यशया

“पाहा! दिमिष्क शहराचा नाश होईल,

आणि ते दगड-मातीचा ढिगारा बनेल.+

 २ अरोएरची शहरं+ ओसाड पडतील;

शेरडंमेंढरं तिथे राहतील,

त्यांना हाकलून लावणारा कोणीही नसेल.

 ३ एफ्राईममधून तटबंदीची शहरं नाहीशी होतील,+

दिमिष्कच्या राज्याचाही नाश होईल;+

इस्राएली लोकांचं वैभव जसं नाहीसं झालं, तसंच सीरियामध्ये उरलेल्या लोकांचं वैभव नाहीसं होईल,” असं सैन्यांचा देव यहोवा म्हणतो.

 ४ “त्या दिवशी याकोबचं वैभव कमी होईल,

आणि त्याचं धडधाकट शरीर अशक्‍त होईल.

 ५ रेफाईमच्या खोऱ्‍यातल्या+ शेतांत कापणीनंतर वेचण्यासाठी जसं थोडंसंच धान्य उरतं,

तशी त्याची अवस्था होईल.

 ६ जैतुनाचं झाड हालवल्यानंतर,

जशी काही फळं शिल्लक राहतात तशी त्याची अवस्था होईल;

सगळ्यात वरच्या फांदीला जशी दोन-तीन फळं उरतात,

आणि फळांनी भरलेल्या फांदीवर फक्‍त चार-पाच फळं उरतात,+

तशी त्याची अवस्था होईल,” असं इस्राएलचा देव यहोवा म्हणतो.

 ९ त्या दिवशी त्याची मजबूत शहरं जंगलातल्या ओसाड ठिकाणांसारखी,+

इस्राएली लोकांसमोर टाकून दिलेल्या फांदीसारखी होतील.

१० तू* आपलं तारण करणाऱ्‍या देवाला विसरली आहेस;+

तुझ्या खडकाची, तुझ्या मजबूत किल्ल्याची तू आठवण केली नाहीस.+

तू सुंदर-सुंदर बागा लावत असलीस,

तरी त्यांत परक्यांच्या* फांद्या लावतेस.

११ दिवसा तू तुझ्या बागांना काळजीपूर्वक कुंपण जरी घातलंस,

आणि सकाळपर्यंत बियांना अंकुर जरी फुटले,

तरी रोगराईच्या दिवशी आणि भयंकर वेदनेच्या दिवशी सगळ्या पिकाचा नाश होईल.+

राष्ट्रं गर्जना करत आहेत,

त्यांचा आवाज उसळणाऱ्‍या मोठ्या लाटांसारखा आहे!

तो त्यांना दटावेल, आणि ती दूर पळून जातील;

डोंगरांवरचा भुसा जसा वाऱ्‍याने उडून जातो,

वावटळीत काटेरी झुडूप जसं उडून जातं,

तशी ती राष्ट्रं दूर पळून जातील.

आम्हाला लुबाडणाऱ्‍यांच्या वाट्याला हेच येईल,

आम्हाला लुटणाऱ्‍यांची हीच अवस्था होईल.