स्तोत्र
जुलूम सहन करणाऱ्या एका दुःखी* माणसाची प्रार्थना. तो यहोवासमोर आपल्या चिंता व्यक्त करतो.+
२ माझ्या संकटाच्या काळात माझ्यापासून तोंड फिरवू नकोस.+
माझ्या प्रार्थनेकडे लक्ष दे.*
मी तुला हाक मारतो, मला लवकर उत्तर दे.+
३ कारण माझं आयुष्य धुरासारखं नाहीसं होत आहे,
माझी हाडं भट्टीतल्या लाकडांसारखी जळून गेली आहेत.+
४ माझं हृदय गवतासारखं कोमेजून, वाळून गेलंय.+
कारण मला अन्न खायचीही आठवण राहत नाही.
६ मी ओसाड रानातल्या पाणकोळ्यासारखा;
पडीक घरांमध्ये राहणाऱ्या घुबडासारखा झालोय.
८ माझे शत्रू दिवसभर मला टोमणे मारतात.+
माझी थट्टा करणारे* माझ्या नावाने शाप देतात.
९ मी भाकर म्हणून राख खातो.+
मी जे काही पितो, त्यात माझे अश्रू मिसळलेले असतात.+
१० कारण तुझ्या रागामुळे आणि तुझ्या संतापामुळे
तू मला वर उचलून फेकून दिलं आहेस.
१२ पण हे यहोवा, तू तर सर्वकाळासाठी आहेस.+
तुझी ख्याती* पिढ्या न् पिढ्या कायम राहील.+
१५ सगळी राष्ट्रं यहोवाच्या नावाचं भय मानतील,
पृथ्वीचे सर्व राजे तुझं तेज पाहून तुझं भय मानतील.+
१९ कारण तो उंचावर असलेल्या त्याच्या पवित्र ठिकाणातून खाली पाहतो,+
यहोवा स्वर्गातून खाली पृथ्वीकडे पाहतो
२० आणि बंदिवानांचं कण्हणं ऐकतो.+
ज्यांना मृत्युदंड सुनावण्यात आलाय, त्यांना तो मुक्त करतो.+
२१ यामुळे सीयोनमध्ये यहोवाचं नाव घोषित केलं जाईल.+
यरुशलेममध्ये त्याची स्तुती केली जाईल,
२२ कारण राष्ट्रा-राष्ट्रांतले आणि राज्या-राज्यांतले लोक
यहोवाची सेवा करण्यासाठी एकत्र जमतील.+
२३ त्याने अकाली माझी शक्ती हिरावून घेतली;
त्याने माझं आयुष्य कमी केलं.
२४ मी म्हणालो: “हे माझ्या देवा,
माझं आयुष्य संपण्याआधीच माझा नाश करू नकोस.
तू पिढ्या न् पिढ्या अस्तित्वात आहेस.+
२६ ते नाहीसे होतील, पण तू सदासर्वकाळ राहशील;
एखाद्या वस्त्राप्रमाणे ते जुने होतील.
कपड्यांप्रमाणे तू त्यांना बदलून टाकशील आणि ते नाहीसे होतील.
२७ पण तू बदलत नाहीस आणि तुझं आयुष्य कधीही संपणार नाही.+
२८ तुझ्या सेवकांची मुलं सुरक्षित राहतील,
त्यांचे वंशज तुझ्यासमोर टिकून राहतील.”+