ​കു​ന്ന​തി​നെ​യും മാനഭം​ഗം വരുന്ന​തി​നെ​യും പരാമർശി​ക്കാൻ കഴിയും.

31. (എ) ക്രൈ​സ്‌ത​വ​ലോ​ക​ത്തി​ലെ വൈദി​കർ ഒരു ‘സ്വർഗ്ഗീയ’ സ്ഥാനത്തു​നി​ന്നു വീണത്‌ എപ്പോൾ? (ബി) വൈദി​കർ പകർന്നു​കൊ​ടു​ത്തി​രുന്ന വെളളം “കാഞ്ഞിരം” ആയതെ​ങ്ങനെ, അനേകർക്ക്‌ എന്തു ഫലത്തോ​ടെ?

³¹ ക്രൈ​സ്‌ത​വ​ലോ​ക​ത്തി​ലെ വൈദി​കർക്കു സത്യ​ക്രി​സ്‌ത്യാ​നി​ത്വ​ത്തിൽനി​ന്നു വിശ്വാ​സ​ത്യാ​ഗം ഭവിച്ച​പ്പോൾ അവർ പൗലോസ്‌ എഫെസ്യർ 2:6, 7-ൽ വർണിച്ച ഉയർന്ന ‘സ്വർഗ്ഗീയ’ സ്ഥാനത്തു​നി​ന്നു വീണു. സത്യത്തി​ന്റെ ശുദ്ധജലം നൽകു​ന്ന​തി​നു പകരം അവർ “കാഞ്ഞിരം” കുടി​ക്കാൻ കൊടു​ത്തു, അഗ്നിന​രകം, ശുദ്ധീ​ക​ര​ണ​സ്ഥലം, ത്രിത്വം, വിധി​വി​ശ്വാ​സം എന്നിങ്ങനെ കയ്‌പേ​റിയ നുണകൾതന്നെ. ദൈവ​ത്തി​ന്റെ ധാർമിക ദാസൻമാ​രെന്ന നിലയിൽ ജനതകളെ കെട്ടു​പണി ചെയ്യാൻ പരാജ​യ​പ്പെ​ട്ടു​കൊണ്ട്‌ അവർ അവരെ യുദ്ധത്തി​ലേക്കു നയിക്കു​ക​യും ചെയ്‌തു. ഫലമോ? ആ നുണകൾ വിശ്വ​സി​ച്ച​വ​രു​ടെ ആത്മീയ വിഷബാധ തന്നെ. അവരുടെ സംഗതി യിരെ​മ്യാ​വി​ന്റെ നാളിലെ അവിശ്വസ്‌ത ഇസ്രാ​യേ​ല്യ​രു​ടേ​തി​നു സമാന​മാ​യി​രു​ന്നു, അവരോട്‌ യഹോവ ഇപ്രകാ​രം പറഞ്ഞു: “ഞാൻ ഈ ജനത്തെ കാഞ്ഞി​രം​കൊ​ണ്ടു പോഷി​പ്പി​ച്ചു നഞ്ചു​വെ​ളളം കുടി​പ്പി​ക്കും. യെരൂ​ശ​ലേ​മി​ലെ പ്രവാ​ച​കൻമാ​രിൽനി​ന്ന​ല്ലോ വഷളത്വം ദേശ​ത്തെ​ല്ലാ​ട​വും പരന്നി​രി​ക്കു​ന്നതു.”—യിരെ​മ്യാ​വു 9:15; 23:15.

32. ആത്മീയ ആകാശ​ങ്ങ​ളിൽ നിന്നുളള ക്രൈ​സ്‌ത​വ​ലോ​ക​ത്തി​ന്റെ പതനം എപ്പോൾ പ്രത്യ​ക്ഷ​മാ​യി, അതു നാടകീ​യ​മാ​യി എങ്ങനെ പ്രകട​മാ​ക്ക​പ്പെട്ടു?

³² ആത്മീയ ആകാശ​ങ്ങ​ളിൽ നിന്നുളള ഈ വീഴ്‌ച 1919-ൽ പ്രത്യ​ക്ഷ​മാ​യി, അന്നാണ്‌ ക്രൈ​സ്‌ത​വ​ലോ​ക​ത്തി​ലെ വൈദി​കർക്കു പകരം അഭിഷിക്ത ക്രിസ്‌ത്യാ​നി​ക​ളു​ടെ ചെറിയ ശേഷി​പ്പി​നെ രാജ്യ​താ​ത്‌പ​ര്യ​ങ്ങ​ളു​ടെ​മേൽ നിയമി​ച്ചത്‌. (മത്തായി 24:45-47) ക്രിസ്‌ത്യാ​നി​ക​ളു​ടെ ഈ സംഘം 1922 മുതൽ ക്രൈ​സ്‌ത​വ​ലോ​ക​ത്തി​ലെ വൈദി​ക​രു​ടെ പരാജ​യങ്ങൾ പച്ചയായി തുറന്നു​കാ​ട്ടുന്ന അവരുടെ പ്രസ്ഥാനം പുതു​ക്കി​യ​പ്പോൾ ആ വീഴ്‌ച നാടകീ​യ​മാ​യി പ്രകട​മാ​ക്ക​പ്പെട്ടു.

33. യു.എസ്‌.എ.യിലുളള ഒഹാ​യോ​യി​ലെ കൊളം​ബ​സിൽ 1924-ൽ നടന്ന കൺ​വെൻ​ഷ​നിൽ ക്രൈ​സ്‌ത​വ​ലോ​ക​ത്തി​ലെ വൈദി​ക​രു​ടെ ഏതു തുറന്നു​കാ​ട്ടൽ നടന്നു?

³³ “കഴിഞ്ഞ യുഗങ്ങ​ളിൽ നടത്തപ്പെട്ട ബൈബിൾ വിദ്യാർഥി​ക​ളു​ടെ ഏററവും മഹത്തായ കൺ​വെൻ​ഷൻ” എന്നു സുവർണ​യു​ഗം മാസി​ക​യിൽ വർണി​ക്ക​പ്പെട്ട പ്രഖ്യാ​പനം ഈ ബന്ധത്തിൽ മുന്തി​യ​താ​യി​രു​ന്നു. ഈ കൺ​വെൻ​ഷൻ 1924 ജൂലൈ 20-27 തീയതി​ക​ളിൽ ഒഹാ​യോ​യി​ലെ കൊളം​ബ​സിൽ സമ്മേളി​ച്ചു. നിസ്സം​ശ​യ​മാ​യും മൂന്നാ​മത്തെ കാഹളം മുഴക്കിയ ദൂതന്റെ മാർഗ​നിർദേ​ശ​ത്തിൻ കീഴിൽ അവിടെ ഒരു ശക്തമായ പ്രമേയം അംഗീ​ക​രി​ക്ക​പ്പെട്ടു. പിന്നീട്‌ 5 കോടി പ്രതികൾ ഒരു ലഘു​ലേ​ഖ​യാ​യി വിതരണം ചെയ്യ​പ്പെട്ടു. പുരോ​ഹി​തൻമാർ കുററം ചുമത്ത​പ്പെ​ട്ടി​രി​ക്കു​ന്നു എന്ന തലക്കെ​ട്ടോ​ടെ അതു പ്രസി​ദ്ധീ​ക​രി​ക്ക​പ്പെട്ടു. ഒരു ഉപശീർഷകം വിവാ​ദ​വി​ഷ​യത്തെ ഇപ്രകാ​രം അവതരി​പ്പി​ച്ചു: “സർപ്പത്തി​ന്റെ സന്തതി​ക്കെ​തി​രെ വാഗ്‌ദത്ത സന്തതി.” ഗാംഭീ​ര്യ​ദ്യോ​തി​യായ മതസ്ഥാ​ന​പ്പേ​രു​കൾ സ്വീക​രി​ക്കുക, വ്യവസായ പ്രമു​ഖ​രെ​യും തനി രാഷ്‌ട്രീ​യ​ക്കാ​രെ​യും ആടുക​ളിൽ പ്രധാ​നി​കൾ ആക്കുക, മനുഷ്യ​രു​ടെ മുമ്പാകെ തിളങ്ങി​നിൽക്കാൻ ആഗ്രഹി​ക്കുക, ആളുക​ളോ​ടു മിശി​ഹൈക രാജ്യ​സ​ന്ദേശം പ്രസം​ഗി​ക്കാൻ വിസമ്മ​തി​ക്കുക, എന്നീ കാര്യ​ങ്ങ​ളിൽ കുററ​പ​ത്രം ക്രൈ​സ്‌ത​വ​ലോ​ക​ത്തി​ലെ വൈദി​കരെ തുറന്നു​കാ​ട്ടി. ഓരോ സമർപ്പിത ക്രിസ്‌ത്യാ​നി​യും “നമ്മുടെ ദൈവ​ത്തി​ന്റെ പ്രതി​കാര ദിവസം” ഘോഷി​ക്കാ​നും “ദുഃഖി​തൻമാ​രെ​യൊ​ക്കെ​യും ആശ്വസി​പ്പി​പ്പാ​നും” ദൈവ​ത്താൽ നിയോ​ഗി​ക്ക​പ്പെ​ട്ടി​രി​ക്കു​ന്ന​വ​നാ​ണെന്ന്‌ അത്‌ ഊന്നി​പ്പ​റഞ്ഞു.—യെശയ്യാവ്‌ 61:2, KJ.

34, 35. (എ) മൂന്നാ​മത്തെ ദൂതൻ കാഹളം ഊതാൻ തുടങ്ങി​യ​ശേഷം വൈദി​ക​രു​ടെ അധികാ​ര​ത്തി​നും സ്വാധീ​ന​ത്തി​നും എന്തു സംഭവി​ച്ചി​രി​ക്കു​ന്നു? (ബി) ക്രൈ​സ്‌ത​വ​ലോ​ക​ത്തി​ലെ വൈദി​കർക്കു ഭാവി എന്തു വെച്ചു​നീ​ട്ടു​ന്നു?

³⁴ മൂന്നാ​മത്തെ ദൂതൻ കാഹളം ഊതി​ത്തു​ട​ങ്ങി​യ​പ്പോൾ മുതൽ മനുഷ്യ​വർഗ​ത്തി​ലെ വൈദി​ക​രു​ടെ പ്രമു​ഖ​സ്ഥാ​നം വഴുതി​ക്കൊ​ണ്ടാ​ണി​രു​ന്നി​ട്ടു​ള​ളത്‌, ഇക്കാലത്ത്‌ അവരിൽ വളരെ കുറച്ചു​പേർ മാത്രമേ മുൻനൂ​റ​റാ​ണ്ടു​ക​ളിൽ അവർ ആസ്വദി​ച്ചി​രുന്ന ദൈവ​തു​ല്യ അധികാ​രങ്ങൾ നിലനിർത്തു​ന്നു​ളളു. യഹോ​വ​യു​ടെ സാക്ഷി​ക​ളു​ടെ പ്രസം​ഗ​ത്താൽ, വൈദി​കർ പഠിപ്പി​ക്കുന്ന പല ഉപദേ​ശ​ങ്ങ​ളും ആത്മീയ വിഷം—“കാഞ്ഞിരം”—ആണെന്ന്‌ അനേക​മാ​ളു​ക​ളും തിരി​ച്ച​റി​യാ​നി​ട​യാ​യി​രി​ക്കു​ന്നു. കൂടു​ത​ലാ​യി, വൈദി​ക​രു​ടെ അധികാ​രം ഉത്തര യൂറോ​പ്പിൽ ഏതാണ്ടു ക്ഷയിച്ചി​രി​ക്കു​ന്നു, മററു ചില ദേശങ്ങ​ളിൽ അവരുടെ സ്വാധീ​നം ഗവൺമെൻറ്‌ കർശന​മാ​യി വെട്ടി​ച്ചു​രു​ക്കു​ന്നു. യൂറോ​പ്പി​ലെ കത്തോ​ലി​ക്കാ പ്രദേ​ശ​ങ്ങ​ളി​ലും, അമേരി​ക്ക​ക​ളി​ലും, സാമ്പത്തി​ക​വും രാഷ്‌ട്രീ​യ​വും ധാർമി​ക​വു​മായ കാര്യ​ങ്ങ​ളി​ലു​ളള വൈദി​ക​രു​ടെ ദുഷ്‌പെ​രു​മാ​ററം അവരുടെ കീർത്തി​ക്കു ഭംഗം വരുത്തി​യി​രി​ക്കു​ന്നു. തുടർന്നു​ളള സമയങ്ങ​ളി​ലും, അവരുടെ സ്ഥാനം കൂടുതൽ വഷളാ​കാ​നേ കഴിയൂ, എന്തു​കൊ​ണ്ടെ​ന്നാൽ മറെറല്ലാ വ്യാജ​മ​ത​സ്ഥ​രു​ടെ​യും ദുരവസ്ഥ അവരും പെട്ടെ​ന്നു​തന്നെ അനുഭ​വി​ക്കും.—വെളി​പ്പാ​ടു 18:21; 19:2.

³⁵ ക്രൈ​സ്‌ത​വ​ലോ​ക​ത്തിൻമേ​ലു​ളള യഹോ​വ​യു​ടെ ബാധ ഇതുവ​രെ​യും അവസാ​നി​ച്ചി​ട്ടില്ല. നാലാം കാഹളം മുഴക്ക​ലി​നു​ശേഷം എന്തു സംഭവി​ക്കു​ന്നു​വെന്നു പരിചി​ന്തി​ക്കുക.

അന്ധകാരം!

36. നാലാ​മത്തെ ദൂതൻ കാഹളം ഊതി​യ​ശേഷം എന്തു സംഭവി​ക്കു​ന്നു?

³⁶ “നാലാ​മത്തെ ദൂതൻ ഊതി; അപ്പോൾ സൂര്യ​നിൽ മൂന്നി​ലൊ​ന്നി​ന്നും ചന്ദ്രനിൽ മൂന്നി​ലൊ​ന്നി​ന്നും നക്ഷത്ര​ങ്ങ​ളിൽ മൂന്നി​ലൊ​ന്നി​ന്നും ബാധ തട്ടി; അവയിൽ മൂന്നി​ലൊ​ന്നു ഇരുണ്ടു​പോ​യി രാവും പകലും മൂന്നി​ലൊ​ന്നു വെളി​ച്ച​മി​ല്ലാ​തെ​യാ​യി.” (വെളി​പ്പാ​ടു 8:12) ഈജി​പ്‌തിൻമേ​ലു​ളള ഒമ്പതാ​മത്തെ ബാധ അക്ഷരാർഥ​ത്തി​ലു​ളള അന്ധകാ​ര​ത്തി​ന്റെ ഒരു ബാധയാ​യി​രു​ന്നു. (പുറപ്പാ​ടു 10:21-29) എന്നാൽ, നമ്മുടെ 20-ാം നൂററാ​ണ്ടിൽ മനുഷ്യ​രെ ബാധി​ക്കാ​നി​ട​യാ​കുന്ന ഈ പ്രതീ​കാ​ത്മക അന്ധകാരം എന്താണ്‌?

37. ക്രിസ്‌തീയ സഭയ്‌ക്കു പുറത്തു​ള​ള​വ​രു​ടെ ആത്മീയാ​വസ്ഥ അപ്പോ​സ്‌ത​ലൻമാ​രായ പത്രോ​സും പൗലോ​സും വർണി​ച്ച​തെ​ങ്ങനെ?

³⁷ അപ്പോ​സ്‌ത​ല​നായ പത്രോസ്‌ തന്റെ സഹവി​ശ്വാ​സി​കൾ ക്രിസ്‌ത്യാ​നി​ക​ളാ​കു​ന്ന​തി​നു മുമ്പ്‌ ആത്മീയ​മാ​യി പറഞ്ഞാൽ അന്ധകാ​ര​ത്തി​ലാ​യി​രു​ന്നു​വെന്ന്‌ അവരോ​ടു പറഞ്ഞു. (1 പത്രൊസ്‌ 2:9) ക്രിസ്‌തീ​യ​സ​ഭ​യ്‌ക്കു പുറത്തു​ള​ള​വ​രു​ടെ ആത്മീയാ​വസ്ഥ വർണി​ക്കു​ന്ന​തി​നു പൗലോ​സും ‘അന്ധകാരം’ എന്ന വാക്ക്‌ ഉപയോ​ഗി​ച്ചു. (എഫെസ്യർ 5:8; 6:12; കൊ​ലൊ​സ്സ്യർ 1:13; 1 തെസ്സ​ലൊ​നീ​ക്യർ 5:4, 5) എന്നാൽ, ദൈവ​ത്തിൽ വിശ്വ​സി​ക്കു​ന്നു​വെ​ന്നും, യേശു​വി​നെ തങ്ങളുടെ രക്ഷിതാ​വാ​യി അംഗീ​ക​രി​ക്കു​ന്നു​വെ​ന്നും അവകാ​ശ​പ്പെ​ടുന്ന ക്രൈ​സ്‌ത​വ​ലോ​ക​ത്തി​ലു​ള​ള​വരെ സംബന്ധി​ച്ചെന്ത്‌?

38. നാലാ​മത്തെ ദൂതൻ ക്രൈ​സ്‌ത​വ​ലോ​ക​ത്തി​ന്റെ ‘വെളിച്ചം’ സംബന്ധിച്ച്‌ ഏതു വസ്‌തുത വിളി​ച്ച​റി​യി​ക്കു​ന്നു?

³⁸ സത്യ​ക്രി​സ്‌ത്യാ​നി​കൾ തങ്ങളുടെ ഫലങ്ങളാൽ തിരി​ച്ച​റി​യ​പ്പെ​ടു​മെ​ന്നും തന്റെ അനുഗാ​മി​ക​ളെന്ന്‌ അവകാ​ശ​പ്പെ​ടുന്ന അനേകർ “അധർമ്മം പ്രവർത്തി​ക്കുന്ന”വരായി​രി​ക്കു​മെ​ന്നും യേശു പറഞ്ഞു. (മത്തായി 7:15-23) ലോക​ത്തി​ന്റെ മൂന്നി​ലൊ​ന്നു കയ്യടക്കി​യി​രി​ക്കുന്ന ക്രൈ​സ്‌ത​വ​ലോ​ക​ത്തി​ന്റെ ഫലങ്ങൾ വീക്ഷി​ച്ചു​കൊ​ണ്ടി​രി​ക്കുന്ന ആർക്കും​തന്നെ അവൾ ഘോര​മായ ആത്മീയാ​ന്ധ​കാ​ര​ത്തിൽ തപ്പിത്ത​ട​യു​ക​യാ​ണെ​ന്നു​ള​ളതു നിഷേ​ധി​ക്കാൻ കഴിയില്ല. (2 കൊരി​ന്ത്യർ 4:4) അവൾ അത്യന്തം ആക്ഷേപാർഹ​യാണ്‌, കാരണം, അവൾ ക്രിസ്‌തീ​യ​മെന്ന്‌ അവകാ​ശ​പ്പെ​ടു​ന്നു. അതിനാൽ, ക്രൈ​സ്‌ത​വ​ലോ​ക​ത്തി​ന്റെ ‘വെളിച്ചം’ യഥാർഥ​ത്തിൽ അന്ധകാ​ര​മാ​ണെ​ന്നും, അവളുടെ “വെളിച്ച”ത്തിന്റെ ഉറവുകൾ ബാബി​ലോ​ന്യം—അ​ക്രൈ​സ്‌തവം—ആണെന്നു​മു​ളള വസ്‌തുത നാലാം ദൂതൻ മുഴക്കു​ന്നതു തികച്ചും ഉചിത​മാണ്‌.—മർക്കൊസ്‌ 13:22, 23; 2 തിമൊ​ഥെ​യൊസ്‌ 4:3, 4.

39. (എ) 1925-ലെ കൺ​വെൻ​ഷ​നിൽ അംഗീ​ക​രിച്ച പ്രമേയം ക്രൈ​സ്‌ത​വ​ലോ​ക​ത്തി​ന്റെ വ്യാജ​വെ​ളി​ച്ചത്തെ എങ്ങനെ വർണിച്ചു? (ബി) കൂടു​ത​ലായ ഏതു തുറന്നു​കാ​ട്ടൽ 1955-ൽ നടത്തി?

³⁹ ആ സ്വർഗീയ പ്രഖ്യാ​പ​ന​ത്തോ​ടു​ളള ചേർച്ച​യിൽ, 1925 ആഗസ്‌ററ്‌ 29-ന്‌ ദൈവ​ജ​ന​ത്തി​ന്റെ ഒരു വലിയ കൂട്ടം യു.എസ്‌.എ.യിലുളള ഇൻഡ്യാ​ന​യി​ലെ, ഇൻഡ്യാ​നാ​പൊ​ലിസ്‌ കൺ​വെൻ​ഷനു കൂടി വന്നു, “പ്രത്യാ​ശാ ദൂത്‌” എന്ന ശീർഷ​ക​മു​ളള ഒരു തുറന്ന പ്രമേയം പ്രസി​ദ്ധീ​ക​ര​ണ​ത്തി​നാ​യി അംഗീ​ക​രി​ക്കു​ക​യും ചെയ്‌തു. വീണ്ടും അതിന്റെ ഏതാണ്ട്‌ 5 കോടി പ്രതികൾ അനേകം ഭാഷക​ളിൽ വിതരണം ചെയ്യ​പ്പെട്ടു. “ജനങ്ങൾ അന്ധകാ​ര​ത്തി​ലേക്കു വീഴാ​നിട”യാക്കി​യി​രി​ക്കുന്ന വ്യാവ​സാ​യിക കൊള​ള​ലാ​ഭ​ക്കാ​രു​ടെ​യും രാഷ്‌ട്രീയ നേതാ​ക്കൻമാ​രു​ടെ​യും മത​വൈ​ദി​ക​രു​ടെ​യും കൂട്ടു​കെട്ടു വെച്ചു​നീ​ട്ടിയ വ്യാജ​പ്ര​കാ​ശത്തെ അതു വർണിച്ചു. “സമാധാ​ന​വും ഐശ്വ​ര്യ​വും ആരോ​ഗ്യ​വും ജീവനും സ്വാത​ന്ത്ര്യ​വും നിത്യ​സ​ന്തോ​ഷ​വും ആകുന്ന അനു​ഗ്ര​ഹങ്ങൾ” പ്രാപി​ക്കാ​നു​ളള യഥാർഥ പ്രത്യാ​ശ​യെന്ന നിലയിൽ അതു ദൈവ​രാ​ജ്യ​ത്തി​ലേക്കു വിരൽ ചൂണ്ടി. ക്രൈ​സ്‌ത​വ​ലോ​ക​മാ​കുന്ന ബൃഹത്തായ സ്ഥാപന​ത്തി​നെ​തി​രെ അത്തരം ദൂതുകൾ പ്രഖ്യാ​പി​ക്കാൻ അഭിഷിക്ത ക്രിസ്‌ത്യാ​നി​ക​ളു​ടെ ആ ചെറിയ കൂട്ടത്തി​നു ധൈര്യം ആവശ്യ​മാ​യി​രു​ന്നു. എന്നാൽ 1920-കളുടെ ആരംഭം മുതൽ ഇന്നുവ​രെ​യും, സ്ഥിരമാ​യി അവർ അതുതന്നെ ചെയ്‌തി​രി​ക്കു​ന്നു. കുറേ​ക്കൂ​ടെ അടുത്ത കാലത്ത്‌, 1955-ൽ ക്രൈ​സ്‌ത​വ​ലോ​ക​മോ ക്രിസ്‌ത്യാ​നി​ത്വ​മോ—ഏതാണു “ലോക​ത്തി​ന്റെ വെളിച്ചം”? എന്ന ശീർഷ​ക​ത്തോ​ടു​കൂ​ടിയ ചെറു​പു​സ്‌തകം അനേകം ഭാഷക​ളിൽ ലോക​വ്യാ​പ​ക​മാ​യി വിതരണം നടത്തി​യതു വൈദി​ക​വർഗത്തെ കൂടു​ത​ലാ​യി തുറന്നു​കാ​ട്ടി. ലോക​ത്തിൽ അനേകർക്കും കണ്ടു മനസ്സി​ലാ​ക്ക​ത്ത​ക്ക​വി​ധം ക്രൈ​സ്‌ത​വ​ലോ​ക​ത്തി​ന്റെ കപടഭക്തി ഇന്നു വളരെ സ്‌പഷ്ട​മാ​യി​രി​ക്കു​ന്നു. എന്നാൽ യഹോ​വ​യു​ടെ ജനം, അവൾ ആയിരി​ക്കു​ന്ന​തി​നെ, അന്ധകാ​ര​ത്തി​ന്റെ ഒരു രാജ്യ​മാ​യി​രി​ക്കു​ന്ന​തി​നെ, തുറന്നു കാട്ടു​ന്ന​തിൽനി​ന്നു വിരമി​ച്ചി​ട്ടില്ല.

ഒരു പറക്കുന്ന കഴുകൻ

40. നാലു കാഹളം മുഴക്ക​ലു​കൾ ക്രൈ​സ്‌ത​വ​ലോ​കം എന്താ​ണെന്നു പ്രകട​മാ​ക്കി?

⁴⁰ ആദ്യത്തെ ഈ നാലു കാഹളം മുഴക്ക​ലു​കൾ സത്യമാ​യും ക്രൈ​സ്‌ത​വ​ലോ​ക​ത്തി​ന്റെ ശൂന്യ​വും മാരക​വു​മായ അവസ്ഥ മറനീക്കി കാണി​ക്കു​ന്ന​തിൽ കലാശി​ച്ചു. “ഭൂമി”യാകുന്ന അവളുടെ ഭാഗം യഹോ​വ​യു​ടെ ന്യായ​വി​ധി അർഹി​ക്കു​ന്ന​താ​യി തുറന്നു​കാ​ട്ട​പ്പെട്ടു. അവളുടെ ദേശങ്ങ​ളി​ലും മററു​ള​ളി​ട​ങ്ങ​ളി​ലും മുളച്ചു വരുന്ന വിപ്ലവ ഗവൺമെൻറു​കൾ ആത്മീയ ജീവി​ത​ത്തി​നു പ്രതി​കൂ​ല​മെന്നു പ്രകട​മാ​ക്ക​പ്പെട്ടു. അവളുടെ വൈദി​ക​രു​ടെ അധഃപ​തിച്ച അവസ്ഥ അനാവൃ​ത​മാ​ക്ക​പ്പെട്ടു, അവളുടെ ആത്മീയാ​വ​സ്ഥ​യു​ടെ പൊതു​വായ ഇരുട്ട്‌ എല്ലാവ​രും കാണു​ന്ന​തി​നു തുറന്നു​കാ​ണി​ക്ക​പ്പെട്ടു. ക്രൈ​സ്‌ത​വ​ലോ​കം സത്യത്തിൽ സാത്താന്റെ വ്യവസ്ഥി​തി​യു​ടെ ഏററവും നിന്ദ്യ​മായ ഭാഗമാണ്‌.

41. കാഹളം മുഴക്ക​ലി​ന്റെ പരമ്പര​യി​ലെ ഒരു ഇടവേ​ള​യു​ടെ സമയത്ത്‌ യോഹ​ന്നാൻ എന്തു കാണു​ക​യും കേൾക്കു​ക​യും ചെയ്യുന്നു?

⁴¹ കൂടു​ത​ലാ​യി എന്തു വെളി​പ്പെ​ടു​ത്താ​നുണ്ട്‌? ഈ ചോദ്യ​ത്തി​നു​ളള ഉത്തരം നാം കണ്ടെത്തു​ന്ന​തി​നു മുമ്പ്‌ കാഹളം മുഴക്ക​ലു​ക​ളു​ടെ പരമ്പര​യിൽ ഒരു ഹ്രസ്വ​മായ ഇടവേ​ള​യുണ്ട്‌. താൻ അടുത്ത​താ​യി കാണു​ന്നത്‌ യോഹ​ന്നാൻ വർണി​ക്കു​ന്നു: “അനന്തരം ഒരു കഴുകു: ഇനി കാഹളം ഊതു​വാ​നു​ളള മൂന്നു ദൂതൻമാ​രു​ടെ കാഹള​നാ​ദം ഹേതു​വാ​യി ഭൂവാ​സി​കൾക്കു കഷ്ടം, കഷ്ടം, കഷ്ടം എന്നു ഉറക്കെ പറഞ്ഞു​കൊ​ണ്ടു ആകാശ​മ​ദ്ധ്യേ പറക്കു​ന്നതു ഞാൻ കാൺക​യും കേൾക്ക​യും ചെയ്‌തു.”—വെളി​പ്പാ​ടു 8:13.

42. പറക്കുന്ന കഴുകൻ എന്തിനെ അർഥമാ​ക്കി​യേ​ക്കാം, അതിന്റെ സന്ദേശം എന്താണ്‌?

⁴² ഒരു കഴുകൻ ആകാശ​ത്തിൽ ഉയർന്നു പറക്കുന്നു, അതു​കൊണ്ട്‌ വിസ്‌തൃ​ത​മായ ഒരു പ്രദേ​ശത്തെ ആളുകൾക്ക്‌ അതിനെ കാണാൻ കഴിയും. അതിന്‌ അസാധാ​ര​ണ​മാം​വി​ധം സൂക്ഷ്‌മ​മായ കാഴ്‌ച​ശ​ക്തി​യുണ്ട്‌. വളരെ മുമ്പോ​ട്ടു കാണു​വാ​നും അതിനു കഴിയും. (ഇയ്യോബ്‌ 39:29) ദൈവ​ത്തി​ന്റെ സിംഹാ​സ​ന​ത്തി​നു ചുററു​മു​ളള നാലു കെരൂബ്യ ജീവി​ക​ളിൽ ഒന്ന്‌ ഒരു പറക്കുന്ന കഴുക​നാ​യി ചിത്രീ​ക​രി​ക്ക​പ്പെട്ടു. (വെളി​പ്പാ​ടു 4:6, 7) ഈ കെരൂ​ബാ​യാ​ലും മറേറ​തെ​ങ്കി​ലും ദീർഘ​ദൃ​ഷ്ടി​യു​ളള ദൈവ​ദാ​സ​നാ​യാ​ലും അത്‌ ഊർജ​സ്വ​ല​മായ ഒരു സന്ദേശം ഉച്ചത്തിൽ ഘോഷി​ക്കു​ന്നു: “കഷ്ടം, കഷ്ടം, കഷ്ടം”! ശേഷി​ക്കുന്ന മൂന്നു കാഹളങ്ങൾ കേൾക്കു​മ്പോൾ ഈ മൂന്നു കഷ്ടങ്ങളിൽ ഒന്നി​നോ​ടു ബന്ധപ്പെ​ട്ടി​രി​ക്കുന്ന അവയി​ലോ​രോ​ന്നും ഭൂവാ​സി​കൾ ശ്രദ്ധി​ക്കട്ടെ.

[അടിക്കു​റി​പ്പു​കൾ]

[139-ാം പേജിലെ ചാർട്ട്‌]

ക്രൈസ്‌തവലോകത്തിന്റെ വെളളം കാഞ്ഞി​ര​മെന്നു വെളി​പ്പെ​ടു​ത്ത​പ്പെ​ടു​ന്നു

ക്രൈസ്‌തവലോകത്തിന്റെ വെളളം കാഞ്ഞി​ര​മെന്നു വെളി​പ്പെ​ടു​ത്ത​പ്പെ​ടു​ന്നു

ക്രൈസ്‌തവലോകത്തിന്റെ ബൈബിൾ യഥാർഥ​ത്തിൽ വിശ്വാസങ്ങളും മനോ​ഭാ​വ​ങ്ങ​ളും പറയു​ന്നത്‌

ദൈവത്തിന്റെ വ്യക്തി​പ​ര​മായ ദൈവ​നാ​മം വിശു​ദ്ധീ​ക​രി​ക്ക​പ്പെ​ട​ണ​മെന്ന്‌ നാമം അപ്രധാ​ന​മാണ്‌: “ക്രിസ്‌തീയ യേശു പ്രാർഥി​ച്ചു. പത്രോസ്‌ സഭയുടെ സാർവ​ലൗ​കിക പറഞ്ഞു: “യഹോ​വ​യു​ടെ നാമം വിശ്വാസത്തെ സംബന്ധി​ച്ചി​ട​ത്തോ​ളം വിളി​ച്ച​പേ​ക്ഷി​ക്കുന്ന ഏവനും രക്ഷപ്രാ​പി​ക്കും.” ഏതെങ്കിലും പ്രത്യേക പേര്‌ ഏക (പ്രവൃ​ത്തി​കൾ 2:21, NW; യോവേൽ 2:32; ദൈവത്തിന്‌ ഉപയോ​ഗി​ക്കു​ന്നതു . . . മത്തായി 6:9; പുറപ്പാ​ടു 6:3; തീർത്തും അനുചി​ത​മാണ്‌.” വെളി​പ്പാ​ടു 4:11; 15:3; 19:6) (റി​വൈ​സ്‌ഡ്‌ സ്‌ററാൻഡേഡ്‌ വേർഷന്റെ ആമുഖം)

ദൈവം ഒരു ത്രിത്വ​മാ​കു​ന്നു: യഹോവ യേശു​വി​നെ​ക്കാൾ “പിതാവു ദൈവ​മാ​കു​ന്നു, പുത്രൻ വലിയ​വ​നാ​ണെ​ന്നും ക്രിസ്‌തു​വി​ന്റെ ദൈവമാകുന്നു, പരിശു​ദ്ധാ​ത്മാ​വു ദൈവ​വും തലയും ആണെന്നും ദൈവമാകുന്നു, എങ്കിലും മൂന്നു ബൈബിൾ പറയുന്നു. ദൈവങ്ങളില്ല, ഒരു ദൈവം മാത്രം.” (യോഹ​ന്നാൻ 14:28; 20:17; (ദ കാത്തലിക്‌ എൻ​സൈ​ക്ലോ​പീ​ഡിയ, 1 കൊരി​ന്ത്യർ 11:3) 1912-ലെ പതിപ്പ്‌) പരിശു​ദ്ധാ​ത്മാവ്‌ ദൈവ​ത്തി​ന്റെ പ്രവർത്ത​ന​നി​ര​ത​മായ ശക്തിയാണ്‌. (മത്തായി 3:11; ലൂക്കൊസ്‌ 1:41; പ്രവൃ​ത്തി​കൾ 2:4) മനുഷ്യദേഹി അമർത്ത്യ​മാണ്‌: മനുഷ്യൻ ഒരു ദേഹി​യാ​കു​ന്നു “മനുഷ്യൻ മരിക്കു​മ്പോൾ അവന്റെ മരണത്തി​ങ്കൽ ദേഹി ചിന്തി​ക്കാ​താ​കു​ന്നു ദേഹിയും ദേഹവും തമ്മിൽ അഥവാ അനുഭ​വി​ക്കാ​താ​കു​ന്നു, വേർപിരിയുന്നു. അവന്റെ ദേഹം . . . അതു നിർമി​ക്ക​പ്പെട്ട പൊടി​യി​ലേക്കു ദ്രവിക്കുന്നു . . . എന്നിരു​ന്നാ​ലും തിരി​ച്ചു​പോ​കു​ക​യും ചെയ്യുന്നു. മനുഷ്യദേഹി മരിക്കു​ന്നില്ല.” (ഉല്‌പത്തി 2:7; 3:19; സങ്കീർത്തനം 146:3, 4; (മരണാ​ന​ന്തരം എന്തു സംഭവി​ക്കു​ന്നു സഭാ​പ്ര​സം​ഗി 3:19, 20; [ഇംഗ്ലീഷ്‌], ഒരു റോമൻ കത്തോ​ലി​ക്കാ 9:5, 10; പ്രസിദ്ധീകരണം) യെഹെ​സ്‌കേൽ 18:4, 20)

ദുഷ്ടൻമാർ മരണാ​ന​ന്തരം പാപത്തി​ന്റെ ശമ്പളം നരകത്തിൽ ശിക്ഷി​ക്ക​പ്പെ​ടു​ന്നു: മരണമാ​കു​ന്നു, ദണ്ഡന​ത്തോ​ടു​കൂ​ടിയ “പരമ്പരാ​ഗത ക്രിസ്‌തീയ ജീവി​തമല്ല. (റോമർ 6:23) വിശ്വാസമനുസരിച്ചു നരകം അനന്തമായ മരിച്ചവർ ഒരു പുനരു​ത്ഥാ​ന​ത്തി​നാ​യി വേദനയുടെയും ദണ്ഡനത്തി​ന്റെ​യും കാത്തി​രു​ന്നു​കൊണ്ട്‌ നരകത്തിൽ ഒരു സ്ഥലമാണ്‌.” (ദ വേൾഡ്‌ ബുക്ക്‌ (ഹേഡീസ്‌, ഷീയോൾ) എൻസൈക്ലോപീഡിയ, നിർബോ​ധാ​വ​സ്ഥ​യിൽ വിശ്ര​മി​ക്കു​ന്നു. 1987-ലെ പതിപ്പ്‌) (സങ്കീർത്തനം 89:48; യോഹ​ന്നാൻ 5:28, 29; 11:24, 25; വെളി​പ്പാ​ടു 20:13, 14)

“മധ്യസ്ഥ എന്ന സ്ഥാനപ്പേർ ദൈവ​ത്തി​നും മനുഷ്യർക്കും മാതാവിനു ബാധക​മാ​കു​ന്നു.” ഇടയി​ലു​ളള ഏക മധ്യസ്ഥൻ (ന്യൂ കാത്തലിക്‌ എൻ​സൈ​ക്ലോ​പീ​ഡിയ, യേശു​വാണ്‌. (യോഹ​ന്നാൻ 14:6; 1967-ലെ പതിപ്പ്‌) 1 തിമൊ​ഥെ​യൊസ്‌ 2:5; എബ്രായർ 9:15; 12:24)

ശിശുക്കൾ സ്‌നാ​പ​ന​പ്പെ​ടു​ത്ത​പ്പെ​ടണം: സ്‌നാ​പനം യേശു​വി​ന്റെ കൽപ്പനകൾ “സഭ ആരംഭം മുതൽ സ്‌നാപന അനുസ​രി​ക്കാൻ പഠിപ്പി​ക്ക​പ്പെട്ട്‌ കൂദാശ ശിശു​ക്കൾക്കു നൽകി​യി​രി​ക്കു​ന്നു, ശിഷ്യരാക്കപ്പെട്ടിരിക്കുന്നവർക്കുവേണ്ടിയുളളതാണ്‌. ഈ ആചാരം നിയമാ​നു​സൃ​ത​മാ​യി സ്‌നാ​പ​ന​ത്തി​നു യോഗ്യത പ്രാപി​ക്കു​ന്ന​തിന്‌ കണക്കാക്കിയിരുന്നുവെന്നു മാത്രമല്ല, ഒരു വ്യക്തി ദൈവ​വ​ചനം പിന്നെയോ ഇതു രക്ഷക്കു തികച്ചും മനസ്സി​ലാ​ക്കു​ക​യും വിശ്വാ​സം പ്രകട​മാ​ക്കു​ക​യും ആവശ്യമാണെന്നും പഠിപ്പി​ക്ക​പ്പെട്ടു.” ചെയ്യണം. (മത്തായി 28:19, 20; (ന്യൂ കാത്തലിക്‌ എൻ​സൈ​ക്ലോ​പീ​ഡിയ, ലൂക്കൊസ്‌ 3:21-23; 1967-ലെ പതിപ്പ്‌) പ്രവൃ​ത്തി​കൾ 8:35, 36)

മിക്ക സഭകളും ഒരു അയ്‌മേനി ഒന്നാം നൂററാ​ണ്ടി​ലെ വർഗവും അവർക്കു ശുശ്രൂഷ ക്രിസ്‌ത്യാ​നി​ക​ളെ​ല്ലാം ശുശ്രൂ​ഷ​ക​രാ​യി​രു​ന്നു, ചെയ്യുന്ന ഒരു വൈദി​ക​വർഗ​വും സുവാർത്ത പ്രസം​ഗി​ക്കു​ന്ന​തിൽ ആയി വിഭജി​ക്ക​പ്പെ​ടു​ന്നു. തങ്ങളുടെ പങ്കെടു​ക്കു​ക​യും ചെയ്‌തു. ശുശ്രൂഷക്കു പ്രത്യു​പ​കാ​ര​മാ​യി (പ്രവൃ​ത്തി​കൾ 2:17, 18; വൈദികർക്കു മിക്ക​പ്പോ​ഴും ശമ്പളം റോമർ 10:10-13; 16:1) നൽകപ്പെടുന്നു, “റെവറണ്ട്‌” എന്നോ ഒരു ക്രിസ്‌ത്യാ​നി “സൗജന്യ​മാ​യി “പിതാവ്‌” എന്നോ “തിരു​മേനി” കൊടു”ക്കണം, ഒരു ശമ്പളത്തി​നല്ല. എന്നോ ഉളള പദവി​നാ​മ​ങ്ങ​ളാൽ (മത്തായി 10:7, 8) യേശു മതപര​മായ അയ്‌മേനികൾക്കുമീതെ ഉയർത്ത​പ്പെ​ടു​ക​യും സ്ഥാന​പ്പേ​രു​ക​ളു​ടെ ഉപയോ​ഗം കർശന​മാ​യി ചെയ്യുന്നു. വിലക്കി. (മത്തായി 6:2; 23:2-12; 1 പത്രൊസ്‌ 5:1-3)

പ്രതിമകളും വിഗ്ര​ഹ​ങ്ങ​ളും ക്രിസ്‌ത്യാ​നി​കൾ ആപേക്ഷിക കുരിശുകളും ആരാധ​ന​യിൽ ആരാധന എന്നു വിളി​ക്ക​പ്പെ​ടു​ന്ന​തുൾപ്പെടെ ഉപയോഗിക്കപ്പെടുന്നു: “ക്രിസ്‌തു​വി​ന്റെ​യും എല്ലാത്തരം വിഗ്ര​ഹാ​രാ​ധ​ന​യിൽനി​ന്നും കന്യകയായ ദൈവ​മാ​താ​വി​ന്റെ​യും ഓടി​യ​ക​ലണം. (പുറപ്പാ​ടു 20:4, 5; മററു പുണ്യാ​ളൻമാ​രു​ടെ​യും പ്രതി​മകൾ 1 കൊരി​ന്ത്യർ 10:14; 1 യോഹ​ന്നാൻ 5:21) പളളികളിൽ വെക്കു​ക​യും അർഹമായ അവർ കാഴ്‌ച​യാ​ലല്ല പിന്നെ​യോ ആദരവും ഭക്തിയും അവയ്‌ക്കു ആത്മാ​വോ​ടും സത്യ​ത്തോ​ടും കൂടെ നൽകുകയും വേണം.” (ട്രെൻറ്‌ ദൈവത്തെ ആരാധി​ക്കു​ന്നു. കൗൺസിലിന്റെ പ്രഖ്യാ​പനം (യോഹ​ന്നാൻ 4:23, 24; [1545-63]) 2 കൊരി​ന്ത്യർ 5:7)

ദൈവോദ്ദേശ്യങ്ങൾ യേശു ദൈവ​രാ​ജ്യം പ്രസം​ഗി​ച്ചു, രാഷ്‌ട്രീയത്തിലൂടെ മനുഷ്യ​വർഗ​ത്തി​ന്റെ സാക്ഷാത്‌കരിക്കപ്പെടുമെന്നു പ്രത്യാ​ശ​യെന്ന നിലയിൽ സഭാംഗങ്ങളെ പഠിപ്പി​ക്കു​ന്നു. ഏതെങ്കി​ലും രാഷ്‌ട്രീയ വ്യവസ്ഥി​തി​യല്ല. പരേതനായ കർദി​നാൾ സ്‌പെൽമാൻ (മത്തായി 4:23; 6:9, 10) പ്രസ്‌താവിച്ചു: “സമാധാ​ന​ത്തി​ലേക്ക്‌ അവൻ രാഷ്‌ട്രീ​യ​ത്തിൽ ഒരു വഴി​യേ​യു​ളളു . . . , ഉൾപ്പെ​ടാൻ വിസമ്മ​തി​ച്ചു. ജനാധിപത്യത്തിന്റെ ഉയർന്ന പാത.” (യോഹ​ന്നാൻ 6:14, 15) അവന്റെ ലോകരാഷ്‌ട്രീയത്തിലെ (വിപ്ലവ​ങ്ങ​ളിൽ രാജ്യം ഈ ലോക​ത്തി​ന്റെ പോലും) മതത്തിന്റെ ഉൾപ്പെ​ട​ലും ഭാഗമ​ല്ലാ​യി​രു​ന്നു; അതു​കൊണ്ട്‌ “ശാന്തി​യു​ടെ​യും സമാധാ​ന​ത്തി​ന്റെ​യും അവന്റെ അനുഗാ​മി​ക​ളും അന്തിമ പ്രത്യാശ” എന്ന നിലയിൽ ലോക​ത്തി​ന്റെ ഭാഗമാ​യി​രി​ക്ക​രു​താ​യി​രു​ന്നു. ഐക്യരാഷ്‌ട്രങ്ങൾക്കുളള അവളുടെ (യോഹ​ന്നാൻ 18:36; 17:16) പിന്തുണയും വാർത്ത​ക​ളിൽ ലോക​ത്തോ​ടു​ളള സൗഹൃ​ദ​ത്തി​നെ​തി​രെ റിപ്പോർട്ടുചെയ്യുന്നു. യാക്കോബ്‌ മുന്നറി​യി​പ്പു നൽകി. (യാക്കോബ്‌ 4:4)

[132-ാം പേജിലെ ചിത്രം]

ഏഴു മുദ്ര​ക​ളു​ടെ തുറക്കൽ ഏഴു കാഹളങ്ങൾ മുഴക്കു​ന്ന​തി​ലേക്കു നയിക്കു​ന്നു

[140-ാം പേജിലെ ചിത്രങ്ങൾ]

“ലോക​നേ​താ​ക്കൾക്ക്‌ ഒരു വെല്ലു​വി​ളി.” (1922) “ഭൂമി”ക്കെതി​രെ​യു​ളള യഹോ​വ​യു​ടെ ബാധ പ്രസി​ദ്ധ​മാ​ക്കാൻ ഈ പ്രമേയം സഹായി​ച്ചു

“സകല ക്രിസ്‌ത്യാ​നി​കൾക്കും ഒരു മുന്നറി​യിപ്പ്‌.” (1923) “സമു​ദ്ര​ത്തിൽ മൂന്നി​ലൊ​ന്നി”നെതി​രെ​യു​ളള യഹോ​വ​യു​ടെ പ്രതി​കൂല ന്യായ​വി​ധി ഈ പ്രമേ​യ​ത്താൽ വിസ്‌തൃ​ത​മാ​യി ഘോഷി​ക്ക​പ്പെ​ട്ടു

[141-ാം പേജിലെ ചിത്രങ്ങൾ]

“പുരോ​ഹി​തൻമാർ കുററം ചുമത്ത​പ്പെ​ട്ടി​രി​ക്കു​ന്നു.” (1924) ഈ ലഘു​ലേ​ഖ​യു​ടെ വ്യാപ​ക​മായ വിതരണം ക്രൈ​സ്‌ത​വ​ലോ​ക​ത്തി​ലെ വൈദി​ക​രാ​കുന്ന “നക്ഷത്രം” വീണി​രി​ക്കു​ന്നു​വെന്നു കുറി​ക്കൊ​ള​ളാൻ ആളുകളെ സഹായി​ച്ചു

“പ്രത്യാ​ശാ ദൂത്‌” (1925) ക്രൈ​സ്‌ത​വ​ലോ​ക​ത്തി​ന്റെ വെളിച്ച സ്രോ​ത​സ്സു​ക​ളാ​യി കരുതി​യി​രു​ന്നവ സത്യത്തിൽ അന്ധകാ​ര​ത്തി​ന്റെ ഉറവു​ക​ളാ​ണെന്ന്‌ തുറന്നു​കാ​ട്ടാൻ ഈ സ്‌പഷ്ട​മായ പ്രമേയം ഉപയോ​ഗി​ക്ക​പ്പെട്ടു