ദൈവ​ത്തി​ന്റെ നിത്യോ​ദ്ദേ​ശ്യം ഉൾപ്പെ​ടുന്ന ഉടമ്പടി​കൾ

“യഹോവ . . . തന്റെ ഉടമ്പടി അനിശ്ചി​ത​കാ​ല​ത്തോ​ള​വും താൻ കല്‌പിച്ച വചനം ഒരു ആയിരം തലമു​റ​യോ​ള​വും ഓർത്തി​രി​ക്കു​ന്നു.”—സങ്കീർത്തനം 105:7, 8.

1, 2. നമ്മിൽ മിക്കവ​രും ഒരു ഉടമ്പടി​യാൽ ബാധി​ക്ക​പ്പെ​ട്ടി​ട്ടു​ണ്ടെന്ന്‌ നമുക്കു പറയാൻ കഴിയു​ന്ന​തെ​ന്തു​കൊണ്ട്‌?

ഒരു ഉടമ്പടി നിങ്ങളെ—നിങ്ങളു​ടെ കഴിഞ്ഞ കാല​ത്തെ​യും ഇക്കാല​ത്തെ​യും ഭാവി​യെ​യും—ബാധി​ച്ചി​രി​ക്കാൻ നല്ല സാദ്ധ്യ​ത​യുണ്ട്‌. ‘ഏതു ഉടമ്പടി’യെന്ന്‌ നിങ്ങൾ അറിയാ​നാ​ഗ്ര​ഹി​ച്ചേ​ക്കാം. ഈ സംഗതി​യിൽ, അത്‌ വിവാ​ഹ​മാണ്‌. എന്തു​കൊ​ണ്ടെ​ന്നാൽ നമ്മിൽ മിക്കവ​രും ഒരു വിവാ​ഹ​ത്താ​ലുള്ള സന്തതി​ക​ളാണ്‌, നമ്മിൽ പലരും വിവാ​ഹി​ത​രു​മാണ്‌. ഇപ്പോൾ വിവാ​ഹി​ത​ര​ല്ലാ​ത്ത​വർപോ​ലും ഭാവി​യി​ലെ ഒരു സന്തുഷ്ട വിവാ​ഹ​ത്തി​ന്റെ അനു​ഗ്ര​ഹ​ങ്ങ​ളെ​ക്കു​റിച്ച്‌ ചിന്തി​ച്ചേ​ക്കാം.

² നൂററാ​ണ്ടു​കൾക്കു​മുമ്പ്‌ പ്രവാ​ച​ക​നായ മലാഖി “നിന്റെ യൗവന​ത്തി​ലെ ഭാര്യയെ”ക്കുറിച്ച്‌ എഴുതി, “നിന്റെ പങ്കാളി​യും നിന്റെ ഉടമ്പടി​പ്ര​കാ​ര​മുള്ള ഭാര്യയു”മായവ​ളെ​ക്കു​റി​ച്ചു​തന്നെ. (മലാഖി 2:14-16) അവന്‌ വിവാ​ഹത്തെ ഒരു ഉടമ്പടി​യെന്നു വിളി​ക്കാൻ കഴിയു​മാ​യി​രു​ന്നു, എന്തു​കൊ​ണ്ടെ​ന്നാൽ അത്‌ ചിലത്‌ ഒരുമി​ച്ചു​ചെ​യ്യു​ന്ന​തിന്‌ കക്ഷികൾ തമ്മിലു​ണ്ടാ​ക്കുന്ന ഒരു കരാർ അഥവാ ഒരു ഔപചാ​രിക സമ്മതം, ഒരു ക്രമീ​ക​രണം, ആണ്‌. വിവാഹ കരാർ ഒരു ഉഭയകക്ഷി ഉടമ്പടി​യാണ്‌, അതിൽ രണ്ടു കക്ഷികൾ അന്യോ​ന്യ​മുള്ള കടപ്പാ​ടു​കൾ സ്വീക​രി​ച്ചു​കൊ​ണ്ടും നിലനിൽക്കുന്ന പ്രയോ​ജ​ന​ങ്ങൾക്കാ​യി നോക്കി​പ്പാർത്തു​കൊ​ണ്ടും ഭർത്താ​വും ഭാര്യ​യു​മാ​യി​ത്തീ​രാൻ സമ്മതി​ക്കു​ന്നു.

3. മററു ഉടമ്പടി​കൾ വിവാ​ഹ​ത്തെ​ക്കാ​ള​ധി​കം നമ്മെ ബാധി​ച്ചേ​ക്കാ​വു​ന്ന​തെ​ന്തു​കൊണ്ട്‌?

³ വിവാഹം നമ്മു​ടെ​മേൽ വ്യക്തി​പ​ര​മായ ഏററവും വലിയ ആഘാതം വരുത്തി​ക്കൂ​ട്ടുന്ന ഉടമ്പടി​യാ​ണെന്ന്‌ തോന്നാം. എന്നിരു​ന്നാ​ലും ബൈബിൾ കൂടുതൽ വ്യാപ​ക​മായ പ്രാധാ​ന്യ​മുള്ള ഉടമ്പടി​ക​ളെ​ക്കു​റിച്ച്‌ ചർച്ച​ചെ​യ്യു​ന്നു. ബൈബിൾപ​ര​മായ ഉടമ്പടി​ക​ളും ബൈബിൾപ​ര​മ​ല്ലാത്ത മതങ്ങളി​ലെ ഉടമ്പടി​ക​ളും തമ്മിലുള്ള വ്യത്യാ​സം കാണി​ക്കു​മ്പോൾ, ബൈബി​ളിൽ മാത്രമേ “ദൈവ​വും അവന്റെ ജനവു​മാ​യുള്ള ബന്ധത്തിന്റെ ഈ ക്രമീ​ക​രണം അന്തിമ​മാ​യി സാർവ​ത്രി​ക​മായ അർത്ഥങ്ങ​ളോ​ടു​കൂ​ടിയ ഒരു വിപു​ല​മായ പദ്ധതി​യാ​യി​ത്തീ​രു​ന്നു​ള്ളു”വെന്ന്‌ ഒരു എൻ​സൈ​ക്ലോ​പ്പീ​ഡിയ പറയുന്നു. അതെ, ഈ ഉടമ്പടി​ക​ളിൽ നമ്മുടെ സ്‌നേ​ഹ​വാ​നായ സ്രഷ്ടാ​വി​ന്റെ നിത്യോ​ദ്ദേ​ശ്യം ഉൾപ്പെ​ടു​ന്നു. നിങ്ങൾ കാണാൻ പോകു​ന്ന​തു​പോ​ലെ, നിങ്ങൾക്ക്‌ അവർണ്ണ​നീ​യ​മായ അനു​ഗ്ര​ഹങ്ങൾ കിട്ടുന്ന സംഗതി ഈ ഉടമ്പടി​ക​ളോട്‌ ബന്ധപ്പെ​ട്ടി​രി​ക്കു​ന്നു. ‘അങ്ങനെ​യാ​യി​രി​ക്കു​ന്ന​തെ​ങ്ങനെ?’യെന്ന്‌ ചോദി​ക്കാൻ നിങ്ങൾക്ക്‌ ന്യായ​മുണ്ട്‌.

4. ഏതു പ്രാരംഭ ഉടമ്പടി ദൈവ​ത്തി​ന്റെ നിത്യോ​ദ്ദേ​ശ്യ​ത്തി​ലേക്കു വിരൽചൂ​ണ്ടു​ന്നു?

⁴ ആദാമും ഹവ്വായും ദൈവ​ത്തി​ന്റെ അധികാ​രത്തെ തള്ളിക്ക​ള​ഞ്ഞ​തി​ന്റെ ദുരന്ത​ഫ​ലങ്ങൾ നിങ്ങൾക്ക്‌ നന്നായ​റി​യാം. നാം അവരിൽനിന്ന്‌ അപൂർണ്ണത അവകാ​ശ​പ്പെ​ടു​ത്തി, ആ വസ്‌തു​ത​യാണ്‌ നമുക്കു​ണ്ടാ​യി​ട്ടുള്ള രോഗ​ങ്ങ​ളു​ടെ പിമ്പി​ലു​ള്ളത്‌, മരണത്തി​ലേക്കു നയിക്കു​ന്ന​തും അതാണ്‌. (ഉല്‌പത്തി 3:1-6, 14-19) എന്നിരു​ന്നാ​ലും, നിലനിൽക്കുന്ന ആരോ​ഗ്യ​വും സന്തുഷ്ടി​യും ആസ്വദി​ക്കുന്ന സത്യാ​രാ​ധ​ക​രെ​ക്കൊണ്ട്‌ ഭൂമിയെ നിറക്കു​ക​യെന്ന ദൈ​വോ​ദ്ദേ​ശ്യ​ത്തെ നിഷ്‌ഫ​ല​മാ​ക്കാൻ പാപത്തി​നു കഴിഞ്ഞി​ല്ലെ​ന്നു​ള്ള​തിൽ നമുക്ക്‌ നന്ദിയു​ള്ള​വ​രാ​യി​രി​ക്കാൻ കഴിയും. ഈ ബന്ധത്തിൽ യഹോവ ഉല്‌പത്തി 3:15-ൽ രേഖ​പ്പെ​ടു​ത്തി​യി​രി​ക്കുന്ന ഉടമ്പടി ചെയ്‌തു: “ഞാൻ നീയും സ്‌ത്രീ​യും തമ്മിലും നിന്റെ സന്തതി​യും അവളുടെ സന്തതി​യും തമ്മിലും ശത്രുത വെക്കും. അവൻ നിന്റെ തല ചതക്കും, നീ അവന്റെ കുതി​കാൽ ചതക്കും.” എന്നിരു​ന്നാ​ലും, ഈ പ്രസ്‌താ​വ​ന​യു​ടെ ഹ്രസ്വ​ത​യും പ്രതീ​കാ​ത്മ​ക​ഭാ​ഷ​യും അനേകം ചോദ്യ​ങ്ങൾക്ക്‌ ഉത്തരം നൽകാ​തെ​വി​ട്ടു. യഹോവ ഈ ഉടമ്പടി​വാ​ഗ്‌ദത്തം എങ്ങനെ നിറ​വേ​റ​റും?

5, 6. (എ) തന്റെ ഉദ്ദേശ്യ​നിർവ​ഹ​ണ​ത്തിന്‌ ദൈവം ഏതു മുഖാ​ന്ത​രത്തെ ഉപയോ​ഗി​ക്കാൻ തീരു​മാ​നി​ച്ചു? (ബി) ഇതു ചെയ്യു​ന്ന​തി​നുള്ള ദൈവ​ത്തി​ന്റെ മുഖാ​ന്ത​ര​ത്തിൽ നാം തല്‌പ​ര​രാ​യി​രി​ക്കേ​ണ്ട​തെ​ന്തു​കൊണ്ട്‌?

⁵ അടുത്ത​താ​യി ദൈവം ദിവ്യ ഉടമ്പടി​ക​ളു​ടെ ഒരു പ്രത്യേക പരമ്പരക്ക്‌ ഏർപ്പാ​ടു​ചെ​യ്യാൻ തീരു​മാ​നി​ച്ചു. അവ ഏദനിക ഉടമ്പടി ഉൾപ്പെടെ മൊത്തം ഏഴെണ്ണ​മാ​യി​രി​ക്കും. നിത്യാ​നു​ഗ്ര​ഹങ്ങൾ ആസ്വദി​ക്കാൻ പ്രത്യാ​ശി​ക്കുന്ന നമ്മി​ലോ​രോ​രു​ത്ത​രും ഈ ഉടമ്പടി​കളെ മനസ്സി​ലാ​ക്കണം. ഇതിൽ അവ എപ്പോൾ എങ്ങനെ ചെയ്യ​പ്പെ​ട്ടു​വെ​ന്നും ഉൾപ്പെ​ട്ടി​രു​ന്നവർ ആരെല്ലാ​മെ​ന്നും അവയുടെ ലക്ഷ്യങ്ങ​ളോ വ്യവസ്ഥ​ക​ളോ എന്തെന്നും അനുസ​ര​ണ​മുള്ള മനുഷ്യ​വർഗ്ഗ​ത്തിന്‌ നിത്യ​ജീ​വൻ നൽകി അനു​ഗ്ര​ഹി​ക്കാ​നുള്ള ദൈ​വോ​ദ്ദേ​ശ്യ​ത്തിൽ അവ അന്യോ​ന്യം എങ്ങനെ ബന്ധപ്പെ​ടു​ന്നു​വെ​ന്നും അറിയു​ന്നത്‌ ഉൾപ്പെ​ടു​ന്നു. ഈ ഉടമ്പടി​കൾ പുനഃ​പ​രി​ശോ​ധി​ക്കു​ന്ന​തിന്‌ ഇത്‌ ഉചിത​മായ സമയമാണ്‌, എന്തു​കൊ​ണ്ടെ​ന്നാൽ 1990 ഏപ്രിൽ 10ന്‌ ക്രിസ്‌ത്യാ​നി​ക​ളു​ടെ സഭകൾ കർത്താ​വി​ന്റെ അത്താഴ​ത്തി​ന്റെ സ്‌മാ​ര​ക​മാ​ഘോ​ഷി​ക്കാൻ ഒരുമി​ച്ചു​കൂ​ടു​ന്ന​താ​യി​രി​ക്കും, ആ ആഘോ​ഷ​ത്തിൽ ഈ ഉടമ്പടി​കൾ നേരിട്ട്‌ ഉൾപ്പെ​ടു​ന്നു.

⁶ തീർച്ച​യാ​യും ചിലർക്ക്‌ ഉടമ്പടി​ക​ളു​ടെ ആശയം മനുഷ്യ​ത്വ​പ​ര​മായ താല്‌പ​ര്യ​മി​ല്ലാ​തെ വിരസ​വും നിയമ​പ​ര​വു​മാ​യി​രി​ക്കു​ന്ന​താ​യി തോന്നി​യേ​ക്കാം. എന്നാൽ പഴയനി​യ​മ​ത്തി​ന്റെ ദൈവ​ശാ​സ്‌ത്ര​നി​ഘണ്ടു പറയു​ന്നതു പരിഗ​ണി​ക്കുക: “പുരാതന സമീപ​പൗ​ര​സ്‌ത്യ ദേശത്തും ഗ്രീക്ക്‌ ലോക​ത്തി​ലും റോമാ ലോക​ത്തി​ലും . . .‘ഉടമ്പടി’ എന്നതിന്റെ പദങ്ങൾ പദാർത്ഥ​പ​ര​മായ രണ്ട്‌ മണ്ഡലങ്ങ​ളിൽ ചിതറി​ക്കി​ട​ക്കു​ന്നു: ഒരു വശത്ത്‌ പ്രതി​ജ്ഞ​യും പ്രതി​ബ​ദ്ധ​ത​യും മറുവ​ശത്ത്‌ സനേ​ഹ​വും സൗഹൃ​ദ​വും.” നമുക്ക്‌ രണ്ടു വശങ്ങളും—പ്രതി​ജ്ഞ​യും സൗഹൃ​ദ​വും—യഹോ​വ​യു​ടെ ഉടമ്പടി​ക​ളു​ടെ മുഖ്യ​ശി​ല​യാ​യി കാണാൻ കഴിയും.

അബ്രഹാ​മ്യ ഉടമ്പടി—നിത്യാ​നു​ഗ്ര​ഹ​ങ്ങ​ളു​ടെ അടിസ്ഥാ​നം

7, 8. യഹോവ അബ്രഹാ​മി​നോട്‌ ഏതു തരം ഉടമ്പടി​ചെ​യ്‌തു? (1 ദിനവൃ​ത്താ​ന്തം 16:15, 16)

⁷ “വിശ്വാ​സ​മുള്ള സകലരു​ടെ​യും പിതാ​വാ​യി​രുന്ന” ഗോ​ത്ര​പി​താ​വായ അബ്രഹാം “യഹോ​വ​യു​ടെ സുഹൃത്ത്‌” ആയിരു​ന്നു. (റോമർ 4:11; യാക്കോബ്‌ 2:21-23) ദൈവം ഒരു പ്രതി​ജ്ഞ​യോ​ടെ അവനോട്‌ ആണയി​ടു​ക​യും നമുക്ക്‌ നിത്യാ​നു​ഗ്ര​ഹങ്ങൾ ലഭിക്കു​ന്ന​തിന്‌ അടിസ്ഥാ​ന​പ​ര​മാ​യി​രി​ക്കുന്ന ഒരു ഉടമ്പടി​യേർപ്പെ​ടു​ത്തു​ക​യും ചെയ്‌തു.—എബ്രായർ 6:13-18.

⁸ അബ്രഹാം ഊരി​ലാ​യി​രു​ന്ന​പ്പോൾ മറെറാ​രു ദേശ​ത്തേക്കു പോകാൻ യഹോവ അവനോ​ടു പറഞ്ഞു, അത്‌ കനാനാ​യി​രു​ന്നു. ആ സമയത്ത്‌ യഹോവ അബ്രഹാ​മി​നോട്‌ ഇങ്ങനെ വാഗ്‌ദാ​നം​ചെ​യ്‌തു: “ഞാൻ നിന്നിൽനിന്ന്‌ ഒരു വലിയ ജനതയെ ഉളവാ​ക്കും, ഞാൻ നിന്നെ അനു​ഗ്ര​ഹി​ക്കു​ക​യും ഞാൻ നിന്റെ നാമത്തെ വലുതാ​ക്കു​ക​യും​ചെ​യ്യും; . . . നീ മുഖാ​ന്തരം ഭൂമി​യി​ലെ സകല കുടും​ബ​ങ്ങ​ളും തീർച്ച​യാ​യും തങ്ങളെ​ത്തന്നെ അനു​ഗ്ര​ഹി​ക്കും.”a (ഉല്‌പത്തി 12:1-3) അതിനു​ശേഷം നാം ഉചിത​മാ​യി അബ്രഹാ​മ്യ ഉടമ്പടി​യെന്നു പറയു​ന്ന​തി​നോട്‌ ദൈവം ക്രമേണ വിശദാം​ശങ്ങൾ കൂട്ടി: അബ്രഹാ​മി​ന്റെ സന്തതി അഥവാ അവകാശി വാഗ്‌ദ​ത്ത​ദേശം അവകാ​ശ​മാ​ക്കും; അവന്റെ സന്തതി അസംഖ്യ​മാ​യി​ത്തീ​രും; അബ്രഹാ​മും സാറാ​യും രാജാ​ക്കൻമാ​രു​ടെ പ്രഭവ​ങ്ങ​ളാ​യി​രി​ക്കും.—ഉല്‌പത്തി 13:14-17; 15:4-6; 17:1-8, 16; സങ്കീർത്തനം 105:8-10.

9. നമുക്ക്‌ അബ്രഹാ​മ്യ ഉടമ്പടി​യിൽ ഉൾപ്പെ​ടാൻ കഴിയു​മെന്ന്‌ നാം എങ്ങനെ അറിയു​ന്നു?

⁹ ദൈവം അതിനെ “എനിക്കും നിനക്കും [അബ്രഹാ​മി​നും] മദ്ധ്യേ​യുള്ള എന്റെ ഉടമ്പടി” എന്നു വിളിച്ചു. (ഉല്‌പത്തി 17:2) എന്നാൽ നമ്മുടെ ജീവൻ ഉൾപ്പെ​ട്ടി​രി​ക്കു​ന്നു​വെന്ന്‌ നമുക്ക്‌ തീർച്ച​യാ​യും വിചാ​ര​മു​ണ്ടാ​യി​രി​ക്കണം, എന്തു​കൊ​ണ്ടെ​ന്നാൽ ദൈവം ഉടമ്പടി​യെ വികസി​പ്പി​ച്ചു​കൊണ്ട്‌ ഇങ്ങനെ പ്രസ്‌താ​വി​ച്ചു: “ഞാൻ തീർച്ച​യാ​യും നിന്നെ അനു​ഗ്ര​ഹി​ക്കും, ഞാൻ തീർച്ച​യാ​യും നിന്റെ സന്തതിയെ ആകാശ​ങ്ങ​ളി​ലെ നക്ഷത്ര​ങ്ങ​ളെ​പ്പോ​ലെ​യും കടൽക്ക​ര​യി​ലെ മണൽത്ത​രി​കൾ പോ​ലെ​യും വർദ്ധി​പ്പി​ക്കും; നിന്റെ സന്തതി അവന്റെ ശത്രു​ക്ക​ളു​ടെ പടിവാ​തിൽ കൈവ​ശ​പ്പെ​ടു​ത്തും. നിന്റെ സന്തതി മുഖാ​ന്തരം ഭൂമി​യി​ലെ സകല ജനതക​ളും തീർച്ച​യാ​യും തങ്ങളെ​ത്തന്നെ അനു​ഗ്ര​ഹി​ക്കും.” (ഉല്‌പത്തി 22:17, 18) നാം ആ ജനതക​ളു​ടെ ഭാഗമാണ്‌; നമുക്ക്‌ ഒരു ശക്തമായ അനു​ഗ്രഹം കരുതി​വെ​ക്ക​പ്പെ​ട്ടി​രി​ക്കു​ന്നു.

10. അബ്രഹാ​മു​മാ​യുള്ള ഉടമ്പടി​യിൽനിന്ന്‌ നമുക്ക്‌ എത്‌ ഉൾക്കാ​ഴ്‌ചകൾ കിട്ടുന്നു?

¹⁰ നമുക്ക്‌ അബ്രഹാ​മ്യ ഉടമ്പടി​യിൽനിന്ന്‌ എന്തു പഠിക്കാൻ കഴിയു​മെന്നു കാണാൻ അല്‌പം സമയ​മെ​ടു​ക്കാം. അതിനു മുമ്പത്തെ ഏദനിക ഉടമ്പടി​പോ​ലെ ഇതും വരാനി​രി​ക്കുന്ന ഒരു “സന്തതി”യിലേക്കു വിരൽചൂ​ണ്ടു​ക​യും സന്തതിക്ക്‌ ഒരു മനുഷ്യ​വം​ശാ​വലി ഉണ്ടായി​രി​ക്കു​മെന്നു സൂചി​പ്പി​ക്കു​ക​യും ചെയ്യുന്നു. (ഉല്‌പത്തി 3:15) അത്‌ അബ്രഹാ​മിൽകൂ​ടെ​യും അവന്റെ പുത്ര​നായ ഇസ്‌ഹാ​ക്കിൽ കൂടെ​യു​മുള്ള ശേമിന്റെ വംശത്തി​ലാ​യി​രി​ക്കും. ഈ വംശത്തിൽ രാജത്വം ഉൾപ്പെ​ട്ടി​രി​ക്കും, അത്‌ ഏതോ വിധത്തിൽ ഒരു കുടും​ബ​ത്തി​നു​മാ​ത്രമല്ല, സകല രാജ്യ​ങ്ങ​ളി​ലെ​യും മനുഷ്യ​രു​ടെ അനു​ഗ്ര​ഹ​ത്തിന്‌ അനുമതി നൽകും. ആ ഉടമ്പടി എങ്ങനെ നിവൃ​ത്തി​യാ​യി?

11. അബ്രഹാ​മ്യ ഉടമ്പടി​യു​ടെ ഒരു അക്ഷരീ​യ​നി​വൃ​ത്തി ഉണ്ടായ​തെ​ങ്ങനെ?

¹¹ യാക്കോ​ബി​ലൂ​ടെ അഥവാ ഇസ്രാ​യേ​ലിൽകൂ​ടെ ഒരു വലിയ ജനതയാ​യി​ത്തീ​രാൻ അബ്രഹാ​മി​ന്റെ സന്തതി പെരുകി. അബ്രഹാ​മി​ന്റെ എണ്ണമി​ല്ലാത്ത ഒരു അക്ഷരീയ സന്തതി​യെന്ന നിലയിൽ അവർ അബ്രഹാ​മി​ന്റെ​യും ഇസ്‌ഹാ​ക്കി​ന്റെ​യും യാക്കോ​ബി​ന്റെ​യും ദൈവ​ത്തി​ന്റെ നിർമ്മ​ലാ​രാ​ധ​നക്ക്‌ സമർപ്പി​ക്ക​പ്പെ​ട്ടി​രു​ന്നു. (ഉല്‌പത്തി 28:13; പുറപ്പാട്‌ 3:6, 15; 6:3; പ്രവൃ​ത്തി​കൾ 3:13) മിക്ക​പ്പോ​ഴും ഇസ്രാ​യേ​ല്യർ നിർമ്മ​ലാ​രാ​ധ​ന​യിൽനിന്ന്‌ അകന്നു​പോ​യി, എന്നിട്ടും “യഹോവ അവരോ​ടു പ്രീതി​കാ​ട്ടു​ക​യും അവരോ​ടു കരുണ പ്രകട​മാ​ക്കു​ക​യും​ചെ​യ്‌തു . . .  അബ്രഹാ​മി​നോ​ടും ഇസ്‌ഹാ​ക്കി​നോ​ടും യാക്കോ​ബി​നോ​ടു​മുള്ള അവന്റെ ഉടമ്പടി​ക്കു​വേ​ണ്ടി​ത്തന്നെ; അവൻ അവരെ നശിപ്പി​ക്കാ​നാ​ഗ്ര​ഹി​ച്ചില്ല.” (2 രാജാ​ക്കൻമാർ 13:23; പുറപ്പാട്‌ 2:24; ലേവ്യ​പു​സ്‌തകം 26:42-45) ദൈവം തന്റെ ജനമായി ക്രിസ്‌തീ​യ​സ​ഭയെ സ്വീക​രി​ച്ച​തി​നു​ശേഷം പോലും അബ്രഹാ​മി​ന്റെ അക്ഷരീ​യ​സ​ന്ത​തി​യായ ഒരു ജനമെന്ന നിലയിൽ ഇസ്രാ​യേ​ല്യ​രോട്‌ കുറേ കാല​ത്തേക്ക്‌ പ്രത്യേ​ക​പ്രീ​തി കാട്ടു​ന്ന​തിൽ അവൻ തുടർന്നു.—ദാനി​യേൽ 9:27.

അബ്രാ​ഹാ​മി​ന്റെ ആത്മീയ സന്തതി

12, 13. അബ്രഹാ​മ്യ ഉടമ്പടി​യു​ടെ ആത്മീയ നിവൃ​ത്തി​യിൽ യേശു സന്തതി​യു​ടെ പ്രഥമ​ഭാ​ഗ​മാ​ണെന്ന്‌ തെളി​ഞ്ഞ​തെ​ങ്ങനെ?

¹² അബ്രഹാ​മ്യ ഉടമ്പടിക്ക്‌ ആത്മീയ​മായ മറെറാ​രു നിവൃ​ത്തി​യു​ണ്ടാ​യി​രു​ന്നു. ഈ വലിപ്പ​മേ​റിയ നിവൃത്തി യേശു​വി​ന്റെ കാലത്തി​നു​മുമ്പ്‌ സ്‌പഷ്ട​മാ​കു​ക​യി​ല്ലാ​യി​രു​ന്നു, എന്നാൽ നമ്മുടെ കാലത്ത്‌ അത്‌ വ്യക്തമാ​യി​രി​ക്കു​ന്ന​തിൽ നമുക്ക്‌ സന്തോ​ഷ​മു​ള്ള​വ​രാ​യി​രി​ക്കാൻ കഴിയും. ദൈവ​വ​ച​ന​ത്തിൽ അതിന്റെ നിവൃ​ത്തി​യു​ടെ വിശദീ​ക​രണം നമുക്കു ലഭിച്ചി​ട്ടുണ്ട്‌. പൗലോസ്‌ എഴുതു​ന്നു: “ഇപ്പോൾ വാഗ്‌ദ​ത്തങ്ങൾ പറയ​പ്പെ​ട്ടത്‌ അബ്രഹാ​മി​നോ​ടും അവന്റെ സന്തതി​യോ​ടു​മാ​യി​രു​ന്നു. അതു പറയു​ന്നത്‌: അനേക​രു​ടെ കാര്യ​ത്തി​ലെ​ന്ന​പോ​ലെ ‘സന്തതി​ക​ളോ​ടും’ എന്നല്ല, പിന്നെ​യോ ഒരാളു​ടെ കാര്യ​ത്തി​ലെ​ന്ന​പോ​ലെ ‘നിന്റെ സന്തതി​യോ​ടും’ എന്നാണ്‌, അത്‌ ക്രിസ്‌തു ആണ്‌.”—ഗലാത്യർ 3:16.

¹³ അതെ, സന്തതി ഒരു വംശത്തി​ലൂ​ടെ അഥവാ കുടും​ബ​ത്തി​ലൂ​ടെ​യാണ്‌ വരുന്നത്‌, അത്‌ യേശു​വി​നെ​സം​ബ​ന്ധി​ച്ചു സത്യമാ​യി​രു​ന്നു. അവൻ അബ്രഹാ​മി​ന്റെ ഒരു അക്ഷരീ​യ​സ​ന്ത​തി​യാ​യി, ഒരു സ്വാഭാ​വി​ക​യ​ഹൂ​ദ​നാ​യി, ജനിച്ചു. (മത്തായി 1:1-16; ലൂക്കോസ്‌ 3:23-34) തന്നെയു​മല്ല, അവൻ സ്വർഗ്ഗ​ത്തി​ലെ വലിപ്പ​മേ​റിയ അബ്രഹാ​മി​ന്റെ കുടും​ബ​ത്തി​ന്റെ ഭാഗമാ​യി​രു​ന്നു. ഗോ​ത്ര​പി​താ​വായ അബ്രഹാം ദൈവം ആഗ്രഹി​ക്കു​ന്നു​വെ​ങ്കിൽ ആഴമായ വിശ്വാ​സ​ത്തോ​ടെ തന്റെ പുത്ര​നായ ഇസ്‌ഹാ​ക്കി​നെ ബലി​ചെ​യ്യാൻ സന്നദ്ധനാ​യി​രു​ന്നു​വെന്ന്‌ ഓർക്കുക. (ഉല്‌പത്തി 22:1-18; എബ്രായർ 11:17-19) അതു​പോ​ലെ​തന്നെ, യഹോവ തന്റെ ഏകജാ​ത​നായ പുത്രനെ വിശ്വ​സി​ക്കുന്ന മനുഷ്യ​വർഗ്ഗ​ത്തി​നു​വേണ്ടി ഒരു മറുവി​ല​യാ​ഗ​മാ​യി​ത്തീ​രാൻ ഭൂമി​യി​ലേ​ക്ക​യച്ചു. (റോമർ 5:8; 8:32) പൗലോസ്‌ ഈ ഉടമ്പടി​യ​നു​സ​രി​ച്ചുള്ള അബ്രഹാ​മി​ന്റെ സന്തതി​യു​ടെ മുഖ്യ​ഭാ​ഗ​മാ​യി യേശു​ക്രി​സ്‌തു​വി​നെ തിരി​ച്ച​റി​യി​ച്ച​തെ​ന്തു​കൊ​ണ്ടെന്ന്‌ അങ്ങനെ മനസ്സി​ലാ​ക്കാ​വു​ന്ന​താണ്‌.

14. അബ്രഹാ​മി​ന്റെ സന്തതി​യു​ടെ ഉപഭാ​ഗ​മെ​ന്താണ്‌, ഇത്‌ ഏതു കൂടു​ത​ലായ ചർച്ചയി​ലേക്ക്‌ നയിക്കു​ന്നു?

¹⁴ ആത്മീയ നിവൃ​ത്തി​യിൽ, ദൈവം ‘അബ്രഹാ​മി​ന്റെ സന്തതിയെ വർദ്ധി​പ്പി​ക്കു’മെന്ന്‌ പൗലോസ്‌ തുടർന്നു സൂചി​പ്പി​ച്ചു. അവൻ എഴുതി: “നിങ്ങൾ ക്രിസ്‌തു​വി​നു​ള്ള​വ​രെ​ങ്കിൽ, നിങ്ങൾ യഥാർത്ഥ​ത്തിൽ ഒരു വാഗ്‌ദത്തം സംബന്ധിച്ച്‌ അവകാ​ശി​കൾ, അബ്രഹാ​മി​ന്റെ സന്തതി, ആകുന്നു.” (ഉല്‌പത്തി 22:17; ഗലാത്യർ 3:29) അങ്ങനെ​യു​ള്ള​വ​രാണ്‌ ആത്മാഭി​ഷിക്ത ക്രിസ്‌ത്യാ​നി​ക​ളായ 1,44,000 പേർ. അവർ അബ്രഹാ​മി​ന്റെ സന്തതി​യു​ടെ ഉപഭാ​ഗ​മാ​യി​ത്തീ​രു​ന്നു. അവർ സന്തതി​യു​ടെ പ്രഥമ ഭാഗ​ത്തോട്‌ എതിരല്ല, പിന്നെ​യോ “ക്രിസ്‌തു​വി​ന്നു​ള്ളവർ” ആകുന്നു. (1 കൊരി​ന്ത്യർ 1:2; 15:23) അവരി​ല​നേ​കർക്കും അബ്രഹാ​മു​മാ​യുള്ള തങ്ങളുടെ വംശപ​രമ്പര ചുവടു​പി​ടി​ച്ചു​ചെ​ല്ലാൻ കഴിക​യി​ല്ലെന്ന്‌ നമുക്ക​റി​യാം, എന്തു​കൊ​ണ്ടെ​ന്നാൽ അവർ യഹൂ​ദേതര ജനതക​ളിൽനി​ന്നു​ള്ള​വ​രാണ്‌. എന്നിരു​ന്നാ​ലും, ആത്മീയ നിവൃ​ത്തി​യിൽ അവർ സ്വാഭാ​വി​ക​മാ​യി വലിപ്പ​മേ​റിയ അബ്രഹാ​മായ യഹോ​വ​യു​ടെ കുടും​ബ​ത്തി​ന്റെ ഭാഗമ​ല്ലെ​ന്നു​ള്ള​താണ്‌ കൂടുതൽ നിർണ്ണാ​യകം; എന്നാൽ അവർ പാപി​യായ ആദാമി​ന്റെ അപൂർണ്ണ​കു​ടും​ബ​ത്തിൽനി​ന്നു​ള്ള​വ​രാണ്‌. അതു​കൊണ്ട്‌ അവർക്ക്‌ “അബ്രഹാ​മി​ന്റെ സന്തതി”യുടെ ഭാഗമാ​യി​ത്തീ​രാൻ എങ്ങനെ യോഗ്യ​ത​പ്രാ​പി​ക്കാൻ കഴിയു​മെന്ന്‌ പിൽക്കാല ഉടമ്പടി​ക​ളിൽനിന്ന്‌ നാം കാണേ​ണ്ട​യാ​വ​ശ്യ​മുണ്ട്‌.

താൽക്കാ​ലി​ക​മാ​യി ന്യായ​പ്ര​മാണ ഉടമ്പടി കൂട്ടി​ച്ചേർക്ക​പ്പെ​ടു​ന്നു

15-17. (എ) ന്യായ​പ്ര​മാണ ഉടമ്പടി അബ്രഹാ​മ്യ ഉടമ്പടി​യോട്‌ കൂട്ടി​ച്ചേർക്ക​പ്പെ​ട്ട​തെ​ന്തു​കൊണ്ട്‌? (ബി) ന്യായ​പ്ര​മാ​ണം ഈ ലക്ഷ്യങ്ങൾ എങ്ങനെ നിറ​വേ​ററി?

¹⁵ ദൈവം തന്റെ ഉദ്ദേശ്യം നിവർത്തി​ക്കു​ന്ന​തിൽ ഒരു അടിസ്ഥാ​ന​ന​ട​പ​ടി​യെന്ന നിലയിൽ അബ്രഹാ​മ്യ ഉടമ്പടി സ്ഥാപി​ച്ച​ശേഷം സന്തതി പ്രത്യ​ക്ഷ​പ്പെ​ടു​ന്ന​തു​വരെ അവന്റെ വംശം ദുഷി​പ്പിൽനി​ന്നോ നിർമ്മൂ​ല​നാ​ശ​ത്തിൽനി​ന്നോ എങ്ങനെ കാത്തു​സൂ​ക്ഷി​ക്ക​പ്പെ​ടും? സന്തതി വന്നെത്തു​ക​തന്നെ ചെയ്യു​മ്പോൾ സത്യാ​രാ​ധകർ അവനെ എങ്ങനെ തിരി​ച്ച​റി​യും? താൽക്കാ​ലി​ക​മാ​യി ന്യായ​പ്ര​മാണ ഉടമ്പടി കൂട്ടി​ച്ചേർത്ത​തി​ലെ ദൈവ​ത്തി​ന്റെ ജ്ഞാനം ചൂണ്ടി​ക്കാ​ട്ടി​ക്കൊണ്ട്‌ പൗലോസ്‌ അങ്ങനെ​യുള്ള ചോദ്യ​ങ്ങൾക്ക്‌ ഉത്തരം നൽകുന്നു. അപ്പോ​സ്‌തലൻ എഴുതു​ന്നു:

¹⁶ “അപ്പോൾ ന്യായ​പ്ര​മാ​ണം എന്തിന്‌? അത്‌ വാഗ്‌ദത്തം ആരോടു ചെയ്യ​പ്പെ​ട്ടു​വോ ആ സന്തതി വരുന്ന​തു​വരെ ലംഘനങ്ങൾ പ്രകട​മാ​കേ​ണ്ട​തിന്‌ കൂട്ടി​ച്ചേർക്ക​പ്പെട്ടു; അത്‌ ഒരു മദ്ധ്യസ്ഥന്റെ കൈയാൽ ദൂതൻമാർ മുഖേന പ്രേഷ​ണം​ചെ​യ്യ​പ്പെട്ടു. . . . നാം വിശ്വാ​സം നിമിത്തം നീതി​മാൻമാ​രാ​യി പ്രഖ്യാ​പി​ക്ക​പ്പെ​ടേ​ണ്ട​തിന്‌ ന്യായ​പ്ര​മാ​ണം നമ്മുടെ ശിശു​പാ​ലകൻ ആയിത്തീർന്നി​രി​ക്കു​ന്നു.”—ഗലാത്യർ 3:19, 24.

¹⁷ സീനാ​യി​മ​ല​യിൽവെച്ച്‌, യഹോവ താനും ഇസ്ര​യേ​ലും തമ്മിൽ അനുപ​മ​മായ ഒരു ദേശീയ ഉടമ്പടി ചെയ്‌തു—മോശ മദ്ധ്യസ്ഥ​നാ​യുള്ള ന്യായ​പ്ര​മാണ ഉടമ്പടി​തന്നെ.b (ഗലാത്യർ 4:24, 25) ജനം ഈ ഉടമ്പടി​യിൽ ആയിരി​ക്കാൻ സമ്മതിച്ചു. അത്‌ കാളക​ളു​ടെ​യും ആട്ടു​കൊ​റ​റൻമാ​രു​ടെ​യും രക്തത്താൽ പ്രാബ​ല്യ​ത്തി​ലാ​ക്ക​പ്പെട്ടു. (പുറപ്പാട്‌ 24:3-8; എബ്രായർ 9:19, 20) അത്‌ ഇസ്രാ​യേ​ലിന്‌ ദിവ്യാ​ധി​പത്യ നിയമ​ങ്ങ​ളും ഒരു നീതി​യുള്ള ഗവൺമെൻറി​നുള്ള ബാഹ്യ​രൂ​പ​വും കൊടു​ത്തു. ഉടമ്പടി പുറജാ​തി​കളെ മിശ്ര​വി​വാ​ഹം കഴിക്കു​ന്ന​തും അല്ലെങ്കിൽ അധാർമ്മി​ക​വും വ്യാജ​വു​മായ മതാചാ​ര​ങ്ങ​ളിൽ പങ്കുപ​റ​റു​ന്ന​തും വിലക്കി. അങ്ങനെ അത്‌ ഇസ്രാ​യേ​ല്യ​രെ കാത്തു​സൂ​ക്ഷി​ക്കു​ക​യും സന്തതി​യു​ടെ വംശാ​വലി ദുഷി​ക്കാ​തെ സൂക്ഷി​ക്കു​ന്ന​തിൽ ഒരു സ്വാധീ​ന​മാ​യി വർത്തി​ക്കു​ക​യും​ചെ​യ്‌തു. (പുറപ്പാട്‌ 20:4-6; 34:12-16) എന്നാൽ യാതൊ​രു അപൂർണ്ണ ഇസ്രാ​യേ​ല്യ​നും ന്യായ​പ്ര​മാ​ണം പൂർണ്ണ​മാ​യി അനുസ​രി​ക്കാൻ കഴിയാ​ഞ്ഞ​തു​കൊണ്ട്‌ അത്‌ പാപങ്ങളെ പ്രകട​മാ​ക്കി. (ഗലാത്യർ 3:19) അത്‌ പൂർണ്ണ​ത​യുള്ള ഒരു സ്ഥിരപു​രോ​ഹി​ത​ന്റെ​യും വാർഷി​ക​മാ​യി ആവർത്തി​ക്കേ​ണ്ട​തി​ല്ലാത്ത ഒരു യാഗത്തി​ന്റെ​യും ആവശ്യ​ത്തി​ലേക്കു വിരൽചൂ​ണ്ടി. ന്യായ​പ്ര​മാ​ണം ആവശ്യ​മാ​യി​രുന്ന പ്രബോ​ധ​കന്റെ അടുക്ക​ലേക്കു ഒരു കുട്ടിയെ നയിക്കുന്ന ഒരു ശിശു​പാ​ല​ക​നെ​പ്പോ​ലെ​യാ​യി​രു​ന്നു. പ്രബോ​ധകൻ മശിഹാ​യോ ക്രിസ്‌തു​വോ ആയിരി​ക്കു​മാ​യി​രു​ന്നു. (എബ്രായർ 7:26-28; 9:9, 16-22; 10:1-4, 11) ന്യായ​പ്ര​മാണ ഉടമ്പടി അതിന്റെ ഉദ്ദേശ്യം നിവർത്തി​ച്ചു​ക​ഴി​ഞ്ഞ​പ്പോൾ അത്‌ അവസാ​നി​ക്കു​മാ​യി​രു​ന്നു.—ഗലാത്യർ 3:24, 25; റോമർ 7:6; 32-ാം പേജിലെ വായന​ക്കാ​രിൽനി​ന്നുള്ള ചോദ്യ​ങ്ങൾ കാണുക.

18. ന്യായ​പ്ര​മാണ ഉടമ്പടി​യിൽ ഏതു കൂടു​ത​ലായ പ്രതീക്ഷ ഉൾപ്പെ​ട്ടി​രു​ന്നു, എന്നാൽ ഇതു മനസ്സി​ലാ​ക്കാൻ പ്രയാ​സ​മാ​യി​രു​ന്ന​തെ​ന്തു​കൊണ്ട്‌?

¹⁸ ഈ താൽക്കാ​ലിക ഉടമ്പടി ചെയ്‌ത​പ്പോൾ ദൈവം പുളക​പ്ര​ദ​മായ ഈ ലക്ഷ്യ​ത്തെ​ക്കു​റി​ച്ചും പറഞ്ഞു: “നിങ്ങൾ കർശന​മാ​യി എന്റെ ശബ്ദം അനുസ​രി​ക്കു​ക​യും തീർച്ച​യാ​യും എന്റെ ഉടമ്പടി പാലി​ക്കു​ക​യും​ചെ​യ്യു​മെ​ങ്കിൽ നിങ്ങൾ തീർച്ച​യാ​യും എന്റെ പ്രത്യേ​ക​സ്വ​ത്താ​യി​ത്തീ​രും . . . നിങ്ങൾതന്നെ എനിക്ക്‌ പുരോ​ഹി​തൻമാ​രു​ടെ ഒരു രാജ്യ​വും ഒരു വിശു​ദ്ധ​ജ​ന​ത​യു​മാ​യി​ത്തീ​രും.” (പുറപ്പാട്‌ 19:5, 6) എന്തോരു പ്രതീക്ഷ! രാജ-പുരോ​ഹി​തൻമാ​രു​ടെ ഒരു ജനത. എന്നാൽ അത്‌ എങ്ങനെ സാധി​ക്കും? ന്യായ​പ്ര​മാ​ണം പിൽക്കാ​ലത്ത്‌ നിർദ്ദേ​ശി​ച്ച​തു​പോ​ലെ ഭരണ​ഗോ​ത്ര​ത്തി​നും (യഹൂദാ) പൗരോ​ഹി​ത്യ ഗോ​ത്ര​ത്തി​നും (ലേവി) വ്യത്യസ്‌ത ഉത്തരവാ​ദി​ത്വ​ങ്ങൾ കൊടു​ക്ക​പ്പെട്ടു. (ഉല്‌പത്തി 49:10; പുറപ്പാട്‌ 28:43; സംഖ്യാ​പു​സ്‌തകം 3:5-13) യാതൊ​രു​വ​നും ഒരു ആഭ്യന്ത​ര​ഭ​ര​ണാ​ധി​കാ​രി​യും ഒരു പുരോ​ഹി​ത​നു​മാ​യി​രി​ക്കാൻ കഴിയു​മാ​യി​രു​ന്നില്ല. എന്നിരു​ന്നാ​ലും, പുറപ്പാട്‌ 19:5, 6ലെ ദൈവ​വ​ച​നങ്ങൾ വെളി​പ്പെ​ടു​ത്ത​പ്പെ​ടാത്ത ഏതോ രീതി​യിൽ ന്യായ​പ്ര​മാണ ഉടമ്പടി​യിൽ പെട്ടവർക്ക്‌ “പുരോ​ഹി​തൻമാ​രു​ടെ ഒരു രാജ്യ​വും ഒരു വിശു​ദ്ധ​ജ​ന​ത​യും” ആയവരു​ടെ അംഗങ്ങളെ പ്രദാ​നം​ചെ​യ്യാ​നുള്ള അവസര​മു​ണ്ടാ​യി​രി​ക്കു​മെന്നു വിശ്വ​സി​ക്കാൻ കാരണം നൽകി.

ദാവീ​ദിക രാജ്യ ഉടമ്പടി

19. ഉടമ്പടി​ക​ളിൽ രാജത്വ​ത്തി​ലേക്കു വിരൽചൂ​ണ്ട​പ്പെ​ട്ട​തെ​ങ്ങനെ?

¹⁹ കാല​ക്ര​മ​ത്തിൽ നമ്മുടെ നിത്യാ​നു​ഗ്ര​ഹ​ത്തി​നാ​യി താൻ തന്റെ ഉദ്ദേശ്യം എങ്ങനെ നിവർത്തി​ക്കു​മെന്ന്‌ കൂടു​ത​ലാ​യി വിശദീ​ക​രിച്ച മറെറാ​രു ഉടമ്പടി യഹോവ കൂട്ടി​ച്ചേർത്തു. അബ്രഹാ​മ്യ ഉടമ്പടി അബ്രഹാ​മി​ന്റെ അക്ഷരീയ സന്തതി​യു​ടെ ഇടയിലെ രാജത്വ​ത്തി​ലേക്കു വിരൽചൂ​ണ്ടി​യെന്നു നാം കണ്ടുക​ഴി​ഞ്ഞു. (ഉല്‌പത്തി 17:6) ന്യായ​പ്ര​മാണ ഉടമ്പടി​യും ദൈവ​ജ​ന​ത്തി​ന്റെ ഇടയിലെ രാജാ​ക്കൻമാ​രെ പ്രതീ​ക്ഷി​ച്ചു, എന്തു​കൊ​ണ്ടെ​ന്നാൽ മോശ ഇസ്രാ​യേ​ലി​നോ​ടു പറഞ്ഞു: “നീ ഒടുവിൽ [വാഗ്‌ദ​ത്ത​ദേ​ശ​ത്തേക്ക്‌] വരുക​യും ‘എനിക്കു ചുററു​മുള്ള സകല ജനതക​ളെ​യും​പോ​ലെ ഞാൻ എന്റെമേൽ ഒരു രാജാ​വി​നെ ആക്കി​വെ​ക്കു​ക​യും ചെയ്യ​ട്ടെ​യെന്ന്‌ പറഞ്ഞി​രി​ക്കു​ക​യും ചെയ്യു​മ്പോൾ നീ തീർച്ച​യാ​യും നിന്റെ ദൈവ​മായ യഹോവ തെര​ഞ്ഞെ​ടു​ക്കുന്ന ഒരു രാജാ​വി​നെ നിന്റെ മേൽ ആക്കി​വെ​ക്കേണം. . . . നീ ഒരു വിദേ​ശി​യെ നിന്റെ​മേൽ ആക്കി​വെ​ക്കാൻ അനുവ​ദി​ക്ക​പ്പെ​ടു​ക​യില്ല.” (ആവർത്തനം 17:14, 15) അങ്ങനെ​യുള്ള രാജത്വ​ത്തിന്‌ ദൈവം എങ്ങനെ ക്രമീ​ക​രണം ചെയ്യും, അത്‌ അബ്രഹാ​മിക ഉടമ്പടി​യോട്‌ എങ്ങനെ ബന്ധപ്പെ​ടും?

20. ദാവീ​ദും അവന്റെ വംശാ​വ​ലി​യും ചിത്ര​ത്തി​ലേക്കു വന്നതെ​ങ്ങനെ?

²⁰ ഇസ്ര​യേ​ലി​ന്റെ ആദ്യത്തെ രാജാവ്‌ ബന്യാ​മീൻ ഗോ​ത്ര​ത്തി​ലെ ശൗൽ ആയിരു​ന്നെ​ങ്കി​ലും അവന്റെ പിൻഗാ​മി​യാ​യി ധീരനും വിശ്വ​സ്‌ത​നു​മായ യഹൂദ​യി​ലെ ദാവീദ്‌ വന്നു. (1 ശമുവേൽ 8:5; 9:1, 2; 10:1; 16:1, 13) ദാവീ​ദി​ന്റെ വാഴ്‌ച പുരോ​ഗ​മി​ച്ച​പ്പോൾ യഹോവ ദാവീ​ദു​മാ​യി ഒരു ഉടമ്പടി ഉണ്ടാക്കാൻ തീരു​മാ​നി​ച്ചു. ആദ്യം അവൻ ഇങ്ങനെ പറഞ്ഞു: “ഞാൻ തീർച്ച​യാ​യും നിനക്കു​ശേഷം നിന്റെ സന്തതിയെ എഴു​ന്നേൽപ്പി​ക്കും, അത്‌ നിന്റെ ആന്തരി​ക​ഭാ​ഗ​ങ്ങ​ളിൽനിന്ന്‌ വരും; ഞാൻ തീർച്ച​യാ​യും അവന്റെ രാജ്യത്തെ ഉറപ്പായി സ്ഥാപി​ക്കും. അവനാണ്‌ എനിക്ക്‌ ഒരു ഭവനം പണിയു​ന്നത്‌, ഞാൻ തീർച്ച​യാ​യും അവന്റെ രാജ്യ​ത്തി​ന്റെ സിംഹാ​സ​നത്തെ അനിശ്ചി​ത​കാ​ല​ത്തോ​ളം സ്ഥാപി​ക്കും.” (2 ശമുവേൽ 7:12, 13) അവിടെ സൂചി​പ്പിച്ച പ്രകാരം ദാവീ​ദി​ന്റെ പുത്രൻ ശലോ​മോൻ അടുത്ത രാജാ​വാ​യി​ത്തീർന്നു, അവൻ യരുശ​ലേ​മിൽ ദൈവ​ത്തി​നാ​യി ഒരു ഭവനം, അഥവാ ഒരു ആലയം നിർമ്മി​ക്കാൻ ഉപയോ​ഗി​ക്ക​പ്പെട്ടു. എന്നിരു​ന്നാ​ലും കൂടുതൽ കാര്യ​ങ്ങ​ളു​ണ്ടാ​യി​രു​ന്നു.

21. ദാവീ​ദ്യ​രാ​ജ്യ ഉടമ്പടി എന്തിനു കരുതൽചെ​യ്‌തു?

²¹ യഹോവ തുടർന്ന്‌ ദാവീ​ദു​മാ​യി ഈ ഉടമ്പടി ചെയ്‌തു: “തീർച്ച​യാ​യും നിന്റെ ഭവനവും നിന്റെ രാജ്യ​വും നിന്റെ മുമ്പാകെ അനിശ്ചി​ത​കാ​ല​ത്തോ​ളം സ്ഥിരമാ​യി​രി​ക്കും; നിന്റെ സിംഹാ​സ​നം​തന്നെ അനിശ്ചി​ത​കാ​ല​ത്തോ​ളം സ്ഥിരമാ​യി സ്ഥാപി​ക്ക​പ്പെട്ട ഒന്നായി​ത്തീ​രും.” (2 ശമുവേൽ 7:16) വ്യക്തമാ​യി, ദൈവം അങ്ങനെ ഇസ്രാ​യേ​ലി​നു​വേണ്ടി ദാവീ​ദി​ന്റെ കുടും​ബ​ത്തിൽ രാജവം​ശം സ്ഥാപി​ക്കു​ക​യാ​യി​രു​ന്നു. അത്‌ ദാവീ​ദി​ക​രാ​ജാ​ക്കൻമാ​രു​ടെ നിരന്തരപിൻതുടർച്ചമാത്രമായിരിക്കേണ്ടതല്ലായിരുന്നു. ഒടുവിൽ ദാവീ​ദി​ന്റെ വംശത്തിൽപെട്ട ഒരുവൻ “അനിശ്ചി​ത​കാ​ല​ത്തോ​ളം” ഭരിക്കാ​നി​ട​യാ​കും, “അവന്റെ സിംഹാ​സനം [ദൈവ]മുമ്പാകെ സൂര്യ​നെ​പ്പോ​ലെ [ആയിരി​ക്കും].”—സങ്കീർത്തനം 89:20, 29, 34-36; യെശയ്യാവ്‌ 55:3, 4.

22. ദാവീ​ദു​മാ​യുള്ള ഉടമ്പടി സന്തതി​യു​ടെ വംശവു​മാ​യി ബന്ധപ്പെ​ട്ട​തെ​ങ്ങനെ, എന്തു പരിണ​ത​ഫ​ല​ത്തോ​ടെ?

²² അപ്പോൾ ദാവീ​ദിക ഉടമ്പടി സന്തതി​യു​ടെ വംശാ​വ​ലി​യെ കൂടുതൽ ഇടുങ്ങി​യ​താ​ക്കി​യെന്ന്‌ സ്‌പഷ്ട​മാണ്‌. മശിഹാ ദാവീ​ദി​ന്റെ ഒരു സന്തതി​യാ​യി​രി​ക്കേ​ണ്ട​താ​ണെന്ന്‌ ഒന്നാം നൂററാ​ണ്ടി​ലെ യഹൂദൻമാർ പോലും തിരി​ച്ച​റി​ഞ്ഞി​രു​ന്നു. (യോഹ​ന്നാൻ 7:41, 42) അബ്രഹാ​മ്യ ഉടമ്പടി​യി​ലെ സന്തതി​യി​ലെ പ്രഥമ ഭാഗമായ യേശു​ക്രി​സ്‌തു ഒരു ദൂതൻ സാക്ഷ്യ​പ്പെ​ടു​ത്തി​യ​തു​പോ​ലെ, ഈ ദാവീ​ദി​ക​രാ​ജ്യ​ത്തി​ന്റെ ഒരു സ്ഥിരാ​വ​കാ​ശി​യാ​യി​ത്തീ​രാൻ യോഗ്യത നേടി. (ലൂക്കോസ്‌ 1:31-33) യേശു അങ്ങനെ വാഗ്‌ദ​ത്ത​ദേ​ശ​ത്തിൻമേൽ ഭരിക്കാ​നുള്ള അവകാശം നേടി, അത്‌ ദാവീദ്‌ വാണി​രുന്ന ഭൗമി​ക​പ്ര​ദേ​ശ​മാ​യി​രു​ന്നു. ഇത്‌ യേശു​വി​ലുള്ള നമ്മുടെ വിശ്വാ​സത്തെ വർദ്ധി​പ്പി​ക്കേ​ണ്ട​താണ്‌; അവൻ നിയമ​വി​രുദ്ധ കൈ​യേ​റ​റ​ത്താ​ലല്ല, പിന്നെ​യോ ഒരു സ്ഥാപി​ത​നി​യ​മ​ക്ര​മീ​ക​ര​ണ​ത്താ​ലാണ്‌, ഒരു ദിവ്യ​ഉ​ട​മ്പ​ടി​യാ​ലാണ്‌, ഭരിക്കു​ന്നത്‌.

23. ഏതു ചോദ്യ​ങ്ങ​ളും കാര്യ​ങ്ങ​ളും തീരു​മാ​നി​ക്ക​പ്പെ​ടാൻ ശേഷി​ക്കു​ന്നു?

²³ മനുഷ്യ​വർഗ്ഗ​ത്തിന്‌ നിത്യാ​നു​ഗ്ര​ഹങ്ങൾ കൈവ​രു​ത്താ​നുള്ള ദൈവ​ത്തി​ന്റെ ഉദ്ദേശ്യം നിവർത്തി​ക്കുന്ന വിധ​ത്തോ​ടു ബന്ധമുള്ള ദിവ്യ ഉടമ്പടി​ക​ളിൽ നാലെ​ണ്ണ​മാണ്‌ നാം പരിചി​ന്തി​ച്ചി​രി​ക്കു​ന്നത്‌. സാദ്ധ്യ​ത​യ​നു​സ​രിച്ച്‌ ചിത്രം പൂർണ്ണ​മ​ല്ലെന്ന്‌ നിങ്ങൾക്കു കാണാൻ കഴിയും. മനുഷ്യർ അപൂർണ്ണ​രാ​യി തുടർന്ന​തു​കൊണ്ട്‌ ഏതു പുരോ​ഹി​തന്‌ അഥവാ യാഗത്തിന്‌ അതിന്‌ സ്ഥിരമാ​യി മാററം വരുത്താൻ കഴിയും? മനുഷ്യർ അബ്രഹാ​മ്യ സന്തതി​യു​ടെ ഭാഗമാ​യി​ത്തീ​രാൻ എങ്ങനെ യോഗ്യത നേടും? ഭരിക്കാ​നുള്ള അവകാ​ശ​ത്തിൽ കേവല​മൊ​രു ഭൗമി​ക​പ്ര​ദേ​ശ​ത്തെ​ക്കാ​ള​ധി​കം ഉൾപ്പെ​ടാൻ തക്കവണ്ണം അതു വികസി​ത​മാ​കു​മെന്ന്‌ വിശ്വ​സി​ക്കാൻ ന്യായ​മു​ണ്ടോ? പ്രഥമ​ഭാ​ഗ​വും ഉപഭാ​ഗ​വും ഉൾപ്പെ​ടുന്ന അബ്രഹാ​മി​ന്റെ സന്തതിക്ക്‌ നമ്മി​ലോ​രോ​രു​ത്ത​രും ഉൾപ്പെടെ “ഭൂമി​യി​ലെ സകല ജനതകൾ”ക്കും ഒരു അനു​ഗ്രഹം കൈവ​രു​ത്താൻ എങ്ങനെ കഴിയും? എന്നിങ്ങ​നെ​യുള്ള ചോദ്യ​ങ്ങ​ള​വ​ശേ​ഷി​ക്കു​ന്നു. നമുക്കു കാണാം. (w89 2/1)

[അടിക്കു​റി​പ്പു​കൾ]

നിങ്ങളു​ടെ ഉത്തര​മെ​ന്താണ?

◻ അബ്രഹാ​മ്യ ഉടമ്പടി നമുക്ക്‌ നിത്യാ​നു​ഗ്ര​ഹങ്ങൾ ലഭിക്കു​ന്ന​തിന്‌ അടിസ്ഥാ​ന​മി​ട്ട​തെ​ങ്ങനെ?

◻ അബ്രഹാ​മി​ന്റെ അക്ഷരീയ ജഡിക സന്തതി ആരായി​രു​ന്നു? പ്രതീ​കാ​ത്മക സന്തതി​യോ?

◻ ന്യായ​പ്ര​മാണ ഉടമ്പടി അബ്രഹാ​മ്യ ഉടമ്പടി​യോട്‌ കൂട്ടി​ച്ചേർക്ക​പ്പെ​ട്ട​തെ​ന്തു​കൊണ്ട്‌?

◻ ദാവീ​ദിക രാജ്യ ഉടമ്പടി ദൈ​വോ​ദ്ദേ​ശ്യ​ത്തെ പുരോ​ഗ​മി​പ്പി​ച്ച​തെ​ങ്ങനെ?

[13-ാം പേജിലെ രേഖാ​ചി​ത്രം]

(For fully formatted text, see publication)

ഏദനിക ഉടമ്പടി ഉല്‌പത്തി 3:15

അബ്രഹാമ്യ ഉടമ്പടി

പ്രഥമ സന്തതി

ഉപ സന്തതി

നിത്യ അനു​ഗ്ര​ഹ​ങ്ങൾ

[14-ാം പേജിലെ രേഖാ​ചി​ത്രം]

(For fully formatted text, see publication)

ഏദനിക ഉടമ്പടി ഉല്‌പത്തി 3:15

അബ്രഹാമ്യ ഉടമ്പടി

ന്യായപ്രമാണ ഉടമ്പടി

ദാവീദിക രാജ്യ ഉടമ്പടി

പ്രഥമ സന്തതി

ഉപ സന്തതി

നിത്യ അനു​ഗ്ര​ഹ​ങ്ങൾ

[10-ാം പേജിലെ ചിത്രം]

മനുഷ്യവർഗ്ഗത്തിനുവേണ്ടിയുള്ള തന്റെ ഉദ്ദേശ്യം നിവർത്തി​ക്കു​ന്ന​തിന്‌ ദൈവം വിശ്വ​സ്‌ത​നായ അബ്രഹാ​മു​മാ​യി ഒരു ഉടമ്പടി​ചെ​യ്‌തു