८ आहाजने मग यहोवाच्या मंदिरात आणि राजमहालाच्या भांडारांत असलेलं सोनं-चांदी घेतलं, आणि ते अश्‍शूरच्या राजाला भेट म्हणून पाठवलं.+ ९ तेव्हा अश्‍शूरच्या राजाने त्याची विनंती मान्य केली. त्याने दिमिष्कला जाऊन ते शहर काबीज केलं व रसीन राजाला ठार मारलं;+ आणि तिथल्या लोकांना बंदी बनवून कीर+ या ठिकाणी नेलं.

६ होशे राजाच्या शासनकाळाच्या नवव्या वर्षी, अश्‍शूरच्या राजाने शोमरोन शहर काबीज केलं.+ मग त्याने इस्राएलच्या लोकांना बंदी बनवून अश्‍शूरला नेलं.+ त्याने त्यांना मेदच्या शहरांमध्ये,+ तसंच हलह शहरात व गोजान+ नदीजवळ असलेल्या हाबोर शहरात वसवलं.

२४ मग अश्‍शूरच्या राजाने बाबेल, कूथा, अव्वा, हमाथ आणि सफरवाईम+ इथे राहणाऱ्‍या लोकांना आणलं; आणि त्यांना इस्राएली लोकांच्या जागी शोमरोनच्या शहरांत वसवलं. त्या लोकांनी शोमरोनचा ताबा घेतला आणि ते तिथल्या शहरांमध्ये राहू लागले.