അപ്പോ​ക്കാ​ലി​പ്‌സി​ലെ മൃഗങ്ങൾ—അവയുടെ അർത്ഥ​മെന്ത്‌?

ആയിര​ത്തി​ത്തൊ​ള്ളാ​യി​രത്തി എൺപത്തഞ്ച്‌ ജൂൺ 15-ാം തീയതി ശനിയാഴ്‌ച, മദ്ധ്യാഹ്ന സൂര്യൻ ന്യൂ​യോർക്കി​ലെ ഐക്യ​രാ​ഷ്‌ട്ര മന്ദിര​ങ്ങ​ളു​ടെ മേൽ വെട്ടി തിളങ്ങി. എന്നു​മെ​ന്ന​പോ​ലെ ആ കമനീ​യ​മായ കെട്ടിട സമുച്ഛയം കാണാൻ സന്ദർശ​ക​രു​ടെ ഒരു പ്രവാഹം അവിടെ എത്തി​ച്ചേർന്നു. അവിടെ അവർ കാണാ​നി​ട​യായ സർവ്വതി​നോ​ടും അവർക്ക്‌ തോന്നിയ ആശ്ചര്യാ​ദ​രങ്ങൾ അവർക്ക​ട​ക്കാൻ കഴിഞ്ഞില്ല.

പക്ഷേ, രാഷ്‌ട്ര​ങ്ങളെ ഏകോ​പി​പ്പി​ക്കു​ന്ന​കാ​ര്യ​ത്തിൽ ഐക്യ​രാ​ഷ്‌ട്രങ്ങൾ ഇന്നും ബഹുദൂ​രം പിന്നി​ലാണ്‌. ആ ഉച്ചതി​രി​ഞങ സമയത്ത്‌ ഒരു ഔദ്യോ​ഗിക മാർഗ്ഗ​ദർശി പറഞ്ഞതു​പോ​ലെ: “രണ്ടാം ലോക​മ​ഹാ​യു​ദ്ധ​ത്തി​നു​ശേഷം 150 യുദ്ധങ്ങൾ ഉണ്ടായി​ട്ടുണ്ട്‌, അവയിൽ 2 കോടി ആളുകൾ മരിക്ക​യും ചെയ്‌തു. ഇതുവ​രെ​യും ഒരു ലോക ഗവൺമെൻറ്‌ ഉണ്ടായി​ട്ടില്ല അതി​നോട്‌ സാദ്ധ്യ​ത​യ​നു​സ​രിച്ച്‌ ഏററവും അടുത്തത്‌ ഇതാണ്‌.” ലോക ഗവൺമെൻറ്‌, ആ സ്ഥിതിക്ക്‌ ഒരു വഴിതി​മാ​റുന്ന സ്വപ്‌നം ആണോ? വിശ്വ​സി​ച്ചാ​ലും ഇല്ലെങ്കി​ലും അപ്പോ​ക്കാ​ലി​പ്‌സി​ലെ മൃഗങ്ങളെ പരി​ശോ​ധി​ക്കു​ന്ന​തി​ലൂ​ടെ ഉത്തരം കണ്ടെത്താൻ കഴിയും.

വെളി​പ്പാ​ടി​ലെ മൃഗങ്ങ​ളിൽ യാതൊ​രു പ്രവച​ന​പ​ര​മായ അർത്ഥവും ചില ബൈബിൾ വ്യാഖ്യാ​താ​ക്കൾ കാണു​ന്നില്ല. മറിച്ച്‌ അപ്പോ​സ്‌ത​ല​നായ യോഹ​ന്നാൻ ജീവി​ച്ചി​രു​ന്ന​പ്പോൾ സംഭവിച്ച സംഭവ​ങ്ങ​ളോട്‌ അവർ അവയെ കൂട്ടി​യി​ണ​ക്കു​ന്നു. ഉദാഹ​ര​ണ​ത്തിന്‌ അപ്പോ​ക്കാ​ലി​പ്‌സി​ലെ കുതി​ര​ക്കാ​രെ​ക്കു​റി​ച്ചുള്ള ചർച്ചയിൽ ദ കാത്തലിക്‌ എൻ​സൈ​ക്ലോ​പ്പീ​ഡി​യാ പിൻവ​രുന്ന പ്രകാരം പറയുന്നു: “. . . തങ്ങളുടെ ദർശന​ങ്ങളെ പ്രവചന രൂപം നൽകി അവതരി​പ്പി​ക്കു​ന്ന​തും അവയ്‌ക്കു ഒരു ഭൂതകാല ലിഖി​ത​ത്തി​ന്റെ ദാവം നൽകു​ന്ന​തും അപ്പോ​ക്കാ​ലി​പ്‌സ്‌റ​റിക്‌ എഴുത്തു​കാ​രു​ടെ ഒരു പതിവ്‌ നടപടി ആയിരു​ന്നു.”

പക്ഷേ അപ്പോ​സ്‌ത​ല​നായ യോഹ​ന്നാൻ പ്രഖ്യാ​പി​ച്ചു: “ആത്മനി​ശ്വ​സ്‌ത​ത​യിൽ ഞാൻ കർത്താ​വി​ന്റെ ദിവസ​ത്തിൽ ആയിത്തീർന്നു.” (വെളി​പ്പാട്‌ 1:10) അതെ, വെളി​പ്പാട്‌ പുസ്‌തകം ഭൂതകാല ചരി​ത്ര​ത്തി​ലേക്കല്ല പിന്നെ​യോ കർത്താ​വായ യേശു​ക്രി​സ്‌തു സ്വർഗ്ഗ​ത്തിൽ നിന്നുള്ള ഭരണം ആരംഭി​ക്കുന്ന ഒരു ഭാവി “ദിവസ”ത്തിൽ ശ്രദ്ധ കേന്ദ്രീ​ക​രി​ക്കു​ന്നു. വെളി​പ്പാട്‌ പുസ്‌തകം 6-ാം അദ്ധ്യായം അനുസ​രിച്ച്‌ ലോക​യു​ദ്ധം, വിപു​ല​വ്യാ​പ​ക​മായ ഭക്ഷ്യക്ഷാ​മങ്ങൾ, മാരക​വ്യാ​ധി എന്നീ കാര്യ​ങ്ങ​ളാൽ “കർത്താ​വി​ന്റെ ദിവസം” അടയാ​ള​പ്പെ​ടു​ത്ത​പ്പെ​ടു​ന്നു. ഈ 20-ാം നൂററാ​ണ്ടിൽ ഭൂമി​യിൽ അരങ്ങേ​റിയ സംഭവങ്ങൾ, നാം 1914 മുതൽക്ക്‌ “കർത്താ​വി​ന്റെ ദിവസ”ത്തിലാണ്‌ ജീവി​ച്ചു​കൊ​ണ്ടി​രി​ക്കു​ന്ന​തെ​ന്ന​തി​നുള്ള വിശ്വ​സ​നീ​യ​മായ തെളി​വാണ്‌.—വെളി​പ്പാട്‌ 6:1-8.a

ആ ചരി​ത്ര​പ്ര​ധാ​ന​മായ വർഷത്തിൽ യേശു​ക്രി​സ്‌തു അവന്റെ രാജ്യ​ഭ​രണം ആരംഭി​ച്ചു. (വെളി​പ്പാട്‌ 11:15, 18) അപ്പോ​ക്കാ​ലി​പ്‌സി​ലെ മൃഗങ്ങൾ ആ തീയതി തൊട്ടു പ്രാമു​ഖ്യത കൈവ​രി​ച്ചി​രി​ക്കണം. മനുഷ്യ​വർഗ്ഗ​ത്തി​ന്റെ സമാധാ​ന​വാഞ്ച തൃപ്‌തി​പ്പെ​ടു​ത്തുന്ന ഏക ക്രമീ​ക​രണം എന്ന നിലയിൽ ദൈവ​രാ​ജ്യ​ത്തി​ലേക്ക്‌ നോക്കു​ന്ന​തിൽ നിന്ന്‌ ജനങ്ങളെ തടയുന്ന ദൈവ​ത്തി​ന്റെ ശത്രു​ക്കളെ ആണ്‌ ആ മൃഗങ്ങൾ ചിത്രീ​ക​രി​ക്കു​ന്നത്‌. ഈ ശത്രു​ക്ക​ളിൽ ഒരു സർപ്പവും മൂന്നു വന്യമൃ​ഗ​ങ്ങ​ളും ഉൾപ്പെ​ടു​ന്നു. അവ പ്രത്യ​ക്ഷ​പ്പെ​ടുന്ന ക്രമത്തിൽ തന്നെ അവയെ നമുക്ക്‌ പരി​ശോ​ധി​ക്കാം.

മഹാസർപ്പം

“നോക്കൂ! ഏഴുത​ല​യും പത്തു കൊമ്പു​ക​ളു​മുള്ള തീ നിറമു​ള്ളൊ​രു മഹാസർപ്പം” എന്നു യോഹ​ന്നാൻ വിസ്‌മ​യ​പൂർവ്വം പറഞ്ഞു. ഈ മഹാസർപ്പം എന്തിനെ ചിത്രീ​ക​രി​ക്കു​ന്നു? അത്‌ പിശാ​ചായ സാത്താ​നെ​യ​ല്ലാ​തെ മററാ​രെ​യു​മല്ല പ്രതി​നി​ധീ​ക​രി​ക്കു​ന്നത്‌ എന്നു യോഹ​ന്നാൻ തന്നെ വിശദീ​ക​രി​ക്കു​ന്നുണ്ട്‌. യോഹ​ന്നാ​ന്റെ ദർശന​ത്തിൻ പ്രകാരം ഈ സർപ്പം 1914 ലെ ദൈവ​ത്തി​ന്റെ സ്വർഗ്ഗീയ രാജ്യ​ത്തി​ന്റെ ജനനത്തെ രൂക്ഷമാ​യി എതിർത്തു. ഫലമോ? “അതു​കൊണ്ട്‌, മുഴു​നി​വ​സി​ത​ഭൂ​മി​യെ​യും വഴി​തെ​റ​റി​ക്കുന്ന പിശാ​ചും സാത്താ​നു​മെന്ന ആദ്യപാ​മ്പായ മഹാസർപ്പത്തെ താഴേക്ക്‌ എറിഞ്ഞു​ക​ളഞ്ഞു; അവൻ ഭൂമി​യി​ലേക്ക്‌ തള്ളിയി​ട​പ്പെട്ടു, അവന്റെ ദൂതൻമാ​രും അവനോ​ടു​കൂ​ടെ തള്ളിയി​ട​പ്പെട്ടു.”—വെളി​പ്പാട്‌ 12:3, 7-9.

ഈ സംഭവ​ത്തിന്‌ മനുഷ്യ​വർഗ്ഗ​ത്തിൻമേൽ ഗുരു​ത​ര​മായ പ്രത്യാ​ഘാ​തങ്ങൾ ഉണ്ടാകു​മെന്ന്‌ യോഹ​ന്നാൻ കാണി​ക്കു​ന്നു. “ഭൂമി​ക്കും സമു​ദ്ര​ത്തി​നും മഹാക​ഷ്‌ഠം, പിശാച്‌ തനിക്ക​ല്‌പ​കാ​ലമേ ഉള്ളൂ എന്നറി​ഞ്ഞു​കൊണ്ട്‌ മഹാ​ക്രോ​ധ​മു​ള്ള​വ​നാ​യി നിങ്ങളു​ടെ​യി​ട​യി​ലേക്ക്‌ ഇറങ്ങി​വ​ന്നി​രി​ക്കു​ന്നു.” (വെളി​പ്പാട്‌ 12:12) ഭൂമി​യു​ടെ പരിസ​ര​ങ്ങ​ളിൽ മാത്ര​മാ​യി അവന്‌ ഒതുങ്ങി​ക്ക​ഴി​യേണ്ടി വന്നിരി​ക്കു​ന്നു​വെ​ങ്കി​ലും ദൈവ​ത്തി​ന്റെ സ്ഥാപിത രാജ്യത്തെ ഉപദ്ര​വി​ക്കു​ന്ന​തിൽ അവൻ സദാ വെമ്പൽ കൊള്ളു​ന്നു. മൂന്നു വന്യമൃ​ഗ​ങ്ങളെ ഉപയോ​ഗി​ച്ചു​കൊണ്ട്‌ മനുഷ്യ​വർഗ്ഗത്തെ വഴി​തെ​റ​റി​ക്കു​ന്ന​തി​ലൂ​ടെ അവൻ ഇതു ചെയ്യുന്നു. ഇവയിൽ ആദ്യ​ത്തെ​തി​നെ​പ്പ​റ​റി​യുള്ള യോഹ​ന്നാ​ന്റെ വർണ്ണന പരിഗ​ണി​ക്കുക.

കടൽമൃ​ഗം

“പത്തു​കൊ​മ്പും ഏഴുത​ല​യു​മാ​യി ഒരു വന്യമൃ​ഗം കടലിൽ നിന്ന്‌ കയറി വരന്നത്‌ ഞാൻ കണ്ടു . . . ഞാൻ കണ്ട കാട്ടു​മൃ​ഗം പുള്ളി​പ്പു​ലിക്ക്‌ സദൃശ്യം ആയിരു​ന്നു. പക്ഷേ, അതിന്റെ പാദങ്ങൾ ഒരു കരടി​യു​ടേ​തും അതിന്റെ വായ്‌ ഒരു സിംഹ​ത്തി​ന്റെ വായ്‌ പോലു​ള്ള​തും ആയിരു​ന്നു. സർപ്പം മൃഗത്തിന്‌ അതിന്റെ ശക്തിയും അതിന്റെ സിംഹാ​സ​ന​വും മഹാ അധികാ​ര​വും നൽകി.”—വെളി​പ്പാട്‌ 13:1, 2.

ആ ഭീകര​ജന്തു ചിത്രീ​ക​രി​ച്ച​തെ​ന്തി​നെ​യാണ്‌? നിശ്വ​സ്‌ത​ത​യിൽ യോഹ​ന്നാൻ ഒരു സുപ്ര​ധാന സൂചന നൽകുന്നു: “സകല ഗോ​ത്ര​ത്തിൻമേ​ലും രാഷ്‌ട്ര​ത്തിൻമേ​ലും ജനതയിൻമേ​ലും ഭാഷയിൻമേ​ലും അതിന്‌ അധികാ​രം ലഭിച്ചു.” (വെളി​പ്പാട്‌ 13:7) ഭൂമി​യിൽ ജീവി​ക്കുന്ന ഓരോ വ്യക്തി​യു​ടെ​യും മേൽ ആരാണ്‌ അധികാ​രം പ്രയോ​ഗി​ക്കു​ന്നത്‌? ഒരേ​യൊ​രു സംഗതി​തന്നെ. രാഷ്‌ട്രീയ ഭരണത്തി​ന്റെ ആഗോള വ്യവസ്ഥി​തി. ഈ വ്യവസ്ഥി​തി “മഹാസർപ്പ​മായ” സാത്താ​നിൽ നിന്ന്‌ വാസ്‌ത​വ​മാ​യി അധികാ​രം കൈ​യേ​റ​റി​ട്ടു​ണ്ടോ? ഉവ്വ്‌ എന്ന്‌ ബൈബിൾ ഉത്തരം നൽകുന്നു. ഉദാഹ​ര​ണ​ത്തിന്‌ അപ്പോ​സ്‌ത​ല​നായ യോഹ​ന്നാൻ പറഞ്ഞു: “മുഴു​ലോ​ക​വും ദുഷ്ടനാ​യ​വന്റെ അധികാ​ര​ത്തിൽ കിടക്കു​ന്നു.” മരുഭൂ​മി​യിൽ വച്ച്‌ യേശു​വി​നെ പരീക്ഷി​ക്കവെ സാത്താൻ “നിവസിത ഭൂമി​യി​ലെ എല്ലാ രാജ്യ​ങ്ങ​ളു​ടെ​യും” മേലുള്ള അധികാ​രം അവന്‌ വാഗ്‌ദാ​നം ചെയ്‌ത​തു​കൊണ്ട്‌ പിൻവ​രുന്ന അവകാ​ശ​വാ​ദം ചെയ്‌തത്‌ ആശ്ചര്യമല്ല. “[ഈ അധികാ​രം] എനിക്ക്‌ നൽക​പ്പെ​ട്ടി​രി​ക്കു​ന്നു.”—1 യോഹ​ന്നാൻ 5:19; ലൂക്കോസ്‌ 4:5, 6.

എന്നാൽ ആ ഏഴ്‌ തലകൾ ചിത്രീ​ക​രി​ക്കു​ന്നത്‌ എന്തി​നെ​യാണ്‌? ഫലത്തിൽ ഈ മൃഗത്തി​ന്റെ കണ്ണാടി​യിൽ കാണുന്ന പ്രതി​ബിം​ബം പോലുള്ള മറെറാ​രു ഭീഭൽസ ജന്തുവി​നെ യോഹ​ന്നാൻ കാണാൻ ഇടയാക്കി. അതിനും ഏഴു തലകൾ ഉണ്ടായി​രു​ന്നു. ആ പ്രതി​ബിം​ബ​ത്തി​ന്റെ ഏഴു തലകൾ “ഏഴു രാജാ​ക്കൻമാ​രെ അഥവാ ലോക​ശ​ക്തി​കളെ പ്രതി​നി​ധാ​നം ചെയ്യു​ന്ന​താ​യി വിശദീ​ക​രി​ക്ക​പ്പെ​ടു​ന്നു. അവയിൽ “അഞ്ചുപേർ വീണു​പോ​യി, ഒരുവൻ ഉണ്ട്‌, മററവൻ ഇതുവ​രെ​യും എത്തിയി​ട്ടു​മില്ല.” (വെളി​പ്പാട്‌ 17:9, 10) യോഹ​ന്നാ​ന്റെ നാളിനു മുമ്പ്‌ പിൻവ​രുന്ന അഞ്ചു ലോക​ശ​ക്തി​കൾ ബൈബിൾ ചരി​ത്ര​ത്തിൽ ഉദയം ചെയ്‌തി​ട്ടുണ്ട്‌: ഈജി​പ്‌ററ്‌, അസ്സീറിയ, ബാബി​ലോൺ, മേദോ പേർഷ്യ, ഗ്രീസ്‌. യോഹ​ന്നാൻ ജീവി​ച്ചി​രു​ന്ന​പ്പോൾ ആറാമ​നായ റോം അധികാ​ര​ത്തി​ലു​ണ്ടാ​യി​രു​ന്നു.

ഏഴാമത്തെ തല ഏതായി​രു​ന്നു? ദർശനം “കർത്താ​വി​ന്റെ ദിവസ”ത്തിലെ കാര്യ​ങ്ങളെ സംബന്ധി​ക്കു​ന്ന​താ​യ​തു​കൊണ്ട്‌ റോം നിന്നി​രുന്ന അധികാര സ്ഥാനത്ത്‌ 1914 മുതലുള്ള ഈ അവസാന നാളു​ക​ളിൽ നിൽക്കുന്ന ലോക​ശ​ക്തി​യെ ആയിരി​ക്കണം അത്‌ പരാമർശി​ക്കു​ന്നത്‌. ബ്രിട്ട​ണും അമേരി​ക്കൻ ഐക്യ​നാ​ടു​ക​ളും ചേർന്നുള്ള സംയുക്ത ലോക​ശ​ക്തി​യാ​ണിത്‌ എന്ന്‌ ചരിത്രം വെളി​പ്പെ​ടു​ത്തു​ന്നു. ബ്രിട്ടൺ 1914-നു മുമ്പ്‌ ലോകം കണ്ടിട്ടു​ള്ള​തിൽ വച്ചേറ​റ​വും വലുതായ ഒരു സാമ്രാ​ജ്യം കെട്ടി​പ്പ​ടു​ത്തു. പത്തൊ​മ്പ​താം നൂററാ​ണ്ടിൽ അത്‌ ഐക്യ​നാ​ടു​ക​ളു​മാ​യി ശക്തമായ നയതന്ത്ര വാണിജ്യ ബന്ധങ്ങൾ ഉണ്ടാക്കു​ക​യും ചെയ്‌തു. ഒന്നും രണ്ടും ലോക മഹായു​ദ്ധ​ങ്ങ​ളു​ടെ സമയത്ത്‌ ഈ രണ്ടു രാജ്യ​ങ്ങ​ളും തോ​ളോട്‌ തോൾ ചേർന്ന്‌ യുദ്ധം ചെയ്യു​ക​യും അവരുടെ ആ പ്രത്യേക ബന്ധം ഇന്നേ​യോ​ളം തുടർന്ന്‌ പോരു​ക​യും ചെയ്‌തി​രി​ക്കു​ന്നു. ഐക്യ​നാ​ടു​ക​ളു​ടെ പ്രസി​ഡൻറായ റേയ്‌ഗൺ “നമ്മുടെ ഇരുരാ​ജ്യ​ങ്ങ​ളു​ടെ​യും വിശി​ഷ്ട​മായ സൗഹൃ​ദ​ത്തെ​ക്കു​റിച്ച്‌ ബ്രിട്ടിഷ്‌ പാർല​മെൻറി​നോട്‌ സംസാ​രി​ച്ചു. ഏറെ അടുത്ത കാലത്ത്‌ അതായത്‌ 1985 ഫെബ്രു​വ​രി​യിൽ ഐക്യ​നാ​ടു​ക​ളു​ടെ കോൺഗ്രസ്സ്‌ സഭകളിൽ രണ്ടി​നോ​ടു​മുള്ള പ്രസം​ഗ​ത്തിൽ ഇങ്ങനെ പറഞ്ഞു: “നാം ക്രിസ്‌തീയ യുഗത്തി​ന്റെ മൂന്നാം സഹസ്രാ​ബ്ദ​ത്തോട്‌ സമീപി​ക്കു​ന്തോ​റും നമ്മുടെ സഹോദര രാഷ്‌ട്രങ്ങൾ രണ്ടും . . . ഉദ്ദേശ്യ​സ്ഥി​ര​ത​യോ​ടെ വിശ്വാ​സം പങ്കിട്ടു​കൊണ്ട്‌ . . . ഒത്തു​ചേർന്ന്‌ മുന്നോട്ട്‌ പോകാ​നി​ട​യാ​കട്ടെ.”

ലോക കാര്യ​ങ്ങ​ളി​ലെ ആംഗ്ലോ അമേരി​ക്കൻ ദ്വി ലോക​ശ​ക്തി​യു​ടെ വൻ സ്വാധി​നം നിമിത്തം അതിനെ വെളി​പ്പാട്‌ പുസ്‌ത​ക​ത്തിൽ വേറിട്ട്‌ ചിത്രീ​ക​രി​ച്ചി​ട്ടുണ്ട്‌. എങ്ങനെ? അപ്പോ​ക്കാ​ലി​പ്‌സി​ലെ മൃഗങ്ങ​ളിൽ രണ്ടാമ​നി​ലൂ​ടെ.

കരമൃഗം

“ഭൂമി​യിൽ നിന്ന്‌ കയറി വരുന്ന​താ​യി മറെറാ​രു കാട്ടു​മൃ​ഗത്തെ ഞാൻ കണ്ടു. അതിന്‌ ഒരു കുഞ്ഞാ​ടി​ന്റെ​തു​പോ​ലെ രണ്ട്‌ കൊമ്പു​ക​ളു​ണ്ടാ​യി​രു​ന്നു. പക്ഷേ അത്‌ ഒരു മഹാസർപ്പം എന്നപ്പോ​ലെ സംസാ​രി​ക്കാൻ തുടങ്ങി.” ആക്രമ​ണൗൽസു​ക്യ​മി​ല്ലാത്ത ക്രിസ്‌ത്യാ​നി​യെന്ന്‌ അവകാ​ശ​പ്പെ​ട്ടു​കൊണ്ട്‌ ആംഗ്ലോ അമേരി​ക്കൻ ലോക​ശക്തി ഒരു കുഞ്ഞാ​ടി​ന്റെ പരി​വേഷം ധരിക്കു​ന്നു. പക്ഷേ അത്‌ വാസ്‌ത​വ​ത്തിൽ മഹാസർപ്പ​ത്തെ​പ്പോ​ലെ പ്രവർത്തി​ച്ചി​രി​ക്കു​ന്നു. ഏതുവി​ധം? അനേക രാഷ്‌ട്ര​ങ്ങളെ കോള​നി​ക​ളാ​ക്കു​ക​യും ആർത്തി​യോ​ടെ ഭൂമി​യി​ലെ വിഭവങ്ങൾ ചൂഷണം ചെയ്യു​ക​യും ചെയ്‌തു​കൊണ്ട്‌ തന്നെ കൂടാതെ, “അത്‌ ഭൂമി​യെ​യും അതിൽ വസിക്കു​ന്ന​വ​രെ​യും മരണക​ര​മായ മുറിവ്‌ പൊറു​ത്ത​തായ ആദ്യകാ​ട്ടു​മൃ​ഗത്തെ ആരാധി​ക്കു​മാ​റാ​ക്കു​ന്നു. കൂടാതെ . . . ഭൂമി​യിൽ വസിക്കു​ന്ന​വ​രോട്‌ കാട്ടു​മൃ​ഗ​ത്തിന്‌ ഒരു പ്രതി​മ​യു​ണ്ടാ​ക്കാൻ പറയു​ക​യും ചെയ്യുന്നു” (വെളി​പ്പാട്‌ 13:3, 11-15) ഇതെങ്ങനെ നിവൃ​ത്തി​യാ​യി?

ഒന്നാം ലോക​മ​ഹാ​യുദ്ധ കാലത്ത്‌ സാത്താന്റെ ലോക​വ്യാ​പ​ക​മായ രാഷ്‌ട്രീയ വ്യവസ്‌തി​തിക്ക്‌ ഒരു “മരണക​ര​മായ പ്രഹര​മേ​ററു.” അങ്ങനെ​യൊ​രു സംഗതി ഇനിയും ഉണ്ടാകു​ന്നത്‌ തടയാൻ ബ്രിട്ട​നും അമേരി​ക്ക​യും രാഷ്‌ട്രീയ വ്യവസ്ഥി​തി​യോ​ടുള്ള ആരാധന പ്രോ​ത്സാ​ഹി​പ്പി​ച്ചു. കാട്ടു​മൃ​ഗ​ത്തി​ന്റെ ഒരു പ്രതി​മ​യു​ണ്ടാ​ക്കാൻ രാഷ്‌ട്ര​ങ്ങളെ ഒത്തിണ​ക്കി​ക്കോണ്ട്‌ അവർ ഇതു ചെയ്‌തു. ഇതെങ്ങനെ സംഭവി​ച്ചു?

ഒന്നാം ലോക​മ​ഹാ​യു​ദ്ധ​ത്തി​ന്റെ അന്ത്യ​ത്തോ​ട​ടുത്ത്‌ പുതു​താ​യി ശുപാർശ ചെയ്യപ്പെട്ട സർവ്വരാ​ജ്യ​സ​ഖ്യ​ത്തി​ന​നു​കൂ​ല​മാ​യി അമേരി​ക്കൻ ഐക്യ​നാ​ടു​ക​ളു​ടെ പ്രസി​ഡൻറാ​യി​രുന്ന വിൽസൺ ഒരു തീവ്ര​സ​മരം ആരംഭി​ച്ചു. ഈ ഉദ്ദേശ്യ​ത്തി​ലേ​ക്കാ​യി 1919-ലെ പാരീസ്‌ സമാധാന സമ്മേള​ന​ത്തി​ലെ ഡലി​ഗേ​റ​റു​ക​ളോട്‌ ഇങ്ങനെ പറഞ്ഞു: “സർവ്വരാ​ജ്യ​സ​ഖ്യ​ത്തി​ന്റെ ഈ മഹത്തായ പദ്ധതിയെ ഐക്യ​നാ​ടു​ക​ളു​ടെ പ്രതി​നി​ധി​കൾ പിന്താ​ങ്ങു​ന്നു. നമ്മുടെ ഉദ്ദേശ്യം പ്രകടി​പ്പി​ച്ചി​രി​ക്കുന്ന മുഴു പരിപാ​ടി​യു​ടെ​യും ആണിക്ക​ല്ലാ​യി ഇതിനെ ഞങ്ങൾ പരിഗ​ണി​ക്കു​ന്നു . . . ഈ യുദ്ധത്തിൽ . . . നാം ഇവിടെ സന്നിഹി​ത​രാ​യി​രി​ക്കു​ന്നത്‌, ചുരു​ക്കി​പ്പ​റ​ഞ്ഞാൽ, ഈ യുദ്ധത്തി​ന്റെ അടിസ്ഥാ​നം തന്നെ ഒഴുക്കി​ക്ക​ള​യു​ന്നത്‌ കാണാൻ വേണ്ടി​യാണ്‌.”

പ്രസി​ഡൻറ്‌ വിൽസൺ പ്രസംഗം അവസാ​നി​പ്പി​ച്ച​തി​നു​ശേഷം മററാ​രു​മല്ല, ബ്രിട്ടീഷ്‌ പ്രധാ​ന​മ​ന്ത്രി​യാ​യി​രുന്ന ലോയഡ്‌ ജോർജ്ജ്‌ ആയിരു​ന്നു ഇങ്ങനെ പറഞ്ഞത്‌: “ഈ പ്രമേ​യത്തെ പിന്താ​ങ്ങാൻ ഞാൻ എഴു​ന്നേൽക്കു​ന്നു. ഐക്യ​നാ​ടു​ക​ളു​ടെ പ്രസി​ഡൻറ്‌ ചെയ്‌ത ആദർശ ശ്രേഷ്‌ഠ​മായ പ്രഭാ​ഷ​ണ​ത്തെ​ത്തു​ടർന്ന്‌ ഈ പ്രമേ​യത്തെ സമ്മേള​ന​ത്തോട്‌ ശുപാർശ​ചെ​യ്യു​ന്ന​തിന്‌ കൂടു​ത​ലായ യാതൊ​രു പര്യാ​ലോ​ച​ന​യു​ടെ​യും ആവശ്യം ഇല്ലെന്ന്‌ എനിക്ക്‌ തോന്നു​ന്നു. ഞാൻ . . . ബ്രിട്ടീഷ്‌ സാമ്രാ​ജ്യ​ത്തി​ലെ ജനതതി എത്ര നിശ്ചയ​ദാർഢ്യ​ത്തോ​ടെ​യാണ്‌ ഈ പ്രമേ​യ​ത്തിന്‌ പിൻപിൽ അണിനി​ര​ക്കു​ന്ന​തെന്ന്‌ പ്രസ്‌താ​വി​ക്കു​ക​യും ചെയ്‌തു​കൊ​ള്ളു​ന്നു.”

പിന്നീട്‌ ആ വർഷത്തിൽ തന്നെ സർവ്വരാ​ജ്യ​സ​ഖ്യ​ത്തി​ന്റെ അംഗീ​ക​ര​ണത്തെ പിന്താ​ങ്ങു​ന്ന​തി​നു​വേണ്ടി കൂടിയ ഒരു യോഗ​ത്തിൽവച്ച്‌ ഗ്രേററ്‌ ബ്രിട്ടൺന്റെ രാജാ​വിൽ നിന്നുള്ള ഒരു കത്ത്‌ ഇപ്രകാ​രം വായി​ക്ക​പ്പെട്ടു: “ നാം യുദ്ധം വിജയി​ച്ചു. അതൊരു മഹാ​നേ​ട്ട​മാണ്‌. പക്ഷേ അതു​കൊണ്ട്‌ മാത്രം മതിയാ​കു​ന്നില്ല. ഒരു നിലനിൽക്കുന്ന സമാധാ​നം നേടി​യെ​ടു​ക്കു​ന്ന​തിന്‌ നാം പോരാ​ടി, അത്‌ കൈവ​രി​ക്കാൻ സകല മാർഗ്ഗ​ങ്ങ​ളും ഉപയു​ക്ത​മാ​ക്കുക എന്നത്‌ നമ്മുടെ പരമമായ കർത്തവ്യ​മാണ്‌. അതിന്‌ ശക്തവും നിലനിൽക്കു​ന്ന​തു​മായ ഒരു സർവ്വരാ​ജ്യ സഖ്യ​ത്തേ​ക്കാൾ അനിവാ​ര്യ​മായ മറെറാ​ന്നില്ല. . . . ദൈവ​മ​ഹ​ത്വ​ത്തി​നു​ത​കു​മാറ്‌ . . . സൻമന​സ്സുള്ള മറെറല്ലാ മനുഷ്യ​രു​ടെ​യും സഹായ​ത്തോ​ടെ സമാധാ​ന​ത്തി​ന്റെ ഒരു കോട്ട​യും ഒരു സുനി​ശ്ചിത പ്രതി​രോ​ധ​വും സ്ഥാപി​ക്കാൻ ഈ ആദർശ ദൗത്യത്തെ സാമ്രാ​ജ്യ​ത്തി​ലെ എല്ലാ പൗരൻമാ​രോ​ടും ശുപാർശ ചെയ്‌തു​കൊ​ള്ളു​ന്നു.”

സർവ്വരാ​ജ്യ​സ​ഖ്യം 1920 ജനുവരി 16-ാം തീയതി 42 രാജ്യ​ങ്ങ​ളു​ടെ അംഗത്വ​ത്തോ​ടെ സ്ഥാപി​ക്ക​പ്പെട്ടു. അത്‌ 1934 ആയപ്പോ​ഴേക്ക്‌ 58 രാജ്യ​ങ്ങളെ ആശ്ലേഷി​ച്ചു. ലോക​ത്തെ​ക്കൊണ്ട്‌ “കാട്ടു​മൃ​ഗ​ത്തി​ന്റെ ഒരു പ്രതിമ” ഉണ്ടാക്കി​ക്കുന്ന കാര്യ​ത്തിൽ ഇരു​കൊ​മ്പുള്ള നാട്ടു​മൃ​ഗം വിജയി​ച്ചു. ഈ പ്രതിമ അഥവാ സാത്താന്റെ ലോക​വ്യാ​പക രാഷ്‌ട്രീയ വ്യവസ്ഥി​തി​യു​ടെ പ്രതി​നി​ധീ​ക​രണം ആണ്‌ അപ്പോ​ക്കാ​ലി​പ്‌സി​ലെ ഒടുവി​ലത്തെ കാട്ടു​മൃ​ഗ​ത്താൽ ചിത്രീ​ക​രി​ക്ക​പ്പെ​ടു​ന്നത്‌.

കടും​ചു​വ​പ്പുള്ള മൃഗം

അവസാന മൃഗ​ത്തെ​ക്കു​റി​ച്ചുള്ള യോഹ​ന്നാ​ന്റെ വർണ്ണന ഇതാ: “ഏഴുത​ല​യും പത്തു​കൊ​മ്പു​ക​ളും ഉള്ളതായി ദൂഷണ​നാ​മങ്ങൾ നിറഞ്ഞ ഒരു കടും​ചു​വപ്പു നിറമുള്ള മൃഗം.” ഇതി​നെ​ക്കു​റിച്ച്‌ യോഹ​ന്നാ​നോട്‌ ഇങ്ങനെ പറയ​പ്പെട്ടു: “ഉണ്ടായി​രു​ന്ന​തും ഇപ്പോ​ഴി​ല്ലാ​ത്ത​തും ഇനി അഗാധ​ത്തിൽ നിന്ന്‌ കയറി നാശത്തി​ലേക്ക്‌ പൊയ്‌പ്പോ​കാ​നി​രി​ക്കു​ന്ന​തു​മായ കാട്ടു​മൃ​ഗം. . . . അതുതന്നെ ഒരെട്ടാ​മത്തെ രാജാവ്‌ ആകുന്നു.” (വെളി​പ്പാട്‌ 17:3, 8, 11) ഈ വിവര​ണ​ത്തോ​ടുള്ള ചേർച്ച​യിൽ ലോക​വേ​ദി​യിൽ സർവ്വരാ​ജ്യ​സ​ഖ്യം ഒരു ലോക​ശ​ക്തി​യെ​പ്പോ​ലെ പ്രവർത്തി​ക്കാൻ തുടങ്ങി. എന്നിരു​ന്നാ​ലും അത്‌ 1939 ലാരം​ഭിച്ച രണ്ടാം ലോക​മ​ഹാ​യു​ദ്ധത്തെ തടയു​ന്ന​തിൽ പരാജ​യ​പ്പെട്ടു. മൃഗം മുൻപ​റ​ഞ്ഞ​പോ​ലെ​തന്നെ അഗാധ​ത്തിൽ പോയ്‌മ​റഞ്ഞു.

അന്ത:രാഷ്‌ട്രീയ സംഘട​നയെ പുനരു​ദ്ധ​രി​ക്കാൻ രണ്ടാം ലോക മഹായുദ്ധ കാലത്ത്‌ ആംഗ്ലോ അമേരി​ക്കൻ ലോക​ശക്തി അശ്രാന്ത പരി​ശ്രമം നടത്തി. ഗ്രേററ്‌ ബ്രിട്ടന്റെ പ്രധാ​ന​മ​ന്ത്രി​യാ​യി​രുന്ന വിൻസ്‌ററൺ ചർച്ചിൽ ഐക്യ​നാ​ടു​ക​ളു​ടെ പ്രസി​ഡൻറായ ഫ്രാം​ഗ്ലിൻ റുസ്‌വെൽറ​റു​മാ​യി അററ്‌ലാൻറിക്‌ സമു​ദ്ര​ത്തി​ലൂ​ടെ​യുള്ള ഒരു കപ്പൽയാ​ത്ര​യി​ങ്കൽ രഹസ്യ സംഭാ​ഷ​ണങ്ങൾ നടത്തി. അവർ “ലോക​ത്തി​ന്റെ മെച്ചപ്പെട്ട ഭാവി​യെ​പ്പ​റ​റി​യുള്ള തങ്ങളുടെ പ്രത്യാ​ശ​ക​ളെ​ക്കു​റി​ച്ചും “പൊതു​സു​ര​ക്ഷി​ത​ത്തിന്‌ വിപു​ല​വും സ്ഥിരവും ആയ ഒരു സംവി​ധാ​നം ഏർപ്പെ​ടു​ത്തു​ന്ന​തി​നെ​ക്കു​റി​ച്ചു​മുള്ള ഒരു സംയുക്ത പ്രഖ്യാ​പനം ചെയ്‌തു. തുടർന്നു വന്ന വർഷം, വാഷിം​ഗ്‌ടൺ ഡി. സി. യിൽ വച്ച്‌ “ഐക്യ​രാ​ഷ്‌ട്ര​ങ്ങ​ളു​ടെ പ്രഖ്യാ​പനം” എന്നു പേർ വിളി​ക്ക​പ്പെട്ട പ്രഖ്യാ​പ​ന​ത്തി​ലൂ​ടെ ഈ ആംഗ്ലോ അമേരി​ക്കൻ പദ്ധതി​യിൽ 26 രാഷ്‌ട്രങ്ങൾ കക്ഷി​ചേർന്നു. ഇത്‌ 1945 ഒക്‌ടോ​ബർ 24-ാം തീയതി ഐക്യ​രാ​ഷ്‌ട്ര​സം​ഘടന രൂപം കൊള്ളു​ന്ന​തി​ലേക്ക്‌ വഴി​തെ​ളി​ച്ചു. കടും ചുവപ്പു​നി​റ​മുള്ള മൃഗം മറെറാ​രു പേരിൽ അഗാധ​ത്തിൽ നിന്ന്‌ കയറി. ഈ സംഘട​ന​യിൽ ഇന്നേക്ക്‌ 159 രാഷ്‌ട്രങ്ങൾ അംഗങ്ങ​ളാ​യി ചേർന്നി​ട്ടുണ്ട്‌. ഇന്നാസ്‌തി​ക്യ​ത്തി​ലുള്ള രാഷ്‌ട്രീയ ഭരണ വ്യവസ്ഥി​തി​യെ ഇത്‌ നിലനിർത്തി​കൊണ്ട്‌ പോകും എന്ന്‌ അവർ ആശിക്കു​ന്നു.

ഇവയെ​ല്ലാം 1914-ൽ സ്വർഗ്ഗ​ത്തിൽ സ്ഥാപി​ത​മായ ദൈവ​ത്തി​ന്റെ മശി​ഹൈക രാജ്യത്തെ കണക്കി​ലെ​ടു​ക്കാ​തെ തള്ളിക്ക​ള​യു​ന്നു. ഭൂമി​യി​ലുള്ള ഒരോ മനുഷ്യ​നും ദൈവ​ത്തി​ന്റെ വാഴ്‌ച​ക്കും മമനു​ഷ്യ​ന്റെ വാഴ്‌ച​ക്കും ഇടയിൽ ഒരു തെര​ഞ്ഞെ​ടുപ്പ്‌ നടത്തേ​ണ്ട​തുണ്ട്‌. ദൈവ​ത്തി​ന്റെ അവരോ​ധി​ക്ക​പ്പെട്ട രാജാ​വായ യേശു​ക്രി​സ്‌തു​വു​മാ​യുള്ള ഒരു യുദ്ധത്തിൽ സകല മാനുഷ ഗവൺമെൻറു​ക​ളോ​ടു​മൊ​പ്പം കടും​ചു​വ​പ്പു​നി​റ​മുള്ള മൃഗം വേഗത്തിൽ ഉൾപ്പെ​ടും. ഫലമെ​ന്താ​യി​രി​ക്കും? “താൻ കർത്താ​ധി​കർത്താ​വും രാജാ​ധി​രാ​ജാ​വും ആയിരി​ക്കു​ന്ന​തു​കൊണ്ട്‌ കുഞ്ഞാട്‌ [യേശു​ക്രി​സ്‌തു] അവരെ ജയിച്ച​ട​ക്കും.” അതെ, ചുവന്ന മൃഗം അതിന്റെ മുഴു മാനുഷ ഭരണ വ്യവസ്ഥി​തി​യോ​ടു​മൊ​പ്പം നാശത്തി​ലേക്ക്‌ പൊയ്‌പ്പോ​കും.—വെളി​പ്പാട്‌ 17:11, 14; ദാനി​യേൽ 2:44 കൂടെ കാണുക.

മഹാസർപ്പ​ത്താ​ലും അവന്റെ മൂന്നു വന്യമൃ​ഗ​ങ്ങ​ളാ​ലും വഴി​തെ​റ​റി​ക്ക​പ്പെ​ടാ​തി​രി​ക്കു​ന്നത്‌ അന്നാളിൽ എന്തനു​ഗ്ര​ഹ​മാ​യി​രി​ത്തീ​രും! ദൈവ​രാ​ജ്യ​ത്തി​ന്റെ വിശ്വസ്‌ത പ്രജക​ളെന്നു തെളി​യി​ച്ചവർ “ഒരു പുതിയ ഭൂമി”യുടെ ഭാഗമാ​യി​ത്തീ​രാൻ തക്കവണ്ണം അതിജീ​വി​ക്കും. ദൈവം “അവരുടെ കണ്ണുക​ളിൽ നിന്ന്‌ കണ്ണുനീർ എല്ലാം തുടച്ചു​ക​ള​യും ഇനിമേൽ മരണമു​ണ്ടാ​ക​യില്ല വിലാ​പ​മോ, മുറവി​ളി​യോ വേദന​യോ ഇനി ഉണ്ടാക​യില്ല മുൻകാല സംഗതി​ക​ളെ​ല്ലാം നീങ്ങി​പ്പോ​യി.” (2 പത്രോസ്‌ 3:13; വെളി​പ്പാട്‌ 21:3, 4) അതു​കൊണ്ട്‌ നിങ്ങ​ളെ​ത്തന്നെ ഫലപ്ര​ദ​മായ ഏക ലോക ഗവൺമെൻറായ ദൈവ​രാ​ജ്യ​ത്തിന്‌ കീഴ്‌പ്പെ​ടു​ത്തുക. അപ്പോൾ നിങ്ങളും ശാശ്വത അനു​ഗ്ര​ഹങ്ങൾ ആസ്വദി​ക്കുന്ന അണിയി​ലാ​യി​ത്തീ​രും. (w86 2/1)

[അടിക്കു​റി​പ്പു​കൾ]