स्तोत्र
दावीदचं गीत. संचालकासाठी सूचना. “भुईकमळं” याच्या चालीवर गायलं जावं.
६९ हे देवा, मला वाचव कारण पाणी माझ्या गळ्यापर्यंत आलंय.+
२ मी चिखलात खोल बुडालोय, मला उभं राहायला आधार नाही.+
मी खोल पाण्यात आलोय,
पाण्याच्या जोरदार प्रवाहाने मला वाहून नेलंय.+
३ मी आक्रोश करून दमलोय;+
माझा घसा कोरडा पडलाय.
माझ्या देवाची वाट पाहून माझे डोळे थकले आहेत.+
माझा नाश करू पाहणारे,
माझे विश्वासघातकी शत्रू,* पुष्कळ झाले आहेत.
मी जे चोरलं नाही, तेही त्यांनी मला बळजबरीने परत द्यायला लावलं.
५ हे देवा, माझा मूर्खपणा तू जाणतोस,
आणि माझा दोष तुझ्यापासून लपलेला नाही.
६ हे सर्वोच्च प्रभू, सैन्यांच्या यहोवा,
तुझ्यावर आशा ठेवणाऱ्यांना माझ्यामुळे लज्जित होऊ देऊ नकोस.
हे इस्राएलच्या देवा,
तुझा शोध घेणाऱ्यांना माझ्यामुळे अपमानित होऊ देऊ नकोस.
८ माझे भाऊ मला परक्यासारखे वागवतात,
माझ्या सख्ख्या भावांसाठी मी विदेश्यासारखा झालोय.+
९ तुझ्या मंदिरासाठी असलेल्या आवेशाने मला झपाटून टाकलंय,+
तुझी निंदा करणाऱ्यांनी केलेली निंदा माझ्यावर आली आहे.+
११ मी जेव्हा गोणपाट घातलं,
तेव्हा ते माझी थट्टा करू लागले.
१२ शहराच्या फाटकांमध्ये बसलेल्या लोकांसाठी मी चर्चेचा विषय बनलोय.
दारुडे लोक माझ्यावर गाणी रचतात.
१३ पण हे यहोवा, तुला मान्य असलेल्या वेळी,
माझ्या प्रार्थनेकडे लक्ष दे.+
हे देवा, तुझ्या अपार एकनिष्ठ प्रेमामुळे,
तुझ्या भरवशालायक तारणाच्या कार्यांनी मला उत्तर दे.+
१४ मला दलदलीतून बाहेर काढ;
मला बुडू देऊ नकोस.
माझा द्वेष करणाऱ्यांपासून
आणि खोल पाण्यातून माझी सुटका कर.+
१५ मला पुराच्या लोंढ्यांसोबत वाहून जाऊ देऊ नकोस;+
खोल पाण्यात मला बुडू देऊ नकोस,
१६ हे यहोवा, मला उत्तर दे कारण तुझं एकनिष्ठ प्रेम चांगलं आहे.+
तुझ्या अपार दयेमुळे माझ्याकडे लक्ष दे.+
१७ तुझ्या या सेवकापासून आपलं तोंड फिरवू नकोस.+
मला लवकर उत्तर दे, कारण मी संकटात सापडलोय.+
१८ माझ्याजवळ येऊन माझी सुटका कर;
माझ्या शत्रूंपासून मला सोडव.
१९ माझी होणारी निंदा, अपमान आणि अनादर तुला माहीत आहे.+
तू माझ्या सर्व शत्रूंना पाहतोस.
२० निंदेमुळे माझं हृदय भंग झालं आहे आणि ती जखम बरी होत नाही.*
मला सहानुभूतीची अपेक्षा होती, पण माझी निराशा झाली,+
मला वाटलं कोणी माझं सांत्वन करेल, पण कोणीच आलं नाही.+
२२ त्यांचं मेज त्यांच्यासाठी सापळा होईल
आणि त्यांची समृद्धी त्यांच्यासाठी पाश ठरेल.+
२३ त्यांच्या डोळ्यांवर अंधारी येऊन त्यांना आंधळं होऊ दे,
त्यांचे पाय सतत थरथर कापू दे.
२४ तुझा क्रोध त्यांच्यावर ओत,
तुझ्या भयानक क्रोधाने त्यांचा नाश कर.+
२५ त्यांची छावणी ओसाड पडो;
त्यांच्या तंबूंमध्ये एकही माणूस न उरो.+
२६ कारण ज्याला तू मारलंस, त्याचा ते पाठलाग करतात,
आणि ज्याला तू जखमी केलंस, त्याचं दुःख ते उगाळत राहतात.
२७ त्यांच्या दोषांत तू आणखी दोषांची भर घाल,
तुझ्या दृष्टीने ते नीतिमान न ठरोत.
२८ जीवनाच्या पुस्तकातून त्यांची नावं पुसून टाकली जावीत;+
नीतिमानांच्या सोबत त्यांची नावं लिहिली जाऊ नयेत.+
२९ पण मी दुःखात आणि त्रासात आहे.+
हे देवा, मला वाचव आणि माझं रक्षण कर.
३० मी देवाच्या नावाचं गुणगान करीन,
मी त्याची उपकारस्तुती करून त्याचा महिमा गाईन.
३१ कारण बैलाच्या बलिदानापेक्षा, यामुळे यहोवाला जास्त आनंद होईल,
शिंगं आणि खुरं असलेल्या गोऱ्ह्याच्या* बलिदानापेक्षा, यामुळे त्याला जास्त आनंद होईल.+
३२ नम्र लोक हे पाहतील आणि त्यांना आनंद होईल.
देवाचा शोध घेणाऱ्यांनो, तुमच्या मनाला बळ मिळो.
३४ आकाश आणि पृथ्वी;
समुद्र आणि त्यांतले सर्व जीव त्याची स्तुती करोत!+
३५ कारण देव सीयोनला वाचवेल,+
तो यहूदाची शहरं पुन्हा बांधेल
आणि त्याचे लोक या देशाचा ताबा घेऊन इथे राहतील.