യേശു രാജ്യ​മ​ഹ​ത്ത്വ​ത്തിൽ വരു​മ്പോൾ

“മനുഷ്യ​പു​ത്രൻ തന്റെ രാജ്യ​ത്തിൽ വരുന്നതു കാണു​വോ​ളം മരണം ആസ്വദി​ക്കാ​ത്തവർ ചിലർ ഈ നില്‌ക്കു​ന്ന​വ​രിൽ ഉണ്ടു.”—മത്തായി 16:28.

1, 2. പൊ.യു. 32-ലെ പെന്ത​ക്കോ​സ്‌തി​നു​ശേഷം അധികം താമസി​യാ​തെ എന്തു സംഭവി​ച്ചു, ആ സംഭവ​ത്തി​ന്റെ ഉദ്ദേശ്യ​മെ​ന്താ​യി​രു​ന്നു?

പൊ.യു. (പൊതു​യു​ഗം) 32-ലെ പെന്ത​ക്കോ​സ്‌തി​നു​ശേഷം അധികം താമസി​യാ​തെ, യേശു​ക്രി​സ്‌തു​വി​ന്റെ മൂന്ന്‌ അപ്പോ​സ്‌ത​ല​ന്മാർക്ക്‌ ഒരു അവിസ്‌മ​ര​ണീയ ദർശന​മു​ണ്ടാ​യി. നിശ്വസ്‌ത രേഖ പറയു​ന്ന​പ്ര​കാ​രം, “യേശു പത്രൊ​സി​നെ​യും യാക്കോ​ബി​നെ​യും അവന്റെ സഹോ​ദ​ര​നായ യോഹ​ന്നാ​നെ​യും കൂട്ടി തനിച്ചു ഒരു ഉയർന്ന മലയി​ലേക്കു കൊണ്ടു​പോ​യി, അവരുടെ മുമ്പാകെ രൂപാ​ന്ത​ര​പ്പെട്ടു.”—മത്തായി 17:1, 2.

² നിർണാ​യ​ക​മാ​യൊ​രു സമയത്താ​യി​രു​ന്നു രൂപാ​ന്ത​രീ​കരണ ദർശന​മു​ണ്ടാ​യത്‌. താൻ യെരൂ​ശ​ലേ​മിൽ കഷ്ടപ്പാ​ടു​കൾ സഹിച്ചു മരി​ക്കേ​ണ്ടി​വ​രു​മെന്ന്‌ യേശു അനുഗാ​മി​ക​ളോ​ടു പറഞ്ഞു​തു​ട​ങ്ങി​യി​രു​ന്നു. എന്നാൽ അവർക്ക്‌ അവന്റെ വാക്കുകൾ ഉൾക്കൊ​ള്ളാൻ ബുദ്ധി​മു​ട്ടു തോന്നി. (മത്തായി 16:21-23) യേശു​വി​നു സംഭവി​ക്കാൻ പോകുന്ന മരണത്തി​നും, അതിനു​ശേഷം ക്രിസ്‌തീയ സഭ വർഷങ്ങ​ളോ​ളം നടത്തേ​ണ്ടി​യി​രുന്ന കഠിന​വേ​ല​യ്‌ക്കും നേരി​ടാ​നി​രുന്ന പരി​ശോ​ധ​ന​കൾക്കും ഒരുങ്ങു​ന്ന​തിന്‌ ആ ദർശനം അവന്റെ മൂന്ന്‌ അപ്പോ​സ്‌ത​ല​ന്മാ​രു​ടെ വിശ്വാ​സ​ത്തെ​യും ബലപ്പെ​ടു​ത്തി. ആ ദർശന​ത്തിൽനിന്ന്‌ ഇന്നു നമു​ക്കെ​ന്തെ​ങ്കി​ലും പഠിക്കാ​നു​ണ്ടോ? ഉണ്ട്‌, കാരണം അതു മുൻനി​ഴ​ലാ​ക്കി​യത്‌ വാസ്‌ത​വ​ത്തിൽ നമ്മുടെ കാലത്താ​ണു സംഭവി​ക്കു​ന്നത്‌.

3, 4. (എ) രൂപാ​ന്ത​രീ​ക​ര​ണ​ത്തിന്‌ ആറു ദിവസം​മുമ്പ്‌ യേശു എന്തു പറഞ്ഞു? (ബി) രൂപാ​ന്ത​രീ​ക​ര​ണ​ത്തിൽ സംഭവി​ച്ചതു വർണി​ക്കുക.

³ രൂപാ​ന്ത​രീ​ക​ര​ണ​ത്തിന്‌ ആറു ദിവസം​മുമ്പ്‌ യേശു തന്റെ അനുഗാ​മി​ക​ളോ​ടു പറഞ്ഞു: “മനുഷ്യ​പു​ത്രൻ തന്റെ പിതാ​വി​ന്റെ മഹത്വ​ത്തിൽ തന്റെ ദൂതൻമാ​രു​മാ​യി വരും; അപ്പോൾ അവൻ ഓരോ​രു​ത്ത​ന്നും അവനവന്റെ പ്രവൃ​ത്തി​ക്കു തക്കവണ്ണം പകരം നല്‌കും.” ഈ വാക്കുകൾ “വ്യവസ്ഥി​തി​യു​ടെ സമാപ​നത്തി”ലാണു നിറ​വേ​റുക. യേശു കൂടു​ത​ലാ​യി ഇങ്ങനെ പ്രസ്‌താ​വി​ച്ചു: “മനുഷ്യ​പു​ത്രൻ തന്റെ രാജ്യ​ത്തിൽ വരുന്നതു കാണു​വോ​ളം മരണം ആസ്വദി​ക്കാ​ത്തവർ ചിലർ ഈ നില്‌ക്കു​ന്ന​വ​രിൽ ഉണ്ടു എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.” (മത്തായി 16:27, 28; 24:3, NW; 25:31-34, 41; ദാനീ​യേൽ 12:4) ഈ ഒടുവി​ലത്തെ വാക്കു​ക​ളു​ടെ നിവൃ​ത്തി​യാ​യാ​ണു രൂപാ​ന്ത​രീ​ക​രണം സംഭവി​ച്ചത്‌.

⁴ ആ മൂന്ന്‌ അപ്പോ​സ്‌ത​ല​ന്മാർ കൃത്യ​മാ​യി എന്താണു കണ്ടത്‌? ആ സംഭവ​ത്തെ​ക്കു​റി​ച്ചു ലൂക്കൊസ്‌ വിവരി​ക്കു​ന്നു: “[യേശു] പ്രാർത്ഥി​ക്കു​മ്പോൾ മുഖത്തി​ന്റെ ഭാവം മാറി, ഉടുപ്പു മിന്നുന്ന വെള്ളയാ​യും തീർന്നു. രണ്ടു പുരു​ഷ​ന്മാർ അവനോ​ടു സംഭാ​ഷി​ച്ചു; മോ​ശെ​യും ഏലീയാ​വും തന്നേ. അവർ തേജസ്സിൽ പ്രത്യ​ക്ഷ​രാ​യി അവൻ യെരൂ​ശ​ലേ​മിൽ പ്രാപി​പ്പാ​നുള്ള നിര്യാ​ണ​ത്തെ​ക്കു​റി​ച്ചു സംസാ​രി​ച്ചു.” പിന്നെ “ഒരു മേഘം വന്നു [അപ്പോ​സ്‌ത​ല​ന്മാ​രു]ടെമേൽ നിഴലി​ട്ടു. അവർ മേഘത്തിൽ ആയപ്പോൾ പേടിച്ചു. മേഘത്തിൽനി​ന്നു: ഇവൻ എന്റെ പ്രിയ​പു​ത്രൻ, ഇവന്നു ചെവി​കൊ​ടു​പ്പിൻ എന്നു ഒരു ശബ്ദം ഉണ്ടായി.”—ലൂക്കൊസ്‌ 9:29-31, 34, 35.

വിശ്വാ​സം ബലിഷ്‌ഠ​മാ​ക്ക​പ്പെ​ടു​ന്നു

5. രൂപാ​ന്ത​രീ​ക​രണം പത്രൊസ്‌ അപ്പോ​സ്‌ത​ലനെ എങ്ങനെ സ്വാധീ​നി​ച്ചു?

⁵ പത്രൊസ്‌ അപ്പോ​സ്‌തലൻ അതി​നോ​ട​കം​തന്നെ യേശു​വി​നെ “ജീവനുള്ള ദൈവ​ത്തി​ന്റെ പുത്ര​നായ ക്രിസ്‌തു”വായി തിരി​ച്ച​റി​ഞ്ഞി​രു​ന്നു. (മത്തായി 16:16) ആ തിരി​ച്ച​റി​യ​ലി​നെ സ്ഥിരീ​ക​രി​ക്കു​ന്ന​താ​യി​രു​ന്നു സ്വർഗ​ത്തിൽനി​ന്നു യഹോവ സംസാ​രിച്ച വാക്കുകൾ. യേശു​വി​ന്റെ രൂപാ​ന്ത​രീ​ക​ര​ണ​ത്തെ​ക്കു​റി​ച്ചുള്ള ദർശനം ക്രിസ്‌തു രാജ്യാ​ധി​കാ​ര​ത്തി​ലും മഹത്ത്വ​ത്തി​ലും വരുന്ന​തി​ന്റെ​യും അവസാനം മനുഷ്യ​വർഗത്തെ ന്യായം​വി​ധി​ക്കാൻ വരുന്ന​തി​ന്റെ​യും മുൻവീ​ക്ഷ​ണ​മാ​യി​രു​ന്നു. രൂപാ​ന്ത​രീ​ക​ര​ണ​ത്തി​നു 30-ലധികം വർഷത്തി​നു​ശേഷം, പത്രൊസ്‌ എഴുതി: ‘ഞങ്ങൾ നമ്മുടെ കർത്താ​വായ യേശു​ക്രി​സ്‌തു​വി​ന്റെ ശക്തിയും പ്രത്യ​ക്ഷ​ത​യും നിങ്ങ​ളോ​ടു അറിയി​ച്ചതു നിർമ്മി​ത​ക​ഥ​കളെ പ്രമാ​ണി​ച്ചി​ട്ടല്ല, അവന്റെ മഹിമ കണ്ട സാക്ഷി​ക​ളാ​യി​ത്തീർന്നി​ട്ട​ത്രേ. “ഇവൻ എന്റെ പ്രിയ​പു​ത്രൻ; ഇവങ്കൽ ഞാൻ പ്രസാ​ദി​ച്ചി​രി​ക്കു​ന്നു” എന്നുള്ള ശബ്ദം അതി ശ്രേഷ്‌ഠ​തേ​ജ​സ്സി​ങ്കൽ നിന്നു വന്നപ്പോൾ പിതാ​വായ ദൈവ​ത്താൽ അവന്നു മാനവും തേജസ്സും ലഭിച്ചു. ഞങ്ങൾ അവനോ​ടു​കൂ​ടെ വിശു​ദ്ധ​പർവ്വ​ത​ത്തിൽ ഇരിക്കു​മ്പോൾ സ്വർഗ്ഗ​ത്തിൽനി​ന്നും ഈ ശബ്ദം ഉണ്ടായതു കേട്ടു.’—2 പത്രൊസ്‌ 1:16-18; 1 പത്രൊസ്‌ 4:17.

6. രൂപാ​ന്ത​രീ​ക​ര​ണ​ത്തി​നു​ശേഷം എന്തു സംഭവ​വി​കാ​സങ്ങൾ അരങ്ങേറി?

⁶ ആ മൂന്ന്‌ അപ്പോ​സ്‌ത​ല​ന്മാർ കണ്ട സംഗതി​യാൽ ഇന്ന്‌ നമ്മുടെ വിശ്വാ​സ​വും ബലിഷ്‌ഠ​മാ​ക്ക​പ്പെ​ടു​ന്നുണ്ട്‌. തീർച്ച​യാ​യും, പൊ.യു. 32 മുതൽ സംഭവങ്ങൾ ക്രമാ​നു​ഗ​ത​മാ​യി അരങ്ങേ​റി​ക്കൊ​ണ്ടി​രി​ക്കു​ക​യാണ്‌. പിറ്റേ വർഷം, മരിച്ച്‌ പുനരു​ത്ഥാ​നം പ്രാപിച്ച യേശു പിതാ​വി​ന്റെ വലത്തു ഭാഗ​ത്തേക്ക്‌ ആരോ​ഹണം ചെയ്‌തു. (പ്രവൃ​ത്തി​കൾ 2:29-36) ആ വർഷത്തി​ലെ പെന്ത​ക്കോ​സ്‌തു നാളിൽ, “ദൈവ​ത്തി​ന്റെ” പുതിയ “യിസ്രാ​യേൽ” സ്ഥാപി​ത​മാ​യി. അതോടെ യെരൂ​ശ​ലേ​മിൽ തുടങ്ങി പിന്നീട്‌ ഭൂമി​യു​ടെ അറ്റങ്ങ​ളോ​ളം വ്യാപിച്ച പ്രസം​ഗ​വേ​ല​യും ആരംഭി​ച്ചു. (ഗലാത്യർ 6:16; പ്രവൃ​ത്തി​കൾ 1:8) ഏതാണ്ട്‌ ഉടനെ​തന്നെ യേശു​വി​ന്റെ അനുഗാ​മി​ക​ളു​ടെ വിശ്വാ​സം പരി​ശോ​ധി​ക്ക​പ്പെട്ടു. പ്രസംഗം നിറു​ത്താൻ വിസമ്മ​തി​ച്ച​തി​നാൽ അപ്പോ​സ്‌ത​ല​ന്മാർ അറസ്റ്റു​ചെ​യ്യ​പ്പെ​ടു​ക​യും കഠിന​മാ​യി മർദി​ക്ക​പ്പെ​ടു​ക​യും ചെയ്‌തു. താമസി​യാ​തെ സ്‌തെ​ഫാ​നൊസ്‌ വധിക്ക​പ്പെട്ടു. പിന്നെ, രൂപാ​ന്ത​രീ​ക​ര​ണ​ത്തി​നു സാക്ഷ്യം​വ​ഹിച്ച യാക്കോ​ബും വധിക്ക​പ്പെട്ടു. (പ്രവൃ​ത്തി​കൾ 5:17-40; 6:8–7:60; 12:1, 2) എന്നിരു​ന്നാ​ലും, പത്രൊ​സും യോഹ​ന്നാ​നും പിന്നെ​യും അനേകം വർഷം ജീവി​ച്ചി​രുന്ന്‌ യഹോ​വയെ വിശ്വ​സ്‌ത​ത​യോ​ടെ സേവിച്ചു. വാസ്‌ത​വ​ത്തിൽ, പൊ.യു. ഒന്നാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും, യേശു​വി​ന്റെ സ്വർഗീയ മഹത്ത്വ​ത്തി​ന്റെ ദർശന​പ​ര​മായ കൂടുതൽ ഒളിമി​ന്ന​ലു​കൾ യോഹ​ന്നാൻ രേഖ​പ്പെ​ടു​ത്തി.—വെളി​പ്പാ​ടു 1:12-20; 14:14; 19:11-16.

7. (എ) രൂപാ​ന്ത​രീ​കരണ ദർശന​ത്തി​ന്റെ നിവൃത്തി ആരംഭി​ച്ചത്‌ എന്നുമു​തൽ? (ബി) ഓരോ​രു​ത്ത​രു​ടെ പ്രവൃ​ത്തി​ക്ക​നു​സ​രി​ച്ചു യേശു ചിലർക്കു പ്രതി​ഫലം കൊടു​ത്ത​തെ​പ്പോൾ?

⁷ യോഹ​ന്നാൻ കണ്ട ദർശന​ങ്ങ​ളിൽ അനേക​വും 1914-ൽ “കർത്താ​വി​ന്റെ ദിവസം” ആരംഭി​ച്ച​തു​മു​തൽ നിവൃ​ത്തി​യേ​റി​യി​രി​ക്കു​ന്നു. (വെളി​പ്പാ​ടു 1:10, NW) രൂപാ​ന്ത​രീ​ക​രണം മുൻനി​ഴ​ലാ​ക്കി​യ​തു​പോ​ലെ യേശു ‘തന്റെ പിതാ​വി​ന്റെ മഹത്വ​ത്തിൽ വരുന്ന’തിന്റെ കാര്യ​മോ? 1914-ൽ ദൈവ​രാ​ജ്യ​ത്തി​ന്റെ പിറവി​യോ​ടെ ഈ ദർശന​ത്തി​നു നിവൃ​ത്തി​യു​ണ്ടാ​കാൻ തുടങ്ങി. ഉദയന​ക്ഷ​ത്ര​ത്തെ​പ്പോ​ലെ, യേശു പുതു​താ​യി സിംഹാ​സ​ന​സ്ഥ​നായ രാജാ​വെന്ന നിലയിൽ അഖിലാണ്ഡ രംഗത്ത്‌ ഉയർന്ന​പ്പോൾ, പ്രതീ​കാ​ത്മ​ക​മാ​യി പറഞ്ഞാൽ പുതി​യൊ​രു ദിവസ​ത്തി​ന്റെ പ്രഭാ​ത​മാ​യി​രു​ന്നു അത്‌. (2 പത്രൊസ്‌ 1:19; വെളി​പ്പാ​ടു 11:15; 22:16) ആ സമയത്ത്‌ യേശു ചിലർക്ക്‌ അവരുടെ പ്രവൃ​ത്തി​ക്കൊ​ത്ത​വി​ധം പ്രതി​ഫലം കൊടു​ത്തു​വോ? ഉവ്വ്‌. അതിനു​ശേഷം അധികം താമസി​യാ​തെ, അഭിഷിക്ത ക്രിസ്‌ത്യാ​നി​ക​ളു​ടെ സ്വർഗീയ പുനരു​ത്ഥാ​നം നടന്നു​വെ​ന്ന​തി​നു ശക്തമായ തെളി​വുണ്ട്‌.—2 തിമൊ​ഥെ​യൊസ്‌ 4:8; വെളി​പ്പാ​ടു 14:13.

8. ഏതു സംഭവങ്ങൾ രൂപാ​ന്ത​രീ​കരണ ദർശന​ത്തി​ന്റെ നിവൃ​ത്തി​യു​ടെ പാരമ്യം കുറി​ക്കും?

⁸ എന്നിരു​ന്നാ​ലും, മുഴു​മ​നു​ഷ്യ​വർഗ​ത്തെ​യും ന്യായം​വി​ധി​ക്കാൻ യേശു “തന്റെ തേജ​സ്സോ​ടെ സകലവി​ശു​ദ്ധ​ദൂ​തൻമാ​രു​മാ​യി” വരും. (മത്തായി 25:31) ആ സമയത്ത്‌, അവൻ തന്റെ സകല മഹിമ​യി​ലും തന്നെത്തന്നെ വെളി​പ്പെ​ടു​ത്തി “ഓരോ​രു​ത്ത​ന്നും” അവനവന്റെ പ്രവൃ​ത്തി​ക്ക​നു​സ​രി​ച്ചു പകരം ചെയ്യും. ചെമ്മരി​യാ​ടു തുല്യ​രാ​യവർ തങ്ങൾക്കാ​യി ഒരുക്കി​യി​രി​ക്കുന്ന രാജ്യ​ത്തിൽ നിത്യ​ജീ​വൻ അവകാ​ശ​മാ​ക്കും, കോലാ​ടു തുല്യ​രാ​യവർ “നിത്യ​ച്ഛേദന”ത്തിലേക്കു പോകും. രൂപാ​ന്ത​രീ​കരണ ദർശന​ത്തി​ന്റെ നിവൃ​ത്തിക്ക്‌ എത്ര മഹത്തായ പാരമ്യം!—മത്തായി 25:34, 41, 46, NW; മർക്കൊസ്‌ 8:38; 2 തെസ്സ​ലൊ​നീ​ക്യർ 1:6-10.

യേശു​വി​ന്റെ മഹത്ത്വീ​ക​രി​ക്ക​പ്പെട്ട സഹകാ​രി​കൾ

9. രൂപാ​ന്ത​രീ​കരണ ദർശന​ത്തി​ന്റെ നിവൃ​ത്തി​യിൽ യേശു​വി​നോ​ടൊ​പ്പം മോശ​യെ​യും ഏലീയാ​വി​നെ​യും നാം പ്രതീ​ക്ഷി​ക്ക​ണ​മോ? വിശദീ​ക​രി​ക്കുക.

⁹ രൂപാ​ന്ത​രീ​ക​ര​ണ​ത്തിൽ യേശു തനിച്ച​ല്ലാ​യി​രു​ന്നു. അവനോ​ടൊ​പ്പം മോശ​യും ഏലീയാ​വും കാണ​പ്പെട്ടു. (മത്തായി 17:2, 3) അവർ അക്ഷരീ​യ​മാ​യി സന്നിഹി​ത​രാ​യി​രു​ന്നോ? ഇല്ല, ദീർഘ​നാൾമു​മ്പു മരിച്ച്‌ പൊടി​യിൽ നിദ്ര​പ്രാ​പിച്ച അവർക്കി​നി ലഭിക്കാ​നു​ള്ളതു പുനരു​ത്ഥാ​ന​മാണ്‌. (സഭാ​പ്ര​സം​ഗി 9:5, 10; എബ്രായർ 11:35) യേശു സ്വർഗീയ മഹത്ത്വ​ത്തിൽ വരു​മ്പോൾ അവനോ​ടൊ​പ്പം അവരും പ്രത്യ​ക്ഷ​പ്പെ​ടു​മോ? ഇല്ല, കാരണം മോശ​യും ഏലീയാ​വും ജീവി​ച്ചി​രു​ന്നത്‌ മനുഷ്യർക്കു സ്വർഗീയ പ്രത്യാശ തുറന്നു​കി​ട്ടു​ന്ന​തി​നു​മു​മ്പാ​യി​രു​ന്നു. “നീതി​മാ​ന്മാ​രു​ടെ” ഭൗമിക “പുനരു​ത്ഥാന”മായി​രി​ക്കും അവർക്കു ലഭിക്കുക. (പ്രവൃ​ത്തി​കൾ 24:15) അതു​കൊണ്ട്‌, രൂപാ​ന്ത​രീ​കരണ ദർശന​ത്തി​ലെ അവരുടെ പ്രത്യക്ഷത പ്രതീ​കാ​ത്മ​ക​മാണ്‌. ഏതു വിധത്തിൽ?

10, 11. ഏലീയാ​വും മോശ​യും വ്യത്യസ്‌ത പശ്ചാത്ത​ല​ങ്ങ​ളിൽ ആരെ ചിത്രീ​ക​രി​ക്കു​ന്നു?

¹⁰ മറ്റു പശ്ചാത്ത​ല​ങ്ങ​ളിൽ, മോശ​യും ഏലീയാ​വും പ്രാവ​ച​നിക വ്യക്തി​ക​ളാണ്‌. നിയമ ഉടമ്പടി​യു​ടെ മധ്യസ്ഥ​നെന്ന നിലയിൽ, മോശ പുതിയ ഉടമ്പടി​യു​ടെ മധ്യസ്ഥ​നായ യേശു​വി​നെ മുൻനി​ഴ​ലാ​ക്കി. (ആവർത്ത​ന​പു​സ്‌തകം 18:18; ഗലാത്യർ 3:19; എബ്രായർ 8:6) ഏലീയാ​വാ​കട്ടെ, മിശി​ഹാ​യു​ടെ മുന്നോ​ടി​യായ സ്‌നാപക യോഹ​ന്നാ​നെ​യും മുൻനി​ഴ​ലാ​ക്കി. (മത്തായി 17:11-13) കൂടാതെ, വെളി​പ്പാ​ടു 11-ാം അധ്യാ​യ​ത്തി​ന്റെ സന്ദർഭ​മാ​ണെ​ങ്കിൽ, മോശ​യും ഏലീയാ​വും അന്ത്യകാ​ലത്തെ അഭിഷിക്ത ശേഷി​പ്പി​നെ മുൻനി​ഴ​ലാ​ക്കു​ന്നു. അതു നമു​ക്കെ​ങ്ങനെ അറിയാം?

¹¹ നമുക്കു വെളി​പ്പാ​ടു 11:1-6-ലേക്കു തിരി​യാം. 3-ാം വാക്യ​ത്തിൽ നാമി​ങ്ങനെ വായി​ക്കു​ന്നു: “അന്നു ഞാൻ എന്റെ രണ്ടു സാക്ഷി​കൾക്കും വരം നല്‌കും; അവർ രട്ടു ഉടുത്തും​കൊ​ണ്ടു ആയിര​ത്തി​രു​നൂ​റ​റ​റു​പതു ദിവസം പ്രവചി​ക്കും.” ഈ പ്രവചനം ഒന്നാം ലോക​മ​ഹാ​യു​ദ്ധ​കാ​ലത്ത്‌ അഭിഷിക്ത ക്രിസ്‌ത്യാ​നി​ക​ളു​ടെ ശേഷി​പ്പി​ന്മേൽ നിവൃ​ത്തി​യേറി.a എന്തു​കൊണ്ട്‌ രണ്ടു സാക്ഷികൾ? എന്തെന്നാൽ ആത്മീയ​മായ വിധത്തിൽ മോശ​യും ഏലീയാ​വും ചെയ്‌ത വേല​യോ​ടു സാമ്യ​മുള്ള വേലയാണ്‌ അഭിഷിക്ത ശേഷിപ്പു നിവർത്തി​ക്കു​ന്നത്‌. 5-ഉം 6-ഉം വാക്യങ്ങൾ ഇങ്ങനെ പറയുന്നു: “ആരെങ്കി​ലും [രണ്ടു സാക്ഷി​കൾക്കു] ദോഷം ചെയ്‌വാൻ ഇച്ഛിച്ചാൽ അവരുടെ വായിൽനി​ന്നു തീ പുറ​പ്പെട്ടു അവരുടെ ശത്രു​ക്കളെ ദഹിപ്പി​ച്ചു​ക​ള​യും; അവർക്കു ദോഷം വരുത്തു​വാൻ ഇച്ഛിക്കു​ന്നവൻ ഇങ്ങനെ മരി​ക്കേ​ണ്ടി​വ​രും. അവരുടെ പ്രവച​ന​കാ​ലത്തു മഴപെ​യ്യാ​ത​വണ്ണം ആകാശം അടെച്ചു​ക​ള​വാൻ അവർക്കു അധികാ​രം ഉണ്ടു. വെള്ളത്തെ രക്തമാ​ക്കു​വാ​നും ഇച്ഛിക്കു​മ്പോ​ഴൊ​ക്കെ​യും സകലബാ​ധ​കൊ​ണ്ടും ഭൂമിയെ ദണ്ഡിപ്പി​പ്പാ​നും അധികാ​രം ഉണ്ടു.” അങ്ങനെ, അതു നമ്മെ ഏലീയാ​വും മോശ​യും പ്രവർത്തിച്ച അത്ഭുത​ങ്ങളെ അനുസ്‌മ​രി​പ്പി​ക്കു​ന്നു.—സംഖ്യാ​പു​സ്‌തകം 16:31-34; 1 രാജാ​ക്ക​ന്മാർ 17:1; 2 രാജാ​ക്ക​ന്മാർ 1:9-12.

12. രൂപാ​ന്ത​രീ​ക​ര​ണ​ത്തി​ന്റെ പശ്ചാത്ത​ല​ത്തിൽ, മോശ​യും ഏലീയാ​വും ആരെ ചിത്രീ​ക​രി​ക്കു​ന്നു?

¹² അപ്പോൾ, രൂപാ​ന്ത​രീ​കരണ പശ്ചാത്ത​ല​ത്തിൽ മോശ​യും ഏലീയാ​വും ആരെ മുൻനി​ഴ​ലാ​ക്കു​ന്നു? അവർ യേശു​വി​നോ​ടൊ​പ്പം “തേജസ്സിൽ” പ്രത്യ​ക്ഷ​രാ​യി എന്നു ലൂക്കൊസ്‌ പറയുന്നു. (ലൂക്കൊസ്‌ 9:31) വ്യക്തമാ​യും, അവർ യേശു​വി​നോ​ടൊ​പ്പം “കൂട്ടവ​കാ​ശി​കളാ”യി പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ടു​ക​യും അതു​കൊ​ണ്ടു​തന്നെ അവനോ​ടു​കൂ​ടെ “തേജസ്‌ക​രി​ക്ക​പ്പെടു”ന്നതിനുള്ള അത്ഭുത​ക​ര​മായ പ്രത്യാശ ലഭിക്കു​ക​യും ചെയ്‌ത ക്രിസ്‌ത്യാ​നി​കളെ മുൻനി​ഴ​ലാ​ക്കു​ന്നു. (റോമർ 8:17) “ഓരോ​രു​ത്ത​ന്നും അവനവന്റെ പ്രവൃ​ത്തി​ക്കു തക്കവണ്ണം പകരം നല്‌കാ”ൻ യേശു തന്റെ പിതാ​വി​ന്റെ മഹത്ത്വ​ത്തിൽ വരു​മ്പോൾ പുനരു​ത്ഥാ​നം പ്രാപിച്ച അഭിഷി​ക്തർ അവനോ​ടൊ​പ്പം ഉണ്ടായി​രി​ക്കും.—മത്തായി 16:27.

മോശ​യെ​യും ഏലീയാ​വി​നെ​യും​പോ​ലെ​യുള്ള സാക്ഷികൾ

13. യേശു​വി​നോ​ടൊ​പ്പം മഹത്ത്വീ​ക​രി​ക്ക​പ്പെ​ടുന്ന അവന്റെ അഭിഷിക്ത കൂട്ടവ​കാ​ശി​ക​ളു​ടെ ഉചിത​മായ പ്രാവ​ച​നിക മാതൃ​ക​ക​ളെന്ന നിലയിൽ മോശ​യ്‌ക്കും ഏലീയാ​വി​നു​മുള്ള സവി​ശേ​ഷ​ത​ക​ളെന്ത്‌?

¹³ മോശ​യെ​യും ഏലീയാ​വി​നെ​യും യേശു​വി​ന്റെ അഭിഷിക്ത കൂട്ടാ​വ​കാ​ശി​ക​ളു​ടെ ഉചിത​മായ പ്രാവ​ച​നിക മാതൃ​ക​ക​ളാ​യി തിരി​ച്ച​റി​യി​ക്കുന്ന ശ്രദ്ധേ​യ​മായ സവി​ശേ​ഷ​ത​ക​ളുണ്ട്‌. മോശ​യും ഏലീയാ​വും വർഷങ്ങ​ളോ​ളം യഹോ​വ​യു​ടെ വക്താക്ക​ളാ​യി സേവിച്ചു. രണ്ടു പേരും ഭരണാ​ധി​പ​ന്മാ​രു​ടെ കോപ​ത്തി​നു പാത്ര​മാ​യി. അത്യാ​വശ്യ നേരത്ത്‌, ഓരോ​രു​ത്ത​രെ​യും വിദേശ കുടും​ബം പിന്തു​ണച്ചു. രണ്ടു പേരും രാജാ​ക്ക​ന്മാ​രോ​ടു ധൈര്യ​സ​മേതം പ്രവചി​ക്കു​ക​യും വ്യാജ​പ്ര​വാ​ച​ക​ന്മാർക്കെ​തി​രെ ഉറച്ചു​നി​ല​കൊ​ള്ളു​ക​യും ചെയ്‌തു. മോശ​യും ഏലീയാ​വും സീനായ്‌ മലയിൽ (ഹോ​രേബ്‌ എന്നും വിളി​ക്ക​പ്പെ​ടു​ന്നു) യഹോ​വ​യു​ടെ ശക്തി​പ്ര​ക​ട​നങ്ങൾ കാണു​ക​യു​ണ്ടാ​യി. രണ്ടു പേരും യോർദാ​ന്റെ കിഴക്കു​വ​ശ​ത്തു​വെച്ചു പിൻഗാ​മി​കളെ നിയമി​ച്ചു. യേശു​വി​ന്റെ ആയുഷ്‌കാ​ലത്തു സംഭവി​ച്ച​വ​യൊ​ഴി​ച്ചാൽ ഏറ്റവും കൂടുതൽ അത്ഭുതങ്ങൾ മോശ​യു​ടെ​യും (യോശുവ കൂടെ​യു​ണ്ടാ​യി​രു​ന്ന​പ്പോൾ) ഏലീയാ​വി​ന്റെ​യും (എലീശാ കൂടെ​യു​ണ്ടാ​യി​രു​ന്ന​പ്പോൾ) നാളു​ക​ളി​ലാ​ണു നടന്നത്‌.b

14. മോശ​യെ​യും ഏലീയാ​വി​നെ​യും​പോ​ലെ അഭിഷി​ക്തർ യഹോ​വ​യു​ടെ വക്താവാ​യി സേവി​ച്ചി​രി​ക്കു​ന്ന​തെ​ങ്ങനെ?

¹⁴ അതെല്ലാം നമ്മെ ദൈവ​ത്തി​ന്റെ ഇസ്രാ​യേ​ലി​നെ​ക്കു​റിച്ച്‌ ഓർമി​പ്പി​ക്കു​ന്നി​ല്ലേ? തീർച്ച​യാ​യും ഉവ്വ്‌. യേശു തന്റെ വിശ്വസ്‌ത അനുഗാ​മി​ക​ളോ​ടു പറഞ്ഞു: “ആകയാൽ നിങ്ങൾ പുറ​പ്പെട്ടു, പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ; ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ടു എന്നു അരുളി​ച്ചെ​യ്‌തു.” (മത്തായി 28:19, 20) ഈ വാക്കുകൾ അനുസ​രി​ച്ചു​കൊണ്ട്‌, പൊ.യു. 33-ലെ പെന്ത​ക്കോ​സ്‌തു​മു​തൽ ഇന്നുവ​രെ​യും അഭിഷിക്ത ക്രിസ്‌ത്യാ​നി​കൾ യഹോ​വ​യു​ടെ വക്താവാ​യി സേവി​ച്ചി​രി​ക്കു​ന്നു. മോശ​യെ​യും ഏലീയാ​വി​നെ​യും പോലെ, അവർ ഭരണാ​ധി​പ​ന്മാ​രു​ടെ കോപ​ത്തി​നു പാത്ര​മാ​കു​ക​യും അവരോ​ടു സാക്ഷീ​ക​രി​ക്കു​ക​യും ചെയ്‌തി​രി​ക്കു​ന്നു. യേശു തന്റെ 12 അപ്പോ​സ്‌ത​ല​ന്മാ​രോ​ടു പറഞ്ഞു: “എന്റെ നിമിത്തം [നിങ്ങളെ] നാടു​വാ​ഴി​കൾക്കും രാജാ​ക്കൻമാർക്കും​മു​മ്പിൽ കൊണ്ടു​പോ​ക​യും ചെയ്യും; അതു അവർക്കും ജാതി​കൾക്കും ഒരു സാക്ഷ്യം ആയിരി​ക്കും.” (മത്തായി 10:18) ക്രിസ്‌തീയ സഭയുടെ ചരി​ത്ര​ത്തി​ലു​ട​നീ​ളം അവന്റെ ഈ വാക്കുകൾ ആവർത്തി​ച്ചു നിറ​വേ​റി​യി​ട്ടുണ്ട്‌.—പ്രവൃ​ത്തി​കൾ 25:6, 11, 12, 24-27; 26:3.

15, 16. അഭിഷി​ക്തരെ ഒരു വശത്തും മോശ​യെ​യും ഏലീയാ​വി​നെ​യും മറ്റൊരു വശത്തും നിറു​ത്തി​യാൽ എന്തു സാമ്യങ്ങൾ കാണാം, (എ) സത്യത്തി​നു​വേണ്ടി ധീരമാ​യി നില​കൊ​ള്ളു​ന്ന​തിൽ? (ബി) ഇസ്രാ​യേ​ല്യ​ര​ല്ലാ​ത്ത​വ​രിൽനി​ന്നു സഹായം സ്വീക​രി​ക്കു​ന്ന​തിൽ?

¹⁵ കൂടാതെ, മതപര​മായ വ്യാജ​ങ്ങൾക്കെ​തി​രെ സത്യത്തി​നു​വേണ്ടി നില​കൊ​ള്ളു​ന്ന​തിൽ മോശ​യെ​യും ഏലീയാ​വി​നെ​യും​പോ​ലെ അഭിഷിക്ത ക്രിസ്‌ത്യാ​നി​കൾ നിർഭ​യ​രാണ്‌. പൗലൊസ്‌ യഹൂദ കള്ളപ്ര​വാ​ച​ക​നായ ബർയേ​ശു​വി​നെ പരസ്യ​മാ​യി കുറ്റ​പ്പെ​ടു​ത്തി​യ​തും അതേസ​മയം അഥേന​ക്കാ​രു​ടെ ദൈവങ്ങൾ വ്യാജ​മാ​ണെന്നു നയപര​മായ ദൃഢത​യോ​ടെ തുറന്നു​കാ​ട്ടി​യ​തും എങ്ങനെ​യെന്ന്‌ അനുസ്‌മ​രി​ക്കുക. (പ്രവൃ​ത്തി​കൾ 13:6-12; 17:16, 22-31) ആധുനിക നാളിൽ അഭിഷി​ക്ത​ശേ​ഷിപ്പ്‌ ക്രൈ​സ്‌ത​വ​ലോ​കത്തെ ധീരമാ​യി തുറന്നു​കാ​ട്ടി​യി​രി​ക്കു​ന്നു​വെ​ന്നും അത്തരം സാക്ഷീ​ക​രണം അവളുടെ സ്വൈ​ര്യം കെടു​ത്തി​യി​രി​ക്കു​ന്നു​വെ​ന്നും ഓർക്കുക.—വെളി​പ്പാ​ടു 8:7-12.c

¹⁶ ഫറവോ​ന്റെ ക്രോ​ധ​ത്തിൽനിന്ന്‌ മോശ ഓടി​യ​ക​ന്ന​പ്പോൾ, യിത്രോ എന്നും പേരുള്ള രെയൂ​വേൽ എന്ന ഇസ്രാ​യേ​ല്യ​ന​ല്ലാ​ത്ത​യാ​ളു​ടെ ഭവനത്തിൽ അവന്‌ അഭയം ലഭിച്ചു. പിന്നീട്‌ ഒരവസ​ര​ത്തിൽ, മോശ​യ്‌ക്കു രെയൂ​വേ​ലിൽനി​ന്നു സംഘാ​ടനം സംബന്ധിച്ച മൂല്യ​വ​ത്തായ നിർദേ​ശങ്ങൾ ലഭിച്ചു. അവന്റെ പുത്ര​നാ​യി​രുന്ന ഹോബാബ്‌ ഇസ്രാ​യേ​ലി​നെ മരുഭൂ​മി​യിൽ നയിക്കു​ക​യു​ണ്ടാ​യി.d (പുറപ്പാ​ടു 2:15-22; 18:5-27; സംഖ്യാ​പു​സ്‌തകം 10:29) അതു​പോ​ലെ ദൈവ​ത്തി​ന്റെ ഇസ്രാ​യേ​ലിൽ അംഗങ്ങ​ള​ല്ലാത്ത വ്യക്തികൾ ദൈവ​ത്തി​ന്റെ ഇസ്രാ​യേ​ലി​ന്റെ ഭാഗമാ​യി​രി​ക്കു​ന്ന​വരെ സഹായി​ച്ചി​ട്ടു​ണ്ടോ? ഉവ്വ്‌, “വേറെ ആടുക”ളുടെ “മഹാപു​രു​ഷാ​രം”—ഈ അവസാന നാളു​ക​ളിൽ രംഗ​ത്തേ​ക്കു​വ​ന്നവർ—അവരെ പിന്തു​ണ​ച്ചി​ട്ടുണ്ട്‌. (വെളി​പ്പാ​ടു 7:9; യോഹ​ന്നാൻ 10:16; യെശയ്യാ​വു 61:5) ഈ “ചെമ്മരി​യാ​ടു​കൾ” തന്റെ അഭിഷിക്ത സഹോ​ദ​ര​ന്മാർക്കു നൽകുന്ന ഊഷ്‌മ​ള​വും സ്‌നേ​ഹ​പു​ര​സ്സ​ര​വു​മായ പിന്തു​ണ​യെ​ക്കു​റി​ച്ചു മുൻകൂ​ട്ടി​പ്പ​റ​ഞ്ഞു​കൊണ്ട്‌ യേശു അവരോ​ടു പ്രാവ​ച​നി​ക​മാ​യി പറഞ്ഞു: “എനിക്കു വിശന്നു, നിങ്ങൾ ഭക്ഷിപ്പാൻ തന്നു; ദാഹിച്ചു നിങ്ങൾ കുടി​പ്പാൻ തന്നു; ഞാൻ അതിഥി​യാ​യി​രു​ന്നു, നിങ്ങൾ എന്നെ ചേർത്തു​കൊ​ണ്ടു; നഗ്നനാ​യി​രു​ന്നു, നിങ്ങൾ എന്നെ ഉടുപ്പി​ച്ചു; രോഗി​യാ​യി​രു​ന്നു, നിങ്ങൾ എന്നെ കാൺമാൻ വന്നു; തടവിൽ ആയിരു​ന്നു, നിങ്ങൾ എന്റെ അടുക്കൽ വന്നു. . . എന്റെ ഈ ഏററവും ചെറിയ സഹോ​ദ​രൻമാ​രിൽ ഒരുത്തന്നു നിങ്ങൾ ചെയ്‌തേ​ട​ത്തോ​ളം എല്ലാം എനിക്കു ചെയ്‌തു എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.”—മത്തായി 25:35-40.

17. ഹോ​രേബ്‌ പർവത​ത്തിൽ ഏലീയാ​വിന്‌ ഉണ്ടായ​തി​നോ​ടു സമാന​മായ എന്ത്‌ അനുഭവം അഭിഷി​ക്തർക്കു​മു​ണ്ടാ​യി?

¹⁷ മാത്ര​വു​മല്ല, ഹോ​രേബ്‌ പർവത​ത്തിൽ ഏലീയാ​വിന്‌ ഉണ്ടായ​തു​പോ​ലൊ​രു അനുഭവം ദൈവ​ത്തി​ന്റെ ഇസ്രാ​യേ​ലി​നും ഉണ്ടായി.e ഇസബേൽ രാജ്ഞി​യിൽനിന്ന്‌ ഓടി​യ​ക​ലും നേരത്തെ ഏലീയാ​വി​നെ​പ്പോ​ലെ, ചകിത​രായ അഭിഷി​ക്ത​ശേ​ഷി​പ്പും ഒന്നാം ലോക​മ​ഹാ​യു​ദ്ധ​ത്തി​ന്റെ അവസാ​ന​ത്തോ​ടെ തങ്ങളുടെ വേല പൂർത്തി​യാ​യെന്നു വിചാ​രി​ച്ചു. പിന്നെ, “ദൈവ​ഗൃഹ”മെന്ന്‌ അവകാ​ശ​പ്പെ​ട്ടി​രുന്ന സ്ഥാപന​ങ്ങളെ ന്യായം​വി​ധി​ക്കാ​നെ​ത്തിയ യഹോ​വയെ, ഏലീയാ​വി​ന്റെ കാര്യ​ത്തി​ലെ​ന്ന​പോ​ലെ, അവർക്കും നേരി​ടേ​ണ്ടി​വന്നു. (1 പത്രൊസ്‌ 4:17; മലാഖി 3:1-3) ക്രൈ​സ്‌ത​വ​ലോ​കത്തെ കുറവു​ള്ള​താ​യി കണ്ടതി​നാൽ, അഭിഷി​ക്ത​ശേ​ഷി​പ്പി​നെ “വിശ്വ​സ്‌ത​നും വിവേ​കി​യു​മായ അടിമ”യായി അംഗീ​ക​രി​ക്കു​ക​യും അവർക്കു യേശു​വി​ന്റെ ഭൗമിക സമ്പത്തി​ന്മേൽ മേൽനോ​ട്ടം ലഭിക്കു​ക​യും ചെയ്‌തു. (മത്തായി 24:45-47, NW) ഹോ​രേ​ബിൽ, ഏലീയാവ്‌ “ശാന്തമായ ഒരു പതിഞ്ഞ സ്വരം” കേൾക്കു​ക​യു​ണ്ടാ​യി. യഹോ​വ​യു​ടേ​താ​യി​രുന്ന ആ സ്വരം അവനോ​ടു പിന്നെ​യും ചെയ്യാ​നുള്ള വേല​യെ​ക്കു​റി​ച്ചു പറഞ്ഞു. യുദ്ധാ​നന്തര സമാധാ​ന​ഘ​ട്ട​ത്തിൽ, ബൈബി​ളി​ന്റെ പേജു​ക​ളിൽനിന്ന്‌ അവന്റെ സ്വരം ശ്രവിച്ച യഹോ​വ​യു​ടെ വിശ്വസ്‌ത അഭിഷിക്ത ദാസന്മാ​രും തങ്ങൾക്കൊ​രു നിയോ​ഗം പൂർത്തി​യാ​ക്കാ​നു​ണ്ടെന്ന്‌ ഗ്രഹിച്ചു.—1 രാജാ​ക്ക​ന്മാർ 19:4, 9-18, NW; വെളി​പ്പാ​ടു 11:7-13.

18. ദൈവ​ത്തി​ന്റെ ഇസ്രാ​യേ​ലി​ലൂ​ടെ യഹോ​വ​യു​ടെ ശക്തിയു​ടെ മികച്ച പ്രകട​നങ്ങൾ നടന്നി​രി​ക്കു​ന്ന​തെ​ങ്ങനെ?

¹⁸ അവസാ​ന​മാ​യി, ദൈവ​ത്തി​ന്റെ ഇസ്രാ​യേ​ലി​ലൂ​ടെ യഹോ​വ​യു​ടെ ശക്തിയു​ടെ മികച്ച പ്രകടനം നടന്നി​ട്ടു​ണ്ടോ? യേശു​വി​ന്റെ മരണ​ശേഷം, അപ്പോ​സ്‌ത​ല​ന്മാർ അനേകം അത്ഭുതങ്ങൾ പ്രവർത്തി​ച്ചെ​ങ്കി​ലും കാല​ക്ര​മേണ അവ നിലച്ചു. (1 കൊരി​ന്ത്യർ 13:8-13) ഈ നാളു​ക​ളിൽ, നാം ഭൗതിക അർഥത്തിൽ അത്ഭുതങ്ങൾ കാണു​ന്നില്ല. നേരേ​മ​റിച്ച്‌, യേശു തന്റെ അനുഗാ​മി​ക​ളോ​ടു പറഞ്ഞു: “ആമേൻ, ആമേൻ, ഞാൻ നിങ്ങ​ളോ​ടു പറയുന്നു: ഞാൻ ചെയ്യുന്ന പ്രവൃത്തി എന്നിൽ വിശ്വ​സി​ക്കു​ന്ന​വ​നും ചെയ്യും; ഞാൻ പിതാ​വി​ന്റെ അടുക്കൽ പോകു​ന്ന​തു​കൊ​ണ്ടു അതിൽ വലിയ​തും അവൻ ചെയ്യും.” (യോഹ​ന്നാൻ 14:12) ഒന്നാം നൂറ്റാ​ണ്ടിൽ റോമാ സാമ്രാ​ജ്യ​ത്തി​ലു​ട​നീ​ളം യേശു​വി​ന്റെ ശിഷ്യ​ന്മാർ സുവാർത്ത പ്രസം​ഗി​ച്ച​പ്പോൾ അതിന്‌ ഒരു പ്രാരംഭ നിവൃ​ത്തി​യു​ണ്ടാ​യി. (റോമർ 10:18) ഇന്ന്‌, രാജ്യ​ത്തി​ന്റെ സുവി​ശേഷം “സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും” പ്രസം​ഗി​ക്കുന്ന വേലയ്‌ക്ക്‌ അഭിഷി​ക്ത​ശേ​ഷി​പ്പു ചുക്കാൻപി​ടിച്ച്‌ അതു വലിയ അളവിൽ നിർവ​ഹി​ച്ചി​രി​ക്കു​ക​യാണ്‌. (മത്തായി 24:14) ഫലമോ? യഹോ​വ​യു​ടെ സമർപ്പി​ത​രും വിശ്വ​സ്‌ത​രു​മായ ദാസന്മാ​രെ ചരി​ത്ര​ത്തിൽ ഏറ്റവും കൂടുതൽ കൂട്ടി​വ​രു​ത്തി​യി​രി​ക്കു​ന്ന​തിന്‌ 20-ാം നൂറ്റാണ്ട്‌ സാക്ഷ്യം​വ​ഹി​ച്ചി​രി​ക്കു​ന്നു. (വെളി​പ്പാ​ടു 5:9, 10; 7:9, 10) യഹോ​വ​യു​ടെ ശക്തിയു​ടെ എത്ര മഹനീ​യ​മായ തെളിവ്‌!—യെശയ്യാ​വു 60:22.

യേശു​വി​ന്റെ സഹോ​ദ​ര​ന്മാർ മഹത്ത്വ​ത്തിൽ വരുന്നു

19. യേശു​വി​നോ​ടൊ​പ്പം അഭിഷിക്ത സഹോ​ദ​ര​ന്മാ​രും മഹത്ത്വ​ത്തി​ലാ​യി​രി​ക്കു​ന്ന​താ​യി കാണ​പ്പെ​ടു​ന്ന​തെ​പ്പോൾ?

¹⁹ യേശു​വി​ന്റെ അഭിഷിക്ത സഹോ​ദ​ര​ന്മാ​രു​ടെ ശേഷി​പ്പി​ന്റെ ഭൗമിക ഗതി അവസാ​നി​ക്കു​മ്പോൾ, അവർ അവനോ​ടു​കൂ​ടെ മഹത്ത്വീ​ക​രി​ക്ക​പ്പെ​ടും. (റോമർ 2:6, 7; 1 കൊരി​ന്ത്യർ 15:53; 1 തെസ്സ​ലൊ​നീ​ക്യർ 4:14, 17) അങ്ങനെ അവർ സ്വർഗീ​യ​രാ​ജ്യ​ത്തിൽ അമർത്ത്യ രാജാ​ക്ക​ന്മാ​രും പുരോ​ഹി​ത​ന്മാ​രും ആയിത്തീ​രു​ന്നു. അപ്പോൾ അവർ യേശു​വി​നോ​ടൊ​പ്പം “ഇരിമ്പു​കോൽകൊ​ണ്ടു [ആളുകളെ] മേയി​ക്കും; അവർ കുശവന്റെ പാത്ര​ങ്ങൾപോ​ലെ നുറു​ങ്ങി​പ്പോ​കും.” (വെളി​പ്പാ​ടു 2:27; 20:4-6; സങ്കീർത്തനം 110:2, 5, 6) യേശു​വി​നോ​ടൊ​പ്പം അവരും സിംഹാ​സ​ന​ത്തിൽ ഇരുന്ന്‌ “യിസ്രാ​യേൽഗോ​ത്രം പന്ത്രണ്ടി”നെയും ന്യായം വിധി​ക്കും. (മത്തായി 19:28) ഞരങ്ങി​ക്കൊ​ണ്ടി​രി​ക്കുന്ന സൃഷ്ടി “ദൈവ​പു​ത്ര​ന്മാ​രു​ടെ വെളി​പ്പാ​ടി”ന്റെ ഭാഗമായ ഈ സംഭവ​ങ്ങൾക്കാ​യി ആകാം​ക്ഷാ​പൂർവം നോക്കി​പ്പാർത്തി​രു​ന്നി​ട്ടുണ്ട്‌.—റോമർ 8:19-21; 2 തെസ്സ​ലൊ​നീ​ക്യർ 1:6-8.

20. (എ) ഏതു പ്രതീക്ഷ സംബന്ധിച്ച്‌ രൂപാ​ന്ത​രീ​ക​രണം പത്രൊ​സി​ന്റെ വിശ്വാ​സ​ത്തി​നു കരു​ത്തേകി? (ബി) രൂപാ​ന്ത​രീ​ക​രണം ഇന്നു ക്രിസ്‌ത്യാ​നി​കൾക്കു കരു​ത്തേ​കു​ന്ന​തെ​ങ്ങനെ?

²⁰ “മഹോ​പ​ദ്രവ”കാലത്ത്‌ യേശു വെളി​പ്പെ​ടു​മെ​ന്ന​തി​നെ​ക്കു​റിച്ച്‌ പൗലൊസ്‌ പറഞ്ഞു. കാരണം അവൻ ഇങ്ങനെ എഴുതി: ‘അവൻ തന്റെ വിശു​ദ്ധ​ന്മാ​രിൽ മഹത്വ​പ്പെ​ടേ​ണ്ട​തി​ന്നും ഞങ്ങളുടെ സാക്ഷ്യം നിങ്ങൾ വിശ്വ​സി​ച്ച​തു​പോ​ലെ വിശ്വ​സിച്ച എല്ലാവ​രി​ലും താൻ അതിശ​യ​വി​ഷയം ആകേണ്ട​തി​ന്നും വരും.’ (മത്തായി 24:21, NW; 2 തെസ്സ​ലൊ​നീ​ക്യർ 1:9) പത്രൊസ്‌, യാക്കോബ്‌, യോഹ​ന്നാൻ എന്നിവ​രെ​യും മുഴു ആത്മാഭി​ഷിക്ത ക്രിസ്‌ത്യാ​നി​ക​ളെ​യും സംബന്ധി​ച്ചി​ട​ത്തോ​ളം അത്‌ എത്ര വിശി​ഷ്ട​മായ പ്രതീ​ക്ഷ​യാണ്‌! രൂപാ​ന്ത​രീ​ക​രണം പത്രൊ​സി​ന്റെ വിശ്വാ​സ​ത്തി​നു കരു​ത്തേകി. തീർച്ച​യാ​യും, അതി​നെ​ക്കു​റി​ച്ചു വായി​ക്കു​ന്നതു നമ്മുടെ വിശ്വാ​സ​ത്തി​നും കരു​ത്തേ​കും. കൂടാതെ യേശു “ഓരോ​രു​ത്ത​ന്നും അവനവന്റെ പ്രവൃ​ത്തി​ക്കു തക്കവണ്ണം പകരം നല്‌കു”മെന്ന നമ്മുടെ ഉറപ്പിന്‌ അത്‌ ആക്കംകൂ​ട്ടു​ക​യും ചെയ്യും. ഇന്നോളം അതിജീ​വി​ച്ചി​രി​ക്കുന്ന വിശ്വ​സ്‌ത​രായ അഭിഷിക്ത ക്രിസ്‌ത്യാ​നി​കൾക്കു തങ്ങൾ ക്രിസ്‌തു​വി​നോ​ടൊ​പ്പം മഹത്ത്വീ​ക​രി​ക്ക​പ്പെ​ടു​മെന്ന ഉറപ്പ്‌ വർധി​ച്ചി​ട്ടേ​യു​ള്ളൂ. ഈ ദുഷ്ടവ്യ​വ​സ്ഥി​തി​യു​ടെ അന്ത്യത്തിൽനി​ന്നു തങ്ങൾ മഹത്ത്വ​മേ​റിയ ഒരു പുതിയ ലോക​ത്തി​ലേക്ക്‌ അതിജീ​വി​ക്കു​മെന്ന അറിവി​നാൽ വേറെ ആടുക​ളു​ടെ വിശ്വാ​സ​വും ബലിഷ്‌ഠ​മാ​ക്ക​പ്പെ​ട്ടി​ട്ടുണ്ട്‌. (വെളി​പ്പാ​ടു 7:14) അവസാ​നം​വരെ ഉറച്ചു​നിൽക്കു​ന്ന​തിന്‌ എന്തൊരു പ്രോ​ത്സാ​ഹനം! ഇനിയും മറ്റനേകം സംഗതി​കൾ നമുക്ക്‌ ഈ ദർശന​ത്തിൽനി​ന്നു പഠിക്കാ​നുണ്ട്‌. നമുക്കത്‌ അടുത്ത ലേഖന​ത്തിൽ പരിചി​ന്തി​ക്കാം.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ രൂപാ​ന്ത​രീ​ക​ര​ണ​ത്തിൽ യേശു​വി​നോ​ടൊ​പ്പം ആരെല്ലാം പ്രത്യ​ക്ഷ​പ്പെട്ടു?

□ രൂപാ​ന്ത​രീ​ക​രണം അപ്പോ​സ്‌ത​ല​ന്മാ​രു​ടെ വിശ്വാ​സ​ത്തി​നു കരു​ത്തേ​കി​യ​തെ​ങ്ങനെ?

□ രൂപാ​ന്ത​രീ​ക​ര​ണ​ത്തിൽ മോശ​യും ഏലീയാ​വും യേശു​വി​നോ​ടൊ​പ്പം “മഹത്വ​ത്തിൽ” പ്രത്യ​ക്ഷ​പ്പെ​ട്ട​പ്പോൾ, അവർ ആരെ പ്രതി​നി​ധാ​നം ചെയ്‌തു?

□ അഭിഷി​ക്തരെ ഒരു വശത്തും മോശ​യെ​യും ഏലീയാ​വി​നെ​യും മറ്റൊരു വശത്തും നിറു​ത്തി​യാൽ എന്തു സാമ്യങ്ങൾ കാണാം?

[10-ാം പേജിലെ ചിത്രം]

കഴിഞ്ഞകാലത്തും ഇക്കാല​ത്തും രൂപാ​ന്ത​രീ​ക​രണം ക്രിസ്‌ത്യാ​നി​ക​ളു​ടെ വിശ്വാ​സ​ത്തി​നു കരു​ത്തേ​കി​യി​രി​ക്കു​ന്നു