स्तोत्र
दावीदचं स्तुतिगीत.
१४१ हे यहोवा, मी तुला हाक मारतो.+
लवकर येऊन मला मदत कर.+
मी तुला हाक मारीन, तेव्हा माझ्याकडे लक्ष दे.+
२ माझी प्रार्थना तुझ्यासमोर चांगल्या प्रकारे तयार केलेल्या+ धूपाप्रमाणे असो.+
माझे उंचावलेले हात, संध्याकाळच्या अन्‍नार्पणासारखे असोत.+
४ माझं मन कोणत्याही वाईट गोष्टीकडे वळू देऊ नकोस;+
म्हणजे मी दुष्ट लोकांच्या नीच कामांत सामील होणार नाही.
मी कधीही त्यांची पक्वान्‍नं खाणार नाही.
५ नीतिमान माणसाने मला मारलं, तरी तो त्याच्या एकनिष्ठ प्रेमाचाच पुरावा असेल;+
त्याने माझं ताडन केलं, तरी ते माझ्या डोक्यावर तेल ओतण्यासारखं असेल,+
आणि मी ते कधीच नाकारणार नाही.+
त्यांच्या संकटांतही मी त्यांच्यासाठी प्रार्थना करत राहीन.
६ त्यांच्या न्यायाधीशांना कड्यावरून लोटून देण्यात आलं,
तरी मी सांगितलेल्या गोष्टींकडे लोक लक्ष देतील, कारण त्या चांगल्या आहेत.
७ एखादा जसा शेत नांगरून ढेकळं फोडतो आणि माती भुसभुशीत करतो,
तशी आमची हाडं कबरेच्या* तोंडाजवळ विखरण्यात आली आहेत.
८ पण हे सर्वोच्च प्रभू यहोवा, माझे डोळे तुझ्याकडे लागलेले आहेत.+
मी तुझा आश्रय घेतलाय.
माझ्या जिवाचा नाश होऊ देऊ नकोस.
९ त्यांनी माझ्यासाठी ठेवलेल्या पाशांपासून माझं रक्षण कर;
दुष्टांच्या सापळ्यांपासून मला वाचव.
१० सगळे दुष्ट लोक, आपल्याच जाळ्यांत सापडतील,+
पण, मी मात्र सुखरूपपणे आपल्या मार्गाने जाईन.