Еховадаа үнэнч байя

Еховаг шүтэхэд маань хэн ч, юу ч саад болох учиргүй. Та бас Еховатай тогтоосон харьцаагаа юунаас ч илүү эрхэмлэдэг биз дээ? Таныг үнэнч байхад Ехова маш их баярладаг (Шастирын дээд 28:9-ийг уншина уу). Еховад үнэнч эсэх маань ямар ямар үед соригддог вэ? Яавал бууж өгөхгүй байх вэ?

1. Биднийг Еховагаас холдуулахын тулд хүмүүс юу хийдэг вэ?

Зарим хүн Еховаг шүтэхийг маань болиулахыг оролддог. Еховагаас урвасан зарим хүн Еховагийн байгууллагыг гүтгэдэг. Тэднийг тэрслэгчид гэдэг. Түүнээс гадна шашны удирдагчид Еховагийн Гэрчүүдийн талаар худал ташаа мэдээлэл тараадаг. Тэдний хэн хэн нь гэнэн, болгоомжгүй хүмүүсийг Еховагаас холдуулах зорилготой. Тийм учраас тэдэнтэй холбогдох нь аюултай. Тэдний бичсэн ном, нийтлэлийг уншиж, веб сайтад нь зочилж, видеог нь үзэж, тэдэнтэй ярьж болохгүй. Есүс тэдний тухай «Тэд тэгж л байг. Тэд бол сохор газарчид. Сохор хүн сохор хүндээ газарчилбал хоёулаа нүхэнд унана» гэж хэлсэн байдаг (Матай 15:14).

2. Шийдвэр гаргахдаа Еховад үнэнчээ яаж батлах вэ?

Бид Еховаг хайрладаг учраас хуурамч шашинтай ямар ч байдлаар холбогддоггүй. Жишээлбэл хуурамч шашинтай холбоотой ажил хийдэггүй, байгууллагад харьяалагддаггүй. Бас хуурамч шашинтай холбоотой байж болзошгүй ямар ч үйл хэрэгт оролцдоггүй. Ехова бидэнд «Миний ард түмэн, ... [Агуу Вавилоноос] гарцгаа» гэж сэрэмжлүүлдэг (Илчлэл 18:2, 4).

УХАЖ ОЙЛГОЁ

3. Худал мэдээ тараагчдаас болгоомжлоорой

Еховагийн байгууллагын талаар таагүй юм дуулдвал яах нь зүйтэй вэ? Сургаалт үгс 14:15-ыг уншина уу. Дараах асуултад үндэслэн ярилцаарай.

• Юм бүхэнд яагаад итгэж болохгүй вэ?

2 Ёохан 9–11-ийг уншина уу. Дараах асуултад үндэслэн ярилцаарай.

• Тэрслэгчдэд яаж хандах хэрэгтэй вэ?

• Тэрслэгчидтэй шууд харьцахгүй байлаа ч яавал тэдний үзэл санаанд автаж магадгүй вэ?

• Еховаг болон байгууллагыг нь гүтгэсэн яриаг сонирхвол Еховад ямар санагдах бол?

4. Итгэл нэгтнээ нүгэл үйлдэхэд Бурханд үнэнч байгаарай

Итгэл нэгтнээ ноцтой нүгэл үйлдсэнийг мэдсэн хүн яах үүрэгтэй вэ? Эртний израйлчуудад өгсөн Бурхны Хуульд байдаг нэг зарчмыг бодож үзье. Левит 5:1-ийг уншина уу.

Итгэл нэгтнээ нүгэл үйлдсэнийг мэдвэл энэ зарчмын дагуу ахлагчдад хэлэх хэрэгтэй. Гэхдээ эхлээд тэр хүнтэйгээ ярилцаж, ахлагчдад үнэнээ хэлэхийг зөвлөх нь зүйтэй. Хэрэв тэр хүн ахлагчдад хэлэхгүй бол Еховад үнэнч хүн өөрөө очиж хэлдэг. Ингэвэл яагаад . . .

• Еховад хайртайгаа батлах вэ?

• нүгэл үйлдсэн итгэл нэгтэндээ хайртайгаа батлах вэ?

• хурлынхандаа хайртайгаа батлах вэ?

5. Агуу Вавилоноос тусгаар бай

ВИДЕО: «Агуу Вавилоноос гарцгаа!» (5:06)

Лук 4:8; Илчлэл 18:4, 5-ыг уншина уу. Дараах асуултад хариулаарай.

• Миний нэр сүм юм уу хийдэд бүртгэлтэй хэвээрээ юм биш биз?

• Цаагуураа шашинтай холбоотой байгууллагад би бүртгэлтэй юү?

• Миний хийдэг ажил хуурамч шашинтай ямар нэг байдлаар холбоотой юу?

• Би амьдралынхаа бүх хүрээнд хуурамч шашнаас ангид байдаг уу?

• Эдгээр асуултын аль нэгэнд «тийм» гэж хариулсан бол яах хэрэгтэй вэ?

Ямар ч тохиолдолд, сэтгэлийг тань өвтгөхөөргүй шийдвэр гаргаарай. Еховад үнэнчээ батлаарай.

ДҮГНЭЛТ

Еховад үнэнч байя гэвэл биднийг мэхэлж төөрөгдүүлэхийг оролддог хүмүүстэй харьцахгүй байх хэрэгтэй.

Давтах асуулт

• Тэрслэгчдийн үзэл санааг яагаад сонирхож болохгүй вэ?

• Итгэл нэгтнээ ноцтой нүгэл үйлдсэнийг мэдвэл яах вэ?

• Хуурамч шашнаас гарна гэж яахыг хэлдэг вэ?

МЭДЛЭГЭЭ ТЭЛЬЕ

Еховагийн Гэрчүүдийн талаар худал ташаа мэдээлэл тарвал яах хэрэгтэйг уншаарай.

«Танд баримт нотолгоо бий юү?» («Харуулын цамхаг», 2018 оны 8-р сар)

Тухайн байгууллага юм уу ажлыг Агуу Вавилонтой холбоотой эсэхийг яаж мэдэх вэ?

«“Эцсийн өдрүүдийн” төгсгөлд завгүй байгаарай» («Харуулын цамхаг», 2019 оны 10-р сар, д/м 16–18)

Тэрслэгчид итгэлийг маань үгүй хийхийн тулд юу хийдэг вэ?

«Хууртахаас болгоомжил» (9:32)