२६ कारण यरुशलेममध्ये असलेल्या पवित्र जनांतल्या गरिबांना मदत करण्यासाठी, मासेदोनिया आणि अखया इथल्या बांधवांनी स्वेच्छेने दान दिलं आहे.+ २७ हे नक्कीच त्यांनी आनंदाने केलं; खरंतर, ते त्यांचे ऋणी* होते. कारण जर विदेशी राष्ट्रांना या पवित्र जनांसोबत आशीर्वाद मिळाले, तर त्यांच्या रोजच्या गरजा पूर्ण करण्यासाठी त्यांना मदत करणं हे त्यांचं कर्तव्यच आहे.+

६ तसंच, ज्याला देवाच्या वचनाचं शिक्षण दिलं* जात आहे, त्याने हे शिक्षण* देणाऱ्‍याला सगळ्या चांगल्या गोष्टींत आपल्यासोबत सहभागी करून घ्यावं.+

१५ खरंतर, तुम्हा फिलिप्पैकरांना हेही माहीत आहे, की तुम्ही पहिल्यांदा आनंदाचा संदेश ऐकल्यावर, मी मासेदोनियाहून निघालो, त्या वेळी तुमच्याशिवाय दुसऱ्‍या कोणत्याच मंडळीने माझ्यासोबत देवाणघेवाण केली नाही.+ १६ कारण मी थेस्सलनीकामध्ये असताना माझी गरज भागवण्यासाठी तुम्ही फक्‍त एकदा नाही, तर दोनदा मला काहीतरी पाठवलं होतं. १७ तुमच्याकडून एखादी भेट मिळण्याची मला अपेक्षा आहे असं नाही, तर तुमच्या चांगल्या कामांमुळे तुम्हालाच जास्त फायदा व्हावा असं मला वाटतं.