१४६ याहची स्तुती करा!+
मी अगदी अंतःकरणापासून यहोवाची स्तुती करीन.+
२ मी आयुष्यभर यहोवाची स्तुती करीन.
जिवात जीव असेपर्यंत, मी माझ्या देवाचं गुणगान करीन.
३ शासकांवर भरवसा ठेवू नका.
माणसावर भरवसा ठेवू नका, कारण तो तारण करू शकत नाही.+
४ त्याचा श्वास निघून जातो, तो मातीला मिळतो;+
त्याच दिवशी त्याच्या विचारांचा शेवट होतो.+
५ याकोबचा देव ज्याला साहाय्य करतो;+
जो आपला देव यहोवा याची आशा धरतो, तो सुखी आहे!+
६ ज्याने आकाश आणि पृथ्वी,
समुद्र आणि त्यातलं सर्वकाही निर्माण केलं,+
तो नेहमी विश्वासू राहतो.+
७ तो लुबाडण्यात आलेल्यांना न्याय मिळवून देतो,
तो भुकेल्यांना अन्न देतो.+
यहोवा कैद्यांची सुटका करतो.+
८ यहोवा आंधळयांचे डोळे उघडतो;+
यहोवा वाकलेल्यांना उभं करतो;+
यहोवा नीतिमानांवर प्रेम करतो.
९ यहोवा विदेशी रहिवाशांचं रक्षण करतो;
तो अनाथांना आणि विधवांना सांभाळतो,+
पण दुष्टांचे कट तो हाणून पाडतो.+
१० यहोवा सर्वकाळ राज्य करेल.+
हे सीयोन, तुझा देव पिढ्या न् पिढ्या राज्य करेल.
याहची स्तुती करा!