ബൈബിൾവാ​യ​ന​യിൽനിന്ന്‌ പരമാ​വധി പ്രയോ​ജനം നേടുക

നിങ്ങൾ ഇതുവരെ ചെയ്‌തി​ട്ടി​ല്ലാത്ത വലി​യൊ​രു കാര്യം ചെയ്യാൻ പോകു​ന്നെന്നു കരുതുക. അതെക്കു​റിച്ച്‌ ഓർക്കു​മ്പോൾ നിങ്ങൾക്ക്‌ ഉത്‌കണ്‌ഠ തോന്നി​യേ​ക്കാം. എന്നാൽ ആ വലിയ കാര്യത്തെ ചെറി​യ​ചെ​റിയ ഭാഗങ്ങ​ളാ​ക്കി ചെയ്‌താ​ലോ? അതു കുറച്ചു​കൂ​ടി എളുപ്പ​മാ​യി​രി​ക്കി​ല്ലേ? ഇതു​പോ​ലെ​ത​ന്നെ​യാണ്‌ ബൈബിൾവാ​യ​ന​യു​ടെ കാര്യ​വും. ഒരുപക്ഷേ നിങ്ങൾ ഇങ്ങനെ ചിന്തി​ക്കു​ന്നു​ണ്ടാ​കും. ഞാൻ എവി​ടെ​നിന്ന്‌ വായി​ച്ചു​തു​ട​ങ്ങും? ബൈബിൾ രസകര​മാ​യി വായി​ക്കാ​നും പഠിക്കാ​നും ഉള്ള ചില എളുപ്പ​വ​ഴി​കൾ ഈ പാഠത്തിൽ പറഞ്ഞു​ത​രു​ന്നുണ്ട്‌.

1. എല്ലാ ദിവസ​വും ബൈബിൾ വായി​ക്കേ​ണ്ടത്‌ എന്തു​കൊണ്ട്‌?

നമ്മൾ എല്ലാ ദിവസ​വും “യഹോ​വ​യു​ടെ നിയമം” അതായത്‌ ദൈവ​വ​ചനം വായി​ച്ചാൽ നമുക്ക്‌ സന്തോഷം കിട്ടും. ജീവി​ത​ത്തിൽ വിജയി​ക്കാ​നും പറ്റും. (സങ്കീർത്തനം 1:1-3 വായി​ക്കുക.) തുടക്ക​ത്തിൽ ദിവസ​വും അഞ്ചോ പത്തോ മിനിട്ട്‌ ബൈബിൾ വായി​ച്ചു​നോ​ക്കാം. അങ്ങനെ അതൊരു ശീലമാ​യാൽ പിന്നെ ബൈബിൾവാ​യന വളരെ രസകര​മാ​യി​രി​ക്കും.

2. ബൈബിൾവാ​യ​ന​യിൽനിന്ന്‌ പ്രയോ​ജനം കിട്ടണ​മെ​ങ്കിൽ എന്തു ചെയ്യണം?

ബൈബിൾവാ​യ​ന​യിൽനിന്ന്‌ പ്രയോ​ജനം കിട്ടണ​മെ​ങ്കിൽ നമ്മൾ വായിച്ച ഭാഗ​ത്തെ​ക്കു​റിച്ച്‌ “ധ്യാനി​ക്കണം.” (യോശുവ 1:8, അടിക്കു​റിപ്പ്‌.) അതായത്‌ ഓരോ ഭാഗവും വായി​ച്ച​തി​നു ശേഷം ഒന്നു നിറു​ത്തുക. എന്നിട്ട്‌ വായി​ച്ച​തി​നെ​ക്കു​റിച്ച്‌ ആഴത്തിൽ ചിന്തി​ക്കുക. നമുക്കു സ്വയം ഇങ്ങനെ ചോദി​ക്കാം: ‘യഹോ​വ​യെ​ക്കു​റിച്ച്‌ ഈ ഭാഗം എന്താണു പറയു​ന്നത്‌? എനിക്ക്‌ എങ്ങനെ ഈ കാര്യം ചെയ്യാം? മറ്റുള്ള​വരെ സഹായി​ക്കാൻ എനിക്ക്‌ ഈ വാക്യങ്ങൾ എങ്ങനെ ഉപയോ​ഗി​ക്കാം?’

3. ബൈബിൾ എപ്പോൾ വായി​ക്കാം?

ബൈബിൾ വായി​ക്കാൻ സമയം കിട്ടാ​റി​ല്ലെന്ന്‌ പലരും പറയാ​റുണ്ട്‌. എന്നാൽ ‘സമയം ഏറ്റവും നന്നായി ഉപയോ​ഗി​ക്കാ​നാണ്‌’ ബൈബിൾ പറയു​ന്നത്‌. (എഫെസ്യർ 5:16) അതു​കൊണ്ട്‌, ദിവസ​വും ബൈബിൾ വായി​ക്കാൻ ഒരു സമയം തീരു​മാ​നി​ക്കുക. അതിരാ​വി​ലെ ബൈബിൾ വായി​ക്കു​ന്ന​താണ്‌ ചിലർക്ക്‌ ഇഷ്ടം. മറ്റു ചിലർ ജോലി​ക്കി​ടെ വിശ്ര​മി​ക്കുന്ന സമയത്തോ വൈകു​ന്നേ​ര​ത്തോ അല്ലെങ്കിൽ കിടക്കാൻ പോകു​ന്ന​തി​നു​മു​മ്പോ ബൈബിൾ വായി​ക്കാ​റുണ്ട്‌. നിങ്ങൾക്ക്‌ പറ്റിയ സമയം ഏതായി​രി​ക്കും?

ആഴത്തിൽ പഠിക്കാൻ

4. ബൈബിൾ ആസ്വദിച്ച്‌ വായി​ക്കാൻ പഠിക്കാം

പതിവാ​യി ബൈബിൾ വായി​ക്കു​ന്നത്‌ ആദ്യ​മൊ​ക്കെ അത്ര എളുപ്പ​മാ​യി​രി​ക്കില്ല. എന്നാൽ നമുക്ക്‌ അതിനുള്ള ആഗ്രഹം വളർത്തി​യെ​ടു​ക്കാൻ കഴിയും. ഇതുവരെ കഴിച്ചി​ട്ടി​ല്ലാത്ത ഏതെങ്കി​ലും ഭക്ഷണം കഴിക്കു​മ്പോൾ നമുക്ക്‌ ആദ്യം അത്ര ഇഷ്ടപ്പെ​ട്ടെന്നു വരില്ല. എന്നാൽ പല പ്രാവ​ശ്യം കഴിച്ചു​നോ​ക്കു​മ്പോൾ അത്‌ ഇഷ്ടപ്പെട്ട്‌ തുടങ്ങും. ഇതു​പോ​ലെ​യാണ്‌ ബൈബിൾ വായി​ക്കുന്ന കാര്യ​വും. 1 പത്രോസ്‌ 2:2 വായി​ക്കുക. എന്നിട്ട്‌ ഈ ചോദ്യം ചർച്ച ചെയ്യുക:

• ദിവസ​വും ബൈബിൾ വായി​ച്ചാൽ കൂടുതൽ വായി​ക്കാൻ ആഗ്രഹം തോന്നു​മോ?

വീഡി​യോ കാണുക. ബൈബിൾവാ​യന ഇഷ്ടപ്പെ​ടുന്ന ചിലരെ പരിച​യ​പ്പെ​ടാം. അതിനു ശേഷം താഴെ കൊടു​ത്തി​രി​ക്കുന്ന ചോദ്യ​ങ്ങൾ ചർച്ച ചെയ്യുക.

വീഡി​യോ: ദൈവ​വ​ച​നത്തെ സ്‌നേ​ഹി​ക്കാൻ പഠിച്ച ചെറു​പ്പ​ക്കാർ (5:33)

• വീഡി​യോ​യിൽ കണ്ട ചെറു​പ്പ​ക്കാർ എന്തൊക്കെ തടസ്സങ്ങ​ളാണ്‌ മറിക​ട​ന്നത്‌?

• എന്തു​കൊ​ണ്ടാണ്‌ അവർക്ക്‌ എന്നും മുടങ്ങാ​തെ ബൈബിൾ വായി​ക്കാൻ കഴിയു​ന്നത്‌?

• അവർ എങ്ങനെ ബൈബിൾവാ​യന രസകര​മാ​ക്കി?

നിങ്ങൾക്ക്‌ പരീക്ഷി​ക്കാ​വു​ന്നത്‌

• വായി​ക്കാൻ എളുപ്പ​മു​ള്ള​തും കൃത്യ​ത​യു​ള്ള​തും ആയ ഒരു ബൈബിൾ ഭാഷാ​ന്തരം തിര​ഞ്ഞെ​ടു​ക്കുക. ഉദാഹ​ര​ണ​ത്തിന്‌, വിശുദ്ധ തിരു​വെ​ഴു​ത്തു​കൾ—പുതിയ ലോക ഭാഷാ​ന്തരം ഉപയോ​ഗിച്ച്‌ നോക്കാം.

• നിങ്ങൾക്ക്‌ ഇഷ്ടമുള്ള ഭാഗം ആദ്യം വായി​ച്ചു​തു​ട​ങ്ങുക. എങ്ങനെ ചെയ്യാ​മെന്ന്‌ അറിയാൻ “ബൈബിൾ ദിവസ​വും വായി​ക്കാം” എന്ന ചാർട്ട്‌ കാണുക.

• വായി​ച്ചു​ക​ഴിഞ്ഞ ഭാഗം രേഖ​പ്പെ​ടു​ത്തുക. ഈ പ്രസി​ദ്ധീ​ക​ര​ണ​ത്തി​ലുള്ള “എന്റെ ബൈബിൾവാ​യനാ പട്ടിക” എന്ന ഭാഗത്ത്‌ അത്‌ അടയാ​ള​പ്പെ​ടു​ത്താം.

• JW ലൈ​ബ്രറി ആപ്ലി​ക്കേഷൻ ഉപയോ​ഗി​ക്കുക. സ്‌മാർട്ട്‌ഫോ​ണോ മറ്റ്‌ ഉപകര​ണ​ങ്ങ​ളോ ഉണ്ടെങ്കിൽ ഈ ആപ്ലി​ക്കേഷൻ ഉപയോ​ഗിച്ച്‌ എവി​ടെ​വെ​ച്ചും ബൈബിൾ വായി​ക്കാ​നും അതിന്റെ ഓഡി​യോ കേൾക്കാ​നും കഴിയും.

• പുതിയ ലോക ഭാഷാ​ന്തരം ബൈബി​ളി​ന്റെ അനുബന്ധം ഉപയോ​ഗി​ക്കുക. അവിടെ കൊടു​ത്തി​രി​ക്കുന്ന ഭൂപടങ്ങൾ, ചാർട്ടു​കൾ, പദാവലി എന്നിവ ബൈബിൾവാ​യന രസകര​മാ​ക്കാൻ സഹായി​ക്കും.

5. ബൈബിൾപ​ഠ​ന​ത്തി​നാ​യി നന്നായി തയ്യാറാ​കു​ക

സങ്കീർത്തനം 119:34 വായി​ക്കുക, എന്നിട്ട്‌ ഈ ചോദ്യം ചർച്ച ചെയ്യുക:

• ബൈബിൾ വായി​ക്കു​ന്ന​തി​നു മുമ്പും ബൈബിൾപ​ഠ​ന​ത്തി​നു തയ്യാ​റെ​ടു​ക്കു​ന്ന​തി​നു മുമ്പും പ്രാർഥി​ക്കേ​ണ്ടത്‌ എന്തു​കൊണ്ട്‌?

ശരിക്കും പ്രയോ​ജനം കിട്ടുന്ന രീതി​യിൽ ഈ പുസ്‌ത​ക​ത്തി​ലെ ഓരോ പാഠവും എങ്ങനെ പഠിക്കാം? താഴെ പറയുന്ന രീതി പരീക്ഷി​ച്ചു​നോ​ക്കാ​മോ:

1. ഓരോ പാഠത്തി​ന്റെ​യും ആദ്യത്തെ ഖണ്ഡികകൾ വായി​ക്കുക.

2. പാഠഭാ​ഗത്ത്‌ കൊടു​ത്തി​രി​ക്കുന്ന ബൈബിൾവാ​ക്യ​ങ്ങൾ എടുത്തു​വാ​യി​ക്കുക. ആ വാക്യ​ങ്ങൾക്ക്‌ പാഠഭാ​ഗ​വു​മാ​യുള്ള ബന്ധം എന്താ​ണെന്നു ചിന്തി​ക്കുക.

3. ഓരോ ചോദ്യ​ത്തി​നും ഉത്തരമാ​യി വരുന്ന പ്രധാ​ന​പ്പെട്ട വാക്കു​ക​ളോ പദപ്ര​യോ​ഗ​ങ്ങ​ളോ പുസ്‌ത​ക​ത്തിൽ അടയാ​ള​പ്പെ​ടു​ത്തുക. അങ്ങനെ​യാ​കു​മ്പോൾ പഠിപ്പി​ക്കുന്ന വ്യക്തി​യോ​ടൊ​പ്പം നന്നായി ചർച്ചയിൽ ഉൾപ്പെ​ടാൻ നിങ്ങൾക്കാ​കും.

നിങ്ങൾക്ക്‌ അറിയാ​മോ?

യഹോവയുടെ സാക്ഷികൾ പല ബൈബിൾ പരിഭാ​ഷ​ക​ളും ഉപയോ​ഗി​ച്ചി​ട്ടു​ണ്ടെ​ങ്കി​ലും വിശുദ്ധ തിരു​വെ​ഴു​ത്തു​കൾ—പുതിയ ലോക ഭാഷാ​ന്തരം ബൈബിൾ ഉപയോ​ഗി​ക്കാ​നാണ്‌ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ന്നത്‌. കാരണം, അതു കൃത്യ​ത​യു​ള്ള​താണ്‌, വ്യക്തമാണ്‌. കൂടാതെ ദൈവ​ത്തി​ന്റെ പേരും അതിൽ ഉപയോ​ഗി​ച്ചി​ട്ടുണ്ട്‌.—വെബ്‌​സൈ​റ്റി​ലെ “യഹോ​വ​യു​ടെ സാക്ഷി​കൾക്ക്‌ അവരുടെ സ്വന്തം ബൈബി​ളു​ണ്ടോ?” എന്ന ലേഖനം കാണുക.

ചുരു​ക്ക​ത്തിൽ

ബൈബി​ളിൽനിന്ന്‌ പൂർണ​പ്ര​യോ​ജനം കിട്ടണ​മെ​ങ്കിൽ ബൈബിൾ വായി​ക്കാ​നാ​യി സമയം മാറ്റി​വെ​ക്കണം. വായി​ക്കുന്ന കാര്യങ്ങൾ മനസ്സി​ലാ​കാൻവേണ്ടി പ്രാർഥി​ക്കണം. കൂടാതെ, ഓരോ പാഠഭാ​ഗ​വും നേരത്തേ പഠിച്ച്‌ തയ്യാറാ​കു​ക​യും വേണം.

ഓർക്കുന്നുണ്ടോ?

• ബൈബിൾവാ​യ​ന​യിൽനിന്ന്‌ പൂർണ​പ്ര​യോ​ജനം കിട്ടാൻ എന്തു ചെയ്യണം?

• ബൈബിൾ വായി​ക്കാ​നും പഠിക്കാ​നും ആയി നിങ്ങൾക്ക്‌ എപ്പോൾ സമയം മാറ്റി​വെ​ക്കാ​നാ​കും?

• ബൈബിൾപ​ഠ​ന​ത്തി​നുള്ള ഭാഗങ്ങൾ നേരത്തെ തയ്യാറാ​കേ​ണ്ടത്‌ എന്തു​കൊ​ണ്ടാണ്‌?

കൂടുതൽ മനസ്സി​ലാ​ക്കാൻ

ബൈബിൾവായനയിൽനിന്ന്‌ പൂർണ​പ്ര​യോ​ജനം നേടാൻ സഹായി​ക്കുന്ന ചില കാര്യങ്ങൾ നോക്കാം.

“ബൈബിൾവാ​യ​ന​യിൽനിന്ന്‌ പരമാ​വധി പ്രയോ​ജനം നേടുക!” (വീക്ഷാ​ഗോ​പു​രം 2017 നമ്പർ 1)

ബൈബിൾ വായി​ക്കാ​നുള്ള മൂന്നു വഴികൾ കാണാം.

“ബൈബി​ളിൽനിന്ന്‌ എനിക്ക്‌ എങ്ങനെ പ്രയോ​ജനം കിട്ടും?—ഭാഗം 1: ബൈബിൾത്താ​ളു​ക​ളി​ലൂ​ടെ” (വെബ്‌​സൈ​റ്റി​ലെ ലേഖനം)

ബൈബിൾവായന എങ്ങനെ രസകര​മാ​ക്കാ​മെന്ന്‌ കണ്ടുപി​ടി​ക്കുക.

“ബൈബി​ളിന്‌ എങ്ങനെ എന്നെ സഹായി​ക്കാ​നാ​കും?—ഭാഗം 2: ബൈബിൾവാ​യന രസകര​മാ​ക്കുക” (വെബ്‌​സൈ​റ്റി​ലെ ലേഖനം)

വർഷങ്ങളായി ബൈബിൾ വായി​ക്കുന്ന ആളുക​ളിൽനിന്ന്‌ ചില എളുപ്പ​വ​ഴി​കൾ ചോദിച്ച്‌ മനസ്സി​ലാ​ക്കാം.

വ്യക്തിപരമായ പഠനം (2:06)