യൂറോ​പ്യൻ ഹൈ​ക്കോ​ടതി ഗ്രീസിൽ പ്രസം​ഗി​ക്കാ​നുള്ള അവകാ​ശത്തെ ഉയർത്തി​പ്പി​ടി​ക്കു​ന്നു

അയൽക്കാർ പ്രശം​സി​ക്കുന്ന ഒരു മനുഷ്യ​നെ 1938 മുതൽ 60-ലധികം പ്രാവ​ശ്യം എന്തു​കൊണ്ട്‌ അറസ്‌ററ്‌ ചെയ്യണം? ക്രേത്ത​യി​ലെ ഗ്രീക്ക്‌ ദ്വീപിൽനി​ന്നുള്ള ഈ സത്യസ​ന്ധ​നായ കച്ചവട​ക്കാ​രനെ എന്തു​കൊ​ണ്ടു 18 പ്രാവ​ശ്യം ഗ്രീക്ക്‌ കോട​തി​കൾക്കു മുമ്പാകെ കൊണ്ടു​വ​രു​ക​യും ആറു വർഷത്തി​ല​ധി​കം തടവി​ലി​ടു​ക​യും ചെയ്യണം? അതേ, ഈ പരി​ശ്ര​മ​ശാ​ലി​യായ മിനോസ്‌ കൊക്കി​നാ​ക്കിസ്‌ എന്ന കുടും​ബ​നാ​ഥനെ ഭാര്യ​യിൽനി​ന്നും അഞ്ചു മക്കളിൽനി​ന്നും അകററി വ്യത്യസ്‌ത ദ്വീപു​ക​ളി​ലേക്ക്‌ എന്തു​കൊ​ണ്ടു നാടു​ക​ട​ത്തണം?

ആയിര​ത്തി​ത്തൊ​ള്ളാ​യി​ര​ത്തി​മു​പ്പ​ത്തെ​ട്ടി​ലും 1939-ലും മതപരി​വർത്തനം നിരോ​ധി​ച്ചു​കൊ​ണ്ടു പാസ്സാ​ക്കിയ നിയമ​ങ്ങ​ളാണ്‌ ഏറിയ​പ​ങ്കും അതിനു കാരണ​മാ​യത്‌. ഗ്രീക്ക്‌ ഓർത്ത​ഡോ​ക്‌സ്‌ സഭയുടെ സ്വാധീ​ന​ത്തിൻകീ​ഴെ പ്രവർത്തി​ക്കു​ക​യാ​യി​രുന്ന ഗ്രീക്ക്‌ ഏകാധി​പ​തി​യായ ഇയോ​വാ​നീസ്‌ മെററാ​ക്‌സാസ്‌ ആയിരു​ന്നു ഈ നിയമങ്ങൾ സ്ഥാപി​ച്ചത്‌.

ഈ നിയമ​നിർമാ​ണ​ത്തി​ന്റെ ഫലമായി 1938 മുതൽ 1992 വരെ യഹോ​വ​യു​ടെ സാക്ഷി​കൾക്കു നേരി​ടേ​ണ്ടി​വന്ന അറസ്‌റ​റു​ക​ളു​ടെ എണ്ണം 19,147 ആയിരു​ന്നു, കോടതി വിധിച്ച ആകെ തടവ്‌ 753 വർഷങ്ങൾ, അതിൽ 593 വർഷങ്ങൾ യഥാർഥ​ത്തിൽ അനുഭ​വി​ക്കു​ക​യും ചെയ്‌തു. ഇതെല്ലാം സംഭവി​ക്കാൻ കാരണം മറെറ​വി​ട​ത്തെ​യും​പോ​ലെ ഗ്രീസി​ലെ സാക്ഷികൾ, താൻ കല്‌പി​ച്ച​തൊ​ക്കെ​യും “പ്രമാ​ണി​ക്കാൻ തക്കവണ്ണം ഉപദേ​ശി​ച്ചു​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന യേശു​ക്രി​സ്‌തു​വി​ന്റെ പ്രബോ​ധ​നങ്ങൾ പിൻപ​റ​റു​ന്ന​തു​കൊ​ണ്ടാ​യി​രു​ന്നു.—മത്തായി 28:19, 20.

എന്നാൽ 1993 മേയ്‌ 25-ാം തീയതി ആരാധ​നാ​സ്വാ​ത​ന്ത്ര്യ​ത്തി​ന്റെ പേരിൽ ഒരു മഹത്തായ വിജയം നേടി! ആ ദിവസം, ഫ്രാൻസി​ലെ സ്‌ട്രാ​സ്‌ബർഗി​ലുള്ള യൂറോ​പ്യൻ മനുഷ്യാ​വ​കാശ കോടതി തന്റെ വിശ്വാ​സങ്ങൾ മററു​ള്ള​വരെ പഠിപ്പി​ക്കാ​നുള്ള ഒരു ഗ്രീക്ക്‌ പൗരന്റെ അവകാശം ഉയർത്തി​പ്പി​ടി​ച്ചു. അപ്രകാ​രം വിധി പ്രഖ്യാ​പി​ക്കു​ക​യിൽ ഈ യൂറോ​പ്യൻ ഹൈ​ക്കോ​ടതി മതസ്വാ​ത​ന്ത്ര്യ​ത്തിന്‌ ബൃഹത്തായ സംരക്ഷ​ണങ്ങൾ ഏർപ്പെ​ടു​ത്തി. അത്‌ എല്ലായി​ട​ത്തു​മുള്ള ആളുക​ളു​ടെ ജീവി​ത​ത്തിൻമേൽ ഒരു ശക്തമായ ഫലമു​ണ്ടാ​ക്കി​യേ​ക്കാം.

ചരി​ത്ര​പ്ര​ധാ​ന​മായ ഈ കോട​തി​വി​ധി​യി​ലേക്കു നയിക്കാൻ കാരണ​മായ, ഒരു ഗ്രീക്ക്‌ പൗരൻ അനുഭ​വിച്ച മാനഹാ​നി​കൾ ഉൾപ്പെ​ടെ​യുള്ള സംഭവ​വി​കാ​സ​ങ്ങളെ, നമുക്ക്‌ ഒന്ന്‌ അടുത്തു പരി​ശോ​ധി​ക്കാം.

ആദിമ പശ്ചാത്തലം

ആയിര​ത്തി​ത്തൊ​ള്ളാ​യി​ര​ത്തി​മു​പ്പ​ത്തെ​ട്ടിൽ, മതപരി​വർത്ത​നത്തെ ഒരു കുററ​കൃ​ത്യ​മാ​ക്കുന്ന നിയമ​ത്തിൻകീ​ഴെ ശിക്ഷി​ക്ക​പ്പെട്ട യഹോ​വ​യു​ടെ സാക്ഷി​ക​ളി​ലെ ആദ്യ​ത്തെ​യാ​ളാ​യി​ത്തീർന്നു മിനോസ്‌ കൊക്കി​നാ​ക്കിസ്‌ എന്ന ഈ പൗരൻ. ഒരു വിചാരണ നടത്താതെ അദ്ദേഹത്തെ 13 മാസ​ത്തേക്ക്‌ അമർഗോ​സി​ലെ ഏജിയൻ ദ്വീപി​ലേക്കു നാടു​ക​ടത്തി. ആയിര​ത്തി​ത്തൊ​ള്ളാ​യി​ര​ത്തി​മു​പ്പ​ത്തൊ​മ്പ​തിൽ അദ്ദേഹത്തെ രണ്ടു​പ്രാ​വ​ശ്യം ശിക്ഷിച്ച്‌ രണ്ടരമാ​സം വീതം ജയിലി​ല​ടച്ചു.

ആയിര​ത്തി​ത്തൊ​ള്ളാ​യി​ര​ത്തി​നാൽപ്പ​തിൽ കൊക്കി​നാ​ക്കി​സി​നെ ആറു മാസ​ത്തേക്ക്‌ മിലോസ്‌ ദ്വീപി​ലേക്കു നാടു​ക​ടത്തി. അടുത്ത വർഷം, രണ്ടാം ലോക​മ​ഹാ​യുദ്ധ സമയത്ത്‌ അദ്ദേഹത്തെ 18 മാസത്തി​ല​ധി​കം ഏഥൻസി​ലെ സൈനിക തടവറ​യിൽ ബന്ധനസ്ഥ​നാ​ക്കി. ആ കാലഘ​ട്ടത്തെ സംബന്ധിച്ച്‌ അദ്ദേഹം ഇപ്രകാ​രം അനുസ്‌മ​രി​ക്കു​ന്നു:

“തടവിലെ ഭക്ഷണദൗർല​ഭ്യം കൂടു​തൽക്കൂ​ടു​തൽ വഷളാ​യി​ത്തീർന്നു. നടക്കാ​നാ​വാ​ത്ത​വി​ധം ഞങ്ങൾ അത്രക്കു തളർന്നി​രു​ന്നു. തീർന്നു​കൊ​ണ്ടി​രുന്ന തങ്ങളുടെ ഭക്ഷണ​ശേ​ഖ​ര​ത്തിൽനി​ന്നു ഞങ്ങൾക്കു ഭക്ഷണം എത്തിച്ചു​തന്ന ഏതെൻസി​ലും പിറാ​സി​ലും നിന്നുള്ള സാക്ഷി​ക​ളി​ല്ലാ​യി​രു​ന്നെ​ങ്കിൽ ഞങ്ങൾ മരിക്കു​മാ​യി​രു​ന്നു.” പിന്നീട്‌, 1947-ൽ അദ്ദേഹം വീണ്ടും ശിക്ഷി​ക്ക​പ്പെ​ടു​ക​യും വേറൊ​രു നാലര​മാ​സം തടവിൽ കിടക്കു​ക​യും ചെയ്‌തു.

മിനോസ്‌ കൊക്കി​നാ​ക്കി​സി​നെ 1949-ൽ മാ​ക്രോ​ണി​സോ​സി​ലേക്കു നാടു​ക​ടത്തി, ഗ്രീക്കു​കാ​രു​ടെ മനസ്സി​ലേക്കു ഭീകര​ത​യു​ടെ ദൃശ്യങ്ങൾ ആനയി​ക്കുന്ന ഒരു പേരാ​യി​രു​ന്നു അത്‌, കാരണം അത്തരം ഒരു തടവറ​യാ​യി​രു​ന്നു അവി​ടെ​യു​ണ്ടാ​യി​രു​ന്നത്‌. അന്ന്‌ മാ​ക്രോ​ണി​സോ​സിൽ ബന്ധനസ്ഥ​രാ​ക്ക​പ്പെട്ട 14,000-ത്തിൽ ഏതാണ്ട്‌ 40 പേർ സാക്ഷി​ക​ളാ​യി​രു​ന്നു. പാപി​റൊസ്‌ ലാറൂസ്സേ ബ്രിട്ടാ​ണിക്ക എന്ന ഗ്രീക്ക്‌ എൻ​സൈ​ക്ലോ​പ്പീ​ഡിയ ഇപ്രകാ​രം നിരീ​ക്ഷി​ക്കു​ന്നു: “ക്രൂര​മായ പീഡന​മു​റ​ക​ളും . . . ഒരു സാംസ്‌കാ​രിക ജനതക്ക്‌ അസ്വീ​കാ​ര്യ​മായ ജീവി​താ​വ​സ്ഥ​ക​ളി​ലും തടവു​കാ​രു​ടെ നേർക്കുള്ള കാവൽക്കാ​രു​ടെ തരംതാണ പെരു​മാ​റ​റ​വും . . . ഗ്രീക്ക്‌ ചരി​ത്ര​ത്തിന്‌ ഒരു കളങ്കമാണ്‌.”

മാ​ക്രോ​ണി​സോ​സി​ലെ തടവിൽ ഒരു വർഷം ചെലവ​ഴിച്ച കൊക്കി​നാ​ക്കിസ്‌ അവിടത്തെ അവസ്ഥകൾ വിവരി​ച്ചു: “കത്തോ​ലി​ക്കാ മതവി​ചാ​ര​ണ​യി​ലെ (Inquisition) അംഗങ്ങ​ളെ​പ്പോ​ലെ പട്ടാള​ക്കാർ ഓരോ തടവു​പു​ള്ളി​യെ​യും രാവിലെ മുതൽ വൈകി​ട്ടു വരെ ചോദ്യം ചെയ്യു​മാ​യി​രു​ന്നു. അവർ ഏൽപ്പിച്ച പീഡന​ങ്ങളെ വിവരി​ക്കാൻ വാക്കു​കൾക്കാ​വില്ല. പല തടവു​കാർക്കും സുബോ​ധം നഷ്ടപ്പെട്ടു; മററു ചിലർ വധിക്ക​പ്പെട്ടു; മററ​നേ​കർക്കു ശരീരാ​വ​യ​വങ്ങൾ നഷ്ടമായി. പീഡി​പ്പി​ക്ക​പ്പെ​ടു​ന്ന​വ​രു​ടെ കരച്ചി​ലും ഞരങ്ങലും കേട്ട ആ ഭീകര രാത്രി​ക​ളിൽ ഞങ്ങൾ കൂട്ടമാ​യി പ്രാർഥി​ക്കു​മാ​യി​രു​ന്നു.”

മാ​ക്രോ​ണി​സോ​സി​ലെ പ്രയാ​സങ്ങൾ തരണം ചെയ്‌ത​ശേഷം 1950-കളിൽ കൊക്കി​നാ​ക്കി​സി​നെ വീണ്ടും ആറു പ്രാവ​ശ്യം അറസ്‌ററു ചെയ്‌തു, പത്തു മാസം തടവി​ലാ​യി. ആയിര​ത്തി​ത്തൊ​ള്ളാ​യി​ര​ത്ത​റു​പ​തു​ക​ളിൽ നാലു പ്രാവ​ശ്യം​കൂ​ടി അറസ്‌ററു ചെയ്യപ്പെട്ട അദ്ദേഹം എട്ടു മാസം പിന്നെ​യും തടവി​ലാ​യി. എന്നാൽ മററു​ള്ള​വ​രോ​ടു തങ്ങളുടെ വിശ്വാ​സത്തെ സംബന്ധി​ച്ചു സംസാ​രി​ച്ചു എന്നതിന്റെ പേരിൽ പല വർഷങ്ങ​ളി​ലാ​യി അറസ്‌ററു ചെയ്‌തു തടവി​ലാ​ക്കിയ നൂറു​ക​ണ​ക്കി​നു യഹോ​വ​യു​ടെ സാക്ഷി​ക​ളിൽ ഒരാൾ മാത്ര​മാ​യി​രു​ന്നു മിനോസ്‌ കൊക്കി​നാ​ക്കിസ്‌ എന്നോർക്കണം!

ഗ്രീസി​ലെ യഹോ​വ​യു​ടെ സാക്ഷി​കൾക്ക്‌ എതിരാ​യി നിലനിർത്തി​ക്കൊ​ണ്ടു​പോന്ന ആ ഭയാന​ക​മായ അനീതി​കൾ അവസാനം യൂറോ​പ്യൻ മനുഷ്യാ​വ​കാശ ഹൈ​ക്കോ​ട​തി​യു​ടെ മുമ്പാകെ വന്നത്‌ എങ്ങനെ​യാ​യി​രു​ന്നു?

നിർണാ​യക കേസ്‌

കേസ്‌ തുടങ്ങി​യത്‌ 1986 മാർച്ച്‌ 2-നായി​രു​ന്നു. ബിസി​ന​സിൽനി​ന്നു വിരമിച്ച 77 വയസ്സു​കാ​ര​നായ മിനോസ്‌ കൊക്കി​നാ​ക്കി​സും ഭാര്യ​യും അന്ന്‌ ക്രേത്ത​യി​ലെ സിററീ​യ​യി​ലുള്ള ശ്രീമതി യോർജിയ കിരി​യാ​ക്കാ​ക്കി​യു​ടെ ഭവനം സന്ദർശി​ച്ചു. പ്രാ​ദേ​ശിക ഓർത്ത​ഡോ​ക്‌സ്‌ പള്ളിയി​ലെ മുഖ്യ​പാ​ട്ടു​കാ​ര​നാ​യി​രുന്ന, ശ്രീമതി കിരി​യാ​ക്കാ​ക്കി​യു​ടെ ഭർത്താവ്‌ പൊലീ​സി​നെ വിവര​മ​റി​യി​ച്ചു. പൊലീസ്‌ വന്ന്‌ കൊക്കി​നാ​ക്കി​സി​നെ​യും ഭാര്യ​യെ​യും അറസ്‌ററു ചെയ്‌തു പ്രാ​ദേ​ശിക പൊലീസ്‌ സ്‌റേ​റ​ഷ​നി​ലേക്കു കൊണ്ടു​പോ​യി. ആ രാത്രി അവർ അവിടെ കഴിയാൻ നിർബ​ന്ധി​ത​രാ​യി.

അവർക്കെ​തി​രെ ഉണ്ടായി​രുന്ന ആരോ​പണം എന്തായി​രു​ന്നു? കഴിഞ്ഞു​പോയ 50 വർഷങ്ങ​ളിൽ യഹോ​വ​യു​ടെ സാക്ഷി​കൾക്കെ​തി​രെ ആയിര​ക്ക​ണ​ക്കി​നു പ്രാവ​ശ്യം ആരോ​പി​ക്ക​പ്പെട്ട അതേ കുററം​തന്നെ, അതായത്‌ അവർ മതപരി​വർത്തനം നടത്തു​ക​യാ​യി​രു​ന്നു എന്നത്‌. ഗ്രീക്ക്‌ ഭരണഘടന (1975) 13-ാം വകുപ്പ്‌ പ്രസ്‌താ​വി​ക്കു​ന്നു: “മതപരി​വർത്തനം നിരോ​ധി​ച്ചി​രി​ക്കു​ന്നു.” മതപരി​വർത്ത​നത്തെ ഒരു കുററ​കൃ​ത്യ​മാ​ക്കുന്ന മറെറാ​രു ഗ്രീക്ക്‌ നിയമ​ത്തി​ന്റെ 4-ാം ഭാഗം 1363⁄1938-ഉം 1672⁄1939-ഉം പരിചി​ന്തി​ക്കുക. അത്‌ ഇങ്ങനെ പ്രസ്‌താ​വി​ക്കു​ന്നു:

“ഒരു വ്യത്യസ്‌ത മതവി​ഭാ​ഗ​ത്തി​ലെ വ്യക്തി​യു​ടെ മതവി​ശ്വാ​സ​ങ്ങ​ളിൽ . . . ഏതെങ്കി​ലും തരത്തി​ലുള്ള പ്രേര​ണ​യാ​ലോ ഒരു ആകർഷ​ക​മായ വാഗ്‌ദാ​ന​ത്താ​ലോ ധാർമിക പിന്തു​ണ​യാ​ലോ ഭൗതിക സഹായ​ത്താ​ലോ കുടില മാർഗ​ങ്ങ​ളാ​ലോ അയാളു​ടെ അനുഭ​വ​ക്കു​റവ്‌, വിശ്വാ​സം, ആവശ്യം, ബുദ്ധി​ക്കു​റവ്‌, നിഷ്‌ക​ളങ്കത എന്നിവയെ മുത​ലെ​ടു​ത്തു​കൊ​ണ്ടോ അവരുടെ വിശ്വാ​സ​ങ്ങൾക്കു തുരങ്കം​വെ​ക്ക​ണ​മെന്ന ഉദ്ദേശ്യ​ത്തോ​ടെ കൈക​ട​ത്തു​വാൻവേണ്ടി പ്രത്യ​ക്ഷ​മാ​യോ പരോ​ക്ഷ​മാ​യോ ഉള്ള ഏതൊരു ശ്രമ​ത്തെ​യു​മാണ്‌ ‘മതപരി​വർത്തനം’ എന്നതു​കൊ​ണ്ടു വിശേ​ഷാൽ അർഥമാ​ക്കു​ന്നത്‌.”

ക്രേത്ത​യിൽ ലസീത്തി​യി​ലുള്ള ക്രിമി​നൽ കോടതി 1986 മാർച്ച്‌ 20-നു കേസിന്റെ വാദം കേൾക്കു​ക​യും കൊക്കി​നാ​ക്കി​സും ഭാര്യ​യും മതപരി​വർത്ത​ന​ത്തി​നു കുററ​ക്കാ​രാ​ണെന്നു വിധി​ക്കു​ക​യും ചെയ്‌തു. രണ്ടു​പേ​രെ​യും നാലു മാസത്തെ തടവിനു വിധിച്ചു. പ്രതികൾ “ഓർത്ത​ഡോ​ക്‌സ്‌ ക്രിസ്‌ത്യാ​നി​ക​ളു​ടെ അനുഭ​വ​ക്കു​റവ്‌, ബുദ്ധി​ക്കു​റവ്‌, നിഷ്‌ക​ളങ്കത എന്നിവ മുത​ലെ​ടു​ത്തു​കൊണ്ട്‌ . . . അവരുടെ വിശ്വാ​സ​ങ്ങ​ളിൽ കൈക​ട​ത്തി​യ​താ​യി” ദമ്പതി​കളെ കുററം​വി​ധി​ച്ചു​കൊ​ണ്ടു കോടതി പ്രഖ്യാ​പി​ച്ചു. “തങ്ങളുടെ ബുദ്ധി​പൂർവ​വും തന്ത്രപ​ര​വും ആയ വിശദീ​ക​ര​ണ​ങ്ങൾക്കൊണ്ട്‌ . . . [ശ്രീമതി കിരി​യാ​ക്കാ​ക്കി]യെ അവരുടെ ഓർത്ത​ഡോ​ക്‌സ്‌ ക്രിസ്‌തീയ വിശ്വാ​സങ്ങൾ മാററാൻ പ്രോ​ത്സാ​ഹി​പ്പി​ച്ച​താ​യും” പ്രതി​കളെ കുററ​പ്പെ​ടു​ത്തി.

പ്രസ്‌തു​ത തീർപ്പി​നെ​തി​രെ ക്രേത്ത​യി​ലെ അപ്പീൽ കോട​തി​യിൽ പോയി. ആയിര​ത്തി​ത്തൊ​ള്ളാ​യി​ര​ത്തെൺപ​ത്തേഴ്‌ മാർച്ച്‌ 17-നു ക്രേത്ത​യി​ലെ കോടതി ശ്രീമതി കൊക്കി​നാ​ക്കി​സി​നെ വെറു​തെ​വി​ട്ടു, ഭർത്താ​വി​ന്റെ തടവു​ശിക്ഷ മൂന്നു മാസമാ​യി വെട്ടി​ച്ചു​രു​ക്കി, പക്ഷേ അദ്ദേഹ​ത്തി​ന്റെ കുററം ഉയർത്തി​പ്പി​ടി​ക്കു​ക​തന്നെ ചെയ്‌തു. കൊക്കി​നാ​ക്കിസ്‌ “[ശ്രീമതി കിരി​യാ​ക്കാ​ക്കി​യു​ടെ] അനുഭ​വ​ക്കു​റവ്‌, ബുദ്ധി​ക്കു​റവ്‌, അവരുടെ നിഷ്‌ക​ളങ്കത എന്നിവയെ മുത​ലെ​ടു​ത്തു”വെന്ന്‌ വിധി​യിൽ അവകാ​ശ​വാ​ദം നടത്തി. അദ്ദേഹം “തിരു​വെ​ഴു​ത്തിൽനി​ന്നു ഖണ്ഡികകൾ വായി​ക്കാൻ തുടങ്ങു​ക​യും മതോ​പ​ദേ​ശ​ങ്ങ​ളിൽ മതിയായ മൗലിക ശിക്ഷണങ്ങൾ ലഭിക്കാത്ത ഒരു ക്രിസ്‌തീയ സ്‌ത്രീ​ക്കു തിരി​ച്ചൊ​ന്നും പറയാൻ സാധി​ക്കാ​ത്ത​വി​ധം അതു വിദഗ്‌ധ​മാ​യി വിശക​ലനം നടത്തു​ക​യും ചെയ്‌തു” എന്നും അതു പ്രസ്‌താ​വി​ച്ചു.

വിയോ​ജി​പ്പു പ്രകടി​പ്പി​ച്ചു​കൊണ്ട്‌ അപ്പീൽ ന്യായാ​ധി​പൻമാ​രിൽ ഒരാൾ എഴുതി: “ഒരു പള്ളിപ്പാ​ട്ടു​കാ​രനെ വിവാഹം ചെയ്‌തി​രി​ക്കു​ന്ന​സ്ഥി​തിക്ക്‌ യോർജിയ കിരി​യാ​ക്കാ​ക്കി​യെ പ്രതിക്കു മുത​ലെ​ടു​ക്കാ​നും [അങ്ങനെ] യഹോ​വ​യു​ടെ സാക്ഷി​ക​ളെന്ന മതവി​ഭാ​ഗ​ത്തിൽ ഒരംഗ​മാ​യി​ത്തീ​രാൻ പ്രേരി​പ്പി​ക്കാ​നും കഴിയും​വി​ധം . . . അവർ ഓർത്ത​ഡോ​ക്‌സ്‌ ക്രിസ്‌തീയ തത്ത്വങ്ങ​ളിൽ വിശേ​ഷാൽ അനുഭ​വ​ജ്ഞാ​നം ഇല്ലാത്ത​വ​രാണ്‌ എന്നതി​നോ വിശേ​ഷാൽ ബുദ്ധി​ക്കു​റ​വോ നിഷ്‌ക​ള​ങ്ക​ത​യോ ഉണ്ട്‌ എന്നതി​നോ ഒരു തെളി​വും ഇല്ലാത്ത​തി​നാൽ [ശ്രീമാൻ കൊക്കി​നാ​ക്കി​സി​നെ​യും] വെറുതെ വിടേ​ണ്ട​താ​യി​രു​ന്നു.”

കൊക്കി​നാ​ക്കിസ്‌ ഗ്രീസി​ലെ അത്യുന്നത അപ്പീൽ കോട​തി​യായ സുപ്രീം കോട​തി​യിൽ അപ്പീൽ കൊടു​ത്തു. എന്നാൽ കോടതി 1988 ഏപ്രിൽ 22-ന്‌ അപ്പീൽ തള്ളിക്ക​ളഞ്ഞു. അങ്ങനെ 1988 ആഗസ്‌ററ്‌ 22-ാം തീയതി കൊക്കി​നാ​ക്കിസ്‌ യൂറോ​പ്യൻ മനുഷ്യാ​വ​കാശ കമ്മീഷന്‌ അപ്പീൽ കൊടു​ത്തു. അവസാനം 1992 ഫെബ്രു​വരി 21-നു സ്വീക​രി​ക്ക​പ്പെട്ട അദ്ദേഹ​ത്തി​ന്റെ പെററീ​ഷൻ യൂറോ​പ്യൻ മനുഷ്യാ​വ​കാശ കോട​തി​യിൽ വന്നു.

കേസിലെ വാദവി​ഷ​യ​ങ്ങൾ

യൂറോ​പ്യൻ കൗൺസി​ലി​ലെ ഒരു അംഗരാ​ഷ്‌ട്ര​മാ​യ​തു​കൊണ്ട്‌ ഗ്രീസി​നു മനുഷ്യാ​വ​കാ​ശങ്ങൾ സംബന്ധിച്ച യൂറോ​പ്യൻ കൺ​വെൻ​ഷന്റെ വകുപ്പു​ക​ളോ​ടു പൊരു​ത്ത​പ്പെ​ടാ​നുള്ള ബാധ്യ​ത​യുണ്ട്‌. കൺ​വെൻ​ഷന്റെ 9-ാം വകുപ്പ്‌ ഇങ്ങനെ പ്രസ്‌താ​വി​ക്കു​ന്നു: “ഓരോ​രു​ത്തർക്കും ചിന്താ​സ്വാ​ത​ന്ത്ര്യ​ത്തി​നും മനസ്സാ​ക്ഷി​സ്വാ​ത​ന്ത്ര്യ​ത്തി​നും മതസ്വാ​ത​ന്ത്ര്യ​ത്തി​നും ഉള്ള അവകാ​ശ​മുണ്ട്‌; ഈ അവകാ​ശ​ത്തിൽ, തന്റെ മതമോ വിശ്വാ​സ​മോ മാറാ​നുള്ള സ്വാത​ന്ത്ര്യ​വും ആരാധ​ന​യി​ലും ഉപദേ​ശ​ത്തി​ലും അനുഷ്‌ഠാ​ന​ത്തി​ലും ആചരണ​ത്തി​ലും തന്റെ മതമോ വിശ്വാ​സ​മോ പരസ്യ​മാ​യോ രഹസ്യ​മാ​യോ ഒററയ്‌ക്കോ മററു​ള്ള​വ​രോ​ടൊ​പ്പം സമൂഹ​മാ​യോ, പ്രകട​മാ​ക്കാ​നുള്ള സ്വാത​ന്ത്ര്യ​വും ഉൾപ്പെ​ടു​ന്നു.”

അങ്ങനെ ഗ്രീക്ക്‌ ഗവൺമെൻറ്‌ ഒരു യൂറോ​പ്യൻ കോട​തി​യിൽ പ്രതി​യാ​യി​ത്തീർന്നു. ‘ഉപദേ​ശി​ച്ചു​കൊ​ണ്ടു . . . ശിഷ്യ​രാ​ക്കി​ക്കൊൾവിൻ’ എന്ന യേശു​ക്രി​സ്‌തു​വി​ന്റെ കല്‌പ​ന​യോ​ടുള്ള ചേർച്ച​യിൽ മതം ആചരി​ക്കാ​നുള്ള ഒരു ഗ്രീക്ക്‌ പൗരന്റെ അടിസ്ഥാന മനുഷ്യാ​വ​കാ​ശം അതു പരസ്യ​മാ​യി ലംഘി​ക്കു​ന്ന​താ​യി ആരോ​പി​ക്ക​പ്പെട്ടു. (മത്തായി 28:19, 20) കൂടു​ത​ലാ​യി, അപ്പോ​സ്‌ത​ല​നായ പത്രോസ്‌ പറഞ്ഞു: “ജനത്തോ​ടു പ്രസം​ഗി​ച്ചു സാക്ഷീ​ക​രി​പ്പാൻ അവൻ [യേശു] ഞങ്ങളോ​ടു കല്‌പി​ച്ചു.”—പ്രവൃ​ത്തി​കൾ 10:42.

ഹ്യൂമൻ റൈറ​റ്‌സ്‌ വിത്തൗട്ട്‌ ഫ്രണ്ടി​യേ​ഴ്‌സ്‌ എന്ന മാഗസിൻ അതിന്റെ 1992-ലെ വിശേ​ഷാൽപ്പ​തിപ്പ്‌ പുറം​ച​ട്ട​യി​ലെ തലക്കെ​ട്ടാ​യി കൊടു​ത്തത്‌ ഇങ്ങനെ​യാ​യി​രു​ന്നു: “ഗ്രീസ്‌—കരുതി​ക്കൂ​ട്ടി​യുള്ള മനുഷ്യാ​വ​കാശ ലംഘനങ്ങൾ.” പ്രസ്‌തുത മാഗസി​ന്റെ 2-ാം പേജിൽ ഇപ്രകാ​രം വിശദീ​ക​രി​ച്ചു: “ഈസി-യിലും [യൂറോ​പ്യൻ സമൂഹം] യൂറോ​പ്പി​ലും മറെറാ​രു വ്യക്തിയെ മതം മാററാൻ പ്രേരി​പ്പി​ക്കുന്ന ഒരാൾക്കു പിഴയും തടവു​ശി​ക്ഷ​യും ഏർപ്പെ​ടു​ത്തുന്ന ശിക്ഷാ​നി​യ​മങ്ങൾ ഉള്ള ഒരേ ഒരു രാജ്യ​മാണ്‌ ഗ്രീസ്‌.”

അങ്ങനെ​യി​പ്പോൾ നിയമ​വൃ​ത്ത​ങ്ങൾക്ക്‌ അകത്തും പുറത്തും ഉദ്വേഗം നിറഞ്ഞു​നി​ന്നു. ഒരാളു​ടെ വിശ്വാ​സം മററു​ള്ള​വരെ പഠിപ്പി​ക്കു​ന്നതു നിരോ​ധി​ക്കുന്ന ഗ്രീക്ക്‌ നിയമ​ത്തെ​ക്കു​റിച്ച്‌ എന്തു തീരു​മാ​നി​ക്ക​പ്പെ​ടും?

സ്‌ട്രാ​സ്‌ബർഗി​ലെ ന്യായ​വി​ചാ​രണ

അവസാനം വിചാ​ര​ണ​യു​ടെ സമയം വന്നെത്തി—1992 നവംബർ 25. സ്‌ട്രാ​സ്‌ബർഗി​നു മീതെ അപ്പോൾ കനത്ത മേഘങ്ങൾ ഉണ്ടായി​രു​ന്നു, തണുപ്പാ​ണെ​ങ്കി​ലോ കുളി​ര​ടി​പ്പി​ക്കു​ന്ന​താ​യി​രു​ന്നു, എന്നാൽ കോട​തി​ക്കു​ള്ളിൽ അഭിഭാ​ഷകർ ചൂടു​പി​ടിച്ച വാദ​പ്ര​തി​വാ​ദങ്ങൾ നടത്തി. രണ്ടു മണിക്കൂ​റോ​ളം തെളി​വു​കൾ നിരത്തി. ‘ഗ്രീക്ക്‌ ഓർത്ത​ഡോ​ക്‌സ്‌ സഭയുടെ അംഗങ്ങളെ മററു മതവി​ശ്വാ​സ​ങ്ങ​ളി​ലേക്കു മാറി​പ്പോ​കു​ന്ന​തിൽനി​ന്നു സംരക്ഷി​ക്കാൻ രൂപക​ല്‌പന ചെയ്യ​പ്പെ​ട്ടി​രി​ക്കുന്ന ഈ നിരോ​ധന നിയമം തുടർന്നും നിലനിർത്തു​ക​യും ബാധക​മാ​ക്കു​ക​യും ചെയ്യണ​മോ?’ എന്നു ചോദി​ച്ചു​കൊണ്ട്‌ കൊക്കി​നാ​ക്കി​സി​ന്റെ അറേറാർണി​യായ പ്രൊ​ഫസ്സർ ഫെഡോൻ വെഗ്ലെ​റീസ്‌ വാദവി​ഷ​യ​ത്തി​ന്റെ മൂർധ​ന്യ​ത്തി​ലെത്തി.

ഇതിലുള്ള ഉത്‌കണ്‌ഠ പ്രകടി​പ്പി​ച്ചു​കൊണ്ട്‌ പ്രൊ​ഫസ്സർ വെഗ്ലെ​റീസ്‌ ചോദി​ച്ചു: “ഈ [മതപരി​വർത്തന] നിയമം ഓർത്ത​ഡോ​ക്‌സ്‌ വിശ്വാ​സത്തെ മൂഢത​യോ​ടും അജ്ഞത​യോ​ടും തുലനം ചെയ്യു​ന്നത്‌ എന്തു​കൊ​ണ്ടെന്നു ഞാൻ അത്ഭുത​പ്പെ​ടു​ക​യാണ്‌. ഓർത്ത​ഡോ​ക്‌സ്‌ വിശ്വാ​സ​ത്തി​നു മൂഢത​യിൽനി​ന്നും ആത്മീയ അപ്രാ​പ്‌തി​യിൽനി​ന്നും സംരക്ഷണം ആവശ്യ​മാ​യി​രി​ക്കു​ന്നത്‌ എന്തു​കൊ​ണ്ടെന്നു ഞാൻ എല്ലായ്‌പോ​ഴും അത്ഭുത​പ്പെ​ടു​ക​യാ​യി​രു​ന്നു . . . എന്നെ അലോ​സ​ര​പ്പെ​ടു​ത്തു​ന്ന​തും ഞെട്ടി​ക്കു​ന്ന​തും ആയ ഒരു സംഗതി​യാ​ണിത്‌.” ഈ നിയമം യഹോ​വ​യു​ടെ സാക്ഷി​കൾക്ക​ല്ലാ​തെ മററാർക്കെ​ങ്കി​ലും ബാധക​മാ​ക്കി​യ​തി​ന്റെ ഒരു ഉദാഹ​ര​ണം​പോ​ലും നിരത്താൻ ഗവൺമെൻറ്‌ പ്രതി​നി​ധി​കൾക്കു കഴിയാ​ഞ്ഞത്‌ എടുത്തു​പ​റ​യേ​ണ്ടി​യി​രി​ക്കു​ന്നു.

കൊക്കി​നാ​ക്കി​സി​നു​വേ​ണ്ടി​യുള്ള രണ്ടാമത്തെ അറേറാർണി​യായ പാനാ​യി​യോ​റ​റസ്‌ ബിത്സാ​ഹിസ്‌ മതപരി​വർത്തന നിയമം എത്ര യുക്തി​ര​ഹി​ത​മാ​ണെന്ന്‌ പ്രകട​മാ​ക്കി. അദ്ദേഹം പറഞ്ഞു: “പരസ്‌പ​ര​സ്വാ​ധീ​ന​ത്തി​ന്റെ അംഗീ​ക​രണം പ്രായ​പൂർത്തി​യായ വ്യക്തികൾ തമ്മിലുള്ള സംഭാ​ഷ​ണ​ത്തിന്‌ ഒരു മുൻവ്യ​വ​സ്ഥ​യാണ്‌. അല്ലാ​യെ​ങ്കിൽ നാം ചിന്തി​ക്കു​ന്ന​വ​രെ​ങ്കി​ലും സ്വയം ആശയ​പ്ര​ക​ടനം നടത്താ​ത്ത​വ​രും സംസാ​രി​ക്കു​ന്ന​വ​രെ​ങ്കി​ലും ആശയവി​നി​യമം ചെയ്യാ​ത്ത​വ​രും വർത്തി​ക്കു​ന്ന​വ​രെ​ങ്കി​ലും സഹവർത്തി​ക്കാ​ത്ത​വ​രും ആയ നിശബ്ദ മൃഗങ്ങ​ളു​ടെ ഒരു വിചിത്ര സമൂഹ​ത്തിൽപ്പെ​ട്ട​വ​രാ​യി​ത്തീ​രും.”

“കൊക്കി​നാ​ക്കിസ്‌ കുററം​വി​ധി​ക്ക​പ്പെ​ട്ടി​രി​ക്കു​ന്നത്‌ ‘അദ്ദേഹം എന്തെങ്കി​ലും ചെയ്‌ത​തി​ന്റെ പേരിലല്ല,’ പിന്നെ​യോ ‘അദ്ദേഹം ജീവി​ക്കു​ന്നു’ [എന്നതിന്റെ പേരി​ലാണ്‌]” എന്നു കൂടി ബിത്സാ​ഹിസ്‌ വാദിച്ചു. അതു​കൊണ്ട്‌, മതസ്വാ​ത​ന്ത്ര്യ​ത്തി​ന്റെ തത്ത്വങ്ങൾ ലംഘി​ക്ക​പ്പെട്ടു എന്നു മാത്രമല്ല, മുഴു​വ​നാ​യും താറു​മാ​റാ​ക്ക​പ്പെട്ടു” എന്നും ബിത്സാ​ഹിസ്‌ പ്രകട​മാ​ക്കി.

ഗ്രീസ്‌ “മനുഷ്യാ​വ​കാ​ശ​ങ്ങൾക്കാ​യുള്ള ഒരു പറുദീസ”യാണെന്ന്‌ അവകാ​ശ​പ്പെ​ട്ടു​കൊണ്ട്‌ ഗ്രീക്ക്‌ ഗവൺമെൻറി​ന്റെ പ്രതി​നി​ധി​കൾ സത്യവി​രു​ദ്ധ​മായ ഒരു ചിത്രം അവതരി​പ്പി​ക്കാൻ ശ്രമിച്ചു.

തീർപ്പ്‌

ഔദ്യോ​ഗിക തീർപ്പി​ന്റെ ദീർഘ​കാ​ല​മാ​യി കാത്തി​രുന്ന തീയതി സമാഗ​ത​മാ​യി—1993 മേയ്‌ 25. ഗ്രീക്ക്‌ ഗവൺമെൻറ്‌ 84 വയസ്സു​കാ​ര​നായ മിനോസ്‌ കൊക്കി​നാ​ക്കി​സി​ന്റെ മതപര​മായ സ്വാത​ന്ത്ര്യം ലംഘി​ച്ചി​ട്ടു​ണ്ടെന്നു കോടതി മൂന്നി​നെ​തി​രെ ആറ്‌ വോട്ടു​കൾക്കു വിധിച്ചു. പരസ്യ​ശു​ശ്രൂ​ഷ​യു​ടേ​തായ അദ്ദേഹ​ത്തി​ന്റെ ജീവി​ത​ഗ​തി​യെ സംസ്ഥാ​പി​ച്ച​തി​നു പുറമെ കോടതി അദ്ദേഹ​ത്തിന്‌ 14,400 ഡോളർ നഷ്ടപരി​ഹാര തുക സമ്മാനി​ക്കു​ക​യും ചെയ്‌തു. അങ്ങനെ, മററു​ള്ള​വ​രു​മാ​യി തങ്ങളുടെ വിശ്വാ​സങ്ങൾ ചർച്ച ചെയ്യു​മ്പോൾ കൊക്കി​നാ​ക്കി​സും യഹോ​വ​യു​ടെ സാക്ഷി​ക​ളും സമ്മർദ​ത​ന്ത്രങ്ങൾ ഉപയോ​ഗി​ക്കു​ന്നു എന്ന വാദം കോടതി തള്ളിക്ക​ളഞ്ഞു.

ഗ്രീക്ക്‌ ഭരണഘ​ട​ന​യും ഒരു പുരാതന ഗ്രീക്ക്‌ നിയമ​വും മതപരി​വർത്തനം നിരോ​ധി​ക്കു​ന്നു​വെ​ങ്കി​ലും ഈ നിയമം ഉപയോ​ഗി​ച്ചു യഹോ​വ​യു​ടെ സാക്ഷി​കളെ പീഡി​പ്പി​ക്കു​ന്നതു തെററാ​ണെന്ന്‌ യൂറോ​പ്യൻ ഹൈ​ക്കോ​ടതി വിധിച്ചു. അതു മനുഷ്യാ​വ​കാ​ശം സംബന്ധിച്ച യൂറോ​പ്യൻ കൺ​വെൻ​ഷന്റെ 9-ാം വകുപ്പി​നോ​ടു യോജി​പ്പി​ലല്ല.

കോടതി തീർപ്പ്‌ ഇങ്ങനെ വിശദീ​ക​രി​ച്ചു: “മതം ‘മാനുഷ ചിന്താ​ധാ​ര​യു​ടെ നിരന്തരം പുതു​ക്കാ​വുന്ന ഭാഗ’മായി​രു​ന്നു, അതു പൊതു​സം​വാ​ദ​ത്തിൽനിന്ന്‌ ഒഴിവാ​ക്ക​പ്പെ​ടു​ന്ന​തി​നെ​പ്പ​ററി ചിന്തി​ക്കുക പോലും അസാധ്യ​മാ​യി​രു​ന്നു.”

ഐകക​ണ്‌ഠ്യേ​ന​യുള്ള ഒരു അഭി​പ്രാ​യ​പ്ര​ക​ട​ന​ത്തിൽ ഒമ്പത്‌ ന്യായാ​ധി​പൻമാ​രിൽ ഒരാൾ പറഞ്ഞു: “‘വിശ്വാ​സം പ്രചരി​പ്പി​ക്കു​ന്ന​തി​ലെ തീക്ഷ്‌ണത’ എന്നു നിർവ​ചി​ക്ക​പ്പെ​ട്ടി​രി​ക്കുന്ന മതപരി​വർത്തനം അതിൽത്തന്നെ ശിക്ഷാർഹമല്ല; അത്‌ ‘ഒരുവന്റെ മതത്തെ പ്രത്യ​ക്ഷ​മാ​ക്കാ​നുള്ള’ ഒരു മാർഗ​മാണ്‌—പൂർണ​മാ​യും നിയമാ​നു​സൃ​ത​മായ ഒന്നുതന്നെ.

“ഇപ്പോ​ഴത്തെ കേസി​ലാ​കട്ടെ, വാദി [കൊക്കി​നാ​ക്കിസ്‌] കുററം​വി​ധി​ക്ക​പ്പെ​ട്ടി​രി​ക്കു​ന്നത്‌, തന്റെ ഭാഗത്തു​നി​ന്നുള്ള ഏതെങ്കി​ലും അനൗചി​ത്യ​ത്തി​ന്റെ പേരിലല്ല, പകരം അത്തരം തീക്ഷ്‌ണത പ്രകട​മാ​ക്കി​യ​തു​കൊ​ണ്ടു മാത്ര​മാണ്‌.”

തീർപ്പി​ന്റെ അനന്തര​ഫ​ല​ങ്ങൾ

ഗ്രീക്ക്‌ ഗവൺമെൻറ്‌ അധികാ​രി​കൾ മതപരി​വർത്തനം നിരോ​ധി​ക്കുന്ന നിയമ​ത്തി​ന്റെ ദുരു​പ​യോ​ഗം നിർത്തണം എന്നാണ്‌ യൂറോ​പ്യൻ മനുഷ്യാ​വ​കാശ കോട​തി​യു​ടെ വ്യക്തമായ അനുശാ​സനം. ഗ്രീസ്‌ കോടതി നിർദേശം അനുസ​രി​ക്കു​മെ​ന്നും യഹോ​വ​യു​ടെ സാക്ഷി​കളെ പീഡി​പ്പി​ക്കു​ന്നത്‌ അവസാ​നി​പ്പി​ക്കു​മെ​ന്നും നമുക്കു പ്രതീ​ക്ഷി​ക്കാം.

സാമൂ​ഹി​ക മാററങ്ങൾ അവതരി​പ്പി​ക്കു​ക​യോ നിയമ വ്യവസ്ഥ പരിഷ്‌ക​രി​ക്കു​ക​യോ ചെയ്യുക എന്നതു യഹോ​വ​യു​ടെ സാക്ഷി​ക​ളു​ടെ ഉദ്ദേശ്യ​മല്ല. അവരുടെ മുഖ്യ താത്‌പ​ര്യം യേശു​ക്രി​സ്‌തു​വി​ന്റെ കല്‌പ​ന​യോ​ടുള്ള അനുസ​ര​ണ​ത്തിൽ ദൈവ​രാ​ജ്യ​ത്തി​ന്റെ സുവാർത്ത പ്രസം​ഗി​ക്കുക എന്നതാണ്‌. എന്നുവ​രി​കി​ലും, ഇതു നിർവ​ഹി​ക്കാൻ ഒന്നാം നൂററാ​ണ്ടി​ലെ അപ്പോ​സ്‌ത​ല​നായ പൗലോസ്‌ ചെയ്‌ത​തു​പോ​ലെ ‘സുവി​ശേ​ഷ​ത്തി​ന്റെ പ്രതി​വാ​ദ​ത്തി​ലും സ്ഥിരീ​ക​ര​ണ​ത്തി​ലും [“നിയമ​പ​ര​മാ​യി സ്ഥാപി​ക്കാ​നും”, NW]’ അവർ സന്തുഷ്ട​രാണ്‌.—ഫിലി​പ്പി​യർ 1:7.

യഹോ​വ​യു​ടെ സാക്ഷികൾ തങ്ങൾ വസിക്കുന്ന എല്ലാ രാജ്യ​ങ്ങ​ളി​ലും നിയമാ​നു​വർത്തി​ക​ളായ പൗരൻമാ​രാണ്‌. എന്നിരു​ന്നാ​ലും, എല്ലാറ​റി​നും ഉപരി​യാ​യി അവർ ദിവ്യ​നി​യമം ബൈബി​ളിൽ രേഖ​പ്പെ​ടു​ത്തി​യി​രി​ക്കു​ന്ന​പടി അനുസ​രി​ക്കാൻ നിർബ​ന്ധി​ത​രാണ്‌. അതു​കൊണ്ട്‌, ഏതെങ്കി​ലും രാജ്യത്തെ നിയമം അവർ അവരുടെ ബൈബി​ള​ധി​ഷ്‌ഠിത വിശ്വാ​സങ്ങൾ മററു​ള്ള​വ​രോ​ടു സംസാ​രി​ക്കു​ന്നതു നിരോ​ധി​ച്ചാൽ, അപ്പോ​സ്‌ത​ലിക നിലപാട്‌ എടുക്കാൻ അവർ നിർബ​ന്ധി​ത​രാ​കും: ഞങ്ങൾ “മനുഷ്യ​രെ​ക്കാൾ ദൈവ​ത്തെ​യാണ്‌ അനുസ​രി​ക്കേ​ണ്ടത്‌.”—പ്രവൃ​ത്തി​കൾ 5:29, പി.ഒ.സി. ബൈ.

[28-ാം പേജിലെ ചതുരം]

പുരോഹിത-പ്രേരി​ത​മായ കൂടുതൽ പീഡനങ്ങൾ

ഗ്രീസിൽ ‘നിയമം വഴി ദുരി​ത​മു​ണ്ടാ​ക്കാ’നുള്ള പുരോ​ഹി​തൻമാ​രു​ടെ ശ്രമങ്ങൾ ദശകങ്ങ​ളാ​യി നടന്നു​കൊ​ണ്ടി​രി​ക്കു​ക​യാണ്‌. (സങ്കീർത്തനം 94:20, പി.ഒ.സി. ബൈ.) ക്രേത്ത ദ്വീപി​ലെ മറെറാ​രു കേസ്‌ ഈയി​ടെ​യാ​ണു പരിഹ​രി​ക്ക​പ്പെ​ട്ടത്‌. മതപരി​വർത്തനം നടത്തി​യെന്ന കുററ​മാ​രോ​പി​ച്ചു​കൊണ്ട്‌ 1987-ൽ ഒരു പ്രാ​ദേ​ശിക ബിഷപ്പും 13 പുരോ​ഹി​ത​രും ചേർന്ന്‌ ഒൻപത്‌ സാക്ഷി​കളെ പ്രതി​യാ​ക്കി​ക്കൊണ്ട്‌ കേസ്‌ കൊടു​ത്തു. അവസാനം 1992 ജനുവരി 24-ന്‌ കേസ്‌ വിചാ​ര​ണക്കു വന്നു.

കോടതി മുറി നിറഞ്ഞു കവിഞ്ഞു. പ്രോ​സി​ക്യൂ​ട്ട​റു​ടെ ആരോ​പ​ണ​ങ്ങൾക്കു പിന്തു​ണ​യേ​കാൻ 35-ഓളം പുരോ​ഹി​തൻമാർ സന്നിഹി​ത​രാ​യി​രു​ന്നു. എന്നിരു​ന്നാ​ലും തങ്ങളുടെ ക്രിസ്‌തീയ സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാൻ വന്ന യഹോ​വ​യു​ടെ സാക്ഷികൾ നേര​ത്തെ​തന്നെ മിക്ക സീററു​ക​ളി​ലും സ്ഥാനം പിടി​ച്ചി​രു​ന്നു. പ്രോ​സി​ക്യൂ​ട്ടർ വരുത്തിയ ഗൗരവ​മുള്ള നിയമ​പ​ര​മായ പിശകു​കൾ പ്രതി​ക​ളു​ടെ അറേറാർണി സാധാരണ നടപടി​ക്ര​മങ്ങൾ ആരംഭി​ക്കു​ന്ന​തി​നു മുമ്പു​തന്നെ സൂചി​പ്പി​ച്ചി​രു​ന്നു.

നടപടി​ക്ര​മ​ങ്ങ​ളിൽ ഉൾപ്പെ​ട്ടി​രു​ന്നവർ രഹസ്യ​ചർച്ച​ക്കു​വേണ്ടി പിൻവാ​ങ്ങി​യെ​ന്ന​താ​യി​രു​ന്നു ഫലം. രണ്ടര മണിക്കൂർ നേരത്തെ ചർച്ചക്കു​ശേഷം വാദി​ക​ളു​ടെ വക്കീൽ പറഞ്ഞത്‌ ശരിയാ​യി​രു​ന്നു​വെന്നു കോട​തി​യു​ടെ പ്രസി​ഡൻറ്‌ പ്രഖ്യാ​പി​ച്ചു. അതു​കൊണ്ട്‌ ഒൻപത്‌ സാക്ഷി​കൾക്ക്‌ എതി​രെ​യു​ണ്ടാ​യി​രുന്ന കുററാ​രോ​പ​ണങ്ങൾ റദ്ദ്‌ ചെയ്‌തു! പ്രതികൾ മതപരി​വർത്ത​ന​ത്തി​നു കുററ​ക്കാ​രാ​ണെന്നു സ്ഥാപി​ക്കാൻ അന്വേ​ഷ​ണങ്ങൾ വീണ്ടും ആരംഭി​ക്കേ​ണ്ട​തു​ണ്ടെന്ന്‌ അദ്ദേഹം വിധിച്ചു.

പ്രഖ്യാ​പനം നടത്തിയ ഉടനെ കോടതി മുറി​യിൽ ആകെ ഒച്ചപ്പാ​ടും ബഹളവു​മാ​യി. പുരോ​ഹി​തർ ഭീഷണി​ക​ളും പ്രതി​ഷേ​ധ​ങ്ങ​ളും മുഴക്കാൻ തുടങ്ങി. ഒരു പുരോ​ഹി​തൻ യഹോ​വ​യു​ടെ സാക്ഷി​ക​ളു​ടെ വക്കീലി​നെ കുരി​ശു​കൊണ്ട്‌ ആക്രമി​ക്കു​ക​യും അതിനെ ആരാധി​ക്കാൻ അദ്ദേഹത്തെ നിർബ​ന്ധി​ക്കു​ക​യും ചെയ്‌തു. അവസാനം പൊലീസ്‌ ഇടപെ​ട്ടാണ്‌ സാക്ഷി​കൾക്കു ശാന്തമായ ചുററു​പാ​ടിൽ പുറ​ത്തേക്കു പോകാൻ കഴിഞ്ഞത്‌.

വിചാരണ റദ്ദ്‌ ചെയ്‌ത​ശേഷം പബ്ലിക്‌ പ്രോ​സി​ക്യൂ​ട്ടർ ഒൻപത്‌ സാക്ഷി​കൾക്കെ​തി​രെ പുതിയ ആരോ​പണം തയ്യാറാ​ക്കി. വിചാരണ 1993 ഏപ്രിൽ 30-നു വെച്ചു, അതാകട്ടെ യൂറോ​പ്യൻ മനുഷ്യാ​വ​കാശ കോടതി കൊക്കി​നാ​ക്കി​സി​ന്റെ കേസിൽ തീർപ്പു കല്‌പി​ച്ച​തി​നു മൂന്നാഴ്‌ച മുമ്പാ​യി​രു​ന്നു. വീണ്ടും അനേകം പുരോ​ഹി​തർ സന്നിഹി​ത​രാ​യി​രു​ന്നു.

സാക്ഷി​കൾക്കെ​തി​രെ കുററാ​രോ​പണം നടത്തി​യി​രു​ന്നവർ കോട​തി​യിൽ ഹാജരാ​യി​ട്ടി​ല്ലെന്ന്‌ ഒൻപത്‌ പ്രതി​ക​ളു​ടെ അഭിഭാ​ഷകർ തടസ്സവാ​ദം ഉന്നയിച്ചു. ഒരു പുതിയ ആരോ​പണം തട്ടിക്കൂ​ട്ടാ​നുള്ള വെപ്രാ​ള​ത്തിൽ പബ്ലിക്‌ പ്രോ​സി​ക്യൂ​ട്ടർ കുററാ​രോ​പ​കർക്കു സമൻസു​കൾ അയക്കാ​തി​രി​ക്കു​ക​യെന്ന ഗൗരവ​മായ തെററു വരുത്തി. അതു​കൊണ്ട്‌, ഈ ഗൗരവ​മായ തെററി​ന്റെ അടിസ്ഥാ​ന​ത്തിൽ വിചാരണ റദ്ദ്‌ ചെയ്യാൻ സാക്ഷി​ക​ളു​ടെ അഭിഭാ​ഷകർ കോട​തി​യോട്‌ ആവശ്യ​പ്പെട്ടു.

തൽഫല​മാ​യി, ജഡ്‌ജി​മാർ കോട​തി​മു​റി വിട്ട്‌ ഏതാണ്ട്‌ അരമണി​ക്കൂർ ചർച്ച നടത്തി തിരി​ച്ചു​വന്നു. കോടതി പ്രസി​ഡൻറ്‌ തന്റെ ശിരസ്സു നമിച്ച്‌ ഒൻപത്‌ സാക്ഷി​ക​ളും കുററ​വി​മു​ക്ത​രാ​ണെന്നു പ്രഖ്യാ​പി​ച്ചു.

ഈ വർഷം മേയ്‌ 25-നു കൊക്കി​നാ​ക്കി​സി​ന്റെ കേസിൽ യൂറോ​പ്യൻ മനുഷ്യാ​വ​കാശ കോടതി നടത്തിയ തീർപ്പി​ലും ഈ കേസിന്റെ പരിസ​മാ​പ്‌തി​യി​ലും ഗ്രീസി​ലെ സാക്ഷികൾ നന്ദിയു​ള്ള​വ​രാണ്‌. ഈ നിയമ​പ​ര​മായ വിജയ​ങ്ങ​ളെ​ത്തു​ടർന്ന്‌ ‘പ്രശാ​ന്ത​വും സമാധാ​ന​പൂർണ​വും സർവ​പ്ര​കാ​രേ​ണ​യും പരിശു​ദ്ധ​വും ബഹുമാ​ന്യ​വു​മായ’ ക്രിസ്‌തീയ ജീവിതം തുടരാൻ തങ്ങൾക്കു കഴിയു​മാ​റാ​കണേ എന്നാണ്‌ അവരുടെ പ്രാർഥന.—1 തിമൊ​ഥെ​യൊസ്‌ 2:1, 2, ഓശാന ബൈ.

[31-ാം പേജിലെ ചിത്രം]

മിനോസ്‌ കൊക്കി​നാ​ക്കിസ്‌ ഭാര്യ​യു​മൊത്ത്‌