നമ്മുടെ നാളി​ലേ​ക്കുള്ള ദൂതസ​ന്ദേ​ശ​ങ്ങൾ

“ദൈവം . . . ദൂതനെ അയക്കു​ക​യും അത്‌ അടയാ​ള​ങ്ങ​ളാ​യി അവതരി​പ്പി​ക്കു​ക​യും ചെയ്‌തു.”—വെളി​പ്പാട്‌ 1:1.

1. അപ്പോ​ക്ക​ലി​പ്‌സ്‌ എന്ന പേർസം​ബ​ന്ധിച്ച്‌ എന്തു തെററി​ദ്ധാ​ര​ണ​യുണ്ട്‌, ഭാവി​യെ​സം​ബ​ന്ധിച്ച്‌ വെളി​പ്പാട്‌ എന്തു വെളി​പ്പെ​ടു​ത്തു​ന്നു?

അപ്പോ​ക്ക​ലി​പ്‌സ്‌. ഈ 20-ാം നൂററാ​ണ്ടിൽ ആ പേർ എത്ര കൂടെ​ക്കൂ​ടെ കേട്ടി​ട്ടുണ്ട്‌—എന്നാൽ എത്ര പരിതാ​പ​ക​ര​മാ​യി തെററി​ദ്ധ​രി​ച്ചി​രി​ക്കു​ന്നു! ബൈബിൾപ​ര​മായ അർത്ഥത്തിൽ അത്‌ ഒരു ന്യൂക്ലി​യർ വിപത്തി​ലെ സർവ്വ മനുഷ്യ​വർഗ്ഗ​ത്തി​ന്റെ​യും നിർമ്മൂല നാശത്തെ പരാമർശി​ക്കു​ന്നില്ല. എന്നാൽ ഈ ഗ്രീക്ക്‌പ​ദ​ത്തി​ന്റെ അർത്ഥം “അനാച്ഛാ​ദനം” എന്നാണ്‌. അപ്പോ​ക്ക​ലി​പ്‌സ്‌ അഥവാ വെളി​പ്പാട്‌ എന്ന ബൈബിൾ പുസ്‌തകം പ്രവാ​ച​ക​ചി​ത്ര​ങ്ങൾമു​ഖേന മനുഷ്യ​രാ​ശി​യു​ടെ നിത്യ​സ​ന്തു​ഷ്ടി​യു​ടെ ഒരു യുഗത്തി​ന്റെ ഉദയത്തിൽ പരകോ​ടി​യി​ലെ​ത്തുന്ന വികാ​സ​ങ്ങളെ അനാച്ഛാ​ദനം ചെയ്യുന്നു. അങ്ങനെ യേശു​വി​ന്റെ അപ്പോ​സ്‌ത​ല​നായ യോഹ​ന്നാൻ ഈ വാക്കു​ക​ളോ​ടെ വെളി​പ്പാ​ടി​നെ അവതരി​പ്പി​ക്കു​ന്നു: “ഈ പ്രവച​ന​ത്തി​ലെ വാക്കുകൾ വായി​ക്കു​ന്ന​വ​നും അവ കേൾക്കു​ന്ന​വ​രും അതിൽ എഴുത​പ്പെ​ട്ടി​രി​ക്കുന്ന കാര്യങ്ങൾ അനുഷ്‌ഠി​ക്കു​ന്ന​വ​രും സന്തുഷ്‌ട​രാ​കു​ന്നു; എന്തു​കൊ​ണ്ടെ​ന്നാൽ നിയമി​ത​സ​മയം അടുത്തി​രി​ക്കു​ന്നു.”—വെളിപ്പാട്‌1:3.

2, 3. ഇത്‌ ഇത്ര അസന്തു​ഷ്ട​മായ ലോക​മാ​യി​രി​ക്കു​ന്ന​തെ​ന്തു​കൊണ്ട്‌, യഹോവ എന്തു ചെയ്യാൻ ഉദ്ദേശി​ക്കു​ന്നു?

² ലോകം ഇന്ന്‌ സന്തുഷ്ടമല്ല. അതിന്റെ അസന്തു​ഷ്ടി​ക്കുള്ള കാരണം 3,460 വർഷം​മുൻപ്‌ മോശ രചിച്ച ഒരു ഗീതത്തിൽ പ്രസ്‌താ​വി​ക്ക​പ്പെ​ട്ടി​രി​ക്കു​ന്നു:“ അവർ തങ്ങളുടെ സ്വന്തം ഭാഗത്ത്‌ വിനാ​ശ​ക​ര​മാ​യി പ്രവർത്തി​ച്ചി​രി​ക്കു​ന്നു; അവർ [ദൈവ​ത്തി​ന്റെ] മക്കളല്ല, ന്യൂനത അവരുടെ സ്വന്തമാണ്‌. വക്രവും വളച്ചൊ​ടി​ക്ക​പ്പെ​ട്ട​തു​മായ ഒരു തലമുറ!” (ആവർത്തനം 32: 5) മൂല്യങ്ങൾ വളരെ വളച്ചൊ​ടി​ക്ക​പ്പെ​ട്ട​തും ദുഷി​ച്ച​തു​മായ ആധുനിക തലമു​റ​യ്‌ക്ക്‌ ആ വാക്കുകൾ എത്ര നന്നായി യോജി​ക്കു​ന്നു! ദൃഷ്‌ടാ​ന്ത​മാ​യി പുതിയ സൈനിക സാമൂഹ്യ ചെലവു​കൾ 1987-88-ന്റെ ആമുഖം വെട്ടി​ത്തു​റന്ന്‌ ഇങ്ങനെ പറയുന്നു: “സകല ജനതക​ളു​ടെ​യും ജീവിതം ആയുധ​പ​ന്ത​യ​ത്താൽ ദുഷി​ച്ചി​രി​ക്കു​ക​യാണ്‌. ഐക്യ​നാ​ടു​ക​ളും സോവ്യ​ററ്‌ യൂണി​യ​നും കൂടെ ദിവസം 1,900 കോടി രൂപാ സൈനിക പ്രതി​രോ​ധ​ത്തി​നു ചെലവ​ഴി​ക്കു​ന്നുണ്ട്‌. എന്നിരു​ന്നാ​ലും ഐക്യ​നാ​ടു​കൾ ശിശു​മ​ര​ണ​ത്തിൽ എല്ലാ രാഷ്‌ട്ര​ങ്ങ​ളെ​യും അപേക്ഷിച്ച്‌ പതി​നെ​ട്ടാ​മ​തും യു. എസ്‌. എസ്‌. ആർ. നാൽപ്പ​ത്താ​റാ​മ​തു​മാണ്‌. വികസ്വ​ര​രാ​ജ്യ​ങ്ങൾ അവയിലെ ജനങ്ങളു​ടെ ആരോ​ഗ്യ​ര​ക്ഷക്കു ചെലവി​ടു​ന്ന​തി​ന്റെ ഏതാണ്ട്‌ നാലി​രട്ടി ആയുധ​ങ്ങൾക്കു ചെലവി​ടു​ന്നു. അതേസ​മയം ആ രാജ്യ​ങ്ങ​ളിൽ സഹസ്ര​ല​ക്ഷ​ക്ക​ണ​ക്കി​നാ​ളു​കൾ പട്ടിണി​യി​ലാണ്‌; അവിടത്തെ കുട്ടി​ക​ളിൽ 20 ശതമാനം അഞ്ചാമത്തെ ജൻമദി​ന​ത്തി​നു മുൻപു മരണമ​ട​യു​ന്നു.”

³ മററു ഘടകങ്ങ​ളും ഈ വിനാ​ശ​ക​ര​മായ ഗതിയിൽ ഉൾപ്പെ​ടു​ന്നു—ധാർമ്മി​ക​നി​ഷ്‌ഠ​ക​ളി​ലും കുടും​ബ​ഘ​ട​ക​ത്തി​ലു​മുള്ള തകർച്ച, ഭൂമി​യിൽ തേർവാഴ്‌ച നടത്തുന്ന കുററ​കൃ​ത്യ​വും ഭീകര​വാ​ഴ്‌ച​യും, ഇപ്പോ​ഴത്തെ തലമു​റ​യു​ടെ സ്‌നേ​ഹ​രാ​ഹി​ത്യ​വും നിയമ​രാ​ഹി​ത്യ​വും. യഹോവ “ഭൂമിയെ നശിപ്പി​ക്കു​ന്ന​വരെ നശിപ്പി​ക്കാൻ” ഉദ്ദേശി​ക്കു​ന്ന​തിൽ നമുക്ക്‌ എത്ര സന്തുഷ്ട​രാ​യി​രി​ക്കാൻ കഴിയും! (വെളി​പ്പാട്‌ 11:18) വെളി​പ്പാട്‌ എന്ന ബൈബിൾപു​സ്‌തകം 16 ദർശന​ങ്ങ​ളു​ടെ ഒരു പരമ്പര​യിൽ അവൻ ഇത്‌ എങ്ങനെ നിർവ​ഹി​ക്കു​മെന്ന്‌ രോമാ​ഞ്ചം ജനിക്കു​മാറ്‌ സവിസ്‌തരം വർണ്ണി​ക്കു​ന്നു.

“ദൂതൻമാ​രും” “അടയാ​ള​ങ്ങ​ളും”

4. ദൂതൻമാർ വെളി​പ്പാ​ടിൽ എങ്ങനെ ഉൾപ്പെ​ട്ടി​രി​ക്കു​ന്നു, ദർശനങ്ങൾ ഏററം പ്രമു​ഖ​നായ ദൂതനെ എങ്ങനെ ചിത്രീ​ക​രി​ക്കു​ന്നു?

⁴ വെളി​പ്പാട്‌ ഉൽപ്പത്തി 3:15 ലെ ആദ്യ ബൈബിൾ പ്രവച​ന​ത്തിൻമേൽ വെളിച്ചം വീശി​ക്കൊണ്ട്‌ സാത്താ​നും ദൈവ​ത്തി​ന്റെ സ്‌ത്രീ​സ​മാ​ന​സ്ഥാ​പ​ന​വും അവരുടെ രണ്ടു ‘സന്തതി’കളും തമ്മിലുള്ള ശത്രു​തക്ക്‌ എങ്ങനെ തീരു​മാ​ന​മു​ണ്ടാ​ക്കു​ന്നു​വെന്നു പ്രകട​മാ​ക്കു​ന്നു. അത്‌ തന്റെ ശത്രു​ക്ക​ളു​ടെ​മേ​ലും തന്നെ സ്‌നേ​ഹി​ക്കു​ന്ന​വ​രും തന്റെ പരമാ​ധി​കാ​രത്തെ പിന്താ​ങ്ങു​ന്ന​വ​രു​മാ​യ​വ​രു​ടെ​മേലു​മുള്ള യഹോ​വ​യു​ടെ ന്യായ​വി​ധി​കൾ വെളി​പ്പെ​ടു​ത്തു​ന്നു. ഒരു ദൂതൻ യോഹ​ന്നാന്‌ “അടയാളങ്ങ”ളാൽ വെളി​പ്പാട്‌ എത്തിച്ചു​കൊ​ടു​ക്കു​ന്നു. ആ അടയാ​ളങ്ങൾ അറിയി​ക്കു​ന്ന​തി​ലോ അഭിന​യി​ക്കു​ന്ന​തി​ലോ മററു ദൂതൻമാർ അഥവാ സന്ദേശ​വാ​ഹ​കൻമാർ പങ്കുപ​റ​റു​ന്നു. ഏററവും പ്രമു​ഖ​ദൂ​തൻ വെളി​പ്പാട്‌ 1:5—ൽ “‘വിശ്വസ്‌ത സാക്ഷി​യും’ ‘മരിച്ച​വ​രിൽനി​ന്നുള്ള ആദ്യജാ​ത​നും’ ‘ഭൂമി​യി​ലെ രാജാ​ക്കൻമാ​രു​ടെ ഭരണാ​ധി​കാ​രി​യും’ ആയി അവതരി​പ്പി​ക്ക​പ്പെ​ടു​ന്നു. “അടയാ​ളങ്ങൾ” അഥവാ ദർശനങ്ങൾ അവനെ ഒരു “സിംഹ​വും” ഒരു “കുഞ്ഞാ​ടും” ആയും “മീഖാ​യേൽ” ആയും പല പ്രാവ​ശ്യം ഒരു ശക്തനായ ദൂതനാ​യും വർണ്ണി​ക്കു​ന്നു.—വെളി​പ്പാട്‌ 5:5, 13; 9:1, 11; 10:1; 12:7; 18:1.

5. വെളി​പ്പാ​ടി​ലെ ആദ്യ ദർശന​ത്തിൽ എന്തു വിശേ​ഷ​വൽക്ക​രി​ച്ചി​രി​ക്കു​ന്നു, അതു നമ്മെ എങ്ങനെ ഉൾപ്പെ​ടു​ത്തു​ന്നു?

⁵ വെളി​പ്പാട്‌ 1:10-3:22 വരെയുള്ള ആദ്യ ദർശനം “കർത്താ​വി​ന്റെ ദിവസ”ത്തിലെ യഹോ​വ​യു​ടെ സാക്ഷി​ക​ളു​ടെ മുഴു ആഗോ​ള​സ​ഭ​യെ​യും ചിത്രീ​ക​രി​ക്കുന്ന ആസ്യയി​ലെ ഏഴു സഭകളു​ടെ “ദൂതൻമാർ”ക്ക്‌ അഥവാ മേൽവി​ചാ​ര​കൻമാർക്ക്‌ മഹത്വീ​ക​രി​ക്ക​പ്പെട്ട യേശു എത്തിച്ചു​കൊ​ടു​ക്കുന്ന ഉത്തേജ​ക​മായ സന്ദേശ​ങ്ങളെ വിശേ​ഷ​വൽക്ക​രി​ക്കു​ന്നു. അതു​കൊണ്ട്‌ സന്ദേശങ്ങൾ ഇന്നത്തെ നമുക്കാ​യി​ട്ടാണ്‌! നാം “ആത്മാവ്‌ സഭക​ളോ​ടു പറയു​ന്നതു കേൾക്കാൻ” ഉൽസു​ക​രാ​യി​രി​ക്കണം, എന്തു​കൊ​ണ്ടെ​ന്നാൽ ഈ മുന്നറി​യി​പ്പു​ക​ളും ബുദ്ധി​യു​പ​ദേ​ശ​ങ്ങ​ളും നാം വിശ്വ​സ്‌ത​രാ​യി​രി​ക്കേ​ണ്ട​തി​നു നമ്മുടെ പ്രോൽസാ​ഹ​ന​ത്തി​നു​വേ​ണ്ടി​യാണ്‌—നമ്മുടെ പ്രവൃ​ത്തി​ക​ളും നമ്മുടെ “സ്‌നേ​ഹ​വും വിശ്വാ​സ​വും ശുശ്രൂ​ഷ​യും സഹിഷ്‌ണു​ത​യും” നിമിത്തം അംഗീ​കാ​ര​മു​ള്ള​വ​രാ​യി​രി​ക്കാൻതന്നെ.—വെളി​പ്പാട്‌ 1:10; 2:7, 10, 19.

6. ഏഴ്‌ ആസ്യ സഭകൾക്ക​യ​ക്ക​പ്പെട്ട സന്ദേശ​ങ്ങ​ളി​ലോ​രോ​ന്നിൽനി​ന്നും നമു​ക്കെ​ങ്ങനെ പ്രയോ​ജനം നേടാം?

⁶ എഫേസൂ​സി​ലെ സഭയെ​പ്പോ​ലെ നാം വിശ്വ​സ്‌ത​മാ​യി അദ്ധ്വാ​നി​ക്കു​ക​യും വിഭാ​ഗീയ അപ്പോ​സ്‌ത​ലൻമാ​രു​ടെ പ്രവൃ​ത്തി​കളെ വെറു​ക്കു​ക​യും ചെയ്‌തി​രി​ക്കാം, എന്നാൽ നമ്മുടെ സ്വന്തം സ്‌നേഹം ഏതെങ്കി​ലും വിധത്തിൽ മങ്ങിയി​ട്ടു​ണ്ടെ​ങ്കിൽ നമുക്ക്‌ ഉത്സാഹ​ത്തി​ന്റെ സകല തീക്ഷ്‌ണ​ത​യോ​ടും​കൂ​ടെ നമ്മുടെ ആദ്യ സ്‌നേ​ഹ​ത്തി​ലേക്ക്‌ അനുതാ​പ​പൂർവം മടങ്ങാം! സ്‌മുർന്ന​യി​ലെ ആത്മീയ സമ്പന്നരാ​യി​രുന്ന ക്രിസ്‌ത്യാ​നി​ക​ളെ​പ്പോ​ലെ ആവശ്യ​മെ​ങ്കിൽ നമ്മേത്തന്നെ “മരണ​ത്തോ​ളം പോലും” വിശ്വ​സ്‌ത​രെന്നു തെളി​യി​ച്ചു​കൊണ്ട്‌ നമുക്കു നിർഭയം പ്രതി​ഫ​ല​ത്തി​നാ​യി കഠിന​യ​ത്‌നം ചെയ്യാം. പെർഗ്ഗ​മ​ത്തിൽ സാത്താ​നാൽ പരീക്ഷി​ക്ക​പ്പെ​ട്ട​വ​രെ​പ്പോ​ലെ നാം കഴിഞ്ഞ​കാ​ലത്തെ ഏതു വിഗ്ര​ഹാ​രാ​ധ​ന​യും ദുർമ്മാർഗ്ഗ​വും കക്ഷിപി​രി​വും സംബന്ധി​ച്ചു അനുത​പി​ക്കണം. തുയ​ഥൈ​ര​ക്കാർ സമാന​മായ പ്രലോ​ഭ​നങ്ങൾ സംബന്ധിച്ച്‌, വിശേ​ഷാൽ ഈസബേൽ സ്വാധീ​നം​സം​ബ​ന്ധിച്ച്‌, ജാഗ്ര​ത​പാ​ലി​ക്കാൻ ആഹ്വാനം ചെയ്യ​പ്പെട്ടു. നാമും ജാഗ്രത പാലി​ക്കണം! സർദ്ദീ​സി​ലെ ക്രിസ്‌ത്യാ​നി​ക​ളെ​പ്പോ​ലെ ആത്‌മീ​യ​മാ​യി മരിച്ച ആരും വൈകി​പ്പോ​കു​ന്ന​തി​നു​മുൻപു ഉണരേ​ണ്ട​താണ്‌. നമ്മുടെ മുൻപാ​കെ തുറക്ക​പ്പെട്ട ഒരു സേവന​വാ​തിൽ വെച്ചി​ട്ടുണ്ട്‌, ഫിലദൽഫി​യ​ക്കാ​രു​ടെ മുൻപാ​കെ​യെ​ന്ന​പോ​ലെ​തന്നെ. അവരെ​പ്പോ​ലെ പരീക്ഷാ​നാ​ഴി​ക​യിൽ വിജയി​ക്കാൻ നമുക്കു ശക്തി ഉണ്ടായി​രി​ക്കട്ടെ! ലവൊ​ദി​ക്യ​ക്കാ​രെ​പ്പോ​ലെ നമ്മിലാ​രെ​ങ്കി​ലും ശീതോ​ഷ്‌ണ​വാൻമാ​രാ​യി​ത്തീർന്നി​ട്ടു​ണ്ടെ​ങ്കിൽ നാം നമ്മുടെ ആത്‌മീയ നഗ്നതസം​ബ​ന്ധി​ച്ചു ഉണരു​ക​യും അനുത​പി​ക്കു​ക​യും വേണം. യേശു വാതിൽക്കൽ നിന്നു മുട്ടുന്നു. നമു​ക്കെ​ല്ലാ​വർക്കും അവനെ സ്വാഗ​തം​ചെ​യ്യു​ക​യും ഗോള​ത്തി​നു ചുററു​മുള്ള നമ്മുടെ 55,000 സഭകളിൽ അവനോ​ടൊത്ത്‌ തുടർച്ച​യായ ഒരു ആത്‌മീ​യ​ഭ​ക്ഷണം ആസ്വദി​ക്കു​ക​യും ചെയ്യാം!—വെളി​പ്പാട്‌ 1:11; 2:7, 10, 11, 17, 29; 3:6, 13, 22.

ദൈവ​ത്തി​ന്റെ സിംഹാ​സ​ന​വും ഒരു ചുരു​ളും ഒരു ചോദ്യ​വും

7. രണ്ടാമത്തെ ദർശന​ത്തിൽ ഏതു സ്‌തു​തി​കൾ ആലപി​ക്ക​പ്പെ​ടു​ന്നു, നിങ്ങൾ എങ്ങനെ പ്രതി​ക​രി​ക്കു​ന്നു?

⁷ രണ്ടാമത്തെ ദർശന​ത്തിൽ യോഹ​ന്നാൻ യഹോ​വ​യു​ടെ തേജസ്സുള്ള സ്വർഗ്ഗീയ സിംഹാ​സനം കാണുന്നു. നമ്മുടെ പ്രതാ​പ​ശാ​ലി​യായ ദൈവം നാലു കെരൂ​ബു​ക​ളാ​ലും ദൂത​സൈ​ന്യ​ങ്ങ​ളാ​ലും പുനരു​ത്ഥാ​നം പ്രാപിച്ച ക്രിസ്‌തീയ ജേതാ​ക്ക​ളാ​ലും അനുഗ​ത​നാ​യി സർവ്വാ​തി​ശാ​യി​യായ പകി​ട്ടോ​ടെ പ്രത്യ​ക്ഷ​പ്പെ​ടു​ന്നു. അവരുടെ ഈ സ്‌തു​തി​ഗീ​തം എത്ര ആത്‌മോ​ത്തേ​ജ​ക​മാണ്‌: “ഞങ്ങളുടെ ദൈവം​ത​ന്നെ​യായ യഹോവേ, നീ സകലവും സൃഷ്ടി​ച്ച​തു​കൊ​ണ്ടും നിന്റെ ഇഷ്ടം ഹേതു​വാ​യി അവ സ്ഥിതി​ചെ​യ്യു​ക​യും സൃഷ്ടി​ക്ക​പ്പെ​ടു​ക​യും ചെയ്‌ത​തു​കൊ​ണ്ടും നീ മഹത്വ​വും ബഹുമാ​ന​വും ശക്തിയും സ്വീക​രി​ക്കാൻ യോഗ്യ​നാ​കു​ന്നു”! യഹോവ ഒരു ചുരുൾ തുറക്കാൻ യോഗ്യ​നായ ഏകന്റെ കയ്യിൽ അതു കൊടു​ക്കു​ന്നു—യഹൂദാ ഗോ​ത്ര​ത്തി​ലെ സിംഹ​ത്തി​ന്റെ കൈയിൽത്തന്നെ. നമ്മുടെ വീണ്ടെ​ടു​പ്പു​കാ​ര​നാ​യി​ത്തീ​രുന്ന അറുക്ക​പ്പെട്ട കുഞ്ഞാ​ടാ​ണവൻ. സകല സൃഷ്ടി​യും യഹോ​വ​യെ​യും കുഞ്ഞാ​ടി​നെ​യും സ്‌തു​തി​ക്കു​ന്നു.—വെളി​പ്പാട്‌ 4:11; 5:2-5, 11-14.

8. വെളി​പ്പാ​ടി​ലെ മൂന്നാം ദർശന​ത്തിൽ നാം എന്തു കാണുന്നു, അതു നമ്മുടെ കാല​ത്തോട്‌ എങ്ങനെ ബന്ധപ്പെ​ടു​ന്നു?

⁸ ഇനി മൂന്നാ​മത്തെ ദർശനം! കുഞ്ഞാട്‌ ചുരു​ളി​ലെ ഏഴു മുദ്രകൾ തുറക്കാൻ തുടങ്ങു​ന്നു. നാം എന്താണു കാണു​ന്നത്‌? ഒന്നാമ​താ​യി, പുതു​താ​യി കിരീ​ട​ധാ​രി​യായ യേശു സ്വർഗ്ഗ​ത്തിൽ നീതി​നി​ഷ്‌ഠ​മായ യുദ്ധത്തെ ചിത്രീ​ക​രി​ച്ചു​കൊണ്ട്‌ ഒരു വെള്ളക്കു​തി​ര​പ്പു​റത്തു സവാരി​ചെ​യ്യു​ന്നു. അടുത്ത​താ​യി തീപോ​ലെ ചുവന്ന ഒരു കുതിര ഭൂമിയെ സമഗ്ര​യു​ദ്ധ​ത്തി​ലാ​ഴ്‌ത്തു​ന്നു. പിന്നീട്‌ ക്ഷാമത്തി​ന്റെ കറുത്ത കുതിര വരുന്നു, അതിനു​ശേഷം പകർച്ച​വ്യാ​ധി​യു​ടെ മഞ്ഞക്കു​തിര. അതിൻമേൽ സവാരി ചെയ്യുന്ന ആൾ മരണ​മെന്നു വിളി​ക്ക​പ്പെ​ടു​ന്നു! ദശലക്ഷ​ക്ക​ണ​ക്കി​നു ഇരകളെ വിഴു​ങ്ങാൻ ഹേഡീസ്‌ പിന്തു​ട​രു​ന്നു. ഇതെല്ലാം മനുഷ്യ​വർഗ്ഗത്തെ 1914-18-ൽ ബാധിച്ച “കൊടും​വി​പ​ത്തി​ന്റെ കഠോ​ര​വേ​ദനക”ളോടെ തുടങ്ങു​ന്നു. ആ തലമു​റ​യിൽ ഇപ്പോ​ഴും ജീവി​ക്കുന്ന പ്രായ​മു​ള്ളവർ അതു നന്നായി ഓർക്കു​ന്നുണ്ട്‌. (മത്തായി 24:3-8) ആ കുതി​ര​ക്കാർ തുടർന്നു കുതി​ച്ചു​കൊ​ണ്ടി​രി​ക്കു​ക​യാണ്‌! അഞ്ചാമ​ത്തെ​യും ആറാമ​ത്തെ​യും മുദ്രകൾ തുറക്കു​ന്ന​തോ​ടെ സംഭവങ്ങൾ ‘യഹോ​വ​യു​ടെ​യും കുഞ്ഞാ​ടി​ന്റെ​യും മഹാ​കോ​പ​ദി​വസ’ത്തിലേക്കു നീങ്ങുന്നു. “ആർക്കു നിൽക്കാൻ കഴിയും?” എന്ന ചോദ്യം ചോദി​ക്ക​പ്പെ​ടു​ന്നു.—വെളി​പ്പാട്‌ 6:1-17.

“നിൽക്കാൻക​ഴി​യു”ന്നവർ

9. നാലാ​മത്തെ ദർശന​ത്തിൽ പുളക​പ്ര​ദ​മായ എന്തു വെളി​പ്പെ​ടു​ത്തൽ നടത്തി​യി​രി​ക്കു​ന്നു?

⁹ ദൈവ​കോ​പ​ദി​വ​സത്തെ ആർ അതിജീ​വി​ക്കു​മെ​ന്നും എന്തു​കൊ​ണ്ടെ​ന്നും പ്രകട​മാ​ക്കി​ക്കൊണ്ട്‌ നാലാ​മത്തെ ദർശനം ചുരു​ള​ഴി​യു​ന്നു. ദൂതൻമാർ ആത്മീയ യിസ്രാ​യേ​ലി​ന്റെ—1,44,000-ത്തിന്റെ—മുദ്ര​യി​ടീൽ പൂർത്തി​യാ​കേ​ണ്ട​തി​നു നാശത്തി​ന്റെ നാലു കാററു​കൾ ഭൂമി​യിൽ വീശാതെ പിടി​ച്ചു​നിർത്തു​ന്നു. “ഈ കാര്യ​ങ്ങൾക്കു​ശേഷം” ദർശനം ഒരു ഭയജന​ക​മായ വിശാല ദൃശ്യ​മാ​യി വികാസം പ്രാപി​ക്കു​ന്നു: “നോക്കൂ! സകല ജനതക​ളിൽനി​ന്നും ഗോ​ത്ര​ങ്ങ​ളിൽനി​ന്നും ജനങ്ങളിൽനി​ന്നും ഭാഷക​ളിൽനി​ന്നു​മു​ള്ള​വ​രാ​യി യാതൊ​രു മനുഷ്യ​നും എണ്ണാൻ കഴിയാഞ്ഞ ഒരു മഹാപു​രു​ഷാ​രം വെള്ളയ​ങ്കി​കൾ ധരിച്ച്‌ [ദൈവ​ത്തി​ന്റെ] സിംഹാ​സ​ന​ത്തി​നും കുഞ്ഞാ​ടി​നും മുമ്പാകെ നിൽക്കു​ന്നു; അവരുടെ കൈക​ളിൽ പനയോ​ല​ക​ളു​ണ്ടാ​യി​രു​ന്നു. അവർ ഒരു ഉറച്ച ശബ്ദത്തിൽ: ‘രക്ഷക്കു​വേണ്ടി ഞങ്ങൾ സിംഹാ​സ​ന​ത്തി​ലി​രി​ക്കുന്ന ഞങ്ങളുടെ ദൈവ​ത്തോ​ടും കുഞ്ഞാ​ടി​നോ​ടും കടപ്പെ​ട്ടി​രി​ക്കു​ന്നു’ എന്ന്‌ ഉദ്‌ഘോ​ഷി​ച്ചു​കൊ​ണ്ടി​രി​ക്കു​ന്നു.” (വെളി​പ്പാട്‌ 7:1-10) നിങ്ങൾ നിങ്ങ​ളെ​ത്തന്നെ ഈ ചിത്ര​ത്തിൽ കാണു​ന്നു​ണ്ടോ?

10. (എ) 1935-ലെയും 1987-ലെയും സ്‌മാ​ര​ക​റി​പ്പോർട്ടു​ക​ളു​ടെ ഒരു താരത​മ്യം നാലാം​ദർശ​ന​ത്തി​ന്റെ നിവൃ​ത്തി​സം​ബ​ന്ധിച്ച്‌ എന്തു സൂചി​പ്പി​ക്കു​ന്നു? (ബി) ഇപ്പോൾ ഏതു ചോദ്യം നമ്മി​ലോ​രോ​രു​ത്ത​രെ​യും ഉൾപ്പെ​ടു​ത്തു​ന്നു, എന്തു​കൊണ്ട്‌?

¹⁰ യേശു​വി​ന്റെ മരണത്തിൻ സ്‌മാ​ര​കാ​ഘോ​ഷ​ത്തി​ന്റെ 1935-ലെ ലോക​വ്യാ​പക ഹാജർ 32,795 ആയിരു​ന്നു. ഇവരിൽ 27,006 പേർ സ്വർഗ്ഗീ​യ​പ്ര​ത്യാ​ശ​യുള്ള 1,44,000-ത്തിന്റെ ഭൂമി​യി​ലെ ശേഷി​പ്പെന്ന നിലയിൽ ചിഹ്നങ്ങ​ളിൽ പങ്കുപ​ററി. പിന്നീട്‌ അതേ ആണ്ടിൽ മഹാപു​രു​ഷാ​ര​ത്തി​ന്റെ തിരി​ച്ച​റി​യൽ വ്യക്തമാ​യി തെളിഞ്ഞു. ഒരു പരദീ​സാ​ഭൂ​മി​യി​ലെ നിത്യ​ജീ​വനു നോക്കി​പ്പാർത്തി​രി​ക്കുന്ന ഈ സൗമ്യ​ത​യു​ള്ള​വ​രും യേശു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സം പ്രകട​മാ​ക്കു​ന്നു; അവർ യഹോ​വ​യി​ങ്ക​ലേക്ക്‌ സമർപ്പ​ണ​ത്തോ​ടെ വരുക​യും സ്‌നാ​ന​ത്തി​നു വിധേ​യ​രാ​കു​ക​യും “മഹോ​പ​ദ്രവ”ത്തെ അതിജീ​വി​ക്കാ​നുള്ള സന്തുഷ്ട പ്രതീ​ക്ഷ​യോ​ടെ ദൈവത്തെ തീക്ഷ്‌ണ​മാ​യി സേവി​ക്കു​ക​യും ചെയ്യുന്നു. 1987-ലെ സ്‌മാ​ര​ക​ഹാ​ജർ 89,65,221 ആയിരു​ന്നു. 8,808 പേരേ പങ്കാളി​ക​ളാ​യി ഉണ്ടായി​രു​ന്നു​ള്ളു. ഇന്നത്തെ ദശലക്ഷങ്ങൾ ഒന്നുകിൽ മഹാപു​രു​ഷാ​ര​ത്തിൽപെ​ട്ട​വ​രോ അവരിൽ ഉൾപ്പെ​ടാൻ താത്‌പ​ര്യ​മു​ള്ള​വ​രോ ആണെന്ന്‌ ഇതു സൂചി​പ്പി​ക്കു​ന്നു. ‘യഹോ​വ​യു​ടെ​യും കുഞ്ഞാ​ടി​ന്റെ​യും മഹാ​കോ​പ​ദി​വ​സ​ത്തിൽ’ നിങ്ങൾക്കു “നിൽക്കാൻ കഴിയു”മോ? ആ ലക്ഷ്യത്തിൽ നടപടി​കൾ സ്വീക​രി​ക്കു​ന്നത്‌ നിങ്ങളു​ടെ അതിജീ​വ​നത്തെ അർത്ഥമാ​ക്കും.—വെളി​പ്പാട്‌ 6:15-17; 7:14-17.

ദൈവ​ത്തി​ന്റെ ന്യായ​വി​ധി​ക​ളു​ടെ കാഹളം മുഴക്കൽ

11. അഞ്ചാമത്തെ ദർശന​ത്തിൽ ഏതു ന്യായ​വി​ധി​കാ​ഹ​ളങ്ങൾ മുഴക്ക​പ്പെ​ടു​ന്നു, ഇതു നമ്മുടെ കാല​ത്തോ​ടു എങ്ങനെ ബന്ധപ്പെ​ടു​ന്നു?

¹¹ ഏഴാമത്തെ മുദ്ര തുറക്കു​ന്നു! വെളി​പ്പാ​ടി​ലെ അഞ്ചാമത്തെ ദർശനം കാഴ്‌ച​യിൽ മിന്നി​ത്തെ​ളി​യു​ന്നു. ഏഴു ദൂതൻമാർ ദൈവ​മു​മ്പാ​കെ നിൽക്കു​ന്നു. അവർക്കു ഏഴു കാഹളങ്ങൾ കൊടു​ക്ക​പ്പെ​ടു​ന്നു. ഇവകൊണ്ട്‌ അവർ പ്രഖ്യാ​പ​നങ്ങൾ മുഴക്കു​ന്നു, 1919 മുതൽ യഹോ​വ​യു​ടെ ജനം അവയെ ഭൂവ്യാ​പ​ക​മാ​യി പ്രതി​ദ്ധ്വ​നി​പ്പി​ച്ചി​ട്ടുണ്ട്‌. ആദ്യത്തെ നാലു ദൂതൻമാർ മനുഷ്യ​വർഗ്ഗ​ത്തി​ലെ “മൂന്നി​ലൊ​ന്നി​ന്റെ”മേൽ ന്യായ​വി​ധി​കൾ അറിയി​ക്കു​ന്നു, സ്‌പഷ്ട​മാ​യി ക്രൈ​സ്‌ത​വ​ലോ​ക​ത്തിൽ വസിക്കു​ന്ന​വ​രു​ടെ​മേൽ. ഈ “കാഹളങ്ങൾ” “ഭൂമി”യിലും (സാത്താന്റെ സ്ഥിര​മെന്നു തോന്നുന്ന വ്യവസ്ഥി​തി) “സമു​ദ്ര​ത്തി​ലും” (മനുഷ്യ​വർഗ്ഗ​ത്തി​ലെ കോളി​ള​ക്കം​നി​റഞ്ഞ സമൂഹങ്ങൾ)പെട്ട ക്രൈ​സ്‌ത​വ​ലോ​ക​ഭാ​ഗ​വും അതു​പോ​ലെ അവളുടെ ‘നദിക​ളും നീരു​റ​വ​ക​ളും’ (ക്രൈ​സ്‌ത​വ​ലോ​ക​ത്തി​ലെ ഉപദേ​ശ​ങ്ങ​ളും തത്വശാ​സ്‌ത്ര​ങ്ങ​ളും) അവളുടെ ഇരുണ്ട പ്രകാ​ശ​ഗോ​ള​ങ്ങ​ളും (ആത്മീയ​വെ​ളി​ച്ച​മി​ല്ലാത്ത വൈദി​കർ) എല്ലാം ദൈവ​കോ​പ​ത്തി​ന്റെ ഇരകളാണ്‌. അടുത്ത​താ​യി ഒരു ദൂതനെ ചിത്രീ​ക​രി​ക്കുന്ന പറക്കുന്ന ഒരു “കഴുകൻ” മദ്ധ്യാ​കാ​ശ​ത്തിൽ പ്രത്യ​ക്ഷ​പ്പെട്ട്‌ ഇനിയു​മു​ണ്ടാ​കാ​നി​രി​ക്കുന്ന കാഹളങ്ങൾ “ഭൂമി​യിൽ വസിക്കു​ന്ന​വർക്കു കഷ്ടം, കഷ്ടം, കഷ്ടം” വരുത്തി​ക്കൂ​ട്ടു​മെന്ന്‌ അറിയി​ക്കു​ന്നു.—വെളി​പ്പാട്‌ 8:1-13.

12. അഗാധ​കൂ​പം തുറക്കു​ന്ന​താർ, ആധുനിക കാലങ്ങ​ളിൽ “വെട്ടു​ക്കി​ളി​ക​ളു​ടെ” ഒരു കൂട്ടം വൈദി​കരെ കുത്തി​യി​രി​ക്കു​ന്ന​തെ​ങ്ങനെ?

¹² അങ്ങനെ അഞ്ചാമത്തെ ദൂതൻ തന്റെ കാഹള​മൂ​തു​ന്നു. നോക്കൂ! “ഒരു നക്ഷത്രം”—കർത്താ​വായ യേശു—അഗാധ​പു​ക​ക്കൂ​പം തുറക്കു​ന്നു, വെട്ടു​ക്കി​ളി​ക​ളു​ടെ ഒരു സമൂഹം കയറി​വ​രു​ന്നു. ഇതു ശ്രദ്ധേ​യ​മാ​യി യേശു 1919-ൽ ദൈവ​ത്തി​ന്റെ അഭിഷി​ക്ത​സാ​ക്ഷി​കളെ നിഷ്‌ക്രി​യ​ത്വ​ത്തിൽനിന്ന്‌ മോചി​പ്പി​ക്കു​ന്ന​തി​നെ ചിത്രീ​ക​രി​ക്കു​ന്നു. ദിവ്യാ​ധി​കാ​ര​ത്തോ​ടെ ഇവർ വൈദി​ക​രു​ടെ മേച്ചൽസ്ഥ​ല​ങ്ങളെ ശൂന്യ​മാ​ക്കി “അഞ്ചുമാ​സം”—ഒരു വെട്ടു​ക്കി​ളി​യു​ടെ സാധാരണ ആയുസ്സ്‌—അവരുടെ വ്യാ​ജോ​പ​ദേ​ശ​ങ്ങ​ളെ​യും കപടഭ​ക്തി​യെ​യും തുറന്നു​കാ​ട്ടു​ന്നു. ഇത്‌ യഹോ​വ​യും ക്രിസ്‌തു​വും ജനതക​ളു​ടെ ന്യായ​വി​ധി പൂർത്തീ​ക​രി​ക്കു​ന്ന​തു​വരെ ആധുനിക വെട്ടു​ക്കി​ളി​ക​ളു​ടെ തലമുറ “യാതൊ​രു പ്രകാ​ര​ത്തി​ലും നീങ്ങി​പ്പോ​കു​ക​യില്ല” എന്നു സ്ഥിരീ​ക​രി​ക്കു​ന്നു. ഇപ്പോൾത്തന്നെ വെട്ടു​ക്കി​ളി​ക്കൂ​ട്ടം ആളുകൾക്ക്‌ സഹസ്ര​ല​ക്ഷ​ക്ക​ണ​ക്കി​നു ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണങ്ങൾ സമർപ്പി​ച്ചി​രി​ക്കു​ന്നു, തേളിന്റെ വാൽകൊ​ണ്ടു എന്നപോ​ലെ കുത്തുന്ന അഗ്‌നി​മയ ന്യായ​വി​ധി​ദൂ​തു​ക​ളാ​ണ​വ​യി​ലു​ള്ളത്‌. യോഹ​ന്നാൻ പറയുന്നു: “ഒരു കഷ്ടം കഴിഞ്ഞു. നോക്കൂ! ഈ കാര്യ​ങ്ങൾക്കു​ശേഷം രണ്ടു കഷ്ടങ്ങൾ കൂടെ വരുന്നു.”—വെളി​പ്പാട്‌ 9:1-12; മത്തായി 24:34; 25:31-33.

13. (എ) യൂപ്ര​ട്ടീസ്‌ നദിയു​ടെ പരിസ​ര​ത്തു​നി​ന്നു വിമോ​ചി​പ്പി​ക്ക​പ്പെ​ടുന്ന നാലു ദൂതൻമാർ ആരെ ചിത്രീ​ക​രി​ക്കു​ന്നു, അവർക്കു ഏതു വേല ഉണ്ട്‌? (ബി) ദശസഹ​സ്ര​ക്ക​ണ​ക്കി​നുള്ള കുതി​രപ്പട ആരാണ്‌, അവയുടെ അധികാ​രം “അവയുടെ വായ്‌ക​ളി​ലും അവയുടെ വാലു​ക​ളി​ലു​മാ”യിരി​ക്കു​ന്ന​തെ​ങ്ങനെ?

¹³ രണ്ടാമത്തെ “കഷ്ട”ത്തെ അവതരി​പ്പി​ച്ചു​കൊണ്ട്‌ ആറാമത്തെ കാഹളം മുഴക്കു​ന്നു. യൂപ്ര​ട്ടീസ്‌ നദിയു​ടെ പരിസ​ര​ത്തു​നിന്ന്‌ നാലു ദൂതൻമാർ വിമോ​ചി​പ്പി​ക്ക​പ്പെ​ടു​ന്നു. അത്‌ ബാബി​ലോ​ന്യ അടിമ​ത്വ​ത്തിൽനിന്ന്‌ 1919-ൽ ദൈവ​ത്തി​ന്റെ അഭിഷി​ക​ക്ത​സാ​ക്ഷി​കൾക്കു​ണ്ടായ വിമോ​ച​നത്തെ ഉചിത​മാ​യി ചിത്രീ​ക​രി​ക്കു​ന്നു. യഹോ​വ​യു​ടെ വീക്ഷണ​ത്തിൽ ക്രൈ​സ്‌ത​വ​ലോ​ക​ത്തി​ലെ വൈദി​കർ മരിച്ച​വ​രാ​ണെന്ന്‌ അറിയി​ച്ചു​കൊണ്ട്‌ “മനുഷ്യ​രിൽ മൂന്നി​ലൊ​ന്നി​നെ കൊല്ലാൻ” അവർ തയ്യാറാ​യി​രു​ന്നു. എന്നാൽ ഈ സാക്ഷ്യ​വേല വികസി​പ്പി​ക്കാൻ സഹായ​മാ​വ​ശ്യ​മാണ്‌, സഹപ്ര​വർത്ത​ക​രു​ടെ ഒരു മഹാപു​രു​ഷാ​രത്തെ ആനയി​ച്ചു​കൊണ്ട്‌ യഹോവ ഇതു പ്രദാ​നം​ചെ​യ്യു​ന്നു. അഭിഷി​ക്ത​സാ​ക്ഷി​ക​ളും ഈ സഹായി​ക​ളും “ഇരുപ​തി​നാ​യി​രം പതിനാ​യി​രങ്ങൾ”, അസംഖ്യം, കുതി​ര​പ്പ​ട​യെന്ന നിലയിൽ മുന്നോ​ട്ടു​കു​തി​ക്കു​ന്നു. ആളുക​ളു​ടെ ഭവനങ്ങ​ളിൽ അവർ യഹോ​വ​യു​ടെ ന്യായ​വി​ധി​ദൂ​തു​കൾ സംസാ​രി​ക്കു​ന്ന​തു​കൊണ്ട്‌ അവരുടെ അധികാ​രം “അവരുടെ വായ്‌കളി”ലാണ്‌. അവർ സത്വരം സമീപി​ച്ചു​വ​രുന്ന അവന്റെ പ്രതി​കാ​ര​ദി​വസം ഘോഷി​ക്കുന്ന ബൈബിൾസാ​ഹി​ത്യം പിൻപിൽ ഏൽപ്പി​ച്ചി​ട്ടു​പോ​രു​ന്ന​തു​കൊണ്ട്‌ അതു “അവരുടെ വാലു​കളി”ലുമാണ്‌.—വെളി​പ്പാട്‌ 9:13-21; പ്രവൃ​ത്തി​കൾ 20:20, 21.

14. (എ) ആറാം ദർശന​ത്തി​ലെ “ശക്തനായ ദൂതൻ” ആരാണ്‌, അവൻ എന്തു ചെയ്യു​ക​യും പറയു​ക​യും ചെയ്യുന്നു? (ബി) ചെറിയ ചുരുൾ “തേൻപോ​ലെ മധുരി​ക്കു”ന്നതും എന്നാൽ “വയററിൽ കൈയ്‌പുള്ള”തായി​രി​ക്കു​ന്ന​തും എന്തു സൂചി​പ്പി​ക്കു​ന്നു?

¹⁴ ഇപ്പോൾ ആറാമത്തെ ദർശനം ചുരു​ള​ഴി​യു​ന്നു. നാം “ശക്തനായ ഒരു ദൂതനെ,” സ്‌പഷ്ട​മാ​യി കർത്താ​വായ യേശു​വി​നെ, ഒരു പ്രത്യേ​ക​റോ​ളിൽ കാണുന്നു. അവന്റെ കൈയിൽ ഒരു ചെറിയ ചുരുൾ ഉണ്ട്‌. ശബ്ദങ്ങളും ഇടിമു​ഴ​ക്ക​ങ്ങ​ളും കേൾക്കു​ന്നു, അനന്തരം ദൂതൻ നമ്മുടെ മഹദ്‌സ്ര​ഷ്ടാ​വി​നെ​ക്കൊ​ണ്ടു ആണയി​ടു​ന്നു: “മേലാൽ താമസ​മു​ണ്ടാ​യി​രി​ക്കു​ക​യില്ല; എന്നാൽ ഏഴാമത്തെ ദൂതന്റെ മുഴക്ക​ലി​ന്റെ നാളു​ക​ളിൽ, അവൻ കാഹള​മൂ​താ​റാ​യി​രി​ക്കു​മ്പോൾ, ദൈവ​ത്തി​ന്റെ പാവന​ര​ഹ​സ്യം. . . . തീർച്ച​യാ​യും പൂർത്തീ​ക​രി​ക്ക​പ്പെ​ടു​ന്നു.” ചെറിയ ചുരുൾ എടുത്തു തിന്നാൻ യോഹ​ന്നാ​നോ​ടു പറയ​പ്പെ​ടു​ന്നു. അവന്റെ വായിൽ അതു “തേൻ പോലെ മധുര​മാണ്‌,” “ഒരു പുതിയ ആകാശ​ത്തി​ന്റെ​യും ഒരു പുതിയ ഭൂമി​യു​ടെ​യും” വാഗ്‌ദ​ത്താ​നു​ഗ്ര​ഹ​ങ്ങ​ളോ​ടു​കൂ​ടിയ രാജ്യ​സ​ന്ദേശം ഇന്നത്തെ അഭിഷിക്ത യോഹ​ന്നാൻവർഗ്ഗ​ത്തി​നും അവരുടെ കൂട്ടാ​ളി​കൾക്കും വളരെ ആസ്വാ​ദ്യ​മാ​യി​രി​ക്കു​ന്ന​തു​പോ​ലെ​തന്നെ. എന്നാൽ വിപരീ​ത​മാ​യി “ജനങ്ങ​ളെ​യും ജനതക​ളെ​യും ഭാഷക​ളെ​യും അനേകം രാജാ​ക്കൻമാ​രെ​യും സംബന്ധിച്ച” ദൈവ​ത്തി​ന്റെ പ്രതി​കാര ദിവസം ഘോഷി​ക്കാ​നുള്ള നിയോ​ഗം ചിലർക്കു ഉൾക്കൊ​ള്ളാൻ പ്രയാ​സ​മാണ്‌. എന്നാൽ ധൈര്യ​പ്പെ​ടുക! നിങ്ങൾ അവന്റെ പ്രതി​കാ​ര​ദി​വസം പ്രഖ്യാ​പി​ക്കു​മ്പോൾ യഹോവ ആവശ്യ​മായ ബലം നൽകു​മെന്നു ശക്തമായ വിശ്വാ​സ​മു​ണ്ടാ​യി​രി​ക്കുക.—വെളി​പ്പാ​ടു 10: 1-11; 21:1, 4; 1 യോഹ​ന്നാൻ 5:4; യെശയ്യാവ്‌ 40:29-31; 61:1, 2.

ഏഴാമത്തെ കാഹള​വും മൂന്നാ​മത്തെ കഷ്ടവും

15. (എ) മൂന്നാ​മത്തെ കഷ്ടം അറിയി​ക്ക​പ്പെ​ടു​ക​യും ഏഴാമത്തെ ദൂതൻ കാഹള​മൂ​തു​ക​യും​ചെ​യ്യു​മ്പോൾ എന്തു സംഭവി​ക്കു​ന്നു? (ബി) രാജ്യ പ്രഘോ​ഷണം ഏതു വിധത്തിൽ ഒരു കഷ്ടമാ​യി​രി​ക്കു​ന്നു?

¹⁵ ദൈവ​ത്തി​ന്റെ സാക്ഷി​കളെ “കൊല്ലാ​നു”ള്ള ശത്രു​വി​ന്റെ 1918-ലെ ശ്രമത്തെ മുൻകൂ​ട്ടി​പ്പ​റ​ഞ്ഞ​ശേ​ഷ​വും ഒരു ആഗോ​ള​സാ​ക്ഷ്യം​കൊ​ടു​ക്കു​ന്ന​തി​നു 1919-ൽ ശ്രദ്ധേ​യ​മാ​യി “ദൈവ​ത്തിൽനി​ന്നുള്ള ജീവന്റെ ആത്മാവ്‌” അവരെ പുനരു​ജ്ജീ​വി​പ്പി​ച്ച​തി​നെ വർണ്ണി​ച്ച​ശേ​ഷ​വും യോഹ​ന്നാൻ എഴുതു​ന്നു: “രണ്ടാമത്തെ കഷ്ടം കഴിഞ്ഞു. നോക്കൂ! മൂന്നാ​മത്തെ കഷ്ടം പെട്ടെന്നു വരുന്നു.” ഏതു വിധത്തിൽ? “ഏഴാമത്തെ ദൂതൻ തന്റെ കാഹള​മൂ​തി”യെന്നു രേഖ തുടരു​ന്നു. അതു​കൊ​ണ്ടു മൂന്നാ​മത്തെ കഷ്ടം അവസാ​നത്തെ ആ കാഹള​മൂ​ത്തി​നോ​ടു ബന്ധിക്ക​പ്പെ​ടു​ന്നു. ശ്രദ്ധി​ക്കുക! “‘ലോക​രാ​ജ്യം നമ്മുടെ കർത്താ​വി​ന്റെ​യും [യഹോവ] അവന്റെ ക്രിസ്‌തു​വി​ന്റെ​യും രാജ്യ​മാ​യി​ത്തീ​രു​ക​തന്നെ ചെയ്‌തു, അവൻ രാജാ​വാ​യി എന്നു​മെ​ന്നേ​ക്കും ഭരിക്കും’ എന്നു പറഞ്ഞു​കൊണ്ട്‌ സ്വർഗ്ഗ​ത്തിൽ വലിയ ശബ്ദങ്ങളു​ണ്ടാ​യി.” ഇതു ക്രിസ്‌തു​യേശു മൂലമുള്ള ദൈവ​രാ​ജ്യ​മാണ്‌, അവൻ തന്റെ 1,44,000 കൂട്ടവ​കാ​ശി​ക​ളോ​ടു​കൂ​ടെ ദൈവ​ത്തി​ന്റെ പാവന​ര​ഹ​സ്യ​ത്തെ പൂർത്തീ​ക​ര​ണ​ത്തി​ലേ​ക്കു​വ​രു​ത്തു​ന്നു, സർവ്വശ​ക്ത​നാം യഹോ​വ​യായ ദൈവ​ത്തി​ന്റെ നിത്യ​പ​ര​മാ​ധി​കാ​രത്തെ സംസ്ഥാ​പി​ച്ചു​കൊ​ണ്ടു​തന്നെ. ഈ രാജ്യ പ്രഘോ​ഷണം ഒരു കഷ്ടമാ​ണോ? ദുഷ്ടൻമാർക്ക്‌ അങ്ങനെ​തന്നെ! എന്തു​കൊ​ണ്ടെ​ന്നാൽ ദൈവം എങ്ങനെ “ഭൂമിയെ നശിപ്പി​ക്കു​ന്ന​വരെ നശിപ്പി​ക്കു”മെന്ന്‌ അതു പ്രകട​മാ​ക്കു​ന്നു.—വെളി​പ്പാട്‌ 11:1-19.

16. ഏഴാമത്തെ ദർശന​ത്തിൽ ഏതു നാടകീയ വെളി​പ്പെ​ടു​ത്ത​ലു​കൾ നടത്തുന്നു?

¹⁶ ഇപ്പോൾ ഏഴാമത്തെ ദർശനം കാഴ്‌ച​യിൽ മിന്നി​ത്തെ​ളി​യു​ന്നു! അതാ അവിടെ ദൈവ​ത്തി​ന്റെ കർത്തവ്യ നിരത​മായ സ്വർഗ്ഗീ​യ​സ്ഥാ​പനം, അവന്റെ സ്‌ത്രീ. അവൾ ഗർഭി​ണി​യാണ്‌, ദീർഘ​നാൾ പ്രതീ​ക്ഷി​ച്ചി​രുന്ന ഒരു കുട്ടിയെ പ്രസവി​ക്കാ​നുള്ള വേദന​യി​ലാണ്‌. വെളി​പ്പാ​ടിൽ ആദ്യമാ​യി—എന്നാൽ അവസാ​ന​മാ​യി​ട്ടല്ല—തീനി​റ​മുള്ള ഒരു മഹാസർപ്പം, “മുഴു​നി​വ​സി​ത​ഭൂ​മി​യെ​യും വഴി​തെ​റ​റി​ക്കുന്ന പിശാ​ചും സാത്താ​നു​മെന്നു വിളി​ക്ക​പ്പെട്ട ആദ്യപാമ്പ്‌,” ജനനസ​മ​യത്ത്‌ കുട്ടിയെ വിഴു​ങ്ങാൻ തയ്യാറാ​യി പ്രത്യ​ക്ഷ​പ്പെ​ടു​ന്നു. മുൻകൂ​ട്ടി​പ്പ​റ​യ​പ്പെട്ട “[സർപ്പവും] സ്‌ത്രീ​യും തമ്മിലുള്ള ശത്രുത” ഒരു ബലപരീ​ക്ഷ​ണ​ത്തി​ലേക്കു നീങ്ങുന്നു! സ്‌ത്രീ “ഒരു പുത്രനെ, ഒരു ആൺകു​ട്ടി​യെ” പ്രസവി​ക്കു​ന്നു, അവൻ പെട്ടെന്ന്‌ ദൈവ​ത്തി​ന്റെ സിംഹാ​സ​ന​ത്തി​ലേക്ക്‌ എടുക്ക​പ്പെ​ടു​ന്നു.—വെളി​പ്പാട്‌ 12:1-6, 9; ഉൽപ്പത്തി 3:15; ദാനി​യേൽ 2:44; 7:13, 14.

17. (എ) മീഖാ​യേൽ ആരാണ്‌, അവൻ 1914 മുതൽ തന്റെ പേരി​ന​നു​സ​രി​ച്ചു ജീവി​ച്ചി​രി​ക്കു​ന്ന​തെ​ങ്ങനെ? (ബി) ‘മൂന്നു കഷ്ടങ്ങളും’ വെളി​പ്പാ​ടു 12:12-ലെ ‘ഭൂമി​ക്കുള്ള കഷ്ട’വും തമ്മിൽ വ്യത്യാ​സ​പ്പെ​ടു​ത്തുക.

¹⁷ ഇത്‌ 1914 എന്ന ചരി​ത്ര​പ്ര​ധാ​ന​മായ വർഷത്തിൽ സ്വർഗ്ഗ​ത്തിൽ സ്ഥാപി​ത​മായ രാജ്യ​മായ ആൺകു​ട്ടി​യാണ്‌. അതിന്റെ രാജാ​വായ ക്രിസ്‌തു​യേശു മീഖാ​യേൽ എന്നും വിളി​ക്ക​പ്പെ​ടു​ന്നു. അതി​ന്റെ​യർത്ഥം “ദൈവ​ത്തെ​പ്പോ​ലെ ആരുള്ളു?” എന്നാണ്‌. സാത്താ​നു​മാ​യി യുദ്ധം​ചെ​യ്‌തു​കൊ​ണ്ടും ആ പഴയ മഹാസർപ്പ​ത്തെ​യും അവന്റെ ഭൂതങ്ങ​ളെ​യും ഭൂമി​യി​ലേക്കു വലി​ച്ചെ​റി​ഞ്ഞു​കൊ​ണ്ടും അവൻ ആ ചോദ്യ​ത്തി​നു താമസം​വി​നാ ഉത്തരം കൊടു​ക്കു​ന്നു. 1914 മുതൽ “തനിക്ക്‌ അൽപ്പകാ​ല​ഘ​ട്ട​മാ​ണു​ള്ള​തെ​ന്ന​റി​ഞ്ഞു​കൊണ്ട്‌ പിശാച്‌ മഹാ​കോ​പ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്ന​തി​നാൽ ഭൂമി​ക്കും സമു​ദ്ര​ത്തി​നും കഷ്ടം” ആയിരി​ക്കു​ന്നു. അതു​കൊണ്ട്‌ ഇന്നത്തെ മനുഷ്യ​വർഗ്ഗ​ത്തി​ന്റെ സങ്കടക​ര​മായ അവസ്ഥയിൽ പ്രതി​ഫ​ലി​ക്കുന്ന ഈ കഷ്ടത്തെ ദുഷ്ടൻമാ​രെ ന്യായം​വി​ധി​ക്കു​മ്പോൾ യഹോവ വരുത്തുന്ന ‘മൂന്നു കഷ്ടങ്ങളു’മായി കൂട്ടി​ക്കു​ഴ​യ്‌ക്കാ​വു​ന്നതല്ല.—വെളി​പ്പാട്‌ 12:7-12.

18. (എ) രണ്ടാം​ലോ​ക​മ​ഹാ​യു​ദ്ധ​കാ​ല​ത്തും മുൻപും പിശാ​ചായ സാത്താൻ യഹോ​വ​യു​ടെ വിശ്വ​സ്‌ത​ദാ​സൻമാർക്ക്‌ എന്തു കഷ്ടം വരുത്താൻ ശ്രമിച്ചു? (ബി) പിശാച്‌ എന്തു ചെയ്യാൻ ഇപ്പോ​ഴും നിശ്ചയി​ച്ചി​രി​ക്കു​ക​യാണ്‌, ശേഷിച്ച ദർശനങ്ങൾ എന്തു വെളി​പ്പെ​ടു​ത്തും?

¹⁸ പിശാച്‌ യഹോ​വ​യു​ടെ ഭൂമി​യി​ലെ വിശ്വ​സ്‌ത​രായ അടിമ​കൾക്കും കഷ്ടം വരുത്തി​ക്കൂ​ട്ടാൻ ശ്രമി​ച്ചി​ട്ടുണ്ട്‌. രണ്ടാം ലോക​മ​ഹാ​യു​ദ്ധ​കാ​ല​ത്തും മുൻപും ദൈവ​ത്തി​ന്റെ സ്‌ത്രീ​സ​മാന സ്ഥാപന​ത്തിൽ “ശേഷി​പ്പു​ള്ള​വ​രു​ടെ”—മനുഷ്യ​വർഗ്ഗ​ത്തി​ന്റെ ഇടയിൽ ഇപ്പോ​ഴും സേവി​ക്കുന്ന 1,44,000-ത്തിൽ പെട്ടവ​രു​ടെ—വേലയെ മുക്കി​ക്ക​ള​യാ​നുള്ള ശ്രമത്തിൽ അവൻ പീഡന​ത്തി​ന്റെ ഒരു പ്രളയത്തെ ചാടിച്ചു. സാത്താന്റെ സ്വന്തം വ്യവസ്ഥി​തി​യായ ഭൂമി ആ പ്രളയത്തെ വിഴു​ങ്ങി​ക്ക​ള​യു​ന്ന​തിൽ യഹോവ ശ്രദ്ധിച്ചു. എന്നിരു​ന്നാ​ലും കുപി​ത​നായ സാത്താൻ യഹോ​വ​യു​ടെ സാക്ഷി​ക​ളോ​ടു ഇപ്പോ​ഴും യുദ്ധം ചെയ്യു​ന്ന​തി​നു തുനി​ഞ്ഞി​റ​ങ്ങി​യി​രി​ക്കു​ക​യാണ്‌. (വെളി​പ്പാട്‌ 12:13-17) അന്തിമ​ഫലം എന്തായി​രി​ക്കും? ഇനിയും ഒൻപതു ദർശന​ങ്ങൾകൂ​ടെ​യുണ്ട്‌. അവ നമ്മോടു പറയും!—ഹബക്കൂക്ക്‌ 2:3. (w88 12/15)

പുനരവലോകന ചോദ്യ​ങ്ങൾ

◻ വെളി​പ്പാ​ടു​പു​സ്‌ത​ക​ത്തി​ന്റെ കാര്യ​ത്തിൽ യഹോവ ദൂതൻമാ​രെ എങ്ങനെ ഉപയോ​ഗി​ച്ചു?

◻ ഏഴു സഭകൾക്കുള്ള യേശു​വി​ന്റെ സന്ദേശങ്ങൾ നമ്മെ എങ്ങനെ ബാധി​ക്കണം?

◻ ഏഴു കാഹള​ങ്ങ​ളു​ടെ ഊത്തിൽനിന്ന്‌ എന്തു ഫലമു​ണ്ടാ​യി?

◻ വെട്ടു​ക്കി​ളി​സ​മൂ​ഹ​വും അസംഖ്യം കുതി​ര​പ്പ​ട​യും ചിത്രീ​ക​രി​ച്ച​തെന്ത്‌?

◻ ദൈവ​രാ​ജ്യ​ത്തി​ന്റെ ജനനം “മൂന്നാ​മത്തെ കഷ്ട”ത്തോടു ബന്ധിക്ക​പ്പെ​ട്ടി​രി​ക്കു​ന്ന​തെ​ന്തു​കൊണ്ട്‌?

[20-ാം പേജിലെ ചതുരം]

ഓരോ ദർശന​ത്തി​ന്റെ​യും അദ്ധ്യാ​യ​ങ്ങ​ളും വാക്യ​ങ്ങ​ളും

◻ 1-ാം ദർശനം 1:10-3:22

◻ 2-ാം ദർശനം 4:1-5:14

◻ 3-ാം ദർശനം 6:1-17

◻ 4-ാം ദർശനം 7:1-17

◻ 5-ാം ദർശനം 8:1-9:21

◻ 6-ാം ദർശനം 10:1-11:19

◻ 7-ാം ദർശനം 12:1-17

◻ 8-ാം ദർശനം 13:1-18

◻ 9-ാം ദർശനം 14:1-20

◻ 10-ാം ദർശനം 15:1-16-21

◻ 11-ാം ദർശനം 17:1-18

◻ 12-ാം ദർശനം 18:1-19:10

◻ 13-ാം ദർശനം 19:11-21

◻ 14-ാം ദർശനം 20:1-10

◻ 15-ാം ദർശനം 20:11-21:8

◻ 16-ാം ദർശനം 21:9-22:5

[21-24 പേജു​ക​ളി​ലെ ചതുരം/ചിത്രങ്ങൾ]

വെളിപ്പാടിൻ കാലത്തെ 16 ദർശനങ്ങൾ—ചില സവി​ശേ​ഷ​ത​കൾ

1 ഏഴു സഭാനി​ല​വി​ള​ക്കു​ക​ളു​ടെ നടുവിൽ നിൽക്കുന്ന യേശു അഭിഷി​ക്ത​മേൽവി​ചാ​ര​കൻമാ​രായ ഏഴു നക്ഷത്ര​ങ്ങൾമു​ഖേന സ്‌നേ​ഹ​നിർഭ​ര​മായ സന്ദേശങ്ങൾ അയയ്‌ക്കു​ന്നു

2 യഹോ​വ​യു​ടെ സ്വർഗ്ഗീ​യ​സിം​ഹാ​സ​ന​ത്തിൻമു​മ്പാ​കെ ജയശാ​ലി​യായ കുഞ്ഞാട്‌ ന്യായ​വി​ധി​ദൂ​തു​ക​ളു​ടെ ഒരു ചുരുൾ വാങ്ങുന്നു

3 മററു കുതി​ര​ക്കാർ മനുഷ്യ​വർഗ്ഗത്തെ ബാധി​ക്കു​മ്പോ​ഴും ദൈവ​ത്തി​ന്റെ ക്രോ​ധ​ദി​വസം സമീപി​ക്കു​മ്പോ​ഴും ക്രിസ്‌തു​യേശു വിജയ​ത്തി​ലേക്കു എഴു​ന്നെ​ള്ളു​ന്നു

4 ദൂതൻമാർ മഹോ​പ​ദ്ര​വത്തെ പിടി​ച്ചു​നിർത്തു​മ്പോൾ 1,44,000ത്തിന്റെയും മഹാപു​രു​ഷാ​ര​ത്തി​ന്റെ​യും കൂട്ടി​ച്ചേർപ്പു പൂർത്തി​യാ​കു​ന്നു

5 ദൂതൻമാർ ന്യായ​വി​ധി​ദൂ​തു​കൾ കാഹള​മൂ​തി അറിയി​ക്കു​ന്നു, വ്യാജ​മ​തത്തെ തുറന്നു​കാ​ട്ടു​ന്ന​തിന്‌ യഹോ​വ​യു​ടെ സാക്ഷികൾ വെട്ടു​ക്കി​ളി​ക​ളെ​പ്പോ​ലെ കൂട്ടമാ​യി പുറ​പ്പെ​ടു​ന്നു

6 ഏഴാമത്തെ കാഹള​മൂ​ത്തി​ങ്കൽ ദൈവ​ത്തി​ന്റെ “സാക്ഷികൾ” യഹോ​വ​യു​ടെ​യും അവന്റെ ക്രിസ്‌തു​വി​ന്റെ​യും ആസന്നമായ രാജ്യത്തെ പ്രഖ്യാ​പി​ക്കാൻ പുനരു​ജ്ജീ​വി​പ്പി​ക്ക​പ്പെ​ടു​ന്നു

7 ക്രിസ്‌തു 1914-ലെ രാജ്യ​ജ​ന​നത്തെ തുടർന്ന്‌ സാത്താ​നെ​യും അവന്റെ ഭൂതങ്ങ​ളെ​യും ഭൂമി​യി​ലേക്കു വലി​ച്ചെ​റി​യു​ന്നു

8 രണ്ടു കാട്ടു​മൃ​ഗങ്ങൾ പ്രത്യ​ക്ഷ​പ്പെ​ടു​ന്നു, രണ്ടാമത്തെ രാഷ​ട്രീ​യ​കാ​ട്ടു​മൃ​ഗം ഒന്നാമ​ത്തേ​തി​ന്റെ ഒരു പ്രതി​മക്ക്‌, സംയുക്ത ഐക്യ​രാ​ഷ്‌ട്ര​ങ്ങൾക്ക്‌, ജീവൻ കൊടു​ക്കു​ന്നു

9 മനുഷ്യ​വർഗ്ഗ​ത്തിൽ “ദൈവത്തെ ഭയപ്പെട്ട്‌ അവനു മഹത്വം​കൊ​ടു​ക്കു”ന്നവർ നിത്യ​ജീ​വ​നു​വേ​ണ്ടി​യും മററു​ള്ളവർ നാശത്തി​നു​വേ​ണ്ടി​യും കൊയ്യ​പ്പെ​ടു​ന്നു

10 ദൈവ​കോ​പ​ത്തി​ന്റെ ഏഴു കലശങ്ങ​ളു​ടെ ഒഴിക്കൽ സാത്താന്റെ മലിനീ​കൃത “വായു”വിനാൽ പ്രേരി​ത​രാ​കുന്ന സകലരു​ടെ​യും സംഹാ​ര​ത്തിൽ കലാശി​ക്കു​ന്നു

11 മഹാ​വേ​ശ്യ​യായ വ്യാജ​മതം രാഷ്‌ട്രീയ “കാട്ടു​മൃഗ”ത്തിന്റെ പുറത്തു​നിന്ന്‌ ഇറക്ക​പ്പെ​ടു​ന്നു, അത്‌ പിന്നീട്‌ അവളെ ശൂന്യ​മാ​ക്കു​ന്നു

12 മഹാബാ​ബി​ലോ​ന്റെ നാശത്തെ തുടർന്ന്‌ കുഞ്ഞാ​ടി​ന്റെ​യും അവന്റെ മണവാ​ട്ടി​യായ 144000ത്തിന്റെയും വിവാ​ഹ​ത്തി​ന്റെ ഒരുക്കങ്ങൾ പൂർത്തി​യാ​വു​ന്നു

13 മഹാ​വേ​ശ്യ​യു​ടെ മരണ​ശേഷം സാത്താന്റെ ഭൗമി​ക​വ്യ​വ​സ്ഥി​തി​യു​ടെ ശേഷിച്ച ഭാഗത്തെ നശിപ്പി​ക്കാൻ യേശു സ്വർഗ്ഗീയ സൈന്യ​ങ്ങളെ നയിക്കു​ന്നു.

14 സാത്താന്റെ അഗാധ​ത്തി​ല​ട​യ്‌ക്കൽ ക്രിസ്‌തു​വി​ന്റെ​യും അവന്റെ മണവാ​ട്ടി​യായ 1,44,000-ത്തിന്റെ​യും ആയിര​വർഷ​വാ​ഴ്‌ച​ക്കുള്ള വഴി​യൊ​രു​ക്കു​ന്നു

15 ക്രിസ്‌തു​യേ​ശു​വും അവന്റെ മണവാ​ട്ടി​യു​മാ​കുന്ന “പുതിയ ആകാശ​ങ്ങ​ളിൻ”കീഴിൽ മനുഷ്യ​വർഗ്ഗ​ത്തി​ലെ “പുതിയ ഭൂമി”സമുദാ​യം യഹോ​വ​യിൽനി​ന്നു പറഞ്ഞു​തീ​രാത്ത അനു​ഗ്ര​ഹ​ങ്ങ​ളാ​സ്വ​ദി​ക്കും

16 മനുഷ്യ​വർഗ്ഗ​ത്തി​ന്റെ സൗഖ്യ​മാ​ക്ക​ലി​നും ജീവനും​വേ​ണ്ടി​യുള്ള ദൈവ​ത്തി​ന്റെ കരുത​ലു​കൾ മഹത്തായ പുതിയ യെരു​ശ​ലേ​മി​ലൂ​ടെ പ്രവഹി​ക്കു​ന്നു